اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 27-11-2008, 05:10 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


لو غبــــت عنّك .. لا تقوليـــن .. ويني ؟؟
رحلـــه سفر لبـــلاد حبّك .. وراجـــــع ..


الرمـــاااح..
بيـت بوخليـفه..
قسـم حمـد وشموس..
السـاعه4 ونــص..

شموس:هاه حمـد وينك..؟؟
حمد:اممممم ساافرت لبلاد حبـج ..
شموس:يلا عاد قولي وينـك..؟؟
حمد:شو اشتقتيلي..؟؟
شموس:لا..بس انته وين..
حمد:آآآآآآآآخ ويهي احتررررق..
شموس:قولي انته وين..
حمد:بقولج انا وين اذا قلتـي اشتقتلك..
شموس:يعني لازم اتذلني عسب اتقولي انته وين..؟؟
حمد:مابخبرج انا وين الا اذا قلتي اشتقتلك..
شموس"تغنيله":كــل الحكاااااااايــه اشتقتلك..
حمد:آآآآآآآآآه بموووت بمووووت من حلاااااات الصوووت..
شموس:خلاص خبرني انته وين..؟؟
حمد:والله فالمووول..
شمووس:شوو؟؟؟ شو تسوي فالموول..؟؟
حمد:هاه؟؟
شموس:حـمد شو عندك فالمووول..
حمد:بسم الله ما عندي شي..يالسين ويا الشباااب..
شموس"معصبه": شوو تسووون..؟؟
حمد:ناكل..
شموس:جيه ما شي مطاعم الا فالمووول..تعال تعال البيت بسويييلك أحلى أكل..
حمد"مرتبش":لالالالالالا..انا ما احب طبااااااخ البيت..المهم انا ببند..تامرين بشي..؟؟
شموس"انصدمت..من اسلوبه..!!!!":..........................لا........ بس حمد.......
حمد"مستعيل":بس شوووو..؟؟
شموس:............................................. ....
حمد:اووووه يلا عاااد شموس رمسي..؟؟
شموس:ماا...شي..بس تحمل على عمرك..
حمد:انزين؟؟!!!
شموس:ويوم تسوق خفف السرعه انزين..
حمد:انزين..
شموس:فدااعة الله..
حمد:باااي..
وبند بسرعه..فالوقت اللي شموس فرت التيلفون ع الشبريه وحاسه بضييييجه..ما تعرف شو سببها..اسلوب حمد..وليش مستعيل..شو عنده فالمووول..وليش ما خبرها من قبل...؟؟!!! دومه يوم ايسير أي مكان يقولها..بس هالمرة ظهر جيه...!!!
حطت شيلتها ع راااسهـا..وظهرت من قسمهـا..جان اتشوف خلوف يهازب البشكااره عند باب المطبخ..وسارت صوبهم اتشوف شو مشكلتهم..
شموس:هاه خليفه..شو السالفه..؟؟
خليفه:هاي البشكارة انا بذبحها اليوووووووم..
شموس:هههههههه..شو سوت هالمرة...
خليفه:اقولها وين الأجياس اللي داخل الموتر قلتلها اتظهرن ..جان اتقولي فرتهن فالزباااله..تبغيني افر راسها فالزباله ..
شموس:وشو فيها الأجياس..؟؟
خليفه:شريت لي نعول يديده..وسفره يديده..جان اتعقهن الأخت اللي جدامج..في ذمتيه يباااالها عيرة ع يمبها شرات اللي عند امايه العووده..
شموس:شو انتي ما تشوفين؟؟..ليش ما وديتي الأجياس حيرة قسم خليفه..؟؟
البشكارة:ماافي معلوووم..
شموس:خلاص انزين سيري يلا..مرة ثانيه يوم اتشوفين شي أجياااس ولا حد يوصيج في شي..لا تفرينهن فالزباااله..خليفه متحلف لج..
هزت البشكارة راسها وسااارت..
خليفه:لا ليش خليتيها اتسير..؟؟
شموس:شو بتسوي بها يعني..؟؟
خليفه:ماشي بس كف ع الطاااير..
شموس:بعد..؟؟حرام عليك هاييل سادنهن فرااق هلهن بعدك تبغي تضربها يحليييلها..النعول والسفره انرووم انردها..بس حرام عليك تكسر بخاطرها..
خليفه:في ذمتيه انج ما جذبتي..بس بعد..خاطريه اصفعهــا..
شموس:ههههههه..خيرها بغيرها..تامر بشي انا بسير بيت عمي راشد..
خليفه:سلامي اهناااااك..؟؟؟؟
شموس:هيه .. توني مرمستنها وقالت لي انها ميلسه ويا البنات فالحوي..
خليفه:عيل بسير بكشخ وبييكن اهناكي..
شموس:هههههههه..اونك اللحينه هب كااشخ..
خليفه:لالالالالا..سلامي فديتها اهناااااااااااااك..
وعطاها مقفاااه وسار لحيرته ايبدل ملاااابسه..مع انه توه لابسنهن..شباااب خقاااقييين..فالوقــت اللي سارت شموس بيت عمها راشد..واول ما ظهرت من الحوي..شافت وحده من حريم ييرانهم جريب من بيتهم..اسمها ام ابراهيم..طولي بعمركم هاي مصريه بس ماخذتلها واحد من هل الرمــاااح..وما يبين عليها انها مصريه..لأنها من صغرها متريبه في دياارنـا..وخذت من عادتنا وتقاليدنا..وحتى انه رمستها شرات رمستنا بالضبط..
أم ابراااهيم:يا هلا والله بنتيه شموووس..
شموس"تبتسم":ياا مرحبااا السااااع..هلا فيج الغااليه..
أم ابراهيم:شحالج فديتج ربج الا بخير..؟
شموس:بخير يعلج الخير..ومن صوبج..؟؟عساج ابخير وسهاله..
أم ابراهيم:ما نشكي باااس..وشحالها عموتـج..؟؟
شموس:يسرج حالها يالغاليه..قربي حياج الله..
أم ابراهيم:لا فديتج بس ييت اخذ عمتـج بنسير صوب أم عيسى بنسلم عليها..
شموس:هيه عموتي احيدها ميلسه فالصاله..حياج الله حدري بنسير صوبهـا..
أم ابراهيم:براايج الغاليه سيري لدربج..انا هب غريبه بسير صوبها..
شموس:هيه عموتي بس بعد من موااييبنا بنرحبج ..
أم ابراهيم:براايه .. أم خليفه داااخل ما بتقصر..سيري صوب بيت عمج .. واذا يدتج العوده اهناكي قوليلها نترياها اهنه ..عسب نسير صوب أم عيسى..
شموس:ما طلبتي..تامرين بشي فديتج..؟
أم ابراهيم:سلامت رااسج..
شموس:يلا عيل فدااعة الله..
أم أبراهيم:الله يحفظـج..
سارت أم ابراهيم و حدرت الحوي صوب خويتها أم خليفه..فاللحظه اللي شموس كملت دربها لبيت عمها..وشافت عبوودي في ويهها..وكان شكله خاايف...
شموس:هاه حبيبي عبودي شو فيك..؟؟
عبودي:سكتي امايه عليا اذا شافتني بتلعن خيري..
شموس"تضحك على اسلوبه":ههههههههه..ليش شو سويت..؟؟
عبودي:من يوم مانشيت الصبح لين اللحينه وانا فالشااارع..
شموس:ههههههههههه..شو بتسويبك..؟؟
عبودي:شو بتسويبي غير انها بتنازعني وبتضربني ع راااسي وبتخلي عنودي وشجون السباله يتضااحكن عليـه.."ويلس في مكانه ويحط سفرته ع جتفه وحالته لله"..يالله شو هالحااااااااله..أخس ماعندي .. انيه اتم مصخره جدام عنودي وشجون..
شموس"تمد يدها له":ييب يدك..ما عليك ..انا بقول لأمك ان عبدالله كان عندنا في ميلس الريااييل يلعب بلي ستيشن..
عبودي:حشى..من الصبح عندكم..أمايه اعرفها بتقول لا ريووووق ولا غداااا..
شموس:انزين عادي احن ريقناك وغديناك..وعمك حمد شاااهد..وهو اللي حلف عليك تقعد عنده..
عبودي"يطالع في شموس بخبث ويمد يده لها":ييييييييييها..وانا اللي احسبج طيبه وع نيااااتج..ظهرتي من تحت لتحت..وهب ع شكلج..وتعرفين تجذبين وجذب ماشي شراته بعد..
شموس"ميته من الضحك عليه":هههههههههههههههههههههههه..عنلاتك يا عبوود..اللحينه انا من تحت لتحت..افاااااااا والله افااااا..انا ما بجذب الا عسب امك ما تضربك جدام شجون وعنودي..
عبودي:هع هع ..انزين يلا بنحدر..حسيت بالأمـــــــاااااااااااان..
شموس:اووونـــك عاااد..
عبودي:هههههههه..
حدروا الحوي..والبنات ع يلستهن..من يوم ما تركتهن روضه وسارت ويا عمها ذياااب..
موزاني:الله..كشششششخه..اللحينه عليوووه بتضرب عبوود...
عنودي وشجون:هيييييييييهييييييييييهييييييييييييهيهييييي>> متشققات من الوناااااسه..
سلامه:حشـى شو سوالكن ..؟؟
شجون:هع..مادريتي شو سوى فينا انا وعنودي البارحه..ظاهرات من المطبخ زيغنا..كان لابس قناااااع وااااااااااايد كبير عليه..حسبناااه حرررااامي..تمينا انصاارخ وظهرت لنا امايه العووده.........
عنودي:وضربتنا بالعيرة ع ظهووورنا..
موزاني:خخخخخخخخخخخخخخخخخخخخخخخخخخخخخخخخ....ههههههه ههههههههههههههههههههههههههه...أحسسسسسسسسسسسسن..
عبدالله:دواااااااكن..عيل ليش تسرقن الكورة مالتيه وتعقنها فالزباله..
شموس:مشالله اخس عن توم وجيري..
عليا"اتنش من مكانها بتضرب عبودي":اصلاً هالولد عاياااابي..بس عليه ايرااابع في السكيك والحواااري ويا زااايد ما خلوا ولد في حاله الا وضربووه ولعنوا خيره..
عبدالله:امايه منو تقصدين؟؟ اذا عن فيصل ترااه هو اللي بدى وفر عليّه الكووورة..
عليا:بعـــد؟؟يعني انته ضربت واحد ثاني غير عبد العزيز..توها امه مسوية لي تيلفون تشتكي منك..اتقول شوهت ولدهـا من زود ما ضربته..وهو ظاهر من المسيد..
عبدالله:عنلااااااتها من حرمه جذااااااااابه..تخبري شموس وعمي حمد..انا كنت عندهم..حتى ما سرت المسيد..
موزاني وغبوش:هههههههههههههههههههههههههههههههههههههههه..
شجون:عااااااااااش ابو الصوووواااارييييخ..
شموس:لا حرام عليج ما يولع صواااريخ..كان عندنا..
موزاني:واايه الترااااب..شقايل بيكون عندنا وانا ما شفته..؟؟
شموس"تغمز لموزاني":لااااااااا كاااااااان عندنا في قسمنا..خلااااف ساار الميلس..
عليا:اااااااااااه منك ومن مشاااكلك يا عبوووود..يا ويللللللك ويللاااااه يا ان ظهرت الشارع وما خبرتني..
عبدالله:امايه انا من الصبح عند عمي حمد..ما ظهرت الشارع..
عليا:انزين انزين..سير صوب البشكاره خلها اتظهرلك أكل وتاااكل؟؟أكيد ع لحم بطنك من الصبح ما كلت شي..
عبدالله"هب منتبه":لا امايه انا وزاايد خطفنا ع الدكان وشفنا عمي سعيد وشترااالنا..
الكل تم يطالعون بعضهم البعض..وفجأة تموا يضحكون كلهم مرة وحده..
الكل:ههههههههههههههههههههههههههههههههه..
سلامه:توك قاايل انك ما ظهرت الشاااارع..
عليا"تنش":وتجذب بعد..؟؟تعاااااااااااااااااال..تعااااااااااال وين سااااااير..
ويربع عبدالله لداااخل البيت وما يشوفون الا غباااره..
الكل:هههههههههههههههههههههههههه..
عليا"تيلس مكانها":ااااه منه..ادواااه عند محمد..هو اللي يرووومله..وعبدالله يخااف منه وما يكسر رمسته..
شموس:والله كسر خاااطري يوم شفته عند الباب وحالته حااله..
عنودي:احسن يستاااااااااهل..
شجون:مشالله عليه هو و زاايد حفظوا الشارع من زود ما ييلسون فيه..
غبوش:لو حد عطاهم ورقه وقلم بيرسمووونه..
الكل:هههههههههههههههههههههههههههههههههههه..
تموا الكل قاااعدين .. ويسولفون..وموزاني وغبوش و سلامه وشجون نشن وسارن لحيرة غبوش..يخططن لسبرااايز بسيييطه عسب عيد ميلاد شموس اللي هو اليوووم..
بالنسبه لشموس قعدت ويا عليا يسولفن..وتمت تخبرها عن سالفة خلوووف..ومن خلصت السالفه حدر عليهن خليفه..
خليفه:السلاااااااااااااااااااام عليييييييييييييييييهم..
عليا وشموس:وعليييييييكم السلااام..
خليفه"ييلس":شحااااااالكم وشو هباااتكم..؟
عليا:بخير وما نشكي باااس..شحالك انته..؟؟
خليفه:يسرج الحاااااااااااااااال..افا وين عبودي وعنودي..
عليا:مادري وين ساروا أكيد ميلسين عن التلفزيوون..هاه شو سوتبك البشكاره..؟
خليفه:ههههههههه..عنلات صداااها مسودة الويه..فقرتني..
عليا:ههههههههههه..صبرك عليها بعدها يديده وما تعرف شي..
خليفه:الله يعين بس..
وتم يطالع يمين ويسار .. وصد صوب شموس بسرعه..
شموس:هههههههههههههه..والله توها سارت فوووق..
خليفه:جان قلتيلها ان خلوف اللحينه بيي..بتشوفنها متلصقه في مكانها وما بتنش..
عليا:عيل بدق لها بخليها تنزل..
خليفه"ينش من مكانه":لالالا..خليها فاتها نص عمرها..ما شافتني وانا كاااشخ..
عليا وشموس:هههههههههههههههههه..
عليا:عيل بنتم نمدحك جدااامها عسب تنقهر لأنها ما شافتك...
خليف"يحرك حياته فوق تحت":أحسسسسسسن دووااااها..يلا براايكم تاامرون بشي..؟؟
عليا وشموس:لا سلامتك..
وظهر خليفه من البيت ساير للمول عند ربعه..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 27-11-2008, 05:12 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


اسف حبيـــــــــبي والعذر منك..ييت ورجــــاي انك تصافيني..
ما قوى الزعل ما يوز انا عنك..تكفى حيااااااااتي لا تجاافيني..



أبووظبي..
بيـت بوسلطـااان..
قسـم سلطـان وخلود..
بعـد صلاة المغرب..

سلطان:شو خلودي ما بتسيرين السووق تتشرين لملجة شيخاني.؟؟
خلودي:ما بسير اليوم..باجر بسير ويا فطامي ..بنرووح أسواق العين..
سلطان:ليش مب اليوم..؟
خلودي:مب متفيـــجه..
سلطان:خلود شو فيج..؟
خلودي:شوفيني.؟؟؟ما فيني شي..
سلطان:متضاايجه من شي..
خلودي:لا افا من قاااال..هب متضايجه ولا الله قاااله..
سلطان:عيل شو بلاج..أحسج متغيره..؟؟
خلودي:لا مب متغيره عاااادي..
سلطان:شو اللي في خاطرج؟؟رمسي..؟؟
خلودي:ماااشي..
سلطان:خلووود..
خلودي:سلطان لا تم تضغط علي..انا..انا...
سلطان:انتي شووو.؟
خلودي:انا مليت من زود ما توصييني في امك وشيخاني..امك على عيني وعلى راسي..عمري ما شكيت منها ولا هي شكت منـي..بس اختك يا سلطان..امممرة ما تبلعني..مادري شو سويت فيها..والمشكله انا ع نياااتي وما كنت اعرف ان اختك تلعب ع الحبلين..جدامي شي..ومن ورااي شي ثااني..
سلطان:شو هالرمسه اللي تقولينها..؟؟شيخاني مب من هالنووع..منو قالج هالرمسه..؟؟؟
خلودي:امك اللي قالتلي..وتمت تحذرني من شيخاني..قالت لي انها مب هينه..وعادي عندها اتخرب من بيني وبينك..
سلطان"يود يدها":مستحيييييل..خلودي يا ويلج يا ان عديتها هالرمسه..مستحيل أتركج .. خلودي انتي تعرفين انيه مستحيل اتركج مستحيييييييل..
خلودي"تسحب يدها":بس سلطان..انا انا..خاايفه من رمسة شيخاني..اخاف انها تأثر عليك..وتشوه صورتي في عيييينك..
سلطان:لا فديتج..مستحييل يصيير هالشي..مستحييل..خلاص فديتج لا تاخذين افخااطرج..واذا عن الرمسه اللي قلتها لج من قبل انسيييها..أعرفج حرمة بيت وراااعية مووااايب ويكفي انج اخت السيف بن المر..
خلودي"تبتسم":بس سلطان..
سلطان:بس لا سلطون ولا غيره..نشي بوديج السوق يلا..
خلودي:لا انا قلت لفطامي باجر بييهم وبنسير السوق اربااعه..
سلطان:هيه .. تامرين بشي..انا بسير صوب واحد من الربـع مسويلي تيلفون..
خلودي:لا فديتك..بس انتبه ع عمرك..
سلطان:لا توصين..
وظهر سلطان من عند خلودي فالوقت اللي هي ظهرت صوب البيت العود .. وسارت الصاله عند خالتها اللي كانت اتطالع التلفزيوون..ويلست عدالها..وصبتلها جاااي..
خلودي:هاه خالوه وينه عمي ؟؟رقـد؟؟
أم سلطان:هيه فديتج عطيته الدوا وسار يرقد..
خلودي:وشيخاني..؟
أم سلطان:من نص ساعه يايه من السوق..سارت ويا ميثاني ربيعتها..
خلودي:هيه..شو خلصت اللي تبغيه ولا بعدها..؟؟
أم سلطان:هيه اتقول انها شافت الفستان وعيبهـا..
خلودي:يالا الله يوفقها ان شالله ويتمم كل شي ع خير..
أم سلطان:والله يستر عليها..بنتيه ادريبها راعي مشااااكل..
خلودي:لا ان شالله عموه لا تقولين هالرمسه .. من تعرس بتغدي حرمه حشيم..وشيخاني هب ياهل..هي والروويض وموزاني وسلامي كلهن عمارهن على قد بعـض..اللهم شيخاني متأخره سنـه..
أم سلطان:ييييييها..موزاني ورويض وسلامي بنات ويعرفن الصح من الخطا..عمس هاللي ميلسه عنديه امممممرة قوية راس ومحد يروملها..
خلودي:لا ان شالله بينصلح حالها..ودوام الحال من المحال..
اول ما سكتت خلودي..نزلت شيخاني من الدري كانت لابسه بيجامه ولافه شعرها بطريقه ملخبطه .. بس كان شكلها مسسسسسسسكت..وخصون ان شعرها طايح ع نص ويهها..وبهالشكل..أي حد يشوفها بيقول هااي الروض مب شيخاني..(سبحان الله)..
شيخاني"تيلس برقه":آآآآآه..حشى من اول يوم وجيه ريولي اتكسرن..آآآه آآه ما روووم..
خلودي"بابتسامه حلوه":بعده الدرب طوووويل..الله يعينج شو بتسوين يوم تتزهبين لعرسـج..
شيخاني"مطنشه رمسة خلودي":أمااايه حصووه ربيعتيه ما سوت تيلفون..؟؟
صخت خلودي .. وما رمست .. فالوقت اللي صدت أم سلطان صوب خلود..وخلاف طالعت بنتها..
أم سلطان:لا من بعد صلاة المغرب وانا ميلسه اهنه ولا حد دق تيلفون علينا..
شيخاني:فقدتها من بنيه.."وتيود سماعة تيلفون البيت"..عاد هاييل سااعه لين ما يردون ع الواحد لازم يذلووونه.."وتعدل صوتها مسويه عمرها واايد رقيقه"..ألــوووو..وين حصوه..هيه ..انا شيخاني.............ألوووو حصوه وينج ..تحيرتي عليه..؟؟هيه..لا ميثاني ما تروم اتيي توني وطيتها بيتهـم ..لا كنا ياايين من السوق..هيه شريت لي واايد اشيااااء تعالي عسب اتشوفينهم..يلا انا اتريااااج..يلا باااي فدييتـج..
بندت شيخاني عن حصوه بنت ييرانهـم..وتمت شيخاني اتطالع التلفزيون .. امـا خلود يالسه اتسولف ويا خالتها عن ترتيبات الملجه وهالسوالف..ومنو بيعزمون ومنو من ييرانهم .. وبعد ربع ساعه .. يتهم حصـه وحدرت الصاله وكانت كااشخـه ومتعدله وااايــــد..على غير عادتها..حتى شيخاني تمت تطالعها ومستغربه منهـا..
حصه"تيلس":شحـالج خالوه ربج الا بخير..؟؟
أم سلطان"بابتسامه":بخير يعلج الخير شحـالج انتي وشحال أمـج ..؟؟؟
حصه:بخير والحمدالله..اتسلم عليج الوالده كانت بتيي بس تدرينبها ميهووده..
أم سلطان:وااايه والله لا دريت ولا شي..من متى هالرمسه..؟؟
حصه:البارحه تعبت علينا..وسرنا المستشفى ورقدوها عندهم لين اليوم الصبح ظهروها ويابها خوويه خلفان..واللحينه والله ميلسه فالبيت ..
أم سلطان:واايه فديتها علني ماخلا منهـا..سمحيلي بنتيه والله مادريت..تدرينبي ماظهر من البيت واايـد..
حصه:مسموحه خالوه ..
خلودي:يلا عيل خالتيه بنسير صوبها بنسلم عليها وبنتحمدلها بالسلامـه..دام ان عميه رااقد اللحينه..
أم سلطان"تنش من مكانها بصعوبه بس خلودي اتساعدها":هيه والله..يلا فديتج بسير بييب عباتيه..
سارت أم سلطان فالوقت اللي نشت شيخاني وسحبت يد حصوه بقوه..
شيخاني"بدلع":نشي حصووه براويج اللي شريته اللحينه..
حصوه:هيه والله..يلا يلا..
صدت شيخاني صوب خلودي وتمت تطالعها بنظرات (سخيفه) .. وخلاف سارن فوق وعاد تمت شيخاني اتراوي حصوه اغراضها..عاد حصوه الغبيه كل شافت شي..قالت الله حلووو..؟؟؟!!!!
خخخخخخخ...

×
×
×


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 27-11-2008, 05:13 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


يارب أشكـــيلك بحالي..شكــوى لغير الله مذلــه..
لو مر وقتي ماصفالي..محد بيفهمني سوى الله..



جدام بيت بومريم..
السـاعه 7 ونـص..
سيارة ذياب..

