احلى فطور تحت نخلتنا الباسقه[ سابع موضوع بالمسابقه ]

[&&& عمري &&&]

بسم الله الرحمن الرحيم


اما بعد :

اخواني اخواتي المرجوجين اشكر لكم دخولكم
لموضوعي<<<<كنت طولت يالحبيب ماودك
تخلص>>>لاتشرهون تاثير الفول الي مزينته السحليه
اخيتي<<<شكله يبي يقول قصة حياته ابو الشباب


المهم اني في يوم من الايام الجميله وانا متكي بحوشنا
الجميل تحت نخلتنا (الباسقه)<<من زمان اسمع ذي الكلمه وودي اقولها

المهم وانا جالس ومدد كراعيني

ومطلع سقياني الفتنه اذا بفكره تطلع بمخيخي<<اصلا انت عندك مخ

المهم<<<اتحدى احد يعد كم مره قلت المهم

المهم:كانت الفكره عباره عن اني اقوم اسوي لنفسي فطوورففكرت قلت ليه مازين فطور بما ان المكونات موجوده

واروح لـــ سمارني(الخدامه المسئوله عن المطبخ)قلت سمارني فيه عندنا هيل صح قالت ايه قلت وبيض قالت ايه قلت طيب وفيه بقدونس وجزر وخيار وطماط وجرجير وماينيز <<<يسمع به بس مايدري وشو
قلت ومناديل كلينكس وحفايض<<<انفضح ناقل طلبات اهله حقت البيت قالت كلو موجود امس ينزل راتب
بعدين بابا يعطي سيسبار(السواق المسئول عن طلبات البيت)<<<< ابو الشباب ناوي يعرفكم بكل البيت قلت اخص حتا انتي اثرك تعرفين متا ينزل الراتب المهم بعد ذلك طلع شخص من خلف الباب واثرها امي شافتني وانا موقف مع الشغاله طاقه سواليف فشكت امي اني مع موعد غرامي مع الشغاله وقالت حمني (احمد) وش تسوي انت هنا انا صرت في موقف محرج وبينما ام اركب تلعب دورها انا قاعد اقول لها يما اصلن انا كنت ابي ازين فطور بعدين دق صديقي قال خل نطلع نفطر سوا بعدين طق راعي البقاله يبيني اسدد له بعدين ابوي دق وقال خل امك تقول لي وش نوع السلسال الي تبي انا يوم قلت سلسال الا والقا امي خامتن التلفون تبي تدق على ابوي <<<شفتو الاحتيال ولا بلاش>>>> اقول ورا ماتلفقها وتسكت

المهم للمره العاشر طعش رحت للمطبخ <<<اخيرا مابغا يدخل المطبخ وادخل والقا الثلاجه امامي واشوف المكونات المطلوبه امامي قلت بما ان الكراث موجود ورا مازين كلوب كراث اسرع واوفر

وفي اثناء اندماجي بالتجهيز الفطور اللذيذ وخاصةً وانت لابس الوزره اليمنيه طرا على بالي طاري قلت ورا ماغني وابدا اطرب نفسي المهم بعد ماجهزت الكلوب مع شاهي مصبوب بكاس كرفت الا على طاري كرفت معليش ابا اقطع السالفه ابي اسوي دعاية كرافت
سنعود بعد قليل متاثر بسبيس تون

.................................................. ............
كرافت
من بلدنا تفهم ذوقنا
.................................................. ............


عــــــــــــــدنــــــــــــــــا<<<باين انه متاثر بقوه



المهم :بعدما اخذت فطوري ورحت امدد كراعيني قلت اسمع اخوياي طايحين باكله جديده اسمها لوزين <<<شكل الاخ من العصر الحجري
قلت خل نروح لبقالة ابوعلاوه <<<اسم بقاله من زمان بديرتنا

نرجع للاهم دخلت البقاله وكالعاده لقطت اول بسكوت بالثلاجه <<<<مسكين يحسب الزبده بسكوت

واخذ البسكوت<<<ابو الشباب مصر انه بسكوت الا الان المهم والقط البسكوت مدري الزبده واحطه بجيبي
واقول لراعي البقاله بكل برأة وين بطاطس الربيع <<<مخبط من اثار كلوب الكراث

ويقول لي بابا انت اول سدد بعين يجي اشتري قلت له بكل حزم اصبر يلين ماينزلو المكافئات يابن الحلال<<<حتى ابو هنوده صار ينفخ عليه


بعد النفخه الي حصلتها من ابو هنوده شردت من البقاله
ورحت انام .
توته توته خلصت الحتوته <<<يسمعها من زمان ووده يقولها.





مــا يـــــســـــتـــــفــــــاد.

1_انتبه تجلس بالحوش تحت نخلتكم الباسقه
2_انتبه يوسوس لك الشيطان تروح تزين فطور
3_لاتوقف مع الشغاله لحالكم ترا امك تشك بعدين
4_اذا بغيت تصرف امك قلها أي شي فيه هديه او فلوس
5_لاتتسلف من البقاله ترا والله ان يذلك ابو هنوده
6_ترا طعم البسكوت الي بالثلاجه حق بقالتنا شين
7_ترا لوزين غيروشكلها بس الطعم ماتغير
8_ترا حليب السعوديه غلوه صار بريال ونص <<<طيب وش المطلوب
9_اذا كنت ماكل فول رجاءً لاتكتب موضوع
10_ترا يديني جاهن مشق من كثر الكتابه الي مو راد ولا مقيمني ابا .....
11_ماتلاحضون ان الــ مايستفاد اكثر من الموضوع
12_تكفون قيموني ولا لكم الا جزيل الثواب

معاني بعض الكلمات الي اتوقع انها اشكلت عليكم
كراعيني:اي ركبتاي



ياملاك وعيونها هلاك+هيبة ملك+انثى الخيال اضيفو موضوعي للمسابقه.




انـــــــــــــــــــــــــــــــهــــــــــــــــ ـــــــــــــــــــــــى

[wjood]

خخخخخخخخخخخخخ يسلمووو

[المجمعه]

هههههههههههههههههههههه

يسلمو وان شاء الله يضيفون موضوعك

[دانه بين الخلايق]

ههههههههههههههههههههههههههههه

يسلموووووووووووووو

[بيآض الثلج]

**
خخخخخخخخخخخخخخخخخخخخخخخخخخخخخخخخخخخخخخخخخخ
يثلمـــــــــــــــــــوا
**