اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 131
قديم(ـة) 20-10-2008, 08:44 PM
صورة دمعة الفرقا الرمزية
دمعة الفرقا دمعة الفرقا غير متصل
©؛°¨غرامي مجتهد¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


..الجـــ الرابع عشر ــــزء..

نايف وقفت:تسمحين لي اوصلك..
ريم ناظرت في جدتها وكأنها تقول لها تكفين قولي له ((لا)) بدالي...
الجده نوره:تسوي خير على الاقل ماتخليني اقلق عليها..
ريم بأرتباك:بس يـ..
الجده نوره:لابس ولاشي روحي البسي عبايتك..
ريم دخلت الفيلا بلعت غصتها وصدرها يرتفع وينزل غمضت عينها وخذت نفس طويل تحاول تهدي نفسها"كيف الحين اتحمل ياربي ارحمني والله مااقدر اتحمل"..
الجده نوره:يله يمه ريم نايف ينتظرك في السياره..
ريم لفت عليها:جايه..<<لبست عبايتها وخذت شنطتها وجاكيتها وباست راس جدتها..
:يله يمه تصبحين على خير..
الجده نوره:وانتي من اهله سلمي على ابوك وامك واخوانك..
ريم وهي تمشي وتعدل طرحتها:يوصل مع السلامه..<<طلعت وشافت باب السياره اللي قدام مفتوح لها..
نايف يأشر على المرتبه اللي جنبه:تعالي..
ريم ناظرت السياره "بورش"مافيها إلا مرتبتين قدام انصدمت بتركب قدام وجنبه بعد...
نايف:يله..
ريم بتردد ركبت وسكرت الباب:اسفه بتعبك معاي..
نايف:لاتعبك راحه..
..وجلسوا ربع ساعه ساكتين..وكل دقيقه والثانيه نايف يلتفت على ريم اللي لافه وجهها على الشباك تناظر شوارع الرياض وزحمتها اللي ماتنتهي حتى في نص الليل..ناظرها يحس بشعورغريب ناحيتها قلبه يدق بسرعه لما يشوفها..حتى يده اللي حاطها على الدركسون عرقت فرك يديه مع بعض وولع المكيف حاس ان الجو حااااار..
ريم لفت عليه:متعود على جو كندا..
نايف ابتسم:حمد الله اني ولعت المكيف علشان تتكلمين..
ريم:بس انا اللي انتظرك تتكلم..
نايف:ههههههههههههههههههههههههه الحين كل واحد منا ينتظر الثاني يتكلم اول..
ريم مسكت قلبها"تكفى لاتضحك ضحكتك بس تذوبني"..
نايف:وش تحبين تسمعين..
ريم رفعت كتوفها:اي شي..
نايف:تحبين تسمعين لماجد..
ريم:ايه كثير..
نايف دخل السي دي لماجد المهندس:هاذي الاغنيه اعشقها....

وبدا صوت ماجد...
..إنسى كل الناس..خليني احظنك..غمض عيونك..وإنسى في حظني نفسك..
إنسى عمرك..وانسى عمري..امتزج بيا وصيرعطري..
ليش وانا وياك احس بالوقت يجري..
هاذي اول مره احس كلي عشق..آآآآه..عطني فرصه اتنفسك خاف اختنق..
وياك انت تأكدت..اني قبلك ماعشت..
وعلى كل لحظه بدونك ياحبيبي تندمت..
إنسى عمرك..وانسى عمري..امتزج بيا وصير عطري..
ليش وانا وياك احس بالوقت يجري...
::
نايف:وش رايك..
ريم"تبيني اقول رايي هاذي الاغنيه تعبر عن احساسي يوم حبيتك":حلووه..
نايف عض شفايفه"والله انتي الاحلى اف وش قاعد اقول انا"..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابوفيصل××
مها جالسه ثلاث ساعات على الماسنجر..
((مجروحه تنتظر مين يداويها))..<<مها..
صار لنا ثمانيه شهور نكلم بعض وماعرفت اي شي عنك..
:
((عاشق سراب))..
تبين تعرفين..
:
((مجروحه تنتظر مين يداويها))..
اذا تبي تقول قول اسمعك..
:
((عاشق سراب))..
قصدك تناظرين..
:
((مجروحه تنتظر مين يداويها))..
هههههههههههههههههه ايه صح اناظر..
:
((عاشق سراب))..
وش تبين تعرفين..
:
((مجروحه تنتظر مين يداويها))..
كل شي عنك..<<وحطت وجه يطلع لسان..
:
((عاشق سراب))..
اوكي..انا عمري 22 في ثاني جامعه ادرس في جامعة الملك فهد للبترول والمعادن في الظهران..
:
((مجروحه تنتظر مين يداويها))..
انت عايش في الظهران؟؟..
:
((عاشق سراب))..
لا في الدمام..
:
((مجروحه تنتظر مين يداويها))..
اها ايوه كمل..
:
((عاشق سراب))..
و عندي اخت وحده بس وعايـــــــش..
:
((مجروحه تنتظر مين يداويها))..
وامك وابوك وينهم..
:
((عاشق سراب))..
متوفين من كم سنه..
:
مها ضاق صدرها حست انها ضايقته بسؤاها:اف على اللقافه اللي فيني مااااالت علي..
:
((عاشق سراب))..
الوووو مجروحه وينك..
:
((مجروحه تنتظر مين يداويها))..
هلا انا معاك اسفه على سؤالي..
:
((عاشق سراب))..
ماله داعي تتأسفين عادي..
:
انفتح باب غرفة مها بقوه ومها نطت الخوف..
لمى:للحين مانمتي..
مها حطت يدها على قلها:عمـــــــــــــى خرعتيني دقي الباب اول ماتدخلين علي ويله لو سمحتي اطلعي..
لمى تناظر في اللاب توب:للحين تسولفين معاه..
مها:ايه عندك مانع..
لمى:لا دواس خخخخخخخخخخخخخ..
مها:اف لمى مالي خلقك ترى..<<ولفت على اللاب توب..
:
((مجروحه تنتظر مين يداويها))..
عاشق اكمل معاك بعدين لان فيه ناس نكد في نكد جو عندي..
:
((عاشق سراب))..
خخخخخخخخخخ الله يعينك عليهم يله تصبحين على خيــــــر..
:
((مجروحه تنتظر مين يداويها))..
وانت من اهله..<<وسكرت اللاب توب ولفت على لمى..
:يله لو سمحتي اطلعي بنااام..
لمى:وانا ماجاني نوووم..
مها:وش اسويلك يعني احكي لك قصه علشان تنامين..
لمى بحماس:والله ياليت..
مها:جهزتي اغراضك..
لمى:من بدري..
مها تمددت على السرير:لمى الله يخليك اطلعي والله اليوم امك كسرت ظهري من الشغل ابي ارتاااح..
لمى نطت على السرير: سؤال واحد وابيك تجاوبين عليه بصراااحه..
مها تتثاوب:ايه وشو خلصيني..
لمى:الحين انتي تحبين عاشق مدري ايش..
مها بأنفعال:مجنونه انتي انا مااحب إلا مشعل مشعل وبس افهمي..
لمى:اجل ليه تكلمين هذا..
مها:اتسلى اضيع وقت (شوي وبتبكي حطت المخده على وجهها) لمى تكفين اقلبي وجهك ابي انااام..
لمى وقفت:اف نامي تصبحين على خير..
مها:...............
لمى رفعت المخده عن وجه مها:اوووه ذي على طول نامت مسكينه امي استلمتها اليوم..<<وسكرت النور والباب وراحت لغرفتها...

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في سيارة نايف××
نايف وقف عند بيت عمه:وصلنا..
ريم فتحت باب السياره وقبل تنزل:مشكور على التوصيله..
نايف:ماله داعي تشكريني يله تصبحين على خير..
ريم:وانت من اهله..<<ونزلت..
نايف ماتحرك إلا لما تأكد انها دخلت بعدها راح للبيت وطلع غرفته رمى نفسه على السرير حتى ماتكرم يبدل ملابسه ريحة عطر ريم عالقه فيها..حط راسه على مخدته وناااام براحه يحس ان هالليله احلى ليله في حياته..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

..((الساعه4الفجر))..

طلعت من الحمام (الله يعزكم) بعد ماتحممت شالت شنطتها وحطتها على السرير"ياااربي عسى مانسيت شي"..
قطع تفكيرها صوت امها تصارخ من صباح الله:هيفاااااء روحي صحي اختك العله..
هيفاء تأففت وهمست:اف وليه ماتصحينها انتي وإلا مالك رجلين..
ام راكان:عســــــى بس مانمتي يالعله الثانيه..
هيفاء طلعت:لا ابشرك مانمت ومشاعل خليها تنوم شوي ماجت من سهرة امس إلا الساعه ثلاث..
ام راكان:روحي صحيها اقول..
هيفاء وهي تمشي لغرفة مشاعل:اف..<<وفتحت الباب لقتها غرقااانه في النوم والغرفه مظلمه تثاوبت"والله غرفتها تجيب النوم"..
راحت لها وهزتها:شعوووله..
مشاعل:هممممم..
هيفاء:اصحي بنمشي بعد شوي..
مشاعل فتحت عينها بصعوبه:كم الساعه..
هيفاء:اربع..
مشاعل غمضت عينها:تو الناس خليني انام..
هيفاء:امك بتذبحنا شكلها اليوم ناويه علي وعليك..
مشاعل قامت:ياااربي من هالام البلشه راكان صحى..
هيفاء وهي تطلع:مدري اظن لا صحيه انتي..
مشاعل نطت:اكيد انا ومين بيصحيه غيري..<<مشت لناحية غرفته فتحتها بهدوء ومشت على اطراف اصابعها لسريره شافته نايم على بطنه وحاط يدينه تحت مخدته والبطانيه على رجلينه تنهدت..
:الله لايحرمني منك يااااارب..<<فتحت الابجورات وجلست جنبه شافت دفتر وعليه قلم مفتوح على الطاوله الثانيه ذبحها الفضول تبي تعرف وش فيه راحت ورفعته..
××
خــلاااص الحلم ضاااع ومابقى لهاذي الحياة لزوم
اموت احسن لي واريح بالي وارضى بأقداري
أعيش لأيش والحاله شقى ومن الفرح معدوووم
طبيعي أستلذ الموت واتحرر من اسواري
وش احسن دربي المجهول وإلا ظلمة المعلوم؟؟
آكيــد الأفضل اني انتهي وأغادر دياري
ابي اسكن تراب الأرض والقى حتفي المحتوم
بعد ما ملت الدنيا بكاآاآي وعزف أوتاري
أحس القبر متلهف يبيني وآنا له معزوم
أحس ان الكفن ثوبي وأحس ان الثرى داري
أوصيكم إذا مت اكتبوا ع الشاهد المحروم..
لأني من عرفت الصدق والحرمااان مشواري
تجارب هالزمن فيني عديده والفشل بالكوم
حظوظي تمتحني والنتيجه كثرة أصفاري
مآسي مالها آخر ومكتوب العذاب يدوم
حقيقه ماتغيرها اساليبي وانكاري
على ايديني اعض من الندامه والالم و اللوم
محطــم كل ما فيني وهذا موجز آخباري
من خيوط الوهم ابني قصر إحساسي المهدوم
كأني في مهب الجرح ريشه مالها طاري
معلق في كلاليب العذاب وكاسه المسموم
تمكن في العظام وفي خلايا دمي الساري
ثعابين وعقارب والغراب الاسود المشؤوم
عديم الحال عاجز استغيث بأهلي وجاري
رهين الصمت والحسره وصوتي بالحشا مكتوووم
شعوري بالغرابه والكآبه توه آفكاااري
مدى الأيام اتوسد دموعي وانتظار النوم
أحارب من بداية مولدي إلييين اليووم
وحرمني حظي العاثر امارس ابسط ادواري
كأني والزمن في مشهد السجان والمظلوم
حكايه مختصرها كيف يجلد جلدي العاري
قضيه كنت فيها وحدي اللي بالشقا محكووم
وضدي ألف حاكم ماعرف وزني ومقداري
نصيبك يا ابن آدم في السعاده و الشقا مقسوم
طريق وسالكينه كلنا والدرب اجباري
وأنا في صفحة الآقدار حظي واضح ومرسوم
ومن يجهل معاناتي يراجع دفتر أشعاري
آنا في مدرسة حزني كـطالب حيلته مفهوم
اذاكر همي واكتب إلييين ابيضت احباري
ركبت الموج ما أعرف قوانين الغرق والعوم
مضيع في عواصف دمعي المجداف والصاري
بكيـــت ومالقيت اللي يوآسي ضيقة المهموم
بكمل رحلتي في صمت ويبقى الدمع تذكاري
لأن الحظ رافض لو على انقاض يقوم
تجمهر شوكه الأسود على تمويت أزهاري
مدامك يالأجل واقع وامرك بالقضا محسوم
وماللموت في دنيا البشر بايع ولا شاري
متى أطري على بالك وتنتهي قصة المضيوم
متى فاسك يحقق لي مناي ويقطع اشجاري
متى يبدأ العزا فيني ويسبقني لقب مرحوم
متــى الحلقه الآخيره من مسلسل عمري الجاري؟؟
×
نزلت دموع مشاعل لهالدرجه راكان يتألم مخبي كل هالحزن في قلبه وهي مو حاسه فيه..تحرك راكان في سريره ارتبكت وحط الدفتر مكانه..راكان فتح عيونه بصعوبه..
:مشاعل وش عندك هنا..
مشاعل مسحت دموعها وبأرتباك:ا...ا..جايه اصحيك..
راكان:وليه تصحيني (ناظر الساعه) تونا بدري شوفي كم الساعه..
مشاعل جلست جنبه:نسيت اليوم رايحين للشرقيه..
راكان ضرب راسه:اف تصدقين نسيت حتى شنطتي ماجهزتها..
مشاعل وقفت:ولو انا اجهزها لك حاظرين للحلوين..
راكان خذ الدفتر وسكره وحطه في الدرج ووقف:مشكوره وياليت تكملين معروفك وتعطيني روبي..
مشاعل خذت الروب ومدته له وعيونها تلمع وعلى وجهها اكبر ابتسامه:تفضل..
راكان باس خدها:مشكوره..<< خذ الروب ومشى للحمام (الله يعزكم)..
مشاعل مو مستوعبه الحركه اللي سواها هي بحلم وإلا في علم ضحكت بهستيريا"آآآآآآآآآه ياربي مو مصدقه"..مشت لناحية الكبت حقه وفتحته وقعدت تدندن بفرحه..
سو انك مادريت وبوسيني..وسوها ثاني على انك تعتذر..وقول اسف ماانتبهت وضمني..والعذر مقبول ولك مني شكر..هههههههههههههههههههههههههههه..
راكان كان يتحمم وسمعها ضحك بأستهزاء:هههههههههههههههه حمد الله والشكر وش فيها هاذي ياانهبلت ياانهبلت مافيه حل ثالث..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابومشعل××
ريم واقفه قدام المرايه وترفع شعرها ذيل حصان خلصت وشافت لبسها بلوزه هاينك لونها اصفر وبنطلون جينز راحت لسريرها اللي مرميه عليها ملابسها وشنطها خذت شنطه"غوتشي"وحطت فيها علبة مكياجها وعطورها وكريماتها وجوالها ماتدري وين حطته وقعدت تدور عليه:اف ذا وين حطيته..
ام مشعل دخلت الغرفه وهي لابسه عبايتها:يؤيؤ ريم وش ذا الحوسه كلها..
ريم مو معاها:....................
ام مشعل:ريــــــــــــــــم..
ريم لفت:هلا ماما من متى انتي هنا..
ام مشعل:قبل شوي الحين وش ذا الحوسه..
ريم:وش اسوي جوالي ضايع..
ام مشعل:وكل هالحوسه علشان جوال..
ريم رفعت شنطتين من على سريرها ورمتهم على الارض:حمد الله لقيته..
ام مشعل:يله ابوك ينتظرنا في السياره..
ريم خذت عبايتها من الشماعه وطلعت قبل امها:يله يله..<<وهي في نص الدرج تذكرت شي..
:افففففففففففف..
ام مشعل:وش فيك تتأفين..
ريم ترقى الدرج بسرعه:نسيت شنطتي..
ام مشعل بطفش:اذا بنقعد على ذا الحاله عز الله مارحنا..
تركي طلع من غرفته ويلعب بالمفتاح:صباااح الخير..
ام مشعل تهز رجلها:صباااح النور (علت صوتها) يله يابنـــــــــــــت..
ريم سكرت الباب ونزلت بسرعه:يله يله..
ام مشعل:تركي تعال معنا سوق بدال ابوك..
تركي:لايمه انا بروح مع نايف..
جمدت في مكانها لما سمعت اسمه حست انها ماتقدر تحرك طرف اصبعها قلبها بدا يدق وكأنه بيطلع من مكانه ماحست بنفسها إلا بضربه خفيفه على ظهرها..
:يله تراهم بيروحون عنك وابتلش فيك..
ريم تركض لناحية الباب:لاااااا كل شي ولااروح معك (همست) كفايه علي امس تبي تجيني جلطه..
تركي:وش قلتي..
ريم:اقول انتبه وانت تسوق لاتدخل في عامود من كثر ماتفكر في لموووو..<< وغمزت له وطلعت..
تركي ابتسم ورفع جواله:هلا ابوسعووود..
نايف صوته كله نوم:اهلين..
تركي:انت لسه ماصحيت..
نايف يتثاوب:وش تبي..
تركي:نسيت انك صاجني تبي تروح معي يله قوم تراني عند الباب..
نايف:طيب عطني عشر دقايق..
تركي:اوكي لاتتأخر بااااي..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابوفيصل××
مها صحت من الساعه ثلاث تجهز كل شي:هاتي انا اشيل عنك..
ام فيصل بأستغراب:وش صاير لك اليوم..
مها بأبتسامه وسيعه:ولاشي..
ام فيصل:وين اختك ماصحت..
مها لفت على امها:لا ماصحت اروح اصحيها ايه طيب تامرين من عيوني..<<وطلعت..
ام فيصل بصوت عالي:انهبلتي انتي..
مها بصوت اعلى:لا انا بكامل قواي العقليه بس اوفر عليك الحكي (وهمست لنفسها وهي ترقى الدرج بسرعه) لوتدرين مين بشوف اليوم كان مالمتيني على هالهبال يااااااربي يامشعل اشتقتلك (وغنت)..

شوقي لك ماهو شوي..ياحبيبي ولاانساك..
شوفتك عندي الفي..وعمري القاه ويااااك..

فيصل دخل بالبجامه الثقيله هاينك كحلي مع بنطلون ابيض وحاط الفوطه على كتفه:صبااح الخير يمه..
ام فيصل:هلا يمه صباح النور..
فيصل:بتمشون..
ام فيصل تسكر نور المطبخ وطلعت:ايه بعد شوي..
فيصل لحقها:وين البنات..
ام فيصل تاخذ عبايتها:شفهم فوق..
ابوفيصل:يله رنا تأخرنا على الوالده (لف على فيصل) فيصل مها ولمى خذهم معاك..
فيصل كشر:ايه طيب ان شاء الله..
ابوفيصل:كأن كلامي مو عاجبك..
فيصل ابتسم غصب:لا بالعكس عاجبني ونص الله يعيني بس على طولة لسان لمـــيوه..
وسمعــــــوا صوت صراخ لمى:يالدبــــــــــــا خلاص بعدي بصحى لحالي..
فيصل ميل فمه:شفت..
فهد كان متمدد على الكنب ونايم ومن صوت صراخ لمى صحى مرتاع:بسم الله الرحمن الرحيم خير وش صاير..
فيصل:لا ابد ماصار شي بس اختك جتها حالة ولاده..
ام فيصل ضربت راسه:استح على وجهك ياولد..
فيصل ماسك راسه:آآآآآآآآخ ماقلت شي..
ابوفيصل:يله ابوفيصل قوم..
فهد وقف:ابومحمد لوسمحت مابقى إلا هاذي اسمي ولدي على اسم ذا الدلخ..
فيصل فتح عيونه على اخر شي: لك الشرف تسمي ولدك بأسمي وبعدين مين اللي بايعه نفسها وبتقبل فيك يالدلخ..
فهد بغرور:كثار..
ابوفيصل:يله فهد قدامي..
فهد:ان شاء الله..
××
××في غرفة لمى××
لمى تاخذ فوطتها وروبها وهي متنرفزه:يعني لازم تنكدين علي ماتعرفين تصحيني مثل الناس ماكلفتي عمرك تقولين كلمتين حلوين على هالصبح..
مها تلعب بخصلات شعرها وقالت بدلع:سووووري الكلام الحلو موفرته لميشووو فقط لاغير..
لمى رمت عليها الروب بعصبيه وقلدت صوتها:ميشووو فقط لاغير خير بتوقعين شيك انتي..
فيصل دخل الغرفه:لو سمحتوا انتي معها عندكم ربع ساعه بس اذا ماخلصتوا بتنطقون هنا سامعين..
لمى خذت روبها بعصبيه:هاتـــــــي..
مها:شوي شوي عاد بغيتي تسحبيني مع الروب..
لمى دخلت الحمام (الله يعزكم) وخبطت بالباب وهمست:الله يعيني عليك انت الثاني..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابونايف××
ابونايف وبندر يشربون قهوه..
ام نايف:قهوه على الريق والصبح بعد..
بندر:علشان نصحصح شوي ورانا اربع ساعات..
ابونايف:وهي وش يهمها ماراح تسوق ولاتسوي شي بس متمدده ونايمه..
ام نايف عصبت:ومن اللي بيصب لك الشاهي طول الطريق..
بندر بهمس:زعلت يله راضيها بكلمتين حلوين خخخخخخخ..
ابونايف وقف وجلس جنب ام نايف:لامايهون علي زعلك وهاذي بوسه على راسك..
بندر ماسك ضحكته:احم احم اظن ان فيه احد جالس احترموني على الاقل..
نايف نزل بسرعه من الدرج وهو حاط شنطته على جنب ويسكر ازاريره:صبااااح الخير..
بندر:وين طاير له..
نايف يفتح الباب:ولد عمك ينتظرني عند الباب يله سلاااااااااام..<<وطلع..
بندر وقف:يله ياقيس وليلى مشينا وكملوا فيلكم الهندي اذا وصلنا..
ام نايف حمر وجهها:بندروووووووووووووووه ووجع..
بندر:هههههههههههههههههههههههههههههههههه..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

**ومشوا كل العايله على طريق الشرقيه السريع**
؛
؛
مرت ساعتين ووقفت سيارة تركي وسيارة فيصل وسيارة ابومشعل عند المحطه..
نزل ابومشعل وهو ماسك ظهره:شكل ظهري بينكسر قبل مانوصل..
تركي:ههههههههههههههههههههههههه..
ابومشعل:وش فيك تضحك انت وخشتك هذا بدال ماتقول خلني اسوق بدالك..
تركي:وش اسوي عندي نشبه في السياره..
فيصل سلم على عمه وباس راسه:وش اخبارك عمي..
ابومشعل:الحمد الله بخير جاي لحالك..
فيصل:لا مها ولمى معاي..
تركي ابتسم بخبث:كيفك ابوبدَوووور..
فيصل:تماااااام..
تركي مشى لناحية سيارة فيصل اللي كان شباكها مفتوح:كيف الحلوووين..
لمى ارتاعت وعدلت جلستها بسرعه لانها كانت متمدده:تركي..
تركي ميل فمه على جنب ولف على مها:كيفك ميمي..
مها:الحمد الله بخير كيفك انت..
تركي ماكلف نفسه يناظر لمى او يسألها وش اخبارها:تماااام يله باااي..
مها:باااي..
لمى عيونها على تركي اللي مشى ولا التفت يشوفها وتأكدت الحين مليون بالميه انه كرهها نزلت دموعها:مستخسر نظره يناظرني فيها..
مها مستغربه هو ليش يسوي كذا:حتى ماسألك وش اخبارك معقوله كرهك..
لمى نزلت راسها وبكت بصوت مسموع:والـ..لـه امـ..وت لو كر..هـ..ني..<<وشهقت..
مها عصبت:لمى وش هالكلام..
لمى نزلت من السياره بخطوات سريعه..
مها:لمى استني يالخبله وين رايحه..

يتبـــــــــــــــع..<<



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 132
قديم(ـة) 20-10-2008, 08:49 PM
صورة دمعة الفرقا الرمزية
دمعة الفرقا دمعة الفرقا غير متصل
©؛°¨غرامي مجتهد¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


تابــــــــــــــع..<<

لمى راحت عند تركي ولفته بقوه:انت ليش تتصرف معاي كذا ماسويتلك شي انا..
تركي يمثل البرود:طيب ليه معصبه مو انتي من اول ماتبيني..
لمى تكابر:ايه ماابيك بس مو هالسبب يخليك تتصرف معاي كذا انت ماكلفت نفسك تسألني وش اخباري..
تركي رفع كتوفه بدون اهتمام:وليه اسألك واتعب نفسي واخبارك م ماتهمني..
لمى ناظرته مصدومه وبلعت غصتها وماتدري كيف طلعت منها هالكلمه بصوت مرتجف..
:اكرهك..<<ومشت لسياره وهي تبكي بقوه بدون صوت ركبت وطاحت في حظن مها..
:يكرهنــــــي..
مها بخوف:لمى خلاص والله لو جا فيصل وشافك كذا بيسوي سالفه..
لمى رفعت راسها:الله ياخذني ويفكه مني و..
مها حطت يدها على فم لمى بعصبيه:انتي هييييييييه وش قاعده تقولين لاتدعين على نفسك عمى (خذت مناديل) يله امسحي دموعك..
لمى خذت المناديل ومسحت دموعها وهي تشهق سندت راسها على الكرسي"آآآآآآآآآآآه ياتركي حرام عليك ليه تسوي فيني كذا"..<<ورجعت دموعها تنزل..
فيصل ركب ومعاه مويه وبيبسي وشيبس وانواع شوكلاته:تبون شي ثاني ترى ماراح اوقف مره ثانيه..
مها:لا شكراً ماقصرت شريت السوبر ماركت كله..
فيصل:هذا جزاي بعد انتي وخشتك خلصت من لميوووه جيتيني انتي..
مها"بلاك ماتدري عن لميووووه قصدي جوليت زمانها"..
××
××في سيارة ابومشعل××
ريم حاطه الاي بود في اذنها وتناظر الشباك ولمحت نايف منزل الكاب على عيونه وشكله نايم دمعت عينها وخاصه مع اغنية الاماكن ونزلت دموعها غصب مع هالمقطع...
..))..كنت أظن الريح جابك عطرك يسلم علي..وكنت اظن الشوق جابك تجلس بجنبي شوي..كنت اظن وكنت اظن وخاب ظني ومابقى بالعمر شي واحتريتك..((..
تنهدت من قلب بضيق ولفت وجهها عن الشباك..
ام مشعل:اوووه ذا الاه طالعه من قلب وش فيك..
ريم شالت الاي بود:لاماما سلامتك..
ام مشعل:شكلك طفشانه تبين تروحين مع تركي قولي قبل مايمشي..
ريم بأنفعال:لالا ماابي احد يبي النكد يجيه..
ام مشعل رفعت عينها لريم:الحين صار تركي نكد..
ريم:من زمااان..<<ولفت وجهها وشافت سيارة تركي راحت وكشرت بحسره"يااااربي يوم بغيت اشوفه راح اففففففف"..
××
××في سيارة راكان××
هيفاء كانت نايمه ومشاعل حاطه الطرحه على كتفها وتناظر راكان وتبتسم وهي تاكل شيبس..وراكان مو معاها اصلاً باله مع ريم حاط يده على خده واليد الثانيه على الدركسون وسرحاااان لعالم ثاني..
هو يحبــــــــــــها..
هو يعشقـــــــــــها..
يموووووت عليها على تراب رجلينها..
شويه هالكلمات تعبر عن احساسه تجاهها..
قطع تفكيره صوت امه تصرخ..
:راااااااااااااااكااان انتبه..
راكان انتبه ولف بسيارته بسرعه وتمسكت مشاعل بالكرسي بخوف وغمضت عيونها كانوا بيصدمون لكن الله ستر..
تنهد بأرتياح وحط يده على قلبه وهو يتنفس بسرعه:الحمد الله..
ام راكان بعصبيه:وش فيك انت وين عقلك راح فيه كنا بنموت بسببك..
هيفاء صحت مخترعه:مــــــاما وشو هذا..
راكان ببرود وكأنه ماصار شي:والله لو كنا بنموت هذا هو يومنا..
ام راكان صرخت:ياليتـــــــــــــك تموت وتفكنا منك ومن برودك هذا..
هالكلمات اثرت في راكان كثير..
طعنه ورا طعنه..من ريم وامه وخواته والدنيا كلها ضده..
حس بقلبه ينعصر بألم لكنه مابين شي ومثل البرود..
مشاعل بعصبيه:ماما بلا هالحكي راكان ولدك فيه وحده تدعي على ولدها..
ام راكان بنفس العصبيه:ايه انا وبليز انطمـــــــي..
هيفاء تعدل طرحتها اللي طاحت:صادقه ماما تراني مابعد مليت من حياتي انا..
راكان غمض عيونه بقوه قبل ماينفجر..
مشاعل بقهر:ياليتك انتي تموتين بداله..
هيفاء:انا ماكلمتك انتي..
راكان ماقدر يتحمل صرخ بعصبيه:خلاااااااااااااااص انطمـــــوا خلوني اركز..
الكل سكت بخوف حتى ام راكان سكتت..
راكان تجمعت الدموع في عينه لكنها جمدت تنهد بضيق"ياليــــــت يمه اموت وافككم مني وافتك انا بعد"..
؛
؛
**بعد ساعتين ثانيه وصلوا للشرقيه وعلى الخبر وراحوا لشاليهات**
ابونايف نزل من السياره:ههههههههههههههههههههه صباااح الخير يالشايب...
ابومشعل ماسك ظهره:ايه وش عليك مخلي هالمسكين يسوق بدالك..
بندر:شفت ياعمي وش سوا فيني اخوك يبغى ينكسر ظهري قبل مااتزوج واشوف عيالي..
ابومشعل وابونايف:ههههههههههههههههههههههههههههه..
ابومشعل:مستعجل على الزواج اقول سعود ورا ماتخطبون له ويصير زواجه مره وحده مع نايف..
ابونايف يحك راسه:والله ماهي بشينه..
بندر ابتسم غصب"حطيت الملح على الجرح ياعمي لوتدري بس ان اللي يبيها اخوي احبها ولايمكن افكر اتزوج غيرها"..
نايف نزل:هاه شكلكم تتكلمون عني..
ابونايف:نقول ورا مايصير زواجك وزواج بندر في يوم واحد..
نايف ابتسم بضيق:اذا خطبت ذيك الساعه يحلها الف حلال عن اذنكم بروح اشوف مشعل..<<راح لشاليه ابومشعل اللي كان مفتوح ودخل وشاف ريم معطيته ظهرها وتفسخ عبايتها وترميها على الكنب صرخت وهي تشد بلوزتها..
:يااااااااااربي وش ذا الحر..
نايف ماسك ضحكته:احم احم..
ريم لفت مخترعه ومتفشله من نفسها وبعفويه:من متى انت هنا..
نايف:توني داخل وين مشعل..
ريم ركضت للدرج ومعها عبايتها:بناديه لك....<<وتعثرت بالعبايه وبغت تطيح على وجهها بس هو كان اسرع ومسكها..
زادت نبضات قلبها اكثر وهي تشوفه قريب مره منها وانفاسه الدافيه على خدها ولاف يده حول خصرها وماسك يدها..
لحظااااااااات مرت..
كانت فيها جامده وماتحركت و هاللحظات تحسبها سنين او عمر كامل..
صدرها صار يرتفع وينزل بخوف وهي حاطه عينها في عينه والدموع متجمعه فيها حتى نايف كان جامد وماتحرك بس يطالع في عيونها الذباحه وهو مو مستوعب..
ريم استوعبت واخيراً وبعدت عنه بهدوء وراحت تركض للغرفه سكرت الباب وتسندت عليه ولسه قلبها ينبض بسرعه فظيعه و انفاسها سريعه حطت يدها المرتجفه على صدرها وغمضت عيونها لما نزلت دمعتها اللي على طرف رمشها..
:يااربي وش صار فيني ليه مابعدت عنه على طول ليه بقيت قريبه منه وفي حظنه (فتحت عينها بصعوبه وبلعت ريقها وشفايفها ترتجف) وش بيقول عني الحين آآآآآآآه ليه كل الظروف ضدي..<<رمت نفسها على السرير ودفنت راسها تحت المخده..
:ياليـــــــت هذا حلم واصحى منه ياليـــــت..
::
نايف كان جامد في مكانه ويناظر يده كانت بين يديه وفي حظنه ابتسم ابتسامه وسيعه ولمعت عيونه..قطع افكاره صوت مشعل جاي لعنده..
:هلااااااااااا بوسعود اشتقتلك يالدب..
نايف:ههههههههههههههههههه اهلين كيف الحال..
مشعل:تماااااام..
نايف انتبه ليد مشعل:وش فيك..
مشعل:جرح بسيط المهم فيصل وينه..
نايف:ماشفته يمكن راح لشاليهه يرتاح يله بعد انا بروح فيني النووووم باااي..
راح للشاليه ومشى لناحية غرفته سكر الباب وهو مومستوعب اللي صار ريم كانت في حظنه دقات قلبه لسه سريعه وجسمه حااااار فسخ بلوزته الطويله وجزمته ورماهم على الارض وشغل المكيف ورمى نفسه على سريره حط يدينه ورا راسه وتذكر شكلها والخوف اللي مبين في عيونها وارتباكها ولمسة يدينها ودقات قلبها وكل شي فيها تنهد من قلب براحـــــــــــه غريبه ونام..
××
:
:
:
العــــذر والسموحه منكم يالغاليين لاني تأخرت كثيــــــــر عليكم..

دمعة الفرقا..*_^



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 133
قديم(ـة) 20-10-2008, 09:05 PM
صورة mooomooo الرمزية
mooomooo mooomooo غير متصل
©؛°¨غرامي مشارك¨°؛©
 
الافتراضي رد : تموت عيونهم فيني .. و أنا بك ميته عيني / رواية لدمعة الفرقا


قبل لا اقرا البارت

سلاامتج الف سلاامه يا قلبي

وماتشوفين شر :)

والحين بقرا البااارت

:)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 134
قديم(ـة) 20-10-2008, 09:11 PM
صورة mooomooo الرمزية
mooomooo mooomooo غير متصل
©؛°¨غرامي مشارك¨°؛©
 
الافتراضي رد : تموت عيونهم فيني .. و أنا بك ميته عيني / رواية لدمعة الفرقا


خوش بااارت يا قلبي يعطيج العافيه

ومره ثانيه ماتشوفين شر ياعمري

وسلااامات يالغالي سلااااااامات

يا حبي لمها وشكله مشعل ماراح يحبها :(

ان شاء الله يحن قلبه عليها ويحبها ويعطيها ويه وعليا عليها هههههههه

شوكررررررن يا قلبي :) :) :)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 135
قديم(ـة) 20-10-2008, 09:48 PM
صورة جوليييت الرمزية
جوليييت جوليييت غير متصل
©؛°¨غرامي مشارك¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


وي وي


سلامآآآآآآآت دموعهـ ..


ما تشوووفين شر يا ألبي ..

والبارررررررت روووعــــهـ :)


تسلم ايدينج . .


وه بس


شكله ريم ناي خلاص يحبون بعض.. ونايف رح يخطبها ..وبعدين بندر رح يخطب دانه :)



..


ننتظررررررررر الباااااااااااارت اليآآي بكل شوووووووووووووق ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 136
قديم(ـة) 20-10-2008, 09:58 PM
صورة التركوآز الرمزية
التركوآز التركوآز غير متصل
кάωάii..♠«
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


سلامتك يا الغاليه ماتشوفين شر

ويسلمووو على البااارت يجنننننننننننن الله يعطيكي العافيه وبنتظر البارت الجاي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 137
قديم(ـة) 21-10-2008, 06:59 AM
صورة شذى الجبل الرمزية
شذى الجبل شذى الجبل غير متصل
©؛°¨غرامي متألق ¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


يسلمموووووووووووو يالغلا

لك ودي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 138
قديم(ـة) 21-10-2008, 08:41 PM
صورة دمعة الفرقا الرمزية
دمعة الفرقا دمعة الفرقا غير متصل
©؛°¨غرامي مجتهد¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


الله يســــــــــــلم قلبكم من كل شــــــر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 139
قديم(ـة) 21-10-2008, 08:44 PM
صورة دمعة الفرقا الرمزية
دمعة الفرقا دمعة الفرقا غير متصل
©؛°¨غرامي مجتهد¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


..الجــ الخامس عشر ــــزء..

××في شاليه ابومشعل××
مها ولمى جو يسلمون على ريم ومنها مها تشوف مشعل..
مشعل ماسك كوب نسكافيه ويطلع البخار منه:هلااااا والله كيف الحال..
مها متمسكه بقوووه بلمى لاتطيح على الارض..
لمى تحاول تبعد مها عنها وقاعده تهز جسمها:بخير (عضت شفايفها بقهر وهمست) يالخاااايسه ابعدي شوي..
مشعل:ههههههههههههههههههههههه وش فيك لمى تهزين فيك رقصه..
مها هنا داخت وتنهدت بقوووه..
مشعل:ميمي ماسمعت صوتك كيفك..
مها بأرتباك:بخـ..خير..
مشعل:ههههههههههههههههههههههههههه انا حاس ان فيكم شي انتي وياها مو طبيعيين..<<ورفع كوبه يشرب..
لمى شوي وبتصرخ لكن مسكت نفسها:ميشوو وين ريم..
مشعل:فوق شكلها نايمه لاتصحونها..
لمى:ايه طيب باااي..<<ومشت وسحبت مها معها وطلعوا..
لمى دفت مها بقوووه:انقلعــــــــــي عمى مابغيتي تفكيني..
مها تضرب خدها:ياويلي ياويلي يجنـــــــــــــــن..
لمى حطت يدها على جبهتها:شكل الحراره مرتفعه اليوم..
××
**والكل راح لشاليهه يرتاح وتواعدوا يلتقون الساعه خمس العصر**
..((الساعه اربع العصر))..
××في شاليه ابوغاده××
في واقفه قدام المرايه وتناظر لبسها بنطلون جينز مع بلوزه طويله حمراء مخصره على جسمها ولابسه بوت اسود جلد طالع شكلها كيوووووت..
قعدت تحط غلوس:هاه غدوو حلووو..
غاده لفت في لها:الله تجنيـــــــــــــــــن بس بس هالجمال كله لمين..
في لفت على المرايه وقالت بدلع:لمين يعني لمشعل..
غاده صرخت:يالجـــــــــــــاحده رايحه لعنده ولاتقولين لي..
في بدون اهتمام:وليه اقولك..
غاده تطلع لها لبس:علشان اروح معاك اشوف اللي منجنه عليه بنت عمي يستاهل وإلا لا..
في:اكيد يستاهل وانا اتحداك اذا انتي شفتيه ولا انجنيتي عليه..
غاده تلعب بخصلات شعرها:اصلاً انا مااهتم بهالخرابيط..
في مدت يدها:تراهنين..
غاده:اقول انقلعــــــــــــي..<< خذت لبسها ودخلت الحمام (الله يعزكم)..
في:ههههههههههههههههههههههههههه..
غاده بصوت عالي:اقوووووووول انتظريني..
في بصوت اعلى:طيـــــــــــــــــــــب..
××
..في هالوقت كانت مها جالسه عند البحر ومعها اللاب توب تكلم العاشق..
((مجروحه تنتظر مين يداويها))..
ايه وصلنا..
:
((عاشق سراب))..
حمد الله على سلامتك..
:
((مجروحه تنتظر مين يداويها))..
الله يسلم قلبك من كل شر..
:
((عاشق سراب))..
يله نرجع لموضوعنا..
:
مها استغربت وشو موضوعه..
((مجروحه تنتظر مين يداويها))..
اي موضوع..؟؟
:
((عاشق سراب))..
امداك نسيتي الموضوع اللي امس انتي عرفتي كل شي عني انا ابي اعرف كل شي عنك..
:
((مجروحه تنتظر مين يداويها))..
لااااا ماراح اقولك إلا لما تكمل انت كل شي عنك..
:
((عاشق سراب))..
مثل ايش يعني..
:
مها تفكر بخبث وبعدها رجعت تكتب..
((مجروحه تنتظر مين يداويها))..
يعني..
:
((عاشق سراب))..
هههههههههههههههههههههههههه ايه يعني وشو..
:
مها استحت تقوله لفت وشافت مشعل طالع من الشاليه لابس برمودا ابيض مع بلوزه زرقاء طويله وحافي وكان يمشي متوجه لها..لفت على اللاب توب بسرعه وهي خايفه..
((عاشق سراب))..
الوووو مجروحه وينك..
:
مها ردت بسرعه..
بعدين احاكيك باااااااااي..<<وسكرت بسرعه ووقفت..
مشعل بأبتسامه ذوبت مها:مسااااء الخير..
مها بأرتباك:مساء النوور..
مشعل:وش رايك نتمشى مع بعض شوي..
مها هزت راسها:اوكي بس بودي اللاب توب وارجع..
مشعل:اوكي انتظرك..
مها راحت للشاليه تركض رمت اللاب توب على الكنب وراحت للمرايه تشوف شكلها ولفت على نفسها..
لمى طلعت وهي تتثاوب:كم الساعه..
مها لفت عليها وبسرعه:شكلي حلوووو..
لمى:ليه تسألين..
مها هزت رجلها:قولي..
لمى:يلوع الكبد..
مها كشرت:صدق..<<خذت جاكيتها وطلعت بسرعه..
انصدمت من اللي قاعده تشوفه..
مشعل واقف مع بنتين ويضحك معاهم..
بلعت غصاتها وحده ورا الثانيه وتجمعت الدموع في عيونها لفت بترجع لكن وقفها صوته اللي جاي من بعيد..
:مهاااااااا تعالي..
مها راحت له وتجر رجلينها جر تمشي وهي مصدومه..
مشعل حط يده على كتفها وقبص خدها:هاذي مها بنت عمي وش رايكم فيها حلووووه صح؟..
مها ناظرته وهي فاتحه عيونها اخر شي قلبها بيطلع من ضلوعها ماتدري هو يدق علشانها..
فرحانه..
زعلانه..
مصدومه..
مشعل ابتسم لها وهمس:وش فيك تناظريني كذا انتي حلوه وإلا انا غلطان..
مها ابتسمت ولفت وجهها..
في مقهوره:وين اختك ريم..
مشعل:نايمه الحين..
في وهي تمسك يد غاده:يله عن اذنك..
مشعل:تو الناس..
في:ابوي قاعد لحاله يله غدو..<<وسحبتها..
غاده وهي تأشر بيدها:بااااي..
مشعل بنفس الحركه:باااي..
غاده بهمس:وش فيك انتي..
في:من وين طلعت لي ذي..
غاده:مين..
في بقهر:هاذي مها شفتي وشلون يطالعها وتطالعه كأنهم عشااااق..
غاده:يمكن خطيبته..
في بصدمه:لاتقولين..
غاده:اقول يمكن..
في:لالا مااظن لو كانت خطيبته كان قال مها خطيبتي..
غاده:والله تصرفه معها يقول انها ياخطيبته يايحبها..
في بأنفعال:لالامااظن..
غاده:وشو ماتنظين ياحبيبيتي شوفي حركاته معها..<<وتأشر على مشعل براسها..
كان مشعل حاط يده حول رقبتة مها ويضحك معها..
في لفت وشافتهم ورجعت تناظر غاده:شكلها يحبها..
غاده تقلد صوتها:ايييييييه..
في واروى دخلوا شاليهم..
طلال:مساااء الخير..
غاده:مساء النور..
طلال اشر على في وبهمس:وش فيها..
غاده بأرتباك:مااعرفش..
طلال قبص خد في:الحلووو ليه زعلان..
في ابتسمت غصب:مافيني إلا العافيه..
××
××عند مشعل ومها××
مشعل:تصدقين مااشتقت لأحد كثر مااشتقتلك..
مها حمر وجهها وعضت شفايفها:صدق..
مشعل:ايه صدق اجل اكذب عليك..
مها:لا حشا..
مشعل مسك كتفها و لفها عنده:طيب انتي قولي..
مها بغى يغمى عليها نزلت راسها ولعبت بالرمل برجلها:وش اقول..
مشعل رفع راسها بأصبعه:اشتقتيلي..
مها بعفويه:ايه موووت (ارتبكت) اقصد يعني..<<وسكتت..
مشعل:ايه وشو..
مها بلعت ريقها:قصدي الكل مشتاقلك..
مشعل جلس واشر لها تجلس جنبه:اجلسي..
مها جلست:هذاني جلست..
مشعل وهو يناظر البحر:عرفت الحين جواب سؤالك..
مها لفت عليه:اي سؤال..
مشعل:يوم تقولين انت للحين تحب ملاك..
مها بلعت غصتها:للحين تحبها صح..
مشعل:لا غلط..
مها بفرحه:والله..
مشعل:ههههههههههههههه ايه والله ليه وش فيك..
مها بأرتباك:علشانها ماتستاهل حبك..
مشعل ابتسم بألم:صادقه والله ماتستاهل..<<ورن جواله..
:هلا بندروووه قمت..
بندر:لا توني ماقمت..
مشعل:هاهاها تستخف دمك حظرتك..
بندر:لا استهبل المهم الحين انت وينك..
مشعل التفت على مها وابتسم:اتمشى على البحر..
بندر:طيب بجي لك..
مشعل بطفش:اوكي انتظرك..
بندر يناظرهم من الواجهه اللي تطل على البحر رفع حاجبه وابتسم بخبث:شكلك ماتبيني اجي عندك احد..
مشعل:لاتعال ماعندي احد..
بندر:اوكي سلااااام..<<وسكر السماعه بدون مايسمع رد..
مشعل يناظر جواله:ووووووجع..
مها ماسكه ضحكتها:مين..
مشعل:ولد عمك بندرووووه بيجي بعد شوي..
مها وقفت:يله انا رايحه..
مشعل وقف معها:وين اقعدي..
مها بأبتسامه حلووه:وين اقعد بندر بيجي..
مشعل:ماعلينا منه..
مها:وش ماعلينا منه بعدين انا تأخرت الحين ماما بتسوي لي محاظره يله تامر على شي..
مشعل ابتسم:سلامة قلبك..
مها وهي تمشي:بااااي..
مشعل:باااي..
بندر جاء وهو يدندن:سلاااااام..
مشعل بطفش:وعليكم السلام..
بندر بنظرات خبث:شكل قلبك بدا ينبض لحب جديد..
مشعل بأستغراب:وش قصدك..
بندر:قصدي انت تعرفه..
مشعل فهم عليه:لا يروح تفكيرك بعيد هي جايه تسلم علي بس..
بندر بشك:ايه طيب..
مشعل عض شفايفه منقهر:يعني اكذب عليك انا..
بندر:لا حشا ماتكذب انت قوم بس نتمشى مشتااااااااق للبحر..
::
××في شاليه ابوراكان××
هيفاء ترتب ملابسها في الكبت ومشاعل متمدده على السرير وتلعب بخصلات شعرها تنهدت من قلب..
هيفاء:اففففف طالعه من قلب هاذي..
مشاعل نطت بحماس:مشتاااااااااقه لنايف..
هيفاء بدون اهتمام:وانا على بالي عندك سالفه..
مشاعل:ايه سالفه ليه هاذي مو سالفه..
هيفاء:وش ناويه تسوين معه..
مشاعل:اممممم بحاكيه..
هيفاء فتحت عينها على اخر شي:كيف..
مشاعل ببرود:وشلون يعني كيف بروح له اقول له كيفك ياولد خالي ان شاااء الله تمام بعدين اقعد الف مخه شوي بكلمتين حلوووين وكم حركه وخلاص وبتضبط السالفه..
هيفاء:عممممى بعينك وشلون بتطلع هالجرائه..
مشاعل ابتسمت بدون نفس:بتطلع من وحده اسمها مشاعل المهم الحين لاتحاكيني خليني افكر في خطه اقدر اطيح فيها ولد خالك..
هيفاء:والله لو شافك بيطيح مو لازم تخططين..
مشاعل بثقه:عارفه بس للضروره احكام..
هيفاء:بكيفك..<<ورن جوالها ركضت ورفعته من الطاوله..
مشاعل:شوي شوي لاتطيرين..
هيفاء شهقت:احمد..
مشاعل:ردي وش تنتظرين..
هيفاء:اكيد برد (وردت) هلااااا والله حيااااتي اشتقتلك موووت..
::
..الساعه7pm..
الكل مجتمع عند البحر والجووو روووعه إلا ريم ونايف اللي كانوا غرقانين في النوم..
××في شاليه ابومشعل وفي غرفة ريم××
صحت وهي تحس بصداع ولعت الابجوره ورفعت جوالها تشوف كم الساعه:يووووه كل هذا نوم..<<وقفت وهي تترنح والصداع يزداد وهي ماسكه راسها لما دخلت الحمام (الله يعزكم) غسلت وجهها وطلعت وبدلت لبسها ونزلت تحت شافت الانوار مسكره..
:اووه شكل مافيه احد هنا..<<راحت للواجهه وفتحت الستاره شافت اهلها كلهم مجتمعين عند البحر سوالف وضحك تهز المكان...
:وااااااااو وناسه (مسكت راسها) ياربي وش ذا الصداع اففف..<<راحت للمطبخ وصلحت لها كوب كوفي علشان يخف الصداع شوي..
××
××في شاليه ابونايف××
كانت غرفته جااااامده كأنه في القطب الجنوبي صحى وهو ميت من البرد سكر المكيف وولع النور:مين النذل اللي فاتح المكيف..
انفتح الباب وطل منه راس ام نايف:صح النووم..
نايف ابتسم:صح بدنك..
ام نايف دخلت:اوووه ورا غرفتك جامده كذا (عصبت) وليش مو لابس شي على صدرك تبي تمرض انت..
نايف تذكر كل شي صار له الصبح ومسك ضحكته"شكل مافيه نذل هنا غيري"..
ام نايف صرخت:ماتــــــــــرد..
نايف:متعود على جو كندا يمه عااادي..
ام نايف:طيب قوم الكل يسأل عنك..
نايف:طيب بقوم (وقف وبأرتباك) يمه..
ام نايف ماسكه الباب بتطلع:سم..
نايف:سم الله عدوك بغيت اقول (حط يده ورا رقبته وابتسم بأرتباك) ريم وينها..
ام نايف بنظرات شك:وليه تسأل عنها..
نايف:هاه لا بس كذا سؤال وجا على بالي..
ام نايف:مع ان سؤالك ماله داعي ولقافه منك بس بجاوبك هي الحين نايمه..
نايف ابتسم:ايه طيب شكراً لانك جاوبتيني على سؤالي السخيف..<<والله يمه لو تدرين ان هالسؤال اهم سؤال سألته في حياتي..
ام نايف:يله البس وانزل بسرعه..
نايف يطلع له لبس من الكبت:ان شاء الله..
××
طلعت ريم من الشاليه لناحية الطاوله الكبيره اللي عند البحر ضمت جاكيتها لجسمها ولفت الشال على راسها:مسااااء الخير..
الكل:مسااء النور..
الجده نوره:كل هذا نوم يمه..
ريم جلست:والله يمه مانمت امس زين (لفت على مها ولمى) اهلييييين كيفكم..
مها:توك تذكرتي ان عندك بنات عم متقطعين علشان يشوفونك..
ريم:والله راحت علي نومه بنات قوموا نتمشى شوي عند البحر والله مشتاقة له..
لمى:لا وعادي تسولف وكأنها ماسوت شي..
ريم:والله ماسويت شي (وقفت) يله بااااي..
لمى وقفت:تعااالي وين رايحه..<<وسحبت معها مها..
:امشي انتي الثانيه..
مها:طيب بعدي آآآي يدي عورتيني..
..وقابلوا في وجههم ام نايف..
ام نايف:اهليييين ريومه صح النوم..
ريم ابتسمت:صح بدنك خالتي كيفك..
ام نايف:حمد الله بخير دامي اشوفك بخير يله عن اذنكم بنات..
الكل:اذنك معك..
مها:اقول ماتلاحظون ان خالتي امل مهتمه بريم بشكل..
ريم بعدت شعرها عن كتفها بغرور:اقول ماتلاحظون ان مها حاراقتها الغيره..
مها ولعت:ولييييييييش اغار على ايش قصدي انها حاطه عينك عليك يالنايف يالبندر..
ريم بضيق:اقول اتركي عنك هالكلام الفاضي وامشوا انتي وياها..
لمى بهمس:يااختي احرجتي البنت..
مها بنفس الهمس:وشو ماقلت شي..
تركي شافهم وجا لهم:صباح الخير كيفكم..

يتبــــــــــــع..<<



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 140
قديم(ـة) 21-10-2008, 08:46 PM
صورة دمعة الفرقا الرمزية
دمعة الفرقا دمعة الفرقا غير متصل
©؛°¨غرامي مجتهد¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


تابـــــــــــع..<<

لمى ناظرته بضيق وبلعت غصتها:عن اذنكم شوي..
ريم مسكتها:وين رايحه خلك معنا..
تركي دخل يدينه في جيب بنطلونه وابتسم بدون نفس:على العموم انا جاي اسلم وبروح بااااي..
ريم:لحظه تركي مشعل وينه..
تركي:والله مدري إظاهر انه مع الناس اللي متعرف عليهم..
ريم:اي ناس..
تركي:وحده ابوها مدري وش صار له ونقله اخوك على المستشفى ومن هناك بدت المعرفه شوفي اذا جا مشعل اسأليه وهو يقولك السالفه كلها يله باااي..
ريم ومها:بااااي..
لمى كانت منزله راسها وماسكه نفسها لاتبكي..
ريم لفت عليها:الحين متى ننتهي من سالفتك انتي وياه..
مها:ليه فيه سالفه اصلاً بس هم يحبون يخلقون مشكله من ولاشي..
لمى بأنفعال:ايه إنا نحب نخلق مشكله من ولاشي بعدين انتو وش دخلكم هذا شي بيني وبين تركي محد له دخل وسكروا الموضوع تكفون لان مالي خلق..<<ومشت بخطوات سريعه..
ريم:وش فيها..
مها:مدري بس اتوقع بيجيها جنون البقر من اخوك..
ريم:هههههههههههههههههههههههههه امشي بس (علت صوتها) لحظه لمووو..
××
××في شاليه ابوفي××
في تناظر مشعل وسرحانه بملامحه الجذاااابه وعندها فضول تعرف وش علاقته مع مها..
مشعل:ياهووووه في ماقلتي لي..
في انتبهت:هاه وشو عن ايش..
مشعل:لا شكلك مو معي اقول يله تعالي بعرفك على ريم..
غاده كانت جايه لعندهم وماسكه صينية العصير قالت بحماس:اييييه والله ياليت يله فيوو قومي نبدل ونروح..
في بضيق:ماابي روحي انتي..
مشعل:افااا يعني تكسرين بخاطري (وقف ومد يده) يله امشي..
في ناظرت في يده لحظاااات يده الدافيه اللي مسكتها وحسستها بالامان
يده اللي دفت يدينها البارده
مسكتها ووقفت وهي تحس بمسكتها له انها ملكت الكون كله
مشوا خطوتين وكان قدامهم مرايه كبيره ناظروها شوي وفي نفس الوقت لفوا على بعض وارتبكوا..
مشعل ابتسم:وش فيك تناظريني كذا..
في بأرتباك:هاه ولاشي (تركت يده وركضت لفوق) ثواااني بس ابدل..
مشعل:اوكي..
غاده لحقتها للغرفه..
طلال:هلا مشعل..
مشعل سلم عليه:اهلين كيف الحال..
طلال:الحمد الله بخير كيفك انت..
مشعل:تماااام وين عمي خالد..
طلال:هو الحين نايم تفضل..
مشعل وهو يجلس:زاد فضلك..
طلال:جاي مع اهلك..
مشعل:ايه..
××في غرفة في××
في تدور في الغرفه وهي فرحانه:شفتي يحبني..
غاده:اي يحبك يالمجنونه والله خيالك واسع على طول خليتيه يحبك..
في بفرحه وهي تضحك:ههههههههههههه ايه يحبني شفتي وشلون ماسكني وإلا يوم وقفنا عند المرايه وربي لايقين على بعض..
غاده:هههههههههههههههههههههههه قسم بالله انك خبله اقول قومي نبدل لايروح عنا والله متحمسه اشوف اخته ريم..
في:حتى انا..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××
..في الامارات...دبي..
كان علي ورزان جالسين في المطعم..
علي:رزان من جلسنا وانتي ساكته وش فيك..
رزان بضيق:تذكرت ملاك كنا دايماً نيي هالمكان..
علي مسك يدها:رزان ادعي لها بالرحمه وانتي بعد اتركي عنك هالزعل خلاص انسي..
رزان:شلون تباني انسى انت ماتدري شو غلاة ملاك عندي ملاك مو ربيعتي بس ملاك اختي اللي مايابتها امي..
علي ابتسم:تصدقين حسبتك سعوديه..
رزان ابتسمت غصب:طول هالفتره تحسب اني سعوديه..
علي:ايه كنتي تتكلمين معي باللهجه السعوديه وش يعرفني انا انك امراتيه..
رزان:ماكنت افارق ملاك ابداً وعلشان تجذي صرت ارمس باللهيه السعوديه..
علي:طيب اتركينا من ملاك الحين وخلينا في موضوعنا انتي مواقفه..
رزان:علي خلنا نتظر شويه مامر على وفاة ملاك إلا كم يوم وشلون تباني افرح واستانس واعز انسانه على قلبي توها ميته افهمني ياعلي..
علي:انا فاهمك وانا بعد غلطان لان طلبي مو في وقته..
رزان:لاتزعل نفسك ياعلي واوعدك في الوقت المناسب برد عليك..
علي ابتسم:اوكي طيب يله ابتسمي..
رزان ابتسمت بدون نفس..
علي:لااا ظنك بتلعبين علي بهالإبتسامه ابتسمي بنفس وإلا لاتبتسمين..
رزان:هههههههههههههههههههههههههههههه والله انك مينون..
علي بأبتسامه وسيعه:تسلم لي هالضحكه وصاحبتها..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

..في السعوديه..الرياض..

××في بيت سعد××

سعد باس جبهة خلود:والله مدري وش اقولك الله لايحرمني منك..
خلود ابتسمت:ولا منك بعدين وش تقولي واقولك هذا بيتها اصلاً وتدخله في اي وقت..
سعد ابتسم وحط يده على بطن خلود:ياحظك ياشيخ امك خلود..
خلود:ههههههههههههههههههههه..
ام سعد اللي كانت ماره من عند الغرفه وسمعت كل شي ابتسمت ودمعت عيونها رفعت يدينها للسما:الله لايغير عليكم ويخليكم لبعض آمين يارب العالمين..
..ام سعد كانت معارضه زواج سعد من خلود لكن سعد اصر إلا يتزوجها ولو ماتزوج خلود ماراح يتزوج..
سعد صرخ:يمـــــه..
ام سعد:قلتلك لا انت لبنت عمك وإلا بعت عاداتك وتقاليدك من يوم شفت هالبنت..
سعد:يمه انتي تبيني اعيش مع وحده مااطيقها..
ام سعد:بتتعود عليها مع الايام..
سعد برجا:وش اتعود عليها سياره هي وإلا لعبه اذا ماتقبلها قلبي انا لايمكن اتقبلها يمه تكفيـن لاتخليني احرم الزواج على نفسي..
ام سعد شهقت:استغفر مايجوز هالحكي..
سعد رفع راسه:استغفر الله ياارب (نزل لعند رجلها ومسك يدينها وباسها) لاتحرميني ولاتحرمين نفسك من شوفة عيال ولدك الوحيد..
::
قطع افكارها صوت سعد:وش اخبارك يمه..
ام سعد:بخير دامك بخير يمه..
خلود طلعت وهي تبتسم لخالتها وباست راسها:خالتي خذتي علاجك..
ام سعد هزت راسها بـ ((لا))..
خلود وهي تنزل:كذا بتزعليني منك..
ام سعد:كل شي ولازعلك بس مدري وينه يابنيتي دورت عليه مالقيته..
خلود ضربت راسها:ياالله كله مني الله لايعطيني عافيه..
سعد بأنفعال:استغفري وش ذا لاتدعين على نفسك..
خلود ودها تضحك من انفعاله بس مسكت نفسها:طيب اعصابك ياشيخ..
سعد عض شفايفه بقهر ونزل بسرعه عندها:اذبحك..
خلود بدلع:تقدر..
سعد بهمس:اقدر بس مااقدر مااذبح نفسي بعدك..
خلود حمر وجهها وكملت تنزل:يؤيؤ تأخرت على علاج خالتي..
سعد نزل وراها:تعالي وين رايحه..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابومشاري××
هديل حاطه راسها على رجل مشاري وتناظر فيلم اكشن ومتحمسه معه..
ابومشاري ماسك بيالته ويشرب شاهي:تظن من اتصل اليوم..
مشاري:ميييين..
ابومشاري:خالد ولد عمك..
هديل نطت على ابوها وقالت بسرعه:متى وكيف وش قلت وش قالك..
ابومشاري:بسم الله عليك هديل مرتفعه حرارتك وإلا شاربه شي..
هديل استوعبت:هـــــــــــاه..
مشاري:بنتك يبه مجنونه رسمي بعدين انتي وش دخلك يكلمني انا وش هالقاااافه اللي ذابحتك..
هديل تخصرت:مالك دخل انت اكلم دادي انا..
ابومشاري:عازمنا في المزرعه يوم الاربعاء..
هديل شهقت:والــــــــــــله..
ام مشاري:ومين بيجي هناك..
ابومشاري:اخواني كلهم مجتمعين هناك جهزوا نفسكم..
هديل وقفت:اكيد من الحين..
ام مشاري:بنتك مو طبيعيه..
ابومشاري:فرحانه تبي تشوف بنات عمها خلوها توسع صدرها..
هديل تبوس راس ابوها: يابعد عمري وحدك بس فاهمني..
..((ورن الجــــــــــرس))..
ام مشاري:مشاري يمه قوم افتح..
مشاري:مين اللي جاي..
ام مشاري:شكلها صديقة هديل يله قوم بسرعه..
مشاري بطفش وقف:طيب..
راح وهو يتأفف وفتح الباب:هلا مين انتي..
ريناد راح صوتها:احم..احم..صديقة هديل..
مشاري ابتسم:اسمك صديقة هديل..
ريناد:لا بس انا صديقة هديل..
مشاري:هههههههههههههههههههه والله ادري انك صديقة هديل بس وش اسمك النيم حقك وشو..
هديل طلعت تركض:عمــــــــــــــــى بعينك مخلي صديقتي في ذا البرد هلاااا ريري كيفك..
ريناد دخلت وبهمس:اخوك هذا نشف ريقي..
هديل:بس نشف ريقك اجل ماسوا شي..
مشاري:تفضلي ياريري البيت بيتك..
ريناد ماسكه ضحكتها ودخلت..
ام مشاري وقفت:هلاااا والله زارتنا البركه..
ريناد ابتسمت:هلا فيك خالتي..
ام مشاري:وش اخبارك وش اخبار امك ودانا ان شاء الله بخير..
ريناد:حمد الله كلهم بخير ويسلمون عليك..
ام مشاري:الله يسلمهم..
هديل:ماما إنا طالعين فوق اذا خلص العشا جيبوه فوق..
ام مشاري:ان شاء الله طال عمرك فيه اي آوامر ثانيه..
ريناد:هههههههههههههههههههههه..
هديل مسكت يد ريناد:لا شكراً..<<وطلعوا فوق لغرفة هديل..
ريناد فسخت عبايتها:ياحليلها خالتي تعطيك وجه بزياده..
هديل:طبعاً بتعطيني وجه انا بنتها الوحيده ودلوعتها..
ريناد:ووين راحت خلود..
هديل:خلود الحين مع سوسو حقها..
ريناد:هههههههههههههههههههههههه حلوه ذي حقها..
هديل بحماس:بقولك شي خطييييييير..
ريناد تحمست معها:وشووو..
هديل:اول شي ابي بوسه..<<واشرت على خدها..
ريناد:ياسخفك (وباستها بدون نفس) هاه يله قولي..
هديل تمسح خدها:وووووووع وش ذا..
ريناد انقهرت:بتقولين وإلا وشلووون..
هديل:خلاص طيب بقول بس بلاش هالعصبيه يااختي..
ريناد انقهرت اكثر:هديـــــــــــــــل..
هديل:طيب بقول (تنهدت بقوه) بنجتمع مع العايله الكريمه في المزرعه..
ريناد بأبتسامه وسيعه:والله وخالد بيكون موجود..
هديل نطت بفرحه:ايه لانه هو اصلاً اللي عازمنا..
ريناد:وااااااااااااااااااااو نفسي اعرف وش يصير فيك اذا شفتيه..
هديل رفعت راسها وتنهدت:والله مدري وش اقولك اذ..<<ورن جوالها.."الحب خالد وحبي خالد وباقي للي احبه واحب دارن سكن فيها"..
هديل عضت شفايفها:هو..
ريناد:مين..
هديل:وإنا مين قاعدين نتكلم عنه من الصبح..
ريناد بحماس:خالــــــــــــــد..
هديل تقلدها:ايييييييييه..
ريناد:طيب ردي الرجال له ساعه يدق..
هديل ردت:ايوووه..
ريناد بصوت واطي:حطي سبيكر حطي سبيكر..
هديل حطت سبيكر:اخبارك..
خالد:بخييييييير كيفك انتي..
ريناد حطت المخده على وجهها وهديل ماسكه ضحكتها:تمااااام..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××
..نرجع للشرقيه..الخبر..
ريم شهقت:فــــــــــــــــي..
في دمعت عينها:هذا انتي..
ريم حظنتها:وحشتينــــــــــي وحشتيني موووت..
في:وانا اكثر..
ريم بعدت ومسحت دموعها:وين هالغيبه ليه ماصرتي تتصلين فيني..
في بضيق:صارت لي ظروف..
ريم:وشو عسى ماشر..
في:ابوي جته جلطه..
ريم بصدمه:كيــــــــف..
في ابتسمت:بس الحين احسن من قبل ماعلينا قولي لي كيفك انتي والله تغيرتي صرتي احلـــى..
ريم ابتسمت:عن جد..
في:والله ياحظ اللي بياخذك..
ريم ضحكت مجامله:ههههههههههههههههه..
لمى ومها جايين ومعاهم آيس كريم..
مها:شوفي ريم الجاحده واقفه وتسولف وإنا طاقين مشوار وجايبين لحظرتها آيس كريم..
لمى:مين هاذي الي معها..
ريم بصوت عالي:لموووو تعالي عندي لك مفاجأه..
لمى ركزت في ((في)) زين وشهقت:فيووو..<<وركضت..
مها ركضت وراها:لميييوووه انتظريني شوي شوي..
لمى حظنت في وبكت:يالدبــــــــــا اشتقتلك وينك يالقاطعه ماتسألين عنا..
في:والله صارت لي ظروف وماقدرت اتواصل مع اي احد..
لمى بعدت عنها:خير وش صار لك لايكون فيك شي..
في:ههههههههههههههههههه لامافيني إلا العافيه..
مشعل واقف ومايدري وش السالفه:لو سمحتوا فهموني انتو تعرفون بعض من قبل..
ريم:يعني وش رايك هالفيلم الهندي اللي سويناه ولانعرف بعض..
مشعل:زين اجل انا رايح..
في:وين خلك معنا..
مشعل:الشباب تلقينهم ينتظروني يله بااااي..
الكل:بااااي..
مها مقهوووره"لا وصاروا يعرفونها بعد"وبهمس:لمى مين هاذي..
لمى طايره من الفرحه:هاذي في صديقتنا في المدرسه هاذي اللي قلتلك نقلت من المدرسه وسويت مناحه في البيت علشانها و..
مها قاطعتها وهي تهز رجلها:طيب خلاص خلاص عرفت حشا بتقصين لي قصة حياتها..
:
:
في الجزء الجاي...

ـ ماعليك مين انا بس بقولك شغله بنات الحمايل مو لعبه بين يديك..

ـ انتي اخر وحده افكر اسوي فيها شي يضرها انتي حياتي كيف اضرك..

ـ بعد ايش ياحلوه انتي اللي جنيتي على نفسك..
:
:
اقابلكـــــــــم الجزء الجاااي..
دمعة الفرقا..*_^



الرد باقتباس
إضافة رد
الإشارات المرجعية

تموت عيونهم فيني .. و أنا بك ميته عيني / بقلمي ، كاملة

الوسوم
البارت 27 ص 64 , البارت 3 ص 4 , بارت 33 ص 99
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6689 الأمس 03:26 PM
في صمتي لك كلام / بقلمي ، كاملة انـجـــال روايات كامله - يتم نقل الرواية هنا بعد اكتمالها 45 25-05-2013 07:54 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 08:37 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم