ثلاث أيام تطعني وانا اشيلك على كتفي

[صديقة الشوق]

\
\


أجي مِسْرع إلى ذاك المطار , ويرتبـك نصفـي ..
ونصفي الثاني يتسائل عَن اللِّي صار و.. أخطائـي


تروح شلون عَنْ عيني .. وتبدِّل قوِّتي ب ضعفي !!
ولا به شي يستاهل عشانـه .. تبـدي إيذائـي ..


( مسافر ) دُونْ ما أدري وحِزني داخِلـي مخفـي
أبيك الحيـن مـو باكـر تِحلِّـقْ فـوق أجوائـي


مطار القلب يتحـرى رجوعِـك , غيبتِـك تكفـي
أبكتب لِكْ ولا أقـدر علـى .. التعبيـر وإملائـي


غيابك ما رحَم حالـي وحرفـي آآآه يـا حرفـي
تلعثمت , وعجزت آخذ في وقـت البُعـد إجرائـي


أنا كلِّي عَطَـشْ ضامـي أعيـش بغيبتِـك حتفـي
لأنك ساعة الضيقـه هـواي , وبالعَطَـش مائـي


أحبك يا [ وَطَنْ ] غالي عَليْ وحَضْرتِي " منفي " ..!
كفايـه لا تِشتِّتْنِـي تعـال .. وجَمِّـعْ أشيائـي !!


وَطَنْ شنهو وَِطَنْ .. إلاَّ عُيونِكْ في لُغة وصفـي ..؟
غريبه شلونْ تتركْني .. وإنت بداخلْ ( أحشائي ) !


( ثلاثْ أيَّـامْ ) تهجرنـي ولا بيَّنـتْ لِـكْ نزفـي
ودُواي اللِّي تِكاثرْتَـه عَلـيْ وصِـرتْ لِـي دائـي


( ثلاثْ أيَّامْ ) ما نامَت عيوني وما قِدَرتْ أغفـي !!
لي الله كِلْ ما حُولـي غريـبْ وعَالَمِـي .. نائـي


( ثلاثْ أيَّامْ )وأنـوار المدينـه يـا الغـلا تطفـي
وتِعِمْ الظَّلمَه في قلب الشـوارع وأفقِـدْ أضوائـي


تِصَدِّق حتَّى بسماتـي .. أهَلِّـي فِيهـا وتِقفِّـي !
تعال ولَمْلِـمْ جُروحـي ورَتِّـبْ فُوضَـة أجزائـي


يجيني الجَرَحْ مِنْ إيدكْ .. وأصْفِـقْ كَفِّـي بكفِّـي
أعَزْ أحبابي يطعَنِّي ويـداوي الطَّعْنَـه أعدائـي !!


( ثلاثْ أيَّامْ ) تِطْعَنِّي وأنا أشِيلِـكْ علـى كتفـي ..
كأنْهَا طَعنِتِكْ " ضِيفٍ " وقلبي ..... حَاتِمْ الطائي !!

\


ممــآآ تصفح ـت ..!!

\

\

[زهرة التوليب]

صح لسان شاعرها

ويسلم بنانك على النقل

جميلة جدا

لاهنتِ

[سيميا]

يجيني الجَرَحْ مِنْ إيدكْ .. وأصْفِـقْ كَفِّـي بكفِّـي
أعَزْ أحبابي يطعَنِّي ويـداوي الطَّعْنَـه أعدائـي !!

رووووووووووووووووووووووعه
( ثلاثْ أيَّامْ ) تِطْعَنِّي وأنا أشِيلِـكْ علـى كتفـي ..
كأنْهَا طَعنِتِكْ " ضِيفٍ " وقلبي ..... حَاتِمْ الطائي !!


أكثر من روووووووووووووعه

اكثر بيتين عجبوني وهذا وايعني أن الابيات الباقيه مو حلوه بالعكس كلها حلوه ومعبره يسلموووووووووووو

[؛؛همس الروح؛؛]

وعليكم السلام ورحمة الله وبركاته أهلاً بكـِ أختى صديقة الشوق يسلم ذوقكـِ وإختياركـِ دمتِ بكل خير

[همســـــ غلا ــــــة]

تسلمين يالغلا

رووووووعة

ماقصرتي والله