بلمك وانثرك واجمعك وارجع وانثرك بإهمال / رومنسية .. خياليه .. جريئة حيل

[ليه القسا وكلي وفا]

هاااااااي أشكر كل من رد علي
وعشان ماتتلخبطون بشخصيات روايتي
كتبتهم لكم بأختصار
الجد:خالد
الجده:انجود
وعندهم
محمد متزوج حصه وعندهم خالد وراكان وبدر ورياض وهند وغدير ورنا
وجاسم زوجته الأولى متوفيه وجابت منه فيصل وتزوج بدريه وعندهم عساف وطلال وعهد وعهود وراويه وسجى ووتين
وبندر زوجته نوره وعندهم سامي وأنجود وخلود ووعد وريناد ولجين
وناديه متزوجه عبد الرحمن وعندهم عمر ورائف وعبدالله وشوق وطارق ورهف
وهدى متزوجه ثامر وعندهم ديانا وباسل
وريمان وسطام وريان

[ليه القسا وكلي وفا]

الفصل الثالث
.. الجزء الثاني ..
الساعة2ونص بالليل
فتح الشقه ودخل قبلها بدون مايناظرها ويعبرها
ألتفتت ببراءه للشنط الكبيره اللي بجنبها"وين راح ذا كيييف أبدخلهن"
طلع من الغرفه وشافها واقفه بمكانها وباستحقار:مطوله برا
وسن أنقهرت منه وأدخلت ونزلت عباتها معصصبه:وين غرفتي
عبدالعزيز وهو يناظرها مسويه بشعرها القصير قرنين وكل ربطه بلون ولابسه بنطلون جينز برمودا ضيق وبلوزة
مخططه بشكل أفقي وكل خط بلون"متزوج طففففله وياعذابي":مالك غرفة نامي هنا بالصاله وأغراضك حطيها بدولابك بغرفتي
وسن حطت يدها بخصرها:لا والله أنت تنام بالسرير وأنا بالكنب
عبد العزيز أستغرب من جرأتها وهو رافع حاجب:لا تعالي أصفقيني أزين
وسن سكتت
عبد العزيز:أنا مأتشرف تنام عندي وحده حياتها بالشوارع المهجوره
وسن أنقههههرت:أصلا أنت وبابا فاهمييين غلط اللـ.....
عبدالعزيز بعصبيه:أسكتتتي ولا كلمه السالفه كلها واضحه والا وش يودي بنت لشوارع مشبوهه
وسن عصبت:هيييييييه أنت مو على كيفك تفسر الموضوع غلط
عبدالعزيز عصب:لا ترفعيييييين صوتك ياتبن
وسن بعناد:أرررررفعه مأررررررفعه كيييفي أنت ماااااااااااالك دخل فاهم
ماحست ألا بكف حاااااار من عبدالعزيز طيحها على الكنبه
عبدالعزيز وهي يجلس لمستواها على ركبته وبعصبيه مكتومه:مو أنتي اللي تقولين لي فاهم(ورفع صوته)فااااااااااااااااااهمه
وسن بخوووف ودموووعها على خدها هزت راسها بأيه
قام ودخل غرفة النوم وصك الباب بقووه
وسن غطت يديها على وجهها تبككككي
""لا ماكانـ العشمـ فيكمـ في عز جروحيـ تنسونيـ
وربــــي كــان انـا ظـني تجـوني قبـل انـــاديكمـ
ولكــنـ للاســف بانتـ وخـابت فيـكـمـ ظنـونـيـ
وهدمتــوا اجملـ احــلاميـ وخـيــبتوا الرجا فيكمـ""
____________________
على الساعة 7الصبح
نزلت تحت وكان البيت هادي راحت لغرفة جدتها ومالقتها"أكيد طالعه برا"
طلعت برا لقت جدتها وحريم خوالها وأمها فارشين لهم بساط وجالسين يتقهون
شوق:صبااااح الخير
الكل:صباح النور
باست راس جدتها وجلست جنبها
شوق:يمه أبي أروح لرغد اللحين
