ابوذيات عراقية

[alhamany]

السلام عليكم
الابوذية هي احد انواع الشعر العراقي
تتكون من اربع ابيات.الابيات الثلاثة تنتهي
بكلمات متشابهة لفظا لكنها تختلف في المعني

اكوم اجلالا لحسنك وقف لك
وسجل كلبي ياخلي وقف لك
وحطك بي وقفلنة وقفلك
وطب بصدري وقفلكم علية


كلب صافي لون تهوى كلبنا
وابد مايوم عل الصاحب كلبنا
احنا اضلوع الك وانت كلبنا
ونحافظ عل الكلب من كل اذيه

نبيع النفس للينشد علينه
صبح ثوب الحزن لايك علينه
وحك عباس والحمزه وعلينه
تحب طاريك يبو نفس الابيه


دراسلنة يا خلي و يا هوانه
مو هوت ميل وتكلي ياهوانه
بنبض كلبك احلـــفك ياهوانه
و عشكتك ليش و شجابك علية؟

افز من نومي وصفك على الراح
ويليلي مابطل ونة على الراح
يربي ارجوك اظل عايش على الراح
ياريت اتعود نساميهم علية


ماتدري بجفاك الكلب ماراد
وكتي وليريده عمل ماراد
بعالي الصوت أصيحن يرد ماراد
هلال اللي مشه ميعود إليه


وياك بلشت بلشة يا بلاشي
حسافة طلعت عندك يا بلا شي
بثمن يوسف بعتني يا بلاشي
قميص اربع جهات انقد علية


السعادة منين اجبينها والافراح
على الاخوان راح اصفك والف راح
الف لمو والف سجنو والف راح
واتاني وما رجع واحد علية


بس احنا المصايب صاحبنة
لان كل ساع نفكد صاحب النة
ابنة المات محد صاح ابنة
خاف نصيح ويعدمون اخية

[؛؛همس الروح؛؛]

وعليكم السلام ورحمة الله وبركاته

أهلأً بكـ أخى


سلمت على نقلكـِ الجميل


دمت بكل خير

[كونا و كان]

اشكـــرك يالغــلا ع النقـــل
يعطيك الف عافيه



بـاركـ ـالله فيكـ
ــلك ـالـورد

[سراب الصمت]

يعطيك ألف عافيه

كلك ذووق بإختيارك

سلمت يمينك وسلم نقلك

//