روضه:حوووه..وين تبا بالسيياارة..؟؟؟!! يمكن شي حريم ميلسات فالحوي..؟؟
ذياب"يأشر على الحرمات اللي يالسات جدام البيت اللي عدال بيت قوم مريوم":في ذمتج..؟؟وهاااييلا الحرمات اللي اهناك..؟؟
روضه:يمكن مب قوم مريوم..ييرانهم..
ذياب؟وااثق":لالالا..اعرفهـا ام مريووم زين ما زين..هاييج اللي لابسه مخوز احمـر..
روضه:ياا هي عين عليك..مب عين بن أدم..
ذياب"يضربها ع راسها بالخفيف":شووو بتحسديني للمرة الألف..>>ويوقف السيارة..
روضه:هيه يلا انا بسير..وين وين الأوراق..
ذياب"يعطيها الأوراق":هاااج..يلا رمسيها تيلفون خليها تظهر..
روضه:لا ليش تظهر..؟؟خلها ميلسه فالصاله واحليلها ريولها اتعورها..؟؟!!
ذياب"ويهه بويه روضه":شوووو؟؟ليش ما خبرتيني بنييب وردة .. ؟؟
روضه"ناقعه ضحك":هههههههههههههههههههههه..وردة؟؟!!!لا احسن زهره..؟؟!!هههههههههههههههههههههه..
ذياب"يضربها ع راسها":تتمصخرين يالسباااله..لالالا مريوم ميهوده ولا يالسه اتولعين صواريخ..؟؟
روضه:لا بس كنت اولع صواريخ مع ان العيد مطوووول..
ذياب"عينه ع باب الصاله":حوووووه..حد بيظهر..
روضه:ليكون ابوها ولا اخوها..؟؟؟!!
ذياب:لا ابوها سار العين واخوها مداوم في دبي..؟!!
روضه"اتطالعه باستغراب":بتخبرك انته برج مراقبه عليهم..؟؟؟
ذياب:اووه شسوي احبها امووت فيها...؟؟
روضه:أنزين انزين لا تصيح..ههههههههههههههههههههههه..
ذياب:بتظهرين مـن السياره ولا ارفسج جنج الا كوورة فالملعب..حد حد ظهر..الله مريوووووووووووووووووووووووووووووووووم..
روضه:اشوي اشوي عن يطيح نصك ع الأرض..يلا مع السلامه..
ظهرت روضه من السياااره .. ومريوم بالأصل ما انتبهت للسياره..كانت ظاهره من البيت سايرة للمطبـخ..
روضه:مريوووووووووووم..مريوووم..
مريوم"اتصد ع ورى":اوووووووووووه..روااااااااااااااضي فدييييييييتج..
وتسير توايهها .. وتمت مريوم ميوده يد روضه هب مصدقه انها شافتها..لأن الأخت روضه لها فتره ما استوت اتداوم المدرسه..وربيعاتها ما يرومن أين صوبهـا..أولاً لحالتها التعبانه..ثانياً امتحاااناااات تقويميه..
مريوم:والله مب مصدقه انيه شفتـج..بسوي عرس..
روضه"شاقه الحلج":افاااا..عرس بس ..؟
مريوم:ولا يهمج بفج شعريه وبنعش...
روضه:لا نعشي بدون ما تفجينه..هع هع ..
مريوم" تحرك قصتها بغباااء اونها تنعش":يا مرحباا مليووون بالشيخه رووضه..يا مرحبااا مليوووون بالشيخه روضه..>>ويالسه اتلحن ع كيفها..
من صوب..ذياااااااااااب ميت من الضحك على استهبال مريوووم..وموطي الجامه عسب يتسمع..جااااااسوووووس..وعيونه معلقه عليها وعلى كل حركه اتسويهـا..
مريوم:آآخ تعبت..المووهيم وانتي اشعنه ماداومين..؟؟
روضه:بس جيه..
مريوم:ع سبة سالفه اسهيل..؟؟
روضه"حاوت اتسكتها لأن عمها ذياب يسمع كل شي":لا مب جيه.."وتمت تغمزلها ومريوم ولا عليها"..
مريوم:اوووونـج عاااد..سمعي بداومين باجر..؟؟
روضه:باجر أي يوم..؟؟
مريوم:متأكده انتي عايشه في هالعالم..؟؟
روضه:ليش من متى انا عايشه..احيده اسمي روضه..؟؟
مريوم وذياب:هههههههههههههههههههههههههههههههههههههه..
مريوم"بخوف":لحظه من كان يضحك ويااااايه..
روضه"مرتبشه وخاطرها تضحك":محد..الا انا..
مريوم:انتي ما ضحكتي.."وتنتبه للسيارة اللي كانت واقفه عدالهن وماشي بينها وبينهن":رويييض منو فالسيارة..؟؟
روضه:محد..ههههههههههههههههههاااااااااااي..
مريوم:رمسي يالعنز..
روضه"ترقص حياتها":محد بس عمي ذيااااااااااب..
مريوم:شووو؟؟ذيااااااااااب؟؟"وتحط يدها ع ثمها"..والله انج ما تخيلين..ليش حيه سويتي..؟؟
روضه:شو سويت..عافانا الله..ما تبين الأوراق..؟
مريوم:خليها في خشمج مابغيها..
روضه:وفرتي..موزاني كانت بتصيح عليها بس عمي ذياب سكتها بدرهم..خخخخخخخخخخ..
مريووم:يلا يلا مع السلامه روحوا بيتكم..
روضه:وينها امج بنسلم عليهـا..؟؟
مريوم:مالج خص فأميه..سيروا يلا..وياييبه ذياب..والله ماعليه يا ورضه ادواج عنديه بس صبرج عليه..
روضه:حشى شو سويت انا ..؟؟؟ادوااج وادواااج..اعديبه بيتكم مسكن هب صيدليه....ههههههههههههههههههههههه...
مريوم:متفيجه تدرين..يلا باااااي..
روضه"تسحب يد مريوم":حووه وين تعالي بنسووولف..خليج طبيعيه..
مريوم:يا ويل حالي ذياب اهنه وتباني اكون طبيعيه..؟؟؟
روضه:ع فكره يالس يسمعج هو اللحينه..
مريوم:شوووووووووووووووووووووووووو؟؟
روضه:اعلى اعلى..الأخ وده يسمع بوضوح..
مريوم"تضرب روضه ع جتفها":دبه..محد يرمسج.."وتسحب الأوراق"..انا بسير..شي في خاطرج..؟
روضه:هههههههههههه..لا فديتج..بس تعالي باجر شو من يوم..؟
مريوم:خميس..
روضه:اونه..؟؟لالا..ماروم اليمعه ملجة بنت عمتيه في بوظبي..ولا اقولج احسن نداوم نتمصخر..
مريوم:اول ماتردين البيت رمسيني..اوكيك..؟
روضه:اوكيك..
ما كملت روضه كلمتها الا ومريوم وصلت الصاله..ضحكت روضه من خاطرها على حركات ذياب ومريوم..وحدرت السيارة..وذياب على طول استلمها..
روضه:مابقول شي..لا تعب عمرك..
ذياب:روووضه رمسيييييي..شو قالت..؟؟
روضه:مشكورين ع الأوراق..فقط لا غير..
ذياب"يحط يده ع رقبتها":بترمسين ولا شووو؟؟
روضه:والله اخبر عليك اخوك الكبير اللي اسمه راشد اللي هو ابوي..؟؟
ذياب:ههههههههههههههههههه..والله اخبر عليه امايه بتلعن خيره بعيرتهـا..
روضه:انزين انزين..
ذياب:يلا قولي..
اول ما فجت ثمها بترمس..دق تيلفونها وكان حمد اخوها..
روضه:مرحبا ملاااااااااااييييين ولا يسدن في ذمتيه..
حمد:مرحباااااابج زوود..شحاااااااالج..؟
روضه:بخير ربي يسلمك اشحالك انته..؟
حمد:ماااااا نشكي باااس..هاه وين ديااارج..؟؟
روضه:والله تونا ظاهرين من بيت مريوم اربيعتيه..
حمد:ويا منو؟؟
روضه:عمي ذيااب..
حمد:ههههههههههه..سلمي عليه..
روضه:يبلغ..يسلموون عليك..
ذياب"محرج":منوو؟
روضه:واحد اسمه حمد..تعرفه..؟؟
ذياب:لا..بس بندي يلا..
حمد:شو تبرى مني..ماا عليه مااا عليه..بييني خلاف..المهم..
روضه:عندك سالفه صح..؟؟
حمد:حووه سووووووووالللللللللف مب ساااااااالفه..
روضه:يلا ..سالفه رقم واحد..؟؟
حمد:كان يا مكان في قديم الزمان فتى يدعى حمد تزوج من ابنة عمه اللي تدعى شمووس..وكان يحبها قبل الزواج ولا زال يموت فيها بعد الزواج..
روضه:انزين سالفة رقم اثنين..؟؟
حمد:سالفة رقم ثنين طولي بعمرج ان اليوم عيد ميلاد شموس فديتهـا..ومسويلها سبرااايز..
روضه:شووو..؟؟انته مسوي سبراايز وموزاني اتقول مسويه سبرااايز..
حمد:اول شي انا خلاف انتن..
روضه:اوكي شو المطلوووب..؟؟
حمد:أخر مرة رمستها بأسلوب مب حلوو..سويت عمري مستعيل وفوق هاذا ما خبرتها وين بسير قبل لا ظهر من البيت..
روووضه"اتصاارخ":ليييييييييييييييش...؟؟
ذياب"يضربها ع راسها":شلللللللللللللييييتي اذوووني مسودة الويه..
روضه:اااااااااااي...
حمد:المهم..بس جيه ..
روضه:والله حرام عليك..
حمد:هههههههههه..لا تخليني احس بالذنب..
روضه:انزين..
حمد:يوم تردين البيت تعالي قسمنا على طول..
روضه:انزين انته وين..؟
حمد:انا في قسمنا..اتريااج انزين..
وبند في ويهها..
روضه:الووووووووو..مسود الويه بند في ويهي..
ذياب:نياهاهاهاهاهاها..تستااهلين عطيتيه ويه..
روضه:انزين احن عن شو كنا انسولف..؟؟
ذياب:شو قالت مريوم ..
روضه:هيه مريوم.."تعدل يلستها"..ماشي كانت اتسولف وجيه وخلاف.."ودق تيلفونها"..اممم..لحظه اشوي..
ذياب"معصب لأنها المرة الثانيه يقطعون السالفه والسبه تيلفون روضه":ااااااااااخ..ييبه بكسره..
روضه:لا فديتك كسر راسي ولا تكسر تيلفوني.."وترد"..ألوو مرحبا مليووون بتتاااااااامي..
فطامي:مرحبااااااااابج زووود..شحااااااااااالج غلاااي..؟؟
روضه:بخير يعلج الخير شحالج انتي..؟؟
فطامي:والله ما اشكي بااااس..شو بداومين بااجر..
روضه:اممم..هيه..
فطامي:اها .. المهم وين انتي..؟
روضه:والله نتحوط فالرماح..
فطامي:انزين امااااااايه اللحينه بيييج..اوكي روضه اخلاااف ارمسج..
روضه:اوكيه حبووبه..بااي..
فطامي:باي..
بندت روضه عن فطامي وصدت صوب عمها..
روضه:أحن عن شو كنا انسولف..؟
ذياب:شو قالت مريوم..؟
روضه:هيه مريوم.."وتعدل يلستها"..ماشي كنا انسولف وجيه وخلاف انصدمت يوم عرفت ان......"ودق تيلفون روضه"..لحظه اشوي..هاذا باباتي.."وترد على ابوها"..هلا ابوويه..هيه ويا عمي ذياب..خلاص.. اللحينه بقووله فديتك..هههههه..الله يعلم بحاله..ان شالله..فداعة الله..
ذياب:شو يقول..؟؟
روضه:يقولك اخطف عليه بتسيرون صوب مايد بن حارب..مادري شو عندهم..؟؟
ذياب:انزين .. قولي شو قالت مريوم..؟؟
روضه:هيه مريوم.."وتعدل يلستها"..ماشي ..
ذياب:كنتوا اتسولفون وجيه وخلاف انصدمت يوم عرفت ان....شوو..؟
روضه:هيه انصدمت يوم عرفت انك .............."ودق تيلفونها"...هاي موزاني..
ذياب:ييبي التيلفون بفره وبييبلج بطاقه يديده اخلاف..
روضه:هاهاي..بدور السنه ووراها سنه ووراها سنه وما بتيب لي تيلفون.."وترد على موزاني"..هلا موزاني ..
موزاني:اهلين..وينج..؟
روضه:جريب البيت..
موزاني:يلا تعالي بنسوي سبرايز شموس دامها ميلسه عندنـا..
روضه:لا بنسويها بعدين ع الساعه12..
موزاني"بضيجه":ليييييييش..؟؟كل شي زهبناه .. من العصر..
روضه:بخبرج بعدين يلا باااي..
وبندت في ويه موزاني وصدت صوب عمها ذياب اتخبره شو اللي استوى بينها وبين مريوم..وبعد ما قالتله السالفه كلها تم شاااق الحلج وحده مستااانـس..وأول ما وصلوا البيت نزلها وسار صوب اخوه راشد عسب يسرون لقوم مايد بن حاري..انا حتى ما كنت اعرف شو عندهم..لووول..
الموووهيم..من وصلت صوب بيوتهم على طول سارت لقسم حمد وشموس..ودقت الباااب..وانفج الباب على طول..
روضه:سحـــــــر..
حمد:حدري بسرعه يلاااا..
روضه:انزين انزين.."وتوايهون"..هـاه حمـد ؟؟ شو السالفه..؟؟
حمد:الساااااااااالفــه..امممممم..
روضه:بسم الله شو بلاك..؟؟
حمد:روضه انا متورط..؟؟؟!!!بس بلييييز لا تقولين لشموووس..؟؟!!
روضه:حمــد شو السالفه..؟؟شو اللي استوى وانا مادريبه..
حمد:يا روضه قلت لج متورط..ومب عارف كيف اظهر من هالورطه..؟؟
روضه:متورط؟؟!! انزين في شوو..؟؟
حمد:وشموس..؟
روضه"تيلس ع اقرب كرسي":حمـد بديت تلعب باعصااابي وبدى قلبي يدق شو الســالفه..؟؟
حمد:اول شي قولي والله ما تقولين لشموس..؟؟
روضه:حووه بترمس ولا لا..؟؟
حمد:شموس يا روضه شموس.........................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 27-11-2008, 05:16 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


••.•°¯`•.•• حســن الخلايــق ••.•°¯`•.••



يــاعيــد قلبي .. صاحبي عيد ميلادك ..
"العمـــركله" لــك .. فرحه وشرحه ..

عساني حي .. وأحضر كـــل أعيادك ..
واهديك وردات الـــغلا فوق صرحه ..

ازداد عمــــرك .. صح!.. لكنه ازدادك ..
في خافقي لك بالـــغلا ألف صفحــــه ..



كل ثانيــه .. فيها ينحرق قلب روضه بسبة الهدووء اللي عم المكــان..وحمد للحينه ملتزم الصمـت..شو هالشي اللي مخليه جيه..مرتبك ومرتبش وحالته لله.
روضه:حمـد شليت قلبي يا حمد ارمس ريحني قووول شالساالفه...؟؟
حمـد"نااقع ضحك":ههههههههههههههههههههه..هههههههههههههههههههه. . بلاج جيه خفتي..والله انكن يالحريم حـااااااله..سمعي اليوم عيد ميلاد شموس..وحبيت اغلس عليج اشويه..
روضه:لا والله..ياخي احسك غبي..ادقلي تيلفون وتقولي اول ما تيين البيت تعالي قسمنـا..واتخبرني انك مسويلها سبراايز وخليتنا انأجل السبرايز مالنـا..كله هاه عسب عيد ميلااااد..والله انك حـاله..من متى العرب يحتفلوون بهالسوالف بتقولي..؟
حمد:كيييييييييييفي حرمتيه وع كيفي..انتي شو تبين..؟؟حبيت افاجئها خصوصاً انيه اليوم مكدر مزاجهـا..؟؟
روضه:وليش رمستها بهاك الأسلوب..والله حرام عليك..
حمد:في ذمتيه انه ماشي سبب..بس بغيت اعرف شو بتكون ردة فعلها..واااااااااااقلبي..والله انيه امووووت فيها عنلاتها..
روضه:ههههههههه..والله انك..المووهيم شو اشتريت لها..
حمد:قلبي ويهـج اهناااك..يلا يلا..
روضه:اوكيييييييييه الشيخ اممممرة ما طلبت..مع السلامه..
حمد"يود يدها":ايييه لحظه حظه..تعالي ابغيج في مهمه وبعطيج بيزااات..
روضه:شو ابغيبها البيزات..ييبلي حلويات اشكال وانوااااع..
حمد:اللي تبينه..؟تعالي..
تجدمت روضه صوب حمد اللي كان يطالعها بنظرات اتزيغ جنه مسوي جريمه..سار صوب الحيرة الثانيه اللي فيها التي في..
حمد:اتشوفين هالأشياء اللي ع الطاوله ابغييج تعدلينها بطريقه حلوة..يعني سوي حركات بالورود ومادري شووو...؟؟
روضه"منصدمه":حمــــــــد..شو هالحركــــااااات..؟؟؟شو هالرووومـانسيــه..؟؟
حمد"يحك شعره بغباء":والله من التلفزيووون..يلا يلا اخاف شموس اتيي..
سارت روضه صوب الطاوله وتمت تظهر الورود وتعدلها ومادري شو..المووهيم ظهرت النتيجه غيير شكل..حتى حمد كان مستانس ومادري شووو..اشوي الا الدريول يدق الباب..وميود جيييييسه عوووووووووووده..أأأخ فيني فظووول خاطريه اعرف شو فيهـا..بس حمـد نذل..ما يستحـي..ااااخ..بصفعه مرة ثانيه اذا شفته..طبعاً اخاف ارووحي لازم (ذبحني الشوق) ويااايه..؟؟بشوف جانه (سامية المقام) بتيي ولا لا.؟؟
×لحظه لحظه..كأنها اصابعي بدت اتخوني وتظهر عن طاري القصه×
المووهيــم..
روضه منصدمه من اهتمام حمد لشموس لهالدرجه يعني مهتم حتى فالأجواااء..شموس اتحب هاذا..لالا..شموس ما تحب هاذا..جيه سويه وما اعرف شوو..الموهيم انه تم يتفلسف عليهــا..
ودقت روضه لشموس..لأن حمد يوم يدق عليها ما ترد..هع هع ..ويتهـم شموس القسـم وانصدمت من حركـة حمـد .. وعاد تم هو يراضيها ورويض ناقعه ضحك عليهم..واشوي الا شلة البنات كلهن طابات عليهـن .. ويابن كييك وياهن..
×..بالهنـا والشفا..×
ادري بتقولون ما حللتي الموااضيـع..نزلوا نزلوا تحت عندنا الأهم..
× عند رويــض ×

نشـت من عندهـم .. اتحس عمرها ملـت ومالها نفس تقعد عندهم زوود..فشلت بعمرهـا وسارت بيتهـم..ويلست عالدري اللي جدام بيت الصـاله..وتمت كالعاده اتفكر في حياتها من عقب سهيل..اتفكر في هالناس اللي عادي عندهم اللعب بالقلووب..وما تهمهـم مشااعر هالأشخاااص ولا الأحزان اللي اتييهم من بعد ما يكشفوون هاللعبـه..
اشوي الا ينفـج باب الصالـه ويظهر منه سهيل..كالعاده بابتسامته المعروفه .. والتيلفون بيده..عاد كان كاشخ الريال مادري شعنده..من شاف روضه استااانس وشق الحلج..!!!
سهيل"يوقف جدامها":حياااااالله بنت العم..حي هالشووف والله .. وعااش من شااافـج..افاااا وينج ما نشوووفـج ولا نسمع شي عنـج...امممرة قاااطعه حتى ما تيين بيتنـا..أحديج من قبل مبركنـه فيه..؟؟
كل كلمـه كان يقولها..كل حرف كان ينطقه..تعذب قلب روضه .. تعذبها بدوون رحمـه..بكل قسااوة..بكل عنـف..وكل ثـانيه مرت وسهيل واقف بشموخه وبكبريائه جدام روضه..كـانت جروح روضه اتصييح من رمسة سهيل..؟؟!!
سهيل:أفــا ليش ما تردين..؟
روضه:.................شو عندك..؟؟
سهيل:اتصدقين روضه اتولهت على سوالفيه وياج..طبعاً يوم اقص عليج وانتي حدج مستانسه..؟؟
روضه:عندك رمسـة رياااييل قلها..واذا ما عندك عطنا مقفـااااك..
سهيل:هههههههههههههههه..سمعي سمعي شو بقولــج..انا ياي بيتكم خصيصن عسب ارمســج..ومقفااي بتشووفينه بتشووفيـنه..لأنج يا ماكرهتي انيه ابتعد عنـج ..؟؟
روضه:......................."كانت منصدمه ..كيف سهيل يعرف افكارها..؟؟!!"
سهيل:....ههههههههه..ههههههههههههااااااااي..منصدمه صـح..؟؟ادواااااااااج..تستاااهلين اللي اييج مني.
روضه:............................................. ...........
قهـر .. يوم تضيـع منـك الكلمـات ..جدام محبوبك .. اللي هجـرك..؟؟اللي عذبـك..؟؟قهـر يوم اتشوفه يعذبـك.. يجرحـك .. وإنته بس ملتـزم الصمـت .. مب لأنك ما تروم اترد عليــه .. لأنك مـا تعرف شو تقوول .. لأن الكلمـااااات كلها ذااابــت في صمـت المعـاني .. ذاااابــت .. وكل شمعـة أمـل ذابت معهـا؟؟!!
صدت صوبـه .. كانت تمنع هالدموع اللي ملت من زود ما تنزل..تنزل هالمرة..كانت تمنـع لسـانها عن يرمس .. لأنها ما تريد تتعذب .. لأنها ملت من زوود ما تتعذب..لأنها ملـت من هالحياااه..كلها حزن هموم..؟؟!!!! كلهـا شقا وعنـا..كلها دموووووع..؟!!!!يمكـن محد يعرف من هلها انها تقضـي ليلها اصيااااح..يمكن محد من هلها يعرف انها جدامهم تضحك..بس في قلبها تصيح..؟؟!! صدت صوبـه .. و كانت نظرتهـا غريبــه .. شو نقول عنها..؟؟نظرة حزن ولا شموخ؟؟ .. ذل ولا عز..؟؟ بالفعل نظرة غريبـــــــه عجيـــبــــ!ـــه .. عجز سهيل يفسرهـا .. بس اللي ما تغير .. الإبتسامه اللي ع ويهه..ع شو يبتسـم...؟؟؟؟ يبتسـم ع شكـل رووضه..عايبنه شكلهـا وهي اتعاني من رمستـه..مستانس انـه يالس يعذب روضه..؟؟ انزين شو الرغبه اللي في نفس سهيل تخليه يسوي هالشي ويمارس التعذيب ع قلب روضه.. للأسف اذا بنحلل قلب سهيل..مابنلاقي شي ..؟؟لأن اللي قاعد يسويه سهيل مجرد تمضيـة وقــــت..؟؟؟!!
سهيل:ههههههههههههههههههههههههههههههههههه..سمعي سمعي شو بقووولـج..تدرين يوم اليمعه الملجـه..ولا تنسيـن ابا اشووفـج اهنااكي..انزيــن..؟؟
ولأول مرة روضه اتشوف شكل سهيل من ورى..أشرت له بيدهـا..تبغي تزقرهـ..بس للأسف ..راااااااااااااح سهيــــل .. ورااااح كل حـب روضه لسهيــل..بس يا ترى هالحب شو بيبقـــى..؟؟؟ بيبقـى ذكرى..؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 28-11-2008, 11:24 AM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


ذكرى جميله على رغم اللي سويته..

وأحلى اللـــــيالي كانت حزة اقبالك..



يبقـى كل حـب انتهى بالفـرااق .. ذكرى جميـله .. وأحلى الأيام اللي تعيشها..أيام ما كنـت اتعيش هالحـب..يمكن كان عذااب..وحسرة ولوعه..ويمكن كان فرحه ووناسه وسوالف..؟؟؟ بس فالأخير يوم نكبـر اشوي..ونوزن الأموور صـح..بنعرف ان هالحب كان غلطه في حياتنــا..ولازم ما نعيد هالغلطه مرة ثااانيـه..بس بترتسم الإبتسامه ع ويـه كل واحـد يتذكر حبـه الجديـم..والـواحد ما يروم يفرض اللي يريده..تجري الرياح بما لا تشتهي السفــن..



ارحل وانا بــرحل معي هم وتعب وسكات

واسرار مابيـــــني وبين الروح مخزونة

ارحل مدام الله كتــــب لك يالحبيب شتات

مالي على حكم القــــــدر راي ولا مونة



شلـت بعمرهـا صوب حيرتهـا وكل خطوه تخطيها .. تلوم نفسها ع الحـب اللي ما يستاهله سهيـل..من دخلت الحيرة..دفنت راسهـا بين همومهـا..





×

×

×



حد فيهم قدر في لحظه يقراني

أسولف ابتسم وأضحك وأنا أتألم

وأجامل والأسى يجرح بوجداني

وأشوف العمر يطويني ولايرحم



يوم الخميــس..

جدام باب المدرســه..





روضه:هيه برووووح ملجة ولد عمي وبنت عمتيه وماسير..بكون سخيييفه اذا ما سرت....

مريوم:ليش ترووحيــن..؟؟

روضه:أقوولج ملجة ولد عمي وبنت عمتيه..؟؟

مريوم:انتي ناااقصه عذاااب..رووضه انا اخـاف ادموعج اتطيح وانتي اتشوفين سهيل وااقف عدال شيخـه..ولا..ولا وهو يبوسها ع رااسهـا..

روضه"صدت صوب مريوم وكأنها يت ع العوق":...لا تزيديني يا مريوووم..انا بسير بسير لو على موتي..

مريوم:روضه فهميني فديت قلبج انا ماريد لج عوار الراااس..

روضه:رمستيه وما اعيدها تدرينبي..واذا عزرت ع الشي اسووويييه..

مريوم"بكل غيض":هاللي يقهرني فيييييج...اوووووف..وين هالسيارة للحينه ما يت..؟؟

في هاللحظه وصلن سلامي وعواش وموزانـي..وكل وحده متفيجه زوود عن الثـانيه وشالات البقعه بضحكهن..

موزاني:بس بس صخن وكل وحده تبلع لسانها ..

مريوم:هيه وان شفت كلمه ظاهره فالهوى شوفن شو بسويبكن..ما اتشوفن الشباب جدااامكن..؟؟

روضه"اتحط الشيله ع ويهها":بناات بنااات اتغشن .. طاع هذا اللي اقبل علينـا كيف حالته لله..

عواش:حشى اشوي وبيدعمنــا..

موزاني:بنـات طالعن عمي ذيااااب..

سلامي:هيه والله..أكيد يأ عسب يااخذنـا..

روضه:هيه وانا اقول الدريوليه محد منهم يأ..

مريوم"اتدور على سهيله":اقوولكـم وين سهيلووووه..؟؟هاذا اخووهـا..

سلامي"تضرب كف بكف ويا عواش":ههههههههه..هي تتأخر واخوها ما يشوووف..

موزاني"عصبت":شو يالسات تستهبلن انته ..؟؟يمكن الريال ما يشوووف..

مريوم:ما قلتولي وين سهيييله..؟؟

عواش"من ورى خاطرها":وييين بعـد عند حبيبتها اللي اسمها غلا..

روضه"معصبه":هااي دووم عندها .. كمن مرة نصحناها اتودر هالسوالف ما طااااعت..