ناديه:أكيد نايمه
شوق:لا هي دجاجه قايمه<<<مثلك ياشيخه
ناديه:وش يدريك
شوق:أنا متصله عليها وتقول قايمه
ناديه:لا خليه العصر
شوق وهي تدز جدتها بخفيف يعني ساعديني
الجده:خليها ياناديه تروح لبنت عمها
ناديه:بس يمه ا..
قاطعتها الجده:لا بس ولاشي مادام البنت قايمه خليها تروح
ناديه تنهدت:طيب
شوق ضمت جدتها بقووه:الله يخليييييك لي يأحلى جده(شافت أخوها عبدالله وهو يطلع من قسم الرجال)عبووود عبوود
ألتفتت لها عبدالله اللي كان رايح يجيب شذى تقول أنها طفشت مووت من أخوها
عبدالله راح لعندهم:السلام عليكم
الكل:وعليكم السلام
شوق:وين رايح
عبدالله:أبروح أجيب شذى
شوق:تكفففففففى عبود وصلني بطريقك لرغد
عبدالله:يلا بسرعه تلقيني بالسياره
شوق دخلت وهي رايحه فوق دقت على رغد:ألو رغوده أفتحيلي الباب أنا جايه
رغد:أووكي
وبعد ساعه ونص وصلوا لأن المزرعه شوي بعيده
نزلت شوق عند بوابه كبيره
ودخلت الحديقه الكبيره اللي فيها ثلاث فلل فيلا لعمها أبو وليد وفيلا لجدها اللي يسكن فيه
لوحده وفيلا لعمها أبو رغد
راحت لرغد اللي أفتحت الباب
رغد وهي تسلم على شوق:أهلييييين كيفك
شوق:الحمدلله بخير وين البنات
رغد وهي تتدخل الصاله الجانبيه:نايمات
شوق:قهر بعد شوي بيمرني عبود
رغد:وييين أنتي مو رايحه نامي عندنا الليله
شوق:والله مأقدر حنا بالمزرعه مو بيتنا
رغد:لااا مافي أجلسي أنا أتصل على عمتي
شوق:ماتوقع توافق
رغد:لا أكيد بتوافق عمتي ماترد لي طلب
شوق:حتى لو وافقت مامي باقي عمير بتتصلين عليه وتطلبينه بعد
رغد انحرجت وقامت:أروح أقوم لك البنات أزين
شوق:ههههههههههه
((رغد عمرها22وقبلها بدور24.متزوجه وعندها لنو ونصور.وناهد18وجمانه16))
____________________
أندق عليه الباب وهو جالس بمكتبه مشغول ويوقع بالأوراق اللي في يده
طلال بدون مايرفع راسه:تفضل
............:السلام عليكم
رفع راسه وانصدم:أروى وعليكم السلام
أروى:دكتور ممكن أكلم على عمي
طلال:هاه أوكي تفضلي
أروى رفعت السماعه ودقت:ألو ميري وين بابا
ميري:بابا مو موجود مسافر
أروى أنصدمت"الحقيييير":وين سافر
ميري:مافي يعرف
أروى:وماما موجوده
ميري:لا فيه روه مع بابا كله مافي بيت أهد
أروى"سووها وسافروا":طيب متى سافروا
ميري:من أسبوع
أروى:أوكي
قفلت أروى وهي منصدمه من عمها ومنحرجه من طلال اللي من أول ماكلمت وهو مانزل عيونه عنها
أروى:شكراً
طلال:لا شكر على واجب
أروى:دكتور أبطلع للحديقه
طلال:أوكي
أروى طلعت وهي مستانسه"لازم مأنفعل عشان يعرفوا أني مو مجنونه"
راحت لطاوله عليها مضله وجلست على الكرسي تتأمل النافوره اللي قدامها
.................:أحم السلام عليكم
ألتفتت وراها ولقته طلال:وعليكم السلام
طلال:ممكن أتفضل
أروى:تفضل
طلال جلس وبعد عشر ثواني:أروى
أروى رفعت راسها
طلال"سبحان خالقها تجنن":أذا ماعندك مانع تقولين ليش أنتي هنا
أروى:مافهمت
طلال:يعني مو أنتي تقولين أنك مو مجنونه أنا بأحاول أصدقك بس أذا قلتي لي سبب مقنع
أروى:أوكي أقولك الحكايه بأختصار أمي وأبوي توفوا بحادث الله يرحمهم وأخذني عمي لبيته مو لله بس داخل على طمع وهو وزوجته
لأني وحيدة أمي وأبوي وورثت منهم ملايين وحطوني هنا عشان ياخذون كل شي على راحتهم
طلال:أها طيب الأوراق اللي تثبت أن فيك أنفصام عقلي
أروى بصدمه:من هنا
طلال:لا من مستشفى ثاني معروف
أروى:أنا مادخلت غير هذا المستشفى والأوراق أكيد مزوره
طلال وهو يقوم:أوكي أنا أبتأكد ...وراح
أروى تنهدت"نفرض طلعت من هنا وين أروووح"
_________________
راح للصالة ولقاها بنفس مكانها نايمه
فتح الستاره البيضاء والطويله عن جدار كله من زجاج شاف البحر وفكر أنه ينزل
عبدالعزيز:وسن وسن قومي
تقلبت للجهه الثانيه بملل
عبدالعزيز:قومي وسن
وسن:دقيقه
عبدالعزيز:لا دقيقه ولا شي قومي سوي لي الفطور
وسن طنشته ونامت
عبدالعزيز أنقهر وصرخ عليها:ووووسن قومي
وسن جلست بدون ماتناظره وعيونها مليانه نووووم وبعصبيه وطفش:نعم خير وش تبي بصبح الله
عبدالعزيز بعصبيه:قومي سوي لي فطور أنا بنزل تحت وأذا جيت ألقاه جاهز فاهمه
وسن:ــــــــــ
عبدالعزيز صرخ:فاااااااااااااهمه
وسن بملل:أيييييييه فااااهمه
عبدالعزيز:أجل يلا قومي
وسن فيهااا نوم:طيب أنت أنزل وأنا بقوم
عبدالعزيز:لا مو نازل لين مأشوف قايمه
وسن وهي تبعد البطانيه بعصبيه:أوف ماحد يقدر ينام على راحته
_____________
البارح تعبت حيل وسووا لها عملية قلب
طلع الدكتور من غرفة العمليات
وقفت غلا وقلبها يدددق بقووه وبجنبها أم متعب اللي طول الليل تبكي هي وغلا
وقف الدكتور عندهم
غلا ماقدرت تتكلم تحس أن كل جزء في جسمها أنشل من شافت وجه الدكتور
حتى أم متعب خااايفة تقول كيفها ويرد عليها بشي ماتتمناه لأغلى صديقه
الدكتور بتردد:صراحه حنا سوينا كل اللي نقـ...
غلا هنا جمدت أطرافها وطاحت على الأرض
أم متعب وهي تضمها وتبكي:غلا يمه قومي
غلا وهي تبكي وتصرخ بحظن أم متعب:لاااااااااا لاااااا يأم متعب جدتي وعدتني أنها ماتتركني مثل
أمي وأبوي ليييييييييه راحت لييه وأتركتني
أم متعب اللي مقطعه حالها وهي تبكي على صديقه عمرها:يكفي ياغلا هذا مكتوب
غلا ودموعها على خدها وتصرخ:لاااا أمي ماتخليييني ماتخليييييييييني
جاو الممرضات اللي نادهن الدكتور وعطوها مخدر يهديها وحطوها بغرفه
أم متعب تبكككي بصصصمت وهي حاطه يدها على جبهة غلا اللي دموووعها ماجفت وتقرا عليها
__________________
دق جوالها:هلا عبدالله أوكي أنا جايه
جمانه:لا لالا وييين أجلسسسي أسهري معنا الليله
شوق:والله ودي بس ماقدر المزرعه بعيده
ناهد:عادي أبوي يرجعك
شوق وهي تلبس عباتها:عمي مو فاضي لي مشغول
جمانه:لااااااا مايييصير كل يوم مقابله وجه رغد وناهد والله طفشت
شوق:هههههه طيب ليه ماتتصلون على وديان تجيكم
جمانه:وعععععععع
ناهد:تبين المسترجله تجينا
شوق:هههه من عذرها ماعندها خوات
دخلت رغد الصاله ومعها صينيه ترته مقطعه:ويين ويييين مافي روووحه
شوق:والله ماقدر أن شاء الله مره ثانيه أجلس عندكم أسبوووع
جمانه:وووعد
شوق:أممم مادري أذا وافقت أمي
ناهد:وليه ماتوافق حنا ماعندنا عيال
رغد:أنا اتصل عليها وأقولها بنتك موعدتنا أسبووووع
شوق:أكيد بتوافق والا هي تقدر ترد زوجة الغالي
ناهد وجمانه أضحكوا على وجه رغد اللي حمر
رغد وهي منحرجه مدت لها صحن ترته:أقول أنقلعي وسلمي لي على شذى
شوق:هههههه أوكي
في السياره
عبدالله معصب وهو يمشي:كان نمتي أزين
شوق طنشته:هلا شذى كيفك
شذى:الحمدلله بخير
شوق:وش أخبار شوق
شذى:ههههه تسلم عليك
عبدالله:لحظه من شوق
شوق وهي تأكل:اللي ببطن زوجتك
عبدالله:لااا والله مصدقه الأخت
شوق:أكيد أصلاً ماراح تلقى أحلى من أسم شوق حتى معناه حلو
شذى:من مدح نفسه كذااب
شوق وهي تضرب كتف شذى بخفيف:أسكتي يالدبه
شذى بوزت بزعل تستهبل:عبووووودي شوف أختك تقولي دبببه
عبدالله عصب:شوووق لاتزعلينها والا بنزلك هنا
شذى:أيه هذي سيارتنا
شوق وهي تكش عليهم:ياااااشين منة الناااس بس
عبدالله وشذى:هههههههههههههههههههههههه
_______________
العصر
جالسين بكوفي
هيثم:فيييصل جايبني هنا عشان تسكت
فيصل بتردد:لا بس ..
هيثم:فيصل تراك طفشتني قول
فيصل:طيب لاتنفخ أنت ووجهك شوف بصراحه أنا أبي أختك جود(وقال بسرعه مايبيه يرد)أنا أدري
بتقول اللي يخطب يجي مع الباب بس أنا أبيك تسألها يمكن ماتوافق
هيثم بهدوء وهو يشرب كافي:زين سويت لأنها مو موافقه
فيصل أنصدم"ليش هذا مايبيني"ورفع حاجبه باستغراب:ليش انت سألتها
هيثم وهو يناظه:فيصل جود مطلقه
فيصل أنصدم بس رجع طبيعي:عادي وش فيها مو أول وحده تتطلق
هيثم:ادري بس ماتبي تعيد تجربتها هي أصلاً كرهت الزواج من زيادوه الله ياخذه
فيصل:اها بس أنت قولها
هيثم بأبتسامه:أبقولها وأحاول أقنعها أنت ماتنرد
_____________
المغرب البنات قامن وأنزلن عند الجدة وعندهم عمهم سطام
سطام:يمه أبسافر الفجر لسوريا
الجدة:ياايمه وين تروح هناك ماعندك أحد
خلود"ههههههههههههاااي ماعنده أحد كثري منها"
سطام:يمه كلها يومين وراجع
الجده:تعبت حالك شوف جسمك كيف ضعفان
خلود بزلة لسان:لا تخافين جده هناك فيه من يعتني به
سطام رفع راسه منـصـصـصـدم"وش قاااعده تقول هذي وش تقصصصصد أخاف أسألها وأفضح نفسي"
خلود خاااااااافت"لك يييئطع هالساااان ياخلوود حتى البنات نازرنك"
الجده:طيب على راحتك بس قل لأبوك
سطام وهو مازال يناظر بخلود ومنصدم:أن شاء الله
خلود قامت تتطلع وراحوا وراها راويه وريمان وهند وغدير وديانا
خلود دخلت الغرفه وجلست فوق السرير تلعب بجوالها تصرررف البنات
البنات دخلن
خلود ناظرتهم بصدمه"والله مايتركوني"
ريمان وهي رافعه حاجبها:خليييد وش تقصدين بأخوي
غدير:ومن اللي تعتني فيه
ديانا:قصدك عمي عنده حركات بطاله
خلود صرخت عليهم:زللللللللللللة السان بس
هند:خلييييد مو علينا ترا حنا نفهمها وهي طاااايره
خلود أستسلمت:تعالوا قربوا أقولكم
البنات جلسوا على السرير
راويه:يلا قولي
خلود بتردد:بصراحه عمي سطام متزوج وحده سوريه
البنات أنصصصصصصصصدموا:أيييييييييييييييييييييييييييييييييي يييش
خلود:اللي سمعتوه
ريمان قامت وهي تتحلطم:ياااااااااويلي على أمتي شو عم بتقولي الله لا يوفئك ياسطام شو هايدي الفضيحه الله يفضحك ناوي تجيب الجلطه لبيي
البنات:هههههههههههههههـ.............
أنفتح الباب بقوه وطلع
.
.
.
.
.
.
البنات بصدمه:سطااااام
سطام دخل وقفل الغرفه وهو يناظر بخلود
سطام بهدوء:دريتوا
ريمان:لك الله يفضحك شو اللي عملته
سطام وهو ماسك عصبيته:ريماااااااان أسكتي خلود كيف دريتي
خلود أسكتت وغمزت له
سطام تذكر المخزن:شوفوا والله لو طلع الخبر ماتلومون الا أنفسكم ريمان غدير ديانا هند راويه خلود ترا حذرتكم ..وطلع
دخلت ناديه مستغربه:وش جابه سطام هنا
خلود:جاي يسولف معنا
ناديه:يلا طيب تجهزوا
ريمان:وين
ناديه:لسوق نبي نجهز لك
ريمان:طيب روحي مع هدى ونوره وحصه وبدريه حنا مو لازم
ناديه:لاااا لازم نقيس الملابس لك
ريمان أنسدحت بالفراش بتنام:أنا مو رايحه خذوا هند نفس طولي ووزني
ناديه أنقهررت:ياويلك من أمي
راويه:وش سويتوا بفستان الزفاف
ناديه:بيطلع بعد بكره
هند:ماسرع فصلتوه
ناديه:لا هو جاهز بس غيرنا شوي بشكله
دخلت هدى وهي تلبس عباتها:يلا ريمان أمي حلفت لازم تروحين
ريمان:مااااااااااااابي
هدى:أقولك حلفت يلا بسرعه اللموزين وصل عند الباب
ريمان وهي تقوم:على كثر عيالكم ماشاءالله نروح مع تاكسي
_______________
............:هاه وش قلتي
جود:هيثم أنت عارف رايي بالموضوع
هيثم:جووود صدقييني فيصل بيعوضك
جود:ياهيثم أنا مابي أتزوج عطه سديم
هيثم:لا فيصل يصلح لك أنتي
جود وعيونها غرقانه وبتردد:بس أنا خايفه يكون مثل زياد
هيثم وهو يضمها:لا ياجود فيصل صديقي وزياد عنده ولاشي
جود:...............
هيثم:هاه أقوله موافقه
جود بعد تردد كبيييير
تشوف عيني جملة الناس عدوان
وعقلي يقول اصابعي ماتشابه
وقلبي تبلد من عقب جرح خوان
ماعاد رد العلم عقب الاصابه
هزت راسها بأيه وهي خايفه مووت تفشل ويصير مثل زواجها الاول
هيثم:الله يكتب لك اللي فيه خير .. باس راسها وطلع
جود مسحت دموعها وراحت لغرفة سديم
جود وهي تجلس:سوسو خطبني
سديم:من
جود:فيصل
سديم بفرح:وأن شاء الله وافقتي
جود نزلت راسها:لا
سديم وهي ترمي عليها مخدات صغيره:يالخبله فيصل ماينرد أبو العيون الخضرا والله قههههههههر
جود وهي مغطيها وجهها:أوف ماحد يمزح معك يالخبله وااافقت
سديم نطت وضمت جود بقوووه:وااااااااااااااااااي وأخيرا بيفضى البيت لي
سديم:لا توي صغيره
لينا دخلت:شكلي أبتزوج قبلها وهي تقول توي صعيره
سديم وجود:هههههههههههههههههههههههههههههههههههه
_____________________
في السوق
البنات يتمشون لحالهم بعد ماطفشوا هدى وناديه بأستبهالات على الهنود وراحوا يجهزوا لريمان اللي
ولا كأنه هي اللي بتتزوج
ريمان وهي تمسك بلوزه وبصوت عالي تسمع الهندي مرتفع ضغطه منهم:ووووعععععععععع مين الخبله اللي
بتلبسه
البنات:ههههههههههههههههههههههه
الهندي عصب:أنت فيه يلبسه
البنات:هههههههههههههههههههه
ريمان أنصدمت:ولك وجهه ترد يالعصقول
الهندي مايدري وش السلفه بس فهمها أنه سبه:أنت أصقول
البنات:هههههههههههههههههههههههههههههه
ريمان عصبت:وجع يوجعك أنت وأمك
راويه:هههههه وش دخل أمه
ريمان بلا مباله وهي تتطلع:مادري
دخلوا محل ثاني
هند وقفت عند فستان فوشي ستان ضيق وناااعم ومن تحت قصات:ريماااان شوفي ذا بيطلع عليك يجنن
ديانا:وااااااااو بخقق جاااسم
ريمان وهي تناظره:هو صح حلو بس حرام ألبسه لجسيم
خلود بغباء:لا والله جايز تلبسينه قدام زوجك
البناات:ههههههههههههههههههههههه
ريمان ضربت خلود بكتفها:أدري أنه جايز بس مايستااااهل ألبسه قدامه الحقير
____________
دخلت بنتها الكبيره وضمت أمها اللي تبكي:بس بس يايمه قطعتي قلبي
أم متعب بألم:راحت الغاليه يافاطمه راحت
فاطمه تبكي وهي تمسح دموع أمها:يايمه هذا يومها
أم متعب ناظرت بغلا اللي كل ماصحت عطوها مهدئ:آآآه عليك يابنتي كيف بتعيشين بالهدنيا بدون سند
فاطمه:يايمه لاتقولين هالكلام غلا أختنا وبتسكن عندنا
أم متعب وهي تناظر بنتها:ومرت متعب الملسونه والله متخليها لحالها
فاطمه:يمه حنا ماسلمنا منها وصبرنا واللحين ماعادت تهمنا وغلا بتتعود
أم متعب:لو عندي عيال ماتزوجوا كان زوجتها
فاطمه:الله بيرزقها اللي يسعدها
أم متعب:يارب
__________________
طالعين برا وفارشين لهم بساط وجالسين عند الجده
الجده:أخبارك ياشذى
شذى بأبتسامه:الحمدلله بخير
الجده:يمه عبدالله أبعد شوي عن زوجتك
شوق:أي والله شوي وتنط في حضنها
شذى أنحررررررررجت"هين أوريك ياالدبه"
عبدالله:مالك دخل حررررمتي كيفي أن ..
شذى قاطعته بهمس:عبودي بس
عبدالله يهمس لها:يوووه بس متى نفتك منهم ونروح لبيتنا
شذى:لا الليله أبسهر هنا
عبدالله بوز:وتخليني لحالي
شذى:مو أول مره
عبدالله:لا تكفيين أنا ماصـ.....قطع عليه صوت جواله شاف الرقم وشحب لون وجهه
شذى:عبودي وش فيك
عبدالله وهو يقوم:لا مافي شي
راح عبدالله وبعد عنهم و رد بعصبيه:نععععععععععععم وش تبين
.
.
.
.
____________________
تعبن بالسوق ومن محل لمحل
ريمان تععبت:نااااديه خلاص أخذتي السوق كله
ناديه:لحظه باقي وبنمر فستانك بعد تلبسينه نشوفه
ريمان:لاااااااا مابي مابي أنا أبروح للبيت خذوا هند
هند:خلاص عمه أنا أبروح معك
هدى بعصبيه:وبعدين معك أموت وأحس لو بس دقيقه أن الزواج زواجك
ريمان:أنا مو موااافقه على هالزواااااااااااااااج وخااااصتن من جاسم الله ياخذه ولا يرده
طنشوها ومشوا قدامها
ريمان لحقتهم وتكلم نفسها:مادريتوا أنا وسجى أتفقنا أنا نبدل الأماكن وأعطيها جهازي أيه هو أكيد ناسي شكلي
هدى وقفوا عند محل:وش رايك بثوب النوم هذا
ريمان لفت وشافته واشهقت والبنات ماتن ضحححك على شكلها
ريمان:والله مالبسه
ناديه وهي تتدحل المحل:ماطلبنا رايك
ريمان:بنات أبتصل على طلال ياخذني من بيروح معي
خلود:أنا أبروح
ديانا وراويه:وأنا
غدير:حتى أنا ليش أجلس
ريمان:لا تكفيين غدوره أجلسي عندهم لايشترون لي شي يفضح
غدير:أوكي
ريمان دقت على طلال اللي توه طالع من المستشفى وقالته له يمرها
وبعد ربع ساعه
وصل طلال
وريمان ركبت قدام والبنات ورا
ريمان:طلوووووووووول تكفى نبي نروح للبحر
طلال رفع حاجبه:وين للشرقيه
ريمان:أييييييييه
طلال:أنتي مهبوله تدرين كم الساعة اللحين
خلود(البنات متعودات على طلال):أصلا هي من تملكت وهي منهبله
ريمان:تكككفى طلولي وش وراك بكره أنت مو مداوم
راويه:وش تبين بالشرقيه هاااه قولي أنك مشتاااقه لجسوووم
الكل:ههههههههههههههههههههههه
ريمان عصبت:أصلا هو اللي مشين الشرقيه لو يطلع منها أحسن
ريمان:هاه طلال وش قلت
طلال فكر أنه فرصه يقول لأخته راويه عن أروى:أوكي
البنات صفقوا:وااااااااااااااااو
ديانا:طليييل شغل على المسجل
طلال شغله وطلعت على أغنيه التاكسسسي والبنات يرقصوا ويصفقوا
وبنص طريق الدمام-الرياض
خلود:طلال أنتبه
رفع راسه طلال اللي كان مسسسسرع وقدامه سياره بطيئه ولف بقوووه
البنات صرخوا:أااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااه
.
.
.
.
___________________________
... بلمك وانثرك واجمعك وارجع وانثرك بإهمال
بخونك وازعلك وارضيك وازعل منك وارضالك ...<<<رومنسية ..خياليه..جريئة
___________________________

[بنت متعوب عليها]

يسلــــــمو بس ليش بارتاتك قصيره كملي بليــــــز لاتطولي علينـــــــــا زي اول

تحياتي :بنت متعوب عليها

[** نبض قلبي**]

تسلمين ع البااارت روووووووووووووعه حيييييييييييييييييييييييل
بانتظار البارت الجاااااي بكل شووووووق
دمتي بووود

[دلوعة ومن حقي]

الصراحة الرواية مررررررررررررة رهيبة تجننن حلوة موووووت

انا اول مرة ارد لأني ما قدرت استنى لازم اقول رائي

بس بليز لا طولين كثيررررررررر