إرحل

[mavis]

إرحل


قـلبٍ جرحته كيف تـَرْجِـيهْ يهواك قـلبٍ عِـشَـقْ إسمك و رسمك و طاريك

دامـك نسـيته كيف ما تـْريد ينساك مهما رجـيتـه للأسـف صار ناسـيـك

إرحل تناسى عـشرتي ذوق بَـلْـواَكْ ما عاد لِـكْ طـاري ولانـي بشـاريـك

اتبع طريقك واترك اوهام رَجْـوَاكْ مهما ارتجـيت القـلبْ ما عاد يـِبْـغيك

غير الوفا و الودّ ذا القلب ما اعْطاك تجرح و يسمح وِ بْحَـنانه يـداريـك

كان الفواد أمـْسِـه و يـومـه لـذكراك و اليوم يا غــــدّار ما هو بهاويـك

يا ناكر احسـاسي أنا اليوم ما ابْغـاك دوّر على غيري عسى انّـِه يسلـّيك

واعلم تراني اليوم ما ريــــد لامـاك قلـبٍ غـلاك الأمس ما عاد يـَغْـلِيـك

قـلبٍ ملكـته أمـس ذا الـيوم يـجفـاك دامــك جـفـيتـه لا تـظنـّه يـراعيـك

مشغـول عـنّي بالذي صوته اشْجَاكْ وابْحَرتْ في دنيــاه تـَسْبِـقْ أمـانيـك

لا بـد هـو عـن كـل مخـلوق سَـلاّك خـلِّـه عـلى يمنـاك لا بـد يـرضيـك

لَـكِـنْ حـذرك تـَسْـلـِك فْدربه خْطاك ثم اتْـعـثَّـر و بـدجـى الـليل يرميـك

و القول مـنـّي يـَوْصِـلـِكْ و يْتـعدّاك لي نفس عـزّتها قبل رغـبتي فــيك

واظـنّ يكفي من وفا اليوم ما جـاك عـقب الوفا و الـودّ شانت معانـيـك

وامّا الفــواد اللي على الكــلِّ بـدّاك واسرفت في ظلمه و جافيت غاليك

لـو تـرتـجي ودّه فـلا تـظن يـهواك دامه نسى اسْمك و رسمك و طاريك



عَـــتِيـــجْ سَـــيْف الـــقـــبَيسي


mavis

[سراب الصمت]

mavis

يعطيكِ ألف عافيه

كلمات رائعه

نقل رائع وجميل

كلك ذووق

//

[النبره العذبه]

مشغـول عـنّي بالذي صوته اشْجَاكْ وابْحَرتْ في دنيــاه تـَسْبِـقْ أمـانيـك

لا بـد هـو عـن كـل مخـلوق سَـلاّك خـلِّـه عـلى يمنـاك لا بـد يـرضيـك



كلماااات رائعه


يعطيك الف عاااااااااافيه على النقل الرائع



تقبلي تحيااااااتي

[fahad605]

قـلبٍ جرحته كيف تـَرْجِـيهْ يهواك قـلبٍ عِـشَـقْ إسمك و رسمك و طاريك

دامـك نسـيته كيف ما تـْريد ينساك مهما رجـيتـه للأسـف صار ناسـيـك


كلمات اكثر من رائعه


ذوق جميل


مت بود

[رونق الحروف]

كلمات تلامس الاحساس
تشكر ع النقل الرائع
ارق التحايا