يوميات عائلة أبو محميد لاتفوتكم < هذي اول رواياتي لاتحرموني من ردودكم الحلوه

[حصيصه أم قصيصه]

السلام عليكم ورحمة الله وبركاته
كيفكم يا أعضاء منتدانا الحلوووين؟؟
هذي أول رواايه لي وحبيت اني انزلها لكم واشووف تفااعلكم مع الروايه واي انتقااد على الروايه حاابه انكم تقولون لي طبعاً الرواايه ماتخلوا من الاخطاااء لانها اول كتااابااتي
المهم مالكم بالطويله اخليكم مع الروااايه

الجزء الاول ::
العائلة الزاااحفه (عااائلة ابو محيميد )
ابو محميد(صالح) رجال كبير بالسن عمره 68 سنه شخصيته ضعيفه وعلى قولتهم سكاانه امررته
أم محميد(صالحه) عمرها 42 هي تزوجة ابو محميد وهي صغيره وهي انساانه متسلطه مررره
الأولاد: محيميد 21 سنه انساان فااضي ويحب المغااازل
اعبيد 19 سنه عربجي 120 درررجه ويحب المشاااكل
حصيصه 16 سنه بنت خبله وجمااالها فتاان <<< أقصد شيانتها فتاانه
قماااشة 14 سنه هي اخر العنقوود وتعقده من اسمها فينادونها شوق
:::::::::::::::::::::::::::::::::::::::::::::::::: ::::::::::::::::::::::::::::::::::::::::::::
أم محيميد تصارخ: حصيصه حصووووه وجع
حصيصه وهي تتأفئف: هااااااااااااا يمه
أم محميد: ها وجع يوجعنك تعالي يالخاايسه للمطبخ
حصيصه وهي داخله المطبخ: نعم وش فيك تصاارخين ؟؟
أم محميد : نعامه ترفسك بطنك رفسةً ما تقومين منها إن شاء الله
حصيصه وهي فااتحه عيونها @@: بسم الله علي وش فيك انهبلتي يالعجوز
أم محميد: أنا عجوز يالصخله ؟؟
حصيصه: أسفه أقصد يالبنوووته
أم محميد: غصبن عليك بنوووته يالخاايسه المهم تعالي قطعي بصل
حصيصه: الحين ناديتيني وقطعتي علي فلمي عشاان اقطع بصل ... لا أسفه حبيبتي <<< قالتها بدلع ماصخ .. قطعيه انتي
أم محميد: أقول بتقطعينه وغصبن عنك بعد ولا ترى اقول لخوك اعبيد يوريك شغلك
حصيصه وهي معصبه: طيب خلاص بقطعه وامري لله
أم محميد: بناات اخر زمن مايجون الا بالعين الحمررره
و بهذا الوقت يدخل عليهم اعبيد
اعبيد: من الي مايجون الا بالعين الحمررره؟؟
أم محميد وهي تتلفت: بسم الله من وين جيت انت؟
حصيصه وهي تقطع البصل وبصوت مبحوح: طرينا القوط قلنا ينوط
اعبيد: اقوط بعينك يالشينه وبعدين وش ذاكريني به هااا؟
حصيصه وهي مرتبكه وطالع امهاا لانها تخااف منه كثيرر: لا سلامتك كنا نقول متى نخطب لعبيد ويتزوج
اعبيد وهو مستاانس: صدق يمه بتخطبولي
أم محميد وهي طالع بنتها :ايه بنخطبلك بس انت اول اشتغل
اعبيد وهو عابس وجهه: طيب عاادي اتزوج بعدين اشتغل
أم محميد: لا والله وش رايك نصرف عليك بعد؟
اعبيد وهو يفكر: عاادي وش فيهاا كل النااس يصرفون على اعياالهم
أم محميد: أقول مافي عرس قبل الشغل
اعبيد وهو يترجى امه: ليييييه يمه ؟؟
أم محميد: صااحي انت اروح عند النااس وانت ما تشتغل ولا شهااه ترفع الرااس
اعبيد: هم بيتزوجوني ولا بيتزوجون شهاادتي
أم محميد وهي معصبه من ولدهااا: اقول رح طس لا بارك الله فيك
اعبيد وهو يفكر : اقول يمه عندي فكره
أم محميد : وش هي فكرتك ياعبقرينو؟؟
اعبيد:اممممممممم اتزوج وحده مو سعوديه
أم محميد وبدت تعصب مره ثاانيه: انت جرب تسويها وشوف وش راح يصيرلك
اعبيد : ليه وش رايح يصير يعني؟؟
أم محميد: لا انت ولدي ولا اعرفك وبعدين اطلع من المطبخ لجيتني انت وجهك
طلع اعبيد وهو يفكر واعجبته الفكررره حيل
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :
قماشه: يبه يبه يبه بابا باابي
أبو محميد: نعم خير لجيتيني وش تبين؟؟
قمااشه: ابي نسافر بالصيفيه تكفى يبه
أبو محميد: انتي انجحي الأول بعدين فكري بالسفر
قناشه: لا إن شاء الله انا ناجحه
أبو محميد: إن شاء الله بس تخلص اختبااراتكم نروح
قماشه: يبه كل سنه تقول نفس هالكلام وكله اخرطي<<< واسرحت وهي تفكر
أبو محميد: يعني انا شلاخ؟
قمااشه: تقريباً
أبو محميد: قومي عن وجهي يالي ماتستحين
قماشة وهي مخترعه: بسم الله وش فيك؟؟
أبو محميد: قومي لا بارك الله فيك
قماشه وهي قايمه: طيب بهالبيت محدن صااحي استغفر الله
أبو محميد: نعم وش جالسه تقولين؟؟
قماشه: هاا لا ولاشي
وتدخلت عليهم ام محميد : وش فيك تصاارخ يا صالح صوتك واصلن للحوش؟
أبو محميد: ابد بنتك هذي جننتني
أم محميد: ليه وش قالت؟
أبو محميد: تقول عني شلاخ لاني كل سنه اقول بسفركم ثمن نبطل السفر وما نروح
أم محميد وهي تضحك وياليتها ما اضحكت شبح بسم الله: وهي صاادق بنيتي
أبو محميد : طيب وش تبيني اسوي ما عندي فلووس
أم محميد: عاادي ادخل بجمعيه واخذها الاولى
أبو محميد وهو يفكر: اممممممممم خليني افكر
أم محميد: والله مساكين هالعياال عمرهم ما ساافروا << ما دري من وين هالحنيه الزايده
أبو محميد وهو قايم : يصير خير إن شاء الله يله انا بروح للمسجد تبون شي ما شياات؟؟
أم محميد: لا سلامتك بس جيب معك لبن
أبو محميد : إن شاء الله يله مع السلامه
أم محميد: مع السلامه
أم حميد وهي جالسه تفكر: يوووه خن اقوم اشوف حصه وش سوت ياخوفي احرقت الأكل

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::
محميد وهو جالس يكلم وحده توه متعرف عليها" ايوه حبيبتي أنا سيارتي بي ام 2008
<<< يعطيها من اشلاخاات
البنت: اهاا واااو انا احب هالسيااره مره<< في داخله تلقين سيارته وانيت بس
محميد: اقول حيااتي
البنت: نعم قلبووو
محميد: متى اشوفك؟
البنت : لا وش تشوفني احنا تونا ما صارلنا اسبوع مع بعض وبصراحه انا الحد الحين ماعرفتك زين ومدري وش اخلاقك << حشى بتنااسبه
محميد: اوكي براحتك بس الايام بتثبتلك اني ولد نااس واني احبك
محميد ويبي يصرف البنت
محميد: اقول روحي الوالده تناديني اشوف وش تبغى وارد اتصل عليك اوكي؟
البنت : اوكي
محميد : اجل يله باايو
البنت: باايو
قفل محميد منها وتفل بشاشة الجوال وهو يقول هذا الي ناقص تبيني اصبر عليها تخسي الا هي
والله لأجيب رااسها

لا تحرووموني من ردودكم الحلوووه
دمتم بود
أختكم حصيصه

[! غمـوض بنيـه !]

..


ياهلا ومرحبا بحصيصه

هع انا من شفت الاسماء وانا غاسله يدي

منـوورـره القسـم
والله يعينتس

مووفقه


..

[حصيصه أم قصيصه]

تسلمين حبيبتي على مرووورك
ليه يعني موووووووو حلووووه هئ هئ هئ هئ<<<< لاخلالالالاص بتمووووت

تحياااتي لك

[الزعيمـــه8]

*

بسم الله

:)

والله باين إنهم فله

بس مو كـــأنه الجزء قصيــر !!

،‘

حصيصه ..
موفقـــه يـــارب

*

[حصيصه أم قصيصه]

يسلمووو قلبوو على المرور
ايه انا انزل الاجزااء قصيرره عشاان ماتزهقون وانتم تقرؤون بالرواايه
تحيااتي لك