هَي ركوة الأشواق دمشق..عم بتفور *** وقاعد لحالي مَسبٍح الأفكار
يابتخلقي قبالي «لبن عصفور» *** يا بعضّ عاجرح العتم بالنار
وعم تسألي ليش البرد طوّل *** وكرنَش وَعد بعيونك تسوّّل
إي ليش تاتفلّي من الأول *** وتقمّطي ببيّـة الجلنار
كبرتي وخيط الحب فَلّـتنا *** وهوبر جرس ميعاد فِلّـتنا
شفتي الكبره كيف خلّـتنا *** طفلين وبزخّ الهموم كبار
قولك بيرجع حلمنا المهدود *** يشلح غناني عاوتر مشدود
ويتكسروا غصون الوقت ونعود *** بفيّ العمر نلعب ولاد زغار
خايف يهبّـط ليل ع كتافي *** ويجلّـد شباط البكي لحافي
وتبربكي عالشاعر الصافي *** و ما تشم خجقة لوعتو آذار
لاتعاتبي الشاعر على بكوي *** كبّ الدمع من شيمة الشعّار
ماضل نقطة ميّ بالرّكوي *** وحزني خطية برقبة الأشعار
وعد
مادري عرفتي تقرأيها هي باللهجة الشامية
وربي انا ماعرفت أقرأها هههههههههههههههههه
وعد
اسعدني مرورك
شاكر تواصلك
مشـــــاري
العرض العادي
