ناظرتها نظرة وبالنظرة عذبتني

[real_love_77]

السلام عليكم .. ورحمه الله وبركاته ...
مرحبـــــــــــــــــــــــــــــــا الساع ...
شحالكم علومكم عساكم طيبين ..
المهم ... اليوم انا يايبه لكم قصة طرررررررررررررر .. مكتوبة عشاني ..خخخ ... هي ربيعتي كاتبتها ... ونزلتها بالمنتدى اللي فيه و ما بغيت احرمكم منها وقلت بنزلها بالمنتدى الغالي على قلبي ... المهم ... ترى البطلة انا اللي مقصودة بس لاتخافون مو اسمي مشاعل بس احب ها الاسم ...و لا تتحرون القصة صدق تراها من وحي خيالها وهي قايلة بتهديني هدية و هدتني ها القصة اسمي ها البنت عسل هي وخبالها ...عن تضيعوني مستقبلي لا ترى مالي بها السوالف هاي حركاتها ... خخخ .. وهي الكاتبة اماراتية .. بس تحب السعودين و انا بعد فقتلها تكتبها باللهجة السعوودية وانا بعد قاعدة اكتب قصة .. انتظرووها .. ^_* ..
يلا بنبدأ بالبارت الاول و ابي أرائكم يا الحلووووين عشان ابشرها ...
.................................................. .................................................. ...............................

ناظرتها نظرة وبالنظرة عذبتني

..............................................

عائلة بو مشعل
مشاعل عمرها 17 سنة حبوبة عايشة حياتها
مشعل عمره 19 سنة حليوو طيوب
ريم عمرها 3 سنوات دلوعة
والوالد فهد إنسان محبوب عند الكل وغير هذا غرشوب
والوالدة مريم محبوبة ودايما تغار على بو مشعل ^_^
...............................................

عائلة بوتركي
بندر عمره 18 سنة مزيون ما يهمه في الدنيا إلا شي واحد (؟)
تركي عمره 20سنة عاطفي ..
راكان عمره 19 سنة وهو وايد ويا مشعل
الهنوف عمرها 16 سنة ..مزيونة لكنها شوي جادة
الوالد سلمان إنسان راضي بلي الله كاتبنه له
الوالدة أسماء إنسانة طيبة وقريبة من عيالها وهي إخت مريم

.................................................. .......

عائلة بو سعود
سعود عمره 20 سنة لاهي بكليته (كلية الطب)
الغلا عمرها 17 سنة دلوعة مزيونة وهي وايد ويا سعود
عبد الله عمره 4 سنوات ودوم متخيل نفسه ريال البيت
الوالد مساعد وعنده شركة يشرف عليها بنفسه
الوالدة فاطمة عسل ..
البارت الأول

بيت بو مشعل

بو مشعل : يا مشعل وين إختك وأمك وراهم تأخروا أبطينا على الجماعة
مشعل وهو يعدل غترته : يبه دحين يجون إلا أقول يبه وش ذا الزين
بو مشعل: يا بزر متى تصير عاجل
مشعل وهو يغمز لأبوه : يبه أقول لأم مشعل رجلك مطيح البنات ذابحهم
بو مشعل يظحك : روح نادهم وفكنا ..
مشعل راح ينادي أمه وإخته : يمه الوالد يقول وراكم أبطيتو تأخرنا على الجماعة
أم مشعل : جايين الحين
وركب أبو مشعل السيارة وراح مشعل وراه
مشعل : يبه جايين الحين
وجت أم مشعل ومشاعل
أبو مشعل : وش ذا الزين يا مشاعل أخاف العين تصيبك
مشاعل : إي يبه طالعة مزيونة مثلك
أم مشعل : ناس وناس
أبو مشعل يا خذ أم مشعل بالكلام المعسول : يا أم مشعل من شفتك ما عرفت وش أقول
مشاعل : شعول شوف وتعلم
مشعل : أحلى من الأفلام الرومانسية
أبو مشعل : بس يا عيال يعني ما أتغزل في أمكم ...قالها وهو يغمز لأم مشعل
أم مشعل : يا رجال تحرك
أبو مشعل : إلا ريم وينها
أم مشعل : بندر خذاها من بكرة الصبح
أبو مشعل : يالله عيل نمشي
مشاعل في نفسها : بندر ...آه يا بندر طالت الأيام واليوم بشوفك
وتحركت السيارة
.................................................. ..............

وفي سيارة بو تركي

بو تركي : يا عيال هذي الأغنية أهديها لأمكم
بندر : إي يبه اهديها والله تستاهل أم ترووك
تركي : أصغر عيالك أنا ..إلا أقول يبه وش طاري عليك اليوم
راكان : عاش عاش بو تركي
الهنوف : يالله خلنا نسمع
بو تركي : وشفيكم يا عيال كلتوني بقشوري
أم تركي : الله يهديك يا أبو تركي
بندر : استحت يبه إلحق
أم تركي : بندر..صرت مثل أبوك
أبو تركي : أقول بنيدر
بندر : آمر
أبو تركي : نشغل
بندر: شغل وأنا وراك
ودار أبو تركي على المسجل وحطه هالأغنية
والله ما يسوى أعيش الدنيا دونك
لا ولا تسوى حياتي بهالوجود
دامك أنت ألي رحلت
وكيف بصبر عالبعاد
وكيف
بنثر هالورود عالبعاد وكيف بنثر هالورود
والعيال : عاشوا الوالد
أم تركي : بو تركي الهوا ضارب بك اليوم
أبو تركي : أم ترووووووووووووووووووووك وشفيك خبريني (وهو يغنيها )
أم تركي ظحكت ....وكملوا دربهم
.................................................. .................................................. .
في مزرعة بو سعود

الغلا : سعود يالله ما جهزت
سعود : غلاي انتي ..بس ليش مستعجلة .العزيمة راح تكون عندنا
الغلا : سعود خلص لا تتم تتفلسف
سعود : وش فيك
الغلا : ماشي بس قربوا يوصلون
سعود وهو يلبس النظارة صد صوب إخته وقالها : شرايك
الغلا : وشلا ها كله ما أحيدك تحب
سعود : إلا أموت في الحب
الغلا : منو
سعود : وحدة
الغلا انفجرت من القهر : أدري وحدة عيل واحد
سعود يظحك على إخته
أم سعود : سعود وليدي أبوك يناديك
سعود: الحين طايرله يا أم سعود
الغلا : ماراح تقولي
سعود : نهي
وراح سعود لأبوه المجلس
سعود : هلا بالرش والطش
أبو سعود : اليوم راح يجي عمك خلك ذرب معاه
سعود :على هالخشم
أبو سعود وهو يسمع صوت السيارة : روح يا سعود شوف عمامك وصلوا وجيبهم المجلس ..
سعود : حاضر يبه
.....................................
يا ترى وش هي الأحداث إلي راح تصير في المزرعة؟
وهل الصدفة راح تلعب دور مع بندر ومشاعل ؟

[VEN!CE]

××

وعليكم السلام والرحمه
الله يعطيك العافيه
اشكري لنا ربيعتك ^-* ع الروايه
وأن شاء الله نشوفه بيننا



××

[real_love_77]

تســــــــــــــــــــــــــلمين ع المرور .. و العفو و يوصل الشكر إن شاء الله ...

[real_love_77]

لول يبت لكم البارت الثاني ...
انا ربيعتي زطية تكتب بارتات قصيره خخخخ ماعليه بعطيها درووس في الكرم يلا بخليكم ويا البارت الثاني ..
البارت 2

سلم سعود على عمه ودخله المجلس ..
بو تركي : هلا والله بأبو سعود
بو سعود:هلا فيك يا خوي
بو تركي : كيف حالك ووش هي أخبارك
بو سعود : والله الحمدلله إجلس
بو تركي : إلا وين بومشعل مابين ..وإلا ما ناوي يجي
بو مشعل وهو داخل المجلس : كاني جيت يا سلمان يا راعي السامان
وظحك بو تركي وبو سعود وسلم عليهم وقعد يسولف معهم
أما الشباب فكانوا برع فاستأذن سعود من أبوه وطلع ..
سعود أول ما شافهم : أنا داخل وانتوا برع وش أقول عنكم
بندر : قول عني ما تقول ..صوب كم صعب الوصول
راكان وتركي ومشعل : وإلي ما يطول العنب حامض عنه يقول
سعود : أجل حامض عنا يقول ها ..وقعد يركض وراهم والشباب يركضون صوب مجلس الحريم ...
وفجأة تعثر تركي وطاح وظحكوا الشباب عليه ...
وكانت مشاعل والهنوف وأم مشعل وأم تركي توهم بيدخلون مجلس الحريم وشافوا الموقف ...
أم تركي : تركي يمه ليه تركض مثل البزران
تركي : يمه هذا كله من بنيدر
بندر : يمه هذا سعود
سعود : إيه قطوا السالفة علي الحين
أم تركي تظحك عليهم ...ومشاعل كانت تناظر بندر من بعيد وكان بندر يناظرها وأول ما حطه عينه في عينها انتبهت للموقف ونزلت راسها وادخلت المجلس ودخلت الهنوف وراها ..
أم مشعل : يالله يا عيال سيروا المجلس وعن هاللعب
الشباب : إن شاء الله
ورجعوا الشباب يسولفون ويتغامزون على بندر لأنه كان في وادي ثاني ..
سعود : بندر
بندر مندمج في خيالاته
سعود (وهو يربت على كتفه ) : بندر ..بندر
بندر : وشفيك
سعود : انته إلي وشفيك
راكان : أخاف إلا يحب يا سعود ونحن ما ندري عنه
تركي : إلا هايم في الحب
مشعل : يالله خلنا نحب
بندر : وشفيكم انهبلتوا أقول أمشوا وخلصونا ..
ودخلوا المجلس ..

..................................................
مجلس الحريم
أم سعود : هلا والله بحبيبتي
أم تركي وأم مشعل : أي وحدة فينا عشان تجي
أم سعود (وهي تظحك) : ما عندي أغلى منكم انتوا الثنتين
أم تركي : إيه وظحي
وسارت سلمت عليها ومن بعدها أم مشعل .. ولما جت مشاعل تسلم
قالت أم سعود : ما شاء الله كبرتي يا شعولتي وصرتي عروس
أم تركي(تغمز لمشاعل ) : لازم ندور لها على عريس مزيوون
مشاعل (استحت) : لا خالتي بعدني صغيرة
أم سعود وهي تظحك : والله إنك وردة مزيونة في كل شي
الهنوف : أنا موجودة
أم سعود : وانتي بعد لكنك منتي مفتحة ...
وظحكوا الكل ..
مشاعل والهنوف راحوا عند الغلا ..
الغلا : هلا والله
مشاعل : فديدتش أنا
الغلا : فديت روحش شقا انتي
والهنوف : وأنا مالي نصيب
الغلا راحت للهنوف : انتي أكبر نصيب بلعبة يا حظ ونصيب
مشاعل (ظحكت) : غلاتي تعالي بقولج وش صار اليووم
الغلا : شو صار بسم الله
مشاعل : سكري الباب وبعدين أقولج
الهنوف : أجل أنا بروح عند عبادي وريمو ماني ناقصة سوالفكم
مشاعل : أجل سكري الباب معك
وبعد ما راحت الهنوف
مشاعل : شفته ...حط عينه بعيني
الغلا : بنيدر
مشاعل : بنيدر في عيونك ...هذا بندر الغالي
الغلا : مشاعل بقولك خبر يطيرك
مشاعل (تستهبل): لا دخيلك ما أبغي أطير أخاف أطيح
الغلا : مشاعل اسمعي اليووم كلنا بنسير البحر
مشاعل : قولي قسم
الغلا : صدقيني أبوي قال اليوم كلنا نبي نروح البحر نستانس وكذا
مشاعل : أحبك يا غلوي أحبك
الغلا : إيه ما هوب الله .. المهم بنطلع بعد الغداء
ودشت الهنوف في هذي اللحظة وهي تقول : غدا غدا
مشاعل والغلا : بسم الله ..مهبولة انتي .....مسوية إعلان يعني ....جايين الحين
ونزلوا يتغدون ....
.............................................
يا ترى وش بيصير على البحر ؟؟
ملحوظة :(( بعطيكم سؤال يحمسكم للبارت الثالث)
شو سر الورقة إلي عطاها عبادي لمشاعل على البحر ؟
اتريووا البارت الثالث

[real_love_77]

البارت (3)
وبعد ما نزلوا يتغدون سمعوا الحريم صراخ برع ..
أم تركي : اللهم اجعله خير
أم سعود : وش صاير خلنا نسير نطل
قامت أم سعود وأم تركي وأم مشعل يطلون وإلا يشوفون طلال أخو أبو سعود توه راد من السفر وما علم أحد ...
أم مشعل : يا بنات سيروا سلموا على عمكم طلال
قامت الهنوف ومشاعل والغلا وطلعوا وراهم أم مشعل وأم تركي وأم سعود...
أبو سعود : ليه ما علمت أحد كنا نرتب لك حاجات شوي
طلال : ماله داعي يا أخوي وحبيت تكون مفاجأة
بندر : ما انت بسهل يا عمي
طلال: أعجبك يا بنيدر ..إلا يا بو مشعل صاير مملوح ومزيون عطنا الوصفة
بومشعل (وهو يظحك) : اسكت عن تسمعنا أم العيال ..
طلال : تخاف تسمعك أم العيال الحين أعلمها ..
أبو تركي : يا ريتكم طريتوا المليون هاكم جوو الحريم
الكل ظحك ...
أم سعود : هلا والله بالزين هلا بطلال ليه ما علمتنا
طلال : كلك ذوق بس حابينها مفاجأة
تركي : لا يا خالتي عمي خايف على الرصيد
الكل ظحك ...
أم تركي :شخبارك يا طلال عساك طيب
طلال: الحمد لله بخير وانتوا شلونكم
أم تركي : الحمدلله طيبين
أم مشعل : طلال
طلال : لبيه
أم مشعل : أجل وينها ريما
طلال : راح تتأخر شوي
أم مشعل : وشلون خليت إختك لوحدها
طلال: ماهي لوحدها ..قرايبنا معها ..جدتي وبنت إختها نوف
أم مشعل : إيه طمنتني
طلال : وأنا مالي وحشة
أم مشعل : إذ إنت مالك وحشة من له وحشة
أبو مشعل : أنا لي وحشة
وظحك الكل
طلال : شخباركم يا بنات
مشاعل والهنوف والغلا : طيبين يا عمي
طلال : مشاعل أبغي أتمشى معك اليوم عندي لك سوالف تموتين علها من الظحك
الهنوف والغلا : أفا ياعمي ونحن وين سرنا
طلال : مشاعل غير تكانة ورزانة
بندر : صدقت يا عم وإلا الهنوف والغلا
الهنوف : هذا وأنا إختك
الغلا : وأنا بنت عمك
مشاعل (وهي مستحية): عمي ويبغى يتمشى معي ما فيها شي
طلال: صدقت شعولتي
أبو سعود : بس يا طلال نحن بنسير البحر بعد العصر
طلال : ما عليه مشاعل بتكون في سيارتي
أبومشعل : خلاص أجل
أبو تركي : يالله ادخلوا المجلس وإلا عاجبنكم الجو
طلال : يالله دخلنا
ودخلوا المجلس
والحريم دخلوا المجلس أما البنات قعدوا يتمشون برع
الهنوف : ليه عمي دوم يغليك
مشاعل : لأني دايما معه وأفكاري تشبه أفكاره
الغلا : هنوف إنتي ليش تغارين
الهنوف (مقهورة) : ما أغار ...بس اشتقت لعمتي ريما إلي تفهمني وأفهمها
مشاعل : خلاص حبيبتي لا تزعلين
الهنوف: ولا يهمك أصلا أنا ما أزعل
الغلا : أقول بلا زعلتي ولا ما زعلتي وخلونا نجهز غريضاتنا ..شكلها السهرة صباحي
مشاعل : أجل يالله
وراحوا وجهزوا غريضاتهم
وبعد العصر ...
كانوا الكل في سياراتهم ... وكانت مشاعل في سيارة عمها طلال ...والكل سار حسب الطريق إلي يعجبه ......
سيارة أبو تركي
أبو تركي : أقول بنيدر أبغي أسمع صوتك
بندر: تم يبه على هواك إذاعة fm
أبو تركي : تعال قرب عشان لحد يسمع
بندر مقرب من أبوه ويسمع شو يقوله ..
أم تركي : يا أبو تركي شوف قدامك وخل عنك بنيدر
بنيدر: أفا يمه
أم تركي : يا وليدي خل أبوك يسوق عن يدخلنا في ذي السعفة
أبو تركي (يظحك) : وش سعفة ..يالله يا بنيدر سمعنا
راكان وتركي : يالله يا بلبل السعودية
بندر : يمه ذي إهداء من الوالد لك
أم تركي : يالله سمعنا
بندر : الـلـهـ مـا اكـبـر غــلاك .. يـنبـض بـحـبك فـؤادي

مـن يشـبهـك يـا مـلاك .. مــن يشـبـهـك يـا ودادي
انت بشر غير عادي فيك الجمال العجيب رهيب والله رهيب
أبو تركي : بعدي والله يا بنيدر بعدي
بندر : تسلم يبه
أم تركي : أثريكم منتوا بسهلين يا بنيدر ويا بو تركي
تركي : صوتك عجيب يا بنيدر
راكان : من وين لك ذا الصوت
بندر : ترووك قول ما شاء الله وإنت ياراكان هذا الصوت من أبوي ما تدري بإن أبوي صوته حلو
راكان : صدق يبه
أبو تركي (يظحك) : يا شيخ ما تعرف أبوك مطيح نص بنات الرياض بصوته
وظحكوا كلهم
...........................................
سيارة أبو سعود
أم سعود : أقول يا بو سعود
أبو سعود : لبيه يا أم سعود
أم سعود :وشلون ما قالك طلال عن جيته
أبو سعود : أنا نفسي ما أدري ..فاجأنا اليوم وبعدين يا أم سعود ما تعرفين حركات أخوي طلال
أم سعود : طلال كله حركات
سعود : والله زين ما سويت يبه جمعتنا كلنا
الغلا : إيه والله يبه
أبو سعود : انت يا سعود ماهمك إلا عيال عمك وانتي يالغلا ما تهمك إلا مشاعل
سعود : إيه يبه والله سوالف وظحك ووناسه وخاصة بندر أحسه نفس تفكيري
الغلا : أنا ما شفت مشاعل من مدة ..يبه ليه ما تقنعهم يباتون عندنا الليلة
أبو سعود : والله فكرة حلوة يالغلا ..بس ما أدري يوافقون ولا لا
الغلا : ما عليك يبه خل الموضوع علي وأنا أخلصه لك
أبو سعود : منتي بسهلة
الغلا : طالعة عليك
عبد الله : أنا بس طالع على أبوي
أبو سعود : بعدي يا عبوود
.................................................. ..........
سيارة بو مشعل
ريم : يبه ما ثفتك اليوم ثخبارك
أبو مشعل(وهويظحك) : بخير يا قلبي انتي
أم مشعل : أقول مشعل شرايك بعيال عمك
مشعل : والله فلتة يمه
أم مشعل : عساك دووم مستانس يا وليدي
مشعل : الله يسمع منج يا أمي والله كنا محتاجين لها اللمة
أبو مشعل : إيه والله ردت روحنا هالجمعة
..................................................
سيارة طلال
مشاعل : خبرني يا عمي عن كل شي
طلال : أكيد إنتي أغلى شي عندي
مشاعل : وش سويت في سفرتك
طلال : والله صارت أحداث ..مشان كذا بغيتك لوحدك
مشاعل : خير يا عمي
طلال : عمتك ريما
مشاعل : وشفيها
طلال : تعبت علينا..
مشاعل ( خايفة) : كيف يا عمي
طلال : تعرفين قرايب جدتي من الكويت وبالأخص سلوى
مشاعل : إيه هاذي الأنانية إلي ما تحب إلا نفسها
طلال : جدتك تخبرني لأني ذاك اليوم كنت ماني موجود بأن قرايبها ناويين يبيتون عندنا وتعرفين سلوى تكره ريما
مشاعل : إيه كمل
طلال : المهم يا مشاعل فأنا قعدت في فندق ثاني لأن ما كان ودي أشوف سلوى
فقالتي جدتك بأن سلوى قالت لعمتك ريما إنه عمك سعود تعبان حيل وريما كانت عارفة إنه أبو سعود فيه اضغط وأي شي يشد على أعصابه يتعب
وتعرفين إنه ريما إخت عمك بو سعود وايد معاه ..فنزل عندها الضغط وطاحت علينا فودينها المشفى وحالتها ما هي مستقرة ..
مشاعل (تتنهد): حسبي الله عليك يا سلووو ......عمي ما اتصلت فيهم بعد
طلال : جايك بالحكي يا شعولة
مشاعل : يالله أسمع
طلال : خصيتك انتي بالموضوع لأن انتي أكثر وحده إهي تعزها ..فبتصل فيها إن شاء الله بعد المغرب وأبغيك تكلمينها
مشاعل ( والدموع في عينها) : خلاص يا عمي أكلمها
وصاحت مشاعل وطلال يحاول يهديها
طلال : خلاص يا مشاعل قربنا نوصل امسحي دموعك لحد يشك
مشاعل (وهي تمسح دموعها ) : والله شفقانة على عمتي وولهانة عليها
طلال : كلنا يا مشاعل نفس الشعور بس لا تعلمين أحد
مشاعل : سرك في بير يا عمي
طلال : كفو والله بنت أخوي
...................................
وصل أبو سعود وبعده بو تركي وبعده بو مشعل وتأخر شوي طلال
وبعد ما وصل وقبل لا ينزل من السيارة : مشاعل لا تنسين
مشاعل : أفا عليك يا عمي وما راح أعلم أحد
ونزلوا كلهم وجلسوا على شكل حلقة ...........
بو سعود : بندر سمعنا شي من هالغناوي
بندر : تدلل وش تبغي
بو سعود : على ذوقك
بندر : الا يامطوله صبري . اذوق المر من كاسه
انا ياكم قسى دهري علي وكم قسو ناسه
تهنى من سلا قلبه ... مشى كلٍ على دربه
وطيت الشوك انا ودي .. ولا قبلي حدٍ داسه
احد مثلي بكى لما بكى دمعه ولا فاده
احد مثلي قسم همه معه في شربه وزاده
الا من كد صبري مثلي ... وانا في حالتي مبلي
وقل الحظ من صغري معي للحين هو عاده
على الله يابقى دمعي محد غيرك وفا ليه
جفوني كل هلي وربعي وانا مقفي على النيه
يادنيا لو على قلبي... احبك بس وش ذنبي
رضيت انا بردى حظي وحظي مارضى بيه
طلال: الله شو هالصوت المزيون
بو سعود : عجبتني يا بنيدر
بندر : افا عليك يا عمي
الغلا (تغمز لمشاعل وتهمس لها ) : المزيوون يتغزل
مشاعل : غلوي عن هالحركات
الغلا : لا تسوين عمرك ما تدرين كان يناظرك نظرات من أول ما بدا يغنيها وانتي تسوين عمرك غشيمة
مشاعل : غلوي بس عاد قومي نتمشى
استأذنت مشاعل وقالت راح تروح تتمشى هي والغلا ..وراحوا يتمشون على البحر
الغلا : مشاعل تحبين بندر
مشاعل : الغلا وشفيك انهبلتي
الغلا : صارحيني شعول
مشاعل : يعني ما تعرفين
الغلا : شوفيه قاعد يتمشى مع تركي
مشاعل (مرتبكة): فكينا من هالسالفة
الغلا : سالفة الحبيب كيف تبغيني أفكك منها
وتقابلوا بالوجه تركي وبندر ومشاعل والغلا
تركي : كيفك يا الغلا
الغلا : الحمدلله طيبة ..تراكم بتباتون عندنا الليلة
تركي : أجل نخليها صباحي
بندر : شخباركم يا بنات
الغلا : تسألني أنا
بندر : وشفيك
الغلا : ما فيني شي بس ناس مدري وشفيهم (وهي تأشر على مشاعل )
بندر : شخبارك مشاعل عساك طيبة
مشاعل (مستحية): الحمدلله طيبة ....
الغلا: تركي تعال أبغيك في سالفة
تركي : يالله يالخبلة
وروحوا وما ظل غير بندر ومشاعل
وتوه بندر بينطق بكلمة إلا ريم تجي
ريم : بندر أبوي يبيك يالله تعال
بندر (في نفسه) : هذا وقته ....أفففففف دومها هالحظات في شي يخربها
بندر وهو يطالع ريم : جاي الحين
مشاعل (في نفسها) : الحمدلله خلصتني ريمو من هالموقف المحرج
وروح بندر لأبومشعل ومشاعل رجعت لهم ..
مشاعل شافت الغلا
مشاعل : وشفيك انهبلتي تخليني أنا وبندر لوحدنا وش ذا ترى والله أزعل ولا أكلمك
الغلا : خلاص ما أعودها ..بس طمنيني شو صار
مشاعل : ما صار شي جت ريم ونادت بندر لأن أبوي ناداه
الغلا : ريموه دايما تخرب
مشاعل : أحسن
.................................................. ..
بو سعود : ما دامنا جالسين كذا وفي وقت الغروب كل واحد فيكم يمنى أمنية ويكتبها بورقة ويقطها بالبحر عسى تتحقق أحلامنا ولا تنسون اكتبوا أساميكم في داخل الورقة
طلال : والله فكرة حلوة يا بوسعود
وقام الكل يكتب وبعد ما خلصوا رموا أوراقهم بالبحر
استأذنت الغلا وقامت وراحت عند البحر وفي غفلة خذت ورقة بندر وعطتها عبادي لأن كان معها
الغلا : عبادي حبيبي مو انته تحب مشاعل
عبد الله : إيه أحبها
الغلا تعطيه الورقة : عط هالورقة لمشاعل وأعطيك الحلاوة
قام عبادي وراح عند مشاعل وعطاها الورقة ورج للغلا فعطته الحلاوة ورجعت الغلا كنها ما عاملة شي
مشاعل : الغلا شفتك وانتي تعطين الورقة لعبوود وورقة شو ذي
الغلا : هذي أمنية بندر جبتها لك
مشاعل : غلوي ليه سويت كذا
الغلا : هبل ..يالله افتحيها خلنا نقرى
مشاعل فتحت الورقة وكان مكتوب فيها..
((ليت ربي يجمعنا سوا ...يا أغلى ن سكن قلبي ))
الغلا : أوه شو ها
مشاعل : يمكن ما يقصدني أنا
الغلا : لا حبيبتي يقصدك
مشاعل : رجعي الورقة
الغلا : آسفة
مشاعل : غلوي
الغلا : ما أرجع أوراق سيري رجعيها لحالك
مشاعل قامت وراحت عند البحر وكان بندر هناك وأول ما شافها ارتبك وهي ارتبكت..
مشاعل (تحاول تصلح الموضوع ) : نسيت أقط ورقتي بالبحر
بندر : حتى أنا نسيت أقطها
وقطووا أوراقهم ورجعوا ...
وظل بندر يفكر : أنا كان عندي وورقة مشاعل ووشلون تكون عندها
مشاعل وهي راجعة تفكر : ورقة بندر كانت عندي كيف يقول إنه عنده
.................................................. ......................
وبعد المغرب ...
نادى بندر على عبادي
عبدالله : نعم
بندر : عبادي حد شل ورقة من على البحر
عبدالله: إيه هذي الغلا شلة وورقة وعطتني إياها لأعطيها لمشاعل
بندر : آه كذا السالفة وقعد يظحك
تركي : وشفيك انهبلت
بندر : مدري
سعود : يبه نحن الشباب بنروح شوية
بو سعود : وين
سعود : نتمشى بالسيارة وجايين
بو سعود : والبنات
طلال : أنا أمشيهم وش قلت
بو سعود : توكلوا على الله
طلال : خلاص أجل مشينا
طلال يساسر مشاعل : مشاعل هذا الرقم قومي دقي عليه وطمنيني وانا ناطرك بالسيارة
مشاعل : خلاص يا عمي روح وأنا أجيك
وبعد ما اتصلت مشاعل ..جت السيارة وهي تبكي
........................................
تريووا الأحداث في البارت الرابع ...