ستايلك مع"angel luv"

[angel luv]

مرحبا بنات ..

قبل ما أبدي أنا كنت كاتبة نفس هذا الموضوع في منتدى ثاني ولكن هذا في بعض التغيير والحرييف .. فلا تفكرون ان انا ماخذته

موضوعي عبارة عن مجموعة ستايلات .. صباحية .. بعد الظهر(العصر) .. مسائية .. وانشالله أفيدكم

ستايل الصباح: طبعا مثل ما تعرفون إن أفضل لبس للصباح هو الهادي والخفيف والعملي والناعم .. وأبدا ما يكون شكلج over
<< هذا من وجهة نظري أنا ومعظم الناس هم يكون تفكيرهم كذا

بسم الله ونبدا

اللبس:-
ناخذ هذا التوب على سبيل المثال .. خفيف حق الصيف .. هادي صباحي .. و مريح و عملي .. وأيضا أنيق!
تلبسين معه بنطرون أبيض حلو أو جينز


مع الجينز الفاتح يطلع حلو

*ملاحظة فاشنية!(خخخ حلوة فاشنية):صحيح إن السكيني وايد دارج هالأيام، بس هم ألحين ردت موضة البنطرون
الواسع الخصر العالي high-waist.
بس مادري اذا يطلع حلو البنطرون واسع والتوب واسع؟!!


الاكسسوار: يفضل في الصباح ما تلبسين اكسسوارات كثيرة .. اما سلسلة ناعمة أو تراجي ناعمة أو سوار ناعم
+ الساعه طبعا (انا وحدة ما أستغني عن الساعة)، وبما إن التوب سادة الأحسن سلسة واذا تحبين خاتم ناعم هم
يطلع حلو.

اللولو شييك وأنيق وأنثوي واااايد

او هذي السلسلة الذهبية تطلع روعه مع الأصفر


الساعه: DKNY سير أبيض وإطار ذهبي ومينا أبيض، يعني راح تمشي مع اللولو أو الاكسسوار الذهبي
ووااايد راقية، ومع العلم إن ساعات DKNY أفوردابل affordable تقريبا معظم ساعاتهم تتراوح أسعاهم بين
ال45 الى 60 دينار او 65 دينار كويتي


الجوتي(وانتوا بكرامة): أحسن شي الصبح تلبسين جوتي عملي flat أو رياضه اذا كان لبسج سبورت، بس انا
الستايل اللي حاطته في بعض الشياكه فيضل الفلات.

*ملاحظة فاشنية:حلو إنج ادخلين ألوان غير عن ألوان ستايلج وبنفس الوقت تكون ماشيه معاها، يعني مثلا أنا هنا اخترت جوتي تايغر لايق مع الجينز والأصفر والذهبي هم يطلع حلو لون بني بدرجاته.
واذا كنت من البنات اللي ما يفضلون الكعب العالي..

*ملاحظة فاشنية أخرى: أنا فوق حطيت البنطرون الواسع، أحسن إنج تلبسين كعب عالي مع البنطرون الواسع لأنه يعطي طول أكثر حق الpitete أو القصيرة.

حقيبة اليد: مافيها شي يحتاي إني أتكلم عنها، استخدمي أي وحده وأي لون، بس لا تكون لماعه وألوانها فاقعه
مثل أحمر و أصفر وهالالوان ممكن تستخدمين هالالوان بس تكون matt، ولا ذهبيه ولاّ سيلفر حيييل لأنها (وأكرر مرة أخرى هذا من وجهة نظري الشخصية)



خلصنا من ستايل الصباحي .. نيي لستايل بعد الظهر (او العصر)

بليز ما أبي ردود ليما اخلص الموضوع .. وراح أكون شاكرتلكم تعاونكم

يتبع ..

[angel luv]

ستايل بعد الظهر: ستايل العصر قريب جدا جدا من الستايل الصباحي تقدرين تلبسين لبس الصبح حق العصر أو مثلا تغيرين التوب بس، بس الاختلاف الوحيد ان العصر تاخذين راحتج أكثر بالالوان والستايل.. ألحين راح تعرفون شنو أقصد..

اللبس: بما إن ألحين رجعت موضة المشجّر floral اخترت لكم هذا الfloral top هم خفيف جدا حق شمسنا الحارقة

مثل ما ذكرت سابقا رجعت موضة البنطرون الواسع وخصر مرتفع


الاكسسوار:-
مثل ما انتوا شافين التوب فيه حز بالنص.. تقدرون تحطون عليه يعطي شكل حق الستايل ويطلّع خصر.


اهني انا أفضل تراجي حلوة مع سوار+ الساعه طبعا.

*ملاحظة فاشنية: يفضل انج ما تلبسين سلسله لأن التوب مشجّر وحزام فراح يصير too much. عشان جذيه انا اخترت التراجي وطبعا كل واحد وذوقه.

السوار روعه اخترته ذهبي ماشي مع التراجي.


الساعه نفسها لأنها لايقة مع الستايل، أحطلكم اياها مرة ثانية عشان تكتمل عندكم الصورة


حقيبة اليد: انا اخترت الذهبية عشان مع الاكسسوارات.

يديدة بقراطيسها هههههههههه

وأخيرا الجوتي وانتم بكرامة: الحركه كلها بالكعب وهذا الغريب والحلو فيه.


next.. ستايل المساء

[angel luv]

ستايل المساء: يكون رسمي أكثر أو ستايل أكثر واكسسوارات أكثر وكل شي أكثر، خصوصا اذا كنتي رايحه طلعة عشاء مع أهلج أو زوجج، فتحبين تكشخين .. هم أكثر خخخخخخخ

اللبس: اخترت توب طبقات شيفون تايغر ألوان الرمادي والاسود (ألوان رسمية)، وحزام اللي على الخصر معطيه ستايل روووعه.

العارضه لابسة معاه أعتقد ليقينقز legings
تقدرين اذا ما تحبين الليقينقز تلبسين سكيني جينز أسود، وهذا موديله اللي شوي قصير(ميدي) تحسينه واايد فاشن


الاكسسوار: اخترت مجموعة من اللونين السلفر والاسود.. تراجي،خاتم،سوار،ساعة.


هذا سوار سير
وهذي ساعة شوبارد..إذا ما كنت غلطانه وحده رجالة والثانية نسائية..


حقيبة اليد: clutch سيلفر ميتاليك من vesace.


الجوتي(وانتوا بكرامة): اخترت نوعين:
1-جينز أسود و من الامام فيه لولو روعه.



2-أو جوتي L.V سلفر miror leather.



انشالله أكون أفتدكم .. وأمتعتكم بموضوعي .. وانشالله يعجبكم
ويا ليت اذا أمكن التثبيت لأني وااايد تعبت عليه

وبليييييييز ممنووووع اللطش خخخخخخ
بس نقل ممكن :)

و انتظروا ستيلات جديدة في الجزء الثاني من
ســــــتايـــــــــــلك
مع
أيــــــنجل لــــوف

[ملاك الفجر]

يعطيك العافيه

[احلام يقظه]

تسلمين يالغلا على الإفاده !!
دُمتي لنا
وبانتظار الجزء الثاني ^^