ويلان مامن عن غلاكم مفرّا = نفخر اليا قلنا المعازيب ويلان

[الاطرق بن بدر آل هذال]

قصيدتي الترحيبيه بعودة صاحب السمو الملكي
الأمير/سلطان بن عبدالعزيز
الى ارض الوطن سالمآ معافى

ترقبوها بجريدة الرياض صفحه كامله يوم غدٍ الجمعه 16/6/1429هـ
الموافق 20/6/2008م

حـل السـعــد والـكـل مـنّا استســرّا=
=وعاد الفـرح لقلوبنا عـقب الاحزان

الـحــمـد للـمـعــبود جـهــرآ وسـرّا=
=ربٍ عـلى خـلـقــه رحـــيمٍ ومــنان

اللي رفـع عـن سيدي كــل ضــــرّا=
=وحقق رجانا يوم ندعـوه بأيمـــان

سـلامــتك يامــير مــن كــل شـــرّا=
=يحفظك ربي من صواديف الأزمان

عـمــرك طــويل وفـي ذراك انتذرّا=
=يـدوم عــزك ياســلايل كــحـــيلان

في شـوفــة مـحـيّاك كــلٍ يـســرّا=
=وتسعد بك قلوبٍ لها الوقت مازان

بقـلـوبنا غـالي ولــو كــنت بــرّا=
=غـالي ياخو نوره وفيك السعد بان

ويلان مـامـن عـن غـلاكم مـفــرّا=
=نفخراليا قـلنا الـمعــازيب ويـلان

شيخٍ عـلى كـسب النفـايل مـضـرّا=
=تدوم ياسلطــان للمــجــد عـنوان

مـدّة يـمـينـك لاعــطــــت مـاتـدرّا=
=عطاك للمسلم وصل كل الأوطـان

القـاف زانت صـوغـته واسـتمــرّا=
=تطرب حروفه دامها بمدح سلطان

تنطـق عـلى مـدح العـزيزين درّا=
=أللـي لـهــم بقـلوبنا بالغـلا شــان

بقـلـوبنا سلـطــان يـمـلك مــقـــرّا=
=وفي دمـنا يجـري غـلاه وبالأبدان

ياحـي مــنهــو شــامـــخٍ مـاتـورّا=
=والحــمــل لامـنه برك لــه بلـيهـان

وجـه السعـد والخير منه ايتحــرّا=
=لــه وقـفةٍ يفـرح بهـا كـل انسـان

مــثل المـزون بـغـيثهـا لااســتدرّا=
=يوم استهـلت يرتوي كل ضمــيان

لاجــاه مضهــود الزمن ماتبــرّا=
=يبشر بعـزّه من لـفـى طير حـوران

صافي النوايا مايجـي مــنه ضــرّا=
=ويقابل السـيّه بعـفـوه والأحــسان

ولـي عــهـــد وبالـدفــاع استقــرّا=
=حامي حماها يوم حزّات الأكــوان

سقـم المعـادي لااسـتهـان وتجــرّا=
=لـيثٍ تهــابه باللقـاء كـل عـــدوان

حـل السـعــد والـكـل مـنّا استســرّا=
=وعاد الفـرح في عودة الليث سلطان

الاطرق بن بدر الهذال

[العنادي]

تنطق على مـدح العزيزيـن درّا
أللي لهـم بقلوبنـا بالغـلا شـان

بقلوبنـا سلطـان يملـك مـقـرّا
وفي دمنا يجري غـلاه وبالأبـدان



صح لسانك يالاطرق عز الله انك وافي وقصيدتك في رجال يستاهل الله يطول بعمره ويديمه للاسلام والمسلمين

تقبل مروري المتواضع مع خالص تحياتي

اخوك العنادي

[الســـاهي]

قصيدة جميلة جدا


والنعم بالويلاان


والله اني احسبك صغير بالعمر اثاريك عوود ^_^


الله يعطيك الصحة والعافية

[زهرة التوليب]

الحمد لله على سلامة الأمير/سلطان بن عبدالعزيز

ويستاهل القصيدة وأكثر

صح لسانك وعلاشانك

جزلة من جزل


لاهنت

[أســــ الغنج ــــير]

اخوي الغالي
الاطرق بن بدر آل هذال
اول شي يامرحبا بعودة ابوخالد للوطن والحمدلله على سلامته
ومرحبا بعودة ابو بدر للمنتدى وخصوصآ للقسم هذا بعد انقطاع ماتوقعناه منك ولكن مثل مايقولون من طول الغيبات جاب الغنايم!!!
وعسى المانع خير إن شالله
وانت انقطعت عن المنتدى وانقطعت عن غيره لأني فاقدك من فتره حتى في غير المنتدى لاعدمتك ولولا غلاك مافقدناك ياأبو بدر
عالعموم القصيده جزله وانقالت في شخص يستاهلها
وانت شاعر لايختلف على قصيدك اثنان ولو ان شهادتي فيك مجروحه بحكم علاقتنا مع بعض وصداقتنا وعالعموم مااقول الا صح السانك والله يعطيك العافيه
دائمآ مبدع ياابو بدر
لاعدمتك وتقبل تحيات
وتقدير اخووووووك
أســــ الغنج ــــير