من مذكرات خالد حب المراهقين

[اراقب وصالك]

السلام عليكم
.............
أول رواية اكتبها \\ ترددت كثير في تنزيلها لكن بالأخير قررت انزلها عسى أن تنال إعجابكم
....................................
خالد
اشعر بانجذاب لخلود شديد فا منذ طفولتنا وأنا أحس البنت هذي غير عن كل البنات اشعر بشوق كبير لها كل ما انقطعت عن أهلها واشعر بلهفة لها
وبيوم من الأيام قررت أني اعترف لها بحبي واني معجب فيها من صغرها
سوينا زيارة لهم وكنت متردد أني أقول لها وأول ما حصلتها لوحدها قلت لها
خالد.. خلود
خلود نعم
خالد . ابي اقولك شيء
خلود . ابتسمت تفضل خالد قول ما عندك
خالد بس خايف
خلود. لا تخاف ما راح اسوي شيء
خالد .. خلود اناااااا احبك
خلود. ايش
خالد .. زي ماسمعتي ويالله انا ماشي
........................................
خلود
أول ما قالها انصدمت مادري افرح اقوم ارقص ابكي خالد يحبني والله مو مصدقة وقالها بنفسة لي!!
مين يصدق ان خالد يحبني
وطول الليل ما نمت من الفرحة مو مصدقة الي سمعتة
خالد شاب عصامي ومتحمل اشغال اهله من يومه صغير\\ وذاك بسبب شغل والده الي يحتم عليه السفر الدائم طوال السنه وقلت جلسته في البيت خلت خالد هو رجل البيت بغياب والده
وحبة الشديد لناس وكثرة كلام الناس عنة بالخير تخلية انسان محبوب حتى للي مايعرفة
......................................
خالد
بعد ما اعترفت لها بحبي مشيت بدون ما اسمع ردها وصلت البيت وعلى طول دخلت غرفتي وجلست أتخيلها يوم قلتلها اني احبها كيف تغيرت ملامحها وحسيت اني فاجأتها بحبي لها
مايهمني شيء اهم شيء انها صارت تعرف اني احبها
وبدات تنتشر قصة الحب خارجنا نحن الاثنين وصار الكل يعرف انا نحب بعض ومكان فية أي معارضة من جهة اهلي واهلها
.....................
خلود
صرت اشتاق له كثير لدرجة اني ابي أي شيء يطمني علية اذا طول ولا مر علينا
وابي اصير دوم معه وصرنا متفقين على الزواج واهلي ماعندهم مانع ولا هم محصلين زي خالد
وانا جالسة افكر فية سمعت صوت الاهو صوتة بغيت اطير من الفرحة خالد عندنا!!
اول مادخل مجلس الرجال رحت اطل من ورا الباب علية وشوفة وتفحص ملامحة كانت ابي اروح له وضمة حيل
وقوله وحشتني مادريت غير اليد الي على كتفي لاهو اخوي
عبد الرحمن خلود ويش تسوي هنا
خلود تلبكت مادري شنو ارد واخر شيء قلت ولا شيء
عبد الرحمن مين فية
خلود قلت بسرعة خالد
عبد الرحمن وانا اقول ايش عندها هنا اتاري حبيب القلب هنا
خلود . لاتحرجني عاد
عبد الرحمن اقول روحي سوي لنا قهوه وشاي تحصلينة ملهوف عليها من يدك
خلود . ابشر من عيوني
عبد الرحمن ادري مو على شاني عشان حبيب القلب
خلود. اهم شيء نكرم الضيف
عبد الرحمن قصدك حبيب القلب
خلود . بسك تريقة
ومشيت من عند عبد الرحمن اسوي القهوه والشاي وانا مقهوره من تريقتة علي
....................................
خالد
وصلت لبيتهم وانا مشتاق اشوفها واحظنها وقول لها كل الي في قلبي من كلام
دخلت المجلس وكنت احس بحركة خلف الباب وكنت عارف ان الي خلف الباب خلود
وبعدها سمعت صوت عبد الرحمن اخوها وسمعت كل الكلام الي دار بينهم
اول مادخل علي عبد الرحمن قمت اسلم علية
عبد الرحمن السلام عليكم
خالد وعليكم السلام
عبد الرحمن اخبارك خالد
خالد الحمد لله طيب انت كيفك
عبد الرحمن بخير من الله
خالد والله لك وحشة
عبد الرحمن بتريقة اية صح لي وحشة قوية
خالد لية مو مصدق
عبد الرحمن لا مصدق بس امزح معاك
وجلسنا وجات القهوه والشاي وخذنا الكلام وحكينا عن كل شي
وصار لازم امشي كنت مقهور الي ما شفت خلود وانا طالع لسياره شفتها على الشباك
وهي تاشر لي بيدها مع السلامه واشرت لها ومشيت
.................................................. .........
عبد الرحمن
والله صار لازم اتزوج كل الي بسني متزوجين وانا للحين مو متزوج وبعدين خالد عنده اخت لو خطبتها ماراح يرفض وانا من زمان ابيها لازم اكلم الوالده والوالد يخطبونها من ابو خالد
رحت للوالده
عبد الرحمن كيفك يا ام عبود
ام عبدالرحمن بخير ياولدي
عبد الرحمن يارب دوم وأنتي بخير بس بغيتك بموضوع
ام عبد الرحمن عساه خير ان شاء الله
عبد الرحمن خير يالغالية بس بغيت اخطب
ام عبد الر حمن ابركها ساعة ياولدي بس مين الي انت تبي واخطبها لك
عبد الرحمن العنود
ام عبد الرحمن العنود اخت خالد
عبد الرحمن اية ماغيرها
ام عبد الرحمن البنت طيبة وتستاهل الله يقدم الي فية الخير يارب
عبد الرحمن امين بس لاتنسين كلمي ابوي باقرب فرصة
ام عبد الرحمن ان شاء الله
قمت من عند امي ورحت للغرفة ودخلت انتظر رد الوالده علي ابوي ايش رايه واخذني التفكير ونمت
..................................................
ام عبد الرحمن
هلا والله ابو عبد الرحمن
ابو عبد الرحمن هلا فيك
ام عبد الرحمن بغيت بموضوع
ابو عبد الرحمن خير يارب
ام عبد الرحمن خير ان شاء الله عبد الرحمن يقول انة يبي يتزوج
ابو عبدالرحمن والله ابرك الساعات هذي الساعه
ام عبد الرحمن وحاط عينة على وحده كمان
ابو عبد الرحمن ومين هي
ام عبد الرحمن العنود اخت خالد
ابو عبد الرحمن والله والنعم بالعنود واخوها
ام عبد الرحمن ماقلت ويش رايك
ابو عبد الرحمن ماعندي مانع والله يقدم الي فية الخير
ام عبد الرحمن امين
...................................
عبد الرحمن
ماصحيت غير بصوت الوالده وهي تخبط على الباب وتنادي عبدالرحمن
عبد الرحمن هلا بالغالية
ام عبد الرحمن ابشرك ابوك موافق ولا عنده مانع
عبد الرحمن الحمد لله عقبال مايوافقون اهل البنت يارب
ام عبد الرحمن امين.. الحين اترك تكمل نومك
عبدالرحمن
بطير من الفرحة اهلي ما عندهم مانع بالبنت واكيد خالد ماراح يكون عنده مانع يبي قربنا من زمان
طلعت الجوال قلت اتصل على خالد طليت بالساعة 10 قلت اكيد مابعد نام
اتصلت علية
جاني صوتة هلا
عبد الرحمن السلام عليكم
خالد وعليكم السلام
عبد الرحمن اخبارك
خالد دوبي كنت عندك مسرع اشتقت لي
عبد الرحمن اكيد اشتقت لك
خالد: تشتاق لك العافية
عبد الرحمن خالد الوالد موجود
خالد لا والله مو موجود في الشرقية وممكن يكون هنا بعد اسبوع ليش تسأل
عبد الرحمن بس كذا حبيت اسألك
خالد اوكي بعد اسبوع يكون هنا
عبد الرحمن على خير ان شاء الله يالله توصيني بشي
خالد سلامتك
عبد الرحمن مع السلامه
خالد مع الف سلامة
وانا ايش يصبرني اسبوع الله يعين بس نصبر هل الاسبوع وبعدين ربك يحلها
خليني انام احسن
................................
خالد
ايش عنده عبد الرحمن يسأل عن ابوي خير يارب نصبر ونشووف ايش يبغى بالوالد
ياخبر اليوم بفلوس بكره ببلاش
ودخلت ونمت
...............
عبد الرحمن خلاص انقضى الاسبوع خليني اتصل على خالد اشوف ابوه مو جود ؟!
خالد هلا
عبدالرحمن السلام عليكم
خالد وعليكم السلام
عبد الرحمن اخبارك خالد
خالد بخير انت كيفك
عبد الرحمن بخير خالد ابوك موجود
خالد اية من امس وهو هنا
عبدالرحمن الحمد لله على سلامته
خالد الله يسلمك
عبدالرحمن ترا بنزوركم اليوم المغرب
خالد حياكم اذا ماشالكم البيت عيونا لكم
عبد الرحمن تسلم والله
خالد الله يسلمك
عبد الرحمن واكي توصيني بشيء
خالد سلامتك
عبد الرحمن مع السلامة
خالد مع الف سلامة
قفلت من خالد وانا بطير من الفرحة ورحت جري للوالده ابلغها ان خالي موجود ولازم نروح نخطب البنت
عبد الرحمن كيفك يالغالية
ام عبد الرحمن بخير اشوفك مبسوط
عبد الرحمن اية خالي رجع من الشرقية ولازم نروح نفاتحة بالموضوع
ام عبد الرحمن على خير ان شاء الله
عبد الرحمن كلمت خالد وقلت انا بنجي لهم المغرب
ام عبد الرحمن ماعندك وقت تبي تسير الموضوع بسرعة
عبد الرحمن والله ابي ارتاح وعرف ردهم
ام عبد الرحمن ان شاء الله. الله يقدم الي فية الخير خلي ابوك يجي ونروح
عبد الرحمن متى بيجي
ام عبد الرحمن الحين تحصله في الطريق
عبد الرحمن هذا هو جاء الطيب عند ذكره
ابو عبد الرحمن السلام عليكم
وعليكم السلام
ابو عبد الرحمن اشوفكم مجتمعين
عبد الرحمن اية خالي جاء من الشرقية وصار لازم نروح له
ابو عبد الرحمن واكيد تبي نفاتحة بموضوع العنود
عبد الرحمن اكيد وكمان قلت لخالد بنكون عندهم المغرب
ابو عبد الرحمن على خير يارب
عبد الرحمن صار لازم اجهز نفسي باقي ساعة عن المغرب وانتم كمان جهزوا انفسكم
ودخلت غرفتي ولبست وتعطرت
طلعت حصلت اهلي لابسين وجاهزين وركبنا السياره واتجهنا على بيت خالي (ابو خالد)
وصالنا هناك على صلاة المغرب
.........................................
خالد
اول ماشفتهم وشفت عبد الرحمن عرفت انهم جايين يخطبو
طلعت وسلمت عليهم
خالد السلام عليكم
وعليكم السلام
خالد نورتونا بزيارتكم
ابو عبد الرحمن نورك خالد
خالد تفضلوا الحين الوالد يجي
ابو عبد الرحمن على بركة الله
دخلوا المجلس وجبت لهم القهوة والشاي وضيفتهم
جا ببالي اسأل عبد الرحمن سؤال
خالد عبد الرحمن
عبد الرحمن هلا
خالد وين مخبي كل الكشخة هذي من زمان
عبد الرحمن لامخبيها ولا شيء
خالد اها
ودخل الوالد علينا وسلم عليهم
وكملنا جلستنا وانا عيوني على عبد الرحمن
ابو عبد الرحمن ابو خالد ترا جيينك وقاصدينك بخدمه
ابو خالد ابشرو بالي اقدر علية
ابو عبد الرحمن بتقدر ان شاء الله\
ابو خالد قول طلبك ومايصير خاطرك الا طيب
ابو عبد الرحمن حنا جايين نخطب العنود لولدنا عبد الرحمن
ابو خالد ابرك السعات والله عبد الرحمن ولدنا ومايتعيب بس عطونا مهله كم يوم ونرد لكم
ابو عبد الرحمن ماهي مشكله خذو راحتكم بالتفكير
بس لازم نشاور البنت ونرد لكم
.............
خالد
مدري انا فرحت عشن هذي الخطوه تقربني من خلود ولا زعلت عشان العنود بتترك البيت وهذا مصير أي بنت الزواج ومالها غير بيت زوجها وكملنا جلستنا وبعدها راحو وسالني ابوي ايش رايك ياخالد
خالد والله عبد الرحمن مايتعيب ولا علية كلام
ابو خالد يعني ماعندك مانع
خالد اهم شيء رأي العنود
ابو خالد اكيد
وراحنا للعنود نسألها ويش رايها
ابوي العنود
العنود نعم
ابوي جاك عريس
العنود بخجل ومين العريس
ابو خالد عبد الرحمن ولد خالتك ويش رايك؟؟!!
.................................................. .......


اذا حبيتوها كملتها لكم)

[الزعيمـــه8]

*

بســم الله

بدايه ممتــازه

أحس العنود بترفض << يمكن لإني أحب الأكشن ^_^

‘

موفقه إن شـــاء الله

..؛

[..بدون اسم..]

يسلموووو وانتظر على احر من الجمر

[ليه الغرور ؟]

كمليها الغالية ..
لو رفضت مصيبة !!
بس من خجلها احس انها موافقة ..

[روح عمـــار]

وأضح من البدايه أنها روايه حلوه

وأن شاء الله راح أتابعها للنهايه

بالتوفيق أخوي أراقب وصالك