أدري والله يا حبيبي من ورى عيني تخون

[ليمونة الصغيرونة]

أَدْري وَالله يَـا حبيبي مِـن وَرى عيـني تخون
لا تِظِـن إنِّك مِكَـذِّبْ .. لا تِصَدِّقهَـا ظِنونك

ومِن يُقول آنا أحِبـك وقلبي عايش لِك يصون
آنـا مثلك يا حَبيبـي مِن وَرى عِينك أَخونك

هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك


كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك



لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك

أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونك

لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك

والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك

والمصيبه بَعَد مُوتِك بالكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك

هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد والله من خنته يخووون

[سراب الصمت]

ليمونه الصغيرونه

يعطيكِ ألف عافيه

كلمات قويييه وجميله

نقل جميل وإختيار رائع

//

[ليمونة الصغيرونة]

اشكرك اختي سراب الصمت لمرورك وتعطيرك صفحتي ودمتي سالمه ......................أختك ليمونة الصغيرونة.