اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 21-06-2008, 07:22 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
ألبوم صور / الكاتبة : نور نجدي ، كاملة


.../

مدخل للكاتبه :


السلام عليكم

صباحكم/مساكم,,خير

ألــبوم صـور

هي اولى محاولتي لكتابه روايه..

هي بوابتي لعبور عالم الكتابه

هي اولى خطواتي على هذا السلم

هي اولى محاولاتي لمجاراتكم

هنا اعلن

دخولي الى عالم الروايه
....

روايتي..
مكتوبه باللهجه العاميه

....

بعض احداثها مقتبسه من الواقع..

والاشخاص..

ليس لهم وجود فيـ عالمنا الحقيقي



من هنا سأبدأ
..
فيـ بدايه الامر..
اشكر اخي مـ-ـش مـ-ـش..الذي اضاف لروايتي..
ابيات تزينها
وشكري ايضا..لأختي وبنات خالاتي وصديقاتي
اللي ملوا لما نزلت قصتي



....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 21-06-2008, 07:24 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
تعريف الشخصيااااات


تعريف بالشخصيات




عائله أبو حمد

ابو حمد(ناصر) عصامي بدا من الصفر من كان شخص عادي تحول إلى تاجر ضخم كل الرياض تحسب له حساب بنى له شركه هو
وإخوانه والحمد لله الحين لهم اسمهم بالسوق
ام حمد(مريم) جالسه بالبيت تهتم بعيالها اللي هم..
(حمد) 26سنه وموظف بشركه أبوه وأعمامه بقسم المحاسبة لأنه هذا تخصصه وهو اسمر طويل جسمه رياضي وكل البنات يموتون فيه
بس هو مو عاطي احد وجه واحلا ما فيه عيونه العسليه
(غاده)20 سنه بثاني سنه جامعه تخصص ادب انجليزي عاقله مع ذلك كل الناس تحبها طويله ونحيفه عيونها وساع وهذا اللي مجنن فيصل
فيها وملامحها ناعمه وباين عليها انها هاديه شعرها بني وناعم ليما نص ظهرها وقطعه وحده مع غره جانبيه زايدتها نعومه
(ساره)17 سنه ثاني ثانوي ومحبوبه من كل اللي حوليها مع انها عكس اختها مرجوجه وعليها حركات الله العالم بها بس مع ذلك تقدر
تكسب محبه الي حوليها بعد طويله لي جسمها حلو لا سمينه ولا نحيفه وعلى سمار شوي وسمارها جذاب وعيونها وساع بس مو مثل غاده
شعرها قصير ومدرج بني وفيه كم خصله ثلجيه مخليه شكلها رزه
(سطام)14سنه ثاني متوسط طويل لسان بس قلبه ابيض ولا يزعل من احد ولا ينزعل منه نحيف ودايم حمد يعيره بالمسواك واسمر
(رغد)القعده ودلوعه العايله كلها بثاني ابتدائي وخجوله ومدلعه كثيييييييييييييييييييييييييير دبدوبه وبيضا وخدودها تجبر اللي قدامها انه
يقرصها لانها ورديه شعرها اسود عكس خواتها ولين كتوفها


عايله ابو سلطان(العم والاخو الكبير)

ابو سلطان (عبد العزيز)
ام سلطان(نوره)
سلطان..34سنه اسمر وشكله هيبه بس شخصيته مرحه وحلوه متزوج من بنت عمته (امل 30سنه)وعندهم عزوز 10 سنوات و ريم7سنوات
ورهف3سنوات
نوف..32 سنه متزوجه وعندها عبودي 5 سنوات نعومه لابعد درجه والكل يعطيها اصغرمن عمرها
فيصل..26سنه كبر ولد عمه حمد وصديق عمره حتى انهم من كثر ما هم يحبون بعض درسوا نفس التخصص وتوضفوا بشركه العايله
ويقولون انهم بيعرسون بليله وحده اسمر واطول من حمد وعليه جمال يطيح النجوم من السما الحواجب المرسومه والعيون المكحله يعني
شكله فنان
ايمان ..21 سنه تدرس ادب انجليزي برضو وهي توام روح غاده وكاتمه اسرارها مع انهم مختلفين بالطبع لان ايمان جريئه وحركه ولا فيه
احد ما تعرفه بيضا بدرجه ما تنوصف والكل يحسبها مو سعوديه او امها مو سعوديه بس هي سعوديه ابا عن جد نكمل وصف ايمان قصيره شوي وشعرها اسود وكيرلي ودبدوبه حبتين
عبير....15 سنه بثالث متوسط مغروره وما تحب عيال عمها وتكره ساره موت وتحس انو ساره تغار منها دايم وتحاول تقلدها والله
العالم من اللي يقلد الثاني جامعه بين نوف وايمان وبس ترجع لنوف بالشبه وشعرها اسود لما كتوفها ومدرج طبقات

العمه ام نواف

ام نواف(حصه) حبوبه وتحب عيال اخوانها وتحب حريمهم وتحس انها المسؤؤله عن العايله كلها وهي بعد ابو سلطان بالكبر
امل ..30 سنه وزوجه سلطان نعومه كثير والكل يحسها اخت نوف
نواف...28 سنه عاقل و مؤدب ودكتور قد الدنيا رافض الزواج نهائياً
مرام24 سنه جذابه مضرب مثل بالجمال مع ذلك حبوبه وما فيها غرور شعرها اسود مايل للاحمر مبين بياضها وتموووووووت على حمد
اللي مو داري عنهاابد تدرس حاسب بجامعه الملك سعود
سعود..18 سنه لعاب ومغزلجي ولا خلى بنت بالرياض ما تعرف عليها على انه للحين صغير ابيض وطويل ومن شكله باين انه لعاب
وابوهم متوفي من عشر سنين


خالد(العم الصغير وموصل مراسيل الحب)26سنه كبر فيصل و حمد على انه اصغر اخوانه الا انه رجال يعتمد عليه بس لعاب شويه
.اسمر ورزه وعيونه العسليه معطيته جاذبيه زياده على جاذيبته




هذولا ابطال قصتي

....



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 21-06-2008, 07:27 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الجزء الاول


(الحب ماخلى مع الناس شي جديد &&& كلن يبي قرب الحبيبه ويجيها)
(وفيصل في جزئنا صابه شي شديد &&& في حبها مغرم ويبيها يبيها )



الجزء الاول


في المكتب

يرن جوال خالد اغنيه دلوعتي

خالد:اهلين حياتي ..لا انا الحين بالدوام..تبيني اجيك..اوكي تجهزي وانا اوديك لاي مكان تبينه ليه حنا كم عندنا من حبيبه

(وصك السماعه)

حمد:.خير ان شاء الله من تكلم

سلطان:..لا شكل العم غرقان بالهوى

حمد:..يسويها المتخلف

فيصل:..ليه انتم تسمون الحب تخلف بالعكس يا حظ من يحب بس يحب احد مظمون مو خرابيط التليفونات

خالد:..ههههههههههه والله انكم مو صاحين

سلطان:..ليه قالولك شاربين

حمد:..لا لحيين(يعني لحيه)

خالد :..يا كرهي لكم لا استخفيتوا دمكم هذي دلوعتي غاده تبيني اجيبها من الجامعه واروح اغديها

(خالد كان مره متعلق بغاده ويحبها وما يقدر يوثق باحد كثر ما يثق بغاده حتى حمد وفيصل ما يثق فيهم كثرها)

فيصل : من سمع اسم غاده راح في عالم ثاني ما فيه الا هو وغاده

سلطان وهو يناظر حمد:..ليه هذي ما عندها اخوان ولا عندها سواق

خالد:..لا انا مواعدها انو اوديها اليوم للمكان اللي تبيه لانه اليوم قدمت اخر امتحان..(وهو يناظر فيصل)هيه يالعم وين رحت

فيصل:..هاه... لا.... انا معكم

سلطان :..اجل وش كنا نتكلم عنه

حمد:..لا الاخ سمع اسم الحبايب وتمنى انه مكان خالد

فيصل وبصوت واطي ما يسمعه الا خالد:..يا ليت

سلطان+خالد:....هههههههههههههههههه

حمد:..يا كرهك لا سويت عمرك روميو ولا تحسب اني ما ادري عن الحركات اللي يوصلها خالد بس تراني ساكت عشانك ولد عمي
وعارف النهايه

خالد:..هههه والله الاخ عارف حركاتك اجل خلاص من بكرا استلم شغلي ووصل المراسيل

فيصل وشكله يكسر الخاطر:.لا خويلد تكفى

خالد:..عمى ..قول عمي خالد بعدين ليه ما تبي حمد هو اللي يوصلها

فيصل:.اسف عمي بس انا داري اذاحمد هو اللي وصل لها رسايلي بترفضها بعدين انا اللي بتورط

سلطان:..لا والله اقول فصّول وش باقي ما وصلته لست الحسن العمه غاده

فيصل:..اقول سليطين لا تجيب اسمها على لسانك لا اقصه لك

حمد:..اقول عمي فيصل نحن هنا

فيصل:..معليش حمد بس انت عارف اللي احسه تجاه غاده

حمد :..وانا ما قلت شئ بس باسالك سؤال

فيصل:..امر

حمد:...ما يامر عليك عدو بس بغيت اسالك اعترفت لك غاده انها تحبك

خالد:..لا بس تقولي قوله لا يعلق نفسه بوهم وينصدم بعدين

حمد:..هال...............طيب ليه تقول كذا

فيصل:...لا حمد لا تقول هالكلام بس معها حق تخاف تطيح الرساله بيدك ولا يد ابوك
بعدين تصير سوالف بس لا تنسى يا حمد اني اعرف
غاده واعرف اسلوبها مع ايمان كيف واعرف اسلوبها معي كيف وافهم لغه العيون وبيجيها اليوم اللي تعترف فيه بحبها لي

خالد :..الله يقطع بليسك يالفيلسوف شوف الحين تاخرت على البرنسيسه الحين وش اللي يخلصني من لسانها..باااااااااااي

الكل...::....باااااااااااااااااااااااااااااااااااا ااي

فيصل:..اقول شباب نسيت اني مواعد واحد من الربع بيروح يشتري سياره وبروح معه...سلطان لا تنسى تخبر الوالده اني ما راح اجي
على الغداء لا تقلق...باي

سلطان: ..ان شاء الله

الكل :...باااي

.......على الدرج.............

خااااااااااااااااااااااااااالد..... خاااااااااااااااااالد

خالد:..نعم

فيصل:..تكفى يا بو سلطان قول تم

خالد:..ما اقول تم الا انا عارف وش السالفه مع اني حاس ان اعرفها لكن باحلامك

فيصل:..خالد تكفى ابي اروح معك

خالد:...بس شقول لها ولاهلها

فيصل:..لا تخاف ما راح تدري اني معكم بركب بالشنطه ولا راح اتكلم وما اتنفس اذا بغيت

خالد:...والله انك كسرت خاطري ..تم يا ولد اخوي بس يا ويلك احد يدري لان الدعوى فيها قص ارقاب

فيصل:..هههههههههههه ابشر يا عم ولا يهمك مو انا بشوف القلب وبقعد معه لاني صراحه اتمنى اسمعها تسولف على طبيعتها

................ركبوا سياره خالد اللي هي جيب لكزس سوداء فنانه...

فيصل:...خالد تكفي بسرعه تراني مت من الحر

خالد:... مت من الحر ولا تبي تشوفها بعدين محد قالك تعال معي

فيصل:..لا كله يهون لجل شوف الحبايب

خالد:..الله لا يبلانا ..خلاص اسكت وصلنا كليتها

(ويدق على غاده وتركب السياره)

غاده:..احلى مساء لاحلى عم بالدنيا

خالد بقلبه مسكين يا ولد اخوي تسمعها تتغزل فيني ولا تقدر تسوي شئ.:.هلا والله بغادتي لا صح نسيت انتي مو غادتي انتي غاده احد ثاني

غاده...:...عمي حرام عليك تدري اني ما احب هالسالفه

خالد:..انا ما قلت شي بس انتي اللي فهمتي اني اتكلم عن فيصل

غاده:..ليه انت كان قصدك احد ثاني؟؟

خال:د..يمكن...اقول غدوو

غاده:..هلا

خالد:..انتي تحبين احد عشان كذا رافضه فيصل..

غاده وهي معصبه :...لا ليه تسال

خالد:...بس لان رفضك لفيصل يدل على انو احد بقلبك

(فيصل ورا وقاعد يموووت من اللي يسمعه من عمه)

غاده: ...لا عمي انا ما قلت ان ما احب فيصل بس اقول مو وقته اقوله عن مشاعري
خالد وبدى يعصب..ليه عمه غاده فيه وقت للتعبير عن المشاعر

(خالد مو ناوي على خير يعرف انو غاده تحب فيصل بس تخاف من الاعتراف)

غاده وشوي وتصيح.:.خالد خلاص لا تذبحني انت اكثر واحد تعرف اللي احسه تجاه فيصل

خالد..بس المسكين وش ذنبه ما يعرف وانتي تعرفين انه كل يوم يحبك اكثر من الثاني

غاده:..يمكن تقول اخليه يستعجل

خالد:...يستعجل بايش؟؟؟

غاده :...يستعجل ويتقدم لي رسمي

خالد:..بس اني رفضتي ناس كثير بحجه الدراسه

غاده.:.وليه ما تقول ارفضهم لاني استنى فيصل يحس على دمه ويجي يخطبني

خالد:...غاده هو ينتظر اشاره من اصبعك..ينتظرك تعطينه الضو الاخضر حتي يتقدم لك

غاده.:.الغريب كل اللي اسويه له ولا هو حاس

خالد:..ليه انتي وش سويتي عشان يحس؟؟

غاده:..... تذكر لما راح الامارت اسبوعين عشان مشروع بين الشركه وشركه اماراتيه

خالد:...ايه اذكر وكنت رايح معه وكل يوم تتصلين فيني

غاده:..كنت ما انام الليل اخاف يصير فيه شئ والكل يحسبني خايفه عليك وتخيل اسبوعين ما نمت3 ساعات على بعض واتصل فيك حتى
اتطمن انه ما فيكم شئ

(فيصل ورى ويقول بقلبه ..يا حياتي والله ما ادري الحين شلون اسامح نفسي اني انا السبب بدخولك المستشفى)

خالد:..واذكرك دخلتي المستشفى من بعد ما رجعنا وعطوك مغذي وقالو انك مرهقه ولازم ترتاحين

غاده:..ايووه ترى كل هذا عشانه وقربي من ايمان كله عشان اسمعها تسولف عنه لانك تعرف ان ايمان قريبه مرره من فيصل

خالدبقلبه(يا حظك يا فيصل عشت لليوم اللي تسمع غاده تعترف انها تحبك):...طيب ليه ما تقولين له يتقدم لك

غاده:..خلود وين حنا فيه قالولك بنت شوارع اروح اقوله تعال تزوجني

خالد:.. طيب لمحي له او لايمان لان الكل يعرف ان فيصل يحبك بس ما يدرون انك انتي بعد تحبينه

غاده:..هذي المشكله يحسون ان فيصل مسكين واني انا الظالمه الشريره ما يدرون اني اموت على التراب اللي يمشي عليه

خالد بقلبه(مسكين يا فيصل تسمعها تقول هالكلام ولا تقدر ترد عليها):...خلاص خلي السالفه علي انا اببين له انك تحبينه

غاده:...لا خلود تكفى اعرف اسلوبك تجيبها بالوجه

وسرح خالد يفكر شلون بيخلي فيصل يقول لغاده انه يبي يخطبها

غاده:..هيه يالعم وين رحت

خالد:...هاه لا بس انا هنا

غاده:...احلف بس اقولك المطعم تعديناه وانت تقولي انك معي

خالد:..احلفي خلا ص ارجع له من ورى

نزلوا للمطعم

في احدى غرف المطعم

خالد:...اووووووووووووه نست جوال بالسياره ابنزل اجيبه

غاده:...اوكي بس لا تتاخر


عند السياره

خالد :...هاه فيصل وش اخبار الاعصاب

فيصل وهو غرقان بالهوى...:آآآآآآآآآآآآآآآآآه يا خلود الله يوفقك ووين ما رحت ما تتصور كلامها شقد فرحني

خالد:...ههههههههههه اقول بترجع زي ما زي ما جيت والا شرايك تركب هالمره زي الناس

فيصل:....وشلون؟؟؟؟

خالد :اتصل فيني والباقي علي


.........بعد نص ساعه.....

ركبو السياره ويدق جوال خالد

خالد:...هلا والله بابو الصوص

فيصل:..هلا فيك هاه وش بتسوي

خالد:..احلف والله انه مو صاحي خلاص انت وين.. ثواني وانا عندك

غاده:...مين هذا؟؟

خالد: هذا واحد من الربع تركه اللي معه عند محل السيارات القريب وبنمر عليه ناخذه

غاده:..لا الليه يخليك بعدين حمد شبيقول مركب واحد من ربعك مع اخته

خالد:..لا بس اركبي ورا

غاده.:.اوكي

ووقفوا عند محل السيارات ويطلع خالد راسه مع الشباك:...فيــــــــــــــــــــــصل

غاده:,,لا تقول انو فيصل هو ابو الصوص

خالد:...اجل ابركب واحد ما اعرفه معك ..مو مشتاقه له خلاص بتشوفينه وبتركبين معه

غاده: ...اجل انا ابنزل

خالد:..اقول احلفي بس ومع من بترجعين

غاده :..مع ليموزين

خالد..اقول اوووص فيصل وصل

يركب فيصل السياره ويسلم..
فيصل:السلام عليكم

خالد:..هلا والله وعليكم السلام,, غادوووه ترى رد السلام واجب

غاده تضرب خالد مع ظهره:..هلا والله فيصل وعليكم السلام

فيصل(ما بغت تحن على وترد اموووووووووووت فيها يا ناس الا انا وش اسوي اكلم نفسي)..:كيفك غاده وش جايبك مع خلّود

غاده(عشتو..يسال وهو لسا ما تزوجني):,,لا بس اخذني من الكليه ورحنا نمشى

فيصل:..اللي اعرفه ان خالد ما يطلع من البيت الا ياكل لا تكونين مثله ترى انا ما احب اللي كذا

غاده:..ليه وحضرتك وش دخلك؟

فيصل قرر انه يقولها:..غاده تجهزي للخطبه

غاده ووجهها قام يتقلب:..هاه ليه وخطبه مين اللي اتجهز لها

فيصل:..سلطان يعني منو اكيد انا فقولي لي رايك عشان ما افشل عمري وانا عارف
انه ابوك ما راح يرفضني بس انا ما اعرف ردك

غاده:...ليه كل هالثقه؟؟

فيصل:..غاده كل اهلي واهلك يعرفون اني احبك بس اللي ما اعرفه رايك انتي فيني تكفين غاده عطيني ردك حتى بكرا والاهل مجتمعين اعلن
لهم قراري

(فيصل سكت وخالد يناظره ومستغرب من وين جته كل هالثقه انه يقول هالكلام والكل يعرف انو فيصل اذا شاف غاده يتلخبط بكلامه حتى لو كانت متغطيه)



**وش بيكون رد غاده على فيصل؟؟


××

لعيون الغرامين

قولو لي رايكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 21-06-2008, 04:52 PM
صورة مزيونه وعنيده الرمزية
مزيونه وعنيده مزيونه وعنيده غير متصل
©؛°¨غرامي مشارك¨°؛©
 
الافتراضي رد : البوم صور , روايه للكاتبه نور نجدي


يسعدني اني اكون اول من رد
اتمنى تكون روايه موفقه
وبصراحه انا عجبتني مررره
واتمنى انك تكمليها
وما تطولي علينا
انا انتظرك يالغلا

وبالنسبه لرد رغد اتوقع توافق
يسلموووو
يالغلا على الروايه
انتظرك لا تطولي
بالتوفيق
تقبلي مروري
مزيونه وعنيده


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-06-2008, 05:38 PM
صورة سديم الشتاء الرمزية
سديم الشتاء سديم الشتاء غير متصل
©؛°¨غرامي مشارك¨°؛©
 
الافتراضي رد : البوم صور , روايه للكاتبه نور نجدي


بداااااااااااااااااااااااااااااااااااااايه حلوه

كملي الروايه باسرع وقت اذا ممكن

مشكووووووووووووووره

تحياتي سدوووووووووووووووووووومه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-06-2008, 12:17 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
رد: البوم صور , روايه للكاتبه نور نجدي


اقتباس:
المشاركة الأساسية كتبها مزيونه وعنيده مشاهدة المشاركة
يسعدني اني اكون اول من رد
اتمنى تكون روايه موفقه
وبصراحه انا عجبتني مررره
واتمنى انك تكمليها
وما تطولي علينا
انا انتظرك يالغلا

وبالنسبه لرد رغد اتوقع توافق
يسلموووو
يالغلا على الروايه
انتظرك لا تطولي
بالتوفيق
تقبلي مروري
مزيونه وعنيده
××
الاهم انه تعجبكم
ان شآء ماراح اطول


اقتباس:
المشاركة الأساسية كتبها سديم الشتاء مشاهدة المشاركة
بداااااااااااااااااااااااااااااااااااااايه حلوه

كملي الروايه باسرع وقت اذا ممكن

مشكووووووووووووووره

تحياتي سدوووووووووووووووووووومه

سدومه


ان شـآء الله

××


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 22-06-2008, 12:19 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الجــزء الثاني


(في بيت ابو سلطان شي طرى &&& مثل ماقالو العربان حمد سواها )
(ويوم الخميس عند الجده سوى &&& يلمون الشمل وللجدهـ طراها!)

الجزء الثاني


في بيت ابو حمد
رغد..ماااااااااااااااااااااااااااااماااااااااااااا اااااااااااااااا
ام حمد..نعم رغوده وش فيك ليش تصارخين
رغد..ماما ساره بتضربني
ساره..يمه رغد شخمطت على دفتر يومياتي
ام حمد..ليه يا رغد شخمطتي عليه
رغدوبكل دلع..لانها ما خلتني اقراه
ام حمد...وليه تقرينه هذي خصوصيات اختك وما لازم احد يقراها انا واناامها ما قريتها
رغد..ماما بس...
ام حمد لا بس ولا شئ روحي اعتذري لاختك ولا تعيدينها مره ثانيه ولا تزعجوني خلوني اصلي قبل ما يرجع ابوكم واخوكم من الدوام

****************************
نرجع للمكتب مره ثانيه

ابو سلطان..السلام عليكم
الشباب..وعليكم السلام
ابوسلطان...اقول وين خالد وفيصل رحت لقسمهم وما لقيتهم
سلطان..عمرك طويل يبه توهم طالعين خالد راح لغاده بنت عمي وفيصل مواعد واحد من ربعه
ابو حمد..تشوفون اذا ما كانوا رايحين مع بعض وفيصل مسويلي عنتر زمانه وغدوتي عبلته وخلود مرسول الحب
الكل..هههههههههههههه يسويها خالد
حمد...والله لاقص ارقابهم ثلاثتهم وين حنا عايشين باوروبا وانا ما ادري
ابو سلطان..ولو يا حمد يا وليدي ما هقيتها منك لها الدرجه منت واثق بولدي انت تدري انه مستحيل يسوي هالحركات بس حنا نقول تخيلو
سلطان..وانت الصادق يبه فيصل اذا صارت غاده موجوده ما يقدر يجمع حرفين على بعض وانت تقول يروح معهم والله انك منت صاحي
حمد يقول لسلطان بصوت واطي..اقص ايدي اذا ما كان الرجال اللي مواعده هو خالد وبيخليه على الاقل يكلم غاده لو شوي اخوك خبز يديني
ولا تقول حمد ما قال
ابو حمد...وش عندك يا حميد مع ولد عمك وحنا وش بلانا ما تسولفون معنا ولا سواليفكم ما تصلح سوالف كبار
الكل..هههههههههههههههههههههه
حمد وهو مفتشل..لا يبه بس اقوله وش رايك تجي تتغدا عندنا يقول ما يقدر امه والمدام ما يسمحون له
ابو سلطان..لا يا وليدي انت اللي ما وراك مره تعال تغدا عندنا وامك ابوك يكلمها
ابو حمد..ابد يا حمد لا ترد كلمه عمك
حمد وهو متورط على الاخير..خلاص يا عمي افرحوا غدااي عندكم اليوم بس ابي خالتي ام سلطان هي اللي مسويته
سلطان..لا والله غداك اليوم من ايدين المزيونه ام عبد العزيز
حمدوهو يعرف ان امل فنانه بالطبخ:..احلف مرتك حلوه مثل طبخها(حب يقهر سلطان شوي) ما اظن خلني اشوفها علشان احكم
سلطان وهو واصل حده..لا بارك الله فيك ولا في الساعه اللي عزمتك فيها
حمد وهو ميت ضحك..لا امزح معك يا ولد العم ما بي اشوف مرتك ما دامك تبي تحرمني من الغدا امزح معك
سلطان..ايه الحمد لله احسبك صادق قلت والله لامسح فيك البلاط
حمد.. لا الله يخليك
ابو حمد..هيه اشوفكم تهاوشتوا وحنا فيه ما فيه احترام لنا
حمد وسلطان..لا اسفين خلاص توبه
سلطان..يله يبه يله حمد لا نتاخر على الوالده
ابو سلطان..وفيصل وينه
حمد..الحين ابكلمه واقوله يجي من قده ابتغدى ببيتهم

ويدق حمد على فيصل...الو فصول
فيصل..اهلين حمود
(بهالوقت غاده خافت لا يكون حمد درى ان فيصل معهم بعدين قالت بنفسها بلا خوف بلا هم وشلون يعرف لا بس يمكن فيصل يعلمه..
لا فيصل ما يقدر يقول لحمد شئ)
حمد..اقول تراني ابجي اتغدى ببيتكم تعال تغدى معنا
فيصل.. خلاص نص ساعه واجيكم بس اتصل على خالد يمرني لاني بعطي الولد سيارتي
حمد ..طيب انت وين اجيك انا
فيصل...لا لا لا بعيد خل خالد لانه قال لي انو المطعم اللي بيروحله هو وغاده قريب من الوكاله
حمد..عشانه قريب ولا تبي تشوف غاده
فيصل...ممكن تقول الثنتين
حمد...هههههههههههههههه خلاص دق عليه وقله بااي
فيصل..اوكي باااي
يلتفت فيصل على خالد..ترى انت معزوم على الغدى ببيتنا
خالد..بس انا متغدي
فيصل...معليش بس على الاقل لقيت طريقه اكون جاي بسيارتك
خالد..هههههههههه وحمد ما قال شئ
فيصل..لا بس قال يا ويلك تكلم اختي ايه هين ...الا غاده وش قلتي اتقدم لك بكره ولا لا
غاده..فيصل
فيصل..عيونه
غاده ووجهها احمر..تسلم عيونك بس انا اقول تاجلها
فيصل وعلى وجهه علامات خيبه الامل..غاده انا ما قلت ناجلها ولا لا انا قلت موافقه ولا لا وهذى طلبي منك والزواج يكون بعد التخرج
غاده...يعني اكون محيره لك بس
فيصل..لا نتملك والزواج متى ما بغيتيه
غاده وهي مستحيه ...موافقه بس الملكه تكون الشهر الجاي عشان يكون فيه وقت اتجهز لاني ابي حفله للملكه كبيره
فيصل والدنيا مو سايعته من الفرحه..يا بعد عمري اللي انت تبينه لو بغيتي اعزم الناس كلها على ملكتك ما عند مانع انا كم مره بتزوج
غاده وبثقه..مره وحده
خالد...خلاص الحين اتفقتوا يا ويلكم احد يعرف (ويناظر فيصل) وخصوصا حمد
فيصل..بس هو يدري اني ابرجع معكم ويدري انه من سابع المستحيلات اني ما اكلم غاده
خالد..قله انك بس سلمت عليها لا اكثر ولا اقل
فيصل..ok
خالد..وانتي غاده مو تروحين تقولين لايمان ولا ساره
غاده..لا توصي حريص
وينزلون غاده ببيت اهلها

**************************

نروح الحين لبيت ابو سلطان اللي هم يجتمعون كل يوم على الغدى
يدخل سلطان المطبح ويلقى امل تجهز الغدا
سلطان ...السلام عليكم
امل..هلا والله وعليكم السلام
سلطان..هلا فيك اموول حبيبتي تدرين ان حمد ولد عمي بيتغدا معنا اليوم
امل ..ايه قالتلي خالتي وعشان كذا بنتغدى انا وايمان وعبير فوق
سلطان..تسلمين عمري يا علني ما انحرم منك
امل ..ولا منك يا رب
وينطق الباب
حمد..احم احم
سلطان ..حياك محد غريب
حمد ..هلا امل كيفك
امل من ورا جلالها..هلا والله بولد الخال القاطع حرام عليك من متى ما شفناك ولا تجي تقول اسلم على اموول بنت عمتي
حمد..حراام عليك والله من الدب اللي جنبك كل الشغل يحطه على ويقعد يكلمك
امل...ما عليك منه ..واذا ما تبي تجي يا اخي فيه جوال ورقمي معك طمنا عليك والله ما ندري انت ميت ولا حي
حمد ..ولا يهمك خلاص من اليوم ورايح كل يوم باتصل فيك وبزعجك
امل...ولو يا ولد الخال بالعكس توسع صدري بدال ازعاج عزوز وريم
سلطان..وانا وين رحت؟؟
حمد..لحووووول مشكله الغيره
امل... لا انت الخير ولابركه
"حمد كان دوم يعتبر امل حسبه اخته بحكم فرق السن اللي بينهم.."

*******************

في بيت ابو حمد
تدخل غاده البيت وتسلم على امهاوتروح لغرفتها لانها بترتاح شوي قبل المغرب وتشغل الستيريو على اغنيه نانسي انا يللي وتغني معها
وماسكه الفرشه كانها مايك..انا يللي بحبك وحدي انا انا يللي بريدك لي انا انا يللي بعمري ببقا انا على وعدي يا وعدي وحدي انا
بهالوقت تدخل ساره و بدون ما غاده تحس فيها تطفي الستريو وتصفق...كنتم مع الفنانه غااده ناااااصر هييييييييييييه
غاده وهي مفتشله...انت وش دخلك الغرفه بدون استئذان..
ساره..لا والله لي ساعه اطق الباب وانتي ولا حاسه بعدين ممكن تعلميني شو سبب الوناسه
غاده.. لا مو ممكن وانتي ممكن توريني عرض اكتافك وتاخذين الباب وراك وصحوني اذا اذن المغرب
ساره.. اوكي بس ترى ما راح انسى وراح تقولين لي السالفه
غاده..ان شاء الله
ساره وهي طالعه..انا حاسه السالفه فيها فيصل
غاده..اسكتي لا تفضحيني بعدين بقولك كل شئ
ساره..اوكي نوم العوافي


*****************


في بيت ابو سلطان

وعلى الغدا
ابو سلطان..ها يا حمد ما ودك تعرس وتفرح ابوك تراه هو اللي قايل لي كلمه
حمد...هااه بس عمي انا للحين ما افكر بالعرس وبعدين ليه ما قلت لفيصل هو اكبر مني
فيصل...احلف الحين صرت اكبر منك؟؟بعدين انا العروس جاهزه بس انتظر موافقتها ولو بغيتو من بكره اروح واخطبها ما عندي مانع
ابو سلطان ..هذي الساعه المباركه يا ولدي وانا ان شاء الله بكره اذا اجتمعنا ببيت عمك بافاتحه بهالموضوع وان شاء الله خير ويجي الدور
لحمد
حمد..ولو يا عمي انا قاعد على قلبك لها الدرجه ودك اعرس؟.؟؟
ابو سلطان..ايوالله يا وليدي انك ناشب لي مثل العظمه بالبلعوم ودي بس ازوجك وارتاح
حمد..خلاص يا عمي بس خلوني انا اللي اختار العروس بعدين اقولكم
خالد..اقووول اخوي ما كنك نسيت اني انا اكبر منهم كلهم وهم خلاص زوجتهم وقضين وانا ولد البطه السودا محد يخطب لي
ابو سلطان..بلاي تعبت من كثر ما اعيد وازيد بهالسالفه ولا تفهم فقلت مصيره بيحط عقله براسه وبيجي ويقول اخووووي زوجني انا مليت
من العزوبيه
فيصل..اجل يا يبه احلم هذا ما يشبع من العزوبيه والكلام الفاضي
ابو سلطان...لا ابد اذا جت بنت الحلال بيترك هالخرابيط
"ويقوم حمد يغسل ويروح لمغاسل الرجال ويلقا المغسله خربانه"
حمد:..عمي المغسله خربانه وين اروح عشان اغسل
ابو سلطان..روح لمغاسل مجلس الحريم البنات فوق ما لمك احد
حمد...ان شاء الله
ويروح حمد يغسل وهو يغني..نعم والله ابي حبك واحلف اني انا احبك ويغسل ايدينه ويلتفت ورا ويلقى ايمان بنت عمه طالعه من المجلس من
عند صديقتها وتفاجات من وجود ولد عمها لان محد عطاها خبر
حمدوهو منزل عيونه..اسف بنت العم بس عمي ما قالي او فيه احد هنا فجيت اغسل اعذريني ما كنت اقصد
ايمان..مسموح ولد العم وترقا لدرج طيران وحمد قاعد يناظرها ويقول بقلبه ..شكلك يا عمي بترتاح مني وبتزوجني

**********************

من بكرا(الخميس)

