رواية تعب قلبي كثر ماهو يتألم روايه سعوديه روعه

[كيف هانت دمعتي بعينك]

السلام عليكم في البدايه تقبلوني كعضوو خفيف على المعده والقلب


ثاني شي جبت لكم روايه جوونان بليز ابي آراءكم فيها بليز


تعب قلبي كثر ماهو يتألم

--------------------------------------------------------------------------------


تحية عطرة .. مليئة برائحة الورود الزكية

انثره إلى كل عضو من أعضاء هذا الصرح الشامخ برواده الكرام وبإدارته المميز

أخوتي الأعضاء أتمنى ان يكون لي مكانً بينكم في هذا المنتدى المميز وبهذا القسم خاصة

وأتمنى ان اكون عند حسن ظنكم


أختكم تعب قلبي

[كيف هانت دمعتي بعينك]

لفصل الاول .....

في لندن كان واقف يكلم مضيفة الطيران.. فجأة!! حس بحركة خلفه التفت خلفه كان رجل يحمل مسدس مضيفة الطيران تصرخ !!!

لاااااااااااااا الرجل المسلح اسكتي ولا كلمه ولا ثورة المسدس عليك مضيفة كانت أجنبيه كانت متفهم عربي استمرت بالصراخ ضغط ع الزناد وقتل المضيفة!!!

رجل إلي كان مع المضيفة وهو يحاول يهدي المجرم ويطلب منه يحط أسلاحه ووعده بأن يساعده ...........

ضحك المجرم اسكت لا ألحقك فيها كانوا الناس إلي بالطائرة من الخوف كل واحد جالس بكرسيه ....وساكت في بنت من إلي موجودين بالطائرة

جاها صرع انتبه المجرم لف رأسه الي اليسار الشاب خذها فرصه بأن يسحب المسدس !!

من يده ووجه نحوه المجرم بس ع قولتهم يا فرحة ما تمت كان المجرم الثاني وراء الشاب بضربه قويه في رأسه خلت الشاب يفقد وعيه !!!

كان أربع خاطفين لطيراه قرر أنهم يرموه الشاب من الطيارة لان وجوده خطر عليهم لما فتح عيونه وجد نفسه مربوط وجد صعوبة

أن يشوف بشكل واضح كانت الضربة إلي برأسه قويه مسكه واحد من شعره لحين بنهيك من الدنيا فتحوا باب الطائرة برموت فجاه !!!

فتح عينه لقا نفسه في فراش وحوله أجهزه كان تفكيره مشوش وصداع إلي برأسه منعه من انه يشوف بشكل واضح

لحد اتضحت الصورة له بعدها انتبه إن إلي مر فيه كله كابوس كان في الغرفة ممرضه وحده ودكتورين كان واحد منهم بريطاني والثاني سعودي قرب الدكتور البريطاني

hi man how are u now are u fell better

الشاب yes i,good but what happing ] why i here and i cannot remmber any thing

الدكتور السعودي اتجه ناحيته أنتا في المستشفى بلندن وجدك ولد حلال جنب البحر وجابك لهنا عندنا على فكره!!

أنت وش اسمك الشاب يطالع الدكتور وبخاطره اسمي وهو يحاول يتذكر بس ما قادر يذكر أي شي حتى أهله ما يدري من الشاب ..؟؟

دكتور أنا وش اسمي وأهلي وينهم وليه أنا هنا دكتور أرجوك ساعدني ما ذكر أي شي الدكتور ......

أنت ارتاح الحين بعدين نسألك الدكتور متجه للباب يطلع . الشاب لحظه دكتور كم لي انا هنا بالمستشفى .الدكتور سنه تقريبا !!!

خرج الدكتور ... والشاب كان مصدوم سنه سنه في غيبوبه حس أنا الدنيا تلف فيه وراسه بد بصداع من الأفكار الي كانت تجي برأسه مو عارف وش يسوي

مين راح يساعده ولا عارف هويته لاحظ يده الملفوفة بشال كانت تألمه بشده مو قادر ليتحمل وجع رأسه


ولا ألم يده دخلت عليه الممرضة ع صراخه ظل يصرخ لحد ما أعطته النيرس أبره مهدأة وفي نفس الوقت تخفف عنه الوجع ارتاح ونام .
.
.
.


أخوتي الأفاضل هي محاولتي الأوله بالكتابة وأتمنى أن تنول على اعجابكم وللقصة أجزاء وشخصيات انتظروني



أختكم

[كيف هانت دمعتي بعينك]

اهلا وسهلا بيكم من جديد
~*¤ô§ô¤*~الفصل الثاني ~*¤ô§ô¤*~
الشخصيات :
{عائلة ابو طلال }
في السعودية عا صمة الرياض
( طــلال ) .. الابــن الاكبر عمره 27 سنه كان يعاون ابوه بالشركه عائلة ابو طلال كانت عائله
مشهووووور ه وبالخصووووص كانت لهااا سمعه طيبه وهم من عائلة شيوووخ..
( نـواف) الولد الثاني عمره 24 سنه ويدرس دكتوراه وهو مسافر بكندا يكمل دراسته
نواف رجل مغرور كان يشوف الناس من فوق ..
( عبد الله ) ..الولد الثالث يدرس بالثانويه عمره 17 سنه في ثاني ثانوي صحيح انه صغير في
العمر لكن كبير بعقله ماكانت اموال ابوه تهمه كثر نواف لانه يحب يكون نفسه ويحلم انه
يكون طيار .
(ريفــان) .. عمرها 21سنه وتدرس جامعه قسم ادب انجليزي ريفان بنت هادئه بس تكون مع
صديقتها عهوود تكون مرجوجه تحب الضحك ماتحب تنكد ع احد حتى لو كانت زعلانه
ومضايقها شي، كانت كتوومه احلى مافيها شعرهاا الناعم لونه اسود مثل سواد الليل
وعيونها المرسومين رسم كانوا ماشا الله مكحلين من خلقة ربنا << ع قولة المصرين
ورموش عيونها طوال لون عيونها سود وفيهم لمعه اللي يناظرهاا مايشيل عينه من عليها لونها خمري ..
( ريم ) ..عمرها 17 سنه تدرس ثانوي هي التوأم مع اخوها عبد الله بس ريم كأنثى اجمل
منه كان شعرها طويل مره يوصل لي ركبتها ناعم وطويل مره وجسمها حلو ورشيق.

((باقي الشخصيات راح تعرفونهم من القصه ))
{ في بيت ابو طلال }

ريفان تدخل البيت توها جايه مع السواق من الجامعه وتعبانه مره لان رئيسة القسم حقهم
مشدده عليهم بكل شي بالخصوص الجدول ماتخليهم يطلعون على البيت الا ثلاث العصر
ريفان تدخل البيت تنادي: دونين جونيت اففففففف ذي ماترد!!
جونيت : نعم ماما . . .
ريفان :حطي لي غدا وبسرعه ابروح اتروش وبجي اكل طيب ؟
جونيت: ماما اليوم كدا لحم انت مايهب لحم ....
ريفان :طيب وليه طابخين لحم تدرون ما احبه سوي لي اي شي .....
ريفان تصعد لفوق تروح جناح امها : يمه ..يمه .. وينك ؟؟؟؟؟؟
ام طلال : نعم يمه توك جايه وش فيك ......
ريفان : ايه يمه وش فيكم طابخين لحم ، اليوم وانا تدرين فيني ماحب اللحم؟
ام طلال : ابوك قال بيجي بيتغدا ويانا .
ريفان : غريبه ابوي بيتغدا معنا ؟؟؟؟؟؟
راحت ريفان لجناحها طبعا بيت ابو طلال كان كبير مره كان مخصص لكل واحد منهم جناحه
الخاص هذا غير الديكور اللي يدهش اي واحد يمر من جنبه يتمنى يشوفه من الداخل .
ريفان نزلت تتغدا بالمطبخ ، وريم توها جالسه من النوم ...
ريم : وش صاير وش فيكم ؟؟؟؟
ريفان : ايه انتى نمتى ولا عليك ومرتاحه وانا المسكينه مقهوره اللي اكرف بالجامعه الحمد لله
والشكر .. حتى الاصنصير عطلان نصعد لـ الطابق الرابع .، ماني عارفه اهم مالقو غير قسمنا
يحطوه باخر دور وربي رجولي تألمني ..
ريم : ههههههههه وأحد طقك ع يدك قالك تكملين اجلسي بالبيت احسن
ريفان : اقول يازينك ساكته مليون مره اسمع اصطوانتك ماتغيرت ؟
ريم : وانتي كل يوم ع ذا الحال حتى حسناتك بيخلصون وانتي تحشي في الحرمه
لاصبح ولا عصر بس خليني اروح انام ازين لي .

خلصت ريفان الغدا وراحت لجناحها كانت الغرفه ظلمه وبارده حطت كل ثقلها ع السرير ونامت
نوم عميق من التعب كانت علاقة ريفان مع ريم علاقه قويه مره ، كانوا كل يوم يتخانقون دايم
بس بالاخير كل وحده قلبها ع الثانيه مايقدرون يزعلون على بعض .
. . . . . . . . .
( في شركة ابو طلال)

السكرتير سعد دخل المكتب ع ابو طلال: لو سمحت طال عمرك هذا البريد عمي ويحتاج توقيعك.
ابو طلال : وش صار على المناقصه رست على اي شركه ؟؟؟
سعد : طال عمرك انا سمعت من مصادري الخاصه انهاا ان شا الله راح ترسي على شركتكم طال عمرك .
ابو طلال: خذ البريد ونادلي طلال
سعد : ابشر طال عمرك تامرني شي قبل اطلع عمي.
ابو طلال : لا . خلاص روح مكتبك ..وسكر الباب وراك
دخل طلال المكتب وسلم ع ابوه وباس راسه جلس ع الكرسي : ها يبي طالبني ،
آمر انا من يدك ذي قبل ذي .
ابو طلال : تسلم ياولدي ابغاك تشرف على المشروع اللي بلندن وتشوف وش ناقصه وقابل
الوفد البريطاني واتفق معهم ع السعر
طلال : ان شاء يالغالي . طلال وهو واقف :ماتوصي شي ثاني يبه ...
ابو طلال : لا . ياولدي ، تقدر تتوكل الحين.
. . . . . . . . .

( في بيت ابو طلال)

ريفان كانت جالسه بغرفتها تذاكر الامتحانات على الا بواب وتبغى تخلص جزء من المواد
بالفتره الي بتجي دق الباب
ريفان : من .. ؟؟
: انا ريفووووو ...
ريفان : وش بغيتي ريم؟؟
ريم : ابي اسولف مع اختى ؟
ريفان : طيب ادخلي .
دخلت ريم مع ابتسامتها وجلست بسرير جنب ريفان : وش تسوين ريفان ؟
ريفان :جالسه اقشر بصل ..؟؟ .. وش تشوفين جالسه اذاكر ...!!
ريم : اهب عليش ياختى ذكرتيني بمصريه عندنا ماتترك الكتاب لحظه وحده ايه اختي اعرفك
بالدراسه مصريه ماشا الله عليك
ريفان رمت المخده بو جه ريم
ريفان : والحين انتي جايه تغثيني وتعطيني عين بذا الكلام يمه منك قول ماشا الله انا ما ابغى
احمل ماده لان تدري ان حملت مافي سفره بالصيف .يالله قومي خليني اخلص ...!
ريم بدلع :ريفوو والله زهقت ونا اذاكر خلينا نتمشى نروح اي مكان ...
ريفان: وين تبينا نروح بذا الليل اذا اصبحنا بكره رحنا
ريم : بس انتي راح تروحين الجامعه وتتعبين بس راح تجين ..
ريفان: لا بكره ماعندي محاظرات ريفان تشهق وتفتح عيونه ...
ريم :وش فيك ريفووو ؟؟؟؟؟؟
ريفان :. ياويلي الخمس دقاايق خلصت الي عطيتك اياها وتاخذ ريفان المخده وتضرب اختهاا يالله اوت يالله ..
ريم : وهي تحاول تتصدى ضربات اختهااا بس خليني .
ريفان ماعطت لريم فرصه طلعتهاا بره وسكرت الباب وتسندت ع الباب وجلست تضحك على
حركات اختها ...
. . . . . . . . .

لندن بعد مرور شهر تقريبا

كان جالس متمد بالفرااش يحاول يذكر اي شي من الماضي
: وين اهلي ؟؟ ومن انا ياربي ؟؟؟
راح ينفجر راسي من كثر التفكير كان يجيه بين فتره والثانيه صداع غريب ،
ألم قوى يمنعه من انه يشووف بشكل واضح كانت تلف به الدنيا من الوجع اللي يجيه
جاه الدكتور البريطاني : hi how u doing now >>>.>
الشاب : i,fine but i fell very pain in my head
الدكتور : i give u assprin and u fell good
عطته الممرضه اسبرين مرة اربع ساعات لكن الالم لسى موجود ماكن ينفع لوجع
راسه اسبرين .
كان ينام بـــصعوبــــهـ ..
. . . . . . . . .

الرياض {في المدرسه الثانويه }

في الفصل بدأت الامتحانات كان عبد الله حاط كل تركيزه على الورقه لانه حريص على
الدرجات جا جنبه المدرس شاف تحت كرسي عبد الله ورقه
المدرس طالع عبد الله ..: عبد الله وش ذي الورقه ؟؟.
عبد الله :و أنا وش مدريني استاذ ...!!!!
المدرس : انا شايفها تحت الكرسي حقك وماتدري لمين ؟؟؟ عبد الله ... ؟؟
استاذ: مدري عنها صدقني ...
المدرس سحب ورقة عبد الله :اسف عبد الله ما اقدر اخليك تكمل الاختبار روح لمكتب المدير ..
عبد الله قعد يقنع المدرس ان الورقه مو حقته بس المدرس اصر انا يروح لمكتب المدير
....... عبد الله توجهة لمكتب المدير ............

وش تتوقعون راح يصير بعبد الله وهل الورقه حقته او...لا ؟؟؟؟؟؟؟
والغريب الي بالمستشفى وش راح تكون حالته وهل بترجع له الذاكره

[كيف هانت دمعتي بعينك]

كان متجه لمكتب المدير وهوعارف من اللي حطله المصيبه ذي، كان يعرفه سلطان ولد عمه ،
سلطان ولد عم عبد الله كان مايحب عبد الله ولا سيرته، يحاول يسوي أي شي المهم يدمره دق
باب مكتب المدير .....
المدير : تفضل .
عبد الله دخل : السلام عليكم .
المدير : هلا عبد الله خير اليوم مشرفنا بالمكتب .
المدير كان رجل طيب ويحب عبد الله لان عبد الله كان معروف بحسن سلوكه و شطارته كان
دايم يطلع الاول على كل المدارس .
عبد الله شرح للمدير اللي صار .
و كان يقدر بمكالمه من ابوه ينهي السالفه بس عبد الله كان ولد ذكى يحل مشاكله بنفسه
مايعتمد على منصب ابوه .
كتب المدير ورقه وطلب منه يعطيهااا لاستاذ يوسف .
المدير : خذ عبد الله روح كمل اختابارك ولو لا معرفتي فيك ماخليتك تكمل اختبار ونادلي
استاذ يوسف بعد مايخلص الاختبار ..
عبد الله : شكرا استاذ على تقتك وهذي ثقه اعتز فيها .

طلع عبد الله من المكتب بطريقه شاف سلطان واخوياه مر من جنبه وكأنه مو شايفه، سلطان
انقهر .
سلطان : ايه واسطات اكيد كا العاده مر الموضوع ع خير ايه اللي يعتمد على باباه . . .
(ويوجه الكلام لخويه) بطنز وش يكون يا حمود ؟؟...
حمود : هههههههه يكون اخرطي ..
عبد الله مسك اعصابه وبخاطره (مابحط عقلي بعقلهم خلها تعدي الاختبارات على خير)
سلطان : شفت ياحمود مثل كل مره اخ بس اخ ماتتخيل كيف قاهرني ؟؟
ولا لا ياتركي .. تركي مو عاجبه الوضع ومخططاتهم اللي ماتخلص بس كان ضعيف شخصيه
وماعنده اصدقا بالمدرسه غير سلطان وحمود .!
تركى : سلطان وش راح تستفيد من هذا كله وانت كل ماحطيته بمصيبه طلع منهاا .
سلطان : اسكت لاتقهرني انت الثاني انا اكرهـــــه ..ليه ؟؟ هو وش زياده عني!!
وحنا من نفس العائله غير حظه ان ابوه عنده فلوس وحنا لا ..!!
تركى كان جار سلطان بيتهم جنب بيت سلطان ، وتركى كان عارف انا ابو سلطان خذ نصيبه
من الورث وضيعه في الشراب .. بس سلطان مو معترف بذا الشي كان يقول نفس مافهمه ابوه
ان عمه ماعطاهم غير مبلغ صغير يدبروا به انفسهم وسلطان مقرر يساعد ابوه يستعيد حلال
ابوه رمى الزقاره اللي بيده ومشى وقلبه مليان حقد ع ولد عمه راح وماعبراخوياه ..

. . . . . . .

( في بيت ابو طلال)

ريفان وصلت البيت كان اخر يوم اليوم من اختبارتها خلصت دخلت البيت وهي تركض
لجناحهاا اخذت لها شاور ولبست جنز مع بلوزه حمرا طويله وفيها بعض الزخارف بجهة
الصدر سمعت جوالها يدق ابتسمت اول ماشافت الشاشه ...
وتر د وتسوي نفسها مالها خلق : الووووووو خير ..
: خير بوجهك يالدبه ههههه ..
ريفان : مامدى اشتقتيلي توي ماشيه من عندك .
عهود : هههههههه ايه وحشتيني وهي تقلد مصري وحشتيني يا احلى دبه .
ريفان : افففف دبه ودبه شايفتني برميل زيت دبه بعدين خليت الرشاقه لك .
عهود : ههههههههه الله يرجك بعلبت برميل زيت واللي تتكلمين عنه الحين .
ريفان : و أنتي معي لاني احب اي خطوه اخطيها لازم نكون مع بعض ^_^
عهود : هههه وجعوووو وش انا معك انا ابي لك الخير بس انتي وبعدين حتى اذا تزوجتي
بترضين اكون ضرتك هااااااا
ريفان : اوكى راح احط علي عرض الي بياخذني معي وحده مجانا بدون مهر .
عهود : وتسوي نفسها معصبه دبه انا تقدميني فري بدون مهر ولا اسوى شي ؟؟
ريفان : ههههههههههه انتي اللي بديتي ، والبادي اظلم .. يالله بس انتي هذاره ، وسوالفك
ماتخلص بروح اتغدا جوعاانه .
عهود : ايه همتي دبتي ، مو اعرفك تحبين الاكل انتي والمشكله جسمك مايتغير رويانه
ماتـطلع لك مخدات مثل المسكينه عبير، محرومه من كل شي حتى نفسها بالشيز كيك اللي
سويته امس ما اكلت منه خايفه ع جسمهاا
ريفان : يمه منك قولي ماشاء الله انا عارفه انتي عينك حاره .
عهود : طيب احطها بالفريز وتبرد
ريفان : ( ضحكت بداخلها ، بس سوت نفسها انها ماتضحك) : يابـيـاختك ياشيخه لاجيتي
تـنكتين وتخففين دمك .
عهود : كر كر كر زحكتيني انااا عهود الكل يشهد ع خفة دمهااا .
ريفان : طيب ياخفيفة الظل بروح اتغدا خلي النكتة حقك بالليل .
عهود : ههههه اوكى طيب يالله توصين شي ؟ ..
ريفان : لا عهدووووو
( وتسكر قبل ماتسمع الرد من عهوود لانها عارفه عهود ماينرفزها الا اللي يقول اسمهاا عهدووو )

راحت الصاله عشان تتغدا شافت ريم معصبه راسها بغطوتها وماسكه كتاب تذاكر لسى

[كيف هانت دمعتي بعينك]

المدارس ماخلصوو امتحانات .
ريفان : هاااا اشوفك معصبه[/size] [size="5"]راسك ...
ريم وهي معصبه : ريفانووو بالله حلي عني تره ماني ناقـصـتك كفايه الاخ اللي جالس جنبي
مجبوره اقبله وهو ثقيل دم وتأشر ريم على الكتاب .
ريفان : هههههههه كتاب صار اخ هههههه ؟؟
(قاطعهم عبد الله توه جاي من المدرسه رمى الغتره على الكنب وجلس تمدد فيها )
عبد الله : افففففففففففففففا
ريفان : هااا كملت .!! وش فيك بعد ياحظي ؟؟
عبد الله وهو معصب : ريفان مالي خلقك اسكتي ازين والله واصله معي لصفر .
(ريفان مستغربه اول مره اخوها ينررفز اكيد فيه شي)
ريفان : عبووودي وش فيك ...؟؟
مارد عليها اتجهت ناحيته وجلست جنبه وهي تطالعه : سلطان صح .. ؟؟
عبد الله : ايه سلطان انا مدري ليه يكرهـني مع اني حاولت اكثر من مره اتقرب منه ،وهوو
يصد عني ، واليوم حط ورقه تحت الكرسي والاستاذ اتهمني بأنها لي انا ، وانا حلفت له انها
مو حقتي
ريفان ... وريم كـانوا يسمعون عبد الله وهم متفاجأين !؟!؟؟!؟.....
ريم : وصلت عنده يحط ورقة تحت كرسيك ويتهمك بالغش ؟؟ ياهذا ها السلطان واقف
بـبلعومي انا ماعمري شفته .. بس اشوفه ابفرشه بالارض واخذ ااي شي ابظربه به ..
ريفان : اركدي بس كان غيرك اشطر وهي تأشر على عبد الله .
عبد الله: وربي ياريفان اقدر اغير ملامح وجه بس ما ابي احط عقلي بعقله ولا ابي ازعل
ابوي؟
قام عبد الله واخذ غتـرته : ريفان خلي جونيت تحط لي غدا .
ريفان : طيب .
ام طلال (دخلت الصاله شافتك ولدهاا صعد الاصنصير و وجهه متغير جلست على الكنب) :
وش فيه اخوك وجهه قالب؟
( ريم قامت جلست جنب امها وقالت لامها السالفه )
ام طلال : حسبي الله عليه وهذا مابـيترك ولدي؟؟ ..
ريفان : يمه خليه بـيـجيه يومه ع الي يسويه

[الزعيـ A.8K ـمه]

,’


بســـم الله

حيـــآك الله عزيـــزتي بيننـــآ
إن شـــآء الله تلآقين الله يرضيك بـ غرآمنــــآ


يعطيك العـــآفية
موفقة إن شــآء الله
و يآ ليت توضحين لنــآ إن كآنت من كتآبــآتك أو منقوله ؟

لـ الجميـــع ...
قوانين قسم الروايات / تحديث جديد 23 / 1 / 2009 ~ الإطلاع هام و الإلتزام ضروري ~



مية أهلين و سهليــــن



,’

[آلشقرآ .~]

،‘

يعطيك العافيه

بالتوفيق ان شاء الله

عسآك ع القوهـ



،‘

[سجينة حب]

.
.

يآهلآ فيك عزيزتي
آن شآء آلله تلآقين آلتفآعل آللي يرضيك غنآتي
موفقه بآذن آلله
منوره آلقسم ^،^

.
.

[VEN!CE]

,’



حياك ومنوره القســم
الله يعطيك العافيه

موفقه : )

[كيف هانت دمعتي بعينك]

تسلمون حبايب قلبي


في البدايه أحب أشكركم بتفاعلكم معاااي وثاني شي أنا حبيت منتداكم موووت



وما أنسى عزيزتي الزعيمه ماقصرت أشرفت على قسم الروايات بشكل حلوووو وجميل



ثالث شي الروايه من كتاااباتي وأرجو أن تنال أعجابكم ولاني كاتبتها في منتدى ثاني النك حقي تعب قلبي


أما هنا حبيت ذا النك وحبيت يكون نكي في منتداكم كيف هانت دمعتي بعينكم تقبلوو مروووري