اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 141
قديم(ـة) 16-12-2008, 07:59 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


الحين بنزل باااااااااارات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 142
قديم(ـة) 16-12-2008, 08:01 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


»‏«»‏«»‏«»‏«»‏«
♣خذني بحضنگـ ♣ 15
‏«»‏«»‏«»‏«»‏«
____________
... دخل ثامر بياخذ جواله من جنب التلفزيون شاف سمر وانحرج وطلع وهي توهقت سمعته يتكلم مع احد وقامت بتدخل بس دخل عزوز/خاله خاله
صدت له/نعم
/عطيني جوال بابا
تفاجئت/وينه؟
هزكتوفه/يقول هنا!
دورت عند التلفزيون ولقته خذاه وطلع كانت بتطلع بس تراجعت شكل الرجال مشوا جلست عند التلفزيون دخلت ريماس تناديها ورفضت ثم ارسلت لها بشاير يارا تناديها وطنشت فتح الباب وصدت بقهر ورمت علبه المناديل بقوه ثم شهقـــت بصدمــــــــــــــــــه
....................







... راح مازن للكوفي شوب اللي متواعد مع الشباب فيه "في شارع التحليه" دخل معه اللاب توب حقه حصل بدر شابك جلس عنده شوي ووصل معتز معه فهد
وجلسوا معهم إلى ان اذن وطلعوا مع بعض في سياره بدر للمسجد
... دخل بسرعه تفاجئ بالمنديل اللي ضربه على صدره طالع من مين شافها مبلمه ابتسم اكيد انصدمت
سند بيده على الباب/كيفك ؟
انتبهت لنفسها وصدت عنه كان ودها تقوم تطلع بس رجلينها ماشالتها ضحك/طيب كل عام وانتي بخير
/.....
/للحين ماخذه على خاطرك
ماردت كأن لسانها انقطع
/والله مافي هذا غيرك
يأشر لقلبه صدت بعفويه تطالعه
وابتسم/يالله بلا دلع
سمع صوت خاله صد له شافه جاي من جهته اشر لها من ورا ظهره تدخل قامت ودخلت بسرعه سحب الباب وسكره
حاتم/فيه احد داخل؟
/لا
/من كنت تكلم اجل؟
/ا ا ا عيال ثامر كانوا عند التلفزيون طلعتهم وسكرت الباب ...بغيت شي؟
/لا خلاص ..
صد بيدخل للمطبخ بيقول لنور تنادي له هند بس تذكر وصد لمهند /ترا العشا في المزرعه .
/ايه قالي مازن.
..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... .......... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... .....
... رجع مازن لبيت امه الساعه2 دخل الصاله كان البيت يغط في سكون تام طلع فوق ودق باب غرفه بشاير ثم فتحه مالقى احد راح عند ميهاف لقاها نايمه طلع قابلته بشاير جايه من المطبخ /بسم الله من وين جايه؟
/هههه من تحت ..تدور ريمو؟
/ايه وينها؟
/نايمه بغرفتك شكلها تعبانها.
بخوف /وش فيها؟
/مدري تقول راسها وكبدها و شي من هالكلام حقين الحوامل ..اتوقع!
ابتسم وراح لها دخل وسكر الباب ولع النور وجلس على السرير





صدت له لانها كانت صاحيه ابتسمت/ليش تأخرت؟
طمن وهمس بأذنها بتسائل/بصير ابو؟
تفاجئت من تحليله وتأكدت ان بشاير هي مقنعته كانت ضامنه حملها 100% على قولها/من يقول؟
برقه/قلبي
/اتمنى بس مااتوقع لان تعبي كل سالفته تعودت بعد العشا اكل حبة فيفدول عشان الصداع بس اليوم مالقيت عند خالتي شي وجينا هنا ونمت على طول
/اوف طيب متى يصير عندي ولد طفش
/ههههه
انسدح جنبها وحط يده تحت راسها/حبيبي وش تعني لك هالغرفه؟
ابتسمت/كل شي يكفي انها عرفتني عليك .
ابتسم وقام فتح الدولاب وخذا منه شي وجلس جنبها فتح يدها وحط فيها غرض شافته وابتسمت بفرح طالعته ودمعت عيونها ثم سحب يدها ولبسها خاتم يعني لها الكثير



ثم باس خدها ضمته وبكت
ضحك/هذي الامانه وصلت لاصحابها
مسحت دموعها/ههه اعجبك؟
بدهشه/بدري على السؤال.
(الغرض اللي بيدها مجسم الصور الزجاجيه لفتاه مثل الملاك اتوقع عرفتوه؟ اللي اهدته له بلندن قبل سفره ...اما الخاتم خاتم روما اللي فسخه منها وخذاه وهي سألته عنه في شهر العسل)
نزلوا وتسحروا وراحوا لبيتهم ...
°°°°°°°°°°°°°°°°°°











¤ــــ¤ــــ¤ــــ¤ــــ¤ــــ¤
¤ الاحـــد 25 رمـضـــان ¤
¤ــــ¤ــــ¤ــــ¤ــــ¤ــــ¤... كانت ريماس في المطبخ تسوي قهوه


وحلى



لان معتز بيجيهم هو وميهاف بعد صلاه التراويح وبعد ماانتهت طلعت فوق تروشت وتعدلت وصلت العشا والتراويح ...

: : : : : : : : : : : :
؛،.»بيت أبوثامــر«.،:... مهند كان في الصاله عند امه وجدته ..
/جده وشخبار خالي وعياله
/ماعليهم
/طيب وش رايك اقيس لك الظغط
بطفش/لا
قام وجلس جنبها/طيب السكر
/مافيني إلا العافيه بس فارق
/وين افارق هذا بيتنا!
/نوره فكيني من ولدك لا افقع راسه بهالعصا
/هههه لا لا خلاص توبه
امه/ابوي رح جب الشاهي والفطاير من عند سواري
/ابو التصريف ليش ماتجيبه هي! "نادى بصوت عالي"/سواري
امه/ قم هاته انت وصل ابوك واخوك ...
دخل ابوه وثامر وصد لامه/وش دراك؟
ابتسمت/داريه..
/خافك بس شامه ريحهم بس وحتى لو على الشم مامدا ريحهم ياصلنا.... والله لو ان خشمك خشم كلب بوليسي مايجيب الريحه
خبطته جدته/قل ماشاء الله
ضحك /ماشاء الله وبعدين ترا عيني مهي بحاره ..
صد لثامر/اقول ابو عزوز فاضي
/ايه
/بالله عليك مر المطبخ هات الشاهي...
بعتراض/لا اجلس انا إللي بجيبه.
طمن وحب راسها/ماجايبه إلا انا
ومشى للمطبخ
مهند يضحك/الله يجزاك خير ويكثر من امثالك
الجده بقهر /ايه اجلسي يالعجوز تومري وشحذي الله
مهند يضحك /والاوامر حصر على العجز
/عجز حيلك ...
ابو مهند/هههههه وراك ياعمه على ولدي!
/ولدك ذا ماهو بعليك لاانت ولا امه ولا حتى اخوانه
بتشفي/اجل طالع عليك..
/جعل عدوك الطلع
/هههههههههههه
قام وحب راس جدته وطلع لربعه
امه/الله يسنع امره
الجده/امين الا هو ماخلص دارس
ثامر/بقى له هالترم
الجده/الله يوفقه...حسبته قريب قلت نخطب له هو واحمد سوا ...
ثامر/والله تقرين افكاره شاب على ابوي ابعرس ابعرس ..
الجده/صادق ورا مايتملك وعرسه لاخلص ...
/ايه يقول لابوي تراني بنحرف
ان تأخرتوا علي
ابوه/الله يقدم اللي فيه الخير.

°°°°°°°°°°°°°°°°°°













#################
## ؛،.» بيت مـازن «.،: ##
###الســاعــــ½9ـــــه###
#################

... نزلت تحت وطلعت القهوه لصاله ودقت لخالتها وبشاير وريناد تناديهم للقهوه وجلست تقرأ قرآن وبعد ½ ساعه وصل مازن سكرت مصحفها وقامت تجيب اللاب توب حقه لان معه شريط CD معطيه اياه معتز بعد ماطلعوا من الصلاه دخله مازن وطالعوا الصور اللي فيه كانت صورهم في شهر العسل
في المتاحف والمجمعات والمنتزهات كانت مره روعه والاجمل الطبيعه هناك وفجأه صدوا لبعض وماتوا ضحك
كانت صورهم (يوم كانوا في المنتجع اللي صورهم معتز فيه ..تذكرتوها يوم مازن يهبل بريماس كانه بيرميها في البحيره ذاك اليوم صور معتز حركاتهم)
بعد ماشافوه سكر مازن اللاب توب وريماس راحت تقلط ام هيثم وبشاير و ميهاف ومعهم تركي دخلوا عدا بشاير رجعت عند ريناد لانها تعبانه اليوم وصل معتز وكملت السهره إلى الساعه2 بستثناء ام مازن رجعت بدري وبعد السحور مشى معتز وميهاف بعد ماعزموا مازن وريماس بكره ....









________________
الساعه 8 ص
... رجع تعبان مره ودايخ
مر غرفه امه لقى ابوه نايم وامه توضا طلع فوق عند بشاير لقاها نايمه وفي حضنها تركي كان وده يصحيها ويبشرها وده احد يشاركه الفرحه طلع وسكر الباب وقف على الدرج محتار يقول لامه او يدخل ينام لان راسه شوي وينفجر من التعب قرر يقولها نزل وتوجه لغرفتهم وقبل يفتح الباب فتحته امه وطلعت معها سجادتها ومصحفها باس راسها تفاجئت بقومته هالحزه !
بخوف/وشفيك يابوي ..تعبان؟
ابتسم/لا بس ا ا ا
بخوف واضح/بس ايش!
/ رنوده جابت بنت؟
لانت ملامح وجهها وبفرح حضنته وباست راسه/مبروك وانا امك جعلها من مواليد السعاده ...و وشلون امها عساها طيبه؟
/طيبه الحمد لله
/بعمليه؟
/لا ..بس يقولون البنوته صغيرونه..
/نسيت تركي!
ضحك/الحمد لله ..يالله يمه انا بروح انام لاتنسين تبشرين ابوي
/ان شاء الله
مشى ونادته/هيثم متى جت بنتها ..
/الساعه 7
/خالتك عندها؟
/ايه قبل مااجي هنا وديتها.
/ماراحت إلا بعد مااولدت ريناد؟!
/ايه ريناد حالفه مقول لاحد إلابعد ماتولد تقول مابي ازعج احد
/الله يحفظها ويستر عليها
/آمين ...

ססססססססססססס
... وصل ثامر من جامعته تعبان دخل شاف مهند منسدح وابوه جالس عنده يارا
/السـلامـ علـيــكمـ
مهند وابوه/وعلـيــكم السـلامـ
جلس وجته يارا
ثامر/وين ماما؟
/في المطبخ.
/وعزوز
/عندها
/وانا وش قايل لك
/جبته غصب وبكى قالت امي خليه!
مهند/دريت ريناد جابت بنت
/ايه قالي ابو تركي
دخل ابوه ينام وهو قام عند العنود في المطبخ شافته وابتسمت /هلا وغلا
ضحك/هلا بك
جلس قبالها على الكرسي
/عزوز تعال
جاه شاله وحطه بحضنه/انا ماقلت تجلس في الصاله عند عمي ويارا
/ابي اجلس عند امي.
العنود/على البركه بنت اختك.
/الله يبارك فيك
ابتسمت/عقبالنا
رفع حاجب وابتسم
ضحكت/ قل يارب
برضا/يارب
عزوز/بابا
/لبيه
/خل نروح عند عمه ريمو
/ليش
/بس
/لابنروح عند عمه ريناد نشوف النونو
ببراءه/تركي نونو
ضحكوا ..
ثامر/لا عنده اخت صغينونه نونو
اشتغلت عند الغيره/وانا بعد ابغى نونو
/خذ من راس امك لنا حول5 شهور ننتظر
طمنت راسها بحزن /ثامر انا حاسه اني مقدر اجيب عيال مره ثانيه!
بدهشه/ليش؟
/مدري
/عادي لاتوسوسين مسأله وقت
/اتمنى ...
قام وعطى عزوز توست فيها جبن مسويته له سواري وشاله بيطلع بس عزوز بكى يبي يجلس
العنود/حبيبي خله انا عنده
/بيتعبك
/لا عادي . .
نزله وجاب عصير من الثلاجه وعطاه لعزوز قامت العنود تولع الفرن مسكها ودفته /بعد لاتجرح صيامك
/الحين البوسه تجرح الصيام
ضحكت/ايه تجرحه وتخربه بعد
مشت وحضنها من وراها وباسها بقوه وهمس باذنها/خرب صيامك!
دفته وهي تضحك/اطلع نام
وفكني منك وبعدين ترانا مو لحالنا هنا .
انتبه لوجود سواري تركها وجلس ولعت الفرن ورجعت تكمل شغلها
قام عزوز وطلع لصاله شوي ودخل مهند في الوقت اللي عصبت العنود على ثامر وطردته لانه يخرب شغلها
ضحك/تدري اخوي نفسي اشوف لك مواقف مشرفه مع زوجتك كل مااشوفك يامطرود ياتقطع بصل
ضحك وصد لها/بسبتك قام يعايرني
العنود/عادي مهو بقايل لحد
مهند/معلوم ماني بقايل تبين الناس تعايرني به
ضحكت العنود ومهند طلع وهو يضحك
صد لها /بايخه
قام وطلع ينام وهي كملت شغلها ...وبعد مااذن طلعت تصحيه وصلت نزل هو ويارا عشان يروحون لامه وريناد في المستشفى وتركوا عزوز نايم فوق .. .. .. ..

¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛

اليـــــوم الثانــــــيـ
... طلعت ريناد وبنتها وكان العشا في بيت ابوها عزم ثامر الكل سلامة اخته و
استانسوا على البنوته عدا تركي اللي من طلعت امه من المستشفى وشاف بنتها طول الوقت معها وهو يبكي دخل ابوه داخل وخذاه معه عند الرجال وبعد العشا طلع هو وياه وبشاير لسوق يتقضون للبنوته
... في السياره ...
بشاير/هيثم وش بتسمون بنتك؟
/ودي بــ هلا وريناد تقول نوف
بفرح/على امي
بسخريه /لاعلى ابوي
/طيب انت وش رايك؟
/عادي ..
/طيب دامكم مختلفين وش رايكم بــ بشاير
صد وشافها تضحك رافع حاجب بكبرياء/بنتي انا بنت الحسب والنسب اسميها عليك انتي!
انقهرت وطقته على كتفه بقوه/
تطول هي
تركي بقهر/حماره
بشاير ضحكت تحسبه يقصد اخته /اختك
تركي/لا انتي.
بصدمه/انا .. ليش؟
/تطقي بابا!
هيثم /هههه بعدي والله ..
باسه بقوه ووقفه قدامه بينه وبين الدركسون
/يالله انت السواق وين بتودينا؟
بفرح/للملاهي
هيثم/لا اول نروح لسوق عشان عمه تجيب ملابس لنونو
بشك/وبعدين الملاهي
بشاير/.. .. ..
هيثم /وبعدين الملاهي
صد لبشاير/نزل الوحي عليك!
ضحكت/افكر كيف اقنع ريناد بــ بشاير
/لاتحاولين
بثقه /بنشوف
.. ــ .. ــ .. ــ .. ــ .. ــ ..
... اما مازن رجع هو وامه وابوه لبيتهم وريماس جلست في بيت خالتها لانها بتروح مع جدتها لخالها حاتم ..

♥♥♥♥♥♥♥♥♥♥♥♥









_________
اليــــوم 29 رمضان
______________افطر مازن وريماس وام حاتم وحاتم وهند ونواف على سفره وحده






عدا سمر وبشاير اللي جايه مع مازن افطروا في المقلط
اذن وسموا افطر نواف على تمره ثم شرب كأس فيمتو
مازن/ شكلك شبعت!










/لاتوني مابعد اكلت سنبوسه




ريماس/هههه
الجده/خله ولدي الله يحفظه ما افطر ولا يوم ..
صد نواف لابوه/بابا اليوم فيه تراويح!
/إذا بكره رمضان اكيد فيه
/يارب بكره رمضان
ريماس/احس انه رمضان
هند/حتى انا!
نواف/بابا ماسألتني عن سعود
امس
ابتسم/ايه تعال وش سويتوا
/شرينا ملابس كثيره له وشريت لهم جوال نفس حقي
"الدمعه" وركبت الرقم اللي عطيتني وقلت ان فواتيره على ابوي وسجلت رقم امي
"هند"ورقمي عشان لابغى سعود يدق لي و"طالع ريماس"ورقم ريمو وبعد عطيته خاتمين هديه لامه ولجدته ووو"يتذكر" ابغى اجيب لسعود بلايستيشن نفس حقي ماعنده إلا بلايستيشن 1 و خربان ..
ابتسم ابوه/طيب من اختار لك الخواتم
/اللي في المحل قلت ابغى واحد لبنت وواحد لحرمه
مازن بتعجب/وش دراك ان امه بنت!
/إلا انا إذا رحت عندهم اشوفها بنت نفس امي
هند تطالع حاتم وتضحك/الله يجبر بخاطرك ياابني...
ضحكوا الكل ومازن ابتسم بفخر واعتزاز بولد خاله هالولد دايم يدهشه بتصرفاته ومواقفه ..اللي مايعرفه و يسمع عنه يعطيه اكبر من عمره ...

وبعد الفطور طلعت بشاير لغرفه احمد وسكرت الباب وقفلته جلست على سريره تطالع كل شي فيها صورته اللي على الجدار ومكتبه ومرايته وسادته عطوراته وكل شي تنهدت يوم تذكرت انه مره مسكها وهي بغرفته لكذا قفلت الباب بعد مادخلت مع انها عارفه انه مو موجود خذت الخداديه اللي على السرير وضمتها بقوه ودفنت وجهها فيها تموت بريحه عطره تنتشلها من واقعها لخيال مايسكنه سواهم انسدحت تفكر في حركاتهم من 8 شهور تقريبا وهم عايشين بدوامه هي تموت فيه ومتأكده انه حبها مع الوقت (ماتدري انه يموت فيها من زمان بس يكابر قدامها الى ان فقد السيطره على نفسه و قامت تفضحه مشاعره)
قامت لمكتبه تفتش فيه إلى ان دق الباب انخرصت فجأه خافت يكون خالها بس اللي بيشفع لها ان احمد مو فيه لو شك فيها سمعت ضحك سمر و ريماس وتنهدت براحه وفتحت
سمر تمثل الصدمه شهقت/انتي هنا مع احمد!
تفاجئت/احمد هنا؟
غمزت لها ريماس/استهبلي استهبلي..
بخوف/لاجد
سمر/ههههه طيب لاتبكين نكذب
ريماس/وش عندك هنا؟
/حبيت اخلي بنفسي شويه مالقيت مكان فاضي إلا هالغرفه ودخلت
سمر/ لاتقولين انك ماتدرين
انها غرفه حماده بس!
/إلا ادري بس هو مهو بفيه
ريماس دخلت وجلست على المكتب وطالعت بشاير بجديه/
اشتقتيله
صدت ماتبيها تقرأ الاجابه من عيونها ..تكابر /عادي
سمر/عادي ومالقيتي تخلين بنفسك إلا هنا!
تشم عطوراته وهي معطتهم ظهرها/......
نقزت سمر/ياويلي من عمي ماغسلت الفواكه ..قامت بتطلع وصدت لهم /بتنزلون
ريماس/لا
سمر/احسن بس تراني مانيب راقيه لاخلصت بروح اطالع طاش لاسمحتوا الحقوني
نزلت وقامت ريماس ووقفت جنب بشاير وطالعت صورتها في المرايه انصدمت بدموعها
صدت لها/ هالدموع تخفي وراها شي اكبر من الشوق
صح ؟!
صدت عنها ومسحت دموعها/ .....
/ليش تكابرين على مشاعرك؟
تنهدت وجلست على السرير جلست جنبها ريماس/قالك مازن ان خطبه عادل كذبه وانا قصدنا منها نعرف مشاعرك تجاه احمد واكتشفنا انها موجبه
ابتسمت/ايه وقالي انها افكارك ومااستبعد ان فيه ناس شاركوك
بشك /تقصدين احمد
/....
/لا والله اصلا يوم قلتله بعد مارجعنا من شهر العسل عصب علينا
ضحكت /تستاهلون ...ريمو ابغى منك طلب.
/آمري
/دقيله ابغى اسمع صوته
/والله وصرنا نعبر ..على العموم جوالي تحت تعالي ننزل
/لا جيبيه وتعالي
نزلت وجابته ودقت بعد ماجلسوا على السرير/الو
احمد/هلا بعمري هلا بقلبي
/هلابك ترا بصدق
احمد/هههههه تستاهلين كيفك
/تمام وانت كيفك مع الصيام
احمد/زين ..شخبار جدتي وعمي والكل
/كلهم بخير ..هاه للحين مصر ماتجي
احمد /غصب عني والله ..إلا شخبار عمتي ام هيثم دقيت لها امس ماردت
/يمكن تصلي او نايمه على العموم هي بخير ..دريت جا لهيثم بنت
احمد /ايه قالي مازن البارح مبروووك
/الله يبارك فيك مع ان فيه ناس احق مني في المباركه
سكت ماعنده شي يقوله
وريماس ودها تسأل عن شي يخصه هو وبشاير بس خافت بشاير تزعل شافتها تسمع بشوق واضح ابتسمت/احمد صدنا اليوم ناس بغرفتك
شهقت بشاير وريماس ضحكت بصوت عالي
بشك/بشاير
تصرف/قربت من الاجابه
صدت لبشاير شافتها مبتسمه وثقلت العيار شوي/لقيناها تبكي تقول إذا انا اعني له شي يجي في العيد
لو ادري انك صادقه ياريمو مو اجي وبس الا اجلس واسحب على ابو الشغل/......
/الو.. احمد
/هلا هلا ...معك
/وين رحت؟
/قريب انتي مفطره عندهم
/لا انا وهي ومازن مفطرين عندكم ياغبي اقولك صدناها بغرفتك
/اها ...."بتردد"شخبارها
/تسلم عليك ..
/وينها ماتسأل ولاحتى تذكرنا بسلام!
/من قالك انها ماتذكرك؟
/احساس ..انتي وين بظبط؟
/بظبط بظبط بغرفتك
/شتسوين؟
/قصدك وش نسوي؟
بفرح/بشاير عندك!
/ايه
بسرعه/ريمو عطينيها
انصدمت بشاير بجرئته وطلعت/هههه طلعت
بعصبيه/ريمو
/قسم بالله طلعت.
/اوففف
/هاه متى بتملك؟
/لاتحاولين معي حدني ماسمعت الموافقه منها ماني بمتقدم خطوه
/احمد اسمحلي انت غبي كيف تتوقع انها بتقولك تزوجني
/ماابيها تقول تزوجني ابيها تقول موافقه
/تدري انها هي اللي قايله لي ادق لك واحطه على المايك..
تنهد بفرح/ياحبي لها
/احمد انا قبل ماتزوج مازن كنت احبه حب يمكن اكثر من حبك لبشاير الحين بس بعد الزواج احتقرت ذاك الحب لان الحب الحقيقي شفته بعد الزواج لما صرت زوجته وصار كل شي لي شفت حبه في خوفه واهتمامه ومراعاته لشعوري
زفر بضيق/....
/ادري باللي فيك بس صدقني اللي تحس فيه مو اقل من اللي تحس فيه بشاير لكن الفرق بينكم انك رجال وعادي تعبر وتقول اللي فيك بس هي بنت صعبه تتكلم ..
/ريمو لو طلبتك بترديني!
/لا طبعا بس لاتقول بكلمها لانها مستحيل ترضا
/لا ابي. . . . . . . . . . . . .
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
... وصلها مازن لبيت بعد ماتسحروا عند خالهم لان بكره تمام الشهر30
... انسدحت بوناسه اخيرا سمعت صوت احمد صح ماهو بجاي في العيد بس صوته رجع الحياه فيها ابتسمت يوم خمن اسمها يوم قالت ريماس انها صادت ناس بغرفته ياحبي له وبعد يسأل عني فديت روحه ..بس غريب اسلوب ريماس معه والتفاهم اللي بينهم وكيف انه يعرف قصدها من دون توضح شكل ريمو اقرب له من سمر
او على الاقل تفهمه .................................................. .................................................. .................................................. .................................................. .................................................. .................................................. .................................................. .................................................. ............................................. و بوسط افكارها وعالمها دق جوالها معلن وصول مسج فتحته وشرقت بريقها يوم شافت الاسم ...
(تكفون أمانه بلغوه التحيات
ولاياخذه ظنه ويشره عليه
أبعلمه عن وضعي وأشرح له
بالأبيات أبي أوضح له الموضوع وكل القضيه هذي حروفي اللي عليها علامات أرسلتها له والله خوف وخفيه
حطوني في لعبه ولابه
خيارات وأنا رضيت بالواقع وصرت الضحيه أعيش مع غيره ولالي بديلات ولازم أكون بدنيآ واقعيه
والله عقبه هالليالي عسيرات كثرت همومي و الأحزان وش ذا البليه ماذقت طعم النوم من كثر الآهات وماعاد أميز نهاري
والعشيه ولايحسبني عايشن بالمسرات واللي خلقني كل أموري رديه
أضحك وأجامل والصدر فيه
ضيقات عجل بالفرج منك يارب
البريه أبيه يذكرني في كل الأوقات يذكر حبيبه اللي بالمحبه وفيه
خلوه دايم يعتبرها سهالات وترا الخوي أبد ما ينسى خويه
ويارب توصل للـغلا هالتحيات
عشان ماياخذه ظنه ويشره عليه ..a.. ))
كانت هالرساله تحت اسم
¤حاضر بقلبي وغايب¤



قرتها وعادتها اه يااحمد ادري ماتنزل لمستوى انك تستغفلني بس طلعت عفويه اويمكن كل شي سيء يصير لي اربطه فيك ياانا غبيه يوم قلت بنساه وبرفضه وبكرهه ..احد منكم سمع احد يكره روحه ايه احمد روحي وقلبي و دنيتي ياحبي له"تضحك" يحسب اني مااعرف رقمه يوم كاتب حرفه مايدري اني مسجله رقمه من ذو مبطي... احبك ومااعتقد اني بحب بعمري كله احد كثره يارب رجعه لنا بالسلامه.
وصل مسج ثاني ...
(ادري مايعجبك اللي انا اسويه ومتأكد انك عرفتيني بس ماقدرت انتظر لبعد بكره حبيت اكون اول واحد يقولك كل عام وانتي بخير وعيدك مبارك قبل الزحمه)
حضنت الجوال وباسته بحب صادق /وانت بالف خير ياعمري ...

.........
.....................
.................................
.........................................
.................................................. .................................................. ...............................................


________________

¤~¤~¤~¤~¤~¤~¤~¤
¤~صبــاحيــــة العـيــــــد~¤
¤~¤~¤~¤~¤~¤~¤~¤...؛،.» بيت مــازن «.،:...
... صحت بكسل بعد ماصحاها مازن بطريقته(يحرك راسه بقوه قدام وجهها وهو مليان مويه) جلست وجلس قبالها وفي يده مشط يمشط شعره طالعته بطفش /الحين وش مصحيني هالحزه تبي؟
ضحك/ابيك تجسريني اخاف وإلا الخوف بعد محتكرته
انسدحت وسحبها بقوه وقفها ووصلها لباب الحمام فتحه ودفها داخل /تروشي خيستيني بريحتك
ابتسمت وسندت على الجدار ضحك على شكلها وهي طفشانه راحت للكنب وانسدحت(كنب في الجزء المرتفع من مستوى ارضيه الحمام وانتوا بكرامه) دخل وطمن على وجهها وباسها برقه /ريمو .. حبيبي .."لامجيب" مسك يدها وعضها صحت وسحبت شعره فك يدها وعضها على خدها صرخت ودفته فكها وهو يضحك
بقهر حطت يدها مكان ماعضها/ بيبقى اثرها!
/احسن عشان يقولون هذي بوسه مازن ..
قامت ولحقها عند الباب ودفته برا وسكرته اما مازن لبس وتعطر ونزل يصلي الفجر ...







________________
... دق المنبه وطفته وهي مابعد فتحت عيونها نادى عليها معتز لانه كان واقف عند المرايه يعدل شماغه /هيوف ..هيـــوف ..
راح عندها وجلس على طرف السرير بهمس/هيوفه
صدت بكسل/نعم
/يالله اصحي وقومي البسي ابغى تكوني انتي اول وحده اعايدها
جلست ودخلت اصابعها في شعرها ورجعته لورا وقامت تاخذ شور















_______________
؛،.»بيت ام حـاتم«.،:
: : بجنا ا ا ا ا ح حاتم : :
... طق الباب وفتحه حاتم دخل ... كاشخ بالثوب و الغتره والدقله كان روعه طمن ابوه وضمه لوهله تذكر منى(ام نواف) لانه يشبه لها في الملامح حتى طبايعه وراثه عن امه نفس الهدؤ والنباهه سحبه من صدره وباس خده
بس نواف عصب لانه مايحب احد يبوسه كذا على قولته صار رجال
بطفش/يوووه بابا سلم زين.
ضحك ومد يده وسلم عليه سلام رجال وحب راس ابوه/عيدك مبارك
بفرح وحب /يتبارك بوجودك ياقلبي..
/وين ماما بعيدها
/بتجي الحين ...سمر صحت
/من زمان اصلا لابسه ملابسها من البارح
/وش دراك؟
/هي جت البارح وقومتني وسهرت عندها
طلعت هند لابسه شافت نواف/هلا والله بالشيخ ..اوف اوف وش هالحلى!
/انتي احلى
مد يده وصافحته وباسها على خدينها بس هي سحبته وباسته بحب/عيدك مبارك يااحلى واغلى نواف
ابتسم/وانتي يااحلى واغلى ماما
حاتم /بابا رح شف امي قامت
/ايه قومتها سمر
/طيب رح سلم عليها
/سلمت
/شكلك ماعايدتها!
/إلا
ضحكت هند تعرف وش قصده/نواف رح لسمر قلها تدق لاحمد عشان تكلمه قبل زحمه المكالمات
بفرح/ايه صح نسيت
ركض برا وحاتم سكر الباب وصد لها/ماانتيب هينه وشلون عرفتي تصرفينه
ضحكت وحطت راسها على صدره بعد ماحضنها تنهدت/كل عام وانت حبيبي
ضحك وباس خدها/وانتي حبيبتي ..
لفها وخلى ظهرها على صدره ورفع يده وهي مسكره قدام وجهها ثم فتحها نزلت سلسله الماس





مسكتها تفرج عليها وهي للحين معلقه بأصبعه صدت له وابتسمت ضاع الكلام منها حاولت تجمع شي تعبر فيه عن حبها وفرحتها بوجوده بحياتها بس ماقدرت نزلت راسها ورفعه على طول/من دون دموع ..انا مااهديتك عشان تشكريني اهديتك لانك تستاهلين كثير بس هذا الموجود
ابتسمت وهي مازالت تتامله وباست خده بنعومه /احبــــــــــــك
طمن وشالها نزلها قدام المرايه ولبسها ثم حضنها من وراها ولف يدينه على بطنها وتمتم بأذنها ابتسمت وصدت له
باسها ونزلوا عند امه قبل مايطلع يصلي

_













_______________
؛،.»بيت أبوثامــر«.،:الدور الثاني تحديدا غرفه عصافير الحب
... جالسه على طرف السرير وهو منسدح على رجلها ويلعب باصابع يدها رفع راسه لها/غمضي.
/ليش!
/بس
غمضت وبعد ماطق خشمها بصبعه فتحت شافت الخاتم بيدها ابتسمت/ وا ا ا و جنان




نزلت نظرها له /ذوقك شي لايعلا عليه ..مدري اشكرك لانك اهديتني بهالوقت بعز فرحتي او اشكر الوقت لانه كل مايجمعني بك اكتشف فيك شي جديد
ابتسم وجلس جنبها /انا عن نفسي اشكر القدر اللي جمعني فيك.
/تدري ثامر تصورت قبل زواجنا ان الحب ماله علاقه بحياتناو بعد ماحبيتك وتعلقت فيك توقعته بيمر بحالات فتور من وقت لوقت بعد مايجينا عيال وننشغل معهم بس اكتشفت اني كنت غلطانه حبك بقلبي كل ماله يكبر لدرجه احس اني احس بتشبع ...
يقاطعها/لا تكفين لاتحسين بهالاحساس اخاف بعد التشبع ينقص
بجديه/الله لايقوله
قام يلبس وصد لها /لحد سألك من وين جايبه هالخاتم قولي حبيبي يقول مافيه مثله إلا اثنين واحد لديانا واختفى بعد وفاتها والثاني لي
ضحكت وطيرت له بوسه رجع بس هي سبقته وطلعت تصحي عيالها وتلبسهم













________________
؛،.»بيت أبوهيثـم«.،:صحى من ساعه بدل ولبس وتكشخ وطلع عند بشاير يعايدها بالعاده هي اللي تجي تعايده توقعها مشغوله لقى الباب مفتوح وشافها تمشط شعر
شعر تركي
بفرح/تروكي هنا
صدت ودفته برا استغرب/طيب عطيني ولدي اول واطلع
/طيب بس انتظر لحد مايلبس
/بسرعه ماني بنازل إلا وهو معي
وقف عند الباب وطقه بعد ماقفلته بشاير عنه/بشور يالله
/لحظه
/بعد لـ3
/انزل عايد امي وبجيبه انا
/لا
فتحت الباب ودخل شاف تروكي بالثوب والطاقيه والدقله شاله وبوسه بفرح وصد بيطلع بس بشاير نادته/لحظه هيثم ..تروكي ماما وش قالتلك
تذكر ولف يدينه على رقبة ابوه وباسه بقوه/ماما تقول بوث بابا لي .
ضحكوا سوا ونزل هيثم وولده تحت اما هي راحت لجوالها بفرح من ثواني وصلها مسج بس مافتحته لان هيثم عندها تحس انه من احمد ...
((وين اودي تهاني فرحةالعيد
من يبادلني الفرحه تهاني..
جيت ادور سلام ولا لقيت ايد
لابس ثوب عيدي ولاكساني..
قالوا بعيد قلت اي والله بعيد
زين كانه بعيد وما نساني..))
تنهدت بفرح ونزلت تعايد اهلها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 143
قديم(ـة) 16-12-2008, 08:03 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


________________
؛،.» بيت مــازن «.،:... طلع فوق سيده ودخل الدرينسج روم كانت تضيف لمسات اخيره لمكياجها وقف يطالعها شافته في المرايه وابتسمت ثواني وقامت له تقدم وتقابلوا جن بشكلها وريحة عطرها والاهم لبسها ماكان نفسه اللي شراه هو وياها


ابتسمت طالعها بحب جارف وضمها متجاهل يدها اللي مدتها لسلام ثم رفع راسها وباسها على خدينها وشفايفها ومسك رقبتها ومرر اصبعه برقه على العقد اللي لابسته (هديته لها طلع لصلاه وتركه على علبه مكياجها)





رفعت يدها وطلعت صوت باصبعينها الابهام والوسطى قدام عيونه غمض رجعت لدولابها وطلعت علبه وخذت محتواها ومسكت يده فكت ساعته ولبسته ساعه جديده




ثم قربت منه وهمست/ عيدك مبارك
فتح عيونه وطالع الساعه اعجبته مره رفع عيونه لعيونها وغمز لها/كل عام وانتي بخير
ابتسمت ورفعت يده وحطت فيها سبحه




قرب وباس خدها
وانزلوا تحت لان بشاير دقت لهم بتجي ...

















________________
؛،.» بيت معتـــز «.،:رجع معتز وطلع فوق حصل ميهاف تحط مناكير قرب منها من دون ماتحس وهمس/عيدك مبارك
صدت له ووقفت ابتسمت وباست خده الايمن/وانت من عواده
/وهذا
يأشر على خده الايسر ضحكت وباسته /كل عام وانت ا ا ا ا ا حبيبي وروحي وقلبي
ضحك ومسك يدها ومشى بتعجب /وين
/قريب
نزلوا لصاله ووقف قبال الطاوله بوسط الصاله عليها باقه ورد احمر







وفيه علبه وكرت ابتسمت وفتحت العلبه كانت ساعه



شافتها يوم كانت في السوق من اسبوع بس ماخذتها لان معتز قال مامعه قيمتها وشراها في ذاك اليوم وخباها لهالمناسبه ..
شهقت بفرح وفكتها من العلبه ولبسها معتز وطالعتها بوناسه على يدها وخذت الكرت
(لاتنسين تشكرين صاحب الهديه ... واشكريه بضميييير)
/ههههههه ..طيب وش اسواة الحين ماعندي ضمير
ضحك ولف يدها وراها
/امزح امزح
فكها صدت وقربت منه بضمير و .................................................. .................................................. ..........


______________
الساعـــــــ 8‎‏ ــــــه
_____________________
... تجمعت العائله في بيت ابو ثامر اولآ لوجود ابو محسن هناك وثانيا لان ريناد في الاربعين
... وبدت اجوا العيد جمعه و معايدات وحلاوى








وفطور دسم والوناسه كلها
طلعت ميهاف وريماس عند معتز وخالهم ومازن في المجلس



بعد ماطلع بقيه الرجال اللي يعيد اصحابه واللي يعيد جيرانه
وجلسوا إلى ان اذن الظهر طلعوا الشباب يصلون و يروحون لستراحه واحد من ربعهم ....
والبنات انضموا للبقيه جلست ريماس جنب سمر
سمر بصوت واطي/وين كنتي
/عند خالي ومازن و..
تقاطعها/المهم اسمعي مهند ارسل لي...
تقاطعها/رساله
/مهبوله انتي ..ارسل حلاوى جلكسي مع يارا
ببرود/با ا ا ا ا س
/اشرهه على اللي يعلمكم بشي
/من حنا
/انتي والبايخه بشور
/هههه ليه
/تقول عطيني اكلها
بدهشه/مرسل حبه وحده
بفرح /لا 5
بسخريه/يعني عاد كثرتيهم
بقهر/اقول كولي تراب احسن لك بس ...






















?????????????????
?? مر شهر 10 وبدا شهر ??
??11 والجميع في ترقب ??
??ميهاف ومعتز ينتظرون ??
??نتيجه تحليل ميهاف ... ??
??سمر حاتم الجده هند ??
??نواف وبقية العائله ??
??ينتظرون رجوع الغايب ??
??الحاضر من سفره ... ??
??العنود تنتظر بفارغ ??
??الصبر طفل جديد ينظم ??
??لعائلتها حاتم وهند ??
??ينتظرون اراده الله تنفذ ??
??مازن وريماس يقفون ??
??وقفةالمتفرج في سخب ??
??هذه الاحداث .... ??
?????????????????
... رجع من الدوام راسه يعوره رمى غترته وطلع ينام
كانت في المطبخ استغربت تأخره شافت الساعه بالعاده يكون وصل من¼ ساعه ولو بيتأخر يدق يارب وينه تذكرت ان جوالها في الصاله طلعت تدق له شافت غترته في معناها وصل ...دق جوالها خذته كان خالها
/هلا خالي
/بالمهلي وينك 3 مره ادق.
/ماسمعته
/كيفه المزيون؟
بخوف/ليش وش فيه؟
/مافيه شي بس صداع وصلته لبابكم من شوي مابعد شفتيه
/لا كنت في المطبخ تباطيته طلعت بدق له لقيت غترته
/تطمني هو بخير بس تلاقينه طلع ينام
/زين خالي بروح اشوفه
/ طمنيني عليه
/ان شاء الله باي
سكرت وطلعت فوق دخلت بهدؤ كان منسدح على السرير وحاط يده على راسه جلست على جنب ومسكت يده ونزلتها فتح عيونه كان مبين على ملامحه التعب
بهمس/اجيب لك مسكن؟
هز راسه بالرفض
قامت /اكلت
يعرفها بتروح تجيب وغصب عنه ياكل صدت له /اكيد
هز راسه بالموافقه
رقت على السرير وتخطته وانسدحت جنبه سحبت اللحاف وغطته جلست عنده الى ان استرخت ملامحه ونام قامت بهدؤ و انزلت جلست في الصاله ثم قامت للمطبخ مالقت شي تسويه نزلت للقبو و راحت لنافوره شافت الورد اللي منثور فيها تذكرت يوم سهروا هنا من 3ايام جلسوا عند النافوره ودخلوا في الغرفه ورقصوا ثم طلع معها جابو عصير ومكسرات وجلسوا في المنصه"اللي فيها جلسه شعبيه"
افتحت النافوره وجلست عندها شوي ثم دخلت دسكو مازن وضحكت على التناقض في الديكور<الارضيه رخام و السقف والجدران ديكورقديم>
تذكرت انه قال انهم مخطط يحطها غرفه تراثيه بس معتز واحمد قالوا للعمال يحطون ارضيتها رخام وشروا لها هالكراسي وتركها مثل ماهي لانها جازت له بعدين
ماحست الا بأذان العصر طلعت فوق عند مازن حصلته نايم جلست ومسكت يده فتح عيونه ارتاحت دامه ابتسم اكيد خف صداعه/هاه كيفك الحين؟
/احسن الحمد لله ..
/الحمد لله ..طيب قم عشان تصلي اذن العصر
قامت وساعدته /اجهز لك شي
/لا حطي الغدا ميت جوع
/على هالعوج
ابتسم وراح يتسبح عشان يتنشط وهي صلت ونزلت جهزت الغدا وجلست ...نزل رفعت راسها له كان مروق يارب ان تخليه لي ولهله وان تحفظه وتعطيه على قد نيته
جلس جنبها /متى حسيت بالصداع؟
/في الدوام ماقاومت الالم ونمت في المكتب
تغدوا وجابت الحلى والعصير خذت الشوكه تأكله/ خالي يسلم عليك دق يتطمن عليك بس كنت نايم
/الله يسلمه تصدقين كان بيشيلني غصب يوم رفضت اروح للمستشفى
/من وشو؟
بشك/الصداع
هزت راسها بالموافقه
/خمه
/من دون سبب
/إلا فيه سبب بس منتي بمصدقتني
/إلا بصدق قول
ابتسم/منك ومن خالك
ابتسمت تدري انهم ظاغطين عليه هالشهر .... من مسوي الحلى
/انا حلو
/يهوس
/لاجد
/اي والله بس اي حلى تقصدين
/هو كله حلى واحد
/انتي تقصدين هذا!
واشر براسه على الحلى اللي قدامه
متعجبه/ايه اجل وشو؟
/ايه احسبك تقصدين هذا!
ويأشر على لسانها
/هههههههه
/ارحميني
/من ايش؟
/من نعومتك
/هههههههههه
بجديه/تعذبيني تراك!
/مازن لاتقول كذا انا اذبح اللي يعذبك كيف لو انا اللي اعذبك
/من هذا خفي علي
عطته قطعه حلى /يارب اخاف يجيني السكر.
باستنكار/ليش
/الحلو يأكلني حلو!
/لا تطمن انا احرص منك على صحتك.
/يابعد عمري انتي
دق التليفون كان خالها يقول بيمرهم
/ريمو وش قالت غدي على رقمك
/يااااي طلع من فمك غبار
ضحك/ماقلتيلي
/اعجبها الرقم وقالت ابي رديفه قلت هذا رديف مازن
/قولي تشترين؟
/بتبيع
/لو بحصل مبلغ محترم ليش لا
/إذا صادق بعه لبشاير
/اش معنى
/معجبها الرقم مره
/تحلم
سمعت الجرس طلع مازن يفتح وهي شالت العصير



و جابت القهوه وحلى




شافت نواف سلمت عليه وعلى خالها/خالي ليش ماجبتهم معك
/هند مشغوله وسمر نايمه وامي ماقلتلها ان مازن تعبان
صد لمازن/هند تسلم عليك وتقول مايشوف شر
/مايجيها
/وشلونك الحين؟
/لا احسن
/تصدق لو ماكنت راحمك اليوم لاسحبك للمستشفى
/الحمد لله ان ربي نزل بقلبك الرحمه
تقهووا وكملوا سوالف وطلعت ريماس تبدل عشان تروح معهم عند ام مازن ..
قام نواف بيناديها لانها ابطت
مازن شافه ناوي يرقى لها/هيه يالاخو وين مدرعم !
ببراءه/بنادي ريمو
/لا اجلس ياطويل العمر مانبي نتعبك
قام يضحك حاتم لان من تزوج مازن وهو رافض رفض بات ان احد يطلع لدور الثاني على قولته منطقه محميه حتى سمر لاجت عند ريماس يجلسون في غرفه الضيوف او المجلس
حاتم/اقول مازن وش قررت على شركة ريماس؟
/امرها من فتره لفتره
/بس ..هذا اللي ربي قدرك عليه!
/ياخالي مقدر اديرها لحالي
/ليه ماتعرف!
/مو مسأله مااعرف بس هي كبيره من وين لي خبره اديرها ولابعد عقود خارجيه وضمانات ومسأوليه ماني بقدها
/بس ريماس ماتثق إلا فيك وانا لو دارس اداره والله مااخليها معاد الا تكمل سنه تحت ادارة غيرنا...
شافوا ريماس نازله سكتوا و راحوا لبيت ابو هيثم ....

________________

‏ ‏xxx ‎‏ الشركــــه xxx
... كان جالس يصور اوراق
عند ابوه
/مازن خلصت
/لا دقيقه
/طيب لاخلصت مر مكتب بشار (البناني=نائب حاتم في اداره المشاريع)يخلص هالاوراق وعط هالملف لخالك
جاه مسج بس مافتحه وبعد ماعطى بشار الاوراق مر خاله وعطاه الملف وراح لمكتبه فتح المسج كان من ريماس(بروح لبيت خالي مع جدتي ويمكن انام هناك)
يارب شفيها هالريمو كله عشاني رفضت انها تشتغل بس انا صادق وش لها بعوار الراس وهي مو محتاجه لفلوس الشغل... دق لها
/زين تكرمت علينا
/من بيوديك؟
/سواق جدتي
/لاتتأخرين
/مازن بنـــ
بندفاع/لا تكملين بنتظرك قبل المغرب
/زين محد هناك يجيبني وإلا عادي اجي مع السواق
انقهر هو وين راح يوم تقول مافيه احد/دقي علي لاخلصتي
بسخريه/خاف اعطلك
/مع السلامه
سكر الخط وضحكت على حركته !
...... ...... ...... ...... ......


: : : : : : : : : : : :
: : بعـــد اسبــــوع : :
: : العصـــــــــر : :
: : : : : : : : : : : :
... دخل مازن مستعجل بياخذ شريط الفديو حق زواجهم(اللي صوره مهند) لواحد من ربعه جابه ونزل ماشاف ريماس توقعها عند امه لكن وهو طالع شاف جوالها في الصاله راح للمطبخ مالقاها طار فوق اكيد عند عصافير الحب حقتها فتح الباب لقاها جالسه على الملاهي وعلى رجلينها اللاب توب جا وجلس عندها شافها تصفح موقع/هالموقع انا اشارك فيه
صدت له باهتمام/من متى؟
/من زمان ليش؟
/انا بعد كانت اشارك فيه قبل مااتزوج
/صدق
/ايه
/وش لقبك؟
/(الحزينه في عشق الرحيل)
بصدمه/انتي
خافت انها كانت تسوي شي غلط او حاجه/...
/من كنتي تتكلمين معه؟
/مع بنات؟
يستدرجها/تعرفين الطايشه
/ايه مره روعه
/وحنين الذكريات
/بعد حلو
/و ياناس احبها؟
/بعد هذا... كتاباته روعه
/تكلمينه؟
هزت راسها بالموافقه
/متواصله معهم
/لا من تزوجت مادخلت الا اتصفح
/انت تشارك للحين؟
/ايه
/ وش لقبك؟
/ياناس احبها
انصدمت /انت؟
/ايه ..
ابتسم/ مصدومه ...انا بعد مااصدق والله ماكانت ادخل ادور إلا هالحزينه كل يوم اقول بلقاها بس طلعت الحزينه عندي وحزينه بعد ....
ابتسمت
/ريمو زعلانه للحين؟
/لا
حط يده تحت ذقنها ومسكها ولف وجهها له/نطلع لامي؟
هزت راسها بلا
/اوصلك خالك؟
هزت راسها بلا
/نطلع نتمشى؟
هزت راسها بلا
/تعبانه؟
/لا
/وشفيك اجل إذا على الوظيفه خلاص بكيفك انا ماكنت ارفض الا عشانها تعب عليك وإذا مصره كيفك ..
/مازن انا ماكنت ابي الوظيفه بس انت طول الوقت برا و تاركني وحدي ..
/ادري اني مقصر معك بس انتي آمري؟
/ماعندي شي بس اول القى الوناسه والفله إذا تجمعنا انا وسمر مع البنات او سهرنا مع بعض حنا واحمد وخالي وهند بس الحين ماالقى هالوناسه ..
قام وخذ اللاب توب من يدها ونزله مكانه ونزلوا يتمشون تحت/ريمو
/لبيه
/مو معقوله طفشك لاني اتركك لحالك
/إلا هذا السبب انت صاير ماتدخل البيت الا تبدل اوتاكل اوتنام
شهق/ ياكبرها عند ربك
ضحكت
/انا متاكد ان هذا مو سبب ضيقتك هذا سبب خوفك يالخوافه
/انا اخاف
يضحك/ايه اجل كبر جدتي و تخافين للحين
/انا مااخاف الا فليل في النهار عادي اطلع على راحتك عندي بشور تجي باي وقت وانا اروح لهم ..
/عشان مااكذب عليك ماراح اوعدك بس اللي اقدر اقوله اني بحاول مااتأخر عليك ..
/بنشوف ....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 144
قديم(ـة) 16-12-2008, 08:04 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


==================
====================
افتخــر انك حبيبـــي..
وانك الحـب الحقيقـي..
يكفي انـي لا ذكرتــك..
انسى احزاني وضيقي..
====================
==================








? ? ? ? ? ? ? ? ? ? ?

... الــساعــ ¼10ص ــه ...
/اوف مزون هذا وينه ؟
/وش تبغى فيه!
/كنت ببشره بس مايستاهل
بتعجب/كنت بتبشره قبل امي وامك!
/تصدقين لو اني عارف النتيجه قبلك ماقلت لك قبله..
/اوف كل هذا غلا..
/واكثر هذا المزيون
/زين حبيبي نزلني عند امي
/صار
راحوا لها نزلها ورجع لشركه وهي دخلت شافت امها في الصاله/هلا وغلا
ضحكت حبت راس امها/هلا بك
وشلونك يمه
/بخير الحمد لله ..بتغدين عندنا
/ان شاء الله انا ومعتز
/الله يحيكم
/ماسألتيني وش المناسبه؟
مستغربه /تبون على بيتنا مناسبه
/يعني
/خير ان شاء الله
بخجل /فيه حفيد بطريق
/داريه
/مهوب لمازن!
/ادري لابو ندى
بحباط/من قالك؟
/تراني جايبه4 مهوب واحد !
/خساره يعني كنتي عارفه
/قبلكم .. الله يوفقك ويسهل عليك
/آمين ...بشور مداومه
/ايه
/طيب وش بتغدينا؟
/كل خير
قامت امها ولحقتها ودخلوا المطبخ صدت وشافتها داخله/ارجعي لصاله
/ليش
/انا حلفت ان تطلعين
/بجلس ماني بمسويه شي
ريمان/ماما ميهاف هامل
ام هيثم ضحكت لانها ماتطلع من المطبخ الا ريناد عشانها حامل/ايه
قربت من ميهاف ومسكت يدها بحراره/ماشاء الله مبروك مدام
ميهاف/افا ليش ماتقولين ميهاف؟
امها/ماعليك منها اطلعي عند التليفون بيدق احمد لادق صيحي لي
/صرفيني بس ...
ابتسمت امها وهي طلعت فوق صحت ريناد وبشرتها وارسلت لبشاير
ثم نزلت عند امها في الصاله وجلست عندها /يمه وين مازن
/ ماخذ اجازه
/اها
/تبينه؟
/لا بس معتز يدوره يقول بيبشره ولقى جواله مقفل بس وش عنده عسى ماشر
/مافيه الا العافيه بس ابوك يقول ان له فتره يبي اجازه وعطاه اياها امس ومرني الصباح هو وريماس افطروا هنا ثمن سلموا وطلعوا ..
/الله يستر عليهم
/آمين ...





¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛

؛،.»بيت أبوهيثـمـ«.،:... اول مره تجي من الجامعه مستانسه كذا دخلت تركض
رمت اغراضها على الكنب وراحت للمطبخ /يمه وين هيوف؟
صدت لها/اليوم وين حبه الراس!
قدمت وحبت راس امها/يمه وينها؟
/فوق
طلعت وطارت لها لقتها منسدحه في الصاله عندها ريناد قامت يوم شافت بشاير حضنتها بشاير بفرح/مبروك ياقلبي تستاهلين ..اخير بصير خاله
/هههه الله يبارك فيك حتى انا مو مصدقه بس الحمد لله
ريناد/قلتي لسمر
/ايه قرينا الرساله سوا
دق جوال بشاير بمسج
/يالله بروح اغير واجيكم
بدلت ودخلت توضا ثم طلعت سمعت صوت مسج جديد اكيد هذي سمور تبي شي وارسلت مره ثانيه تحسبني سافهتها ماتدري اني مافتحتها للحين خذته شافت المسجين وابتسمت بفرح/الله يخليك لي نادت لها ميهاف ارتبكت خافت تجي وتشوف المسج نزلت معهم وجلست في الصاله اما ريناد وميهاف راحوا للمقلط يتغدون مع الرجال مافيه الا ازواجهم وحاتم وابو محسن وابو هيثم وامه ...
معتز/اقول عمي الاجازات لناس عن ناس ..
/لا وانا ابوك بس ابو معاذ له فتره يبي هالاجازه وكل اسبوع اقول الثاني وراح لابوك وتمم له
حاتم/شفت عاد اشرهه على ابوك
هيثم بتعجب/طيب ماقال لاحد
ابوه /عمك موصيه
معتز/محد قده
ميهاف/اذكر الله علي اخوي
معتز/ترا اختي معه
ام هيثم/الله يستر عليهم
ريناد/ دامنك غاير ليش ماتسافر بعد انت
معتز/لا انا بجلس انتظر ولي العهد إلى ان يوصل
حاتم/بتنتظر واجد
معتز/بعد بانتظر
... بعد الغدا مشى حاتم ومعتز ونام البقيه عدا ميهاف وريناد كانوا في الصاله تحت...











ــــ ــــ ــــ ــــ ــــ ــــ

? الثـ?ـمـ?ـا مـ?ــ?ـه ?
(فانتزي لاند)
????????????
.. وقفت تطالع البحيره والاطفال وتتامل الفرحه بعيونهم سندت على كتفها كانت لابسه فستان ابيض




ومو حاطه شي غير كحل ولابسه سلسال اكل عليه الزمان وشرب ...
جا ووقف جنبها من دون يطالعها/توني ادري القمر يطلع العصر
انتبهت له وابتسمت/هو يطلع بس الشمس ماتعطيه فرصه تقول نورها يكفي
/غلطانه الناس تجلس وتتأمل وتستمتع وتفكر وتسرح تحت نوره بعكس الشمس!
/ولو هي الاساس
/بس لو ماكان فيه قمر اكيد مابيكون فيه شمس لانها حاره وتحب المنافسه
/....
لف لها وضحكوا
/مازن
/لبيه
/تذكر يوم كنا صغار
ضحك/ايه
/تذكر يوم نومت في المستشفى قبل مااترك الرياض
/ايه
/تذكر يوم جيتني في المستشفى
/ايه وجبت لك سلسال
/ايوه جبت سلسال وورده
/ايه اذكر
/من وين جبت الورده؟
/مشلحها من حديقه المستشفى
تمثل الصدمه/يعني حرام
/اسكتي بس من سمعك قال السلسال حلال
/هههههه يعني سارقه
/لا شاريه بس فلوسه سارقها انا ومعتز من عند سليموه(صاحب البقاله)
/وانا محتفظه به طول هالسنين وطلع حرام
بتعجب/عندك للحين!
/ايه
مسكت الحلقه من على صدرها ورفعتها له
ماصدق مسكه/والله عندي ذوق وانا نتفه
ضحكوا/طيب ليش احتفظتي به
/مدري بس يمكن لاني كنت اميل لك.
/وراك جايبتها من بعيد ياجحا قولي لاني احبك
/هههه وانت كنت تحبني
/عادي بس وش رايك نطلع!
دفته وقام يضحك/ايه احبك وإلى الحين ..ارتحتي يالله ..
‏ ‏/O.k
لبست عبايتها وطلعوا يتمشون جلسوا على المسطحات كان الجو حلو استمتعت فيه مره
/مازن خلنا نمشي،
/يالله بس وين؟
/نروح لذيك المحلات
قاموا مسكت يده/تدرين ودي ارميك في البحيره
بصدمه/ليش؟
/فرحان ودي اصرخ ودي اطير واخذك لمكان ما فيه الا انا وانتي
/طيب خلنا نسبح
بصدمه/وين
/هنا
/انتي خبلا
/لا ريماس ههههه
ضحك وضمها دفته/انت الخبل لو مسكوك الامن على هالحركات سووا لنا حظر تجول
/هههههههههههههههه
... وقفوا عند اللعاب الحظ واصرت يلعبون بس مازن سحبها غصب ومشوا ..
بقهر/ليش؟
/المشايخ يقولون قمار!
/طيب ندخل هنا
/يالله ادخلي ...
دخلوا محل اكسسوارات خذت قلم وبوك وطلعوا
جلسوا على الكراسي يسولفون إلى ان اذن المغرب دخلت ريماس الشاليه ومازن صلى جماعه مع شباب فارشين فراش ويصلون عليه خلصوا وسلم عليهم كان بيرجع لريماس بس اصروا يجلس وجلس معهم وتقهوا ثم شكرهم ورجع لريماس ...
دخل كانت جالسه تسولف على خالها حطت على المايك وسولفوا معه سوا
سكرت منه/مازن كلمت ابوك؟
/كلمته ورفض
بصدمه/مستحيل
/وشهو
/ان ابوك يرفض
/رفض وخلصنا
تنهدت ودقت على خالها
/هلا قلبي
/خالي انا قررت ابيع شركتي
بدهشه/ليـــــش!
بقهر/محد فيكم راضي يمسكها
وانا احس كل مالها تخسر ماكانت كذا من قبل ولاتبوني امسكها انا
خذاه مازن من يدها
حاتم/ياقلبي بقنع المزيون و..
/مازن يتحدث.
/انت ليش تبكيها تدري اني تحسفت اني مابشرتها قبلك
/خلاص خلاص اقلب وجهك بتفاهم معها ...
سكر/حبيبي ليش هالدموع انا هنا
قامت/بايخ
مسكها وقام معها ودخلوا في غرفه النوم جلس وجلسها جنبه
/شوفي اناكنت امس وقبل امس بشركتك وشفت الاوراق والمناقصات والعقود وتقريبا تقريبا وافقت استلمها واديرها
بفرح/تتكلم جد؟
/ايه بس فيه مشكله
/ابوك؟
/لا ...انتي
بدهشه/انا
/ايه
/خير
/تنفذين شروطي
/آمر
/اول شي اوظف بدر نائب عني
/موافقه
/و ...
/انا موافقه على كل اللي تبيه انا ماصدقت احد يمسكها و اثق فيه
/طيب فيه شي ثاني
/مابي اسمع شي سو اللي تبي تسويه اهم شي تبدا تداوم هناك ...
/على هالعوج
/متى تبدأ تداوم
/داومت من يومين
بفرح/صدق
/ايه
/يابعد عمري
تذكرت/تعال عشان كذا ماخذ اجازه وجاي تلعب على احسابي
/وليش على حسابك إذا ناسيه اذكرك الشركه بأسم مازن بن تركي
ابتسمت/لحقت تدري
/ايه اجل وشله جايبك هنا إلا عشان ابرد كبدي فيك
/ليش؟
/اول شي ليش ماشاورتيني ثانيا متى رحتي تنقلين الملكيه ثالثا ليش مااخذتي اذني إذا تطلعين او لا
/اولا وثانيا وثالثا خالي هو اللي سوا هذا كله
ضحك/يعني التهم باطله
/هههه ايه باطله
/طيب كم راتبي
/الشركه بأسمك وتسأل عن راتبك؟
/لاهالحركه تقردنوني بها بس خلينا في السليم ..
/كم تبي؟
/انتي كريمه وانا استاهل
/كم تتوقع؟
/اتوقع مبلغ كبر حبي لك.
/لا ياقلبي هذي فلوس مو لعب عيال ..يكفيك7000 ..
/لا
/000 10
/لا
/12 وهذا آخر كلام
ضحك/والله انك كريمه بس كم كان ياخذ اللي قبلي
/9000
/خلاص باخذ000 10
... ... ...... ... ...





""""""""""""""""""""""

صحت الساعه11 ولبست بنطلون ابيض وبادي ابيض ولابسه سلسال بني طويل لافته ثلاث لفات وحزام من نفس لون السلسال








وحطت ميك اب وطلعت لصاله تكلم جدتها لكن مالقتها كلمت نواف ثم سكرت وجلست تلعب في جوالها لعبة "من سيربح المليون"
(على فكره هاللعبه روعه بصراحه للحين مالعبتها لكن مطيره عقل وحده من معارفي تقول فلـلـلـلـله) ...
بعد ½ قامت بتصحي مازن لانها طفشــت لحالها دخلت لقته يلبس ساعته ولابس تيشيرت اسود وبنطلونه كحلي
ابتسمت/صباح الخير
/هلا صباح الورد
بعد ماانتهى تعطر وصد لها /....
/ههههه اشفيك؟
استخف على شكلها في الابيض معطيها اصغر من عمرها/انتي مين؟
حركت شفايفها يمين ويسار لان مازن ناوي يعيد اسطوانه كل مره يشوفها كاشخه بطفش/انا قدرك..
ضحك/اسم الله علي لاتفاولين علي تبين قدري كذا مكشر ..
ضحكت/احسن
/احسن احسن
طلع يجيب فطور ....











: : : : : : : : : : : :

الجد بشفقه /وانا ابوك انت من تبي واروح اخطب لك انا
ابو ثامر/يبي بنت خاله
الجد/بنت خالد
مهند بفرح/إيه
الجد /ونعم والله
صد لابوه/هاه يبه
نزل ثامر وضحك /انت تشحذ للحين
بأمل/ايه وبشحذ إلين يوافق
ابوه/بكلم خالك بس ماصاير لاخطبه ولاغيرها لين يرجع اخوها بالسلامه.
طمر بفرح وحب راس ابوه وامه وشال نوف بنت ريناد وطيرها في الهوا صرخت ريناد وقامت تاخذها منه
/فرحـــــــا ا ا ا ا ن
ريناد/فرحان رح العب برا لااشوفك قارب من بنتي
وبعدين من سمعك قال بكره عرسه ...كل هالفرحه ومابعد صار شي
قوم جده غصب يرقصه بس جده قام يطقه بعصاه لانه سحبه بقوه على غفله وطار
برا ...
ثامر/ياهوه تعال للغدا
بفرح/شبعت
(يتغدا مهند وثامر سوا لانهم يتأخرون)
طلع وتركهم الكل فرح لفرحته واستانس له
امه بحنيه/ ياحليله هالمهند يستاهل كل خير ..
ابوه/قلبه قلب طير
ثامر/يبه متى بتكلم خالي؟ ابوه/بكره في الدوام ان شاء الله
والعصر دق هيثم لريناد خذت بنتها وطلعت اما تركي ولدها مرابط عند بشاير من جت اخته لان بشاير صايره تهتم فيه وفي اكله ولبسه حتى ينام عندها احيانا كل هذا مو لانه مايحب اخته بالعكس صاير يستانس لاشافها قايمه يسولف عليها ويضحكها .....











°°°°°°°°°°°°°°°°°°
بعد المغرب
... جالسه بطفش ميهاف عند خالتها وريماس في الثمامه وريناد لاهيه مع بنتها بس السبب الحقيقي لطفشها هو احمد!.... له فتره قاطع ماعاد يرسل خافت يكون مل لانها ماترد مع انه ارسل لها من قبل انه مايجبرها ترد بس هالفتره توقفت مسجاته وهي
تعودت عليها صبح ومسى له اسبوع تفكر تسأل عنه بمسج لكن سرعان ماتراجع ماتحب احد يمسك عليها الزله ....
نزلت تحت عند امها وريناد
شافت تركي منسدح يلون دفتر فيه رسومات جايبته له ميهاف وجايبه معه الوان
جلست عنده/تروكي وش هذا
تأشر على الرسمه اللي يلونها
/انب"ارنب"
تاشر للقلم اللي في يده../وش هاللون؟
/احمل "احمر"
بكت نوف وقامت لها بشاير لان امها في المطبخ وجابتها عند تركي اللي رمى الوانه وجلس عندهم يطالعها مد اصبعه يبي يمسك عدست عينها ومسكت يده بشاير/وش بتسوي؟
/بشوف هذا؟
/لا حرام بعدين تفقع عينها و ماتشوف ..
/....."يحاول يفهم"
/انت تعرف اسمها؟
بثقه/ايه
/وشهو
/اوف"نوف"
/بطل ..طيب انت تحبها
/ايه
/ليش
بدهشه من سؤالها/احتي
"اختي"
ضحكت على قهره من سؤالها مسكته وباسته بقوه/الله ينور
قلبك
جلست امها جايه من الحوش/بشاير عطيني بنتي
/قصدك سميتك.
عطتها امها وراحت عند ريناد في المطبخ تسولف معها"لان ريناد عليها العشا"

???
?????
???????
... مر اسبوع ممل بالنسبه لسمر ملت الانتظار احمد من اسبوع وشوي كلمها وقالها انه بيجي بعد اسبوعين وهذي هي تعد الدقايق لشوفة اخوها وحبيبها وناسها كلهم لها قرابه 3شهور مو شايفته
دق جوالها في الصاله وهي في المطبخ ورد نواف
الو
/هلا ..نواف
ايه ام زيزو
/ايه ..حبيبي وين سمر
في المطبخ
/نادها بسرعه
ركض وعطاها الجوال وردت بعد ماتهاوشت معه لانه متعود يرد كأنه جواله/هلا عنوده
بفرح /هلابك سمور ابشرك انا حامل
صرخت بفرح/صـــــــدق
/ايه
/رايحه للمستشفى؟
/ايه وتوني واصله بشرت عمتي وطلعت اصلي شكر ثم دقيت لك
/ياحبي لك مبروك ياقلبي وتستاهلين كل خير.. عرف ثامر
/ايه هو اللي موديني
/كيف كانت ردت فعله؟
/ماصدق بصراحه حسبت الحمل عنده عادي بس بغى يطير من الفرح
/في اي شهر
/توه3 اسابيع
/يالله تستاهلين بروح ابشر جدتي
/زين بدق لعمي وريمو
/لا انا بدق لريمو دقي انتي لحماده بيطير من الفرح
‏ ‏/O.k‏ باي
سكرت وطلعت لجدتها تبشرها فرحت لها ودعت لها بالذريه الصالحه... ثم دقت لريماس
/الو
ريماس/هلا وغلا
/بالمهلي معي لك بشاره
/خير بشري
/العنود حامل
بفرح/صــدق من قالك؟
/هي
/مبـــــروك الله يوفقها
/آمين ..وبشاره ثانيه
تضحك/هاتيها
/حماده بيوصل بعد 4ايام يانا مشتاقه له
/مو انتي لحالك
/متى قالك انه جاي؟
/من 9ايام
/طيب بتطولون انتم؟
/يمكن بعد 3ايام
/الله يستر عليكم زين بروح ارد على الثابت اكيد بشاير
/ليش محد عنده غيرك؟
/إلا فيه نواف بس لوه جوالي رد!
/هههههه
/باي
ريماس/لو كانت بشور سلميلي عليها وقوليها افرح ياعم
/ياحليلها بغت تستخف ذاك اليوم يوم قلتلها انه بيجي
/الله يوفقهم
/امين باي....
/باي

¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 145
قديم(ـة) 16-12-2008, 08:05 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


الثمـــــامــــــــــه
... الساعـــــه11مكانوا يتمشون عند البحيره ضحكت وصد لها مازن /وش فيك؟
/ههه تذكرت معتز يوم كان بيغرقك بفرنسا
ضحك/ تصدقين من فتره دقوا الشباب لمعتز وحنا في المزرعه ..
بتعجب/ معكم ارقامهم!
/ايه
.................................................. .................................................. .................................................. .................................................. ............................
##فرنــســــــــــا##
... كانوا راكبين هم ومعتز وميهاف مع مرشد سياحي في سفينه لجزيره من جزر فرنسا





وبعد ماوصلوا انظموا لقروب مع المرشد في الجزيره قرابه 4 ساعات بعدين جلسوا على الشاطئ نزل مازن ومعتز مع شباب اردنين تعرفوا عليهم في السفينه وزوجات الشباب جلسوا عند ميهاف وريماس قبال الشاطئ
ريماس/ لين زوجك واخوك سباحين؟
ضحكت/يعني وليه السؤال!
/عشان يحطوا بالهم على ازواجنا
ضحكت /ليش مابيعرفوا يسبحوا
/إلا بس حدهم مسبح بركه
ضحكت ميهاف....
لين /هاي اول مره تيجو هالمكان
ريماس/لاجيت هنا قبل ...ليش اختك ماتتكلم!
/ههه ماهي اختك ماتتكلم وبعدين هي منها اختي بنت خالتي و مرت اخوي
ميهاف/ريتا لاتتكلمين معهم
ريتا/طيب اومي نمشي
قاموا وريماس ولين يضحكووووون عليهم ...
... ... ... ... ... ... ... ... ...
رجعوا ومعهم عصير وجلسوا
لين/من وين العصير؟
ريتا/عاملين بوفيه
ريماس/وليش ماجبتوا لنا
ريتا/كل واحد بيجيب لنفسه ماهيك ميهاف
/تعجبيني
دقايق وصلت موظفه تابعه للبوفيه معها عصير وسلطات خذوا منه وكملو سوالف
... ... ... ... ... ... ... ... ...
داخل البحر معتز وهاني وشريف يغرقون مازن بس انفك منهم ودف هاني وطاح وراح بعيد عنهم ولحقه معتز مسكه مازن وتطارحوا
كانوا البنات يطالعونهم من بعيد ويضحكون
لين صدت لريماس/وين اخوك ووين زوجك؟
/اخوي لابس تيشيرت اسود وزوجي لابس تيشيرت زيتي
ريتا/انا زوجي لابس تيشيرت اصفر اسمه هاني وهاي "تأشر" خيي شريف زوج لين
ميهاف/وهاي شهر عسلكن
/بئيته لانا كنا بايطاليا وصلنا هون من يومين بس
ريماس/احنا كنا بلندن ووصلنا من 5ايام
لين/بطولوا هون؟
ميهاف/لايمكن 3ايام ونرجع لسعوديه
ريتا/من وين من السعوديه
/من الرياض
/بتسدئي كنا السنه الماضيه بالرياض ثم سافرنا لمكه والمدينه
ريماس/وش كنتوا تبغون في الرياض
/عند خيي مراجعات في المستشفى وكمان نتمشى الاسواق كتير حلوه
ريماس بشك/ريتا امك لبنانيه
ضحكت لين/لا اردنيه بس هي درست تقريبا نصف دراستها بلبنان مع اخوها شريف
/اها قولي كذا
ريتا/ليش منو حلو الحكي اللبناني
/إلا بس استغربت لان حكي الاردن بالذات نفس حكي الخليج
لين بتأيد/صح الكل بيقول
... ... ... ... ... ... ... ... ...
.... طلعوا الشباب وتفرقوا البنات كل مجموعه راحت عند رجالهم لبسوا الشباب وراحوا للبوفيه ... ... ...














\\ وهذي صور للمكان \\



















































... ... ... ... ... ... ... ... ... ... ... ... ... ... ... ... ... ... ... ... ... .. ... ... ... ... ... ... ... ... ... ... ... ... ... ... ... ... ... ... .. ... ... ... ... ... ... ... ... ... ... ... ... ... ... ... ... ... ...








##عــــــــــــــــــــوده##


/تصدقين كنت بقول لمعتز يجون معنا بس خفت يرفض ابوي عن اجازتي
/ياليتهم معنا
/ليش انا مااكفي
/ماتقصر
بصدمه/بس
ضحكت/وش تبي بعد ..
/هين يادلع
/لو سمحت حقوق دلع محفوظه
/لاتقولين لبشاير
/لاسمر جدتي ماتناديها إلادلع
يقهرها/وانتي وش تنايك؟
/الغاليه
ابتسم/ايه هين
تذكرت/مازن تذكر يوم كنت تسرق من جدتي
بسخريه/اشوفك بريتي نفسك
ماتت ضحك/انا مسرق بس اكل معكم
/ماقصرتي!
شافت عربه وقالت لمازن بتركب وقفت مزينه بزينه وإناره
اسمها عربه السندريلا
(و العهده عالراوي)
وقفت ونزل منها 4 بنات وحده منهم صدمت بالغلط ريماس ووقفت تعتذر ونادوا عليها البقيه/سحر يالله
صدت لهم ثم صدت لريماس/اسفه مره ثانيه
/ صار خير ..اسمك سحر
/ايه وانتي؟
/ريماس
/عاشت الاسامي ..انصحك تركبين هالعربه فله جينا هنا من 3 ايام والظاهر دفعت فيها حول 200ريال
/اوف لهالدرجه حلوه
جت وحده من قريباتها ومدت يدها وصافحت ريماس/هاي كيفك اقول اختي لو عطيتي سحر وجه ماخلصتي وبعدين تراها نصابه مادفعت إلا 70 ريال معطيها إياها اخوها ولا بعد سلف وفوق هذا العربه بايخه وماعنده إلا هالاغنيه من جينا وهو كل شوي عايدها ان شاء الله ينقطع شريطه عشان نرتاح..
ضحكوا كلهم سحر/ باي شكلنا عطلناك عن زوجك
بشك/صح
ريماس/ايه
رهف/ياويلي هذاك المزيون رجلك اشوى اني ماتهورت وغازلته تصدقين كنت برقمه بس قلت اجيب معي سحور خبره
ضحكت ريماس على هبالهم اعتذروا مره ثانيه ومشوا ..
راحت لمازن/تأخرت عليك
/شوي ..تعرفينهم؟
/لا صدمت فيني وحده منهم واعتذرت.
/كل هذا تعتذر
ضحكت/يعني
ركبوا قالت لمازن يقوله يعلي الصوت ويسرع ضحك على رجتها احيانا تصير دلخه بشكل وبعد ماانتهت الدوره جلسوا على المسطحات يطالعون العالم ....

¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛

""""""""
المطــــــــــار
""""""""""""""

... وصل احمد بالسلامه لمسقط راسه حس بالانتماء والحب الصادق لهالديره واهلها له 3شهور برا فقد الترابط والامان وراحة البال جا متعطش لهواء ديرته وناسها مشتاق لسمر ودلعها لعمه وخوفه عليه لجدته وحبها له لنواف ومرحه لريمو و الجلسه معها لهند وحنانها لاهله كلهم للشباب وربعه والاهم لها هي...! عنده احساس انها تندمت على اللي سوته وانها صارت انسانه ثانيه جاي من سفره مخطط لكل شي وعنده امل كبير فيها الاسباب اللي خلته ما يخطب رسمي تقريبا زالت اخته وكلمه عمه ان مهند بيخطبها رسمي بعد رجعته مابقى عنده عذر
استقبله مهند وتركي وعمه حاتم وخاله ابو اريج .......


????????????

؛،.»بيت ام حـاتم«.،:
???????... سوا حاتم عزيمه كبيره لرجعه احمد بالسلامه حضرها كل اصحابهم واصحاب احمد بالشغل وطبعا العائله و جيرانهم
والكل كان فرحان
احمد اول ماوصل راح سيده مع الشباب لشركه سلم على ابو هيثم وابو ثامر وهيثم وبعد ساعه رجع لبيتهم معه عمه دخل كان مافي الصاله الاجدته طمن وحب راسها كانت جالسه تقرأ قران رفعت راسها وهلت فيه وحضنته بشوق طلعت سمر ركض شافته جالس جنب جدتها صرخت بفرحه/احمــــــــــــــــــــد
ركضت له وقف بابتسامه عذبه وضمها بقوه فقدها وفقد حبها وخوفها وهبلها بكت من الفرح
/الحمد لله على سلامتك
حط يده على كتفها وجلس وجلسها جنبه/الله يسلمك والله ان لك فقده
ضحكت/والله انت اللي لك فقده مشتاقه لك موووت..
صد يدوره ...
ضحكت/نواف في المدرسه
بشك/لا
/إلا عمي اصلا ماعلمه انك جاي اليوم لان عنده امتحان
/اها ..طيب وين هند؟
الجده/ تجهز لك الضيافه
قام للمطبخ شافها تنشف يدينها
/صباح الخير
صدت وابتسمت/ هلا بك صباح النور
تقدمت وصافحته بحراره فاجئها يوم حب راسها اول مره يسويها
/كيفك يالغاليه
/بخير انت كيفك والحمد لله على سلامتك
/تسلمين ..ليش متعبه نفسك مايحتاج
/تعبك راحه وبعدين لو مااتعب عشانك اتعب عشان مين!
إلا كاني سمعت صوت عمك
/ايه في الصاله
طلعت بالحلى والقهوه وجلسوا سوا سوالف وضحك كانت سمر لازقه فيه كأنه بيطير ودقت له ريماس بعد القهوه طلع هو وسمر لمدرسه نواف وطلعوه ثم راحوا لبيت عمته ام هيثم دق لثابت وردت ريمان وطلعت تفتح لهم
نواف راح سيده للبلايستيشن
حق تركي في المقلط وسمر طلعت فوق لبشاير تصحيها لانها ماراحت للجامعه
وهو شاف بنوته روعه عرف انها بنت هيثم باسها وصد بسرعه على الضحك والركض وراه

شافها كانت لابسه سبورت ابيض وجزمه رياضيه
بيضاء وحاطه ربطه بيضاء
على شعرها اللي متروك من دون ربط وكان يطير من نعومته وهي تركض كل هذا وللحين ماشاف وجهها لانها تركض وهي تطالع تركي وراها صدت تشوف طريقها بالوقت اللي مايفصل بينهم سوا خطوتين وقفت بصدمه طار شعرها على وجهه طالعته وطالعها مر في بالها هاللحظه ميه هاجس مابين مصدقه ومو مصدقه مستوعبه ومو مستوعبه
اما هو للحين يطالعها هان عليه يحضنها يبوسها
يمسك يدها يحط يده على خدها يلمس شعرها بس حس نفسه مو قادر يسوي شي
إلا ان نطقت اخيرا/الحمد لله على سلامتك
ابتسم/تسلمين ...
لحظــــــــــة صمــــــت
بكل المشاعر جواه نطق/اشتقتلك
رفعت يدها له كانت بتحطها على خده تحسس الشي اللي قدامها بس تراجعت خافت يكون واقع مو حلم نزلتها وصدت بتطلع مسك يدها صدت له تركها وطلعت جلس للحين مو مستوعب هذي بشاير معقوله لهالدرجه تغيرت مو اخلاقها وبس حتى احلوت تأخروا عليه شي حركه وطلع يدورها كانت سانده على الجدار ومغمضه قرب شاف دموعها رفع يده بدون تردد ومسحها فتحت وشافته مبتسم مسكت يده حست بمشاعر جارفه تغزوا قلبها حست بحراره تسري بجسمها قبض على يدها ورفعها وباسها وطلع برا البيت وتركها تسبح مع احلامه في بحر الدموع اللي ياما حبستهم .....




‏ ‏xxxxxxxxxxxxxxx
رجع3 ينام لانه كان مرهق من السفر ..........
صحى قبل المغرب خذا شور لبس وتكشخ وطلع لصاله حقته وحشه الشغل والناس هناك واصحابه رجع الساعه8
وحاليا الساعه 11 كان مستانس على الاخر الكل جاي عشانه وسر وناسته يكمن في بيت عمته

???
?????
???????
... عند الحريم كان الجو حلو لكن بعد ساعتين انعفس مزاج بشاير وكتمت والسبب وصول اريج
طلعت بعد العشا على طول كانت حاسه ان فرحتها اليوم ماراح تكمل وفعلا حصلت ضد لدموع الفرح اللي اليوم
دخلت المطبخ مع ريناد عشان يدخلون القهوه والفناجيل حقت الحريم سمعوا سوالف بالحديقه توقعوا سمر واريج كانت بتمشي مع ريناد داخل بس سمعت ضحكه تعرفها صدت بتطل تتأكد بس فيه يد سبقتها ووقفتها...............

?????????????


دق جوالها وردت /هلا والله
/بالمهلي ..كيفك
/تمام
/وش اخبار العزيمه؟
/حلوه ..متى تجون؟
/بكره في الليل
/وش معنى
/بس ..هيوفه عندك امي
/ايه لحظه
يمه مازن
مدت الجوال لها/هلا ابوي
/هلايمه ..تهناك العقلان
/يهناك خير
يضحك/اقول لريماس مهيب عاده امي ماتدق إذا ابطيت عنها قالت لهت بغيرك
/ههه مالها حق انت الغالي
/هاه شخباره احمد عساه طيب
/مافيه إلا العافيه متغدي عندنا
/حركات
/شخبارها المزيونه؟
/تسلم عليك
سكر بعد ماكلمت ريماس امه ...





°°°°°°°°°°°°°°°°°°
... سحبت يدها بقوه وطلت من الشباك للحديقه شافت احمد عندهم يضحك ويسولف انقهرت صدت لريناد وطالعتها ثم نزلت راسها رفعته ريناد ومسحت دموعها ضمتها بقهر/منافق راح يقابلها مثل ماقابلني ويمكن بعد كان النذل يراسلها مثل ماكان يراسلني
تنهدت وسحبت نفسها من حضن ريناد مسحت دموعها ودخلت داخل لاحظت ميهاف وسألتها بس ماردت وبعد العشا قالت لها ريناد السالفه دقت على معتز يرجعهم للبيت (هي وبشاير)على اساس هي تعبت من الجلسه . . . . .

ــــــ ــــــ ــــــ ــــــ ــــــ

دق لسمر يسألها إذا عمته راحت بس قالت لا دخل وجلس ماكان فيه إلا العنود اخته وجدته وعماته وريناد وسمر واريج انقهر بعد ماعرف انها مشت من بدري . . . . . . . . . . . . . . . .
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

منسدحه بغرفتها تبكي مع ان ميهاف قالت يمكن هي اللي مناديته بدليل ان سمر جالسه معهم بس ماصدقت هذي المره الثالثه يخذلها احمد قفلت جوالها ونامت على قهــــــــــر . . .

‏ ‏xxxxxxxxxxxxxxx‏‏

-¤-<¤>-¤-<¤>-¤-
-¤ اليــوم الثانـــيـ ¤-
-¤-<¤>-¤-<¤>-¤-

...الساعه 11جت ريمان تصحيها وقالت ان ماما تعبانه نزلت ركض وراحت لها بالغرفه
جلست جنبها/يمه
فتحت بخوف/هلا يمه وشفيك صاحيه هالحزه (على غير العاده)
/انتي تعبانه؟
/لا بس احس بصداع وخذيت فيفدول ..
/طيب بتنامين؟
/ودي بس ماجاني نوم ..انتي فيك شي
/لا بس روعتني ريمان تقول انك تعبانه
/لا مافيني إلا العافيه روحي نامي
/لاخلاص طار النوم ..بطلع واخليك ترتاحين.
طلعت لصاله وجلست بطفش تذكرت احمد يوم كان يضحك البارح عند اريج تنهدت وجابت لها ريمان الفطور افطرت وطلعت فوق انسدحت بكسل دق جوال امها كان مازن
/هلا مازن
/هلا بشوره غريبه صاحيه هالحزه!
/وش اسوي فاضيه ..لاتقول وصلتوا
ضحك/لا بنتأخر يومين زياده
/اوف عسى ماشر
/ابد بعض الناس يبغى يروح لشرقيه
/ليش ماتدرون ان احمد وصل
/إلا ...شخبار الجمعه البارح وناسه
/ عادي
/غريبه
ريماس دخلت عرض/اكيد عشاني مو موجوده صح بشوره
ضحكت/اكيد..بس وش عندك بشرقيه
/ابغى غريضات
/وهالغريضات مهي بموجوده في الرياض
/مع الاسف لا...
سكرت وخذت جوالها ودها تفتحه بس متردده فتحته وجاها مسجين
الاول من سمر(حركتك بايخه)
والثانيه من احمد(ليش رحتي بدري عسى مو تعبانه)
انقهرت من رسايلهم كانت بتدق لسمر وتسأل من اللي طلب يشوف الثاني احمد وإلا اريج بس طنشت كذا بتحسسهم انها مهتمه لكذا طنشت ...
جاها مسج جديد فتحته كان من احمد/



(حب من تحب وعيش دنياك بأفراح
مهما تصد وتروح دايم في بالي
عشت الهوى وياك في جد ومزاح
والجد أعزك وأنت لاهي وسالي
ويومني أرسل وأسأل إن كنت مرتاح
ماهي بقطة وجه مير أنت غا ا ا ا ا ا ا لي)
قرتها وقفلت جوالها كذاب يااحمد انت شاطر تلعب بمشاعر الناس ماكنت بصدق فيك لو ماشفتك بعيني الله يسامحك مدري كيف بستعيد ثقتي فيك مره ثانيه وإلا ماله لزمه انت قلتها خاف ارجع بقرار مايكون بمصلحتك وهذا انت رجعت وتوك واصل طرت عندها تسولف وتضحك كانك تعرفها من سنين وعلاقتكم
‏ ‏O.k‏ بس من اصدق سمر تقول انك ماتحب تاخذ وتعطي معها وإلا عيوني آه يااحمد محد بدنياه مرتاح . . . .

°°°°°°°°°°°°°°°°°°






????????
؛،.»بيت ام حـاتم«.،:
الخميس????????????

... اليوم خطب مهند سمر رسمي كان عندها خبر من قبل لكذا بلغهم حاتم موافقتها والعشا بكره عنده
... كانت جالسه بغرفتها طايره من الفرحه ودها تدق لريماس بس خافت مازن يقول مشفوحه على العرس دقت لبشاير اللي للحين ماعرفت لقت جوالها مغلق دقت على الثابت ورد هيثم
سلمت وطلبت بشاير قال نايمه
سكرت وارسلت لريناد (صحي بشاير وقوليلها تفتح جوالها)
راحت ريناد تصحيها وعلمتها بخطبه مهند ماصدقت فرحت لسمور ونست كل شي دقت على جوالها ماردت دقت على الثابت ثم سكرت بعد ماسمعت صوته شاف رقمها وانقهر حس ان فيها شي ماكانت كذا امس ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 146
قديم(ـة) 16-12-2008, 08:06 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


%~~~~~~~~~~~~~~~~%
% اليـــوم الثانـــيـ العشـــا %
%~~~~~~~~~~~~~~~~%

...
ماكانت ناويه تحضر بس ماحبت تترك سمر وحدها بمناسبه مثل هذي خصوصا ان ريماس مو موجوده
كانت جالسه قبالها على سرير ريماس

بشاير/ تستاهلين ياقلبي بس وش هالخطبه اللي جت فجأه
تضحك/ماقدر يتحمل بعدي
/ياخطيره جبتي راسه
/هههه
/ ....
سمر/احس اني احلم
تضحك/ تبين اقبصك اشوتك اعضك ترا جاهزه!
/ لا انا مصدقه ومو مصدقه ..
/افهمها ذي
كلهم/هههههه

????????????
.. تحت في الصاله ..





كانت الجده فرحانه وتدعي
لهم بالسعاده والعنود طايره من الفرحه كانت تمنى هاليوم من زمان تتمنى الاستقرار لاختها ...
استاذنت ريناد وميهاف يطلعون لسمر لانهم مابعد شافوها هي نزلت وسلمت على عماتها وباركوا لها وهم في المطبخ
دخلوا سوا/كلللوووووش
صدوا لهم وضحكوا سلمت وباركوا لها وجلسوا
ريناد/يابخته مهند بياخذ القمر
بخجل/تسلمين
ميهاف/تدرين ملكتك بعد اسبوعين
/ايه قالي مهند
الكل صرخ بصدمه/مهنـــــــد!!
/.....
مافهمت
ميهاف/مهند يكلمك!
ببراءه/لا ليش؟
بشاير تضحك/تقولين مهند قايل لك
/اقول عمي
بشاير /هههه خلوها شكلها خبطت
ريناد/ خلوها هي معها عذرها صاحبها وفا بس انتي وش عذرك وليه بعض الناس للحين ماقرر
انصدمت بكلام ريناد خصوصا قدام سمر سكتت وقامت تلعب بجوالها بيدها
حست ميهاف باللي فيها توها قايمه سبقتها بشاير وطلعت تدري ميهاف بتكلمها وهي لو جلست بكت لكذا فضلت الانسحاب
سمر/وش فيها؟
ريناد/كل هذا وتسألين وش فيها انتي اخوك ميت احساسه ليش مايخطبها وإلا ينتظر هي اللي تخطبه ...
قامت بطفش/بصراحه ماالوم بشور في تصرفاتها معه لو انا مكانها كنت شاطبه عليه من زمان ...انا ماشيه ابو تركي وصل
مشت وقبل تطلع صدت
/سمر ادري ضيقت صدرك بس لاتزعلين مني غصب عني ماحب اشوف بشاير مهمومه واسكت على العموم مبروك مره ثانيه..باي
نزلت تحت حصلت بنتها مع ام هيثم شايلتها بتطلع وبشاير شايله تركي حبت راس خالتها وخذت نوف منها لبست وطلعت ...
بعد مامشت ريناد جلست ميهاف قرابه½ ساعه ثم دق لها معتز واستاذنت
سمر بطفش/ليه طايره
/ياحياتي مرتبطه وبعدين مقدر اطول ظهري يعورني
/الله يسهل عليك
/تسلمين باي
نزلت وتركتها انسدحت وتنهدت حاست فرحتها ضيقه بشاير
... دق جوالها برقم غريب وطنشت دق ثانيه وبعد طنشت جاها مسج وضحكت دق من جديد/هلا وينك
/مبروك ياعسل
/الله يبارك فيك
/ليش ماقلتيلي البارح
/استحيت من مازن
/انا دق لي خالي واحمد وقالوا لي قلت خافها بس مستحيه مني
/هههه بسرعه تعالي ترا صايره اكلم الجدران من الفرحه!
/ههههه
/تعالي ليش مادقيتي من جوالك؟
/ البطاريه فاضيه.. ليش ماطلع عندك اسمي
/لا بس صدق هو رديفك يعني المفروض يطلع باسمك
/عشان كذا استغربت و ارسلت
/يمكن محفوظ باسم غير اسمك عشان كذا طلع رقم
/يمكن"تذكرت" تعالي وانتي ليش حافظه رقمه عندك
/اقول يمكن يعني مو اكيد
/المهم لاتشترين فستان شريت لك.
/ليش كلفتي على نفسك كنت بروح بكره
/لاكلافه ولاشي ..جتك بشاير ؟
/ايه وصارت سالفه بقولك عنها بعدين طولت على جوال الرجال
/لاعادي
/طيب لقيتي لك لبس؟
/اعجبني اثنين كل واحد يقول الزود عندي واحترت وش اخذ جبتهم واحد لي وواحد لبشور تدرين نفس المقاس..
/ومتى بتجون؟
/بكره ان شاء الله
/ودي اصدقك بس من سافرتوا وكل من سألتك قلتي بكره
/هههه لا خلاص مازن حالف نرجع يقول فلستي بي
بتعجب/فستاني على حسابه؟
/لا
/امانه
/والله الفساتين3 على حسابي بس بعد ماقصر
/الله يخليه لك.
/امين
... سكرت وانسدحت جنبه
/مازن
/سمي
تلعب بشعره/ودي اسألك بس تجاوب بجد
وهو يطالعها/آمري
/ابغى جوالك اول
لف وخذاه من على الكوميدينا وعطاها اياه
فتحت على قائمه الاسماء/ابغى اعرف الاسامي اللي عندك مين.
/تشكين فيني
/لا بس اغار منها
/ليه
/مدري ..عادي افتش
/عادي ونص
نزلت بالسهم حصلت القاب شباب كثيره ومشتهم (البرنس
-شارب هوى-الفيصليه-ابو شلاخ- الحزين-هوى الشرقيه
-العيون السود ......)
وقفت عند¤الامير ابوتركي¤
وصدت له/هيثم
هز راسه بالموافقه
كملت شافت ¤اغلى ناسي¤/من ..."سكتت"
ضحك/خالي حاتم
/ايه تذكرته
/طيب يالفطينه كملي.
/زين من ¤السهلي¤ ؟
/واحد من ربعنا في الرويضه (وقالها نفس سالفة مكه قالت له ان سمر علمتها بهالسالفه من قبل)
/طيب من¤الصاحب الغالي¤؟
/بدر
/ومن ¤اميرة البنات¤؟
/هيوفه
/ ومن ¤تؤام روحي¤؟
/ابو ندى
صدت له/كل هذا هو؟
ابتسم/هذا الغالي
كملت/ دلوعتك بشاير صح؟
/صح
/طيب¤شمعة الجلاس¤ ؟
/مهند وقبله¤ست الحبايب¤ امي
/ ادري
/لابس شفتك تعديتيه قلت خاف ماانتبهت ..
/و¤غلطة الايام¤؟
/. . . .
صدت له/مازن اكلمك من غلطه الايام؟
يقهرها/مصره
باهتمام/ايه
/وحده كنت احبها ومخلص لها بس خانتني يمكن مو بكيفها بس خانتني!
ماتوقعت انه حب قبلها بس خافت تكون ليال/....
صدت عنه وقامت تمسح الشاشه بسرحان ضحك وضمها/هذا رقمك حق لندن ياغناتي
فتحته تتأكد قرب من اذنها وهمس/مو مصدقتني يالملعونه!
ضحكت/مازن لاتلعن.
/صرفي بس
تذكرت وصدت له/تقول كنت تحبها والحين!
ضحك/مو بس احبها إلا احب اللي يحبونها
ابتسمت وكملت/ومن ¤قطعة سكر¤ ؟
/هذا احمد
مشت الى ان وصلت لقب قهرها خافت تسأل وتنصدم بصاحبه او صاحبته لكذا عدته ومازن يطالعها
/ماسألتيني مين؟
/مو لازم
خذاه من يدها ودق فجــــــــــــــــــــأه دق جوالها وصدت تاخذه ماانتبهت لنغمه قلبها مع من يطلع صاحب الاسم شافت الشاشه ومااستوعبت
¤آخر حدود دنياي¤
يتصل بك
صدت له مو مصدقه هي
¤قلبه النابض¤ لانه كان مسميها بالجامعه عنود الريم نزلت دمعتها وجلست جلس جنبها وسحبها لصدره رفعت راسها وبوست خده وخشمه وراسه ضمها/ليش مستغربه كنت مسميك قبل ملكه قلبي مو شوي عليك ياعمري .
انسدح وسدحها على يده وخذا الجوال يكمل/و¤ملاذ الطير¤
رقم بيت ابوي و¤يابعدهم¤
ابوي وش تبين تعرفين بعد؟
تنهدت بارتياح ودفنت راسها في صدره/ احبــــــــك











¶ ¶¶ ¶¶ ¶¶ ¶¶ ¶¶ ¶
- توقعاتكم عن ملكه مهند وسمر ؟
-وش بتكون رده فعل احمد على انقلاب بشاير المفاجئ!
-حاتم وهند هل بيسافرون اما ان معشوقته فقدت الامل؟
-مازن وش سالفه دينه ...؟
¶ ¶¶ ¶¶ ¶¶ ¶¶ ¶¶ ¶


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 147
قديم(ـة) 16-12-2008, 08:09 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


[size=7]»‏«»‏«»‏«»‏«»‏«
♣خذني بحضنگـ ♣ 16
‏«»‏«»‏«»‏«»‏«»___________________________







++ صحى بكسل شافها جالسه جنبه على طرف السرير وناويه تقوم مسك يدها/صباح الخير
بابتسامه /هلا صباح النور
+بعتب+..طولت بنومك!
يتمغط/ايه نمت متأخر
/متى جيت البارح؟(من عزيمه مهند بعد الموافقه على خطبته)
/متى نمتي انتي؟
/وحده إلا ربع
/اجل انا جيت 2 وشوي
/اوف ... عشان كذا صحيتك ولا 100 مره قلت لو ماقام هالمره تركته
ابتسم/ لكذا طفشانه
/. . . . . . .
قام وباس خدها/اهون عليك اتأخر ويخصمون علي اسيادك
مسكت يده/لو تهون ماطلعت الدرج كذا مره عشان اصحيك
غمز لها/تسلمين
مشى وصدت له/معتز
/عيونه
/مادق لك مازن؟
بتعجب من سؤالها/لا ..ليش!
/بشاير تقول بيجي اليوم.
/هو اللي قايل لها
/تقول ان ريماس تقول ماراح نطول
هز كتوفه بمعنى مايدري
/زين البس بسرعه عشان توديني لامي مع العلم انك متأخر
راح يتوضأ /البسي انتي انا خالص .......

¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛


. . . . . . . . . . . . . . . . . .
الشركـه الساعــ½9ــه
. . . . . . . . . . . . . . . . . .++ دخل هيثم مكتب خاله عشان يوقع له اوراق حصل مهند عنده
/مهند هنا
صد له وضحك/هلا ابو تركي
وقف وصافحه
هيثم/وش عندك؟
/ابد مريت قريب منكم قلت اسلم واشوف وجيهكم عشان اشوف من طقته مرته البارح
ضحك حاتم/الحمد لله لقيت هنوده نايمه
هيثم/انا لقيت القمر سهران ينتظرني
/بس
/لاطبعا مو بس تقول جافاني النوم وانت بعيد
بشك/ايه هين
ضحك وصد لخاله/اقول خالي وقع هالاوراق ..إلا تعال بتدخلون مناقصه الحديد اللي امس
/للحين يتشاورون بشار وابوك وابوثامر بس لو علي وقعتها مضمون نجاحها
/الله يكتب اللي فيه الخير
دق جوال مهند
......./الو
/هلا وغلا
......./هلابك ..كيف الحال؟
/بخير جعلك بخير انت وش اخبارك وين الدنيا بك
يضحك/موجود ...إلا على البركه عقبال ماتملك
/الله يبارك فيك ...ان شاء الله
انكم في الطريق
/ان شاء الله عندكم الليله
/زين اخيرا
سحبت الجوال من يده/هاي مهند
/هلا ريمو ..كيفك
/تمام ..مهند هذا صوت خالي
يضحك/عليك اذن
بحده/قل ماشاء الله
/تف تف ماشاء الله ..تبين تكلمينه؟
خذاه مازن منها /لا ماتبيه مكلمته من شوي بس وش جابه عندك عسى ماشر(يحسبه في بالمستشفى)
/ابد انا مسير عليهم
/ههه طيب من عندك؟
/ابو تركي وخالي
/زين حط على المايك
/لحظه...هاه مزون يسمعونك
/هاي شباب
هيثم/وعليكم السلام
مازن/السلام عليكم
الكل/وعليكم السلام
مازن/شخباركم
حاتم -هيثم/بخير الله يسلمك ..
هيثم/انتم وش اخباركم؟
/كويسين ..اقول ابو تركي جهز العشا ترانا جاينكم الليله
حاتم/الله يحييكم العشا جاهز في المزرعه وبننام هناك ونجلس خميس وجمعه
مازن/هلا هلا من وين لك هالكرم!
بسخريه/طالع عليك .... اقول بس متى تجون؟
/وحشتك
/لا بالله ماوحشتني
بثقه/احلف
بطفش/اي وقت جايين بس
/الساعه 9 منها وفيها
/وليه ماتمشي من بدري؟
يضحك/شمس
بسخريه/انتبه لاتميع
/ههههههه حلوه بس لاتعيدها
ضحك مهند/زين ابو معاذ توصلون بالسلامه سلم على عنود الريم انا ماشي
ضحك على سالفه عنود الريم توقعه مايدري لانه ماحرص يعرف "باستهبال/من عنود الريم؟
بسخريه/امك ..... سلا ا ا ا ا م
سكر ومازن يضحك /مهوب سهل مهند
/ليش؟
وقال لها السالفه . . . .

!ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ

... اليوم احمد ماداوم دق لفيصل صاحبه(ريما)وقاله ياخذ له اجازه
انسدح بطفش تنهد ليه يابشاير كل مافرح هالقلب بكيته مامداني اقول يامسهل إلا وتنقلبين من جديد مامداني افرح يوم ابتسمتي وهنتني السلامه الا واختفت حتى ماشفتها يوم عزيمتي سبحان الله لو كنت حريص لشوفه اريج
ماشفتها عكس بشاير بنهبل على شوفتها وماحصل ...
اريج .... ياويلي اكيد انقلابها بسبب شوفتي مع اريج اكيد وإلا ليش مشت بدري حتى امس يوم دقيت لبيتهم من سمعت صوتي قالت لحظه ومادريت الا عمتي تكلمني حتى ماعطتني فرصه اسلم عليها والامر من هذا كله يوم ارسلت لها البارح ردت وهي بعمرها ماسوتها ردت رد قاسي وجارح آه ياقلبي متى ترتاح ...ويقولون اخطبها وين لقلبي القوه يتقدم لها وهو متأكد انها بترده آ آ آ آ آه . . . . .



================
==================
ترى اصعب الموت موت يذبحك كل يوم
واصعب حياتك تعيش وانت جواك ميت
==================
================


¥¤¥¤¥¤¥¤¥¤¥¤¥¤¥¤¥
¥¤اليــــــومـ الثانــــــي¤¥
¥‏¤ « المـــزرعــــــه « ¤¥
¥¤¥¤¥¤¥¤¥¤¥¤¥¤¥¤¥


-- بعد المغرب وصل الكل طبعا غير مازن وريماس وجلسوا الرجال (ابو محسن وابو ثامر وابو هيثم) عند الحريم والبنات في المجلس...
وبقسم الرجال هناك الشباب وربعهم (مهند وتركي صاحبه واحمد وهيثم ومعتز وفيصل صاحبهم واسامه) في المسبح وبدر وحاتم وثامر على الزوالي اللي في وسط الحوش ..
.... قسم الحريم الدور الثاني ميهاف منسدحه على سريرها وعندها هند مانزلت تحت لان الرجال فيه وجالسات يسولفن
اما بشاير وسمر مع نواف عند الدبابات... واحد حق معتز عليه بشاير والثاني حق احمد عليه نواف وسمر وفيه دباب ثالث حق مازن وبدر متقاطين فيه بس البنات ما عرفوا يشغلونه
.. بشاير سواقه من الدرجه الاولى مرت طا ا ا ا ا ا يره من عند نواف وسمر تهبل فيهم وسمر كانت راكبه ورى نواف يوم شافتها جايه لهم طبت من الدباب وطاحت على الارض بقوه كله خايفه ان بشاير تصدمهم..
بشاير/هههههههههه حسبت رقبتك بتنكسر يالخبلى كل هذا خوف!
سمر تنظف عبايتها من الغبار(عبايه كتف لابستها فوق البنطلون خايفه العيال يشوفونها)
بقهر/كولي تبن ياحماره انا ماطبيت الا يوم شفت التصميم في عيونك ..قلت هذي صادمتنا صادمتنا ..
بشاير/والله مابغيتي تسلمين لاني حاطه في بالي لاوصلتكم اهدي الى ان تمرون ثم امر بس انتي بركتي في دربي وكنت بنقلب بسبتك
بحقد/ليته والله ...وتعالي شايفتني ناقه عشان تقولين تبركين
بشاير /هههههه
نواف نزل وجا عندهم /بشور تبدلين؟
/لا
/تكفين
/ليش!
/بس كذا...
بشك/خاف مايسرع
/إلا والله طياره
نزلت وبدلته ركبت دباب احمد طبعا ناسيه وتسابقت مع نواف ولعبوا إلا ان دق جوال نواف
/الو = عند الحريم =لافي الحوش نلعب بالدبابات = لا حرام= طيب = مع السلامه ..
بشاير وسمر مع بعض/من
/ابوي
سمر/وش يبي
/يقول الشباب يبغون يسلمون علي
بشاير/منتب سهل .
راح نواف وسمر قالت بندخل بس بشاير رفضت لانها مبطيه ماركبت الدباب..(الشباب لاعبين الليله اللي قبل في قسم الحريم ونسوا يدخلونها المستودع لكذا لقتها فرصه)
.. دخلت سمر وهي نادت لريمان تلعب معها بالدباب الثاني حق معتز
طلع ابوها وشافهم
/بشاير
صدت/ لبيه
وقفت /هلا
/من جاب الدبابات هنا؟
/مدري من جينا وهي هنا
طلع حاتم وشافها/فرصتك
/ايه من زمان عنه
نزلت ريمان وراحت للمطبخ وركب حاتم مكانها وتعمد ينرفزها طول الوقت يلحقها و يخوفها كانه بيصدمها جتهم هند
بصوت عالي/بشاير
صدوا لها وراح لها حاتم بالدباب
/وينك من جينا ماشفتك!
/كنت فوق كان هنا رجال خواتك
/اها ..طيب اركبي بوديك لبشاير
تضحك/شبي فيها
/تو تنادينها!
/كنت اقصدك انت
/ههه حلوه .."مد يده"تعالي
/ليش
/طيب تعالي
قربت /خير
مسك يدها ورجع في آخر كرسي الدباب عشان يركبها بس رفضت تركب قدام وقالها تركب وراه قالت تخاف نزل وركبت هي غصب
حاتم/يالله امشي دوسي على البنزين بشويش
/لا مابي بحول
جت بتنزل مسكها وركب وراها ومشى بس هي كانت خايفه صدت له كان وجهها لاصق بوجه/حبيبي نزلني
بهمس/لا
/خايفه
/تمسكي فيني
/كيف مااعرف
/مهوب لازم تتمسكين منتي بطايحه وانتي بحضني
كان يسوق وهو ماطالع طريقه وداس على حصاه شوي كبيره وصرخت وتمسكت بيدينه مات ضحك فك الدركسون وضمها له وباسها وهي تدفه وتصرخ عشان يوقف لانه زاد سرعته وفوق هذا تارك الدركسون .....
بشاير شافتهم/احم احم في الجو غيم(تقصد نفسها)
حاتم/........
سامعها بس مطنش بمزاجه
بشاير/ترا فيه عزابيه
/ .....
/ترا فيه مراهقين
طالعها وضحك /وانتي وشله تبحلقين
/وانت مروح ولدك عشان لاجيت تسربت مايشوفك..
ماتت هند ضحك
تضحك/تراكم في الحوش يعني قدام الرايح والجاي مهوب في جحركم وبعدي...
رفع يده لها بمعنى تسكت
/الو =هلا =لا ليش =وش تبي= طيب اصبر دقيقه وادق لك=
سكر ونزل ومسك يد هند ونزلها /يالله بشاير ادخلوا بيجون الشباب...
بقهر/وش يبون !طيب انا وش علي منهم
سحبها غصب ونزلها وقامت تصارخ/ ا ا ا ا ا ا ا مابي ادخل فكني وش دخلك
/دخلتني امك
دفها داخل وسكر الباب بس هي وقفت تراقب

+++++++++++++++++++

+++ ../تصدق مشتاقه مره للكل
مازن/ترانا ماكملنا الاسبوعين
/ولو 12 يوم بعيده عن جدتي وخالي وسمور وبشور والكل
... ياانا مشتاقه موت لاحمد و فرحانه ان خالي عزمنا في المزرعه والاحلى بنام هناك 3 ايام فله
/قصدك بنننام
بدلع/لا ا ا ا ا ا ا ا ا
/ماتبيني
/إلا بس في المزرعه لا
يضحك/اشمعنى
/ابغى اشبع من البنات اسبوعين ماشفتهم
/احسن اشبعي منهم ليما تقولين بس انا برجع بعد العشا مع بدر عشان اداوم بكره و اتطمن على حلالي وإلا طلعت بنام ويمكن اجيكم على المغرب...
بصدمه/اجلس هنا بالحالي!
/ليش والباقي وبعدين هذولا الناس اللي مخليتني عشانهم
/لا ابيك انت
/تنامين عندي
/لا بس احس انك جنبي
/اجل بروح
/بروح معك
/واهلك
/ماابيهم
ابتسم بفرح لانه صار محور حياتها وتعتمد عليه كثير والاهم معاد صارت تطري خالها بوجوده حس منها انه مغنيها عن الكل حط يده بوسط يدها وشبك اصابعه بين اصابعها
تنهد بارتياح وظغط عليها بخفيف
صد لها شافها تتامله غمز لها . . . . . .

""""""""""""""""""""""






لما دخل حاتم بشاير
وقفت تراقب من الدريشه بس ماجا احد لدبابات قالت اكيد مصرفها خالها وطلعت شغلت الدباب وركبت وجلست تسوي خمسات(تفحط)
دخل يجيب جيك مويه بارد لرجال لان ثلاجه الرجال مافيها مويه شاف سمر كان بيناديها بس قال اروح اوريها شغلها لانها مسحت الكفر من كثر ماتسحب فرامل بس خاف تشوفه استغل فرصه انها وقفت كانت تهندس في الدركسون (وهي جالسه مانزلت) ومشى بسرعه وبخفه طمر وركب وراها ......................................
.................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .....................................


.... وصلوا من دون يخبرون احد مسكها ودخلوا لقسم الحريم بهدؤ ولحسن حظهم كان فاضي تسللوا للمطبخ (خارجي)






والشغالات مستغربين طريقتهم جتها نور بفرح وصافحتها ثم ريمان صافحت مازن اول ثم ريماس طلع جواله بيدق لبشاير وتذكر انه ماسدد خذا جوال ريماس ودق
/الو
بشاير/هلا وغلا بالغالي
/هلا بك بشاير وين خالي ادق له مايرد
/ عندي نواف بروحه يقوله .. بس متى تأصلون؟
/نص ساعه ان شاء الله ونكون عندك
سكر وانتظر ثم دق لخاله واخيرا رد قال ان بشاير مسويه حلى وتقول تعال خذه سكر منه وشالت ريماس عبايتها و تظبطت دخل نواف فجأه يشرب مويه و صـــــــــــــررررررخ


ססססססססססססס


نرجع لورا ساعتين
لما ركب احمد مع .........غطى عيونها بسرعه
/آه يالدفشه بغيتي تكسرين ظهري (تدف يدينه) بعدي قلت لك 100 مره محب كذا (بعصبيه) دلعععععع حستي مسكرتي الله يحوس راسك ..
انصدم من الصوت ماقدر يقوم
باختصار طاح وجهه00000000000 فشـشـشـشـشـشـشـلــه



ياويلي الحين كيف بشيل يدي اكيد بتشوفني وتلعن صيري إلا كيف بنزل ياشين هالمواقف اليوم هي ذابحتني ذابحتني مافيها كلام
بطفش سحبت يده بقوه صرخ لانها عظته من قلب صدت بصدمه شافته مايفصل بينهم شي يتنفسون نفس الهوا مااحد تكلم ولا عصب من تلاقت عيونهم كل واحد حس ان الحواجز تلاشت وذابت الخلافات بينهم ابتسمت بعد ماسكر يده بخفه على يدها اللي لسى حاضنه يده انتبهت على نفسها وصدت تتأكد من الزمان والمكان تشوف إذا هذا حلم بس فاجئها لما حط يده على خدها دفته بقسوه كانت بتقوم بس صعب لازم هو يقوم اول وهو يوم دفته سحبها غصب وباس خدها رفعت يدها ببراءه ومسحت مكان بوسته ابتسم ونزل وراح خذا الجيك من عند باب المطبخ لانه كان منزله هناك وصد يشوف إذا لسى موجوده بس مالقاها تنهد
براحه وراح ،،،،،،






‏ ‏xxxxxxxxxxxxxxx‏‏
... طلعت فوق انسدحت بشي من الراحه تنهدت ثم ابتسمت/الله لايحرمني منه... يارب يكون من نصيبي مليت انتظر مليت من كل شي متى بس يخطبني بوافق قبل لايطلع من المجلس واشرط المملك يجي بنفس الليله بس متى متى يااحمد تجي متى ؟ياالله الخوف من اريج ياربي علاقته معها زفت عشان ماتجي معي في مقارنه يارب احبه وفقني معه ويسر امرنا ...تذكرت بوسته وضحكت يوم مسحتها الظاهر ان مجالس تروك اثر عليها !.......



++++++++++++++++++

،،، نقز مازن وسكر فمه/لسنه فضحت جدي
قاله يسكت ثم فكه حضن ريماس بفرح /اشتقنا لك
تضحك/وانا اكثر ..كيفك وكيف خالي وجدتي و ....
يقاطعها /كلنا بخير ...طولتوا ...وش جبتي لي؟
/جبت لك مجمع الراشد بكبره وش تبي بعد
خبطه مازن/السلام لناس وناس لا
ضحك/لا عاد انت الغالي
سلم عليه
مازن/كيفك ياابو حاتم؟
/طيب ... "تذكر" ... احد يدري انكم وصلتوا !..
مازن/لا اصبر بنشوف ابوك اول
...../ياجعل عمرك طويل يومك مبديني على امك وابوك
صدوا وشافوه واقف على الباب اول واحد سلم عليه مازن تحاضنوا بقوه بحب وشوق وفرح ثم باس راس خاله جت ريماس وحضنها /وحشتوني وحشتوني
ريماس بفرح/وحنا اكثر ..
سحبت نفسها من صدر خالها/كيفك ياعمري وكيف الكل
باس راسها /كلنا بخير
يطالع مازن/طمنوني عنكم .
/تطمن بخير وسهاله .. بس خلنا نطلع خاف احد يشوفنا ويزعل طلعوا كلهم لصاله الحريم والكل يهلي فيهم ويرحب بهم ...
وبعد ساعه كان مازن عند الرجال مستلمينه تعليق
وضحك وهو يقهرهم انه بيتركهم وبيداوم مع بدر
مهند/اقول لو اني ادري انا بنلقى في يوم وظائف شاغره و مراكز مهمه تحذف حذف ماكلفت نفسي ودرست صيدله ...
الكل/ههههههههههه
مازن يضحك /شفت عاد
معتز يفتن/تراه يقصدك يابدر
بدر/ لاتعليق
مازن/ وليه يقصده إذا يبغى يتوظف يجينا عندنا من فراش لسكرتير مدير عام
ثامر/ههه والله انك لقيت الوظيفه اللي تناسبه
الكل/هههههه
جاهم اسماعيل"عامل المزرعه" /شباب بابا كبير كلام كله يدخل هنا برد
هيثم شال ولده اللي نايم بحضنه ودق على بشاير تجي تاخذه ....
اما احمد راح مع مهند لسيارته يجيبون اللاب توب
وبدر قام من عندهم يدق على اخته لانه دقت لما كانو الشباب متجمعين وسوا لها رفض
ومازن مشى هو ومعتز لقسم الحريم بس من ورا من جهة المسبح ودقوا لحريمهم ...
هيثم راح لقسم الحريم وعطى تركي لبشاير
/فروتك هذي
/لا لشباب
/تكفى عطنيها شكلها تدفي
/بس تدفي تصدقين ذابحني الحر
/طيب مازن وينه؟
/ليش
/بس اسأل عندك مانع ..وإلا ماهو باخوي
/اقول مهوب اصرف تروحين تنادين لي حبي
/الشرهه مهيب عليك على اللي طالع لك
ضحك وبشاير دخلت تنادي ريناد شوي وطلعت له لافه جلال الصلاه عليها
/ماعليك ملابس!
بتعجب/إلا بس بردانه
/يمدحون حضني
ضحكت مسكت يده وسحبته معها لغرفه برا الفله حاطينها مشب لشتاء وقفها/ اول جيبي نوف ماشفتها اليوم
بأعتراض/لا ا ا ا ا برد عليها
/بلفها معي
طالعتها بطرف عينها /اخبرك عزمتني عليه
/وشهو !
/حظنك
/هههه
فتح فروته لها ووقفت جنبه ولفها معه ودخلوا جلس وجلسها جنبه حطت راسها على كتفه/حبيبي
/لبيه
/ابغى فروتك
/احول وش جاكم عليها لهالدرجه مغريه

\\ على فكره ترا مايجوز نقول لاحول لحالها لازم كامله لاحول ولا قوه الا بالله \\
/ليش؟
/الشباب مزعجيني عندها ومن شوي بشاير تقول عطنيها والحين انتي
/بس انا اولى منهم كلهم
/من يقول!
/انا ... انا زوجتك وحبيبتك وام عيالك
/كل هذا مايشفع لك
بقهر/وليش!
/لانها مهيب لي للمزيون
/عادي طيب
/لهالدرجه بردانه
/تقدر تقول.
/لا مافيه
/احسن
/احسنين ..."تذكر" ../كم مره قلتلك لايجيني تركي عند الرجاجيل
/شسوي لك ازعجنا بالبكى ابي ابوي ابي ابوي حتى عصب علينا طق امك ويقول لي حماره
/بس ولو لو البيت عادي بس المزرعه كل شوي جاينا ناس والناس ماتعطي خير وانا ياواحد مابعد مليت من ولدي...
قربت منه بقوه ودفنت راسها فصدره رفع يده اللي جنبها وحطها على كتوفها وضمها . . . . .


‏ ‏xxxxxxxxxxxxxxx‏‏

++ ....صدت بطفش/لا
/حبيبي خلاص ..وبعدين لو كان هذا السبب وش عليك المال عديل الروح
....بضيق/ خلاص كيفك
مسك يدها وسكر بكفينه عليها/ابغى كيفك انتي
صدت له بجديه /مازن انت تموت بشي اسمه مزرعه وجمعه الشباب الحين يوم تجمعوا وبينامون هنا بتروح عشان شركتي وشلون ماتبيني اتضايق !
نزلت راسها رفع وجهها له/
شوفي بزعل لو قلتي شركتك مره ثانيه ليش ماتقولين شركتنا "يضحك" وإلا شاطره تمسكين علي
ضحكت قام من على الطاوله ولف لها وقومها لان الجو برد ومشوا للباب يدخلها
تعمد ينرفزها/هاه راضيه
بجديه/لا ولو اصريت ورحت لاتكلف على نفسك وتدق لاني ماراح ارد ...
/اوف ليش
وقف ولفها قباله/حبيبي قلتلك والله فيها عقود موقفه لحد ماارجع لاني مابعد اعتمدت نيابه بدر عني .
/........
/ريمو
/.......
/عمري
بجديه /خلاص بنروح كلنا
بحده/لا
/ليش
/لاني ماني براجع هنا إلا المغرب وبرجع على12
سحبت يدها ومشت بتدخل
/ريمو ... ريماس .........

++++++++++++++++++





دخل الغرفه بينام تذكر حبه وضحك ..يارب كيف جتني الجرأه ابوسها ووش معنى هي اللي بستها بقناعه كثير يتلزقون فيني واردهم الا هي مااقاوم وجودها ..هههه ياحليلك يابشور يارب تخليها لي وتلين راسها وتوافق علي برضاها يارب لاتحدني اخذها وهي مغصوبه علي ...............
..............
دخل مازن وقطع حبل افكاره
/بتنام!
احمد/لا بس اريح هذي وقفتي من الصباح
/شفت ريمو.
/ايه والله اني مشتاق لها
/طيب احمد طلبتك دق لها كأنك تبغاها بسالفه ثم لمح انك شفتني طفشان وناديتوني العب بلوت ورفضت ودخلت للغرفه ولو قالت بينام قل شكله
/ليش
/ابد بس ابغى اداوم بكره و هي رافضه
/ماتبيك تداوم
/لا مو لكذا بس دامني بداوم برجع انام في بيتي وبجيكم بكره على المغرب ورفضت تقول يانروح سوا يانجلس سوا ولاني عارف وش كثر فرحتها بالجيه هنا ماابي اخذها معي بس اخاف اروح وتزعل خصوصا انها قايله لو رحت لاتدق علي لاني مانيب راده ..
/طيب
جلس ودق ......

םסם
סםסםס
םסםסםסם
...
الساعه1 .....
...
كان منسدح على سريره في بيته وقاعد يحاول فيها ترد بس ماردت تذكر يوم قالت لاحمد انها بتجي لقسم الرجال عشان تشوفه بس هو اشر لاحمد يصرفها وقال ان اصدقائهم للحين موجودين واستنتج من كلامها انها مصممه تروح معه
قام وارسل لها.../
(وحشتيييييني)
بس ماردت نزل جواله وطفى الابجوره ....


++ جالسه برا مع احمد كانت الساعه وحده وشوي
/اجل سمور نامت!
/لا في الصاله هي و و و ...
غمزت له/تدري ان بشاير تقول بخلي الجامعه
بدهشه/ليش؟
/وقاعده تقنع في سمور
/ليش طيب!
/تقول طفش لان صديقاتهم
وحده تزوجت وسافرت لجده وبتستقر هناك ووحده نقل ابوها لحائل
/مدرس؟
/لا نقيب
/ . . . . .
/عاد تهاوشها جدتي تقول البنت ماتخلي المدرسه الا كانها تبي العرس
مبتسم(جاز له الوضع)/و وش قالت
/ ..تقول بس وينه الرجل
تنهد /ياحبي لها
تذكر/قالتلك اني صدتها اليوم هنا ولعبنا بالدباب حقي وفلينها
بسخريه/طولتوا وانتم تلعبون
بجديه/تحسبيني اكذب قسم بالله انا راكبين على الدباب وبالعلامه راكبين على دبابي
تصرفه لانه متأكده انه يمزح لان بشاير مستحيل ترضى تكلمه فكيف تركب معه/متى مشى مازن
/صرفي بس ..
بتعجب/تتكلم جد
/اي والله انا راكبين على نفس الدباب وهناك "يأشر على مكانهم"
بجديه/صادق وإلا تمزح
بقهر/الحين حالف وماصدقتي ..
... بعدين قالها السالفه و ريماس ميته ضحك على موقفه
/اه يابطني يعورني ....
بعد صمت/ تتوقع مازن نام
/اكيد ماشي من ساعتين مادق لك
/إلا دق وارسل بس مارديت
/...........
/احمد متى بتخطب بشاير رسمي
/بدري
بقهر/ياربيه هذا اللي بيذبحني
ضحك/هي زعله شافتني اول يوم جيت فيه مع اريج و .....
تقاطعه/قالت لي سمر.... اسمحلي احمد احسك تتعمد تسوي كذا عشان تغيظها
متفاجئ/لا وربي بس اريج اقلقتني عند الرجال طول الوقت تدق وترسل عشان اجي اسلم وحظي الشين تشوفني بشاير معها ...
/طيب لو .....
تقاطعها نغمه مسج فتحته كان من ¤آخر حدود دنياي¤
(أنا اللي مقصر بحقك.
وأنا اللي مستحيل أنساك.
وأنا اللي مالقت عيني.
بدونك من يسليني.)
ابتسمت ووقف احمد وسحبها تقوم/وين؟
وقفوا ودفها قدامه/برد ادخلي
ابتسمت لانها متأكده انه يقصد تكلم مازن وتراضيه/الله يخليك لي
دفها وضحكت /بشويش
حب يحرجها/ليش حامل.
بسخريه /ها ها ها بايخه ...

°°°°°°°°°°°°°°°°°°


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 148
قديم(ـة) 16-12-2008, 08:11 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


*¤*¤*¤*¤*¤*¤*¤*
اليـــــوم الثانــــــيـ
قبل المغرب
*¤*¤*¤*¤*¤*¤*¤*
... وصل مازن ودق لميهاف يدخل هو وخاله بس قال لاتقول لريماس دخل حصل امه وخالته وجدته وهند وميهاف والعنود سلم وجلسوا يتقهون ويسولفون سمع مازن صوتها في السيب حق المطبخ وقام بس خاف تكون اللي معها سمر لكذا نادى/بشاير
/سم
مشى وطلعت بشاير بوجهه /هلا وغلا
ابتسم/بالمهلي ..
بسخريه/بدري
يقهرها/ادري بدري ..وينها ريماس؟
/في المطبخ
/عندها احــ
تقاطعه وهي ماشيه /لا بس الشغالات
دخل وشافها واقفه عند الثلاجه ومعطيته ظهرها وقف وراها/عطشان
مدت له كاس مويه بس ماخذاه طمن وباس يدها رجعته وسكرت الثلاجه بتمشي مسكها وسحبها له وحوط خصرها بيدينه /مشتا ا ا ا ا ق
/........
/ولها ا ا ا ا ا ن
/.......
قرب وهمس في اذنها /باخذك الليله ماعرفت انام وانتي بعيده
طنشت/......
صد لشغالات وصرفهم راح للباب وقفله وصد لها كانت سانده على الطاوله وتطالعه ببرود رفعها وجلسها على الطاوله ووقف قبالها حط يده على خدها/اهون عليك تعامليني كذا
ماردت
/ليش سافهتني البارح
/......
طالعها بتأمل باس راسها وطلع
تنهدت بارتياح لانها نفذت وعدها له حلفت ماتكلمه وماتكلمت فتحت جوالها كانت مجهزه مسج له لانها تعرفه بيزعل وارسلته ....
دخل الصاله/يالله خالي سرينا.
حاتم/ليش مستعجل
/بشوف الشباب
حاتم/زين اجلس شوي وبنطلع
/.......
امه /بترجع الليله بعد!
/ايه
وصله مسج فتحه بطفش وابتسم صد وراح للمطبخ ودخل كانت مبتسمه بكبر ابتسم وقرب لف يديه على خصرها ورفعها ليما جت نفس طوله وقام يدور بها بقوه وهي مرجعه راسها وراها ويدينها على رقبته وقاعد يطير شعرها وهي تضحك وقف ونزلها وضمها بقوه وهي حاطه راسها على صدره فكها ورفع وجهها له يتأملها ابتسمت بخجل وباسته على خده
بتسائل /بروح معك؟
/لا
بقهردفته عشان تروح مسكها وهو يضحك/ وهو انا اادر!! . . . .


♣♣♣♣♣♣♣♣♣♣♣♣


=~¤~=~¤~=~¤~=~¤~=
يـــوم الجمعـــه العصــر
طبعا مازن تارك ريماس وزعلت منه
=~¤~=~¤~=~¤~=~¤~=

... كانت بالغرفه تبكي تحس بالم فضيع ودها تدق له يجي بس ماقدرت لان جوالها تحت فكرت تصحي احد من البنات(سمر+ ريماس +بشاير )
بس لازم تقوم لهم وهي اصلا مو قادره تتنفس من الالم دخلت العنود تبدل لعزوز لان ابوه مسبحه مع الشباب في المسبح شافتها وركضت لها ...بخوف... /هند وش فيك
رفعت راسها وبدت تفقد السيطره على صوتها وقامت تبكي بصوت مسموع/ .....
العنود مسكت يدها بحنيه(على فكره العنود اكبر من هند بسنه)/هند تكلمي وش يعورك؟
تبكي/.........
بخوف/ادق لخالي؟
بألم /ايه تكفين بسرعه ..
قامت بخوف عشان تنزل إلا بدخله ام ثامر وريناد وام هيثم لان عزوز قال لهم ان هند تبكي دخلوا وهي طارت تحت...
ام ثامر جلست بخوف/وشفيك يالغاليه؟
تبكي/بطنــــــــي احس اني بموت مو قادره اتحمل آآآآآآه
ام هيثم ماسكه يدها تهديها/استهدي بالله مافيك إلا العافيه ..
بيجي ابو نواف الحين
دخلت ام حاتم /وش فيها يانوره
ام ثامر/يمكن ماكله شي مفتوش وموجعها
ام حاتم/خير ان شاء الله
دخل يركض ومبين الخوف بعيونه دخل بينهم وجلس قبالها عند رجلينها(جالسه على حافت السرير)/حبيبي وشفيك ...وش يعورك؟
امه /مافيها الا العافيه تطمن
ام هيثم تهديه/طيبه بس تلاقيه تقلصات
وقف وقومها بس ماقدرت جلس جنبها /اشيلك؟
هزت راسها بالرفض/مابي
ام ثامر مسكت يدها وقومتها مع حاتم ونزلوا طار يقرب سيارته والعنود جابت عبايتها والبنات اللي كانوا نايمين قاموا على صراخ هند وتجمعهم راحت معهم ام ثامر والعنود ....
اول ماوصلوا استقبلهم مهند معه الممرضات ودخلوها ودخل الدكتور ومساعده 3 ممرضات
ومهند وقف معهم برا طول الدكتور داخل وحاتم ياما جلس وياما قام مسكت يده العنود/عمي ارتاح ان شاء الله انها بخير
جلس جنب ام ثامر اللي حطت يدها على يده تشد من ازره تشبث فيها محتاج للقوه من اي احد وبعد فتره انفتح الباب وقفوا وهو قدم لدكتور بخوف/خير دكتور
نزل راسه ثم رفعه/انت زوجها
بضيق/ايه
/مدري شقولك بس ا ا ا ا ا ا
انت خسرتـــ ..........





םסם
סםסםס
םסםסםסם
... ريناد/ادق محد يرد منهم حتى مهند
الجده/لاتقلقينهم لاتطمنوا عليها بتدق امك
دق جوال ميهاف كان معتز يسأل إذا خاله دق لهم بس قالت لا
الكل مل الانتظار دخل مازن خذا ريماس معه وراحوا للمستشفى ....













++++++++++++++++

... نزل راسه بصدمه نزلت من عينه دمعه حاره حارقه مسحها بحزن ودخل يبغى يشوفها
محد لحقه تركوه على راحته دخل شافها مثل الملاك مسك يدها كانت ثلج طمن وحب راسها جلس جنبها وضم يدها بين يديه
ماحس إلا باليد اللي على كتفه
صد وضمته تهديه ياما هداها وياما وقف بجنبها مسحت دمعتها ورفعت راسها له
/الله يعوضك ..
ابتسم بضيق /الله كريم
/طيب اطلع لخالتي والشباب برا يبون يتطمنون عليك
هز راسه وقام معها طلع
مازن بضيق/الله يعوضك
ثامر حضنه/الخيره في مااختاره الله ..
مسكه ابو هيثم من كتفه /اصبر هذا امتحان من ربك
نزلت دمعته/ وهي وش بيصبرها لاعرفت انها كانت حامل وخسرت ولدها ..هذا حلمها تعبنا نطارد ويوم ربي كتبه يروح بسهوله ...
طمن راسه باسى/... اللهم لااعتراض اللهم لا اعتراض
جلس على الارض بانكسار
طمنت ام ثامر ومسكت راسه وحطته على كتفها/الحمد لله على كل حال ...
برضى/الحمد لله
طلعوا كلهم بس مو للمزرعه لبيوتهم لان معتز وهيثم رجعوا الحريم بعد ماسمعوا الخبر وجلست ريماس عند هند
************************************************** ************************************************** *****************************************




رجع لها قبل المغرب كانت صاحيه و ريماس كانت تؤضا شافها جالسه وابتسم بادلته الابتسامه قرب وباسها على خدها وجلس على جنب السرير
سبقته هند/الله اللي عطاناه والله اللي خذاه
تفاجئ اختفت ابتسامته/قالتلك ريمو
/لا ... كنت حاسه وتأكدت
يتأملها بحنان/زعلانه إنا خسرناه
/اكيد بس الخيره فيما اختاره الله
باسها بفرح توقع انها بتتضايق وتبكي وتنكد بس هي انسانه مؤمنه وراضيه بقدرها/ الله يكملك بعقلك ويعوضنا ان شاء الله
تنهدت /امين



!ֱ !ֱ!ֱ!ֱ!ֱ!ֱ!ֱ !ֱ !ֱ!ֱ!ֱ!ֱ!ֱ !ֱ !ֱ!ֱ!ֱ!ֱ!ֱ !ֱ !ֱ!ֱ!ֱ!ֱ!ֱ!ֱ !ֱ

: : بعد مرور 3شهور : :








%~~~~~~~~~~~~~~~~%
... هند للحين تتذكر وتسرح في حملها تمنت انه موجود اكيد ماكانت بتكون هذي نفسيتها وحاتم يشوف الحزن بعيونها بس مو قادر يسوي شي .
... مازن لها في شغله وحبه لريماس بس هي اشغلها تأخر الحمل وكثير شكت لمازن بس ماكان مستعجل .
... معتز وهيوف سمن على عسل وهي في الشهر7 .
... العنود فرحانه انه بيجي ضيف جديد من لحمهم ودمهم ينظم لعائلتها وثامر فرحان لفرحتها .
... هيثم يموت على بنته واول مايجي من الشغل يصحيها على طول رغم ان ريناد تعصب عليه بس لاحياة لمن تنادي .
... بشاير وسمر تبقى على امتحاناتهم شهر تقريبا .
... احمد ينتظر تفرغ بشاير عشان يدق لها او يواجهها مل من هالوضع وناوي يحط النقط على الحروف .
... مهند عايش ايام خطوبته بس تمنى يملك عشان يكلم سمر براحته بس حاتم رفض لان سمر رافضه تملك الحين .
%~~~~~~~~~~~~~~~~%











%.%.%.%.%.%.%.%.%
بعـــــد المــــــغـرب
%.%.%.%.%.%.%.%.%... دخل البيت سمعها تشتغل في المطبخ دخل وقرب منها شافها تقصدر صينيه





مسكها من خصرها وصرخت(ماتحب هالحركه عشان كذا قاصدها)
صدت له وتنفست بارتياح
/روعتني
يطالع الصينيه/بسم الله عليك
بقهر/كل هذي صلاه!
يضحك/لامريت امي شوي
/طيب يالله تاخرنا
يطالع ساعته/ تونا بدري لا اذن العشا مشينا
/اش معنى؟
/ابغى اسلم على جدتي لو رحنا الحين مانزلت
/طيب تبغى حلى
/لاكليت عند بشاير
/حلى ريماس غير عليه ضمان
وغطت اصبعها في الكريمه (في القطع الزايده اللي برا صينيه التقديم) ومصته/امممم يا سلا ا ا ا ا ا ا ا م
بتعجب /حلو؟
تضحك/مرررررره
مسك يدها وغط نفس الاصبع
ومصه ضحكت على حركته
/ نطلع لصاله؟
/يلا ..اللي تشوفه
قرب منها/مااشوف الا انتي
ضحكت ودفته تدري بدا هباله صدت تجيب لها مويه مسكها من خصرها وقامت تصرخ بس مافكها/آآآه تكفى تكفى
يقلدها/تكفى تكفى
/الله يخليك
/الله يخليك
صرخت/جنبي آآآه مازن
مزون يعور ..
مات ضحك ولفها له وهو حاضنها وقام يبوس خدها ورقبتها وهي تسحب شعره وتصرخ بنفاذ صبر
تركها وطلع لحقته وجلست جنبه
/اجيب لك شي تاكله
/لا
/مازن
/لبيه
/تدري اني كنت اقول لخالي ماله شبيه في عيال خواته واخوه إلا معتز بس بعد ماعرفتك احسك اقرب له في التعامل والاحترام والثقه حتى نفس الشخصيه بس انت فيك عيب
ابتسم ثم مثل الصدمه/انا فيني عيب!
/ايه فيك عرق نذاله مدري من وين جاك
يضحك/ماعليه ياحبي النذاله تهون عند الدلاخه
بضيق/اوف مازن مااحب تقول كذا
/طيب لاتدفين
/وخر عني
/ما اادرش
انسدح على رجلها/حبيبي
بزعل/نعم
/من وين استوحيتي اني نذل
ضحكت/وووووووه حدث ولاحرج
مبتسم/مثلآ
/آمنه
/عليك الامان قولي
/تذكر يوم كنا في لندن ونزلوا معتز وميهاف القارب وانا رفضت جلست معي وانت من النذاله والحقد
يضحك/بعد
/ههه ماكلمتني إلا بعد وشهو
...تبي مثال ثاني
يضحك/ياليت(مرووووق)
/سالفه الصرافه طنشتني ذاك اليوم كله لو مابديت معك ماراضيتني
/عليك طلعات تراك
/هههه انت اللي قلت قولي
جلس/لايكثر قومي بس نمشي
/وش طرا عليك
/ذكرت اني مواعد
بنص عين/مين
/وحده عندك مانع
/لادواس
قامت تلبس عبايتها ثم مرت المطبخ شالت الحلا وجا عندها في المطبخ/هذي اللي تأخرنا وتأخرنا
ضحكت وطلعوا . . . . . .


|~~|~~|~~|~~|~~|~~|~~|
بيـــت ابو ثامــــــر
~~جنــــــاح ثامــــر ~~
|~~|~~|~~|~~|~~|~~|~~|... منسدح على الكنب بغرفتهم ومتوسد رجلها قبال الدش
وهي تمرر اصبعها على خده معجبها شعر لحيته يقرصها لانه مبطي ماحلق
مسك يدها وفتحها وحطها على خده وحط يده فوقها ثم سحبها يلعب بخاتمها واخيرا حطها على فمه يبوسها ثم بوس اصبع اصبع وعضها وهي كانت غافله تستشعر حبه وهدوئه انتبهت وسحبت يدها ضحك ورفع راسه/وين وصلتي
/عندك
حط يده على بطنها/كم لك من شهر
حطت يدها على يده وسكرتها5
شهور
/انا ابغى بنوته
/وشمعنى
/بس ابيها تطلع دلوعه
/طيب وش بتسميها
/اكيد غلا
>>>>احم احم ههههه
/طيب ولو ولد
/لو ولد وليد
... دخل عزوز ونقز جنب ابوه وانسدح على يده
ثامر /وش هالهدا
ضحكت العنود
عزوز/ماما عمه جت
ثامر/ريناد
ببراءه/لا اخت جده
ثامر/خالتي ام هيثم
ببراءه/ايه
قام وشاله معه رماه على السرير ولبس عشان ينزل يسلم على خالته ثم يروح لربعه في الاستراحه بعد مالبس شال ولده ونزل سلم على خالته وريناد وجلس جنب العنود بعد دقايق صد لها بهمس/انا طالع تبين شي من برا
/لا
/اكيد مهوب تقوميني توالي الليل
"بسخريه قال"مشتهيه ورق عنب مشتهيه فراوله
ابتسمت/تراه ولدك إللي يتشرط مهوب انا
دق جوالها كانت ريماس تقولها تجي لبيت جدتها لانهم في الطريق بس قالت ان عمتها هنا وسكرت استاذن ثامر ومعه ولده بعد ماأزعجه بالبكا إلا يروح وحلفت عليه امه ياخذه معه ......

¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛




‏ ‏ღ♥ღ♥ღღ♥ღ♥ღღ♥ღ♥ღ
؛،.»بيت ام حـاتم«.،:
‏ ‏ღ♥ღ♥ღღ♥ღ♥ღღ♥ღ♥ღ+++ نزلت سمر بعد ماصلت المغرب ومبين النوم في عيونها
لقت جدتها وعمها يلعب هو ونواف بلايستيشن واحمد منسدح عندهم/السلام عليكم
الكل/وعليكم السلام
صد لها عمها وقبل لايتكلم قالت/ها ا اي عمو
/هايات بدري صحيتي ...تصدقين اني وصلتك لحد الغرفه معي مويه بس من حسن حظك لقيت الباب مسكر
/هههههه
دخلت هند الصاله بعد ماظبطت القهوه /سمر ترا ريمو ومازن في الطريق
بفرح/هلا هلا من زمان عنها
طلعت تبدل وتنتظر مازن يمشي
الجده تكلم ولدها/عسى مازن بيتعشى هنا؟
حاتم/ريمو ايه
امه/ومازن
حاتم /لا معزوم
/ورا ماتلزم عليه
هند تقهر حاتم/اذا جلس خليه يلزم عليه
صد لها وابتسم
الجده/وين بتروح والله انك يذا الولد ناكبني
ضحكوا هند واحمد
حاتم/لاجد والله معزومين على تخرج واحد من الربع
يستعطف امه/يمممه
/لبيه
/شوفي بنت اختك تفتن بيننا
الجده بحقد/بيض الله وجهها فيك
ماتوا ضحك
وكملوا سوالف لحد ماسمعوا الجرس طلع احمد يفتح
دخلوا سلموا وجلسوا قامت هند تجيب القهوه وصبها احمد
الجده حطت يدها على رجل مازن بحنيه/وينك ياابوي ماتقول لي جده امرها اسلم
/حقك علي يالغاليه بس والله مشاغل
الجده/الله يعين
مازن / احمد شخبار الشغل
/الحمد لله ...إلا تراك معزوم بكره العصر في الصاله
/وش عندك
/ابد واحد استاذن يحط حفله لسلامة اخوه فيها قلت على راحتك ماراح اخسر شي الا كسبان زباين
حاتم/نعرفه
احمد/ ايه فهد ولد ابو نايف لاخوه الا سوا حادث قبل امس
مازن/مادريت عنه.. وش جاه؟
/ابد كسر بيده مع انك لو شايف سيارته قلت مستحيل يعيش صاحبها
حاتم/كنت فيه وقت الحادث
/لا رحت مع فيصل للورشه وشفنا سيارته عدام ...المهم بتجي ..
مازن/ماعليه يصير خير
يفتن/اقول مزون لو ماسألته عن الصاله ماعزمك يعني احفظ ما وجهك ولاتجي
احمد/لا والله كنت بدق بس يوم دريت انك جاي قلت وشله الخساير و....
يقاطعه مازن /متأكد ياابو خالد وواثق فيك و ادري بعد ان في الجو ناس حاقده
ضحك حاتم لان مازن يقصده
..نادى احمد لمازن واشر لنواف اللي جالس تحت التلفزيون يلعب (ناويين عليه)
مازن ابتسم وطالع لنواف /اقول هذا للحين ماكبر
احمد/وانت وش عليك توه صغير
مازن/متى رضع اليوم؟
احمد/تو هند مسويه له في رضاعه نوف
صد لهم يبغى يتأكد اذا هو اللي يتكلمون عنه
مازن يقهره/حبيبي رضاعتك وينها
بطفش/عند امك
مازن بسخريه /هذيك حقتك
احمد/ههههه
هز راسه بمعنى الحمد لله وصد يكمل لعبه
احمد/ يومك منتب جالس مع الرجاجيل ليش ماتلعب بغرفتك
بحقد/تراه بيت ابوي
مازن باندفاع/يخسى ابوك ...(انتبه انه غلط يوم احمد مات ضحك ) /من كذب عليك؟
>>>> يعني صرفها
مادرى الا بهمر نواف "سياره لعبه" يخبطه على صدره ماتت ريماس ضحك
مازن/ههههههه سوري خالي طلعت بالغلط
حاتم/اللي في قلبك على لسانك
/لامالك حق تقول كذا اجل قلبي اسود...
..../ليه كاشف عليه
صد لها (ناوي على الكل اليوم) /ماشاء الله انتي هنا؟
ريماس/لا مابعد جيت
يقهرها/ عشان كذا ...
قربت منه وبهمس/يوم اقولك حاقد
حط يده على يدها وقبضها بقوه كان ودها تصرخ بس انحرجت سحبتها بس ماتركها فجأه ترك يدها وهي ما ا ا ا تت
ضحك لان خالها رماه بالفنجال طمرت من جنبه وجلست جنب خالها
استغل حاتم الفرصه عشان يردها لمازن/ هاه عمري المزيون فيه جرب يوم قمتي من عنده
تصرفها/ ماتبيني قمت.
/لا مو كذا بس اخاف تعاديني
ضحك مازن عشان يقهرها/ههههه حلوه ياخالي
حاتم/اعجبتك
مازن/ ايه بس لاتعيدها ....
وحط يده على كتفها ثم صد لمازن/ شوف انت رجال بتحط هالجوهره بعيونك وإلا ردها لي
الكوره صارت في ملعبه ..حب يقهرهم كلهم ويعلمها الحقد والنذاله على اصولها /والله عرضك مغري بس بعد يبي لي افكر
رمته بالخداديه وطلعت فوق
حاتم/توسع صدرك يوم زعلت
/هالكلام قله لنفسك مهوب لي
حاتم/لو منها معاد اعطيك وجه
... اذن العشا وبعد الاذان قام نواف من عند البلايستيشن عشان يتوضا/اللهم رب هذه الدعوة التامه والصلاة.........
طالعه مازن مبهت ثم صد لاحمد وخاله وسبقه احمد/ماشفت شي
ابتسم/ماشاء الله
صد لجدته /يالله ياجده اخليكم
/الله يستر عليكم
طلعوا احمد ركب مع مازن لانه بيرجع هنا ياخذ ريماس وحاتم انتظر نواف يركب عشان يروحون للمسجد ومنه
لصاحبهم ....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 149
قديم(ـة) 16-12-2008, 08:56 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


_ _ _ _ _ _ _ _ _
فوق عند سمر وريماس بعد السلام والكلام دخلوا بغرفه احمد لان ريماس مابعد شافت صوره دق جوال ريماس بمسج
فتحته بسرعه متأكده انه من مازن قرته



(صبرت قلبي كثير
و اشتغلتني بزينها...
لاتحب ولاتغير ...
وماني مالي عينها)
ضحكت (هالمسج له قصه اتوقع ذكرتها من قبل ...على العموم كل ماتزعل منه يرسله لها) استغربت سمر ضحك ريماس اصلا لو مرسل نكته ماضحكت كذا

خطفته سمر وقرته بسرعه قبل ماتخذه ريماس
سمر بقهر/طيب مايضحك
/ادري انه مايضحك يموت ضحك
بسخريه/....الحمد لله والشكر !
جاها مسج جديد فتحته حصلت وسائط "صوت" /
(اهمـه لو گـذب اني ماهمه غلاه يجول في قلبه ودمه يبان الحـب في نظرة عيونه يقول الصدق ولا ولد عمه يغــــار و غيرته تفضح غرامه وتگـشف غيرته حتى گـلامه يغار و يقلب الدنيا عليا يبيـني دوم في قربه ويمه يبيني دايم بجنبه يبيني و لو انه تظاهـر ما يبيني انا ادري فيه وادري عن طباعه يــخفي الشوق في قلبه ويضمه يگـابـر وادري انه هو يگـابـر وانا ادري لگـن دوم صابر ابيه يـــبوح عن حبـه وشـوقه و انا اللي بين خلق الله اهمـه)تنهدت بفرح يارب خله لي .... وردت عليه/
(رغم التغلي والله القلب مغليه
ماقبله اللي صد عني وصحته
يزعل ليا منه طراله واراضيه
واستسمحه عن جرحه اللي
جرحني
وأليا أمرني قلت له سم لبيه
والله لو يطلب عيوني عطيته
ياكثر ماني هايم بالهوى فيه
فضحت نفسي بالعباد وفضحته
ارتاح لامن جابوا الناس طاريه
ان مدحوه الناس والا مدحته
حتى الفرح عيني تشوفه باراضيه
وأفز لامني بصدفه لمحته
أحيان أسج بوسط ربعي وأناديه
وياكثر ماجاني خياله ونحته
هذاك كنه ماخذ القلب بيديه
لقى مفاتيح الضلوع وفتحته
لوماعطاني صاحبي ليه ماعطيه
كافي لمحت الحب فيه وشفته
سيد الغلا حاضر زماني وماضيه
طرحت نفسي فالغرام وطرحته
وان كان ماتدرون ليه الغلا ليه
القلب تاقف دقته لاذكرته.....؟)
... ... ... ... ... ... ... ...











.... الساعه 10
وصلوا الشباب معهم مهند دخلوا الصاله حصلوا الجده وهند وجلسوا
الجده/ياحيا الله مهند
/الله يحييك يالغاليه... وشلونك؟
الجده/بخير ونعمه
حاتم/يمه وين البنات؟
امه/من شوي كانوا هنا..
هند/ في الحوش معهم روميو
وقامت عشان تقول لسمر ان مهند هنا عشان ماتدخل
مازن/مهند متى بتخلص تطبيق
مهند/هانت يمكن 6شهور
دخلت ريماس صافحت مهند وجلست جنب مازن غمز لها وابتسمت
جا نواف من المطبخ يركض وبيده عصير كان يطالع ورا يشوف اذا سمر تلحقه لانه ماخذ عصيرها ماشافها وصد بنفس الوقت اللي صدم فيه الطاوله طاح الكرستال وانكسر ..
مازن/والله من الطفاقه
احمد يضحك/اقولك للحين بزر
طالعهم وسكت
مهند/ههههه اخس على النظرات
احمد ومازن/ ها ها ها ها ها
حاتم بقهر/خلاص مزون اسكت عنه
مازن/تخاف يبكي!
حاتم بنفاذ صبر/ما ا ا ا ا ا زن
رفع يده باستسلام/خلاص خلاص...
لاحظ هدؤ ريماس
صد لها شافها تلعب بجوالها خذاه من يدها و همس لها/حبيبي
صدت له
/وشفيك؟
ابتسمت وماردت
... جا نواف عند احمد عشان يجلس وزحف له احمد بس مااعجبه المكان يبي اكبر
بضيق واضح/ زحف بعد.
احمد معصب/كل هالمكان ماسدك!
نواف/وش عليك زحف
زحف شوي وحط نواف دبه (الدب كبير مره يمكن اقصر من نواف شوي بس طبعا عريض)
ثم جلس بحضنه
احمد يطالع نواف بحقد/ دخلناه ودخل بحماره !!.
بحده/من الحمار !؟
مازن/ليش يااحمد تقول عنه حمار اسم الله على الحمار منه
احمد - مازن/ ها ها ها ها
رمى نواف مازن بجواله وخذاه مازن ومارجعه واقلق ابوه عشان يجيبه من مازن
مازن/ لا يعني لا ماقلت لك احلته
خذته ريماس من يد مازن وعطته نواف
يطالعها بطرف عينه/مسويه فيها اخلاق
ضحكت وصدت عنه شوي استاذن مهند ومشى حط مازن يده ورا ظهرها وبما انها تعرف حركاته كانت بتقوم بس مسكها ..
احمد/اقول عمي ترا باخذ نواف معي بكره
حاتم/لا سوري
بتعجب/ليش
حاتم/......
مازن يضحك/ياهوه ياخالي تخاف عليه من قرناء السوء
حاتم/لا وانت الصادق اخاف عليه من الدجه من الحين!
صدت له/بطلع لسمر شوي
ابتسم/لابنمشي الحين
/دقيقه بس
قامت عنهم شوي ونزلت جلست جنب نواف وباست خده/
ياحلا ا ا ا ا ا تك
مازن ينرفز نواف /حبته المره
نواف يسوي نفسه عادي وإلا هو مايحب كذا/ وش دخلك؟
ريماس تقرص خدوده/بالله انت من طالع عليه؟
احمد يضحك/اكيد على مازن!
بحده/لا ماابي انتحر
الكل مات ضحك حتى مازن اعجبته تلقائيته
استاذنت الجده ودخلت تنام
احمد/نواف انت ليش كذا شيطان؟
فتح صدر التيشيرت حقه /تف تف تف علي لااحد ينظلني
وكملوا سوالف إلا ان لاحظ حاتم سرحان مازن/المزيون كم جالك من ولد
انتبه وابتسم
حاتم/نواف اتحداك تكب المويه إللي معك على مازن
احمد يشجعه/لو كبيته رحت معنا بكره لصاله
نواف طالع مازن ثم صد لاحمد/لا بكبه على ابوي
حاتم بدهشه/وش معنى!
نواف/مازن حبيب صح احيانا يكون مليغ بس احبه ....
احمد/وا ا ا ا ا او
مازن ضحك وقام وباس نواف بقوه
ريماس قامت
حاتم/ريمو
صدت له حاتم/اتحداكي انتي
صدت لمازن وابتسمت بمكر خاف صح يثق فيها بس تجيها خمات
جلست جنبه ودخلت يدها بيده وحطت راسها على كتفه/مقدر هذا راس مالي
ابتسم بفرح وحب راسها ثم همس باذنها وفجأه ضحكت ودفته عنها
احمد/ضحكونا معكم.
ريماس تطالع مازن/سر صح
ابتسم لها
احمد يغمز لمازن ويطالع نواف/شوف ترا فيه بزارين هنا لاتسوون حركات وسخه
نواف بقهر/عاد من كبرك
حاتم/هههههه
استاذن مازن الساعه
12 ومشوا . . . . . . .


°°`•.¸¸.•°°`•.¸¸.•°°`•.¸¸.•°°



==============
================
أنـا السجـين بغـرفـه مـالـهـا بــاب وأنـا الغـريـق فبحـر مجهول حـده الصـمـت والدمـعـه وصـدك لـي أصـحـاب وليل ضـرير مسامره مـا يــوده
رسـمـتـنـي في لوحة الذكــرى عـــذاب
طفـل يتيم ودمعـته فـوق خـده
يا صرخة الذكـرى كفى لـوم وعـتاب أطوي خريف العـمر وجـرح المـوده
================
==============


... كانت منسدحه على سريرها وحاضنه يدينها صورته تحس مالها نصيب معه كل ماتظبطت امورهم رجعت وتلخبطت تنهدت بحزن وحطت راسها على وساده شهدت دموعها وحزنها وضيقها كل ليله آآه يااحمد ليتك تحس فيني لو لحظات ليتني اشغل افكارك لثواني كان عرفت وش كثر اعاني من برودك غمضت عيونها تعطي دموعها فرصه تنزل لتعانق وجنتيها وتنكسر بين يديها



==============
================
احلم بحب يشتتني ويجمعني
احلم بقلب يزلزل كل وجداني
قلب لو اني مشيت الموت يتبعني
القاه في ضيقي وان ضقت
يلقا ا ا ا ا ا ا ا ا ا ا ا ني
================
==============


¤ــــ¤ــــ¤ــــ¤ــــ¤
يــــوم الاحــــــــد
¤ــــ¤ــــ¤ــــ¤ــــ¤... رجع من دوامه كان بيمر بيت ابوه لان امه امس عازمتهم على الغدا فكر يمر بيته اول وياخذ شور ويبدل لان اكيد ثامر مابعد وصل وفعلا راح دخل شافها ماسكه السماعه وتضحك تسحب لعندها وغمض عيونها صرخت ورمت السماعه دفته ضحك وفكها/مجنون روعتني
معتز/اسم الله عليك
ميهاف بجديه/الغدا عند امك ليش
جاي هنا
/ يومك داريه ليش مابعد رحتي
/كنت هناك بس جيت ابدل
/اها انا بعد جاي ابدل
/بس قبل مااطلع دق الثابت ورديت طلعت بشاير
يضحك/على طاري بشاير هي للحين على الخط
شهقت وخذت السماعه بس حصلتها مسكره سكرت تقرب منها وغمز لها/ احسن انها سكرت بكرامتها اغار يوم اشوفك تضحكين مع غيري
قام وسحبها معه ...
/وين مالي خلق اطلع فوق
مسك يدها/بتطلعين غصب اجل من بيطلع لي ملابس
طلعوا ودق الثابت وقفت بنص الدرج




وصدت وراها ثم صدت له/اكيد بشاير
لف يده على خصرها /دقي لها لارجعنا من عند امي
/زين بس عندي شرط
/امري
/ليش مازن وخالي ينادونك (مرته لمازن)
ضحك/لاني مرافقه في كل شي وإلى قال ايه قلت ايه وان قال لا قلت لا ...وبعدين مو هم وبس اللي ينادوني كذا الشباب كلهم
/وانت راضي
بمرح/عادي
/زين عصب عليهم
/وليش اعصب والاسم عاجب مازن
/عصب على مازن
/اوف اول مره اشوف وحده تفتن على اخوها
/هههههه لا مو كذا بس(حطت راسها على كتفه)ماارضى عليك
دخل اصابعه في شعرها/فديت اللي مايرضون علي ....



***********
بعــد يــوميــن
؛،.»بيت ام حـاتم«.،:
*****************.. جناح حاتم وبالتحديد غرفته ..
جالس هو وهند ونواف متوسد رجل ابوه ورايح بسابع نومه
.................................................. .................................................. .................................................. .................................................. .................................................. .................................................. .................................................. .................................................. .............................
بسرحان /تصدقين على كثر ماحزنت إنا خسرنا الجنين كثر مافرحت
بدهشه/فرحت لانه طاح
صد لها/لا .... فرحت ان مشكله الانجاب انحلت
تنهدت/الحمد لله ..."تذكرت شي".../اقول حبيبي بكره فاضي؟
/اتفضا لك ...وش بغيتي
/ابغى السوق بجيب اغراض لاسامه وليان(تؤام اخوها عمرهم شهر)
/تامرين ياعمري
/مايامر عليك عدوا
قامت ومسكت يد نواف بس مسكها حاتم/وش قلت انا؟
ابتسمت/بساعده
/ولا حتى تساعدينه ترى من جد بزعل ..قدامي وتسوين كذا كيف من وراي
ضحكت وباست خده/انا احرص منك لو اللي باسويه
يظرني ماسويته
مسكها وجلسها بحضنه وسحبها (ظهرها على صدره) وهمس باذنها/ احبك
دفته وقامت وقام معها دفته ومسكها باعتراض/لا بعد عني
ضحك وحضنها
بتهديد/لاتخليني احلف اشيل نواف بعد احسن لك
حط يديه تحت وجهها ورفعه وطمن تحسبه بيبوسها بس عض شفايفها دفته وبعدته ماتركها بكت من الالم تركها وانسدح على السرير وهي طلعت انتظرها لكن ابطت توقعها عند سمر شال نواف يوديه لغرفته شاف المكيف يشتغل والنور
طافي ولعه وشافها تبكي في سرير نواف سدحه ولحفه ثم راح لجهتها طمن بيكلمها بس فاجئته بكف على خده .....
..... ..... ..... ..... ..... ..... ..... ..... ..... ..... ..... ..... ..... ..... ..... ..... ..... ....... ..... ..... ..... ..... ..... ..... ..... ... ..... ..... ..... ..... ..... ..... ..... ..... ... ... ..... ..... ..... ..... ..... ..... ..... ...
..... ..... ..... ..... ..... ..... ..... ..... ...




¶ ¶¶ ¶¶ ¶¶ ¶¶ ¶¶ ¶
توقعا ا ا ا ا ا ا ا ا ا ا ا تكم
عن ردة فعل حاتم !!!.....
¶ ¶¶ ¶¶ ¶¶ ¶¶ ¶¶ ¶
















... الساعه ½ 11م ...
-- منسدح في المقلط يطالع مباراه الاتحاد والنصر مع انه مايشجع احد فيهم بس يحب الكوره بشكل عام
اما ريماس تركها فوق نايمه ونزل لانها شفرت القناه الرياضيه فوق وقبل لاينتهي الشوط الثاني دخلت ومعها لحاف وانسدحت جنبه من دون يتكلم مد لها يده حطت راسها عليها ونامت وبعد ماانتهت المباره بفوز النصر3مقابل2
سحب اللحاف عشان تقوم بس ماتحركت سحب يده من تحتها وماقامت وهو مستحيل ينام على الارض لان ظهره يعوره
سحب يدها عظها مط شعرها قام يبوسها انواع الازعاج سواه بس رافضه قام وطفى التلفزيون ورجع وداس على اصابع رجلها بقوه كانه مادري تحركت وطالعت فيه ثم عطته ظهرها ونامت انقهر وانسدح جنبها
/حبيبي قومي ظهري يعورني
خلينا نطلع فوق
/.....
سحبها وحط وجه قدام وجهها وصرخ/ريموووو
/امممم
/يالله قومي
دفته/ماابغى
قام يعرف وش بيجيبها/بطلع فوق لاسمحتي الحقيني
بس انصدم انها ماتحركت
انقهر هين يارموسه على قول بشاير انسدح وهمس باذنها فتحت تطالعه ودفته يوم ضحك
/لو عارف انك بتقومين لاقلتلك كذا قلتلك من زمان
بطفش/الواحد ماينام بسلام عندك
/خلي عني وقومي بكره وراي دوام
قام وسحبها معه/شلني
بابتسامه/ماسمعت وش قلتي
/شلني
/تصدقين اخاف من كثر ماتعودتي تقولينها تقولينها قدام امي
مشى وتركها صد وهو جاي بيطلع الدرج شافها تسحب وعين مفتحه والثانيه مغمضه
مات ضحك ووقف ينتظرها مد يده لها ومسكتها
بكسل ممزوج بدلع/شلني
حط يده على كتفها وقربها منه/حبيبي ظهري يعورني وإلا كنت بشيلك واريح راسي من الازعاج ..........


..... ..... ..... ..... ..... ..... .....
°°`•.¸¸.•°°`•.¸¸.•°°`•.¸¸.•°°
..... ..... ..... ..... ..... ..... .....















--- جالس على سرير نواف





و هي للحين منسدحه وراه
كان مندهش من اللي سوته وهي منصدمه كيف مدت يدها عليه بعمرها مارفعت صوتها على صغير او كبير كيف تمد يدها وعلى من حبيبها وروحها ودنيتها كلها تنهدت وجلست بس ماصد لها كان يفكر وش اللي يخليها تسوي كذا وش اللي يزعلها ومو بس كذا الا طلعها من طورها حس فيها وهي حاطه راسها على كتفه وضامه يده مسح على راسها من دون يطالعها


وقام راح لغرفته سمعها وهي تبكي حس بضيقه ماتهون عليه يتركها حزينه كان بيرجع لها بس تراجع وانسدح على سريره
سمعت الباب وهو يتسكر تندمت سكرت يدها بقوه ياليتني منعت نفسي ياليت يدي انشلت قبل امدها عليه ياالله
ليش ماتحملت كلامه ليه صايره هالفتره متسرعه في تصرفاتي واحس نفسي دايم طفشانه ...انا مو هند الاوله بدليل ريماس قالتلي ذاك اليوم
(كانوا في المطبخ يسون حلويات لان حاتم عازم ربعه على القهوه العصر
سوت ريماس عصير منجا اول شي لان مازن يحبه ثم سالت هند/اقول هند وش يحب خالي اكثر عصير برتقال او ليمون
بطفش/سوي اي شي
/ودي اسوي ليمون بس اخاف مايحبونه
/انتي سويه لو حبوه زين على زين ولو ماحبوه مهو بلازم يشربونه
ريماس /.......... اقول هند
بهدؤ/قولي
/بس ماتزعلين
صدت يوم حست في كلامها الجديه/قولي
/احسك متغيره اول مره من عرفتك اشوف اسلوبك كذا ...
/........
قربت وجلست على الكرسي اللي جنبها/فيه حاجه مضايقتك
تنهدت/......... بتصدقيني لو قلتلك مدري وش فيني
تتأملها بس هند ماتحملت الضيقه من طاح ولدها وهي متغيره مو بس ريماس اللي قالت حتى حاتم قالها عشان كذا نزلت دموعها صعبه تحس ان اقرب الناس لك تكون مقصر معهم حضنتها ريماس فارق السن بينهم3 سنوات بس حست فيها وفي ضيقتها/هند اللي فيك بسبب فشل حملك بس مو اخر الدنيا هالشي بكره ربي بيعوضك غيره لاتنسين ان رحمك استعاد حيويته ونشاطه
سحبت نفسها من حضن ريماس وباست راسه/مشكوره ياقلبي صدق انك اخت
ابتسمت لها)
رجعت لواقعها يوم حست بيده على خدها تمسح دموعها ضمته وبكت بندم/حبيبي اسفه مدري وش صاير فيني (تبكي وتشاهق) والله ماحسيت بنفسي الا بعد ما حسيت بحراره بيدي...حبيبي ا
يقاطعها/لو ماشكيتي اللي فيك لي لمن تشكين
ضحكت ثم بكت رفعت يدها ومسحت مكان ماصفقته حطت عينها بعينه ابتسم بس هي نزلت راسها وحطت كفوفها على وجهها وبكت/حاتم لاتزعل مني انا صايره مجنونه
ومااطاق
رفعت راسها له ومسكت يده/اصفقني طقني اذبحني استاهل بس انت ماتستاهل اللي سويته
مو كافي صبرك علي هالمده من دون مااجيب لك عيال
كان يطالعها وده يقول مسامحك من قلبي بس تركها تقول اللي فيها ويوم سكتت تكلم سبقها قبل تكمل/قلتي كل اللي عندك؟
طالعته بانكسار/.....
ضحك ومسك يدها طلعوا وطفأ نور غرفه نواف


ودخلوا غرفتهم من دون يولع النور شالها وسدحها في مكانه

وانسدح جنبها ضمته بقوه همس بأذنها/ليش صفقتيني
ضحكت/ مدري
/كفك طالع من قلب
/احبك
/حسيت راسي افتر
/الله لايحرمني منك
/كنت برده لك بس تعوذت من ابليس
باست خده بقووووه
ضحك وحضنها ..........


%~~~~~~~~~~~~~~~~%



*¤*¤*¤*¤*¤*¤*¤*
،،، يـــوم الثلاثـــاء ،،،
،،، العصــــــر ،،،
*¤*¤*¤*¤*¤*¤*¤*... جالسين معتز ومازن وهيثم في الكوفي شوب وينتظرون بدر
هيثم/اقول مازن وش سويت عشان تكمل المبلغ
تذكر سالفه الفلوس تنهد/ والله مدري
معتز/كم باقي ؟
مازن بطفش/وشهو اللي كم باقي قل كم جمعتوا
هيثم/طيب كم صارت؟
مازن /حول 300،000 وشوي
هيثم بدهشه/ريماس ماعطتك 400
مازن يضحك/ إلا
هيثم/وينها طيب!
مازن/اهديت بدر 50 تقدر تقول عانيه زواجه
هيثم مبتسم بفرح/ والله انك نشمي طالع علي
معتز/طيب قل لريمو
مازن/ لا خذيت منها من قبل هيثم/ عادي يابن الحلال زوجتك وسدد بعدين
مازن/ لا ...ريماس لا
معتز/ لاتصير معقد وش فيها لو خذيت منها مافيها شي
مازن بقهر/وش اللي مافيها شي بتقول وظفته عشان يحافظ على حلالي لعب به ....
معتز/مستحيل تقول كذا اختي واعرفها بعدين انت بالذات مستحيل تقول عنك كذا
هيثم يطالع معتز/تبي الصراحه عاد مازن صادق فشله ياخذ منها مره ثانيه والمثل يقول لاصار صاحبك عسل لاتاكله كله
مازن/..........
معتز/...........
معتز/هما عاد شكلنا بنكلم خالي
مازن/ ليكون حليتها!.. ناسي ان ريماس اقرب لخالك منا يعني مايحتاج اقولك انه بيقول لها هذا اذا ماخذا المبلغ منها
معتز بطفش/اففف وبعدين ... مازن/ تدرون مافيه الا الحل الأول
هيثم/ لاتقولي بتاخذ قرض
مازن/ إلا
هيثم بجديه/ مازن انت مجنون توك ببدايه حياتك من اللحين تلجأ للبنوك مافيه الاتقول لشباب في المزرعه وكلن يدفع اللي يقدر عليه
مازن/ لاياناس افهموني ماحب امد يدي لحد وانا الحمد لله ماعندي قاصر
معتز/ اقول صدقناك بس وبعدين هذا انا تسلفت وعلى قولتك ماعندي قاصر
مازن/ انت كيفك انا بمشي شكل بدر بيسحب علينا
هيثم/ مازن انتظر لازم نرسي على بر
قام/ انابمشي والفلوس بدبرها هيثم/ مازن شوف البنك لا
صد لهم /وريمو لا
معتز قام هو وهيثم/لقيتها.
صد لمعتز/وشهي
/عرفت من وين بنكمل المبلغ
هيثم بتفائل/كيف
معتز/من الشركه
مازن بتعجب/ مافهمت
معتز/بنقول لابوي وابوك السالفه واكيد بتنحل المشكله..
مازن/لا
معتز/ كيفك
مازن/ انا بتصرف
مشى وصد لهم/ وبعدين ماابغاكم تسألون من وين جبت المبلغ ...
شاف الاستنكار في عيونهم ثم كمل/ ومابي ريماس تدري ولو سألتك ياابو ندى قل هيثم عطاه
هيثم بدهشه/ هيه هيه وش هيثم عطاه وانا عندي بير اغرف لك منه
مازن -معتز / هههههه
رماه مازن بالمسباح /مالي دخل محد قال صير اخوي الكبير ومشى لسيارته
هيثم/وين؟
مازن/بروح لبدر يمكن محتاج مساعده
معتز/بتروح له بشقته
مازن /ايه بتخاويني
/لا والله بس سلمني عليه
/يبلغ ... وانت ابو تركي
/بشوفه بعد بكره
معتز/انا ادري
مازن/مهو بفاضي لكم ذاك اليوم
هيثم/الله يوفقه
مازن /آمين
ركب سيارته وحرك -----


!ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ !ֱ




=======
الخميــــــس
==========اليوم بيتوج بدر عريس بيودع العزوبيه بدون رجعه كان عادي كانه مهوب المعرس يعني مو ذيك الفرحه بس فرحته الحقيقيه لمة مازن واهله
(ابو مازن وخاله وعمه وعيال عمه واحمد) مع انه كان زواج عائلي إلا ان مازن اصر يحضرون معه لانه يعد بدر اخوه إللي ماجابته امه ..........





ססססססססססססס












¤¤¤¤¤¤¤¤¤¤
بعــد مرور شهـــر على الاحداث السابقه
¤¤¤¤¤¤¤¤¤¤¤¤¤¤

-بدر سافر مع زوجته لمصر جلسوا اسبوعين ورجعوا
-ميهاف في الشهر 8
-العنود في الشهر 6
-هند مر على تسقيطها 4 شهور
-ريماس لاجديد
-بشاير وسمر دخلوا في الجد (تبقى على امتحاناتهم اسبوع)
-الشباب لاشي يستحق اذكر
سوا توفر المبلغ مع مازن
550،000 ريال ، ، ، ، ، ،¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛¦؛


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 150
قديم(ـة) 16-12-2008, 09:00 PM
صورة ~{آَلّوَرْدَهّـٍ آَلّجَرِيٍحَہٌ .’ الرمزية
~{آَلّوَرْدَهّـٍ آَلّجَرِيٍحَہٌ .’ ~{آَلّوَرْدَهّـٍ آَلّجَرِيٍحَہٌ .’ غير متصل
.. سگوتگ جرحني ..
 
الافتراضي رد: خذني بحضنك / روايه لرذاذ الماس


=بيـــت ام حاتـــمـ=
اليوم العشا عند حاتم(عشا عائلي"دوريه")



وبعد العشا طلعوا بشاير
وريماس وسمر فوق بغرفه
الاخيره
كانوا يعلقون على سمر وسالفه خطوبتها لان حاتم قال بيملك بها في الاجازه وهي رافضه رفض قاطع"تخاف مهند يطمع ومايكفيه الملاك"
بشاير/سمور متى آخر مره شفتي مهند؟
تفكر/امممم قريب ليش!
ريماس تطالع بشاير وتضحك/
تحسبينه باقي على دباشته وخباله ...لاتغير طلع كفو مره وعرس وتحمل مسأوليه
سمر/ هههه الله مير يسلمك
بشاير بسخريه /اجل بعد مادحه حبيب القلب
سمر بابتسامه /آ آ آ آ ه
ريماس تضحك
بشاير بتأمل /مااصدق انك بتتزوجين
سمر/وليش ماتصدقين ناقصه وإلا ناقصه
بشاير/ناقصه الثانيه
سمر/ الدور والباقي على غيري يتشطر
سكتت ماتحب تنفتح هالسيره
ريماس حست فيها وغيرت مسار الحديث/ بكره بنطلع للمزرعه
سمر باندفاع/ لا تفرحين هونوا
بشاير بحده/ليش
سمر/احمد بيروح لجده مع ربعه
ريماس/اوف خساره
سمر/بشور
بشاير بعالمها سرحانه انتبهت على ريماس تسحب خصله من شعرها صدت لهم بس ماتكلمت وطلعت عشان تنزل تحت وصلت الدرج ورجعت خافت لان ميهاف لو شافتها كذا بتعرف ان فيها شي مضايقها وهي ماتحب تشغل بال احد فيها قررت ترجع لهم وقبل تدخل سمعت
سمر/ ياالله ماقصدت ..
/احس انها كارهه نفسها والسبب اخوك المحترم
سمر/ مستحيل يخطبها وهي تدرس
/ليش هذا مهند خطبك وانتي تدرسين
/مهند غير لكن احمد يعرف بشاير ماراح توافق وهي لسا تدرس
ريماس تنهدت /بشاير لو ضاعت من يده خسر نصف عمره
بابتسامه /طيب نامي عندنا الليله وصيديه وظبطيه
تضحك /ياليت بس مستحييييل يتركني مازن
بطفش/ليش
/اعرفه مازن مستحيل اصلآ يفكر
فتحت الباب ودخلت صدوا لها منصدمين تكون سمعت ابتسمت/اتحداكي لو وافق
فرحت يوم رجعت عندهم حاولت تفرفشها ضحكت /لاتتحدين
سمر/طيب جربي حظك
بشاير/ مستحيل يوافق
سمر/وش بيضرها تجرب
بشايرتكلم سمر/ والله انك متفائله ...
بعدين ضحكت.../ريمو لو نمتي بنام معك
شهقت سمر/صدق
بشاير /ايه
سمر بلهفه/داخله عليك ريمو دقي له
دقت وهي تدري انها بتدق وبتسكر وفوقها بتروح معه بس دقت عشان سمر مو مصدقه ان بشور بتنام عندها رد بوله/الو
/هلا حبيبي
مازن/ هلا بك
/لك وإلا لذيب
يضحك/لذيب بس ليش هههههه
/هههه ما ا ا ا ا ا زن
/لبيه
/طلبتك
/آمري
عصبت/قول عطيتك
/اخاف اعطيك واندم
/دامها كذا بنام هنا
بدهشه /نعععم
بدلع/تكفى حبيبي
... دخلت ميهاف عندهم وقالوا لها البنات السالفه جلست تنتظر معهم ..
/لا
/حبيبي والله البنات متحديني انام
/مقدر
/الله يخليك هي ليله وبعدها تأكد مستحيل اطلب مثل هالطلب
/حبيبي مقدر
صدت لهم شافتهم يتغامزون/ طلبتك
/لا
/مازن تكفى من زمان مانمت عند سمر
/وإذا قلت لا ..
بقهر/شوف عاد انا نايمه نايمه بس ودي تخليني برضاك
انقهر/ زين نامي
باندفاع/مازن
/نعم
قامت وطلعت عنهم /زعلت
يكابر/عادي
/طيب خلني الليله وخذني لو بغيت الساعه6 الصباح
/وليش ماتروحين واجيبك وانا طالع لشركه
/لا ابي اسهر مع البنات
بتسائل/منهم
/سمر وبشاير
بصدمه/بشاير بتنام
/ايه تقول لو نمت نامت
بلغه آمره/عطيني اياها
/ليش
/مهو بشغلك عطينيها
/مو قبل ماتوافق انام
/شوفي إذا بتنامين عشان بشاير انا بنفسي بردها لبيتنا مستحيل اتركها تنام هنا
/ليش
/كيفي اختي وانا حر
/ليش طيب
/انتي صاحيه إذا ناسيه اذكرك ان اخوك خاطبها ولا عشانها ماتدري نستخف بمشاعرها
/مااقصد بس....
يقاطعها/اسمعي دقايق وادق لكم تركبون
/بس انا ابي انام
/كيفك يالله باي
/مازن
/.....
/ودي انام وانت راضي علي
/اهمك
/اكيد تهمني
/بس انا مااعرف انام إلا وانتي بحضني
تضحك/الليله مهو بلازم تنام هههههه
/نامي و ....
تقاطعه بفرح./ياحبي لك الله لايحرمني منك
يضحك/طيب اسمعيني ياشحاذه الحرم .. نامي وشوفي من بيرجعك لا سمحتي وخلي سمر تنفعك
/ماعليك بتصرف
/تبين الفكه
/ههههه انت اكيد راضي اجلس
/بصراحه مو راضي
/.......
/مصممه
/ايه
/يالله تصبحين على خير
/باي ...بدقلك قبل لاتنام
/إذا جيت على بالك
/ماراح ارد عليك
ضحك وسكر بوجهها ابتسمت الله لايحرمني منه . . . . . . .


================
==================
::
ياحي من بين لي الشوق ..
وانا شراته صرت مشتاق ..
::
==================
================






|~~|~~|~~|~~|~~|~~|~~|

...رجعت للبنات وهي مبتسمه/فيه ناس مهيب قد اتحدي
بشاير تضحك/ياحظك
ريماس/سمور جهزي الفرش
(جمع فراش)
بشاير تستهبل/ليه من بينام عندكم؟
سمر/ انتي
بشاير بسخريه/هاهاها ضحكتيني وانا مالي خلق اضحك
/هونتي
/اصلا مستحيل افكر انام
ريماس بقهر/وليش قلتي من البدايه
/شفت نفسك بالجلسه قلت اتحداها عشان توصلين لمتبغاك
سمر/بايخه
ميهاف تدخل عرض/اصلا ماتقدر تترك امي لحالها
ريماس/عندها هيثم وريناد
بشاير وقفت/ولو ...يالله تصبحون على خير
ثم نزلوا كلهم تحت ....



°°`•.¸¸.•°°`•.¸¸.•°°`•.¸¸.•°° °°`•.¸¸.•°°`•.¸¸.•°°`•.¸¸.•°°
°°`•.¸¸.•°°`•.¸¸.•°°`•.¸¸.•°°

قام على صوت المنبه طول على ماوقفه بالعاده هي اللي توقفه يوم صد تذكر انها عند خاله قام بطفش تؤضا وبدل ملابسه وطلع لامه دخل شافهم على الفطور ابوه وامه وهيثم بحضنه نوف بنته حب راس ابوه/صبحك الله بالخير يبه
/صبحك الله برضا والعافيه
ونفس الشي سوا مع امه ثم مد يده وصافح هيثم وجلس جنبه
صد له وهمس /مهي بعاده
ضحك لانه فهم قصد هيثم/لابس المدام عند اهلها
قدم وباس نوف بحضن ابوها انتبه لامه صدلها وخذا البياله من يدها
شاف بشاير نازله من فوق/هلا وغلا بالمصحصحين
ضحكت/هلا بك ...إلا وش حاذفك علينا ..
ابتسم/ الظروف
جت وجلست جنب ابوها بس مثل العاده من دون ماتفطر
بشاير/اقول مازن
/هلا
/ودني في طريقك للجامعه
/ليه وابو تركي !
تصرف/على عيني وعلى راسي بس انت متفرغ ليش اعنيه
دق جواله ورد/الو
جاه صوتها بفرح/هلا حبيبي صباح الخير
/هلابك صباح الورد
سمعت صوت عنده/في الشركه؟
/لاعند اهلي
/زين قلت ادق دامني ماوفيت بوعدي ولادقيت البارح.....
يقاطعها/قلتلك بتنسيني في الزحمه ..
/لا طبعا...
بجديه../ مازن تامر على شي
بندهاش/لا
بندفاع/باي
سكرت قبل لايسكر
وقام/كثر الله خير منهو خيره..
امه /صحه وعافيه ..مع انك ماكليت اكلآ يحمل
استاذن بعد مالبست بشاير عبايتها وطلعوا ركبت قدام/بشور جيتي وجابك الله
حست انه بيتكلم عن احمد لكذا غيرت الموجه/ تدري بقى على امتحاناتي هالاسبوع
/الله يوفقك
شافت طريقه واستغربت/وين
بدهشه/للجامعه
تضحك/خبل انت مر بيت خالي ناخذ سمر
/اها ا ا
ومر البيت جت بتدق لها بس مازن قال بننزل وصلوا نزلوا هي طلعت فوق ومازن راح للمطبخ حصل نسكافيه جاهز وخذاه وفرغ نصفه بكاس ثاني
حس باللي مسكه من وراه وصد براسه توقع خاله بس طلعت هي نزل الكاس وصد لها
ابتسم/ بشور اللي قايله لك اني هنا
باست خده /لا ..حتى ماسألتها متأكده ابو تركي اللي جايبها
ماصدقها/اجل ليش نازله
تذكرت/ايه خالي مروحني اجيب النسكافيه حقه
ضحك وشال الكاسين واحد شرب منه وواحد مده لها خذته ومسك يدها الثانيه ومشوا برا من باب المطبخ حق الحديقه
/وشلونك اليوم
/الحمد لله ...زينه
جلسوا على الكراسي
/تصدق البارح كنت بصحي خالي ياخذني للمستشفى
بخوف/ليش؟
/حسيت كبدي تعورني وبطني احسه ذبحني و ....
بعتب/ليش مادقيتي لي
بدهشه/لا عاد مو لهالدرجه ...بعدين كيف بتدري عني وانت جوالك صامت
/تصدقين اني تاركه مفتوح كنت متأكد انك تعبانه
/لا سهلها ربك ....
/الحمد لله
/............
/............
/بيذبحك خالي
بابتسامه/ليش
/تعرف مايعدل مزاجه على الصبح غير هالكافي
/ماعلينا كلمتي احمد
/ايه بس رافض يقول على الاقل في الاجازه ..
.................................................. .................................................. .................................................. .................................................. .................................................. .................................................. .................................................. .................................................. .............................................


الرد باقتباس
إضافة رد
الإشارات المرجعية

خذني بحضنك / الكاتبة : رذاذ الماس ، كاملة

الوسوم
بحضنك , خذني , جريئه , روايه , روعه , كول
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لمني بشوق واحضني بعادك عني بعثرني bent_cannes ارشيف غرام 44 19-12-2012 07:21 PM
رواية من تحت سقف الشقى أخذتني / الكاتبة : نرجسيه فتون الوررد أرشيف الروايات المغلقة - لعدم إكتمالها 2302 08-09-2012 07:04 AM
قلوب من زجاج / للكاتبة : بنوتة اون لاين ، كاملة مرهفت احساس كويتيه روايات كامله - يتم نقل الرواية هنا بعد اكتمالها 66 17-07-2010 11:13 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 10:41 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم