مصافحه أولى .. طيري كفخ يا حمود قبل الهدادي

[إبن رشيــد]

بسم الله الرحمن الرحيم
السلام عليكم ورحمة الله وبركاته


في البدايه يشرفني الإنتساب لهذه الأسره الكريمه التي من أول نظره لي لأقسامه تأكدت بإنها شبكة لضم الإقلام الراقيه والرائعه فا أشكر الأخ والصديق الغالي سطام الشمري للدعوه وأيضاً شكراً لمن مر من هنا وأطرح لكم نص متواضع كبدايه وأتمنى يلقى القبول والرضا ..


قصيدة كتبتها قبل سنه أو أكثر أثناء زيارتي لإحدى دول أورباء وكنت في الفندق ..
وأثناء ماكنت أحتسي فنجان القهوة إذا بالمذيع يعلن نبأ مقتل امرأة فلسطينية .. لا اذكر اسمها !
كل ما اذكره أني شردت طويلاً !

ألبستنـي ياليـل ثـوب الحـدادي=وجمعت بي همّـك وسيّلـت همّـال
قصايدن بالـدمّ الأحمـر مـدادي=وهمّن بصدري ما يشيلنّـه جبـال
ياهيه وينك يا إبن الاجـواد غـادي=أرسلت لك وأخلفت لي كم مرسال ؟

ياحمود

,

يا حموووووووود

,,

يا حموووووووووووووووووووود !


.
.
.

يا حمود أسمع لـي رجالـن تنـادي=وبيضن نخن ماحولهن زول رجّـال
في داخلي حربن وجيشن معـادي=والعين تجمع لك براءات الأطفـال
طيري كفخ ياحمود قبـل الهـدادي=ودفنت له بطويق غـارن ومنـزال
أنا الشمالي من صنعـت المبـادي=أدوس بأقدامي ذهبهـم والأمـوال
ماهمّني مـن دون عـزّي فـوادي=وعند الولي وصل المحاحيل بحبـال
على كتاب الله جمعـت الأيـادي=أبرا من الكافر ولو كان لي خـال
خذيت من ضلعان حايل عنـادي=ماحرّكه بركـان أو هـزّ زلـزال
وخذيت من شمّر عراض البـوادي=وخذيت من صكّات بقعا لي رجال
أنا ولد حايـل وحايـل بـلادي=وش جابني ياحمود لديـار الأنـذال !
متى تبي ياحمـود أنقـل شـدادي=النفس طابت وأنت تدري بالأحوال !
السيف حلاّ قبل يقضـي مـرادي=والشيب قبّ بعارضي والرجا طال

.
.
.


إبن رشيـــــــد

[د/محمد]

ابن رشيد
كل عام وانت بخير

نص رائع وابيات جزله من شاعرمتمكن وله دراية بالشعروبحوره ومن قبيلة لايفيدالحديث عنها ولايزيدقبيله سطرت الامجادبماتحمل من صفات الشجاعه والكرم والطيب وقدكتبت في قبلة شمرابيات متواضعه منها
تحتار الأشعار لاخطيت في شـــــــمر
وان جيت بالبيت الأول تهت بالــتالي

وإن قلت للشعر وشبك قل أنا ما أقدر
ما يسعف الهرج في ذربين الأفعالي

حاشـــوا علوم المراجل دون ما تذكر
والطيب متوارثينة عبر الأجــــــيالي

وهي قصيده سيتم نشرها قريبا لمااكن لتك القبيله من معزه وتقدير
اقول بيض الله وجهك يابن رشيدعلى نخوتك وتفاعلك مع القضيه العربيه والاسلاميه وحنينك لوطنك
لاهنت صح لسانك وعلاشانك
تقبل ودي وأحترامي
أخــــــــــــــوك
د ـ محمد

[أســــ الغنج ــــير]

وخذيت من شمّر عراض البـوادي
وخذيت من صكّات بقعا لي رجـال
ونعم فيك وفي شمر كلهم عددعدد
وسطام اخو عزيز وغالي وكله بركه اللي تفضل بدعوتك لنا
والله يحييك ويحييه
لاخلا ولاعدم ومانقول الاالله يحييكم
والله يرحم اللي صورته تزين توقيعك
له معزه خاصه الله يرحمك ياطلال الرشيد
لاعدمتك اخوي وتقبل
تحيات وتقدير اخوك
أســــ الغنج ــــير

[سطام الشمري]

ياهلا ومسهلا بالأمير والله ياطويل العمر إنن مبسوط لقبولك للدعوه لكن يشهد ربي أن المنتدى نور بحضورك وتواجدك .. ومن ناحية قصايدك ياطويل العمر أنت أستاذ وأنا التلميذ وراح يكون ردي عليك مثل كل مره شهادتي فيك مجروحه .. ودُمت كما أعرفك لا تُعانق إلا قمم الإبداع



وحضورك هنا وعلى راسي من فوووووووق يالعزوه



صح لسانك وجزل جزل يالأمير للأبد

[nashwan/wish master]

اخي الكريم ابن رشد

حياك الله

وصح السانك

ينطيك الف عافية

عيدك مبارك

واهلا بك في همس القوافي


تحياتي
نشوان/سيد الامنيات