طبعا من عادات العايله انهم يجتمعون الخميس وطبعا لقل عددهم يجتمعون ببيت الجده(ام عبد العزيز)
طبعا الجمعه تبدا من الساعه وحده يجتمعون على الغدا ويجلسون حتى الليل اعلى حسب مزاج الشيبان احيانا يرجعون الساعه 12 واحيانا
على الفجر(قلت لكم على حسب المزاج)
ببيت الجده (عايشه)
الجده..ميري(تنادي الخدامه)ميري وصمخ ما تسمعين
ميري..نأم مدام ايس فيه ليه انتا في صرخ
الجده..لا احلفي احسن عطيني كف اقووول شبيتي على قهوه اليوم عيالي وحريمهم بيجتمعون سوي قهوتن سنعه
ميري..ان سا الله مادام تيب هازا غدى مين فيه سوي انا ولا انتي
الجده..لا مالتس دخل بالغدى لا جا وقته يحله الحلال وبهالوقت يدخل خالد
خالد...السلام عليكم يا عجوزي
الجده..وعليكم السلام..واوريك انا عجوز هاه "العجوز معصبه مررره"
خالد..لا يمه بس طفشت وانا كل يوم اقول صبحك الله بالخير يمه قلنا نغير شوي بس مو عاد تزعلين علينا
الجده..والله يشهد يا وليدي اني ما اقدر ازعل عليكم لا انت ولا اخوانك ولا عياله ولا حريمهم اللي اعدهن بناتي

***********************************

في نفس الوقت ببيت ابو سلطان
ايمان.. عبيييييييييييييييييييييييييييييييييييييييييير يالله تاخرنا عيال عمي طلعوا من البيت وحنا لسى نحتريك تلبسين
عبير.زين زين خلاص خلصت مشينا
فيصل..خلصتي عمتي تسمحين لنا نمشي
ايمان..والله ما عندك سالفه تشاور بزران بعدين وراك مستعجل ولا فيه شئ او ناس ببيت جدتي مستعجل عليه
فيصل وهو يحاول يصرف ..ايه فيه حمد ولد عمي مشتااق له موووت
ايمان تذكرت الموقف اللي صار امس وانحرجت بس حاولت انها ما تبين.:انا ودي ادري حمد وش مسوي لك عشان تتعلق فيه لهالدرجه
لعنبوك معك بالدوام وبالطلعات ما ودك تنام عنده بعد
فيصل..لا ما ودي يالله تراك اخرتينا خلينا بس نروح وانتي ساكته حتى امي وابوي راحوا وخلونا
ايمان وعبير..مشينا

**************************

في بيت الجده الكل مجتمع والوناسه واصله حدها
ابو ناصر ..اقووول يا بنات وش رايكم تدخلون شوي عشان العيال يدخلون يسلمون على جدتكم
الجده..لا والله ما يدخلن الا يحطن الجلال على روسهن علشان يسلمون عليهن بعد يا كافي من متى ما شافوا بعض الا دق
على حمد وخله
يجيب عيال عمه وعمته ويجلسون معنا
ابو سلطان ..ادري يمه بس اخاف البنات ما يرتاحون
مرام..لا خالي حنا بنجلس بالمجلس اللي وراكم نسولف معكم وحنا اخذين راحتنا بدون العبايات
ابو حمد..خلاص يا بنيتي ما دامكم مرتاحين كذا تمام
ويدق ابو حمد على خالد يقولهم يجون يسلمون
خالد.. احم احم
رغد.: حياك عمي ادخل البنات تغطوا
خالد..اهلييييييين بالعروسه رغوده والله ونعرف الترحيب السنع
رغد..ايه غاده تقولي اذا احد بيدخل نقوله حياك
فيصل بهمس لخالد..قلتلكم بنت عمي سنعه
الجده...ادخلوا يا عيال
فيصل.. يا احلى ظهر لاحلى عايشه بالدنيا
الجده تحظن فيصل لانه من اغلى احفادها عندها..وعليكم السلام يالقاطع
خالد...خخخخخخخخخخ والله تفشلت يا فصفص بعدين يمه وشلون تقولين قاطع وانتي خامته
الجده..والله اني ما اقدر ازعل عليكم وخصوصا فيصل
فيصل...الله يخليك لي يمه ولا يحرمنا منك ولا تخافين انا بانشب بحلقك يعني وين اروح
العمه(حصه)..ولو يا عيال وحنا ما لنا رب؟؟
خالد..هلا والله باختي حبيبه قلبي
حصه..ايه العب علي بكم كلمه وانا اصدق
فيصل..لا ما عاش من يلعب على عمتي دام راسي يشم الهوا
العمه..وان كان اللي يلعب على هو انت
فيصل...عاد عمه بل احراج خليني احس اني شخصيه قدامهم
خالد..السلام عليكم ام سلطان وام حمد
ام سلطان وام حمد..وعليكم السلام
ام حمد..اخيرا تذكرتنا
خالد..لا والله ما عاش من ينساكم بس حصيص الله يصلحه قامت تهاوش ونستنا السلام
الجده..ايه يا عيال ترا البنات ورا بالمجلس سلموا عليهن
خالد..يا سلاااام انا بدخل اشوف البنات(ويطلع لسانه لفيصل)
فيصل..الحمد لله انا مو راعي بنات عشان ارووح اجلس معهم
خالد..ودك بس ما يحصل لك
حمد.وانت الصادق
فيصل..السلام عليكم يا بنات من اللي موجود عشان نسال عن اخباركم
ايمان وهي فاهمه قصده..فيه انا وعبير ونوف وساره ومرام
فيصل..انتي وعبير ونوف وش ابي بكن..(وهو يصارخ) سااره ..مرااام وش اخباركم
مرام وساره..تمام انت وش احوالك
فيصل..نشقح
حمد ..يا بنات كلكم الا ساره وش اخباركم
البنات..الحمد لله
ساره..افا يا ابو ناصر وش بنا ما تسلم علينا
حمد..مقابلتني بالبيت 24 ساعه وتبين اسلم عليك هنا بعد
الجده وبكل براءه.اقول يا ابو حمد غاده اليوم ما جت
فيصل من زمان وده يسال هالسؤال بس يسال باي صفه وارتاح من سؤال جدته
ابو حمد..الا والله يمه جايه بس يمكن مو مع البنات
الجده..غاده يمه وينك
غاده..هنا يمه
الجده..سلمي يا بنيتي على ولد عمك
غاده..اهلين فيصل
فيصل وحس انه بدنيا ثانيه وخالد وحمد شوي بيموتون من الضحك:..هلا فيك
خالد..اقوول فصفص ترا من الادب انك تسال عن اخبارها
فيصل..اخبارك يا بنت العم
غاده..تمام يسرك الحل وانت اخبارك
فيصل..مناح بشوفه الاهل"قال ايش قال بشوفه الاهل"
الجده..اقوول يا عيالي
ابو حمد+ابو سلطان..سمي
الجده..موب انتم عيالكم حمد وفيصل وخالد
حمد وفيصل وخالد..سمي
الجده..ما ودكم تكملون نصف دينكم وتريحوننا منكم
خالد..افا يمه والله لو حنا يهود ما قلتي هالكلمه
الجده..هذا جزاي اللي ودي ازوجكم واستر عليكم
الكل..هههههههههههههههه والله لو هم بنات
خالد وحمد بصوت واحد..حنا تونا ما نبي نعرس
الجده..افا وش ذا الكلام والله انكم منتب صاحين وانت فيصل لا تصير مهبول زيهم
فيصل..لا ابد يمه ان بغيتي اليوم اتزوج ما عندي مانع بشرط العروس توافق
الجده وهي مستانسه..ما عاشت اللي ترفضك يا وليدي بس منهي اللي ببالك
فيصل..وحده انتي تعرفينها بس ما راح اقول اسمها الا اذا عرفت رايها قبل وان شاء الله اول ما يردون لي خبر راح اقولكم
الجده..طب قلي منهي عشان اساعدك يمكن ما تصلح لك
فيصل..لا تخافين يمه اذاهي وافقت انا متاكد انه محد يصلح لي كثرها
الكل..الله يتمم عليك
سلطان..السلام على من اتبع الهدى
الجده..وجع يوجعك داخل على كفار
سلطان يلتفت على امل ..لا بالله اليوم نحس من بدايته والغاليه زعلانه علينا
الجده..لا والله زعلانه عليك انت ولا امل بنيتي بسم الله عليه كل يوم تتصل بي اكثر من ما امه تتصل بي
حصه...افا يمه الحين بنتي احسن مني
الجده..وش اسويلك اذا ما تتصلين علي الا بالاسبوع مره
سلطان..خلاص يالغاليه لا تزعلين..
ابو سلطان..امل بنتي ادخلي عند البنات شوفيهن بالمجلس
امل..ان شاء الله خالي
وتسلم امل على خواله وحريمهم والعيال وتدخل على البنات
امل..تغني بصوت واطي عشان محد يسمعها..سلامن عليهم بعد ما جفونا وقلبي باديهم وهم انكرونا
وتواجهها غاده..احبهم ولاكن نسونا نسونا وقلبي سيبقى اسيرا لهم
وتكمل ايمان..اكم من محب يعاني فراقا وبعد الفراقي يزيد اشتياقا
وتقطع مرام الجو..هييييييييييه انتو تراكم بتفضحوننا قدام العيال
امل..ايوالله خلا ص اذا طلعوا كملنا الكليب
مرام ..الله يرجك انا ودي ادري انتي متى بتعقلين قلنا اذاتزوجتي وهذاك تزوجتي وكل مالك تنهبلين زياده
ساره..لا والله امل خطيره ان شاء الله ما تتغيرين
امل تقلد العجز..والله ما ادري يا بنياتي كل مالي اكبر لازم اترك عن هالهبال وورثه لريم
ساره..لا بالله ما دامك بتورثينه لريم الله يعين هي الحين ومو ناقصها رجه بتزيدينها زياده الله يعين
امل ..انتو بس يا حظكم اذا بس عطتكم وجه
خالد..احلفي بس اني من زينه الذّره(اسم من اسماء النمله)اقولك يقولون حطوا الغدا عشان يمديهم يتغدون قبل الصلاة
الكل ..ان شاء الله
على الغدا ما وقفوا البنات استهبال

**********************

بعد الغدا قامو يصلون والرجال جلسوا بمجلس الرجال والحريم بمجلس الحريم
الجده..فيصل تعال يمه ابيك بكلمه راس
خالد..جاك الموت يا تارك الصلاة
حمد..اكيد تبي تسالك منهي العروس
فيصل..الله يعين عاد جدتي ما تسكت الا هي عارفه السالفه كلها ويقوم لجدته..هلا يده تامريني بشي
الجده..ما يامر عليك عدو يا وليدي بس انت اشغلتني بسالفه عرسك ولا قلتلي منهي البنت اللي ببالك
فيصل..يده انا قلت لك كل شئ بوقته حلو واذا وافقت قلت لك
الجده.ليه يا ولدي انت شاك انه بترفضك
فيصل..لا يمه الله لا يقوله بس انتي ادعي انه توافق وهذا (ياشر على قلبه) يرتاح
الجده..بسم الله عليك يا وليدي وش بك قمت تسولف كنك حقين الافلام
فيصل..لا بس يمه انتي ادعي لي وان شاء الله الاسبوع الجاي تعرفين منهي
الجده..هي غاده بنت عمك ناصر
فيصل وهو مرتبك.. يمه قلت لك الاسبوع الجاي تدرين
الجده..الله يفرحني بعرسك وان شاء الله السنه الجايه اشوفك تدخل وولدك بيدك
فيصل..ان شاء الله بس يكونون منها
الجده.. ان شاء الله




××



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 22-06-2008, 12:34 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الجــزء الثالث ...