عواش:شو نسويبهـا..اونه تحبها..

موزاني:حبتها الناااقه..

الكل:ههههههههههههههه..

اشوي الا يسمعن ذياااب يهرن لهن عسب ايين صوبه..فتحركن بعد ما تواعدن انهن يلتقن كلهن يوم الأحد ومحد منهن اتغيييب.وكالعاده سهيله هب وياهم..عند حبيبتها اللي اسمهـا غلا..!!

من صووب..خطفـن البنات ع سيارة اخو سهيله..اللي اسمه منصور..؟؟كلهـن يوم خطفن ماصد صوبهـن..بس من خطفت موزاااني صد صوبهـا وتم يطالع فيهـا..فكرت انها اتطالعه وتقوله انته شو مشكلتـك..؟؟بس عمها اذيااب عدالهم..بس كيف عرف انه هااي موزاني..مع انه متغشيـه..؟؟!!

وكالعـاده سوت طااف..ودايمـاً توعـد نفسهـا انها بترمس سهيله عن سوايا اخوها وكيف هو مضايجنهـا من مكان لمكـان..؟؟!! بس ما اتييها الجرأة الكافيه تتخبر عن سالفه شرات هالسالفه..؟؟

أول وحده ركبت السيارة هي روضه عسب تحجز لها مكان جدام..ما تحب تقعد ورى اذا كانت مع حد من هلها..؟!!

ذياب:مشااااااااالله مشااااااااااااالله..وين شجون وغبوش..؟؟

سلامي:هاييلا ما يدوامن خلاااااص..

ذياب"يحرك السياره":اشعنــه ما يدوامن؟؟

موزاني:علمـي خلصوا منهاجهم وارتااحوا..شجون مالها بارض وغاابت..مبزياااااات..

روضه:هاه بتودينا السووق..؟؟

ذياب"بابتسامه":أأأأمممرن على هالخشم.."ويأشر على خشمه"..بس اقووولكن..وين مريووووم..؟؟؟

البنات كلهن صد صوب بعض وتمن يتضااحكـن..

ذياب:حوووه شبلاااكن شو صااار..؟

موزاني"بخبث":مااشي بس مريوم اليوم غاايبه..

ذياب"يطالع في موزاني":ولييييييش غاااايبه..؟؟

روضه"اتكمل الصواريخ":البنيه امس مادري شو كلت ومادري شو استوابها جان اتصير المستشفى ورقدووهـا..

ذياب"ويه بويه روضه":في ذمتـج..؟؟؟

روضه"كاتمه الضحكه":الله يهداااك..وليش بتفاول ع البنيه..؟

ذياب:مالي خص بوديكن المستشفى..؟؟

سلامي:لا شو عمي يجذبن عليك..؟؟

ذياب"يصد صوب روضه وموزاني":ماا بوديكن السووق وبعييييييد عن خشمكــن..بودي الشيخه سلامه وشجون وغبوش.انتن لا لا لا...

روضه وموزاني"ايسون عمارهن ايصيحن":وااااااااااهئهئهئهئهئهئهئهئهئهئ..

روضه"تحط يداتها على عيونها":والله حرااااااااام عليك..

موزاني"اونها تمسح دموعها بطرف شيلتها":اهئ اهئ اهئ..كنت أحسبك طيب..

ذياب:نياهاهاهاهاهاها..ادوااااااااااااكن ليش اتجذبن..

روضه:صدقني اخر مرة..؟؟

موزاني:صدقها اتقولك اخر مرة..

ذياب:خلاص انزين قطعتن قلبي..

روضه:كنت اقولج انه قلبه حنون بس انتي ما تصدقين..اف مالت عليج.."وتضرب موزاني ع رااسهـا"..

موزاني"اتسوي عمرها اتصيح":كله تضربوني وكله ايي ع راااسي..خلوني اشوف امايه العوده بخبرهــا..

الكل تم يضحك ع رمستها لانها الأخت يالسه اتقلد عنودي..من وصلـوا البيت..سارت روضه حيرتهـا..ودقت للبشاكير ايزهبن الغدا بسرعه..لأن سلامي وموزاني بيتغدن عندها..وبيظهرن على طول صوب السوق..لأن باجر ملجة سهيل وشييخاني..



× عند سلامي ×



حطـت شيلتها مالت البيت ع راسهـا..وشلت عبايتها وشيلتها الثانيه وظهرت من حيرتها بسرعه لأن رويض حلفت اللي تتأخر ما بتتغدا..خخخخخ..من نزلت تحت شااافت سعيـد وامها يالسين ايسولفون..

سلامي:افاااا وين ابوويه..؟؟

أم سهيل:سار يرقد..؟؟

سلامي:هيه..

أم سهيل:شو بتسيرون السوق اللحينه..؟؟

سلامي:أول شي بنخطف ع فطـامي وخلاف بنسير السووق..

أم سهيل:اهـا..الله يحفظـكن يا بناتي..

سعيد:تعالي منو بيوديكن..؟؟

سلامي:عمي ذيااب..

سعيد:انزين لا تتأخرن واايد..وان استوى شي دقيلي...؟؟

سلامي"مستغربه من رمسته":..انزين.....امايه تامرين بشي..؟؟

أم سهيل:لا فديتج بس انتبهي ع عمرج..؟؟

سلامي : لاتوصين..

ظهرت سلامي من الصـاله .. ويوم وصلت الباب العود اللي مجابل الشارع شافت سهيل ظاهر من سيارته وياي صوبهـا..وايهته..

سهيل:هاه وين سااايرة..؟؟

سلامي:بيت عمي راشـد..

سهيل:وليش شاله عبايتج ويااج...؟؟

سلامي:بعد ما نتغدى بنسير السوووق..

سهيل"يضحك":ههههههههههههه..عاد ما وصيج اباج تكشخين وتغدين ملكة جمـال لا تنسين انتي اخت سهيل..

سلامي:هيه اكيد بكشخ..

سهيل:يــلا مع السلامه ماما..

سارت سلامـي صوب بيت عمهـا رااشد...واهناك حدثت كارثـه خلت البنات معصباااات..

موزاني:شووووووووووووووو..؟؟

روضه:لا مستحيييييييييييييييل..

سلامي:اهئ اهئ بصيييييييييح..

شجون:ريلاكس..في شي اسمه دريول..

روضه:بس احن نبغي انسير ويااااه.."وتيود تيلفونها"..حتى مطنش ما يرد..

موزاني:يلا يلا بنسير ويا الدريول..

سلامي:ولو حتى ركبنا الإستيشن مال قوم عمي اشد ما بيكفينا..

موزاني:خلاص عيل بننقسم..اشوي يسيرون ويا دريولنا..واشوي يسيرون ويا دريول قوم عمي راشد...

روضه:بس والله قهرني عمي ذيااااب..اونه ساير خورفكـان..؟؟

موزاني:هههههههههه..ما عليه بنخليه ما يعيدهـا..

وانقسمـن البنات .. وروضه وموزاني..سارن ويا دريول قوم موزاني وخطفوا على فطامي..اما سلامي وشجون وغبوش وسارن المول قبلهـــن..



×

×

×



غريب من فــــقدته مافقدته ..

يسامرني ويجـــيني كل ليله ..

وغيره لو وجدتـه ماوجدته ..

يحاكيني وسمعي مايجي له ..



لبنــااان..

فالشقـــه..



وقف سيف وشل تيلفونه ووقف ع طرف البلكوونه وهو ميت ضحــك على صرااخ فطامي..

سيف:هاه انتي وين..؟

فطامي:والله فالمول ويا بنات الرمـااااح..

سيف:ارواحكــن..؟؟

فطامي"بخوف":هيه..

سيف:مشاااالله..من متى انا عودتج تظهرين اروحج بدون امايه..؟؟

فطامي:امايه راااقـده والعصر بتسير السوووق اتييب كناديرهـا عسب الملجه اللي باااجر..

سيف:اف مقهوور ما استوت ملجة ربيعي الا وانا مسااافر..

فطامي:وليش ما اتيي..؟؟

سيف:عندي شغـل وايد..للحينه ما خلصته..

فطامي:اهـا..وهو ليش ما يأجل..؟؟

سيف:مادري فيه..انا اصلاً مارمسته الا دقيقه..وبند كان مستعيل مادري شو عنده..تعالي خطب منووو..؟؟لا هو قالي ولا امايه قالتلي..

فطامي:موزااااني .................................................. ...............

توت توت توت توت...

سيف:الله يعينج يمايه على هالبنيه..

حط التيلفون ع الطاوله اللي عداله ووقف جدام المنظرة ايشوف عمره..وكـان يفكر في رمسة فطـامي..

"سهيل وموزه...موزة وسهيل..؟؟؟!!! كنا دوم متعودين انقول روضه وسهيل سهيل وروضه...؟؟؟ ما كنت اتوقع ان سهيل يفكر في موزة..؟؟ليش سهيل سوى جيه..؟؟ليش ما خطب وحده ثانيه؟؟؟..ما لقى الا موزة خوية الروووض..والمشكله انها تعرف ان روضه اتحب سهيل..؟؟أأأأأأأخخخخ أكره هالكلمــه..اهم شي ان رووضه ما تتعذب..فدييت قلبـج..في ذمتيه انيه اتولهــت عليها عنلاتهــا.."

من بعد ما لبس نزل تحت صوب ربيعه خـالد..لقاه يالس يترياااه في واحد من المطاعم اللي تحت..

خالد:افا بلاك اتحيرت..؟؟

سيف:كنت ارمس الأهـل..المهم شحـالك؟

خالد:بخير ربي يسلمـك..شحـالك انته وشحـال الأهل ربهم الا بخير..؟؟

سيف:الحمداالله..بس العيوز مأذتني بطااري العرس ..؟

خالد:هههههههههههههه..عيل عرس ..

سيف:لا بعدني ما فيني على عوار الرااس...العيوز كل ماسمعت ان حد من شباب العايله خطب ولا شي..ينت وقعدت الا تباني اعرس..

خالد:هههههههههه..شغلتهن العياااييز..

سيف:انزين شو سويت راجعتهم شفتهم شو قالو..؟؟

خالد:والله يا أخ سيف أشغالك للحينه كلها ماشيه أوكيـه..وأعطيك علم من اللحينه كل الأوراق اللي كتبتها بتتحول الكويت..؟؟

سيف:الكويــت..؟؟واشعنه الكويت..احن ما اتفقنا البحرين .. في شركـة واحد من خوالي..

خالد:مادري فيهم..قالوا الكويت قلنا وياااكم..

سيف:خلاص مافي أي اشكـال..؟؟كل شي اوكي..؟؟اروم ارد البلاد..؟؟

خالد:هيه..بس بعدك ايلس اربعة ايام لين ما نتطمن..واتشوف الأوراق بنفسـك..

سيف:خلاص بنيلس هالأربعـة أيااام....

يلسوا خالد وسيف يسولفون وخلاف نشوا يتمشون خاري المطااعم..وسيف قلبـه ع روضه..!!!!يحس انها بتتعذب..وحس عمره منقهر ليش ما تخبر فطامي جانها رواضي بتسير الملجه ولا لا..؟؟؟!!!حس بفراااغ كبييير ليش أنه سافر وماشااافهـا..ويحس ان مشاعر قلبها متغيره..كل ما يتذكر روضه تذكر شيخـه.عجز يحكم قلبـه..وهاذا اللي مضااايجنـه..!!!!



×

×

×



وما نسينا لو تناســـينا ..يالغلا فــــــــــــي يوم حبينا..

يوم كنا بسمة حلـــــوة.. قلب واااااااحد من يساوينا...



العيــن مول..

السـاعه 9 ونـص..



فطامي:موزاااااااااني يعلج العرس بأحول .. ليش تضربيني اللحينه طاح التيلفون وظهرت البطاريه وانفج "وبتفلسف"..وتجزأ الى أجزاء حتى ما خبرت سيف سهيل خويه بياخذ منو ؟؟ الله يهداااج بس..

موزاني:ادواااج..يالسه ارمسـج وحالتيه لله .. وانتي أكبر طاااااااف..قلنا من باب الميانه بنت خالج واتطنشينهـا..لعنبوج طالعي صوبي ما استوت ميااانه..

فطامي:هههههههههههه..حامد زيد على غفله..

موزاني:هع هع .. يلا يلا تعالي شوفي رويض شو اشترت..؟؟

فطامي:شراتكن ..؟؟

موزاني:هع..الأخت مشتريه فستـان..وراحت خذتلها اكسسوارات..ومادري شوو..

فطامي:شكلها ناويه تشـد حيلهـا..؟؟

موزاني:اوووه ومن الخاطر بعد..؟؟

فطامي:وينهـا..هيا بنا ..؟؟

وسارن صوب رويض اللي كانت الوحيده اللي مشتريه فستـان لونه زيتوني وفيه شغـل بالوردي الباااهـت..كان موديل الفستان واايد حلوو..وعيب البنات الثانيات اللي كلهن اشترن تنورات وقمصـان .. وتقريبن كل ثنيتين مطقمـات..

من صوب..ذياب كان يطالع فيهن وميت ضحك ع سوالف موزاني وفطامي..ومستغرب من روضه اللي كانت طول الوقت صااخـه..وما اتسولف ويـاهن..

واشوي الا يشوف في ويهه أحمـد..؟!!!!

أحمد:حياااااااااااااااااااااااااااااااااااااااااال له ذيااااااااااااااااااااااااااااااب...

ذياب:يا مرحبا مليووون ولا يسدن..

أحمد:مرحبااابك زود يالشيخ ..شحـااااالك وشعلووووومك...؟؟

ذياب:بخير ما نشكي باااس..وشحـالك وشو هبااتك..؟

أحمد:يسرك الحال والله..

ذياب:الا وينك ما تنشااااف..؟؟؟

أحمد:والله مشغول في هالدراسه ..

ذياب:اتكمل هاه..؟؟

أحمد :هيه والله..هالدنيا مامنها أمـان..وانته قوتك بقوة شهادتك..

ذياب:والنعم والله وانا اشهد انك ريال..مفروض انك من قبل تنفذ هالرمسه..

أحمد:شو انسوي يالشيخ أيام الطيييش..ياكم مرة رمسني وحاول يقنعني سيف وكنت ماطييع شوره..وأكثر واحد شجعني وفازعني هو..

ذياب:ادريبه سيف راعي فزعات .. ومن يخاويه ما يضيع..

أحمد:الا اقول شو اتسوي اهنه..وحمـد وينه..؟؟

ذياب:يا ريال هذا من عرس بس عليه ايجابل حرمتـه ويسير دوامـه..تعال تعال بنسير الكوفي بنشرب لنا شي..

ساروا صوب الكوفي..وفي هاللحظه..سارت رويض ودقت على عمها ذياب..

روضه:الوو مرحبا عمي شحـالك..؟؟

ذياب:هههههههههههههههههههههه..بخير يسرج حـالي انتي شحـالج..؟

روضه:بخير وسهاله..لييش ياي المول .. ومخلينا نتنقع ويا الدريوليه..؟؟

ذياب:هههههههههههههههههههههههههه..ههههههههههههههههه ..

شفتيني..؟؟

روضه:هيه عيل ع الفاظي عندي عيون..؟؟

ذياب:حشى يا عيونج..رادااااااار..

روضه:يلا يلا..احسد عيوني انته ما وراك شغل..؟؟

ذياب:ههههههههههههه..يوم تخلصن خبرني عسب اردكن للرمـاح..

روضه:احن ماعندنا أي مشكله بس لا تنسى عمتيه اخطف عليها في سويحـان..

ذياب:ههههههههه..ان شالله يستوي خير..

روضه:لا تنساها..؟؟تراها ما تحب اتسير ويا الدريول..الا حد وياها..وما بتشل البشاكير وياها..

ذياب:وياها وياها وياها..اوكيك ماما ما في كوف..>>>اونه مافي خوف..

روضه:ههههههه..يلا مع السلامه..

ذياب:فداعة الله..

بندت روضه وصدت صوب اللي عندها..

روضه:هاه شو خلصتـن..؟؟

فطامي:هيه باقيلنا الأكـل..

روضه:انزين سلامي دقيتي للحرمه اللي بتعدلني..؟؟

فطامي وموزاني طالعن بعض..اول شي مستغربات من رمسة روضه..؟؟وثـاني مستغرباات من أسلوبها الباارد..كانت في رمستها جااامده على غير عادتها..حتى الإبتسامه ما يت ع ويهها..

موزاني:بتتعدلين عند حرمه باجر..؟؟

روضه:هيه عيل شووو..؟؟صح اعرف اسوي ميكب يناسب هالمناسبه..بس ابا اكون سبيشل..

فطامي:وليش هاه كله..؟؟

روضه:متسااانسه..ملجة ولد عمي..ومب كل يوم عندنا ملجه وعرس..؟؟؟

الكل سكـت ومحد منهن علقت ع رمسـة روضه..وبعد ماسارن فوق صوب المطاعم وخذن اللي يبنه .. على طول ردن الرمـاح .. وفطامي وياااهـم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 28-11-2008, 11:26 AM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


.ו•.•°¯`•.•• ملجـــة سهيل وشيخــاني ••.•°¯`•.••×..



خلاص روح بطــــــريقك وأنـا بطريقـي

يللي كنت في يوم عـــــــــينـي ورفيقـي

تنسى طيف الليالـي ودفــــــــا هـمسهـا

كنت أظنك بليـل الهـوى عشــــــــــيقـي

بكل سهولـه تبيـع مشاعـر قلتهــــــــــا

تخلي الدني والشامت لدمعي شفيـــقـي

صدقني القلـب مايترجـى حنانــــــــــــك

لوتقول ألف أحبـك ماتبـل ريقـــــــــــي

يكفي تجرح بقلبي تكفيني جروحــــــي

خلني أعيش لغيـرك حـب حقيقـــــــــي

خلاص أرحـل عـن حياتـي وذاتــــــــي

أشوف غيرك بالهوى يطفي حريقــــي



أبوظبـــي..

بيــت بو سلطــان..

الصاله الفوقيــه..

الساعه8 ونـص..





أيـام حلوة كانت أيام حبك,,كنت في روحي تسري,,كنت بجنون أحبــك,,قاسي القلب لكن,,كان قلبي بقلبك,,ويــن؟؟موعد جمعنـا,,ويـن ذاك المكــان,,؟؟ضحكنــا اللي ضحكــنا والوله والحنــان,,تقلب الكون كلـــه لو تأخرت خطوة,,ضعت مني في ثـواني والله دنيـــا,,ما تسوى,,

,,والله دنيـا ما تســــــــــــــــوى,,



.



.





فطامي:رووييييييييض..روييييييييييييض.."واتصااارخ".. روووووووويييض شوووفيـج..؟؟

روضه"اتخوز السمـاعه عن اذنهـا":بسم الله شو بلاج..؟؟

فطامي:لي ساعه ازاقر وانتي اكبر طاااااااااف..

روضه:كنت اسمع اف ام..ما سمعتــج..

فطامي:المووهيم..أخوج حمـدان تحت يتريــاااج..

روضه"تنش من مكانها مستغربه":حمداان؟؟..أفااا كيــف نزل مستواااه ورمسنـي..

فطامي:تفاهمي وياه تحـت..

وسارت روضه وعطت فطامي مقفاها..وفطامي يالسه اتصفـر..اونه روضه عايبتنهـا..

فطامي:عنلااتج بتخلين اخوج يتينن..؟؟

روضه:هههههههههه..مشكلته..خلوه يطلق ريسه وياخذ وحده اتشابهنـي..

فطامي:اللي يشوفج جنها الا ملجتج مب ملجة شيخـاني..

روضه:هههههههههه..استحيــت..

نزلت روضه تحت اللي كانت كاااشخه وشاده حيلهـا..ومن خمس دقايق حدرت البيت كانت توها يايه من الرمــاااح وماشافت حد لا امها ولا امها العوده..الا خلودي اللي طمنتها وقالت لها تاخذ راحتها سلطان عنده قسمه اهناك وما بيحدر هالبيت..فصخـت عباتها ويلست بالفستان فالصاله .. اللي كان كمـه قصيروني..وفجاه شعرها الطويل اللي قصته لين أخر ظهرها مدرجــاات..وحـاطه شباصه ورديه كبيره ع الطرف نازله منها حركات باللون الزيتوني على لون فستانها..والميكب مالها كان طر ميييغغغااااا..؟؟؟البنيه غاااديه غراااااام...

أول ما نزلـت الصاله..وشافتها امها العوده..تمت تزاقر عليها .. تتحسبها شيخاني..

أم راشد:شيخاااااااني..شيخاااااااااني..مسودة الويه اشعنه ظاهره اللحينه بيشوفونج الحرمـات..التعني في حيرتج فوووق..يلا..شيخااااااااني..

روضه مسويه أكبر طااف..واصلن ما انتبهت لرمسة يدوتهــا..

خلودي:يمااايه هاي رويض هب شيخـاني...

أم راشد:شو ؟؟ رويييض..؟؟وجيه متعدله جنها الا ملجتهـا..شيخاني ما بتسوي جيه في عرسهـا..روييييييييييييض..روييييييييييييييض..

روضه:لبببببببببييييييه يا عيون رويض..

أم راشد:تعالي تعالي فدييتج خليني اشوفـج..

وسارت روضه صوب يدوتها وهي خايفه انها تلاحظ قصة شعرهـا..لأن العيوز ما تحب حد من البنات تقص شعرها وتخربه..وع قولتها..تلعب به..!!

أم راشد:ياا ويل حاااليه عليج يا بنتيه ..اخاف الا يعينونج اليوم..

روضه:جانج بتقرين علي..محد بيعيني..

أم راشد:عيل فديتج تعالي بقرى عليج..

روضه نست سالفة اخوها حمدان اللي كان يالس في الصاله الثـانيه .. والعيوز يلست تقرى على روضه..من خلصت..نشت روضه وباستها ع راسهـا وسارت صوب حمــدان..

روضه:السلام عليــــــكم..

حمدان:وعليييكم السلاااااااام والرحمممه..ومرحبااااااا مليوون ولا يسدن..

قربت روضه صوب اخوها وتم حمدان فاج اعويناته..؟؟

حمدان:انتي روضه..؟؟

روضه:هيه انا روضه..!!بلاك!!!

حمدان:عنلاتج محلاااااااج..اتينييين..

روضه:هع هع استحيت..

توايهوا ويلسوا ويا بعض يسولفون..

حمدان:روضه...

روضه:همم..

حمدان:بعدج زعلانه مني..

روضه:اللي فات منك..

حمدان:يعني ماشي فالخاطر..؟

روضه:لا..

حمدان:السمووحه منج يالغلا..

روضه:مسمووح فديتك حمدان ..

تم ايسولف وياها وجيه..وخلاف ظهر بعد ما استسمح منهـا مرة ثـانيه..لو شو ما سوى يبقى اخوها اللي يحبها ويداري عليهـا..

مر الوقـت..وبدا العرب يلتموون..واستوت الخيمه اللي مسوينها للحريم فالحوي ممزووورة حريم اشكال وانوااع..هع هع ..من صوب..شيخـاني .. من شافت روضه كيف متعدله..انقهرت..وياها شعور بالبكاااء..لووول..ظحكواااااا عليها بسسسسسسسرعه قبل لا تغير رااييها..شيخاني بعد كانت متعدله واااااااايد..لابسه فستان وردي..اونها ويا راسهـا..وكاشخه ميكب كامل والشعر مادري كيف والحنا والحركـات..كله علشان سهيل..دخلوا شيخـاني..وبدا الكل يسلم عليهـا واولهـم روضه اللي باركت لهـا..وفطامي وشموس وموزاني اعيونهم رادار على شكل روضه..

فطامي:اخاف روضه اتطيح فوق شيخاني..

موزاني:يا غبيه اتطيح فيها ضرب..

الكل:ههههههههههه..

شموس:وااايه فديتها رويض محد شراااتهـا..

موزاني:يالله يعل سهيل وشيخـاني يفدون ثرج يالغاليه يا رويييض..

فطامي:يالله يعلني ماذووق حزنج يالغاليه يا رويض...

موزاني:مب كأنج يالسه تتمصخريـن..

فطامي:لا تخليني اسدحج اهنه واترقص فوق بطنـج وازقر شجون ويايــه..

الكل:ههههههههههييهيههيههيييييييييييييييييييييييييي يييهيهههييي..

>>>ضحكه يديده..خخخ..

واشوي الا اتيي خلودي ووياها ميثاني ربيعة شيخوه..وعرفتهم على بعض..شموس وفطامي تمن ايسولفن وياها..لأنها حبووبه وشخصيتها غيير عن شيخاني..بالفعل عكس بعض..وميثوه ما كانت اتمثل هالشي..لا..ميثوه طبعها حبوبه وراعية سوالف واتحب تتعرف ع الناس..أما موزاني ما كانت تسولف وياهم مكتفيه بالسكووت.. !! ..يتهم رويض..وتعرفت على ميثاني..وحبتها واايد..ويلست اتسولف وياها..وخذت رقم تيلفونهـا..حتى ميثوه..ارتاحت لرويض وايد ولفطامي وشموس..بس استغربت في نفسهـا..ليش شيخاني غير عنهـم..وانصدمت يوم شافت رويض كيف اتشااابه شيخاني واايد..يت الساعه 11 وقالوا بيدخلون المعرس عسب يسلم ع حرمـته.. واهنيه انتفضـت روييض..وما رامت اتظهر كلمـه..كل ذكرياتها ويا سهيل انعرضت في مخيلتها كأنها فلم..

يوم كان يغيب عنها وايي خلاف يتعذرلها..

يوم كان يطالعها ويبتسم لهـا..

تذكرت سوالفهـا وياه وكيف كانت اتعاتبه اذا طول بغيااابـه..

تذكرت دفترها اللي كـانت تقراااه ..وتذكرت كل المواقف المكتوبه فيه..

تذكرت روحتهـم للبر..ويوم شافته ..

وتذكرت يوم العيد..يوم سلـم عليها وتسجل كلامهم كله ..؟؟

تذكرت يوم سارت السووق وضاعت عن سيف واللي عنده ..ولقت سهيل اللي وصلهـا لسويحــااان..!!

تذكرت تذكرت يوم يطرشلها رسااايل..وحالته لله..

تذكرت طيف سهيل اللي يسامرها كل ليله..

تذكرت اليوم اللي فيه كشفـت سهيل..

تذكرت كيف كانت حياتهـا..كيف كانت تذرف الدموع

كيف كانت اتعاني..وتشقـى..وتحارب المشاعر اللي في قلبهـا..

كيف كانت تتعذب..وستهر..ولا ايي لجفنها النوم..

وهو.. كـان مستانس ولا عليــــه..؟!!!

تذكرت وتذكرت..لين بكى خافقهـا..وحست بعمرها مخنووقه..ودها تفرغ اللي في خاطرها واتصييح لين اتقول الدموووع ملييتج يا روضه..!!!

دخـل سهيل بابتسامته المعرووفـه..واعيونه ع الناس اللي يوا..ايدور رويــض..بس ما شافهـا..تأكد انها ساارت الرمـاح ما ودها تحضر هالرمسـه.. وقف جدام شيخاني وباسها ع راسهـا..واهنيه شيخاني مممرة متشققه..ومن يلسوا ع الكراسي..طاحت عينه على رويض وهي واقفه لابسه عبايتها وحاطه شيلتها ع راسهــا..شده الشموخ اللي يشوفه في عيونهـا..شده الكبريااء الواضح من ويهها..استغرب..ما توقع انه يشوفهـا..اتوقع انها بترد الرمـاح..؟؟انصدم..انذهـل..؟كيف وليش ؟؟

ومر الوقـت بسرعه..بس كان بطئ ع قلب روضه..وانتهـت ملجة شيخاني وسهيل بكل بروووووود..؟؟!!!





×

×

×



مرت الأربـع الأيام اللي ورى الملجـه بشكل سريـع..لأن حياتهم ردت شرات قبل روتينيه..؟؟!! الشي اللي تغير..ان سهيل استوى متعلق في شيخاني بشكل فظيييييييع..مع ان ما مر ع علاقاتهم في التيلفون الا اربـع أيـام!!وين ما يسير يرمسهـا تيلفون..وكل يوم اييهـم عسب يشوفهـا..كان يشوف روضه فيها من ناحية الشكـل..ولكـن من ناحية الأسلوب شاف انسانه رااقيـه..عليها اسلوب ماشي شراته..وحلات منطقوها جنها عسـل..عيبه تفكيرها فالحياة..وطبيعة منطقيتهـا..كان كل ما يسمع شي تقوله..يذووب فيهـا..حس انها انسانه مميزة..غييير..حس ان وجودها في حياته ويه خير..؟؟!!الأخ ما يعرف ان كل هذا تمثييل×تمثييل..كان متوقع هو الوحيد اللي يعرف يمثـل..ولكـن..ظهروا على خشبة المسرح اللي احسن عنــه..

من صوب..شيخاني تمثل جدام سهيل وميته ضحك على غبااءه..حسته سخييف وتاافه ولا عنده ساااالفه..كانت اتشوف الخبث في عيونـه وعرفت انه مجرد لمحـه يستصنعها هو..وحست انها رامت تملكه في اربع ايام..كـانت تستااانس يوم ايدق عليهـا ويخبرها كيف اشتاقلها بسرعه..كانت تلمس الصدق في كلمه يقولهـا..وتتأكـد مليوون بالميه ان سهيل حبها وخلااااااااص.وفكرة انه يبتعـد عنها شي مستحيييييييييل عنده..!!

يمكـن انا ماراح اذكر المواقـف اللي تستوي من بينهـم...لأني ما أحبهــم..بس حبيت اوضح لكم طبيعة العلاقه اللي بينهم اللحينه..وطبيعة المشاعر اللي في قلب سهيل وفي قلب شيخــاني..



×

×

×







تدْري وشْ معْنى غيابكْ ؟

يعْني :

أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ

وفي وداعكْ

ما ينامْ الجَرحْ بدْري

??

شوفْ وشْ ناوي عليـه

هاكْ قلبي وهاكْ سيفكْ

وسوْ فيني اللــي تبيه!

لا تحاتيْ

صفّحْ بكيفكْ جروحي

وإشْطبْ آمالي وطموحي

وإعْتبرْ قلبي كتابكْ !!



المطـــار..



وقف سيف ع صوب وهو مستــاانس لأنه وصــل..لأن الشوووق وصل حده في خـااافقـه..وده يشوف امه وفطامي وخلودي وهله كلهـم..وخااااصتن رويض..!!..ترك هالمشاعر وهالأحاسيس ودق لسهيل على طووول..

سهيل:مرحبااااااااااا مليوووون ولا يسدن..

سيف:مرحباااابك زوووود..

سهيل:تو ما نورت البلااااااااااااااااد..

سيف:منورة بهلها..شحــااااالك وشعلووومك..؟؟

سهيل:ابخير يعلك الخير..ومن صوبك ربك الا بخير..؟؟

سيف:يسرك الحاااااااال ولا يضرك..وينك..؟؟انا اترياااك..

سهيل:امبوني ميلس في بوظبي اللحينه بييك..

سيف:وشو عندك في بوظبي ..؟

سهيل:شو عندي..الله يهدااااااك يا سيف..القلب في بووظبي..

سيف:شووو..؟؟

سهيل:شيخاني يا سيف..شكلك ناسي انيه ملجت عليهـا..اااه فديت طاااريها ياااالله علني ماخلا منها..

سيف:.............سهيل................احسبّك خطبت موزاني..؟؟

سهيل:شو موزاني..؟؟اروح من عند روضه ايي صوب موزاني..لالالا..

سيف:بس سهيل..؟؟شيخاني..هي .. هي ..

سهيل:شو.؟

سيف"يحس قلبه موقف مكانه من زود الصدمه":هي نفسهـا مها اللي كنت دوم اقولك عنهـا..

سهيل:شووووووووووووووووو..؟؟سيف..؟؟شو هالرمسه اللي تقولهـــا..سيـــ.................................. .................................................. .................................................. .................................................. .................................................. .........

سيف:.....سهيل..الووووووووووووووووووو...الوووووو..

بند سيف وعلى طول دق على حمدان يسير صوب سهيل..لأن حمدان هو الأكيييد الأكيد موجود في بوظبي اللحينه بسبة شغله..وخلاف دق على محمـد وقاله اييه المطـار اللحينــه..



×

×

×





دامك نويت البعد ياخل مسمـــــوح ،، هذا اختــــــيارك وانت حر بدنياك

ماينجبر قلب ولاتنجبر الــــــــروح ،، حكم القدر مكـتوب والرب يرعاك

فداعه الله من خفا قلب مـــــجروح ،، ولاتفتكر في يــــــوم ياخل بنساك

هليت دمع العين والدمع مفــضوح ،، وجازيتني بالصد والهجر وشـياك



الرمــااح..

السـاعه 7 المغـرب..

بيـت بـوخليــفه..



وقفـت رويض بعد مـا فرت المخـدات على سلامي وخلووف..وتمت تصارخ عليـهم..

رويض:سخيييييفيييييييييييييين وما عندكم سالفه الا انكم تتواقعون..

خليفه:شو اسوي بنت عمج سخيييييييفه..

سلامي"اتصد صوب خلوف ومعصبه من رمسته":شوووو..انا سخيفه يا سخيييف..؟؟

خليفه:اللحين بديتي تغلطين تراااج..ثمني رمستـج..

سلامي:مثمنه رمستيه بس انته اللي ما تثمنهـا..

خلوف:انزين اشوي اشوي ع عمرج طالعي دموووعـج ع طرف اعيونج كلمه مني وبتطيييح..

سلامي:شوووو..وليش ان شالله تنزل اتطييح دمووعي..

خلوف"بخقه":هاهاها..يعني من منو..؟؟أكيد مني..

سلامي:شووو..؟؟منك انته..ليش شو اللي فيك يخوف..؟؟

خلوف:هاهاها.جيه برمستج هاذي اعرف انج اتحبيني عشـان شكله..

سلامي:ليش ان شالله بحبك عسب شكلك..هاذا آآآآآخر ما أفكر فيه..انا بحبك عسب شخصيتك واسلوبك...

خلوف:بس انا ما احب لا اسلوبـج ولا شخصيتـج..أحب جمالج وشكلـج..

سلامي"رافعه وحده من حياتها":شوو خلوف صدمتنـــي..؟؟

خلوف:كبيرة ولا صغيره..؟؟هههههههههههههههههههه..

سلامي:يالس تتمصخر..والله ماجذب صدمتني..

خلوف:تحتااييين المستشفــى..

سلامه:انته اصلن تااافه يالس تجرحني ولا عليك..

خلفو"عصب":انا اللي يالس اجرحج ولا انتي اللي يالسه اتقولين انج ما تحبين..

سلامه"تنش من مكانها":انته ماتقدر الوااحـد ولا تحترمه..

خلوف"يوقف في ويهها":انا ولا انتــي..؟؟

بدت ضراابه يديده من نوعهـا..اونه انته ما تحبني وانتي ما تحبيينـي..وروضـه مرة عيونهـا ع خلوف مرة ع سلامـي..وصرااخهـم عاااالي .. جان اتصااارخ هي وويـاااهم..

روضه:بــــــــــــــــــــــــــــــــــــــــــــ ـــــــــــــــــــس..شليتوا اذووني..

خلوف"يأشر على سلامي":رويض سمعتيها شو قالت..؟؟

سلامي"تأشر على خلوف":رويض سمعتيه شو قااال..؟؟

روضه:كل واحد يفهم الثاني غلط..وتحبون تتواقعون على اتفه الأشياء يسوى ولا ما يسوى..المهم تتوااقعووون..

سلامي:هاذا مادري كيف يفكر..؟؟

خلوف:هاي مادري كيف تفكر..تفكير يهـااااال..

سلامي:شو تقصد يعني انا ياااااااهل..

خلوف:اللي اقصده هاللي في راااسج شرات اللي في اليهـال..ولا الجسم مشالله عليج عملاقه..

سلامي:اللحينه انا عملاق يالدب..

خلوف:من الشهر اللي طاف وانا مسوي ريجيم يالسه اتقولين لي دب..؟؟!! عيل ماشفتي عمرج جنج الا دنكـر مااي..

سلامي:هاهاها..لالالا..اذا انا دنكر ماي شو نسميك عيل..؟؟

رويض:اووووووووووف..انا الغلطانه لأني مجابل ويوووهكم ..

تحركــت من مكـانها وظهرت من هالصاله مخليـه سلامي وخلوف يتواقعون ع راحتهـم..وشافت موزاني يالسه اترمس تيلفون..

رويض:هاه سلامي ما بتسيرين ويايه العيااده..

موزاني:لحظه اشوي سهيله.."وتصد صوب روضه"..شو قلتي..؟؟!!! .. اقيين اقيين...

رويض:ما بتسيرين ويايه العيااده عسب اغير لون تقويمي..

موزاني:لا والله مالي خـاااطر..

رويض"بضييجه":مااالت عليكن..لا انتي ولا شموس ولا غبوش ولا شجون ولا سلامي ولا عليا ولا العيااييز ولا حـد يبغي ايسير ويــاايه..عيل باخذ البشكـارة وبسيــر..

موزاني:السمووحه مابسير..

روضه:سباله..بتييني طالبه مني خدمه..بقولج عطيني عرض أكتاافج..

موزاني:ههههههههههههههههههههه..نتفاااهم بعدين..

سارت روضه من عند موزانـي .. ومن ظهرت خاري صوب اللي يالسين..شافت سعيد في ويهها..وكان ميود في يده حلويااات..

رويض"اتصاارخ":الله سعييييييييييييييييد دخييلك عطني اشوي..

سعيد"يقرب صوبها":اتشوووفين هاذا المكان...>>ويأشر لها ع زاويه فالحوي..

رويض:اها..

سعيد:سيري اهناك يلا انا ما بعطيج شي..

رويض:ياااخي بلا نذااله..

سعيد:أي نذاله واي وقاحه..بس اذا كان عندج حلاوة وما عطيتيني شوفي شو بيستوي بج..؟؟

رويض:شو بتسوي بي..؟؟

سعيد:ماشي بس بعطيج كـف..

رويض:لا والله..المووهيم..يلا يلا عطني..

سعيد"يعطيها من ورى خاطره":هااااااااااااااج..ولا اشوف ويهـــج مرة ثانيه جدامي ساااااامعه..

رويض"باستهبال":زين زين بااابا في معلوم..

سعيد:ههههههههه..تعالي وين خلووف..

روضه:داااخل يتواقعون هو وسلامي..

سعيد:اهـا..يلا عيل براايج بسير بغثبهم اشوووي..وبضيج بحوالهم..

روضه:اقوولكم نذل محد يصدق..

سعيد:شووو.؟؟!! اقوول ييبي ..ييبي اللي عطيتج اياااه اللحينه..

روضه"تشرد منه":فالأحلااااااااااام..

وسارت روضه صوب العيااييز اللي كـاانن يالسـات فالحوي وايسولفـن..وخبرتهـن انها بتسير السوق ارووحهـا..ووافقن..لأنه محـد فاظي ايسير وياااها..حتى العيااييز ما وافقن ايسيرن وياهـا..شلـت بعمرهـا صوب بيتهـم ولبست عبايتها وشيلتها وشلت بعمرها صوب عيادة الإسنان الخاصه اللي تعالج فيهـا..هي والبشكـاره اللي دووم اتشلها وياها وين ما تسير..



× عند سعيد ×



وقف سعيد بعد ماخش الحلويات الباااقيه دااخل مخباه..مافيه ايشلونها عنه خلوف وسلامـي..وقبل ما يهـود..شده صوت موزاني وهي ترمس تيلفـون..واللي شده زوود عن صوت موزاني..السالفه اللي يالسه اتقولهـا..

موزاني:سمعي سهيله انا بدش فالموضوع بسرعه..أخوج منصور واايد مضااايجنـي من زود ما يلحقني من مكـان لمكـاان..يعني فالسوق اشوفـه..فالمدرسه ..يوم نتحوط وياكن فالشعبيـه..يوم اكون في أي بقعه..اشووفـه..وفوق هاذا يـاااكلني بنظرااااتـه..

ما راااامـت موزاني اتكمل رمستهـا لأن سعيد وقف جدااامهـا..

سعيد"ايصارخ في ويهها":موزاااااااااني..بندي التيلفون أقوولـــج..

موزااني"اتحط الشيله ع راسها وترمس سهيله":اقول سهيله خلاف برمسـج..اوكيك..لا والله..عادي ...مع السلامه.."وتنش من مكانها واتصد صوب سعيد"..هاه سعيد شو مشكلتك..؟؟

سعيد"الشرار ظاهر من اعيونه":انا ما عندي مشاااكل..بس اللي انتي عندج مشاكل وسواد ويه بعـد..منصوور هااااه..؟؟اوكيه اول ادوواه خلاف ادوواااااج..مضيعة المذهب ملعوونـه الصير..

صخت موزاني ما تعرف شو تقول..ولأنها حتى لو بترمش اترمس منوو..وسعيد ظهر من الصـاله..واول ما ظهر سعيد يأ خليفه صوب موزاني..

خليفه"يرمس موزاني":موزووه شو السالفه..منو اللي كـان ايصاارخ..؟؟

موزة"اتصييح ودموعها ع خدها ولا ظهرت ولا كلمه":...........................

خلوف"يحط يداتها ع جتوف موزاني ويصارخ عليها":اقوولج رمسي بلاج متصنمه من اللي كان يصاااارخ...؟؟

موزاني"اتطييح ع الكرسي بكل قوه":مااااااااعرف مااااااااااااااعرف شو بلاه سعيد غااادي وحش اشوي وبيااكلنـي..يلس ايصاارخ ويتحرطم وظهر..

خلوف"يربع صوب الصـاله وشاف سعيد توه ظاهر من الباب العود ويزقره":سعييييييييييييييييييييد..يا بوعسكووووووووووووور..

وقفت سلامي عند موزاني ..

سلامي:هاه موزاني شو اللي استوى امبينج وبين سعيد..؟؟

موزاني"اتصارخ بضيييج":مااااااااااعرف مااااااااااعرف يا سلامي..

دق تيلفون خلوف وكـان محمد .. ورد عليه بسرعه..

خلوف:هـلا محمد...شوووووووووووووو..؟؟؟سهيل؟؟؟شو استوابه..؟؟وين انتوا اللحينه...؟؟وسيف...؟؟؟اللحينه ياايينك..سعيد توه ظهر من البيت..محرج مادري شو بلاه..ليش ما يرد علييييك..؟؟؟؟اووووه..انا اللحينه يااينكم..انزين انزين لا توصي حـد..بس بوشهاب وينـه..قلتله..خلاص اللحينه ياااييين..

ظهر خلووف من الحوي وسلامي تربع ورااه..

سلامي:خلووف..شو بلاااه سهيل شو اللي صاارلـه..

خلوف:صخي سلامي العياااييز بيحســن..

أم سهيل:خليفه فديتك وين سهيـل من العصير ما شفــته..

خليفه"مرتبش":سهيل..سهيل عند واحد من الربـع اللحينه رمسته..

أم سهيل:اهــا..

سلامي:خلوف قول شو السالفه..والله قلبي ناغزنـي..

ما مداه خليفه يفج ثمـه الا وحدر النيسـان الأبيض عليـهم وكان حمد اللي موطي الجامات ولا لابس سفره ومخلي الشعر"شمس مشرقه "..وقـف عند خلوف وركب خليفه وويهوا صوب بوظبي بسرعه..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 28-11-2008, 11:31 AM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


]..الجزء الـ خ ـامـس والـ ع ــشرين..





••.•°¯`•.•• عذاب القلـب ••.•°¯`•.••



الجرح عـــــــــــــدا زمانـه لاتذكرنـي..

هـذاك زمـان تعذرتـه وجـــــــــافيتـه..

لوشفت دمع القصايد كان تــــعذرني..

تصور الشـــــــــعـر يضحـك وبكيتـه..

عند الكـــرااامه ابيعك وانـت خابرني..

الله و كيلك كل شـــــــــــــيء مريتـه..

كانه هجر بالسلامه روح اهـجرنــي..

اخوي لاصد عني ماتـــــــــــرجيــته..





العيـــن دار الزيــن..

عيـادة الأسنـان..



وقفت روضه من مكـانهـا..وهي تشل شنطتها واتحط التيلفون داخلهـا..كـانت مبتسمـه لأنها اتفكر تمر ع المطعـم وتـاخذ لبنوتـات وجبـات عسب يتعشـن ارباااعه..الأخـت مب عارفه شاللي يستوي فالرمــاح اللحينـه..ولا تعرف بنوبـة العواصف اللي يتهم في غمضـة عيــن..!!!سبحــان الله مغير الأحواال..

ماروري:هاه مدام روضه كلاص..؟؟>>>هاي بشكارتهم من زمـان .. ومن أيام طباخهم الأولي اسمااعيل..

روضه:هي ماروري خلصنـا..وينه حمزة تحت..؟؟

ماروري:yes..

روضه:عيل يلا بننزل تحت..

ظهرت اول شي ماروري..

روضه:شي رياييل..؟؟

ماروري:No..

روضه:أحسسسن..

روضه ما تغشـت دام انه محد ريااييل..ونزلوا تحت .. بس اول ماظهروا من اللفت"الأصانصير" شافت وااحد في ويههـا..الأخ تم يبتسـم وصاد صوبهـا..كان بيطلع الطابق الثاني..بس من شاف رويض غير راايـه وترياها تركب السيارة وركب سيارته ووراااهـم..رويض مثل ما تدرون كـانت مقررة اتخطـف المطعـم..بس من شافت هالريال هي الثانيه غير رايها وقالت لحمزة بسرعه ايسير الرمــاح..

كـان قلبها ناغزنهـا..واستغربت انه امهـا للحينه ما دقتلهـا..وصدت صوب الســااعه لقتهـا 11 ونـص..خافت انه هلها ايسوون لها حشرة خصوصـاً ان حمدان بييهم بيتعشى هو ريسه وقصـاايد..

بس شو اتسوي..؟؟العياده كلها بناات وزحمــه من الخـاطر..تنهدت وهي اتشوف وراها..لا زال الريال يلاحقهـم..بس اللحينه اتطور..وسار يمشـي عدالهـم..وقلب روضه يدق من زود الزيغـه..!!



×

×

×





عطنـي احـزان قـــــلبـك وخـذ منـي وداده

عـش حياتـك سعيـد..وخـل غيـرك يعــاني

الحـزن ماخلـق لــــك..خـل الأفراح عـاده

ابتســم..يبتســم لـــــــي ياحبيبـي زمانـي



دبــي دار الحـي

المستشفـى

السـاعـه 11 ونـص..



وقـف سيف يوم شـاف حمـد وخليـفه وسعيـد يايين صوبهـم..

سيف:شو بلاكم..؟؟ليش تأخرتوا..؟

خليفه:يا ريال هاللي اسمه سعيد مادري شحل عليه..؟؟

حمد:بغى ايوهقنـا ويا الشبااب..

سيف"معصب":ليش شو سوى..؟؟

سعيد:ما سويت شي..سرت عند اللي اسمـه منصور وتوني الا بأدبه الا الأخ حمد والأخ خليفه يايين ويودوني ما خلوني حتى أعطيه بكس..

سيف:انته متفيـج..اخووك مسوي حاادث ويالس اتضاارب..

سعيد:ما كنت ادري..وبيني وبين منصور حساااب لازم انصفييه..

سيف:بوعسكور من اللحينه اقولك..منصور خويينا ولا تنسى هالشي..اخوك سهيل من صوب وانته من صووب..

سعيد:شو استواله..؟؟شو اللي حل عليه..؟

سيف:كنت ارمسه تيلفون وسوى حـادث..

حمد:في بوظبي..؟

سيف:هيه..

حمد:وليش ما وديتوه المستشفى اللي في بوظبي..أحسن من انكم اتصكون مشوار لدبـي..

سيف"ييلس ع الكرسي":ماادري في حمداان..!!..هو اللي صار صوب مكـان الحادث..

خليفـه"ييلس ع الكرسي عدال سيف":وشو وضـع سهيل اللحيـنه..؟؟

سيف:للحينه الدكتور ماظهر من يوم ماحدر سهيل عليهـم..

حمد:شووو..؟؟للحينه..؟؟انته مسويلي تيلفون ع الساعه 7 المغرب..للحينه ما ظهروه..؟؟

سيف:شو انسوي..؟؟ربـك..

سعيد"مرتبش":انزين..انزين وين محمد..وحمدان..؟؟

أشر عليـهم سيف وهو حاس عمره مخنووق..شكـل سهيـل ابد ما يطمــن..كاان متشوه من الخـاطر..وراسه ينزف دم..خاف ع ربيعه .. اللي أقرب من الروح لــه..

سعيد:حد قال شي للحرمـات..؟؟

خلوف:لا..

سعيد:وابويه وعمومتيه ..وينهـم..؟؟عمي ذياب وينــه عنـا..؟؟

سيف:اللحينه بيوون..وخـلي ذياب تيلفونه مغلق دقيت ع ربيعـه..وقلتله ايينـا..

مرت عشر دقايق .. وفي هالعشر دقايق يو الشواب ويلسوا ويا الشباب وتم يتخبرون حمدان وسيف ومحمد عن الحادث..وكل واحد قلبه متقطع واعيونه ع الباب اللي بيظهر منه الدكتور..

مرت لحظـة صمـت..وظهر الدكتور من عند سهيل..وهجوووم عليــــه..وكلن يتخبر من صوب..

الدكتور:هدوو هدوو يا جمـاعة الخير..؟؟وخلوني ارمس ع راحتيه..

الكـل سكـت..وهم يتريون شو يقول..

الدكتور:انتوا كلكم رياييل مؤمنين وراضيين بحكم ربكـم .. سهيل تعرض لحادث مب هيـن..وتأذى منه واايد..عنده ضربه فالراس والحمدالله ما أثرت عليه وايد..بس..

الكل:بس شو..؟؟

الدكتور:تعرض لتشلل نصفـي..

الكل سكــت من هول الصدمـه..هاللي خايفين انه يستوي..سهيل يفقد شي من اعضاااء جسمـه..

حمدان:وانروم انعالجه..؟؟

الدكتور:هيه نروم..بس العمليه واايد خطيره اذا ما نجحت بتأثر عليـه وايد..

بوسهيل:عيل من اللحينه مسفرينه..

الدكتور:الشور شوركم يا عمي..بس من راايي اتخلونه لباجر يرتاح وهله يشوفونه..تراه في غيبوبه بيـديم 24 سـاعه..بس في نقطه ما قلتها..

الكل:شو..

الدكتور:التشوهـات اللي في ويهه واايد..اللي يشوف سهيل اللحينه محد بيعرفـه..ويحتـاج لعمليات تجميل..

الدكتور فهمهم وضع سهيل بالضبط..ومنع عليه انه يحدر صوبه طبعاً عسب صحتـه..وباجر الظهر بينقلونه لغرفه اروحه بعد ما يشوفون ان حالته استقـرت..

الشواب قرروا انهم يستأجرون لهم في الفندق اللي عدال هالمستشفـى..اما محمد فقرر انه يرد بعد ما يتطمن اشوي ع سهيل..وذياب يااهـم بعد ما صـك خط خورفكـان ورد مرة ثانيه ويلس ويا محمد..وبالنسبه لحمد وخليفه ساروا ويا الشواب..اما حمدان فرد لبوظبي..وسعيد تم يتحوط في دبي وقرر انه يرد الرمـاح ع ويه الفير..

وبالنسبه لسيف صك خط الرمـاح عسب اييب اغراض سهيل للاحتياط ..مثـل جوازه وملابسه وهالسوالف.. ولأنه السفر باجر .. وفوق هاذا يبغي ايطمن اللي هنـاك مع انه خليفه مرمسنهم..

وصـل الرمــاح..وحدر صوب بيت بوراشد لأن الحرمـات كلهن يالسات اهنـاك..وخبرهـم بوضع سهيل..الكل هدت اعصابهـم..لأن سيف طمنهـم وخبرهم بسالفة السفـر وجيه..كـان يرمس واعيونه رادار..كان يدور على غناة قلبه اللي قلبها هي ينبض بمحبة سهيـل..كان يدورهـا..وكأنه يبغي ايشوف ردة فعلهـا..تحزن..تستانس..اتطيح تنعش..شو اتسوي..؟؟

بـــس للأسف..ما لقـاها..وأول ما ظهر من البيـت شاف البشكـارة في ويهه..وخلاف صد صوب اليمين..وشاف روضه..

روضــه ارتبكت من شافتهـا..ووخت راسها ومشت..بس هو وقفهـا..لأنها شاف هالولد اللي كان يلاحقهـا من العين للرمـاح وملصق سيارته في روضـه..ويرمسهـا بس هي مسويه اكبر طاااف..الولد من شاف سيف قحص بسيارته ورااح وهو يضحـك..عكس روضه اللي ميته من الزيغه وتمنت انها ما خطفت على بيت موزاني..

سيف"يصااااااااارخ":من ويـن يايه..؟؟

روضه"تتنافض بس عينها يعبنه مسويه عمرها ما تهابه":من وين بعد..؟؟من عيادة الأسنان..

سيف"يحط عينه بعينهـا":منو مودنـج..؟؟

روضه:منو بعد..؟؟الدريول..؟؟

سيف:اروحـج..؟؟

روضه:لا انا والبشكـارة..

سيف:ووينه الدريول ما اشووفـه..؟؟

روضه:وقف سيارته عند بيت عمي..

سيف:ليش..؟؟

روضه:انا قلتله..

سيف:ليش..؟

روضه:ليش هالأسئلـة كلهــا..؟؟"وتصارخ"..منو حضرتك تسألني..

سيف:وطي حسـج يا مسودة الويـه..الشباب ايرابعون وراج هاه..؟؟

روضه:احشم يا سيف..ولا تتبلى عليه..

سيف:انا ما تبليت عليج..انتي اللي تبليتي على عمرج..

روضه"اتصااارخ في ويهه":شووووووووووووو..؟؟انا مب شراااتك يالسبــااال يالحثـ..........

ما كلمـت رمستها لأن سيف عطااها كف من الخاطر شل حسهـا وشل الأحرف وياه .. فعشان جيه روضه صخت وما رامت ترمس..بس الدموع اللي في عيونهـا رمست..وقالت اشيااء اشياااء واشيااء..سيف اروحه ما فهمهـا..؟؟؟انصدم من عمره كيف فكر في روضه بهالطريقه..؟؟كيــف..؟؟وهي البنيه اللي سيف يموت فيهـا..وانقهر من نفسه كيف عطاها هاك الكـف..وما هانت عليـه..الإنسان معظـم الأوقـات لحظة غلطه يحس فيه..ويندم..ويكون هالندم قوي ووايد يأثر غير عن الندم اللي اييه خلاف..

اتصنمت مكانها وهي اتطالع فيه..

روضه:............................................. ..........................

كـانت ساكته اتدور شي اتقوله..شي ايبين كره روضه لسيف..من قبل كانت تكرهه..شعور يروح وايي..بس اللحينه تكرهه وتكرهه وتكرهه للمليون..

روضه:سيف....اكرهـــــــــــك..

عطته نظرة من عيونها الذبوحيه اللي صوبت قلب سيف..وسارت عنـه..

سيف:.......روييييييض....روييض..

ما صدت صوبـه..؟!!ليش بالأصل اتصد صوبه وهو قبل اشوي اتهمهـا ولعن خيرها واخر شي ضربهـا..مشت بخطواتها الثجيله صوب باب الصاله وحدرت..



× عند سيف ×



وقـف مكـانه وتم يطالعهـا لين ما دخلـت الصاله..لاام نفسه ع اللي سوااه..انقهر من الحركه اللي سواها..ماكان مفروض ايصارخ عليهـا..المفروض يرمسها بهدووء ويلحق موتر هالوغد اللي يلاحقهـا ويلعن خيره..وعرف في قرارة نفسه انه هو بالأصل معصب من وضع سهيل ومالقى الا روضه في ويهه اللي اعتبرها سوت غلط هي مالها ذنب فيه وفرغ شحنة الغضب فيهـا..بكـف علّم باللون الأحمر ع خدها الصاااافي..

ركب سيارته .. وقرر يسير دبي..وفالطريج دقت عليه فطامي تتخبره هو وين..وطبيعي خبرهـا بسالفة سهيل..

فطامي:احسسسسسسسسسن..دوااااااااااااااااه وزووود والله..الله ياسيف ما يضرب بعصا..وشوف شو اللي استوى في ربيعك..عذب بنت عمه رويض فديتها وخلاها تموت من هالحزن اللي في قلبهـا وتركها وسار عند الخايسه الصايعه شيخووه..هههههههههه..احسسسسسسسسسن احسسسسسسسسن..احلى خبر سمعته في حياتي..يعله زوود و زوووود..

سيف"يصااارخ عليها بصوت عالي":والله يا ان لميتي ثمـج شوفي شو بيستوي بج..لاتنسين هاذا ولد خـالج..

فطامي:ولد خالي على عيني ولا راسي..بس انا اتبرى منه دام قلبـه جيـه ونياته جيه..سهيل ما يحشـم..ما يخيل..يرضيك اللي سواه في رويض ..يرضيك..؟؟

سيف:لا طبعاً ما يرضييييني..بس بعد لمي ثمـج ولا تسبينــه..

فطامي:اوكي اوكي ما بسبه..بس انته لا اتم معصب عليـه...

سيف:خلاص انزين هب معصب عليـج..

فطامي:اهـا وشو وضعه اسهيل..

سيف:باجر المغرب بنسافر..

فطامي:لحظه لحظه شو هالكلمـه الكريهه اللي اسمعهـا..بتساافر..؟؟

سيف:هيه..خويي محتايني في هاللحظـه وتبيني اودره..لا والله ما صار..

فطامي:شوو سيف..انا حتى للحينه ما شفتك.. من ييت البلاد ما ييت سويحـان..

سيف:فطـامي لا تغثيبي يكفي اللي استوالي اللحينه..

فطامي:ليش شو استوى..؟؟

سيف:ااااااااه يا فطامي طلبتـج لا تزيدين الموااجـع..

فطامي :سيف فدييتك والله بموت ان ماشفتـك اللحينه..وليـا طلبتتك لا تردنـي..تعال تعال اللحينه..

سيف:فطامي شو يالسه اتقولين..يا ان سمعتـج تعيدين هالرمسه وتفاولين على عمرج بالموت اممرة اطراااق يرد حسـج فاهمه..؟؟

فطامي:ههههههههه..عيل يلا تعال رد سويحـان قبل لا تصك خط دبي..

سيف:ااااااه مشكله ماروم اردلج طلب..اللحينه يااي..

فطامي:انزين سيافي فدييتك هالله هالله بعمـرك..واذا تسمـع اغاني بندهـا وانتبه لسواقتك وبطل عوينـاتك انزين..

سيف:انزين انزين لا توصين..

فطامي:سيف صوتك هب عايبني..انتبه لعمرك سيافي..

سيف:اوكي لا توصين يا بنت الحلال..

فطامي:خلاص عيل انا بتريـاك..

سيف:امايه وينهـا..؟

فطامي:سارت حيرتها بترقـد..

سيف:خلاص عيل مع السلامه..

فطامي:الله يحفظـك يالغــالي..

بند سيف التيلفون..وتم يطالع فيه اشوي..يا هالفطـامي..ماااااا يدري شو يسوي بدونهـا..!!! وعلى طول سار سويحـان..



×

×

×



ماراح تحس فيني الين توقف عند قبري

وتقول هذه اللي كانت بالامس تموت فيني



الرمــاح

بيت بوراشـد..

السـاعه 11 ونـص ..

الصـــــــاله..



يلسـت شموس عدال موزاني وهي تحط يدهـا ع جتـف موزاني..

شموس:وايه فيتج موزاني معقوله تصيحين عسب سهيل..

موزاني:سهيل الله يشافيه وما يشوف شر..اصيح ع عمري يا شموس..

شموس:ليش انزين فهميني السالفه..

موزاني:اصيح عسب سعيـد.."وتصد صوب شموس"..شموس..شموس انتي ما شفتي كيف وجه اتهاماته علي بدون ما يعطيني فرصه حتى افـج ثميـه..اقوله شو السالفه..لعن خيري وخلاني ما اسوى شي وظهـر..

شموس:شو قلتي يا موزاني..؟شو اللي خلاه يفول جيه..

موزاني:لأني قلت لربيعتيه سهيل عن سواياا اخوهـا..انه مايخلي مكان انا سرتلها الا وهو ويايا شرات الظـل..ضايجني..نكد عليه حيـاتي..مخليني اشك في عمريه جني مسويه ولا شي..مدرسه واشوفه..سوق واشوفـه..فالشعبيه جدام البيت كل مكـان كل مكـان..حشى حتى برج المراقبه ما سووا شراته..اااااااااااااااخ اااااااااخ والله يارمسة سهيل اسميييها صوبت قلبـي يا شموس..

شمووس:موزاني سعيد يحبـج وانتي بنت عمه وما يرضالج هالشي..

موزاني:اوكيه يحبني وبنت عمه..انزين ليش حسسني انيه عطيت ويه لهاللي اسمـه منصور..ليش..؟؟

شموس:اكيد فاهمنـج غلط..

موزاني"اتصيح بحرقـه":هالمشكلـه باساسهـا..فاهمني غلط..متى بشوفه بس وارمسـه..ليش كل هاه يستويلنا في غمضة عيـن..ليش كل هالأحداث استوتلنا فجأه دون ساابق إنذار..

شموس:موزاني لا تعيدينها هالرمسـه..هاي حكمـة ربج ومالج أي اعتراض عليـهـا..نشي صوب سلامي..شوفيها كيف تصيح حـال اخوهـا..نشي واسيهـا ..هي محتاايتنج اللحيـنه وبالذات في هاللحظـه..احن ما عهدنـاج جيه..انتي ورويض كنتن القويات اللي ما تهبان شي..ورمستكن عن رمسـة عشر رياااييل..

موزاني:لولا رمسـة سعيد..جني الا ميلسه عندهـا..بس هي كانت عندي يوم استوى الموقف..وشافتني اصيح..شموس ..اخاف تتخبرنـي..بشو ارد عليهـا..؟؟

شموس"باستامه":اتشوفينها متفيجه اللحينه تتخبر عنج ولا عن سعيد..سيري صوبهـا يلا..

موزاني"تمسح دموعهـا":يــلا..

اول ما نشن موزاني وشموس .. انفـج باب الصالـه وحدرت رويـض .. الباب اللي فجته رويض هو باب الصاله العود..والصاله منقسمـة لعدة صالات صغيرونـات..

شموس وموزاني يالسين فالصاله اللي فيها الباب العود..اما البقيه ميلسـات فالصاله الثانيه اللي دااخل اشوي..واللي يسير للدري فوق ما يشوفونـه..

يوم شـافنهـا انصدمـن..ويوم شافن خدها المحمر..بهتـن فيهـا..بس يوم شافن نظرتها الحزينـة..تأكدوا انها عرفت عن سهيـل..عرفت عن الأدمـي اللي جرح خفوقهـا وعذبهـا..

خطفــت وما عطتهـن أي اهتمـام..حتى السلام ما سلمـت..صدت بنظرها صوب الصـاله..وشافتهـن ايصيحــن..صياح هب طبيعـي..مب من عادتها ما تهتم..كانت اول وحده تكون فالصورة اذا استوى شي مهم فالعايله..كانت اول وحده يوصلها الخبر..كانت القلب الحنون للكـل..بس هالمرة لا..هالمرة فيها شي..غير..خطفـت وما عطتهـن ويـه وسارت فوق صوب حيرتهـا..طوول هالفتره اللي سارت من عند سيف لين وصلت حيرتهـا..وهي ميوده ادموعهـا..استوت دموعها غاليه عليـها وما تحب انها تظهر جدام أي حـد..فصخــت شيلتها وعبايتها .. وتمت يالسه ع الشبريه بكندورتها الفوشيــــه..وهي منقهره .. وكل ما مرت دقيقه .. كرهت سيف زوود عن قبـل..الكره في قلبهـا اللحينه..انتابها وهي اتشوف الكل يالس ايصيح..وكأنها كرهتهم هم..شرات ما كرهت سيف..!!

انفـج الباب وعلى طول صدت صوب اللي دخـل..كانت غبوش .. وملامح ويهها باهته وجامـده..سارت ويلست جدام روضه..ويه بويه..كانت ساكتـه وما ترمـس..وكأنها اتزهب عمرها .. وروضه اتطالعها بغموض..تبغيها ترمس..بس ولا كلمه ظهرت من ثم غبوش..هدووء ما قبل العاصفـه..ثانيه وحده وانفـج ثم غبوش وابتدت رمستها بالصراااخ..

غبوش"بصوت مبحوح بس عالي":انتـي متأكده انـج رووضه..انتي متأكده انج ختيـه اللي قبل ما تبتعد عن سهيل كانت روضه اللي نعرفهـا..ليش جيه يا روضه..ليش..؟؟؟لهالدرجه يعني..خلاااص..عشـان سهيل سوى حادث وتشلل ما تبين اتيين صوب امايه العوده اتهدينهـا وتبوسينها ع راسهـا..ليش انتي ما تعرفين انها ما ترتـاح الا عندج..وما تسمع الا لرمسـتج..ولا سرتي صوب امايه وحريم عمومتيه وهديتي من وضعهـن..ولا سرتي صوب سلامي وبستيها ع خدها وضحكتيها بسوالفـج وطمنتيها على اخوهـا..؟؟!! ليش ما سرتي عند موزاني ومسحتي ادموعها وتخبرتيها عن سالفة سعيد وعرفتي شو اللي صار بينهـا وبين سعيد وكيف صارخ عليها وصيحهـا والسبه منصور اخو سهيله اللي يلاحقها من مكان لمكـان..

ليش..؟؟عشان سهيل هاه يستوي فيج كلـه..عشاان سهيل..؟؟ندري انج اتحبينه وتموتين فيـه..ندري انج ذليتي عمرج عشااانـه..اللحينه..حتى ما سلمتـي علينا لأنه صاار في المستشفـى..ادري محبتج اللي حبيتها للحينه محتايه ادموعج اتصيحين حبيب قلبـج..بس احن محتايين روضه..؟؟محتــاايينج وشجون أكثر وحده محتايتنـج..من استوت سالفـة سهيل وكشفتي انه يلعب عليـج..نسيتي شجون..اللي ظهرلهـا خالد مرة ثـانيه..مر اسبوع كـامل وهي ترقد عنديه فالحيرة واتصيح تبغيج اتسوين أي شي عشان تهديدات خـالد..بس انا ما خليتها اتفتح لج السالفه..لأنج مب فاضيه لنـا .. مب متفيجه لمشـاكلنـا..مب فاضيه لحـد..ما تتخبرين عن حد..كله ميلسه في حيرتج..ويا ان ظهرتي عطيتينا الفيس الإكس .. بلييييز اترجـاااااااااااااااج يا ان شفتي روضه ختيه..روضه بنت رااشد الـ......ـي..روضه اللي ما تهااااب العرااقيب..دخييلج قوليلها اتييينا بسرعه..لأن كل ما ابتعدت عنا زوود..تخسرنا ونخسرهـا..

وقفت غبوش عن الرمسـه وادموعها ع خدها اللي طاحت لا اراديـاً..خذت نفس طووويل..وشلت بعمرها من حيرة روضه..روضه..روضه.. روضه..؟؟؟؟!!!!

حطــت يدها ع راسهــا..بدت اتضاايج..بدت تمــل..ضغطت ع راسها بكل قوتهـا..اهااات مكبووته في قلبهـا لازم تظهر..لازم عسب اتروم اتفكر هي شو سوت للحينـه..صدمتها باللي تسمـع من غبوش .. خلت قلبها ايوقـف ..

حادث سهيل وتشلله..؟؟

شجون وردة خالد مرة ثـانيه..؟؟

ابتعادها عنهم الفتره الأخيره..؟؟

سالفة موزاني وسعيد ومنصور اخو سهيله..؟؟

اشيااء واايد رمست عنها غبوش..بس روضه ماصدقت اتخلص من صدمـه فاجئتها غبوش وتلقت صدمه ثااانيـــه..

انزين هي شو سوت..؟؟كانت تعيش معاناتها..من بعد هالحب الأليــم..كـانت نفسيتها ما تساعد انها اتواسي غيرهـا..

.

.

"لأني ابتعدت عنهم فتره .. لاموونـي..لأني كنت غبيه وما افهم فالحب..لأني كنت غبيه وصدقت كلمـات سهيل لااااااموني..اتضايجت من سيف ردوا السبه عليـه..كأني انا اللي يودت سهيل من اذونه وقلت لها غضب طيب اتسوي حادث يا رياال..

ليييييش..؟؟ما توقعتهم جيه..؟؟اتوقعت غبوش اول وحده اتوقف عدالي .. بدل ما تقعد اتعق عليه هالرمسه اللي صدمتني..في اربع ساعات استوالي هاه كلـه..في اربع ساااعااات ابتعدت عن عالمي ويوم رديت لقيت هموم تترياني وادموع تبغيني اذرفها من عيوني..ليش من اقتنعت بنسيان سهيل وعدت عمري ع فراقه ردت المواجع من اول ويديد..؟؟!!!!!!!!

كله بكوم وسيف بكوم ثـاااني..ااااااااااااه..انا من وين القاها..من اهني ولا من اهنـاك..تعبت..تعبت والله تعبـــت..متي بيي اليوم اللي استانس واضحك..متى بتيي ايامنا الأوليـه ايام ما نسرق السيااايير انا وموزاني ونزيغ غبوش وسلامي..ااااااه..في غمضة عيـن..تحولت ضحكاتنا لدمووع وهموم..وكل لحظة فرح تذكرناها اللحينه..

ااااااااه يا سهيل ااااااااااااه..لييييييييييييييييييييييييتني ما عرفتـك..ليييتني ما حبيـــتك..كان الهم بيخف اشويه ع قلبــي..انا تعبت..في ذمتيه تعبت..لييييييش ما يحسون فيني ليييش.؟؟؟"

.

.

"لييييييييييـــييييييييييييييييييش..؟؟"

.

.

ترددت هالكلمـه في صدى حيرتهـا بكل قوه بكل حزن..يلست ع الشبريه صااحت وصاااحت وصااااحت وصااااحــت..ما تدري على أي شي من الأشياء اللي قالتها غبوش اتصيج عليهـا..لا..هي تبغي اتصييح على حياتها كلـهـا..مب من شي معين..!!!!!



×

×

×



مشاعر تخلــــــد بروحي.. اكذب روحي واجــفيها

تعودمن الجــــــفا روحي..على مــاكان بي ومادام



سويحــان..

بيـت بوسيف..

قسـم سيــف..



فطامي"اتحط يدها ع ثمها":شوووووووووووو..؟؟سيف انته يالس تستهبل ولا تستعبط ولا شو سالفتـك..؟؟تعطيها اطراق مرة وحده..شليت سطارها ..جيه بأي صفه تضربهـا هاه..؟؟

سيف:بصفتي ولد عموتها وما ارضى اللي يستويلهـا..

فطامي"اتحط يداتها ع خصرها":وليييش ما لحقت الوغد الملعون ويودته وصفعته وضربته ليييش..؟

سيف"متضايج":الحيوان الحقير شرد من شاافني..

فطامي تيلس ع الشبريه جريب من مكان سيف اللي كان طاايح ع الشبريـه..

فطامي:بس سيف..ابصم لك بالعشر انك ظالمنهـا..انته ما تعرف رويض..اشرف من الشرف نفسه بلاك يينيييت....؟

سيف"يقاطعها":ادري ادري..بس انا ..ما يودت عمري..شفت واااحـد يلاحقهـا ..فطامي انتي ما تعرفين شو يستوي بي يوم اشوف رويض متأذيه..كله لا رويض..اااااااااه يعلني فدااااااااهااااااااااا..

من زود صدمـة فطامي وقفت مكانها وتمت متصنمه .. واعيونها اشوي وبياكلن سيف اللي كان يطالع فوق ومب حاس باللي قاله..بعد مرور ثوااااني..استغرب سيف الوضع..لحظه لحظه..كيف مرت هالثواني بدون ما ترمس الأخت فطامي..؟؟كيف؟؟..شي غريب..؟؟وصد صوب اختـه واستغرب يوم شاف ملامح ويهها..

سيف:حوووووووووه شو بلاج..؟؟

فطامي"اتصاارخ":اللحييييييييييييييينه..سيف ..اخوووي حبيبي غناااااة قلبي رقم 1 اعيووووني .. ايحب روييييض خويتيه غناااة قلبي رقم 2 حبيبتي اعيوووني..لالالالالالالالالالا ما صدق..

سيف:اوووووووووووهوووووووووووووووووووووو..

فطامي"ويها بويه سيف":الله كشخـه سيااافي..والله ثنائي روعه انته وروييييييييييض..ما اتخيل اشكاااااالكم..ياااالله يعلني فدااااااااااكم وفدااا عيااااالكم..

انحرج سيف من رمسة فطامي..فتم ساكت ثواني وخلاف صد صوبها..

سيف:فطامي شو هالرمسه اللي يالسه اتقولينها..انا متأكد اليوم لسانج متبري منج..لا تفكرين اني انا وروضه نجتمع تحت سقف وااحـد..صح اني احبها واموت فيهـا.."وهنيه فطامي فجت اعيونها ع وسعهن"..وصح اني يوم اشوفها احيانن اكرههاا لأنها تشابه شيخــاني..بس هي تكرهني وتكرهني وتكرهنــي..من الكلمه اللي قالتها من قبل ساعه..عرفت اني ما بشوفها بعد هاليوم..

فطامي:سيافي علني فدا قلبك شو اللي يالس اتقوله.."وتقلده"..انا متأكده ان لسانك اليوم متبري منك..

سيف:هههههههههههههههه.."ويفرها بالمخده الصغيره"..اونج يالسه اتقلدين..

فطامي"تحط المخده فوقها":سياافي لا تربط بين شيخاني وروضه..روضه شي وشيخاني شي ثــااني..روضه انسـانه وشيخاني وحش..

سيف:ههههههههههههههه..عنلااات صدااج يا فطامي..شو وحش بعد..شوهتي البنيه..

فطامي:ليش اتداافع عنها فهمني..؟؟

سيف:ما ادافع عنهـا..

فطامي"بضيجه":ماادري طيبة قلبك وين بتوديك يا سيووفي..

سيف:ههههههههه..اسم دلع يديد..

فطامي:متفيج تضحك انا اسولف وانته يالس تضحك..

سيف:انزين انزين نشي من دربي خليني اسير لسهيل..

فطامي:شووو..؟تسير لسهيل..؟؟لالا شكله استهبالك واصل حده اليوم..وين اخليك تظهر وانته بهالحال..نش نش..يلا افصخ كندورتك ووط راسك وارقـــد..

سيف:مادريت انج حرمتيه على غفله..

فطامي:لا حبيبي هب حرمــتك.."وبتفكير"الصراااحه يا حظهـا اللي بتاااخذك يا سيف..

سيف:نشي نشي خليني اسير لسهيل..يلا خوزي عن دربي..

فطامي:شو سيااافي بلاااك..؟؟؟لا بتسير ولا الله قاااله..انته اللحين بترتـاح وخلااااص..فديتك سياافي عسب خاطريه والله ماتهون عليه اتسير صوب سهيل وانته بهالحاله..حالتك النفسيه والبدنيه ما يسرن..ليش بعدك مب مقتنع برمستيه..؟؟

سيف:ااااااااااه..انزين خلاص برقد اهنه..بس شلي بعمرج وظهري .. لأني اعرفج اذا فجيتي سااالفه ما بتبندييينها الا بعد مووت..

فطامي:اوكيه يعني هاذا رايك فيني الأخ سيف..نو بروبليم نتحااسب بعدين ويا ويهك..

سيف:فطااااااااااااااااااامي...

فطامي:اوكي اوكي بظهر بظهر..حشى ما ينرزا عليك..

وظهرت فطامي من قسم سيف..ويلست فالصاله وهي ميودة تيلفون امهـا..ادق على رويض بس رويض مسويه اكبر طااااااااف..وما بترد عليها..كــااانت تبغي اتقولها لا تردين واتحبين سهيل .. لأنه بس تشلل واستوى انسان عاااجـز..!!!!!

ولا تنسين انه في يوم ذلـج وهــاانج .. وخلاج وحده كسيرة الخاطر..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 78
قديم(ـة) 28-11-2008, 11:33 AM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


ياقلبن ماعـرف يوفي ودرب الغدر هو ممشاك

ياأكبر غلطه فـي عـمري وتشهد دمعتي بعيني

وإذا خانتي العــــــــــبره فلا تظنها على فرقاك

دموعي مـب عليك انته دمـوعي ترثي اسنيني



الرمـــااح..

الســاعه 5 ونـص الفيــر..

حيرة رويض..



يلست ع شبريتها بعد ما حست برااحـه يوم انها خذت شور وصلت وقرتلها قرآآن..شافت شنطتها شلتها وفجتها وظهرت تيلفونهـا..حشى حارقتنه الأخت فطـامي..؟؟!!!

كـانت بدقلها بس حطت في بالها اكيد راقده القطوه شو عليها بترقد..؟؟يلست وتذكرت رمسة غبوس اللي قالتلها الباارحه..حست بنغزه في قلبهـا..ولامت نفسها لأنها ابتعدت عنهـم واايد..اليوم عندها اشياااء مهمه لازم اتسويها..لازم تقعد ويا شجون وتعرف سالفة خالد من اول ويديد..ولازم تقعد ويا موزاني وتعرف شو سالفة منصور وسعيد..والأهم من هذا كله..سهيل..لازم تاخذ سلامي وموزاني ويسيرن ايشوفن سهيل..؟؟ لاااااااااااااازم..

اول ما نزلت تحت شافت الصاله فااظيـه..ظهرت الحوي بعد ما سارت المطبخ صوب البشكارة قالتلها اتييب لها نسكافيه .. يلست ع الدري اللي جدام باب الصاله..وهي تتريا حد ايي من الصاله..واشوي الا اتشوف سيارة محمد حااادره البيت..وقفت مكانها..وهي تترياه يظهر من الموتر..

انفـج الباب وظهر محمد .. ومن شاف روضه ابتسم..بند الباب وسار صوبها ووايها..ويلس عدالها...

محمد:شحالج رويض..؟؟

رويض:بخير يعلك الخير..شحالك انته ربك الا بخير..؟؟

محمد:مانشكي باس..هاه غبشتي من وقت...

روضه:طبيعي لأني راقده من وقت..

محمد:زين بعد..

روضه:وين ابويه..

صد محمد صوبها كان في خاطره يقولها شو انتي ما كنتي فالبيت البارحه..

محمد:ابويه في دبي..

روضه"عاقده حياتها":شو؟؟ في دبي وللحينه؟؟..وليش في دبي..؟

محمد:هيه في دبي..لأنه سهيل في دبي..

روضه:هيه عيل سهيل هب فالعين..؟

محمد:لا..وكلهم اهنااك..

روضه:عمي ذياب حمدان سعيد حمد..كلهم كلهم..؟؟

محمد:هيه محد الا حميد..وسعيد توني شايفنه يتحوط خاري وقال بيي..

روضه:وانزين ليش ما ردوا الرماح واليوم الصبح ايسيرون له..؟؟

محمد:الشواب مافيهم ع صك الخطوط من الرماح لدبي..بس الشباب مادري فيهم..

نش محمد..

محمد:عيل برايج انا بسير برقد..

روضه:نوم العوافي فديتك..

سار محمد من عندها وحدر صوب قسمه عسب يرقد لأنه طول الليل يالس فالمستشفى ومارقد..اما روضه وصلها النسكافيه وتمت تشربه في هدووء..شلت بعمرها صوب المطبخ وقالت لهن ايسون اريوق ويحطنه فالصاله..وراحت حيرة امها العوده شافتها يالسه اتصلي..يلست رويض ع طرف الشبريه تترياها تخلص..من خلصت سارت صوب وباستها ع راسها..

رويض"لاويه ع جتف يدوتها":هاه امايه فديتج..شو هباتج..؟؟

ام راشد:ااه بخير يعلج الخير..شو بلاج بنتيه تانسين شي..؟؟

رويض:لا يماايه مافيني الا العافيه..ما اتشوفيني ناشه اول العرب..

ام راشد:بنتيه روييض انتي رقدتي..؟؟

رويض:هيه يمااايه رقدت من سمعته يأذن نشيت عسب اصلي..

أم راشد:هاه سرتي صوب خواتج..؟؟

رويض:لا والله نسيتهن..

أم راشد:عيل سيري خليهن اينشن يصلـن وخلاف يكملن رقـادهن..

رويض:هيه بسير خلاف صوب موزاني بوعيها..

أم راشد:زين عيل ..

نشت رويض وسارت فوق صوب خواتها وخلتهن اينشن يصلن..شجون نشت بسرعه اما غبوش يبالها ساااعه..

الموووهيم..بعد ما خلتهن اينشن وتأكدت انهن صلن..نزلت تحت و وشافت امها يالسه ويا امها العوده باستها ع راسها ويلست اتسولف وياهن اشويه وخلاف شلت بعمرها صوب موزاني..

حدرت بيت عمها وشافت حرمت عمها يالسه فالحوي..سلمت عليها ويلست اتسولف وياها اشوي وخلاف سارت ام خليفه صوب ام ريلها وام سلطان في بيتهم.

فجـت على موزاني الباب .. وموزاني كانت طايحه ع الشبريه بس هب راقده..اول ما انفج الباب انفجـت اعويناتها ع وسعهن..

موزاني:وااااااايه روييييييض فديييتج..

رويض"تمشي صوبها بخقه":هع هع ..شو اشتقتيلي..؟؟

موزاني:حشى عليه لا اشتقت ولا شياته..مرحب مرحب ..

رويض:المرحب لا هاااان..شحـالج..

موزاني"بضيج":حالي سيئ جداً..

رويض:خخخخخخخخ..يالفلسفه..ادواااج ليش ما قلتي لي من قبل..

موزاني:ليش كنتي انتي فاظيه عسب اخبرج باللي يستوي لي ويا منصور..

رويض:ليش من متى مستويه السالفه..؟

موزاني:من بداية السنه..

رويض"بعصبيه":موزاني الله يهداااج انا كنت دوم وياج بداية السنه..وروحه ورده ويا بعض..ما انكر انيه من بعد ما ابتعدت عن سهيل ابتعدت عنكم انتوا بعد..بس اظني هالسالفه مستويه من قبل سالفتيه ويا سهيل..ليش ما خبرتيني..

موزاني:خلاص خلاص لا تعصبين..

رويض:انزين رقدتي ولا..؟

موزاني:لا طبعاً ما رقدت..

رويض:اوكيك قولي لي السالفه..

موزاني:منو خبرج عنها..؟؟

روضه:منو بعد..؟؟غبوش قالت لي عنها..

موزاني:خلاص عيل تعرفين السالفه..هوووب لازم اقولج..

روضه:لا حبيبتي الأخت غبوش يتني وصارخت فوق راسي واتهمتني باتهامات شنييعه وعطتني عنوان سالفتج بس..

موزاني:اووهووو..مليت من زود ما اعيد السالفه..

روضه"اتيود تيلفونها":رمسي يلا ولا بالتيلفون ع راسج..

موزاني:استغفر الله .. شو هالدفاشه..انزين سمعي انا بسير باخذلي دوش .. وخلاف بتكشخ وبشد حيلي فالكشخه وبييج وبقولج..

روضه:ليش انتي اتشوفين هاه وقت تكشخين فيه ويا هالفيس..

موزاني:اووه سهيل..نسيت سالفته والله..خلاص اللحينه بييج..

نشت موزاني وسارت الحمام عزكم الله وخلصت بسرعه وجابلت روضه وقالتلها السالفه كلها..عاااد شوفوا الفلسفه مالت رويض اللحينه..

روضه"رافعه واحد من حياتها":شوفي انسه موزاني انتي غلطتي في عدة اشيااء..واااحد..رمستي سهيله فالصاله وانتي اتعرفين ان الصاالات ملتقى العائلات..اثنين..خشيتي عني سالفة منصور وما رمستي بها..ثلاثه..سكتي ولميتي ثمج وما رمستي ويا سعيد .. اربعه..

موزاني"اتحط يدها ع ثم رويض":حششششى رويييض قطعتيني بالأغلاط اللي سويتيها..والله حسستيني بالذنـب..

روضه:اوكيك نشي ويايه بنسير صوب امايه العوده بنشوف بتخلي منو ايسير العزبه بنسير وياه..

موزاني:بس محد الا حميد..

روضه:لا حبيبتي حميد وسعيد ومحمد..اللي بيسير العزبه بنسير وياه..

موزاني:وليش ايسيرون العزبه..

روضه:لأنه يا ذكية زمانج امايه العوده ما تتريق الا بلبن رجااااااب..

موزاني:هيه هيه..نسييييييت..

روضه:لا فديتج انتي ما نسيتي..انتي اصلاً ما تعرفين..بس همج اتيلسين ع هالمنتديات..سبحان الله..ميولج وميول سعيد شرات بعض..

موزاني"بعصبيه":روييييييييض..شو دخل سعيد..؟؟

روضه:للحينه ما دخل..هع هع هههههههههه..نشي نشي يالكسلانه..

نشن وسارن بيت قوم رويض..اول ما حدرن الحوي شافن سعيد يالس ووياه حريم عمومته وامه..

سارت روضه وسلمت ع الكل..ومووزاني اللي من يلست وسعيد يطالعها بنظرات احتقار وعصبيه خلت قلبها يدق من زود الخوف والزيغه..

روضه:شحـالج عمتيه ربج الا بخير..؟؟

أم سهيل:أي خير يا بنتيه وانا ولديه تعبان ويالسه اهنه بعيييد عنه واحااتيـه..

روضه:هاي حكمة ربج عمتيه .. وانتوا ماشي بيدكم غير انكم تدعوله ان الله يشفيه..وبعدين الطب اتطور في البلاد وخاري البلاد..لا اتحاتين..سهيل بيرد لج وبتشوفينه وهو صاحي ومافيه شي..

أم سهيل:الله يسمع منج يا رويض..في ذمتيه ان رمستج مافيها من العوق..

روضه"بابتسامه وقلبها يتقطع":ان شالله اليوم اتشوفينه وتتجحل اعيونج بشوفته..

أم سهيل:ان شالله ان شالله..

سعيد:يلا عيل انا بظهر تامرون بشي..؟؟

أم راشد:لا فديتك وين تسير ومنو بييب اللبن..

سعيد:شوووووو..؟؟

أم راشد:لاتخاف البيادير بيعطونك اياه زااهب..انا خليت ابوك يرمسهم..

سعيد:زين زين بعد تدرين بي انا ما اعرف في هالسوالف..

أم راشد:جيه انته هب بدوي..؟؟

سعيد:لا منو قااال..؟

أم راشد:هيه انته بس عليك اتييب تيلفزيونك الصغير وتيلسه جدام فالحوي وتيلس اتطقطق فيه مادري شو اتسوي..

الكل:ههههههههههههههههههههه..

سعيد:يمايه ايسمونه لابتوب..وايكون احسن لوقلتي لاب..اسهل..

أم راشد:هذا هو..مادري شو اتسوي فيه..؟؟

روضه:يمايه كم مرة اقولج..هاه بس عليه ايغازل البنات في هالتيلفزيون الصغير وما يخلي بنت ما رمسها وضيج بحوالها..

هنيه التقت عيون سعيد بعيون موزاني اللي صدت عنه ..

أم راشد:ويديه .. هاللي بييبلي الضغط والسكر..هاه من صج رمسة رويض يا بوعسكور..؟؟

سعيد:في ذمتيه ولا ياها شي من الصحيح..

رويض:انزين انزين شغل موترك يلا..خل نخطف ع العراقيب خلاف..

أم سلطان:جيه بتتحيرون باللبن واحن نبغي عموه تتريق..

رويض:والله حوطه بسيطه جداً..ادريبه ولد عمي بيخليني اسوق..

سعيد:يلا يلا هناك احن ما عندنا بنات ايسوقن..

ام راشد:هيه اشكر فنك والله يازينها زيناه رمستك احرقت ويه رويض..

رويض:افااااا..ما عليه ما عليه اهم شي تودونا العزبه اعديبها من زمان..

سعيد:يلا يلا..

وقف سعيد مكانه ووقفت روضه وياااه..

روضه"تمد يدها لموزاني":يلا موزاني..

سعيد صد صوبهن هاللحظه..

موزاني:هاه ..انا ..

روضه:يلاااااااااااااااااا.."وتغمز لها.."..ورانا سالفه..

نشت موزاني وسارت ويا روضه وسعيد..وساروا باستيشن قوم بوسهيل اللي شلوا اسويجه من عند الدريول..روضه جدام يالسه متفيرزه الأخت واتحط اغاني ع الصبح واسعيد من صوب يقولها وطي حسج انتي وهالأغاني..اما موزاني ملتزمه الصمت وما ظهرت ولا كلمه..

وصلوا العزبه..اول ما وقف اسعيد الموتر ياه الهندي وعطاه اللبن..سعيد حرك الموتر على اساس انهم بيردون للبيت..بس رويض حلفت عليه انهم ييلسون اشويه..وظهرت من الموتر وقالت للهندي اييب الزوليه الصغيره عسب ييلسون فيها..وخلته اييب طاسه لأنها ناويه تشربلها اشوية لبن..

بعد ما يلسوا..صبت روضه اللبن فالطاسه الصغيره ومدتها لسعيد..

رويض:هاك سعيد..؟؟

سعيد:لا مالي خاطر..

رويض:شو تبغي نسكافيه ولا كابتشينو..؟؟

سعيد:ههههههههه..يالسه تتمصخرين..؟؟

رويض:لا افا ولد العم منو قال..انا اعترف انيه اول ما نشيت شربتلي نسكافيه..

سعيد:زين زين منج اعترفتي..

رويض:ههههههههه.."وتمدها صوب موزاني"..هاج موزاني يودي..؟؟

موزاني:لا ماريد..

رويض:شو بلاكم يا اهل النت..عادي شربولكم لبن رجاااب ما فيها شي..

سعيد:جب جب شربي يلا وخلصينا..

تمت روضه تشرب واتسولف اروحها .. وتشرب مرة ثانيه واتسولف اروحها..لين ما وطت الطاسه ع الأرض..

سعيد:هاه خلصتي..؟؟

رويض:لالا بعدني..

سعيد:حشى يا بطنج هب بطن انسان..

رويض"عاقده حياتها":شووو تقصد..؟؟

سعيد:يالس احسد..

رويض:مشاااالله تعترف..

سعيد:يلا رويض خلصي ابغي اسير دبي..

رويض:عااااااااااااااااااشوووو..بنسير وياك..

سعيد:انزين يلا خلصي..

رويض:ما بنسير قبل ما نتفاهم..

سعيد"يصد صوب موزاني":ع شو تتفاهمين..؟؟

روضه:امممممم..ع السالفه ..

سعيد:أي سالفه..؟

روضه:مسوي عمرك ما تعرف هاه..

سعيد:اذا وضحتي زود يكون احسن...

روضه:سالفة منصور..

سعيد:يا ان سمعت اسمه ع لسان وحده منكن شوفن شو بيستوي بكن..

روضه:سعيد الله يهداك ليش حرجت..سوء تفاهم بينك انته وموزه وبنحل الخلاف وبس..

سعيد:قولي شو عندج..شو هالسوء التفاهم وانا سمعت كل شي بنفسي..

روضه:هاه انته قلتها..سعيد..موزاني كانت متأذيه من هاللي اسمه منصور..وانته سمعت هالشي صح ولا لا..؟؟

سعيد:هيه صح..

روضه:يعني ما كان له داعي تصارخ عليها واتسوي زوبعه فالصاله..

سعيد:تستااااهل وزووود..لو اني لابس عقال جان طحت فيها..بس ربج ستر..

صدت موزاني صوبه عاد اهنه اهو تخبل وتم يطالع رويض..

روضه:انزين سعيد..هي مايخصها..مب هي اللي اتم اترابع وراه كل مكان..هو اللي لاحقنها شرات الظل..شو ذنبها المسكينه..؟؟

سعيد:ذنبها ان خشت عن الكل هالسالفه وما رمست بها جدام خوانها.."ويصد صوب موزاني"..شو بيستوي بج لو قلتي لخوانج هالسالفه هاه شو بيستوي بج..؟؟الكل واااثق فيج والكل يعرف انج مب لهالحركات ومستحيل ايقولون عنج جذااابه..تميتي ساكته وخاشه عنهم..الريال بيتطاول بعدين والله يعلم شو بيسوي بج..

انتفضت موزاني يوم شااافته ايصارخ عليها ومب عاطنها المجال عسب ترمس..وهي اصلاً ما عندها شي اتقوله..رمسة سعيد صح 100 %..منصور بدايتاً ايلاحقها وخلاف شو بيسوي..؟؟

روضه:هي غلطانه..انا وياك في هالشي..بس بعد موزاني ما تتحمل اتشوفك وانته متضايج منها..

صدت موزاني صوب رويض منصدمه من رمستها..

سعيد:اووووووووهووووووووووووو..اونج اللحينه رويض..

روضه:شو بلاك..؟؟هي ما عندها الشجاعه الكافيه انها اترمسك..وتقول هالرمسه كلها..فأنا اللي تكفلت بهالشي.."وابتسمت وهي مكشخه ضروسها بالتقويم الفوشي"..

سعيد:انزين انزين..شو المطلوب مني اللحينه..

روضه:السممووووووووووحه يابوعسكووووور..واخر مرة وما اتعيدها ادريبها موزاني قد رمستها..

سعيد"يطالع صوب موزاني وفي خاطره يضحك ع شكلها":هاه موزاني شو ليش ماترمسين ماحيدج خجوله..؟؟

روضه:ههههههههههههههههههههههههههههههههههه..اهاااااا اااااااااااااااانه..

سعيد:جب انتي مايخصج فيها..

روضه:هييييييييييه اللحينه..ماعليه ما عليه..سويت فيكم الخير لقيت منكم الشر..ووااايه يعلني بلا رييييييييحكم ان شالله..

سعيد:هاه موزاني شو ..؟؟ توعديني ما اتعيدنها هالحركه..؟؟

روضه:توعدك وبس..الا تعطيك اكبر وعد..

سعيد:يااخي شوفيج اترزين بفيسج..؟؟؟

موزاني:ما تعرفين ان رزة الفيس من طبايع التيس..

روضه:هيه والله وظهرلج لسان انسه موزاني واشوفج استقويتي من شفتي بوعسكور..

موزاني"تصد صوب سعيد":هيه بوعسكور اوعدك ما اكرر هالحركه..وان استوالي شي بتكون اول واحد يعرف قبل هالخبله رويض..

ابتسم سعيد وحس براااحه..عاد هاي موزاني..هب أي وحده..

رويض:ااااااااااخ كبر راسسسسسسسج يالغبيه..

موزاني:انزين خليني غبيه شو تبين فيني..؟؟

رويض:هيه شو ابا فيج..اللحينه شو عليج حصلتي حد بديلي اتقولين له سواالفج..اهئ اهئ اهئ هااانت عليج العشره يالحشره..

موزاني:حشره افعيييييييينج..

سعيد:هههههههههههه..نشن نشن ويا يوهكن..يلا رويض شلي اللبن..

رويض:شووو..والله ما مسيته..يلا موزاني .. شلي اللبن عني..

موزاني:بشله عسب خاطر امايه العوده..

رويض:حتى لو عسب خاطر هالهندي اللي مجابلنج اهم شي اتشلينه وما علينا..

الكل:ههههههههههههه..

وبسرعه ردوا البيت .. وروضه في خاطرها اتسير العراقيب .. بس سعيد سوى أكبر طاااااااااااااااف لرمستها..



× عند رويض ×



يلست ع طرف الكنبه واعيونها ع المسج اللي من عند ميثاني ربيعة شيخاني اتذكرها ان بعد اسبوع تبتدي امتحانات أخر السنه ولازم اتشد حيلها وجيه واتقولها سلمي ع شموس وفطامي وسلامي وموزاني..

رويض:اتسلم عليج ميثاني ربيعة شويخ بنت عموه ناعمه..

موزاني:هيه الله يسلمها..

ويسكتن اشوي..كانت رويض تكتب مسج لميثاني اما موزاني صاخه..

موزاني:رويييييييييض..؟؟!!

رويض:هاه بلااااااااج..؟؟

موزاني:بسير بيتنا..

رويض:سيري ولا اشوف رقعة ويهج فااااهمه..؟؟

موزاني:افاااااااااا ياذا العلم اللي لفانا..

رويض:انا زعلانه منج وما ارضى الا بكافيات..

موزاني:انزين انزين انا فيني رقااااااااااااد..متى بنسير دبي..؟

رويض:ع الساعه 4 بنظهر من الرمـاح..

موزاني:ومتى طيارة سهيل..؟؟

رويض"بضيجه":بعد صلاة العشا..

موزاني:احيدهم قالوا بعد صلاة المغرب..

رويض:مادري فيهم..

موزاني:عيل بااي وقبل ما تظهرون بنص ساعه دقيلي..وينها سلامي..

رويض:سارت ويا العيااييز وسعيد..

موزاني:اونه وليش ما خطفت اتسلم..

رويض:مادري فيها..

موزاني:والعياييز ليش سارن من وقت..

رويض:مادري فيهن بيشوفن سهيل اللحينه وخلاف بيتغدن في الشقه اللي استأجروها الشواب..عدل المستشفى..

موزاني:اويييييه سلامي بتيلس اروحها..ليش ماخذت حد وياها..

رويض:انزين ترى غبوش سارت وياها..

موزاني:حوووه..وما استوى هاه كله..؟؟

رويض:يوم سرت المطبخ اتيبن لج عصير..

موزاني:في خمس دقايق..؟؟

رويض:صدق او لا تصدق..في خمس دقايق..

موزاني:انزين انزين مع السلامه...

رويض:فداعة الله..

ظهرت موزاني من عند رويض سايرة لبيتهم..وهي تسترجع احداث امس واليوم الصبح..عكس رويض اللي يلست ع الأرض بعد ما طرشت المسج لميثاني ..وتمت تتريق للمرة الثالثه..وهي اتطالع التيلفزيون..تتريا حد ينش من رقاده وييلس ايسولف وياها..مرت ربع ساعه..اشوي الا نازله شجون من فوق..كانت لابسه كندورة سماويه ويا شيلتها المصلى ورافعه قصتها ع صوب..

شجون:السلام علييكم..

روضه:وعلييكم السلام والرحمه..مرحب مرحب مليووون..

شجون:شحالج رويض..؟

وتيلس جدام رويض بالضبط..

رويض:يسرج الحال ومن صووبج..؟؟

شجون"اتطالع الأكل":الحمدالله بخير..

رويض:يلا قوليلي شو سالفة خالد..اللي ما يخيل ولا يستحي مسود الويه..

شجون:خـالد..؟؟منو قالج..؟؟

رويض:قالت لي غبوش..تعالي انتي مخبره غبش السالفه الأوليه..

شجون:هيه..

رويض:هيه هيه زين بعد هاي ختنا والوايب علينا ما نخش عليها شي وانخبرها بكل اللي يستوي ونحطها فالصورة..

شجون:ههههههههههههه..عاااشت ختنا العوده..

رويض:يلا يلا رمسي..احم احم..

شجون:طولي بعمرج هاللي اسمه خالد ياب رقم تيلفوني مادري من وين..

رويض:ما يباله تفكير..اكيد من هالصايعه الضايعه مهروووه..

شجون:انا حتى قلت جيه..

روضه:تعيبيني والله ذكيه شراتي..

شجون:هههههههههههههههه..

روضه:الموووووووووووهيم..

شجون:كله ايطرش لي مسجات ويدق علي..ويقولي انا برمس بكل شي جدام اخوانج اذا ماظهرتي ويااايه..

روضه:شوووووووووووو..؟؟مسود الويه مضيع المذهب ملعون الصير اللي ما يخيل ولا يستحي..ادواااه عندي والله .. بس خليه ايدق شوفي شو بيستويبه..

شجون:توه قبل اشوي دق عليه..واللحينه اكيد بيدق..

روضه:وينه تيلفونج خليه عندي..

شجون"تعطي رويض تيلفونها":هااج رويض خلي التيلفون عندج..ما يابلي الا عوار الراس..

روضه:ماعلييج ما عليج اللحينه بأدبه بس خليه يدق..ما قلتي شحالها ربيعتج العنود عساها بخير..؟؟

شجون:الحمدالله بخير..قالتلي بتييني قبل الإمتحانات..

روضه:هيه زين والله يامرحباابها مليوون ولا يسدن..

اول ما خلصت رويض رمستها دق اليتلفون وشجون فزت من مكانها وهي زاااااايغه..

روضه"اتحط التيلفون جدام اعيون شجون":هاذا رقمه..؟؟

شجون:هيه ..

روضه اترد عليه..

خالد:حيالله الغاليه..

روضه:الغاليه في عينك مسود الويه ياللي ما تخيل..اسمع اللي بقوله يا الحثاله..رمسه توصلك وتتعداك وتتعدى اللي يابوك..يا ان دقيت على هالرقم شوف شو بيستوي بك..والله لخبر حمدان عليك واخليييه يمسح بك الأرض ويوديك السجن شرات المرة اللي طااافت..ترا مب بنات راشد بن سهيل الــ.....ـــي اللي يخافن من تهديدات واحد شراتك..جرب حظك انته وشوف اللي بيستويبك..

بندت في ويهه .. وحطت التيلفون عدال شجون..

رويض:ما بيدق وهاه ويهي..

شجون:زين بعد افتكيت من صوته السباااال..

اشوي الا انفج باب قسم عليا وظهروا عنودي وعبودي وهم هب مصدقين ظهروا من قسمهم..روضه من شافت اشكالهم نقع ضحك من الخاطر..

رويض"اتعلق عليهم":افراااااااااااااااااااااااج عن السجناااااااء..

شجون:ههههههههههههههه..عنودي تعالي بنضارب عبدالله يلا..

عبدالله:خلوني اشرب لبن رجاب وخلاف بيكن بضرب..

رويض:لحووووول..اونك اللحينه خايف منهن صح..؟؟

عبدالله:بتسكتين انتي ولا اييج اترفس في بطنج..

رويض:هههههههههههه..انته..ما تروم..

وبجيه يلسوا عبدالله و روضه مواقعه .. وعنودي وشجون بس يالسات يضحكن..



×

×

×



انــا ما همني حزني..ولاني للفرح مشتاق..

ولـــــــكن ليه يادنيا..اذا بفرح تبــكيــــني..



سويحـــــــااان..

الساعه 3 ونـص الظهر..

حيرة أم سيف..



ظهرت فطـامي من الحمام "الله يعزكم"..اللي في حيرة امها..لأنها بااتت عند أمهـا..وتوها الأخت ناشه من الرقاااد..ظهرت للصاله شافت امها يالسه وجدامها الغدا تتريا فطوم اتنش تاكل وياها..

فطامي"توخي اتحب راس امها وتيلس":شحالج امايه..؟؟

أم سيف:بخير يعلج الخير..ما بغيتي اتنشين من الرقاد..وانا ميلسه اروحي اترياج تتغدين ويايه..

فطامي:ليش الساعه كم اللحينه.."وتصد صوب الساعه اللي معلقه ع اليدار"..اوووه..لين اللحينه انا راااقده..

أم سيف:شو اسوي بج .. كله تبين ترقدين..

فطامي:وينه سيافي عنج..؟؟

أم سيف:ياهالسيف علني هب بلاااه فديته..من نشيت اصلي الفير شفته ناش عسب يسير الصلاه من رد يلس وياايه وتريق وع الساعه 8 سار دبي صوب سهيل..

فطامي:وما رمتسيه للحينه..؟؟؟

ام سيف:توني امبنده عنه يتخبر عنج جان اقوله راقده قال خليها ترقد هاي بااتت مجابلة التيلفزيون وما رقدت..

فطامي:لا اعدااااااااال هو اللي رقد..امايه هاه ولدج يحاول يقص عليج امسوي روحه رقد..ومنااك خرطي ما يا الرقاد صوبه..

أم سيف:براايه يلا يلا تغدي..ورانا مشوار لدبي..

فطامي"مستانسه":شووو بنروح نتمشى؟؟

أم سيف:لا فديتج .. بنروج جدا ولد خالج ..

فطامي:اهااااا..

وتمن يتغدن وخلاف نشت ام سيف وزهبت عمرها عسب ايسيرون صوب دبـي..اما فطامي اول ما فجت حيرتها..انصدمممممممممت وعصبت..وربعت تحت وشلت تيلفون امها ودقت على سيف بسرعه..

سيف:هههههههههههههههههه..حيالله فطامي..

فطامي:وشو درااااك انيه فطامي..

سيف:لأن اميه قالت انها بتسير المطبـخ..وبندت عني..

فطامي:هيييييييه..شو هالحركه..؟؟

سيف:في مية حركه سويتها..حددي أي وحده..ههههههههههههه..

فطامي:تستهبل هااااااه..يعني سيف انته ما تعرف انيه اكره شي اسمه جداول امتحانات اتسير تنسخه وتعلقه في كل مكان فالحيره..

سيف:هههههههههههه..ادري بس شو اسوي النذاله فاااضت فيني وقلت لازم اكون نذل وياااج..

فطامي:والله ما انساها هالحركه..

سيف:سمعي..انا حاسبنهم..25 جدول لصقته..في حيرتج..خليني بس ارد من السفر والاقي واحد نزلتيه شوفي شو بسويبج..

فطامي"تتيمع الدموع في عيونها":ليش سيافي حبيبي انته بتسافر..؟؟

سيف:هيه فديتج بسافر ويا سهيل ..

فطامي:متى..؟؟

سيف:اليوم..

فطامي:سيافي فديتك شكلك ناسي انك توك امس العصر ياي من السفر..بترد وبتسافر مرة ثانيه..ما شبعنا من شوفتك..

سيف:شو انسوي..؟؟فطامي هاذا ربيعي وخوي وتوأم روحي..شقايل تبغيني اخليه ايساافر..

فطامي:انزين خل اخوانه ايسافرون وياه..

سيف:لا والله..انا ابغي اسير..

فطامي:هيه انته اصلاً ما تبغي اتشوف لا اختك ولا امك..يحلالك السفر وهن ارووحهن ميلسات فالبيت ..

سيف:فطامي شو هالرمسه..؟؟

فطامي:اللي سمعته..

سيف:يوم بتين دبي بتفااهـم وياج..

فطامي:اوكيه مع السلامه..

سيف:ههههههههههههه..والله انج فنتكه..فداااعة الله..

بندت فطامي عنه وحطت التيلفون ع الطاوله وهي متضايجه من سيف..واتقول في خاطرها .."يالس يتمصخر بعد"..

تمت اتطالع حيرتها بضيييج..وسوت طاااف لهالجدااااول وسارت تتلبس..



×

×

×





لا ضاقـــــــــــت الدنيا عليه قلت وينك ..؟

ياللي تــــــــــسلي وحشتي كل ماضيق ..

ولو إنعقد حـــــــــبل الوصل في يمينك ..

من يسقي الضامـي وهو ناشف الريق ..



أبوظبــــي..

الســاعه 5 ونـص..

قسـم سلطان وخلود..



خلودي:اوكيك حبيبي اللحينه بنسير بتزهب..بس اول شي بسير لخالوه وشيخاني بقولهن عسب انسير ارباعه..

سلطان"يتنهد بضيج":اوكي لا تتحيرين..انا باخذلي شور ع السريع..

خلودي"تحط يدها ع جتفه":لا تتضيج حبيبي..اكيد سهيل بينش بالسلامه..وانته شفته ورمستــه..

سلطان:بس مب قادر انسى شكله وهم يقولون له ان تشلل وما يروم يتحرك شرات قبل..خلودي..شكله كان منصدم تاايه حيران ..تم يطالعنا واااحد وااحد وهو يطلب منا انفازعه وانقوله ان هالدكتور جذااااب.

خلودي:الله بيشافيه ان شالله..الله بيشافيه..واللحينه هو بيسافر وبيرد لنا بالسلامه..

سلطان:الله يسمع منج..يلا يلا تزهبن اهبابنا..

خلودي:انا بسير..

نشت خلودي وظهرت من قسمهم سايرة للبيت الثـاني..ولقت ام سلطان يالسه اتصييح..

خلودي:الله يهداااج ياخالوه..اشعنه اتصيحين وانتي اللحينه بتسيرين بتشوفينه..

أم سلطان:يا بنتيه..هاذا سهيل الغاااالي..وماروم اشوفه جيه..هاذا ولد اخوويه..

خلودي:ادري والله ادري..اللحينه نشي تزهبي خلينا انسير دبي صوبه بنسلم عليه..واهناك بتشوفينهم كلهم..

اول ما نشت ام سلطان من مكانها نزلت شيخاني من فوق ويلست ع الغنفه مجابل امها وخلودي..شافت امها يالسه اتمسح ادموعها بس ما اهتمت..شلت الريموت ويلست اتطالع التيلفزيون..

خلودي:شيخاني نشي اتزهبي بنسير المستشفـى..؟؟

شيخاني:وليش..؟؟

خلودي:سهيل مسوي حااادث..

شيخاني"اتوقف مكانها":شووووووو..سهيل..؟؟هاذا يستعبط ولا يستهبل..جيه ما عنده اعيوون ايشوف بهن..

خلودي:الله يهداج يا شيخه هاي رمسه اتقولينها عن ريلج..هاه بدل ما تتخبرين شو صارله ومتى وشو استوابه..

شيخاني:جب انتي ما يخصج فاللي اقوله..بس عليج اتخبريني متى استوى الحادث..

خلودي"اتطالعها بنص عين":مب قايله لج شي..والتعني ويا رمستج الماصخه..يلا خالوه احن نترياج..

وظهرت خلودي سايرة لقسمهم عسب تلبس عبايتها وشيلتها..فالوقت اللي وقفت شيخه جدام امها..

أم سلطان:هاي رمسه اتقولينها لحرمة أخوج يا بنتيه..؟؟

شيخاني:ماعليج منها .. هاي وحده غبيه اشوفه كبر راسها بس ماعليه ادواها عنديه اخلاااف..قوليلي شو استوى بسهيل..الغبي اللي ما يشوف..؟؟

أم سلطان:شيخاني هاذا ريلج..

شيخاني:الله والريل عااااد..يكفي انكم غاصبيني عليه..

أم سلطان:شوووو..؟؟

شيخاني:ولدج المصون يايني ويقولي غصب طيب بتاخذينه بتاخذينه..شوفي شو نهاية اللي سويتووه..>>>صيوووووووووووو طاااااااااااااخ..صاروخ يديد لا تستقبلوووونه..

أم سلطان:انتي ما تحسين..؟؟هاذا بدل ما اتصيحين حال ريلج اللي ياه تشلل وما يروم ينش من مكانه..هاذا بدل ما اتدعين له وتخففين عنه..

شيخاني:شووووووووووووو..؟؟اتشلل..؟؟"وبعصبيه"..والله اتطلقوني منه..انا اعيش ويا واحد متشلل..انا ينيت اسوي هالسوااااه..

أم سلطان:وطي حسج عن يسمع سلطان وما اتعينين الخير..

شيخاني:يالسه اتقوليلي سلطان وسلطان..وانا ما يخصني في سلطان..سهيل اتطلقوني منه..

وتنش من مكانها وترقى الدري وتوقف في نصه..

شيخاني:انا اصلاً ليش يالسه اقولج هالرمسه..اللحينه بسير وياكم وبشوفه ويه بويه وبقوله اني ما ابغيييه ... ما ابغي واحد متشلل ما يروم ينش من مكانه..جيه انا ما بكون حرمته..بكون بشكااااارته..

وسارت حيرتها وبندت الباب بقوووو..وتمت تتلبس وتكشخ عاد هاذا شي لزووومن عليها .. ومخليه امها تيلس اتصيح حال بنتها وحال سهيل..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 79
قديم(ـة) 28-11-2008, 11:35 AM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


خطاي اني منـــــحت الحب شخص وقابله بنكران

طمعت احسب طــــــمع قلبي بحبك يكسب ارباحه

وعرفت انه ما تورثــته من ابوي آدم طمع انسان

خسر ملك جنان وراحــــــــــــــــته باسباب تفاحه


دبــي دار الحـــي

الساعـه 5 ونـــص

الفنـــدق..



وقفت روضه عدال موزاني وهن ايطالعن من الدريشه العالم اللي تحت..

رويض:حشى يالزحمــــه..

موزاني:الواحد بيضيع من بين هالزحمه..

سلامي:وينها فطامي للحينه ما يت..

شجون:هيه..

سلامي:يلا برايكم انا بسير برقد ويوم بتردون الرمـاح قولولي..

نشت سلامي اللي كانت منهاره من كثر ما اتصييح على اخوهـا..ودخلتلها حيره وطاحت ع الشبريه ورقدت..ونشت غبوش وسارت رقدت وياها..

رويض:مسكينه سلامي غمضتني..

موزاني:واايه فديتها والله ما يستاااهل اللي اتسويه في روحها.

روضه"اتطالع موزاني":شو ما يستاهل..اخوها ولازم اتصييح عليه..

موزاني"حشى حشى شبيتي ضو ما قلت شي تراني..

شجون:ايه انتن احن متى بنسير المستشفى واايد تأخرت فطاامي..

روضه:الا بتخبركم الحرمات وينهن ..

شجون:انا بقولج..شموس وعليا وريسه سارن لسهيل وسلمن عليه وخلاف كلهن ردن بوظبي بيت ريسه..بالنسبه لحمدان وسعيد وحمد مادري وين ساروا..بالنسبه للشواب يالسين فالمستشفـى بس مب عند سهيل .. عند واحد من هل سويحان ابويه يعرفهم .. تعبان ومرقدينه اهنه وساروا صوبه..اما سيف ميلس ويا سهيل..وبــــــــــــــــــس..

رويض:كله بالنسبه بالنسبه..

شجون:هع هع ..

موزاني:وانتي شو دراج بهاه كله..

شجون:اععععععرف..توني مرمسه امايه العوده وقالتلي..

وشويه الا يوون قوم فطامي..وركبوا وياهم وساروا المستشفى..



× فالمستشفـى ×



وعنــد سهيل..وقف سلطان من مكانه..

سلطان:لا اتسون ازعاااج الريال راااقد..بعد شويه بينش..

شيخاني:انزين انزين..

ظهر سلطان من عنده ع اساس انه بيسير صوب سيف اللي كان يالس خاري..

شيخاني:امااااااااااايه مثل ما قلت لج..اتقولين لسلطان ان هاللي اسمه سهيل ماابغي ارتبط ويااااااااه..

صدت خلودي صوبها منصدمه من اللي تسمعه..

شيخاني:امايه بلاج صااخه..؟؟

أم سلطان:يااااااا بنتيه الريال بيصحى لا تستعيلين..انتي اتريي عليه..

شيخاني:شوو اتريا ما اتريا..؟؟!!! لا فديتج انا سهييييييل ما ابغييييييه عفته..خلوووه يطلقنـي..انا عنده ما بستوي حرمه بستوي بشكاااره بس اهتم فيه واشوف طلباااته..يمااايه..شوفي ويهه كييف..كيف اعيش مع واحد ويهه جيه..جنه حد حاارقنه بالنااار..طالعي امايه طالعي..يرضيج اعيش مع واحد شرات سهيل..؟؟؟اعيش مع وحش..؟؟مب ادمي هذا..مب ادمي..

صخت شيخاني..وهي تاخذلها راحه عسب تكمل رمستها..

بــــــــس..!!

في قلب اسهيل ما يته الراحه من سمع رمسة شيخاني..حس بقلبه مقبوووض..انجرح من رمسة شيخااااااااااني وااااايد..ما كانت يتوقعها جيه..اللحينه هاللي خطبها وملج عليها وحبها من كل قلبه..وهي بعد كانت اتحبه في نظره..كانت اتموت فيه وما تروم اتعيش دقيقه بعيد عنه وعن صوته..هي نفسها مها اللي كانت ترمس سيف خويه..

بالفعل صدمه..وليتها صدمه عاااديـه..صدمه حطمت قلب سهيل اللي يعشق هالشيخه عشق هب طبيعي..صااابته حالة اكتئاااااااب..حااااس بيضييييجه..يبغي يرمس يبغي ايفج عويناته بس مب راااااااايم..حالته الصحيه ابدن ما تساعده حتى يقول شي..

ظهروا قوم شيخاني و هم ظاهرين من المستشفى شافوا ام سهيل وسلموا عليها اللي كانت سايرة الشقه ترتاح اشويه ويا العيااييز على امل انهم بيوون بعد صلاة المغرب ايودعون سهيل..



× في هاللحظه ×



روضه وفطامي وام سيف وشجون وموزاني حدرن على سهيل .. اللي كان يالس في مكانه ومغمض اعيونه..كان يسوي عمره رااقد لأنه مب متفيج يرمس حد من بعد ماسمع اللي قالته شويـخ..

وقفت ام سيف ع راسه وباسته بين حياته..وتمت تدعيله وهي اتصييح..وبعد عشر دقايق ظهرن من عنده..وفي نص الممر..ردت رويض حيرة سهيل ومحد درابها من اللي عندها..

فجــت الباب وحدرت..قاومت دمعتها اللي كانت بتنزل من شافت ويه سهيل..المرة الأولى اللي حدرت عليه كانت تمنع نفسها اتشوفه..بس اللحينه لا..سارت ويلست ع الكرسي اللي عدال السرير اللي يالس عليه..

تمت تتأمل ملامحه..وتشوف ويهه كيف متشوه واااااااايد..من صوب..سهيل حاس ان فيه حد يالس عنده..وده ايفج اعيونه ويشوف منو هاللي عنده..بس ما يروم ..لأنه مايريد يرمس حد..مايريد يشوف حد..اذا شيخه..اللي حبها اتقول عنها جيه..فكيف البقيه..شو يقولون عنه...؟؟؟

روضه:سهيل..انا اعرف انك هب رااقد..انا اعرف انك يالس اتمثل علي..لأن كل مهاراتك فالتمثيل اكتشفتهــا..

انقبض قلب سهيل من سمع صوت رويض..ماعرف شو يسوي..؟؟شو يقولون..بس يأ في باله.."كما تدين تدااااان"..هاللي استواله..لعب بمشاعرها صيحها مثل عليها..ونفس الشي استوى ويااااه من شيخه .. ما يعرف شو شعوره..ندم..؟؟؟لا...؟شي اكبر من الندم..شي يجتاز قلبه وروحه وهو يعذبه ..

روضه:بس ابغيك تعرف انيه مسامحتنك دنيا واخره..انا ما بقول بكرهك..لا انا بنسااك..انته اللحينه شرات اخوويه لا اكثر ولا اقل..محد يعرف يمكن اشوفك مرة ثانيه او لا..يمكن انته تشفـى وتتعافى بس يمكن انا اكون محد..ترى محد ظااامن عمره في هالدنيا..سهيل..على كل اللي سويته..ربي بيعاقبك عليه..انا ما يخصني..لأن ربنا هو اللي يعاقب..

نشت من مكانها وهي تمسح دموعها وصوت صيااحها الخفيف تحاول تسكت عمرها عن تنفجر صيااااح..

طالعته نظرة اخيره..نظرة ودااااااع..فراااااااااق للنهااايه وقالت له..:



روح بطريقك كمل خطاك..ابعد و أنا بالخير بطريك..

ابعد عساه الرب يرعاك..روح عساه ربي يجازيك..



مسحت دموعها اللي نزلن بدون ما تدري..وكملت رمستها:

الله يشافيك يا سهيل وترد تفرح خاطر امك وابووك..تشجع..ترى اللي بيصيرلك فالأيام اليايه وااايد صعب..وانته لازم تتحمل عسب تردلهم سهيل ..الأولاني..لازم تصبر .. ولا تخلي للحزن مكان في دنيتك..بس طلبتك يا سهيل..انسى ان عندك بنت عم اسمها روضه..صح سامحتك ع اللي سويته..بس بعد .. بنسااك ولا بفكر فيك..



اول ما صدت صوب الباب ..شافت سيف واقف ويطالعها ؟؟



!!

!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 80
قديم(ـة) 29-11-2008, 04:26 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: مع غيري العب و بين له مهاراتك كامله


.الجزء الســادس والـ ع ــشرين..






••.•°¯`•.•• كرهـت طاريـك ••.•°¯`•.••



عيّشتني قـصـــــــــــة غــــرام..مـره جفـــا مــره هــــــــيــــام

مــره تقــــول الحـــــــــــب لك..ومره تقـول الحـب حـــــــــرام



مــره تصــد ومــــره تجـيــــب..ومــره تـنــاديـنـــــي حـبـيـــب

يــروقــلك ذا الجـــو يـطـــــيب..وتكويني بنيـــــــــران السـهام



العـمــر مــن عنـدك بـــــــــدى..وقـلـبـي لحبــــــــك اهتـــــــدى

من بعــد عــدوان وعـــــــــدى..ابحـرنا في بحـــــر الغـــــــرام



أوهـبـتلك عمــري وعـنــــــاي..وأصبحت لي شــــربي وهواي

وأشتـــاق لك وانـتـه معــــــاي..وشوقي مـا اتشيــــــله الحمام



أنســى بـأنـــي كـنـــت انـــــــا ..عمــرك وروحــــــــك والهنــا

مطـــرود حبـــــــك يـالظـنـــــا..مـنـته جــديــــــر بـــــالأهتمـام



لا تـعـتــذر شــرحــك يطـــــول..غــروك نـاســــك والـــعـــذول

القـلــب مــــــالك هو ذلــــــول..ما يهــــزه قـــولك والكـــــــلام




انتفض قلبها وحست بخوووف .. يوم شافت سيف جدامهـا..ما عرفت شو تسوي..الا انها صدت بنظرها صوب سهيل اللي جامد في مكانه..وعلى طول ظهرت من عندهم..

بــس..؟؟

وين تروح وين اتيي..؟؟هي ما تدل الدرب في هالمستشفـى اللي في دبي..؟؟وقفت ع صوب..وهي تتريا اتشوف ويه مألوف بالنسبه لهـا..اتريت واايد..خطفت عشر دقايق وما شافت حد من هلها..حسـت بشعوور غرييب..كأنها وحيده ومب عارفه شو تسوي..لين شافت سيف ياي صوبهـا ورافع وحده من حياته..للمرة الثانيه..بعد..ياها شعور خووف وزييغه من وجود سيف وياااهااا..مب ظامنتنه..كلمه منها على طول بيصفعها ولا عليه من حد..سكتت وما قالت شي..

سيف:ليش يالسه اهنه..؟

لا جواب..

سيف:ارمسج انا ليش ما تردين..؟؟>> يابها بعصبيه بعد..

روضه"تحط عينها بعينه ":السكووت عن السفيه صدقـه..>>يعني هالبنيه يا تصخ وتبلع لسانها ولا ترمس بس ما تقول شي زين..!!

حس بنااااااااااار في قلبه وهو يسمع منها هالرمسه..يود يده عن يصفعها مرة ثانيه ..جدام العالم والنااااااس..تمالك اعصاااابه..حاول يخلي عمره ريلااكس واعصابه باارده..حاااول..حاااول..لين ما رام يضبط عمره..صد صوبها باتسااامه..

سيف:اوكي..عيل بتيلسين واايد هني..

فجت اعيونها ع وسعهن وهي تسمع هالرمسه منه..وشافته وهو راايح عنها.."شووووو..؟؟يعني بيخليني ارووحي اهنه..؟؟شووو هاذا قااعد يستهبل ..؟؟انا ما ادل الدرب.."..

ما سوا سالفه لنظراتها وسار عنهـا..ورد عند سهيل..ويلس وياه..ونفس الحاله مسوي عمره رااقد..مرت خمس دقايق..جان ينش سيف من مكانه بيروح بيشوووف رويض شو سوت في حياتها..وهو يالس يضحك عليها..

شافها من بعيد..بعدها واقفه وقفتها وما تحركـت..سار صوبها وهو شاااق الحلج وكأنه يقولها انا اللي فزت عليج..

سيف"من ورا خشمه":يلا يلا خليج وراي فاااهمـه..

رويض:بتذلني..؟

سيف:ما بثني الرمسه..يلا اشوووف..

مشى سيف ولا حتى يأ في باله يصد صوبهـا..بس عرف انها تمشي وراااه..صد صوبها لقاها موطيه راسها وتمشي بكل هدووء..ثواني مرت بس..طالع وراااه..مالقاااهاااا..!!

طااح قلبه في بطنه..؟؟"شوفوا التشبيه البليغ"هااي وين ساارت..؟؟شو هالبنيه قالها تمشي وراااه خلته وساارت.."مستقويه حضرتها وااايد..بروح بشوفها احسن لي عن اتضيع هالخبله.."

تم يدور عليهـا..ولقاها واقفه ع طرف .. بس انصدم يوم شافها يالسه اتصيييح بصوت وااطي ودموعها ع خدهـا .. وعاطيه ظهرها للناس اللي يمشون فالمستشفـى..سار صوبهـا..وهي حست بوجوده..بس ما صدت صوبه..ما تبغيه ايشوف دموعهـا ..

سيف:رويض..رويض..

روضه:..............................

سيف:وين سرتي؟؟ .. انا ما قلت لج تمشين ورااي..؟؟

روضه"تصد صوبه":هيه اكون وراك جني الا مطيرزيه .. ولا تصد صوبي ولا شي..دعمت هندي وطاحت شنطتيه من شليتها اصد مكانك ما لقيتك..شو تفسر هالشي..خليتني جيه وحدي وسرت للمرة الثانيه..انته تبغيني اتخبلبي ولا شو سالفتك..؟؟

سيف:انزين خلاص ما استوى شي..يلا تعالي..

روضه:لا انا ما ابغي اسير ويااك..لو تيلفوني ما انغلق ارووحه جني اللحينه هب مجابله شيفتك..

سيف:هههههههههههههههههه..اوكي اوكي يلا..

روضه:قلت لك ما ابغي اسير وياك..عسب تضيعني وتخليني اصيح..عاايبنك شكلي جيه..>>وتمسح دموعها..كان شكلها شكل ياااااااااااااااااااهــل..

سيف:رويض خلاص عاد يلا..

روضه:مااريد ماااريد مااااريد..>>وصدت عنه..

نسى انها عنيده وقوية رااس..وهي نست انه سيف اول شي يتبع اسلوب التفاهم واذا ما نفع اسلوب التفاهم عنده اسلوب ثااااني اسمه بالغصب..سحب يدها غصب عنهـا عسب تمشي عداااله..كانت منصدمه من حركته..كانت هب متوقعه ايسوي هالحركه..ما حست بالوقت ويااااااااااه..كان يمشي بسرعه..وهي بعد تمشي على حسب سرعته..وقف..وقفت..مشى..مشت..

كانت تبغي اتقوله يااخي شو بلاك فج يدي؟؟..بس ما رامت..لسانها انربط..بس اللي اتسويه انها اتصد صوبـــه..وتصخ..اول ما ظهروا من المستشفـى..فج ايدهـا..وصد صوبها..

سيف:لا تحسبيني بستسمح على هالحركه اللي سويتها من اشوي..بس هاللي ينفع وياج..الواحد اذا رمسح باسلوب زين سويتيله طاااف..

سكت يبغيها اتقول شي..بس هي كانت سااكته وعيونها ع الأرض..

سيف:شوفي اهناك مكان الشقه..؟؟"واشرلها على وحده من العماير"..ركبي السياره عسب اوديج هناااااك.."وصد صوبها ولحظتها اتذكر شيخاني وقال لرويض بكل وقااحه"..عسب ما اشوفج مرة ثااانيه..

من قال هالكلمه صدت صوبه وهي رافعه وحده من حياته..ولمح في عيونها نظرة الشموخ والكبريا..عيبته هالنظرة وااايد وساروا صوب السيارة وفجت الباب اللي جدام ويلست ومسويه اكبر طااف لسيف وكأن وجوده مثل عدمه..وصلوا للعماره اللي فيها الشقه ونزل ونزلت ويااه .. ومشت عداله ووصلها صوب الشقه وساار عنهـا...

ما يعرف شو هي طبيعة المشااعر اللي سكنت قلبه وهو يبتعد بكل خطوه عن رويض..يحس عمره ندم ع اللي سووووااااه..يعني ..بدل ما يعدل اللي سوااه أمس..أقصد الضربه المحترمه..نشوفه اليوم زااااد الطين بله..والموااقف اللي استوت موول ما تسر..ولا تخلي وااحد منهم يذكر الثااني بالخير..!!!

من صوب..انفـج باب الشقه وحدرت رويض وملامح الصياح خفت اشويه ..وكالعاده المستقبله الأولـى هي فطامي..بترااحيبها اللي تنسي المتضاايج همومه..

فطامي:يااااااااا مرحبااااااااا مليوووون وزوووووووووووود..وعدد رمل الصحااري وعدد نجوم الكووون ..و عدد ما رحبوا العرب بضييفهــم..

رويض"مبتسمه":المرحب لااااااااا هاااااااااان..ما عليج زود فطامي ماااااي بسرعه..

فطامي:شكلج توج ظاهره من حرب..

رويض:ليتها حرب وبس..الحرب ويا امها وابوها بعد..لوووول..

فطامي:هع هع هع..يلسي يلسي فديييتج ..

رويض:محد من الشبااب اهنه..؟؟

فطامي:يا ذكية بيتكم..لو حد من الشباب اهنه بتشوفين فطامي مظهره امممم..تقريبن نص شعرها..

رويض:اكيد لا..

فطامي:يعننننننننيييييييييي محد شباااااااااااااااااااااب..

رويض:حزْن..شليتي اذوووني يالسبااااله..

فطامي:السب حرااااااااااام..

رويض:اوووووووووونج عاااااااااد..يلا يلا بسرعه ييبلي ماااااااي..

فطامي:شووو بشكارتج على غفله..بتتريييييييين واااااااايد لين ما ايييبلج مااي..تقريبن 6..او 7.. سنوااات..بس اللحينه فكرت خلاص ما اريد اييب لج شي...

سارت فطامي وسوت أكبر طااااااااااف لرويييييييض اللي كانت فاجه اعيوناتها على وسعهن..مر الوقت بسرعه..رويض وغبوش وموزاني وشجون ووياهن ام خليفه وام سلطان هااييلا كلهم ردوا الرماح بسيااارتين..طبعاً الدريوليه لأن محد من الريااييل اللي في دبي متفيج حتى لشوفتهـن..

بالنسبه لسلامي وامها .. وام سيف وفطامي .. هاااييلا كلهن يلسن ..وخلاف سارن المطار ويا المسااافرين ومناك ودعووووهــم..؟؟؟؟!!!!!!!!!

وخلاف كلهم ردوا للرمــــــــــــــــــــــــــــااااااح..



×

×

×

...بعـد مرور اسبووعين...

×

×

×



تخطـــي علي دايم .. وتغيـــــطني وتـروح..

ثم(ن) تجـــي نادم .. واقولك لك مسمــوح..



بيت بوسهيل..

الساعه 10 ونــص..

الحـــووي..



سلامه:اووووووووووووووووه خلوف حدك عااااااد اشووفك وااايد تغلط..

خليفه:هههههههههههههههههههه..انزين انزين فديييييتج سلامي والله احبج..

سلامه:انزين انزين كمن مرة اتقولي..؟؟؟؟

خليفه:اووكيك انا اهوووووووووووااااااااج..

سلامي"اعيونها ع الكتااااب":جديييييييييييييييمه..كح كح ..عليك غبااار..

خليفه:ههههههههه..احم احم..ودييي اغير كلمة اهوااااااااك.. بكلمة توصف كم أنا اغليك..كلمة تفسر اني وياك..عايش وقلبي ميت فيك..>>> قالها وهو يسوي عمره شاااااعر محترف..

صخت سلامي وصوت انفااسها ينسمـــع..صح يتوااقعون..ويتزاعلون لمدة 10 ثواني..وصح كل واحد يرد ع الثاني..بس يحبون بعض..سلامي ما تستغنى عن خليفه..وخليفه ما يستغني عن سلاااامي..

خليفه:سلامي..لو صارلي اللي صار لسهيل بتتركيني..؟؟؟؟؟

صدت سلامي صوبه بسسرعه..وحطت عينها بعينه..وتمت تصييييييح من الخاااااطر..عاد اهنيه تم خليفه متلوم يوم انه قاللها هالرمسه..وذكرها باخوها..

سلامي:شو انته تبيغيني تتخبل..يعني اخويه استواله هالشي ومن بدت الإمتحانات وانا حالتيه هب حاااله..ماروم اركز وانا اقرى السؤااال..اتييني انته وتقولي هالرمسه..خليفه..انت لو استوالك شي..هزري ما بيلس بعقلي ثاانيه وحده..

تم خليفه يطالعها..

خليفه:ااااااه يعلني ما ذوووق حزنج يا سلامي..سلامي..

سلامي:اعيوون سلامي وقلبها ورووحها..

خليفه"يحط يده ع يدها":جيييه انا ماااا رووووووووم..

سلامي:ويا ويهك مستااانس..

خليفه:اوووه وناسه وبس..؟؟؟

سلامي:انزين شو تبغي..؟؟

خليفه:باجر انا بسرح بج المدرسه..

سلامي:ليش بسير ويا رويض وموزاني..

خليفه:لا انا ابغي اخذج ويايه..

سلامي:خلاص عيل بقول لموزاني ولا رويض اتي وياانا..

خليفه:لييييييييييش..؟؟

سلامي"تمسح دموعها":بس جيييه..

خليفه:لا محد منهن اتيي..مب متفيج لهن ع الصبح..

سلامي:انزين انزين اهم شي رضااك..

خليفه:سلاااااامي..؟؟؟؟

خليفه:بتخبرك انته ما تعرف في هالدنيا الاا اناا..يا ولد الحلال باااااااجر عليه امتحاااااااااااااااااااااااااااااااااااااان اخر السنه شوو بلاااااااااااك..؟؟

خليفه:شوفي سلامي بخبرج .. انتي يبتي نسبه زينه ولا نسبه هب زينه..عرسنا فالصيف يعني عرسنا فالصيف..وبعد العرس تحلمييين في شي اسمه جاااااااامعه او كليه ..؟؟

سلامي:ليش خلووف انته جيه..ريل ما تشجع ع الدراااسه ولا العلم..

خليفه:يا بنت الحلاااااااااال بلا هالخراابيط كلها..

سلامي:يلا انزين انا اصلاً ماريد ادخل شي..ابغي ايلس اجابل ويهك..

خليفه:هيه جيه تغدين حرمة بيت..

سلامي:انزين انزيين..يلا حبيبي نش اللحينه و ظهر من بيتنا انا وحده ابغي ادرس..شو يعني لأنه اخر امتحاااااااااااان ما بدرسه..؟؟!!

خليفه"ينش من مكانه":اوكي اوكي ترووغيني مسودة الويه..نو بروبليم ما بتشوفين ويهي مرة ثاااااانيه..>>>> يقص عليها مسوي عمره محرج..

عاااااد سلام صدقت..كانت تزقره بس هو سوالها طاااااااف..تمت تزاقر وتصارخ عليه وهو ولا عليييييه..جان تلحقه على طوول وتيود يده..

خليفه:فجيني فجيني..

سلامي:مااااااريد..

خليفه:اقوولج فجييني عن يستوي فيج شي ما يعيبج..>>كاااان يصااارخ عليها..

فجت سلامي يده وتمت تطالعها متصنمه في مكانها..هاذا شو مشكلته..ليش جيه يصارخ عليها..ما رامت تتحرك..بس كانت اشوي وبتاكله بعيونها..

خليفه:......هههههههههههههههههههههههه..هااااااااااا ااااااااااااااااااااااااااهااااااااااااااااااااااا ااااااااهااااااااااااااهااااااااهاااااااا..اييه بلاج جيه انتي تطالعيني..؟؟

سلامي:.............

خليفه:هههههههه..ههههههههههههههههه..ههههههههههههههه هههه..يالس اسولف ويييييييييييييياج..

سلامي"تبتسم":حشى يا شكلك وانته محرج..شيطان على شكل انسان..

خليفه:ههههههههه..انزين حياتي تامرين بشي..؟؟

سلامي:لا فديت رووحـك..بس انته وين بتسير..؟؟

خليفه:بسير بشوف الناس اللي في البيوت اللي عدالنا وبييج مرة ثانيه..

سلامي"اتحط الكتاب ع الأرض":عيل بسير وياك بنسلم ع البناااااات..

تم خليفه يطالعها اشوي..وخلاف ساروا بيت قوم رويض..اول ما دخلوا..شافوا عبدالله يسحب شعر عنودي بقووه..والمشكله عنودي يالسه اتصييح بصوت عالي..والعيوز "امهم العوده" يالسه ع القعده على طرف واتصااارخ على عبودي تبغيه يترك اخته في حالهـا..اما شجون يالسه على الدري اللي جدام المطبخ واعيونها مرة ع العيوز وشلتها ومرة ع الكتاب الي جدااامها...

أم راشد:والله يا عبدالله يا ان ما تركت ختك في حالها يا ويلك ويللللاااااه منيه..

عبدالله:لا والله وهي ليش اتقولي من بعيد انننننناااا..>>>ويظهر لسانه شرات ما سوتلها عنود..

أم راشد:بعدها ياااهل..

عبدالله:لالالالا..وين يااااهل..هب يااهل هاي عيووز شرااتج..

أم راشد"اتنش من مكانها":انا عيوووووووز عيزن ركبك انته واختك وابوك..

سلامي وخليفه:ههههههههههههههههههههههههههههه..

خليفه"سار صوب امه العوده":الله يهداج يمايه شو دخل ابوه..؟؟

ام راشد:تراه هو اللي ما يرمسهم ولا يقولهم هاذا غلط وهاذا صح..

سلامي:انزين انزين يلسي..

وتيلس ام راشد مكانها...واعيونها مرة ع خليفه ومرة ع سلامي..

خليفه:بتخبرج انتي مسودة الويه هااده الدفتر مالج ويالسه اترابعين ورى خلووف..

خليفه:ههههههههههههههههههه...

سلامي"اتطالعه بنص عين":لا يمااايه انا يااااايـه اخذ اوراق مال الإمتحان اللي باجر من عند ريض..

أم راشد:سيري فوق بتلاقينها يالسه في حيرتها تاخذين الأورااق وتظهرين يا ان ابطيتي عندها في ذمتيه بالعيره ع رااااسج..

سلامي:حوووه حوووه اممممره عاد ع راااسي..

أم راشد"اتصد صوب خليفه":ع راااااااسج وع رااس رييلج بعد..

خليفه:انززين انزين ..

أم راشد:شو اللي بعد انزين انزين..؟؟انته ايييه اتشوفني يااهل جدامك ما اعرف شو هي هالحركات مسود الويه مضيع المذهب..وين عاقنه المذهب انته..فالشااارع ولا سلفته حد من ربعك هاااااااه ربعبك احمار انته وياهم فالسكه وطحتوا منه..

تم خليفه ساكت .. خاااااااطره يموووت من الضحك..ويلس عدال امه العوده وتم عاد يتمصلح كله ولا العيوز ويلس ايصبلها قهوه ويسولف ويااااهاااا..عاد شو من سوالف..؟؟عن العزبه والمزرعه وذيج الناقه شو فيها..؟؟وهالبعير مادري شو من عوق فيه..ومن هالسوالف..عسب يعيب العيووز..؟؟!!!!>>حركككات..

من صوب..خطفت سلامي ع شجون وتمت يالسه وياها اشوي..ومن سارت فوق شافت غبوش يالسه فالصاله وناثره اوراقها جداااامها واشوي بتدخل فالكتاب..

سلامي:حوووووووووووه..احيييييدهم علمي خلصوا امتحانات..

غبوش:ههههههههه..هاذا مال موزاني بس كنت يالسه اقرااااه..

سلامي:شو دخلج فيه يابنت الحلال هاذا مال 3 ثنوي..وانتي 2 ثنوي..وبعد علمي..

غبوش:ادري ادري..بس هاه الدرس عيبني وتميت اقراااه..

سلامي:اشوووف شو من كتااااااب.."ويوم طالعت الكتاب":.ووووووووععععييييي فيزياااااااااااااااا..

غبوش:وشو بلاه الفيزيا احلى مااااده..

سلامي:انا اذا يلست دقيقه عندج بموووت..مخلصه الإمتحانات وتقرا كتب..

غبوش:العلم العلم..

سلامي:حشى يا علمج ما يخلص..وين وين رويض..

غبوش:رويض..هاي من نشت من الرقاد الساعه 5 العصر شلت لها اكل من المطبخ ويلست في حيرتها للحينه مااا ظهرت ولا شفنا حتى طيفها..

سلامي:هالبنيه من بدت الإمتحانات وهي تاكل الكتب اكل..مادري شو سالفته..عككككككس الفصل الأول..احيدها اتفج الكتااااب بعد مووت..

غبوش:مادري فيها..بس الحمدالله احسن..

سلامي:هيه والله..اظني بتييب في التسعينات هااي..موزاني موزاني اللي اشطر وحده فينا ما سوت شرات رويض يوم تدرس..

غبوش:رويض بتييب احسن عن موزاني..

سلامي:انزين انزين عااادي.. درسي درسي يلا..

سارت سلامي ودقت باب حيرة روييض..بعد 5 دقايق فجت لها رويض الباب..كانت لابسه بيجامتها السماويه ورافعه شعرها كله فووق بشباصه زرقا صغيرونه ونصه طاايح لأن الشباااصه ما يودته..>>>ربكم "حرامية شباصات" ما شافت هالشباصه ولا كالعاااااده بتسرقها..لووول..

رويض:نعم خير شو تبين..؟؟

سلامي"ادز رويض":يلا يلا يلا هناااااااااك..مسوتلنا فيها الشاااطره..

رويض"تبند الباب":هيه شاااطره غصب عنج يا شووق خلوووف..

سلامي:اااااااااه علني ما خليت منه..

رويض"تيلس ع الشبريه":انتي وياه توكم حادرين بيتنا صح..؟

سلامي"تيلس عدال رويض":هيه شودرااااج..

رويض:شفتكم..من الدريشه..

سلامي"تصفق ":مشاااااااااالله علييييج..اونج تدرسين ومناك واقفه ع الدريشه اتشوفين اللي ياي واللي ساير..

رويض:هههههههههههههه..والله توني مخلصه وسرت صوب الدريشه جااان اشوفكم..

سلامي:خلصتي..؟

رويض:هيه..

سلامي:حششششى ..

رويض:قولي مشااااالله عن تحسديني..

سلامي:عنلاتج طوييييييل..

رويض:طويل قصير ... اخ تفووووووووو عليييج بتحسديييييييني..عووذ بالله منج..نشي نشي انا باخذلي شور وبرقد وبنش ع الساعه 3 فليل وبرااجع..

سلامي"اتنش من مكانها":مسودة الويه..تروغيني..؟؟

رويض:هههههههههههه..هيه ارووغج..يلا يلا..

وتنش رويض وتسحب سلامي من جتفها وتظرها برع الحيرة وتبند الباب..اول ما بندت الباااب..تنهدت من الخاااطر..يلست ع الأرض وسانده ظهرها ع الشبريه..

ما تعرف شو تقول شو تسوي ..؟؟؟ بس اللي تعرفه هو شي واااااااااااحد..انها تحاول ما تفج الدفتر مرة ثانيه..؟؟!!!!!!!!



×

×

×



عرفت أبكي من الفرحه..

عرفت أضحك من الأحزان..

عرفت ان الدموع اصدق..

وارحم من يوااسيني..



ألمــانيا..

المستشفـــى..



"

خلووه يطلقني..



..بس ابغيك تعرف انيه مسامحتنك دنيا واخره..



..انا عنده ما بستوي حرمه بستوي بشكاااره بس اهتم فيه واشوف طلباااته..



..الله يشافيك يا سهيل وترد تفرح خاطر امك وابووك..



..كيف اعيش مع واحد ويهه جيه..جنه حد حارقنه بالناااااااار..



..تشجع..



طالعي امايه طالعي..يرضيج اعيش مع واحد شرات سهيل..؟؟؟



..ترى اللي بيصيرلك فالأيام اليايه وااايد صعب..وانته لازم تتحمل عسب تردلهم سهيل ..الأولاني.. لازم تصبر..



اتقولين لسلطان ان هاللي اسمه سهيل ماابغي ارتبط ويااااااااه..



..ولا تخلي للحزن مكان في دنيتك..



اعيش مع وحش..؟؟مب ادمي هذا..مب ادمي..



..وحـــــــــــــــــش..



..وحــــــــــــــــــــــــــــــــــــــــش..

"











سهيل"يصارخ بأعلى صوته":بـــــــــــــــــــس خلااااااااااااااااص بــــــــــــــــــس..

فز سيف من مكانه ودخل الدكتور على طول ووياه السستر..

سيف:سهيل شو بلااااك..؟؟شو بلاااااك..؟؟

صخ سهيل ما رام يظهر من ثمه كلمه وحده..تم الدكتور سااكت اشوي..وعرف انه هاذا انفعال خفيف..فشل بعمره ويا السستر وظهروا من عند سهيل وسيف..اما سيف شل الكرسي ويلس عدال سهيل..

سيف:سهيل شو فيك..؟؟انته من ييت اهنيه وانته كله تصارخ وترمس رووحـك..واذا ييتك ما سويتلي سااالفه..ارمس..ترى انا خويك..

صد سهيل صوب سيف ونظرته مالها أي معنى..

سيف:خبرني شو السالفه..؟؟

سهيل:بتخبرك سيف انته ليش ما قلت لي من قبل ان شيخه هي نفسها مها اللي كنت ترمسها..

صخ سيف..ما كان متوقع هالسؤال ابداً..

سهيل"بهدووء":تدري سيف..انته من خبرتني .. استوالي الحادث على طول..سيف انته ما تتوقع كيف احبها هالإنسانه..احلى لحظاتي وانا يالس عندها..امووت فيها ..ماروم ابتعد عنها دقيقه وحـده..سيف...انا...اناااا..

سيف:...............................

سهيل:حمدت ربي يوم ابتعدت عن رويض..كنت مستاااانس لأني جرحتها وذليتها وخليتها تنهـــاااان لأكثر من مليون مرة..يوم سمعتني انا وسلامي نرمس عنها..وخلاف انا فجيت البااااب..وشفتها جدامي اتصيييح..تعرف سيف شو سويت..ابتسمت على حالها..مادري ليش كنت جيه..أحس عمري ما كان عندي قلب..ولا كان عندي احسااس..احس عمري ما كاااان عندي عقل اسوي في بنت عمي جيه..كنت دووم اقص عليها .. وهي اتصدق..اذا تيمعنا كلنا الاحظ اعيونها..كانت اتدورني..واذا غبت عنها..يوصلني انها كانت اتدور طلتي..كانت محبتها برييييئه..كانت رويض ياااااااااهـل..لين ما ابتعدنا عن بعض..وطحت في شويخ .. البنيه اللي الللي ...انته كنت ترمسها..البنيه اللي ذلت عمرها عند وااحد..سييييييييف...انته ما تعرف شو يلست اتقول يوم شافتني في دبي.. قالت .. قالت ..إني انا وحش..مب ادمي..قالت انها تبغي الطلاق..

سيف:بتطلقها..؟

صد سهيل صوب سيف وسكت..

سيف:حاول وياها يا سيف..انته من تشفى وتتعالج .. روح عندها شوفها .. بس اهم شي يا سهيل انك ما تطلقها..شو بيقولون عنها النااااس..؟؟

سهيل:كرهتها يا سيف عفت طاااااااريها..

سيف:كيف وانته كنت اتحبها..؟؟

سهيل:بين الحب والكره شعره..

سيف:يا سهيل بس هاي حرمتك حرام عليك اتهدها ولو انها طلبت الطلاااااق منك..ردلها اسهيل الأولي .. وبمحبتك لها بتنسى سالفة الطلاااق صدقني..

سهيل: نفسي على ما كرهت ماني بغاصبها..

سيف:مااادري شو اقولك يا سهيل..بس اهم شي انك ما تضيج بخااطرك..الدنيا ما تسوى..

سهيل:دووم كنت اقول الدنيا ما تسوى..عاااادي..رويض بتحبني وخلاااف بتنسااااني..سيف انته كنت واقف عند الباب في المستشفـى..صح..؟؟وسمعتها شو قالت صح..؟؟

سيف:هيه كنت واقف .. وسمعتها شو قالت..؟؟

سهيل:والله انيه انصدمت من سمعت رمستها..اتوقعتها اتيي وبتتشمت فيني..بتقولي هااه وحش مب ادمي..شرات ما قالت لي شيخاني..؟؟!!!

سيف:يا سهيل..رويض ما تربت على جيه..لا تنسى انته ولد عمها..

سهيل:لا تقول تربت ما تربت..قول طيبة قلبها خلتها اتقول هالرمسه..سيف انا عذبتها عذبتها..

سيف:متندم..؟؟

سهيل:لو شي كلمة أكبر من الندم جان قلتلك اياها..

سيف:يا ما نصحتك يا سهيل .. بس انته الله يهداك ما تطيع شوري..؟؟

سهيل:خلاص سيف..لا تزيد المواجع..

سيف:انزين العمليه مالتك..

صد سهيل صوب سيف بسسسرعه..

سيف:بعد اربع ايااام..

سهيل"باتسامه ممله":والله مادري ليش اتعبون عماااركم ع الفااضي..عمليات وروحه ورده وسفر..اخر شي بتم ع حااالي..وما بمشي شراتكم..

سيف"معصب":سهيييييييل..شو هالرمسه..انته ما سمعت الدكتور شو قاااالك..؟؟

سهيل:سمعته بس انا اقول غير اللي يقوله..

نش سيف من مكانه وقف جدام الدريشه وربع يداته..

سيف:وانته شو درراااك يالبدوي..اقووول ارقد ريح اعصااابك احسن بواايد من انك تيلس تسوي عمرك فااهم فالطب..

سهيل"بتكبر":انا اصلاً عندي قدراااات بس انته ما تعرفها..

سيف:الله والقدرات بعد .. تقحص بسيارتك وواايييييد عليك..

الكل:ههههههههههههههههههههه..

سهيل:سيف...؟؟

سيف:عووونك..

سهيل:عانك الرحمن بس تتووووووووقع ...........................

سيف:اتوقع شوووو..

سهيل:اقول شل قشارك وسر الشقه ارقد وباجر الساعه 6 الصبح اشوفك عنديه فاااهم..

سيف"يسوي عمره عسكري":حاااااااااااضر سيدي..

سهيل"يغطي ويهه باللحاف":يلا يلا..

سيف:انزين..شوف منو اللي بييك..مع السلامه..

ظهر سيف من عند سهيل وهو نااااااااقع ضحك على حركات سهيل..بس فجأه سكت..؟؟!!!!!!

وتم يفكر في رمسة سهيل..؟؟ما رام يستنتج شي...؟؟!!!


الرد باقتباس
إضافة رد
الإشارات المرجعية

مع غيري إلعب و بيّن له مهاراتك / الكاتبة : العنيده212 , كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6680 الأمس 05:45 AM
رجفة قلوب أسود الصحراء / الكاتبة : وديمه العطا ، كاملة همسة غــــرام روايات كامله - يتم نقل الرواية هنا بعد اكتمالها 361 16-08-2014 06:22 AM
و اني أحبك / الكاتبة : امازيغية الهوى ، كاملة النجمة القطبية روايات كامله - يتم نقل الرواية هنا بعد اكتمالها 76 28-07-2013 11:12 PM
قصة جبتها ع الجرح / الكاتبة : أمنيه حنيني ، كاملة بنت سمهرم روايات كامله - يتم نقل الرواية هنا بعد اكتمالها 49 07-07-2013 09:43 PM

الساعة الآن +3: 12:14 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم