اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 101
قديم(ـة) 24-01-2009, 07:19 PM
صورة احلى شقاوة الرمزية
احلى شقاوة احلى شقاوة غير متصل
©؛°¨غرامي مشارك¨°؛©
 
الافتراضي رد: عليك قلبي من حرقه الشوق خفاق كامله


يعطيك العافية
بس بلييييييييييييز تركي لايموت
ننتظر البارت القادم
وتسلم يديك يالغلا



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 102
قديم(ـة) 25-01-2009, 09:17 AM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: عليك قلبي من حرقه الشوق خفاق كامله


يسلموووو علي الردود


*&$#^الجزء الرابع عشر^#$&*


الفصل الثالث..............

البندري قامت من النوم تحس بتعب/ فيصل..فيصل..

فيصل طلع من الحمام / شفيك.؟.

البندري/ فيصل احس بالم ببطني مو قادره استحمل بسرعه فيصل خلنا نروح للمستشفى..

فيصل/ اسم الله عليك ياله تعالي البسي عبايتك ..

لبست عبايتها وساعدها بالنزله وراحوا للمستشفى..كشفوا عليها وسولها اشعه وتحاليل..

وراحوا لغرفة الدكتوره..

فيصل/ خير يادكتوره..

الدكتوره/ اسمعني ياخ فيصل واسمعيني يالبندري..الجنين حالته مو مستقره وللحين الحمل ماثبت التوتر الي تعيشين فيه هو والانفعالات الزايده ماتناسب حالته ..انت باقيلك يومين وتدخلين الثالث ..هالانفعلات قللي منها عشان ماتخسرين الجنين وانت ياخ فيصل حاول تنتبهلها اكثر وتبعدها عن أي ظغط هذا اذا كنتوا تبون الحمل يتم بكره اوبعده لازم تجوني عشان اتاكد من سلامتك وسلامة الجنين والحين تقدرون تروحون..

فيصل/ مشكوره يادكتوره وطلع وهو ماسك البندري الي ماتكلمت ولا كلمه..

فيصل/ مدامنا بنفس المستشفى خلنا نمر على اصايل واسال عن حالتها..

البندري/ ايه ابي اشوفها..

فيصل/ لااسمحيلي انا مابي اخسر الي ببطنك اقعدي هنا وانا بدخل واطمنك عليها واذا تحسنت حالتها تعاليلها..

البندري جلست على الكرسي ماقدرت تعارضه بكامه لانها تحس بتعب..

دخل فيصل وشاف ام طلال ونوره عند اصايل..

فيصل/ شلونها ياخالتي..

ام طلال/ والله ياولدي قامت مرتين من جبناها وعطوها ابره ونامت..كل ماقامت تجلس تصارخ وتصيح عطوها ابره ماراح تصحى الا بكره الصبح

فيصل قرب منها وسلم على جبهتها شاف التعب الي على وجهها هو والجرح الي سوته لنفسها بالقزاز من يصدق ان اصايل تصير كذا وينك ياتركي وينك...

فيصل/ وين طلال وعمي عبد الرحمن..

ام طلال / طلال توه رايح بيجي بكره الصباح واوبو طلال تعبان مايقدر يجلس انا ونوره بنجلس عندها وهم بكرى بيجون..

فيصل/ خالتي امانه عليك اذا صار أي شيء دقي وعلميني عنها..

ام طلال/ ان شاء الله ياولدي ..غريبه البندري ماحنت عليك تجيبها..

فيصل/ هي معي بس ماتقدر تدخل تعبانه هي حامل والحمل عشان يستمر يبيلها راحه وانها تبعد عن أي انفعال..

ام طلال/ مبروك ياولدي والله يتمم هالحمل وتجيب لك ولد يسعدك ويسعدها..

فيصل استانس بالدعوه/ الله يبارك فيك ياخالتي ياله فمان الله..وطلع وراحوا هو والبندري للبيت ولقى امه وابوه وجدته الي مو من عوايدها تقعد لهالساعه...

فيصل قرر يقولهم الخبر ويفرحهم ويفرح البندري ..

فيصل/ خلود ..خلوده ..خلودي ..

خلود/ ياعيونها..وجات للصاله..

فيصل/ الحمدالله اجتمعتوا عندي كلاك بقوله لكم او بالاصح خبر..

الجده/ خير ياولدي..

فيصل ناظر بالبندري وابتسم وهي نزلت راسها لف عليهم../ البندري حامل وهي يومين ثلاث وتدخل الثالث..

خلود/ كللللللووووووش الله يفرحكم بالولد مثل مافرحتني والله من زمان عن هالاخبار الحلوه..مبروك لكم اثنيناتكم..

الجده/ الله يبشرك بالجنه مثل مابشرتنا مبروك يابنتي ..

البندري مبتسمه / الله يبارك فيك..

ام فيصل/ مبروك يالغاليه يالله عاد شدي حيلك وانتبهي لنفسك..

ابو فيصل/ ولو هالفيصل زعلك بشي قوليلي..

البندري/ فيصل يايبه مايزعلني ..

فيصل/ شفتوا بس انتوا متحاملين علي..

ام فيصل/ يله يايمه اطلعي غرفتك فوق وريحي نفسك ونامي ..

الجده/ وانت قوم خذ مرتك بسرعه ..

فيصل ناظر جدته / رجعت حليمه لعادتها القديمه,,

الجده/ شتقول انت..

فيصل/ اقول ان شاء الله..

الجده/ ايه حسبالي..

فيصل اخذ البندري الي كانت الابتسامه شاقه حلقها دخلوا غرفتهم ولقوا غلا نايمه زي ماتركوها..فصخت عبايتها وخذت ملابسها وراحت الحمام تسبحت ولبست بجامتها وطلعت ..

شافها فيصل الي كان يلعب غلا ابتسم من قلبه..

فيصل/ دوري.واخذ بجامته ودخل الحمام ربع ساعه وطلع..شاف البندري معطيته ظهرها ومنسدحه على السرير وغلا بسريرها نايمه..

فيصل جلس على السرير وقرب من البندري..وقبل مايتكلم تكلمت البندري..

البندري/ فيصل..يمكن كلامي ماله داعي بس بقوله وانت لازم تسمعه..الي صار لاصايل اختك مخليني احمد ربي كل وقت انكمعي وبجمبي متى مابغيتك لقيتك بقربي حمدت ربي انك مارحت مني ..هذا شيء الشيء الثاني اليوم حسيت اني حامل من صدق وفرحت بهالشيء يوم شفت ان اهلك فرحانين لي..فيصل انا خايفه يطلع ولدي او بنتي مثل غلا من جد خايفه وخايفه انه تتحطم احلامكم وتروح هالسعاده..خايفه تبعد عني لو كان هالشيء صح..فيصل كل مافرحت زياده خفت ..لاني اتذكر فرحتي الي ماكتملت بغلا..( لفت على جهة فيصل) فيصل انا احبك واحبهم ومابي احزنكم وازيد من المأسي كل يوم افكر بهالشيء من حملت وانا خايفه ..

فيصل وبكل حنان مسك يدها/ البندري..بقولك شيء يمكن تستغربين منه او ماتصدقينه بس هذا هو الصدق انا صح في البدايه ماتقبلت غلا انها تكون بنتي الي حلمت فيها 7 شهور بس الحين غير غلا صارت حياتي ومااقدر اتجاهل وجودها معي ومايهمني لو تجيبين مثل غلا عشر ولا واحد يقدر يمشي مايهمني اهم شيء انهم منك وانهماخوانلغلا وعيال لي انا..والي الله كاتبه بيصير ماانكر اني ابي اجيب ولد يمشي لكن اذا الله ماكتب لي هالشيء ماراح اعترض ولاراح ابعد عنك انا كنت جاهل او مو قادر افكر بكل عقلي بس الحين قلتلك لو كلهم مثلها ماراح اتضايق وهي ان شاء الله بتمشيء انا سمعت عن دكتور سوى مليات لناس مثل غلا ونجحت ومشوا بس هي توها صغيره لاتستبقين هالاحداث يمكن لاكملت السنتين تمشي واذا عن اهلي ماراح يزعلون او يتضايقون اذا شافونا متقبلين هالشيء وخوفك ابعديه الي كاتبه الله بيصير..

البندري قربت منه وحطت راسها بحظنه وهو جل يمسح على شعرها ويحمد الله ان البندري هي زوجته ..من جد البندري نعمه عظيمه مازعلته ولايوم ودومها تسعده وتريحه الله يخليها له ولايحرمه منها...

************************************************** *******

طلال/ ها يمه قامت..وجاته الاجابه سريعه من اصايل الي بدت تفتح عيونها ومن شافتهم كانت تبي تقوم بس شافت ايدينها مربطه بالسرير حاولت تقوم ولا قدرت..

اصايل وهي تصارخ/ فكوني ..ليش رابطيني فكوني..ابي اروحله اه ليش ماتسمعون تعالوا فكوني..

دخلت امل ومعها ممرضه وراحوا عند اصايل..

اصايل/ انتي ليش رابطتني انا مو مجنونه انا مابي اقعد هنا ابي اطلع فكيني..

امل قالت للمرضه تعطيها ابره ..

طلال/ انتوا ليش تعطونها هالابر كل شوي منومينها وين تعالجونها وهي طول الوقت نايمه..

امل تكلم الممرضه / عطيها الابره ..لفت على طلال ..ياخ طلال انا دكتوره هنا وانا اعرف شالي تحتاجه وهذا مو منوم هذا مهدئ بيهديها وبيوقف صراخها عشان ابدا اتكلم معها..

اصايل الي كانت تصارخ تعبت من الصراخ بعد المهدئ ورضت بالامر الواقع وجلست تناظر امل بتعب..

اصايل/ انا ..انا مابي اجلس هنا ابي اروحله..

امل/ ولا انا ابيك تجلسين هنا ابيك تروحين له بس مين الي تبين تروحيله؟..

اصايل/ هو حبيبي ابيه..

امل/ وهو وينه..

اصايل/ وينه؟..مادري ماجابوه خلوه..

امل/ وين خلوه؟..

اصايل/ مابي ابيه وجلست تصيح ..

امل/ قوليلي من الي خلاه ووين خلوه وليش خلوه عشان اجيبه لك..

اصايل/ انتي كذابه ماحد بيجيبه لي هو بعيد وانتي ماتعرفينه..

امل/ قوليلي عنه سولفيلي..

اصايل وهي تصارخ بتعب وتبكي/ مابي اتذكر مابي شيء مابي احد ابيه هو ابي اخرج من هنا طلعوني وفكوا يديني..

امل/ مااقدر اطلعك من هنا الا لما تقولين لي كل شيء من هو ووش الي وداه هناك ومين وشالي صار له وليش انتي تصيحين وتصارخين..

اصايل/ مااقدر حسي فيني ..

امل/ وليش ماتقدرين..

اصايل/ مااقدر مااقدر ومابي اقولك مابي..

امل/ وانا ماراح اطلعك من هنا او افكك الا لما تقولين لي كل السالفه انتي تحبينه..

اصايل/ مابي ارد عليك روحي عني انا اكرهك ولفت على طلال حتى انت انا اكرهك وانتي بعد تناظر بامها انتي لا لا انا اكرهكم كلكم مابي اشوفكم خلوني لحالي لاتجوني انا بس ابيه حتى انتي انتي جبتيني هنا وانتي ربطتني بهالسرير مابيك لاتجيني انا ابي اروحله ابي اموت معه مابي اقعد عندكم انتوا ماتحبوني روحوا عني كلكم..

امل/ لو سمحتوا استنوا برى شوي..طلال طلع مغصوب مع امه الي جالسه تصيح

امل خلت الممرضه تعطيها منوم و قربت من اصايل/ اسمعي هذول ناس يحبونك وانتي تكرهينهم جابوك هنا عشان ترجعين اصايل الاولى بس انتي ماراح ترجعين ولاراح تطلعين ولاراح افكك الا لما تقولين لي..

اصايل صدت على الجهه الثانيه ودموعها تنزل وغمضت عيونها ونامت ..

امل طلعت برى الغرفه.وراحت لطلال وامه الي يناظرونها من القزاز ..

امل/ ابيكم تسمعوني زين اصايل لازم تتكلم وتقول كل شيء صار لها لانها لازم تحس انها تعيش واقع مو خيال هي الحين مو مصدقه كل الي صار ومي مستوعبه الصدمه وهذا الشيء لازم يتصلح عشان اقدر اعلجها لازم هي تقولي وبنفسها ..انتوا اتركوها يومين او ثلاث من دون زياره لانها ماراح تستحمل زيارتكم لها..

ام طلال/ مااقدر اتركها لحالها ولااقدر اني ماشوفها..

امل/ لازم ياخالتي ادري هالشيء صعب بس لازم..هالشيء بيخلي حالتها تتحسن..

ام طلال/ الله يسمع منك..

طلال كن يناظر باخته وناسي الدنيا مستحيل تكون هذي اصايل الي كانت تستهبل عليه وتسولف معه وتضمه وتتعلق فيه وهو يشيلها ويلعبها مثل الاطفال ..مو قادر يفكر كلمتها انها تكرهه كله لانه ما خلى تركي يقعد هنا ماساعدها وماوقف جمبها اه يااصايل لو داري ان هالاشياء بتصير فيك كان ماخليته يسافر..

رن جواله وكانت هنادي كان بيحط رفض بس قال لازم يكلمها لانه اليوم تطعيم محمد..

طلال / الو..

هنادي/ هلا طلال وينك انت..

طلال/ بالمستشفى..

هنادي/ انا مااعرف شاسوي الحين فقلت اجي بالمستشفى الي فيها ايمان عشان افتح ملف لمحمد وجيت توهم مطعمينه انت وينك..

طلال / عند اصايل ..

هنادي / كم رقم غرفتها..

طلال/ 45

هنادي / الحين بجيك ارسلت نواف للصيدليه الي تحت يجيبلي اغراض ..

شوي وجات ..

طلال شافها من بعيد وحس بقلبه احساس غريب..

هنادي/ ها شخبار اصايل ..

طلال لف يدور امه ولقاها واقفه مع امل بعيد..

طلال/ الحمد الله..

هنادي/ بترجع البيت الحين..

طلال / ايه ليش..

هنادي مبتسمه/ عشان برجع معك انا خلصت اربعيني من 4 ايام..

طلال / هنادي ماجهزت الغرفه..

هنادي/ مو لازم غرفتك حلوه مايحتاج..

طلال/ وانا هالايام مشغول..وماراح افضالك

هنادي/ عادي ياقلبي عاذرتك بس احساسي اني في بيتي الي بعيش فيه عمري كله بينسيني مشاغلك..

طلال صد عنها وهي حست انه فيه شيء ..

طلال / هنادي انا اقول تقعدين ببيت اختك احسن لك واحسن لي واحسن بعد لاختك..

هنادي انصدمت من رده..

طلال / هنادي رجعتك بهالوقت مالها داعي واحسنلك بيت اختك الظروف ماتسمح انك ترجعين بهالوقت وانا بصراحه مو فاضي لك ومو متحمل كافي اني احس انك انتي واختك لكم سبب بان اختي تصير شبه مجنونه..وتحاول انها تقتل نفسها..

هنادي وهي تحاول تنسى الكلام الي يقوله او تتناساه / بس انا شنطتي واغراضي كلها تحت بسيارة نواف..

طلال / رجعيها من المكان الي جبتيها منه وقولي للي يسالك ان الوقت مو مناسب انك ترجعين ..

خلاص هنادي ماستحملت هالصدمات الي ورى بعض ومن مين من احب الناس لها ناظرت فيه وناظرت بحمد الي نام من التعب وصدت من دون ماتقول ولا كلمه تعدت ام طلال الي نادتها ولاردت عليها نزلت تحت وطلعت من المستشفى وهي مذهوله مو مصدقه الي صار طلال ليش يسوي فيها كذا وهي شذنبها بالي صار لتركي المفروض يواسيها لانه اخوها الي راح ليش ياطلال....وقفت عند سيارة نواف الي كان جاي وراها يركض..

نواف/ هنادي شفيك وليش ماتردين علي..

هنادي حاولت تمسك نفسها/ ياله خلنا نرجع البيت..

نواف/ ليش مو رايحه بيتك..

هنادي/ الظاهر ان مافي لي بيت الا هذا للحين هذاك ماصار بيتي..

نواف استغرب كلامها بس قال/ يالله اركبي..

طول الطريق وهي ماسكه دموعها بس ماقدرت تمسك شهقاتها او تنفسها السريع..

وصلوا البيت وطلعت غرفتها فوق قفلت الباب ورمت نفسها على السرير تصيح ..تصيح صدمتها باقرب الناس لها وهو زوجها ..تصيح فرحتها الي مااكتملت وتصيح كبريائها الي انكسر ..تصيح احلامها الي كان تتخيلها وتوقعاتها الي توقعتها بهالليله لاشافها طلال ببيته بس ك شيء خلاص صاحت وصاحت وصاحت وتعبت من كثر الصياح ودخلت بنومه وهي ماتدري اذا قامت شاي بيصير..

************************************************** *******

ناصر/ هذا الي قالو لي وانا اعرف واحد بالمستشفى وسالته وقالي ..

فهد/ الحين صارت لي فرصه وفرصه كبيره اني اتزوجها..

ناصر/ يافهد يافهد ارحم نفسك وقوم من هالاحلام الغبيه يافهد حنا اخطينا ولازم نتوب..

فهد/ اقول تراك ادوشتني يوم صارت الانسانه الي ابيها قريبه مني تقولي ابعد ..

ناصر/ البنت انجنت وكله بسببك..

فهد/ راضي فيها مجنونه انا بعالجها وحتى لو ماتعالجت اهم شيء انها لي لي انا..

ناصر/ ياربي منك انا يكفي الي سويته وانا خايف من دعواتهم ومن غضب الله علينا انت تبي تكمل كمل لاكن انا لا وانا مابي أي شيء منك وانسى انك تعرف واحد اسمه ناصر..

فهد/ مو بس انساك ياناصر انسى كل شيء عشانها انا بروحلها بس مو الحين..

ناصر/ الله يهديك يافهد وطلع عنه وجلس فهد يخطط ويفكر شبيسوي الحين ..

************************************************** ****


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 103
قديم(ـة) 25-01-2009, 09:21 AM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: عليك قلبي من حرقه الشوق خفاق كامله


الفصل الرابع....................

جود / هلا سلطان ...

سلطان / هلا فيك اخبارك..

جود/ الحمد الله..

سلطان / شفيك يالغاليه صوتك مو عاجبني..

جود/ مادري سلطان احس طفشانه وملانه خلاص الكابه بتذبحني,,

سلطان/طيب وش رايك بالي يطلعك اليوم ويمشيك بالممشى..

جود/ قول والله...

سلطان/ والله ها شقلتي..؟.

جود/ اكيد وبدون تردد بالاجابه..

سلطان/ خلاص اجل جهزي نفسك عقب صلاة العشاء انا وبندر,,

جود/ خلاص..

سلطان / بدق على دلال واقولها تجي معنا..

جود/ ايه ماظن راكان يقول لا ..وايمان.

سلطان/ توني داق على ايمان وقالتلي ان احمد بياخذها يتعشون برى ..ودلال الحين بدق على راكان واشوف..

جود/ خلاص اجل موعدنا بعد الصلاة..يله باي..

سلطان / باي..

صكرت جود وهي مستانسه ودقت على ساره..

ساره / هلا والله بالي طريت على باله ودق.

جود/ ههه هلا فيك شمسويه..

ساره/ الحمد الله انتي شخبارك..

جود/ تمام اليوم بطلع للممشى..

ساره/ هه حتى انا بطلع..

جود/ أي واحد..

ساره/ هذاك الي بالنهضه..

جود/ ياه يارب سلطان يودينا له ..

ساره/ اخوك الوسيم..

جود/ ايه..

قطع كلامهم صوت حمد الي ينادي ساره..

ساره/ حمد انا هنا..

حمد/ قلبت الديا اناديك ولا تردين..

ساره / هذا انا..حمد بتوديني اليوم الممشى..

حمد/ لا تكنسلت الطلعه..

ساره/ لاحمد تكفى الله يعافيك لا يالغالي ابي اروح حرام عليك طفشانه وتعبانه ومالي خلق حمد حمودي حماده يالله..

حمد/ خلاص كنت امزح عليك بنروح بعد العشاء زي ماوعدتك..

ساره/ ويه حسبالي..

حمد/ انتي مين تكلمين..

ساره/ اكلم جود..

حمد طاح قلبه بالارض يوم سمع هالاسم/خلاص طيب انتي ايه لا المهم انتي لاخلصتي ابيك بغرفتي تعالي ..

ساره تناظر فيه بخبث/ طيب..وراح .رجعت لجود الي بغت تموت يوم سمعت صوته..

ساره/ جود..جود..

جود/ ها ..

ساره/ ياربي مادري شفيك انتي وحمد هو تلخبط وخبص بالكلام وانتي اكلمك من سنه ومانتي داريه..

جود/ اقول لايكثر بس انا بصكر وان شاء الله نتقابل بالممشى..

ساره/ يله باي..

************************************************** *******

سلطان/ ها شقلت؟..

راكان/ عادي ماعندي مانع والله اصلا انا من زمان مامشيتها خلها تشم هوى وبعدين انت اخوها لك حق عليها ومااقدر امنعها منك خذها بس رجعها لي..

سلطان/ ايه برجعها شبيبها ..

راكان/ ههههه خلاص يله تامر شيء ثاني..

سلطان / لاسلامتك بس قولها تجهز نفسا بعد صلاة العشاء..

راكان / يله اجل مع السلامه صكر وراح يقول لدلال..

**************************************************

من رجعة الصباح وهي مصكره على نفسها الباب وجالسه تصيح ماتدري ليش طلال تغير عليها ومالقت الا نوره ودقت علها وقالتلها كل شيء قاله هي ماتبي بيتها يخرب ولاتبي نوره تغصبه بس تبي نوره تفهم هو ليش قال هالكلام ووش معناه..

جلست تنتظر يتصل اويرسلها مسج بس انتظارها كان من دون أي نتيجه...



اما طلال فكان بغرفته ويفكر بالكلام الي قاله اليوم لهنادي ماتستاهل هالكلام بس حتى اخته ماتستاهل الي يصير فيها دق الباب ودخلت نوره وصكرت الباب وجات عنده..

نوره/ عادي نسولف مع بعض شوي..

طلال/ حياك تعالي وقام من سدحته وجلس وجلست نوره جمبه على السرير..

نوره/ شفيك متضايق..

طلال / تعبان شوي..

نوره/ طيب انا عندي موضوع صغير اتكلم فيه الحين وبصراحه ولا ااجله..

طلال / لا تكلمي وقولي..

نوره/شصار بينك وبين هنادي اليوم..

طلال نزل راسه/ قالتلك..

نوره/ حتى امي لاحظت انك زعلتها بالكلام واذا تبي رايي كلامك الي قلته لها يذبح قلوب,,

طلال / نوره حسي فيني..اصايل اغلى ماعندي بهالدنيا هي الي وقفت معي يوم كنت تعبان ذيك الفتره هي الي خلتني اطلع من ياسي وحزني للعالم..اصايل هي الي دوم ابتسامتها ترضيني وتفرحني ..اصايل اختي وحبيبتي وكل شيء..

نوره/ وهنادي شمحلها من قلبك لاتنسى انها ضحت عشانك باشياء كثيره واولها تخلت عن حلم أي بنت بزواج الكل يحظره تخلت عن فرحتها بذاك اليوم عشانك وعشان تسافر معك مع انه كان بامكانها ترفض وتقعد هنا عند اهلها بس عشانها حبتك..

ماشتكت من شيء طول مانت ببريطانيا ماحسستك بشيء حملت وتعبت ولحالها وهي اول مره تجرب هالشيء وولدت بعيد عن خواتها بس رضت وماتكلمت حتى الحين يوم جت هنا ويوم قلتلها هالكلام سكتت وماقالت شيء..

طلال / نوره انا افكر اني اطلقها لاني مااقدر اعيش معها وانا ادري ان اختها سبب بالي يصير باصايل ..

نولاه ناظرت فيه وبصوت عالي شوي/ طلال لاتصير اناني وتظلم البنت معك ..لاتخذك عاطفتك لااصايل وتسوي شيء تندم عليه ..كلنا نحب اصايل وماتقدر تشكك بحبي لها ومع ذلك بروح الشرقيه عند زوجي لاني مابي اخرب حياتي ..لاتخرب حياتك عشان اصايل لانها لو رجعت لها عافيتها بتزعل عليك وماراح تكلمك وبتحس بالذنب لانها تسببت بطلاقكم..شوف نفسك تفكر تنهي علاقتك بزوجتك عشان اختك ونفس الشيء فكرت ام نواف فكرت تخسر الكل عشان اخوها لاتلومها ولوم نفسك عشان ماتندم مثلها ..يمكن الحين حبك لهنادي عادي صح حب وقوي بس مو ذاك الحب الي يربط بيني وبين خالد لاننا لنا سنين متزوجين وانت بعد كم سنه بتصير هنادي كل شيء بحياتك ياطلال فكر زين وروح اعتذرلها ورجعها هنا لان مكانها هنا وصدقني بترتاح نفسيتك زود لاشفتها هنا ..

طلال ناظر نوره وابتسم/ الله لايحرمني منك..

نوره/ ولامنك يله بروح اتجهز شوي وخالد يجي وياخني لبيتي ..

طلال/ تروحون وترجعون بالسلامه..

نوره/ امين وابي لاوصلت الشرقيه القى مسج تقولي فيه انك رجعت هنادي وجبتها هنا..

طلال / ان شاء الله..وطلعت وجلس يفكر بكلامها وبتصرفه الغبي وكيف يعتذر لهنادي..

************************************************** ******

جود/ ويه هذا ممشى النهضه ياسلام..

بندر/ وش فيك فرحانه هالقد..

جود/ عادي بس من زمان ماجيته..

بندر/ اشك ان هذي هي الاجابه ..

جود فتحت جوالها وارسلت لساره تقولها انها وصلت..ونفس الممشىء..وردتلها ساره انهم توهم يحطون رجولهم عليه..لفت جود على ورى وشافة ساره وحمد وقلبها يرقص من الفرحه..

سلطان / جود مستانسه..

جود/ مرررره بس المهم سلطان شوف صديقتي هنا خلني اسلم عليها..

بندر/ ماعندنا بنات يسون هالحركات وبالممشى ..

جود/ لا انتوا امشوا مع اخوها وانا بمشي معها وراكم..

سلطان/ من هي..

جود تناظر فيه/ ساره..

سلطان تغيرت ملامحه ولف وراه وشافها ابتسم بداخله / خلاص..

بندر/ انا مابي ابي اتونس واغازل..

جود / روح مع دلال .

لف بندر عليها ...

لقوها رايحه لسياره وتكلم الرجال الي فيها.

بندر/ من هذا..

جود/ هذي سيارة راكان وشوي ويطلع راكان ومعه عبد العزيز حاطه بعربيته وجو عند سلطان وبندر وبعد السلام والسؤال عن الاخبار..

راكان/ ماقدرت اصبر وجيت اقلت ارفه عن نفسي حتى انا ويله الحين انا بروح مع مرتي وولدي واخليكم...وراحوا..

بندر/ راحوا..

جود / روح مع حمد فله تراه..

بندر/ من حمد؟..

جود/ اخو ساره ..

بندر/ امرنا لله..ولفوا على ورى وشافوا حمد وساره..

حمد/ ماكن هذا اخو صديقتك..

ساره بداخلها يعنني ماتعرف اسمها ياحمد / مين..

حمد/ الي كنتي تكلمينها..

ساره ببرائه/ ايه قصدك جود..

حمد/ ايه ..ناظرت ساره قدام../ ايه هو وهذا اخوها الثاني..

شوي ووصلوا عند بعض وسلموا على بعض وساره وجود ابعدوا شوي وسلموا على بعض..

حمد/ شهالصدف..

بندر/ اشك انها صدف سوالف بنات..

سلطان / خليهم يستانسون يله بنمشيء مع بعض اذا ماعندك مانع وهم ورانا بشوي..

حمد/ لا ماعندي ابركها ساعه الي افتك من حنة البنات..

ومشوا ومشوا ساره وجود بعدهم بشوي وكل وحده تتامل بفارس الاحلام المنتظر..

************************************************** ****

جت تركض لان هذي نغمة طلال ..واحتارت ترد ولا لا..

وقررت ترد..

هنادي/ نعم..

طلال حس بحزنها من صوتها / هنادي شرايك نطلع نتمشى شوي ..

هنادي/ مو فاضيه مشغوله وحتى انت عندك شغل كثير..

طلال حز بخاطره الي سواه فيها /ضروري وانا ماعندي شغل الحين..

هنادي/ بس انا عندي شغل ومحمد ولدي الي ماتدري عنه مصخن بسبب التطعيمه ويبيلي اقعد عنده..

طلال / ماراح انطول وجيبي محمد معك..

هنادي/ اسفه الجو مايساعد اطلعه اخاف يتعب اطلع انت وتمشى واعتبرني متمشيه معك هذا محمد يصح مع السلامه وصكرت وتركته بندمه على الي قاله لها ..وهي جلست تصيح مع محمد..

************************************************** *****

ساره / اصبري بربط حبال جزمتي خلنا نجلس على هالكرسي..

وراحواوجلسوا وجلست ساره تشتغل بجزمتها والعيال مبعدين عنهم هم خلقه سريعين وشلون عاد وجود وساره وقفوا يستريحون شوي..

جود/ يله ماخلصتي..

ساره / باقيلي شوي..

جود ناظرت قدامها وشافت مجموعة شباب جايين لهم..جود خافت..

جود/ ساره شوفي ..

ساره رعت راسها وشافتهم وخافت../ شنسوي..

جود/ مادي عنك كله منك ..

ساره ناظرت باخوها حمد الي كان بعيد مره مره./ مره بعيدين عنا وهذول الحقيرين قريبين..

قربوا منهم الشباب ..

واحد منهم / اموت انا على الي جالسين لحالهم ..

جود/ لو سمحت بلا هالحركات ووخر خلنا نروح ..

الثاني/ وين تروحون خليكم هنا احسن ..

ساره / بلا وقاحه بعد احسلك..

الاول / شبتسوين يعن ي لو ما وخرنا..

جود خذت جوالها ودقت على سلطان دقه وصكرت ..

ساره / ابعد عنا وخلنا نكمل طريقنا ..

الثالث / لا والله وتصارخين بعد .

************************************************** ******

سلطان رن جواله وصكر وفتحه / هذي جود شعندها لفوا على ورى ومالقوهم..

حمد/ وينهم هالمخبل..

بندر/ قلتلكم سوالف البنات ماتنتهي ..

سلطان دق على جود ..وعلى طول ردت ..

سلطان معصب / وينكم..

جود تصيح / سلطان تعال بسرعه في شباب قاعدين يتحرشون فينا انا وساره بسرعه لااتتاخر..

سلطان عصب بزياده ..

حمد / شفيك..

سلطان/ مادري في شباب يضايقونهم..حمد وبندر اسرعوا مع سلطان..

وكل واحد فيه من العصبيه الي يذبح قبيله..

************************************************** ***

الثاني/ حبيبك ولا صديقك هذا..

جود/ حقير هذا اخوي والحين بيجي ابعد عنا..

الاول/ هه اخو تارك وحده تتمشى بالممشى لحالها امحق اخو.

ساره/ شوفوا بالطيب ابعدوا عنا لان اخوانا لو جوا ماراح يصيلكم خير..

الثالث/ تهددينا يعني خفت مره ..

سلطان / لازم تخاف يالخسيس ..

جود وساره ركضوا ورى بندر خايفات..

حمد / يالي ماتستحون على وجيهكم تضايقون بنات خلق الله ..

الثاني/ لاتغلط ..

حمد / لابغلط مادمك انت سمحت لنفسك بهالغلط..

بندر/ صدق وقاحه..

الثالث/ بزر يتكلم..

بندر عصب/ البزر هذا الي مو مالي عيونك هو الي بيوريك التربيه يالكلب وراح له بندر وجلسوا يتضاربون وحمد وسلطان طاحوا فالاثنين الباقين اما ساره وجود فحالهم شيء يصيحون وخايفين ومستانسين ان الثلاث الوقحين انطقوا..

شوي وجوا رجال ثانين بالممشى وفككوا بينهم وراحوا ذولك الشباب وبسرعه ركضت جود لسلطان ضمته وساره راحت لحمد وضمته ..

سلطان والدم ينزل من وجهه / مره ثانيه ماتبعدون هالي صار بسببكم..

جود/ خانا نروح للمستشفى كلكم مضروبين ويه بندر الضربه جات عند عينك لازم تروحون..

ساره/ وانت ايدك شفيها..

حمد / مادري تعورني..

ساره/ على المستشفى يله ..

وراحو للمستشفى القريب من عندهم ..

سلطان جرح بوجهه وبندر ضربه عند عينه وحمد كسر بيده..

وهم بيركبون السياره دقت جود على ايمان ..

ايمان / هلا جود..

جود/ هلا فيك ايمان فاتك الي صار وقالتلها السالفه..

ايمان / تعالوني عشان اتطمن..

جود / بقولهم المستشفى على طريقنا انتي ماجاك احمد..

ايمان / مادري انا قلتله لاخلص دوامي ادق عليه واقوله ..

جود/ باقي كثير علي..

ايمان / لا عشر دقايق ويخلص يله تعالوني..

جود / يله مع السلامه ..وصكرت وقالت لسلطان ووافق ودق على حمد يقوله انهم يروحون كلهم لمستشفى منها حمد يطمن على امه ومنها ايمان تطمن عليهم اما ايمان دقت على احمد

احمد / هلا بالغاليه

ايمان/ هلا فيك؟؟

احمد/ خلصتي دوامك..

ايمان/ ايه باقيلي عشر دقايق تجيني..

احمد / ايه بس اغير هدومي واجيك ونروح نتعشى..

ايمان / طيب لاتطول..

احمد/ مستحيل بتعشى معك واطول..

ايمان انحرجت / يله طيب مع السلامه..

احمد / مع السلامه..

دخلت مكتبها وصكرت الباب وفتحت نقابها وصلحت شعرها وحطت مكياج خفيف وجهزت اغراضها وجلست تستنا اخوانها واحمد..

************************************************** *******

وصلوا المستشفى..

ودقت جود على ايمان وقالتلهم يجونها فوق وراحوا لها اما حمد وساره راحوا لامهم..

ايمان شافت اخوانها مضروبين وجلست تضحك..

سلطان/ جايبتنا عشان تضحكين..

ايمان / تعالوا شوفوا اشكالكم وبندر رايح فيها..

جود/ هذا الله بلاه عشان يتعلم انه مايغازل بنات الناس..

بندر/ ايه والله حسيت لما احد جاء يغازل جود اني نفسي اكفخهم تكفيخ ..ماعاد بغازل كل الناس تخاف على اخوانهم وانا مابي الله يبلاني بخواتي مره ثانيه..

ايمان / حلو دقه بتعليمه يله اطلعوا الجين وانتي ياجود تعالي معي باقيلي مريضه نروحها ويخلص دوامي..

جود / مين..

ايمان / ام حمد..جود ناظرت بسلطان وايمان ترددت بس حبت تجرب وتشوفها ولو من بعيد..

جود/ يله وطلعوا كلهم وراحوا لغرفة ام حمد .ويوم دخلت ايمان طلع حمد مع الشباب ودخلت جود وقفت عند طرف الباب..

ايمان / شخبارك الحين ..

ام حمد / يعني احسن من اول..

ايمان / باقيلنا جلستين علاج بكره وبعد ثلاثة ايام وبعدها تقعدين ثلاث ايام ثانيه وتطلعين ان شاء الله من هنا..

ام حمد ابتسمت وشافت الي عند الباب وناظرت ايمان بنظرة استفسار..

وقربت ايمان من اذن ام حمد وقالتلها..

ام حمد ابتسمت لانها صارلها فتره تفكر بهالشيء وكانت ناويه اول ماتطلع من المستشفى تسويه..

ام حمد / تعالي ياجود ..

جود استغربت لكن تقدمت وفكت طرحتها ..

ام حمد / تعالي هنا عندي واشرت على السرير..

قربت جود وهي مستغربه شتبي فيها ..لكنها جلست ..

ام حمد / سمعيني يابنتي انا اخطيت وغلطت بحقك كثير وابيك تسامحيني انا يالغاليه كنت غبيه ومن جد اقولها كنت اثمن الناس باموالهم وشهرتهم كنت فاهمه الحياه غلط وعاقبني الله بهالمرض وعرفت كل شيء صح الحين..عرفت اني ظلمتك وقسيت عليك وان الله انتقملك مني بهالمرض ابيك تسامحيني وماتشيلين بقلبك علي..

جود مرت عليه ذيك الذكريات كلام ام حمد وطرتها وموقف حمد وطلعتها وكلام حمد لها وروحتها البيت وتعبها النفسي..لكن مع كل هذا يوم شافت ايمان ابتسمت ولفت على ام حمد ..

جود/ ياخالتي الي صار صار ..وانا الي مربيتني هي ايمان وانا مستحيل اخذل هالتربيه وهي علمتني كيف اسامح الي يغلطون علي وانا مسامحتك ومو شايله بقلبي عليك..

ام حمد / اكيد...

جود/ اكيد...

ام حمد / خلا ص مدامك رضيتي علي وفرحتي قلبي اقدر اقولك الحين الي قررته من ثلاث ايام ..

جود قلبها بدى يدق بقوه .نفس دقات حمد الي مشغول بالتفكير بالي يصير بالغرفه..

ام حمد / انا اتشرف يابنتي اني اخطبك لولدي حمد..

جود كان احد صاب عليها موية بارده..

ساره/ صدق يمه..

ام حمد / وبكل شرف وفخر اخطبك له..

ساره/ كللللللوووووووووووووووووش..

ام حمد/ اصبري خلي هالزغاريط لاوافقت..

ساره/ اكيد توافق ..

جود/ شدراك ولفت على ام حمد ويوم شافتها تناظر فيها انحرجت وطلعت..بسرعه ..

ام حمد ناظرت بايمان الي قالتلها/ خليها تفكر وبتردلك بس لازم حمد يكلم ابوي بهالخطبه..ولازم ابوه يدري..

ام حمد / ابوه يدري انا كلمته وقلتله وهو الحين بقوله ويروح بكره يخطبها من ابوك وان شاء الله توافق..

ابتسمت ايمان وطلعت لان جوالها دق احمد..طلعت ودخل حمد وهو خايف يوم شاف جود تطلع وتقولهم ياله خاف ان امه قايلتلها شيء..

ساره/ حمد مبرووووووووووووووووووووووووووووووووووك وباسته على خده..

حمد/ على ايش..

ساره / امي خطبتلك جود الحين..

حمد منصدم / لاتستهبلين..

ام حمد / صدق ياوليدي قلتلها اني ابيها لك..

حمد / ووش قالت..

ام حمد / تبي تفكر ..

حمد ابتسم ونط تبويس بامه الي فرحت من خاطرها لفرحته..

************************************************** ******


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 104
قديم(ـة) 25-01-2009, 09:32 AM
صورة احساس روز الرمزية
احساس روز احساس روز غير متصل
©؛°¨غرامي متألق ¨°؛©
 
الافتراضي رد: عليك قلبي من حرقه الشوق خفاق كامله


يسلمووووووووووووووووووو الغاليه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 105
قديم(ـة) 25-01-2009, 11:20 AM
cuTa q8ya cuTa q8ya غير متصل
©؛°¨غرامي مشارك¨°؛©
 
الافتراضي رد: عليك قلبي من حرقه الشوق خفاق كامله


يسلموو حبوبه

روعه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 106
قديم(ـة) 25-01-2009, 11:46 AM
القلب الوافي القلب الوافي غير متصل
©؛°¨غرامي مشارك¨°؛©
 
الافتراضي رد : عليك قلبي من حرقه الشوق خفاق كامله


البااارت رووعه
طلال ماتوقعت تصرفه كذا هنادي ليه يدخلها ؟؟
تركي نبي نعرف وش صار عليه بالبارت الجاااي
يعطيك العاااافيه عذاب
بانتظاارك
تحياااتو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 107
قديم(ـة) 25-01-2009, 04:37 PM
صورة Ellgance_AH_ girl الرمزية
Ellgance_AH_ girl Ellgance_AH_ girl غير متصل
©؛°¨غرامي ماسي ¨°؛©
 
الافتراضي رد: عليك قلبي من حرقه الشوق خفاق كامله


يسلموووووووووووووووووووو


البارت رووووووووعه


بس بقي قضية تركي اللي ما صار شي عليها


=)

\



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 108
قديم(ـة) 25-01-2009, 06:50 PM
صورة شوكة قلبي الرمزية
شوكة قلبي شوكة قلبي غير متصل
©؛°¨غرامي جديد¨°؛©
 
الافتراضي رد: عليك قلبي من حرقه الشوق خفاق كامله


هاااااااااااااااااااى

اخباركم::

واو البارت روعة

بس انا وحدة طماعة ابي البارت يكون طويل شوي بصاحة البارت مررره قصير


تقبلي مروري
فوفو



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 109
قديم(ـة) 25-01-2009, 07:13 PM
صورة احلى شقاوة الرمزية
احلى شقاوة احلى شقاوة غير متصل
©؛°¨غرامي مشارك¨°؛©
 
الافتراضي رد: عليك قلبي من حرقه الشوق خفاق كامله


يعطيك العافية
البارت رووووووووووووووووعة
بس نبغى شي عن تركي
اتمنى انه مايموت ويرجع لاصايل
وفهد يصير له حادث ويموت > وحده حاقدة وبقوة



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 110
قديم(ـة) 26-01-2009, 04:26 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
رد: عليك قلبي من حرقه الشوق خفاق كامله


يسلمووو علي الردود الحلوه اللحين بنزل لكم البارت الاخيرر




*&$#^الجزء الخامس عشر^#$&* (والاخير.)

** يبقى احساسنا كما هو ..وتتجدد احداث من حولنا ..ونحن في وقوف عن هذه الاحداث..ربما لان الاحداث انتهت ولايوجد احداث وسنستمر هكذا الا الموت ..او يمكن ان يكون هناك سبب اخر ..هو ان هذا السكون يهيئ لنا فرحه او حدث جميل ولاكنه احتمال ضعيف مقارنة بالاول ..

نعم الاول اكثر توقعاتنا فيه..سنصبر ..وسنشتاق وسنبكي لحرقة هذا الشوق وستأن قلوبنا الم لهذه المشاعر ومع كل الالم والعذاب الذي نعانيه ستبقى شفاهنا ترسم الابتسامة على وجووهنا عندما تمر في مخيلتنا تلك الذكريات وتلك الايام حتى مع نزول تلك الدموع التي تعودنا على نزولها عند التفكير بالماضي الجميل الذي سيكون يوما ماضي بعيد من قبل ان كان ماضي قريب.............................................. .................!..

((عيونك دنياي ))



^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^

الفصل الاول.................


قرر يروحلها المستشفى بس قبل يبي يشوف هالالم الي براسه من وش ومره وحده بيدخل يسال احد هالدكاتره وبعدها يمر على اصايل ..

راح ودخلوه على دكتور..

الدكتور/ شتعاني منه ياخ فهد..

فهد/ مادري صداع يجيني باستمرار مايخليني اشوف ولا ارتاح ..

الدكتور / ووين تحسه .

فهد/ هنا فوق نهاية عيني والى نفس الجهه من نفس المكان.,,

الدكتور / خلاص احين روح مع الممرضه سوي تحاليل واشعه وفحص نظر..وتعالنا الليل او بكرى عشان نشوف النتايج ..

فهد/ خلاص مشكور ....وبعد ماسوى الي قاله عليه الدكتور سال عن غرفة اصايل وراحلها ..شافها من القزاز على السرير وهاديه ابتسم لانه من زمان ماشافها على ذاك اليوم بالمطار..

دق الباب ودخل وهي كانت معطيته ظهرها توقعتها امل جايه عشان الوعد الي بينهم ..

قرب وراح جلس على الكرسي الي قبالها..

وهي شافته وانفجعت كانت تبي تصارخ تبي تبكي بصوت عالي..بس ماقدرت ..

فهد الي استغرب من شكلها وتقطع قلبه على منظرها والي صاير فيها..

فهد/ اصايل انتي ليش ماتبيني ..انا احبك انتي ليش تكرهيني ..

اصايل ماردت عليه...

فهد / اصايل انا جيت وانا مستانس لاني بشوفك بس الحين يوم شفتك حسيت بالذنب كل هذا عشان تركي ...اصايل صدقيني انا احبك اكثر منه هو لو يحبك ماراح..

اصايل/ اطلع عني انا ماابيك وتركي يحبني اكث منك وانا احبه بعد اكثر منك ..

فهد / اصايل اكيد هو مات وانا بجيك وبخطبك ونتزوج ونعيش مع بعض احلى الايام بنسيك كل شيء.

اصايل / انت ليش ماتفهم حتى لو مات ببقى زوجته ..وماراح اتزوج غيره لاني احبه انا اكرهك ومستحيل اتزوج واحد مثلك انت كريه وتركي احسن منك وانا عندي ابقى على ذكريات تركي وانا اعرف انه ماراح يرجع اكرم من اني اعيش معك ..

فهد انقهر من هالكلام وحب يقهرها مثل ماقهرته / بطلع عنك بس لازم اقولك شيء وانتي لازم تسمعينه لان ضميري يانبني انك ماعرفتي فيه..(اصايل خافت من الي بيقوله ) تركي المفروض يكون معك يسولف ويضحك وتتزوجون بعد شهر ونص ..هذا لوماصارله الحادث الي انا كنت سبب فيه لاترفعين حواجبك مستغربه انا الي خططت لهالحادث صح ماكنت ابيه يصير بس كنت ابي ناصر يخوف تركي ويحسسه بالخوف لااقل ولااكثر لكن قدر الله ان تركي يلف بسيارته على لفة ناصر ويصير الحادث ويصير الي صار. هذا الي حبيت اقوله عن اذنك ياحبيبتي ووقف عند الباب يبي يشوف شتسوي..

وهي تذكرت الي صار وشكل تركي بالحادث وكل شيء الين هذا اليوم ماتخيلت انه بسببها وعشانها يصير بتركي كل هذا لفت على فهد..

اصايل/ انت انسان حقير ماعندك ضمير ماتحس تافه سافل انت السبب بكل الي صار..

فهد/ لا مو انا ..انتي السبب لو رضيتي فيني ماكان صار الي صار..

اصايل قامت من السرير وهي تنتفض وتصيح وتمشي لمكان فهد / اسكت لاتتكلم ولاتنطق ولا بحرف انت ماعندك احساس ماتخاف من الله وتتهمني الحين كل هذا عشان شيء ماله من الواقع مكان انا مو لك .وانت تعرف هالشيء حرام عليك الي تسويه خلاص انا تعبت ..

طاحت عند رجوله ..حرام عليك حسبي الله ونعم الوكيل حسبي الله يارب انتقملي منه ولاتخليه ومثل ماسوى بتركي سوي فيه ..

فهد وخر رجوله عنها وراح برى الغرفه وهي استمرت تصيح وتضرب بيدينها وراسها الارض ..

************************************************** ***

الممرضه/ امل زين انك جيتي..

امل/ ليش ..

الممرضه / اصايل بعد هدوئها هالايام سمعت صراخها وجيت عندها اشوف شفيها لقيتها تضرب براسها الارض ..

امل / تعالي معي ..سويتولها شيء..

الممرضه/ انجرحت وعالجنا جروحها وحطينها على سريرها وربطنا ايدينها ماقدرنا نسوي لها أي شيء وخفت اعطيها مهدى او منوم وتعتاد عليه زياده ..

وصلوا لغرفتها ولقوها تصيح وتحاول تفك نفسها من السرير قربت منها امل ..ومن شافتها اصايل هدت شوي ولفت على امل..

اصايل وهي تصيح /انتي ليش خليتيني ورحتي انا انا كنت بقولك كل شيء بس هو جاني هو سبب الي صار لا مابي مابي اقعد هنا ابي اروح اذبحه فكوني ..

امل / مين هذا الي جاك ؟.

اصايل/ هو الي ذبح تركي وانا ابي اذبحه فكوني انامو مجنونه تخلوني هنا وتربطوني مره ثانيه..

امل مسكت يد اصايل وبصوت عالي /اصايل انتي هنا عشان تتعالجين ومو معناة هذا انك مجنونه ..انتي لازم تساعديني عشان تطلعين من هنا بكامل صحتك وترجع لك قدرتك على انك تواجهين الي يصير لك بعد ماتطلعين تظنين اني مبسوطه عشانك هنا لا لاانا ولامك ولااخوك الي كل ليل يجي ويطل عليك ولااحد من اهلك ولاتركي بنفسه وانا جالسه احاول اعالجك ..انتي قبل امس كنت هاديه وراحت عنك نووبة الصراخ وعشانك وعدتيني تقولين لي كل شيء صارلك وكل الي بقلبك وكل مشاعرك وافقت اني افكك واليوم او الحين لو قلتي انك بتقولين لي كل شيء والحين بفكك وبقعد اسمع منك..

اصايل وهي تصيح / بقول ....

امل / خلاص انتي بتقولين وانا الحين جالسه قبالك بفكك وبسمع كل الي تقولينه مافي الا انا وانتي وهذا الباب وصكيناه محد بيسمعنا..

اصايل ابتسمت ومازلت الدموع بعيونها ...

اصايل / امل انا ماادري شاقولك ووش ابدا فيه انتي قوليلي الي تبين تعرفينه..

امل / انتي ليش هنا ..او بمعنى ثاني وش الي صدمك وبسبب مين؟.

اصايل / زوجي...

امل/ زوجك؟..مين ووش صارله؟..

اصايل وهي تتكلم بصعوبه / هوكان ..كان بيجي لي انا كنا متواعدين و وصارله حادث بسبب الحقير هو الي ارسله عشان يموت تركي هو مامات قام بس هي خلته يسافر بالغصب انا ما وافقت ..هي اخذته وسافرت و(جلست تصيح وتشهق ) وطاحت فيهم الطياره هي رجعت بس هو لا هو مو موجود مالقوه مايدرون ميت ولاحي وكل هذا بسبب هو الي سبب هالحادث وهو الي خلاني هنا..

امل/ مين هذا؟...

اصايل بصراخ/ مااقدر ماادري هو حقير وسافل وهو السبب انا مااحبه هو قالي اليوم اني انا السبب بكل شيء امل انا لسبب ولا هو انا احب زوجي ومستحيل استغني عنه..

امل مسكت دموعها ماتبي تنزلها ماتبي تضعف قدام اصايل ..

اصايل/ ردي علي ليش ساكته انا السبب معقوله انا اكون السبب بالي صار لتركي يعني لو رضيت بهالحقير ماكان صار لتركي شيء اه ياتركي ..امل فكيني مابي مابي اقعد هنا ابي اروح اجهز زواجي قرب فكيني وجلست تصارخ وتحاول تفك ربط ايدينها..

امل ناظرت فيها لازم تهديها

اصايل/ بتعطيني منوم مثل العاده امل مابي انا تعبت ابي اطلع من هنا..

امل / سامحيني.. عطتها ابره تهديها وراحت عنها تبي تعرف مين الي زار اصايل ..

************************************************** *******

راح المستشفى يبي يطمن عليها ..له اسبوعين ماشافها وهي صاحيه يجي وهي نايمه وخلاص ماعاد فيه يصبر مر على غرفة امل ..

امل / تفضل..

دخل طلال وجلس قبال امل..

امل / الحمد الله انك جيت كنت بدق عليك واقولك تجي..

طلال/ خير في شيء اصايل فيها شيء..

امل / له يومين هاديه وتسمع الكلام الي اقوله له ولا اعطينها مهدئ كثير بس عطينها عشان تنام ..واليوم كنا متفقين انها تقولي كل شيء بس شيء صار اليوم خرب كل هالاتفاق ..

طلال/ الي هو..

امل / في احد زارها اليوم مادري مين ورفضت تقولي الي قالته لي انه قالها ان..ها هو الي سبب الحادث لتركي وانها هي السبب مافهمت شيء من كلامها الا انها ماتحبه وتكرهه وانه حقير وسافل على حد تعبيرها ..حاولت اعرف مين الي زارها وقالولي انه مر على دكتور هنا قبل لايجيها لانه راح عند الريسبشن وسالهم عن الدكتور وراح وبعدها رجع سال عن غرفتها ..والدكتور مو موجود بيداوم الليل ..

طلال/ من هذا ياربي هنا محد يشوف اصايل من الرجال الا انا وابوي وفيصل اخوها من الرضاعه وعمها ابو فيصل بس..

امل / مادري بس الحين انت لازم تروحلها وتتكلم معها ..

طلال / هي صاحيه ولانايمه..

امل/ صاحيه انا عطيتها مهدىء قبل ربع ساعه تقريبا روحلها وحاول تفهم وتعرف مين الي زارها..

طلال / يله طيب عن اذنك..وطلع من عندها وهو يفكر بهالرجال..

راح لغرفتها وشافها صاحيه ..دق الباب ودخل لفت اصايل الي كانت خايفه انه فهد رجع لها .

ويوم شافته ناظرت فيه باستغراب ابتسم بحنيه لنظراتها وقرب منها .وضمها ..

طلال/ اشتقتلك يالاصيله ..

اصايل / من زمان ماشفتك ومن زمان ماقلتلي كلام حلو ومن زمان عن كلمة الاصيله..لاتخليني ياخوي ورمت نفسها بحظنه..

طلال ضمها بقوه / ماراح اخليك من اليوم الا من الحين ببقى معك وكل ماحتجتيني بتلقيني عندك..

اصايل / طلال..انا اخاف يجيني ..

طلال/ من الي بيجيك ..

اصايل وهي تصيح / فه...فهد..

طلال عصب بس حاول يمسك نفسه ويتمالك اعصابه..

طلال / ماراح يجيك وانا عندك..

اصايل / طلال خذ حق تركي منه هو الي صدم تركي هو مادري صديقه بس المهم انه هو الي كان يبي هالشيء..هو قالي طلال قالي اني لو رضيت فيه وتركت تركي كان ماصار بتركي الي صار فيه..

طلال حس الدنيا تدور فيه السالفه والمصايب كلها الي تجيهم بسبب هالحقير والله مايتركه بحاله لين يوريه..

طلال / لاتخافين يالغاليه والله لوريه شغله وبتشوفين بنفسك ..

اصايل / طلال وين امي ووين ابوي وين نوره (بدت تتكلم بصوت عالي اشبه للصراخ )وين الباقين ليش مايجوني ليش عشاني مجنونه خايفين انا مو مجنونه قلوهم مو مجنونه انا بخير .وجلست تصيح..

طلال / انتي مو مجنونه وينقص لسان الي يقول عنك مجنونه..

اصايل / ناديها نادي امي ابي اشوفها ابيها طلال انا خايفه خايفه من كل شيء ..

اصايل قامت ترجف وطلال خاف عليها وضمها وجلس يمسح على شعرها الين هدت ونامت ناظر فيها شوي ووخر عنها يبي يكلم امه...بس قبل راح لاامل وقالها الي صار ووافقت ان ام اصايل تجي تشوفها..

************************************************** **

بسرعه جات لها ماصدقت يوم ولدها دق يقولها تعالي ..اما ابو طلال فشعوره ماينوصف بذيك اللحظه بنته دفا قلبه الي من زمان ماشافها طالبه تشوفه وبيروحلها....

واصايل كانت جالسه على السرير تنتظرهم تبي تشوفهم وبقلبها احاسيس متضاربه احساس كره مو كره بمعناه لا بس شايله بخاطرها لانهم اخذوا زوجها واحساس حب لانهم اهلها وحبايبها ..

فتحت الباب امها وركضتلها وضمتها ..

عايشه / يمه شلونك شخبارك اشتقتلك ياحبيبتي اه يالغاليه لو تدرين شكثر تعبانه عشانك..

اصايل / حتى انا يمه..

عايشه / يابعد روحي انتي شالي متعبك ........

اصايل صدت عنها وشافت ابوها والدموع الي بعيونه قامت من سريرها ماتقدر هذا ابوها الي هي دنيته والي هو بالنسبه لها كل شيء قامت وراحتله بكل هدوء يوم قربت منه..

اصايل/ يبه انت ليش تبكي..

ابو طلال / لاني شفتك خفيتي شوي من عقب ماكنتي تعبانه تعالي يبه بحضني وفتح يدينه..

اصايل ومن دون تردد رمت نفسها بحظنه وجلست تصيح مثل الاطفال

اصايل / يبه انا تعبانه..مره تعبانه يبه لاتخليني لاانت ولاامي انا ابي ارجع البيت ..

ابو طلال/ ان شاء الله ترجعين يبه بس مو الحين انتي لازم تقعدين هنا شوي بس وبعدها ترجعين معنا البيت......

اصايل/ قول والله..

ابو طلال بابتسامة حنان / والله ..

اصايل لفت على امها / وانتي تبيني اجي ولاتبيني اقعد هنا..

ام طلال قربت منها / انا يابنتي لو الود ودي كان اخذتك الحين معي ..

اصايل ابتسمت وجلست على السرير وجلست تتاملهم كان في بالها سؤال بس ماتدري ليش خايفه منه واجلته وقررت تسالهم اياه بالزياره الجايه..

اما طلال بعد ماتطمن ان اخته حالتها تحسنت راح مشوار صغير ريح نفسه ورجع المستشفى لقاهم للحين عندها وهي تسولف معهم مثل الاطفال تغيرت صح باسلوب كلامها وصارت حساسه تصيح من أي كلمه وحتى وجهها ذبل اكثر بس معليش كل هذا يهون اهم شيء انها بدت تتعافى قرر يسوي شيء ثاني لازم يسويه..........

************************************************** ***

ام نواف/ هنادي يمه ردي على التلفون..

هنادي / ان شاء الله .

راحت هنادي للتلفون ./ الو ..

طلال/هنادي..

هنادي / نعم..

طلال / هنادي انا ابي اكلمك ضروري لازم تطلعين معي والحين ..

هنادي / طلال اعذرني مااقدر..

طلال/ هنادي بليز..ارحميني..

هنادي / طلال لاتظن اني يوم اكلمك كذا انا قاسيه واني مو راحمتك ولاتنسى بنفس الوقت انك تخليت عني وانك صديتني وابتعدت وجرحتني بكلامك..هالاشياء كلها حطها ببالك وراجع نفسك وشوف اذا من حقي ارفض اطلع معك ولا لا..مع السلامه

طلال تحطمت احلامه الي حلمها بانهم اذا طلعوا بيراضيها وانه وانه .....للحين ماصكرت وماقدر يقولها كلمه غير كلمة وحده هي احبك..وهالكلمه هزت مشاعر هنادي بكاملها من زمان ماقالها هالكلمه صكرت السماعه وراحت بتطلع فوق..

ام نواف / هنادي يمه مين؟..

هنادي/ غلطان وطلعت.......

مريم / شفيها هنادي هالايام مو طبيعيه..

ام نواف/ الظاهر والعلم عند الله انها متهاوشه مع زوجها واحس انه بسببي..

مريم / لا مااظن بسببك..طلال عقله اكبر من هالاشياء..

ام نواف ودموعها نزلت / بس هو اخ والي يصير باخته كله بسببي ..ولو زعل منها او تهاوش معها عشاني يحقله اذا انا العاقله والكبيره تصرفت بغير عقل يوم اصريت ان تركي يسافر ..

مريم/ اه ياتركي الله وحده هو الي يعلم انت وين ..الا من متى ماجات البندري من زمان عنها من قالتلنا انها حامل..

ام نواف/ والله حتى هالبنت ماتهنت بهالحمل ..ماقدر احد يبينلها فرحه بهالخبر مع انا كلنا فرحانين ..بس قوليلي شخبار حنان؟.

مريم / الحمد الله بخير..

ام نواف/ كم باقيلها وتكمل اربعينها..,؟

مريم / باقيلها اقل من عشرين يوم ..

ام نواف/ الله ييسرلها..

مريم / انتي شقالك الدكتور امس؟..

ام نواف/ اسبوعين واروحله عشان يفكلي الجبس..

مريم / زين .يالله انا بروح بيتي طولت ..

ام نواف/ سلميلي على البنات وعلى راكان..

مريم / ان شاء الله ياله مع السلامه.

ام نواف/ مع السلامه..

************************************************** *****

ابو خالد / تركتلك يومين تفكرين فيها هاشقلتي..

جود نزلت راسها يعنني مستحيه وهي بتموت من الفرح/ ايه موافقه..

دلال / كلووووووووووووووووووووووووووووووووووووووووووووووش. ويه اخيرا بتتزوجين..

جود ناظرت فيها / طايحه بكبدك..

ابو خالد/ هاهااها بس عاد يله عن الهواش الف مبروك يابنتي.

جود/ يبارك فيك ربي..

بندر / عاد ها بيصير زواج بالعايله دورولي وحده بالعرس..

ايمان / مستعجل على زواجها مافي زواج الابعد ماتخلص الثانويه.

سلطان/ الدراسه باقيلها شهر ونص وتخلص نملكلك بدري عشان يصير زواجكم اول الاجازه وتفتكون ........

ابو خالد / خلاص اجل ادق على ابوحمد واقوله ان البنت موافقه ونحدد موعد الملكه.

سلطان / يبه قبل ابيك تخطبلي اخته....

ابو خالد/ من اخته..

سلطان / ساره ..

ابو خالد / وكم عمرها..

جود/ يبه مثلي..وتدرس معي بعد بالمدرسه .........

ابو خالد / خلاص ادق اليوم عليه واقوله الي قلناه واخذ موعد وبكره نروحله ونخطب..

سلطان حب على راس ابوه ..

بندر/ وبقيت انا يبه ليش ماتخطبلي بعد..

ابو خالد / انت اهتم بدراستك واترك المغازله واعدل نفسك عن حركات المراهقين وذيك الساعه اخطبلك...

بندر/ اجل انطر ياحمار لين يجيك الربيع ..

الكل ضحك عليه وعلى شكله ........

************************************************** ******

خلود / وينك ياسعود؟..

سعود/ يالله هذا انا عند باب البيت خلي احد يفتحلي الباب..

خلود / الحين ارسل الخدامه وصكرت نادت على الخدامه وارسلتها تفتح الباب وراحت هي للمجلس..

جلست شوي بس ودخل سعود للمجلس..

قامت له وسلمت عليه ..جلس على الكنب بتعب ويوم شافت شكله صكرت الباب وراحت جلست عند رجوله ورفعت راسه عشان يناظر فيها..

خلود وبكل صدق / سعود..حبيبي لوش هالهم الي شايله.... سعود شوف شكلك كيف صاير شوف ابتسامتك الحلوه كيف تحولت لابتسامة حزن ترسم الحزن لكل من يشوفها..سعود انا مااقولك لاتزعل ولاتحزن الي صار لخالك ولامك ولااختي مو هين ..

سعود / خلود مو بيدي....

خلود / ولاهمنا وحزننا وتوقف حياتنا بيرد شيء لوضعه الاول ..سعود لاتضيع نفسك ولاتضيع مني ..

سعود / خلود .. انا تعبان مره تعبان وابيك بجنبي..

خلود ودموعها بعينها / انا معك وين ماكنت ووش ماصار..بس انت ارجع سعود ..

سعود ضمها له ووخرها مسح دموعها بيدينه وابتسم لها / بحاول..........

************************************************** *****

البندري/ فيصل والي يسلمك ابي اروحلها

فيصل / البندري انا خايف عليك.

البندري/ خايف علي من اختك..

فيصل/ لا مو من اصايل انا خايف عليك من الانفعال اذا شفتيها وشفتي حالتها ..

البندري/ وانت شيدريك عن حالتها من متى ماشفتها..

فيصل / البندري شهالكلام انا اروح لها بس مااقولك عشان ماتصرين تجين معي مثل ماتسوين الحين ..دوم اروحلها مع طلال..

البندري/ ماعلي ابي اروحلها انا ماشفتها من ذاك اليوم الي وديتوها المستشفى..

فيصل/ بوديك بس اوعديني قللي من الانفعال والخوف عشان الي ببطنك..

البندري/ ان شاء الله...

************************************************** ****


الرد باقتباس
إضافة رد
الإشارات المرجعية

عليك قلبي من حرقة الشوق خفاق / كاملة

الوسوم
البندري و فيصل , اصايل و تركي , فهد الشرير , كامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية وش حيلتي إذا الشوق صوبك دعاني / الكاتبة : سولتير ، كاملة حبوبه حبيبى روايات كامله - يتم نقل الرواية هنا بعد اكتمالها 94 29-11-2013 08:47 PM
الشوق القاتل ( صمتي جوابي ) منقولات أدبية 8 11-06-2010 10:38 AM
عليك قلبي من حرقة الشوق خفاق كاملة تايه بدنيتي ارشيف غرام 3 23-02-2009 06:22 AM
رسائل رومانسية ولا أروع جميلة بجد rinkon ارشيف غرام 2 05-02-2009 04:40 PM
السوق وما أدراك ماالسوق خط مستقيم ارشيف غرام 3 27-10-2008 08:58 PM

الساعة الآن +3: 06:34 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم