بسم الله الرحمن الرحيم
عندما يتغير مجرى حياتنا في غمضة عين إلى شي لم نتوقعه ولم نتخيله عندها تختلط المشاعر مابين الحزن والسعادة ....
(حزن).........على أناس كتب لنا القدر فراقهم ... هم لنا مصدر للأمان والأمل والأبتسامه...
و(سعادة).......... بمقابلة أناس ينبضون بكل الحب لنا ....وهمهم هو إسعادنا
فهل نتغلب على الحزن الذي سكننا .... ونرضى بما كتبه لنا الزمان
ام نحصر أنفسنا في دائرة الحزن ..... دون أن نلتفت لمن يبذل جهده لأسعادنا
هذه هي روايتي تتكلم عن تقلبات الزمان ....وتبدل الأحوال
تتكلم عن الحزن والألم ..... عن الفراق واللقاء
عن الحب والسعادة .....عن الشوق والحنين
روايتي هي
((ما اخترت انا حبك ..احبك ..ماحداًيحب اللي يبي ))
هي روايتي الأولى ... أضع أجزائها المتواضعة بين أيديكم
راجية أن تحوز على إعجابكم
احساس المحبه
نبــــــــــــــــــــــــــــــــــــــــــــــــ ــــدا
الشخصيات
عائلة أبو عبدالله
الأب/احمد......الأم /منيره
عبدالله/عمره 25سنه "مهندس"
الهام / 22سنه
ندى /21سنه طالبه في الجامعه
جنى /13 سنه
ــــــــــــــــــــــــــــــــــــــــــــــــــ ـــــــــــــــــــــ
عائلة أبو طلال
الأب /عبدالرحمن...... الأم /نجاة
طلال /30سنه يشتغل في شركة أبوه
فراس /28سنه "دكتور "...حمد /25سنه يدرس في كندا
ديمه /24سنه .... عمر /8 سنوات
ــــــــــــــــــــــــــــــــــــــــــــــــــ ــــــــــــــــــــــــ
عائلة أبو تركي
الأب /عبدالله"متوفي"... الأم /مريم "اخت نجاة"
تركي /32سنه يشتغل في شركته الخاصه
رائد /28 سنه .... أمل /23سنه
شذا /21 سنه
العم /مساعد..متزوج من منى وعنده تؤم لميس وعزام "3سنوات"
العمات /حنين "18"سنه ...أحلام "21"سنه
ــــــــــــــــــــــــــــــــــــــــــــــــــ ــــــــــــــــــــــــــــــ
عائلة أبو ياسر
الأب /راشد....... الأم /نوره
ياسر /29سنه ....فيصل / 22 سنه
سحر / 23 سنه ..... سمر / 18 سنه
ــــــــــــــــــــــــــــــــــــــــــــــــــ ـــــــــــــــــــــــــــــــــ
العمة / ياسمين .....زوجها /متعب
ماعندهم عيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
الفصل الأول
"الجزء الأول"
كانت أخر أيام الاختبارات الكل فرحان وينتظرون الأجازة على أحر من الجمر بس في نفس المكان كانت ندى الوحيدة اللي ماودها إن الاختبارات تخلص كانت ندى جالسه في زاوية من زوايا الجامعه
اللي يشوفها يقول هموم الدنيا كلها على راسها.. جاتها صاحبتها هنادي مسرعه وطايره من الفرحه
هنادي / هاي ندو اخيراً خلصت هالأختبارات
ندى /هاي
لاحظة هنادي حزن صاحبتها اللي صار لها مده وهي بهالحاله
هنادي / ندو وش فيك ليه حزينه صار لك مده وانت به الحاله وانا سكت قلت يمكين تجين بنفسك وتقولي لي بس الحين ماراح اخليك الا لحد ماتقولي
ندى ماقدرت تمسك نفسها حضنت زميلتها وجلست تبكي ..
هنادي خافت وجلست تهدي فيها /انت اهدئي وقولي مشكلتك وانشاء الله راح نلاقي لها حل
ندى / مشكلتي مالها حل
هنادي /لا تقولي كذا مافي شي يصعب على رب العالمين
ندى / والنعم بالله...بس انا ياهنادي راح اروح لدنيا ثانيه خلاص راح اروح عن كل اللي احبهم واللي عشت معهم اجمل ايام عمري
هنادي بأستغراب / ندو السالفه
ندى كانت محتاجه احد تتكلم معه علشان كذا ماترددت انها تتكلم ورجعت بذاكرتها قبل شهرين
"لما كانت في المستشفى ولما نادوا اسمها كان في نفس الاستراحه عجوز تفاجئت لما سمعت اسمها لدرجة كل الموجودين انتبهوا لهذا الشي لحقت العجوز ندى وسألت الممرضه عنها واستنتها لحد ماخرجت من عند الدكتوره اخذت ولده ولحقت ندى لحد ماوصلت بيتها
بعد يومين راحت العجوز لبيت ندى ومن لما شافت ام عبدالله عرفتها رحبت فيه ام عبدالله ودخلتها المجلس
بدأت العجوز تتكلم وتبرر سبب زيارتها اللي فاجئة ام عبدالله وهو
(( ان ندى مو بنت ام عبدالله وان لها اهل ثانين
من حسن الحظ ندى ماكانت جالسه في نفس المجلس لانها كانت تجهز القهوه ... قامت العجوز تحكي السالفه لأم عبدالله اللي كانت مصدومه بالي تسمعه
قالت العجوز /لما ولدت ام ندى بندى كنت معها في نفس الغرفه وكانت تعبانه مره الممرضه جابت لها بنتها عشان ترضعها ..بس ام ندى ماكانت في وعيها ..وقامت تصيح هذي مو بنتي .. الممرضه خلت الطفله عندها ..وراحت ..بس كانت ام ندى مصره على موقفها... لما شفتها راح تذبح الطفله اخذتها منها ..طلعت فيها برى الغرفه ..دورت لها قرايب بس مالقيت احد ..انا ماعرفت كيف اتصرف وما كنت ادري وين اوديها ..
في نفس الوقت انتي كنتي تولدين بس طفلك مات ...انا لما عرفت اتفقت مع الممرضه على انا نعطيك الطفله بدل جنينك اللي مات ..
وعرفت انكم سميتوها ندى واخذت اسم العائله وكافت المعلومات عنكم ...
بس بعد فتره تشافت ام ندى ..ولما لادورت لكم عرفت انكم مو من سكان الرياض .. بعدها انا خفت ..وقررت انتقل الى الطائف ..
وربكم كتب اني اقابل ندى بعد هذي السنين ..وانا الحين كلمت اهلها ..وخبرتهم عن بنتهم ..تكفير لذنبي
ام عبدالله ماقدرت تمسك نفسها ..قامت تصارخ وطردت العجوز ..البنات جو يجرون عند امهم وكانوا يسالونها ايش السالفه ..بس ام عبدالله اخذت ندى وضمتها وكملت صياح
ندى كان قلبها ناغزها من لحظة دخول العجوز البيت
ندى / امي اشفيك ..تكلمي
ام عبدالله كانت مميته عمرها بالصياح ..
الهام / امي باسم الله عليك تكلمي ..وش سالفت هالعجوز
ام عبدالله حكت لهم السالفه...ندى بس سمعت في السالفه اغمى عليها ...ولما صحت كانت على سريرها وحواليها الهام وجنى ..افتكرت ندى السالفه وجلست تبكي واخواتها جلسوا يصيحون معها
دخل ابو عبدالله لعند البنات وقام يهدي في ندى والبنات
ابو عبدالله /ندو حبيبتي لا تبكي هالعجوز وحده مخرفه ..واكيد انها غلطانه
ندى /واذا طاع كلامها صدق
ابو عبدالله / اذا طلع صدق .. ماراح اسمح لهم ياخذون حبيبت قلبي
ندى الرتاحت من كلام ابوها.. باسته ونامت
بعد يومين
جو اهل ندى اللي هم ابو طلال وام طلال وطلبوا من ابو عبدالله يعطيهم ندى .. بس ابو عبدالله كان رافض وبقوه ..وحتى ماخلاهم يشوفونها
بس ابو طلال ماسكت ورفع قضيه بالمحكمه ..ولانه كان ذو نفوذ قوي قدر ..ينهي القضيه في فتره قصيره ..
بعد تحليلهم للماده الوراثيهDNA ..طلعت ندى فعلاً بنت ابو طلال وكان لازم ياحذونها
ابو عبدالله ماكان في يده شي ..سوى انه يقنع ابو طلال يخلي ندى عنده لبعد الأختبارات
واللي حز في خاطر ندى ..ان خطيبها ماجد من يوم عرف السالفه ماسأل عنها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
سكتت ندى ومابقى غير دموعها اللي ماوقفت من يوم سمعت الخبر
هنادي كانت فعلاًمصدومه ..ومو مصدقه اللي انقال
هي تتابع فلم والا مسلسل او انه فعلاً واقع ..ماكان في يدها شي تسويه لاصاحبتها اللي تعتبرها تؤم روحها
هنادي / قد شفتيهم
ندى / مين
هنادي /اهلك ..ام طلال وابو طلال
ندى بصراخ /لا تقولي اهلك
هنادي / اسفه... بس قد تقابلتوا
ندى / ايه ..لما طلع حكم المحكمه ..جو لعندنا
" ابو عبدالله / ام عبدالله روحي نادي ندى اهلها يبغوا يشوفوها ..
ام عبدالله بحزن / انشاء الله
راحت لندى اللي دموعها ماوقفت من لما عرفت بالحكم
ام عبدالله /ندى يمه تعالي معايه .. اهلك يبغوا يشوفوك
ندى / امي هذولي مو اهلي ..مابغى اشوفهم ..خليهم يروحون .. ماابغاهم
ام عبدالله ضمت بنتها / مايصير ياندى ..لاتكسرين بخاطرها .. امك لها عشرين سنه تدور عليك .. اكيد مشتاقه تشوفك .. ان ام واعرف احساسها
ندى /انت امي ...هي خلاص تعودت على غيابي وانا تعودت عليكم ..ولو يطلع لي مية ام ... انت امي الوحيده اللي احبها وماارتاح الافي حضنها
ابو عبدالله / الهام ياله وين اختك
الهام / ماتبغى تطلع
ابو عبدالله راح لها / ندى ياله تعالي
ندى / انا قلت ماابغى اشوفهم يعني ماابغى
ابو عبدالله / ماراح تروحين معهم .. بس يشوفوك ويسلموا عليك
ندى / انت تبغاني اروح معهم
ابو عبدالله / اكيد لا ..انت لو رحتي راح يظلم هالبيت ويفقد الشمعه اللي كانت تنوره ..بس هم كمان تعذبوا ..يعني تخيلي ..ام تفقد بنتها اللي ماصارلها يوم ...ياله روحي لهم
جنى / لا ..لا تروحين هي ماتستاهل يكون عندها بنت
ابو عبدالله بعصبيه / اسكتي ...انت صغيره ومو فاهمه شي ..ياله ندى
مسحت ندى دموعها وراحت لهم
طلال /إيش فيها شكلها مو راضيه تجي ...سكت لما شاف واحده واقفه عند الباب..كانت تملك أجمل ملامح...
وعرفوا أنها بنتهم ندى ووقفوا من أماكنهم وكانت عيونهم راح تطير من الفر حه
أم طلال ودموعها على خدها/تعالي يمه ..بالمقابل ندى نظراتها ماكان فيها أي تعبير ...بس كانت حاسه بالسعاده اللي هم فيها...
أم طلال شافت ندى ماتحركت راحت لها بسرعه وضمتها وجلست تبكي
ندى ماكانت قادره تتحرك من قوة ضمة أمها
قرب أبو طلال وسلم عليها/الحمد لله أني شفتك قبل ماأموت
أم طلال/هذا أخوك طلال ...تعال سلم ..قرب طلال وسلم عليها
أم طلال/وكمان عندك فراس وحمد وعمر وأختك ديمه...كان ودهم يجون معانا
أبو طلال/تعالي حبيبتي أجلسي..ندى هزت راسها بلا
وبعدت يدينهم عنها ومشت وتركتهم
أم طلال/ لا تروحين
أبوطلال/ خليها على راحتها
طلال/مابتروح معانا
أبو طلال/لا..أبو عبد الله طلب مني أخليها لبعد الأختبارات
أم طلال /لا أنا مو موافقه..أنا مو رايحه إلا بها
أبو طلال /أم طلال وشفيك..خليها تجلس لبعد أختباراتها..عشان تستوعب اللي صار..يله نمشي
مشت أم طلال وقلبها مع بنتها.."
ــــــــــــــــــــــــــــــــــــــــــــــــــ ـــــــــــــــــــــــــــــــــ
دق جوال ندى وكان المتصل أبوها قال انه ينتظرها برى
ودعت صاحبة عمرها هنادي اللي ماتدري راح يكتب لهم الله أنهم يشوفوا بعض مرة ثانيه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
لما وصلت ندى البيت كانوا أهلها كلهم مجتمعين ..جلسوا يتغدون
لكن مانزل معدة ندى ولا لقمه.......
دق جوال أبو عبد الله وكان المتصل أبو طلال
أبو عبد الله بدون نفس/الو
أبو طلال /السلام عليكم
أبوعبدالله /وعليكم السلام
أبو طلال/ كيفكم وش أخباركم
أبوعبد الله/بخير الله يسلمك
أبو طلال/ياله خل ندى تجهز نص ساعه ونمرها
أبو عبد الله /أنشاء الله وقفل
ندى /مين يبه
أبو عبد الله بتردد/هذا أبو طلال يقول تجهزي الحين بنمرك
ندى قامت تصيح وضمت أمها/يمه تكفين لا تخلينهم ياخذوني ماأبغى أروح معهم تكفين يمه
أم عبدالله ضامه بنتها وتصيح مافي يدها شي تسويه لها
أبو عبدالله قرب من بنته ومسح دموعها/يابنيتي محد راضي باللي يصير لكن هذا حكم ربك وماعندنا الا نرضى خليك قويه زي ماربيتك
وأرضي بنصيبك ..أكيد ان البيت هذا راح يخلا من دونك
وتروح منه البسمه
مرت النص ساعه سريعه ودق الجرس وطلبوا أن ندى تنزل
لبست ندى عبايتها وودعت أهلها اللي كانوا راح يموتوا من الصياح
نزلت وكطان في قلبها كل الكره لهم لأنهم سرقوها من أجمل أيامها ومن بين الناس اللي تحسهم فعلاً أهلها
كذا الدنيا تجينا في طفولتنا ..بحكي صافي ..ومعسول
ولامن الزمن صور سنينه في ملامحنا..عطتنا ظهرها واقفت
وخلتنا فريسه
للسهر...والجرح... والمجهول
ــــــــــــــــــــــــــــــــــــــــــــــــــ ــــــــــــــــــــــــــــ
دخلت ندى السياره وكان فيها أبو طلال وأم طلال وطلال وماسلمت
حب طلال يكسر الصمت الموجود في السياره/ هلا والله بأختي الجديده
ندى نفسها راس خشمها وودها تكفخ كل من حولها بدأً بأم طلال اللي حاضنتها وماهي راضيه تفكها .. إلى أبو طلال اللي عيونه بتطير من الفرحه بوجودها ..وطلال اللي يتكلم من دون سالفه
وصلو المطار ندى بأستغراب /وين رايحين ..
وماسمعها الا أم طلال/رايحين بيتنا اللي في الرياض الكل ينتظرك هناك
ندى /بس أنا ماأبغى أسافر وابغى أجلس هنا
مسكتها أمها مع يدها من دون ماتتكلم00لأنها عارفه مافي النقاش معها فايده لأنها من نزلت من بيتهم وهي تصيح ومو عارفين ياخذون منها لاحق ولا باطل
المغرب وصلوا الرياض وكان في أستقبالهم عمهم مساعد وفراس سلموا عليهم وركبو االسياره
ــــــــــــــــــــــــــــــــــــــــــــــــــ ـــــــــــــــــــــــــــــــ
في بيت أبو تركي ..تركي توه داخل مع الباب /سلام عليكم وباس راس جدته
الجده/ هلا والله بوليدي وعليكم السلام
أحلام وحنين نازلين بسرعه مع الدرجه وكانوا لابسين عباياتهم ..
تركي/ تعالي إنتي وياها وين رايحين
حنين/ رايحين بيت أبو طلال ..إنت ناسي إن ندى بتجي اليوم
تركي/ طيب وإذا جات خلوها لبكره لأنهم مسوين عزيمه وبنروح كلنا
أحلام/لا خلينا نروح اليوم نبغى نشوفها قبل شذا
شذا/هه هه ههاي أقول أنقلعي عن وجهي لاأرتكب فيك جريمه
أحلام وحنين /يا له باي
شذا /والله قهر الحين أحلام وحنين بيشوفونها قبلي
الجده/ماتفرق يابنيتي من يشوفها قبل أهم شى بتشوفينها بكره
شذا /ياالله أنتو مو حاسين فيني ..وقامت وخلتهم
تركي والجده/هههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
ديمه /سيتي إفتحي الباب
أحلام وحنين /هااااي
ديمه /هلا والله تأخرتم الحين جايين
أحلام /جهزتي كل شي
ديمه /إيوه مابقي إلا يوصلون
حنين/ اقول ديمه انت فرحانه لان طلعلك اخت
ديمه / أي والله انت عارفه اني من زمان أتمنى هالشي
ياله تعالوا أوريكم أيش سويت بغرفتها
ــــــــــــــــــــــــــــــــــــــــــــــــــ ــــــــــــــــــــــــــــــ
في السياره ....مساعد / إلا كيف شفتوا الأجواء في الطائف
أبو طلال / والله الاجواء مره حلوه براد مو زي عندنا الشمس بتذوبنا باالحراره
ندى في عالم ثاني معاهم ومو معاهم إحساس الغربه يجتاحها .. هالناس مو أهلها وها المدينه ماتنتمي لها وش اللي جابها .. ليه موجوده بينهم ..
فجأه وقفت السياره..رفعت ندى راسها شافت قدامهم فله كبيره فهمت أنو هذا البيت اللي راح تسكن فيه نزلوا من السياره ودخلوا الفيلا
ــــــــــــــــــــــــــــــــــــــــــــــــــ ــــــــــــــــــــــــ
ايش اللي ينتظر ندى في هاالبيت ؟!
وياترى راح تتأقلم مع حياتها الجديده ؟!
ــــــــــــــــــــــــــــــــــــــــــــــــــ ـــــــــ
هذا أول بارت وردودكم هي اللي تحدد
هل تستحق أني أكملها أو لا
احساس الحبه
ما إخترت أنا حبك ..أحبك ..ما حدٍ يحب اللي يبي ، روايه سعوديه روعه 
العرض العادي
