قدري القاسي ، روايه سعوديه بحرينيه ، رومانسيه جريئه

[أميره وتهز ديره]

][ .:. قدري القاسي .:. ][


المقدمه ..

في الوقت الذي تعصف فيه رياح الحب وتطرب القلوب لتعزف انغاما ناعمه واحاسيس إما أن تكون حارقه لشده دفئها وإما صاعقه لشده برودتها ،، فيتكون السؤال !!

- هل الحب هو اساس كل شي ؟
- هل الحب اساس السعاده ؟
- هل للقدر يدا تتحكم في مصير كل روح ؟

قدري القاسي هي أول روايه لي كتبتها بمشاعر حتى قلمي بات عاجزا أمامها ،، لايستطيع وصفها ،، بطلتها فتاه اسمها نوره ،، التي تذوقت جميع ألوان الـ ح ـياه ،، ولكن هل ستكتب لها السعاده وكيف ستواجه المكتوب لها وتتعلم من حياتها ،، وياترى كيف سيعيش الأبطال الآخرون في ساحه الحياه وهم الآخرون كيف سيواجهون الصعاب إن وجدت ؟؟


الجزء الأول ..

عائله بحرينيه صغيره تتكون من أب و أم وماعندهم إلابنوته اسمها نوره يعني نوره وحيده امها وابوها وعمرها 16 سنه ، هذي نوره انسانه شفافه ودلوعه وناعمه لكنها شيطونه مره تحب احيانا تعاند وتحب تسوي مقالب هي جميله وصادقه لأبعد الحدود كانو دايما يقولون إن عقلها اكبر من سنها لأنها فطينه وتصرفاتها تنم عن وحدة كبيره عارفه الحياه على الرغم من شطانتها إلا انها كانت عاقلة وامها ما كانت تخاف عليها لأنها تعرف بنتها زين ، ما راح اطول عليكم بشخصيه نوره لأنكم رح تعرفونها بالنهايه لكن رح اطرق لعلاقه نوره بأمها، علاقه امها بأبوها قويه لكن علاقه نوره بأبوها مش زي علاقتها بأمها ، علاقه نوره بأمها علاقه مثاليه نوره وامها مثل الخوات والصديقات مايخبون شي عن بعض لدرجه انهم احيانا يلبسون ملابس بعض يعني علاقتهم في هالزمن قليل الي يلقى نفسها ، ام نوره دارسه ومتعلمه وفاهمه الحياه وحبوبه وصغيره في السن عمرها في الثلاثينات ، تدرون إن يوم المفتوح لما ام نوره (ليلى) تروح تسئل عن نوره مدرسات نوره يقولون حق ليلى انتي اختها ؟ ، نوره وليلى يضحكون وتقول ليلى لا انا امها فيستغربون ورفيجات نوره وبنات خالها يحسدونها لأن عندها ام تفهمها وصايره لها مثل الأخت واكثر ، يحسدونها مو معناه الحسد والغيره ، بمعنى انهم يتمنون لو ان عندهم ام نفسها .

وقت اذان المغرب ..

ليلى (أم نوره) : نوره قومي سكري الجهاز الحين وقت الأذان قومي يا بنيتي
نوره وهي جالسه على الجهاز : لحظه ماما بس اكمل الدور واقوم
نوره كانت تلعب بليارد في أحد المواقع وهذا الموقع يضم ناس من مختلف العالم
كانت نوره تتكلم مع اللاعب الي تلعب معاه كان اسمه بالموقع المجروح ونوره كان اسمها عازفة الألحان
المجروح : سلام عليكم
نوره : وعليكم السلام
المجروح : شخبارك
نوره : تمام والحمد لله
نوره : ليش اسمك المجروح ؟ والله مو حلو ، حزين
المجروح : هذا مش اسمي هذا اسم اخوي انا قومته من على الجهاز وجلست مكانه
نوره : اها
وبعد حديث مطول شوي
المجروح : ممكن ايميلك ، اذا مافيه احراج
نوره : يا اخوي انا مالي بهالسوالف
المجروح : لا عادي ، براحتك

نوره تتكلم في نفسها (ماشاء الله عليه بجد مأدب )
نوره طبعا قالت هالجمله بعد حوار طويل ما بينهم

ام نوره : نوره وبعدين معاج ، قلت لج وقت صلاه بسرعه قومي
نوره : طيب انت عطني ايميلك وانا بضيفك
المجروح : ( ....................)


نوره ضافته .. ، وي توها تقول له ان مالها بهالسوالف ، اجل ليه ضافته ؟
المجروح من السعوديه ونوره طبعا من البحرين ، كان كل شخص منهم عارف منطقه الثاني لأنه في الموقع بجنب اسمائهم المستعاره موجود علم البلد الي هم ساكنين فيه ، بعدها استأذنت نوره من المجروح عشان تروح تصلي وطلبت منه ان ينطرها لما تكمل صلاه وتجي عشان تتعرف عليه .

نوره كملت صلاه ورجعت ..

نوره : باك
المجروح : احلى باك
المجروح : اله ماقلتي لي ايش اسمك

نوره احتارت تقول له اسمها وقالت راح اقول له اسم مستعار

نوره : انت تتوقع يعني لما اقول لك اسمي رح اقول الصراحه ؟
المجروح : اي ليش لا يعني
نوره : لأني ما عرفك
المجروح : انا اسمي فارس
نوره : اها ، عاشت الأسامي
فارس : الله يسلمك
نوره : اسمي اشواق
فارس : اسمك يهبل
نوره : بس انا ما احبه تدري ليش
فارس : ليش
نوره : لأنهم ينادوني اشواك ، عشان كذا كرهوني فيه على الرغم انه اسم حلو
فارس : لا حرام عليهم والله ان اسمك جنان ليه يخربونه

رفيج فارس سوه لفارس رمز حلو ، رمز على اسمه ، يعني فارس لما يكتب إن اسمه فارس يطلع رمز ( فارس ) والرمز كان يجنن ، يكون مكتوب فارس وبجنبه شمس تشرق وتغيب ، نوره ولأنها بنت جذبها هالشي تتوقعون وش قالت لفارس ؟؟

نوره : فارس من سوا لك الرمز ، يجنن رمزك
فارس : هذا واحد من اخوياي
نوره : والله انه فنان كيف سواها
فارس : تبغيني اقول له يسوي لك على اسمك ؟
نوره : لا ماابغاه على اسمي ، ابغاه على اسمي المستعار
فارس : طيب وش اسمك المستعار ؟
نوره : ابغاه ( نوره )
نوره : طيب انا الحين بمشي اوكي ، باي
فارس : بايات يا اشواق مدري نوره
نوره : اتكذبني ، من كلامك يعني احسك تقول ان انا اسمي نوره واني اكذب عليك واقول لك اشواق ؟
فارس : لا بس تخربطت
نوره : عبالي بعد
نوره : باي
فارس : باي

تتوقعون فارس صدق نوره إن اسمها اشواق ولا عرف انها تكذب ولا تتوقعون انه محتار بين الأسمين ؟ ، و تتوقعون نوره بتصارح فارس بالحقيقه ؟ ، نوره في هالمرحلة كانت خايفة لأنها أخذت خطوة أكبرمنها ، نوره ماتشجع سوالف الحب والصداقات إلي تصير عن طريق الأنترنت وكانت دايما تنصح ربيعاتها وبنات خالها إلي بنفس عمرها إنهم يبتعدون عن هالأشياء إلي مابتفيدهم بالعكس رح تضرهم ولا بتكون من مصلحتهم لين أهلهم عرفوا بهالشي ، لأنها تعتبر خطوه كبيره وخصوصا في هالسن .



نوره عندها خوالين إثنين الصغير اسمه هشام وعمره 26 سنه متزوج من بنت خالته نوال وعنده ولد اسمه علي عمره 7 سنوات ، وخالها الكبير اسمه عبدالله وعمره 42 سنه ، عبدالله عنده ولد وبنتين الولد اسمه جاسم وعمره 23 سنه والبنتين الكبيره اسمها ساره وعمرها 20 سنه والصغيره اسمها ملاك وعمرها 17 سنه ،، ملاك وساره مثل الخوات لنوره لأنهم تربو مع بعض تقريبا.

ملاك كانت معزومه عند ربيعتها مها على حفله عيد ميلاد ، ملاك رشيقه وعينها عسليه وشعرها بني وقصير وناعم ..

وقت العيد ميلاد ملاك كشخت وتعدلت ولبست فستان ذهبي وكانت جنااااان روعه ومضى الوقت ولما انتهى العيد ميلاد ملاك ظلت مع مها تعدل وترتب الأغراض ،،

فجأه يدخل ناصر اخو مها ..

ناصر : مهاوي كل عام وانـ..

ناصر كان يظن ان ربيعات مها راحو بيوتهم لأن الوقت كان متأخر فتفاجىء بملاك وماقدر يكمل كلامه أو يتحرك

ملاك : يا الله
مها : معليش ملاك ،، هو ماكان عارف إنج معاي
ناصر : مسامحه

ناصر استسمح وطلع عنهم

ملاك : فشله يامها ماني عارفه وش اسوي احس روحي متضايقه
مها : امسحيها في وجهي
ملاك : لاخلاص ماصار الا الخير

بعد شوي جاء عبدالله ( ابو جاسم ) عشان ياخذ ملاك


ملاك : مع السلامه وتصبحين على خير
مها : الله يسلمج وانتي من اهله ،، مشكوره حبيبتي ومسامحه على الي صار



ناصر رجع البيت لما شاف ان ملاك راحت بيتهم


ناصر : مهاوي من هذي ؟
مها : مو شغلك
ناصر : افا ، أنا اخوج
مها : زين زين ،، هذي ملاك بنت الجيران بيت ابو جاسم
ناصر : اها ، اقول عندج رفيجه حلوه وملكه جمال وماتعرفيني عليها
مها : روح زين ، عبالك بنات الناس لعبه في ايدك
ناصر : ههههه عبالج بسكت عنج ، لي كلام ثاني معاج
مها : اووووووف


في اليوم الثاني نوره وفارس على المسنجر ..

نوره : هاي
فارس : هلا وغلا
نوره : شخبارك
فارس : تمام والحمد لله
نوره : دوم
فارس : يسلمو
فارس : انتي ايش اخبارك
نوره : تمام
فارس : دوم يا رب
نوره : دام عزك


نوره وفارس يوم كانو بموقع البليارد فارس قال لنوره تعليق على اسمها ( عازفه الألحان ) ونوره كانت تظن إن فارس يتطنز ، الا تقول له ان هي تعزف قيتار خخخ لكن هي ماتعرف تعزف ، فارس قال لها انه يعزف عود
واستغرب لأنها تعرف تعزف وقال لها ان هو جرب يدق غيتار بس ماعرف


نوره : فارس انا كذبت عليك بشي وانا مااقدر اكذب سامحني يافارس
فارس : ايش هو هالشي
نوره : قلت لك ان اسمي اشواق واسمي ترا مش اشواق اسمي نوره وتراني مااعرف اعزف غيتار بس قلتها لك لأنه عبالي انك تطنز ، سامحني
فارس : عادي ياقلبي
نوره : سامحتني ؟
فارس : ايوه



وجلسو يتكلمون وتعرفو على بعض ، فارس قال لنوره اسماء اخواته وشويه اشياء عن حياته ونوره قالت لفارس انها وحيده امها وابوها وشوي شوي فارس تعرف على شخصيه نوره ، طبعا ماعرفها الا من صراحه نوره بس في اشياء عرفها بدون مانوره تقول له ، بقول لكم شي من الأشياء الي فارس عرفها بدون مانوره تقول له

[أميره وتهز ديره]

نوره : تتوقع انا ابغى كم طفل
فارس : 2
نوره : هههههههه
نوره : ايش دراك
فارس : ههههههه وتبغينهم صبي وبنت صح
نوره : لامو لازم الي يجي من عند الله بس اهم شي ابيهم 2
نوره : فارس مافكرت ليش انا اتكلم سعودي؟
فارس : اي انا مستغرب اقول كيف تعرف تتكلم سعودي
نوره : انا اقرأ روايات سعوديه عشان كذا اعرف اتكلم سعودي شوي
فارس : اها
نوره : احب اقرأ روايات
فارس : اي حلوه الروايات والقراءة تسلي
نوره : تدري وش هوايتي ؟
فارس : ايش ؟
نوره : اكتب خواطر ، تعرف يعني شنو خواطر ؟
فارس : اي اعرف
فارس : بس بجد يعني
نوره: اي اجل امزح
نوره : رح اطرش لك شي من خواطري وقول لي رايك بصراحه اوكي
فارس : اوكي بس ماراح اقراها الحين
نوره : اوكي

الخاطره اسمها انما هو حب طفوله

إنـمــا هـــو حــب طــفــولــة

كيف لي أن أنسى أياما صارت في عمري قطرات ندى ...
وذلك الحب الذي يجمعنا التي لم تقدر أن تفرقه أية قوى ...
وطموحنا الذي كان يسمو للعلى ...
لقد تركتني وحيدة بلا مأوى ...
إشتقت للمكان الدافئ الذي كنا نجلس فيه حيث أصوات الطيور الغنى ...
هل فراقنا يعني أن أحلامنا صارت سدى ...
فحبنا كان طعم الحلوى ...
مازلت أستشعر رائحتك التي كانت كالشذى ...
أكذب عليك إن قلت لك إن جروحي سوف تنساب في الهوى ...
فجروحي مخلدة في قلبي كما تطبع الصورة في الذكرى ...
أتعلم أنك أحرقت قلبي فصار كتاب بلا محتوى ...
الآن عرفت أن قلبك كالصحراء القفرى ...
ولكني أنا الملامة لأنني أحببتك فغطاني العمى ...
وعشقك إنماهو حب فتاة صغرى ...
فبعد كل هذا أتعهد بقلبي أن أرجع نوره الأولى ...



فارس : بكره بقول لك رايي فيها لأني ابغى اقراها بتأني
فارس : نوره كتبي فيني
نوره : ههههه احاول
نوره : كيف تبغاني اكتب فيك وانا ما اعرفك
نوره : تصدق يافارس انا احلل شخصيه الناس بسهوله تدري ربيعاتي وبنات خالي يقولون لي كيف تعرفين اقول لهم مدري لكن انت ماني عارفه احلل شخصيتك
فارس : ههه تدرين ليش
نوره : ليش
فارس : ناس كثير قالو لي ان انا شخصيتي غامضه
نوره : اها
فارس : نوره انتي تكلمي صبيان غيري
نوره : لأ ، انت اول واحد انا اتعرف عليه
نوره : في واحد اسمه محمد هذا محمد مطوع يعني الكلام الي بيني وبينه بس في الدين و يعني ينصحني ويقول لي حافظي على صلاتك وكذا
فارس : من وين تعرفتي عليه ؟
نوره : من بنت خالتي سعاد هي الي تعرفت عليه وانا كلمته لأني ابغاه ينصحها لأنها تسمع منه تدري انها كانت قبل ماتصلي ، تصلي بس بمزاجها ويوم هو قال لها الحين صارت تصلي والحمدلله
فارس : اي اهم شي الصلاه
نوره : وانت تكلم بنات غيري ؟
فارس : لا عندي وحده في ايميلي اعرفها من زمان والحين ماتدخل هي من تونس تسوي لي تواقيع وصور كذا يعني
نوره : اها
نوره : يعني يضايقك لما انا اكلم غيرك ، يعني امسحه ؟
فارس : اذا انتي بتستفيدين منه لاتمسحيه
نوره : هههه
فارس : بس افضل تمسحيه
نوره : ههههههه
نوره : تدري يافارس ان انا جننته اقعد اتهيبل عليه يقول لي فاهمه اقول له لأ وانا فاهمه بس حركات استهبال يقول عادي بعيد لك وانتبهي واذا مش فاهمه بعيد لما تفهمين وهو يقعد يشرح ويشرح وانا ميته ضحك والله مسكين لكن الله يوفقه ، ساعات اقول له تراني اتهيبل عليك ، تدري ايش يقول لي ؟
فارس : ايش
نوره : يقول لي اذا مافهمتي قولي مافهمت لاتقولين اتهيبل
نوره : والله يموتني ضحك اقول له انا اتهيبل عليك بعد مايصدق
فارس : هههههههه
نوره : فارس انا بعد افضل انك تمسحها
فارس : ههه اوك من عنوني
نوره : فارس انا الحين راح امشي لأن الوقت طول اوكي
فارس : اوك
نوره : باي
فارس : الله معاك يا قلبي
فارس : تصبحين على خير
نوره : وانت من اهله
نوره : باي

في بيت عبد الله بو جاسم

ملاك : سارووو
ساره : وجع اسمي ساره سوسو القمر
ملاك : وع
ساره : انتي شفيج مع لسانج الطويل
ملاك : يوعانه ابي آكل شي
ساره : والمطلوب
ملاك : ابيج تسوين لي اكل
ساره : والله
ملاك : اي
ساره : روحي زين اشتغل عندج
ملاك : بليـــز
ساره : قولي حق ميري تسوي لج
ملاك : ميري تعبانه
ساره : اووووووووف وانتي متى بتتعلمين تطبخين
ملاك : مادري
ساره : بسوي لج بس بشرط
ملاك : وشنو هالشرط
ساره : بسوي الي يعجبني
ملاك : اوكي براحتج
ساره : تبين عصير بعد
ملاك : الي يعجبج يا احلى اخت بالدنيا
ساره : ههه والله مااقدر عليج مع لسانج الطويل
ملاك : اعتبره مدح ؟
ساره : هههههههههه
ملاك : يؤ ماقلت نكته
ساره : اقول
ملاك : نعم
ساره : بس خلاص
ملاك : اوووف منج تدرين عني ما احب هالأسلوب
ساره : عشان جذي انا سويت هالحركه ههه


يوم الأحد ، نوره جلست على المسنجر تنتظر فارس وتنتظر رايه في الخاطره الي طرشتها له وبعد شوي دخل فارس ، نوره استانست

فارس : سلاااااااااااااااااام
نوره : وعليكم السلام
فارس : شخبارك
نوره : تمام والحمد
فارس : دوووم
فارس : ايش الأحساس ذه منين جبتي كل هالكلام والله انه حلو

فارس >> يقصد الخاطره

نوره : يعني عجبتك
فارس : اي كثير
نوره : والله
فارس : اي والله
نوره : بلا مجاملات يافرووس
فارس : قسم بالله مااجامل
فارس : انا مااحلف كذب يا دبه
نوره : طيب خلاص صدقتك
فارس : هههههههههههههههههه
نوره : هههههههههههههههههه
فارس : نوره انا بعد كم يوم مسافر الرياض
فارس : يعني بصير لي كم يوم ماراح اجلس على الجهاز
نوره : اها بس ليش بتسافر
فارس : لأن جامعتي في الرياض وانا راح اسكن في بيت عمي
نوره : اها الله معاك توصل بالسلامه والله يوفقك
فارس : ويوفقك يا دبه
نوره : انا مش دبه ليه تناديني دبه

نوره ماتحب احد يناديها دبه

فارس : هههههههه ، بس كذا
نوره : هههه
نوره : انا مربره يعني مش دبه ولاضعيفه
نوره : اهلي يقولون لي جسمك حلو وانا اقول لهم لأ مش حلو تدري ايش يقولون ؟
فارس : ايش
نوره : يقولون لي اسكتي بلا كلام مراهقات وجسمك حلو وعن هالكلام الي ماله معنى الي مايودي ولايجيب
فارس : هههههههههههههههههههه

اله ماقلت لكم فارس كم عمره ، عمره 21 سنه ، بيت ابوه في جده

نوره : فارس رح توحشني
فارس : وانتي اكثر
نوره : بجد يافارس ترا انا ماامزح
فارس : وانا كمان ياقلبي ماامزح
فارس : طيب انا استأذن
نوره : الله معاك

بعد ما فارس سافر نوره كانت تقعد على النت بس ماتحس بطعم النت مثل ماكانت تفرح لما فارس يكون جالس ولما تروح المدرسه بالها على طول مشغول فيه ، فارس اخذ تفكيرها تدرون نوره ألفت شي بسيط لفارس وخلت عنوانه تدرون ايش ؟؟
توقعوا ...
خلته ( عذاب فراقه )
يعني معقول نوره حبته ؟ معقول دخل قلبها ولا شنو
وبعد كم يوم فارس دخل النت ، نوره طارت من الوناسه


نوره : هاااااااااااااااااااي
فارس : هلا وغلا
نوره : شخبارك
فارس : تمام والحمد
نوره : دووووووووووم يارب
فارس : دام عزك
فارس : انتي ايش مسويه
نوره : والله ماسويت شي اقسم بالله ، يعني ايش سويت والله ماسويت شي
فارس : ههههههههههههههههههههههههههههههههههههههههه

تدرون ليش فارس يضحك
في السعوديه يقولون هالجمله لما يسئلون عن اخبار الواحد
بس في البحرين يقولونها اكثر شي لما واحد مسوي جريمه او مسوي شي
عشان كذا فارس عرف ان نوره مافهمت قصده وقعد يضحك

فارس : انا قصدي يعني وش اخبارك وش اخبار اهلك

نوره لما فهمت الموضوع

نوره : هههههههههههههههههههههههههههههههههههههههه
نوره : بخير والحمدلله
نوره: اليوم عيد الحب وانا ماعندي احد
فارس : ايوه الفلنتاين ، كل عام وانتي بخير ياقلبي
نوره : وانت بمليون خير
نوره : فارس انا عندي لك شي
فارس : والله
نوره : كتبت فيك شي يوم سافرت الرياض تبغى تشوفها ؟
فارس : بالله ، هاتيها بشوف
نوره طرشتها
فارس : عنوانها يحزن
نوره : لأني كنت حزينه ليش اني ماشفتك كم يوم
فارس : اقسم بالله يانونو كلما اسمع اغنيه أو شي اتذكرك


فارس قعد يقراها


... عذاب فراقه ...

ذبحني فراقك يا ظالم ...
ذبحني والله العالم ...
تراني من يوم فرقاك فيك حالم ...
خبرني بأحوالك يا كاتم ...
عساك واصل لرياض سالم غانم ...

[omrykolo]

تسلمى حبيبتى واضح ان الروايه رائعة
تقبلى مرورى

[أميره وتهز ديره]

فارس قراها

فارس : ههههههههه لهدرجه وحشتك
نوره : ايوه
فارس : لاتشيلين هم ياقلبي ولاتحاتيني
نوره : احاول
نوره : فارس وحشتني موت والله
فارس : عندك مايك اكلمك اذا مافيه احراج
نوره : عندي مايك بس انا مااكلم احد مايك
فارس : اجل خلاص
نوره : زعلت ؟
فارس : لاعادي اقدر ظرفك والله مازعلت
نوره : بس تصدق ودي اسمع صوتك
فارس : ايوه
نوره : بس انا ماراح اتكلم ولا كلمه
فارس : طيب انا اكلمك وانتي اسكتي لاتكلميني
نوره : بس لاتطول
فارس : انا بس ابغى كلمه منك
نوره : ايش هي ؟ ، اخاف
فارس : طيب اسمي قولي فرووووووسي
نوره : ههههه اذا قدرت اتكلم شكلي ماراح اقدر
فارس : هههههههههههههه
نوره : صوتي رح يختفي
فارس : لامايختفي انشاء الله يختفي عدوك

نوره قبلت الدعوه

فارس : الو
نوره تكلم فارس كتابه
نوره : هلا
فارس : قولي كلمه
نوره : مااقدر
فارس : بس كلمه
نوره وهي متردده قالت سلام بس فارس ماسمعها
فارس : قولي بس كلمه
نوره : والله اتكلمت
فارس : ماسمعتك
نوره : ماسمعتني ؟
فارس : لا
نوره : بجد يافارس اتكلمت
فارس : والله ماسمعتك
نوره : كذاب
فارس : والله انا مااحلف كذب
نوره : صوتك جنان
فارس : ههههه لهدرجه عجبك صوتي
نوره : واكثر
نوره : توقعت صوتك مو حلو توقعته ثقيل بس طلع العكس

فارس يضحك ونوره فقلبها ،، فديت هالضحكه


نوره : ليه تضحك
نوره : تدري انا عبالي ان صوتك رح يكون ثقيل لأن بصراحه انتو السعوديه كلامكم شوي ثقيل
فارس : ايوه حنا لغتنه ناشفه شوي ، مش زيكم البحرين لغتكم حلوة
فارس : طيب كحي عشان اسمع صوتك
نوره : هههههههههههههه مااعرف اكح
نوره : فارس
فارس : هــا
نوره : يعمري على كلمه ها
نوره : عيدها
فارس : عجبتك
نوره : ههه ، كل شي منك حلو
نوره : فارس شكله مايكي خراب احاول اصلحه أو بشتري لي واحد ثاني اوكي
فارس : اوكي
نوره : الحين انا بمشي اخاف ابوي يجلس ويشوفني للحين قاعده لأن الوقت طول
نوره : اشوفك بكره اوكي
فارس : اوكي ، الله معاك
نوره : باي
فارس : باي


في بيت ابراهيم ابو سعاد ،، سعاد عمرها سنه 16 وعندها اخوان توأم سلمان وسلطان وعمرهم 12 سنه

سعاد : يمه شخبار خالتي ليلى من زمان ماجفناها هي ونوره
لطيفه ( ام سعاد ) : والله يابنيتي من زمان مازرتهم
سعاد : وش رايج نروح نزورهم وحشتني نوره
لطيفه : هههه الحين بتروحين بس عشان نوره
سعاد : ههه يمه
لطيفه : الساعه 4 العصر بنزورهم ابيج تكونين جاهزه
سعاد : انشاء الله

طبعا الحين صار لفارس ونوره كم شهر من كلمو بعض ،، الساعه 2 الظهر نوره جلست عشان تشوف آخر اخبار المنتدى وبطلت ايميلها في نفس الوقت ،
نوره دخلت النت الا فارس اون

فارس : هلا هلا قلبي
نوره : هايات
فارس : شخبارك
نوره : تمام ،، وانت
فارس : انا الحمد لله ، اسأل عنك
نوره : تسلم
نوره : فارس تدري ان انا امس مانمت الا الصبح بعد الصلاه
فارس : ليش
نوره : لأني جلست اكتب فيك خاطره
فارس : والله
نوره : اي
فارس : طرشيها ابغى اشوفها
نوره : هههههههه
نوره : مش الحين بعد شوي
فارس : لاحرام الحين
نوره : هههههههه لهدرجه متشوق
فارس : واكثر
نوره : ههههه
نوره : فارس تراها بس كم سطر يعني قصيره
فارس : طيب طرشيها
نوره : اوكي خلاص بطرشها

الخاطره اسمها طيب وطيبته

طيب وطيبته

طيب وطيبته مالها وصف ولا حدود ...
مشتاقه لشوفته اكثر من شم الورود ...
ادعي له بالخير عند ركوعي والسجود ...
وعدني وهو عند كلمته مو ناسي الوعود ...
يمه لو اشوفه ترى مالي بالصمود ...
ابركض له وبفك كل القيود ...
ما أريده يتركني ويمشي بلا ردود ...
تراه لو يغيب دموعي بتملي هالوجود ...

نوره كتبت تحتها ...

( اهداء لشخص بصراحه محيرني ماني عارفه مكانته بقلبي ايش )

وارسلتها لفارس ،، فارس قراها تتوقعون وش قال لنوره

فارس : ياه تراها مره حلوة
نوره : يعني عجبتك
فارس : كثيــــــــر احسها كأنها من قلبك وصادقه
فارس : تسلمين ياقلبي
نوره : الله يسلمك
فارس : بسئلك سؤال
نوره : تفضل
فارس : كيف يعني ( اهداء لشخص بصراحه محيرني ماني عارفه مكانته بقلبي ايش )
نوره : مدري عشان كذا انا كتبت لشخص محيرني
فارس : اها
نوره : ياله انا استأذن
فارس : وين
نوره : معليش ادري توني داخله النت لكن امي تبغاني في شغله
فارس : اها
نوره : مع السلامه
فارس : الله يسلمك

الساعه 4 في بيت سعاد

لطيفه : سعااااااااااد صار لي ساعه انتظرج، ترى والله بمشي عنج
سعاد : لااا جيت يمه
لطيفه : انا مو قايله لج ابيج 4 تكونين جاهزه
سعاد : يؤ تأخرت بس 5 دقايق الحين الساعه 4 وخمس
لطيفه : ياله بسرعه بلا كلام فاضي
سعاد : ماعليه سامحيني ياقلبي

في بيت طارق ابو نوره

ليلى : من ؟؟
لطيفه : انا

ليلى فتحت الباب

ليلى : ياهلااا ومرحبااا ياهلا
لطيفه : شخبارج
ليلى : تمام انتي شخبارج من زمان ماتبينين
لطيفه : شسوي تعرفين ظروف الحياه
سعاد : شلونج خالتي
ليلى : تمام ياقلبي ، انتي شلونج
سعاد : انا الحمدلله
ليلى : دوم
سعاد : يدوم عزج
سعاد : اقول خالتي وين نوره
ليلى : في الحديقه

سعاد راحت لنوره ونوره كانت جالسه جنب الزرع وسرحانه
سعاد : نوووووووروووووو وانتي دايم سرحانه
نوره : اهليــــن قلبي اهلين
سعاد : وحشتيني وقلت اجي ازورج
نوره : وانتي بعد وحشتيني
نوره : شخبارج ياروحي
سعاد : تمام وانتي
نوره : انا بخير دامج بخير
سعاد : تسلمين
نوره : شخبارج مع محمد
سعاد : ههه تمام
سعاد : الا تعالي ليش سويتيه بلوك ودليت
نوره : ها ،، بس احس مالها داعي
سعاد : اها
نوره : وحشتني سوالفج
سعاد تستهبل : وحشتني سواليفك وحشه شوفتك اكثر
نوره : بجد يا الدبه
سعاد : هه مايوحشج غالي
نوره : تسلمين
سعاد : الله يسلمج
نوره : خالتي لطيفه جت معاج
سعاد : ايه
نوره : ياله خليني اروح اسلم عليها
سعاد : اوكي

سعاد ونوره راحو الصاله

نوره : شلونج خالتي
لطيفه : هلا بقلب خالتج
سعاد : وانا يمه مو قلبج
نوره : ههههه غيووره
ليلى : ههههههه
سعاد : انا امزح
نوره : وحشتيني يا خاله
لطيفه : من طيبج يا بنيتي
نوره : تسلمين
لطيفه : ياله احنا نستأذن
نوره : يؤ خالتي
ليلى : توه ماصار لكم نص ساعه من وصلتو
لطيفه : بنروج السوق اشتري لسلمان وسلطان ملابس
نوره : اها
سعاد : مع السلامه
ليلى ونوره : الله يسلمج
لطيفه : زورونا عاد
ليلى : انشاء الله


في نفس اليوم نوره دخلت موقع البليارد وكانت بتعلب مع واحد اسمه في الموقع
( انسان من الوجود) توها كانت بتلعب معاه الاهو موجه لها دعوه وقبلت


عازفه الألحان : هههههههههه توني بسوي لك دعوه الا انت دعيتني
انسان من الوجود: ههههههه
انسان من الوجود: شخبارج
عازفه الألحان : مو زينه ابي اطلع اغير جو طفشانه
عازفه الألحان : وانت شخبارك
انسان من الوجود: انا مو اوكي
عازفه الألحان : ليش
انسان من الوجود: سالفه طويله


نوره ولأنها تحب تساعد الناس

عازفه الألحان : اقدر اساعدك ؟
انسان من الوجود: من صجج يعني
عازفه الألحان : اي عجل امزح اكيد من صجي
انسان من الوجود: هذا ايميلي (............)
عازفه الألحان : اوك الحين بضيفك
انسان من الوجود: اوكي



نوره ضافته وقعدت تتكلم معاه وعرفت ان اسمه ماجد وبعد شوي استأذنت منه وقالت له بكره بتقعد وقال لها ان هو بكره بقول لها السالفه بكره ،، .

وانتهى الجزء الأول والحين شتتوقعون يصير بين فارس ونوره وشنهي قصه ماجد ومن يكون هالأنسان وهل بتكون هناك تطورات بين ملاك وناصر ؟؟

[أميره وتهز ديره]

الجزء الثاني ..

في بيت ابو ناصر

ناصر : مهاوي ابي شاي
مها : انشاء الله من عيوني
ناصر : اقول
مها : خير
ناصر : شخبار رفيجتج مها
مها : وانت شلك دخل
ناصر : لابس يعني من زمان ماجفناها
مها : هي بخير
ناصر : اها
مها : الا تعال بكره لازم توصلني لأن ابوي بروح الشغل من الفجر
ناصر : اوصلج وين
مها : المدرسه
ناصر : انشاء الله

ويقاطعهم صوت تلفون الصاله

ملاك : الو
ناصر : هلا
ملاك : مها موجوده
ناصر : اي من معاي
ملاك : قول لها ملاك
ناصر وهو مو مصدق نفسه : ها
ملاك : قول لها ملاك
ناصر : اي انشاء الله لحظه شوي
ناصر : مها هذي ملاك
مها : الو
ملاك : اهلين
مها : شخبارج
ملاك: تمام والحمد
ملاك : صار لي ساعه اتصل على تلفونج وماترفعينه
مها : اي لأني بالصاله وتلفوني مو عندي
ملاك : اها ، اقول من بوديج بكره المدرسه ، انا ماعندي احد ياريت اجي معاج
مها : ناصر بوديني ، وحياج الله قلبي
ملاك : تسلمين
مها : ياله جهزي نفسج بكره بمر آخذج الساعه 7
ملاك : صار وماتقصرين
مها : افا عليج ياقلبي
ملاك : تسلمين
مها : الله يسلمج
ملاك : ياله اخليج مع السلامه
مها : الله يسلمج
ناصر : خير شتبي
مها : تبيني امر عليها بكره لأن ماعندها احد يوديها المدرسه
ناصر : حلفي
مها : والله
ناصر : ياسلااام
مها : راحت علينا منك
ناصر : اقول قومي قلبي ويهج سوي الجاي
مها : زين زين اووف
ناصر : وانتي كله تتأفإفين
مها : مالك دخل

نوره كانت قاعده على المسن تنطر ماجد وفارس
في العصر الساعه خمس والوقت قريب للمغرب فارس دخل المسنجر

فارس : هلا والله
فارس : منووووووووووووووووووووووووووووووره
نوره : هااايااات شخبارك
فارس : تمام
نوره : دوم
فارس : يدوم طيبه
فارس : اش اخبارك
نوره : فرحانه لأني امس سمعت صوتك بس حزينه بنفس الوقت تدري ليه
فارس : ليه ياقلبي
نوره : لأني اخاف انسى صوتك اخاف تتركني بعدها و يوحشني صوتك
فارس : لاانشاء الله بعيد الشر
فارس : ابروح وبجي لأنه عندنه صلاه
نوره : احنه بعد
فارس : باي يا قلبي
نوره : باي

ليلى دخلت على نوره الغرفه

ليلى : اقول نوره شخبارج مع الدراسه
نوره : تمام والحمدلله
ليلى : دوم يارب
نوره : تسلمين ياحياتي
ليلى : انا ناويه اروح السوق وش رايج تجين
نوره : الحين
ليلى : اي
نوره : لا مامي روحي انتي انا علي اختبار وشغله اسويها
ليلى : هه الله والشغله
نوره وبدلع : يمه
ليلى : هههههههه
نوره : هه
ليلى : انا ماشيه توصيني على شي
نوره : سلامتج يابعد قلبي
ليلى : الله يسلمج


فارس الساعه 6 وشوي طرش لنوره رساله قال لها انه هو رح يجلس الساعه 8
نوره الساعه 8 جلست على المسنجر
وصارت الساعه 8 و52 وفارس للحين ماجلس على المسنجر
الساعه 8 و 53

فارس : بااااااااااااااااااااااك
نوره : الله يسامحك
فارس : ليش اش سويت
نوره : ماخليتني اذاكر قلت لي الساعة 8 رح تجلس ولاجلست وانا عندي بكره اختبار ولاذاكرت
فارس : حرام عليكي ، عمي جاء قال لي تتعشى معانا قلت له مشغول بعدها حلف علي الا اجلس اتعشى
فارس : لاتزعلي يانوره ، روحي ذاكري
نوره : امزح
فارس : ماابغى اشغلك عن دراستك
نوره : انت وش فيك مصدق
فارس : تمزحين ولا من جدك
فارس : ههههههههههه
نوره : نص نص
نوره : هههههههههه
فارس : نوره بقول لك شغله
نوره : قول
فارس : انتو لو خطب عندكم سعودي توافقون ؟
نوره : بكيف البنت
فارس : انتي ايش رايك
نوره : انا عادي اهم شي يكون رجال يصلي ويفهمني ويحبني وبس
فارس : طيب لو انا اتقدمت
نوره : اول شي رح يسئلون عنك
فارس : مهي مشكله
نوره : لين قالو انك رجال زين رح اوافق ليش لا
فارس : قولي يارب
نوره : يارب وشو ، عن التطنز
فارس : النصيب محد يدري عنه
فارس : يعني ماتتمنين اجي اطلب ايدك
نوره : ماعندي امل انك يوم من الأيام رح تجي من السعوديه و تتقدم لي
نوره : الأمل = صفر ، واقل من صفر
فارس : طيب ليش
نوره : ماادري احسك ماتبغاني
فارس : ايش السبب الي رح يمنعني
نوره : انا كامله والكامل الله بس ..
فارس : لو تعيدينها رح ازعل لو ماابغاك كان ماكلمتك
نوره : تتكلم من جد يافارس
فارس : ايه ، ليش تقولين ماابغاك
نوره : احس انك مستحيل تحبني
نوره : انت عمرك ماشفتني كيف تبغاني
فارس : اقسم بالله يانوره انك كل شوي تجي في بالي
فارس : اكلت لقمتين ولحقت عليك اكلمك عارف اني اتأخرت عليك
نوره : تسلم
فارس : ليش اسوي كل هذا لو ماابغاك كان ماجيت
نوره : يعني في يوم من الأيام رح تجي وتقول لي احبك
فارس : وانتي ايش دراك الآن اني مااحبك ، اش ضمنك الآن اني ماافكر فيك ليل نهار
نوره : ماادري ، لأن احنا يافارس تونا مكلمين بعض ماصار لنا زمان
فارس : لدرجه اني جالس مع عمي وانا افكر فيك ، يقول وش فيك يافارس
نوره : بجد
فارس : اقسم بالله انا ما احلف كذب
فارس : يمكن يا نونو انا هالصيفيه اطلع البحرين
نوره : والله ، ياريت اقدر اشوفك بس مستحيل
فارس : انشاء الله
فارس : ليش مستحيل
نوره : من بوديني عشان اشوفك
فارس : لو اجي قدام بيتكم بالسياره
نوره : هههههههه تمزح
فارس : لا والله من جد
نوره : كان الفريج كلهم علي
فارس : اش دراهم اني جاي اشوفك ، اسوي نفسي السياره خربت و اوقف واشوف السياره وانتي تشوفيني
نوره : لا اي مكان الا عند بيتنه
فارس : مهي مشكله لين جا وقتها نحدد
نوره : ههههههههههههههههههههههههههههههههه
فارس : ليش تضحكين
نوره : بس
فارس : انا متهور صح
نوره : اضحك لأن احنا نخطط واحنا تونه في الشتا
فارس : بس ضحكتك شي ثاني مهو ذا الي في بالك
نوره : لا والله اضحك علينه لأن احنا نسبق الأمور
فارس : يقول الي اوله اتفاق اخره نور
فارس : خخخخخخخخخخ
نوره : ههههههههههههه
فارس : ممكن اسئلك سؤال
نوره : تفضل
فارس : تجاوبيني بصراحه
نوره : ايوه
فارس : اش شعورك من ناحيتي
نوره : ممممممممممم
نوره : شعوري حتى الشعراء مايقدرون يوصفوه احس بشعور غريب تجاهك
نوره : بقول لك شي هو مسج بجوالي
فارس : اوكي
نوره : نسيته
فارس : هههههههههههههههه
نوره : جوالي مدري عنه ، رح اقول لك اياه بطريقتي
نوره : ان نمت احلم فيك وان سرحت افكر فيك وان ماكلمتك حنيت ابيك
فارس : لهدرجه تفكري فيني
نوره : تقريبا ، نص نص
نوره : بس هذي مبالغه شوي
فارس : ههههههههههه
فارس : دقيقه اغير المايك

فارس كان يسمع اغاني

فارس : نوره انتي اجبرتيني اسمع اغاني الحب
نوره باستغراب : انا
فارس : كل الأغاني الي اسمعها مشاعر واحاسيس
فارس : ممكن اهديك اغنيه
نوره : ايوه

فارس اهداها اغنيه ماجد المهندس واحشني موت

والله واحشني موت خاف بعدك اموت قلبي لو من حديد ذاب وانت بعديد لو خسرتك حبيبي شلون احب من جديد وين القى وفى او احس بدفى ضمه بعدك حياتي كلشي بيها اختفى روحي يمك حبيبي بيدك اتمنى امووت

نوره : فارس انا كتبت فيك شي ، يا كثر مااكتب فيك ههههههه
نوره : بس ماراح اوريك اياه الحين
فارس : متى طيب
نوره : مدري
نوره : تدري وش مكتوب فيه ؟ ، راح اشوقك شوي
فارس : لا حرام عليكي تخليني افكر
نوره : هههههههه ، اجل ماراح اقول
فارس : هههههههههه
فارس : ليش
نوره : لأنك تقول انه حرام علي اشوقك اجل خلها لمره ثانيه
فارس : بليز اشوفها
نوره : بقول لك سطر
فارس : لا ، كلها ، تشوقيني زياده
نوره : مكتوب فيها ( انا وفارس وفارس انا )
فارس : بليز ارسليها

فارس طرش لنوره رمز قلب

نوره : بس خلاص لاتطرش قلووووب
فارس : ليه تشوقيني
نوره : اصلا انا ماكملت لك السطر
فارس : طيب
نوره : ( انا وفارس وفارس انا حتى لو القدر خان ) ، وش رايك
فارس : روعه ، ودي اقراها
نوره : تقراها بس بوقتها
فارس : طيب ليش مو الآن ؟
نوره : كل شي بوقته حلو
فارس : كل شي بوقته ، الله يصبرني لين وقته
نوره : ههههههههههه

فارس حط صورته الرمزيه حرف (N)