اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 31-07-2008, 05:29 AM
صورة حلا2009 الرمزية
حلا2009 حلا2009 غير متصل
©؛°¨غرامي مشارك¨°؛©
 
قصة يحسب اني أرقص واغني ..وانا من همي أرتجف..


ابي ردود عشان انزلها

وان شالله تعجبكم لانها روووووووووووووووووووووووووووووعه

وانا انزلها حسب الكاتبه تكتب جزء وتنزله وانا انقله ))اوكي

ان شالله تعجبكم

دمتم



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 31-07-2008, 05:31 AM
صورة حلا2009 الرمزية
حلا2009 حلا2009 غير متصل
©؛°¨غرامي مشارك¨°؛©
 
الافتراضي رد : قصة يحسب اني أرقص واغني ..وانا من همي أرتجف..


مع البارت الاول

-
السلام عليكم ..

بعد ما انتهيت من قصتي احلام لاتكتمل ..
جيت لكم بقصتي الجديده الي اطلقت عليها اسم ..

يحسب إني أرقص وأغني ..! وأنا من [ همــ‘ــي ] أرتجف .. !!

الجزء الاول ..
سديم بقمة بكائها : يممممه ماابيييييه تكفييييييين .. !!
ام سديم : يابنتي هذي كلمة ابوك ومايصير نثنيها ..
سديم : لكن انتي الي الك الكلمه .. ابوي تركني اعيش معك .. وراح تزوج ثانيه والثالثه .. يعني الكلمه لك انتي في زواجي ..
ام سديم : لكن هذا ابوووك .. وتعرفينه صارم بقراراته .. وكلمته هي الي تمشي ..
سديم : اكييييد من زوجاته .. هم الي وسوسو فيه وقالو له يزوجني غصب علي .. يممه انا احب سامر ولد خالتي وهو يحبني .. والكل يعرف هذا الشيء ..
ام سديم : لكن يابنتي خلاااص بكرا خطوبتك على ياسر .. تراه ولد ناس وراح يعيشك احسن عيشه ..
سديم وتبكي : بكرااااا .. آآآه من بكرااا .. يمه ترضين لي ابتعد عنك .. انا راح اكون بالرياض وانتي بالدماام ..
ام سديم : يابنتي ترا بكرا بس خطووبه ... يعني بعده باقي على الزواج .. يمكن تتفاهمين معه .
سديم : تكفييييين ابي اكلم خالي محمد..
ام سديم : خالك محمد في امريكا .. ومايقدر على زعلك .. يعني لو بيسمع بالخطوبه راح يقطع دراسته ويجي هنا .. وراح يخسر الدراسه ... وانتي ما تقبلينها له ..
سديم : خلاااااص يعني مافيييييه امل ..
ام سديم : ترا اهل ياسر مررره تمام يعني راح تفرحين معهم وتعتبرينهم اهلك .. انا طالعه يابنتي وفكري زين ..
سديم بعدها على بكائها .. ليييه كذا .. لا ويقولون دلوعة ابوي .. انا ابوي ماشفت الا فلوسه بس .. مدلعني بلفلوس .. مااشوفه بالاشهر .. والحين يحكمني بالزواج .. يعني انا وش ذنبي اذا كان ابو ياسر صديقه ومايرفض له طلب .. آآآه بس .. ياترى هالياسر وش مواصفاااته .. وانا ليييه افكر في مواصفاته ؟؟ !! انا احب سااامر .. من انولدت وانا محجوزه لسامر .. وش الي غير الحين .. ياترى سامر وش حاله لما وصله الخبر .. ؟؟!!
.....
الرياض .. بيت احمد الـ ..
غرفة ريماس .. ومعها بنت عمها ياسمين ..
ريماس : القهر ياياسمين اني ادق عليه مايرد علي ..
ياسمين : انا الي ابي اعرفه .. وش وصلها الى بيت عمي عبدلله ( ابو ياسر ) .. مدامها من الدمام ..
ريماس بحسره : لان عمي عبدلله .. صديق ابوها ..
ياسمين : حلوه اهي ؟؟ !!
ريماس : افففف وش هدي الاسئله ياياسمين .. على ماسمعت انها مرره حلوه لكن مو احلى مني
ياسمين : اها .. ترا اهلي بعد ساعتين بيروحون الشرقيه .. عشان بكرا الخطوبه .. وراح يمرون علي .. انتي بتروحين ؟؟
ريماس : اييييه اكييييد انا لاااازم اروووح .. وراح البس احلى فستان .. وراح اصير احلى منها .. عشان ياسر يشوف الفرق ..
ياسمين : متى اهلك بيروحون الشرقيه ؟؟
ريماس : يمكن معكم ومع عمي عبدلله ..
ياسمين : اتمنى نروح مع عمي عبدلله لان اكييد بيروحون بسيارتين .. سيارة ياسر وسيارة عمي .. ونكون احنا البنات مع ياسر ..
ريماس : لاااا انا مستحيييل اروح مع ياسر .. ابيه يتفاجئ بوجودي
ياسمين : اكيييد بيتفاجئ .. ولا الحلا عنده ويروح للفقر ..
ريماس : آآآه بس ..
....
بيت عبدلله ( ابو ياسر ) ..
غرفة ياسر ..
ماسك بيده اليسار السيجاره ويده اليمين وعنده الجوال باذنه .. رمى نفسه على السرير بتعب وارهاق ..
ياسر : ياقمر .. انا احب ريماس .. ومستحيييل اني انساها ..
قمر : خااالي .. انت راح تنسى ريماس .. ترا على ماسمعت عن سديم انها حلوووه مرره وحبوبه .. وراح تنسيك اياها
ياسر بعصبيه : لكن هذاك حبي الاولي والاخير .. وانا خااااايف !! ..
قمر : من شنو خايف ؟؟
ياسر : من الاياااااام تخليني احب سديم و انسى ريماس في نفس الوقت ..
قمر : وهذا الزين ..
ياسر : لييييييه ماتبين تفهمييييييني ؟؟
قمر : ياسر انت تعبااان الحين .. روح ارتاح قبل لاتروح الدمام ..
ياسر : المهم اني اشوفك هناك ..
قمر : اييييه اكيد .. حجزنا طيران ..
ياسر : اها حلووو ..
...
قمر بنت اخت ياسر الكبيره رسل .. ورسل متزوجه من واحد شغله في حائل .. عشان كذا عايشين بعيد عن اهلهم .. بس بالمناسبات يجون الرياض .. وعندها من العيال .. بنتين .. قمر وعمرها مثل عمر سديم 19 سنه .. ورنيم عمرها 10 سنوات .. قمر دلوعة خالها ياسر .. وهي تحبه كثيييير ..
...
غرفة غزل ..
غزل تكلم بنت خالتها ساره ..
ساره : وش اخبار ياسر ؟؟
غزل : والله وش اقول لك .. حالته مو حاله .. تعبااان مررره .. حبه لريماس قووووي ..
ساره : طيب كان خليتوه على راحته .. وخطبتو سديم الى نواف ..
غزل : نواف اخوي بعده صغير على الزواج ..
ساره : 20 مو صغير .. وسديم عمرها 19 سنه .. يعني اكبر منها بسنه ..
غزل : لا امي تقول بعده صغير ..
ساره : اها .. طيب انا بقوم اجهز .. عشان المشوار للشرقيه ..
غزل : اوكي بايو ..
ساره : بايااات ..
...
ساره .. امها ماتت وهي صغيره .. وربتها خالتها ام ياسر .. وعاشت معهم سنين .. وبعدها ابوها طالب بانه ياخدها .. وبالغصب ابتعدت عن خالتها ام ياسر .. وهذا ماكان ودها .. وعشان كذا هي الحين تسمي ام ياسر يمه .. وياسر ونواف تعتبرهم اخوانها ..
..
غزل كانت تفكر باخوها وحاله .. تمنت انها وقفت ضد هالخطوبه .. لكن ماباليد حيله ..
دخلت اختها الكبيره سمر ..
سمر : غزووول وش تفكرين به ..
غزل : في اخووك ياااسر ..
سمر : والله ان سديم حبوووبه ..
غزل :وانتي وش عرفك ؟؟
سمر : مره زرناهم انا وامي .. وكانو قمة الاخلاق .. وتراهم مثلنا عائله راقيه .. وعندهم خير .. لكن ياسر الله يهديه .. كل تفكيره بريماس ..
غزل : الله المعين .. بتروحين معنا ولا مع خطيبك الشرقيه ؟؟
سمر : ناااصر اكيييد ..
غزل : اها ..
سمر البنت الي بعد رسل .. عمرها 27 سنه .. انخطبت متاخره .. عشانها تدرس طب .... والي يجي بعدها ياسر عمره 24 سنه .. وبعده نواف 20 سنه .. وآخر العنقود غزل عمرها 19 سنه ..
...
على الساعه 4 العصر .. كلهم انطلقو ..
سيارة ياسر ..
غزل : كلولولوولوش ..
ياسر انقهر بقوووه : غزززززززززل ..
نواف : خلها تفرح يااخي .. اول اخو عندها يخطب ..
ياسر بعيونه الحزن : انا مو فرحاااان ..
غزل : ترا سديم تهبلللل .. يالييييييييييتنا خطبناها الى نواااف ..
نواف : ههههه خلااص اجل ياياسر نبدل الادوار ..
ياسر بحسره : ياليييييييييييت ..
غزل عن جد انقهرت من كلام نواف .. وانقهرت اكثر لما شافت تاييد ياسر .. البنت راح تكون خطيبته .. وش يقووول هذا .. صحيح انا الي بديت بالكلام .. لكن عشان احرك مشاعره .. ولا حياة لمن تنااادي ..
غزل : اسكتووووووووو ماابي اسمع كلامكم ..
ياسر طالع بنواف وبادله نواف النظرات الاستغرابيه ..
غزل : ياااسر تكفى ادا ماتبي البنت .. لا تعذبها .. هي مالها ذنب ..
ياسر مسك السيجاره وبفمه على طووول ... خلاااص تعبت نفسيته .. ليما الحين مفكر نفسه بحلم .. يعني راح يكون الى غير ريماااس .. صعببببه والله صعبه .. ومااعرف من هذي البنت بعد .. ووش اخلاقها .. وكيف هي راح تعيش معي .. وخاصه اني بخذها معي الرياض .. ياالللللله وش هالبلووووه ..
نواف حس لياسر .. ((اهلي ظلموووك بهالزواج المغصوب .. لكن ممكن تكون البنت حبوبه .. وتعيشك احسن عيشه .. وتنسيك ريماس .. ))
...
عند سيارة ابو ياسر ..
الجده : والله ان ام سديم تنحط على الجرح يبرا ..
ام ياسر : اييه والله .. زرتهم مرتين بس .. دخلو قلبي .. حبوبييين وطيوبين ..
ابو ياسر : والله مااخترتها الا اني اعرف انها بتسعد ياسر .. وهذا الاختيار الصحيح له ..
الجده : انا مدري وش يبي في ريماسوه هذي ..
قاطعتها ام ياسر : يممممه .. تراها بنت اخو عبدلله ( ابو ياسر ) ..
الجده ماتحب ريماس ولا امها .. لان ريماس تكرهها من قلب .. وهي الي شجعتهم يخطبون سديم لياسر .. عشان تحرق قلب ريماس وامها ..
.....
بسيارة احمد ( ابو ريماس ) ..
ام ريماس : والله اني مالي نفس احضر هالخطوبه ..
ابو ريماس : ولييييييه ماتحضرينها ؟؟
ام ريماس : لااااا .. يعني المفروض ولد العم ياخذ بنت عمه ..
ريماس : يقهر عمي عبدلله .. سمعت من غزل انه هو الي اختار سديم لياسر ..
ام ريماس دارت لبنتها وقالت لها بهمس مايسمعه الا ريماس : يابنت مو من صالحك تسوين فتنه بين عمك وابوك .. لان لو صارت فتن ماراح نتقابل معهم ..
ريماس غمزت لامها وبابتسامه خبث .. وناويه على شر ..
...
سيارة ابو فهد ..
ياسمين : اففففف .. انا منقهررررره ..
ام فهد : ليييييه ؟؟!!
ياسمين : لانه ياسر راح يخطب وحده غير ريماس ..
ام فهد : .. انتي وش دخلك ؟؟
ياسمين انقهرت مرررره ..
ابو فهد : اكيد اخوي عبدلله مااختار البنت الا انها مناسبه لياسر ..
ياسمين منقهره مررررره .. : يمممممممه فهد متى يرجع من السفر ؟؟
ام فهد : والله ماادري ماقال لي ..
ابو فهد : اشك ان ولدك متزوج استراليه ..
ياسمين : هههه أي والله حتى بالاجازات مايجي السعوديه .. المفروض يكون مشتاق لنا ..
ام فهد : لاتشككوني بولدي ..
ابو فهد وياسمين : ههههههههه
...
وصلو العائله الشرقيه .. وراحو على الفندق الي حجزه لهم العم عبدلله ..
نزل ياسر من السياره .. وسلم على عمومه ...
ونزلت ريماس من السياره .. وتبي ياسر يشوفها .. راحت عند غزل ..
ريماس : هلا غزل كيفك ؟؟
غزل : ياهلا والله ريماس .. انا الحمدلله بخير .. انتي كيفك ؟؟
ريماس وتعمدت ترفع صوتها عشان ياسر يسمع : متضاااايقه مدري لييييه ؟؟ .!!
غزل عرفت وش مقصدها وطنشتها .. اما ياسر ... وش اوصف لكم .. نبضات قلبه قويييه .. هو كان خايف من هاللحضه .. مايبي يشوف ريماس عشان يعدي اليوم على خير .. لكن شكله مابيعدي هاليوم .. ادا كان ياسر قلبه معه بنفس المكان وقاعد مع وحده ثانيه .. توقعها ماتجي الشرقيه ولا تحضر الخطوبه .. لكن جات .. وياقلب ياسر .. !!
...
غرفة سديم ..
دخلت ام سديم الغرفه ..
ام سديم : يمممممه بسك بكي .. والله تقطعين قلبي ..
سديم : ماابيييييييييه انتو ماتفهمووووووووون ..
ام سديم : عشان خاطري تكفييييين قومي وجهزي نفسك .. بكرا الخطوبه .. وراح يشوفك ياسر . وتخيليه يشوف شكلك كذا ؟؟ !!
... : يااهل البييييييييت ..
ام سديم : ياهلا والله غاده .. تعالي شوفي سديموه وش مسويه بنفسها ..
غاده غمزت لاختها ام سديم : خلييها علي ..
ام سديم : ماابي اشوف الدموع بعيونها ..
غاده : ابشري ..
طلعت ام سديم ..
غاده : انتي يامهبوله ؟
سديم : ماابييييه سوي شيء تكفيييييين ..
غاده : والله انه حلووووووووو .. عليه رزززه غير طبيعيه .. والله لما تشوفينه ماتبين تدورين وجهك عنه ..
سديم : وانا وش دخلني خذيييييه لك ..
غاده : اففففف انتي وجه فقر ..
سديم : خالتي غاده تكفييين اطلعي عني ..
غاده : هههههه طرده محترمه .. وياحلو خالتي على لسانك ..
سديم غصب عنها ضحكت .. لان ماتقدر على مزح غاده .. : افففف منك .. انتي اصغر مني لييه اقول لك خالتي ؟؟ ...
غاده : لااااااا .. اصغر منك بسنه بس .. يعني موب كثييير ..
سديم : خلاص ياخالتي .. ههههه ..
غاده : ماسالتيني وين شفت ياسر ؟؟
سديم : افففف .. ويييين ؟؟
غاده : في صوره اعطتني اياها امك ..
سديم : اهاااا .. وش اخبار سامر ؟؟
غاده تغير وجها .. : الحمدلله ..
سديم : كذاااااابه ؟؟ وش فييييه سامر ؟؟
غاده : اففففف مافيه شيء .. ماتبين تشوفين ياسر ..
سديم باستهزاء : لااااااااااااااااا خليني اتفاجا بجماله على قولتك ..
غاده : المهم قوليله يناديني خالته ...
سديم : ههههههههههههههههههههههههههه .. انا وياالله هو بعد .. خخخخ
غاده : مااالت عليك .. بروح اكل لي شيء .. وراجعة لك .. لان بنام عندك اليوم ..
سديم : اففففففف ..
غاده : قاعده على قلبك .. هههههه
سديم : هههههههههههه
غاده عرفت تغير حال سديم .. وراح تقعد معها .. وان شاءالله النفسيه تتغير على ياسر .. لانها بالمره كارهته ...
...
بالفندق ..
ياسر كان بقمة توتره .. يعني بكرا الخطوبه خلااص .. آآه ياريماس .. رفع جواله دق على الرقم ..
ريماس : خييييير وش تبي ؟؟
ياسر : ريمااااس افهمييييييني ...
ريماس تتصنع البكاء : لاااااااا وش افهم ياياسر .. والله في ولد يزوجونه غصب عليه ..
ياسر انقهر من كلامها بقوووه : ريمااااااس !!
ريماس : ياااسر انا احبك ومجنونتك .. حرااام عليك تتزوج غيري ..
ياسر : وانا بعد احبك .. ومستحييييل احب غيرك ..
ريماس : كلاااااااام !!
ياسر : لااااا مو كلام .. وبكرا راح اقول لها اني مااحبها .. راح اقول لها اني احبك ياريماس .. ومستحيل اتخلى عنك ..
ريماس ماتت من الفرحه .. لكن تبي تحتقره : ياااااسر لاتدق على رقمي مره ثانيه .. خلاااص انت خاطب ..
سكرته بوجهه ..
ياسمين : حراااااام علييييييييك ..
ريماس : ههههههههه راح اعذبه .. وراح اخليه يرجع لي ويترجاني ..
ياسمين : تراااه ماله ذنب ..
ريماس : خلاااااص ياسمييين ..
...

اتمنى اعجبكم الجزء الاول ..
وان شاءالله اشوف تفاعلكم ..
...
يحسب إني أرقص وأغني ..!
وأنا من [ همــ‘ــي ] أرتجف .. !!


انتظروني بالجزء القادم ..
وش راح يصير من الاحداث لـ ( ياسر .. سديم .. ريماس ) ..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 31-07-2008, 05:32 AM
صورة حلا2009 الرمزية
حلا2009 حلا2009 غير متصل
©؛°¨غرامي مشارك¨°؛©
 
الافتراضي رد : قصة يحسب اني أرقص واغني ..وانا من همي أرتجف..


ابي الردود الحلوا

مثلكم عشان اكملها اوكي

دمتم بود



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 31-07-2008, 06:50 AM
صورة الحزن الناعم الرمزية
الحزن الناعم الحزن الناعم غير متصل
©؛°¨غرامي مشارك¨°؛©
 
الافتراضي رد : قصة يحسب اني أرقص واغني ..وانا من همي أرتجف..


مشكورة خيتو علة القصة الحلوة
ننتظركـ لاتطولين علينا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 31-07-2008, 06:57 AM
صورة noora08 الرمزية
noora08 noora08 غير متصل
©؛°¨غرامي جديد¨°؛©
 
الافتراضي رد: قصة يحسب اني أرقص واغني ..وانا من همي أرتجف..


مشكوره خيتو على نقلك لها الروايه الحلوه

لسا ما قريتها بس عنوانها ملفت

بس ماقلتي لنا مين الكابته ؟؟ لانك قلتي نقلتيها ياريت توضحين

عشان حرام تكتبها وحده وتنقليها بدون اسم
:) وشكرن لك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 31-07-2008, 08:04 AM
صورة بحر الشووق الرمزية
بحر الشووق بحر الشووق غير متصل
©؛°¨غرامي مشارك¨°؛©
 
الافتراضي رد: قصة يحسب اني أرقص واغني ..وانا من همي أرتجف..


يسلمو يالغلا على القصة رائعه
ننتظر البارت الجااااااي لاتطولين



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 31-07-2008, 11:09 AM
صورة مغروره بس حبوبة الرمزية
مغروره بس حبوبة مغروره بس حبوبة غير متصل
©؛°¨غرامي مشارك¨°؛©
 
الافتراضي رد: قصة يحسب اني أرقص واغني ..وانا من همي أرتجف..


تسلم يمنآك حيآتو

الروايه رهيـــــــــــــــــــبه مررررررررره نآآآآآآآيس

يعطيك العافيه على هالابــــــــــــــداع

وانتظر اجديدك على احر من الجمر

تحياتي معطره بالجووري

اختك(( مغــــروره بس حبــــوبة ))*



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 31-07-2008, 03:02 PM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: قصة يحسب اني أرقص واغني ..وانا من همي أرتجف..


~


الله يعطيك العافيه
تسلمين ع النقل المميز
بس ياريت توضحين لنا اسم الكاتبه


~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 31-07-2008, 03:08 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: قصة يحسب اني أرقص واغني ..وانا من همي أرتجف..


ياااااااااااااي القصه جنااااااااان
بليززززززززز كمليهااااااااا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 31-07-2008, 05:24 PM
صورة حلا2009 الرمزية
حلا2009 حلا2009 غير متصل
©؛°¨غرامي مشارك¨°؛©
 
الافتراضي رد : قصة يحسب اني أرقص واغني ..وانا من همي أرتجف..


الكاتبه هي خجوله 11

ودحين انزل البارت

دمتم



Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم