يا حريم نصيحه لوجه الله خلوا السواقه للرجال

[,؛’ شُمُوُخً بَدَوُيَهً ’؛,]

سلااااااااااااام بشككككككككه

كيفكم يامصرقعين انا بخير الحمدلله لالاماله داعي تقومين تبوسيني حلفت عليتس

علي الملازيم ماتقومين من مكانتس

<<بدت الهواجيس

بما اني اليوم ماخذه اجازه قلت خليني انعش ذاكرتي المريره واكتب موضوع بالصرقعه

ادري انكم تحبوني وتنتظرون صرقوعاتي <<كثري منها

والله اني احبكم حبتن مالها مثيل

ومن على ارضك مشى حافي القدم يستاهلك..يستاهلك

ايه وش كنا نقول

مشكله اخي/ تي الاعزاء لاصرتو فنانين بالسواقه

وقد شاركتو في سباقات عالميه

مثل سباق اسرع سيكل المقام بالخرطوم

سباق المشاهدين على القناة الاولى

سباق الفسحه وشعارها صراع من اجل البقاء >>>هذي للأولاد بس

ودايم ابوي يقول لي سوقي وامسكي الخط عني بالسفر بس انا

اقوله مابي مليت ياربييييه

<< ياشين النصب


حلمي المستحيل السواقه

دايم اركب قدام واتخيل اني اسوق

حلمي اطلع سيارة ابوي من القراج

<< ماتعرف ترجع السيارة ورا

آآآآآآآآآه يالسواقه

السواقه من الاشياء الجميله؟!

تحسين انك تحلقين في عالم اخر<< مخدرات مو سواقه

تركبين وتلفين المرايه الي بالنص وتشوفين شكلتس يآالله شعور رائع

ويركب بعدتس ابوتس يسال من الي لاعب بالمرايه!!!!

ومن معلي على صوت الراديو تسذا >>مو أنا

اليوم بسدح خبرتي بالسواقه بالبر طبعا يوم تكون الدنيا اجازة بالشتآ ونروح هونيك <<وخرو عنها

كنا طالعين للبر

الله يهداه ولد عمي عزمنا ولزم علينا نجي بمخيمهم فقلت انا مايصير لازم اكافأ ولد عمي

<< مكافأه ماراح ينساها طول عمره

تشهوينا وتقهوينا وانبسطنا>> مايروحون مكان الا ويبلعون بسم الله عليهم

وجت فقرة الطلوع وكل واحد مشغول يشيل له شي الا انا..

قلت ابد مابدّهاش اركبي قدام يافرفووووره وامشي بالسياره وهجي.. اهلك مايحبونك وانا صار عمري 22 ويمديني اتحكم بعمري

<< ياشين الافلام المكسيكيه

ركبت السياره ومعي واحد من احفاد عمي الاعزاء>>>صورة بزر الشر يطشر من عيونه شيطون ينطط على المراتب

وبحكم اني كوشخه ركبت قدام وكشخت وقلت مايصير يافرفوووره لازم تسوقين!!!!!

بس البلا ان سيارة ولد عمي بخشة سيارتنا بينهم متر تقريبا

<<دايم دقيقه بسم الله عليتس

ورحم الله امرء عرف قدر نفسه جد اني قد شاركت بنص مسابقات العالم بس ادري ماراح اقدر الف بالسياره الا لازم اصدم بسيارتهم

تعوذت من ابليس وتفلت عن يميني 3 مرات لين روشت ولد عمي الصوغنن

<< ياخي الشيطان شاطر واحيانا مانقواه


وسرحت بخيالي جلست اتخيل اني اسوق>>>مساكين مالهم الا الخيال


وتحمست بالخيال مورررررره

يعني الفلف بالدركسون وماسكه القير وحاله

<<خيال واسع

وانا من زود الحماس اضغط على الكلج

>>آخر واحد على اليسار

<<تخاف مو اسمه كلج وتقولون عنها سواقه فاشله

قلت لدحومي ولد عمي عمره 4 سنوات

وش رايك اسوق السياره؟؟>>ترى ماردني الا رايه

قال: لأ لا تثوقين<<رايه واضح جداً!!!!!!!

ثلت له مايصير نروح عنهم لاجو كلهم اسوق

وانا ناويه(انما الاعمال بالنيات ) لاجا دادي اقوله يسوقني <<قنوعه

توي جايه بنزل..

وبسم الله!!!!

مشت السياااااااااااااااااااااااااااااااااااااااااااااا ااااره!!!!!!!

من الخرعه خميت الدركسون واحاول اطلع المفتاح المعوق عيا يطلع!!

ابي اطفي السياره لكن مصصمه بنت الذين تمشي

بعدين استسلمت وخميت الدركسون لين بغيت اشيله من مكانه

والحمدلله ماردني الا سياره ولد عمي

<< من زمان وانا ودي اقول هالكلمه

وطفت السياره بس بعد ايش بعد ماشفت الكبوت حقهاانعجن أمام عيني

وانا للحين جالسه اطلع المفتاح الدلخ !!! وربي عيا يطلع

قال ايش قال سياقة المرأه>>>ماجا ببالي اضغط فرامل ابد

غمضت عيوني ضنيت اني مت او بفتح عيوني بلاقي دم وبصير مشوهه واطيح في تسبد اهلي من بياخذني آآآآآآه يازوجي المنتظر << هذا همتس

وانا في حالة الاغماء جا دادي متروع حده وش صاير وش السالفه!!!!

انسى اني ارد احس اني صرت من اللي لايسمع ولا يرى ولا يتكلم <<يمكن صنم

فتح الباب يبيني انزل

لكن مافي امل لاحياة لمن تنادي

خلاص صرت مشلوله

قال وش سويتي؟؟

وانا((بقلبي))اقول : أنا مشلوله لاحد يهاوشني

وانا بحالة الاغماء خانقتني العبره

وحاطه ايدي على فمي وربي اني اكسر الخاطر

ويوم حسيت انه رحمني قلت والله مو أنا <<امحق تصريفه

وربي ماكنت ناويه امشيها كنت نازله برعاية الله الاهي مشت لحالها<< اجل من مشاها دحوم؟؟

وجا الابضاي اخوي فديته لا تخافين ويفتح يدينه <<ياحبكم للضم

وانا اللي امسكها بكيه >> تعرفون البنات من تقولها خلاص تزيد

اختلفت الروايات بكيت من الخرعه والا بكيت علشان ماحد يهاوشني

ودادي يوم شافني بكيت رحمني وماقال شي

قال دحوم: أنا قلت لس لاتثوقين >>>الا ياقلبي قلت لي بس انا ماسمعت كلامك

رجّع ابوي السياره ورا بس سيارتنا قويه>>> زيي

الحمدلله ماجاها شي

وسيارتهم ابد بس تعفط الكبوت

جت عمتي متروعه تقول وش الي انكسر<< تحسب ترامزها انكسرت

قلت لها ابد سلامتس الترامز سليمه وتسلم عليك بس سويت حادث<<< تبي تروعها

جا ابوي بيحرك السياره قلت له ماتروح لين تجي الدوريه وتشوف الغلط على مين

يمكن الغلط عليه من قاله يوقف سيارته قبال سيارتنا ومن قال له اصلن يعزمنا ع الاستراحه !!!

>>فوق شينها قواة عينها ..

والحمدلله جت سليمه بس كبّوتهم صار معتق شوي.. وصار مايتسكّر لين يربطونه بحبل اصفر

>>> سويت لهم خدمه خليت المكينه تتهوى

ياا بنات ترى السواقه مو زينه>>>هيّن

ابد بس الحوادث زينه تحسستس انتس سقتي ولا تنسين السواقه طول عمرتس

شوفوا روح الغلا سوت حادث وحرمت ما تسوق مرتن ثانيه ابدا



ما يستفاد من القوصه :.

1_ روح الغلا سدحت السالفه عشان تعرفين انه موبس انتي سويتي حوادث

2_ بوسه لاول خمس ردود >>بص للسحالي

3_ اقروا القوصه واكتبوا ردكم وامشوا سيده بعدين لفوا الطاره يسار وانقلعوا

القفوا التحيه

[&&& عمري &&&]

يسلمو على الموضوع

وين البوسه

[عمر الهوى]

يسلمووووووووووووووووووووا
يعطيك العافية

[فتنة القلب]

انا من ضمن اللي لهم البوسه


عموما ما دام السالفه فيها زواج


خلاص اتنازلت عن سياقتي للسياره>>مثل ماقلتي فرفوره ما همناالاهذا الموضوع


يسلموووووووووووووووووووو

[كريم المدينة]

جا ابوي بيحرك السياره قلت له ماتروح لين تجي الدوريه وتشوف الغلط على مين

هههههههههههههه
انتي من السعودية فرفوره هههههههههه

والله انك مصرقعة لا وكمان سويتي خدمة لهم هويتي المكينة ههههههههههه

_ روح الغلا سدحت السالفه عشان تعرفين انه موبس انتي سويتي حوادث

وش قصة الحوادث معاكم يا سحالي

هذا وانتم محرومين من السواقه هههههههههه

يعطيك الف عافية

لاعدمت مواضيعك الحلوة