اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-12-2008, 07:16 PM
رجوي 777 رجوي 777 غير متصل
©؛°¨غرامي جديد¨°؛©
 
رواية ملعون ابو العشق دام العشق دلعها


ملعون ابو العشق دام العشق دلعها ^_^ رروايه اجتماعية رومنسية


^_^ ملعون ابو العشق دام العشق دلعها ^_^




تأليف ::


رجائي وسلوبه ((ام السلاليب ))


-------------------------

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب




البارت الاول ......



في بيت من بيوت الشرقيه كانت تناظر من بلكونة غرفتها وتشم الهوا اللي يرد الرووح تسمع صوت السيارات

رايحه جايه وتفكر وش تسوي اليوم مابقى شي وتداوم بالجامعه قطع تفكيرها صوت جوالها وهو يرن دخلت

الغرفه وقفلت باب البلكونه

شووق : هلا لج لج عمري وش اخبارك

لوجين : هلا وينج فيه ماسمعنا اليوم صوتك

شووق: الملل مسيطر

لوجين : تعلميني فيه ؟ هذا شي قديم

شوق : والله محتاره وش اسوي اليوم خلاص مليت من كثرة الجلسه بالبيت

لوجين : مايبغالها تفكير نطلع

شوق: هه هه هه ضحكتيني نطلع لوحدنا؟

لوجين :ايه وش فيها ؟خلنا نطلع نفرفش

شوق : وين نروح ؟

لوجين (بابتسامه ): مافي احلى من السوق بهالوقت

شوق: اقول بس طسي على بالي عندك سالفه

لوجين : افااا ما امزح

شوق: اتوقع انك تعرفي ان اخوي متعب مابيخلينا نطلع لوحدنا السوق

لوجين : واللي يرحم امه خله يسكت

شوق : اقووول لوجينو ترى امه امي مو تغلطين

لوجين : خلاص سوري وحقك علي

شوق : ايه تسنعي

لوجين : يلا انتي اجهزي والباقي خليه علي (وقفلت السماعه بوجهها)

شووق : هذي من صج استخفت

(شووق))

بنت حلوه بيضاء شعرها اسود فيها جمال شامي بعينها البنيه الناعسه وانفها الطويل وفمها

الصغير باختصار بيبي فيس تحب الوناسه تجنن هالبنت متهوره بشكل مو طبيعي ...

(لوجين ))

بنت حبوبه فله رومنسيه اجتماعيه بشرتها برونزية عيونها واسعه عسليه وشعرها مايل للاشقر طويل

تحب الافلام الهنديه الرومنسيه و الاستهبال والضحك ))


وراح تتعرفون على الشخصيات من خلال الاحداث

بمكان ثاني في فلة بو تركي الكبيره والفخمه

تركي : اقولك ياريان ماابي اطلع مو غصب

ريان : مو جالس اقنع فيك ساعه وماتطلع معاي بذبحك

تركي : ما اهون عليك

ريان : تهون ليش لا

تركي : الحين اخلص وش تبي ؟

ريان : ابيك تلبس لاني خمس دقايق واصير عند بيتكم

تركي : ريان اقولك ...........(قفل الخط بوجهه )

(نزل تركي في بيتهم الكبير وماشاف احد استغرب وين امه راحت نادى على الخدامه )

تركي: ميري وين ماما

ميري : ماما برا في الحديقه مع لوجين

تركي : طيب روحي شوفي شغلك

ميري (بخياسة نفس ): انشاء الله

تركي (ابتسم ): وش فيها هاذي تتكلم كأني اصغر عيالها؟

لوجيين : يمه تكفين عطيت شوق كلمه

ام تركي : رجال مو بنت اتصلي عليها وقولي ماتقدرين

لوجين : يمه حبيبتي انتي انا احبك واااجد

تركي : صباااح الخير

ام تركي : هلا بوليدي هلا يمه صباح النوور

لوجين : يمه خليني اروح مابتاخر اوعدك

تركي : قلنا صباااااااااااح الخير ماتسمعين لوجينوه ؟

لوجين: يمه شوفي ولدك يغلط علي

ام لوجين: ردي عليه وهو مابيغلط عليك

تركي (مبسوووط على الاخر) : سمعتي امك وش قالت ؟

لوجين : انا بروح غرفتي ابرك لي وما ابي شي من عندكم (راحت لوجين تمشي لان تعرف امها طيبه

وبتنادي عليها وبتقول روحي خلاص )

