اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها

الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 05-11-2008, 07:16 PM
ذابحني غرورك ذابحني غرورك غير متصل
©؛°¨غرامي ذهبي¨°؛©
 
الافتراضي رد: روايه حضنته لين خالطت انفاسي بأنفاسه / سعوديه رومنسيه


اقتباس:
المشاركة الأساسية كتبها القلب سلم لك محبة مشاهدة المشاركة
يعطيك العافية يالغلا
واتمني تنزلي البارت اليوم
وانا عجبتني شخصية هيثم و روز وكرهت انفال
مشكوره ع التعليق

واسعدني مرورك



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 05-11-2008, 07:18 PM
ذابحني غرورك ذابحني غرورك غير متصل
©؛°¨غرامي ذهبي¨°؛©
 
الافتراضي رد: روايه حضنته لين خالطت انفاسي بأنفاسه / سعوديه رومنسيه


الفصل الرابع


بعد المغرب
قام فيصل من النوم بكسل كان تعبان من الشغل التفت على الساعه لقاها6:30
:يوووووووووووووووووه شفيني اليوم تعبان ابي ارجع انام
دخل بسام الغرفه
بسام:فيصل فيصل........ قوم
فيصل:ها وش تبي!! ترى حدي تعبان مالي خلق لك
بسام:قوم لانتأخر على بيت خالتي
فيصل قام بخوف:ليش؟؟ وشفيها!!
بسام استغرب:شفيك امي ماقالت لك انا في عزيمه اليوم... ولزمت خالتي ان نروح
فيصل:إي ليش مااروح .......عشان بعد اشوف البنات من زمان ماشفتهم
بسام عصب:والله هذا اللي فالح فيه تقزز في البنات
فيصل دخل الحمام:وانت وش دخلك فيني خلك انت يالمؤدب مع فوز
بسام:............................
فيصل:هههههههههههههه شفيك ساكت
بسام:اصلا ماتهمني عشان كذا مارديت
طلع فيصل من الحمام:إي صدقتك وانت اذا جلست عينك ماتنزلها منها
بسام تبلعم:لأني اعتربها مثل وئام
فيصل:هههههههههههههههههه تراك ماتعرف ترقع
بسام يحاول يغير السالفه:المهم انا خلصت اذا خلصت قول لروز وريتاج يجون معانا في السياره
فيصل:وانت وش تبي ؟؟ليش ماتروح بسيارتك!!
بسام:لو عندي سياره كان ماشفت وجهي في البيت سيارتي وقفت علي اليوم وانا جاي ووديتها يصلحونها
فيصل:طيب
بسام طلع من الغرفه وجلس في الصاله

%%%%%%%%%%%%%%%%%



ريتاج:لمى شكلي زين؟؟
لمى كانت تعدل مكياجها:إي بس ...نزلي خصل على وجهك
ريتاج نزلت الخصل على وجها:لمى ليش ماتحبين لؤي!!؟؟
لمى:ههههههههههههههههههههههه انتِ تتمزحين
ريتاج:والله صدق اشكالكم تهبل وانتوا جنب بعض
لمى:ابعد عن الشر ياعمري وغنيلوه
ريتاج:الحين الحب عندك شر
لمى:اوووووووف رتوج خليني اعرف اخلص ابوي يناديني
دخل فيصل :اهلين بالبنوتات
لمى:ووووووووع وشو بنوتات
فيصل:اجل وش تبين اقول لك ........هلا بالشباب
لمى:إي احلى ههههههههههههههههه
فيصل:ههههههههههه الله يرجك المهم ريتاج تراك بتجين معاي في السياره
لمى:وانا
فيصل:انتِ روحي مع ابوي
وطلع
لمى:اووووووووف ياربي الحين اركب مع ابوي ويشتغل لي في السياسه شكلي بيجي يوم واسجله عشان يتوب
ريتاج:ههههههههههههههه استغفر الله هذا ابوك

بوفيصل يناديها من عند الدرج:لمى لمى وصمغ

لمى:سمعتي الله يعيني
واخذت عباتها ونزلت مع شجون
شجون:اوووووف منك يالدبه ........وخري ابي امر
لمى:انا الدبه والا انتِ
ودفتها على الدرج وركضت وركبت السياره
شجون:اييييييييييييييييييي والله لأوريك
وركبت السياره
بوفيصل بصراخ:كان تأخرتي بعد
شجون التفتت للمى واشارت والله لأوريك
لمى:ههههههههههههههههههه
( شجون قمه الدلع والغرور والكبرياء مملوحه وجذابه شعرها ناعم تحب الشعر والأغاني الرومنسيه وافلام الأكشن عمرها 18 ثالث ثانوي ادبي بس مو نفس مدرست اختها وبنات عمها لأنها في مدرسه اهليه )

وئام:لمو
لمى:نعم
وئام:نسيت جوالي
لمى:طيب قولي لأبوي يرجع
وئام:لا اخاف يزفني بدق على روز وهي بتجيبه معاها عطيني جوالك
لمى عطتها جوالها ودقت


0000000000000000000000000000


كانت مره مستنسه والدنيا منوره لها
روز:آآآه والله مشتاقه لك ولسواليفك وضحك مزحك وحزنك كل شي فيك حلو ياربي ياناس اموووووت فيه اهواه واهوا كلامه
سمعت جوال يدق وردت
وئام:هلا روز..... اسمعي نسيت جوالي جيبيه معاك
روز:شفيك؟؟ تتكملين بصوت واطي!!
وئام:عشان ابوي مايسمعني بعدين وش يفكني من محاضراته؟؟
روز:هههههههههههههههههه اوكي ياقلبي..... باي
وفتحت الدولاب وقامت تقلب في الملابس آخر شي طلعت فستان اورنج مع موف بدون اكمام ويوصل لحد الركبه وحطت مكياج اورنج ودمجته مع الموف وروج احمر صارخ واستشورت شعرها البني وحطت على شعرها اكسسوار على شكل ورده لونها احمر فوق اذنها اليمنى ونزلت بعض شعرها على وجها
ررررررررررروووووعه
فتح فيصل الباب عشان يقولها انها بتجي معه السياره:رو..........."لحظه سكوت"
التفتت روز وفيها الضحكه على شكله
روز تمسك ضحكتها:فيصل بغيت شي
فيصل توه يستوعب:ها
روز:ههههههههههههههههههه شفيك؟؟
فيصل:خلصتي!!
روز:ايه
فيصل:البسي عباتك..... وانا ناطرك في السياره بتجين معي لأنه السياره ماتكفي
روز:طيب
اخذت عباتها وراحت غرفه وئام واخذت جوالها ونزلت السياره

في سياره فيصل
روز:مين تنتظر؟؟!!
فيصل:بسام وريتاج
روز:وامي وئام ولمى شجون
فيصل:راحوا مع ابوي قبلنا
وجا بسام فتح الباب اللي قدام
بسام:اقول اقلبي وجهك لااشوتك
روز:اووف طيب لاتصارخ
ونزلت وراحت ورى بسام
فيصل:ليش جيتي ورى بسام تعالي وراي عشان اشوفك بالمرايه
بسام يلتفت لأخوه:استح على وجهك تغازل اختك
فيصل:اسكت يا المتنبي هذي اختي
روز:هههههههههههههههههههههههه
بسام:طيب خلصنا امش ابي اطلع بدري من عندهم
فيصل :ننتظر ريتاج
بسام:طيب دق عليها
وطلع جواله توه بيدق الا طلعت
ريتاج وهي تركب السياره:تأخرت
فيصل:لا بس لو ترحمين المرايه شوي من ها الوجهه
ريتاج:اكل ززززززززز"والتفت فيصل يخزها" زعتر
روز وبسام:ههههههههههههههههههههههههههههههه
فيصل ابتسم ومشى
بسام:وين ابوي
فيصل:راح قبلنا
وكمل الطريق

$$$$$$$$$$$$$$$$$$$$$$$$$$$


رفال: وين الباقي
شجون:مع حبيب القلب
رفال طالعت في لمى
لمى:شجون لاتفضيحينا ترى محد يدري الا انا وانتِ
شجون ببراءه:وانا وش قلت
رفال وقفت
شجون:وين رايحه
رفال:نسيت شي في الغرفه
وراحت الغرفه
لمى:شفتي خليتيها تقوم
شجون:يوووووووووووه لاتكبرين السالفه ماسوت علي كلمه قلتها
لمى وقفت:حسب بيالله ........... والا بلاش ماابي اكسب ذنوب انتِ عمرك ماقدرتي شعور الناس اهم شي انتِ وبس


دخلت الغرفه وقامت تصيح شوي ويدق الباب مسحت دموعها
رفال:مين؟؟
لمى:انا لمى
وراحت للباب وفتحته وجلست على السرير
لمى راحت وجلست جنبها في السرير
لمى:شفيك؟؟
رفال اسكتت
لمى:رفال شفيك!!؟؟ عشان الكلام اللي قالته الزفته
راحت رفال للباب وسكرته
ولتفتت للمى وهي تصيح
رفال:انا تعبت منه قولي لي وش اسوي صرت مطنزه قدام اللي يسوى واللي مايسوى
لمى:انتِ ماعليك من كلامها....... اهم شي انتِ واثقه من نفسك؟؟
رفال:اوثق بنفسي كيف!! وهو مايحبني
لمى:صارحيه قولي له يارفال حرام عليك من متى وانتِ تحبينه وساكته لازم تصارحينه والا انا اليوم اصارحه واقوله عن حبك
رفال:لالا الله يخليك لاتقولين له....... وبعدين كيف اقوله انا احبك انا اذا ناظرني ضاع مني الكلام
لمى:تشجعي
رفال:ما اقدر مااقدر
وقامت تصيح بقوه
لمى تقطع قلبها وراحت حظنتها
لمى:خلاص حبيبتي هدي
رفال:تعبت ...........واقسم بالله اني تعبت
لمى:والله اني حاسه فيك وعارفه انك تتعذبين
رفال:...................................
لمى تمسح دموع رفال:ياالله مسحي دموعك وعدلي مكياجك لاحد يحس فينا
ومسحت دموعها وعدلت مكياجها
لمى:تدرين طالعه اليوم قمر
رفال:مرسي
لمى:حشى الحين نقولك طالعه قمر "وتقلد صوتها" مرسي
رفال:ههههههههههههههههههههههههههه
لمى:لمن يشوفك اليوم فيصل بينهبل
رفال تنهدت:مايحس ........؟؟احداك اذا حس بشي
لمى بأبتسامه:اقول امشي ننزل واوريك اليوم
رفال بخوف:وش بتسوين؟؟
لمى:ههههههههههههه لاتصدقين امزح معاك
ورجعوا الصاله
شجون بخبث:آسفه يارفال اذا كنت اجرحتك
رفال:لا عادي......... ماصار الا الخير


ام هيثم:الا وين الشباب وروز وريتاج
ام فيصل:هذاهم
دخل فيصل وبسام وروز وريتاج وسلموا على خالتهم
رفال بغت تموت في محلها وكانت ماسكه يد لمى وضاغطتها بقوه
لمى صرخت:ايييييييييييييييييي .....عورتيني
التفت فيصل وراح لهم
رفال تهمس لها:حسب بيالله عليك
لمى:ههههههههههههههههههههه احسن عورتيني
فيصل:شخبارك رفول؟؟
رفال(آآآه ياحلو اسمي في فمك وانت تقولها ياويل قلبي وهو يدلعني)
لمى دفتها:يقول لك شخبارك؟؟
رفال انحرجت:انا .....تمام وانت؟؟
فيصل جا وجلس جنبها
رفال تحس بحراره داخلها وقلبها بيطلع من ضلوعها
فيصل:انا من وين شفت وجهك صرت الف تمام
رفال بدلع:ههههههههههههههههه الف مره وحده!!
فيصل ذايب:واذا تبين الفين ماعندي مانع
شجون انقهرت:هييييييييييييييييييي انت روح المجلس
جا بسام وسلم على رفال
بسام:اقول يالحبيب .......قوم معاي المجلس
شجون:واللي يرحم والديك.... خذه
فيصل حط رجل على رجل ومد يده
وصارت يده ورى رفال قريب منها
رفال تهمس للمى(قلبي بمووووووت عسى ماانفضح من كثر مايدققققققققق)
لمى:ههههههههههههههههه لاتفضحينا
فيصل:آسف انا بقعد مع الحلوين
"ويأشر على رفال ولمى وشجون"
وش ابي اجلس معاكم
البنات:هههههههههههههههههههههههه
بسام:الله يفشلك صدق انك......... ماتستحي!!
وراح المجلس
لمى:اكيد الحين بيروح يقول لأبوي
فيصل:مايهمني انا جاي عشانكم "يقصد رفال" مو جاي اسمع عن السياسه والأسهم
رفال انحرررررررررررررجت وصار وجها احمر



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 05-11-2008, 07:20 PM
ذابحني غرورك ذابحني غرورك غير متصل
©؛°¨غرامي ذهبي¨°؛©
 
الافتراضي رد: روايه حضنته لين خالطت انفاسي بأنفاسه / سعوديه رومنسيه


ام فيصل:ياولدي منت رايح المجلس
فيصل:شفيكم علي ماتبوني
ام هيثم:هههههههههههههه مو عشانه عشان البنات ها
فيصل ابتسم:مافي احلى من الدنيا غير البنات
رفال ضاق صدرها اكيد يعرف بنات ويكلمهم ويطلع معاهم بعد ياربي صبرني على هالعذاب
وتجمعت الدموع في عيونها ووقفت
فيصل مسك يدها:على وين
رفال طالعت في يده يعني وخر
وهو فهم ووخر يده
لمى استغربت شفيها ليش زعلت توها مستانسه
اما شجون اللي كانت طايره من الفرحه تحب تشوفها تتعذب وحزينه وكئيبه"الغيييييييييره"


روز :بروح اشوف شكلي بالمرايه
وئام :اوكي
روز راحت عند المغاسل وقامت تعدل شكلها سمعت صوت من وراها يقول حلوه مايحتاج تشوفين
اعرفت الصوت يالله والله اني مشتاقه لك
طالعته في المرايه وهي تبتسم
هثيم:افه مافي سلام
روز التفتت عليه:سوري
وسلمت عليه
هثيم بمزح:اهلين بزوجتي المستقبليه
روز انحرجت وصار وجها احمر
وتحس روحها بتطلع من الأحرااااج
هثيم(ياحول ليكون مصدقه انا امزح معاها)
هثيم:وين فيصل؟؟
روز:في الصاله
هثيم وهو رايح
روز بحزن:بتروح!!
هثيم التفت عليها وهو مستغرب:ليه!! في شي؟؟
روز بحزن:لا قصدي بتروح الصاله
هثيم:إي
وراح
وروز وراه
دخل الصاله وهو يغني:ياسلامي عليكم يالسعوديه
فيصل يكمل:ياديار الشيم يادار اوطاني
لمى:السعودي تحيي روحك الحيه
ريتاج:اشهد انك اصيل وطيب الغالي
هثيم :هههههههههههههههههه على طول ماتصدقون على الله احد يغني
لمى:هههههههههههههه مانصدق على الله
هثيم سلم على فيصل وتحاظنوا:اخبارك؟؟
فيصل بصوت ناعم:تمام
ويسوي نفسه مستحي ومنزل عيونه:شخبارك انت؟؟
هثيم باسه في خده:تمام ياحلو
الكل:ههههههههههههههههههههههههههههههههههه

روز:الحقي علي ياوئام بيجنني يهبل والله يهبل
وئام:اسكتي لاتفضحينا

ام هثيم:استحوا على وجهكم مابقى شي وتوصلون الثلاثين وتسون هالحركات
هثيم:بسم الله علي!! هذا فيصل مو انا
فيصل:هههههههههههه والله ضحكتني مين الأكبر ياحلو

هثيم :يالطقاقه طقي لنا"لمى"
لمى تأشر على نفسها:انا طقاقه
الكل:هههههههههههههههههههههههههههههههه
لمى عصبت:والله مااطق
هيثم:يالله عاد لاتزعلين خالتي هي اللي تقول
لمى لفت على امها وهي شرار في عيونها
ام فيصل:لا تطالعيني كذا....... وانا الصادقه صايره في المدرسه نجيه
الكل:هههههههههههههههههههههههههه
روز:يالله لمى طقي بلا سخافه
لمى بغرور:بأول يعتذر هيثم
هثيم طلعت عيونه:نعم...... ماسمعت!!
فيصل:هههههههههههههههههه اغسلي يدك اذا اعتذر لك
لمى:لا بيعتذر
هيثم بغرور:واذا مااعتذرت؟؟
لمى:ماراح اطق
هثيم:عساك ماطقيتي "ومسك يد فيصل"امش نروح المجلس
روز تأشر لها انها تطق على عشانها بس هالمره
لمى استغربت من طلبها ههههههههههههههه ليكون تحبه وليش لا اهو يجنننننننننن انا دخت منه
لمى:اوكي خلاص بس هالمره سماح
هيثم:لا شكرا بنروح المجلس
فيصل:لا تصير ماسخ
هيثم:هههههههههههه حط فيه سكر
فيصل:هاهاها ماتضحك
لمى اخذت الطاوله وبدت تطق بحماس
وفيصل وهيثم يرقصون ويستهبلون ويهزون هز مو صاحي
والحريم استخفوا صاروا يصفرون مثل البنات
فجأه ماحسوا الا لؤي داخل مع جدتهم وجلسوا يرقصون
الكل:هههههههههههههههههههههههههههههه
لؤي ماسك جدته من يدها ويرقص معاها
والبنات زادوا وصار يصارخون بصوت عالي لدرجه وصل المجلس
البنات:ايووووووووووووووووووووووووووه

بوهيثم:وش هالصراخ..!!!
بوفيصل بعصبيه:ماتسمع البنات يصارخون؟؟
بوهيثم:لاحول قوم ياولدي بسام روح قول لهم يسكتون
راح بسام مع مروان ودخلوا الصاله وانفجعوا
بسام:وش تسوون؟؟!!
فيصل وهو يرقص:تعالوا....... انضموا معانا
مروان ما صدق على الله ومسك العقال وقام يرقص
ام فيصل:بسام ارقص ؟؟شفيك واقف!!
بسام:الحمدلله والشكر تبيني اصير مثل المهابيل اللي قدامك"ويأشر عليهم"
ريتاج تحمست واخذت طاوله ثانيه وجلست تطق مع لمى"هههههههههههههههه طقاقات"

إياد دخل المجلس
إياد:السلام
بوهيثم وبو فيصل:وعليكم السلام
إياد سمع صوت صراخ البنات:وش صاير!!؟؟
بوهثيم:والله ماادري ارسلت بسام ومروان وللحين ماجاو
إياد دخل الصاله وانفجع مثلهم
إياد:وش صاير؟؟!!
بسام:ماادري استخفوا
ريتاج انحرجت لمن شافت إياد ووقفت طق
إياد ابتسم :ليش وقفتي؟؟
ريتاج انقلب لون وجها:ها
إياد:ماراح ارقص الا لمن انتِ تطقين
ريتاج صار وجها احمرررررررررررررررررر
وبالموت رجعت تطق
وقاموا الشباب يرقصون بحماس اكثر
بسام تشجع ورقص معاهم

نزل فارس من الصاله
وشاف البنات ملتمين ويصارخون دخل وانفجع اهو الثاني"هههههههههههههههه"
لمى تصارخ:ايووووووووووه فارس يلا
فارس ابتسم:لا مشكوره
رفال:تكفى يالله بنات واحد اثنين ثلاثه
البنات بصراخ:فارس فارس فارس
الأخ تحمس وسوى نفسه شخصيه:احم احم احرجتوني بكرمكم
وبدا هو الثاني يرقص ويهز على كيف كيفكم

قام ثامر من السرير وهو معصب:وش هالصراخ؟؟ الواحد مايعرف يرتاح!!
وبدل ولبس وتعطر ونزل للصاله وجممممممممممممممد هههههه
ثامر يسأل البنات:وش صاير؟؟
بس رفال مسكته من يده وقالت له ارقص
ثامر:توني قايم من النوم مالي خلق
شجون بدلع:مالي دخل لازم ترقص عشاني
ثامر خق:والله وانا ولد ابوي
وماصدق على الله وراح يرقص وهو يغمز لها
وشجون مستانسه

بو هيثم وبوفيصل ماتحملوا صوت صراخ البنات وراحوا الصاله واهم معصبين
دخلوا وكأنه منكب عليهم ماي بارد
بوهيثم:تشوف اللي اشوف
بوفيصل فسخ العقال:والله موهم رجاجيل
الحريم شافوهم وخافوا وعلى طول تحجبوا
اما الشباب والبنات مايدرون عن هوى دارهم
سمعوا صوت صراخ عالي:وش صاير؟؟
جموووووووووووووووووووووووووووووووووود
الشباب والبنات التفتوا وشافوهم معصبين وخافوا
بوهيثم بصراخ:ماتستحون ترقصون جنب الحريم والله انكم مو رجاجيل
الشباب انحرجوا ونزلوا راسهم
اما البنات كانوا فيهم الضحكه بس اسكتوا عشان مايجيهم التهزيىء
لمى بصوت واطي:هههههههههههههههههه ماني قادر امسك نفسي اشكالهم تضحك
ريتاج:ههههههههههههه ولا انا بس اسكتي لايقلبون علينا
بوفيصل:امشوا قدامي على المجلس لأسلخ هالعقال بظهوركم
بوهثيم:لا حتى فارس وبسام العاقلين صاروا معاهم مو منكم من الكبار القدوه الحسنه"هثيم وفيصل ومروان"
إياد:هههههههههههههههههه
بوهثيم:ضحكت من سرك بلى انت اول واحد تجي تعال
إياد خاف وراح عند ابوه:ياحسافه الرجوله روح المجلس
إياد راح المجلس وهو يضحك:هههههههههههههههههههههههههههههههه
ريتاج تهمس للمى:حرام ظلم ليش اهو اول واحد
لمى:ههههههههههههههه محد قاله يضحك
بوهيثم:بسام وفارس وثامر ولؤي روحوا المجلس بسرعه
وراحوا المجلس

في المجلس
كل واحد طاح على الكنب واهم ميتين من الضحك على مروان وهيثم وفيصل
إياد:هههههههههههههههههه والله بطني يعورني
بسام:ههههههههههههههه كله منكم انتوا اللي خربتوني
لؤي:هههههههههههههههههههههههه ياحليلها جدتي شفتوا كيف ترقص
ثامر:ههههههههههههههه تتوقعون وش راح يسوون فيهم
فارس:بس انا اللي قاهريني انا البنات اهم السبب ولا تهزؤا
بسام:والله انك صادق لازم ننتقم منهم

بوهيثم بسخريه:ياحليلك يمه ترقصين معاهم
البنات ماقدروا يمسكون نفسهم اكثر:هههههههههههههههههههههههههههههههه
الحريم مايطلع منهم صوت بس اجسامهم تنهز من الضحك
بوفيصل يكلم البنات:لا تخافون بيجيكم الدور بس بأول لمن نعقل الرجال الكبار الفاهمين
فيصل:انا آسف اخر مره
هيثم راح عند ابوه وباس راسه:توبه مااعديها
بوهيثم:خلاص روحوا المجلس
وراحوا مابقى الا مروان

دخلوا
فيصل وهيثم:ههههههههههههههههههههههههههههه
الشباب:ها وش صاير؟؟
هيثم:مسكين باقي مروان



مروان واقف في نص الصاله
مروان يتحلطم:ياحول وش هالبلشه من الشياب الله ياخذهم راحوا وخلوني
بوهيثم:مروان وش تقول
مروان:ها لا ولا شي بس........... ابي اروح المجلس
بوفيصل:ماتعرف تتأسف مثل هيثم وفيصل
مروان(يالله)
بوهيثم:شفيك ماتنطق؟؟
البنات:مايعرف يتأسف هههههههههههههههههههههههههههههه
بوفيصل بصراخ:انتوا عقابكم غير .......كنت انا وعمكم متفقين ناخذ لنا شاليه هذا الأسبوع بس مافيه محرومين مايروحون الا الشباب
البنات صارخوا:لا خلاص توبه............. مانعديها
مروان ماسك ضحكته على اشكالهم
بوهيثم:مروان خلاص روح انت
مروان راح ودخل المجلس
مروان:ههههههههههههههههههههههههههههههه
الشباب:ها وش صار؟؟
مروان:ههههههههههههههههههههههههههههههههه
إياد:يالله تكلم
مروان:مو قادر هههههههههههههههههههههههههههههههههههه
هيثم:اقول لاتعصبنا اخلص تكلم
مروان اخذ نفس عشان يتكلم:عمي عادل وسعود كانوا متفقين ان نروح الشاليه هذا الأسبوع بس لمن شافوا استهبالنا رفضوا
ثامر:مالت عليك هذا شي يضحك
مروان:انتظر خل اكمل بس لمن شافوا البنات يضحكون علينا قالوا ماراح يرحون الا الشباب
الشباب:هههههههههههههههههههههههههههههه
فيصل:هههههههه احسن يستاهلون
الا في دخله بوهيثم وبوفيصل
سكووووووووووووووووت



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 05-11-2008, 07:21 PM
ذابحني غرورك ذابحني غرورك غير متصل
©؛°¨غرامي ذهبي¨°؛©
 
الافتراضي رد: روايه حضنته لين خالطت انفاسي بأنفاسه / سعوديه رومنسيه


ريتاج:لا والله ظلم
لمى:كلا بسبه هيثموه الكلب والله لأوريه
روز عصبت:خير انشالله...... ترى هو انسان مو كلب
لمى رفعت حواجبها:وانتِ ليش معصبه كذا....!! ليكون تحبينه؟؟
روز تبلعمت:ها لا لا..... مااحبه بس حرام ادافع عن ولد عمي؟؟
ريتاج:كثري منها على بالك ماشفتك وانتِ تطالعينه وهو يرقص كلتيه بعيونك"وتقلدها"
روز اخذت المخده وضربتهم:مالتك عليكم صدق ماتستحون
وراحت
لمى وريتاج بصوت واحد:قديمه قولي شي جديد
وصقعوا يدهم بيد بعض:هههههههههههههههههههههههههههههه
رفال:حرام عليكم احرجتوها
لمى:خلينا منها وش بنسوي عشان الشياب يوافقون ان نروح الشاليه
شجون:انا عندي فكره
البنات:قولي ياام الأفكار
لمى قاطعتها:لحظه قبل ماتتكلم
لمى تكلم روز:روز ماتبين تسمعين وش نتفق ترى لصالحك"وتغمز لها"
روز:لا شكرا
ريتاج بأبتسامه:كيفك بعدين لا تقولين
وماامدى تكمل كلمتها الا روز جات وجلست معاهم
لمى:ههههههههههههههه يالله شجون اطربينا
شجون:احم احم........ اسمعوا

ام فيصل تطالع فوز:مشالله تهبل جمال واخلاق انشالله تكون من نصيب فيصل
ام ناصر استانست:انشالله
ام هيثم:والله كل وحده من البنات تقول الجمال عندي
الجده:انا احلى منهم
الحريم:ههههههههههههههههههههههههههههههههههههههه
ام هيثم:اكيد بعد مالعب براسك لؤي ورقصتي معاه
الجده:عشان احافظ على الرشاقه تعرفون مااحب الكروش مو مثلكم منتفخين


{عند الشباب}

لؤي:والله طفش ابي اروح اجلس مع البنات
إياد:والله حتى انا طفشت

فيصل:ماتحس بشي
هيثم:والله راسي مصدع وبينفجر من كثر مايتكلمون في الأسهم
مروان:ترى يسوون نفسهم خبره توهم خاسرين اسهم وبايعينها


ثامر:بسام متى تخلص من المعهد
بسام:في بدايه الأجازه ليش تسأل
ثامر:طفشت من التحضير
بسام:ههههههههههههههه توك ياحلوا

{نرجع للبنات}

لمى:إي بس كيف نقدر نتفاهم معهم والشياب حابسينهم في المجلس
البنات التفتوا على ريتاج
ريتاج طلعت عيونها:تحلمون
شجون:مافي الا انتِ لأنك اصغر وحده فينا
ريتاج حطت يدها على خصرها:ياسلام وليش ماتروح آلاء
آلاء:انا اكبر منك
لمى وهي واقفه:انا بروح صدق انكم خوافات
البنات:عاشووووووووووووووا يالله ورينا
لمى مشت بغرور لمن وصلت باب المجلس وحست قلبها يدق بقوه من الخوف
لمى:خاف ادخل ويمسكوني من كشتي ويطلعوني بره
وجلست تفكر:انا مسويه فيها شجاعه اخاف ارجع ويضحكون علي لالا بدخل وامري لله
وافتحت الباب

الشباب يطالعونها نظره يعني انقذينا
لمى:هههههههههههههههههههه
بوفيصل بعصبيه:خير!! وش جابك عند الرجاجيل؟؟
لمى بخوف:يبا امي وخالتي هيفاء وهاجر يبون الشباب ضروري ضروري
بوهيثم:وهذا الشي مايتأجل!!
لمى هزت كتوفها:ماادري .............بس يقولون مسأله حياه او موت
الشباب:هههههههههههههههههههههههههههه
لمى خزتهم واسكتوا
بوفيصل:طيب بس بشرط نص ساعه وان سمعت صوت لتشفون شي عمركم ماشفتوه
الشباب على طول وقفوا ماصدقوا على الله يطلعون من السجن
لمى:ها وش رايكم فينا
لؤي:مثل وجهك
لمى التفتت عليه بعصبيه
لؤي يلعب بحواجبه:الحلو
الشباب:ههههههههههههههههههههههههههه
دخلوا الصاله
الجده:ياحيالله بالشباب وش جابكم؟؟
لمى بغرور:انا اللي طلعتهم والا كان قعدوا في المجلس معفنين
البنات يخزونها عشان ماتغلط عليهم
لمى:اوووووووووووووووه نسيت
روز:هيثم شفيك واقف اجلس
فيصل:المفروض تقولين لي انا........ انا اخوك
هيثم:يلعن ابو الغيره
مروان:المهم الحين انتوا ليش مطلعينه؟؟
لمى:هذا جزانا مطلعينكم صدق وجهكم مو نعمه
بسام:والله لو مافي احد في الصاله كان دست في بطنك
لؤي:لا مالك حق انا زوجها وبعرف اادبها
لمى تحرك اذنها:ها ماسمعت.........!! عيد اللي قلته
الكل:هههههههههههههههههههههه
فيصل:والله مايصلح عشان يطلعون عيالكم مجانين عليكم
لمى:احترم نفسك احنا مجانين بنشوف عيالك
فيصل:عيالي بيطلعون قمر على ابوهم
منار:والله انك مغرور
رفال وهي خاقه:يحقله
الكل:اووووووووووووووووووووووه
فيصل:هههههههههههههههههههههههههه تستاهلين
لمى:والله المغرور اخوك"وتطالع لؤي"
لؤي:انا حرام عليك دايما تظلميني
فوز:الحين بتجلسون والا شلون؟؟
بسام ببتسامه:نجلس واحنا منثبرين بعد
فوز اسكتت وهي رافعه حواجبها
شجون:بصراحه احنا نبيكم تقنعون الشياب عشان يودونا معاكم الشاليه
الشباب يطالعون في بعض ويضحكون
البنات عصبوا:ليش تضحكون!!؟؟
هيثم:طيب احنا مانخدم ببلاش وش لنا؟؟
روز:انتوا وش تبون؟؟
هيثم يكلم الشباب:ها شباب
لؤي يطالع لمى:نلعب
لمى:بزر
لؤي:عشانك
الكل:ههههههههههههههههه
هيثم:وش نلعب؟؟
لؤي يفكر:امممممممممممممممممممم صراحه جراءه
البنات يصارخون:لالالالالالالالالالا
الشباب:ههههههههههههههه كيفكم والا مافيه
وئام:وش معنى اخترت هذي اللعبه؟؟
لؤي:عشان اعرف اللي في قلب بعض الناس"لمى"
لمى:وععععععععععع اصلا اول مايكون السؤال بيني وبينك بنسحب
فيصل:لا من شروطنا مافي انسحاب
منار:بشرط مايكون السؤال شخصي
إياد:لا يالشيخه اجل ليش سموها صراحه
ريتاج بأحراج:يعني السؤال بحدود؟؟
إياد ابتسم لها:انتِ تامرين
مروان يقلده:انتِ تامرين وشفيك خقيت صير رجال على كلمتك ماتهزك بنت
لمى:ياسلام وشفيهم البنات
لؤي:يدهدوهون الواحد
لمى:وانت كل ماقلت شي تعلق
لؤي:وش اسوي ماخليتي لي عقل
الكل:هههههههههههههههههههههههههههه
لمى انحرجت:اقول اسكتوا ويالله نبدا اللعب
ثامر:بوشو نلعب
شجون طلعت عطرها الين:بهذا
ثامر ابتسم:عادي اشمه
مدت له العطر
ثامر:الله يجنن من وين اشترتيه؟؟
بسام:اقول يالحبيب ترى ماكثر الله من محلات العطر في الشرقيه
ثامر:والله انك نشبه حرام اعرف اسم المحل
شجون:باريس غالوري
مروان:انا اللي ببدي لأني اكبركم
ودار قرشه العطر
وصار مروان يسأل وئام
مروان بأبتسامه:تبين صراحه والا جراءه
وئام:صراحه
مروان:اممممممممممممم اوكي وش رايك بشخصيتي؟؟
وئام:شخصيتك حلوه بس انك عصبي مره يعني لو تخفف عصبيتك شوي تكون احلى
منار:والله انك صادقه
مروان عصب:انتِ ياام لسانين محد سألك
الكل:ههههههههههههههههههههههههه
جا دور هيثم لروز
هيثم:ههههههههههه صراحه والا جراءه
روز منزله راسها مهي قادره تطالعه:صراحه
فيصل:لا خلك جراءه مو كل اشوي صراحه
هيثم:خلها على راحتها السؤال اهو هههههه وش اكثر شي يعجبك فيني؟؟
وئام طالعت في روز وروز طالعت فيها
دخلت عمه منيره مع انفال بنتها
هيثم وقف على طول وسلم على عمته منيره وحب راسها
بعدين التفت على انفال بأبتسامه تعذب:شخبارك انفال؟؟
انفال تهمس له:يمه الله ياخذك قلبي بيوقف اذا نطقت اسمي
هيثم:هههههههههههههههههههههههههههههههههه
روز قامت تفرك يدينها بتوتر من الغيره اللي شابه عليها
انفال :الحمد الله........ انت شخبارك؟؟
هيثم:تمام بشوفتك
روز تجمعت الدموع في عيونها لمن شافت فرحت هيثم لمن شافها وعلى طول وقف عشان يسلم عليها
(ملاحظه مهمه)
(انفال دائما تروح عند خالها "بوهيثم" تدعي انها جايه تشوف رفال اللي فرق في السن بينهم وهي جايه عشان حبيب القلب هيثم ماتتعدى من بيتهم الا بالمكياج الخليجي كامل )
بعد ماسلم الكل رجعوا عشان يكملون اللعبه
هيثم:انفال تبين تلعبين؟؟
انفال بدلع:وشو؟؟
وئام ودها تقوم وتذبحها:انتِ وش تشوفين؟؟
انفال:طيب شفيك كذا كأنك ودك تذبحيني!!
وئام(والله كأنك تقرين اللي قلبي)
شجون:صراحه جراءه
انفال تجلس جنب روز مقابل هيثم:اوكي بلعب
روز كانت ماسكه دموعها مهي قادره تتحمل اكثر
وهي تشوف نظرات هيثم لأنفال شوي وياكلها من كثر مايطلعها عينه مانزلت من عينها واهي الحقيره قليله الأدب تطالعه بعين قووووووويه
هيثم :يالله ياروز ماجاوبتي
روز وقفت:تجاوب انفال بدالي
وجلست عند الحريم
وئام:انا بعد ماابي العب
انفال:وشفيهم !!ليكون مايبوني العب ؟؟
هيثم:ماعليك منهم انتِ جاوبي على سؤالي
انفال بدلع:ووشو سؤالك؟؟
هيثم:وش اكثر شي يعجبك فيني؟؟
انفال بأحراج:كل شي
الكل قام يصفر
هيثم تشقق من الوناسه



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 05-11-2008, 07:23 PM
ذابحني غرورك ذابحني غرورك غير متصل
©؛°¨غرامي ذهبي¨°؛©
 
الافتراضي رد: روايه حضنته لين خالطت انفاسي بأنفاسه / سعوديه رومنسيه


روز سمعتها:ماني قادره ابي اروح البيت
وئام :لا تفضحينا حاولي تمسكين نفسك
روز طالعت فيهم
كان هيثم يعطي انفال بوسه على الهوا بس محد انتبه الا اهي ووئام وانفال منزله راسها من الأحراج
وئام:حقير
روز حطت يدها على وجها تصيح وطلعت من الصاله وهي تركض
الكل استغرب وطالعوا وئام
ام فيصل بخوف:شفيها تصيح؟؟!!
وئام طالعت هيثم بنظرات عتاب وطلعت من الصاله
هيثم استغرب وشفيها تطالعني كذا
لمى تأكدت شكوكها تحبه والله العظيم انها تحبه
فيصل:يالله نكمل اللعب
لمى:انا ماني لاعبه
لؤي:ليه
لمى وقفت وجلست على الكنب:مالي نفس
لؤي:خلاص اجل بنوقف اللعب
إياد:والأتفاق
لؤي:والله انك فاضي
وقفوا الكل وجلسوا على الكنب
هيثم(ابي اعرف ليش تصيح فضولي بيذبحني)
وقف
فيصل:على وين؟؟
هيثم:بشرب ماي
وطلع من الصاله وهو يدورها وين بتكون

نهايه الفصل الرابع



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 05-11-2008, 08:06 PM
حلاتي بجنوني حلاتي بجنوني غير متصل
©؛°¨غرامي مشارك¨°؛©
 
الافتراضي رد: روايه حضنته لين خالطت انفاسي بأنفاسه / سعوديه رومنسيه


تسلمي علي البااااااااااااااااااااااااارت كان روعة

وفي انتظار البارت الثاني


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 05-11-2008, 08:31 PM
روووووووووووعــــــة روووووووووووعــــــة غير متصل
©؛°¨غرامي فعال ¨°؛©
 
الافتراضي رد : روايه حضنته لين خالطت انفاسي بأنفاسه / سعوديه رومنسيه


قريت البارت الاول
بصراحه رووعه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 05-11-2008, 09:53 PM
مشاعر متدفقه مشاعر متدفقه غير متصل
©؛°¨غرامي جديد¨°؛©
 
الافتراضي رد: روايه حضنته لين خالطت انفاسي بأنفاسه / سعوديه رومنسيه


تسلمين حياتي ننتظرك......


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 05-11-2008, 11:24 PM
"عيون الغلا " "عيون الغلا " غير متصل
©؛°¨غرامي فعال ¨°؛©
 
الافتراضي رد: روايه حضنته لين خالطت انفاسي بأنفاسه / سعوديه رومنسيه


تسلمين حياتي على البارت الحلو ويجنن ننتظر البارت الجاي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 06-11-2008, 02:01 AM
red lady red lady غير متصل
©؛°¨غرامي جديد¨°؛©
 
الافتراضي رد: روايه حضنته لين خالطت انفاسي بأنفاسه / سعوديه رومنسيه


يسلموووو على البارت صراحه حلووووووووووه الستوري يسلمووو
وننتظر الباقي


Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم