جت الصيفية وجت معاها المواقف المحرجة . ( موقفين على الماشي )

[المحتار22]

جت الإجازة الصيفية وجت معها الزواجات

وجا معها المواقف الحلوة والمحرجة وجا معها مواقف حزينة وفراق

لكن بالنسبة لموضوعي هذا بنسلط الضوء للجانب الطريف وهو المواقف المحرجة


ــــ(نخش في الموضوع )ـــــ

طبعا الواحد مايروح لزواج الا وهو في قمة الترتيب والكشخة

طبعا سبحان الله انا مشكلتي مع الزواجات والمناسبات الرسمية بدل ما اروح ضيف اصير ( مستر بن ) للحضور
مواقف تخلي وجهي كنة نقطة حمراء >> والله من زين الحظ

ـــــ(بعض المواقف)ـــــ

الموقف الاول

مرة من المرات كان عندنا زواج لأحد الأقارب
المهم وصلنا هناك وكان معي الوالد وعيال العم والأخوان ودخلنا القصر
وجلسنا على الكراسي بعد ماسلمنا على الموجودين وجلست وياليتني ماجلست
المهم وفيه بزر ياما راح من قدامي وياما جا وانا من شفت شماغه حاطه في جيبه وانا
عارف ان الليلة مهيب معدية على خير


ومالكم بالطويلة الا وجاني البزر المقرود ويناضرني ويضحك واناضره وضحك
مادريت انه ماينعطى وجة وينطبق عليه المثل الي يقول اذا شفت البزر يضحك انتبة منه >> امحق امثال .
وفعلا انتبهت منه ومادريت الا وجاني بحركة مباغتة وسريعة وسحب شماغي
ومابقى علي الا طاقية لا وجايه على جنب طالع كني عراقي

بس انا ودي أسأله وش يبي يوم سحب شماغي يعني يحطه في جيبه الثاني
والله لوني داري كان جبت شماغ معي عشان أعطيهياه من البداية وأفتك

والزبدة طلع راسي بالطاقية طويل كنة مقرفون مراسل في قناة أخبار

وعيال عمي وخواني يضحكون المهم واقوم وامسك الولد وأخذ شماغي منه
وعفطة تقول عالكته بقرة واخذه والبسه وأهاوش البزر ولا عاد شفته يوطوط عندي


لكن الحمدلله واحد من عيال عمي اللي يضحك علي اثرة ألتفت يسولف مع واحد
وأثر غترته غطت في بيالة شاهي وشربتة >>> هذا جزاء الي يضحك




الموقف الثاني :



مرة من المرارت كنت رايح زواج واحدآ ما أعرفه بس نشبلي الوالد

ألا تروح عشان توديني ويقولي هذا يقربلك ومدري أيش يوم درى اني ماأقتنعت
قال يابن الحلال أبيك تخاويني وقلت أبشر وأنا أبو بندر وأروح معه وكان الزواج في قاعة أمسيتي


المهم وألقى ولد عمي وقلت زين جيت و وسلمنا على كل الصالة >> الوالد شايف نفسه ( الواصل )
ويوم جا العشى وياليته ماجا دخلنا ألا وحاطين بوفيه مفتوح


المهم والوالد وراي وناخذ صحون وكل واحد ينقي طبعا خليت الوالد ينقي
وانا وولد عمي مع بعض بعدها وصلنا الطاولة وقعدنا ويوم شفت صحن الوالد
وأموت من الضحك على أختياره

وش تتوقعون في صحنه !!

لقيت راس سمكة وسلطة ,, وانا وولد عمي نموت من الضحك
وقلت له وشفيك ماخذ راس سمكة قال والله جيت أباخذ باقي جسمها أثر وراي واحد ينتظرني أخلص
واستحيت ومشيت

المهم واقوم واروح أجيب لابوي صحن ثاني ويوم جيت وراه
وأقوله خذ الصحن يابوي التفت ولكمه خطافيه للصحن وأنكب على الأرض وعدم ثوبي
وراح وجهي كنه طماط حمراء .

قوة احراج وقلت ياليته جالس على راس السمكة اللي مالها الا عين افضل

والحمدلله انها وصلت كذا بس

** والمواقف كثيره وبالهبل .. بس ماحبيت اطول عليكم .. وقلت خلني اضفي البسمه على هالوجيه الطيبه

تقبلوا تحياتي

[رهف الغرام]

جد احراج

يسلموااا على المواقف الطريفه

انشاء الله ماتصير فيني

تحياتي

[ღ..رمآد الحب..ღ]

ههههههههههههههههههههههههه

يسلمووو ع الماقف الظريفه

[المحتار22]

رهــف الــغرام

عطيري الشوق ..

تسلمولي على التواجد الحلو ..

يعطيك الف عافيه

ودمتم بود

[صمته جرحني]

ههههههههههههه

سوري بس والله من جد محرجه وطريفه


أنا بقولكم على موقف صاار فيني

في زواج عمامي ثنين وأنا بالنسبه لهم أختهم الصغيره والكل يعرفني أختهم مالكم بالطويله

(للمعلوميه عمامي خذوا خوات) في نهاية الزواج كان تجي لي خالت البنات وتقولي الله يسلمك ألحقي أخوانك بشنطة

البنات أنا أستحي منهم وأنتي أختهم وما كذبت خبر ورااااهم بالشنطه وعينكم ما تشوف الا النور

كان اشوف الأرض قريبه اثرني من الحمااس طحت وتعورت رجلي من الأحراج ما حسيت أن رجلي تنزف

وسلامتكم



صمتهـ جرحني