انا الغموض اللي حياته عجيبه

[البركان الثائـر]

هذه شيءً من اختلاجات النفس ومما طرا من الذكرى التي مرت في خيالي لا يتسع المجال لذكرها
....

انــا الغـمـوض الـلـي حيـاتـه عجيـبـه = وانا الغريب اللي سكـن دار الاجنـاب
وانــا الــذي تحـلـيـل نـفـسـه صعـيـبـه = وانا الذي اطى على روس الاصعـاب
وانــا الــذي مــن دون خــل وحبـيـبـه = وانـا الـذي مـوج البـحـر فـيـه ركــاب
وانــا الــذي قــدت الـسـرايـا حـريـبـه = وانا السلام اللـي رفـع رايـة اصحـاب
ذقـــت الـحـيـاه القـاسـيـه والـرطـيـبـه = اللـي بهـا ضــرس ومفاتـيـح وانـيـاب
ارســـل كتـيـبـه وانـتـظـرلـي كـتـيـبـه = وارســل مكاتيـبـي ويأتـيـنـي اكـتــاب
مــرات افــوز ومــر شـفــت الغلـيـبـه = حـربً نسعرهـا بـلا شـلـف وحــراب
والـيــا قـنــب ذيـــبً اجـــاوب قنـيـبـه = ماهمنـي ذيـب الخـلا مـنـه مــا هــاب
والـعـلــم لا مــنــي بـغـيـتــه اجـيــبــه = اضرب على الكايد بلا .. هم وحساب
والـيـوم نفـسـي مـــن عـنـاهـا تعـيـبـه = ممـا حصـل ياربعنـا عارضـي شــاب
والنفس ضاقت والملامح شحيبه = والوقت في عيني مثل ريشة غراب
حــيــاه عـشـنـاهـا عـلـيـنـا غـريــبــه = مـن رحمتـك يـارب تفتـح لـي ابـواب

بقلمي
اخوكم البركان

[ابيض واسود]

البركان..الثاير..حمم وكنوز ودرر..الإبدآع...
انا هــ المرة,,ماني ...قايل..صح لسانك...
لأنك..اكبر..من المجاملة ...ولأن القصيدهــ تعتبر..قطرة,,من,,بحورك..الهائجه,,
لكن!!!الشاعر,, دائماً...اذآ..قرأ..مثل هذهـ ,,ومن باب الإعجاب..يتمنّى انه..هومن قالها..
لذلك.ارجو.ان..تسمح لي استاذي..ان,,اقف ..لأصفِّق.لك.وأكبّر..واذكرالله وأقول ..ماشآءالله عليك,,
الله يرحم شيبان..عقبوك..وسلايل..انت,,من عذب..انهارها..
تقبل..مروري المتواضع..الذي..يفتخر..ان يخاطب..من هو..في حجم شاعرية..البركان..
دمت بكل الخير..

[زهرة التوليب]

الله يعين على هالدنيا بخير


صح لسانك البركان

احساسك عالي ورفيع جدا

اعجبتني كلماتك ولامست احساسي

لاهنت يالذيب ^^

[اموره مزيونه]

في هالدنيا كل واحدابياخذ نصيبه
مايجدي جري وحوش وماينفع عتاب
لكن في هالدنيا عقول صغيره
تحسب بأن الفخر عروق وانساب

قصيده رائعه من غموض رائع
سلمت يمناك على ما خطت

تقبل مروري وودي

[أســــ الغنج ــــير]

هلا اخوي البركان
وبصراحه هذي اجمل قصيده قرأتها اليوم
<<عفوآ باقي قصيده ابيض واسود والله لسه ماقريتها خخخخخخخخ>> اخاف يزعل علي شكله عصبي هههههههه
عالعموم يعطيك العافيه والمره هذي مافيك حيله
لاعدمتك وتقبل تحياتي
اخوووووووووووك
أســــ الغنج ــــير