حنين الماضي ، اول رواية لندى الزهور

[دانة الحجاز]

قفلت دفتر مذكراتها اليومية بعد ما كتبت ما يختلج

في صدرها من شوق .... وحاجة لدفء وحنان امها

وكان دفترها هوه حياتها ... يتكلم عن ماضيها ...

وحاضرها ... واماني مستقبلها.

ودخلته في علبته الخاصة ووضعته في دولابها

وقفلت عليه فهوه بالنسبة ليها كنزها الوحيد .

وسمعت زوجة ابوها تناديها ....

مريم : تهاني ... تهاني ماتسمعيني اناديك

تعالي هنا عساك الصنج ... وبدت تسب وتشتم

لا خلت ولا بقت ..

ردت تهاني : نعم ياخالة تبغي شي ؟


مريم : انتي فينك يابنت؟ لما اناديك تجيني هوا

ولا ثواني ما تتأخري ولا عارفة عقابك..فاهمة

والا اعيد تاني ؟؟

تأففت تهاني في قلبها وقالت :الله يعينني عليكي

يا شيخة ويفكني منك ومن شرك

وابتسمت بتصنع : أبشري يا خالة آمريني شبيك

لبيك تهاني بين ايديك ...

مريم :اقولك بلا كترة هرج ونظفي الصالون

جاراتي جايين ..واعملي القهوة والحلا .. وجهزي

براد الشاهي وسوي معجنات واذا خلصتي نظفي

المطبخ ابغاه يبرق فاهمة نقطة وسخ ما ابغى اشوف
يالله فارقي اففففففف

ردت تهاني بقلة حيلة : طيب ... اتعودت على

الكرف والتعب وصايرة خفيفة في الشغل >>>

يابخت اللي ياخذها ست بيت مية مية خخخخ

المهم خلصت شغلها وطلعت اتحممت ولبست

فستان اكمام قصيرة وقصير تحت الركبة

ولونه بيج ومشجر ورود ورفعت شعرها

ذيل حصان .. وحطت مسك بريح الزهر

اماكن النبض .. وحطت روج خفيف ..

وكحلت عينها .. وبعد ما انتهت .. طالعت

نفسها في المراية .. وفي عيونها بريق حزن

نتكلم عن تهاني شوية :

تهاني جميلة بمعنى الكلمة .. جامعة بين الجمال التركي

والجمال الهندي .. امها الله يرحمها تركية الأصل شقرا

وعيونها رمادية وعيونها صغيرة بس جذابة

وابوها في الاصل هندي اسمر عيونه واسعة وسيم

وشعره اسود فاحم …. وهيه اخذت من امها بياضها

وشقارها ولون عيونها وشفيايفها الوردية … ومن ا

ابوها وسع عيونها والرموش الكثيفة وغمازته في

خده اليسار لما يضحك ومن جماله كثير ….

وجسمها عذاب

وهذه اللي مخلي مرة ابوها تموت غيرة من جمالها

طبعا جو الضيوف اللي هم طبعا جارات مريم

ونزلت واستقبلتهم ودخلتهم الصالون

جاتها مريم للمطبخ وقالت : اسمعي ياراس البلا

(طبعا هذا لقب مريم لها ) تضيفيهم وتجلسي تستني

الين انادي عليكي ما ابغاكي تفشليني فاهمة >>>

ادري انها معلقة على كلمة فاهمة

تهاني : الله يعطيني الصبر متى افتك من وجهك

راحت شغلت التلفزيون وتابعت مسلسلها المكسيكي

وكل شوية (وجع الراس) تناديها ... هذا لقبها لمرة

ابوها .

دخل ابوها ... اللي تموت عليه ومستحملة دا كله

عشان خاطره وبسسسس .

شافته اول ما فتح الباب جريت عليه كانها طفلة

عمرها اربع سنين ... وهوه فاتح يدينه لها

تهاني : بابا حبيبي وحشتني .. وارتمت في حضنه

واتعلقت برقبته وباسته على خده .

محمد (ابو تهاني) : طالع على بنته بكل حب وحنان

الدنيا كلها ... ياعيون بابا وحبيبة بابا وروح بابا

كيفك حبيبي انتي بخير؟

تهاني : انا بخير يا احلى بابا في الدنيا ربي لا

يحرمني منك

وجلسوا على الكنبة وهيه بين احضانه وماسك يدها

ويبوس يدها ويشوف فيها حبيبته اللي ماتت عشان

كذا يحبها وما يحرمها من حنانه ابد

سألها : حبيبة بابا ناقصك شي ؟ اطلبي وانا دحين

اجيبه لك

غمضت عيونها وتدلع وتميل راسها .. وقالت س

سلامتك يا احلى بابا في الكون ... ابغاك طيب و

مرتاح ياحبيبي

طبعا دخلت عليهم هادمة الاوقات السعيدة وشافتهم

واشتغلت الغيرة في قلبها

وقالت بابتسامة من ورا قلبها

مريم : انت جيت يا قلبي حمد الله على السلامة

وجلست جنبه وهيه تطالع بحقد على تهاني

وتهاني ولا همها مادام جمبها اللي ساند ظهرها

وما تتعمر تسوي مشاكل لانه ابوها مو ناقص

وتحاول انها تستحمل

مريم : تهاني حبيبتي حطي لابوك العشا اكيد جيعان

وتعبان وهي عيونها تشتعل غضب

تهاني وهيه تمسك يد ابوها بكل حنان : بابا حبيبي

اجيب لك عشا ؟

محمد :لا يا قلب بابا انا خلاص لما شفتك كأني

أكلت انتي بس روحي شوفي مذاكرتك ما ابغى شي\

يشغلك ابغاك تجيبي نسبة عالية عشان تدخلي الطب

طبعا الاب يا عيني مسكين مو داري (وجع الراس)

مو مخلية بنته تشم الهوا اللي وهيه طابة عليها

وكاتمة على نفسها

قالت بدلع : من عيوني يا احلى بابا

مريم : تهاني الله يعافيكي حبيبتي قبل ما تطلعي

نظفي الصالون جاراتي راحوا هيه كلها كم صحن

طيب ياتوتة

تهاني في قلبها : حبيبتي وتوته طيب ياراس البلا

نشوف آخرتها معاكي ابتسمت عشان ابوها

: طيب يا خالة من عيوني وراحت

محمد : مريم ليش انتي ما تنظفيه انتي عارفة

انها عندها دراسة لازم تذاكر وجيب نسبة ما ابغى

شي يشغلها

قامت قالت بمكر : حبيبي محمد انا سويت اصناف

كثير ونظفت المطبخ قبل ما يجوا فهي بس تشيل

الللي في عشان تتعلم شوية شغل البيت وانت عارف

اننا ما نقدر نجيب شغالة وضعنا المادي ما يسمح

فلازم نتعاون وما عليك انا مراعيتها بس انت ولا

يهمك اول ما تنجح اسويها حفلة ما حصلت ولا

واستوت ةكل الاكل من يدي اطبخه عشان تعرف

غلاتها عندي

ابتسم محمد براحة لحنية زوجته على بنته :

ربي يسعدك ويخليك يا مريم زي ماانتي مريحتني

خفت تقسي عليها بس عوضتيها حنان امها

ابتسمت مريم بدهاء عشانها قدرت تاخذ قلبه مثل

كل مرة وتطلع نفسها ملاك .

كانت تهاني واقفة عند الباب سمعت ودعت عينها

تبكي حظها ومشتاقة لامها وقالت : ليتك يا ماما

عندي وتشوفي حالي كملت شغلها وطلعت نامت .

[دانة الحجاز]

الفصل الثاني

اليوم الثاني صحيت الصباح صلت الفجر قريت

اذكار الصباح ولبست مريولها ونزلت لقت ابوها

ومريم يفطروا كالعادة لانه ابوها موجود

محمد : تعالي حبيبتي افطري قبل لا تخرجي

تهاني: ان شالله يا بابا

وجلست وفطرت شوية وكانت تبغى تسوي حركة

نذالة وتمشي قبل ابوها عشان وجع الراس هيه اللي

ترفع الفطور لكنها سبقتها وقالت :

حبيبي محمد ما تبغى تروح أتأخرت على ابو مازن

اكيد ينتظرك

طالع محمد في ااساعة ايوة والله لا زم امشي يالله

يامريم تبغي شي

مريم : سلامتك يا تاج راسي

طالع في بنته بحنان : حبيبة بابا اعطيكي مصروف

ولا بقي من مصروفك

تهاني : لا يابابا يا حبيبي باقي من مصروفي

الشهري وانت الله يخليك ليه ما تقصر عليه

بشي ( طبعا ابوها بيعطيها شهريا 300 ريال

مصروف مدرستها واذا نقصها شي بيعطيها

بس يبغى يعود بنته على انها تصرف بحكمة

ومن غير تبذير

خرج محمد تهامي في قلبها جاك الموت

مريم : انتي ياللي ما تستحي تبغي تمشي قبل

ما تنظفي انا كم مرة قلتلك لا تستغلي وجود ابوكي

عشان تنفدي بجلدك لكن انتي عارفة انئ ماني

مسيبتك يالله قدامي نظفي بسرعة وتتأخري

على الباص وتبلشيني مع ابوكي

قامت تهاني وهيه تقول يالله صباح خير

نظفت بسرعة تلحق على الباص

ركبت الباص وهيه تقكر انه متنفسها الوحيد

مدرستها من طغيان وجبروت مرة ابوها

وصلت المدرسة وخلعت عبايتها

هتون : توتة حبيبتي ضمتها تهاني بقوة ولكنهم

بيشوفوا بعض كل يوم بس هتون عارفة انوا

تهاني محرومة من الحنان من وجع الراس فبتحاول

انها تكون لها الاخت والصديقة واللي تقدر عليه

هتون : كيفك ياتوتة قلبي

تهاني : الحمد لله بخير يا تونة روحي انتي كيفك

هتون : تمام التمام كيف نفسيتك والاختبارات \

الاسبوع الجاي

تهاني : اسكتي والله قلبي يرجف ابغى اجيب

نسبة كويسة عشان بابا احقق حلمه وكمان اتخلص

من وجع الراس اذا رضي لي اسكن في جدة مع انه

مو هاين عليه اسيب بابا حبيبي واروح

هتون : لا انتي ماشالله عليكي دافورة ما ينخاف

عليكي ينخاف منك

تهاني : وجع ان شالله تحسيديني وانا صاحبتك

حبيبتك مالت عليكي خمسة وخميسة عليكي

هتون : وي وي هادا كله ماكانت من كلمه قلناها

خلاص ارجعي مكانك يا كلمة

صفر الجرس معلنا بداية يوم شاق

مشيت الايام وجات الاختبارات والكل في حالة

وما ادراك ما الاختبار يكرم المرء فيه او يهان

طبعا من سهر ووخوف وتعب وكل حالات

التوتر العصبي وهكذا الى آخر يوم

خرجوا البنات ورموا الكتب وحضنوا بعض

وخاصة اللي في السنة الأخيرة خوف انهم ما

يتقابلوا مرة تانية

تهاني : تونة انا مبسوطة مررررة اخيرا خلص

القلق مع اني خايفة من النتيجة

هتون : يوووووووووووه ياتوتة كل اختبار تقولي

كدا خلاص انبسطي وفليها

تهاني : من فين يا حسرة وانا راح انحبس ولا اروح

مكان انتي عارفة الحال

هتون : توتة ايش رايك بما نه اليوم آخر يوم اكيد

انكل محمد يوافق تجي عندي عشان ترفهي عن

نفسك والله لأخليكي تخرجي كآبة السنة كلها\

تهاني : هههههههه تونة انتي ناوية على موتي

واللله لراس البلا تجيب اجلي

هتون : اخسرك من عقرب الموت هاذي والله لأطلع

الشيب في راسها وهيه ماهي ناقصة تلاقي شعرها

صاير باروكة رمادية وهيه تصبغ بني يعني انها

شباب قدام ابوكي

تهاني : هههههههههههههههه توتة الله يقطع شرك

والله لو تسمعك ما عاد تشوفيني

هتون : ولا يهمك والله لأوريك فيها سم الثعبان

ان ما خليتها تقول حقي برقبتي ماني تونة ابو

العلب

تهاني : ههههههههه تونة خلاص وربي خلاص\

ما ادري من فين تجيبي الاسماء انتي قاموس

بحالوا والله راح افقدك وويوحشني كلامك وبغيت

تنزل دمعتها

هتون غيرت الموضوع اقول يا دلوعة ابوكي

لا تقلبيها مناحة وتغيري لي مزاجي انا مروقة

على الآخر وانتي دمعتك على خدك يبغالي

اعطيكي من قسوة قلبي شوية عشان ما تبكي

على طول زي البيبي اللي اذا فتحوها ماعاد

يسكوها تقولي مطافي واسعاف

تهاني : ههههههه وهيه تمسح دمعتها حرام عليكي

انا بيبي راح ادخل طب وتقولي بيبي طيب ياجدة

تونة ... الله تخيلي تصيري جدة وبعكازات والله

شكلك تحفة

هتون : تهاني اسكتي احسن لك لا تغيري لي

مزاجي ... جدة في عينك تبغي تكبريني قبل

اواني وانا لسة ما اتهنيت بشبابي ما لقيت لي

واحد ينجن عليه وانا اسوي ندالة واسيبه

عشان اختبر غلاتي

تهاني : وي وي البنت بتفكر في رومانسيات

آه يا خاينة من وراية يا خوفي تطبي وما حدش

يسمي عليكي قال ايه تبغى احد يحبها عشان تذلوا

هتون : انتي ايش فهمك يا شيخة انا هتون افكر

في الحب احد يحبني طيب لكن انا ما اضيع عمري

ورا سراب

تهاني : طيب يا جامدة انتي شوفي جوالك من اول

يدق وانتي مطنشة تلاقي عبد الحميد (السواق)

نافوخه ضرب من الشمس

هتون طالعت في الجوال واااااااااااااااااااااااي هذا

مو عبد الحميد هدا هاد .... وهي انقرصت من كثر

الخوف

تهاني : تونة ميييييييين ؟

هتون : هدا ريان لا يكون هوه اللي جايني بس امي\

ما اعطتني خبر على بالي عبد الحميد عشان كدا

لا طعته

تهاني : تونة خلاص ردي بلا كترة كلاام

هتون وهيه ميتة خوف : اااال........الو

ريان وهو يصرخ: ساعة ياحيوانة انتظرك برة

فينك عن جوالك ياهانم احنا مطلعين لك جوال

عشان ماتردي مال امه داعي جوالك .... لا خلى

ولا بقى وبعدين قفل السماعة

هتون : ياويلي الليلة احضري جنازتي وهيه

تلبس العباية بسرعة

تهاني : الله يعينك وهيه قاعدة تتفرج عليها

هتون : توتة اخلصي البسي لا نتا خر

تهاني بخوف : لا يا حبيبتي ماني مستغنية

عن روحي تبغيني اركب مع الوحش الكاسر اخوكي

انا بس سمعت صوته بغييت اموت تبغيني اركب

معاه لا روحي

هتون : توتة لا تجنيني والله لما تكوني معاية

راح يسكت امشي وبلا دلع

المهم خرجوا بسرعة وركبوا السيارة وردوا السلام

(ريان اخو هتون الكبير عمره 23 ووآخر سنة

له في الحاسب الآلي وهو شاب وسيم بشرته حنطيه

وشعره اسود عصبي مرررررررررة وانسان

غامض لكن الحلو فيه انو رضي والدين )

هتون : ريان على بيتنا لانو تهاني حتجي عندي

طبعا ولا رد عليها وصلوا الفيلا كان تصميمها

خيال وبحديقة كبيرة ومسبح على شكل s يعني

يرد الروح ... المهم دخلوا وريان مشي بسرعة

كان عنده موعد

[دانة الحجاز]

يا الله ياحلوين انتظر ردودكم

عشان اكملها او اوقف

تشااااااااااااااااااو

[][.. as iam ..][]

بليييييييييييييييز كمليهااااااااا << تحمست

مشكووووورهـ ^^

متى بتنزلين البااارت مررهـ متحمممسهـ أنا ^_^

[دانة الحجاز]

[color="RoyalBlue"]اول ما دخلوا كانوا قاعدين في الصالة فراس وفواز

هذولا اخوانها اصغر منها في المتوسط الفرق بينهم

سنه ومعاهم آخر العنقود غصون عمرها خمسة

سنوات هتون تمووووت عليها عشانها اختها الوحيدة

طبعا اول ما دخلت جريت عليها غصون وضمتها

تونة جبتي لي حلاوتي اللي احبها

هتون : اكيد يانونة خذي بس قبلها هاتي بوسة
غصون : اممممممم مممممممواه شكرا يا تونة

وراحت

هتون : تعالي ياتوتة البيت بيتك لا تستحي ادخلي

على بال اشوف ماي مذر فينها وارجعلك

تهاني : اوكي وجلست على الكنبة جنب الاولاد

وقالت فراس كيف حالك مافي وحشتينا يا توتة

فراس : اوووووووووووه القمر عندنا وانا ما ادري

سوري يا توتة ما اقدر اسيب اللعبة اخاف يفوز عليه

الفواز دا

فواز من النوع الخجول ما يحب يتكلم مع البنات

وتهاني ما تحب تحرجه قالت حرام عليك فواز

مؤدب مو زيك ما خليت بنت ما تتغزل فيها

فراس : ههههههههههه اعجبك ترا انا اطيح الطير

من السما

تهاني : فراس ولد يا خطيييييير من فين تتعلم دا

الكلام الله يعين لما تكبر ايش تسوي

فراس : لا تخافي راح اصير جنتل بس رومانسي

تهاني : تمووووووت على الولد دا تعتبره زي

اخوها

جات ام هتون (هيفاء) : اهلا وسهلا نور البيت

حبيبتي من زمان عنك وحشتينا

قامت تهاني : سلمت عليها منور باهله ياخالة والله

حتى انتواوحشتوني

هيفاء : كيف حالك ياعيني ان شالله طيبة اذا ناقصك

شي اعتبريني مثل امك لا تستحي

تهاني بخجل : تسلمي يا خالة هذا من طيب اصلك

هيفاء : روحي حبيبتي اطلعي عند هتون قالتلي

اقولك عشان هيه انزنقت ما قدرت تقولك وخدي

راحتك البيت بيتك

تهاني وهيه تقوم مشكورة يا خالة وطلعت

هيفاء اتنهدت وهيه تطالع فيها تروح ودعت

الله يجعلها من نصيبك يا ريان والله البنت طيبة

وحبوبة سمعها فراس وهوه اذنها عندها قال :

آميييين ياأمي يمكن تدر تهجد ولدك البركان الثائر

تخلي بركان خامد

هيفاء خبطته على راسه ولد استحي على وجهك

هذا اخوك الكبير مافي زي اخلاقه ليتك تطلع زيه

فراس : اخخخخ ايش في يا أمي احنا نقول الحق

تبغي بنت زي النسمة تآخذه عز الله دفنها تاني

يوم اخطبيها ليه مثلا اكون حنون عليها

هيفاء وهيه فارت غضب منه : انت الكلام معاك

ضايع ما ادري من فين جايب دا اللسان اروح

اشوف طبخي احسن وقامت

فراس وفواز يضحكوا عليها عشان عارفين ما تحب

احد يتكلم على حبيب قلبها ريان

وصلت تهاني غرفة هتون لقت يافطة مكتوب عليها

اللي يدخل يدق الباب والا يقلب وجهه ما عدا هيفاء

وهبي وجون ترافولتا (طبعا تقصد امها وابوها )

تهاني ضحكت والله هادي البنت مرجوجة ما ادري

متى تعقل .... دخلت لقتها في الحمام تآخذ شاور

وهيه خلعت عبايتها .... ودارت في الغرفة تتفرج

مثل ماهيه لما دخلتها من سنتين [/COLOR]( لما جاتهم مرة

تزور هتون كانت تعبانة ذيك المرة اول مرة تشوف

غرفتها وبعدها طبعا وجع الراس ما تركتها تروح

تاني لانها تخلق لها مليون شغلة )

كان لونها وردي على موف دامجة لونين

والغرفة مليانة دببة وسرير كبير طبعا ومكتبة فيها

روايات ... غرفتها مليانة بس كيوت ... شغل بنات

جلست تتفرج على الصور ...لقت صورة لللعايلة

لما كانوا صغار ابتسمت لإبتسامتهم وبعدين

لقت صورة لريان صغيرة جمب الصور أخذتها

تتأملها كانت اول مرة تتدقق في ملامحه كان

حليوة وضحكته احلى ... كانت تنظر له مثل فراس

مجرد أخ كبير

المهم خرجت هتون : انتي لسة بالمريول ادخلي\

اتحممي وتلاقي روب معلق استخدمي انا جهزتلك

هوه ...

تهاني : ما شالله مخططة لكل شي

هتون : طبعا انا هتون والاجر على الله يالله ادخلي

على بال اكلم انكل حمودي (دلع ابو تهاني) اخبره

انك عندي

تهاني : دخلت الحمام

هتون طلعت من الدولاب برمودتين جنز وبدي

واحد لونه وردي وواحد لونه موف عليه رسمه

فم ... طبعا هيه مستعدة لمثل هذا اليوم من زمان

عشان يطقموا مع بعض ... لبست هتون الوردي

ونشفت شعرها

هتون بنوتة نعومة درجة بياضها عادي ... شعرها

ناعم صابغته كستنائي ... طوله لنص ظهرها قصته

فراولة ملامحها جميلة فيها الدم المصري لانه جدتها

ام امها مصرية ... نزلت تكلم ابو تهاني قبل لا تقلبه

عقرب الموت ..

تهاني وهيه تحت الدش تفكر في حالها بحياتها لها

زمان ما شمت الراحة... لها زمان محبوسة

من المدرسة للبيت ومن البيت للمدرسة ... لكن

خلاص هيه كبرت لازم تنفتح للحياة عشان تتعرف

على اصناف المجتمع بدل القوقعة اللي عايشة فيها

بعدين حنت لأممها وبكت وضمت نفسها ...

آآآآه محتاجتلك يا أمي محتاجة حبك ودفاك مسحة

يدك على شعري من يوم فتحت عيني على الدنيا

وانا على يد مربية ..الله يذكرها بالخير دادا

خيرية ... هيه اللي ربتها من يوم جابها ابوها

وما اتزوج وهيه كانت لها الام الحنون ربتها الين

صار عمرها 14 سنة وماتت وتركتها ... اضطر

بعدها ابوها يتزوج لانه بيغيب عن البيت كثير

اتزوج اخت صاحبه لأنه كان يعزه واخذها وهيه

وهيه عمرها 35 واتوقع انها تكون حنونة بحكم انها

ما تجيب عيال لكن انتو عرفتوا حالها

طولت في الحمام خافت هتون ... دقت عليها البااب

توتة انتي بخير ايش بك طولتي هذا استحمام والا \

تنقيع لا تكوني صرتي نجفة فوق ماانتي شقرا

تهاني : ابتسمت ورجعت للواقع هتون صديقتها
\
وحبيبتها واختها لولاها بعد الله وكمان ابوها كانت

تكون في خبر كان سكت الموية ... وردت

انا طيبةا الله ياتونة من جد قلق ما تخلي احد يروق

تحت الموية .

هتون : يا اختي خلصتي الخزان حقنا عشان

ترويقتك ... وبعدين احد يروق في الحمام عندك

المسبح بكبره مو عاجبك

تهاني خرجت وعلى راسها لمنشفة تونة نفسي

اعرف اهلك ما يصدعوا من رجتك ما تسكتي

مسكينة امك تلاقيها تستنى متى تزوجك وتفتك

هتون : هيه امي تلاقي زيي انا فرفوشة البيت

الكئيب ان كان من ريان البركان الثائر على قولة

فراس .... واللا الاثنين اللي ماعندهم غير السوني

والا غصون اللي ماعندها غير الباربي شفتي

كيف اني جو البيت

تهاني : وهيه تلبس ملابسها طيب يا واثق من قدك

خلصت تهاني تركت شعرها مفرود عشان ينشف

هيه شعرها مو مرة سايح في لفة لما تستحمى

يصير اندومي ... حطت غلوس وشوية ماسكار

اخوية لو كان عندي اخ غير رايان كان زوجتك هوه

تهاني حمرت وقالت تونة بلا كلام فاضي وخلينا

ننزل نشوف خالتي نساعدها في المطبخ

هتون : اقولك تحسبي نفسك في بيتك تبغي تكرفي

لا يا اختي ارتاحي امي ما تحب احد يدخل في

طبيخها وبعدين انتي جاية تروقي مو تشتغلي

اقول امشي بس انزلك مكان المزاج تبعي

تهاني يالله نزلووا خرجوا على الحديقة راحوا

مكان كان تصميمه زي الكوخ الصغير بين

اشجار عشان ما يكشف اذا احد جا فجأة

كان هذا المكان من تصميم هتون وفكرتها

لانها تبغى تكون لوحدها برجتها ان شالله ترفع

المسجل لآخر شي ما تزعج احد

دخللوا كان من جوا في جدران وارضية بالنظام

الخشبي ... طبعا كنبات امريكية اللونين احمر

وبيج ... مطبخ مفتوح صغير لاحتاجاتها الخاصة

وحمام وطبعا حاطة لمساتها بس بشكل عملي

استريوا ومكتبة فيها مجلات .... وتلفزيون وفيديوا

يعني جو ولا أحلى

تهاني انبهرت بالمكان كان خيال والإضاءة معطيته

جو .... والله وما طلعتي هينة يا تونة يحق لك

تشوفي نفسك يا واثقة

هتون : ههههههههه والله اتمنيت تجي عندي دايما

دايما كنت اتخيل انا انتي في دا المكان نهيص

ونقلبها ملاهي يا الله ايش تحبي نعمل

تهاني : انا بصراحة نفسي ارقص مصري

هتون : عاد انتي رقصك عذاب .. دقيقة اشوفلك شي

رايق .. ايوه القلب قلبوه بيوجعوه يالله

شغلته وبدت تهاني وهتون بالرقص وضحك ومزح

كانت اصواتهم عالية

طبعا عدى الوقت وجا العصر الساعة 5 ريان دخل

البيت وقف سيارته وهوه ماشي سمع الصجة

والرجة قال : هادي المرجوجة كم مرة اقولها

لا تعلي الصوت كدا لكن انا اوريها

ريان كان ناسي انو تهاني موجودة وكانوا هم

ساعتها فاتحين مصري ويرقصوا ... اغنية

يا عيني يا ليلي آآآآه يا مسهر عيني ...

وهوه كان يبغى يفاجئها فتح الباب بقوة .... وتهاني

كانت على الطاولة ومديتها رقص هتون في

الارض طبعا .... هوه اتفاجأ بجمال رباني ماشاف

زيه ... جا في باله على طول الشمس في شعاعها

كان شقارها بالنسبة له زي الشمس ... اللي فعلا

شعلت شي في قلبه ... هذا كله كان في ثواني

ورجع قفل الباب

طبعا تهاني من الصدمة ماكانت عارفة ايش تسوي

ولما استوعبت نطت على المطبخ واستخبت تحت

الطاولة

هتون : اففففففف هذا ايش جابه ... ريان ايش تبغى

ريان حاول يتدارك الوضع وما يلفت الانتباه بربكته

انا كم مرة قلتلك ما ترفعي الصوت كدا انتي شايفة

انك عايشة لحالك ... وبعدين انا آسف ماكنت ادري

انو في احد وراح

هتون : طيب خلاص .... توتة فين رحتي يا هبلة

تهاني : وهيه ميته رعب ررااااح

هتون : والله انك تحفة قد كدا مسويلك رعب

تهاني : اسكتي بغي يوقف قلبي لما شفت نظرته

يقتلني .

هتون : ههههههههههه الله يرجك يا هبلة ما تفرقي

بين النظرات ... ما شفتي كيف بغت عينه تطلع

تهاني : وجع يوجع عدوك ايش التهاويل دي

وبعدين يحسبني انتي وتعرفي اخوكي دا ما يداني

المرقعة

هتون : لاه يا حبيبتي انا برضه اجي جمب القمر

شي

تهاني : خلاص تونة قفلي ع السيرة ما احب دا

الكلام

ريان طبعا في حال ما يعلم به الا الله ... ريان ما

يحب البنات وعمره ما انتبه لبنت ... وما يحب

المياعة حتى على اخته مرة شديد ... بس من يوم

لمحها وهو انقلب كيانه ... ما توقعها بهذا الجمال

والرقة .. دايما يسمع اخته تتكلم عنها لكن عمره

ما اهتم ... اول مرة يحس بقلبه شي غريب

بس عايش صراع نفسي ما يبغى يوقع في شي

ما يبغاه ... وهوه في سرحانه دخل البيت

والعادة يمر على امه يسلم عليها ... وطلع فوق

على طول ... هيفاء استغربت طلعت وراه

ودخلت عليه لقته بيخلع ملا بسه ... ريان

ريان وهو ه لسه في صراع ... بعدين انتبه لأمه لما

مسكت كتفه

هيفاء : ريان حبيبي فيك شي؟

ريان ابتسم لأمه لا سلامتك يا غالية بس شوية تعبان

هيفاء : طيب احط لك اكل

ريان : ارتاحي بس ابغى اا نام

هيفاء : على راحتك اذا احتجت شي اتصل على

تحت

ريان : طيب يا امي

وأخذ شور وونسدح على السرير حاول يبعد

صورتها مو قادر ... اففففف مو حالة

الله يخزيك يا شوشو ... عافر وحارب الين نام

نرجع لتهاني وهتون اللي يتفرجوا فيلم امريكي

رومانسي بس مات البطل وقاموا الاثنين يبكوا

وبعدين ضحكوا على بعض

هتون : ايش الهبل دا

تهاني وهي تمسح دمعتها انا ادري عنك حاطة فيلم

زي وجهك

تهاني طالعت في الساعة لقتها 9 تونة انا اتأخرت

خليني ارجع والله لمريم تنتفني تلاقي البيت

مقلوب عارف بدت الاجازة حتحط حرتها فيه

هتون : توتة لسه بدري وبعدين بابا ما يخليلني

اخرج دحين مع عبد الحميد ومافي غير ريان

تهاني : لالالا خلاص هونت حتصل على بابا يمرني

هتون : هبلة ابوكي ما عنده سيارة كيف يجيكي

وبعدين يرجع تعبان امشي اكلم ريان ماراح يقول

شي

تهاني : ما بدي والله اخاف يكرهاني بزيادة

هتون : توتة امشي

المهم طلعوا هتون كلمت ريان وقال طيب

لبسوا عبيهم وراحوا