القياده

[سهم القوافي]

اسعد الله اوقاتكم بكل خير...
اتمنى ان انتال اعجابكم واستحسانكم

ماني تبيع ويندرق بآخر الصف = اروم بعزومي شموخ القيــــــاده
ما اذل نفسي لو زماني تعسف = اموت مانزل عن عروش السياده
اشيل روحي للمعزه على الكف = ماصرت عبد الا لراع العبـــــــاده
اطلع صعيبات المعالي على خف = يوم ان ولد اللاش حط الوسـاده
اشوم عن مجلس هل الذل واعف = يقطع طموح ماسعى للريــــاده
يجلب على راعيه غبن وتخلف = دايم حياته نقص مامن زيـــــــاده
لو المراجل بالمنى والسوالف = كان اكثر العالم من الهرج ســــاده
حتى العذارى بالمراجل تغطرف = ترم العباه وسترها والقــــــــلاده
وكلا على حلم ومناوي يولـــف = وكلا على ماقيل يطلق جــــــواده
وامثاله بحمل الشعارات تهتف = ناده ياراع العز ! الا انت نــــــاده
الشيخه اللي ساسها الدور واللف = لابد ماترجع عليك بقــــــــراده
درب المراجل للمعالي مكلف = قول وفعـــل وعـــزوم صلبه وإراده
ولكل حزه بالمواقيف موقــف = للين عرف ونصرت الحرب قـــاده
بالسلم مابين القسى والتلطف =واللي يخوض الحرب يحسن عتاده
يسعى ويبشر بالنتائج تشرف = ولا يـلام المرء بعد اجتهــــــــــاده
مافاد من قصر كثير التحسف = ولاحصل الاحمق ثمر في عنـــــاده
نبع الرجوله دايم الدوم ماجف = بمجالس الاخيار تكسب شهـــــاده
اللي لهم بالدين حاضر وسالف = بيتن بلـــيا دين هشه عمــــــــاده
يروح مرواح الهبوب الخفايف = لو مجد بلحظه رجع للزهــــــــاده
دنيا بليا دين هم وتكســــــــف = لو فرحتك ساعات ماهي سعــــاده
سعادة الظاهر كــذب مغـــــلف = برق ورعد مابه غيث وحصــــاده
يالآدمي تقواك والدمع يذرف = تنفعـــك في يوم يهيل بســــــــواده
منه يشيب الطفل والقلب يختف = والحامل بهوله تجيــــها الولاده
مابه امير ولا وزير وموظـــف = الا العمل والغير يصبح رمـــــاده
هيهات ياللي حيلتك بالتأســف = يرجي على الدنيا حسايف معـاده!
بيثقل الميزان من بعد ماخف = ليت الرجاء من عقب رجواه فـــاده
مالك على ساير جهنم مكلف = لاقـــــــــال ربي وده النار قـــــــاده

وسلامتكم..............بقلمي.......

[ابيض واسود]

ســـــــــــــــــــــــــــــــــــــهم القــــــــــــــــــــــــــوآفي ,,,,

صح لســـــــــــــــــــــــــــــــآنك,,ويســـــــــ ـــــــــــــــلم بنانك


حاولت اقتبــــــــــس من هــ التحــــــــــــــــفة الشــــــــــــــعريه,,

والله,, لقيــــــــــــــــت,كلـــــــــــــــــها ابــــــــداع,,في ابـــــــــــــــــــدآع..

وكل بيت يمـــــــــــثل شمـــــــــــــــــوخ وهــــــــــــــــــــــــامة للشــــــــــــــــعر,,,

تسلم لي على على هــ القصيدة الشامخة بكل ماتعنيه هذهـ الكلمة من معنىــــ>
تحياتي وتقديري واحترامي لك ولسهم ابداعك الشعري وسلامي لك ايها المبدع
دمت برعاية الله,,-->>
>
>
7
7
7
,,ولاعزاء لمسوّدي صفحات النّت بالسّباحين,,

[أســــ الغنج ــــير]

اخوي الغالي والوافي
سهم القوافي
صح السانك شهادة حق اقولها وغيري يقولها
انت مبدع ومكسب لقسم همس القوافي لاعدمتك
لاعدمتك اخوي
وتقبل تقديري
وتحياااااااتي

[صمت الرجااااال]

اخوي / سهم القوافي

اسعد الله اوقاتك بالخير والمسرات

قصيده اكثر من رائعه

تستحق الاعجاب

صح لسانــك
وبيض الله وجهك

[nashwan/wish master]

دنيـا بليـا ديـن هـم وتكسـف
لو فرحتك ساعات ماهـي سعـاده
سعـادة الظاهـر كـذب مغـلـف
برق ورعد مابه غيث وحصـاده


اخي الغالي سهم القوافي

فعلاً ...

تعجز الكلمات عن الوصف

فقد استمتعنا هنا بكل حرف

صح السانك

وتسلم يمينك

متميز كالعادة

فلا تحرمنا جديدك


دمت بخير

تحياتي
نشوان/سيد الامنيات