يخرب بيتك يالغمزه

[,؛’ شُمُوُخً بَدَوُيَهً ’؛,]

Go Go Go<< يمدحون البدايات الحماسيه





اخواني اخواتي الزاحفين والزاحفات وفي رواية اخرى للمصرقعين والمصرقعات


هالليليه ومن بعد مااستعدت نشاطي بعد يوم حافل بالجد والعمل والانجازات >>كثري منها


قلت استأنف نشاطي الذي وصل الى اوجه<<<اووووخص يافصحى


قلت ابكتب موضوع ويمكن يكون مويضيع>>تصغير موضوع


وأنا للحين مانمت


ببطح لكم سالفه تدبل التسبد مثل وجه هندي بقالتنا



اللي يبي يقرا يقرا واللي ماوده يقرا يرد علي بنقطه لأن يقولون صارت فلسفه عصريه بدون اشافات ولا كاتشبات

<<


الزبده


يومي ادي كدا هو>>صوغننه<<


ياحليلي كلي على بعضي شوشه وعصاقيل وبكلات بهن زري


على بالها امي مكشختني الحين


كنت نااشبه لبوي وين مايروح انا معه كنت انتظره بالحوش بعز الظهر


وانا انقط من الحر ومصره اني انتظره

مره من الامرار الامارير رحنا انا وابوي وكان يوم جمعه


>>لاحظوا ماذا يتكاثر بالاسواق الالكترونيه يوم الجمعه


كله هنود وباكستانيه علشان بنشتري كمبيوتر صخر لخوي


>>> ياقدمي قدماااه


أذن العشا ودخل ابوي دورة المياه وانا عيوني تحوم ذات اليمين وذات الشمال


الا طاحت عيني على ذاك الباكستاني


>>>والله انه مملووح <<لايكثر بس



والله انه شي ماينوصف اسمراني عريض المنكبين ذو قذلة شقراويه وله عين تغمز



طبعاً كان يغمز لي أكيد اعجبته البكلات ام زري والشوشه أعجب بي



وماردني الا نص الشارع وأنا متخصره واقوووووووله خير وش تبي تغازل عيييب عليك




والرجال طير عوينااااته ايس؟؟


قلت له هذا مغازل هذا عيب


<< تحاول توصل المعلومه


وش تبي تغازلنيييييييي؟ <<<


وأنا تو اقول تغازلني الا وابوي طالع من دورة المياه وطرااااااخ



على ظهري وش بتس يابنت.............>>>هالكلام مشفر لأنه للأسف لعن نفسه



قلت يباااااااااه شف هذا يغمز لي ويغازلني بعيونه قال لي سوا لتس شي?


قلت ايه يبي يسرقني قبل ماتجي


قام ابوي وقاله وش بك انت ويتجمهورون الناااااس وبالآخر طلع انه عيب خلقي عيونه تكبس لوحدها


<< صدق شهباااااا تسمع بالغمز


ومن ذاك اليوم وانا تايبه من يتحرش بي احد يكلمني اقول عيب خلقي يرقمني بعد اكيد فيه عيب خلقي


ادري ان السالفه تدبل التسبد مثل هندي بقالتنا


لكن تحملوني ربي بلاكم فيني بلوه




مايستفاد من البربره اللي فوق :.


اولاً لاتروحون مع ابوكم المسجد لانكم بتجلسون آخر صف وريحة النعول بتفقع خشومكم




ثانيا<< يمديكم على الفصحى... اي احد يتحرش فيتس اعرفي

ان به عيب خلقي حتى لو خطفتس وحذفتس بسيارته



ثالثا مابي اكتب فيه شي



رابعاً هيا انقشعوا لا اريد احدا<< حالات نفسيه



خامسا روحو البر واكشتوا كل ماصار الجو حلو



سادسا أحبكم نفر نفر تراني احب الناس ياحبي لي حبيبه << عن التميلح



سابعا القفوا التحيه >> ما في بوس اليوم



ثامنا الله معي >> احس اني بجلد حالي

[كريم المدينة]

ههههههههههههههههههه

يامرجوجة

اجل عاجبك الباكستاني

وطلعتي من الشلة اللي يروحون المساجد ويجلسون وراء

والله ياني احقد عليهم حقد

اذية وبس هذا اللي فالحين فيه<<مايقصدك فرفوره

يعطيكي عافية يا مرجوجة

ولقفنا التحية

كرووم

[قمر السعوديه]

هههههههههه حماس كمبيوتر صخر كنا نتهوش مين الي يلعب قبل هع
مشكوره اختي على الموضوع ذكرتيني بكشختنا واحنا صغار<< لاعبين علينا

[@ سحر الغرام @]

ههههههههههههههههه

يسلموووووو عالموضوع ويعطيكي ألف عافيه

[عين حوران]

ههههههههههههههههههههههههههههههههههههههههههههههه


ضحكت من قلب والله خخخخخخخخخخ