اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-07-2008, 02:43 AM
صورة هيرموني الرمزية
هيرموني هيرموني غير متصل
©؛°¨غرامي مشارك¨°؛©
 
B9 رواية على كف القدر نمشي و لا ندري عن المكتوب / كاملة


(( القراء الاعزاء ارجوا ان تستمر القصة ولن تستمر الا بردودكم ))

هذي قصه حلوه وان شاء الله تعجبكم...
القصه منقوله وهي للكاتبه غـــــــــــلا الروح



واتمنى انها تعجبكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-07-2008, 02:46 AM
صورة هيرموني الرمزية
هيرموني هيرموني غير متصل
©؛°¨غرامي مشارك¨°؛©
 
الافتراضي رد: على كف القدرنمشي ولا ندري عن المكتوب منقووووله


وعشان تكووونون بالصورة حبايبي هذي القصيدة اللي استوحت منها الكاتبه روايتها ..... اقروها قبل لا ابدأ


على كف القدر نمشي ولا ندري عن المكتوب
عبارة كنت أرددها صدق من صاغ معناها

مشينا دون لا ندري وشربـنا من بـلاهـا كـوب
وهـذي حال الـدنـيـا رمـتـنـا مـا رمـيـنـاهـا

تضحكنا تبكـيـنـا تـمـشـيـنـا على المـطـلوب
على كف القـدر نـمـشـي دروب ما رميناها

من الكاسب من الخاسر من الفايز من المغلوب
مع الأيام تـحـصـدنـا وحـنـا ما حصـدنـاهـا

وأنا واحد من الآلاف أعيش بعالمي مرعوب
أحس الأرض مهزوزة من أدناها لا أقصاها

نظرت الناس من حولي وكم بالناس هو منكوب
حوادث هزه الوجـدان أجـل بالعـيـن شفناها

ألا يا عـمـري الفاني ألا يا حـقـي الـمـسـلـوب
متى عـيـنـي بليل الياس لـذيـذ النوم يهـنـاها

متى يحـالفـنـي الحظ ويصحح وضعـي المـقـلـوب
يعـدل قسـوة الأيام وغلطة ما ارتـكـبـنـاهـا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-07-2008, 02:51 AM
صورة هيرموني الرمزية
هيرموني هيرموني غير متصل
©؛°¨غرامي مشارك¨°؛©
 
الافتراضي رد: على كف القدرنمشي ولا ندري عن المكتوب منقووووله


--------------------------------------------------------------------------------

نبدأ بشخصيات القصة :
(( القصة تتمحور حول 5 بنات زميلات وتربط بينهم علاقة صداقة عميقة لطالما قلت في هذا الزمن وبطبيعه الحال تمر كلن منهن بدرب مختلف في الحياة ))
الشخصيات :

نورة – نجد – هنوف – خلود – سارة


نوره ( بنيه جميلة بمعنى الكلمه بيضاء وطويلة وضعيفة بس مليانه شوي وشعرها اشقر لين اخر ظهرها شكلها بصراحه اقرب للاجنبيات وكل من شافها يحلف انها اجنبية ويستغرب من كونها بدوبة بس متحضرة شوي نورة اللي يعيبها العنااااد والراس اليابس و لسانها بيني وبينكم متبري منها ههههههههه )


نجد ( لاااااا هذي غير غير عن كل الشلة هي بدوية وهذا واضح من كلامها ولهجتها اللي تعتز فيها حيييييل نجد فيها الجمااااال العربي الاصيل هي مو جميلة بس هي بالاصح نسميها مزيونه شوية عليها ….واحلى ما فيها عيونها اللي خلقة من الله مكحله …. وطولها اللي مخلي لها هيبة … اما شعرها فمحد من الشلة يقدر ينافسها عليه لانه طويل واسود … نجد عفوية وحساسة حييييييل رغم ان كلام الناس ما يهمها … قمر الشلة )


هنوف ( ناعمة البنت بس مو لدرجة نجد ونورة شعرها اسود كاريه مدرج قصير جنية الشلة لان عليها رجه وصرقعة وسوالف استهبال موووو طبيعة رغم هذا نقدر نقول انها معقدة شوي البنت من الرياجيل والزواج وهالسوالف فحياتها كل استهبال ودراسة )


خلود ( البنيه الدلووووعه وحيدة امها وابوها ... فهم مدلعينها بشكل غير طبيعي ... ساكنة بقصر ابوها بعزها ومعزتها وذربة بشكل تستفز فيه البنات...... ورومنسيتها زايدة حبتين شعرها لين نص ظهرها بني حرير ..... كل همها الموووضه واللبس والمكياج وباقي الامور ضاربه فيها عرض الطووووفه بس فيها طيبة وحسن نية دايم مضيعتها )




سارة ( صديقتها الخامسة وهي بنت عادية الجمال وضعيفة بس ملامحها حاده شوي تموووت بالنقد والتطنز على البنات شعرها خشن شوي فمعقدها بعيشتها ومستواها الدراسي اقل من بنات الشلة وعلى الرغم من هذا البنت فيها غروور مو طبيعي مو راضيه تخليه والغيرة اللي ماكلها وهالشي اللي حذروها البنات بس هي لولا تهورها الدايم كان هي بخير بس تبقى هالبنت جزء من شلتنا وكل البنات يحبونها رغم عيوبها )


* اماااااا فرســــــان قصتنا فما راح اعرفكم فيهم لانهم بيطلعون لكم مع الاحداث وبيكملون القصة كشخصيات رئيسية ...........


نبدااااااا القصة :::

(( الجزء الاول ))


دق تليفون نوره وهي نايمة على السرير الساعه 7 الصبح وكانت المتصلة نجد ...... نوره بقلبها تقول يالله صباح خير هالبنت لو احطها بجهازي بدال المنبه احسن لي كل يوم هي اللي تقومني قبل المنبه ....

نجد: صباااااااااااااااااح الخييييييييييييييير
نوره : وعمى ان شاء الله نجدوه فجرتي اذني حسبي الله على ابليسج ... جذي الناس يقومون والا حتى يصبحون
نجد: والله يا نوير هذا جزاي اني بقومج وانشطج مااااالت على هالخشه زين
نوره : اول شي عشرين مره اقولج اسمي نوره الله ياخذ عدوج مو نوير اعنبو دارج قلبتي اسمي من اسم بنت الى اسم عجيز خرفانه ...
نجد: هاااااااااااه ... شفيهم العجايز هن الخير والبركه ترى ماارضى عليهم
نوره : ادري ادري انج ما ترضين عليهم يالخبلة منتي عجيز مثلهم ههههههه
نجد : عجيز بعينج يالداجه توني ما كملت 19 سنه محنا كبر بعض... يعني لساتني بأول شبابي
نوره (شهقت ) : نجيد انتي متصلة تقوميني للدوام والا تلهيني عنه ..تأخرت ما تريقت ولا لبست شي عشان اروح الدوام يلا باي باي اكلمج وانا بالطريق ...
نجد : تستاهلين يا حبج للنووووم عله لا نمتي ما قمتي يلا البسي بااااي

وراحت نجد تركض للحمام وعقبها لبست بدله بنطلون جينز وتي شيرت فوشي لين الركبة وعدلت ملفعها الاسود وفيه ورده فوشية من كرستال على جنب ولبست كعب فوشي ضعيف وحطت كحل اسود وبلاشر وقلوس فوشي وركضت تهابد وتركض تحت على الدرج والا وامها واختها ريم تحت يتريقون وابوها يعدل غترته بيطلع للدوام ....
ام نوره : نوروووه تعالي تعالي علامج طايرة تريقي
نورة : يمى زين زين بس بشرب عصير البرتقال ... شربته وطارت بين السما والقاع لسيارتها ,,,,
ركبت سيارتها ( لكزس ) وداست للجامعه ....

نسيت لا اقولكم ان البنات كلهم يدرسون بكلية الطب اول سنه ( مستجدات ) ...جابوا نسب عالية بالجامعة ونسبهم كانت متقاربه من 91 الى 97 كلهم شطار ما شاء الله عليهم من ايام الثانوية كانوا يتنافسون على المراكز الاولى ودايم كانت نورة الاولى عالدفعه وهنوف الثانية .....

وهي بالطريق ( دقت الحنانه نجد عليها ) ونوره كانت توها سايقة السيارة فخوافة ما ترد على التليفون وهي سايقة ...... بس من حنة نجد اضطرت انها ترد عليها ...

نوره : نجدووووه ووجع انا الحين اسوق وتعرفين اني ما احب أرد على التليفون وانا اسوق تبين تربكيني انتي ؟
نجد : اسمله علينا ... نوروه يا مال البلش اخرعتيني يالملسونه وينج فيه ؟؟؟
نوره : ويني بعد عند بوابه الجامعه اسفط السيارة واجيج يالحنانه
نجد : هههههههه تصدقين شكلج يونس وانتي معصبه .. يلا تعالي البنات متجمعات نبي نسولف قبل لا يجي الدكتور ويغثنا ...
نوره : زين انتوا وينكم ؟؟؟؟
نجد: حنا بالكلاس قاعدات تعااااااااالي باي
وشوي والا نجد داخله عليهم وتصارخ ( تبي تخرعهم ) قوه يا صباياااااااااا
شهقت نجد( لا نها شافت اثنين من الشباب قاعدين ورا يسولفون وانخرعوا منها .... وقاموا البنات _ شلتها _ يضكوووووون عليها )

( طبعا اتعرفون ان كلية الطب مختلطة يعني بنات وشباب في المحاضرات ومو مفصولين بس البنيه نست روحها هههههههههههه)

قعدت متفشلة ومنحرجه من موقفها ....
نجد: ههههههههههههههههااااااااااااااااااااااااااااي هذا ذنبي اليوم يومنج تزفيني
هنوف : ههههههههه عادي تعيشين وتاكلين غيرها يا حلوة .....
خلود :ههههه نواري لا تتضايقين عادي موقف صار بس شكلج كان يونس ههههه
سارة ":يختي شفيج منهبلة اليوم في وحدة تسوي جذي الحمد لله والشكر عالعقل شيقولون عنج الشباب ( قالتها بنقادة )
ردت عليهم نوره : يختي انطمي انطمي انتي وياها مالت عليكم زين اكلتوني ... وراحت خذت ملفها وكتابها وقعدت قدام قبال الدكتور
البنات : تعالي تعالي خلاص نوره شفيج ذابحج الثقل مساع شزينج
خزتهم نورة بطرف عينها وماردت وقعدت قدام..........

دخل الدكتور ... ودخلوا وراه الطلبة والطالبات (( ما احب طبع الطلبه اذا قعدوا برا واذا دخل الدكتوردخلوا وراه جنهم سرب...ا نثبروا من الاول واقعدوا انطروه داخل )) ...
خلصت المحاضرة .... وطلعوا البنات لان عندهم بريك ( استراحه ) ساعه وبعدها عندهم محاضره

وراحوا كل الشلة المشتله للسكوير ( اللوبي ) >> وهو مكان وسيع يقعدون فيه الشباب والبنات بين المحاضرات

قعدوا البنات وقاموا كالعاده يحشون بالرايح والراد (( حريم هذي طبيعتهم )) هههههه .....اللي يعلقون بينهم على لبسها والصبي اللي يعلقون على قصة شعره وما يخلون احد بحاله بس طبعا تعليقاتهم بينهم بس عشان محد يسمعهم .....
فجأه وينقلب وجه نوره الوان ...... وانتبهت لها نجد والتفتت تبي تشوف الشي اللي قلب نوره ... شافته

شافت بدر ( ولد خالة نوره ) وهو بالسنه السادسة بنفس الكلية ... مار هو وربعه يسولفون

وعين نوره ماطاحت منهم ... التفتوا عليها البنات كلهم (( لان كل الشلة يدرون عن حب نورة لبدر ))

هنوف : نووووره وين رحتي عند حبيب القلب ..... هاااااااااااه
نوره ماردت عليها
اشرت لها نجد انها تسكت وتخلي نوره

وهمست نجد تكلم نوره : نوره مدري ليش متعبة عمرج على واحد مو حاس فيج... طنشيه
ردت عليها نوره (بحسرة): بس انا عندي احساس كبير انه يدري عن شعوري ناحيته
نجد: والله من هبالج مبينه له حبج .... عشان جذي شايف روحه عليج ... ومو معبرج يالخبلة
نورة(وهي تطالع فيه من بعيد وهو يسولف ويضحك مع ربعه) : خليها على ربج نجد خليها على ربج
هنوف المرجوجه : يلا صبايا انا جوعانه امشوا للكفتيريا باكل ... وانتي هييييييييه ( تقصد نوره ) بطلي هبال ولا تطالعين ولد خالج ترا والله الرياجيل ما يستاهلون الحب (((( معقدة البنت صح ههههههه)))
نجد معصبه عليها : جوع جدي انثبري لازم تبلعين يعني .... يا حبج للاكل لويحصلج تاكلين الصحون كلها ... ومصيبه تاكل اكل الدوووود ولا يبين عليها ...

هنوف : ههههههههه موتي حره ... ويلا يالعلل امشوا وراي للكفتيريا .... وهين يا نجد ان ما خربت لج عباتج هاللي كاشختلي فيها بالاكل ماني هنوف

نجد: هههه بامج خير سويها وربي لرد الصاع صاعين ... مفصلتها غاليه يا قلبي

(( نجد ما تلبس بدل مثل باقي البنات دايم تلبس عبي بحكم مثل ما قلت كونها بدويه حيييييل فأهلها ما يرضون ولا هي تحب لبس البدل اصلا ... بس عبيها دايم غريبه وحلوة فيها حركات كرستال ملون يعني حلووووه )) وهم نوره بعد تحب تلبس عبي بس مو دايم يعني تنوع بين البدل وبين العبي ....

وطلعوا من السكوير رايحيين للكفتيريا بعد هوشاتهم الدايمه (ما يقعدون راحه هالبنات )

وهم بالطريق مر عليهم بدر ورفيجه خالد (( بدر وخالد حيييييييل علاقتهم قويه مع بعض )).... ولبسهم دايم الدشداشه والغتره وطاقين النظاره الشمسية كالعاده .... لانهم ما يحبون يلبسون بدل الا بالسفر

بدر( طويل وحنطاوي وجذاب بس ضعيف شوي واحلى ما فيه ابتسامته .... وهو نكته )
رفيجه خالد ( طويل وله جسم رياضي وحنطاوي ... بس وسيييييييم ....واللي مزينه عقله وثقله... وفيه وفا مو طبيعي ) وكلهم اعمارهم 24سنة

مر بدر جنب البنات وهم ماشين وشاف نورة بينهم .... ابتسم ووقف يسلم عليها
بدر : مرحباااااا نوره ... شلونج يا بنت خالتي..؟؟؟

طبعا البنات ما وقفوا كملوا طريقهم للكفتيريا ... وبعد خالد عن بدر ووقف بعيييد شوي عنهم وهو يطالع بنورة من ورا النظارة ...

ردت نوره ( بفرح ) : هلا والله بدر ... انا تمام انت شلونك؟؟؟ وشلون خالتي ؟؟؟
بدر: بخير الله يسلمج تسلم عليج ... هااا شلون الدراسة معاج؟؟؟
نوره : الحمد لله ماشية مع اني توقعتها اسهل من جذي.....
بدر ( يستهبل ): الله يهداج كلية طب وتبينها سهلة شلون بالله ؟؟؟ فهميني
استحت نورة وسكتت : صح كلامك ....
قالها بدر : يلا اخليج الحين بس امانه لو بغيتي شي قوليلي لانج مثل اختي سلمى (( قالها متعمد لانه يعرف بحب نوره له من تصرفاتها ونظرتها اللي فاضحتها ... بس عشان يقهرها ويستانس على ردة فعلها ))
انقهرت نورة ... وقالت بسرعة : يلا باي اخليك الحين بروووح لصديقاتي
ابتسم بدر لانه حس انه نرفزها بكلامه : بااااااااااااايات (( بدر من داخله انسان طيب مو خبيث بس ما يدري ليش هو يحب ينرفز هالبنت بالذات ويغتر عليها .... يمكن عشانها بنت خالته؟؟ ... او يمكن عشانها تهورت وبينت له حبها؟؟ ... يمكن كل شي جايز بهالدنيا ))

دخلت نوره كافتيريا البنات وهي معصبة ومفوله من التعصيب ....

نوره قطت شنتطتها على الطاولة بقوووووة

نجد: شفيج شفيج حستي اكلنا يا المتهورة
نوره : يوووووه بروح اخذ لي اكل.... ترا مالي خلق لانتقاداتكم
وقامت تاخذ لها اكل .... وقعدت خلود تطالع فيها من بعيد وهي تمشي ... فانكسرت خاطرها على رفيجه عمرها
وقالت: هالبنت مو طبيعية من دخلنا هالكلية انقلب حالها 180درجة ماااااا ادري شفيها ... ياربي الله يعين
هنوف ناقده على خلود ) لااااااا شوي شوي يالبارده لا تتلف اعصابج ههههههه يعني ما تدرين شفيها؟؟؟ اللي فيها من سوالف هالخبل ولد خالتها فيها مالت عليه صج الرياجيل بليدين احساس مثلج خلوووود هههههههه

خلود ( طفرانه منها ): مالت عليج يالمعقده .. اسكتي اسكتي بس مخلين الاحساس خله لج يا مرهفة المشاعر.. نجد شوفيها ترا هالبنت حاطه دوبها ودوبي فكيني منها هالنسرة قطييييييييييعه
نجد: بسسسسسس انتي وياها اسكتوا فضحتونا بالكفتيريا كل البنات سمعوا سوالفكم يالغثيثات يا مال السد اللي يسد حلوقكم ...زين
هنوف : زيييييييييييين يا ابلة ههههههههه

نطت ساره بعد ما كانت تراقب نورة وكلامها وحركاتها ودخلت عرض بالسالفة بين البنات وقالت : يااااااربي هالبنت ماعندها كرامة متى بتفهم ان الصبي ما يبيها .. عايفها ...غصب يحبها يعني ؟؟؟

انصدموا البنات من كلامها وفتحوا حلوقهم منذهلين من اللي سمعوه ... صحيح انهم يعرفون ان ساره تغار من زمان من نورة لانها اشطر واحلى منها ... بحيث ان ما في وجه مقارنه بين نورة وسارة ... بي ما توقعوها تحقد عليها للهدرجه ........

ردت نجد : سويروووه يا مال الوجع اللي يوجعج انتي ماتستحين ... شلون تقولين عن رفيجتج هالكلام ؟؟؟

خافت سارة من لهجتها وقالت : هااااااااه لا انا ما اقصد بس كنت ابي اقول انها ما لازم تتعلق بوهم ... حرام

ما اقتنعت هنوف بكلامها وقالت : والله وهم والا مو وهم انتي مالج شغل. بين البنت وولد خالتها حاشرة روحج ليش ...؟؟؟

جت بترد عليها ساره الا ونورة طابه عليهم مع اكلها ... فاضطروا يسكرون الموضوع ...

قالت نورة : بنات تدرون انه الدكتور س2 الظهر بيمتحنا

(شهقوا البنات كلهم وغصوا بالاكل )........... واكلهم كالعادة ورق عنب وتبولة وعصير...... يعني عشتوا مسويات ريجيم ......

ردت نجد : يا ويلي وليه ما قلتي لنا عشان ندرس ؟؟
هنوف : نوروه ووجع ليش ما تكلمتي وقلتي لنا من امس .... عشان ندرس بعد احنا بدون دراسة ما نفلح
سارة بحقد : نورة شنو هالحقد اللي فيج ( كلن يرى الناس بعين طبعه يا ساره ) ليشما تقولين لنا والا عشانج شاطرة يعني شفتي روحج علينا ... وقلتي بالطقاق خلهم يسقطووون ...؟؟؟

انصدمت نورة : شفيكم بنات اكلتوني ... وبعدين شهالكلام يا ساره انتي تعرفين اني مو جذي ولا الخباثة عادتي وترااااا توني دريت وانا عند المطعم قبل خمس دقايق قالتلي وحدة من البنات وانا مثلكم انصدمت .... بس شنسوي بعد ؟؟؟ لازم نمتحن

وكملوا البنات اكلهم ... ودق تليفون خلود
ردت : هلا دادي .. انا تمام
قامواااااا البنات يعلقون عليها كالعاده ......
هنوف : ههههههههه ياربي يا هالبنت يا كثر مياعتها دادي الناس يقولون هلا يبه وان كثروا ومصخوها قلوا بابا.. لكن هالبنت مياعتها بزووود
سمعتها خلود وردت عليها بسرعه : مالج شغل انتي شحارج ؟؟؟ يالملقوفه
قالت لها هنوف : اقول ردي بس ردي على دادي لا تنطرينه على التليفون ههههههههههه
خلود : يوووووووه منج غثيثة (وردت تكلم ابوها )
قالت لهم ساااارة : يلا يلا قوموا المحاضرة بتبدا بعد شوي
قاموا البنات بسرعه وراحوا كملوا الثلاث محاضرات اللي باقية لهم اليوم ..... وبعدها ركبت خلود سيارتها ( رنج روفر ابيض ) وراحت البيت قبلهم
اما البنات الباقيات فقعدوا يتغدون بالكلية والساعه 4 ركبت نورة سيارتها وخذت معاها سارة عشان توصلها لبيتهم لان سايقها تأخر عليها ....
وراحت هنوف بسيارتها ..... ونجد جالها السايق .........


بالليل عالساعة 9 دقت هنوف على نوره............
هنوف : هاي ماي دير
نورة : هلا هلا هنوف
هنوف: شلونج ؟ شخبارج ؟ من زمان عنج؟ يالقاطعة جذي لي مدة ما شفتج (تستهبل)
نورة: هههه ايه مدة طويلة بس من 5 ساعات يالمفترية
هنوف: يختي هوا 5 ساعات شويه دي كتير
نورة : هنوفوه شفيج متأثرة بالكلام المصري
هنوف : هههههه لا ابد وانا اختج بس توني خالصة من فلم مصري ....
نورة : .......... ( بعالم اخر)
هنوف حست برفيجتها متضايقة ومتكدر خاطرها ...... قالت بنفسها : اكيييييييد من سالفة اليوم
هنوف : نورووووه ترى حالج مو عاجبني هاليومين
نورة : ولا انا عاجبني حالي.....
هنوف : والحل معااااااااج ...؟ ومع هالعلة الغثيث ولد خالتج
نورة : لاااااااااتسبين وبعدين معاج وترى الحل بيد ربج مو بيدي
هنوف (عصبت ): لا بسب وبسب وبسب بعد ... من هاللي قلب حالج فوق تحت .. يختي شوفي نفسيتج شلون تغيرت من هالسنه هاذي ...!! وترى انا رفيجتج من عمر يعني ملاحظة حالج عدل
نورة : مااااااااا ادري يا هنوف ( وقامت تبجي )
هنوف حز بخاطرها حالها وتندمت انها كلمتها بهالموضوع بس كان لازم تعدل حالها المايل ) وقلت لها:
شوفي يا نورة مو عشانج رفيجتي انا اقولج هالكلام لاااا انا اقول من احساسي ان هالولد ما يستاهلج ولا يستاهل دمعة من عينج .....
نورة : هنوف مدري شفيه علي كل ماشافني قام يستفزني بأي طريقة لين يخليني اطفر واحنا على هالحال من ومان من كنا صغار ........
هنوف : بس لا تبجين وربج بيفرجها.... بس تبين مني طنشيه وهو بيركض وراج ....
نورة : ما اقدر يااا هنوق صعبة اطنشه .. وصعب اكثر اني اتقبل سوالفه اللي يطفرني فيها
هنوف : خلاص يا نورة اتركي اللي كاتبه ربج يصير
نورة : ونعم بالله.... الا بسألج عن البحث المطلوب مننا
هنوف : ايه شفيه ......................(( وكملوا سوالف بحوث وكتب مالكم فيهااااااااا )) هههههههه
وبالليل س 9:30 شبكوا الخط البنات وقاموا يسولفون ... ضحك وسوالف ... وعبط .....

اليوم الثاني ....
دخل نورة الكلاس مبجر ما لقت احد الا طالبة وهي ما تعرفها .. فحطت كتبها بالكرسي وطلعت للسكوير ....
دخلت السكوير يووووووه ما في احد .... شفيني داشه مبجر اليوم الكلية ....؟؟؟
************************************************** ***

اليوم الثاني ....
دخل نورة الكلاس مبجر ما لقت احد الا طالبة وهي ما تعرفها .. فحطت كتبها بالكرسي وطلعت للسكوير ....
دخلت السكوير يووووووه ما في احد .... شفيني داشه مبجر اليوم الكلية ....؟؟؟

قعدت نورة بالسكوير وقامت تقرا مذكرات ماده صعبة معقدتها .... وشوي ودخلت عليها سارة
سارة : قوة نورة ... شفيج جايه الكلية مبجر اليوم ؟؟؟
نورة : هلا سارونه ... مدري جايني نشاط زايد شوي اليوم ... فقلت اجي مبجر
سارة : وين البنات ؟؟؟؟
نورة : محد جا بس انا ....
وشوي والا اسرة بققت عيونها من بدر اللي كان داش للوبي ...
سارة : نوروه شوفي شوفي من جا ؟؟؟
طالعت نورة بالمكان اللي تطالع فيه سارة والا تلاقي بدر ... يطالع يتلفت وجنه يدور له احد مو لاقيه ... شافهم وجا لهم ...
بدر مبتسم : صباح الخير ....
البنات : صباح النور .... 0 طبعا ساروه قعدت ما قامت ولا تسألوني ليش لانها ملقوفه شوي )
بدر: شلونج نورة :؟
نورة : انا بخير ... وانت؟؟
بدر: تمام ... نورة ما عرفتينا باللي معاج ....! ( سارة تشققت من الوناسه ان فيه احد عبرها وبدر بعد )
نوره بنفسها ( يا لقافتك يعني لازم تدري ): هذي رفيجتي ساره
بدر( لقاها فرصه ينرفز نورة كالعادة ) : اهاااا ما قلتيلي ان عندج رفيجه حلوة جذي ( ساااره الدنيا مو شايلتها)
نورة ( ماتت من القهر ) : والله مو لازم تعرف
بدر : بس بس لا تعصبين شقلنا احنا .... خلاص بس حبيت اسلم عليج واقولج اذا محتاجه شي ؟؟ بعد انتي بنت خاتي لازم نتوصى فيج....
نورة : لا سلامتك مابي شي
سارة لقتها فرصة: بلى يا ليت بدر اذا كنت فاضي تشرح لنا هالمذكرة اللي مع نورة لانها معقدتنا كلنا .. اذا سمحت ؟؟؟
نورة ( انقهرت من جرأتها ... هذي وهي توها تتكلم معاه طيحت الميانه .. انا اوريج يا سارووه ): ما له داعي ...
بدر : لا لا خلاص انا مستعد اشرحها لكم ....كم نورة عندنا احنا ؟؟؟ ( بدر كان يعز نورة من معزة خالته )
وبعدين لو سقطتي فيها يا نورة امي بتحط الحره فيني بتقول ليش ما ساعدتها ؟؟؟ هذي مثل اختك ..( قالها بيقهر نورة )
سارة : خلاص بنحدد الوقت اللي يناسبنا ونقولك ...
نوره ( صج هالبنت ما تستحي فشلتني )
بدر : خلاص اتفقنا ... والحين انا استئذن بروح اشوف رفيجي خالد من مساع وانا ادوره ومو محصله .. باي
البنات : باي

نورة على طول التفتت لساره : سااااااروه صج ما تستحين بسرعه طيحتي الميانه مع الولد وقمتي تشرطين
ساره : يوووووووووه عادي نونو الولد مبين عليه حبوب ... وبيساعدنا عشان ننجح لا تعقدينها بروحنا مستجدات ضايعات ما ندري شالسالفه .. وبعدين انا تعمدت عشان تتقربين منه يالهبلة ... هذا جزاي ابي مصلحتج؟
نورة : بس بس انطمي البنات جوا

خلود: هاااااااي بنات
نورة : وعليكم الهاي ... الناس يسلمون
خلود : ياااااي نونو شفيج صايرة معقده اكيد اعدتج هنوفوه
نورة : ههههه لا تسمعج الحين صدقيني بتحط حرتها فيج ...
خلود: بروحها مو مخليتني بحالي..مأزمتني هالبنت
البنات : هههههههههههههه
وجو بعدها نجد وهنوف .... وقاموا يسولفون وراحوا بعدها للكلاس لان المحاضرة بدت
طلعوا من المحاضرة وراحوا للكفتيريا ...........
خلود: بنات ترا امي مسويتلي حفلة عيد ميلادي ولازم كلكم تجون ....
نجد : اكيد نجي يا قلبي لو ما جيناج نجي لمنو ... ابشري
نوره : خلاص اوكي ببلغ امي
سارة: هاااااه .. مدري بشوف اهلي... ان شاء الله يرضون
هنوف : انا يا خلود اسمحيلي يمكن يدخلون جدتي االمستشفى ومضطرة اقعد معاها وقت ثاني اجيج ان شاء اللله

(( نسيت لا اقولكم ان هنوف يتيمه ابوها وامها توفوا بحادث لما كان عمرها 13 وجدتها هي اللي ربتها وساكنه بالبيت مع جدتها وعمها بس لان ما لها غيرهم بالدنيا ... وعمها اسمه نواف (24 ) ويدرس برا بايرلندا طب ... ويجيهم من وقت للثاني.... هو متعلق بهنوف حييييل لانها من ريحه اخوه الغالي )

خلود : حسافه هنوف .. الحفلة ما تنور الا بوجودج بس ما دامه ظرف اضطراري بنسامحج
هنوف: تسلميلي خلوده

وكملوا البنات سوالفهم عن حفلة خلود اللي بتكون يوم الاربعاء يعني بعد 3 أيام ..... وكل وحده بتستعد لها من الحين (( حركات البنات بعد ))

وانتهى الدوام على خير ... بالليل كانت نجد قاعده مع جدها وابوها بالصاله وامها ومرت اخوها بالمطبخ يسووون العشا ....
نجد تموت بجدها حييييييل ومتعلقه فيه وهو بعد يموت فيها لانها حفيدته الكبيرة بعد اخوها طلال ..
الجد: نجد يا بوج وش سويتي بالجمعيه ؟؟؟
ابوها: أي جمعيه يبه؟؟
الجد: هذي بعد ما غيرها اللي تروح لها كل يوم الصبح
نجد : ههههههههههههههههه جدي قصدك الجامعه
الجد : أي عليج نور ... هذي هي ما غيرها ... وش سويتي بها ... وش علومها؟؟
نجد : علوم الخير جدي... ابد ماشيه فيها وانا بنتك
الجد: بعدي والله كفوووو يا بعد راسي
نجد : يبه خلود مسويه حفلة ببيتهم وودي اروح لها... ممكن؟؟
ابوها: لا شي يوديج لبيوت الناس اقعدي بس مالج حاجه
نجد ( متضايقه ) : تكفى يبه الله يخليك والله ضايق خلقي من الدراسه وبعدين كل البنات بيروحون لها وانا باخذ امي معاي ماني رايحه بروحي
ابوها : لا يعني لا ... نجد لا تغثيني
الجد: بس يا ابوطلال لا تضيق لا بنتي خلها تروح تونس مع ربايعها ... لاتكسر كلمتي
ابوها: ما عاش من يكسر لك كلمه يبه ... خلاص نجد روحي يبه جدج توسط لج كالعاده ... محد مخربج علي الا ابوي
الجد + نجد : ههههههههههههههههههههه
راحت نجد تساعد امها ومرت اخوها ( خزنه ) بالمطبخ وقالت لهم عن الحفلة.... وطلبت من خزنه تروح معاها السوق عشان تشتري بدله لهالمناسبه وهدية لرفيجتها ...... ووافقت خزنه

دقت بالليل نجد على نورة وفلوها ضحك وسوالف وشبكوا هنوف معاهم بالمكالمة .....

بعد ثلاث ايااااام ( موعد حفلة خلود )

تجهزوا البنات واتفقوا انهم يطلعون مع بعض لبيت خلود

لبست نورة بنطلون جينز فيه شغل ذهبي من تحت وبدي ذهبي فيه كرستال مع تراجي (حلق ) ذهبي طويل وحطت مكياج ذهبي ....

ونجد كانت لابسه ثوب تايجر (نمري) وفيه شغل احمر من فوق .... قصير.... لا بسه تراجي لونهم احمر ... وحاطة مكياج ناعم حيييل وروج احمر .... وفاله شعرها الطويل ومسويته بف ....

ساره كانت لابسه بدله ورديه طويله مع حزام فضي ... ومكياج وردي ناعم .... ومموجه شعرها وحاطه ربطه ورديه ....

خلود... كانت ناعمه هالبنت مستشوره شعرها الكاريه الاسود ... ولابسه بدله زيبرا اسود وابيض فيها شغل كرستال اسود.... طويلة وفيها فتحه على طرف ....

............. دخلوا البنات بنت خلود وشافوا الناس كانت البيت مزحوم فوق وبالسرداب بعد ...شوي وشافوا م خلود باركو لها وراحوا يضبطون اعمارهم ... وشوي ودخلت عليهم خلود
خلود: قوووة يقولون فيه بنات معجبات يسألون عني ؟..
البنات: هــــــــــلا خلود ..... كل عام وانتي بخير
( سلموا عليها وعطوها الهدايا ... ورحوا تحت بالسرداب مع امهاتهم عشان الرقص كان تحت )

استانسوا البنات ورقصوا وفرفشوا ....وكانت خلود كل شوي لما تمر عليهم يعلقون عليها ( مهبل هالبنات )

جت خلود باخر الحفلة وقعدت معاهم تاكل من الكيكه بعد ما تعشوا من البوفيه
وشوي والا في وحده من الحريم تناديها ....
المره : خلود خلود
خلود ( انتبهت لها ): هلا خالتي ام حمد ..... وراحت لها
ام حمد : خلود حبيبتي ... منو هذي ام نفنوف تايجر اللي كنت قاعده معاها؟؟
خلود : هذي رفيجتي نجد .... وياي بالكليه خالتي
ام حمد : ايه يحليلها .... شكلها بنيه مؤدبه وحلوة بعد
خلود : أي خالتي هذي نجد رفيجتي من عمر .... تهبل هالبنت
ام حمد : خلاص حبيبتي روحي لرفيجاتج استانسي

شوي وردت لهم خلود .....
ساره ( ذبحها الفضول ) : خلود من هذي المرة اللي نادتج... شكلها ذربه ؟؟؟
خلود: أي هذي خالتي بدريه ام حمد ... هذي رفيجه امي من عمر.... كانت تبيني ورحت لها ... بطلي لقافه
ساره : ههههههههههههههه حرام عليج انا ملقوفه
نجد : انتي ام اللقافه كلها
نورة : لا وانتي الصاجه جدتها هههههههههههههههه
سارة: ترا ما تضحكون مليقات
نجد : ما عليج زود هههههههه
وكملوا السهر ضحك وسوالف ... وامهات البنات كانوا قاعدات فوق يسولفون مع بعض... ولما صارت الساعه 11ردوا لبيوتهم .......



--------------------------------------------------------------------------------

وبهذا القدر اكتفي اليوم بالفصل الاول .... على ان استمر فيها بدعمكم وتشجيكم .... في انتظار ردودكم وتعليقاتكم على القصة ...............

>>> بدعمكم سأستمر <<<


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-07-2008, 03:08 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: على كف القدر نمشي ولا ندري عن المكتوب روايه


~


الله يعطيك الف عافيه
موفقه عزيزتي
حابه اسالك الراويه كامله ؟


~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 29-07-2008, 03:41 AM
صورة هيرموني الرمزية
هيرموني هيرموني غير متصل
©؛°¨غرامي مشارك¨°؛©
 
الافتراضي رد: على كف القدر نمشي ولا ندري عن المكتوب روايه


الله يعافيك....
عندي كل الاجزاء اللي وصلت لها الكاتبه...
وان شاء الله بتكون كامله قريب...
اهم شي انه تعجبكم....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 29-07-2008, 07:40 PM
صورة هيرموني الرمزية
هيرموني هيرموني غير متصل
©؛°¨غرامي مشارك¨°؛©
 
الافتراضي رد: على كف القدر نمشي ولا ندري عن المكتوب روايه


(( البارت الثاني ))


*وفي عطلة الاسبوع .........

طلعت نورة مع اهلها للشاليه عشان يستانسون شوي .....
وخلود كان شاليهم جنب شاليه نورة بالخيران يعني مابينهم الا شاليهين بس .....

فيزورون بعضهم دايما بالشاليهات ....

دقت نورة على خلود يوم الخميس الساعه 7 الصبح ...

نورة : صباح الخير خلوده
خلود : هلا وغلا بنورة
نورة : هلا فيج خلودة . عندج شي الحين؟؟
خلود : نووو. قاعدة اتسبح بالمسبح على ما يقعدون امي وابوي من النوم
نورة : حلو . اجل تعالي عندي انا وريم اختي قاعدين برا بالشاطئ .. نتريق
خلود :اوووكي. خلاص ما دام انكم قاعدين دقايق اخذ شور سريع واجي لكم
نورة : حياااااااااج .باي

وقعدت نورة وريم بس ما تريقوا الا بعد ما جت لهم خلود ... وقعدوا ضحك ووناسه وبعدها ...
ريم : بنات امشوا خلنا نركب الجت سكي... من زمان عنه
نورة : الله يذكرج بالخير ... انا اقول شنو ناقصنا ... يلا امشوا مادام الشاطئ فاضي ما فيه احد كل العالم نايمة هالحزه .... ناخذ راحتنا
خلود : لا لا حبيبتي ما اركب لو شنو يصير .. تذكرين يوم اركب وياج نوروة وخرعتيني بغيتي تحذفيني بنص البحر مابي مابي
نورة : ههههههههههههه للحين تذكرينها ... لا لا هذي انا سويتها فيج بالصيف اللي طاف والحين انا عقلت وكبرت
خلود : لا كبرتي بشهوووور بس ... هذي حركاتج نوروه ما تخلينها اعرفج من عمر انا ... انتي اكبر متهوره
نورة: افااااااااااااااااا انا متهورة ... اجل ما عليج زود ... يلا يلا بلا دلع قدامي امشي بس خلنا نستانس ولا تخافين بخليج انتي تسوقين وانا وراج .. بس ها اذا سويتي حركات تخرع او استهبال ترا ما اعرف الا كشتج
خلود : لااااااااا لااااااااا الا شعري يا نورة لا تجيسينه يالدفشه
نورة : هههههههه يلا امشي عشان نعطي دور لريم بعد
ريم : عبالي نسيتوني
خلود: ووين ننساج واختج هالهبله معانا
نوره : انا هبله ؟؟؟
وراحت هي وخلود يركضون صوب البحر .... وفتروا بالجت سكي ولما حسوا ان الشاطئ بدا يمتلي ردوا...

ولقوا ابو نورة وام نوره وابو خلود وام خلود قاعدين مع بعض بالكراسي وجاطين لهم كيك وعصاير ( ابو نورة وابو خلود ربع من عمر )

جوا البنات .... وقعدوا مع اهلهم

يوم الجمعه الصبح .... دقت ام حمد على ام خلود تكلمها بموضوع ( تذكرونها ام حمد رفيجه ام خلود ).......

ام حمد : السلام عليكم
ام خلود : هلا وعليكم السلام والرحمة . هلا بدريه
ام حمد (بدريه ): هلا وغلا منى . شلونج ؟ وشلون خلود وابوها ؟
ام خلود: بخير اللله يسلمج ... انتي شلونج ؟ وشلون حمد ؟؟
ام حمد : بخير الله يسلمج ... وهذا اهوا عندي يسلم عليج

(ام حمد هي بدرية رفيجة ام خلود ومعاها بالدوام كلهم كانوا رئيسات قسم باحدى الوزارات بس ام خلود تقاعدت وام حمد كملت شغل ... وافتحت لها صالونات ومشاريع من ورثها اللي ورثته من زوجها بو حمد الله يرحمه ... اللي توفى من خمس سنين ... وهي اللي ربت ولدها .... وهم من عايلة حضريه وتقرب لام خلود من بعيد .... ام حمد تموت بولدها الوحيد (حمد) عشان جذي درسته بارقى الجامعات ببريطانيا تخصص ادارة اعمال ... ومسك شركة ابوه من بعد ما اشترى حصص شركاء ابوه فيها .... فصارت الشركة الكبيرة باللي فيها ملكه .... حمد عمره 27سنة ومو متزوج للحين لان امه متعلقه فيه حيل وهو بعد .... وللحين ما في بنت عجبتها .... وهو ماشي بشغله ومو مهتم لهالموضوع مع انه مزيون ودايما رفيجات بدريه يلمحون لها عشان تخطبه له وحده من بناتهم ) نرجع لحوارنا:

ام حمد : ام خلود ... والله يختي انا بغيت اكلمج بموضوع تدرين انتي بحسبه اختي ... وابي اشاورج ...
ام خلود : قولي يا بدريه شعندج ... لا يكون بتزوجين من عقب بو حمد هههههههه
ام حمد : لاااا ويه الله يهداج يا منى .... انا وين والزواج وين ؟؟؟
ام خلود : ليش انتي توج صغيرة عمرج 46 بس ... الله كبرج للحين ما تزوجوا... وانتي حيل مهتمة بنفسج .... كشخه وذربه بعد شتبين اكثر؟؟
ام حمد : هو. الله يخس بليسج منى تبين ترفعين معنوياتي مو عارفه قولي عنسوا وخيسوا بعد
ام خلود : هههههههههه ... هذا جزاتي بفرح فيج
ام حمد : سمعيني يختي نسيتيني السالفه يا حافظ
ام خلود : من جبنا طاري الزواج طار مخج وتقولين مابي اتزوج
ام حمد : ههههههههه يختي انتي شفيج علي اليوووم خليني اكمل السالفه
ام خلود : قولي قولي
ام حمد : يختي انا نويت ازوج ولدي حمد الغالي
(( حمد كان قاعد يتريق مع امه بطاولة الطعام الموجوده بصاله بيتهم الفخم ... ويقرا الجريدة ... اول ما قالت امه هالكلام ... استغرب عقد حواجبه وطالع مستغرب من كلام امه اللي كانت رافضه هالموضوع بتاتا ولا مره حتى تكلمت فيه معاه من بعد ما فسخت خطبته من بنتين من قبل ... لانهم ما عجبوها على قولتها .... فولدها ماله الا رضى امه ... ونفذ امرها ))

ام خلود : لا صج كللووووووش . فرحتيني حمد بحسبه ولدي... وغلاه عندي مثل غلا خلود
ام حمد : هو . شفيج انتي ما خذتني بشراع وميداف من اليوم خليني اكمل كلامي
ام خلود: قبل لا تكملين كلامج ان شاء الله هالمره ثابته مو مثل المرتين اللي طافوا فرحتينا وبعدين فسختين خطبتين لولدج ....
ام حمد: لا لا انشاء اللله ثابته هالمرة .. يختي الاولى ما رتحت لها ... والثانيه بنت ابوجاسم (وهو رجل اعمال معروف رفيج ابو حمد الله يرحمه ) امها ما عجبتني .. شكلها نسره خفت تفترسني انا ووليدي
ام خلود: انا بعرف انتي منو اللي يعجبج .؟؟
ام حمد : لا لا فيه ناس يعجبوني وهذي اللي نويت اخطبها لولدي الغالي
ام خلود : من سعيدة الحظ اللي حازت على اعجابج
ام حمد : انتي تعرفينها ... رفيجه بنتج خلود ... اللي شفتها يايه بعيد ميلادها
ام خلود : أي وحده ...؟؟؟ نورة والا سارة والا نجد ؟؟؟
ام حمد:والله مادري نسيت اسمها ... ناديلي خلوده خليني اسألها عنها
ام خلود : دقايق بدق عليها تيي لانها بالشاطئ مع رفيجتها نورة
دقت ام خلود على خلود ونادتها .....
خلود (جت تركض ) : هلا يمه... بغيتي شي ؟؟؟
ام خلود : سلامتج يمه بس هاج خالتج بدريه تبي تكلمج
خلود : الو ... هلا خالتي بدريه
ام حمد : هلا يمه ... شلونج ؟؟؟ وشلون الجامعه ؟
خلود : تمام خالتي ... انتي شلونج ؟ وحمد شلونه؟؟؟
ام حمد : حمد بخير ... يسلم عليج ..... يمه خلوده بغيت اسألج منو رفيجتج اللي يت لعيت ميلادج لابسه تايجر على ما اعتقد وشعرها طويل اسود ؟؟؟
خلود: هذي خالتي رفيجتي نجد اللي سألتيني عنها بالحفلة
ام حمد : اييييييييه تذكرت ... ماشاء الله عليها تهبل وايد عجبتني
خلود : ايه نجد سمله عليها تهبل بنيه جمال واخلاق وادب وحسب ونسب ... هذي رفيجتي من عمر وانا معاها .....
ام حمد : ماشاء الله .. وشلون اهلها ؟؟؟
خلود : اهلها خالتي ناس اياويد ومعروفين بمنطقتهم
ام حمد : اهااااا خلاص عيل .... اقولج عز الطلب بخطبها لولدي حمد ماراح القى مثلها
خلود : ههههههههههههه
ام حمد : هووووووو .... خلود شفيج تضحكين ... ينيتي ؟؟؟
خلود : لا لا خالتي بس اقولج ما اعتقد انهم بيوافقون
ام حمد : ليش ان شاء الله وين بيلاقون مثل ولدي؟؟؟
خلود : لا لا خالتي ولدج معروف اصلا مافيه مثله ( خلود وحمد متربين مع بعض رغم فارق السن بينهم لكنه يعتبرها مثل اخته الصغيره ) ... بس خالتي نجد بدويه ولها عيال عمها اللي ما اتوقع انهم يرضون يعطونها لغريب

ام حمد : لا لا بيعطونها وبعدين احنا حسب ونسب وصج متحضرين بس اصلنا بدو ومن نيد بعد (نجد) فما اظن بيردونا
خلود : ما ادري خالتي بس البنيه تستاهل اللي يخطبها
ام حمد : خلاص خلاص يمه اشغلتج وياي .... انا ان شاء الله بشاور ولدي واشوف ؟
خلود: اخذي راحتج خالتي
ام حمد : باي يمه
خلود: باي

سكرت ام حمد الخط وهي مشغوله تفكر بالسالفه ... وقطع عليها التفكير ولدها ....
حمد : ماشاء الله الوالده تخطط من ورانا.....

ام حمد : هاااااا .... لا يمه مو من وراك ولاشي .. بس انا اتكلم مبدئيا لان البنت عجبتني وهي يا حمد ..................
قاطعها حمد: لا تكملين يمه انا سمعت كل اللي دار بينج وبين خلود ... بس انا مابي اتزوج
ام حمد : لااااااااااا ليش يا وليدي
حمد : بس والله يعافيج يمه مابي انا جربت حظي بالخطبه كذا مرة وفشلت ... وعندي شغل لي راسي ومو فاضي الصراحه لهالموضوع ....
ام حمد : بس يمه البنت تستاهل ....
حمد :خلاص خلاص يمه سكري الموضوع ... ويلا انا اترخص تأخرت عالشركة عندي وفد اليوم .... مع السلامة (حب راس امه وطلع )
ام حمد : حافظك ربي يالغالي


ببيت نجد الظهر يوم الجمعه ...........
نجد كانت تلعب مع بنت اخوها دلال الصغيره عمرها 3سنوات
نجد : من حبيبتي ؟؟
دلال: انااااااااااااا
باستها نجد ( يا قلبي انتي ) :دلوله تبين برد ؟؟
دلال : أي
نجد(شالتها): يلا نروح المطبخ نجيب لج برد
راحت المطبخ وقعدت تدور بالثلاجه على كيس الايس كريم اللي شرته امس ما لقت منه الا حبه وحده ... عطتها لدلول
نجد تكلم الخدامه : كوماري منو ياخذ برد من الفريزر ؟؟؟
كوماري : هدا نايف امس ياكل كلو ايس كريم (نايف ولد اخو نجد وعمره 7 سنوات واخو دلال الصغيرة )
نجد : الله ياخد عدوك يا نايف جانك ما تجوز من هالطبع
وقامت تصارخ عليه بالصاله : ناااااااااااااااااايف ... نايفووووه وجع رد ادري انك فوق...

نايف نزل يركض من الدرج : هلا هلا نونو
نجد (معصبة ) :نونو بعينك ليش تاخذ البرد من الثلاجه . لا وبالعه كله بعد ... اعنبوا دارك بلاعيمك وسوينا لك عمليه وشلناهم ... شبقا فيك شي صاحي... وفوق هذا تبلع ...؟؟؟
نايف : شفيج شفيج عميمه ... مدري انهم لج اصلا ؟؟
نجد : لا والله ... تستهبل انت منو غيري مدمن عالبردات ... ويعبي بهالثلاجه ؟؟؟
نايف : خلااااااااااص توبه توبه مابي منج شي
نجد: احسن بعد (شهقت ) لاااااااااا يكون بلعت برد باسكن روبنز بعد ؟؟
نايف : لا لا هذا ادري امج بتذبحيني عليه ما قربت له تلقينه بالفريزر الثاني
نجد: اشواااااااااا... عبالي جان اهدرت دمك هنيه يالنشبه... كل شي الا باسكن حبيب ألبي .. ويلا لا عاد اشوفك مقرب يم الفريزر لا ادفنك فيه ... وشاتته برجلها المسكين حق امه اللي قاعده بالصاله وقالت لها : خزنه استلمي ولدج هههههههه... والا الولد جا لامه طاير من شوتتها

خزنه : هينيا نجيد ذبحتي ولدي ...وحيدي
نجد : وحيدج يالمهوله ... وهالدبه القطبيه اللي معاي منو بنته ؟؟؟ ( تقصد دلال بنت خزنه )
خزنه : هذي بنتج انتي اللي مربيتها
نجد : فديتها بنيتي...

شالت دلول وراحت لغرفتها فوق وشغلت لدلول اغنيتها المفضلة . اغنيه دلوله (لصابرالرباعي)

وقامت ترقص دلوله ... يا دلوله عليك نموت .... يا احلى من طعم التوت

شوي والا يدق تليفون نجد .... كانت هنوف المتصلة
هنوف : الو قوه
نجد : الله يقويج ... ويسعد ايامج ولياليج
هنوف : ها شلونج نجود ؟؟؟؟ اسمع وراج مسجل سكريه صوته عالي
نجد : ههههههههههههه أي انا ولدلول نرقص
هنوف : يحليلكم فالينها عدل
نجد : أي شفتي شلون حياج تعالي لنا ؟؟
هنوف: والله هدف نبيل ... اجي عشان ارقص معاج انتي وبنت اخوج
نجد: هههههههههه كيفج انتي الخسرانه
هنوف: يختي ضايق خلقي وقلت ادق عليج... هالسلق الثنتين راحوا الشاليهات وخلونا (تقصد نورة وخلود )
نجد : ههههههههه أي يحليلهم فقدناهم تلقينهم مسانسين بالبحر الحين
هنوف : أي أي نجيد طلعتي تحبين البحر
نجد : لا وع انا حبيبتي ما يجيب راسي الا البر .. البر وبس ... البحر خلوه لكم
هنوف: صج بدويه هههههههههههههههه
نجد: عدال يا بدويه نمبر تووووو...الطبق يضحك بالمنخل ... كلنا بالهوا سوا
هنوف : ههههههههههههههههههه
نجد: هنوف. شلون جدتج؟؟؟
هنوف: والله بخير ما عليها ... هذي هي فتره مراجعه بالطبيب
نجد : الله يعافيها ان شاء الله
هنوف: الله يسمع منج يارب
نجد: وعمج نواف شلونه مع الدراسه..؟
هنوف: توني مكلمته بالتليفون .... وبيجي بعطلة الصيف ان شاء الله بعد تخرجه
نجد: ماشاء الله ... يلا الله يوفقه خله يجي ويونسج انتي وجدتج البيت فاضي عليكم
هنوف: أي والله ضيقة خلق بدونه
وكملوا سوالفهم وبعيدين سكروا التليفون وكل وحده راحت تذاكر لان عندهم كوز باجر
وخلود ونورة ردوا من الشاليها لبيوتهم المغرب .....

ثاني يوم كالعاده البنات تجمعوا بالكلاس الصبح يراجعون للكوز... ونورة قالت للبنات بان عندها حفل تفوق اختها ريم بثالثه ثانوي فتبي تروح لها مبجر وبطوف نص الدوام عشان تلحق عالحفلة
وكملوا البنات الدوام بدونها ...

وبنهاية الدوام طلعوا كل البنات ماعدا نجد وسارة كانوا يسولفون مع بعض على ما يجون لهم السواق .... شوي وجا سايق نجد وطلعت وبقت ساره بروحها ... شوي والا تشوف بدر قاعد بروحه وشكله يقرا جريده الجامعه .... (سارة كانت معجبة ببدر بس ما تبين للبنات عشان نورة )

قالت بنفسها ( فرصتج فرصتج يا سارة. ) قامت وراحت له وهو كان قاعد رفع راسه لقاها جايه له ...
قالت له(بمياعه ) : قووووة بدر
بدر: هلا سارة. اسمج ساره اذا ما خانتني الذاكرة صح ؟؟؟
سارة (استانست وبعد ذاكر اسمي ): أي عليك نور انا ساره ... شلونك؟
بدر (ابتسم ) : انا بخير وانتي شلونج..؟
سارة : تمام
بدر: هااا اشوفج بروحج ... وين نورة الزعيمه وشلتها عنج؟؟؟

سارة (استغلت الفرصة وبدت تجذب ) أي البنات راحوا لان اخر دكتور عندنا اعتذر ... نورة راحت حفل تفوق ريم اختها .... وانا شفتك فقلت اجي عشان تفهمني الفصل اللي قلت لك مو فاهمته .. ان شاء الله انت عند وعدك .؟؟؟

بدر: أي اكيد عند وعدي ... بس وين نورة عشان اشرح لها معاج بعد ؟؟؟ نطريها وخليها لباجر
(سارة اشتغلت الغيرة اللي بقلبها وقالت بدون تردد ) : لا لا نورة اصلا شاطرة وما تحتاج احد يشرح لها .... وهي قالت لي انها ما تبيك تشرح لها لانها فاهمه كل شي ... وقالت لي اذا تبين خلي بدر يشرح لج بروحج اذا تبين ؟؟؟

بدر: اهاااااااااااا اذا جذي خلاص ... تقدرين تنطريني بالكفتيريا على ما اكلم دكتوري واجي لج؟

ساره ( استانست ) : زين اوكي بنطرك
ودقت سارة على السايق وقالت له ينطرها برااا

وراحت للكفتيريا وطلبت قهوه لها ولبدر بعد ( يعني عشتوا عندها ذوق )
جا بدر (وقعد بالكرسي) : هاااا ... وين الفصل اللي انتي مو فاهمته ؟؟
سارة : لحظة اشرب قهوتك بالاول على ما اطلع لك الفصل
بدر: مشكوره
سارة : العفو ما سويت شي ... وطلعت له الفصل وهو قام يشرح لها بضمير وهي الاخت سرحانه فيه وبعالم اخر شوي تنتبه له وشوي تسرح

بدر( عقب ما خلص ) : ها فهمتي سارة ؟؟
سارة: أي أي يعطيك الف عافيه بدر
بدر: الله يعافيج
ساره : بصراحه يا ليت كل شباب الكليه مثلك .... معذورة نورة لما تحبك( قالتها بلقافه )
بدر ( انحرج من كلامها ) ونزل راسه وقال : لا وهم انا احب نورة لانها بحسبة اختي دانه ... نورة بنت خالتي ومعزتها عندي مثل معزة خالتي

سارة ( هذا يومج يا سارة ): لا ... يعني نورة اختك وبس؟؟؟ ( قالتها بتشكك )
بدر: وبس ... والحين انا مضطراطلع تامريني بشي ؟؟
سارة : لا سلامتك ... بس بدر ابي اطلب منك طلب واتمنى انك ما تردني ولا تفهمني غلط
بدر: تفضلي
سارة : بصراحه بغيت منك رقم تليفونك ... ولا تفهمني غلط انا ما احب هالسوالف بس شسوي الماده معقدتني وامتحاني عقب 3 ايام ... فاذا استصعبت سؤال ادز لك مسج وانتي تجاوبني بمسج وبس ... لاني ابي انجح بهالمادة بأي طريقه ... ممكن؟؟؟

بدر( سكت وافترض فيها حسن النية ) : اوكي اخذيه عندج وكتبه بمذكراتها ... ودزي لي مسج ... وقولي لنورة لو تبي سؤال بعد ؟؟

سارة(هم نورة بعد ) : زين بس مااظن انها تبي منك شي .... بدر بصراحه انا مابي نورة تدري اني اخذت رقمك لانها لو درت بتفكر شي ثاني ... وانا ما بي اخسرها

بدر: والله ما اعرف تفكيركم انتوا يالبنات شلون صاير ... خلاص اوكي
سارة : يلا مع السلامه ومشكور ما قصرت
بدر: العفو ... مع السلامة

سارة استانست من اللي سوته وطلعت وهي بالطريق مع السايق قامت تفكر بينها وبين نفسها
(( والله جا اليوم اللي اخذ منج ياا نورة اللي تحبينه .... طول عمرج وانتي محط الانظار ... انتي دايم الاولى من عرفتج ... وبالانتخابات مجلس الطالبات انتي الاولى .... وبالمحبه بين رفيجاتج انتي الاولى ..... وبالجمال انتي الاولى ..... وانا يمج ولاشي.... صفر على الشمال .... انا ما انسى كلمة هنوف لما قلت لها : نورة يمكن تخسر بالانتخابات ؟؟ وكانت معينتنا كلنا مندوبين لها بالثانويه نجمع لها الاصوات ... وردت علي هنوف : لا لا حبيبتي هذي نورة الاولى بكل شي وراح تفوز باعلى الاصوات وبتكون الرئيسة وبتشوفين .... حبيبتي شقالولج ساروه هذا لو انتي جان ما فزتي انتي منو يعرفج قوليلي ؟؟؟ ما في غير شلتنا ولولا نورة ما دخلناج بالشلة ... ...
نورة...نورة....نورة.... وين ما راوح نورة اذوني فيها عشان جذي انا تقربت منها ودخلت بشلتها عشان اعرف هي شنو احسن مني فيه ... واصير مثلها واحسن بعد )) ....... هيييييييييين يانورة الوعد قدام ؟؟؟؟؟؟ ونشوف منو الاحسن ...؟؟؟ ههههههههههه ضحكت واستغرب السايق من ضحكتها اللي طلعت فجأة ؟؟؟ مجنونه هالبنت


• بيت ام حمد العصر ... س 5

ام حمد قاعدة بالحديقة وتكلم المسؤولة بالصالون مالها ....
ام حمد : شوفي الاغراض اللازمة للصالون كتبيهم لي وانا باتفق مع شركة التجميل يوفرونهم لنا... يلا مع السلامة
حمد قعد مع امة بالحديقة : مساء الخير يا ويه الخير
ام حمد: مساء الخير يمة ... ها شلون الوفد اللي ياي لك من امريكا ؟؟
حمد: تمام وحجزت لهم بالاوتيل ... وان شاء الله هاليومين نعقد الصفقة
ام حمد : خووووش حجي يمه ... الله يبشرك بالخير... والله انك تذكرني بابوك حتى بالشغل
حمد : الله يرحمه ... الا يمه بو صالح يسلم عليج
ام حمد : الله يسلمه يحليله ... شخباره اهوا وزوجته وعياله ؟؟
حمد: بخير (( بو صالح ... شايب كبير كان مأسس الشركة مع بو حمد ... واستمر فيها بالشغل حتى وفاة بو حمد .. وبعد وفاته اشتغل باخلاص ومسك الشركة سنه كامله بروحه لين يرد حمد باخر سنه من التخرج ..... وله الفضل بحماية الشركة من الخسارة او تلاعب الشركاء... وعلم حمد بكل الشغل خطوة بخطوة .... لين قدر حمد يمسك الشركة بروحه كمدير عام ورئيس مجلس ادارة .... ورد هو يشتغل نائب مديره .... وحمد يحب بوصالح حيل ويعبره عمه لانه صديق ابوه الوفي .... ومن كثر حب حمد له تكفل هو بمصاريف دراسه ولده صالح بجامعه خاصة بالكويت

ام حمد : حمد ... بغيت اكلمك بموضوع ولا تقاطعني ....
حمد : ما عاش اللي يقاطعج يمه تفضلي ...
ام حمد : حمد يمه انتا ولدي الوحيد وابي افرح فيك واشوف عيالك ...ومابيك يمه تتعقد من الخطبتين اللي فشلوا قبل ... لانه لامني ولامنهم هذا النصيب يا يمه الله مو كاتب ان تاخذهم
وانا احس اصلا اني تسرعت بالخطبة... لكنك كبرت يمه الحين وبروحك تقدر تختار اللي تعجبك ... فانا تاركه لك حريه الاختيار ....
حمد : تختيار شنو يمه انتي عارفه اني دافن روحي بالدراسه قبل والحين قاعد اكرف بالشركة عشان احافظ على حلالي ولا حلال ابوي الله يرحمه ... والاهم اني احافظ على سمعته وسمعه شركته اللي يعرفونها كل التجار بالديره ... وانتي اتعرفين اكثر مني اني ما اعرف لا وحده ولا بعرف ... لاني ماعندي وقت

ام حمد : ادري ادري يمه ... اعرفك ... عيل خلاص انا لقيت لك البنيه اللي راح تعجبك ما شاء الله عليها قمر قمر لا وبنت ناس اياويد انا سألت عنهم وتدرس مع خلود بالطب وعمرها 19 سنه

حمد : ما شاء الله يمه كل هالمعلومات مطلعتها عنها ... حشى مباحث ... وبعدين يمه مو جنها صغيره علي...

ام حمد: ههههههههه أي بعد مرت ولدي لازم اسأل عنها... ولا مو صغيره عليك البنت تهبل ما تنطوف مره سمله عليها

حمد: ههههه مرت ولدج مرة وحده على طول يمه ... المهم يمه كيفج سوي اللي تبين بس انا لي شرط
ام حمد : شنو يمه ؟
حمد : ابي اشوفها قبل لا تخطبينها لي ... مابي نفس اول مره خطبتي لي ... على طول خبط لزق خطبتيها من غير ما اشوفها وبصراحه كانت عاديه

ام حمد : والله يمه مدري شقولك ؟؟
حمد: شتقولين بعد ؟؟؟ ما فيها شي ؟؟؟ والشرع حلل هالشي .... هذا زواج مو لعبه

ام حمد : معاك حق يا وليدي ... دقايق بدق على خلود

ام حمد : قوة خلود
خلود : هلا خالتي الله يقويج ...وينج من زمان عنا ...؟ انتي وهالشايب ولدج ( خلود تقول عن حم
شايب عشان تطفره )

ام حمد: لا ابشرج هالشايب قريب بنزوجه
حمد (سمع خلود قالت عنه شايب ورد عليها وقال : انا اوريج يالعيوز المخرفة .... انا شايب ... دشيتي طب وضربت فيوزاتج )

خلود : هههههههههه يحليله ولدج خالتي بدرية بسرعه يتنرفز
ام حمد : بسكم عاد نجرة وهواش ... المهم خلود انا بصراحه قررت اخطب رفيجتج نجد لحمد شرايج؟؟؟
حمد : لاااااااا ورفيجه خلود بعد ... مابيها مابيها يمه بتيبين لي وحده ياهل ومينونه مثلها والله مابيها ... ليش قلوا العقال بالديره

خلود : لاااااااااا خالتي ولدج هذا حيل شايف روحه عالفاضي ترا يحمد ربه لو نجود قبلت فيه
حمد : لا تقبل احسن .... وحده من طرفج انا عايفها مابيها

ام حمد : ههههههههه راسي صدع منكم انتوا الاثنين .... المهم خلود ما عليج منه لا شافها بيتغير رايه

حمد : الله يالثقه... منو خاطبين لي ليندسي لوهان ؟؟ ولا انجلينا جولي ؟؟؟
ام حمد : لا يا براد بيت ... اسكت بس اسكت عطيناك ويه ... المهم خلود براد بيت اقصد حمد ذبحني يقول ما تخطبينها لي الا لمن اشوفها ؟؟
حمد وهو كان يكلم واحد من موظفينه ...... وقام يتمشى ويكلمه بعيد عن ازعاج امه وخلود

خلود : الله الله بيشوف نجد مرة وحده اهلها ما يرضون
ام حمد : ادري توقعت عشان جذي انا دقيت عليج لان الاخ يقول هذا زواج مو لعبه ؟ لازم اشوفها
خلود: أي صح كلامه ... بس شلون خالتي مادري ؟؟
ام حمد: عاد هذي رفيجتج وانتي تعرفينها .... دبرينا لو يشوفها من بعيد ؟؟
(( رد حمد يقعد مع امه بالحديقة ... ))
خلود : اممممممم خلاص خالتي قوليله هو فاضي باجر يمرني بالكلية ....
ام حمد : حمد تقولك خلود انت فاضي باجر تمرها بالكلية ؟؟؟
حمد : والله اقدر الظهر باجربعد ما اخلص من اجتماع الوفد
خلود: خووووش خلاص خليه ايي لنا بالكليه ... يعني جنه بيعطيني شغله لامي وبتكون اهيا عندي ويشوفها
ام حمد : خووووش كلام ... خلاص حمد تمر خلود وهيا بتوريك البنت .. واذا عجبتك بتوكل على الله ونخبها الاسبوع الياي
خلود: بس خله يدق علي الساعه 12 عشان اقوله احنا وين
ام حمد : ماشي ماشي يمه ريحتيني الله يريحج
خلود: الله يوفقه ويبلغج فيه خالتي وتشوفينه معرس هالشايب
ام حمد: ههههههههه امين
خلود: يالله خالتي باي
ام حمد : بايات
************************************************** ***
شنو تتوقعون ردة فعل حمد تجاه نجد لما يشوفها؟؟؟ وشلون بيكون تهديد سارة لنورة ؟؟؟؟؟





القاكم قريبا بالبارت الثالث من القصة ......
وابي اشوف تعليقاتكم على كل بارت وشخصيات القصة .... لاهنتوا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-08-2008, 06:56 PM
صورة هيرموني الرمزية
هيرموني هيرموني غير متصل
©؛°¨غرامي مشارك¨°؛©
 
الافتراضي رد: على كف القدر نمشي ولا ندري عن المكتوب روايه


هااااااااااي صبايا
كيفكم...؟؟
ان شاء الله تمام...
مافيه ردود.....!!!
اذا ما عجبتكم القصه ماراح اكملها....
بس بنزل الان بارت جديد وابي اشوف ردودكم...
سوا عجبتكم والا لا....؟؟؟
ابي اعرف رايكم بالقصه....
ولكم تحياتي....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-08-2008, 04:16 AM
صورة هيرموني الرمزية
هيرموني هيرموني غير متصل
©؛°¨غرامي مشارك¨°؛©
 
الافتراضي رد: على كف القدر نمشي ولا ندري عن المكتوب روايه


((( البارت الثالث )))

صباح السبت .....

نورة ( تدق على نجد ): صباح الخير ... اليوم سبقتج وقمت قبلج ... يلا قومي
نجد : ههههههههه سمله علي شفيج اكلتيني؟؟ نووو نووو يا حبيبتي ما قمتي قبلي
.. اصلا انا محد يقوم قبلي بالكويت كلها الا الديج ( الديك )
نورة : هههههههههه عارفه روحج جنية مقعده
نجد : يمه سمله علي ... لا هاللقب بتنازل عنه لج... شعندج قاعدة اليوم مبجر
على غير العادة.. يعني ما نطرتني ادق عليج .. عشان تصبحين بصوتي العذب
نورة: وانا قاعده اليوم اقول بقومها اثاريج قاعدة ..... عنبو دارج ما تهمدين
ولا تنامين انا يتراوالي لو ادق عليج الساعه 3 الفجر هم القاج قاعدة
نجد : هههههههههههههههه أي انا متواجدة بكل حزة ...اليوم قاعدة من الساعه 5
صليت الفجر وقعدت مع جدي فديته ......
نورة : اعنبو دارج لاصقة بهالجد لصقة يالعجوز.... ما تسولفين مع غيره ببيتكم
... اربع وعشرين ساعه وياه لين صارت سوالفج سوالف عجايز
نجد: ياااااااا وخيتي كبرنا وشيبنا ... وراح زمانا اول الله يرحمه
نورة: هههههههههههههههههه ويلوموني فيج يالعجوز والمصيبه عمرج 19 سنه ...
يالله عطلتيني انا الحين بسيارتي طلعه للجامعه امشي ادامي يلاااااااا
نجد: هههههههههه ان شاء الله ... يابنيتي
نورة : اوووووووووف منج بااااي
نجد: ههههههه بايات

ووصلوا البنات الكلية ..... وتهاوشت نورة مع نجد لانها منقهرة منها من
مكالمتها لها وصبحوا البنات بهوشه بين نورة ونجد ....
خلود : بنات يلاااااااا امشوا للكلاس بسرعه قبل لا يطردنا هالدكتور الغثيث
البنات : يالله مشينا
ودخلوا البنات الكلاس...... والدكتور قالهم اذا يبون أي سؤال لانه امتحانهم
باجر ...(تذكرونه الامتحان اللي درسه بدر لسارة )
وطبعا نورة ونجد قابلوا الدكتور واذبحوه من كثر الاسئله .... اما هنوف وخلود
فطلعوا مالهم خلق يسألونه ... وطبعا الاخت سارة فاهمه كل شي من شرح بدر لها

اطلعوا نورة ونجد وراحوا لقوا البنات ناطرينهم براااا عشان عندهم بريك وبعدها
المحاضرات ورا بعضها ............
سارة : نورة ونجد كل هذي شطاره مقابلات الدكتور
نجد: وانتي شحارقج ؟؟؟ كيفنا
سارة : اقول مالت امشوا امشوا للكفتيريا يلااااااااا
البنات : يمه من لسانج يالعوبه ... تيبن تمشينا على كيفج ؟...
سارة (طلعت فيهم بطرف عينها وسكتت ) وكملوا البنات طريقهم للكفتيريا

خلود : يووووووه بنات نسيت ابي اسأل اخذ كتابي من اللوكر
هنوف : يوه يالبارده ياللي اسمج خلود ... زين ما تسين روحج
نورة : خلاص اخذيه وردي لنا
خلود ( تبي تصرفهم ) : اوكي ... بس مابي اروح بروحي ... امشي معاي نجد
نجد : ياااااااااااربي مالي خلق ... جيبي الكتاب وتعالي
خلود : مابي مابي مشي معاي
سارة : يالله امشوا عطلتونا .....
(سحبت خلود نجد من ايدينها ) وراحوا يمشون .........
والبنات كملوا الطريق للكفتيريا .....

وصلوا للوكرات ... وفتحت خلود لوكرها واخذت كتابها ...
نجد : يالله مشينا
خلود : لحظة لحظة دقيقة شفيج طايرة...؟؟
نجد : شتبين بعد ؟؟؟
خلود : بدخل اعدل ملفعي دقيقة
نجد: يلاااااااا انطرج برا
( دخلت خلود ودقت على على حمد )
خلود: قوووة حمد
حمد: هلا هلا خلود الله يقويج . شلونج ؟؟
خلود: تمام بخير والله يسلمك (قالتها بسرعه )
حمد : ههههههه شفيج من لاحقج ...؟؟ متى بتعقلين يهالبنت
خلود(تهمس بالتليفون ) : خلصني انتا وينك ترا يالله سحبت نجد .... وهي ما
تدري عن شي ... واذا اخرتها بعد بتدوس ببطني ... بتطلع للبنات بالكفتيريا
....
حمد : هههههههههههههه خليها تدوس ببطنج حلال عليها اذا هي حلوة ... تسوي فيني
خير
اما اذا طلعت جيكرة يا خلودوه فانا اللي بجي وبدافع عنج وادوس ببطنها...
خلود : هههههههههه صج مالك صاحب .... المهم وينك الحين ؟؟؟
حمد : انا كاني واقف عند باب الكليه ( ودخلت عليها نجد بهالوقت )
خلود (تمويه لنجد) : يالله تعالي دخلي الكلية ... بتلاقيني عند اللوكرات
واقفة
حمد (فهمها ) : اوووووكي . باي

نجد( كانت مشغولة تعدل ملفعها ): منو اللي بتزورج بالكليه ...؟ فاتحه الكليه
مزار حضرتج
خلود (عشان ما تشككها ): هههههههه لا بس خلتي ام حمد دازتلي شغله مع السايق
والخدامة ... باخذها وبروح ....
نجد: وليش مادزتها لبيتكم ؟؟؟
خلود:مادري عنها والله
وطلعوا البنات ..... ووصلوا عند اللوكرات ..... شوي وتشوف خلود حمد جاي لهم
من بعيد وقالت بقلبها ( الله يستر ... والله لو تكتشف نجد لتدفني بالحياة
...*نجد ما تحب هالحركات )

جاهم حمد : السلام عليكم ورحمة الله
البنات : وعليكم السلام (نجد ما كانت تعرف هذا منو وقالت اكيد هذا واحد مضيع
بيستفسر عن شي ... فلفت ووجها تطالع بالممر ... وتركت خلود ترد عليه )
حمد (عيونه عليها ):قووووة خلود ...شلونج ؟؟
(( نجد من قال خلود لفت بسرعه مستغربة ... وتطالع بخلود .. وبعدين تطالع فيه
.... وطاحت عينه بعينها ))
حمد (من شافها انعفس حاله ) .... فوق تحت المسكين
ردت نجد تطالع بخلود باستغراب ( خلود خافت من نظرتها )
خلود : نجد... هذا حمد ولد خالتي بدرية اللي شفتيها بحفلتي ....
(نجد للحين مستغربه منها .... وتقول بقلبها .... واذا يعني ولد خالتج ...
شجايبه هنيه )
خلود (ماتبي تضيع الفرصة ) : حمد ... هذي نجد رفيجتي
حمد ( هذي نجد .... الا هذي قمر): هلا نجد ... شلونج ؟؟؟
نجد : بخيـــــــــــر ..((.قالت هالكلمة ... ومشت ... لانها ما تحب تسلم
عالشباب ...وماتحب هالحركات اصلا ... ومشت وهي تتحلف بخلود ))
خلود : يااااااااا ويلي منها ... شكلها بتدفني .. عصبت هي ما تحب هالحركات يا
ربي مادري شولن غامرت وطعتك .....
حمد ( وهو يطالع فيها تمشي بعيد عنهم ) : هه؟؟؟ شقلتي
خلود : هيييييه شفيك انت الثاني بعد اقولك البنت بتدفني على هالحركة ....
حمد (انتبه لها اخيرا) : عادي خلها تدفنج .... انشاء الله تذبحج فدوة لها
خلود : وويعه ان شاء الله هييييييييين يا حمود هذا جزاي (خلود معتبره روحها
اخته الصغيره )
حمد (يوه لاتخرب علي هالهبله ): لا لا جميلج هذا ما راح انساه طول حياتي
خلود : هههههههه ايوا جذي تعدل... المهم قبل لا تكفخني نجد ... ها اخبارك
...؟؟
حمد: ههههه أي اخبار ؟؟
خلود :اخبارك.... عقب ما شفتها ؟؟ اكيييييييدماعجبتك ( قالتها بتطفره لانها
تعرف جمال نجد اللي يسحر الكل ...)
حمد : والله يا خلود البنــــــت قمـــــــر قمر ما شاء الله عليها ... انا
بصراحه قالتلي امي وامج عنها ... بس توقعتهم يبالغون ... طلع كلامهم شويه
بحقها ...
خلود : ههههههههههههه والله طحت يا حمود .... ومحد ش سما عليك على قوله
المصريين
حمد : ههههههه عاد انتي جاهزة للشماته ... يالله بروح للدوام الحين ....
سلميلي على قمر
خلود : هههههههههههاااااااااي نجد نجد اسمها مو قمر ... اشفيك انثولت ؟؟؟
حمد : مادري مادري .... الله يعدي هاليوم على خير.... شكلي انهبلت
خلود : باين باين يالشايب ...يالله روح شركتك قبل لا ينتهي الدوام
حمد : انااااا شايب يالله هالمره بس بطوفها لج ... بس لانج رفيجه قمر
خلود : يوووووووووهو على كيفك بتسمي البنت انت ؟؟ قتلك اسمها
نجــــــــــــــــــــد
حمد : هههههه يالله باي
خلود : بايات

حمد بالطريق بعد ما طلع من الجامعه دقت امه عليه بتطمن على اخباره ....؟

ام حمد : قوووة يمه
حمد : الله يقويج ...يا وجه الخير
ام حمد : شكلك فرحااااااان ها بشر.؟؟ عساها عجبتك
حمد : اووووووف يا يمه عجبتني وبس .... هذي وينج عنها من زمان ؟؟؟
ام حمد : يووووووه ؟؟؟ والله تطورات يا بو جاسم ( على اسم ابوه ) هذا اللي ما
له خلق يتزوج ... ومو فاضي لهالسوالف ؟؟؟
حمد: ههههههههههههههههههههه والله عاد انا فضيت لهالسوالف من اليوم .... يمه
سمعيني عدل اخذي رقم اهلها من خالتي ام خلود ودقي عليهم وقولي لهم بنيي لهم
اليوم
ام حمد : اليوم مره وحده ... بعد ما ناقص الا تقولي باجر الملجه وبعد باجر
العرس
حمد : والله ودي ... تسوين فيني خير
ام حمد: يمه شفيك مستخف جذي الحمد لله والشكر ... اركد بالخطبتين اللي طافوا
كان مالك خلق وانا كنت اسحبك سحب عشان تروح للناس ... والحين يايني بتطير
بالخطبه
حمد : لاتلوميني يمه من اللي شفته ....
ام حمد : ههههههههه اعقل اعقل يمه ... وبعدين انا ما قتلك ان اهلها يمكن ما
يوافقون لان لها عيال عم يبونها .... على ما ظن
حمد : نعــــــــــــــم ؟؟؟ خير شقلتي شقلتي .... وهالكلام ما قلتيه الا بعد
ما شفتها ... يمه سمعيني ... هالبنت انا ماخذها ماخذها انشاء الله ....
ام حمد : على خير يمة ان شاء الله ... المهم الحين انا باخذ رقم اهلها وادق
عليهم واكلمهم مبدئيا عالموضوع ... والاسبوع هذا ان شاء الله نروح لهم
حمد : تسلمين لي يا ام حمد الغاليه وعساج عالقوة ان شاء الله
ام حمد : يالله انتبه على نفسك.. مع السلامه
حمد : مع السلامة


(نرجع لخلود .... ونجد )
وراحت خلود للسكوير لقت نجد تنطرها ..... وطبعا عطتها انواع التسفيل والزف
... وخلود ترقع لها ... بس هالكلام ما ينفع مع نجد.... عصبت وسبقتها
للكفتيريا

بعدها كلملوا البنات الداوم عادي...... كالعادة وردوا لبيوتهم ........


العصر الساعة (5 )

دق التليفون ببيت نجد وردت عليه خزنه ( مرت اخو نجد )
ام حمد: السلام عليكم
خزنه : وعليكم السلام
ام حمد :هذا بيت ابو طلال
خزنه: أي نعم...
ام حمد : ممكن اكلم ام طلال ؟؟؟
خزنه : ان شاء الله لحظة
(راحت خزنه ونادت خالتها من غرفة القعدة ... كانوا قاعدين يتقهوون فيها الجد
وابو طلال وام طلال وطلال وعياله *نايف ودلول * ونجد اللي كانت قاعدة تسولف
مع جدها وحاطه دلول بحضنها )

خزنه : خالتي ... فيه وحده تبيج بالتليفون ؟؟؟
ام طلال : منهي ؟؟
الجد : اكيد ام عبيد ما غيرها ما فيه احد يدق علينا 24 ساعه الا هي ( قاموا
يضحكون )
ابوطلال : وانت صااااااج يا يبه
ام طلال : لااااااااا؟ حرام عليكم تظلمون المره ... بعد انا وياها عشرة عمر
الجد : يالله روحي لها .... لا تنقع بالتليفون ... وعقبها تجينا طايرة
بعباتها تقول ليه ما رديتوا علي .... ( واللي بالغرفه كلهم ميتين ضحك على
جدهم )
ام طلال:هههههههههه ( وراحت للتليفون )
ام طلال : الو
ام حمد : الو ... السلام عليكم
ام طلال: هلا وعليكم السلام
ام حمد : ام طلال ؟
ام طلال : ايه معاج ام طلال
ام حمد : ياهلا والله فيج ... معاج ام حمد ال.......؟؟؟
ام طلال : يا هلا فيج اختي
ام حمد : انا بصراحه يا ام طلال رفيجه ام خلود تعرفينها ... اللي بنتها خلود
رفيجه بنتج نجد ... وشفتج مرة انتي وبنتج بحفلة خلود قبل اسبوعين
ام طلال: يا هلا والله فيج يا ام حمد ... ايه انا اعرف ام خلود ونعم والله
ام حمد : ما عليج زود ... يا ام طلال انا شفت بنتج نجد الله يحرسها بحفلة
خلود ... وانا داقه عليج اليوم بصراحه أبي اخطبها لولدي الوحيد حمد ...وانا
حبيت ابلغج هالموضوع بالتليفون عشان تسمحون لنا نجيكم هالاسبوع ونخطبها رسمي
منكم
ام طلال: تشرفنا والله يختي بس مدري شقولج الحين ؟؟؟ عطينا فرصة نسأل عنكم
وابلغ الرياجيل بالموضوع وعقبها ان شاء الله بعطيج خبر
ام حمد : اخذوا راحتكم حبيبتي ... اسألوا عنا وام خلود مربيه حمد وتعرفه عدل
تقدرين تسألينها اللي تبين .... واحنا بالشوفه
ام طلال : والنعم فيكم والله ... بس خلاص خلينا على وعدنا كم يوم وابلغج متى
تزورزنا ...
ام حمد : خلاص على خير ان شاء الله... مع السلامة
ام طلال: هلا حياج مع السلامة

وسكرت منها التليفون ....... وراحت لدار القعدة تكمل قهوتها مع عيالها وقررت
انها تبلغ زوجها وعمها وولدها من بعد ما شافت نجد مو موجودة بالغرفه

نجد بغرفتها ....صعدت مع دلول لقت 3 مس كول من خلود .... ودقت عليها

نجد: هلا خلود
خلود: هلا والله نجد
نجد (تضحك معاها ) : ولج عين تدقين عقب اللي سويتيه اليوم ؟؟؟
خلود (تخرعت ... يوه هذي للحين زعلانه ) : نجد للحين زعلانه علي ؟؟ اهون
عليج؟؟
نجد : ههههههههه لا ماتهونين علي تعرفين قلبي طيب
خلود : فديتج انااااا كفو ... انا اقول نجوده انا ما اهون عليها يمكن لو هنوف
جان اهون ونص
نجد : ههههههه حرام عليج ترا هالبنت ما فيها الا لسانها ... بس تبقى اهون من
ساروه المسعوره
خلود : ههههههههههه أي والله
خلود : اممممممممم نجود ... يقولون جايج خطابين اليوم ... شعليج ؟؟؟
نجد ( استغربت ) : شنو؟؟؟ أي خطابين .؟ وانتي شدراج.؟؟؟
خلود ( يوه والله اني ملقوفه شكلي عفست السالفه.. الظاهر اهلها ما قالوا لها
) : هااااااااه ولاشي . خلاص...؟؟
نجد : شنو... يالله قولي شعندج؟؟
خلود : ما عندي شي يا كلمه وردي محلج ... خلاص
نجد : فوضى هي ... تقولين لي يعني تقولين لي ..والا ترى ازعل عليج ؟؟
خلود: يووووووه لازم
نجد : ايه قولي
خلود : اليوم كانوا يايين لج خطابين ...بس الظاهر اهلج للحين ما قالوا لج ؟؟؟
نجد: شنو ؟؟؟ ومنو هم ..؟ ووين شافوني عشان يخطبون ؟؟
خلود: شوفي منو هم فانا اعرفهم عدل ... ومن نا حيه وين شافوج ... فهم شايفينج
الام وولدها وعجبتيهم يالجيكره (تتمسخر)
نجد: جيكرة بعينج.... تقطين الغاز انتي...؟؟ منو هم اخلصي
خلود : تعرفين خالتي بدريه اللي شفتيها بالحفلة عندي ؟؟؟ اللي قلت لكم انها
رفيجه امي
نجد : ايه هذيج الذربه اللي لا بسه نفنوف كحلي
خلود : عليج نور ايوااااا هذي هي ... خاطبتج لولدها الوحيد حمد واعتقد انها
دقت على امج الحين وكلمتها عالموضوع ...
نجد ( استوعبت ) :ولا يكون اللي جانا اليوم هو .........؟؟؟
خلود : هههههههههه ايوا يالشاطره اللي يانا اليوم هو حمد ولدها
نجد: لاااااااا؟؟؟ ومستانسه وتبشريني بعد يالعله .... وليش ما قلتي لي ...
والله وتعرفين تخططين يا خلود وانا اقول عنج بريئه الشلة ... طلعتي سعلوة
مقعده ... شيبي جاي ؟؟؟
خلود : ههههههه الله يسامحج ... ياي يا قلبي بيشوفج لان امه اوصفتج له وما
صدق قال لازم اشوفها بعيني .... وقالتلي خالتي عشان يشوفج ....
نجد : عمى بعينج........... وانا مثل الاطرش بالزفه
خلود : هههههه لا حشاج .... انا يا قمر الشلة رفيجه عمرج وانا اعرف حمد عدل
متربين مع بعض صج فيه فرق العمر بينا (8) سنوات... بس الشهاده لله هو مثل
اخوي وهو بعد يعتبرني مثل اخته الصغيرة ....... فانا اعرفه عدل عدل وانا ما
طعت امي وخالتي الا اني ابي الخير لج وله ... بس بصراحه انتوا لا يقين على
بعض....

نجد : لا وتقررين بعد عني .... خلود بصراحه انا مدري شقولج بس الاكيد ان اهلي
ما راح يوفقون خصوصا انا عيال عمي من خلصت الثانوية وهم يخطبوني ... بس ابوي
وانا نرفض بحجة الدراسه .... فما اعتقد ابوي بيفضل الغريب على عيال اخوه

خلود : لا امانه يا نجد لا تضيقين خلقي ... ابي افرح فيكم ... وبعدين
لاتستعيلين بالرد فكري عدل , وترى حمد ريال ولا كل الرياييل .... ما ينرد يا
نجد والله ما ينرد ؟؟؟

نجد (بتكبر) : لااااااا وش زوده عن عيال عمي...؟؟؟
خلود (طفرت منها ومن العصبيه القبيله اللي فيها ) : خلود خلج من سوالف ولد
العم لبنت العم الدقه القديمة هذي اللي العالم بدوا يتركونها لان ما وراها
الا عوار الراس والمشاكل بين الاهل ..
وبعدين عيال عمج كلهم على قد حالهم ... ما اقصد انقص من قدرهم لا والله بس
هذا اللي فهمته انا منج وبعدين انتي نفسج متخوفه من حريم عمانج .. وتقولين
انهم يخرعون فشلج بعوار الراس

نجد (تفكر بكلامها اللي فعلا صدقت فيه ) : مدري؟؟ اقولج شي انا مابي اتزوج
... مابيهم كلهم
خلود: ههههههههههه الظاهر انعديتي من هنوف المعقده
نجد: ههههههههههههههههههههه يمكن
خلود (بجديه ) : والله بكيفج يا نجود بس انا اقولج حمد وربي الف بنت تتمناه
... يعني ريال بمعني الكلمة ماسك شركةابوه وورثه منه وما ضيعهم بالعكس حافظ
على سمعه ابوه بين التجار
صحيح انه صغير بالنسبه لهم يعني عمره 28 وباجي الهوامير شياب كبار بس هو من
اكبر المنافسين لهم .... ولما خلص دراسته بالبزنس ببريطانيا كمل الماجستير
ورد الكويت ووجد بشغله لين صار من اكبر الهوامير بالبلد .... وهو يا نجد حيل
حبوب وطيب وماله بالدنيا الا امه وعمامه وخواله بس اغلبهم سفراء براااا فهو
وامه بس بالكويت ساكنين بفيلا فخمة ب.....
وهو عشان ما تستغربين خطب من قبل بنات رجال اعمال ربع ابوه ووفقوا عليه بس
الغت الخطبة لان ربج ما كتب لهم نصيب .... وبيني وبينج ترا حمد ما كان مقتنع
فيهم وايد ... فما تردد لحظة انه يلغي الخطبه لما امه تقول له انها مو مرتاحه
نفسيا لهم لانه حيييل بار بامه ... وبس؟؟؟
نجد : ههههههههههههههه عطيتيني موضوع تعبير عنه ؟؟؟
خلود : ههههههه ايه قطعتي نفسي من كثر القرقه ... حرام عليج أرافي بحالي
وحاله هالمسكين ووافقي؟؟
نجد : مسكين .... ليش؟؟؟
خلود : ههههههه ليش انتي ما شفتي شكله يوم شافج شلون انهبل الريال ... اصلا
مسميج قمر بدال نجد ؟؟؟ حمد الثقيل العاقل اللي يمرون جادامه انواع واشكال من
البنات والله ولا همه
نجد : شهالغرور؟؟
خلود : لا حرام عليج .... حدج عاد ولا حمد ... بالعكس صار المحترم مغرور؟؟
,,, وبعدين وان اغتر من حقه انتي شفتيه بالذمه مزيون والا مو مزيون ؟؟؟
نجد : اممممممم هو بصراحه من ناحيه مزيون مزيون ..... ما انكرهالشي
خلود : ههههههههههه خلاص انحلت القضيه المزيون للمزيونه هههههههههه فديتكم
نجد : ههههههه والله شكلج يا خلود انتي اللي بتزوجيني بدال اهلي ...
خلود : ودي بس الظروف ضدي .... والا لو على كيفي جان اليوم ملجتكم
نجد : ادري فيج ملقوفه ... المهم تركيني افكر واشاور اهلي
خلود : خذي راحتج ...او أي شي تبين تسألين عنه انا حاضرة انتي بحسبة اختي
نجد : يااااااا قلبي ادري ادري ... يلا مع السلامة دلول عفست مكياجي
خلود : يالله باي


ونزلت نجد تحت ولا خزنه تكلمها عن ام حمد وقالت لها باللي دار بين ام طلال
وابوطلال لان الجد مارضى ان حمد وامه يجون ويخطبون ,,, وعصب عليهم وقالهم
يسكرون الموضوع لان نجد ما راح تتزوج الا ولد عمها وبس ....

واتمنى انها تعجبكم وابي اشوف ردودكم...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 03-08-2008, 07:26 PM
صورة هيرموني الرمزية
هيرموني هيرموني غير متصل
©؛°¨غرامي مشارك¨°؛©
 
الافتراضي رد: على كف القدر نمشي ولا ندري عن المكتوب روايه


هااااااي صبايا...
كيفكم ان شاء الله تمام...



بنزل لكم بارت جديد واتمنى يعجبكم...






(( البارت الرابع ))


على طول راحت نجد لغرفتها وقالت لخلود برفض جدها ...... وسكرت منها وبكل لا مبالاة باللي يصير راحت تقعد مع جدها واهلها تحت وقالت بنفسها (( الله مو كاتبلي والزواج قسمة ونصيب )) ......
وخلود احتارت منو تبلغ برفض اهل نجد ... وقالت لازم ادق على صاحب الشأن هو نفسه ... ودقت على حمد ....
خلود : السلام عليكم
حمد : هلا وغلا بخلود رفيجه الغالية
خلود بحسرة (... غاليه اي غالية الغالية مو من نصيبك) : يالعيار على طول صارت غالية ...
حمد : ههههههه طبعا هي من يشوفها وما يغليها
خلود (مسكين يا حمد على طول تعلقت ) : اممممم حمد بصراحة انا بغيت اكلمك بخصوص هالموضوع...
حمد : هههههههههه قولي انج غرتي منها لانها انخطبت وانتي للحين
خلود ( يوووه يا حمد انا وين وانت وين ) : حمد انا اكلمك جد
حمد (مستغرب) : خير يا خلود ... شصاير.؟؟
خلود : بصارحة يا حمد انا توني مكلمه نجد وقالتلي ان يدها مو موافق عالخطبة ... لانه يبيها لولد عمها ...
حمد(منصدم ) : شنوووووو؟؟؟ وانتوا ليش ما قلتولي قبل لا اشوفها واتقدم لها
خلود : والله يا حمد مادري شقولك بس هذا اللي صار احنا توقعنا ان يدها مع السنين بينسى هالسالفه بس طلع العكس .... انسى يا حمد مالك امل اللله يعوضك باحسن منها ... واحنا بندور لك باسرع وقت وحدة
حمد (معصب) : ومن قالج اني ابي غيرها .... على كيفكم تقررون عني ؟؟ .... وسكت للحظات ... خلود عطيني عنوان بيتهم
خلود (انهبل الريال ): وانتا شتبي بالعنوان ... ؟؟ قلنا لك مافي نصيب
حمد ( صارخ عليها ) : قتلج عطيني العنوان ... ولاتكثرين حجي معاي
خلود (خافت منه ... لانها اول مرة يصرخ عليها ) : يممممممممه زين زين .... اكتبه عندك ال......... وعطته العنوان
حمد : يلاااااا باي
خلود : لحظة ... لحظة شبتسوي.؟؟؟
حمد : مو شغلج ... وسكر الخط بوجها
خلود لما سكر التليفون بوجهها ... عصبت وقالت بنفسها ...( انا شمدخلني بينهم مالت علي صج ملقوفه ) .....

بالليل الساعه ( 10 )
سارة كانت تتعبث بتليفونها ... بعد ما خلصت مذاكرة ... وتذكرت بدر وقالت هذي فرصتي ادز له مسج قبل امتحاني واتعذر بالدراسة... وعلى طول دزت له مسج:
(( مرحبا بدر..... سوري عالازعاج .... بس ممكن تجاوبلي على هالسؤال لاني مو عارفه له جواب محدد .... واكتبت له السؤال ))

ونطرت دقايق ومارد عليهاااااا ... قالت يوه اكيد سفهني وقال هذي مصختها يوووه ياربي.......!
شوي والا يقطع تفكيرها صوت المسج فتحته ولقت :
((هلا سارة ... بالعكس لا ازعاج ولاشي ... احنا نعين ونعاون .... الجواب انا ما اعرفه بالضبط بس سألت واحد من الربع وعطاني اياه .... وهذا هو ,,,,,,,,,,, ))

سارة فرحت بالرد .... وقالت والله واستجبت لي يا بدير .... هين هين ان ما قطعت الوصل بينك وبين نوروه ما ني سارة ......!!! وردت تدز له مسج ...

(( مشكووووور ويعطيك الف الف عااااافية .... تعبتك معاي ))
ورد عليها ....
((حاضرين لاتعب ولاشي .... وشدي حيلج بامتحان باجر ))
وهي ما صدقت خير انه عطاها وجه ... وردت ...
(( ان شاء من عيووووني ... تصبح على خير ))

ونطرت يرد عليها لو بكلمة ... بس الظاهر ما في امل ... وقالت بنفسها : عاااادي المهم انه في تطور ولو بالمسجات ....راجعت لها المذكرة شوي ونامت



الصبح ... طلعوا كل البنات مبجر عشان يروحون حق الجامعه للامتحان ............

نجد : يوووووووه زهقت من المراجعه .... خلاص بسكر المذكرة واللي كاتبه لي ربي باخذه
نورة : يالهبلة راجعي تو باقي على الامتحان نص ساعه ....
هنوف: نجيد لا تصجينا اذا منتي مراجعه قومي واقرقي مع البنات بالسكوير وخلينا نذاكر بدون ما تتحلطمين علينا ...
نجد : حشى اكلتوني ..... انا ما قلت بسولف معاكم يالهوانم كل اللي قلته مابي اراجع وبس
سارة: راجعي راجعي يالخبلة مثلنا.... والا اقولج خليج مثل ام قليب نوروه ... تاكل الكتاب أكال
هنوف : سااااااااروه ووجع ان شاء الله اذكري ربج يالحسودة
خلود : أي والله ذكري ربج
نوره ما قالت لها شي ... لانها متعودة على دفاشة سارة ... بس خزتها بطرف عينها وردت تذاكر

والبنات مندمجات بالمذاكرة .... مر جنبهم خالد رفيج بدر .... التفتت نجد وشافته وهو يخز بنورة .... نغزت نورة وقالت لها بصوت واطي : نورة شوفي اللي جاي من بعيد ... هذاك المغتر ... تعرفينه ؟؟؟؟
التفتت لها نورة مستغربه من كلامها ... وردت شافت اللي جايهم من بعيد ...ما عرفته نورة بالبداية بس بعدين تذكرت انه رفيج بدر (حبيب القلب )
نورة تكلم نجد بهمس عشان البنات ما ينتبهون : اييييييييييه هذا رفيج بدر ... واعتقد اسمه خالد
نجد : هااااااااااا .... اشوفه يخز فيج من بعيد .... الظاهر عارف بسالفتكم .... اقول نواري ... دامج بتحبين يختي حبي هذا والله انه احلى من بدير هاللي ذابحتنا فيه بألف مره .... لا معضل بعد ... ابرك من بدير المعصقل الضعيف ....ههههههههههه
نوره(منقهرة.. وقرصتها ) : وجع ان شاء الله لاتسبين.... وانجبي زانت علومج ... يالعجوز
نجد : ااااااااي كيييييييييفج بالطقاق .... والله الولد ما ينطوف
نورة: يختي دامنه ما ينطوف اخذيه لج
نجد : هههههههاااااااي ودي بس الاخ حاط عينه عليج ...!
نورة(مستغربه ) : وانتي شدراج يا كونا انتي استخبارات متنقلة ؟؟
نجد : بعد شدراني الولد مر من هالممر عشرين مرة من مساع وهو رايح راد وعينه المسكين عليج .... وانتي دافنه راسج بالكتاب
نورة( مندهشه ) لا والله ...؟؟
نجد : ايه والله ..... ما شفتيه الحين الحين يوم رفعتي راسج .. شلون ابتسم لج ... ياااااااااي ابتسامته تجنن وخصوصا الغمزات....
(( خالد .... كان شاب طويل ومعضل يعني جسمه رياضي ..... اسمراني شوي ... بس مسوي قفل طالع حلو فيه ... واللي يجذب النظر له هو ابتسامته اللي تبين غمازاته الكبار ... خالد كان وسيم بمعني الكلمة ...))

نورة : هييييييين انا اعلم بدر عليه ...
نجد (انصدمت من ردها هالبنت غاسل مخها بدر ): الله ياخذج انتي وبدر هالعلة اللي بس تهذرين فيه مالت عليج وعليه زين .... بتشتغلين فتنه بين الرجال ورفيجه يعني .... والله هو الخبل اللي يطالع فيج ... خلج خلج على الذبانة الحايره اللي اسمها بدير ...
نورة : جب جب واكرمينا بسكوتج يا الثورة لا تغلطين لا ادفنج هنيه ..... وخليني اراجع ألهيتيني عن المراجعه
نجد : نورة نورة
نورة التفتت عليها ... شتبين ...؟؟
نجد: اتصدقين توني انتبه لهذا اللي اسمه خالد ... يختي مزيون شلون البنات بالكليه معتقينه ... العاده المزيون ما يخلنه
نورة : ههههههههههههههه الله يخس بليسج ... شدراني عنه كيفه هو وياهم ... خليني اراجع يا بنت الناس الهيتيني تراج ....

وبعدها بوقت دخلوا البنات الامتحان .... وبعدها بساعه ونص .... طلعوا وكل وحدة تتحلطم على حلها ....
خلود : يااااااااا ربي شكلي عفست الدنيا بهالامتحان
هنوف : يختي ماني احسن منج .(( وقبل لاتكمل كلمتها قاطعتها سارة))
سارة : انتي شنو كل مرة تهولين علينا وتقولين ما حليت عدل وتطلعين الاولى يمه منج ...
نورة ( انقهرت منها ... وحتي البنات بعد ) وجت بترد عليها بس نجد سبقتها ....
نجد : اني هييييه سويروه علامج حاطه دوبج ودوبها يالحسودة .... فكي البنت من عينج يا ام عين حارة ..... اتركيها ... ترا ملينا وحنا نزف ونهاوش فيج ... بس انتي مثل اللوح ما تحسين
سارة سفهتهم وكملت طريقها لان كلام نجد ما عجبها ......
وسارة تمشي دق تليفونها .... وصار وجهها الوان لما شافت الرقم ... لاحظوا البنات هالشي
وقالت لهم : هذي هذي وحدة من رفيجاتي القديمات بكلمها واجيكم ..(وابتعدت عنهم

سارة :الووو
بدر: هلا .. ساره شلونج...؟
سارة (بوناسه ) : هلا فيك بدر انا بخير من سمعت صوتك
بدر(تفاجأمن جرأتها بس طوفها واعتبرها مجاملة ) : هااااا بشري ... شسويتي ؟؟؟؟
سارة : والله بخير لاتخاف علي دامك انت اللي شرحت لي اكييييد بحل عدل وبجيب امتياز بعد
بدر: ههههههههه كفووالله ... ونورة شسوت....؟
سارة ( غارت ) : لااااااا زينه زينه لا تخاف عليها نورة شاطرة من عمرها
بدر: أي ما شاء الله عليها ...
سارة (ماحبت تضيع الفرصة ) : بدر ... بصراحه ممكن اشكرك على تعبك معاي ... باني اعزمك عالغدا اليوم ... هذا اذا ما كان عندك أي مانع ؟؟
بدر: لااااااا لا ماله داعي تكلفين على عمرج سارة ... وصل وصل شكرج
سارة (بدلع مصطنع ) : لا تزعلني منك بدر ..... افااااا كلها عزيمة غدا ... ترا بيحز بخاطري ان رديتني ....
بدر:هههههههههههه خلاص اوكي ... بس شوفي موافقتي بشرط
سارة : شنو ؟؟؟
بدر: اني انا اللي اعزمج مو انتي .... شقلتي ؟؟؟
سارة (والله عبالك يا بدر انه عزيمة وحدة وبس والله لتكرر هاالعزايم لين انسيك نوروه ) : خلاص اوكي بدر
بدر: ووين تبين ...؟؟
سارة : أي مطعم برا الكلية... لان تعرف مابي البنات يشوفونا بالكفتيريا ....ويفكرون ان بيني وبينك شي لاسمح الله .... (تتصنع البرائه )
بدر: خلاص اوكي القاج بمطعم .......... اللي عالبحر
سارة : خلاص اوكي ... وبينا تليفون
بدر: باي
سارة : باي بدر

وراحوا البنات للكفتيريا وما جت لهم سارة .... دقت عليها نورة خافت انه كلام نجد اثر عليها (طيبه نجد مو طبيعية حتى مع اللي يجرحونها )........ودقت 3 ما ردت عليها سارة اللي كانت تشوف المكالمات وتتأفف منها ...وهي راكبة مع سايقهم ومتجه للمطعم اللي اتفقت مع بدر يروحون له ..... وبعد فتره ردت وقالت: خلني ارد على نورة هالحنانه اشوف شتبي ...

سارة ( بملل ) : نعم نورة ...؟؟
نورة(شفيها هذي صج دفشه ) : الله ينعم عليج ....وينج فيه احنا ناطرينج عالغدا
سارة : لا تغدوا تغدوا ... انا مضطرة اطلع من الجامعه لان عمتي بالمستشفى ازورها وارد لكم بعد ين عشان باقي المحاضرات
نورة : اهاااااااا اجل خلاص على راحتج وسلامات وما تشوف شر
سارة ( بتصرفها) : الشر ما يجيج .... باي

ووصلت سارة للمطعم ولقت بدر جدامها وراحوا اخذوا لهم طاوله ....وقعدت ضحك وسوالف معاه ... واذا جاب طاري نورة غيرت الموضوع
وبعد ما خلصوا طلعوا بعد ساعتين .... ورد كل واحد فيهم للكلية بسيارته
************************************************** *******
المغرب ......

هنوف دقت على نجد ... تسولف معاها
هنوف : يختي ما في عرس لوحده من رفيجاتنا مني مني مشتهيه اروح عرس
نجد: لااااااااا ما فيه الا عرس عهود رفيجتنا بعد 6 شهور
هنوف : الله 6 شهور يالمفتريه حرام عليج .... اقولج ابي اروح بهالوقت
نجد: مالج الاتنطرين بعد من وين اجيب لج عروس ... شقالولج عني طقاقه
هنوف: ههههههههههه لا حشاج
نجد : الا اقولج هنوفوه ... مدامج تبين عرس ... ليه ما تزوجين عمج نواف ؟؟
هنوف: نواف فديته هو خلي يرد الكويت بالاول والله لزوجه احلى بنت
نجد : هههههههه هنوفوه صج انج عبيطه شايشه تدورين العروس
هنوف: يختي طقطقه ووناسه خلنا نستانس
وشوي والا داخل على نجد بغرفتها نايف ولد اخوهاااا.....
نجد : هيييييييه نايفوه ... كم مره اقولك يا قليل المروه .. دق الباب قبل لا تدش ... انت وين والذرابه وين؟؟؟ اذلف اذلف وصك الباب وراك
نايف : زيييييييييييين زين ... بس بالاول قوليلي وين جدي ؟؟؟
نجد : لحظه لحظه هنوف ... هذا شكله مطول ولا هو طالع من غرفتي الا برفسه او شوته كالعاده ...
هنوف : ههههههه حرام عليج امحق عمه
نجد (التفتت لنايف اللي للحين ماسك مقبض الباب ) : نايف ضف وجهك واطلع شدارني عن ابوي وينه ..... اسأل امي
نايف : محد يدري وينه ...وفيه رجال ينطره تحت
نجد : خلاص جدي تحت قوله يروح للرجال
نايف : هههههههههههههه وانا عشان جذي جاي لك ... جدي قاعد مع الرجال ... والرجال المسكين شكله حضري ... ويبيله مترجم بينه وبين جدي
نجد ( فطست ضحك ) : هههههههههه يحمد ربه قابل جدي يا بعد جبدي ... وبعدين كيفه بالطقاق وانا شعلي منه... خل ينطر ابوي او يروح ويرجع بعدين ...
نايف : اوهواااا... ضيعت وقتي معاج (وسكر الباب وطلع )
نجد (تصارخ عليه ) : لاااااا اوريك اوريك يالنتفه يا بو لسانين
هنوف : هههههههههههه يحليله طالع على عمته
نجد : ههههههههه شفتيه هالاهبل ... فشلني اللله يفشله
وكملوا البنات سوالف ....


وتحت بالدوانيه (المجلس)
كان حمد قاعد مع جد نجد ....... وطبعا الحوار بينهم كان يموت ضحك
الجد( للمره الثالثه) : الا يا وليدي .... وش قلتلي اسمك ؟؟؟
حمد : حمد حمد ياااا عمي اسمي حمد ال...........؟؟؟
الجد: ايه ايه عرفتك.... الا انت اللي عندك محل للسيارات
حمد ( يكتم ضحكته) :ايه ايه ياعم هالمعرض لي ولعماني معاي
الجد : ايييييييه زين اجل يوم انك جيتنا ... انا وانا ابوك ابي اشتري سيارة لبنت ولدي
حمد( فهم حمد من يقصد ... وقال بصوت واطي ):ما يحتاج تشتري لها انتوا واقفوا اني اتزوجها وانا بجيب لها الوكاله بكبرها ....
الجد : هاااااااااااااه ... وش تقول ؟؟؟
حمد : لا ... لا ما اقول شي ... اقول حياك ياعمي بأي وقت ... المعرض معرضك
الجد : تسلم تسلم يا وليد ي .... بس انا مابي المعرض انا ابي سيارة صغيرة لبنيتي ... تداوم فيها
بس هاااااااا راعنا بالسعر ....؟؟ مو تبيعنا بغالي تراني انا اللي بشتريها
حمد ( ههههههه يونس هالجد ) : خلاص يا عم تعالي واخذها ببلاش بعد
الجد : كفو والله .... والله انك رجال ولد اصول .... الا ما قلتلي وش بغيت ؟؟؟
حمد : لا يا عمي انا بغيت ابو طلال بموضوع
الجد : وشو؟ ؟
حمد ( علا صوته ) : بغييييت ابوووو طلااااااال يا عم
الجد:هااااااا ابوطلال ... ايه ايه ... ابو طلال الحين طالع بس ان بغيته تلقاه الحين رايح لمسجدنا يصلي المغرب
حمد : خلاص اجل اروح اصلي واشوفه هناك ؟؟
الجد : وين انت رايح ....؟؟؟ خذني معك اصلي
حمد (وليييييه ) : حياك حياك ياعم ... مشينا ( وسنده حمد بايده ومشاه )
وراحوا المسجد وصلوا ..... وطبعا الجد طقها صحبة مع حمد .....
ولما خلصوا من الصلاة شاف الجد ولده ابو طلال .....وناداه
وقال لحمد : هذا يا ولدي ... ابو طلال اللي تنشد عنه
وراح له حمد وسلم عليه.... وعرفه بنفسه
ورحب فيه ابو طلال ..... ودعاه للدوانية ..... وراح معاه هو والجد
ابوطلال: حيا الله من جانا .... حياك ياولدي حياك
حمد : من قال يحيا يا عمي
وبعد السوالف ..... ارتاح حمد لهم فقرر يفتحهم بالموضوع
حمد : انا والله ياعمي ابي القرب منكم
ابوطلال : والله يزيدنا شرف يا حمد ...
الجد : تبي القرب ..؟؟ بمنهو .؟
ابوطلال يكلم ابوه اللي كان قاعد جنبه : بمنو بعد يبه بنجد عندنا غيرها انا كل بناتي متزوجات الا هي ؟؟؟
الجد : وشووو؟؟؟ نجد بنيتي... وشتبي فيها
حمد : ابي اخطبها منكم يا عمي
الجد : والله انك رجال والنعم فيك يا ولدي ويشهد الله اني ارتحت لك .... بس حنا ما عندنا بنات للزواج .... نجد لولد عمهاااا
حمد بلحظة يأس ... التفت لبو طلال ... اللي كان عاجبته شخصية حمد ... وكأنه يستنجده او يطلب منه يقوله كلام غير اللي قاله الجد
ابوطلال : والله يا حمد .... اللي كاتبه ربك بصير .... وعطنا فرصه نسأل عنك ... ونتشاور بينا
حمد ( بينت عليه تباشير الفرح ) : ما قصرت يا عمي .... وانا والله ما اخترت اناسبكم الا انكم ناس طيبين ومعروفين .... والنعم فيكم .... وانا الله كتب النصيب ان شاء الله ماراح اكون الا واحد من عيالكم ... واحد منكم وفيكم
االجد ( سكت وما عجبه كلام ولده .... وقال بيوريه شغل الله عقب ما يطلع الرجال )
ابوطلال: تسلم يا حمد ... ومثل ما قتلك عطنا وقت وبينا تليفون ان شاء اللله بتسمع فيه الرد
حمد : على خير ان شاء الله ... يلا استأذنكم يا عمي
ابوطلال: حياك الله يا ولدي وتشرفنا بمعرفتك
حمد : الشرف لي طال عمرك ... يالله فمان الله
ابوطلال والجد : فمان الكريم

ودخل ابوطلا ل البيت... وتخذ له هوشه معتبره من ابوه .... بس هو سكت لان كل اللي يهمه مصلحة بنته ....وراح لمرته وقالها وبلغ طلال ولده عشان يسأل عن الرجال ...
طلال : يبه ما غيره حمد ال.........
ابو طلال : أي هو ما غيره
طلال : يبه ليه ما قلتلي اجي لكم
ابو طلال : والله جيت لقيت الرجال ناطرني فاضي لك ادقدق عليك انا
طلال : يوووووووه خسارة
ابو طلال : المهم ما علينا ..... اسأل عن الرجال باسرع وقت
طلال : من صجك انت يبه حمد رجال ونعم فيه ... سمعته ما عليها كلام ...... وهو وعمانه تجار معروفين بالديرة .... ماعليك انت بس وافق وتوكل على الله ... احد يرد حمد ال........
ابوطلال : اييييييه ما علي من كلامك هذا أنشد عنه عدل بالاول .... بس عيال عمك ؟؟
طلال : اوهووووووو يا يبه تقارن حمد بعيال عمي ... شجاب لجاب ؟؟ ان كنت تبي لاختي الخير زوجها الحمد ... وتوكل على الله
ابوطلال : اييييييييه انا بقول لاختك واشوف رايها ... والله يكتب اللي فيه خير
طلال : امين يارب.... يوفقك اوخيتي .. يلا يبه مع السلامة

ابوطلال سكر من ولده وراح لبنته نجد بغرفتها ... لقاها تطق نايف وحاشرته بزاوية...ونايف يوم شاف جده راح يركض ...
نايف (بخوف ) : جديييييييي شوف هالسعرة بنتك
ابوطلال : نجد يبه وش فيج على ولد اخوج؟؟؟
نجد : ما فيني شي يبه بس هالثور اللي عندك.... مطلع فنه ومواهبه وراسم على كتابي
نايف : اييييييييييه كيفي .... ليه ما ساعدتيني اليوم احل واجبي ... ؟؟
نجد: والله لوريك يا نايف ما راح اساعدك خلاص طس
ابو طلال : بس خلاااااااص نايف انزل تعشى تحت مع جدتك
نايف : زين (وطلع راح تحت )
ابوطلال : وانتي اقعدي بكلمك بموضوع ...
نجد : خير يبه ؟؟
ابوطلال : خير يا بنيتي ... انتي الحين كبرتي ودخلتي الطب وكلها كم سنه وترفعين روسنا وتتخرجين يالدكتورة ... يعني مستقبلج وانا ابوج ضمنته لج بأذن الله ... وما باقي الا افرح فيج
نجد (مستـــــــــــغربه ) : تفرح فيني ؟؟
ابوطلال : ايه افرح فيج يا بنتي .... اليوم جانا رجال والنعم فيه ينقال له حمد ال........( نجد عرفته ) وقعد معاي انا وجدج وبصراحه ارتحنا له رجال والنعم فيه... واخوج طلال يقول ان سمعته زينة ... وتاجر معروف ... وانا ابي رايج ...؟؟
نجد: والله يايبه مدري شقولك بس عطني فرصه افكر ... بس اخاف يزعل جدي ..او يزعلون عمامي
ابوطلال: والله انا اللي تهمني مصلحتك وبس صحيح تمنيتك لعيال عمك ... لكن لاجا نصيبك مقدر ارده ... وجدك وعمامك خليهم علي.... ولاتفكرين الا بمصلحتك وبس... حتى جدك ان شافك موافقه فمهو معترض طريقك .. لانك تعرفين انه يحبك ومتعلق فيك من بد احفاده

نجد : خلاص يا يبه اوعدك اني افكر
ابوطلال : خلاص يا بنيتي ... (وطلع )

قعدت نجد تفكر بكلام ابوها ..... وبعدبن تذكرت كلام خلود عنه..... وتذكرت شكله يوم شافته بالكلية كان شكله رزةو هيبه... وكان مزيون بالرغم انها ما شافته عدل لانه اغلب الوقت القصير اللي شافته فيه كان مغتر ولا بس النظارة ..... لكن دراستها هي اللي شغلت الحيز الاكبر من تفكيرها ... وقالت اكيد لما اتزوج ما راح اكمل دراستي .... يبه مالي الا اهلي ودراستي

اليوم الثاني :
راحوا البنات للجامعة ..... وقعدت خلود مع نجد على طرف بعيد عن البنات....
خلود : يقولووون بعض الناس الخطابين رايحين رادين عليهم
نجد : اسم الله شدراج يالساحرة
خلود : ههههههههه نسيتي ان حمد بحسبة اخوي .... وبعدين انا لما قلتليلي عن رفض يدج له دقيت عليه وهوا عصب وقال لي ليش ما قلتولي انها لعيال عمها قبل لا اشوفها .... مستحيل باخذها ....هههههه شكل كان مصرعلى رايه .... ويالكم المسكين بعدها
نجد : ايه جانا ... وجدي عصب من ابوي ,,,, لانه قال له عطنا فرصة ,,, بس ابوي قال لي انه بيتصرف مع ابوي وعماني اذا انا وافقت
خلود ( بفرح ) : والله ,,,؟ الله يبشرج بالخير يا وجه الخير
نجد : شفيج مستانسه يالهبلة ,,,, انا للحين ما وافقت .,,,
خلود : لانج وبصراحة ... غبية
نجد : غبية بعينج .... صار اللي يهمه مستقبله غبي .... وبعدين انا مستقبلي ودراستي يهموني اكثر من أي شي ثاني ....
خلود : ومن قالج ان حمد بيمنعج عن دراستج اصلا ... بالعكس حمد ريال متفهم وعنده ما جستير يعني مثقف ويفهم بهالامور ... بالعكس اذا كان هالشي هو اللي معطلج عن الموافقه ... فانا اضمن لج انه مو بس بيخليج تكملين دراستج ... الا بعد يمكن يفتح لج عيادة بعد ماتخلصين

نجد( بحيرة ) : مدري مدري ... يا خلود اخاف اوافق واتندم بعدين ... ويطلع عكس كلامج
خلود : هههههههههه يا بابا انا اعرف حمد اكثر من نفسي هذا اخوي اللي ما يابته امي ... دقيقه
( وقعدت خلود تتعبث بتليفونها ....ودقت على احد )
نجد : شسوين يالهبلة .... تستعينين بصديق هههههههه
خلود : ههههههه الا استعين بصاحب الشأن بكبره .....
حمد: الوووو هلا خلود
( وحطت خلود تليفونها عالسبيكر ... عشان نجد تسمعه وتقتنع )
خلود : هلا حمد ... شلونك ... وشلون الشغل ؟؟؟
حمد : والله كل شيء بخير..... غريبة اتصالج من صباح الله خير .... لا يكون رفضوا ...؟
خلود : ههههههه يالمسكين لهدرجه متعلق بنجيد
حمد : نجيييد بعينج اسمها قمر
( وقرصتها نجد بهاللحظة ... وتفاجأت لما قال عنها قمر )
خلود : على كيفك تغير اسم البنت اسمهااااا نجد نجد
حمد : موووو شغلج بسميها على كيفي .... المهم شتبين داقه على ومقومتني من النوم يالمزعجه
( ضحكت عليها نجد .... وخلود تتحلف فيها )
حمد : منو تكلمين يالعيوز ؟؟؟؟ انا قايل انج خرفتي من زمان بس محد مصدقني
خلود : لاااا ما خرفت .... بس ما لومك لو قلت عني عيوز لاني مقابلة العيوز نجد
حمد ( اللي كان نايم على السرير... قعد ... وطار منه النوم): هااااااااااه ؟؟؟
خلود : شفيك ؟؟؟ شنو شايفلك فلم رعب .....
حمد : نجد معاج ...؟؟ وانتي من الصبح مطيحه الميانه جدامها شتقول عني الحين
خلود: اوووووه ما راح تقول شي .... المهم انا داقه عليك الحين بقولك انه مشكلة يدها تقريبا نحلت .... بس ابوها يبي رايها ... وهي متردده عشان مستقبلها
حمد : اها ... وشفيه مستقبلها....؟
خلود : تقول انه مو ضامنته فتبي تكمل دراستها ....
حمد : وانا ما راح امنعها من دراستها بالعكس انا اعين واعاون ... وان كان هذا الشي اهوا اللي مضايقها قوليلها اني ما راح امانع حتى لو تبي تكمل الماجستير والدكتوراة
خلود ( تكلم نجد ) : هااااا ارتحتي ...؟؟ بعد شنو عندج أي استفسارات .اخرى انسة نجد ؟؟
نجد ( تفشلت منها ... واشرت لها انها تسكر التليفون )
خلود : بسسسسسسسس خلاص حمد يسلم راسك الاجابة وصلت لها ... وسوري قعدناك من النوم
حمد : لا ولا يهمج لعيون قمر ....
خلود : يااااا سلام عالرومانسية .... هههههه حمد البنت انحاشت
حمد : فديتها.... خلود اقول خلج وراها لين ما توافق وان وافقت لج البشارة
خلود : ههههههههه افا عليك لاتوصي حريصة
حمد(بيطفرها) : كفوووو والله ويلوموني ليش اكرهج ....؟؟؟
خلود : عمى بعينك اشدعوا انا بموت على محبتك مالت عليك زين
حمد : هههههههههه يلا باي وسلميلي على قمر
خلود : الله يسلمني ان شاء الله ههههه بايات



وبالليل دقت سارة على بدر .....

سارة( بمياعه) : مرحبا بدر....
بدر: مرحبتين هلا ساره .... شلونج ؟؟
سارة : بخير من سمعت صوتك ... انتا شلونك ؟؟
بدر: طيب طاب حالج ...
سارة : والله بصراحه تسلم عالعزيمة اللي اليوم .... وانا باجر عازمتك ترا
بدر : العفو ما سوينا شي ... وماله داعي الكلافه
سار: لا لا له داعي ونص .... لازم
بدر: خلاص اشوف وارد لج خبر
سارة : خوووووش .... ايه هذا الكلام العدل
وكملتها سوالف معاه ......... وطبعا بدر كان مع رفيجة خالد راكب بسيارة خالد الرنج روفر سبورت ..... رايحيين لمارينا كرسنت
خالد : هااااا بدير ... منو تكلم ؟؟
بدر: هذي سارة رفيجه نورة
خالد ( من سمع طاري نورة فز قلبه ) : نورة ما غيرها قريبتك ...؟؟
بدر: ايه هذي هي ...
خالد : وهذي اللي اسمها سارة شتبي فيك
بدر: ما تبي شي ... بس انا تعرفت عليها وبصراحه البنت عاجبتني
خالد ( انصدم) : ونورة ....؟؟؟
بدر: شفيها نورة
خالد: مو قلتليلي انها تحبك
بدر: والله عاد مو لازم كل من حبني انا احبه .... نورة بيجيها اللي يسعدها ان شاء الله
خالد : بس يا خالد .... حرام عليك
بدر: بس بس لا حرام ولاشي ... هذي مشاعري وانا حر فيها ... امش امش خلنا نروح الربع ناطرينا
خالد : كيفك ...( وكملو طريقهم و غيروا الموضوع ).........




نجد( تصارخ بالتليفون ): يوووووووووه .... يا الهي ارحمني .. خلود شفيج شفيج انتي يالحنانة تراج غثيتيني ولوعتي جبدي ..... ما صارت
خلود : ههههههههه توج ما شفتي شي .... وافقي وانا اسكت ...
نوره( كانت معاهم بالخط شابكينها .... دقت عليها خلود وبلغتها بالسالفة ) : نجد ما عندج سالفة لو ما وافقتي يعني الرجال مثل ما فهمت من خلود ماشاء الله كامل والكامل الله
نجد: ادري .... يا نورة ادري .. بس هذا زواج يعني لاخر العمر مو لعبة خلوني افكر
خلود : فكري فكري يمه على كيفج ... هااا لين تيي وحده من بنات ربع ابوه التجار .. وتاخذه منج ....
نجد: والله كيفه ما يشوف شر ...
خلود : ياربي هالبنت بتقتلني... نورة تحجي لا اذبحها
نورة : ههههههههههههههه خلود انتي ليش بتموتين خلي البنت بكيفها
خلود : والله ما اخليها بكيفها ... لين توافق ... مابي اضيع البشارة اللي واعدني فيها حمد (تضحك)
نجد: يالمشفوحه .... افاااااا تضحين برفيجتج عشان هدية عاديه ... مادام جذي انا بعطيج اياها وفكني من شرج
خلود: هديه عاجية بعينج .... ما عرفتي حمد فديته هداياه ما تقل عن عقد المااااس ... يالخبلة يالهبلة يالعبيطه وافقي الله يخليج ... عشان انا اخذ عقد الالماس وانتي تاخذين االالماس بكبره وهو حمد ...
نورة: ياااااا عيني يا عيني .......
نجد : والله ما ادري بس انتي تعرفيني يا خلود ... انا صحيح اهلي على قدهم بس عمري ما غرتني المظاهر .... وهالشكليات اخر همي ... يعني انا سمعت اهلي واخوي طلال لما يتكلمون عن املاكه .... بس صدقيني انا هذا الشي مو اكبر همي .... يعني اذا بوافق عليه بس عشانه رجال والنعم فيه على قوله اخوي وابوي ....ومثقف ....وبيخليني اكمل دراستي
نورة : يالعياااااااااااره كل هالمواصفات ومتردده ..... الظاهر انا اللي بكفخج مو خلود
خلود : خووووش كلام .... مادامج استوعبتي يلا وافقي
نجد: يووووووووووووووووه ( ودخلت عليها امها )
نجد : بنات امي عندي اكلمكم بعدين
ام نجد: يمه نجود بغيت اكلمج بموضوع مهم
نجد: حياج يمه ...تفضلي وقولي اللي بخاطرج
ام نجد: يمه بغيت اعرف رايج باللي تقدم لج ..... ترى انا وابوج واخوج موافقين ...
نجد ( بحسرة ) : وجدي ....؟؟
ام نجد: جدج ابوج بيقنعه وبيقتنع ما عليج انتي .... المهم الناس صار لهم فترة من خطبوا واحنا معلقينهم .... شرايج ؟؟؟
نجد: اللي تشوفونه يمه
ام نجد ( الفرحه مو سايعتها بمواقفة قعدتها واصغر بناتها ) : والله كلللللووووش فرحتيني يا بنيتي... الف مبروك
نجد( متفشله ): الله يبارك فيج يمه
ونزلت انها تبلغ ابوها واخوها .....
الجد : والله بعد مستانسين ... عينكم قويه
ابو طلال: الله يهديك يايبه ... حنا كلنا نعرف بغلاك لنجد... وانك تحبها اكثر من روحك ...
الجد: وعشان هالشي انا بزوجها لعيال عمها
ابوطلال: يبه اذا تهمك مصلحتها بارك لها ولا توقف بطريقها... يعني ولد اخوي متعب رجال والنعم فيه بس هو شرطي على قد حاله ..... وحمد ال..... رجال والنعم فيه سمعه ومال
الجد: ايه هين هين نادولي نجد بس وخلو عني هالسوالف
ابوطلال ( صعد لبنته فوووق وقالها الكلام اللي بتقوله لجدها )
نجد(نزلت ) : هلا وغلا بجدي
الجد: هلا وغلا بنجد بنيتي .... تعالي تعالي جنبي
الجد: نجد يا بوج صحيح انج وافقتي على اللي جاي يخطبج
نجد: ايه يا جدي..( وكملت عشان ماتعطيه فرصه) : وانت يا جدي لو تبي سعادتي لا تعترض...وترى عمامي غالين عندي مثلك ... بس النصيب لاجا محد يرده
الجد :صدقتي يا بنيتي ...( وبعد تردد) : مبرووووك مبرووك
نجد( باست جدها ) : الله يبارك فيك .. انا اقول جدي الغالي ما يزعل مني
الجد : هو انا اقدر ... لا بالله ما اقدر
ابو طلا ل : هاااه مادام السالفه خلصت على خير.... اجل بخلي ام طلال تدق على ام حمد
( وراح وقالها ....وفعلا دقت على ام حمد وبلغتها بالخبر السعيد )
ام حمد : الله يبارك بعمرج يا حياتي ....
ام طلال : وتقدرون تشرفونا بأي وقت عشان الخطبة الرسمية
ام حمد: خلاص الخميس الياي يناسبكم
ام طلال : أيه يناسبنا .... حياكم الله
ام حمد : الله يحيج .... واتفقوا وسكروا التليفون
(( ام حمد راحت لجناح ولدها .... وفتحت غرفته مالقته ... مرت لغرفة المكتب لقته قاعد يطلع اوراق من الخزنه الكبيرة ....))
ام حمد : كللللللووووووش
حمد (التفت على امه متخرع ) : هلا يمه شفيج تيببين
ام حمد :ما فيني شي ... بس اهل العروس وافقوا ...
حمد : شنوووو؟؟؟ اهل نجد
ام حمد : ايه اهل نجد بعد ما غيرهم وافقوا توني مسكرته منهم
حمد ( للحين مو مستوعب ) : غريبه ... شلون ؟؟؟
ام حمد : وشالغريب بالموضوع ...؟؟ اصلا يحمدون ربهم عليك ..
حمد بقلبه يقول ...( ايه ايه يا يمه .... ماتدرين اني تعنيت لهم .... ونطرت ابوها ...وكلمته .... وتحملت يدها كله عشانهاااا)
ام حمد : حموووود يمه شفيك سرحت ... اللي واخد عقلك ( وغمزت له )
حمد : هههههههههههه ... يحليلج يا يمه ما تطوفين شي .... المهم اتفقتي مع امها متى بنزورهم
ام حمد: ايه قلت لها الخميس الياي ان شاء الله

وخلود درت بالسالفه .... والارض مو سا يعتها من الوناسة ...... ونورة بعد درت ودقوا عليها يباركون لها ....ونجد قالت لهم انهم ما يبلغون باجي البنات الا لمن يصير كل شي رسمي



يوم الثلاثاء

طبعا سارة صارت كل يوم ما تتغدا مع البنات ... لانها تطلع تتغدا مع بدر ..... وصارت علاقتها معاه قوية ....
بدر: سارة
سارة: هلا
بدر: بصراحه انا لو تقدمت لج ... شنو بيكون رايج ؟؟؟؟؟
سارة ( تبلع ريجها )): تتقدم.... لي انا ...؟؟؟

************* نهاية الفصل الرابع *********************


شنو تتوقعون بيصير بنجد ومستقبلها مع حمد ؟؟؟؟؟
هل اعيال عمها بيوقفون في طريقها ..... وينهون سالفة حمد بطريقتهم ؟؟؟؟

وسارة ... وبدر هل الايام بتكشف له خباثة سارة .... والا بتمشي عليه هالتصرفات لان كيدهن عظيم .....؟؟؟

ونورة لو درت بهالعلاقة شنو تتوقعون ممكن يصير فيها ؟؟؟ هي وخلود وهنوف ونجد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-04-2009, 07:32 AM
صورة هو كل اهلي ودنيتي الرمزية
هو كل اهلي ودنيتي هو كل اهلي ودنيتي غير متصل
©؛°¨غرامي مشارك¨°؛©
 
الافتراضي رد: على كف القدر نمشي ولا ندري عن المكتوب روايه


والله مررررررررررررره روعه القصه هاذي قريتها من قبل بس مو كلها لان المنتدى ماادري وش صار فيه اخترب
عموما اقروا القصه ترى مرررررره متعه وحلوه
ومشكور يا عسل على النقل......


الرد باقتباس
إضافة رد
الإشارات المرجعية

رواية على كف القدر نمشي و لا ندري عن المكتوب / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM
علامات ليلة القدر نصراوية بكيفي ارشيف غرام 18 21-09-2009 03:09 AM
ماذا تفعل في العشر الاواخر من رمضان وليلة القدر عاشق الجنة ارشيف غرام 8 13-10-2006 11:28 PM

الساعة الآن +3: 02:00 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم