 رد: قصة ملكه
!!!قصة ملكه!!!
البارت الاول
يلعن ويسب طول الطريق للجامعه بسبة الزحمه ...ومن كثر ما عصب وقفني برا ... وتهاوش مع السكيورتي اللي قفل البوابه رقم4 ...
اصغر بوابات الجامعه ...
بس في الاخير...
دخلوني...
واول مادخلت الجامعه...
شفت انواع الزززحمه...
فوقفت عند كرسي...وحطيت شنطتي عليه..فصخت عبايتي الجديده..اللي شريتها خصوصا للجامعه...
كانت اطرافها مطرزه بلون احمر...
واذكر ان ابوي عصب يوم شافني طالعه من غرفتي بها...
بس اقنعته امي وقالت انها بتروح الجامعه فيها ميب رايحه اي مكان ثاني ...
طالعت شكلي بالشبابيك المضلله للبوابه..
وانعكست صورتي عليها..كنت كاشخه على الاخير...
تنوره سوداء جديده...وقميص ابيض...من دكني...
ههههه....ابوي بغا يذبحني يوم شاف سعره...
بس بعدين رضا بالامر الواقع...وقال وهو يدفع الحساب...
ناقصات عقل ...
مشطت شعري بيدي...
شعري الاحمر مدرج لحد نص ظهري...
تراه احمر طبيعي...
من الحنه والله...
حطيت من عطري جيوفاني...
وطلعت من البوابه...
سألت وحده واقفه بجنب الباب مع خويتها...
عن مبنى اللغات والترجمه...
فدلتني عليه...طلع مره قريب من بوابه 4
كان قلبي متفرقع من الفرح...
حلم حياتي اكون طالبه بجامعه الملك سعود..ولا مو اي طالبه...
طالبه لغات وترجمه..طالبه ترجمه انجليزي...
كنت ابي فرنسي بس ابوي رفض...وقالي مانتي بنتي ولا اعرفك اذا دخلتي فرنسي...
فاضطريت اني اترك..لغه الادب والشعر واروح للغه العلم والسياسه...
اول ما دخلت ..ارتجفت بسبب المكيفات البااااااااااارده اللي تضرب على الظهر...
لقيت الساحه فاضيه مافيها احد...
طالعت ساعتي...وعرفت اني جيت مبكر...
فرحت ادور بالكليه حقتي...ما عجبتني مره...
صراحه كانت حيل قديمه ...ومو كشخه...
بس شنسوي ...
لقيت ممر...
دخلته وشفت طاوله كبيره عليها اوراق خضراء...
قعدت اطالع بالاوراق...
عرفت انها الجداول فقعدت ادور على اسمي...
يوم سمعت صرخه من وراي"ملكه؟...."
التفت اشوف من قال اسمي ...
لقيت صديقه عمري سارا...
فرحت وضميتها بقوه من الفرح وقمنا نصارخ مبسوطين...
مومصدقين.....
قالت سارا وهي تصفر "وش هالحلا؟؟؟"..."ضحكت وانا ارد عليها"موب احلى منك..."
قالت وهي تطالع بنفسها بالقزاز اللي انعكست عليه صورتنا"يا حلوك يا ملكه ...ليتني اجي نصك..."وبعدين قالت وهي تمزح "بس انا شحليلي..الجمال مو مطلوب هاليومين.."
ضحكت من قلب على رد سارا .. ياحليلها والله...
اني امووووووووت عليها...
صديقه عمري من كنا صغار...
كل احداث حياتي المهمه...شاركتني فيها...
المهم......
اخذنا جداولنا واحنا قاعدين نسولف...
ومن حلاة حظنا طلعنا بنفس الشعبه بالضبط ...
رحنا ندور على الشعبه حقتنا بالدور الثالث...
عرفت ان سارا ..سافرت بالعطله...ل جوهانسبرغ...
وقالت وهي معصبه"وانتي؟؟...وعدتيني تجين جوهانسبرغ ولا جيتي...لييييش؟؟"
رديت عليها بحراره وانا احاول ابرر"والله ماقدرت اغير جدول رحلتنا..ابوي كان مخطط على مونتريال... عشان اخذ لغه هناك.."
ردت سارا مو مقتنعه"اقوووووووووووول اسكتي....هالحين ابوك... قال كذا...ليش جوهانسبرغ ...مافيها معاهد انتي ووجهك..."
رديت عليها وانا عارفه ان سارا معصبه " ياسوسو...ياحبيبتي...ابوي راسه يابس...
ماقدرت اقنعه...ماقدرت ...اسوي شي...والله..."
طالعتني وسكتت...
ودخلنا الclass اللي راح ندرس فيه..
جلسنا ورا بالركن عند السبابيك... وعدا اليوم بطوله...
ودخلوا علينا الاستاذات من كل الجنسيات .... مصريه...سوريه..فلسطينيه...سعوديه..سودانيه...هنديه وامريكيه...
ودعت سارا بحراره قبل لا اطلع....
وطلعتاركض لان ابوي كان يصااااااااارخ...على علشان اطلع بسرعه...
دخلت الجيب اللاندكروزر...
وقلت لبوي وانا اعتذر "السلام عليكم ...اسفه...كنت بعيده شوي.."
ماقال ابوي شي طلع وهو يسب ويلعن...
فحاولت اطلعه من الجو اللي هو فيه...
وسولفت له مبسوطه عن استاذاتي...
والجداول والزحمه وكل شيييي...
فبدا ينسى الزحمه اللي كنا فيها قبل شوي...
ابوي من الناس اللي يعشق العلم..
حتى انه سافر امريكا وتحمل الغربه ..عشان ياخذ لهم شهاده يتمنونها...
يمكن عشان كذا كان شديد علينا بالدراسه...
وكان حالف انه مايزوجني الا لما اخلص دراستي واتوظف...
رجعنا البيت...فصخت ملابسي...واخذت لي شاور...ولبست لي بيجامه سماوي...ورفعت شعري فوق راسي ذيل حصان.............
ورحت بست امي فوق راسها وقعدت اسولف لها عن الجامعه والبنات وكل شييي....
طبعا امي حلم حياتها تشوفني بالجامعه عشان كذا كانت مبسووووطه على الاخير...
ودردشت مع اخواني شوي...
واخذت اساعد امي وهي تقشر البطاطا عشان تسويلنا محشي ...
ياحبي لك يمه والله ...ربي عطاها عيال يموتون عليها ...حتى ابوي على انه شديد..
الا انه يحترم امي بشكل كبيييييييير...
وما اذكر شفتهم يتهاوشون الا فيما ندر....
وصح ان امي مو متعلمه...وما عندها غير شهاده الابتدائيه...لكن عمري ماسمعت ابوي يستهتر بافكارها..عشان كذا رغم شده ابوي ...وشخصيته المهيبه
كنت اعشقه بجنون واتمنى اتزوج واحد مثله...
وبعد ما ساعدت امي بالغدا ...وتغدينا احلى محشي في الدنيا......
ورحت لغرفتي ..ودخلت الحمام...وفرشت اسناني.....ومشطت شعري زيييييييييييييييين....وتمددت على سريري...والافكار تاخذني وتجيبني من فرحتي بالجامعه...
بس بعدها.....نمممممممممممممممممممممممممت نوم عميق....كانت هذي حياتي باختصار...مثل اي بنت سعوديه...حياه عاديه...هاديه...يتخللها بعض المسموحاااات والكثير من الممنوعااااااااااااااات...لكني كنت راضيه وما اتذكر شكيت بيوم لاحد....او اعترضت على شي.....هذي خلقتي....ارضى بأي شي...وكانت امي دايم تقول ملكه طالعه لجدتها....راضيه باللي يجي ...ودايم تحمد ربها وتشكره.....ويمكن عشان كذا...كانت ناس كثير تحبني.....وشكلي بعد حبوب...الناس تقول كذا مو انا..والله.....
كنت دايم مبتسمه...واحب الاطفال موووووووووت....ولي عدد مهوول من الصديقات..
وش اقول ان عايلتي ...تتكون من امي وابوي ...واخواني الاربعه..... كلهم عيال...
الأحب لقلبي ...هو بندر الصغير...وبعده خالد ومحمد وسلمان...
كل واحد من اخواني فيه مميزاته وعيوبه...لكنهم كانوا يحبوني بشكل كبير ويحترموني ويعزوني...وما اتذكر انهم كسروا بخاطري ابد....
المهم..........
خلوكم من الماضي البعيد وخلونا نروح للماضي القريب.....
وهذا نهايه البارت الاول
واتمنى انه يعجبكم
وانتظر ردودكم
 | 
قصة ملكه .gif "Graaam (34)")
.gif "Graaam (196)")
.gif "Graaam (215)")
.gif "Graaam (289)")
.gif "Graaam (260)")
.gif "Graaam (176)")
العرض العادي