(كملت ليلة الخميس بسهر البنات &&& وماننسى الشباب الي معهم سروها )
(في يوم الجمعه فاجأ غاده شتات &&& يمكن بشر ويمكن بخير حضروها)

الجزء الثالث

بليل على الساعه12 ونص
ابو حمد..يا عيال شرايكم نرجع للبيت
ساره..لا يبه تكفى
حمد..خلاص يبه انا برجعهم اذا طفشوا
ابو سلطان.. والله ما يطفشون ولا السنه الجايه
الجده..لا ابد اليوم البنات بينامون عندي بكرا بعد الغدا يرجعون لبيوتهم
ابو سلطان ..ها يا بنات وش رايكم بكلام جدتكم
ساره..موافقين
ابو سلطان..عبير وايمان بتجلسون ارسل لكم ملابس مع السواق
ايمان..ايه يبه
ابو حمد..وبناتي شرايكم
ساره..شرايك يبه يعني بنخلي بنات عمي ينامون لحالهم عند جدتي
خالد..اعوذ بالله كني سمعت ان فيه احد بينام عندنا
الجده..ايه البنات بينامون عندي وش رايكم يا عيال انتم بعد تنامون
حمد...انا ما عندي مانع
فيصل..مي تو بس اخاف نضايق البنات
ساره وايمان"المتحدثات دايم باسم البنات"..بالعكس تسون معنا جو
ويطلعون الاهل لبيوتهم ويبقون العيال ببيت جدتهم والجده طلعت تنام
خالد..اذن تم الاحفاد مجتمعين عندنا اقوول بنات تبون نجيب شئ لزووم السهره
ايمان..الله لا يهينك مر البقاله وجب اللي يجي معك
حمد..انتي ما قلتي الا لخويلد والله يجيب البقاله كله
ساره..حنا عشان كذا قلنا له
خالد..اوريكم الحين دوروا من يجيب لكم
حمد..انا اجيب لكم الي تبون بس بشرط
غاده اول مره تتكلم من طلعوا اهلها..بدا الشيخ حمد يتشرط تفضل وش تبي
حمد ..ابي وحده منكم تعطيني بوسه
عبير..حامض على بوزك
حمد..انا طلبت منك عمه عبير
ساره..اجل تبي من مين
حمد..ابي من ايمان
فيصل..عشان اذبحك انت واياه
الكل..هههههههههههههههههههه
حمد.لا حول ولا قوه الا بالله اجل ما راح اجيب شئ
فيصل ..بلا منتك انا بروح اجيب عشان...وسكت
ساره..عشاني صح فيصل
خالد..اقول والله انك مصدقه عمرك الا عشان مدموزيل غاده
غاده..واناما ابي شئ
خالد..افا كل هذا عشان فصيل اللي بيجيبه
غاده..لا لاني ما احب احد يتعب علشاني
خالد..والله عشانه فيصل ولا لوهو انا ولا حمد كان قطعتي رجليننا مشاوير
الكل..هههههههههههه
فيصل..خلاص ما دام غاده ما تبي وشوله اجيب
ايمان..لا فيصل حياتي عشاني انا جيب
مرام..خالد تكفي خلاص روحوا جيبوا
خالد..اثر عمه مرام هنا
مرام..اجل ليه تضن ان المكان منور
حمد..عشان ايمان موجوده
خالد......اوووووووووووووووووه احلا يا امووووون
فيصل..وش عنده الاخو يتغزل والعالم موجوده
حمد..انا ما اتغزلت انا قلت الحقيقه صح يا ايمان
ايمان وهي مره مفتشله وراح اسلوب المزح اللي عندها..تسلم يا ولد العم
ساره..لا ايمان غرقت بثيابها شوفوها مو عارفه تجاوب
خالد...اقول مرام اخوك سعود ليه ما جا اليوم
مرام..معزوم عند واحد من ربعه
خالد..طيب اتصلي فيه خليه يجي ينام معنا
مرام..والله رقمه ومعك فافضل انك انت اللي تتصل فيه
خالد..اوكي..ويكلم سعود..مساء الخيراستاز سعود(بصوت حرمه)
سعود..مسا النور انسه خالد
خالد..وجع يوجعك شلون عرفتني
سعود.. وهل يخفى القمر
خالد..اقول لا تقلبها دعايه رفايللو انت وين
سعود..مع ولد عمي
خالد..مطول معه
سعود..لا ليه
خالد..لا بس الشباب مجتمعين اليوم وقالبينهاsleep party
سعود,,والله انكم حركات ومن فيه
خالد..فيه حمد وفيصل والبنات
سعود :..اوكي نص ساعه بالكثير وانا عندكم
وسكر السماعه..خلاص سعود بيجي معنا قوموا شباب نجيب خرابيط وكم فلم من الاستراحه
ساره..الله لا يحرمنا منك يا اغلى عم
خالد...على بالك تبي تلعبين على عشان اكثر
ساره..لا والله بس عشان بتجيب فلم من زمان ما شفت افلام
حمد...ولا يهمك عاد الاستراحه مليانه افلام روووووعه بس ترا بنجيب مرعب
الكل..تمام
ويطلعون الشباب ويقومون البنات يحضرون كم شغله لزوم السهره


***********************


البنات راحوا لغرفه خالد ياخذون الفيديو ويرتبون مكان نومهم
ساره..اوووووووووووه نسيت جوالي تحت وانا انتضر وحده بتتصل
ايمان ..اوكي انزلي الشباب لحد الحين ما جو وانا قلت لفيصل اذا وصلتو اتصلوا فيني
ساره ..طيب انا بنزل ادور عليه وانتم دقوا عشان اسمعه
ويدق جوالها اغنيه اعذار لحمد العامري..ليتني عرفتك باول العمر بدري وشبعت عيني بالنظر من محياك
ويدخل سعود يدور على خاله ويغني نفس الاغنيه
ويتصادمون وعيونهم متعلقه ببعض
سعود..اسف بس بغيت اسال وين خالي خالد دورت عليه بالملحق ما لقيته
ساره بتعجب..انت سعود
سعود..ايه ليه انتي منو؟؟
ساره..مو مهم تعرف وعمي خالد راح هو والعيال للبقاله يجيبون خرابيط لزوم السهره
سعود..اوكي ناديلي مرام وعلى فكره تراني امووووت على هالاغنيه
ساره...طيب والمطلوب ؟؟مرام ابناديها لك تبي شئ ثاني
سعود..لا بس انتبهي على عمرك
ساره...ههههههههه لا تصدق اني من البنات اللي تعرفهم لا انا بنت متربيه
سعود...وانا ما كان قصدي شئ انتي اللي فهمتيني غلط
ساره..اهااا طيب ما تلاحظ اني زودتها شوي
وتروح ساره عند البنات وهي تلوم نفسها ليه طولت بالكلام مع سعود
ايمان..هييييييييييه ساره انتبهي على عمرك وصلتي الجدار من كثر سرحانك
ساره..ها لا بس مرام سعود تحت يبيك
مرام..اها ...قولي كذا من الاول اثرك داخله جو مع اخوي
ساره.اقول لا يكثر وروحي لاخوك لا يشتب تحت
وتنزل مرام وتلقا سعود منسدح على الكنب وسرحان على الاخر
مرام..هوووووووووو يالعم وين رحت
سعود..اقوووول مروم من البنت اللي كانت تحت وقالت لك اني ابيك
مرام...ليه؟؟يهمك من تكون؟؟
سعوود..تكفين مرام منهي
مرام...وليه ما سالتها؟؟
سعود..سالتها وقالت مو مهم وانها مو من البنات اللي اعرفهم ومن هالكلام
مرام..هههههههه والله انها خطيره وعرفت تجيب راسك
سعود بترجي..لا عاد مرام تكفين منهي
مرام..وحتى لو قلتلك وش يتستفيد؟؟ لانها ما تصلح لك
سعود ..لا مو ايمان ولا غاده لاني اذكرهم وانا صغير وما اتوقع انهم تغيرو هذي يا ساره ولا عبير
مرام..لا هذي ساره بنت عمي ناصر
سعود..والله انها احلوت كثير
مرام..لا يكون منزلني تسالني منهي
سعود..وبغيتك تونسيني لما يجون العيال
مرام..عاد انت تستانس وانا اضيع حركات البنات اقوول باي لا تنسى اذا جو الشباب نادونا
سعود..اوكي
وتروح مرام للبنات ويجلس سعود يتفرج على التلفزيون وبعد نص ساعه
خالد:الشرهه مو عليكم الشرهه على اللي قلت لكم تعالوا معي
حمد..خلاص قلنالك توبه
خالد ..طيب اوص شوفوا ولد عمتكم وين هو فيه
حمد؟؟شكل الاخ سرحاااااااااااان
ويروح فيصل ويجلس قدام سعود وهو ياشر بيدينه..هيه يالعم وير ار يو
سعود..هاه نعم قاعد اشوف التلفزيون
حمد..ايه واضح قاعد تشوف قناه مسكره
ويتنبه سعود للتلفزيون اللي ما درا عنه..هههههههههه لو تدرون قاعد افكر بايش
حمد..ووش تفكر فيه يا حضره الاستاذ
سعود..هاه لا بس افكر من متى ما جيت هنا
حمد..الله من كبر الارانب"يعني يا كبر الكذبه"
الكل..هههههههههههه
خالد..اقوول ترانا كذا نضيع الوقت علينا وحنا متاكدين ان سعود ما راح يقول لنا وش كان يفكر فيه
سعود..كيفكم انا قلت لكم ولا تصدقون
فيصل..محنا مصدقين روح يا خالد ناد البنات خل يحضرون كل شئ
حمد..لا حنا بحضر كل شئ هم بس يجون ويجلسون
سعود..والله ان البنات سنعات وانتم ما تدرون
خالد..وليه؟؟
سعود..شوفوا شابكين الفيديو ومجهزين الكاسات والصحون على الطاوله ومرام تقول اذا جيتو اتصلوا فيهم هم بغرفه امي
فيصل ..شفت طول عمري اقوله ولا احد حااس فيني
حمد..لا انت تقصد احد محدد
فيصل ..محدد ولا مو محدد نفس الشئ
خالد..اقوول لا تتهاوشون وانا موجود لا تنسون اني اكبر منكم
فيصل..احلف 5 ايام صرت اكبر مننا
خالد..مو يقولون اكبر منك بيوم اعلم منك بسنه
سعود..صح لسانك خالي
حمد..اقول اسكت لا اضربك واطيرك لجده
سعود..لا الله يخليك الا جده ما اقوا بناتهم
خالد.ايا الخبيث ما همك الا بناتهم بس خلوني انادي البنات يوسعون صدورنا بسوالف تفتح النفس
فيصل..ايه تكفى بسرعه لاتتاخر خلنا نبدا
خالد..اوكي دخلوا الفلم وجهزوا كل شئ عشان يجون البنات ونبدا على طول
سعود.زووشلون بتجلسون؟؟
خالد..كالعاده الشباب قدام والبنات ورا عشان محد يشوف (قالها وهو يناظر فيصل)
سعود.ههههههههههههههههه تدرون اخر مره نمت كنت ما اتغطى عن احد وكنت انا وساره نجيب الاغراض ونوديهم بين البنات والعيال
حمد..ههههه اللي يسمعك يقول هالكلام صار له 20 سنه تراه قبل 4 سنين
سعود..ايه وكان عمري 14 وكنت ويني عند روحي مسوي فيها رجال وانتم تحطمون
فيصل..لو تدري اني ودي اصير مكانك
حمد.عشان اقص رقبتك
ويجون البنات ويجلسون كما هو متفق البنات ورا والشباب قدام وتبدا السهره

**************************


ويقعدون يتفرجون على الفلم وفيه ناس عقولهم مع شئ ثاني ويوقف فيصل الشريط بعد ساعه..لقد حان الان موعد الاستراحه حسب التوقيت
المحلي لمدينه الرياض لمده 10 دقائق ومن ثم نستانف الفلم فعلى من يود قضاء حاجياته يروووح بسررعه
ساره..الله يرج بليسك كنك حاس فيني
حمد..لا والله هو اللي ما يتحمل ساعه بدون ما يتحرك
فيصل..لان في الحركه بركه
ويوقمون كلهم ما عدا غاده وايمان وفيصل
فيصل..ايمان روحي جيبي كاس مويه
ايمان..ليه ما عندك رجلين
فيصل..اقوول بلا بزارين وروحي جيبي بسرعه والله عطشان
غاده..خلاص انا اجيب اصلا عطشانه بس عجزانه اقووم
فيصل..لا ايمان قومي جيبي كاستين مييه من دياتك الحلوين
غاده..لا من جد انا ابي اتحرك
ايمان..يالهبلا هو يبي يجلس معاك
فيصل..عليك نووور يالشاطره دامك فاهمه روحي بسرعه
ايمان..تربيتك افهمها عالطاير(وتناظر غاده) ولا عندك مانع
غاده ووجههاصار الوان الطيف..لا اللي يريحك
فيصل ..مال دخل براحه ايمان المهم راحتك وراحتي وانا ما ارتاح الا اذا صرتي لي
ايمان..بدري عليك ياعم تعالي معي غاده
ويمسك فيصل يد غاده..غاده ما راح تروح اي مكان راح تجلس معاي
وبهالوقت يدخل خالد وهو يضحك على سعودويوقف عن الضحك لما شاف فيصل ماسك يد غاده
خالد وهو معصب ..وين حنا يا فيصل عطيناك وجه مو عاد تزودها
فيصل.. والله مو قصدي
خالد..قصدك ولا مو قصدك اترك يد البنت قبل لا يجي احد ويوديك في ستين داهيه
ويترك فيصل يد غاده اللي راحت ركض للمطبخ وسط استغراب الجميع وتلحقها ايمان
ايمان..غاده شفيك زعلتي ترى والله ما يستاهل تزعلين من خالد لان الكلام اللي قاله صح واللي بشوفك انتي وفيصل ما يفكر بغير كذا بس
احمدي ربك خالد ولا حمد
غاده وهي تبكي..انا ماهمني اللي قاله خالد انا اللي ضايقني حركه فيصل لهالدرجه شايفني بايعه عمري اليوم يدي بكره ايش
ايمان ..غاده هو مسك يدك وهو مو قاصد بس يبي يقهرني وبعدين شفيها مو بيتزوجك
غاده..بس انا للحين حرام عليه ومحد يضمن عمره
ايمان ..الله لا يقوله غاده وربي فيصل شاريك بالدنيا ومو هو لحاله حتى حنا من وين لنا مرت اخو حبوبه وعارفينها حتى امي دايم تحن على
راسه روح اخطبها بس هو يقول لما تتخرج لانه عرف مني انك ما راح تتزوجين الا بعد ما تتخرجين من الكليه
غاده,,ايمان انا رفضت الجميع لاني عارفه سعادتي وين ومع مين وقلت يمكن لما يشوف الخطاب كثروا يخطبني بس للاسف شكله يسوي
هالحركات عشان يسوي جو
ايمان.بس شفتيه شقال لجدتي قالها العروس تعرفينها
غاده..وليه جدتي ما تعرف بنات غيري؟؟
ايمان..والله ان الكلام معك ما منه فايده اروح اشوف الفلم احسن لي تلقينهم بدو فيه
....ويروحون الصاله.....
ايمان..يا ولد تغطوا برجع مكاني
حمد..واحد ماسكك
ايمان,,لو على كان مريت بس معي غاده
حمد..لا اجل بنغمض وبسرعه اجلسوا
ويدخلون البنات ركض
خالد..وين كنتوا
ايمان..بالمطبخ نشرب مويه..اووووه اسفه فيصل ما جبت لك معي
فيصل..وش تجيبين؟؟
ايما..مويه ما طلبت
فيصل..لا خلاص ما ابي شئ
ساره..اقول انتم مطولين على بال ما تكملون الفلم؟؟
مرام..ايوالله ترانا متحمسين
سعود..اوكي عدنا
عبير..مصدق spaes toon
الكل ..ههههههههههههههههههههههه
بعد الفلم والحوسه كانت غاده بعالم ثاني تفكر بكلام ايمان وبحركه فيصل وتطالع بفيصل وتقول بقلبها"والله اني احبه بس ما احب انصدم
والقاه يلعب بمشاعري .بس هو ولد عمي ويبي لي الخير..بس لو هو صادق كان تقدم لي اليوم وهو عارف ردي ورد اهلي"
((للمعلوميه فيصل كان قايل لابوه يفتح الموضوع مع عمه ويفتحونه بشل عام قدام الكل بس شكل الشيبان خرفوا))

*********************************

سعود.اقسم بالله اني ما اكذب
مرام .احلف انت بس
خالد..لا حرام ما دام صوتك حلوو لازم تغنين لنا
مرام..وليه هي الدنيا سايبه اغني لكم على الماشي
حمد..لا مراموه اذا كان صوتك حلو بنعطيك فلوس
ايمان..خلوها عنكم اللي صوته رووعه فيصل
حمد..اشتغلت الغيره
ايمان..على وشو اغار والله صوته حلو خصوصا اذا غنى اغنيه حزينه
حمد..بس حنا نبي نفرفش ما نبغى نصيح
فيصل..ومن قالكم ان ابغني
خالد..لا والله مع الشباب ما تسكت وهنا تستحي
فيصل..المساله مواستحي وما استحي بس مالي خلق مو وقته
ايمان..الا وقته ونص اثبت جدارتك ياا فيصل قدام الجميع"وايمان كانت تقصد لنو جته الفرصه اللي يعتذر فيها لغاده"
الكل..يالله فيصل فيصل اووه اوووه
ويغني اغنيه عبد الله رويشد ونوال اعذريني ويوصل لمقطع"حني يالقلب الكبير انا هجرك ما اقدره الخطا مني صغير والعفو بالمقدره"
وسلامتكم
حمد..عاشو عاشو..يسلم راسك صراحه اغنيه فنانه
ساره..والله ما كنت متوقعه صوتك حلو لهالدرجه يا حظ اللي بتاخذك..بس جد جد من تقصد بالاغنيه
فيصل..ما اقصد حد طلعت على بالي وغنيتها
مرام..ايه واضح كل هالاحساس وطلعت كذا ليه هي غاده زعلانه
خالد وهو يحاول يرقع السالفه..الله من السخافه اللي فيك انتي واياها هذا يا ماما فيصل اذ قام يغني يعطي الاغنيه احساس كانه عايشه
"عاش مصرف"
اما غاده لا احد يسال عن حالتها حست انها مخنوقه وشوي وتصيح لهالدرجه انا اثرت على فيصل وخليته يندم
وفيصل راح لعالمه الخاص وهو يدعي ربه ان غاده تكون فهمت قصده وما مشت عليها اللعبه مثل الباقين

****************************************

خالد ..شرايكم نلعب
ساره..نلعب ايش
خالد..اللي اقول بيت شعر او اغنيه واللي بعدي يقول شئ جديد من اخر حرف البيت الاول
الكل ..ok
خالد..طيب انا ببدى
من أول ما رجعت من السفر ما شفت لك بينه ؟
وأنا اللي كنت أحسبك قبل أدوس أرض المطار 00تجين
تكونين انتي أول شخص عيني تحتضن عينه
وكنت أتخيلك من زود فرحة رجعتي 00تبكين
وأشوف بدمعتك حكيك 00وأعرفه قبل تحكينه

"حامد زيد"
ساره..صح لسانك حرف الهاء مو
خالد..صح بدنك ايه
ساره..هل رأى الحب سكارى**سكارى مثلنا
واحمدوا ربكم انه طلع مني شئ بهالسرعه
سعود..طيب يالسكرانه يقول:
اخذيني الياعجبتك بس رديني
وان ما عجبتك خلاص اخذيني ما ابيني
"سعد علوش"
حمد: وع من المقروده اللي بتاخذك دوري حرف الياء وينك ياحرف الياء
ياللي تطالع وكنك ما تطالعني
نظرتك ذي حبيبي لا تكررها
صحيح شاطر لكن صعب تخدعني
انا على الطاير افهمها واطيرها
ايمان:تسلم خالد المريخي
حمد: اكرم عنه
ايمان:طيب لااسفين ماي تورن حرف الالف
اجيك يسلم راسك وشلون ما اجيك
وياك انا بالذات صعب اتغلى
والله مدري من الغلا وين اوديك
تسوى عيوني ولا بعد يمكن اغلى



ويكملون السهره الى الساعه8ونص الصبح


****************

طبعا لا تسالون عن حاله الجده لما جت تصحيهم لصلاه الجمعه
الجده:خالد..فيصل..حمد..سعود قوموا انبح صوتي وانا اصحيكم ترا والله لا اجيب مويه بارده واكبها عليكم
فيصل..لا الا الموويه عاد جدتي ما تلعب
ويقومون كلهم ما عدا سعود اللي لسوء حظه كان نومه مررررره ثقيل
سعود:وجع ان شاء الله من اللي كب الماء
الجده: يوجعك لي ساعه وانا اصحيك كلن قام وراح للمسجد وانت للحين نايم بسرعه قم قبل لا يقيم
ويقوم سعود ويتاسف لجدته ويتوضا على السريع ويروح للمسجد


*************************


بعد الصلاه البنات حضروا الفطور بعد اصرار من الجده


في المطبخ
عبير :والله حرام عليها جدتي ليه ما تخلينا ننام
ساره: الحمدي ربك انها سمحت لنا ننام ببيتها وبعدين انتي وجودك وعدمك واحد فلو رحتي تنامين ما ضعنا
عبير:عناد فيك ما راح اروح وبقعد على قلبك
ساره باستهزاء:لا تكفين روحي ..خلاص خوذي الصينيه ووديها للصاله قبل لا تجي جدتي
عبير:لو تموتين
ساره:اقول بلا خرابيط بنات متوسط بسرعه قلت لك
عبير..ليه يا ماما اهلي جايبيني خدامه لك
ساره :لا حنا لازم نساعد جدتي ولا ما عندك استعداد
عبير:لا ما عندي وبرح انام لانك ازعجتيني
ساره:ابركها من ساعه ساعه فرقاك
ايمان:طيب خلاص اوووص تراكم اقلقتونا والله ما ادري كم حطيت من فنجال قهوه لكن الشرهه مو عليكم الشرهه علي اللي مخليتكم تجلسون
معناوعبير اذا فيك نووم روحي نامي وريحينا
عبير:بروح بس لا علشانك ولاعلشانها برووح لاني دايخه"تشاااو"
وترووح عبير تنام وتروح ساره ترتب الصاله عقي حوستهم امس
مراام:والله اختك غريبه وراعيه هواش ولا ساره سولفت منا كلنا ولا تهاوشت مع احد ويوم جت على اختك انقلبت الدنيا
ايمان:والله ما ادري وش فيها هاليومين بس كله من ابووي دايم يقولها شوفي ساره..سوي زي ساره..صيري زي ساره حتى بالمدرسه
لما يعرفون انها بنت عم ساره يتعرفون عليها ويخلونها قريبه منهم حتى المدرسات يعاملونها معامله غير لانها بنت عم ساره وهي ما تحب
فكره انها تكون تحت ظل احد
غاده:اكيد ما فيه احد يحب انه يكون تابع لاحد من ما كان بس هذا مو سبب انها تكره ساره وتفتعل المشاكل بس لانها محبوبه وكلن يعرفها
مرام:خلاص اووص ساره جت قفلوا السالفه


*************************


في مجلس الرجال بعد صلاه الجمعه
فيصل:يبه كلمت عمي ناصر بموضوعي
ابو سلطان:اي موضوع
فيصل:يبه تكفا هذا موضوع ينسي
ابو سلطان عرف الالفه بس حب يستهبل شوي:اي سالفه يا وليدي تراي صاير انسى بسرعه
فيصل:لا به والله انت صاير تقهر يا خي خذ لك حبوب تقوي الذاكره شوي وتنسى اسمك
ابو سلطان :لا يا ولدي عرفت السالفه وكلمت عمك فيهابس انتم طلعتوا فكره النومه تحملوا ما جاكم
فيصل وشوي ويطير من الوناسه:يعني انت كلمت عمي
ابو سلطان :ايه بس لا تنسى ان البنت ما عرفنا ردها ويمكن حاطه في بالها واحد
فيصل:لا من هالناحيه تطمن
ابو سلطان :وليه انت قلت شئ
فيصل:لا يبه بس انا عارف اخلاق بنت عمي ومو معقوله انها حاطه في بالها احد
ابو سلطان :اشوا حسبت


*********************************


الجمعه بليل ببيت ابو حمد
العايله مجتمعه يتفرجون على التلفزيون
ناصر:غاده تعالي ابيك بكلمه راس
غاده:سم يبه بس شوي اكلم حمد واجيك
ناصر:طيب انتظرك بالمكتب
حمد لغاده:شكل ابوي يبيك بموضوع ضروري كالعاده رجال
غاده وهي تتمنى انه يصير اللي في بالها:والله علمي علمك اروح اعرف وش السالفه ورجعالك"بلهجه مصريه"
في مكتب ابو حمد
"مكتب تحس انك لحظه دخوله كانك تدخل عالم اخر كان الاثاث يغلب عليه اللون البني وفيه تحف غريبه بس معطيه المكتب نوع من الرزه"
تطق غاده الباب
ناصر:اتفضل
غاده:دام فضلك يبه خير يبه بغيت مني شئ
ناصر:خير ان شاء الله بس وش فيك خايفه قربي ما راح اكلك
غاده:لا يبه مو قصدي
ناصر:غاده بنتي انتي عارفه وش ابي منك وما راح اقولك المقدمه وبجيبلك الموضوع من الاخر
غاده:خير يبه والله خوفتني
ناصر:قلتلك خير متقدم لك واحد بس هذا غير عن اللي قبله واحد عارفه وعارف اخلاقه
غاده:يبه يعني ما تناديني الا اذا كان عندك عريس وانت عارف ردي
ناصر: طيب ما ودك تعرفين منهو
غاده:منو يعني ولد واحد من التجار الكبار كالعاده والله يبه ما ابي اعرس توني صغيره
ناصر:حتى لو كان اللي متقدم لك هو فيصل ولد عمك عبد العزيز



××



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 22-06-2008, 12:38 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الجزء الرابع ...


(هو قالها فيصل يبه مابي الا هي &&& هي ردته ولا ماردته هذا سواها )
(وفي جامعة غاده صارت الضي &&& ابدت قصة غلا وحب كلن فداها )


الجزء الرابع


ناصر:قلتلك خير متقدم لك واحد بس هذا غير عن اللي قبله واحد عارفه وعارف اخلاقه
غاده:يبه يعني ما تناديني الا اذا كان عندك عريس وانت عارف ردي
ناصر: طيب ما ودك تعرفين منهو
غاده:منو يعني ولد واحد من التجار الكبار كالعاده والله يبه ما ابي اعرس توني صغيره
ناصر:حتى لو كان اللي متقدم لك هو فيصل ولد عمك عبد العزيز
غاده:.............
ناصر:شفيك سكتي"وهو يبي يشوف رده فعلها"خلاص انا من الاول قايل لامك اننا بنرده بس بغيت اقولك عشان بعدين ما تقولين ليه ما قلتولي
غاده ووجهها بدى يتغير لونه:يبه بس انا ما عطيتك ردي
ناصر :بس انتي قلتي انك توك على العرس
غاده وعلى وجهها علامات خيبه الامل:اللي تشوفه يبه
ناصر ما من الضحك على بنته:يا بنت الناس قولي ابيه لا توجعين روسنا ومسويه عاقله والله انك تبين الولد بس ما ودك تعترفين ليه ما ادري
غاده:يبه انا ما قلت ما ابي فيصل انت اللي قلت بتردهم
ناصر:لاني ابي اشوف رده فعلك
غاده:وعرفت وشي الحين
ناصر:ايه انك ما تقدرين تعيشين بدون الولد بس تتغلين يا بنت انبسطي الحين ادق على عمك واقوله
غاده:لا يبه بعدين يقول ما صدقت خبر
ناصر:اول شئ هذا عمك وما راح يقول هالكلام بعدين هو مكلمني امس ونمتي عند جدتك وخربتي على المفاجئه
يتصل ابو حمد على اخوه ويقوله كل اللي دار بينه وبين بنته ويتفقون يهبلون بفيصل
كانت الساعه تشير الى11 ونص موعد نومه ابو فيصل بس اجلها عشان يلعب على فيصل لانه خاف ياجلها ويكون عرف بالسالفه من حمد او
خالد
ابو سلطان:فيصل تعال يا ولد جنبي
فيصل:سم يبه
ابو سلطان:والله ما ادري وش اقولك بس عمك اتصل قبل شوي
فيصل وهو ضامن موافقه غاده وبابتسامه :ايـــــــه
ابو سلطان وشوي ويخرب السالفه:وليه مبتسم احد قايلك شئ
فيصل: وليه يبه ما ابتسم يبه تكفى وش قالك عمي لا تعيشني بخوف والله احس اني بموووت
ابو سلطان:بس لازم تعرف ان الزواج قسمه ونصيب وان.....
فيصل:خلاص يبه لا تكمل"ويوقف"تكفى خلاص فهمت لا تكمل
ويطلع من البيت وهو يقول بقلبه ليه ما قالت لي لا من الاول مو تعيشني على امل كاذب


*********************


نروح لامل وسلطان ونشوف وش عندهم سوالف

عزوز:لابابا ما ودي انام
رهف:احثن يا عذوذوه عثان انت تلوح للمدلثه لاذم تنام"الترجمه:احسن يا عزوزوه عشان انت تروح للمدرسه لازم تنام"
امل:وانتي بعد تنامين عشان الصبح تشوفين بوبا
رهف:ايه بث ما الوح للمدلثه ذيهم"ايه بس ما اروح للمدرسه زيهم"
ريم:احسن عشان حنا كبار وانتي لسى صغيره
سلطان:اقوول كلكم روحوا ناموا تراكم صدعتوا راسي بعد للخمسه وان شفت واحد عندنا بالغرفه يا ويله1.2.3.4.5
ولقى العيال ما طلعوا
سلطان:انا وش قلت
العيال:نسينا
سلطان:مسرع ما نسيتوا انا الشايب ما انسى كثركم يالله بعد مره ثانيه ويا ويلكم اشوفكم1.2.3.4.5
وراحوا العيال عشان ينامون ويستعد الكل لبدء يوم جديد


*****************************


نرجع لفيصل ونشوف رده فعله
ابو سلطان:فيصل استنى لا تطلع
فيصل:خلني يبه بروح اغير جو احسي مخنوق
ابو سلطان:يا ولدي اللي خلقها خلق غيرها
فيصل: بس قلبي اختارها وما يبي غيرها
ابو سلطان:وان شاء الله ما يتاخذ غيرها
فيصل :شقصدك يبه مو تو تقول انها رفضت
ابو سلطان:لا وافقت مبروووك يا عريس
فيصل والدنيا مو سايعته من الوناسه:لامن جد يبه لا تلعب باعصابي
ابو سلطان:والله انها وافقت والخميس نطلبها رسمي
فيصل:وانا وش يصبرني للخميس
ابو سلطان:اللي خلاك تصبر العمر كله بيخليك تصبر اسبوع
فيصل:الله يصبرنا
"الله يتمم عليك يا فيصل وتتهنى بغاده العمر كله"
انتشر الخبر بين العايله والكل يحضر ليوم الخميس بس الثنائي كان شعورهم لا يمكن ان اوصفه هو سعاده او خوف او ترقب للمستقبل


****************************


يوم الاثنين في الجامعه
ايمان:صباح الخير يا احلى عرووووووس
غاده:تونا على هالكلمه
ايمان:اقوول لا يسمعك فيصل هو ما يرضى احد يناديه الا بيا عريس
غاده:اجل قوليلي يا عروس بس مو قداام العالم تفضحيننا
ايمان:اوكي هذي شعاع جت بروح عندي محاضره وبرجع
غاده:اوكي اصلا المحاظره الجايه الساعه2
ايمان:وانا ساعه وبطلع منها وبجيك
غاده:تمام
وتجي شعاع "شعاع صديقه ايمان الروح بالروح من ايام الثنوي وكل العايلتين يعرفون بعض"
شعاع:السلام عليكم طب اس ااس
ايمان وغاده:وعليكم السلام
شعاع :ازيك يا عرووس
غاده: مسرع ما عرفتي
شعاع: وايمان تعرف تغبي شئ لو يحصل لهم فيصل يكلمني من شد ما هم مستانسين انك وافقتي
غاده:عشان امووتك
ايمان:الله الله على الغيره لو اقوول لفيصل كان تجيه سكته
غاده: بسم الله عليه بعدوينه ان شاء الله
شعاع:الله البنت طلعت تحب ولا علمتنا
غاده:مو بيصير زوجي لازم اخاف عليه
ايمان:بيصير اما الحين يا ويلك تقولين شئ
غاده:يسّلم
ويدق جوال غاده
غاده :هلا بنظر هلا باللي يتغلون
....:هلا فيك انتي وين
غاده:انا بالكفيتيريا شرايك تجيني
..:اوكي ثواني واجيك
غاده:OK IM WEATING U
وتسكر السماعه وايمان وشعاع يناظرونها باستغراب
غاده:شفيكم بسم الله الرحمن الرحيم
ايمان:لا بس من كنتي تكلمين وتقولين له تعال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
غاده:الله ياخذ بليسكم هذي الجوهره
ايمان:الله ياخذك على بالي رجال
غاده:وياخذك معي وبعدين انتي تعرفين انتي اكره هالحركات
ايمان:والله لو يسمعك فيصل تقولين هالكلام لاي احد يذبحك
غاده: اصلا اذا اخذته ما راح اقول هالكلام لغيره
شعاع:ياعيني يا عيني ايمانووووه ترى بنتاخر على المحاظره وعاد الدكتورا ما تقصر تطردنا طرده كلاب
ايماان:لا الله يخليك محنا ناقصين باااااي
غاده:باااااااااااااااااااااااااااااااااااااااااااي
ويروحون البنات ويخلون غاده تذاكر لانو عندها كويز الساعه2
الجوهره:بووووووووووووه
غاده:عما يعميك هبلتي فيني
الجوهره:وتهون عليك جوجو
غاده:ايه تهون
الجوهره:اوريك هذا وانا جايبه لك سوربرايز انما ايه رووووووووووعه
غاده: تكفين مال خلق لسوربرايزاتك خليني اذاكر ترى ما ذاكرت ولا حرف
الجوهره: وانا جايتك عشان كذا الدكتوره طلعت وبتاجل الكوز لانو عندها ظرف
غاده وهي ترمي الكتاب على الطاوله:اوه ريحتيني لان بالي مشغول اصلا وما لي خلق شئ ثاني يعكر مزاجي
الجوهره:شفيك غاده فضفضي لي
غاده:لابس فيه سالفه واذا صارت قلت لك
الجوهره:اوكي متى ما بغيتيني انا موجوده
غاده:طيب بس قومي نتمشى ولا تقلبينها جد
"للمعلوميه الجوهره تعرفت على غاده بالجامعه بس الثنتين ارتاحو لبعض وكانهم يعرفون بعض من زماان لانهم نفس الشخصيه"
الساعه12
ايمان:قومي ندور على غاده قايله لها بنجيها بعد المحاظره
شعاع:طيب بس اجيب لي فطور من الكفيتيريا
ايمان:يا حبك لبطنك اذا رحنا افطرنا سوا
شعاع:مشينا
ويتقابلون البنات ويجلشون فطوور وسوالف
يرن جوال ايمان
ايمان:هلا والله بمعرسنا
فيصل:طيب تراك فضحتينا جامعتكم كلها عرفت ان اخوك بيعرس
ايمان:ووش فيها مادام العروس جنبي
فيصل:ليه هي عندك
ايمان:ايه تبي تكلمها
وغاده تاشر بيدينها لا ما راح اكلمه
ايمان:تقول لا
فيصل:تكفييييييييييييين ووالله اطلعك للي تبين لحالنا
ايمان:بس اخاف ناس يغاروون
فيصل:فديت قلب اللي يغارون
ايمان:خلاص والله كسرت خاطري خذها
وتعطيها السماعه بالغصب
غاده وبكل نعومه وحياء:الوو
فيصل بقلبه آآآآآآآآه:.........
وتعطي غاده الجوال لــايمان تقول ما فيه احد
ايمان:الو الو
فيصل بعصبيه:وش جابك عطيني غاده
ايمان:طيب طيب لا تنفخ اووف
غاده:نعم
فيصل:نعم الله عليك كيفك
غاده:تمام الحمد لله
فيصل:ذاكرتي للامتحان
غاده:وليه ايمان قالت لك
فيصل:وليه هي تعرف تسكت اصلا
غاده:لا ما ذاكرت
فيصل::ولييييييييييييييه
غاده:لانهم اجلووه
فيصل:احسن عشان ترتاحين
غاده:فيصل تامر بشئ
فيصل بخيبه امل:وليه مليتي مني
غاده:لا ما مليت بس والله البنات عيونهم بتطلع من كثر ما هم مبحلقين فيني
فيصل:هههههههه خلاص قومي
غاده:وين اروح
فيصل:تعالي برا انا عند الباب
غاده:فيصل وين حنا عايشين لا تنسا انو للحين ما يجوز لك تكلمني
فيصل:يعني لازم تذكريني طيب شخبارك تجهزتي للخميس
غاده حبت تطفر فيصل:وليه انتو بتكلمون ابوي وبس انا وش دخلني
فيصل:بطلب اني اشوفك
غاده:شوفه قبل العرس ما في
فيصل:يعني تحدي
غاده:المساله مو مساله تحدي بس بعد الزواج احلى
فيصل:اللي تشوفينه ممكن تعطيني ايمان"زعل"
غاده بدلع:اوكي
فيصل بقلبه ..والله البنت بتموتني
ايمان :نعم
فيصل: سبحان من خلق وفرق
ايمان:وليه يا بابا
فيصل: فرق الدلع اقوول اطلعي انتي وغاده انتظركم برا
ايمان:اخاف ما ترضى
فيصل: انتي وشطارتك اذا طلعتي وهي مو معك بمشي واخليك
ايمان"احااول "سكرت "غاده ترجعين معي للبيت
غاده:لا برجع مع السواق
ايمان:بس سواقكم بيجي متاخر
غاده:اكلم ابووي واشوف
وتدق على ابوها اللي رفض انها تركب مع فيصل واقنعته غاده بحجه ان السواق مع امها وفيصل عند الباب وقات له يخبر حمد لا يسوي لها
ساالفه
غاده:اوكي بروح معكم بس ما رااح اكلمه
ايمان:اها نشوف


**********************


ويركبون السياره وفيصل بيطير من الوناسه
البنات:السلام عليكم
فيصل:وعليكم السلام
ايمان:هيييييييييييه شوف قدام الطري قدام مو ورا
فيصل:بس قلبي ورا
ايمان:لا حول ولا قوه الا بالله شوف اذا بتقعد تغازل بنزل وارجع مع ليموزين
فيصل:يكوون احسن
غاده:لا ايمان تكفين
فيصل:وليه ترا انا ما اكل
غاده:لا بس
فيصل:خلاص زعلت
غاده:طيب وش اللي يخليك ترضى
فيصل:اشوفك يوم الخميس
غاده:يكون خير
عرف فيصل انها موافقه بس بتغيضه شوي
ويشغل اغنيه بحبك واداري لمادلين مطروهو يغني معها
بحبك واداري ليلي ونهاري عملت لقلبي ايه
صوتك ناداني نسيت زماني اعمل بحبك ايه
عينيك حبايبي جرحت لي قلبي ورموش عينيك تداويه
ايمان:ياعيني على الرومانسيه
فيصل:شرايك غاده
غاده:في ايش
فيصل:في الاغنيه
غاده:الاغنيه حلوه بس اللي غني معها احلى
فيصل:تسلمين يا قلبي ممكن طلب
غاده:امر
فيصل:ما يامر عليك ظالم بس قولي لي احبك
ايمان: بدري عليك يا بابا
فيصل:وانتي وش دخلك
ايمان:دخلني الباب
غاده:تسمعها لما يجي وقتها
فيصل:طيب اطلب طلب ثاني
ايمان: تراك زودتها
غاده:امر
فيصل:ابي الخميس تكون ملكتنا
غاده:بس انا ما جهزت لشي
فيصل:تكون ملكه مصغره العايله بس
غاده:اللي يريحك
فيصل:انا لو علي سويت العرس اليوم
غاده:اوووف وانا وشلون اتجهز
فيصل:عادي ابيك بعيوبك ابيك بحلوك بمرك ابيك
ايمان:طيب انا ابي ايس كريم
فيصل:غاده تبين
غاده:اذا ما يكلف عليك
فيصل:ما دامك انتي اللي تبينه عسل على قلبي
غاده:يسلم قلبك
ايمان:لعنبو دارك الحين انا اللي ابي وصار عشان غاده
فيصل:يالهبلا اذا بجيب لها فاني باجيب لك
ويوقف عند باسكن روبنز"اعلان غير مدفوع القيمه"
فيصل:بجيب لكم على ذوقي
ايمان:لا انا ابي كوفي
فيصل :ااوكي وغاده
غاده:على ذوقك
ويجيب لايمان اللي تبي وجاب لغاده نكهته المفضله التوفي
فيصل:تفضلوا
غاده:تسلم باي نكهه
فيصل:توفي نكهتي المفضله
غاده:ههههههههه
فيصل:على ايش تضحكين ما قلت شئ يضحك
ايمان:لانها نكهتها المفضله بعد
فيصل:ادري
البنات:شلووون
فيصل:تذكرون لما كانت غاده باولى متوسط وانا وحمد بثالث ثانوي وكان اخر يوم اختبارات لكم وحبينا اننا نكون اول من عطاكم هديه النجاح
وقلتو تبون ايس كريم لانك حرانين وما تبون تكلفون علينا بشئ غالي ولما سالت غاده تحب اي نكهه قالت توفي ومن يومها وانا ما اكل غيرها
ايمان:يا عيني يا عيني
ويوصلون بيت غاده وتنادي ابوها لان فيصل طلب انه يشوفه
ابو حمد :حيا الله ولدي هذا وانت للحين ما تملكت على بنتي كل يوم عندي اجل اذا تملكت وش بتسوي
فيصل:بنام عندكم
ابو حمد:ههههههه امر يا ولدي غاده تقول انك تبيني
فيصل:ما يامر عليك عدو بس بطلبك طلب
ابو حمد:خير
فيصل:ابي الخميس تكون ملكه
ابو حمد:والله الشور شورك انت وغاده
فيصل:انا كلمتها وقالت اللي تشوفونه انت وابوي
ابو حمد:انا اعرف بنتي اذا قالت اللي تشوفونه يعني موافقه
فيصل:يعني الخميس الملكه
ابو حمد:ان شاء الله




××


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 22-06-2008, 01:17 AM
صورة ~نيلٌوفر~ الرمزية
~نيلٌوفر~ ~نيلٌوفر~ غير متصل
©؛°¨غرامي مجتهد¨°؛©
 
الافتراضي رد: البوم صور , روايه للكاتبه نور نجدي


تسلميييييين حبيبتي وبداية موفقة
مشكوووورة على البارت
بس لسع ماقريت البارت الثاني
اقراه وارد عليك
دمتي بود حبيبتي


الرد باقتباس
إضافة رد
الإشارات المرجعية

ألبوم صور / الكاتبة : نور نجدي ، كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مظاهرة نسائية / الكاتبة : دلوعة الشرقية ، كاملة استغفار روايات كامله - يتم نقل الرواية هنا بعد اكتمالها 85 27-11-2013 04:32 PM
دموع رجال معاريس / بقلمي ، كاملة صرخه وفا روايات كامله - يتم نقل الرواية هنا بعد اكتمالها 296 11-03-2013 07:45 PM
عنيدة مثل إبوها / الكاتبة : قطرة ألم ، كاملة درع الجزيرة : روايات كامله - يتم نقل الرواية هنا بعد اكتمالها 117 04-02-2013 11:10 PM
جرحها كايد / الكاتبة : غلا مطير ، كاملة وجه الملاك روايات كامله - يتم نقل الرواية هنا بعد اكتمالها 39 20-04-2012 07:18 AM
من يقول الحب يذبل كالورود / الكاتبة : غزاله نجدية ، كاملة !! عــــزg تي شمــــر !! روايات كامله - يتم نقل الرواية هنا بعد اكتمالها 31 01-04-2012 06:38 AM

الساعة الآن +3: 12:05 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم