احلام بنات قصه خياليه بس خطيره كلها هبال ووناسه

[* سكوتي داهية *]

هااااي لاححلى اعضااااء واحلى منتدى جبت لكم اليووم قصة توووحفة

للاماااانة القصة منقولة

احلام بنات ×× قصه خياليه بس خطييييره كلها هبال ووناسه

/
\
/
\
/

القصه خيااااااااااااااااااااااااليه مافيها ولاشي من الواقع ..
القصه كلها تتكلم عن 4 بنات كانوا دايم يحلمون
انهم يسوقون .. بس ياحياتي مافي أي قانون يسمح لهم انهم يسوقون الا في البر لووول [طبعا في السعوديه] ..
ونبدا التعريف عن البنات ..
اول بنت من الشله : اسمها نجلاء عصبيه لكن حبوبه وطيبه
وخفيفه دم وماتحب تكتب ابد بس تحب تقرا
ثاني بنت من الشله : اسمها ديـما دافوره ماشاءالله دايم يقولون
لها فيك عرق مصري بس مع كذا اذا تكلمتي معاها على طول تدخل قلبك
ثالث بنت من الشله : اسمها مشاعل بااارده ثللللجه لابعد الحدود
وعلى كذا حبوبه وفيها رجه زايـده وتجيها حالات هستيريـه بس تضحك !!!
ونجلاء الوحيده اللي تقدر تخليها تعصب ..
رابع بنت من الشله : اسمها ريـم لين شفتيها تحسين انها ضايعه
ماتعرف كوعها من بوعها "يعني راسها من ساسها" هع هع ..
طيب قلبها وعلى نياتها بس تزعل بسرعه وماتعرف تصرف ..
[وكل البنات يدرسون مع بعض في ثالث ثانوي علمي مع انو الدراسه بجهه وهم بجهه الا ديـما]

/
\
/
\
/

×× البـارت الأول ××

فـي المدرسـه الساعه 8 ونص ..
تو العمه نجلاء تشرف وهي توقف سيارتها الآودي ..
وتتمخطر وهي باليالله تشوف قدامها مع انو بيتها مايبي له
ساعه ونص تأخير مايجي ربع ساعه على الاقل الا هي واصله ..
بس طبعا لزوم الكشخه جايه متأخره عشان تتوقف برا ..
وماتحضر الحصه .. امحق كشخه من جد ..! خخخخخ ..
دخلت وهي بريئه مسكينه ..
شافتها المشرفه وقالت : لا بدري !!
ردت عليها نجلاء بكل ادب وصدق [يعني كذب ونفاق] :
وش اسوي يا استاذه بنشرت سيارتي ...!
المشرفه : كل يوم تبنشر سيارتك ؟؟؟!
نجلاء [ياربي وش ذا الورطه] وقالت وهي تبتسم : عاد آخر مره خلاص انا في ثالث يعني بتخليني
مااحضر الحصه وتفوتني وبعدين خلاص مارح اشوف وجهك الصبوح اللي يفتح النفس من صباح ربي
المشرفه بغرور ماصدقت يجيها هالحكي وقالت : مدام كذا اجل ادخلي خلاص بس
اخر مره وياويلك لو اشوفك مره ثانيه متأخره
نجلاء وهي تكلم نفسها : أيه هين....!
المشرفه : قلتي شي ؟؟
نجلاء : لا لا ابد سلامتك
وراحت لصفها و اول مادخلت ..
ما امادها تقول شي الا ام لسانين اللي هي مشاعل قالت : لا بدري كان ماجيتي ...!
نجلاء عطتها نظره وقالت : ياملحك وانتي ساكته
مشاعل تكمل ولا كأن الاستاذه فيه : والله انا مملوحه بكل حالاتي
نجلاء تكمل معاها : ايه طيب بس اسكتي
الاستاذه : شوو بدكن جيب الكن الشاي والفصفص ؟؟؟
مشاعل : والله مو شينـه بس مالي نفس
نجلاء : خليها بعدين يا استـاذه
ريـم تدخلت معهم : مفطرين يا استاذه الله يكثر خيرك
نجلاء تكمل هبال : وعيـالك
مشاعل تستهبل : ويزوجك
هنـا الاستـاذه تشققت بغت تسيـح بس ربك ستر لوووووووول ..
ولا أول مره بحياتها ديـما تتدخل معاهم في هبالهم لانها دايم كانت تقولهم احنا بثالث
خلكم مؤدبين وقالت للاستاذه : لك عندي يا استـاذه حيتت عريس لوئطه !
نجلاء : وابشرك يا استاذه يشتغل معلم شاورما يعني لا
تشيلين هم
مشاعل : بيساعدك على المصاريف
البنـات اللي بالصف : ههههههههههههههههههههههههههههه
الاستـاذه عصبت وقالت : يلا كلكون لبررررررا
ديـما مسكينه انصدمت توها تتكلم واول مره تشاركهم حديثهم السعيد [امحق سعيد هع]
الا طاردتها الاستاذه وحاولت تتناقش مع الاستاذه انها
اخر مره ومدري وشو بس الاستاذه قالت : بدون نقاااااااش لبـرا كلكون
نجلاء ومشاعل وريـم الموضوع عندهم ايززززززززي متعودين
كانوا موقفين عند الباب ينتظرون ديـما المصدومه تجي معاهم ..
طبعا طلعوا وطول الوقت ديـما بس تلومهم : كله منكم انا اللي بحياتي كلها ما كتبت مخالفه اروح للمديره مره وحده
نجلاء طفشت منها : اقول لا يكثر بس وامشي
ومشاعل وريـم عايشين جو لحالهم ويقررون انهم خلاص بيزوجون الاستاذه ومتى بيحطون العرس وهذي الحركات
وعلى مين العرس وعلى مين المهر والشبكه وفي الاخير قرروا انهم يتنازلون ويتاقطون ويشترون الشبكه والحمدلله تفاهموا بالاخير بس بقى راي العروس لوووووووووول ..
المهم وصلوا عند المديره طبعا كالعاده جلسوا يتميلحون عند المديره الا ديـما المسكينه بس تقول انا مالي دخل كله منهم .. وعـدا اليوم على خير وبنهايه الدوام ..
مشاعل بدلاخه : تصدقون اليوم الاربعاء....!
نجلاء بدلاخه مثلها : لااا تصدقين توني ادري..!!
ريـم : اقول فكونا من دلاختكم وش رايكم نروح نتغدا...؟
ديـما : خلونا نروح نتغدا في ماك "ماكدونالدز"
كلهم وافقوا ولبسوا عباياتهم وكل وحده بسيارتها ..
نجلاء بالآودي .. وريـم باللكزس ..
ومشاعل بالرنج .. وديـما بـ بي ام
وصلوا ماك بحمد الله وسلامتـه ..
وطبعـا اول ماجلسوا ..
نجلاء تقول لمشاعل : ميشو حالفه انك تغدينا اليوم
مشاعل : لا والله ماله داعي تتكلفين وتتعبين نفسك
نجلاء : لا والله علي الطلاق تغدينـا
ديـما : لا تختلفون روقوا ريـمو اللي تدفع
ريـم مسويه فيها : انا بصير احسن منكم وبسوي اكرام الضيف وبخلي ديوم هي اللي تدفع لان خاطرها من زمان تغدينا
ديـما شهقت : انــــا ؟؟؟ متى قلت ؟؟؟
المهم وبعد جهد جهيد قرروا كل وحده تدفع عن نفسها مثل العاده بس لازم يسوون الفلم اللي قبل شوي الا احيانا ينزل الكرم فجأه على وحده منهم وتدفع لهم لوووووووول ..
وتغدوا وكل وحده ضفت عفشها وطست لبيتـها ..!!

××××××××××××

[العصر الساعه 4 ونص في بيت أبو نواف]
كانت نجلاء في غرفتها وتعصر مخها وتفكر انها تطلع هي
وشلتها .. ودقت على مشاعل ..
مشاعل بهبالها : اهلن اهلن
نجلاء بملل : اهلين شخبارك ؟
مشاعل : بخير دامني بخير انتي كيفك اكيد بخير يوم سمعتي صوتي!
نجلاء : ايه مره المهم بسألك وش رايك نطلع ؟
مشاعل تستهبل : قداااااااااااااام
نجلاء : ههههههه انتي قاعده مع مين قبل شوي ؟
مشاعل : مع خيو سليطين
نجلاء : آهـاا
مشاعل : المهم وين نطلع ؟!
نجلاء : اممممممم وش رايك نروح فانتزي ؟
مشاعل : اووكي بس قلتي للبنات ؟
نجلاء : لا قلتلك قبل
مشاعل : طيب دقي عليهم اجل
نجلاء : طييييب
مشاعل : يلا طسي بااايو
نجلاء : وجع طسي انتي بايات

××××××××××××
ودقت نجلاء على البنات .. واتفقوا يطلعون
الساعه 7 المغرب ..
×××××××××××××
الساعه 7 طلعت نجلاء من بيتهم ومرت مشاعل اللي طلعت لها قرون لوووول على ماطلعت هالبارده .. وبعدها راحت بيت ديـما واخر شي مرت بيت ريـم ويدقون على جوالها ولا ترد!
وديـما دقت على بيتهم وردت ام ريـم وقالت انها نااااااايمه !
نجلاء عصبت : عمى ان شاءالله هذا واحنا قايلين لها اجل لو ماقلنا لها..!!!!
مشاعل : روووقي خلاص الحين تصحى
ديـما : والله ما اتوقع ريموه اذا نامت انسي تصحى
واخر شي اتفقوا انهم ينزلون بنفسهم يصحونها ..
دقت ديـما على بيت ريـم وردت امها : الو
ديـما : اهلين خالتي
ام ريـم : هلا والله حبيبتي شخبارك ؟ شخبار الوالده ؟
ديـما : كلنا تمام انتي كيفك خالتي ؟
ام ريـم : بخير الحمدلله
ديـما : خالتي الله لايهينك عادي انا والبنات نروح
نصحي ريموه ؟؟
ام ريـم : ايه هوو حياكم الله البيت بيتكم
ديـما : تسلمين ياخالتي يلا مع السلامه
ام ريـم : فمان الله
×××××××××××
ونزلوا البنات ودخلوا وسلموا على ام ريـم ..
ورقوا فوق لغرفه ريـم .. طبعا ام النذاله اللي هي
مشاعل قالت لديـما ونجلاء : لازم نسوي لها شي يرد لطعتنا عن باب بيتهم..! [لطعتنا//قعدتنا!!]
نجلاء وديـما بنذاله : طبعا طبعا..!!!
ودخلوا الغرفه بهدووووووووء .. وكانت باااااااااااااااارده ومن جد الوضع يساعد انو الواحد ينام .. اول شي عملوه طفوا المكيف .. وجابوا شويه صابون ومويه وحطوه على الارض عشان اول ماتقوم تزلق .. طمرت نجلاء لسيارتها وجابت لهم ماسكات تخوف الواحد .. ولبسوا وقفلوا الباب وطفوا الانوار ومشاعل من وراها فتحت علبه مويه باااارده وكبتها عليها ..
قامت ريـم مرتاعه واستغربت الظلام ..! وغير كذا مين اللي كب عليها مويه وهي ماتشوف احد .. فجأه مشاعل من وراها مسكتها مع خصرها .. التفت ريـم بسرعه تشوف مين ؟
الا صرخت صرخه الله لا يوريكم ونطت من السرير للجهه الثانيه .. ماامداها تحط رجلها على الارض الا زلقت وبسرعه نطوا البنات عندها وصاروا يمسكون فيها ويستهبلون وريـم ياحياتي تصارخ ومسكره عيونها واخر شي نزلت عليهم الرحمه وتركوها وبعدوا عنها .. وقامت ريـم بسررررعه وهي تصيح وخايفه بتشغل اللمبه توها حاطه يدها الا ديـما تمسكها وتسكر عيونها وهي تصارخ وتجي مشاعل وتمسكها معها ويسكرون
فمها .. نجلاء هبلت فيها واخر شي شغلت اللمبه وهم فكوا الماسكات ..
وقالوا مع بعض : تعيشين وتاكلين غيرها ههههههههههههههه
ريـم لا شعوريا قامت تصيح زياده ..
المهم التزموا الصمت وقاموا يهدون فيها وباليالله هدت شوي وفجأه بوقت غير مناسب قامت مشاعل تضحك بقووووه لدرجه انها قامت تدمع عيونها ..
نجلاء : مشاعلوه وجع وش فيك ؟
مشاعل وهي باليالله تتكلم من كثر الضحك : اماااانه هههههه شفتوا شكلها هههههههههههههههه
وقاموا بالاخير يضحكون كلهم على شكل ريـم ..
ريـم عصبت وقامت تضربهم وبالاخير استسلمت
وقامت تضحك معاهم ..
ريـم : ليش سويتوا فيني كذا ؟
نجلاء : هذا جزا اللي يلطعنا عند الباب
ريـم : وش اسوي قلت باخذ غفوه ومسكتها نومه
ديـما تتريق عليها : مره ثانيه لا تمسكينها
وبعد ربع ساعه طلعوا .. وتوهم بيركبون السياره الا ريـم
وديـما يتهاوشون مين يركب قدام ..!
مشاعل : لا انتي ولا هي انـا
ديـما : لا والله ؟
ريـم : على كيفك هو ؟؟
مشاعل : ايه على كيفي اجل على كيفك !
نجلاء عصبت : اقول انتي وهي انقلعوا كلكم ورا
ريـم : لااااااا انا بركب قدام
ديـما : لا انـا
مشاعل : خلاص لا تصيحون علينا وحده في الروحه
ووحده بالرجعه
ريـم : شايفتنا بزارين ؟
مشاعل : انتي وش شايفه نفسك ؟؟؟
نجلاء صرخت عليهم : وجع ان شاءالله خلاص ديموه الحين وريموه واحنا راجعين ولا يكثر انتي وهي
وركبت ديـما قدام .. ومشاعل وريـم ورا ..

××××××××××××××

وش تتوقعون يصير لهم هناك ؟
واي شخصيه تحسونها اعجبتكم ؟ وليش ؟
مع اننا في البدايه يعني هع
طبعا اذا عجبتكم قولي لنا ونكلمها ان شاءالله
ننتظر تعلقاتكم

تحيـــاتنـا
/
\
/
\
bnat mrjojat

[نودي عيون موني]

هههههههههههههههههه
خطيراااات هالبناات

هووووووووو موب طبيعييااات غرفووو عقلها المسكينه ههههههههههههههه
وش هالمزززح ولا مززح شباب هههههههههه


نجلا احسها هي القائده ومره قوية الشخصيه
ديما احسها مره كيووووت ويااااي بقوه
ميشوو هبله لوووول احسها تضحك كثيررر
وريموو بين ديما وميشووو فيها من الشخصيتين

ياحبيلك مررره روعه شكل القصه
انتظر البارت الثاني

وياليت تقولين متى بتنزلين البارت اي يوم يعني

[خالد@@@]

لله يعطيك العافيه على الروايه وأنتظر التكمله
وتقبلي مروري

[***&مرام&***]

يسلمووو خيتوو
على القصة الحلوة

وكمليها باسرع وقت


تحياتي ***&مـــــرام&***

[* سكوتي داهية *]

/
\
/
\
/
\

×× البـارت الثـاني ××

وصلوا فانتزي بحمد الله وسلامته .. وكان زحممممه وخذوا تذاكر دخولهم .. طبعا مااخذوا لا شاليه ولا كبينه لانهم مارح يجلسون فيها .. اول لعبه لعبوها ماادري وش يسمونها المهم ركبوا ..
وطبعا جهه بنات وجهه شباب .. البنات ركبوا بأخر شي من اللعبه ..
وطبعا انواع الصراخ وطبعا الهبلات مشاعل ونجلاء يصارخون
قبل ماتبدا اللعبه ونجلاء تقول : لا اخاف ابي امي ابي ابوي
مشاعل تستهبل : ابي زووووجي
ديـما : مين ذا الاهبل اللي بيتزوجك ؟
مشاعل : والله واحد امه داعيه عليه
وقاموا يضحكون .. وطبعا هم لا يخافون ولا هم يحزنون ..
بس يصارخون يستهبلون .. بدت اللعبه والاخت مشاعل متنحه ولا تصارخ ولاشي غريبه ساكته...!!
نجلاء : هييييي انتي وش فيك ؟
ديـما : عسى ماشر !!
مشاعل بتناحه : شوفوا اللي قدامكم
صرخت ريـم : يازينـه .....!!!!
مشاعل : فشلتينا الله يفشلك اول مره تشوف ولد
نجلاء : علمي نفسك ياشيخه انتي متنحه من ساعه
مشاعل : انطمي انتي
ديـما : بنات وش ذا الزين ؟
ريـم : هذا زوجي مستقبلا
مشاعل : كفخيني...!!
البنات : هههههههههههههههههههههههههه
واحد من الاولاد اللي قدامهم : ماودكم تسكتون ؟
مشاعل : وش دخلك انت ؟؟!
نجلاء : لعبه ابوك واحنا ماندري !!
الولد : خلاص اسحب كلمتي اكلتوني
ريـم : من زينك ناكلك
الولد : نعععععم ؟؟؟؟
مشاعل : لا ابد سلامتك بس اقلب وجهك
الولد عصب : هييييييي انتي مو انتي اللي تقولين لي اقلب وجهك؟
ديـما تستهبل : طيب خلاص لا تقلب وجهك ضف وجهك
البنات قاموا يضحكون عشان يتنرفز انواع النذاله ..
الولد اللي يقولون عنه حلو : خلاص يافيصل تحط راسك
براس بنات
نجلاء : وش فيهم البنات ؟؟؟
مشاعل اللي كانت خاقه قلبت : مو مالين عينك والا مو مالينها؟؟؟
الولد : الا والله مالينها وش دعوه تراني تركي
مشاعل رافعه حاجبها : احد قالك نبي نتعرف ؟؟؟؟؟
نجلاء بصوت واطي لمشاعل : والله مدري مين اللي كان خاق
مشاعل تقول لها : ههههههههههه وجع
الولد ارتبك : لالا وش دعوه ماقلت شي بس عشان انهي الموضوع مو حلوه بحقكم بنات مؤدبات ومتربيات تسون مشكله مع ولد !
نجلاء بدون اهتمام : اقول لا يكثر بس
وانتهت اللعبه ويوم جوا ينزلون يصير فيهم شي لو مايحارشون الواحد
وقالت مشاعل للاولاد : فرصه تعيسه
الولد بابتسامه : وانا اسعد والله
نجلاء : عمى اقول امشي نروح اتركي عنك التعيسين
ونزلوا من اللعبه بريئين ولا كانهم مسويييين شي ..
المهم وقاموا يلعبون ويستهبلون وفجأه وهم يمشون
بيركبون لعبه الا احد يناديهم ..
التفتوا وصارت وحده تعرفهم وسلموا عليها ..
وصاروا 4 بنات من المدرسه معاها جايين واسمائهم ..
نوره / الجوهره / هديل / لمى
وطبعا كمل الاستهبااااااال بس للاسف اللعبه زحممممممه
ومافي مكان لا لمشاعل ولا هديل ولا نجلاء ..
اما الباقي كلهم ركبوا جنب بعض .. ومابقى مكان الا قدام الاولاد ..
الهندي اللي باللعبه قال لهم يركبون هناك ..
بس ماوافقووا .. وبعد اقناع ركبوا .. اول ماشافهم
الولد : ياهلا وغلا تو مانورت اللعبه
طنشوا كالعاده .. اول ماجلسوا قالت ريـم
اللي من الجهه الثانيه : اهلين اشوا انكم لعبتوا
نجلاء : ايه والله اجل نقعد نستناكم تلعبون واحنا لا
فجأه بعد فتره لمى صرخت : مييييييشوو
مشاعل : وجع يوجعك قولي امين كل العالم عرفوا اسمي خيير وش تبين ؟
لمى : معك مويه ؟؟؟
مشاعل عصبت : والله لو معي خبطتك براسك
كلهم : هههههههههههههههههههههههههههههههههههههه
نجلاء : ههههههههههه روقي روقي يالثلجه
مشاعل : نجيييل طسي تكفين
لمى : نجووول
نجلاء : هاااااااه
لمى : معك مويه انتي بعد ؟
نجلاء بملل : ايه ايه بس مو حقتي
لمى : اجل ؟
نجلاء : حقت هديل
هديل : لمووه مافيه ابي مويتي انا
ديـما : شاريتها بريال البنت خخخخخ
الجوهره : دافعه دم قلبها خخخخخ
لمى : الله ياخذكم ابي موووويه ارحموني
ريـم : هييي انتي اللي ياخذك انتي لا تدعين علينا
لمى : ريموووه خلاص "وتصرخ" نجييييييييل وعمى انتي وياها عطوني المويه
نجلاء : طيب طيب برميها امسكيها لا تطيح
وتهاوشوا مشاعل ونجلاء مين اللي يرميها ...؟
هديل : هيه انتي وياها عطوني مويتي وبرميها انا
خذت مويتها ورمتها الا طرااااااااخ في راس واحد جالس قدام لمى ..
بدال مايتأسفون يشوفون الولد جاه شي .. جلسوا يضحكووون ..
هديل اخيرا حست : لوسمحت
الولد : نعم ؟
هديل : هههههههه والله سوري ماكنت قاصده بالغلط
الولد : لا عادي حصل خير بس انتبهي مره ثانيه
هديل : ايه ان شاءالله
وخلصت اللعبه ونزلوا البنات وكملوا لعب واستهبال لما
الساعه 10 ..
نجلاء : بنات وش رايكم نطلع ؟
ريـم : لا تونا بدري
مشاعل : وش بدري ..! انا جوعانه
نجلاء : وانا جوعانه بعد
نوره : تعشوا هنـا ...؟
ديـما : لا لا برا نبي
الجوهره : طيب تعشوا بعدين ...؟!!
مشاعل : انا مااقدر جوعااااانه!!
نجلاء : وانا بعد والله.!
المهم قرروا انهم يطلعون يتعشون بس اللي بيطلع نجلاء ومشاعل وريـم وديـما اما باقي البنات بيجلسون يكملون لعب
طلعوا البنات وهم بالسياره
مشاعل : وين نروح ؟
نجلاء وهي خايفه : بنـاااات
البنات يقلدونها : نعااااام
نجلاء خايفه منهم : البنزين بيخلص
ريـم صرخت : نعم ؟؟؟
نجلاء بخوف : عاد انا وش دخلني ؟ لا تصارخين !
ديـما : طيب مافي محطه قريبه ؟
نجلاء : الا الا شوفوها قدامكم شوي ونوصل لها
وهم قاعدين يمشون طفت فجأه السياره خلص البنزين ..

××××××××××××××

ايش رايكم بالطلعه ؟ واللي صار ؟؟
الاولاد بيصير لهم دور بالقصه ؟ والا بس هنا وخلاااص ؟!!
وش تتوقعون يصير لهم بعد ماخلص البنزين ؟!!
ننتظر تعلقاتكم ورايكم

تحيــاتنــا
/
\
/
\
/
bnat mrjojat