ام تركي : لوجين عمري خلاص تعالي

لوجين (بابتسامة خبث ) : وافقتي؟

ام تركي : خلاص روحوا بس ماتتأخرون

تركي (وهو ياكل التوست ) : وين بيروحون ؟

لوجين : بروح السوق مع شواقه

تركي (بس سمع اسمها شرق ): كح كح

ام تركي : اسم الله عليك ياوليدي

لوجين (بتضحك ): و ش فيك تخسبقت ؟

تركي : مع منو بتروحوا ؟

لوجين : مع السايق

تركي: يمه تخليهم يروحوا مع السايق هالوقت لوحدهم ؟

لوجين : اشفيها يعني كل يوم نروح الجامعه معاه لوحدنا مافيها شي سيد تركي

تركي : قلتيها الجامعه مو السوق هناك كله شباب وهالايام عطله

لوجين : يعني مانروح السوق بس لان هناك شباب؟

تركي : مافيه روحه وخلاص

لوجين (بابتسامه عريضه ) : اذا مصّر يعني انت تودينا

تركي : انا بطلع مو فاضي

لوجين : خلاص اجل لاتتكلم بنروح مع السايق

تركي : مو لازم الحين اجلوها

لوجين (تكذّب ): شواقه تبي تروح ضروري الحين بتشتري حاجه

تركي (من سمع اسمها راح بخبر كان )

لوجين :الووووووووو حوّل ياحبيب

تركي : خلاص بشوف انا انتظروا شوي

لوجين : اوكيك طيران بركب البس

تركي دق على ريان : هلا ريان وينك ؟

ريان : توني طالع من البيت

تركي : جيب معاك شوق قبل ماتطلع

ريان (مستغرب ): ليش

تركي : بتروح السوق مع لوجين

ريان : اها اوك

تركي : انا بوديهم

ريان : افف لهدرجه ماتبي تطلع معاي ؟

تركي : لاتخاف باخذك معاي

ريان : ما ابي اروح شوقوا ماتخلي احد بحاله في السوق

تركي : انا قلت لك خلاص روح معاي مابنطول

ريان :كم تركي عندنا ؟ خلاص جاي

تركي : تسلم يلا استناكم

ام تركي : بتروحوا مع ريان ؟

تركي : ايه يمه

ام تركي : دير بالك على اختك وبنت عمتك تعرف حركات اختك

تركي : ههههههه ادري عنها مخبوله

لوجين (جات من وراه وهي معصبه): مين المخبوله ؟

تركي : بل عليك لبستي بهالسرعه لو قالوا لك تركي مات مانزلتي بهالسرعه

لوجين : زين عرفت الفرق

تركي : خلاص خلي احد يوديك السوق

لوجين : امزح معاك يابو الشباب

تركي يضحك على خبال اخته

لوجين : اوووه نسيت مااتصلت لشواقه

تركي : قلت لريان بيخبرها

لوجين : ريان بيروح معانا؟

تركي : ايه فيها شي

لوجين : لا ولاشي

رن موبايل تركي : هلا ريان ....انتوا برا ...اوك طالعين

لوجين : مع السلامه يمه

ام تركي : الله يسلمك

طلع تركي من الباب وهو لابس بنطلون جينز ازرق غامق وتي شرت اسود وفيه كلام بالابيض وحزام ابيض

وساعه ابيض واسود وجزمه بيضاء وعامل شعره سبايكي ولابس النظاره وطالع جنان وشوق تناظره من

السياره وتقول في بالها ياكرهي لك ولكشختك

لوجين كانت لابسه عبايه بنقوش فوشيه وجنطه فوشيه ونظارة غوتشي ومع لون بشرتها البرونزي طالعه قمر

ركب تركي السياره : هلا ريان وش اخبارك ؟

ريان : انت صاحي ؟ صار لي اكلمك من اول ماجلست

(تركي وش فيها ماتبي حتى تتكلم معاي ماسويت لها شي ليش تعاملني كذا ااه لو تدري كثر وين احبها )

لوجين : شواقه شفيك؟

شوق (بابتسامه حلوه ): ولاشي

لوجين : ريانووه وين بتاخذنا ؟

ريان : والله لو ماكنتي اخت اعز واحد على قلبي طردتك من سيارتي

لوجين : اففف ذليتنا سيارتك وسيارتك اساسا كنا بنروح مع السايق بس الاخو تركي مصّر يوصلنا

ريان يناظر بتركي وده يذبحه وتركي لف ورا على اخته يسكتها وشاف شوق ونسى حاله ------------






-----------------------------------

ان شاء الله يعجبكم البارت

راح اكمل بعد مااشوف الردود الابداع مثلكم ^_^


تحياتنا

رجائي وام السلاليب ...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-12-2008, 10:18 PM
صورة Joey الرمزية
Joey Joey غير متصل
кάωάii..♠«
 
الافتراضي رد: رواية ملعون ابو العشق دام العشق دلعها


يسلمو على الرواية الله يعطيك العافيه موفقه بإذن الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-12-2008, 11:06 PM
رجوي 777 رجوي 777 غير متصل
©؛°¨غرامي جديد¨°؛©
 
الافتراضي رد: رواية ملعون ابو العشق دام العشق دلعها


تكملة البارت الاول ان شاء الله يعجبكم *_*


لوجين : اففف ذليتنا سيارتك وسيارتك اساسا كنا بنروح مع السايق بس الاخو تركي مصّر يوصلنا

ريان يناظر بتركي وده يذبحه وتركي لف ورا على اخته يسكتها وشاف شوق ونسى حاله شافها ووجهها وهي متضايقه وطالعه جنان مع عيونها الناعسه وانفها الطويل وشفايفها الورديه بالعربي داااخ الولد

لوجين : الووووووو

تركي انتبه لحاله : هاا

لوجين : بغيت شي ؟

تركي : ايه لاتتكلمي

لوجين : اففف ذليتونا

لف تركي قدام وريان لسا معصب فيه تركي يناظر ريان ويشوف قد ايش الشبه بين ريان وشوق نفس الشي بس الفرق انه ولد وشوق طبعا احلى منه بمليون مره لانها بنت قطع سرحانه صوت شوق

شوق : لج لج وش رايك ترجعي معاي البيت بعد مانخلص

لوجين : والله ان عمتي وحشتني

شووق : مالت عليك بس عمتك ؟ وانا ؟

لوجين : ههههههه انتي في وجهي اربع وعشرين ساعه واذا ماصرتي قدامي بالتلفون

شووق : خلاص اجل لاتجين بيتنا

لوجين : من قالك بروح بيتك بروح بيت عمتي اذا تزوجتي ورحتي بيتك ذيك الساعه اطردي بكيفك

شوق : ها ها ها بايخه

لوجين : مو ابيخ منك
.................................................. .......
في شركة العايله

فيصل جالس ومسند راسه وتعبان من الشغل وسمع احد يدق الباب

فيصل : تفضل

شادي صاحبه : هلا والله بفيصل

فيصل : هلا هلا وسلم عليه

شادي : شفيك وجهك تعبان

فيصل : تعرف شغل الشركه مايخلص

شادي : تعلمني في الشغل العمر يخلص والشغل مايخلص

فيصل : وش نسوي بعد

شادي : قوم بس نطلع نفرفش

فيصل : وين نروح

شادي : الديوانيه عند الشباب

فيصل : بمركم في الليل برجع البيت اريح شوي

شادي : اوكيه لاتتاخر علينا

فيصل : انشاء الله الا غريبه مو مع متعب ؟

شادي: خلصت شغل وطلعت ملان قلت امر عليك متعب لسا ماخلص

فيصل : اهاا

شادي : يلا اجل اخليك وبشوفك بالليل مع السلامه

فيصل : الله معاك


شادي وهو طالع صدم في بنت وتناثرت الاوراق اللي حاملتهم

شادي : اسف ماكان قصدي (وجلس يلم الاوراق معاها )

الهنوف : حصل خير اخوي

شادي : بالي كان مشغول سامحيني

الهنوف : ماصار شي

شادي : انتي تشتغلي هنا ؟

الهنوف : ايوا

رفع شادي عينه وشاف الهنوف وصار بخبر كان كانت سمراء شوي وعينها واسعه وعسليه وانفها صغير وكانت حلوه
الهنوف مدت ايدها بتاخذ الاوراق بس شادي كان سرحان فيها وما انتبه

الهنوف : اخووي

شادي انتبه : هلا

الهنوف تناظر بايده : الاوراق

شادي : هههههه اسف

الهنوف : خلاص تأسفت مليون مرره

شادي : هههههههه

الهنوف : هههههه

شادي شاف الهنوف بتمشي : ممكن اعرف اسمك لو سمحتي

الهنوف : ليش

شادي (فشل ) : خلاص خلاص اسف

الهنوف : هههههههه شكلك مصر على الاسف اسمي الهنوف

شادي : عاشت الاسامي

الهنوف : عاشت ايامك ماقلت لي اسمك

شادي : معاك شادي

الهنوف : فرصه سعيده

شادي : وانا اسعد

مشت الهنوف وشادي واقف متنح يفكر فيها *_*
.................................................. ......................

نرووح لمكان بعييد عن هالاجواء مكان اللي مايخلى من الحرام والشرب والمخدرات في شقه باحد احياء الشرقيه
كان نايم وريحة الخمر منتشره بالغرفه رن جواله وجلس منزعج يطالع فيه شاف امه المسكينه متصله اكييد تبي تسأل عنه طنشها ومارد قام وشاف الساعه 11 الصبح تأفف ورجع ينام ورن جواله للمره الثالثه قام ورد

ام سامي : هلا يمه وينك مانمت بالبيت

سامي : هلا يمه نايم في شقة واحد من الشباب

ام سامي : ياولدي تدري ان ماعندنا رجال بالبيت مفروض تنام في البيت رعبتني عليك

سامي : سامحيني يمه خلاص لاتخافي شوي وراجع

ام سامي : دير بالك على الطريق

سامي : ان شاء الله يمه

قفل الخط : يعني الواحد مايغرف ينام اففف وش هالحاله

قام بكل كسل ولبس ثيابه راجع لبيته ولامه اللي مالها غير هالولد وبنت
(سامي شخصيه بوجهين يحب امه واخته ويحترمهم ومايرد لهم كلمه بس له جانب اخر من شخصيته يتضمن الشرب وكل الحرام وراح تتعرفون عليه من خلال الاحداث )

.................................................. ........
في السوق

شووق تتكلم بصوت واطي للوجين : يعني لازم هذا اخوك يقط وجهه

لوجين : ابغي اعرف بس شي واحد ليش ماتحبي اخوي

شووق : كذا من الله ماني طايقته

لوجين : الله يعينك على حالك

ريان : تركي خلنا نجلس بالكوفي واذا خلصوا يجون لنا

لوجين سمعته : لا ياحبيب امك تروحوا هناك حق الغزل ادري بكم

ريان : انا اليوم ياتركي ناوي على اختك بذبحها

تركي : لوجينوه وشو غزل وش شايفتني

لوجين (خافت ): هاا لا خلاص براحتكم

شوق : روحوا جلسوا هناك فكونا شوي الواحد مايعرف يتنفس

تركي(تبين الراحه مني راح تشوفي ان ماخليتك تندمي على هالكلام ) : تصدقي شووق كنت توني بروح بجلس وبنتركم بحالكم بس غيرت رايي

شووق : وليش انشاء الله

تركي : كذا حاب ما اخليكم تتنفسون

شووق (اففف منك نشبه ودي بس اذبحك وجلست تناظره بنظرات الشر وتركي يشوفها ويبتسم ابتسامه تذوب )

تركي : عندك مانع ؟

شووق (تناظره باحتقار) : لا ماعندي

ريان : بل بل انتبهي لايطلع شرار من عينك

شوق : بااايخ

لوجين : شوواقه شوفي هذا المحل خلينا نروح

شوق : يلا

دخلوا شوق ولوجين المحل ووراهم تركي وريان توهم داخلين وصوت بنتين يتكلمون

البنت 1 : شوووفي الحلوين اللي داخلين

البنت 2 : ايه والله يجننون

لوجين وشوق سمعوهم ويضحكون بيشوفوا تركي وريان كيف يتعاملون مع الوضع

تركي : الله يلعن هالاشكال

ريان : بنات مافيهم حيا

البنت 1 : شوفي اللي لابس تي شرت ازرق يجنن

البنت 2 : حتى اللي لابس تي شرت اسود يطير العقل

ريان كان لابس تي شرت ازرق سماوي وفيه كلام بالابيض وبنطلون جينز وجزمه ازرق ونظاره شمسيه والشعر نفس تركي طالعين جنب بعض جناان وكأنهم اخوان

تركي : شوق لوجين ماخلصتوا

شووق (بعناد ) : لاااا اذا مليتوا اجلسوا برا

تركي (بابتسامه ) : لا عادي نجلس معاكم

شووق : اففف

لوجين : شوواقه شوفي هذا الفستان حلوو

شووق : ايه والله لج لج واجد حلو وبيطلع عليك جنان

لوجين : اخذ الوردي او الاحمر ؟

شووق : امممممم الوردي احلى

لوجين : وانا اقول كذا بعد تركي وش رايك ؟

تركي (دام قالت شووق الوردي اكييد الوردي بس عناد فيها ) : وانا وش عرفني بهالاشياء

ريان دخل عرض : الوردي خلاص يلا اخذيه ومشينا

لوجين : اففف بطلع بكيفي

شووق : خلاص اخذي الوردي

لوجين : انتي اخذي الاحمر بيطلع عليك حلوو

شووق : انا مالي خلق اشتري (وتناظر بتركي )

لوجين : افاا ليش

شووق : كذا مزااااج

تركي يبتسم : لوجين خلاص اخذيهم اثنينهم وفكينا

لوجين : اكييد باخذ لي واحد ولشواقه واحد

شووق توها بتتكلم ويرن جوالها : بطلع برا اكلم خلصوا وتعالوا لي

لوجين : اوكيك

طلعت شوق برا وتركي مو عاجبه الوضع : ريان روح مع اختك برا

ريان : ليش تبي تتكلم تلفون براحتها خلها

تركي (اخ منك ياريان كل شي عنده ايزي امووت واعرف تكلم مين )


شوق : هلا العنود

العنود : وينك مو في البيت

شووق : والله مع لج لج وريان بالسوق

العنود : ريان ؟ غريبه ريان رايح لوحده معاكم ؟

شووق (بغير نفس ) : مع تركي

العنود : ههههههه الله يخسك ليش مو طايقته

شووق : كذا المحبه من الله

العنود : ماتقول ادق على اختي تروح معاي

شووق : قلت اكيد جالسه بالمجلس مع الخطيب

العنود : اسامه راح الشغل

شووق : خلاص اجل عطيه خبر وتعالي لنا

العنود : خلاص مره ثانيه بس ياويلك اذا رجعتي البيت وماشريتي لي شي

شووق : ههههههه انتي الغلا كله اكيد بشتري لك شي

العنود : اوكيك يلا بااايو

شووق : بااايو يالغلا

شووق كانت بتمشي بس واحد اعترض طريقها

.....:هلا والله بالحلا كله

شوق : بعد عن وجهي والا

...: والا ايش ؟

شوق توها بتتكلم ويجي صوت من وراها ناظرت فيه وحست قد ايش هي صغيره قدامه كان اطول منها وجسمه مليان عضلات وكانت نظرته حاده ومعصب

تتوقعوا من راح يكون

وان شاء الله اذا شفت ردود بنزل البارت الثاني اليوم

اتمنى تفاعلكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-12-2008, 11:38 PM
صورة Joey الرمزية
Joey Joey غير متصل
кάωάii..♠«
 
الافتراضي رد: رواية ملعون ابو العشق دام العشق دلعها


تسلمييين حبيبتي على البارت
"رايحه أقرؤه ^^"


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 07-12-2008, 06:08 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: رواية ملعون ابو العشق دام العشق دلعها


’,


هلا وغلا نورتي القسم ^^
والله يعطيك العافيه
بتمني تكون كآمله

موفقه


,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-12-2008, 06:34 AM
صورة سجينة حب الرمزية
سجينة حب سجينة حب غير متصل
©؛°¨غرامي فضي¨°؛©
 
الافتراضي رد: رواية ملعون ابو العشق دام العشق دلعها


.
.

يآهلآ فيك عزيزتي
موفقه بآذن آلله
منوره آلقسم ^،^

لكِ وللجميع لآهنتم
قوانين قسم الروايات / تحديث جديد 23 / 1 / 2009 ~ الإطلاع هام و الإلتزام ضروري ~

.
.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-12-2008, 06:43 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية ملعون ابو العشق دام العشق دلعها


,’


بسم الله

يعطيك العــآفيه
موفقه إن شــآء الله بـ روآيتك


عزيـــزتي .. يآ ليت تركزين على هذه النقطه


,’



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-12-2008, 02:54 PM
اسوولهـ اسوولهـ غير متصل
©؛°¨غرامي جديد¨°؛©
 
الافتراضي رد: رواية ملعون ابو العشق دام العشق دلعها


يؤؤؤؤؤؤؤؤؤؤؤؤؤ ووووووووووووووووووين التكملة يا عسل
في انتظاررررررررررررررك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 07-12-2008, 04:58 PM
shamas shamas غير متصل
©؛°¨غرامي مشارك¨°؛©
 
الافتراضي رد: رواية ملعون ابو العشق دام العشق دلعها


....{..رجوي 777


روايتك تجنن وأحس


راااح تكون رووووعه


بأذن الله


ومتشوقه أعرف من إلي


اعترض طريقها شوق


:


بأتوفيق إن شاء الله


:


أختك شمس}...



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 07-12-2008, 08:03 PM
رجوي 777 رجوي 777 غير متصل
©؛°¨غرامي جديد¨°؛©
 
الافتراضي رد: رواية ملعون ابو العشق دام العشق دلعها


البارت الثاني كااامل لعيونكم اتمنى يعجبكم *_*

جتني ظروف للكدر مستعده
قامت تحدد لي الاحزان ميعاد
مرة مع حظي ومرات ضده
واليا تكدر خاطر القلب تزداد
في دنية خلقت على الناس نده
مردودها للخير تجرح واجهاد
إتجي على المظلوم وتبيح سده
واتجي على الظالم تساهيل وامداد
والصدق فيها ما لقى من يعده
والكذب يلقى له مع الناس شهاد
واللي فقد حق عجز يسترده
يصبح على تسديدة الدين معتاد

شوق توها بتتكلم ويجي صوت من وراها ناظرت فيه وحست قد ايش هي صغيره قدامه كان اطول منها
وجسمه مليان عضلات وكانت نظرته حاده ومعصب

تركي : خييير وش عندك

......: انت اللي وش عندك

تركي : شكلك تدور المشاكل

.....: وانت منو انشاء الله ؟

تركي: انا اللي بأدبك الحين

شوق: تركي لاتحط بالك وبال هالاشكال(وتأشر بايدها )

تركي: الا بأدبه

....: والله ماكنت ادري انها تبعك سامحني مشبه عليها

تركي : الحين اوريك كيف تشبه

شوق: تركي خلاص بلا فضايح

تركي: بس بعديها لك هالمره بس والله ان شفتك باي مكان ثاني تشبهه على قولتك بتلعن الساعه اللي انولدت بها

شوق راحت بتمشي ومسكها تركي من ايدها ولفت تناظره

تركي (اه منك ومن عيونك اللي مذوبتني ): شوق منو هذا

شوق (انصدمت من حركته ومن كلامه اكثر وقالت بكل عصبيه ): اولا اترك ايدي وثانيا شايفني كل يوم مع واحد ؟ انا متربيه فاهم ؟

تركي : انا ما اتهمتك بشي بس سؤال

شوق (ارتفع صوتها ): وكيف تسمح لحالك تسألني هالسؤال ؟ لاتقرب مني مره ثانيه (ومشت عنه )

ريان شاف شوق وراح لها : شواقه وينك كل هذا تلفون ؟ انتي وتركي مختفين

شوق : ريان ابغي ارجع البيت

ريان : ليش وش صاير ؟

لوجين : شوق وش فيك ؟

شوق (تتصنع الابتسامه ): ولاشي بس ابغي ارجع مليت

ريان : اوك بس خلني اشوف وين ذلف تركي

لوجين : مو هو قال بيروح يشتري من الكوفي وبيرجع

شووق(ولك عين تكذّب بعد ؟ ان ماوريتك ياتركي ما اصير شوق )

تركي : سوري بس كان الكوفي زحمه

ريان : عطني بس اللي عندك عطشاان

تركي يناظر بشوق بنص عين

لوجين : تركي وش رايك تودينا مطعم محترم نتغدا

ريان : لوجين انتي ماتنعطي وجه

شوق: خلونا نرجع البيت

لوجين : مالي خلق ارجع ملانه

شوق : تعالي عندي

لوجين : اوكيك خلاص

ريان : بل بل ماصدقت على الله

لوجين : محد طلب رايك

ريان : انا اقول لتركي مو لك

شوق :يلا بس خلصونا خلونا نمشي

تركي : يلا

................................................

بمكان ثاني في فلة ابو متعب

العنود : متعب والله مايصير كذا خلاص اخطب عمرك 26 وللحين ماتفكر بالزواج

متعب : ما ابغي اتكلم عن هالموضوع

العنود : طيب ليش ؟

متعب : مو وقته

العنود : متى وقته

متعب : اذا بخطب بجيك لعندك انتي وامي وبقول لكم

العنود : كلام السنه اللي فاتت مايمشي علي

متعب : اففففففف اتركيني بحالي تعبان ابغي انام

العنود : انا بخليك تنام بس فكر بالموضوع لاني ماراح اتركك بحالك

متعب : يصير خير

العنود : رااااااااح تفكر

متعب : اطلللللللللعي براااا

العنود : ههههههههه اوكيك

طلعت العنود من غرفة متعب وتوجهت لغرفتها دخلت ونست الباب مفتوح

العنود : الو اهلين حبيبي

أسامه : ياهلا بهالصوت وراعيته

العنود : هلا فيك اخبارك حبيبي؟

أسامه : تمام دام حبيبتي بخير

العنود : متى راح تجي ؟

أسامه : هههههههههه توني رايح الشغل

العنود : وااحشني

أسامه : وانتي واحشتني أكثر

العنود : طيب متى بترجع

أسامه : على المغرب حبيبتي

العنود : اوكيك لاتطول حبيبي

شووق ولوجين دخلوا الغرفه عرض

شووق: اسممممع كلام الحب والغرام

العنود : اوكيك اسومتي اشوفك بعدين باااي

لوجين : تعلمي ياشوقوه من الحين الاخت مدرسة ههههههه

شووق(بغرور ): هههههههههه انا ما اتعلم اعلّم

العنود : فيه اختراع اسمه باب

لوجين : ايه ادري لاتخافين مادخلنا من النافذه

العنود : بااايخه حددك

شووق : ههههههههه

لوجين : الناس يسلمون يقولون ماشفناك من زمان يابنت الخال

العنود : توني شايفه وجهك اول امس

لوجين : شواقه خلني اطلع بكرامتي

شووق: هههههههه يلا بس خلنا نروح الغرفه

العنود : تعالي انتي معاها وش شريتوا من السوق

لوجين : اشتغلوا الجمارك

شووق: بس لوجين اخذت فستان

العنود : بشوفه

لوجين طلعت الفستان من الكيس : وش رايك ؟

العنود : واااو مره حلو

لوجين : احم احم شكرا

العنود : شوقوه ما اشتريتي لي شي ؟

شووق: ماطولنا اساسا بناخذك المره الجايه

العنود : ايه بشووف

..................................................

في بيت غرور

غرور : فييييصل تعال طالع معاي الفلم اقولك رعب يجنن

فيصل : غرورو مالي خلقك انتي وافلامك اذا خايفه تشوفيه لاتشغليه

غرور(بكل كذب ): انا مو خايفه بس ما احب اشوف افلام بروحي

فيصل : ايه مبين

غرور : يلا فص فص

فيصل : منو هذا ؟

غرور: ادلعك انت وجهك

فيصل (يقلدها): فص فص وعععع ماتعرفي تدلعي

غرور: لكن انا الغلطانه اللي جايه اكلمك

فيصل : اففف خلاص بروح للشباب شوي بالديوانيه وبرجع اطالع معاك

غرور : اف منك كلمهم قول لهم مو جاي

فيصل : انا مالي خلق اطلع اساسا بكلم خالد بقوله

غرور: يلا بنزل الصاله بشغله

فيصل (ودق على خالد): هلا بخويلد

خالد : هلا وينك فيه ؟

فيصل : ماراح اجي اليوم الديوانيه

خالد : طيب ليش ؟

فيصل : ياشين لقافتك بطالع مع غرورو فلم

خالد : ههههههههه اكيد فلم رعب

فيصل : ايه اكيد هالخوافه

خالد : الله يعينك خلاص اجل سلم على بنت العم

فيصل : يوصل باااي

خالد : باااي

فيصل توه بيقوم ويسمع صوت غرور من تحت تصرخ نزل فيصل يركض ودخل الصاله شاف غرور تناظر بالتلفزيون

فيصل : استخفيتي انتي ؟

غرور : راحت عليك يافيصلوه اللقطه تخوووف

فيصل : بعيد الفلم من اول

وجلسوا يطالعوا الفلم لين مانامت غرور وظل فيصل يتابعه لوحده دخل احمد من باب الصاله شاف الانوار مطفيه استغرب شغلها كلها

فيصل : افففف جا مخرب الاجواء

أحمد : ههههههه صج مجنون مصدق حالك بالسينما ؟

فيصل : هذي أختك الغبيه شغلت الفلم وصرخت كم صرخه ونامت

أحمد : هههههههههه وانت الغبي الثاني اللي تسمع كلامها

فيصل :شنو اسوي تكسر خاطري مافيه احد بالبيت معاها

قطع كلامهم صوت تلفون البيت

فيصل : الو

شووق : هلا فيصل اخبارك ؟

فيصل : هلا من معاي؟

شووق: مالت عليك انا بنت عمتك شووق

فيصل : هههههههه ماميزت صوتك

شووق : اعترف تفكر في مين

فيصل : طووول عمرك غبيه

شووق: طالعه عليك عطني بس غرور وفكني

فيصل : اولا غرور نايمه وثانيا محد يتصل بهالوقت

شووق : والله بيت خالي وانا حره وغروروه ماترد على جوالها

فيصل : خلاص بقول لها انك اتصلتي

شووق: لا روح جلسها ابغي اكلمها

فيصل : البنت ناااااااااااااايمه

شووق : ابغيها ضروري

فيصل : اففف اوك

راح فيصل لغرور : غرور شووق تبيك بالتلفون

غرور : امممم ابغي انام

فيصل : نقول تبغيك ضروري

غرور : وش صاير

فيصل : قومي كلميها

غرور: افف قمت خلاص

شووق: هلا غرور

غرور: افف وش تبين

شووق : شوي شوي

غرور : بنااام خلصي وش تبين

شووق: بكرا الجمعه في بيت جدي وش بتلبسين

غرور : في احد قالك قد ايش انتي بايخه

شووق: الصراحه نو

غرور: انا الحين اقولك (وقربت السماعه من فمها وصرخت )ابغي انااااااااااااااااااااااااااام

شووق: هههههههههههههههه اذني ابغيها احتاجها بالحياه

غرور: خلصي وش تبين

وجلسوا يسولفون لين مانعست شووق وقفلت السماعه ونامت بكل تعب
.................................................. .....

يوم الجمعه الكل مجتمع في بيت الجد

متعب : تو مانورت السعوديه يايبه

الجد : منوره بوجودك

متعب : اخبارك الحين صرت احسن ؟(متعب يسمي جده يبه لانه اول حفيد بالعيله وتعود يناديه كذا )

الجد : الحمد لله

متعب: عسا بس ماتعبت ؟

الجد : والله لو متعالج بالسعوديه احسن مايفرق شي

متعب: لا يايبه هناك علاجهم احسن

دخل ريان عرض : ايه هناك احسن

متعب : الحين انت ليش قاط وجهك ؟

ريان : بكيفي جدي مو بس جدك

الجد : هههههههه خله يامتعب

ريان : شفت ؟يلا بعد عن وجه جدي غثيته

متعب : شنوو

ريان (خاف على عمره ) :امزح معاك يا اخوي وش فيك

شووق: متعب وش فيك لازق بجدي خلنا نسولف معاه شوي

متعب : انتوا تتعبونه اكثر

ريان (بصوت خفيف ): شكله مصدق حاله دكتور

شووق: هههههههههه لاتتمسخر على اخوي

متعب: شنو يقول؟

ريان : ولاشي ماتعرف اختك كذابه ؟

الجد: والله انكم مونسيني

لوجين : واحنا جدي وين رحنا ؟

الجد : انتوا الغلا كله

لوجين : احم احم سمعتوا ؟

دانه (بنت عمة لوجين وطبعا بنت خالة شووق) : ماالت مصدقين حالهم

ساره (بنت عمتهم الثانيه ): ايه والله

لوجين (ضحكت بصووت عالي ): من الحرره

دانه : ماخذه بروحك مقلب

فيصل : شعندك لوجين ضحكينا معاك

شووق(تضحك ): ولاشي بس دندن وسويره غيرانين

فيصل : صحيح غباء

متعب : خلاص سكتوا شوي لاتتعبون ابوي

الجد : خلهم يامتعب وحشوني حيييل

متعب: ماقلت لهم شي بس خلهم يخفضون صوتهم على الاقل

لوجين (اكيييد يقصدني ): صوتنا كذا خلقة ربنا

متعب (ناظر فيها وهي جالسه بعبايتها وحاطه رجل على رجل ): محد كلمك

لوجين : انا بتكلم براحتي

متعب ابتسم لها ولف على جده : يبه اذا ازعجوك بس قولي وانا اوريك فيهم

تركي: ههههههههه وش عليك ياجدي وعندك مدافع جالس لنا بالحلق (ناظرت فيه شوق وابتسمت له )

الجد : ههههههههه الله يخلي متعب مو مقصر

فيصل (يكلم ريان ): بس يبغي جدي يمدحه

ريان : ههههههه وانت ليش غيران ؟

فيصل : مو غيران ولاشي

ريان : تركي ؟

تركي (ليش تناظرني ببرود وكأنها ناويه على شي ؟ انا غلطت في حقها صحيح وكنت غبي يوم اسألها هالسؤال بس ليش تبتسم لي قبل شوي والوضع كأن عادي ااخ من عينك انا متأكد وراك شي ياشووق الله يستر )

فيصل : تركي بعالم ثااااااني

ريان : الووووووو وين وصلت

تركي: هاا كلمتني؟(جلسوا يضحكون ريان وفيصل عليه )

دخلوا ابو خالد وام خالد وخالد واخته جنان

ابو خالد : الحمد لله على السلامه يبه

الجد : الله يسلمك ياوليدي

ابو خالد : انشاء الله احسن ؟

الجد : الحمد لله

وسلموا الباقي على الجد

غرور: وينك جنان مالك صوت امس بالمسن

جنان : امس كنت تعبانه ومالي خلق اشبك

وكملوا سوالف لليل

..........................................

عند الحريم والبنات

ام دانه : والله يايمه كنا بنجي لك من اول مارجعتي انتي وابوي بس ابو دانه مسافر

غرور(بصوت خفيف ): وش شغلة السايق ؟

شووق: ويعني انتي صدقتي خالتي انها كانت بتجي من اول ماجاوا؟

لوجين : ههههههه ايه والله صادقه

دانه : وش عندكم تتكلمون بصوت خفيف ؟

غرور: ياشين اللقافه

ساره: ماله داعي تتكلمون بصوت خفيف قولوا ماتبغونا نسمع

لوجين : والله بكيفنا

جنان: خلاص وش فيكم كله مناقر؟

دانه بتتكلم وانفتح الباب وكان مشعل خالهم داخل

شووق: اهلييييين يامشعللها

مشعل: ههههههههه انا خالك تخلخلت ضلوعك

شووق: ندلعك يا خالو

لوجين : وش اخبار الجبيل ؟

مشعل : والله كله شغل بس انتظر يجي اسبوع الاجازه عشان انزل

شووق: وتوك متفرغ جاي ؟ الحين بنطلع

مشعل بعد ماسلم على كل اخواته : وليش كلكم بتطلعون ؟

شووق: بكرا دواماااات

مشعل : اليوم مافيه طلعه النوم هنا

لوجين : والله كان ودنا بس بكرا اول يوم بالجامعه

مشعل : اول يوم مو مهم اهم شي انتي وشوق وغرور وجنان اليوم عندنا

دانه : يمه خلنا نقوم نطلع احسن لنا

مشعل (نسى دانه وساره ): واكييد دانه وساره معانا

ساره: لاشكرا

دانه : مايحتاج اهم شي الحبايب عندك احنا مانكسل دواماتنا على شي فاضي

غرور: بالطقاااق كل ماقل العدد زاد المرح

شوق ولوجين : ههههههههههههههه

دانه : ضحكتوا بلا ضروس

ام دانه تنادي على دانه من اخر الصاله : دانه حبيبتي السايق برا يلا

دانه : ساره تعالي معاي البيت

ساره: اوك بس بقول لامي

دانه : بااااي يامتخلفات

شووق: التخلف حق اصحابه

رن جوال لوجين وكانت رهف متصله راحت لمدخل الصاله عشان ترد وصدمت بمتعب

لوجين : اااه وجع

متعب حسبها اخته شووق وتوه بيتكلم ورفع عينه وشاف لوجين لوجين تمت تناظر بعينه وهو يناظر بعينها
قطعت عليهم دانه

دانه : وش قلة هالادب واقفه مع متعب ومن دون عبايه بعد ؟

متعب لف بسرعه ورجع للمجلس ولوجين ظلت واقفه

دانه : انتي تأدبي شوي دامك جالسه في بيت جدي واذا طلعتي برا لفي على اولاد الشوارع مو جايه تلفي على متعب ....

توها بتكمل وجاها كف ........................

تتوقعوا من اللي عطا دانه كف وش راح يصير بين متعب ولوجين وشوق وتركي انتظر ردودكم












Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم