اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-06-2008, 09:31 PM
مشاوير الألم مشاوير الألم غير متصل
©؛°¨غرامي جديد¨°؛©
 
الافتراضي قصة ورود في تربة مالحة .. قصص بنات خليجيات ( واقعية )


السلام عليكم و الرحمة


قصتي هذي المرة قصة واقعية لمجموعة من البنات و أنا منهم

و يمكن من الي يقرؤونها الحين تكون قصتج انتي او انت

و اعرف اني راح اوجهه انتقادات كثيرة .. و انا جاهزة لأي أسألة حابين تسألونها

اخليكم مع القصةو اتمنى انهم تعجبكم



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-06-2008, 09:38 PM
مشاوير الألم مشاوير الألم غير متصل
©؛°¨غرامي جديد¨°؛©
 
الافتراضي رد : قصة ورود في تربة مالحة .. قصص بنات خليجيات ( واقعية )




في البداية ماراح اعرف الشخصيات كلها لأن قصتي تختلف عن باقي القصص .. قصتي واقعية بدون أي اضافات بس غيرت بعض الاسامي


بحكي لكم قصتي و قصص صديقاتي و اتمنى انها تعجبكم ..

راح اعرفكم عن نفسي أسمي شوق و عمري الحين 19 سنه .. برجع بذاكرتي لثلاث سنين يوم كنت ثاني ثانوي

كان عندي 3 صديقات ما أحب أختلط بغيرهم طيف , فاطمة , مريم ..

أنا اماراتية لكن أمي سعودية اتربيت عند أهل امي في السعودية و بجدة بالتحديد و ابوي كان عايش في الامارات

عشان شغله و أخذت اللهجة السعودية و بعدين رجعنا للأمارات عشان أدخل المدرسة و من هنا بدأت معاناتي

كل البنات الي معاي اماراتيات مثلي و يتكلمون اماراتي في بعض الكلمات ما افهمها و استحي أسألهم شو معنى

هالكلمة لين صارو ينادوني يالسعودية ^_*

مع مرور الايام اتعرفت علي هالبنات حسيتهم يفهموني و أفهمهم .. أتعرفنا علي بعض ثاني متوسط ( أعدادي) و

أستمرينا مع بعض و صداقتنا كل يوم تزيد لين وصلنا لثاني ثانوي هنا أتغير كل شي ..

( في المدرسة )

مريم : شوووق اليوم بيجون البنات الجديدات بنات أول ثانوي في بنت تقرب لنا تعالي شو فيها

شوق: أوووه تعرفين ما أحب أختلط بالبنات وايد

مريم : انا قلت أعرفيها و حبيها انا قلت تعالي شوفيها بس مالت عليج يااربي تعاالي ترى اعزها وايد البنت

مريم مسكت ايد شوق و مشو مع بعض

شوق: اوك اوك بشوفها .. الله بلاني فيكم خخخخخخ

مريم : بسوي نفسي ما سمعت شي هههههههه

ابتسمت شوق و مشت مع مريم ماسكين ايادي بعض . و وصلو عند المكان المحدد للبنات الجديدات

مريم : شوق خليج هنا انا بدورها و ارجع

شوق : تيب تيب يلا انقلعي

راحت مريم تدور علي قريبتهم و كان المكان زحمة شافت شوق وجوهـ جديدة و بين الزحمة جات مريم تركض

مريم : شوق تعالي لقيتها

شوق و هي تمشى متجهه لمريم : يلا روحي سلمى عليها و فكينا

مريم و هي تبتسم : يلا تعالي معاي

مسكت مريم ايد شوق و مشو متجهين لقريبة مريم الي كانت جالسة مع شلة كبيرة من البنات .. كانت سمراا و
ضعيفة .. و عيونها كباار و حلوووة

مريم : هلا و الله بوعد نورتي المدرسة و الله

وعد: لالالا بصدق عمري .. الحقوني يا بنات بذوووب مريوم تتغزل فيني

مريم و هي تبتسم : ههههههه صدقي نفسج تستاهلين

لفت مريوم و أشرت علي شوق و قالت : هذي شوق ربيعتي ( صاحبتي ) مدت ايدها وعد تسلم علي شوق :


شخبارج شوق

شوق و هي تبتسم مجاملة بس : تمام

وعد لفت علي مريوم : و هذي الشلة كلها ربيعاتي انا

مريم : اوووووووووهـ لو فكرت اسلم عليهم ما بخلص لبكرا ههههههههه


وعد: ما يحتاج وصل سلامج خلاص

شوق سحبت مريم : مريوم يلا خلينا نروح

وعد و عيونها علي شوق : اوك خلاص روحو و احنا بناخذ راحتنا بمدرستنا

مريم : المدرسة مدرستج اتمشى فيها علي كيف كيفج

شوق : يلا مريم

مريم : اوك .. لفت علي وعد : يلا وعد بااي

وعد: باي

راحت شوق و مريوم بعيد عن وعد .. و هم يمشون قالت مريم

مريم : شو فيج شكلج معصبة

شوق و هي تبتسم : لا مو معصبة بس اشتقت لدوبات الثانيات طيف و فطوم

مريم : دبات ها .. اقول امشي امشي يا ممشوقة القوام انتي



نسيت اوصف لكم شكل شوق و مريوم و طيف و فطوم .. شوق شوية مليانة سمرا و سمارها مو عاجبها تبي تبيض
و كل يوم تحط خلطة عشان التبيض بس الله كاتب لها تكون سمرة خخخخخخ .. تحب تضحك و تسولف و الكل يحب ضحكتها .. و غمازاتها هي الي محلية ضحكتها اكثر .. و عيونها عادية بس كل يوم تكحلها و البنات ينجنون عليها تطلع عيونها مرة حلوة بالكحل .. اما مريوم ضعيفة و بيييييضة شعرها بني و ضحكتها احلى من شوق وايد و عيونها احلى و احلى صغار بس حلوين .. ما تحب تتكشخ بالمدرسة لأنها بنت علمي لازم تكون مو متكشخة و تهتم بدراستها خخخخ
.. و طيف احلى و احلى و احلى من شوق و مريوم عيونها عسلية و شعرها بني علي لون عيونها .. بيضة و ضعيفة نفس مريوم هادية مرررة ما تحب تسولف وايد بس تبتسم .. و أخيرا جينا لفطوم دبدوبة و بيييضة مرة حواجبها كثيفة مرة و سودة و شعرها اسود و قصيرة هي بعد ما تحب تسولف وايد بس تضحك

نرجع لمريوم و شوق .. راحو مريوم و شوق لربيعاتهم طيف و فطوم و شوق نست وعد لكن وعد ما نستها و جلست تفكر فيها ..

وعد جالسة مع ربيعاتها بس سرحااانه تفكر بشوق

وعد: الله عليها هالبنت و الله حلوة

سارة: هيييييييييييييي يا بنت مين الحلوة هاا

وعد أستحت : و لا شي و لا شي قومي نتمشى و نشوف المدرسة الجديدة

راحت وعد و سارة يتمشون ..

وعد جمالها عادي و قلت من قبل انها سمرا مررررررة و ضعيفة مرررة و عيونها كبار و سودة و شعرها اسوود .. هي تستحي وايد بس تخفى حيائها بضحكة دايما ترتسم علي وجهها بس المشكلة عيونها تفضحها ..


الحين بنترك شوق و بنطير لدولة ثانية .. دولة تعيش فيها بنت يتقطع قلب كل شخص يعرف قصتها .. هالبنت اسمها رسيل

ابو رسيل و هو معصب : انتي اسمعي انا بروح انا و زوجتي و عيالي نتمشى و الله لو صار شي في البيت انتي
تعرفين شو بيصير لج

رسيل و الحزن باين علي وجهها : عارفة يبه .. و الله عارفة

ابو رسيل : الله يفكني منج اليوم قبل باجر اوف

طلع ابو رسيل من البيت هو و عياله و زوجته .. ابو رسيل مطلق امها و ترك رسيل عندها و راح اتزوج .. انقهرت

الام من زواجه و راحت له و رمت البنت عنده و راحت تتزوج هي الثانية .. مرة ابوها كانت تكرها و تشيش عيالها

دوم علي رسيل عشان ينكدو عليها حياتها

ممنوعه حتى من التلفزيون .. رسيل عمرها 19 بنت حلوة و ضعيفة و بيضة شعرها قصير و اسود و عيونها
صغار و ملامحها طفولية بس باين عليها الحزن ..

رسيل ملت من الجلسة راحت و شغلة التلفزيون و شافت مغنية ترقص .. كان نفسها من زمان تتعلم الرقص الشرقي .. قامت و تحاول تقلدها لين تعبت و قررت تجلس شوي ع التلفزيون و بعدين تطفيه لن ابوها لو شافها ع التلفزيون بيضربها .. و شغلت فيلم و جلست تشوفه و بدون ما تحس نامت .. صحت علي رفسة جاتها ..

ابو رسيل و هو رايح يطفي التلفزيون : يالحيوانة كم مرة قلت لج ما تشوفين التلفزيون انتي ما تفهمين .. بقرة ..

رسيل قامت خايفة و راحت ركضت لغرفتها و سكرت الباب

ابو رسيل : و الله اراويج شغلج بس اصبري علي

زوجته و هي تقرب تمسك ايده و بدلع : خلها حبيبي .. الرفسة الي جاتها تكفيها .. الحين يلا نروح ننام باجر عندك
شغل يا قلبي

ابو رسيل : ان شاء الله حبيبتي تامرين أمر

و راحو ينامون ..


( الصبح)


الله وكبر .. الله وكبر

قامت شوق علي صوت الأذان و راحت و اتوظت و صلت .. و قرأت قرآن لين ما طلعت الشمس .. وراحت لأختها ..

فتحت البناب و هي تصرخ زي الاطفال

شوق بصوت عالي : شمة .. شمممممممممممممة .. قووومي يلا قومي يلا عندنا مدرسة <<< اتلحنها

شمة وهي نعسانه : اووف الله بلااني بوحدة مو صاحية

شوق و هي تبتسم : اصلا احمدي ربج عندج أخت مثلي .. جميلة و حلوة و روعه و ملكة جمال

شمة و هي شبهه نايمة : القرد في عين نفسه غزال

شوق و هي تسحب لحاف شمة : قرد الي يتعلق بشعرج يااربي

شمة : اوووووووووف اووووووووووووف

شوق : قومي يلا لا اشوتج الحين الصقج بالجدار

شمة : بقوم بقوم .. الله بلاني بأخت مسترجلة

شوق : هههههههههههههههه

وراحت عشان تتسبح ( تتروش) و تفطر و تلبس و تروح للمدرسة .. و طول الطريق كالعادة ماسكة مصحفها بيدها
عشان تقرأ لين توصل للمدرسة
.. وصلت شوق المدرسة و أتجهت لصفها كان بالطابق الثاني .. دخلت الصف

شوق: السلام عليكم

البنات : و عليكم السلام و الرحمة

شوق راحت سلمت علي كل بنات الصف و فسخت عبايتها و راحت للمراية الي كل البنات واقفين بالدور عليها
خخخخخخخخخ

هيا : شوق عندج كحل

شوق : ايوة عندي بس ازرق مو اسود

هيا : لا ازرق مو حلو علي

شوق : يا بنتي انتي حلوة بكحل و بدون كحل بس انقلعي خليني اشوف نفسي خخخخخخ

هيا و هي تضحك : يالنصابة تبيني ابعد ها

شوق : يلا ترى و الله بتأخر ع الطابور

هيا : طيب يلا خلصي بسرعه مشاعل سبقتنا لطابور

شوق كحلت عيونها و حطت لها مرطب علي شفايفها و اتعطرت و طلعت هي و هيا ..

شوق تحب هيا و مشاعل اكثر شي من بنات الصف الباقيات .. دايما يجلسو مع بعض .. و هم بعد يحبون شوق
وايد .. هيا جسمها ملين مو دبة و لا ضعيفة و سمرا و عيونها ناعسة .. انا مشاعل كانت دبدوبة و بيضة و عيونها ناعسة بعد و شفايفها كبار مرة كل الاكل يختزن فيها هههههه

راحو شوق و هيا لطابور . في الممر شافت وعد .. شوق نزلت عيونها بالارض عشان ما تسلم علي وعد و سوت نفسها انها ما شافتها

أما وعد قالت في نفسها : أعرف انج ماتبين تسلمين علي بس و الله فيج شي جذبني

و كل وحدة راحت لطابور .. مرت الحصة الاولى و الثانية و الثالثة و الرابعه و جات الفسحة ( الفرصة ) راحت

شوق لصف طيف و و فطوم و مريوم الي كانو كلهم علمي و هي ادبي .. و طلعو لساحة يمشو مع بعض

مريوم : شوق شوفي مين جاي عندنا

شوق لفت و شافت وعد جاية

وعد : السلام عليكم صبايا

البنات : و عليكم السلام

مريوم : وعد هذي طيف و هذي فطوم ربيعاتنا

وعد سلمت عليهم و علي شوق بعد : قالت شخباركم

البنات : الحمدلله تمام

وعد : ممكن امشى معاكم

مريوم : أكيد لنا الشرف و الله

وعد : تسلمين و لفت علي شوق : شوق شخبارج

شوق : الحمدالله تمام .. شخبارج انتي

وعد: الحمدلله

مشت وعد مع البنات و هي تسولف و تضحك .. شوق ما كانت تكره وعد بس ما كانت تحب تتكلم مع بنات ما تعرفهم طول الوقت ووعد و مريوم يسولفون .. و طيف و فطوم يسولفون مع بعض و شوق حاطة ايدها بجيبها و راسها بالارض كالعادة هذي حركتها المعتادة .. بعد ما عورتها رقبتها رفعت راسها و شافت عيون وعد و هي تتكلم مع مريم و حست من نظرة وعد لمريم ان وعد تعز مريوم وايد و نزلت راسها مرة ثانية لأرض .. شوق قالت بداخلها ( الله شكثر وعد تعز مريم .. ان شاء الله في بنت تحبني من قلبها مثل ما تحب وعد مريم )
شوق علي بالها ان وعد عيونها علي مريوم بس وعد كانت بين كل فترة تشوف شوق و تتأملها .. بس شوق ما حست
رن الجرس و كل وحدة راحت لصفها ..

نجي لرسيل .. صحت رسيل الصبح و جهزت الاكل و ابوها نسى سالفة امس و فطر و طلع و جلست تنظف البيت ..
جات زوجة ابوها و هي لابسة قميص نوم اسود و قصير مرة و عريان و قالت : سمعي نظفي البيت عدل .. و جهزي الغدا ..
رسيل كملت شغلها بدون ماترد علي زوجة ابوها ..

في هالوقت رجعت شوق و شمة للبيت

شوق: شمة تبين غدا

شمة و هي شبهه نايمة علي سريرها : لا ما ابي .. و بعدين في حد ياكل بغرفة النوم

شوق : ايوة انا ..

شمة : اووف

أتغدت شوق و راحت تصلى الظهر اول ما خلصت صلاة اذن العصر و قامت و صلت العصر .. لأن في المدرسة مافي وقت لصلاة و ماكانو مخصصين وقت لصلاة .. و مسكت القرآن قرت شوي و بعدين مسكت جوالها و رسلت رسالة لأخت مريوم و كان اسمها ريم .. ريم متزوجة و عندها ولدين بس هي عايشة عند اهلها مع زوجها .. هي ضعيفة مررة لدرجة مافي خدود و حتى يدها يوم تمسكينها تحسيها عظام .. المهم شوق تحب ريم واايد لأنها طيوبة بس كانت دايما تعاني من ألم براسها و تروح للمستشفى و يقولون مافيج شي ..
و بعدين جلست شوق تدرس ... اما وعد ماقدرت تنزل شوق من راسها .. كل ما تمسك كتاب تتذكر شوق و عيونها و ضحكتها .. و ويوم تمر و تنزل راسها بالارض عشان ما تسلم عليها .. و رفعت سماعه التيليفون و اتصلت علي مريوم

مريم : ألو

وعد : السلام عليكم مريوم

مريم و هي فرحانه : هلا و الله و غلا و عليكم السلام و الرحمة

وعد : شخبارج

مريم : الحمدالله تماااام .. شخبارج انتي

وعد: الحمدلله تمااام .. شو تسوين اكيد تدرسين بنت علمي ههههههه

مريم : هههههه لا ما ادرس جالسة ملانه و أقرأ مسجات شوق الي ترسلها لريموو

وعد: اهاااا .. مريوم ابي اكلمج عن شوق

مريم : خير في شي خوفتيني

وعد: لا تخافين بس ..

مريم : بس شو

وعد و هي مستحيييييييية مو عارفة شو تقول

مريم : وعد اتكلمي شو فيج

وعد : تدرين من شفت شوق و انا مو قادرة اشيلها من بالي كل ساعه و كل دقيقة و كل ثانية افكر فيها ...

مريم : يعني ..

وعد و هي مستحية : يعني انا حبيتها

مريم و هي مستغربة : حبيتيها


وعد : ايه و الله حبيتها احبها يا مريم و الله احبها

مريم : وعد يا حياتي شوق ما عندها هالحركات حب و غرام


وعد سكتت و العبرة خانقتها

مريم : اسمعي يا وعد شوق ما تحب تختلط وايد في البنات .. و ما تحب هالحركات ..

وعد : بس انا احبها و انتي تعرفيني زين مريوم و تعرفين اخلاقي و اني متربية زين

مريم : اعرف بس سمعيني انتي حاولي تتقربين منها الحين و بعدين قولي لها انج تحبينها

وعد : اخاف تبعد عني

مريم : اذا اتقربتو من بعض صدقيني ماراح تتركج و بتحبج بعد

وعد : ريحتيني الله يريحج بس امانه لا تقولين لها .. خليني انا اتقرب منها بطريقتي

مريم : اوك بس انتبهي لا تزعلين شوق هذي روحي و قلبي و عمري

وعد غاااااااارت يوم مريوم قالت روحي : ان شاء الله يلا اخليج الحين

مريم : اوكي يلا مع السلامة

وعد : مع السلامة


في هالوقت رسيل كانت جالسة بغرفتها و ظامة رجلها لبطنها و مستندة ع الجدار دخل ابوها اول ما شافته خاااااااافت و طاحت دمعتها

رسيل : و الله ما سويت شي يبه و الله لا تضربني

ابو رسيل و هو معصب : ما بضربج الحين لأنج ما سويتي شي بس بطلع انا و عيالي و زوجتي .. و انتي نظفي البيت و رتبيه

رسيل: ان شاء الله

راح ابوها و عياله و زوجته اما رسيل جلست تبكي من السجن الي هي عايشة فيه: آآآآآآآه يمه وينج .. آآآآآآه ليتج
ذبحتيني كان احسن من اني اعيش مع اب ظالم ... حرام و الله لا حنان اب و لا حنااااان أم .. ابي اموووووووووووت خذ روحي يارب ما ابي اعيش يكفي و الله حرام .. ما شفت شي يفرحني طول عمري .. لا اهل عندي يحنون علي و لا صديقات و لاشي و لا شي .. ليش اعيش .. و ظلت تبكي

نرجع لشوق رن جوال شوق

شوق : الو
.
......: يا كلبة يا حيوانة وينج ما تسألين عني حية ميتة .. و لا كأن لج ربيعه تسألين عنها حتى المسن ما صرتي
تدخلين .. الحق مو عليج الحق علي الي داقة تكلمج انتي وويهج هذا ألي كانه دوار حارتنا

شوق : هههههههههههههههههههههههههههههههههههههههههههههههههه هههههههه شوي شوي علي اكلتيني

عهد : ايه احسن عشان تتعلمين تسألين عن ربيعاتج

شوق: و الله اسفة يا قلبي بس مشغولة بالدراسة

عهد : من متى ههههههه من عرفتج و انتي فاشلة ما تنجحين ألا بالدف

شوق : تف تف لا تحسديني

عهد : ههههههههههههه لا مو صاحية انتي من زين علاماتج عشان احسدج اقول مالت عليج و علي الي يدق
عليج

شوق: ههههههه شو فيج تضاربين من اول ما دقيتي

عهد : و الله مشتاقة لج

شوق : احم احم

عهد : عسى تشتاق لج جنية ياربي

شوق: يممممممه

عهد بضحكة شريرة : احسن لا و تدخل فيج بعد

شوق : يمه يمه منج خلاص خليني أسالج عن اخبارج

عهد : اووه نسيت انا بعد ... الحمدلله شحالج أنتي ؟


شوق : الحمدلله تمام .. تصدقين توني كنت افكر ادخل المسن اشتقت للي بالمسن و المنتدى بعد

عهد : اسكتي و الله محمد طفشني من كثر ما يسأل عنج

شوق : اوه حمووووود و الله اشتقت له الدب

عهد : احم احم انا اغار

شوق: هههههههه خلاص عارفين انج تحبينه و يحبج يا حظي .. بس انتبهي يا بنت لا يحسون اخوانج و الله يذبحونج و يذبحونه

عهد : لا يممه ان شاء الله ما يعرفون و الله بموت

شوق: انتي تقابلينه

عهد : لا و الله هو شافني مرة وحدة و من بعدها لأ

شوق: ت...

قاطعتها عهد

عهد: شوق قلبي ويهج حمود يدق ع الخط الثاني باي

شوق: ههههههه تيب استنى اقول باي لا تقفلين بوجهي كالعادة

توت توت

شوق: بنت الذين سكرت بوجهي ههههههههه بس يلا شغلها بعدين هي و حمود

عهد بدلع : ألوو

محمد: فديت هالصوت يا ناس

عهد ساكتة مستحية

محمد: حبيبتي وينج ردي

عهد: احم احم

محمد وايد عليج قلتي احم احم

عهد : ههههههههههههه شخبارك حمودي

محمد: تمااام يا روح و قلب و عمر حمودج

عهد : ايه ترى اسكر بويهك

محمد: اففف يعني محد يقدر يغازل حبيبته

عهد بجدية : محمد كلمت اهلك

محمد : هي كلمتهم و موافقين انتي محد رباج غير امي و امي تحبج وايد و الله فرحت يوم قلت لها بخطبج بس استنى شوي لين ارتب أموري

عهد: الله يوفقك يارب و لا يفرقنا

محمد : آمييييييييييييييييين

عهد : حمودي ما اقدر اطول معاك .. اكلمك ع المسن اوك

محمد : اوكي حبيبتي

عهد : يلا باي

محمد : عهد

عهد: هلا

محمد : أحـــــبــــج

عهد بصوت خفيف : و انا بعد

محمد : ها قوليها انتي شوو

عهد : أحبك

محمد : آآآآآآهـ يا عهد الله لا يحرمني منج

عهد : و لا منك .. يلا باي

محمد : باي حبيبتي

عهد بنت حلوووة مرررة .. بيضة و جسمها حلو مو ضعيفة و لا دبدوبة شعرها لين نص ظهرها و طبقات و لونه اسود و صابغه خصلات منه باللون الناري .. عيونها كبار و حلوين و رموشها كثيفة و هي الي ضايفة الجماال علي عيونها و شوي قصيرة .. اما محمد شاب طووويل و ضعيف عيونه صغار و سود .. شعره كثير وواصل لين كتوفه .. ابيض بس المنطقة الي عند عيونه شوي سمرة ..
سكر محمد من عهد و كان متمدد ع السرير و غمض عيونه و هو يتذكر اول مرة يشوف فيها عهد .. عهد بنت جيرانهم و مربتها ام محمد لأن عهد كانت صديقة اخت محمد .. في يوم من الايام جات عهد عند رنا اخت محمد

رنا : عهودة حياتي افسخي العباية و الشيلة اخواني محد راحو يلعبون كورة و ماراح يرجعون الحين

عهد : طيب غلاي

فسخت عهد عبايتها و شيلتها .. كانت لابسة تنورة سوووووووودة و قميص اسود اكمامه قصيرة

رنا : شو هالحزن الي عايشة فيه انتي هههههههههه

عهد : مافي احلى من اللون الاسود

رنا : الصراحة رووووووعه عليج طالعه قمر

عهد : احم احم نحنو نخجل

رنا : هههههههههههههههه توني اعرف و الله

عهد : قالو لج ويهي لوح ما استحي

رنا: هههههههههههههههههههههه لا تعصبين اجلسي هنا لين اجيب العصير

عهد : طيب بجلس .. جلست عليج بقرة ياربي ماقامت ألا بعد سنه

رنا و هي رايحة للمطبخ : الله الله كل هذي دعوة بنات آخر زمن هههههههههههه

جلست عهد لحالها بالغرفة .. و بنفس الوقت كان محمد تعبان و ماقدر يكمل لعب كورة مع اصحابه و قرر يرجع البيت .. في الوقت الي دخل محمد فيه البيت قررت عهد تروح المطبخ عند رنا و تخوفها ..و هي طالعه من الغرفة كان محمد داخل الغرفة و صدمت فيه .. محمد انصدم يوم شافها اما عهد صرخت بصوت عالي .
جات رنا تركض : شو صاااير

محمد نزل راسه بالارض و راح غرفته .. و هو مصدوم من الملاك الي شافه

رنا : عهد اسفة حياتي والله ما كانت عارفة انه بيرجع

عهد و هي خايفة و تبكي : بروح البيت

رنا : عهودة حياتي لا تزعلين مني اسفة

عهد : اتركيني بروح البيت .. قامت عهد و لبست عباتها و شيلتها

راحت البيت و دخلت غرفتها و رمت نفسها ع السرير و بكت .. ماتدري ليش بكت .. بس دموعها كانت تطيح ب
غزارة
اما محمد جلس ع السرير و هو منزل راسه للأراض و حاط ايده علي راسه : مين تكون هالبنت .. لالا مو بنت هذي ملاك .. تجنن و الله .. كانت بحضني ما اصدق الي صااار
دخلت عليه رنا

رنا: محمد ليش رجعت بدري

محمد و كان واضح عليه انه مصدوم : مين هذي

رنا : اففف شي ما يخصك و مو المفروض تدق الباب او تطلع صوت قبل ماتدخل

محمد بعصبية : انتي تلوميني الحين تبيني استأذن قبل ما ادخل بيتي حلوة و الله .. ماتبيني ادق عليج يا هانم و أخذ الأذن بعد عشان ادخل

رنا : محمد لا تعصب بس شفت الي صار و الصراحة انا مستحية من عهد بعد هالموقف ما اقدر اكلمها

محمد : هذي عهد

رنا : ايه لا تقول لأمي عن الي صار و الله بتهزأني

محمد : اوكي بس ممكن تطلعين ابي ارتاح

رنا : اوكي

و طلعت رنا و اتمدد محمد ع السرير يتذكر الموقف و يتذكر ملامحها

محمد : آآآآه تجنن والله

و مرت الايام و محمد مو قادر ينسى عهد و عهد مو قادرة تنسى محمد .. و كان يحاول قد ما يقدر ان عهد تكون له .. كلم امه و ابوه انه يبي يخطبها و وافقو بس هو أجل لأنه كانت عنده شوية ظروف .. و من كلام اخته عرف اسم المنتدى الي مشاركة فيه شوق و عهد و اخته رنا و من طريق المنتدى اعترف لشوق انه يحب عهد و حكى لها كل شي بعد ما ضافته ع المسن و شوق جمعتهم بمحادثة وحدة و كل واحد ضاف الثاني و حبو بعض اكثر و اكثر
فتح عيونه محمد علي صوت المسج الي جاه فتحه و لقاه من عهد
( حمود وينك ساعه اترياك ع المسن )

و قام محمد و جاب اللاب و فتحه و دخل المسن





رسيل كانت مثل ما تركناها مستندة ع الجدار و من كثر البكى نامت ع الارض كانت لابسة ثوب خفيف حق البيت و قصير لين ركبتها و اكمامه قصيرة و لونه ابيض.. و هي نايمة سمعت صوت رجل تمشى بالغرفة
رسيل بقلبها : يمه مين في الغرفة اخاف افتح عيني .. يارب قوي قلبي يارب .. فتحت رسيل عيونها شوي شوي

و هي تسمع خطاوي رجل شخص رايحة و جاية عند راسها .. اول ما فتحت عينها شافت



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-06-2008, 10:38 PM
دلوعة بمزاجي دلوعة بمزاجي غير متصل
©؛°¨غرامي مشارك¨°؛©
 
الافتراضي رد: قصة ورود في تربة مالحة .. قصص بنات خليجيات ( واقعية )


مشكوره اختي عالقصة رووعة
يعطيك العافيه
بانتظار البارت الجاي

تحياااتي
دلووعة بمزاجي



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 11-06-2008, 11:03 PM
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: قصة ورود في تربة مالحة .. قصص بنات خليجيات ( واقعية )


يسلمموا على القصة روووووعة والله يعطيك العافية


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-06-2008, 11:18 PM
مشاوير الألم مشاوير الألم غير متصل
©؛°¨غرامي جديد¨°؛©
 
الافتراضي رد : قصة ورود في تربة مالحة .. قصص بنات خليجيات ( واقعية )


الله يعافيكم يارب


و ان شاء الله يكون عجبكم و راح انزل البارت الثاني قريب ان شاء الله ^_^


نورتو صفحتي الله لا يحرمني من هالطلة الحلوة



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 12-06-2008, 08:32 PM
المرجووجة المرجووجة غير متصل
©؛°¨غرامي فعال ¨°؛©
 
الافتراضي رد: قصة ورود في تربة مالحة .. قصص بنات خليجيات ( واقعية )


تسلمين يا الغاليه على ها البارت الاكثر من رائع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 13-06-2008, 12:04 AM
مشاوير الألم مشاوير الألم غير متصل
©؛°¨غرامي جديد¨°؛©
 
الافتراضي رد : قصة ورود في تربة مالحة .. قصص بنات خليجيات ( واقعية )




و هي تسمع خطاوي رجل شخص رايحة و جاية عند راسها .. اول ما فتحت
عينها شافت


و شافت شخص غريب واقف و عيونه عليها و علي جسمها .. رفعت راسها و
هي خايفة

رسيل : مممم .. منو .. منو انت

هالشخص مارد عليها رجع يتأملها و يتأمل جسمها ... قامت رسيل و سحبت

لحاف و غطت جسمها و هي خايفة و كل جسمها يرتجف .. و حاولت تدقق

بوجهه الي قدامها

رسيل : لالالالالالالالالالالالالالا .. انت يارنا سالم

....... بصوت خشن و سكران : عرفتيني يا حلوة

رسيل : تكفى اطلع ارجووووووك اطلع ..

قرب الرجال منها و هي تحاول تبتعد بس مكان فيه مكان لأنها كانت لاصقة
بالجدار

رسيل و هي تبكي : الله يخليك اطلع .. لا تسوي فيني شي و الي يسلمك ..
اتخيلني اختك و لا بنتك بهالموقف تكفى .. ابوس رجلك

........: هههههه و الله اكون غبي و حمار لو تركتج

رسيل و هي تبكي بصوت عالي : لالالالالالالا .. اقتلني .. خذ لك سكين و
اقتلني ارجوووك ريحني .. و حاولت تهرب بس مسكها من يدها و رماها
بقوة ع الارض .. و اغمى عليها

......: ههههه قمر و تبيني اتركها



رجع ابو رسيل هو و عياله و زوجته و استغرب لين لقى الباب مفتوح

ابو رسيل و هو يكلم زوجته : شوفي الحيوانة تركت الباب مفتوح

زوجته : روح لها و اضربها و الله مثل الحمار ما تيي ألا بالضرب

ابو رسيل راح لغرفة بنته و لقاها مرمية ع الراض و الدم حواليها ..
انصدم من الموقف .. راح رسيل و ضربها كف عشان تصحى

ابو رسيل : قوووووووووووومي قولي لي منو الي سوا جذي

رسيل و هي تتالم : آآه يبه .. جيت متأخر .. وبكت

ابو رسيل رفسها رفسة ثانية : منوووو اتكلمي

رسيل و هي مو قادرة تتكلم من الألم : ييار .. يارنا سالم .. آآآآآه


ابو رسيل : يالفضيحة .. سودتي ويهي الله يسود ويهج .. ليتج متي ..
ليتج متي ... و قام يرفسها اكثر و اكثر و بعدين طلع و سكر الباب
عليها و ظلت رسيل مرمية ع الارض و الدم حواليها



شوق كانت سهرانة و قررت تدخل المسن اول ما دخلت لقت المتصلين 14
قررت تحط اوف لاين عشان محد يكلمها و كلمت محمد



اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي




السلام عليكم 

قسـَمْ بالله لو تدري بـ / قدرك .. تعشق ترابـي

و عليكم السلام .. هلاااااااااااااااا و الله و غلااااااااااااا تو مانور المسن

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


احم احم عارفة بدون ما تقول

قسـَمْ بالله لو تدري بـ / قدرك .. تعشق ترابـي

الله يلعن هالويه طيب قولي النور نورك حمودي

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


وي وي تبيني اقول حمودي عشان تلعن خير خيري عهد

قسـَمْ بالله لو تدري بـ / قدرك .. تعشق ترابـي

ههههههههههههههههههههههههههههههههههههه

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


لا و بعد اقول النور نورك ليش لمبة انت

قسـَمْ بالله لو تدري بـ / قدرك .. تعشق ترابـي

ههههههههههههههههه بايخة و قديمة و يطلع منها غبار بعد

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


اقول الحق مو عليك الحق علي انا اكلم واحد مثلك

قسـَمْ بالله لو تدري بـ / قدرك .. تعشق ترابـي

تعالي تعالي لا تعصبين ماصدقت انج دخلتي

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


احم احم ليكون حبيتني بدل عهد خخخخخخخخخخخخخخخخخخ

قسـَمْ بالله لو تدري بـ / قدرك .. تعشق ترابـي

حبتج القرادة من زينج الحين انتي و خدودج هذي الي كانها فناجين قهوة

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


وي وي اناااااااااااااا .. فناجين قهوة ... بعدين تعال انا مافيني خدود خخخخخخخخ

قسـَمْ بالله لو تدري بـ / قدرك .. تعشق ترابـي

ههههههههههههههههههههههههههههههههههههههههههههههه

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


ضحكت بلا ضروس يااربي

قسـَمْ بالله لو تدري بـ / قدرك .. تعشق ترابـي

و الله لج وحشة شوشو

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي



ايه لا تناديني شوشو تشوفني رقاصة قدامك اسمي شوق بنت ابو شوق حفيدة ابو ابو شوق

قسـَمْ بالله لو تدري بـ / قدرك .. تعشق ترابـي

هههههههههههههه شو خريطة النسب الي قلتيها .. بس و النعم و الله بشوف

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


نعامة ترفسك يااربي انت و العنز الي تحبك


قسـَمْ بالله لو تدري بـ / قدرك .. تعشق ترابـي

اقول شوق

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


قول يا كثر ما تقول هع

قسـَمْ بالله لو تدري بـ / قدرك .. تعشق ترابـي

ليش ما تحولين ولد ترى انسب لج خخخخخخخخخخخخخخخخ مافي دعوة شينة ألا و تعرفينها و لا عمرج في حياتج قلتي كلمة حلوة

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي



اقول طس الحين لا اطلع لك من الشاشة و افقع عيونك الحول

قسـَمْ بالله لو تدري بـ / قدرك .. تعشق ترابـي

ههههههههههههههههههههه قلت مسترجلة يا ناس محد صدقني

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


هههههههههههههههههههههههههههههه

قسـَمْ بالله لو تدري بـ / قدرك .. تعشق ترابـي

دوووم يارب هالضحكة

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي



تدوم انفاسك يارب

قسـَمْ بالله لو تدري بـ / قدرك .. تعشق ترابـي

دخلتي المنتدى؟

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي



لا مالي خلق

قسـَمْ بالله لو تدري بـ / قدرك .. تعشق ترابـي

في عضو يسأل عنج دوم شكله يحبج

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


سعودي و لا اماراتي


قسـَمْ بالله لو تدري بـ / قدرك .. تعشق ترابـي

لا سعودي

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي



خلاص بتعرف خخخخخخخخخخخخخخخخخخخخخ

قسـَمْ بالله لو تدري بـ / قدرك .. تعشق ترابـي

اقول انقلعي نامي لا يج كف يقلب ويهج

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


افففففففففف تيب تيب بس بغير النك و بطلع انام

قسـَمْ بالله لو تدري بـ / قدرك .. تعشق ترابـي

شو بتكتبين

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي



ما يخصك رزة الفيس من طبايع التيس خخخخخخخخخخخخخخخخخخخخخخ

قسـَمْ بالله لو تدري بـ / قدرك .. تعشق ترابـي

تيس بنطحج يااربي

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


يلا برب بغير النك و ارجع

قسـَمْ بالله لو تدري بـ / قدرك .. تعشق ترابـي

تيت

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي



باااااااااااااااك

قسـَمْ بالله لو تدري بـ / قدرك .. تعشق ترابـي

احلى باك ما تغير النك

اذا قصدك تعذبني .. (فديتك) ريح اعصابك .. تراك فناظري أصغر من انك
تحرق اعصابي


اووه يمكن لأني حاطة اوف لاين الحين بغير الحالة

قسـَمْ بالله لو تدري بـ / قدرك .. تعشق ترابـي

اوك

ماهو غروؤر لا قلت ,,! ما يملي عيني غير ,, السعودي ,,

ايش رايك

قسـَمْ بالله لو تدري بـ / قدرك .. تعشق ترابـي

روحي نامي نامت عليج بقرة يارب

ماهو غروؤر لا قلت ,,! ما يملي عيني غير ,, السعودي ,,

هههههههههههههههههههههههههههههههههههههههههههههههههه ما عجبك


قسـَمْ بالله لو تدري بـ / قدرك .. تعشق ترابـي

لا غيريه

ماهو غروؤر لا قلت ,,! ما يملي عيني غير ,, السعودي ,,

والله ما غيرته يلا بروح انام تبي شي

قسـَمْ بالله لو تدري بـ / قدرك .. تعشق ترابـي

لا ابي سلامتج يالدووبا

ماهو غروؤر لا قلت ,,! ما يملي عيني غير ,, السعودي ,,

الله يسلمك يا ممشوق القوام بايوو


قسـَمْ بالله لو تدري بـ / قدرك .. تعشق ترابـي

باي

طلعت شوق من المسن و راحت تنام


الصبح صحت شوق من نومها و اتسبحت و صلت و لبست ملابس المدرسة الكحلية و القميص الابيض و اتكشخت و طلعت هي و اختها شمة و اول ما وصلو للمدرسة كل وحدة راحت لصفها

شوق : السلام عليكم بنات
البنات : و عليكم السلام
راحت شوق كالعادة و سلمت ع البنات و فسخت عبايتها و راحت للمرية عدلت شعرها و الكحل و حطت مرطب علي شفايفها و تعطرت و طلعت لطابور .. بدأت الحصة الاولى حصة العربي و كانت مملة مرة لفت شوق علي هيا و مشاعل الي كانو جالسين وراها
شوق : بنات ترى و الله ملل
هاي كانت حاطة راسها ع الطالة : لفي ويهج لقدام خليني انام
شوق : اففففف انا ملانه
مشاعل : زين سولفي يلا
شوق : بقول لج سالفة صارت لي من فترة بتموتين ضحك
مشاعل و هي متحمسة و بصوت واطي عشان المعلمة : قووووووولي
هيا و هي نعسانه : اطربينا
شوق : هذا من فترة جو عندنا شابين من السعودية .. نامو عندنا ثلاث ايام
هيا : طيب مبروك
شوق: اقول لا تقاطعيني خليني اقول لكم
هيا : طيب طيب
شوق بصوت واطي بعد : المهم جت عندي الخدامةو هي تمدح فيهم تقول انهم حلوين قلت يا بنت يلا شوفيهم .. تعرفون لقافتي ههههههه .. المهم خدامتنا سووووووودة اثيوبية هع و كانت تخوف قالت شوق هم بيروحون الحين لأنهم معزومين ع العشى بندخل المجلس و نشوفهم من الدريشة ( الشباك) و هم يركبون السيارة قلت اوك .. دخلنا للمجلس و ابوي كان جالس بالسيارة و معاه واحد و الثاني كان بالحمام ( الله يعزكم) و انا علي بالي بيطلع من الحمام بيروح لسيارة ما شفته ألا و دخل المجلس علي طول ركضت و الخدامة وراي و من لعانتي سكرت الباب ع الخدامة .. و الخدامة تصرخ شوق افتحي الباب الرجال شافها خاااااااااف و شرد

مشاعل بصوت عالي : ههههههههههههههههههههههههههههههههه

المعلمة : ماشاء الله الست مشاعل مبسوطة
مشاعل و هي تضحك بعد ما وقفت : لا ابدا بالعكس حزينة اليوم
شوق : هههههههههههههههههههه وجع ان شاء الله اسكتي فضحتيني
هيا: مافي أمل تسكت هذي لما تفك ما حتسك خخخخخخخخ
المعلمة : مشاعل انتي وحدة قليلة ادب و ماتربيتي ضحك و كسل و نوم في الحصص و اتحملت اما الحين ما اقدر .. انتي شفتي التعبير الي كتبتيه لي امس

مشاعل و وجهها متغير : هي شو فيه
المعلمة : كان الي يعبر هندي مو بنت امارتية حتى الهنود يكتبون احسن منج

انفجرو بنات الصف يضحكون اما مشاعل كانت دموعها بعيونها لأن العلمة جرحتها و احرجتها قدام الكل
مرت الحصص و جات الفسحة .. كنت اتكلم مع هيا و مستعدة عشان اطلع و اشوف ربيعاتي فجأة شفت مشاعل اختفت ..
شوق : هيا وين معقولة تكون راحت
هيا : ما ادري كانت متضايقة وايد
شوق : اوك انتي روحي دوري بهذاك الممر و انا بدور بهالممر يمكن تكون موجودة

هيا : اوكي
راحت هيا تدور علي مشاعل و شوق راحت للحمام ( الله يعزكم ) عشان تدورها لقتها جالسة في آخر الحمام و ضامة رجلها علي بطنها و دافنه راسها بينهم .. راحت شوق لها و مسحت علي شعرها
شوق بحنية : حبيبتي ميشو قومي نطلع من الحمام ترى مو زين تبكي في الحمام
ميشو بصوت عالي و هي تبكي : ماااااابااااااااا .. جرحتني .. و احرجتني قدام البنات لو كنت بنتها ما سوت جي
شوق : خلاص حبيبتي قومي نطلع من هنا و بنتفاهم
ميشو بصوت عالي : ما ابي .. رشا تعالي رشاااااا تعالي
شوق مستغربة و تقول بقلبها : مين رشا هذي .. معقولة تكون مشاعل مريضة نفسيا و يوم تتضايق تنادي بأسم امها يمكن رشا اسم امها او شخص عزيز عليها ..
و في هالوقت تزيد مشاعل صراخ : رشاا تعاااااالي رشاا تعاااااااالي

فجأة يجي هوا باااااااااااااااااااارد و شوق مصدومة من الي يصير حواليها .. مين رشا هذي و من وين جا الهوا البارد هذا

اول ما هب عليهم الهوا البار انتفضت مشاعل و صارت تقول كلام مو مفهوم
شوق بخوف : مم .. ممشاعل شو تقولين
و مشاعل تتكلم بلغه مو مفهومة ابدااااااااا
وقتها خافت شوق و هي تشوف مشاعل تهز براسها يمين و يسار و تتكلم كلام مو مفهوم و طعت من الحمام و هي ترتجف و شافت قدامها هيا
شوق بخوف : ألحقيني شوفي مشاعل شو صار لها
وجهه هيا أتغير كأنها عارفة شي و ماتبي تقوله لشوق : وينها هي
شوق : في الحمام في شي مخبينه عني
هيا بخوف : بعدين بعدين تعالي نشوفها
وقفت هيا عند باب الحمام الله يعزكم و كانت رجلها ترتجف و قال : تعالي مشاعل بقرأ عليج تعالي بقرأ عليج
شوق مستغربة و مو فاهمه شي
مشاعل ظلت علي حالتها تصرخ بكلام مو مفهوم مو كأنها هي الي تتكلم .. اما هيا خافت و نادت المعلمة عشان تطلع مشاعل من الحمام .. و بعد محاولات من المعلمة طلعت مشاعل و جلست ع الكرسي في الصف في هالوقت طلعت شوق برى الصف عشان تروح عند ربيعاتها عشان تنسى الخوف الي فيها بس الجرس رن و رجعت لصف و جلست مكانها شوق تجلس قدام هيا و جنبها بنت حبوبة و جنب هيا مشاعل
المهم كان عليهم حصة تلاوة و كل وحدة طلعت المصحف حقها و المعلمة كانت تشرح احكام التجويد سمعت شوق صوت جاي من وراها لفت شافت مشاعل تكلم نفسها ..
مشاعل : روحي عني انا ما ناديتج .. روحي ما ابيج ..و سكتت شوي و رجعت تقول ..: انا مسلمة ماتقدرين علي انا مسلمة .. و سكتت كأن شخص يكلمها و شوي قالت : و الله بصلى و الله بصلى بس روحي
لفيت علي هيا لقيتها ترتجف
هيا بخوف : شوق انا خايفة
شوق : شو الي صاير قولو
مشاعل لفت علي شوق و شوق خافت من نظرتهاا و لفت لقدام كأنها تنتبه للمعلمة
و رن الجرس .. و جلست مع هيا و مشعال قلت لهم قولو شو السالفة
مشاعل بعد ما هدأت : ماراح تصدقيني
شوق : لا بصدقج قولي
مشاعل : انا في جنية تطلع لي دايما
شوق وجهها صار اسود هي تخاف كثير من الجن
مشاعل : و يوم كنت اناديها في الحمام جات
شوق بخوف و الدموع بعيونها : يعني الهوا البارد .. هي
مشاعل و هي تكمل : و يوم بدأنا حصة التلاوة جاتني قالت لي انتي ناديتيني و قلت لها لا روحي ما ناديتج قالت انتي لي .. قلت لها لا روحي انا مسلمة ماتقدرين علي قالت ههههه مسلمة و ما تصلين قلت له و الله بصلى والله بصلى وبس
شوق بخوف : يعني الجنية كانت وراي انا؟
مشاعل :ههههههههههه هذا الي همج
شوق عشان ما تبين خوفها من مشاعل و من الجنية اخذت الموضوع بضحك و قالت : هههههههههههههه ليش ما قلتي لي عشان اعزمها تتقهوى عيب جنية اول مرة تدخل صفنا و ما نعزمها
هيا : هههههههههههههههههههههههههههههه
مشاعل : لا تقولين كذا ترى بيطلعون لج و الله يسمعونج
شوق بخوف : هههههههههه تطلع عادي بسلم عليها
مشاعل : تدرين دايما اشوف راس مقطوعه في البيت
شوق : مارحتي عند مطوع
مشاعل : رحت بس قال لاهلي شلو بنتكم و اطلعو
شوق: هههههههههههههههههههههههه مسكين ماقدر علي رشا هعع
مشاعل : شوق لا تضحكين ترى تسمعج
شوق : تيب خلاص يلا نرجع الصف المعلمة جات



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 13-06-2008, 01:19 PM
دلوعة بمزاجي دلوعة بمزاجي غير متصل
©؛°¨غرامي مشارك¨°؛©
 
الافتراضي رد: قصة ورود في تربة مالحة .. قصص بنات خليجيات ( واقعية )


روووعة يعطيك العافية
على البارت اكثر من رائع

تحيااااتي لك
دلوعة بمزاجي



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 13-06-2008, 02:13 PM
salwani salwani غير متصل
©؛°¨غرامي مشارك¨°؛©
 
الافتراضي رد : قصة ورود في تربة مالحة .. قصص بنات خليجيات ( واقعية )


raw3a nantether el bagi ;D


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 13-06-2008, 06:59 PM
مشاوير الألم مشاوير الألم غير متصل
©؛°¨غرامي جديد¨°؛©
 
الافتراضي رد : قصة ورود في تربة مالحة .. قصص بنات خليجيات ( واقعية )


الاروع هو مروركم و الله

وان شاء الله بنزل البارت الجديد اليوم او بكرا ^_^



Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم