اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 141
قديم(ـة) 20-10-2008, 03:32 PM
صورة مجنونة حب الرمزية
مجنونة حب مجنونة حب غير متصل
©؛°¨غرامي فعال ¨°؛©
 
الافتراضي رد : مستحيل احبك مستحيل اعيش من دونك


الجزء الثلاثون

الجزء الثاني .................

وصلت الاستراحة وانبسطنا وفرفشنا على الساعة 12 دق تركي وقال بنمشي وكان زعلان

مني لاني رفضت اخليه يشوفني قبل وبعد الحفلة ركبت السيارة انا ونوفة :السلام

تركي :وعليكم السلام ان شاءالله انبسطتي

عهود :الحمدالله وانت

تركي :يهمك

عهود"أي يهمني ":على راحتك ماتبي تجاوب كيفك

مشينا وكان الهدوء عام الا من صوت الهنوف وصلنا الشقة ودخلنا على شقتي الجديدة

كانت مرة رهيبة واكبر من الي قبل دخلت الصالة وانا مازلت لابسة عبايتي اندهشت من

الي مسويه تركي كان ماليها صور لنوفه ومجهز كيكة مطبوع عليها صورتها وكاتب

الحمدالله على السلامة ياقلب بابا

عهود:الله متى لحقت تسوي كل هذا

تركي اخذ هنوفة :كل شئ لحبيبة ابوها يصير

عهود"ااااه ياتركي كل مرة تكبر بعيني وكل مرة حبك يتغلغل قلبي ":اهم

تركي يطالع فيني :مطولة ماراح تفسخين العباية

عهود ارتبكت "ياربي ماابي بس هو بيفهم قصدي غلط وبيظن ان ماابيه ":طيب

فسخت عبايتي وحطيتها على الكنبة وبعدها فتحت شعري

تركي بنظرات اعجاب :................

عهود "ياربي بذوب من نظرته ":تركي

تركي :عيون وروح تركي

عهود"ياربي هذا الي مابيه ":مم وين فجر

تركي كشر وحط هنوف بسريرها وقرب مني :تركيها عنك الحين وخلينا فيك

عهود خجلت من نظراته لي :ماراح تفرجني على الشقة

تركي :بعدين "قزني من فوقي لتحتي "وان شاءالله هذ الي لبستيه اليوم

عهود:يالله تركي ليه تحب تخرب على

تركي :شوفي بعديها لك هالمرة بس مرة ثانية ماتلبسين كذا

عهود:طيب ..ماقلت لي وش رايك بشعري

تركي تذكر:ايه صح خليني اجيب المتر

عهود توقعته يمزح راح وجابه :تركي من صدقك

تركي وهو يلفني :لا امزح معك اجل

عهود:تطمنت

تركي : طبعا

عهود: ماقلت لي شرايك بالنيو لوك

تركي طالعني بنظرات تحرق :رهيبة

عهود:مم طيب وين غرفة النوم ابي اريح تعبانة

تركي بخبث:والله حتى انا تعالي اوريك اياها

عهود"ياويلي ليتني ماتكلمت "ومسكني من ايدي وودني للغرفة كانت نفس اثاث غرفتي

الي قبل بس شكل الغرفة غير وديكورها غير ...جيت بروح الحمام مسكني :وين

عهود:بروح الحمام اغير

تركي :طيب انا لسه ماشبعت

عهود حمرت منه :........

تركي قرب مني ومسكني من خصري وحرقني من انفاسه القريبة مني "ياربي ماابي خايفة "بعدته عني

بس ولا كاني اسوي شئ بديت اصيح واشاهق

تركي انفجع :عهود وش فيك

عهود وانا اصيح :.........................

تركي : عهود لاتجنني تكلمي وش فيك "ورجع حضني "

عهود زاد صياحي :................

تركي :ياقلبي وش فيك تكلمي

عهود:ما..بي

تركي : وش الي ماتبين

عهود"ياربي شقول له ":مابي تنام عندي الليلة

عم السكوت حتى ظنيت انه طلع فتحت عيوني واشوفه بوجهي والشرار يطلع من عيونه :وبعدين معاك

عهود زاد صياحي :.....

تركي مفور : وليه ماتبين انام هنا

عهود:................

صحت هنوف من صوته وصاحت مفزوعة رحت لها وحاولت اسكتها مو راضيه خايفة

عهود:شفت خوفتها

تركي من بين اسنانه :سكتي عني تراها واصله معي

وطلع من الغرفة بعد مارزع الباب من قهره "طيب وش ذنبي خايفة وهو مو فاهم ولا حاول يفهمني

بعد محاولات قدرت انوم هنوف رحت الحمام تروشت ولبست لي بيجامة وطلعت ادوره

شفته بالصاله متمدد على الكنبة ومغطي وجهه بيدينه

جلست على الكنبة الي مقابلته وبتردد:تركي

تركي :................

عهود"لازم افهمه خوفي مابيه يزعل مني ":تركي نمت

تركي والقهر باين :خير عهود والي يرحم والدايك تركيني

عهود خفت من صوته بس "ماراح اخليك تنام لحد ماتفهم سبب رفضي :طيب اسمعني

تركي :ايش تبيني اسمع

عهود:تركي انا لما قلت ماابيك مو معنا اني مو طايقتك انا

تركي عدل جلسته :انت ايش خلاص ياعهود جننتيني اجيك يمين تجين يسار اجيك يسار تجين يمين

عهود "لازم اقوي قلبي :تركي اسمعني من غير ماتقاطعني

تركي :تكلمي خلصي

عهود غمضت عيوني :شوف انا مابيك تقرب مني لاني خايفة

تركي قام بسرعة لعندي :خايفة من ايش

عهود ومازلت مغمضة عيوني وماسكة نفسي مااصيح وبسرعة :ماابي احمل

فجأة :ههههههههههههههههههههههههههههههههههههههههههههههههه ههههههههههه

ههههههههههههههههههههههههههههههههههههههه

فتحت عيوني متفجأة وطالعت فيه :................

بعدها سكت وحضن وجهي بيديه :يعني منتي نافرة مني بس خوف

عهود وانا خجلانة :أي

تركي بتنهيده :طيحتي قلبي ياشيخة

عهود:يعني مو زعلان

تركي :لا بس ليه ماتبين تحملين

عهود:تركي الصراحة ذقت الموت وانا اولد وماابي احمل الحين

تركي بضحكة :وبعدين مو ناوية تجيبين لهنوف اخو

عهود :ها مدري بس مابيك تقرب مني لاني اكيد بحمل وماابي الحين على الاقل عطني

فترة راحة

تركي :بس في موانع ماتخليك تحملين

عهود:ايه كثر منها

تركي :طيب بكرة ان شاءالله نروح للدكتورة ونخليها توصف لك طيب "وغمز لي "في شئ ثاني

عهود "ياربي يحب يحرجني ":تركي

تركي :طيب قومي ننام

عهود فتحت عيوني :ها

تركي :هههههه ننام بس لاتخافين


اليوم الثاني رحنا للدكتورة ووصفت لي موانع الحمل وحاولت اقاومه لاني مازلت خايفة ومو

ضامنه بس تركي جبرني

مر الاسبوع علينا وانا في قمت السعادة ووصل اخوي عمر عندي وفرجته على غرفته

وانبسط منها وصار يساعدني بهنوف اذا تعبت منها بس الي مضايقني وجود فجر بحياته

وصاحب الرسايل

بعد الغدا جلسنا انا وتركي يالصالة وعمر بالغرفة يذكر وماخذ نوفه تونسه

عهود:تركي

تركي :هلا

عهود:بقول لك شئ بس لاتعصب

تركي :تصدقين اخاف من الي بيطلع من فمك لما تقولين كذا

عهود:اوعدني انك ماتعصب

تركي :اوعدك تكلمي

عهود مديت جوالي له :خذ

تركي باستغراب :وش فيه جوالك

عهود وانا مترددة :من اول ماتزوجت وانا تجيني رسايل من رقم مااعرفة وبعدها قام يرسل مقاطع فديو وصخة
وصار يصر على ويبيني ارد عليه

تركي : وانت مامرة رديتي عليه

عهود:لا بس مرة كنت نايمة ورفعتها من غير ماشوف الرقم وماعدتها

تركي بتفهم :طيب ليه ماقلتي من قبل

عهود:توقعته بيمل ويتركني

تركي :طيب خلي جوالك عندي وانا اعرف اتصرف

عهود:يعني مو زعلان

تركي :لا مادمك جيتيني ماراح ازعل ..يلا تبين شئ

عهود:وين

تركي :خلاص اليوم يبدء الجدول

عهود تضايقت مابيه يروح لها بس مااقدر اقول له شئ :طيب

تركي :هذا عمر عندك واذا تبين شئ هذا الباب بالباب شفت الي عند المطبخ هذا يدخل على شقة

فجر

عهود:طيب

يالله قد ايش انقهرت يوم سمعته ينطق باسمها "انت الي جبتيه لنفسك ياعهود تحملي ..اهم حاجة

عندي انه معي لاني ماتخيل حياتي دونه "


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 142
قديم(ـة) 20-10-2008, 03:34 PM
صورة مجنونة حب الرمزية
مجنونة حب مجنونة حب غير متصل
©؛°¨غرامي فعال ¨°؛©
 
الافتراضي رد : مستحيل احبك مستحيل اعيش من دونك


الجزء الواحد والثلاثون ..........

يوم الاربعاء تجهزنا لانا بننزل الحسا نزلنا وعلى طول رحت ركبت قدام مع نوفة قبل لاتجي فجر

وعمر ركب ورى واستلم pspوجلس يلعب جات فجر وركبت ورى وهي مفورة مني اني ركبت

قبلها ركب تركي بس ماانتبه اني جالسة جنبه بس يوم سمع صوت نوفة لف علي

وهو مو مصدق :عهود

عهود ضحكت على شكله "مسكين شكله يفطس من الضحك ..بس لا ياحبيبي تعود محد بيجلس

جنبك الا انا ":هلا

تركي وعلامة التعجب بوجهه:لا ولاشئ

وصلنا بيت اهله ونزلنا بعد ماوصلنا عمر بيت جدتي وكنت ابي انزل بس تركي قال لي بيوديني

بعدين دخلنا وكانت بستقبالنا خالتي :هلا وغلا بام الهنوف تو ماانور البيت

عهود وانا احب راسها :منور بوجودك ياخالتي وشلونك ان شاءالله بخير

ام عبدالرحمن :الحمدالله وانت شلونك وشلون الهنوف

عهود:الحمدالله يخير جعل ربي يسلمك

فجر تحب راس خالتي :شلونك يمة

ام عبدالرحمن :بخير وشلونك انتي

فجر :الحمدالله

تركي :افا يايمة نسيتيني وين الترحيب وين التهلي كله للنتفة وانا لا

عهود:لايكون تغار

تركي :اكيد بس مادامة لبنتي كانه لي "ويلف على امه "شريك فيها مو طالعة تجنن على ابوها

ام عبدالرحمن :ماشاءالله عليها مزيونةعلى امها

تركي جلس جنبي :في ذي صدقتي


بالليل كل خوات واخوان تركي اجتمعوا وبسطنا معهم بس الي قهرني فجر طول الوقت

لاصقة بتركي ولا تتميع مع خشتها

رغد:اقول خال

تركي :ايوة خال

رغد :شكل الغيرة اشتغلت

تركي :شلون

رغد:شوف عهود شلون تطالعك انت وفجر شوي وبتهجم عليكم

تركي طالعني :لا مااظن

رغد:لا والله ماسمعتها وهي تتكلم كان عرقها بينط من مكانه

تركي "معقولة عهود تغار ":وش قالت

رغد:مممم يوم سالتك فجر عن القهوة قالت يعني لازم ذي ووجهها تنط بوجه وتلصق عنده

ومن هالكلام والله ياخالي ابصم لك على العشرة ان عهود تحبك وتغار عليك بعد

ترك طالعني :عهود

عهود:هلا "وقمت وبعدت رغد وجلست جنبه حسيت عيونه بتطلع من مكانها ":هلا بقيت

شئ

تركي :ها

عهود"والله لاهبل فيك وعلقك فيني مثل ماتعلقت فيك "قلت بدلع :تركي في شئ

تركي متنح :لاقلت تجهزي عشان اوديك بيت جدتك

عهود مسكت ايده وجلست العب فيها :لا ماودي اليوم احس اني تعبانة خلها بكرة

تركي مو مستوعب:يعني بتنامين هنا

عهود وابتسمت :ليه ماتبيني انام هنا تبي تفتك مني

تركي طير عيونه مو مصدق :لا مو كذا بس جد تبين تنامين هنا

عهود:أي ولا ماودك

تركي :الا ودي بس وين

عهود:بجناحي وين بعد واذا على زوجتك خلها تنام بغرفة البنات

تركي : اذا كذا مافي الا هالحل

عهود:ايه كذا مو لازم تعدل يعني تبيني اخليك لها يومين

تركي مو مصدق :بسالك انت عهود صدق

عهود:ههههههههههه الا عهود


في جناح عهود وتركي

عهود:تركي

تركي:هلا

عهود:شسويت على الجوال

تركي :كلمت واحد من ربعي وشاف الرقم باسم هندي

عهود:طيب شلون بتعرف مين وبعدين انا خايفة هذا واحد يعرف كل شئ عني

وعنك

تركي بعد تفكير :مافي الا حل واحد

عهود:الي هو

تركي :تكلمينه

عهود:ايششششششششش

تركي :هههه لاتخافين تكلمينه قدامي وتحاولين تعرفين اسمه

عهود:وتعتقدبالسهوله هذي بيعطيني اسمه

تركي :نجرب

طلع تركي الجوال ودق على الرقم وحطه على السبيكر :يلا تعالي

عهود قمت وجلست جنبه :تركي خايفة

تركي ويحط ايده على كتفي :طول ماانا معك لا تخافين

:هلا وغلا اخيرا تكرمتي ورديتي على

عهود وانا مرتبكة :مين معي

زياد:افا ماعرفتيني

عهود :لا

زياد:انا الي حبيتك بجنون وتعلقت بهواك

عهود طالعت تركي :........

تركي ياشر لي بمعنى تكلمي

عهود:طيب بتقول مين ولا بسكر

زياد:انا زياد ولد عمك

عهود انصدمت :زياااااد

زياد:عيون زياد

تركي بعصبية :جعل عيونك الفقع ياواطي

زياد: من وين طلعت يلا عطني عهود

تركي :كل تبن ياحيوان والله لادورك ولتوطى ببطنك ياكلب

زياد :ماالكلب الا انت واعلى مابخيلك اركبه

تركي :شوف ان شفتك داق على هالرقم مرة ثانية ماتلوم الا نفسك سامع

زياد:شوف انا مااتهدد سامع وعهود بكلمها غصب عنك

تركي :لوانك رجال تقولي انت وين بس

زياد :رجال غصب عنك ياتبن وعهود بطلقها سامع

تركي :في احلامك ياكلب

زياد:عهود لي سامع لي

وسكر

عهود خفت من شكل تركي وهو معصب بس فجاة مانتبهت الا وانا بحضنه :لا تخافين ماراح يقدر

يسوي شئ

عهود وانا ماسكة نفسي لااصيح :تركي ماابغى اجلس بالحسا خلنا نرجع لشقتنا احسن

وقطع علينا صوت مسج .....فتحه تركي رفعت وجهي له وشفت عيونه صترو حمر

ومليانة غضب:تركي شفيك

تركي بعدني عنه بقوة :الواطي الحيوان الكلب

عهود خفت :تركي شصاير تكلم

تركي :أي ابن الكلب

وطلع بسرعة حاولت اوقفه بس دفني عنه :بعدي عني احسن لك ولا ماراح يحصلك طيب

وطلع

عهود ياربي وش فيه المسج وخلاه يثور كذا



ام خلود:حياك تركي

تركي بصراخ :وين الحيوانة بنتك وينها

ام خلود خافت :تركي شفيك ليه تصارخ

تركي :وينها بدور بدوررررررر

بدور نازلة بسرعة من الدرج :شفيكم شصاير

تركي راح لعندها ومسكها من شعرها وبدى يضرب فيها :ياحيوانة ياواطية

ام خلود تحاول تفك بنتها :تركي تعوذ من ابليس واترك البنت

تركي وكل غضب الدنيا فيه :ماراح اتركها .."وباغلى صوته "موتها على يدي هالواطية

بدور :اييييييييي يمه لحقي على

امخلود تتدخل :تركي اترك البنت بتذبحها

تركي :وهذ الي ابيه موتها

ام خلود : اتركها حرام عليك بتذبحها

تركي وهو ماسك شعرها :وهي مو حرام عليها الي سوته مو حرام تكلمي

ام خلود :ليه وش سوت

تركي : وش الي ماسوت الحقيرة على الاقل اختها ماتت وريحتنا من عارها

ام خلود مو مستوعبة :ايش ايش دخل سمر

تركي : ايه ماهي مثل طقة الواطية الثانية

ام خلود مصدومة :لا تكذب قولي انك تكذب

تركي بقهر :اااااااااه ياليتني اكذب حسبي الله عليك من بنت جعلك الموت ان شاءالله

ودفها على الارض وبدى يرفسها

ام خلود جلست وحضنتها تمنع تركي عنها :خلاص ياتركي ماعاد فيني اتحمل خلاص "وبدت تصيح "

بدور تتاوه من الم الضرب وتصيح:ااااااااه

تركي مسكها من شعرها وقابل وجهها :قولي من الواطي الي وسختي نفسك له تكلمي

بدور تصيح:ااااااه

تركي يصر اسنانه :تكلمممممممممي

بدور :ز..ياد

تركي فتح عيونه على الاخر :زياد ولد عم عهود

بدور :ايه

دفها على الارض :هالحيوانه ماتطلع من البيت ولا غرفتها ولا والله لوصل لابوها الخبر

ولا اشوفها موطيه رجولها بيتنا ولا تحتك بالبنات لادوس ببطنها "صرخ "سامعييين


وطلع من البيت مقهور ومكتوم "اااااااااااه "دق جواله وشافه "غلاي "يتصل بك

رمى الجوال باقوى ماعنده


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 143
قديم(ـة) 20-10-2008, 03:36 PM
صورة مجنونة حب الرمزية
مجنونة حب مجنونة حب غير متصل
©؛°¨غرامي فعال ¨°؛©
 
الافتراضي رد : مستحيل احبك مستحيل اعيش من دونك


الساعة ثنتين بالليل "ياربي وينك ياتركي "وصرت ادور بالجناح رايحة جاية وادق عليه ومايرد

ياربي استر ان شاءالله مايصير له شئ يارب جلست على الكنبة وغطيت وجهي بيديني وانبهت للباب يفتح

فزيت بسرعة ورحت حضنته :تركي وين رحت حوفتني عليك

تركي :..............ز

عهود استغربت من جمودة ولا حتى حضني رفعت وجهي له :تركي

تركي بعدني عنه بقسوة وجلس على الكنب :لاول مرة ياعهود اندم على اليوم الي عرفتك فيه

عهود جمدت من كلامه :................

تركي سند ظهره على الكنب :اااااااااه الله يلعن اليوم الي عرفتك فيه

عهود بدت دموعي تعلن عن نزولها :ليييييه انا وش سويت

تركي :................

عهود رحت عنده :تركي قولي وش سويت

تركي من بين اسنانه :انت وولد عمك سبب ضياع بنات خواتي

عهود بديت ارجف وانا اشوف القهر والكره من عيون تركي :لا تركي انت شتقول

تركي وقف ومسكني من زنودي :ياليتني ماعرفتك ليتني ماعرفتك

عهود وانا اشاهق "لا لا ياتركي لاتقول كذا يوم حبيتك كرهتني ليه ":طيب انا وش سويت قولي جرمي

وش دخل زياد بالموضوع

تركي :ولد عمك الواطي انتهك عرضنا وشرفنا

عهود طلعت عيوني من الصدمة :ايش

تركي :استغل ضعفها وغبائها وضيع شرفها

عهود وانا مو مصدقة :مين ..مين تقصد

تركي تركني بقرف :بدور

عهود :وانت شلون دريت

تركي :الواطي مصورها ومرسلها لي بوضع ي...استغفر الله العظيم

عهود جلست على الارض وانا مو مصدقة ومانتبهت لتركي الي طلع وتركني "انا السبب انا اااااااااه

اسفة تركي انا من دخلت حياتك وانات سبب تعاستك "

الساعة ثلاث الفجر اخذت جوالي وبتردد دقيت على :الو

زياد :هلا بقلبي

عهود :زياد انت لازم تتزوج بدور وتصلح خطاك

زياد :هههههههه وانا ليه اتزوج وحده مثلها باعت نفسها بسهولة ترضينها لولد عمك

عهود:وانت ترضها لبنت الناس تذبح بسببك

زياد: مو مشكلتي

عهود قهرني :زياد الله يخليك تزوجها واستر عليها على الاقل لمدة محدودة

زياد بعد تفكير :موافق بس بشرط

عهود: الي هو

زياد : تخلين تركي يطلقكك وتتزوجيني

عهود انصدمت من طلبه للحين متعلق فيني :ايشششششش

زياد :هذا شرطي اذا وافقت عليه سترت عليها ها ..شقلتي

عهود"اتزوج زياد لا لا بس انا سبب بلاوي هالعيلة لازم اريحهم مني ":............

زياد : ماجاوبتيني

عهود: موافقة بس تتزوج بدور

زياد : انتي تامرين اليوم الي تتطلقين من تركي انا اتزوج بدور وبعد ماتخلصين العدة اطلقها واتزوجك

عهود وانا احاول اتماسك : موافقة انت جهز نفسك عشان تتقدم لها الاسبوع الجاي

زياد : اوكي ياعمري

وسكرت بسرعة منه وانهرت ابكي قهر منه "موهذا الي كنت تبينه ياعهود مو كنت تبين تفرقيناه

فجأة دخل تركي وهو مازال معصب

عهود تمالكت نفسي :تركي

تركي :عهود اتركيني بحالي الي فيني مكفيني

عهود :انت شفيك انا مو ذنبي ان بنت اختك صايعة وباعت نفسها

تركي لف على وعيونه كلها شرار ومسكني من رقبتي :ايش ..ايش قلتي

عهود وانا اصطنع البرود : الي سمعته والله الرجال ماله ذنب اذا البنت بايعة نفسها فلا تلوم ولد عمي

تركي عطاني كف طيحني على الارض "اااااااه ياتركي لازم اسوي كذا ":وجع ليه تضربني بنت اختك الي تغلط وتضربني انا

تركي :سكتيييييييييي لا يجيك الي مايسرك

عهود : ماني ساكته وش بتسوي

تركي :عهوووووووووووود

عهود :وجع اذني

تركي قرب مني وانا بعدت :لو انت رجال ماطلعت قوتك على

تركي بقمة عصبيته :شببببببببببب

عهود : طيب اذا انت رجال طلقني انا مااطيقك طلقني زهقتني بحياتي مو كفاية متحملتك

ولا جاي تغط بلا بنت اختك على بعد طلقني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 144
قديم(ـة) 20-10-2008, 03:38 PM
صورة مجنونة حب الرمزية
مجنونة حب مجنونة حب غير متصل
©؛°¨غرامي فعال ¨°؛©
 
الافتراضي رد : مستحيل احبك مستحيل اعيش من دونك


وشكرا لكل متابعيني والله انكم ترفعون المعنويات وتخلوني افكر اكتب رواية

ثانية لعيونكم بس

وتسلم عيونكم الحلوة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 145
قديم(ـة) 20-10-2008, 03:42 PM
صورة كتب همه بدمه الرمزية
كتب همه بدمه كتب همه بدمه غير متصل
©؛°¨غرامي مشارك¨°؛©
 
الافتراضي رد: مستحيل احبك مستحيل اعيش من دونك


والله أنا لسة ما قريت الرواية بس حبيت أكون أول رد هههه
المهم بقرا القصة وبرد مشكورة بالغلا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 146
قديم(ـة) 20-10-2008, 04:21 PM
صورة أهلاوية من قدي الرمزية
أهلاوية من قدي أهلاوية من قدي غير متصل
©؛°¨غرامي فعال ¨°؛©
 
رد: مستحيل احبك مستحيل اعيش من دونك


يعطيك العافية يااااااااااااعسل


على البااااااااااااااااااااااات الراااااااااااااااائع



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 147
قديم(ـة) 20-10-2008, 04:33 PM
صورة الأمــ روح ــــل الرمزية
الأمــ روح ــــل الأمــ روح ــــل غير متصل
©؛°¨غرامي مشارك¨°؛©
 
الافتراضي رد: مستحيل احبك مستحيل اعيش من دونك





وااااااااااو
رووووووووعه
تسلم يدينك يالغلا




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 148
قديم(ـة) 20-10-2008, 04:55 PM
صورة الـمـــتــــمــــردة الرمزية
الـمـــتــــمــــردة الـمـــتــــمــــردة غير متصل
©؛°¨غرامي مشارك¨°؛©
 
الافتراضي رد : مستحيل احبك مستحيل اعيش من دونك


والله حرام وقفتي هنا

تحمست كثير الله يخليك نزلي بارت بكره


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 149
قديم(ـة) 20-10-2008, 05:09 PM
أغلى ناسي ودعني أغلى ناسي ودعني غير متصل
عضو موقوف من الإداره
 
الافتراضي رد: مستحيل احبك مستحيل اعيش من دونك


تسلمي يالغاليه ع البااااااااااااااااااااااارت
الاكثر من روعه
والله تحمست كثير
يلا بسرعه كملي القصه
بس ما جاوبتي على سؤ الي
القصه من كم جزء؟؟؟
وتقبلي ودي



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 150
قديم(ـة) 20-10-2008, 06:04 PM
ملكة قلبها ملكة قلبها غير متصل
©؛°¨غرامي جديد¨°؛©
 
الافتراضي رد: مستحيل احبك مستحيل اعيش من دونك


مشكورة ياقلبي علي التكمله
بس لاتطولين علينا نزليها بكرة
اختك :ملكة قلبها


الرد باقتباس
إضافة رد
الإشارات المرجعية

مستحيل أحبك مستحيل أعيش من دونك / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جي جي مستحيل medhatelmorsy شعر - قصائد - قصايد - همس القوافي 10 18-06-2009 05:23 AM
المستحيلات في السعوديه روح لآ يمسها عابــر ارشيف غرام 1 17-04-2009 07:34 PM
المستحيلات في السعوديه FT FT ارشيف غرام 3 16-02-2009 11:09 AM
مستحيل روح هاآيم منقولات أدبية 9 28-12-2008 09:35 AM

الساعة الآن +3: 10:02 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم