بين محطات الحياة نجد الكثير من القصص بعضها مررنا به والبعض الاخر مرو به ناس نعرفهم اخذنا نصائحم واعطيناهم نصائحنا
في زخم الحياة العديد من الطبقات والعديد من النفسيات هنا في روايتي اكتب عن بعضها
بســــــــم الله الرحمن الرحيـــــــــــــم
نبدأ
عائلة ابو فواز
ابو فواز’’محمد’’:يعمل اعمال حره حالته الماديه عاديه من الطبقة المتوسطه
ام فواز’’جوهرة’’:زوجته الاولى ربة منزل شخصيتها قويه مسيطره على عيالها وعيال زوجها وبنفس الوقت طيووبه
وعيالهـــــــــــا::
1:فواز/عمره 35سنة متزوج من وحده من خارج العائله اسمها (نوره)له منها بنت وولد
جووري&فيصل توأم عمرهم 4 سنوات
*عايش بمدينة الطائف ويزور اهله بجده بشكل شبة اسبوعي.
2:جود/عمرها28 سنه دكتوره جاده في جميع امورها رافضة لفكرة الزواج
3:فجر/عمرها 20 مزاجيــــــــــــه جداً دلوعه وغبيه احياناً جالسه بالبيت لادراسه ولاغيرها
4:عزام/عمره 18 هاايت بالشوارع خايب بالمدرسه للآن بصف ثالث متوسط
ام بدر’’عفاف’’:زوجة ابو فواز الثانيه حبوبه ومسالمه
بدر:عمره 26 سنه مهندس حنون جداً محبوب من الجميع
راويـة:عمرها 18 سنه متوفقـه حلمها تصير دكتوره مثل اختها (جود)
أأسامـه:عمره 17 سنه مسالم وطيوب ويقلد اخوه (عزام)
أحمـد:آخر العنقود عمره 6 سنوات لسانه ينقط عسل دمه خفيف
^^^^^^^^^^^^^^^^^^^^^^^^^^^^^^^^^^^^^^^^
عائلـة أبو ماجد
ابو ماجد’’عبدالله’’:اخو ام فواز وجارهم وعلاقتهمم حلوه مع بعض
ام ماجد:,,عواطف,,متقلبة المزاج وتحب الحش ونقل اخبار خلق الله
ماجد:ولدهم الكبير دكتور خاطب وزواجه بالصيفيه عمره 30سنه
وليـد:عمره 25 سنه حبوب وجاد احياناً
سلوى:عمرها 17 سنه منعزله تحب الوحده وراح نتكلم عنها بعدين
************************************************** *****
الســـــــــــــــاعـة (9)
المكــــــان:الصاله الرئيسيه كانت ام فواز وكالعاده جالسه مع ام بدر يتقهوون قهوة الصباح
ام فواز وهي تسند ظهرها على الكنب:البنات ذبحهن النوم ماغير اكل ونوم
ام بدر وهي تقوم:ايه واله وانتي صادقه بروح اصحي راويه تقوم تذاكر وبصحي فجر معها
ام فواز :وصحي الورع الخامد قليل النفع عزاااام
ام بدر وهي طالعه على الدرج:اخاف يشوتني وانا ماني ناقصه
_ دخلـت ام بدر غرفة عزاام واسامه_
ام بدر شغلت النوور وراحت بتطفي المكيف:يالله قوومو اليوم الجمعه قومو علشان تتجهزوون للصلاة
عزام بتأفف:اقول انتي ياعمود الكهرب اقلبي وجههك خليني اناام ماني ناقصك
اسامـه:هييه انت لاتتكلم على امي ويلتفت على امه :يمه حبيبتي تكفين اطلعي وسكري الباب وراك====>> فديته المؤدب
ام فواز جت ومعها عصا :اقول انتم تقومون والا اكسرها هالعصايه عليكم
عزام وهو قايم معصب ويالله يفتح عيونه لان الضوء مضايقه:لاحوول التمن العجايز
نبذة عن عزاام(مايحترم احد لاام ولااب ولاخاله داايم هاايت بالشارع طوويل ونحيف ويلقب بالبرص)
ام فواز وهي تبقق عيونها:هين يالبرص يالوجه الاغبر انا عجووز
ام بدر:والله انه قليل حيا=====>>اشتغل التحريش=النفاق
ام بدر وهي طالعه:نسيت اسامه
رجعت الغرفه
ام بدر طايره على سريره:اسامه يامال الحوله يالله قم
اسامه:لاحوووووووب جت العجوز الثانيه انا قلت نسيتوني
ام فواز وهي جايه:اساموووه يالله قوم
وهووو ينط من فراشه
اسامه بمسخره:جت دراكولا
ام فوااز بتعجب:وشهو كاكولاعساها تفقش رااسك
وبهذا الوقت كانت ام بدر ذهبت للاكمال المداهمات وكانت المداهمه عند غرفة فجر وراويه
فجر:اووووووووف انتي وش تبين وش دخلك فيني علشان تصحيني
راويه بعصبيه: هيييييييه انتي لاتكلمين امي كذااا
وكاانت ام فواز تراقب الوضع من بعيد
ام فواز بعصبيه:فجروووه يالله قوومي تراا اكب المويا على شعرك
فجر بخوف :لااااااااااااا يمه الا المويا طول ليلي وانا استشووره والحين تقولين اكب المويا
ام فوازبدهاء:اجل قومي
راوية بتأفف:وش عندكم ياناس مداهمات من الصبح اليوووووووووم جمعه مافي مدارس
فجر:يمه يلا روحي تجهزي للصلاة الجمعه انتي وهيفاء وهبي ولاتنسون نانسي عجرم جارتكم=ام ماجد
ام بدر بشوية دلاخه:هوو شايفتنا رجاجيل
راويه:خخخخخخخخخخخخخخخخخخ سلامة الرجاجيل
ام فواز:اقول يلاا قومو
وظلوو على هوواش وطبعاً الاخوان اسامه وعزام رجعو ينامون ومانسوا الاحتياطيات قفلو الغرفه بالمفتاح وهذي نبذه بسيطه عن حياتهم اليوميه
............ بيت ابو ماجد..........
يعم الهدوء في المنزل الكل نايم ماعدا ماجد كان توه جااي من الدوام ودخل غرفته بهدوء
انسدح على السرير وطلع جواله وجا في بالله يكلم حبيبته نجوود
مااجد : الووو حياتي
نجود واللي قومها صوت الجوال:هلا
ماجد: صباح الورد حبيبتي
نجود وهي مالها خلق تقول في بالها:وش عنده هذا من الصبح
نجود:صباح النور
ماجد واللي حس انه مالها خلق تكلمه :حبيبتي تبين اتركك تنامين معليش ازعجتك بس حبيت اسمع صوتك قبل اناام
نجود تقول في بالها :جاا الفرج
نجود:اوك بااي اذا صحيت بكلمك
ماجدواللي استغرب من اسلوبها المستهتر:اوك براحتك نوم العوافي
قفل وهو منقهــــــر منها ونااااااااام
نبذة: نجوود قريبه لعائله ابو ماجد مستهتره كثيير وماتهتم لااحد وماجد كثير يتضايق منها
......... نرجع لبيت ابو فواز..........
وقت الغدء
في المطبخ وتحديداً على طاولة الطعاام
ام فواز:فجر يامال الماحي لاتاكلين السلطه استني ابووك واخوانك
ام بدر تلف عليهن وتشهق :ويه اكلك الدود والعقارب السود انا تعبانه اقطع فيا واخرتها تبلعينها
فجر بدفاشه وفمها كله سلطه:اوووووووووووووه عساها عافيه علي
وتنادي راويه :راووووووووووووووويه تعالي كلي سلطه
راويه جايه وتدخل وتجلس تاكل سلطه كاانها جايه من مجاعه
راويـة:الله سلطه سلوووووطه يالله من زمان عنها
وتناظر السلطه وتقول لها آآآآآآآآآآآآآه ياحبني لك
ام فواز:حشى اللي يشوفكم ويسمعكم يقول مجوعينكم
فجر:المال مال ابونا وامي ومرت ابوي يحرمونا=====>>انواع التخريف بالامثال
وفي هذا الوقت تدخل الدكتووره.......
جوود:السلام عليكم
فجر تتقمص دور العجوز:ياهلا ومسهلا بالدختوره
وقامت فجر وروايه يرقصن ويغنن وحده معها صحن والثانيه شوكه :ياهلا باللي لفانا من بعيد عاشووووووو كللووش
جود ناظرتهم بااستحقار:جاهلات وبعدين ياانسات السلام للامي وخالتي مو لكن بالمبزره
فجر بدفاشه وتشهق :احنا مبزرررررره
راويه:ايه والله احنا مبزره عموماً احسن منك يالعجوووز المخرفه
فجر بنذاله وهي طالعه من المطبخ:احسن منك يا..... ههههههههه يالعانس
جود ماعطتهن وجه بس حزت فيها هالكلمه
ام فواز راحت تمشي ورا فجر شوي شوي ومعها العصا وطرااااااااااااااااخ بالعصا على كتف فجر
ام فواز :ياقليه الحيا ان ماعلمت اخوك فواز
فجر بخوف: لا يمه الا فواز لاتعلمينه وبعدين انا ماقلت شي غلط هذي الحقيقه وهي اللي بدت
راوية نفسها تتكلم بس خافت من عصا ام فواز الله لاحقه البيت كله
راويه راحت وطلعت بحذر على الدرج وكانت ام فواز نازله وسوت نفسها ماشافت راويه ولما صارت وراها لحقتها ومسكتها بغفله :تعالي بنتي عجووز هااه
راويه وهي ترفع يدها:استسلمت والله قسم قسماات مااقصد خلاص ولايهمك انا العجوووز وانا العانس
ام فواز وهي ترفع حواجبها:خلاص اقلبي وجههك
وطلعت راويه وناظرت الساعــــــه وكانت الساعه (3 وشووي)
راويه وهي تشهق:اووووووووووف ماذاكرت راح النهار وانا مافتحت ولاكتاب
فجر بتريقه:يالله الحقي رااح الوقت هههههههههههههااي
راويه:اسكتي مالك شغل يالدلخه ويالفاشله
فجر كانت بترد عليها بس جاها مسج وطنشت وفتحت المسج وكان من رقم غريب
كنت أشوفــــــــــك..من قريب من جميـــــع الناس عادي
ماتخيلتـك حبيب .........رايح بقلبي وغادي
فجر:واوووووووو صار لي معجبين هههاي
راويه: من حلاتك
فجر بغرور : عااااااااااااااااد احلى منك يالشينــــــه
====>>
فجـــــــر: طوويـله ونحيفه بيضاء عيونها ساحره نظرتها جذابه شعرها قصير تحت اذنها مباشره ملامحها ناعمه وجذابه
راويه:دبدووبه شووي وشكلها برئ وطفولي شعرها طوويل وداايم تسوي ذيل حصاان
.................
رجعت راويه تذاكر ورجع السكون يعم المكان
فجر رجعت تقرا المسج من جديد وجاها مسج غيره
وفتحته وكان من نفس الرقم
يا أجمل الناس في قلبي وفي عيني
"يا احلى طيف يمر العين ويشقيها"
انا أشهد إن لك غلا مبطي وهو فيني
"قصة غريبة ولا أدري ويش اسميها"
لو قلت أعزك قليلة ماتكفيني
"شعوري أكبر من الدنيا وما فيها"
فجر تقول في بالها :ليش مااتصل بس يمكن يكون احد غلطان اوو يبي يسوي فيني مقلب
اتصل مااتصل اتصل مااتصل
خلاص بتصل
صاحب الرقم:هلا والله
فجر:معليش اخوي بس جتني مسجات من هالرقم
صاحب الرقم:اها يمكن غلطان
فجر:صدق دلخ يمكن غلطان لااعاد ترسل بلا قلة حيا وقلة ادب
صاحب الرقم:طيب اسف
فجر:وعععععععععع اقول كش عليك وخساره عليك رصيدي
وقفلت السماعه وهي حاسه بنشوة الانتصار
ورمت جوالها المسكين اللي ياما تحمل دفاشتها ودلاختها
وحطت راسها ونامت ودخلت بستين حلم
راويه: الحمد الله نامت علشان اعرف اذاكر
.....................
في الصاله الرئيسيه
العصــــــــــــر
ابوفواز:الســــــــــــــــــــلام عليكم ويتوجه للكنب ويجلس
ام فواز وام بدر:هلا وعليكم السلام ورحمة الله وبركاته
ام فواز:وش فيك ياابو فواز تأخرت
ام بدر:كنا نحتريك على الغداء
ابو فواز:والله كنت معزوم عند واحد من الربع
ام فواز:طيب الله يهديك ليش مادقيت تقول لنا
ابو فواز بتعب : عااد مادقيت وش صار بالدنيا
ام بدر: اصب لك شاي
ابو فواز: لاااااااا بطلع اناام
وطلع ورااااااااااح ينااااااااااام
انتهـــــــــــى الباررت
وعطووني رأيكــــــــــــــــــــــــم واذا عجبتكم بكملها
اختكم
غلا قلبي سميتك
راوية خلني اكسر قيودي واتحرر من عيونك 
العرض العادي
