قصه من تأليفي

[smile pain]

السلام عليكم ورحمة الله وبركاته...
اولا وقبل كل شيء احب اعرف بالشخصيات
ماجد (17سنه)
و
بدر (17 سنه)
و
يحيى (18 سنه شايبنا)
و
فارس(16 سنه)
و
صالح (16 سنه)


طبعا كانو يحبون بعض ويحبون يقعدون مع بعض ويحبون الطلعات واجد

في يوم من الايام عرض يحيى فكره على الشباب انهم يطلعون كشته بالبر كلهم وافقوا وجهزوا كل شيء

وطلعو اليوم الثاني بعد صلاة العشاء وصلوا على الساعه عشره وكانو تعبانين مررررررررره فنامو عشان يصحون بدري

وفجأه صحى ماجد على الساعه 3 بالليل كان حشران قضى حاجته (الله يكرمكم) وهو راجع جاه خوف مو طبيعي من وش!! الله واعلم

ماكان وده يركض فقال خلني اطالع ورى يمكن مايكون فيه شيء كان متردد وخايف فجأه وقف ناظر ورى مالقى شيء

قعد يضحك على نفسه قال خلني انسدح اسمع اغنيه ولا اغنيتين وبعدين ارجع لاأخوياي
خلص من الاغنيه الاولى سمع الثانيه

قربت تخلص قال خلني اكملها وانا امشي اول مافتح عيونه شاف شايب وعجوز يرقصون قدامه الرجال قط الجوال ومتشوفون الا غباره

على اول مادخل الخيمه صحو العيال من قوة الازعاج الي سواه بدخوله للخيمه وشافوه خايف هو وقتها كان مصدوم ماقدر يتكلم

يحيى: ماجد ماجد مجووود (ماجد ساكت)

اتفقوا العيال انهم يخلونه يهدى وبعدين يكلمونه بدر جاب له مويه بعد ماشرب الرجال وهدى قالهم القصه كامله كلهم ضحكوا عليه وقالو له

عشانك مانمت زين نام وبعدين نتفاهم اذا صحينا من النوم
ماجد حقد واول ماقام يبي يطلع برى تذكر الشايب والعجوز ورجع لفراشه

يوم جاء الصبح ماجد صحى الا الفطور قدامه الرجال نسى السالفه وافطر وجنن في العيال شوي(طبعا ماجد كان مرجوج ويحب الرجه)

ماجد تذكر انه قط جواله فقال للعيال خلونا نروح ناخذه ونرجع العيال قامو يصرفون ماجد نشب لهم لين قاموا
فارس :خلونا نشيل السفره

صالح :مولازم خلونا ندور على الجوال ونرجع نشيل كل شيء

ماجد كان خايف يوم وصلوا دوروا على الجوال حول نص ساعه

بدر باستهبال : شكله اعجب العجوز والشايب وخذوه معاهم

ماجد : فارس دق على الجوال

فارس :والله ماعندي رصيد

صالح : انا عندي رصيد

ماجد :طييب وش تنتظر بسرعه دق

بعد مادق صالح

ماجد :اسكتوا كأني اسمع صوت

يحيى بصوت عالي : لقيته لقيته

ماجد استانس وقتها اخذ الجوال ورجعوا للخيمه

اول ماوصلوا كلهم تفاجؤوا

بدر :وين السفره

يحيى :اكيد ماجد هو الي شايلها

ماجد :انا اول واحد طلع من الخيمه

صالح :فارس اخر واحد طلع من الخيمه

فارس :والله مالمستها

العيال خافو وطلعو من الخيمه اول ماطلعو من الخيمه

لقو السفره قدامهم العيال تجننوا وشردوا ( دلوخ نسوا انه عندهم سياره)

يمكن بعدوا عن الخيمه حول كيلو كلهم تعبوا ووقفوا

جلسوا وارتاحوا تذكروا السياره قالو خلونا نريح وبعدين نرجع

للسياره بعد نص ساعه رجعوا للسياره شالو اغراضهم وقالو

نبي نمشي بعد ماشالو اغراضهم

يحيى : ياعيال المفتاح وينه؟؟

فارس :توه كان معاك

صالح :كيف فتحت السياره؟؟

يحيى :خليته بالباب والحين موموجود

كلهم سكتوا وقطع سكوتهم صوت صراخ صالح

كلهم طالعو بصالح مستغربين فجأه ارتفع على بعد مترين

وبدا يبعد كلهم لحقوه فجأه بعد وأختفى

كانوا كلهم حزينين ومعصبين الا ماجد

كان يفكر وش الي قاعد يصير من حوله

كلهم سمعوا صوت سياره جايه عندهم

كلهم خافو بدر وفارس قاموا ولحقهم يحيى

ماجد كان يدور على أي شيء في الاخير لقى سكين

خذاها ولحقهم اول ماطلع مالقى احد ماجد تجنن

نسى الخوف وقعد يفكر باخوياه كيف يرجعهم

الرجال قال انا بنتظر ليم القى فكره مر يوم وماصار شيء

مر اليوم الثاني وما صار شيء اليوم الثالث باآخر الليل سمع

صوت غريب اخذ السكين وطلع برا الخيمه اول ماطالع شاف

بدر وفارس جايين ومتجرحين هو قال ماني رايح لهم اخاف

يكونون جن متمثلين على صورهم على طول طلع جواله

يبي يشغل قرآن قعد يدور أي مقطع لين لقى مقطع وشغله

وطلع برى متوجه على بدر وفارس اول ماوصل عندهم

قالو له لاتخاف جاء ساعدهم ودخلهم الخيمه قفل الجوال

جابلهم ماي عشان يشربون

ماجد : وش السالفه وين كنتم؟؟ ووين صالح ويحيى؟؟

بدر :كنا بمكان زي الكهف يخوف وفيه ناس كثيرين يتعذبون


وحن جربنا شيء بسيط من الي جاهم

ماجد :وين يحيى وصالح؟

فارس :رجع يدور على اخوه صالح

ماجد :مين المسؤول عن الي صار لكم؟

بدر :ساحر

ماجد :وش دراكم؟؟

بدر :هو قال لنا انتم تعديتم على منطقتنا وجيتم بأرضي

عشان كذا تحملو الي يجيكم وقال لنا انه ساحر

فارس :شكله مادرا عنك ياماجد لانه قال انه مسكنا كلنا

وأنت ماجاب لك سيره

كلهم سكتوا كانوا حزينين ويبكون لان صالح ويحيى مو معاهم

ماجد :تعرفون المكان؟

بدر : اكيد ولا ما كان ماوصلنا لك

ماجد :دلوني عليه

فارس :انت مجنون رايح تقابل ساحر

ماجد بعصبيه :دلوني عليه

بدر :ماجد هد اعصابك خلنا نفكر بطريقه احسن من مانواجه ساحر

ماجد :مافيه الا اني اقابله وانا بروح من طريق وانتم من طريق ثاني

بدر :ليه؟؟

ماجد :الساحر يعرف مكانكم وبيدري انكم شردتوا وبيحاول يرجعكم

فارس :كلامك صح

بعد مادلو ماجد على الطريق

طلع من الخيمه وراح من الطريق الي وصفوه له

بدر وفارس راحو من الطريق الي رجعوا منه

اتفقو انهم يتقابلون بمكان قريب من الكهف حق الساحر

كانت مسافة الطريق حوالي 7 ساعات مشي

ماجد اول ماوصل المكان الي اتفقوا عليه وقف وقعد يطالع

حوله قال يمكن اشوف بدر وفارس

بعد ساعه ونص ماجد شاف بدر وفارس سلموا على بعض قالو

الحمدلله انه ماحس فيهم الساحر

ماجد :اعطوني معلومات عن المكان

بدر قال لماجد كل شيء

فارس :يله مشينا

ماجد :وين؟ ماوصلنا!

فارس :باقي حول الساعه على الكهف

ماجد :يله بسرعه وش تنتظرون

اول ماشاف ماجد المكان جاته قشعريره من شدة الخوف

بس قال لازم اطلع صالح ويحيى لو أدفع عمري عشانهم

اول مادخلو فارس طاح بفخ حاولوا يساعدونه فجأه سمعوا

صوت واحد متجه عليهم

ماجد وبدر تخبوا باقرب مكان سمعوا صوت الباب ينفتح

طبعا المكان الي دخلوه زي الكهف بس فيه غرف

جاء اخذ فارس وكان شكله يخووووف

ماجد :بدر مين ذا

بدر :وانا وش دراني

ماجد :خلنا نلحقه

بدر :يله بسررررعه

لحقوه لين مادخلو غرفه كبيره فيها ناس كثيرين يتعذبووون

واحد مقطوعه يده والثاني مقطوعه رجله ماجد تجنن من الي

يصير قدامه

بدر :خلنا نتخبا بسرررررعه

ماجد :وين؟

بدر :بأي مكان

بعد ماتخبوا شافوا فارس معلق

ماجد :لازم نفكه

بدر :كيف؟

ماجد :انا بفكه

بدر :كيف بتقطع الحبل

ماجد :لاتخاف معااااي سكييين

راح ماجد وبدون محد ينتبه له وفك فارس ورجعوا

فارس :الحمدلله اني انفكيت وشكرا لكم انكم فكيتوني من ها الورطه

ماجد :الحين وين يحيى وصالح

فارس :مدري

بدر :خلونا ندور لين نلقاهم

ماجد :خلونا ندور يحيى وبعدين ندور على صالح

فارس :يله بسرعه وش تنتظرون

راحوا كلهم لين وصلوا لغرفه فيها ناس كثيرين

بس مايتعذبون هم الي يعذبون

المهم ماحسوا فيهم تخبوا العيال بأقرب مكان

بدوا يطلعون لين مابقا واحد

ماجد :انا معاي سكين بطلع له وأطعنه بس مابخليه يموووت

بطعنه معى فخذه وبقوه عشان يغمى عليه

بدر خلاص انت اطلع له واذا صادك بنفزع لك لاتخاف

طلع ماجد يوم قرب منه الرجال حس فيه وبسرعه التفت عليه

ماجد تجمد مكانه الرجال اخذ عصى وضرب ماجد على رجله

وطاح ماجد اول ماطاح ماجد جاء بدر ومعاه فارس ثبتوا الرجال

وربطوه ماجد قام وطلع جواله وورى الرجال صورة صالح ويحيى

طبعا هو رفض انه يتكلم ماجد طلع السكين وحطها بكتفه

وكل شوي يظغط ويكرر السؤال وبعد تعب تكلم الرجال

وقال لهم المكان شوي دخل رجال ثاني فارس انتبه له

وقال لماجد وبدر كلهم شردوا لانهم كانو خايفين يدخل اكثر من واحد ويمسكهم

الرجال لحقهم ولكنه كان بطيء وماقدر يوصل لهم

بعد ماضيعوه اتفقوا انهم يروحون يطلعون صالح ويحيى

ودوروا على يحيى لانهم قالو يمكن يكون عنده خبره بالمكان

شوي ودوروا عليه واول مالقوا الغرفه كانو خايفين انه يحيى

صاير له شيء اول مادخلوا لقوا يحيى مربط وشكله يحزن

فيه اكثر من ضربه وفيه جروووح وكان نايم وقتها راح فارس

صحى يحيى اول ماشافهم استانس جاء ماجد قطع الحبل وحظنه

وسلم عليه وجاء فارس وبدر وحظنوا يحيى وقوموه ماكان

يقدر يمشي زين لانه فيه ضربه جامده برجله اليمين جو

بيطلعون اول مافتحو الباب شافوا رجالين متجهين

على الغرفه دخلوا كلهم الغرفه وصكروا الباب وحطوا

كل شيء ثقيل بالغرفه على الباب وقاعدين يفكرون وش

يسوون قطع تفكيرهم صوت ترفيس الباب كلهم خافوا الباب

شوي وينكسر

ماجد :عندي فكره وش رايكم نتخبى ويكون فارس مع يحيى

قدام الباب ويحسبون فارس هو الي مسوي الزحمه هاذي

كلها واول مايدخلون عليهم ننقز انا وبدر ونضربهم

ونمشي كأنه ماسوينا شيء ونروح لصالح

يحيى :مالنا غير هالفكره

العيال اخذو مواقعهم واول ماأنفتح الباب ابتسموا الرجالين

ابتسامة شر وأنتصار وأول ماقربو من يحيى وفارس

نقز عليهم ماجد ولحقه بدر وضربو الرجالين وفارس اخذ

حبل وربطهم وطلعو من الغرفه بس كانت غرفة صالح

بعيده وكانو خايفين من طلوع أي احد فجأه بعد ماقربوا من


من غرفة صالح شافو واحد واقف بدر وفارس ويحيى سحبوا

ماجد وتخبوا

ماجد :وش فيكم خلونا نضربه

فارس :هذا هو الساحر

ماجد :وش نسوي الحين

يحيى :ماجد جوالك معاك

ماجد بأستغراب :اييييه

يحيى :وشرايك تشغل مقطع قرآن عشان الجن مايقدرون

يساعدون الساحر ونضربه ونطلع صالح

ماجد :فكره حلوه

بعد ماطلع الجوال وحط على المقطع جاء بيشغله لكن الجوال

طفى لان البطاريه انتهت

العيال تجننوا حاولو يفكرون بطريقه ثانيه لكن مالقوا

فارس :ليه مانطلع له ونطعنه بالسكين بحنجرته عشان مايقدر

يتكلم او يصارخ ونفس الوقت يموت

ماجد :خلاص انا بطلع له مانبي كلنا نطلع له وننصاد كلنا

ينصاد واحد ولا ننصاد كلنا

يوم طلع ماجد كان ماجد ولكن يوم تذكر صالح جاته شجاعه

مي طبيعيه اول ماقرب من الساحر طعنه

ماجد :ياعيال طعنته تعالوا بسرعه

يحيى :بسرعه خلونا نطلع صالح

اول مادخلو لصالح لقوه مغمى عليه حاولوا يصحونه ماقدروا

طلع ماجد وجاب مويه ورشوها على وجهه وصحى

اول ماصحى كانوا اخوياه قدامه ماكان مصدق

حظنووووه وسلموا عليه

ماجد : خلونا نطلع قبل مايحسون بكل الي صار

بدر :يله بسرعه

بعد ماطلعوا من الغرفه كانو كلهم خايفين

طلعوا شوي شوي وشردوا كانوا بيطلعوون

بس وقفهم رجال قبل باب الخروج

وضرب فارس بقس على عينه ماجد كان ورا فارس وضرب

الرجال على خشمه ورفسوا فيه العيال لين ماأغمى عليه

كان فيه مفتاح على الباب فتحوا الباب وهم طالعين كان ماجد

أخر واحد فيهم مسكه واحد مع فنيلته وكان جثه العيال كانوا

يبون يرجعون ويفزعون لماجد بس ماجد منعهم من الدخول

وقفل الباب بالمفتاح وخلا اخوياه برا

فارس والدمعه تنزل من عيونه :صدقوني ماجد بيموت

يحيى :تفائلوا بالخير تجدوه لاتقوول ذا الكلام يافارس

الباب كان جامد وماقدروا يكسرونه وكان

كانو محتارين وش قاعد يصير لماجد كلهم يصارخون

ويرفسون بالباب لاكن كأنهم مايسوون أي شيء

وبعد نص ساعه سمعوا صوت بالباب كان فيه واحد يحاول

يفتحه كانوا خيفين مين هذا الي يحاول يفتح الباب انفتح الباب

وألي فتحه ماجد بس كان ينزف دم من خشمه وراسه وكتفه

اول مافتح الباب طاح مغمى عليه

يحيى :يله شيلوه وخلونا نرجع للخيمه وناخذ السياره ونمشي

بدر :يله بسرعه

اول ماوصلو لخيمتهم كان فيه اسعافات اوليه اخذوها وغطوا

جروح ماجد وسدحوه حاولوا يصحونه رشوا مويه على وجهه

اول ماصحى حظنوه وشكروه على شجاعته ومساعدته لهم كلهم

رجعوا لبيوتهم قالو لأهاليهم انه صار لهم حادث وصلحو

السياره بفلوس الطلعه

وكان الي صار درس لهم وبنفس الوقت عرفوا قوة محبتهم

ومعزتهم لبعض ...

هذا وصلي اللهم وسلم على نبينا محمد.

لاتحرمونا من ردودكم بس تكون بكل صراحه

هذي اول مره االف فيها قصه

[أبـــ(طلال)ـــو]

أشكرك أخوي على القصه
اتمنى يكون الجاي احسن

[سجينة حب]

.
.

وعليكم آلسلآم ورحمة آلله وبركآته
يآهلآ فيك آخوي
طرح جميل ..
يسلم ديآتك يآرب
منور آلقسم ^،^

.
.

[الزعيمـــه8]

,’


بســم الله

يعطيك العــآفيه علـى القصه الخيــآلية
يآ ليت الشبــآب يحرصون علـى قرآءة القــراءن حتى و هم في البـــر


موفق إن شــآء الله

,’

[VEN!CE]

,’

< ~خآفت

الله يحمينا يآرب
ويعطيك العافيه

بأنتظار جديدك


,’