اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-10-2008, 08:33 PM
ice girl 2010 ice girl 2010 غير متصل
©؛°¨غرامي مشارك¨°؛©
 
B9 قصائد عن العيد


أقول في نفسي وأنا أعايد الناس
متى بشوفك تــــكمل أفراح عيــدي

أجامل وربي عليم ٍ بالإحساس
وشهو شعوري وأنت عني بعيــــدي

اللي خذاني لك على سهو هوجاس
حسيت نفسي وسط ربعي وحيدي

لو حسوا بما بي يقولون لاباس
بـــــدال قولة على عيدك سعيــدي

لاصرت عندي وقتي أعياد وأعراس
حتى ولو إنــي وسط سجنٍ حديدي

عاشرت خلان وتخالطت بأجناس
محدٍ سواك أهديتــــه القلب بيـــــدي !!

من تحت ما طا الرجل لي هامت الراس
كلش هويــــته فيك والله شهيــــــدي

لقيـــت بك ذوقي وأنا قاطع الياس
ومعك بدا يحيــــا الأمل من جديــــدي


،



عيدك مبارك صاحبي وين ماكنــت
يزف لك نبض الخفوق التهانــــي

عيدك مبارك كثر مابي تمكنــت
كثر الغلا اللي بالضلوع المحانــي

او كثر مافي فرحة العيد حزنــــت
وارخيت لجيوش العذاب العنانـي

يوم التفت وشفت ماغايب الا انـــت
ضاق الوجود وكل هم غزانــــي

،



ياعيــد مالك نظرة في عيونـــي
نسيتني مدري زماني نسانــــي

ماقدرت افراحك تعانق شجونـي
احزاني اكبر من كلام التهانــــي

حاولت اجاري فرحتك واكشفوني
لاجيت ابضحك ماستـــمرت ثواني



،



الا يا دانة الدنيا عسى عمرك يعيـش بخيـر
عسى عيدك فـرح يافرحـة الدنيـا ومافيهـا

ابكتب لك شعر لكن اخاف يصير بـه تقصيـر
ولا يطلـع بقـد الشـوق وايامـه وطاريهـا

ابكتب لك شعر من راس صافي ما رضى تغيير
مباديـه القديمـه راسيـه ماهـو مجافيهـا

ابكتب لك شعر من قلب وافي صادق التعبيـر
يترجم سر نفسٍ وضحـت لـك كـل خافيهـا

ابكتب لك شعر يرقص على لحنه جناح الطيـر
يغرد يوم بانـت لـه ليـال الـود وصافيهـا

ابكتب لك شعر كله حـروف محملـه تقديـر
على كف الغلا يمك يا بنـت الـورد اوديهـا

ابكتب لك شعر فاق بحضوره حرفة التصويـر
على متن السحابـه ينظـر عيونـك وناويهـا

ابكتب لك شعر لكن قصيـدي خانـه التعبيـر
الا وشلـون يقـدر ينظـر عيونـك ويوفيهـا


،



على كثر اتصالات الخلايـق فـي صبـاح العيـد
انـا والله مـا كنـت آتحـرّى غيـر جـوّالـك

تحريـت إتصالـك إنـت يالغـالـي وبالتحـديـد
لأن العيد ما اظنه يجي ومـا جيـت فـي بالـك

تصور كيف مر العيـد مـن تنكيـد فـي تنكيـد
وانا ما غير اهوجـس بـك وانـادي وآتحرّالـك

وجوّالـي غـدا مثلـي تنهّـد واكثـر التنهـيـد
يقول: ابطى عليك.. وقلت: اكيد العلـة ارسالـك

وقمت اكذب على نفسي واقـول بصيغـة التأكيـد
اكيـد الحيـن بتكلـم وانـا ادري مـا طرينالـك

على ما يبدو اني كنت عـن بالـك بعيـد ابعيـد
حرام ارجوك صدقني انـا مـا استاهـل افعالـك


جفـاك اليـوم قيّدنـي تعـال وفـكّ هـذا القيـد
كلّمنـي وعايدنـي وقلّـي.. إنـت وش حـالـك

ياليت العذر (فاتـورة) عليـك بحاجـة التسديـد
أخاف العذر هـي قولـة: نسيتـه رقـم جوالـك


،



العيد صبحك والهدية حضـورك
ياللي بشوفك يصبح العيـد غايـة

يشتاق فجر العيد ريحة بخـورك
وأشتاق قولك: (عيد وأنتِ معايه)

ألبس وأغيـر وأتخيـل شعـورك
وأمشط وأطيب ما هجرت المرايه

تشرب ثيابي العطر لحظة ظهورك
وأسكر بعطرك لا تخلـل هوايـه

أروح وأرجع أتحـرى مـرورك
أفلّ شعر القلب وأضفـر شقايـه

أردد أبياتك , وأقطـع بحـورك
أبغى التفوق في الغـلا ياغلايـه

الله يوم أشرق على القلب نـورك
أجهر حروفي ,دسّ شعري ورايه

تفتح بشوفك في خـدي زهـورك
تبي تحس في نظرتـك بالرعايـة

كلي أمل أحظى ابسمة سـرورك
وأقرأ في وجهك ما يسطر هنايـه


،


العيد ما هو يوم واحد بــ شوال
العيد يا عذب الكلام بـ وجودك

العيد فرحة شايب وبنت واطفال
العيد مركب ما رسى في حدودك

العيد ذكرى فيه لمحات لأجيال
العيد دعوة حب لأول جدودك

العيد غاده لوعت قلب رجال
العيد رجل ٍ ذاق حالي وعودك

العيد طفله جايره مترفة حال
العيد طفله عايشه في جمودك

العيد دمعة طفل والجوع قتال
العيد طفل باكي ٍ من جحودك

العيد يا ورد ٍ نبت بـ اشهب الال
العيد رشة من عطر في خدودك

العيد فيه الحظ مايل ولا مال
العيد انسى شوي اخر صدودك

العيد آمال بنا حلمها فــال
وكل الأمل عيد ٍ سعيد ووجودك

منقول


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-10-2008, 08:35 PM
! بيلسان ! ! بيلسان ! غير متصل
ياهمـ اناعمـ الحقيقي ـري كمـ؟؟
 
الافتراضي رد: قصائد عن العيد


تسلمي على النقل الراع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-10-2008, 01:53 AM
أســــ الغنج ــــير أســــ الغنج ــــير غير متصل
عضو موقوف من الإداره
 
الافتراضي رد: قصائد عن العيد


اختي الغاليه
بنت الثلج
هلابك وبمشاركتك بس يالغاليه ياليت قمتي بطرحها في قسم المنقولات الادبيه
عالعموم اسمحي لي بنقلها لنفس القسم
وتقبلي تحياتي
اخووووووووك
أســــ الغنج ــــير


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 18-10-2008, 09:49 PM
سراب الصمت سراب الصمت غير متصل
©؛°¨غرامي ذهبي¨°؛©
 
الافتراضي رد: قصائد عن العيد


يعطيكِ ألف عافيه

كلمات رائعه

كلك ذووق بإختيارك

نقل موفق

//



Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم