اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 17-09-2008, 08:17 PM
صورة دمعة الفرقا الرمزية
دمعة الفرقا دمعة الفرقا غير متصل
©؛°¨غرامي مجتهد¨°؛©
 
الافتراضي تموت عيونهم فيني .. و أنا بك ميته عيني / بقلمي ، كاملة


..][تمـــــــوت عيونهم فيني..وانا بك ميته عيني][..

..بكل مشاعر صادقه..بكل احساس مرهف..اقدم لكم روايتي الاولى..
..واتمنى من كل قلبي ان تحوز على رضاكم..واستحقاق محبتكم..

اختكم:دمعة الفرقا..
::
::
::
::..الشخصيات..
..الجده نوره..
سعود..فهد..اسماء..محمد..
::
عائلة ابونايف..<<سعود..امل..
نايف..23سنه يدرس في كندا..
بندر..22سنه..
::
عائلة ابومشعل..<<فهد..اماني..
مشعل..25سنه..
تركي..22سنه..
ريم..18سنه..
::
عائلة ابوفيصل..<<محمد..رنا..
فيصل..23سنه..
مها..20سنه..
لمى..18سنه..
فهد..8سنوات..
::
عائلة ابوراكان..<<عبدالرحمن..اسماء..
مشاعل..21سنه..
راكان..19سنه..
هيفاء..18سنه..
::
عائلة ابومشاري..<<ناصر..وفاء..((اخت ام مشعل))..
خلود..25سنه متزوجه من سعد وحامل في الشهر الخامس..
مشاري..23سنه يدرس مع نايف في كندا..
هديل..18سنه..
&&&&&&&&&&&&

..الجـــ الاول ــــزء..
::
صحت على صوت المؤذن ينادي لصلاة العشاء تحركت في سريرها بكسل وقامت وهي تتمغط شافت الساعه سبع..
:ياااربي كل هذا نوم والله ماحسيت بنفسي..<<لبست شبشبها وقامت وهي تترنح لما وصلت الحمام (الله يعزكم) وغسلت تحسست وجهها..
بشره بيضاء مخمليه..
عيون وساع عسليه..
رموش كثيفه وطويله..
فمها الصغير مررره وشفايفها اللي مليانه شوي..
شعرها الناعم الطويل النحاسي لمته بربطه حمراء ونزلت بعض الخصل على وجهها..
كان اقل كلمه تنقال لها انها جميـــــله..
لكن ابداً جمالها ماوصلها للغرور..
توضت وصلت وتمددت على الصوفا الحمراء..مسكت الريموت وغيرت في القنوات بملل..
:اف مافيه شي ينشاف..<<رمت الريموت وفتحت البلكونه تشم شوية هوا كان الجو بارد وفيه مطر خفيف..
سندت يدها على الدربزين وفكت شعرها خلته يتحرك براحته مع نسمات الهوا البارده..
اندق الباب:ادخل..
ام مشعل دخلت:مساااء الخير..
ريم لفت على امها:هلا ماما مساء النور..
ام مشعل:ادخلي عن البرد ترى بتمرضين...
ريم:لا بالعكس الجو مره حلو اليوم..
ام مشعل:عسى ماشر كل هذا نوم..
ريم:اليوم جتنا مدربه جديده كسرت ظهري ماصدقت متى رجعت البيت ونمت..
ام مشعل:انا قلتلك بلاها روحه للنادي..
ريم ابتسمت بنعومه ورفعت كتوفها:وش اسوي هنا اروح هناك اناظر خلق الله احسن لي..
ام مشعل:دريتي بنروح للإستراحه يوم الخميس جهزي نفسك..
ريم وهي تسكر باب البلكونه:ايه دريت..
ام مشعل:من مين..
ريم:من امي نوره مريت لها اليوم وقالت لي..
ام مشعل:طيب لاتقولين نادي مانادي الكل بيروح واولهم انتي..
ريم:ايه اكيد اصلاً بعد اليوم مااظن اني بروح..
ام مشعل:احسن ترتاحين (وقفت) يله انا رايحه لبيت خالتك وفاء تجين معي..
ريم:لا كل يوم عندهم طفشت بس وصلي سلامي لخالتي وخوخه وهدوله..
ام مشعل وهي تطلع:اوكي..
ريم بصوت عالي:ماما لاتنسين تبوسين لي اللي جوا كرشة خوخه..
ام مشعل:هههههههههههههههههههههههههه..
::
كان قاعد يتقلب على سريره ماجاه النوم ايام مضت وراحت وهو على حالته..
عيونه السوداء المكحله فيها لمحة حزن غريبه..
بس يخفيها بأبتسامته الدايمه اللي نادر ماتفارقه..
فتح درجه وطلع الصوره اللي معاه سنين وهي اللي زرعت الحزن في قلبه..
حاول كم مره يقطعها ويرميها..لكن ماقدر قلبه ماطاوعه..
لانها للحين عايشه فيه رغم خيانتها له..
تجمعت الدموع في عينه وغمضها لما نزلت دمعه حاره على خده البارد:ليه سويتي كذا ليه..
رن جواله وقطع تفكيره عدل جلسته وابتسم لما شاف الاسم..
:هلا ابوسعود..
نايف:هلا فيك مشعل وينك انت الحين..
مشعل يناظر الصوره:انا في البيت..
نايف:طيب تروح معنا للمقهى انا وفيصل..
مشعل:اوكي نص ساعه واجي لكم..
نايف:طيب لاتتأخر ننتظرك سلام..
مشعل:سلام..
رجع يتمدد على سريره مره ثانيه وغلبه النوم ونام..

(!@#$%^&*!@#$%^&*)
تمـوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

كانت جالسه على الطاوله تقرى روايه قرتها اكثر من مره تأففت وسكرتها لفت على اختها اللي غرقانه في النوم كانت ملامحها هاديه وهي نايمه..
شعرها الغجري اللي قاصته فراوله متناثر على مخدتها..
فمها حبة توت..عيونها عسليه تنطلق منها البرائه..
اما هي عيونها وساع سوداء...
شعرها طويل اسود سواد الليل ودايماً تسويه كيرلي..
لون بشرتها البرونزي طبيعي حلوو..
وقفت وراحت لاختها وهزتها:انتي يالقلق اصحي..
لمى تلتفت للجهه الثانيه:ومادامي قلق ليه تصحيني..
مها:لميييييوه بليز..
لمى قامت وبدون نفس:خير نعم وش تبين..
مها:الله ينعم بحالك..
لمى بطفش:اخلصي..
مها:سولفي ياختي معي والله ملل..
لمى رمت نفسها على سريرها:على بالي عندك سالفه..
مها هزتها:قوووووووووومي عاد..
لمى قامت:والله مالقلق هنا غيرك..
ام فيصل دخلت:انتي صحيتي..
لمى:والله من بنتك الحلوووه..
مها بفخر:عارفه اني حلوه من زمان..<<وجتها مخده على وجهها من لمى..
ام فيصل:اقول بعد بكره بنروح للاستراحه جهزوا انفسكم..
مها ولمى:والله..
ام فيصل:ايه اجل اكذب عليكم..
مها:مع مين..
ام فيصل:مع عمانكم ويمكن يعني ننوم هناك..
لمى نطت:وااااااااااااااو وناااااااسه..
مها:ومشاعل بتجي..
ام فيصل:وش رايك يعني..
مها عقدتها مشاعل تكرهها:اففففففففف..
ام فيصل:وانتي وش عليك منها..
مها تقلد مشاعل:ومين يقدر يوصل لجمالك ياشعوله..
لمى:ههههههههههههههه..
ام فيصل:ماعليك من الناس..
مها:تقهرررر من جد انا بصراحه قررت قرار فيه حياة او موت..
ام فيصل تجاريها:اللي هو..
مها:قررت انقل من الجامعه بصراحه مااتحمل اناظر في خشتها كل صباح..
ام فيصل:اذا بدت الدراسه يحلها الف حلال الحين بس تعالوا تعشوا..
لمى مسكت بطنها:ايه والله جوعااااااااااانه..
مها:انتي متى شبعتي بس..

(!@#$%^&*!@#$%^&*)
تمـوت عيونهم فيني..وانا بك ميته عيني..
..رومانسيه..خياليــه..
(!@#$%^&*!@#$%^&*)

..كانت هي وصديقتها يتمشون في الفيصليه..
هيفاء:شعوله خبري ماما اني طالعه مو فاظيه اتصل عليها وتسمعني كلام مثل السم وانا مالي خلق احد يعكر مزاجي..
مشاعل:هذا اذا سألت عنك اصلاً..
هيفاء:اذا سألت قولي لها اوكي سي يو..
مشاعل:سي يو تو..
جنا:وش تبي فيك..
هيفاء:انا اللي ابيها تقول لماما اني طالعه والله اذا رجعت وشافتني بتسمعني محاظره..
جنا:الله واكبر عاد..
هيفاء:ايه الله واكبر انتي على الاقل امك مسافره ولاتدري عنك اما انا ياويلي منها..
جنا:لهالدرجه تخافين منها..
هيفاء:مو قصة اخاف بس انا ماابي القلق ووجع الراس الحين تخيلي ابوي مايجي للبيت احياناً يطلع ولايرجع إلا الصبح يبدل ملابسه ويروح للشركه وعلى ذا الحاله يبي يفتك منها..
جنا:واحسن بعد انتو مفتكين منه هو..
هيفاء:صادقه امشي امشي ندخل هالمحل..
جنا:اوكي..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليــه..
(!@#$%^&*!@#$%^&*)

كانت جالسه في الحديقه تهز نفسها بالمرجيحه وهي رافعه راسها تناظر النجوم اللي مزينه السما..
مررت يدها على شعرها الطويل الاسود..
كانت ملامحها بدويه وفيها شبه كبير بالممثله"مرح جبر"..
عيونها وسيعه مكحله وسوداء..
جاها صوت امها من بعيد:هديــــــــــــل..
هديل:سمي..
ام مشاري:تعالـــــي..
هديل راحت لامها:نعم..
ام مشاري:شوفي المجلس كانه نظيف وإلالا والعشاء جهز وإلا لسه ونزلي من فوق بطانيه ومخده يمكن اختك تحتاجهم و..
قاطتها هديل:ماما حبه حبه علي اول شي بروح اسوي اللي قلتي لي عليه بعدين ارجع وتكملي هالموجز..
ام مشاري:بسرعه اختك ترى على وصول..
هديل:ياربي ياربي ارحمني وزوجني عاجلاً غير آجل..
ام مشاري ضربت ظهرها بخفه:اتركي عنك هالبربره وروحي سوي اللي قلتلك عليه..
هديل تكلم نفسها:اللي يسمعها يقول بنتها جايه من اوروبا ماكأنها كل يوم مطيحه عندنا..
ام مشاري:وش تقولين..
هديل مدت بوزها:اقول ان شاء الله رايحه..
::
..رن الجـــــــــرس..
ام مشاري طلعت عيونها صرخت في اذن هديل:شفتـــــــــــــــــي..
هديل حطت يدها على اذنها:اي ماما اذني ابيها وانا وش علي انا اللي قايله لهم يوصلون بدري..
ام مشاري راحت تشوف بنتها:هلا والله توه منور المكان..
خلود باست راسها:هلا فيك منور بوجودك..
سعد باس راس ام مشاري:كيفك خالتي..
ام مشاري ابتسمت:هلا يمه سعد انا بخير انت وش اخبارك..
سعد:حمد الله تمام يله مااوصيكم على مرتي..
ام مشاري:وين ادخل تقهوى..
محمد:لاوالله خالتي مستعجل عندي شغل ضروري خليها مره ثانيه..
ام مشاري:الله معك..
سعد باس خد خلود:يله بااي وانتبهي على البيبي..
خلود حمر وجهها بهمس:سعـــــد..
سعد ابتسم:يله مع السلامه..<<وطلع..
ام مشاري:هاه كيف حفيدي..
خلود:يسلم عليك الا وين هديل البثره..
هديل طلعت وهي متخصره:انا انا بثره يا ام كرشه..
خلود:ههههههههههه يله جيبي لي كاس مويه عطشااااانه..
هديل بغت تقطع ملابسها:اف بدينا..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

كان معلي صوت الاغاني على اخر شي لدرجة انه يحس ان طبلة اذنه بتنفقع..
مرر اصابع يده على شعره الطويل الاسود اللي موصل لنهاية رقبته ومعطيته اكثر وسامه..
كان جذاااااب بمعنى الكلمه طويل وابيض وجسمه رياضي..
عيونه عسليه ناعسه وانفه طويل..محدد سكسوكه خفيفه تخقق..
وكان لضحته سحر جذاب يجذب قلب من شافه..
قصر صوت الاغاني ورفع جواله:الوو انت في المقهى الحين..
فيصل:ايه قاعد انتظرك ياحظي تجي..
نايف:هههههههههههههههههههههه اوكي هذاني جاي بس ياخوي شوارعكم مره زحمه..
فيصل:الحين صارت شوارعكم ليه ماتقول شوارعنا وإلا خلاص صرت ولد كندا..
نايف نزل:لا ان شاء الله الله لايقوله..<<دخل المقهى..
فيصل:تو الناس كان ماجيت..
نايف:اقولك شوارعنا ركز شوارعنا مره زحمه..
فيصل رمى عليه عصا البلياردو:العب..
نايف مسك العصا:بتروح مع مشعل..
فيصل:وين..
نايف:الامارات..
فيصل:والله انه فااااظي الرياض الحين ماتتفوت صح إنا الشباب ماندري وين نطس فيه بس ماعليه فديت الرياض واهلها والسعوديه بكبرها..
نايف:يااااعيني على الوطنيه اللي ذابحتك المهم الحين ذا وينه..
فيصل:مين..
نايف:مشيعيل متصل عليه من ساعه يقول بجي وينه..
فيصل رفع جواله:تلقاه نايم الحين..الووو..
مشعل صوته كله نوم:خييييير..
فيصل:شفت..
مشعل:وش اشوف..
فيصل:مو انت يالفالح اقول وينك الحين..
مشعل:في البيت خيييييير ناااايفوه وش تبي..
فيصل:هيه انا فيصل مو نايف..
مشعل:اصواتكم تتشابه عيال عم ماتنلامون خخخخخخ المهم وش بغيت..
فيصل:ماراح تجي للمقهى..
مشعل:لاااا بنااام تبي شي ثاني ماتبي يله سلام..<<وسكر..
فيصل عصب:والله الشرهه مو عليه الشرهه علي انا اللي دقيت عليه..
نايف ماسك ضحكته:دورك العب العب..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

هيفاء تناظر بروش:هذا عجبني..
جنا تلتفت يمين ويسار وتكلم نفسها:اففف ورا ماجا ورا ماجا..
هيفاء:هيه اكلمك..
جنا تاركه طرحتها على راسها بأهمال طالع نص شعرها وحاطه مكياج كامل لفت على هيفاء و ميلت شفايفها وبدون نفس:خييييير..
هيفاء مدت لها البروش:شوفي وش رايك..
جنا بدون ماتناظره قالت بلامبالاة:حلو اقول انا رايحه للحمام..
هيفاء:لاتطولين انتظرك..
..جنا طلعت من المحل مشت بغرور وتكبر لفتت انظار الناس..
بعضهم احتقروها لعبايتها المفتوحه اللي مطلع فستانها الابيض فوق الركبه
ولمشيتها كلها دلال ومكياجها كأنها رايحه لعرس مو سوق..وهاذولي معتبرتهم جنا صفر على الشمال..
وبعضهم عيونهم عليها اعجاب فيها وبمشيتها ودلعها..وهاذولي اهتمام جنا..
ابتسمت لشباب بتطلع عيونهم عليها..رفعت جوالها ودقت على..
احمد وينك انت للحين..
احمد:توني داخل للفيصليه..
جنا:ليه تأخرت..
احمد بأحتقار معتبر كل الناس حشره:والله عاد كيفي عندك مانع يله خلصيني مين هاذي اللي تبيني اروح عندها بسرعه ترى وراي مشاوير..
جنا:شوفها في محل اكسسوريز..
احمد:اها وانتي وينك معها..
جنا:لاانا اتمشى..
احمد:اوكي احسن بعد من قرفك..<<ودخل جواله في جيب بنطلونه..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

مشاري نازل من الدرج يغني:اووووه خوخه عندنا..
خلود:ايه خوخه عندكم..
مشاري سلم عليها وسلم على خالته:كيفك خالتي..
ام مشعل:حمد الله بخير وش اخبار الدراسه في كندا..
مشاري:ماشي الحال (لف على خلود) كيف الحمل..
خلود:متعبني..
مشاري:الله يعينك الاسعيدان وينه..
خلود عطته نظره:سعيدان هاه..
مشاري:اوووووه سوري شكلي غلطت..
هديل جايه وجايبه كاس عصير مدته لخلود وبدون نفس:تفضلي..
خلود:شـ ..
هديل قاطعتها بأنفعال:خلاااااااااااااااص ماابي اسمع منك شي والا هالكاس بيجي في خشتك..
خلود بأنفعال:هييييييييه وجع كنت بقول شكراً..
الكل:هههههههههههههههههههههههههههه..
هديل حطت راسها على بطن خلود:امك ذي جننتني هدوله تسمعيني انا خالتك يابعد قلب خالتك..
ام مشعل:ههههههههههه هديل بعدي عن اختك عورتيها..
مشاري:المشكله هي ممصمه على ان خلود بتجيب بنت..يااختي الدكتوره قالت ولد يعني بتجيب مشاري..
خلود:لا احلفوا اصلاً انا ماراح اسمي لاهديل ولامشاري..
مشاري بنظرات خبث:ايييييه ماراح تسمين الا اللي يقول عليه سعيدان..
خلود ضربت فخذه:ايييييه ايييييه ماراح اسمي الا اللي يقول عليه سعيدان ارتحت..
ام مشاري من جوا المطبخ:هديــــــــــــــــــــل..
هديل عضت شفايفها بقهر:الله يصبر ذا الهديل نعــــــــــــــــــــم..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

ريم بعد ماتحممت راحت لتسريحتها وطلعت علبة مكياجها وقعدت تتفنن بوجهها..<<انفتح الباب بقوه ريم نطت من الخوف...
تركي:هههههههههههه مسااااء الخير..
ريم لفت عليه معصبه:اظن فيه شي اسمه استئذان..
تركي طلع وسكر الباب ودقه:لو سمحتي ممكن ادخل..
ريم:هههههههههههههه..
تركي دخل مبتسم:مسااااااء الخير..
ريم:مساء النور توك صاحي..
تركي:ايه وين الاسره الكريمه..
ريم:امي راحت لخالتي وابوي راح لشركه ومشيعيل نايم..
تركي:اهااا يله باااي..
ريم:ترووووك..
تركي:هاه..
ريم:ماراح تتعشى معي..
تركي:لااشبعي انتي عليك بالعافيه بااااي..
ريم كشرت:بااي..<<رفعت جوالها ودقت على لمى..
ريم:هااااي..
لمى:مساء الخير والاحساس والطيبه..
ريم:وش عندها الرايقه..<<وتربعت على سريرها..
لمى تاكل خيار:ابد سلامتك بس نمت نومه وحلمت حلم عجيب لكن النكد مهيوه قومتني..
مها ضربت فخذها:نكد في عينك..
تركي دخل:اقول وش رايك تخاويني..
ريم:لمووو لحظه شوي..
لمى:اوكي..
ريم حطت يدها على السماعه:انت مارحت..
تركي:اظن كذا خخخخخخ لحظه لحظه كأني سمعت اسم لمووو..
ريم:ايه قاعده اكلم لمى خير وش عندك..
تركي نط عليها ومد يده:هاتي هاتي..
ريم من بين اسنانها:مجنون انت..
تركي على صوته:اييييييييييييه مجنون بلمى يااووويل قلبي..
ريم رفعت السماعه:الوو لمى تركي يبي يكلمك..
لمى مصدومه:وشوووو..
تركي سحب الجوال:هاااااي..
لمى:..................
تركي:افااا افاا ليه الحلو مايبي يرد علينا..
لمى:يللللله بااااي..
تركي:لحظــــــــــــــــــــــه ياختي ماقلنا شي..
لمى:وش تبي..
تركي:ابي اقولك الاحمر عليك خياااااااااااال..
لمى تناظر لبسها:بس انا مو لابسه احمر..
تركي:لا بس انا اتخيلك لابسته خخخخخخخخ..
لمى:تصدق انك فاظي..
تركي:ايه اصدق وليه مااصدق..
لمى:بااااي..<<وسكرت..
تركي يناظر الجوال:افاااا..
ريم:احســـــــــــــــن..
تركي:طيب الايام بينا يالميووووه..
ريم:ههههههههههههاااي ياخي البنت ماتبيك اتركها في حالها..
تركي:وش دراك انها ماتبيني بس هي مستحيه..
ريم:ياااااااربي يامستحيه شوف تصير معجزه اذا لمى استحت المهم اتركني اكلم البنت..
تركي وقف:اوكي وسلمي لي عليها وقولي لها بردها لك في الافراح خخخخخخخخخ..
ريم:خخخخخخخخخ..الوو..
لمى مولعه:هييييييييييييين اوريك..
ريم ببرود:وش سويت..
لمى:تخليني اكلمه يالدبااااا..
ريم:عادي وش فيها..
لمى:هيييييييييه وشو اللي عادي..
ريم:قولي لي الحين ليه ماجيتي النادي..
لمى:والله راحت علي نومه..
ريم:يالنذله دقي دقه وحده على الاقل خبريني انك ماراح تجين..
لمى:سووووري نسيت..
ريم:هين بسويها فيك يوم علشان مره ثانيه تحرمين تنسين..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

احمد خذ كم لفه كذا عناد في جنا..دخل للمحل شاف هيفاء اللي حاطه لثمه خفيفه ومبينه ملامحها عرفها لان جنا عطته صوره لها...
هيفاء ماسكه سوارتين وحده حمراء والثانيه اسود مع ابيض:اوكي الحمراء احب لونها..
احمد بصوته الجذاب:وانا بعد احبها..
هيفاء لفت عليه ورمشت بعيونها:تكلمني..
احمد"ياخذ ام العيون ياشيخ" ابتسم ابتسامه ذوبت هيفاء خذ السواره من يدها:ايوه اكلمك انتي (ناظر في السواره) الحلو ماياخذه الا الحلوو..
هيفاء قلبها يدق بسرعه نزلت عينها:شكراً..
اللبناني:اهلين استاز احمد شو اخبار الاستاز راشد ان شاء الله منيح..
احمد ناظره بأحتقار بصوت واطي:ممكن تنطم..
اللبناني بلع ريقه:حادر..
احمد همس في اذن هيفاء:ماقلت الا الصدق تصدقين عادعمري ماشفت بنت قمممممممممممر( وشدد على قمر) كذا..
هيفاء ابتسمت ورفعت عينها شافت شكله من قريب مرررره..
شعره ناعم اسود وطويل شوي.
عيونه واسعه رماديه من الله..
طويل وابيض وكان لابس تيشيرت مره ضيق محدد شكل جسمه..كـــــــــان جذاااب بشكل غير طبيعي في كل شي..
اقدر اقول انه"كل من شافه تولع فيه"..
"ايوه هذا اللي اتمناه رجال حلووووو وكشخه وشكله ولد عز ياارض احفظي ماعليكي"..
احمد:ماتعرفنا..
هيفاء:انا هيفاء..
احمد:الحين وفي هالحظه بس عرفت اني محظوظ (طلع كرت) اتمنى نتواصل..
هيفاء خذت الكرت ويدها مرتجفه:اوكي..
احمد بأبتسامته اللي تدوخ:يله اتركك الحين بس لاتنسين..<<اشر على الكرت وحط السواره على الطاوله وطلع..
هيفاء تراقبه تراقب مشيته خيااااااااال والله خيااااااااال..
اللبناني:هيدا الاستاز احمد ابنو للسيد راشد الـ...... التاجر دايماٌ بيجي لهون..
هيفاء هزت راسها وهي مومعاه اصلاً..
جنا كانت واقفه وشافت كل شي بين هيفاء واحمد ابتسمت بخبث"والله والله لأخلي سمعتك في التراب يا (بأستهزاء) اخت راكان.."

دخلت وعلى وجهها اكبر ابتسامه:تأخرت عليك..
هيفاء مفهيه:.............
جنا سحبت طرحة هيفاء:احاكيك..
هيفاء انتبهت:هاه..
جنا:هاه ههههههههههههههههه وش فيك شوفي شكلك وشلون صاير..
هيفاء تعدل طرحتها وجنا سحبتها:خلك فري..
هيفاء:ماحطيت ميك اب شكلي خايس..
جنا مسكتها:اوكي تعالي للحمامات معاي العده كلها..
هيفاء لفت على اللبناني:يله حاسب..
اللبناني طاحت عيونه:حادر..
اللبناني مفهي في ملامح هيفاء..
جنا عصبت:انت مع وجهك قالتلك حاسب يله حاسب خلصنا..
اللبناني خاف:اوكي اوكي..لكن انو سواره بدك..
جنا خذت السواره الحمراء ورمتها على البياع:هاذي يله بسرعه..
اللبناني عصب:لو سمحتي مو هيك..
جنا تخصرت:لااااا هيك وإلا مو هيك كيفي علـ..
هيفاء قاطعتها:خلاص جنو هدي يله انت شوف شغلك..
اللبناني:اف حادر..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

مها تمددت على الكنبه ومسكت الريموت:مع اني داريه ان مافيه شي ينشاف..
لمى سحبت الريموت:الحين صحيتيني من نومي يله تحملي..
مها:هااااتيه..
لمى:لاسولفي..
مها لفت عليها:وش اسولف عنه..
لمى:عن اي شي..
مها:خلاص روحي نامي..
لمى:بعـــــــد ايش خلاص طار النوم..
مها:اف لميوووه لاتقعدين على راسي ترى مالي خلق..
لمى بهمس:مشعل بيسافر..
مها صرخت:والله وين..
لمى:الله ياخذ بليسك فظحتينا..
مها:متى بيروح ومع مين ووين..
لمى:طيب حبه حبه علي شوفي بيروح للإمارات بعد بكره ومع مين والله مدري ريم ماقالت لي..
مها كشرت:حساااافه يعني يوم الخميس ماراح اشوفه..
لمى:لابتشوفينه لان طيارته الساعه تسع..
مها بحزن:يروح ويرجع بالسلامه..
لمى بحماس:اقول وش رايك نقول لريم انك تحبينه..
مها بأنفعال:ياااااااووويلك لوفتحتي فمك بكلمه اذبحك..
لمى:شوي شوي لاتاكليني..
مها لفت عنها:في ذمتك لاتقولين شي..
لمى:اووووكي اوكي ماراح اقول بنطم..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في الفيصليه××
بندر يحرك الكابتشينو:تذكر ملاك..
تركي:مين ملاك..
بندر:ملاك خطيبة مشعل..
تركي كشر:ايه وش فيها..
بندر:تزوجت..
تركي رفع كتوفه بلامبالاة:طيب..
بندر:طيب لوسمع مشعل خبر زواجها والله يقوم الدنيا ويقعدها..
تركي:هو الحين ماله علاقه فيها راحت بخيرها وشرها (ضحك بأستهزاء) ههههههههه خيرها اصلاً ماجابت معها غير شرها..
بندر:لاتقول لمشعل..
تركي:وليه اقول له هو وش دخله فيها..
بندر رفع كوب الكابتشينو بعدين نزله:تركي..
تركي:اذا في موضوع ذي خلاص سكر عليه..
بندر:شوف مو كأن هاذي هيفاء..<<اشر عليها براسه..
تركي فهم عليه:الله خلق من الشبه اربعين..
بندر وقف:اي شبه انت قوم معي..
تركي سحبه يجلس ومن بين اسنانه:مالنا دخل فيها..
بندر طلعت عيونه:انت مالك دخل في اي احد قلنا اوكي بس هاذي بنت عمتك..
تركي حط رجل على رجل:يمكن ماتكون هي..
بندر:ويمكن تكون هي..
تركي:لحوووول بندر لاتناظر فيها لاتنتبه لك الحين وتسوي لك سالفه..
بندر:قال تسوي لي سالفه شوفها انشق حلقها وهي تبتسم لشباب خلق الله..
تركي:ياخي وش فيك انت ماعليك منها..
بندر:قسم بالله انت تفكيرك مدري وشلون..
تركي:إلا تدري وشلون قوم بس نمشي من هنا احسن قبل ماتمر فلبينيه وتقول هاذي امي ههههههههه..
بندر انقهر:ياثقل دمك ياشيخ يله نمشي بس..
تركي:هههههههههه هد يابوالشباب..
::
..في جهه ثانيه..
هيفاء وجنا بيطلعون من الفيصليه..
هيفاء بحماس:ياليتك شفتيه يجنن يطيح الطير من السما..
جنا بخبث:شوقتيني اشوفه..<<ركبوا السياره..
هيفاء خافت من فكرة انها تكلم ولد توترت:بس خايفه..
جنا ضحكت بأستهزاء:هههههههههه خايفه حمد الله والشكر غيرك يتمنون..
هيفاء لفت عليها:مين قصدك..
جنا:كل البنات يتمنون مواصفات الولد اللي شفتيه ومنهم انا (مدت يدها) يالخوافه عطيني الكرت..
هيفاء بأنفعال:اييييييه ان شاء الله احلمي مستحيييييييل اعطيك اياه مجنونه انتي..
جنا ناظرتها بخبث"مجنونه بأحمد ياحياتي بس مين بيفكك من يدينه ههههههههه"..
هيفاء:اظاهر ياجنو حظي ابتسم لي..
جنا ماسكه ضحكتها:اظاهر كذا..
هيفاء باستها:يله بااااي..<<ونزلت والدنيا موشايلتها من فرحتها..
هنا جنا انفجرت ضحك:ههههههههههههههههههههههههههه بااااي ياحبيبة احمد..
رفعت جوالها ودقت على احمد:تعرف انت وشو انت ملاك يمشي على الارض..
احمد يسحب نفس من سيجارته:خلصيني..
جنا:بقولك هيفاء انجنت عليك..
احمد بغرور:اكيد بتنجن انا كنز وجاها مجاناً هي واشكالها..
جنا فهمت قصده بلعت غصتها..
احمد بأحتقار:اذا عندك شي مهم قوليه ماعندك ظفي وجهك..
جنا بحزن:احبــك..
احمد ضحك بأستهزاء:هههههههههههههه والله حبتك القراده..<<وسكر..
جنا انقهرت ورمت جوالها بعصبيه وصرخت:يللللللللللله انت على البيت بسررررررررعه..
السواق في نفسه"هزا بنت مجنونه"..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

هيفاء رمت شنطتها وفسخت عبايتها رمتها بإهمال على الكنب وشغلت المسجل ورقصت..
"طب وحده وحده وبلاش كل دا يقي مره وحده...."..
مشاعل جايه ومعاها كوب نسكافيه:لاااا اكيد انا احلم..
هيفاء مالت بجسمها:لااا انا اللي احلم ههههههههههههههههههه..
مشاعل:هيفاء وش فيك عسى ماشر..
هيفاء ابتسمت:آه ياقلبي مشاعل بموت..
راكان دخل حاط الشماغ على كتفه ناظرهم بطرف عينه:مساااء الخير..
هيفاء ومشاعل:مسااء النور..
راكان رقى الدرج وقفه صوت مشاعل:تعال اجلس معنا..
راكان التفت عليها وضحك بأستهزاء:ههههههههههه حمد الله والشكر..
مشاعل تنرفزت:انا قلت شي يضحك..
راكان دخل غرفته وسكر الباب بقوه..
هيفاء:وجـــــــــــــــــــــــــــع..
مشاعل:وش فيه اخوك ذا..
هيفاء خذت شنطتها وعبايتها:اسأليه (ارسلت لها بوسه) تصبحين على خيييير..
مشاعل:وانتي من اهله..

اتمنى من كل قلبي انها عجبتكم..
انتظر الردووووود
دمعة الفرقا^_*
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-09-2008, 08:27 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: ..][تموت عيونهم فيني..وانا بك ميته عيني][..لدمعة الفرقا..


يسلمووو على الرررواية

حلوووة ورووعة

وننتظر البارت الجاااااى


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 17-09-2008, 09:03 PM
صورة Ebteehal الرمزية
Ebteehal Ebteehal غير متصل
©؛°¨غرامي نشيط¨°؛©
 
الافتراضي رد: ..][تموت عيونهم فيني..وانا بك ميته عيني][..لدمعة الفرقا..


وااااااااااااااااااااااااااااو
الرواااااااايه خطيره حيييييييييييييييييييييييل
بانتظار البارت الجاي بكل شوووق
دمتي بووود



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-09-2008, 09:38 PM
صورة الغزلان الرمزية
الغزلان الغزلان غير متصل
©؛°¨غرامي جديد¨°؛©
 
الافتراضي رد : ..][تموت عيونهم فيني..وانا بك ميته عيني][..لدمعة الفرقا..


يسلمو على الروايه الجنان
بليز عندي طلب الله ايخليج
الله يرضا عليج لاتقطعين عن
الروايه واتخلينا نتظر مثل بعض
الكاتبات
جاري الانتظار



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-09-2008, 09:48 PM
صورة دمعة الفرقا الرمزية
دمعة الفرقا دمعة الفرقا غير متصل
©؛°¨غرامي مجتهد¨°؛©
 
الافتراضي رد: ..][تموت عيونهم فيني..وانا بك ميته عيني][..لدمعة الفرقا..


نبض قلبي..وغزلان..وشمس المملكه..
مشكووووورين والله انكم حمستوني اكمل الروايه وان شاء الله الجزء الثاني راح ينزل بكره..
مع حبي:دمعة الفرقا..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 17-09-2008, 11:10 PM
صورة Ebteehal الرمزية
Ebteehal Ebteehal غير متصل
©؛°¨غرامي نشيط¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


ok بانتظاااركــ بكره بكل شوووووووق


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 18-09-2008, 02:17 AM
صورة دمعة الفرقا الرمزية
دمعة الفرقا دمعة الفرقا غير متصل
©؛°¨غرامي مجتهد¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


حبيبتي نبض قلبي لعيونك راح انزل الجزء الحين


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 18-09-2008, 02:19 AM
صورة دمعة الفرقا الرمزية
دمعة الفرقا دمعة الفرقا غير متصل
©؛°¨غرامي مجتهد¨°؛©
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


..الجــــــ الثاني ــــــزء..

....يوم الخميس والكل يتجهز للروحه للإستراحه....
::
××في بيت ابومشعل××
مشعل يجهز شنطته وتركي قاعد يسولف على راسه..
تركي:قسم بالله لو شفتها ودك تذبحها..
مشعل ياخذ تيشيرتات:الحين انت وش دخلك فيها..
تركي:بنت عمتي..
مشعل:والله كان رحت لها وعطيتها كف قدام العالم وبردت اعصابك..
تركي:كان بندر بيسويها بس انا مسكته..
مشعل:ليــه مسكتاه..
تركي:لوتركته بتقوم الحرب العالميه الثالثه..
مشعل: خلها تقوم والله لوكنت انا اللي شايفها ماسويت شي ولو تمرعندي بقول ذا البنت مااعرفها..
تركي:علشان راكان صح..
مشعل انقرف:لاتجيب طاري اسمه تكفى..
ام مشعل دخلت:طيب جدتك مافكرت فيها..
مشعل رفع عطرين:يمه اختار هذا وإلا هذا..
ام مشعل:انت وين وانا وين مشعلوه رد علي جدتك لو ماشافتك بتزعل عليك..
تركي:يمه لاتعبين نفسك والله مو معك..
مشعل:لامعها يمه لاتشيلين هم بقعد معاكم شوي (رفع العطرين) الحين اختار هذا وإلا هذا..
ام مشعل رمت عليه المخده:لاهذا..
مشعل:ههههههههههههه..
ريم دخلت وهي حايسه بنفسها والنفس موصله:ماما انتي هنا..
مشعل:لاهناك..
ريم:هاهاها ياانك باااايخ ومالك داعي..
مشعل:افااااا افااا هذا وانا بسافر بدال ماتاخذيني بالاحظان تقولين بااايخ ومالك داعي..
ريم:مشعل انا من دون شي ونفسي موصله هنا (واشرت على انفها) فأحسن لك بعد عن طريقي لايجيك بوووكس محترم..
مشعل:اسف اسف ماقلت شي..
ريم:ماما ماشفتي سوارتي اللي فيها حرف الـR ووووين..
ام مشعل:انا ادري عنك دوريها..
ريم:لحوووووول دورت عليها في كل (ضربت راسها) صح نسيتها في بيت امي نوره..
تركي متربع على السرير:هذا اللي استفدناه منك تضيعين اغراضك في بيوت خلق الله..
ريم تنرفزت:جانا الثاني..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابوفيصل××
لمى وفهد قاعدين يلعبون بلاي ستيشن والوضع حاااامي..

لمى لابسه تيشيرت برشلونه عشقها:فهيييييد اقول انسحب والحيييين..
فهد مقهور:تونا تونا..
لمى:تونا وإلا قشطه هههههههاااي..
فهد:اسكتتتتتي قبل مايطلع شيطاني الاحمر..
لمى:وانا ماسكته يله طلعه (وقفت) شووووف شووف قووووووووول..<<وقعدت تنطط على الكنب..
فيصل متمدد على الكنب ومعاه اللاب توب:جد العقل نعمه..
ام فيصل دخلت وشهقت:انتي وش مقعدك هنا..
لمى مومعاها:شوف الهدف من الزاويه تسعييييين..
ام فيصل صرخت:لميووووه ووجع..
لمى من صرخة امها طار شعرها خخخخخ:ســــمي..
ام فيصل عصبت:بنمشي بعد شوي وانتي قاعده تلعبين مع ذا البزر..
فهد شوي ويبكي:والله انا مو بزر..
ام فيصل:تكبريييييييييين وتنهبلين انتي..
فيصل:يله لقطي وجهك خخخخخ..
لمى:والله انت محد كلمك..
فيصل ببرود:وشو ماسمعت..
ام فيصل اشرت على الباب:يله قدااامي يابنت..
لمى نزلت راسها:ان شاء الله..
ام فيصل:وانت وياه قوموا..
فيصل:انا ياطويلة العمر بجي مع نايف إلا عاد اذا تبوني اوصلكم..
لمى:لا شكراً..
ام فيصل صرخت:مطوله..
لمى انحاشت لغرفتها لقت مها جالسه على الارض وقاعده تلف شعرها وعلب اللإكسسوارات قدامها..
لمى تخصرت:ياااا الشيخه..
مها:تكلميني..
لمى بطفش:لا الجدار هيـــــه..
مها:...............
لمى صرخت:مهيوووووه..
مها رفعت راسها:خير خير نعم وش تبين اخلصي ترى وراي شغل..
لمى:وش جابك لغرفتي..
مها:اتفرج عليها يعني وش جابني جايه اشوف وش عندك من اكسسوارات..
لمى خذت روبها:الله يعدي هاليوم على خيييييير..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابو راكان××
هيفاء تتحمم ومشاعل تكلم صديقتها متممده على بطنها وتلعب بخصلات شعرها الكستنائي:ههههههه شي ياليتني معكم..
ام راكان تدق الباب..مشاعل:لحظه شوي منو..مييييييين..
ام راكان:افتحي..
مشاعل رفعت السماعه:ايوه منال بعدين اكلمك اوكي..يله بااي..
ام راكان تزيد دق الباب:بسرعه انتي..
مشاعل تمشي ببطئ وفتحت الباب ببرود:ايوه..
ام راكان دفتها لداخل الغرفه وهي معصبه:انتي للحين مالبستي ولاتحممتي..
مشاعل جلست على الكرسي وحطت رجل على رجل:ليه إنا وين رايحين..
ام راكان فتحت عيونها على اخر شي:لإستراحة جدتك ياحظي..
مشاعل خذت كورة صوف اللي على طاولتها ورمتها في الهواء:بصراحه مام اهلك ماينطاقون بالمره..
ام راكان مسكت شعرها بعصبيه:لو سمعتك تقولين هالحكي مره ثانيه بكسر راسك فاهمه..
مشاعل بعدت يد امها عنها:اي شعري انا صادقه بيت امك واخوانك يجيب المرض..
هيفاء طالعه من الحمام ورايقه:مامي ماعليك من مشاعل اهلك بصراحه (بأستهزاء) يوسعون الصدر ماقد شفت مثلهم بحياتي..
مشاعل غمزت لهيفاء وضحكوا..
ام راكان انقهرت وعصبت:والله ثم والله لو ماشفتكم جاهزين بعد نص ساعه بخلي ابوكم يشوف شغله معاكم..
هيفاء تتريق:هو سائل علينا اصلاُ..
مشاعل مكمله معها:اصلاً مايدري ان احنا بنروح استراحه اليوم هههههههههههه..
ام راكان انقهرت من جد حظها شين لارجال تعتمد عليه ولابنات مثل بنات خلق الله الاحترام رامينه في الزباله ويكلمون امهم كأنها بنت الجيران وولدها مو معاهم اصلاً ولايدري عن الدنيا...
هيفاء بعربجه مو راكبه عليها:وين مكمله يااسماء..
ام راكان عصبت بزياده:بسرعه اخلصوا..<<وطلعت من الغرفه..
هيفاء شالت الفوطه عن شعرها:مسكينه مام حظها نحس في عيالها وزوجها الفاهي ههههههههههههه..
مشاعل بلامبالاة:والله محد قال لها تجيبنا ههههههههههههههه..
هيفاء تناظر المرايه وغمزت لمشاعل:اليوم بتشوفين حبيب القلب..
مشاعل تنهدت:وهذا اللي بيخليني اروح لاهلك غصب عني..
::
..في غرفة راكان..
راكان..علاقته مع اهل امه عدم يكره خواله وعيالهم وهو رايح اليوم علشان خاطر الجده نوره هي اللي ربته وعطته كل اللي يبيه الحب والحنان اللي عمره ما شافه في امه..
كان لابس بنطلون جينز عليه حزام عريض اسود وقميص ابيض فاتح ازاريره للاخير ومتمدد على سريره ومشغل مساري ومعلي الصوت على اخر شي..
مشاعل مرت من جنب غرفته شافت الباب مفتوح شوي طلت عليه وابتسمت تحبه حتى اكثر من ابوها تحسه كل شي في دنيتها مع انه مايعطيها وجه لان حركاتها الماصخه ماتعجبه..

دخلت بخفه سكرت المسجل:هاااي..
راكان يناظر السقف وبدون نفس:خير..
مشاعل جلست جنبه وبدلع سكرت ازاريره:حتى انت منقرف من اهل امك..
راكان بعد يدها عنه وعدل جلسته:والله منقرف منك لاعاد اسمعك تقولين هالحكي..
مشاعل بغرور:وش عاجبك فيهم..
راكان عصب:مشاعل ظفي وجهك عني لايجيك كف الحين..
مشاعل تنرفزت:علشانهم تعطيني كف..
راكان قرب منها ومسك بلوزتها من بين اسنانه:واكسر راسك بعد انا مدري على ايش رافعه خشمك..
مشاعل تجمعت الدموع في عيونها دفته عنها:ابعد اكررررررهك..<<وطلعت..
راكان بصوت عالي:بس مو اكثر مني..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابونايف××
نايف يلبس الكاب:الحين وش فيك مطيح عندي..
بندر يستهبل:معجب..
نايف:اسف مااقبل معجبين..
بندر:مصدق نفسك بزياده ترى ياولد كندا..
نايف:الحين وش فيكم ماسكين علي هالكلمه..
بندر:لانك من رجعت من هناك واخلاقك بايعها..
نايف:ليييييه افااا..
بندر يرفع العطر:افاا وهذا الدليل..
نايف انقرف:قسم بالله انه من دكتوره عندنا وكبر جدتي لاوش جدتي اخاف اظلمها لايروح تفكيرك بعيد ترى وجهها يجيب المرض..
بندر تعطر:والله وعندها ذوق..
نايف ابتسم بدون نفس:شايف كيف..
بندر يناظر نايف ووده يقول ووده مايقول..
نايف انتبه له:كنك تبي تقول شي..
بندر:بصراحه ايه بس هو امانه في رقبتك..
نايف لف عليه:ايش..
بندر:وعد ماتقول لاحد وخاصه مشعل..
نايف بأهتمام:اوكي وعد مااقول بس ايش..
بندر:ملاك تزوجت..
نايف مو مستوعب:كيف..
بندر:شافها حمد خويي في دبي ومعها زوجها..
نايف:العب غيرها..
بندر رفع كتوفه:عمرك ماصدقت..
نايف:هي تموت على مشعل كيف تتزوج..
بندر:والله عاد هذا اللي صار وإلا..<<وسكت..
نايف:وإلا ايش..
بندر:ولاشي..
نايف:بندرووووه..
بندر:إلا اذا كان خويها..
نايف ميل فمه:مالت عليك وعلى تفكيرك اللي مثل وجهك..
بندر:والله مو غريبه عليها..
نايف:ماعلينا منها بس اسمع لاتقول لمشعل ترى والله يعلقنا انا وياك بدال خروف العيد..
بندر:الحين لي ساعه اقولك وعد وامانه ومدري ايش وانت قاعد توصيني..
نايف:لااذكرك بس..
ام نايف جت عندهم:وانت ورا مارحت..
نايف يدور عذر:ولدك اخرني..
بندر حقد على نايف حقد:انا هاه..
نايف غمز لبندر:ايه انت..
بندر عض شفايفه:جد انك..وإلا مولازم اقول انت عارف نفسك..
ام نايف:يله نايفوه بسرعه خلصني..
نايف خذ نظارته والمفتاح:اوكي يله سلام..
ام نايف:وانت يله على الحمام..
نايف كان يعدل جزمته عند الدرج وسمعها بصوت عالي:حلوه ياام نايف هههههههههه..
بندر فتح عينه على اخر شي:بزر انا..
ام نايف ابتسمت:والله لو صار عمرك 50سنه بتبقى في عيني بزر..
بندر يمزح:مطوله يمه ههههههههههههه..
ام نايف ضربت كتفه:ووووجع ان شاء الله..
بندر باس راسها:الله يطول بعمرك ياقلب بندر وروحه..
ام نايف:ايه العب علي بهالحكي..
::
..في الصاله اللي تحت..
ابونايف يناظر قناة الاقتصاديه الاسهم ويتقهوى..
نايف باس راسه:مساء الخير..
ابونايف بأبتسامته اللي تشبه ابتسامة نايف كثير:مساء النور هلا وانا ابوك تعال تقهوى..
نايف:والله يابونايف ودي بس ام نايف موصيتني على اغراض..
ابونايف:ياكثر ماتوصي هالحرمه..
نايف:ههههههههههههههه لاتسمعك الحين والله تتوطى في بطنك..
ابونايف:ذاب الميانه اشوف..
ام نايف نازله من الدرج:ناااااااااايفوه ووجع..
ابونايف:مين بيفكك من يدينها الحين ههههههههههههههههه..
نايف ركض وفتح الباب:بااااي..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

×× في بيت ابومشعل××
ريم تاخذ لفه على نفسها:شو رأيك..
تركي صفر:اوووه ياعيني وش ذا الحلا بصراحه مااصدق ان اللي قدامي ريم..
ريم:تبيني اعطيك بوكس علشان تصدق..
تركي:انتي وش فيك اليوم مشتهيه تعطين بوكس لأحد..
ريم:والله إظاهر كذا وذا البوكس يابيجي في خشتك او خشة اخوك..
ام مشعل تسكر عبايتها:يله يله تأخرنا على جدتكم..
تركي:يمه اي تأخرنا الساعه ثلاث..
ام مشعل:المفروض بعد طالعين من الصبح احمدوا ربكم يعني..
تركي:حمد الله..
ام مشعل:يله قبل مايأذن العصر عاد متى بنوصل..
تركي:شايله هم يمه باقي على اذان العصر ربع ساعه مايمدينا نمشي خطوتين إلا وهو مأذن خليها بعد الصلاة..
ام مشعل:اقوووول يله قدامي..
تركي وقف:مره ثانيه انسوا اني بوصلكم..
ريم:اذا جت المره الثانيه يحلها الف حلال..
ام مشعل متكتفه:مطولين..
تركي:لا بنلف يمين خخخخخخخخخخخ..
ريم:باااايخه..
تركي:محد طلب رايك..
ام مشعل صرخت:بتمشون وإلا وشلون..
تركي خاف:طيب طيب ان شاء الله..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابوفيصل××
ام فيصل تدق الباب على لمى:بسررررررررعه انتي..
لمى فتحت الباب وشايله شنطتها وعبايتها وجزمتها:خلصت خلصت..
ام فيصل:مبين والله..
لمى رمت العفش اللي معها على الارض ودارت على نفسها:وش رايك ياقمييييل..
ام فيصل ماعطتها وجه:يله الحقيني..
لمى كشرت:لفه ودنيا دار راسي وفي الاخير يله الحقيني..
ام فيصل نزلت:اقول بلا كثرة حكي..
مها:انتي وش فيك استعجلي شوي..
لمى جلست على الارض تلبس جزمتها:وليه استعجل بعدين انا مدري ليه امي معلقه على اليوم حاطه دوبها بدوبي وكأني قاتله لها احد..
ام فيصل بصوت عالي:لميووووه..
لمى ضربت خدها مقهوره:شفتي..
مها:ههههههههههههههههه لااكيد قاتله لها احد مافيها كلام..
لمى وقفت ونزلت وهي تتحلطم..
ام فيصل واقفه عند الدرج وتهز رجلينها:بسرعه يالبارده..
لمى نطت درجتين بغت تخبط على وجهها تمسكت في امها:مـــــــــــاما..
ام فيصل:عمى يعمي العدو ان شاء الله مو كذا عاد..
لمى مسكت موالها:عاد وإلا ثمود ههههههههههااااي..
فهد:لا اصحاب الايكه..
لمى شافت ابوها يقرى الجريده نطت عليه وباسته:اشتئتلك يابي..
ابوفيصل:ههههههههههههههههه شوي شوي..
فهد يلعب بالمفتاح ناظر امه بطرف عينه:متى بنمشي..
ام فيصل تكتفت وبطفش:لما ينتهي مشهد الابوه حق اختك..
لمى همست:مرتك ذي ذبحتني..
ابوفيصل:ههههههههههههههههه..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابوراكان××
ام راكان دخلت على راكان:وش فيك راكان..
راكان على نفس جلسته اللي من ساعه قال بدون نفس:مافيني شي..
ام راكان: فيك شي والا مافيك انا وش علي قصدي وش فيك مزعل مشاعل..
راكان بدون مايناظرها:ياليل ماطولك شكل هاليوم مو معدي على خير..
ام راكان بحزم:راكان ناظرني لما احاكيك..

راكان ناظرها يكرهها يعتبرها ابشع خلق الله هي اللي رمته عند الجده نوره وقالت انا مو مستعده اربيه هي اللي فضلت مشاعل وهيفاء عنه مع انهم مايعاملونها بأحترام مثله علشان كذا كره عيال خواله يحس انه ناقص عنهم هم عندهم كل شي ام تمسح دمعتهم تحظنهم تحسسهم بالامان واب يشدون فيه الظهر عزوتهم وتاج راسهم يستمدون القوه والصبر منه واخوان يفضفض لهم يمزحون مع بعض يلعبون مع بعض هو ماعنده هذا هو ولاشي..

ام راكان:خير وش فيك تناظرني كذا..
راكان بأحتقار:مو انتي قلتي ناظرني لما احاكيك هذا انا اناظرك خير امري نعم وش تبين..
ام راكان:وش فيك على مشاعل..
راكان:اها مشاعل حبيبة قلبك بليز علميها كيف تحكي اول وتترك عنها المياعه والغرور اللي ذابحها مدري على ايش..
ام راكان عصبت:وانت وش عليك..
راكان:صح انا وش علي (وقف وقرب منها) زوجك الحلو وينه يشوف المهزله هاذي..
ام راكان فتحت عيونها على اخر شي وكانت بتعطيه كف لكن مسكت نفسها..
هيفاء دخلت وهي ماسكه عبايتها:مامي يله نروح..
ام راكان:اختك وينها خلصت والا لسه..
هيفاء تنفخ على المناكير:مدري عنها..
راكان:عايله مفهيه من جد..
هيفاء تنرفزت:انت حقير متخلف غبي قروي وقح..
راكان صفق لها:اوووه شاطره وايش بعد..
هيفاء:انت ليه اسلوبك زفت كذا..
راكان ببرود:علشاني كذا واللي مو عاجبه اسلوبي (اشر على الجدران)عنده ذولي يطق راسه في اي واحد فيهم..
هيفاء انقهرت:اففففففف حقير..
مشاعل تسكر عبايتها:يله مام..
ام راكان:اوكي يله وانت لاتتأخر ترى امك بتسوي لك سالفه..
راكان بنفس البرود:امي تقول اجي مثل مااحب واطلع مثل مااحب انتم بس فارقوني وماعليكم مني..
ام راكان انقهرت طلعت من الغرفه مالها خلق تتمشكل مع احد وخاصه راكان:يابنات الهم يله تعالوا..
راكان:يله يابنات الهم يله حبايبي انقلعوا عني..
مشاعل طلعت بدون نقاش بس علشان راكان وإلا اذا كان واحد ثاني غيره غسلت شراعه..
راكان:وانتي ماودك تروحين..
هيفاء صرخت في وجهه:سخييييييييييييييييييف..
راكان ضحك بأستهزاء:ههههههههههههههههههههههه..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في السوبر ماركت××
خلود:وانتي اذا حملتي وش تتمنين ولد وإلا بنت..
هديل:بنت..
خلود:وش معنى..
هديل تغني:اموره وحلوه وكتكوته..
ولد كان واقف وسمعهم وابتسم..
هديل:حتى ريم تقول اتمنى اجيب اول شي بنت بعدين بنت بعدين بنت..
خلود:هههههههههه..
هديل لفت وصدمت في كتف شاب وشهقت:اسفه..
الشاب التفت عليها:ماصار شي عادي..
هديل مفهيه في ملامحه..
خلود سحبتها وهمست:خيييييييييييير ان شاء الله..
هديل:نااايف..
نايف:تعرفيني..
هديل:انا اخت مشاري..
نايف ابتسم:اهلين بأخت الغالي كيفك..
هديل عيونها طايحه في الارض:بخير..<<ياخذ امن جابتك تهببببببببببببببببببل..
نايف:خلونا نشوفكم عاد انتي والوالده..
هديل:ان شاء الله..
نايف:وصلي سلامي لمشاري القاطع والوالد..
هديل ابتسمت من ورا الغطا:يوصل..
نايف:يله سلام..<<وطلع..
هديل شهقت شهقه ملت السوبر ماركت كله..
خلود:عممممممممممى..
هديل:في ذمتك مايجنن..
خلود:والله مافيه احلى من سوسو..
هديل:مالت عليك وعلى سوسو حقك ذا..<<ومشت بسرعه قبل مايجيها بوكس محترم..
خلود تمشي وراها بثقل كنها بطريق خخخخخخ:هدييييييييييييل وقفي..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

دخل بسيارته الروز رايز داخل القصر وصوت الميوزيك عااااالي..
نزل من السياره بغروره وتكبره جوا القصر..
فسخ نظارته"جورج ارماني":كالعاده الوالد مسافر يااااا ميييييري..
ميري جايه تركض وتلهث:yes..
احمد بأحتقار:شوي شوي لاتطيرين (قرب منها ومسك بلوزتها وبنظرات خبث) كيف حالك ياحلوه..
ميري خافت:الحمدو لله..
احمد ضحك بأستهزاء:ههههههههههه صدقت نفسها (بعدها عنه بقرف ونفض يده) give my food coikly..سمعتي وش قلت كويكلي..
ميري راحت تركض للمطبخ:بسسسسورعه هزا مستر احمد يبي اكل..
احمد تمدد على الكنب براحه وحط رجل على رجل شاف صورة ابوه كبيره معلقه على الجدار:كيف حالك ياسيد المجتمع الراقي ههههههههههههههههه..
...ربع ساعه بالضبط الاكل كان على الطاوله...كانت الطاوله مليااااانه..
احمد حاط يده على خذه وبأحتقار:شايفتني بغدي قبيله انا..
ميري بلعت غصتها..
احمد وقف:شبعت..
ميري فتحت عيونها على اخر شي مامد يده على الاكل حتى..
احمد رقى لجناحه رمى نفسه على السرير ونام...

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابونايف××
نايف يحط الفطاير وورق العنب على الطاوله:ياااااااااااام نايف..
ام نايف:هاه جبت اللي وصيتك عليه..
نايف:ايه يله انا بروح اتحمم..
ام نايف:الله يعطيك العافيه..
نايف:الله يعافيك..
نايف رقى وقابل بندر بوجهه يسكر الكبك حق ثوبه:شكلك بالثوب غلط..
بندر:ياخوي ماتعرف تجامل..
نايف:لا..
بندر:روح تحمم بس احسن يا (وخربط له شعره) وائل كفوري..
نايف:اما عاد وائل كثر لي منها..
ام نايف تبخر بندر:الله يحفظك من العين والحاسدين والظالمين ومن عيال الحرام قول آمين..
بندر:هههههههههههههه آمين آمين..<<ومشى لناحية الباب..
ام نايف:اقرى المعوذات يمه..
بندر:ان شاء الله يله سلام..
ام نايف:وانت لسه واقف..
نايف:لا بس كنت اتفرج على فيلم مصري قبل شوي خخخخخخخخ..<<وطلع لغرفته بسرعه..خذ روبه وفوطته ووقف على صوت جواله..
رد:هلاااا فصول..
فيصل:بتطلع الحين..
نايف:توني ماتحممت..
فيصل:يااااااااااااااليل ماطولك..
نايف يناظر ساعته:اووووه لاشكلنا تأخرنا..
فيصل:إلا اكيد ياابن الحلال اخلص بسرعه وإلا بروح لحالي..
نايف:طيب سكر علشان اخلص بسرعه..
فيصل:ان شاء الله..<<وسكر..
نايف ناظر في جواله:مو كذا عاد..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××فـــــي الاستراحـــه××
كانت كبيره وفيها قسمين للرجال والنساء وفيها ملعب لكرة القدم و كرة طائره ومسبح والعاب للصغار..ومع الجو البارد والمطر الخفيف..صااااار المكان روووعه..
::
ريم ولمى ومها يلعبون كرة طائره..
مها:يااااذكيه مو كذا يضربونها..
لمى:اللي يسمعك يقول محترفه..
ريم تشوت الكوره برجلها:كذاا احسن..
لمى ومها:ههههههههههههههههههههه..
.. ام راكان ومشاعل وهيفاء وصلوا اخر ناس...
مها همست:جت النكد..
لمى:ماعليك منها..
مشاعل وهيفاء:هاااااي..
ريم:هاااي..
مشاعل:وانتو ماتبون تردون وإلا ماعندكم لسان..
مها:لا ابشرك عندنا تونا شارينه خخخخخخ..
مشاعل ناظرتها بأحتقار:ردي على قد اللي ينقال..
مها:وانا رديت على قد اللي ينقال..
ريم حست ان الحرب بتبدى:كيفكم..
مشاعل وهيفاء:تمام..
هيفاء:وين الحريم جالسين فيه..
ريم:في المجلس..
هيفاء وهي تمشي:ثاااانكس..
ريم:ويلكم..
مها تقلد مشاعل:وانتو ماتبون تردون وإلا ماعندكم لسان..ياشيييييييييينك ماسكه نفسي بالقوه ترى..
ريم:والله بعد انتي ماقصرتي..
::
مشاعل تشوف شكلها في المرايه:اف ياليتني ماجيت..
هيفاء:وحبيب القلب..
مشاعل:اه هيفاء تكفين اسكتي لا اتهور الحين و اركض له..
هيفاء:تسوينها..
مشاعل:ايه والله اسويها ولايهمني احد..
هيفاء:شعوله مو وقت هبالك الحين بعدين وش هذا اللي لابسته الدنيا برد..
مشاعل:هذا كله علشان ولد خالك الحلووو..

...مشاعل كانت لابسه فستان اخضر نص الفخذ بدون اكمام ومفتوح من ورا لين اخر ظهرها ضيق ومبين شكل جسمها..شعرها رافعته كله ومنزله غرتها على وجهها..لبست صندل ذهبي وسلسال ذهبي وحلق كبير ذهبي..حطت ميك اب كثيف تبي تبرز جمالها اكثر مع انه مايحتاج بس هي كذا تبي عيون الكل عليها..ومافيه شي يرضي غرورها بس طالعه جذاااااااابه بمعنى الكلمه..
::
دخلوا المجلس....
ام راكان:هاذولي بناتي يمه....<<زيارات مشاعل وهيفاء قليله لجدتهم وتقريباً مايشوفونها الى من عيد لي عيد علشان كذا قالت ام راكان هالحكي...
الجده نوره كشرت لبس مشاعل فاظح مررره:داريه تحسبيني مااعرفهم..
ام راكان تفشلت تمنت الارض تنشق وتبلعها..
مشاعل ابتسمت بدون نفس:كيفك قراند ماذر..
الجده نوره بهمس:والله مدري وش ترطن ذي..
ام مشعل كانت جنب الجده نوره وضحكت بصوت واطي..
هيفاء راحت وحبت راس الجده نوره مع انها ماتطيقها:وش اخبارك يمه..
الجده نوره:حمد الله وش اخبارك انتي..
هيفاء:تمام..
ام راكان بأبتسامه:يمه هاذي هيفاء..
الجده نوره:انتي وش فيك تعرفيني عليهم وكأني ابد ماشفتهم..
ام راكان هنا لاصدق تمنت الارض تنشق وتبلها تغير وجهها مية لووون..
مشاعل بهمس:شوفي شكل امك..
هيفاء:ههههههههههههههه..
::
××في قسم الرجال وفي مجلس الرجال××
بندر يتحرك وهو جالس يعدل شماغه وكمومه..
تركي مسكه:ياخوي اركد..
بندر: ياخي احس شكلي بالثوب والشماغ غلط..
تركي:هههههههههههه انا بعد احس كذا..
بندر:انت ونايفوه شغلتكم بس تحطموني..
تركي مع غمزه:المهم راي الحبايب وإلا..
بندر ابتسم:ايه صح قلتها اهم من رايك وراي الدلخ اللي عندي..
تركي:افااااا..
::
راكان كان جالس بأخر المجاس ويطقطق بجواله كان فاتح ازاريره ومسكر الازارير الاخيره ولابس بعد سلسال اخره حديده محفور فيها حرف الـR..
::
مشعل:شوف الاخ راكان جالس في مقهى..
نايف:وين ابوه..
مشعل:ماجاء.. اصلاً وجوده هو وابوه مثل عدمه..
نايف عطاه كوع:اسكت لايسمعك احد..
مشعل:انا ابيهم يسمعون..
فيصل:انت وياه وش تهذرون..
مشعل بحقد:شوف راكان..
فيصل: تصدق احس انه بزر..
مشعل:اصلاً هو بزر..
نايف:ياااااليل بتطولون انتو خلوا الولد في حاله..
مشعل يناظر راكان بأحتقار:والله والله وهذاني حلفت ان ماربيته زين مااكون مشعل..
فيصل:ماتوصل لهالدرجه..
مشعل:لا توصل لأكثر من كذا بعد..
نايف:وش ناوي تسوي..
مشعل:كل شي بوقته حلو..
نايف بهمس:انا اشهد ان ولد عمك هذا مجنون رسمي..
فيصل:والله انا مع مشعل اللي بيسويه انا بسويه معاه..
نايف:متفقين على شي..
مشعل:ولا شي بس انا قلت كل شي بوقته حلووو وكفو يافصيل هذا العشم فيك والله مو مثل بعض الناس..
نايف:بكيفكم انا مالي دخل وبعدين ذيك السالفه خلاص سكرناها..
مشعل وقف:وانا بفتحها..
:
:
القاكم بالجزء الثالث..ولاتبخلوا علي بالردووود..
محبتكم:دمعة الفرقا..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 18-09-2008, 02:32 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


’‘

بسم الله

يعطيكك العــافيه عزيـزتي

موفقــه إن شــاء الله في روايتك


‘’



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 18-09-2008, 08:05 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: تموت عيونهم فيني .. و أنا بك ميته عيني / رواية لدمعة الفرقا


,‘


هلآ وغلآ عزيزتي منورتنا
موفقه كل خير آن شاء الله


,‘


الرد باقتباس
إضافة رد
الإشارات المرجعية

تموت عيونهم فيني .. و أنا بك ميته عيني / بقلمي ، كاملة

الوسوم
البارت 27 ص 64 , البارت 3 ص 4 , بارت 33 ص 99
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6672 12-09-2014 06:13 AM
في صمتي لك كلام / بقلمي ، كاملة انـجـــال روايات كامله - يتم نقل الرواية هنا بعد اكتمالها 45 25-05-2013 07:54 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 09:20 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم