مع الاعتذار لنون النسوة

[ليل النديم]

هذه القصيدة موجهة لمجموعة من زملائي الشعراء..
والذين جمعني واياهم مجلس تبللت مسامع حضورة بقصائد الغزل!.
وعندما وصلني الدور اعتذرت!!..
وعلي ان اكتفي بدور المستمع لانه لم يكن في جعبتي شيئا من اغراض الغزل!.
ولا اريد ان اغيّر محور قصائدهم بقصائدي التي تحمل طابع المعاناة..
ولكنهم وقفوا ونظراتهم تطلق نبال الاستغراب!!..
لينعتوني بالكذب!!..
ويسألوني!!..
كيف لشاعر مثلك في عنفوان شبابه وليس للمرأة وجود وحياة في قصائده؟!..
فما كان مني إلا ان كتبت هذه القصيدة!..
لأسدُ بها رمق اسئلتهم!.
واطفئ شعلة استغرابهم!..
مع اعتذاري الحار لكل من ينتسبن لنون النسوة!!..


قالوا لي: دورك في الشعر يانجــــــــــــــــيبه
عجّل وسمّعنا ترى الشعْــــــــــــر بك طــــاب

قلت: اسمحولي شعري ماينحــــــــــــــكي به
ماعندي الا اللي قـــــــــديم ٍ يالاصـــــــحــاب

يحكي عن الوحده وضــــــــــــــــــيم الغــليبه
واحلام ٍ بصدري طـــفت خــــــــلْف الابــواب

قالوا : علومك يا ( سعد ) ذي غــــــــريبه!
والاغرب اكثر يا ( سعد ) صرت كــــــــذاب

معقول به شاعر بليّا حـــــــــــــــــــــبيبه؟!
ماذكْر به شاعر بلا حب واحــــــــــــــــباب

والشاعر ان كان البني ماتجــــــــــــــــيبه
وش له يعيش ان كان في الحب ماذاب؟!

وين انت يوم الكـــــــــــــــل وارد قليبه؟!
وصدّر معينه بين همســــــات واعتاب؟!

ووين انت يوم الكل عايد حـــــــــــبيبه؟!
وقضّى ليال العيد في قرْب الاحـــــباب؟!

قلت : الاسف هالحب عمله صــــــعيبه
ماتنصرف والقــلــب بالفـلـْس قـــــــلاّب

لو كنت صـــاحب مال غير اشـــتري به
بنت ٍ تســــــــــــــــــلّيني ولو كنت لعّاب

والحب لاهْل المال اخــــــــضر شـعيبه
والبنت يعجبها الغني لوهو نصـــــــاب

والحب للطفران اكــــــبر مـصــــــــيبه
دامه من اللي مايعــمـــــرون الاجياب

لو كان كامل غــــير فـقـــــره يعــــــيبه
وانشد مجرب كان بالــــــفــــقـْر ينعاب

اتعب قـلـيبه واكــــــــــــتوى من لهيبه
وبحضور تاجر انقلب حـــــــــــبه تراب

وبعض البني في الحب طب وطـــــبيبه
توقف مع المحبوب في وجه الاقراب

طبع الوفا يجعـــــــلها منّه قــــــــريبه
ولا تباعدها قـــــــــــــــــويّات الاسباب

وفي كل حال الكل يلقى نـصـــــــــــيبه
وان ماتــوفـق خــــــــيرته يقفل الباب

والا انا شارب من الحـــــب خــــــيبه
وهذا جزى من تعجبه كســــوة الداب

والحب شيّ ٍ مايجـــــي بالغصــــــيبه
ومن صد عني مانشــــدته عن اسباب

بقيت بعـنادي جــبال ٍ صـــــــــــــــليبه
واللي جرى لي قـــلت مكتوب بكْــتاب

ودفنت حب ٍ ماااااااات فـ اقصى مغيبه
وسافرت عن ذله ولو عـــــشت غرّاب

مالي وحب الذل؟ مال اتعــــــــــذيبه؟!
وحيد لكــني عــــــــــــــزيز ٍ ولو عاب

ولامن حصل خـــــل ٍ صدوق ألتقي به
ســــــلّمت له قلب ٍ له اسنييين عزّاب

ورســــمته بريشــــة قصـــيد ٍ عجيبه
ترضي غروره والشعر رمز واعجاب

واجي واسمّـــــــعهم من الشعر طيبه
وواصف لهم زينه.. وعينه والاهداب

ودلاله.. وطــــــــــــبعه.. ورقة قليبه
وحنانه.. وفرحة حضــوره الى غاب

اخيراً آسف والهوى ذا وهـــــــــيبه
الله وهبها للبشـــــــر بنت او شـاب

قلته وانا غايب عن الحــب غـــيبه
وابختم ابياتي وانا كلي اغــــــياااب

بقلم
اخوكم
ليل النديم

[احلاهم@]

ابياااااات في قمة الروعه

صح لسانك وعلى شانك

يعطيك العافيه

[العنود888]

والشاعر ان كان البني ماتجــــــــــــــــيبه
وش له يعيش ان كان في الحب ماذاب؟!


نديم الليل ..
ابيات ابهرتني وحركت مشاعري ..
وبنظري الشاعر اللي يكتب هالقصيده قادر يكتب احلى قصائد الغزل وننتظرها منك ..
تحياتي..

[***هيفاء***]

المشاركة الأصلية كتبت بواسطة ليل النديم

[color="Navy"]

[size="3"] قالوا لي: دورك في الشعر يانجــــــــــــــــيبه

عجّل وسمّعنا ترى الشعْــــــــــــر بك طــــاب

قلت: اسمحولي شعري ماينحــــــــــــــكي به
ماعندي الا اللي قـــــــــديم ٍ يالاصـــــــحــاب

يحكي عن الوحده وضــــــــــــــــــيم الغــليبه ... في هذي صدقت
واحلام ٍ بصدري طـــفت خــــــــلْف الابــواب

قالوا : علومك يا ( سعد ) ذي غــــــــريبه! اسمك حمد وسعد تمويه ؟؟؟
والاغرب اكثر يا ( سعد ) صرت كــــــــذاب

معقول به شاعر بليّا حـــــــــــــــــــــبيبه؟!.... وانا معاهم أقول معقول ؟؟؟
ماذكْر به شاعر بلا حب واحــــــــــــــــباب

والشاعر ان كان البني ماتجــــــــــــــــيبه
وش له يعيش ان كان في الحب ماذاب؟!

وين انت يوم الكـــــــــــــــل وارد قليبه؟!
وصدّر معينه بين همســــــات واعتاب؟!

ووين انت يوم الكل عايد حـــــــــــبيبه؟!
وقضّى ليال العيد في قرْب الاحـــــباب؟!

قلت : الاسف هالحب عمله صــــــعيبه
ماتنصرف والقــلــب بالفـلـْس قـــــــلاّب

لو كنت صـــاحب مال غير اشـــتري به
بنت ٍ تســــــــــــــــــلّيني ولو كنت لعّاب

والحب لاهْل المال اخــــــــضر شـعيبه
والبنت يعجبها الغني لوهو نصـــــــاب.. يعني غني أوكى ما قلنا لاء بس نصاب ؟؟ هذي تطلع غبية

والحب للطفران اكــــــبر مـصــــــــيبه ... شدعوة وانا اختك .. في وايد طفرانات وغنيات بعد, يبون طفران كفو ولد حمولة يقدس الحياة الزوجية(دعابة)
دامه من اللي مايعــمـــــرون الاجياب

لو كان كامل غــــير فـقـــــره يعــــــيبه
وانشد مجرب كان بالــــــفــــقـْر ينعاب

اتعب قـلـيبه واكــــــــــــتوى من لهيبه
وبحضور تاجر انقلب حـــــــــــبه تراب

وبعض البني في الحب طب وطـــــبيبه ... وين انت عنهم ؟؟
توقف مع المحبوب في وجه الاقراب

طبع الوفا يجعـــــــلها منّه قــــــــريبه
ولا تباعدها قـــــــــــــــــويّات الاسباب

وفي كل حال الكل يلقى نـصـــــــــــيبه
وان ماتــوفـق خــــــــيرته يقفل الباب

والا انا شارب من الحـــــب خــــــيبه
وهذا جزى من تعجبه كســــوة الداب

والحب شيّ ٍ مايجـــــي بالغصــــــيبه
ومن صد عني مانشــــدته عن اسباب ... كفو

بقيت بعـنادي جــبال ٍ صـــــــــــــــليبه
واللي جرى لي قـــلت مكتوب بكْــتاب

ودفنت حب ٍ ماااااااات فـ اقصى مغيبه
وسافرت عن ذله ولو عـــــشت غرّاب

مالي وحب الذل؟ مال اتعــــــــــذيبه؟!
وحيد لكــني عــــــــــــــزيز ٍ ولو عاب

ولامن حصل خـــــل ٍ صدوق ألتقي به ... فالك الخل الصدوقي
ســــــلّمت له قلب ٍ له اسنييين عزّاب

ورســــمته بريشــــة قصـــيد ٍ عجيبه
ترضي غروره والشعر رمز واعجاب

واجي واسمّـــــــعهم من الشعر طيبه
وواصف لهم زينه.. وعينه والاهداب

ودلاله.. وطــــــــــــبعه.. ورقة قليبه
وحنانه.. وفرحة حضــوره الى غاب

اخيراً آسف والهوى ذا وهـــــــــيبه
الله وهبها للبشـــــــر بنت او شـاب

قلته وانا غايب عن الحــب غـــيبه
وابختم ابياتي وانا كلي اغــــــياااب

بقلم
اخوكم

ليل النديم

صح اللسانك .. ويعطيك العافية .. بصراحة خوش رد

الأكيد اني ما قعدت أسولف مع قصيدتك الا لانها عاجبتني وايد ... وان لقيت بسوالفي روح الدعابة هذا لان مود الغشمرة اليوم عندي عالي

:
:
:

يا سعد وين انت عن الحبيبة
الِي يتمنى قربها كل شاب
يطوف العمر ويقرب مشيبه
وابياتك تحكي ليل وسراب
رد.. رد للنهار حره ولهيبه
واشعل منهو من العنا ذاب


تقبل مروري بما يحمله من دعابات وكلمات
وعذرا لو ازعجتك

[زهرة التوليب]

لو كنت صـــاحب مال غير اشـــتري به
بنت ٍ تســــــــــــــــــلّيني ولو كنت لعّاب

اللي يقول لك الحب كذا
قل له تراك كذااب


صح لسانك ليل ..

جزلة من جزل
لكن اللي أعرفه ان الشعراء يقولون مالا يفعلون
أقصد مو شرط تعيش الحب عشان تكتب عنه
ومو شرط يكون لك حبيبة عشان تتغزل فيها

والشاعر يكتب بخياله ..
لكن عندي إيمان أن كل شاعر يسخر نفسه لغرض ويحب يكتب من خلاله
ويمكن أنت تحب تكتب المعاناة أكثر من الغزل ..
وغيرك يحب الفخر والشموخ
وفيه من يحب الوصف والغزل


لاهنت ونبي منك غزلية المرة الثانية وما نبي اعذار

<- بتنشب له مثل ربعه ^_^