( شباب × بنات ) غرام ..!!

[القلم الجرئ]

السلام عليكم

مرحبا أحلى بنات وشباب غرام ...

أولاً الفكرة ( ملطوشة ) .. فإذا كانت مكررة فستعرف طريقها

إلى أرشيف المواضيع المكررة ..!!

وإذا كانت غير ذلك ( وهذا ماتمناه ) أرجو أن تحوز على أعجابكم

لنرى تفاعلكم وروعة مداد أقلامكم ..


لأنني أكره الحوارات التقليدية .. أو بالأحرى جميعنا سئمنا من كثرتها

لذلك أعجبتني هذه الفكرة ( الملطوشة ) وهي عبارة عن :


( حوار بين عضو وعضوة ) ..




سأقوم أنا بأختيار ( عضوة ) وسأطرح سؤال واحد عليها

[ سؤال عبارة عن ظاهرة .. سلبية .. أي شئ يجول في خاطرك

طبعاً بعيداً عن الأسئلة الشخصية .. ] !!

وتقوم العضوة بالرد على السؤال ... وبعدها تختار ( عضو )

وتطرح عليه سؤال وهكذا .......

ارجو منكم ان يكون سؤال واحد فقط ... واهم شي يخص الحوار ..


أنا سأبدأ سؤالي :

أممممممممممم .. مثلاً :

س مارأيك في زواج الأقارب وتأثيره على الزوجين
إذا كان هناك تأثير؟

سؤال موجه للعضوه ( دمعـة قـلم ) ..





اتمنى ان تحوز الفكره على رضا الجميع ..

تحياتي وتقديري ،،،

[أبعــــــــــاد]

[glow1=CCCCCC].. القلم الجرئ ..

.. يعطيكـ العافيه والله ..

.. موضوعكـ حلو ورائع ..

.. أكيد بيكون بهذا الجمال طالما أن الكاتب ..

.. ( القلم الجرئ ) ..

.. حتى لو كان ملطوش ..

.. لطشاتكـ مميزه كما هي مواضيعكـ ..

.. وأشكركـ على إختياري للإجابه على سؤالكـ المطروح ..

.. <<<<< والله ياإنها ودّها تتفلسف تفلسف خخخخخخخخخخ ..

.. الله يعينكـ بس ..

..

.. س : مارأيك في زواج الأقارب وتأثيره على الزوجين

إذا كان هناك تأثير؟ .

.. خذ عندكـ ههههههههه ..

.. راح أتكلم من البدايه ..

.. قديماً كان الزواج بين الأقارب ..

.. شئ ضروري ولاااااااااااااازم ..

.. يعني البنت لولد عمّها غصب طيب ..

.. بغض النظر عن موافقة الفتاه أو رفضها ..

.. وكانوا بنات هالحلال يرضن بالواقع ..

.. وسمعت قصص كثيره جداً ..

.. من نساء كبيرات بالسن عايشات معانا ..

.. يوم تتكلم عن حياتها تقول والله أخذته وأنا مو راضيه ..

.. بس عشان ماأحرج أهلي وأفضحهم ..

.. كنت أوافق ..

.. وهذا أنا عايشه وعندي عيال وبنات و و ..

.. بس كان نفسي أعيش حياه زي ماأبغى ..

.. ( يعني حتى لو تظاهرت بالرضا هي في داخلها ماتبي ) ..

.. وهذا ظلم للمرأه ..

.. ليش قلت المرأه هنا مظلومه ؟ !! ..

.. لأن الرجل ممكن ياخذها عشان هي بنت عمّه وألا خاله ..

.. ( هنا فيه فرصه للرجل أن يفرض هيمنته حتى لو ماكان يبغاها بسبب

.. العادات والتقاليد التي تمنحه حق التحكم ببنت عمّه !! ) ..

.. وإذا مو مرتاح معها يقدر يتزوج مره ومرتين وثلاث ..

.. يعني ممكن يعيش حياته وهي لا بحجة إنها إمرأه ..

.. وذاكـ ولد عمّها ومو من حقها تتكلم وألا حتى تفتح فمها ..

.. وكان لو يعذّبها ..

.. مو من حقها تشتكي لأنه ولد عمّها ..

.. ولازم تصبر عليه ..

.. طيب عشانه يقرب لها تموت مشاعرها ..

.. مالها أحاسيس هالآدميه ..

.. مالها قلب ..

.. وألا بسبب هالقرابه ..

.. تشرب العلقم وتسكت ..

.. وحتى لو كانت فيه وحده طلعت قويه وعبّرت عن رأيها ورفضها ..

.. كان ولد عمّها يمنع زواجها وتعيش عمرها كلّه عانس بسبب تجبّر وتعنّت ولد هالعم ..

.. يعني خياران أحلاهما مرّ !! ..

.. تصدق عاد ..

.. في مرّه من المرات كنت أتصفح موقع الشيخ إبن عثيمين رحمه الله ..

.. ووجدت تساؤل من إحدى الفتيات ..

.. تقول نحن من أهل قريه هنا في المملكه ( والله نسيت هي وين ) ..

.. وتقول مشكلتنا أن آبائنا وأخوتنا حاكمين علينا إلا ماناخذ إلا من عيال القبيله ..

.. يعني من أقاربهم ..

.. وأولاد القبيله رافضين الزواج من بنات قبيلتهم ويحق لهم الزواج من برا ..

.. بس إحنا مو من حقنا وعندنا عوانس والله وش كثرهم ..

.. وكان رد الشيخ عليها بمعنى كلامه ..

.. إنه مو من حق أي كائن على وجه الأرض ..

.. أن يمنع المرأه من حقها في الحياه بسبب ..

.. هالعادات والتقاليد المتخلفه التي لاتمت للدين بأي صله ..

.. لأن الرسول عليه الصلاة والسلام ..

.. قال بمعنى الحديث يعني ..

.. إن أتاكم من ترضون دينه ولم تزوجوه تكن فتنه في الأرض ..

.. ماقال ولد عمّها وألا ولد خالها ..

.. ياأخي المجتمع فرض أمور غريبه وقيود عجيبه ..

.. أضاعت حقوق الكثير وخصوصا المرأه ..

.. ماكأننا مجتمع حكمه دين ..

.. وصار زواج الأقارب مشكله تُناقش في كل مكان ..

.. وماكأنكـ ياأبو زيد غزيت ..

.. برضه بعض الأسر تُصر إن تكون البنت لولد عمها شاءات أم أبت ..

.. وهذا ظلم للمرأه وإجحاف لحقها وللولد كمان لأنه ممكن يكون أبوه غاصبه هو بعد على بنيّة عمه !! ..

.. والسبب وشو ( زواج الأقارب ) ..

..

.. ولاااااااا فيه مشكله ثانيه ..

.. الأب يبي يزوج البنت لولد أخوه ..

.. والأم تقول لاااااااا والله البنت لولد أخوي ..

.. وتعال شوف فضلاً عن أن فيه هضم لحق الفتاه ..

.. بتصير مشكله بين الأم والأب ..

.. وكم مره أسمع إنه بسبب العناد بينهم يحدث طلاق ..

.. والسبب وشو ( زواج الأقارب ) ..

..

.. أمر آخر ..

.. جاء الشاب وخطب بنت عمه وألا ولد خاله ..

.. وماوافقت البنت ..

.. وش بيصير ؟ !! ..

.. بيزعل العم وألا الخال وألا هذا القريب ..

.. ليش يردنا وليش هي ماوافقت وتعاااااال شوف ..

.. الزعل يوصل جبال ..

.. وتحدث قطيعه ..

.. وممكن أم الولد ماتخلي إشاعه ماتطلعها على البنت ..

.. تبي تنتقم منها ليش رفضت ولدها ..

.. وكذا كذا البنت هي الخاسر الأول والأخير ..

.. وبتحدث قطيعه بين الأسر ..

.. والسبب ( زواج الأقارب ) ..

..

.. فيه شي آخر ..

.. إعتبر الزواج تم بين الفتاه والشاب ..

.. وعاشوا حياتهم أوكي ..

.. وصارت بينهم مشكله ..

.. إذا مافيه تعقّل وحكمه بين الأُسرتين ..

.. بتصير مشاكل ..

.. بنتكم غلطانه .. لا والله ولدكم غلطان ..

.. والكل يعاند ..

.. والضحيه المرأه وأطفالها إذا كان فيه أطفال ..

.. وهذي الطامه الكبرى ..

.. بيكبر الأطفال وهناكـ قطيعه حاصله بين الأقارب ..

.. والسبب ( زواج أقارب ) ..

.. لو كانت من بعيد يمكن تهون ..

.. بس البلى أطفال يكبرون والأعمام والأخوه متقاطعين ..

.. وتصل ببعض الأهل أن يُحرّم بشكل نهائي التعرف على أهل البنت ..

.. حتى لو كانت بنت أخوه والسبب مشكله تافهه ماحلّوها ..

.. لاااااا ,, كبّروها وكل واحد يقول الغلط عندكم !! ..

.. والسبب ( إنهم أقارب ) ..

..

.. أمر آخر ..

.. بعض الأحيان يكون هذا القريب فيه عيب ..

.. ويغصبون قريبته عليه بحجة إنها ستر وغطا عليه ..

.. وهذا فيه ظلم لجميع الأطراف ..

.. لأن الزوجه ماراح تكون مرتاحه ..

.. والرجل صعب يعيش مع وحده ماتبغاه إذا كان عنده نخوه ..

.. بس بسبب هالعيب ساكت وراضي عشان عارف إنه مافي غيرها ..

.. والسبب ( زواج الأقارب ) ..

..

.. وفيه أمر تو طرا على بالي بغيت أنساه ..

.. بعض الأحيان ..

.. يكون خاطب من العائله ..

.. أخوان إثنين يعني خاطبين بنات عمهم الثنتين الأخوات ..

.. وعايشين بس ينتظرون يوم الزواج ..

.. وتحدث بين واحد من الأخوان وخطيبته مشكله ويتفركش الزواج ..

.. الضحيه مين ..

.. الخطيب الثاني وعروسته ..

.. مثل ماأخوه تركـ أختكـ إنتي تتركينه ..

.. ومثل ماهي تركت أخوكـ إنت تتركـ إختها ..

.. خلهن يطيحن بكبود أهلهن ..

.. فضلاً عن المشاكل التي راح تحدث من قطيعه و و تلاسن في الكلام ..

.. فيه ( إثنين ) إنظلموا في هذه الحكايه ..

.. وبسبب مشكلة الثنين الثانيين دفعوا هم الثمن ..

.. والسبب ( لأنهم أقارب ) ..

..

.. وفيه أمر آخر .. <<<<<< ياكثر مايطري عليك إنتي خخخخخخخخخ ..

.. ألحين ولد العم أخذ بنت عمه أوكي ..

.. وعاش معها بسعاده وجابوا أطفال ..

.. وفجأه مات وتركـ الزوجه والأطفال ..

.. غصبن عنها تاخذ أخوه عشان يهتم بعيال أخوه ..

.. حتى لو كانت أخلاقه فاسده ..

.. يعني ضاعت الزوجه والأبناء ..

.. وهذا من مساوئ زواج الأقارب ..

.. وأنا أعرف شخص من معارفنا ..

.. مات أخوه وتركـ زوجه وأطفال ..

.. وأجبروه أهله على الزواج من هذه الأرمله عشان أولاد أخوه ..

.. مع العلم إنه شاب صغير وهي أكبر منه بكثيييييير ..

.. طيب هالشاب ماله حق يعيش مثل باقي البشر ..

.. مع وحده تماثله بالسن وتسعده وتهنيّه ..

.. وألا عشان أخوه مات هو يدفع الثمن ..

.. ياأخي حتى بقضاء الله وقدره تدخلوا ..

.. وصار اللي يموت يدفع ثمن موته شخص آخر ..

.. والله حرام ..

.. ونسوا إن الله ماخلق خلق وضيّعه ..

..

.. فضلاً عن أن الطب الحديث ..

.. أثبت أن الأمراض بين الأقارب تكون موجوده ..

.. وبكثره لأنهم يتزوجون من بعض ..

.. وفيه فرصه كبيره للأمراض أن تنتشر وتزداد ..

.. ( مع إني غير مقتنعه بهذا الكلام إلا في حاله واحده ..

.. إذا كان هناكـ أصلاً مرض في العائله ) ..

.. أما حكاية إن زواج الأقارب يسبب أمراض ..

.. ماأعتقد إنه صحيح إلا مثل ماقلت إنه يكون فيه أساس لأي مرض ..

.. وزواج الأقارب جعل له بيئه خصبه لكي يتكاثر وينتشر ..

.. بحكم صلة القرابه ..

..

.. كل ماذكرته سابقا هي سلبيات لزواج الأقارب ..

.. ليس معناها إنه مافيه إيجابيات ..

.. بالعكس هناكـ الكثير من حالات زواج الأقارب التي ضربت ..

.. أروع الأمثله في الأخلاق والسعاده الزوجيه ..

..

.. لكن اللي يُلقي نظره على المجتمع بشكل عام ..

.. يجد أنه زواج الأقارب مساوئه أكثر من إيجابياته ..

.. عشان كذا طلع المثل اللي يقول ( الأقارب عقارب ) !!!!!! ..

..

.. وعلى ضوء ماسبق ..

.. ورغم ماذكرته من مساوئ ..

.. أجد أن الفتاه لو تتزوج من أقاربها يكون أحسن وكذلكـ الشاب ..

.. مثل مايقولون سمننا في دقيقنا ..

.. حتى لو حدث أمر ما من طلاق أو وفاه وخلافه ..

.. تكون بين أهلها مهما كان ..

.. مو متزوجه من بعيد ياخذون منها كل شئ حتى أولادها ..

.. ويقولون إنتي غريبه وإرجعي لأهلكـ مالكـ شي عندنا !!!!! ..

.. بس بشرط يكون قاااااااااائم على أساس الرضا بين الطرفين ..

.. مو على الإجبار ..

.. الرضا ثم الرضا ثم الرضا ..

.. والقبول ..

.. وتكون الفتاه راضيه تمام الرضا ويكون الشاب موافق عليها ..

.. ( يعني بينهم رغبه للإرتباط في بعض ) ..

.. غير كذا والله أقعد عانس ولا أتزوج مغصوبه ..

.. لالقريب ولالغيره ..

..

.. بقي شئ واحد أقوله ..

.. الزواج سواء كان بين أقراب وألا مو أقارب ..

.. أساسه التوفيق بين طرفين ..

.. يعني إذا أنهدمت الحياه بينهم ..

.. ماينفع معها لاأقارب ولاغيره ..

.. والله يوفق الجميع يارب ..

..

.. أتمنى وفقت في الإجابه ..

.. وآسفه على الإطاله ..

.. تحياتي لكـ ..

.. [/glow1]

[أبعــــــــــاد]

.. ماعليش أخ القلم الجرئ ..

.. إنت كاتب إني أسأل عضو بعدي ..

.. بس مافهمت ..

.. السؤال في نفس الموضوع ..

.. اللي انت سألتني فيه ..

.. وألا أسأل بشئ آخر ..

.. يعني الموضوع اللي نتكلم فيه واحد وعلى أساسه نسأل ..

.. وألا في كل مره نفتح محور جديد ؟ !!! ..

.. هو عموما العضو اللي بعدي

( القلم الجرئ )

مافيها كلام ..

.. بس أفهم أول كيف يكون السؤال ..

.. وأقولكـ عليه بإذن الله ..

.. تحياتي لكـ ..

[القلم الجرئ]

يااااا إنكِ تفلسفتي فلسفة .. ههههههههههههه

( ول ) .. ماخليتي شئ ماقلتيه .. <<< يمزح ترى !! .... اللهم لا حســد !!

كم أتشوق دوماً لعبق مدادك أختي ..

وكم أعجز عن وصف مدى روعته ..!



رائعة كعادتك .. يعطيك العافية عزيزتي

وعالقوة إنشاء الله ..
..............................


بالنسبة لسؤال ( العضو ) الذي بعدك

فليس شرطاً أن يُسأل في نفس الموضوع

فسلبياتنا و( غثانا ) لا نحسد عليها أبداً

فتسطيعين أن تسألي في أي ( محور ) آخر

فقط لنجعل حوارنا يشمل جميع تلك ( المحاور ) ..!!

وأن أردتي أن تسألي في نفس الموضوع .. فهو لكِ ومن ( أبسط ) حقوقك ..!!



دام أنكِ أخترتي ( القلم الجرئ ) فهو بإنتظار إشراقتك وسؤالك


أجمل التحاااياااا أختي

[شموخ نجد]

.. مجرد تسجيل اعجاب بالفكرهـ ..