اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-01-2009, 05:25 PM
طيف الالوان طيف الالوان غير متصل
©؛°¨غرامي مشارك¨°؛©
 
الافتراضي رواية عذبتني ذليتني دست بكرامتي و أخرتها تقول لي أحبك / كاملة


هاااااااااااااااااااااااي //
كيفكم يا حلوين
قريت هاذي الرواية وعجبتني كثييير اتمنى تعجبكم
والاقي منكم التفاعل معي بردودكم الحلوة
عذبتني ذليتني دسة بكرامتتي آخرتها تقول لي احبك
فتحت عيونها الرمادية بضيق وبعدها ابتسمت وقامت من السرير راحت صلت وبعدها لبست ملابسها وطلعت للمطبخ تسوي الفطور لكن ما قدرت وتجمعت الدموع بعيونها وهي تتذكر
نور : منوو عند الباب
أبو فهد بعصبية : هذا آنا يا مسودة الوجه
نور بصوت مرتجف : عمي
أبو فهد : لا تقولي عمي الله يعميكِ الشره مو عليكِ على اخوكِ إلا دخلك مدرسة الفقر
عبد العزيز : عمي هلا تفضل
أبو فهد يدخل وهو يناظر البيت بقرف : انا مو جاي عشان اقعد جاي اقول لك يا عبد العزيز إذا ما خليت اختك تنقل من هالمدرسة هذا إلا ناقص بنت الـفارس تدخل هالمدارس
عبد العزيز : حاضر يا عمي بس انت عارف انا ما اقدر ادفع لمدرستها
أبو عبد العزيز يطلع من جيبه فلوس : خذ ودخلها في مدرسة سنعة هذا إلا ناقص تبون الناس تتكلم عنا
قطع تفكيرها صوت اختها اريام
اريام : صباح الخير نور
نور : هلا اريام صباح النور
اريام : حلوو قاعدة تسوين الفطور
نور : أي(( قالت بسخرية)) اخوكِ اليوم موصيني اسويه بنفسي
اريام : نور حبيبتي لا تزعلين اخوكِ من يومه قاسي
نور وهي تصيح : شنووو يا اريام انا مو قادرة شلوون اكون مع بنات عمي بالمدرسة اكييد راح يذلوني بمريولي ويتشمتون فيني
ضمت اريام ختها نور بحزن آه من يومها وهم مظلومات كانوا من اغنى الاغنياء ومعروفين بالعيلة لكن من صارت الحادث افترقنا عماني ما حد منهم يجي لنا ويزورنا ويشوف حالتنا
نور تبعد نفسها وتمسح دموعها : يا الله الفطور خلص
اريام تبتسم : طيب نور روحين قعدين اختك العلة للحين نايمه
نور : افا عليكِ الحين اخليها تندم لأنها نامت
اريام : هههههههههههه
..............
في القصر الكبييير قعد في الصالة بغرور وشموخ ابتسم وهو يسمع صراخ ابوه إلا ملا البيت صوته المخييف كل ما صرخ صرخة وطرد موظف ابتسم بنصر كل ماذل بنت ابتسم رااح اذل واذل (( مسك اوراقه بقسوة)) : يبه لا تتعب نفسك معاهم
أبو احمد : إذا ما عرفوا انا منوو إلا متى راح يعرفون
احمد ابتسم : تعجبني
أبو احمد : هههه ذكرتني بشي بنت عمك القرف هاذي إلا اسمها نور هههههه الغبية رايحة لنا مدرسة فقر عشان تنزل مستوانا والناس يتكلمون عنا
أحمد : اول مرة اعرف ان عندي بنت عم اسمها نور وبعدين يا يبه الغبية هاذي شسويتون معاها
أبو احمد : راح لها عمك أبو فهد ينقلها لمدرسة بنات عمك
أحمد : طيب يا يبه انا ما لي خلق الاهل وبعدين تأخرت على ريان مع السلامة يبه
أبو احمد : احمد اليوم انت معزوم
احمد : على شنووو
أبو احمد : على عرس ولد صاحبي ابو سعود
احمد بغرور : يخسون اروح لهم
................
بيت ابو سعود
فرح : ههههه ليه مرتبكة كذا
مرام : خااايفة من اخوكِ سعود اول مره راح اشوفه
فرح : لا تخافين مزيوووون
مرام : هههه بس بس لا يغار راشد
فرح : لا يا حياتي ما في حد مثل حلا راشد
مي : ماما مااما ثوفي ثعري صرت حلاااا
فرح : وااااااااو مي صايييرررة روووعة
مرام : لا روعة ولا شي اليوم محد مثل جمالي
مي تبكي : ماما ثوفيها باقول لثعود لا تتثوثها (( لا تتزوجها))
مرام استحت من ذكروا سعود : اقول طلعوا برا وخلو المزينة اتعدلني
فرح : ههههههه
............
في اجمل صالة وافخمها كانوا الناس يترقبوا دخول العروس
وفي طاولة من طاولات الصالة كانت جالسة بملل اول مره تجي الاعراس امها دوم حابستها بالبيت بس لأن عرس بنت عمها إلا ما تعرفها ولا شافتها قطعها مللها صوت اختها اسماء الصغيرة
اسماء : هبه
هبه : نعم سمسم
اسماء : اني مو سمسم اني اسماء الحلوة
هبه : طيب طيب شتبين
اسماء : امي تبيكِ
هبه خافت : هااا امي شتبي
اسماء : ما ادري
قامت من الطاولة ولقت امها تأشر لها
أم خالد : ساعة على ما تجين
هبه نزلت راسها : آسفة يمه
أم خالد تبتسم : ابي اعرفك على ام فهد(( وبفخر)) الفارس
هبه بأكتئاب وملل : هلا
أم فهد : ماشاء الله ما شاء الله هبه بعمرك يا غرور صح
غرور : أي على ما اضن صح يا اخت هبه
هبه تبتسم : انا في ثاني ثانوي وانتي
غرور : وانا بعد
أم خالد : هبه وين اختك أسماء
هبه: مدري
أم خالد بعصبية : هاااااااااا
(( التفت الكل لها))
هبه خافت ان امها تحرجها قدام الكل
أم خالد : هيبووووو إذا ما دورتينها لا تلومين إلا نفسك يا الحيوانة
تأثرت من الكلمة تقول لها حيوانة قدام صاحبتها وقدام الناس إلا عيونهم عليها
نزلت دموعها المعتادة وطلعت برا الصالة لفحها الهوا وطير شعرها قعدت تبكي وتبكي تحس بالوحدة مافي حد تعرفه تحس بالخوف امها ماعلمتها كيف تختلط بالناس هاذي اول مره تطلع من البيت لمكان معين حست بشخص واقف رفت راسها
غرور : هبه لييه تبكين اكييد امك ما تقصد
هبه تكره تكلم حد : ابعدي عني
تركتها غرور : الله يعينك إذا هاذي امك
وفي جهة ثانية من الصالة
ريان : احمد شنوو هالعرس الخراب هاذا (( خراب))
أحمد : ابوي يبيني اجي وانا ما ابي اعصيه
ريان : هااا
أحمد : طيب انا رايح الحمام (( الله يكرمكم))
ريان : اووكي
قعد يتمشى وهو ملان اوف لييه ما اكلم خويتي بس مالي خلق حنتها متى تتقدم لي اوف مشى لحد ماحس انه اصطدم بحد
ريان رفع راسه : انت ماتشوف
غرور خافت : انت منوووووو
ريان فتح فمه من جمالها : هاااااااا
غرور : شنوو هااااا
ريان : شنووو هذا انتي من وين طلعتين يا قمر
غرور تفرح كثيير لما تشوف شاب يغازلها
بدلع : من المريخ
ريان : هههه طيب يا قمر مطر اتركك بس ماتعطيني شي يذكرني فيكِ
غرور وهي تتمايع عطته رقمها (( لو عارفة شبصير ماعطيتيه رقمك))
ريان فرح كثير وبعد من جهة البنات
...........
حاولة تبتسم بعد ما احرجتها امها وهي تطالع بنت عمها ولأول مره تشوفها وااو عروس حلوة كانت
مرام كانت لابسة ثوب ابيض طوويل مفتوح من الصدر بس يغطيه شعرها البني وصلت لآخر شي وهي تمشي بثقة
قعدت على المكان المخصص لها كانت تطالع البنات وهم يرقصون حست بتوتر لما سمعتهم يقولون ان سعود بيدخل
غرور : هببببببببه
هبه بخوف : ليه الناس تلبس عباياتهم
غرور : هههههه المعرس بيدخل
هبه اخذت عباتها الكتف ولبستها ولفت شيلتها وتغطت
هبه : ماراح تتغطين
غرور : انا ما اتغطى
هبه استغربت منها: لكن وجهك كله ماكياج واحس انك جذاابة معقولة في ناس ما تتغطى
غرور في قلبها : مسكينة شكلك ما تعرفين شي عن الدنيا
هبه : غرور !!!
غرور : أي يا حلوة انا ما تغطى ههه شوفين شكل مرام عن جد سعود مزيون
دق قلب مرام بسرعة كبيرة آآآه هذا سعود يهبل
وصل سعود لعندها وقعد حس انه مثل الغريب تخيل ان منار خطيبته هي إلا جنبه
فرح : سعووود مبررروك مرام الف الف مبرووك
مرام بهمس : الله يبارك في حياتك
سنين اخت سعود وفرح : مبرررررووووووووووووك سعودي
سعود ابتسم على خبال اخته : الله يبارك فيكِ
فرح : بس هي
سعود : هههههههههه وانتي بعد
سنين بفرح : واااااااااو لايقين على بعض الحمد الله ما اخذت منــ
ضربت فرح سنين : اووو قصدي حلوين انت ومرام كثيير
منار منو منار هاذي ؟؟؟؟؟؟



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-01-2009, 05:26 PM
طيف الالوان طيف الالوان غير متصل
©؛°¨غرامي مشارك¨°؛©
 
الافتراضي رد: رواية عذبتني ذليتني دسة بكرامتي وآخرتها تقول لي احبك / رواية خيالية جناااااااان


من اجمل الفنادق دخل سعود ومرام شقتهم المخصصة
سعود : منــار عن اذنك اتركك تبدلين
طول الوقت مرام مبتسمة بس من قال منار تلاشت ابتسامتها منار ابي اعرف منوو هاذي منار
طلع من الغرفة وهي جلست في السرير معقولة يا سعود ما تبيني اخذت نفس وفتحت الدولاب واخذت لها لبس مناسب ومسحت ماكياجها ودخلت الحمام (( الله يعزكم))
<سعود>
حس بالملل وقف وتوجه للباب وقعد يدق فتح الباب
سعود : منــ اقصد مرام
ماسمعها اغراه السرير تمدد فيه ونام نوومه عميييقة
بيت عبد العزيز
نور : اووف ملاااانة بكرا بداوم بالمدرسة مع بنات عمي
ندى : اوف الحين تذكرونا هالعمان يوم شافوا ان ندخل مدرسة مو قد المقام
اريام : اووه انتي معاها (( تقلدهم )) اوف اوف
نور وندى : ههههههههه
كانوا يضحكوا لكن من انفتح الباب كل وحدة منهم ارتجفت
عبد العزيز : ماشاء الله بدل النوم الضحك إلا واصل لطريق
نور بقهر : والله على ما اضن صوتنا لصالة ما يوصل
عبد العزيز : وانتي يا العانس بدل ما تخلين اختك تنام قاعدة تسهرين معاها
اريام حست بالضيق دووم تسمع هالكلمة عانس عانس
(( اريام 35 ولم تتزوج))
اريام بحزن : طيب انا شنوذنبي (( وطلعت من الغرفة))
عبد العزيز : وانتي وياها ما اسمع ولا صوت
سك باب الغرفة بقهر وهو يتذكر ان ابو احمد عين ولد عمه احمد مدير الشركة الله يعين مدري شنوو راح يطلع منك يا احمد
في اليوم الثاني
بيت ابو خالد
نزلت هبه من الدرج بمريولها المدرسي وهي تحس بالفرح انها بتطلع من البيت الكئيب قعدت تناظر بأخوتها إلا يتهاوشون على الفلوس
خالد : هبه ابي 5 انا الكبير
علاء : هبه مايصير هو 5 وانا 3
هبه : علاء خالد في أي صف
علاء : في رابع
هبه : وانت
علاء: في اول
هبه : يعني هو الكبير هو الاكثر
سكت علاء ووقف : انا طالع لسيارة
خالد : انتظرني
ابتسمت لأخوانها الابرياء إلا فقدوا الحنان مثلها من صغرهم امها من حفلة لحفلة وابوها من صفقة لصفقة بشركاته
ركبت سيارتها وتوجهت للمدرسة

نور
وصلت للمدرسة رمت كتبها بالطاولة بقهر وهي تناظر بغرور وريمة بنات عمها إلا ماعرفونها اكييد ماراح يعرفوني
ريمه : هلا غرور كيفك
غرور : بخييير
ريمه : طالعين البنت إلا وراكِ
غرور : أي شفيها
ريمه : عيونها تجنن
غرور بقهر : انا احلا شايفتنها رمادية قلتين حلوة اكيد عدسات
ريمه : هههه آه على الغيرة
غرور : ريمووو هاذي هبه
ريمه : أي هبه
غرور تأشر لهبه : هاااااي
هبه : غرور
غرور : ما توقعت انك معاي
البنات قعدوا مع بعض وكل بنت تعرفت عالثانية
ريمه تكلم نور : شسمك
نور بضيق : وانتي شدخلك
ريمه : بي بي شهالاخلاق تذكريني بأخوي نواف
نور رفعت راسها من ذكرت اسم نواف : اسمي نور
غرور : نور شنووو
نور : لييه شتبين بلقبي
غرور : كذا
نور : الفارس
ريمه وغرور انصدمو : هاااااااااا
مرام
هاذا شنو مايحس شلوون ينام انبها الساعة 9 اوووف ماتوقعته كذاا حست انها ماتعرف عنه شي قررت تكلم اخته فرح
مرام : الوو
فرح : هلا بالعروس
مرام : هلا فروحة شلونك
فرح : تمام
مرام : طيب فرح امم سعود متى يقوم
فرح : مرام راشد يبيني اكلمك بعدين باي ((وانقطع الخط))
مرام : اووو شنو هالعيلة الاخ نايـ
سعود : صباح الخير
مرام : بأحراج : صباح النور
سعود : اعذريني اني نمت امس بس كنت تعبان
مرام خجلانة : لا عادي
سعود قرب منها : ليه الخجل منورة
مرام رفعت راسها : سعود منووو منار
انتبه سعود لنفسه اصحى يا سعود اصحى هاذي مرام مش منار
سعود بحزن : كانت خطيبتي
مرام : وو
سعود يقاطعها : لكن ماتت
حست بالحزن للحين مانساها باين عليه للحين يحبها
مرام بدون ما تحس : تحبها
رفع راسه منصدم : مرام انسي إلا قلته لك راح احاول اني اتذكرك
صدمها شنووو تذكرني
في المدرسة
غرور : ما توقعت ان عندنا بنت عم
نور : هبه لييه ساكته
هبه ابتسمت : لا بس ابي اكوون ساكته
ريمه : طيب بما ان حنا اتعرفنا ابي اعزمكم لبيتنا نور ابيكِ تجيين ضرووورري وتجيبين معك ندى ولا راح ازعل
نور :راح احاول
ريمه : لا ما تحاولين إلا بتجين انتي وندى هبه ما يحتاج اقول لك
بعد مرور ثلاثة ايام ببيت عبد العزيز
نور : ندى يا الله تعالي معي
ندى : نوور
عبد العزيز : ندوو يا الله لبسي عباتك ابيكم تتعرفون عليهم يمكن يطلع من وراهم كم قرش
نور : استحي على وجهك هذول عمانك
عبد العزيز يطنش نور لأنها الوحيدة من خواته إلا ما تخاف منه
ندى : عبد العزيز يا الله خلصنا
بيت ابو نواف
علياء : ريمه انتي من صدقك عزمتيهم
ريمه : أي ابي تتعرفون على نور واااي تهبل هالبنت
علياء : بس هاذا يوم مخصص للعيلة يعني بس الفارس
ريمه : وهم من الفارس
الخدامة : ماما ريمه هذا في ناس يمبا انتي برا
علياء : دخلينهم
الخدامة : تفضلوا
دخلت نور وندى واريام منبهرين من إلا هم فيه ما تعودوا على هالبيوت انحرموامن الخييير وظلوا بالفقر
أم نواف : بتظلوا واقفين
نور وندى خافوا : هلا هلا
ندى : انتي خت ريمه
ريمه وعلياء : هههههههههههه
ندى : شصاير لييه تضحكون
ريمه : هاذي امي
ندى بإحراج : هلا خالتي
أم نواف فرحت أنهم يضنونها صغيرة : هلا ندى
في الطابق الثاني
كان مستلقي على سريره الكبير وسرحان يتذكر لييه يا جنان خنتيني ما همتك إلا فلوسي وبس كرهتيني بالزواج
قطع افكاره صوت الباب
ريمه : ممكن ادخل
نواف : شتبين
ريمه : حبيبي اخووي ممكن العشاء جهز
نواف : طلعوا المزبلة إلا تحت
ريمه تضايقت : أي طلعوا
نواف : يا الله انا نازل
< نور>
وااي رحت بيتك يانواف واخييرا شفت امك تذكرني لا انت اصلا ما شفتني ما تحس فيني نور اصحي شتبين بنواف
ندى ترمي المخدة : نورووو تعبااانة
نور : نامي وفكيني عاد وراي مدرسة
ندى : الهم افتكيت منها
نور : اووف
ندى : عبد العزيز اخوي متضايق هالايام
نور : هو دومه متضايق
ندى : يقول عينوا مدير اسمه احمد وباين انه قاسي
نور : أي اسمع عن احمد هاذا ودي اشوفه إلا البنات ميتين عليه
في الصالة الكبيرة قعدت ام نواف مع علياء
أم نواف : شفتين ندى
علياء : أي يمه شفيها
أم نواف : حلوة صح
علياء بأستغراب : أي ليه تسألين
أم نواف بأبتسامة : انا ناديت على اختهم اريام ولمحت لها
علياء : لمحتين بشنوو
أم نواف : ابي اخطب ندى لنواف



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-01-2009, 06:07 PM
عاشقة وجنات الخجل عاشقة وجنات الخجل غير متصل
©؛°¨غرامي جديد¨°؛©
 
الافتراضي رد: رواية عذبتني ذليتني دست بكرامتي وآخرتها تقول لي احبك / رواية خيالية جنان


مررررررررررررة تجنن الرواية

بليييييز اتمنى تكملينهااا

انتظرررررك..

(عاشقة وجنات الخجل)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-01-2009, 06:11 PM
طيف الالوان طيف الالوان غير متصل
©؛°¨غرامي مشارك¨°؛©
 
الافتراضي رد: رواية عذبتني ذليتني دست بكرامتي وآخرتها تقول لي احبك / رواية خيالية جنان


عاشقة وجنات الخجل شكراا على مرورك
وعشانك الحين راح انزل التكملة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-01-2009, 06:16 PM
طيف الالوان طيف الالوان غير متصل
©؛°¨غرامي مشارك¨°؛©
 
الافتراضي رد: رواية عذبتني ذليتني دست بكرامتي وآخرتها تقول لي احبك / رواية خيالية جنان


قعدت وهي خايفة أنا شلون وافقت على نواف
اريام : ندى في وين سرحانة ؟؟
ندى تغير الموضوع : امم وين نور
اريام : مدري عنها من عرفت انه نواف تقدم لك وهي بغرفتها
ندى : طيب انا رايحة اشوفها
((في غرفة نور))
نواف انا ابيك طلعت تبي اختي ليه مكتوب لي الهم في هالبيت المكسر دق باب غرفتها ومسحت دموعها : تفضل
ندى : ممكن ادخل
نور تبتسم : اكييد
ندى : ليييه الحلوة زعلانة
نور : ندى عن جد فرحت لك تستاهلين
ندى تبتسم : آآآآه إلا نواف ما توقعته
نور : شفتيه
ندى : لأ
نور : مرررره يهبل يخبل الله يهنيك يا ندووش
ندى رفعت حاجب : وانتي في وين شفتيه
نور : يوم كنت صغيرة شفته بالصدفة بس اذكره
ندى : انا خايفة عبد العزيز يقول حددون الملكة يوم الاربعاء
نور
نور: أي وليه خايفة
ندى : ماعندي شي البسه
نور : افا عليك الحين نروح السوق واشتري لك كـ
ندى تقاطعها : نور انتي عارفة ماعندي فلوس
نور : ندى حنا خوات وانا عندي كم فلس
ندى تجمعت الدموع بعيونها ضمة نور : نوور مدرس شسوي بدونك
نور ابتسمت وقعدت تمسح شعر ختها الله يوفقك بحياتك
بيت ابو نواف
نواف منصدم : شنووووووووو
أم نواف : أي خطبتها لك وازيد الشعر بيت يوم الاربعاء الملكة
نواف بقهر : يمه انتي عارفة اني ما ابي اتزوج
أم نواف بصراخ : نواف انت عارف كم عمرك عمرك 26 وماتزوجة والسبة هالجنان (( وبحنان)) يا ولدي مو كل الحريم مثل بعض
نواف : الله يعميني قبل لا اشوف هالندى الله يعميني بس (( وطلع))
علياء : يمه انتي استعجلتين
أم نواف : ما استعجلت وانا ابي افرح فيه
ريمه : آآه لو ماخذين نور كان احسن
أم نواف : انتي سكتين احسن
ريمه : اووف ياربي منكم
في السوق
قعدوا ثنتينه يدخلون من محل لمحل كانوا مضايقين الأسعار غاليه بنسبة لميزانيتهم قعدوا بالكوفي
نور : ولا شي رخييص شهالعالم كل ماجا له غلا
ندى : اكييد راح يحرجوني بنات عمي
نور تغير الموضوع : طيب انا رايحة اطلب لي تبين شي
ندى : ابي قهوة
وقفت نور من الطاولة وهي منزلة راسها تحس بالضيق على ختها حتى انها نسيت هي شنوو راح تلبس اصدمت بشخص
نور بعصبية : يوووو انتم ما تشوفون
أحمد ببرود : احترمي نفسك تصدم وبعدها تهزأ
نور رفعت راسها وانصدمت منووو هذا سرحت بعيونه إلا سحرتها وبملامحه
أحمد بقرف : هي انتي يا القرف تأسفين لي
نور بصعوبة نطقت : شنوو انا اتأسف (( ومشت بغرور)) آآه منووو هذا منووو
أحمد عصب وطالعها من فوق لتحت ومشى لطالولة
طلبت الطلب وانتظرته يخلص
نور : بكم
العامل : بــ ......
نور : تفضل
اخدت القهوة والعصيير ومشت حتى هذولي غالين
مرت من طاولة احمد وريان
احمد : اوريك الحين شلوون تتعاملين معاي
تسند على الكرسي ومد رجله نور ما حست على نفسها وتعرقلت وطاحت غمضت عيونها مو مصدقة بالصار شالت يدها من الارض إلا تغرقت بالعصير والقهوة رفعت راسها وهي تناظر السخرية والضحك من الناس تجمعت الدموع بعيونها وقامت وهي تمشي وكل مامرت من طاولة سمعت الضحك فيها مرت من طاولة فيها مجموعة بنات
البنت الاولى : ههههه يع يع لا تعبرين تحتي
البنت الثانية : يووو هاذي الموضة ان العباية يكون لونها اصفر من العصير هههههههههههه
حست بالذل توجهت لندى وسحبتها من يدها
نور : يا الله نطلع
ندى شهقت : نور
نور تبكي : سخييف حقييير منوو هاذا
ريان يبتسم : يا حرااام ليه تسوي معها كذا
أحمد بسخرية : ههه حتى تعرف منووو انا
ريان : حرام عليك إلا البنالت ماارضى عليهم
أحمد : وأحلا شي عندي ذل البنات
ريان ابتسم وهو يناظر بجواله : آآه من هالبنت عذبتني
أحمد : تقصد منووو غرور
ريان : هههه الغبية تافه بس جمالها
.....................
نزلت من الدرج بكسل وهي تتثاوب رفعت شعرها وخصلاتها المتانثرة
ريناد : صباح الخييير
زياد : صباح شنوو صباح حنا ليل
ريناد : زيووود ابي شي منك
زياد : ريناد ترى مللتيني من طلباتك
ريناد : انا حياتي كلها ملل متى بس تتزوج غرور وتجي معي البيت
زياد ابتسم : ريناد خلك في احلامك انا طالع
ريناد : اوف ياربي متى يجي الاربعاء واشوف خطيبة نواف
............
في شاطيء البحر والامواج تتضارب رفع راسه حس انه مهموم من كل شي قطعه صوت جواله
متعب : هلا سوسن
سوسن : متعب متى راح ترجع ابوي يسأل عنك
متعب بضيق : سوسن بتأخر شوي
سوسن : متعب انت عارف ان ابوي راح يعطيك تهزيئة محترمة اقول لك تعال الحين احسن
متعب : ســـــوســـــــن قولي لأابوكِ شروق راح اطلقها لاهي تبيني ولا انا ابيها
سوسن ملت من نفس الموضوع : اقول باي باي
حس متعب بالحقد من ابوه زوجه بالغصب من وحدة غنية عشان ياخذ فلوسها مغرورة ودلوعة وما يتحملها وقف بصعوبة وتوجه لسيارته
يوم الاربعاء ((في ملكة نواف وندى))
نور : ياااي ندى تجننين
ندى : الحمد الله لقينا ثوب
نور : سكتين لا يسمعونك
ندى : نور طالعة حلووة اووه اموت واعرف انتي شلوون طلعت عيونك رمادية
نور بغرور : احم احم الكل يغار من لون عيوني
دق الباب
نور : تفضل
دخلت اريام وهي مبتسمة : ندى يا الله اطلعي للناس
ندى : خايفة ياربي تعالين بيت عمي ماسخرون من بيتنا
اريام : والله هم كل شوي يطالعوا بقرف بس يا الله
نور بعصبية : والله بيتنا ما في احلا منه
حست بقهر وطلعت للناس وقعدت جنب هبه
نور : يا ليتك يا هبة بنت عمي انتي
هبه ابتسمت : نور شقاعدة تقولين
نور : منوو إلا قاعدة جنب غرور
هبه : مدري عن عيلتهم بس على ما اضن ريناد
واخيرا دخلت ندى وعيون الكل عليها حست بالاحراج توجهت للمكان إلا لها وقعدت
مر الوقت بسررعة وكل ماجا لها قلبها يدق اكثر متى راح يدخل نواف هذا
ريمه : ماراح يدخل نواف
غرور : شنووو !!!!
ريمه : أي ماراح يدخل
رينادما استغربت لأن حتى خطيبها رياض ما دخل ولا شافها ولا شافته (( رياض اخو غرور))
نور بقهر : ريمه ليكون اخوكِ ما يبي اختي و
ريمه تقاطعها : شهالكلام يا نور
غرور : طيب لا تتزاعلون على فكرة يوم الخميس الجاي عازمتنكم على مزرعة ههه اقصد على مزرعة ولد عمي احمد
نور دق قلبها احمد اخيرا راح اشوفه هالاحمد
ريناد : وااااي يهبل هالاحمد
غرور : بسك انتي الحين مخطوية
ريناد : أي صح قولي لأخوكِ هاذا
غرور بأحراج من اخوها البارد : اممم
......................
في صباح جديد وبعد مرور الايام قعدت ندى وهي مبتسمة لكن تلاشت ابتسامتها من شافت اخوها عبد العزيز
ندى وقفت : عبد العزيز
عبد العزيز : أي عبد العزيز وبعدين حبيت اقول لك ترا
قطعته اريام : عبد العزيز مو وقته
عبد العزيز : لا وقته وحبيت اقول لك يا ندى إذا سمعتين الخبر لا تسوين نفسك متفاجأة وماراح يغير راي انتي لنواف وغصبا عنك
ندى بخوف : اريام شصاير
اريام نزلت راسها وحزنت على ختها
عبد العزيز : خطيبك نواف صار له حادث وفقد بصره
اتمنى الجزء عجبكم
انتظر ردودكم وتوقعاتكم



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-01-2009, 06:31 PM
حلاتي بجنوني حلاتي بجنوني غير متصل
©؛°¨غرامي مشارك¨°؛©
 
الافتراضي رد: رواية عذبتني ذليتني دست بكرامتي وآخرتها تقول لي احبك / رواية خيالية جنان


جناااان البااارت الله يخلكي كملي مررررة تحمست


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-01-2009, 06:51 PM
صورة مآهمني بعدك الرمزية
مآهمني بعدك مآهمني بعدك غير متصل
©؛°¨غرامي فعال ¨°؛©
 
الافتراضي رد: رواية عذبتني ذليتني دست بكرامتي وآخرتها تقول لي احبك / رواية خيالية جنان


البـــــارت جنآآآآآآآن


منو كاتبة الروايه؟؟

والروايه كامله او لا؟؟


انتــظـــــر البارت الجديد...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-01-2009, 07:09 PM
طيف الالوان طيف الالوان غير متصل
©؛°¨غرامي مشارك¨°؛©
 
الافتراضي رد: رواية عذبتني ذليتني دست بكرامتي وآخرتها تقول لي احبك / رواية خيالية جنان


شكراا على مروركم
الكاتبة اسمها / وردة يابسة
حلاتي بجنوني
مزاجية بغموض
شكراا مرة ثانية على مروركم
وهاذا بارت عشانكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-01-2009, 07:11 PM
طيف الالوان طيف الالوان غير متصل
©؛°¨غرامي مشارك¨°؛©
 
الافتراضي رد: رواية عذبتني ذليتني دست بكرامتي وآخرتها تقول لي احبك / رواية خيالية جنان


خطيبك نواف صار له حادث وفقد بصره .. خطيبك نواف صار له حادث وفقد بصره ..بصره .. بصره
هزت راسها بألم لا لا انا احلم احلم ماابي نواف ما ابيه ما ابي اعيش مع اعمى ما يشوف
دق الباب رفعت راسها بحزن : قلت ما ابي اشوف احد
نور : ندى انتي بخيير صار لك اسبوع وانتي بغرفتك
ندى : نور شتبين
نور : ابيكِ تزورين نواف
ندى انصدمت : هااااااااا
نور : أي يا ندى إذا ماوقفتين معاه الحين متى راح توقفين
ندى بكره : انا ما ابيه ما ابي واحد اعمى ما يشوف شلوون راح اعيش معه
انصدمت نور من كلام ختها لا هاذي مو ندى
نور : ندى
ندى : إي إلا سمعتيه قولين لعبد العزيز ما ابي نواف واحد اعمى مايشوف الدنيا (( وبكت وقعدت تصارخ))
اكره ما ابيه هو مايبيني وما دخل في الملــ . ماقدرت تكمل كلامها لأن صفعت نور سكتتها قعدت مصدومة حطت يدها على خدها : نور (( قعدت تبكي بحضن ختها الصغيرة))
نور وهي تمسح على شعر ندى : سمعين يا ندى نواف خطيبك الحين واكييد محتاج حد يوقف معاه سانديه وكوني معاه وانتي تعرفين منو هم عيال عمي اولاد العز مستحيييل يسكتون اكيد راح يتعالج ويتشافى توعديني يا ندى انك تكوني الزوجة المخلصة لزوجها إلا تسانده بكل شي
دموعها ما قدرت نزلت آه يا نور احبك انتي اختي الصغيرة إلا علمتيني اشياء انا ما اعرفها
ندى وقفت : نور انا رايحة بيت عمي
نور ابتسمت : هاذي ندى إلا اعرفها
بيت متعب
فتح باب البيت وهو يحس انه منهار مشى للبيت الكبير إلا ماحس انه في يوم بيته
شروق تكتفت : لا لييه مانمت برا البيت
متعب طنشها ومشى
شروق : هي انت انا اكلمك
متعب ضغط على يده من يومه مستحملها عشان ابوه وانها بنت عز لا يامتعب مو هاذي البنت غلا تذلك عشان فلوسها
شروق : الاخ سرح مع فارسة احلامه
متعب ماسك اعصابه : احترمين نفسك
شروق تبتسم بسخرية : والله هههه
متعب : أنا طالع غرفتي انام
شروق : قول والله من تزوجنا وانت بهالغرفة
متعب ركب للغرفة وتركها : اكررههههههك يا متعب يا الغبي
حست بملل ابوها شلون وافق عليه تدري انه فلوسها هي إلا مسكتنته هاذي مو عيشة معاه
...................
فتحت دفترها الوردي وكتبت مذكراتها ونزلت من غرفتها
هبه : كيفك خلووود
خالد : هبه لعبين معانا
علاء : أي لعبين معانا
هبه : بودي العب معاكم بس علي بكرا ختبار
علاء : ماعليكِ منه من راح يحاسبك بدرجاتك
حزنت هاذا اخوها الصغير ويقول كذا فقدت الحنان من صغري انا واخواني بسبة هواش امي وابوي إلا مايخلص
هبه وقفت : طيب انا راح اذاكر وبعدها بذاكر لكم
خالد : ما نبي
هبه : لا تبون ابي درجات ترفع الراس
خالد : ومنووو إلا منرفع راسه امي ولا ابوي ههه ولا انتي
هبه بحزن : خالد إذا نجحت راح اطلعكم الملاهي
ناظروا علاء وخالد ببعض اول مره هبه تفكر تطلع مع اخونها برا اسوار البيت المغلق عليهم : ياااااي هبه بتطلعنا (( وتركوا العب ))
هبه ابتسمت : ولا راح اطلعكم معي مزرعة حلوووة وكبيييرة
علاء فتح عيونه وضحك : احببببك ماما هبه
فرحت كثيير من ماما هبه ((لو تعرفين بيأثر بشنوو مافرحتين))
..............
(( ريناد))
قعدت بالصالة متمللة اووه متى اخلص من الدراسة لا لا متى اطلع للمزرعة متحمسة لها كثيير احس بيصير لي شي هههه دق التلفون رفعته بسرعة وهي تضحك
ريناد بصوتها الناعم: الووو
....صوت منوو هاذا الناعم
ريناد : الووو من معي
رياض : هلا لو سمحتين موجود الاخ زياد
حست انها تعرف هاذا الصوت : لا مش موجود من يكلمه
رياض : قولي له رياض كلمك مع السلامة
دق قلبها بسررعة رياض وبتهور : رياض لحظة بس
رياض : هلا زياد رجع
ريناد : لا بس ماعرفتني
رياض : لا انتي منووو
تحطمت هاذا باين عليه مو مهتم وبقهر : معاك خطيبتك إلا ما تدري عنها ريناد
انصدم كلامها صدمه رينــاد انا شلوون نسيتها انا نسيت اني خاطب وبخجل : هلا ريناد
ريناد : تو الناس طيب يارياض إذا جا اخوي زياد اخليه يكلمك
سكرت السماعة وهي مبتسمة طيب يارياض إذا ما خليتك تنام وانت تنطق بسمي ماكون ريناد بنت عمك
بيت ابو نواف
نواف : يمه قلت ما ابي حد يدخل
ريمه دخلت وهي متأسفة لحال اخوها : نواف
نواف : وانتي شتبين بعد
ريمه قدرت اخوها الوحيد تجمعت الدموع بعيونها وهي تطالعه هو نواف ما تغير شكله لون عيونها كل شي فيه بس فاتح عيونه وهو مايشوف غير السواد
نواف بهدوء : ريمه تبين شي
ريمه حاولت انه مايحس بدموعها : أي في بنت تبيك
نواف : بنت أي بنت
ريمه ابتسمت : هههه راح ادخلها وبتعرف
سكت نواف وهو كاتم حالته بنفسه سمع صوت خطوات تتجه له شم ريحة عطر نساه حزنه
ندى بتردد وتوتر : نواف (( سكتت )) الحمد الله على سلامتك
نواف : انتي منوو
ابتسمت اول مره اشوفه عن جد يهبل انا شلوون كنت ابي افرط فييه يا حلوو عيونه من ذكرت عيونه رجع لها حزنها
نواف : بتظلي ساكته انتي منوو
ندى : انا ... انا .. نـ دى
نواف بعصبية : لييه جاية هااا لييه جاية تشفقين علي ولا تناظريني وتبي تذليني ولا جاية تبيني اطلقك وبعدين أي سلامة تتكلمين عنها
ندى خافت من ردة فعله بس اخذت نفس : لا يا نواف لا تقول كذالا انت راح تشوووف
نواف : انتي السبب في إلا انا فيه
انصدمت : انا السبب
نواف : ندى طلعين برا
ومن جهة ثانيه من البيت كانت نور قاعدة لأن ختها خلتها تجي معها حست ان مالها داعي
نور : ريمه ابي ادخل الحمام
ريمه : الحمام تمشين سيدة ولفين على اليسار وراح تلاقينه
نور ماسمعت ولا شي بس قامت وراحت سيده سمعت صوت رجولي وقفها تلخبطت وما عرفت تتغطا منوو هاذا الرجال احس انه كله غرور وشموخ
ابو احمد يطالعها من فوق لتحت : لا انتي مش ريمه
نور تغطت بسررعة : لو سمحت ممكن تبعد
أبو احمد : انتي منوو
نور : ياربي انا نور طيب
أبو احمد انصدم هاذي نور بنت اخوه إلا تزوج بنت فقيررة وسبب لهم مشاكل : طيب يا نور لييه تتغطين مني
نور : لأنك رجال غريب عني
أبو احمد : انا عمك يا نور عمك ابو احمد
نور : احمد
أبو احمد : لو ما إلا سواه ابوك
نور : لو سمحت لا تتكلم عن ابوي
ندى : نور
التفتوا لها
أبو احمد : وهاذي اختك
نور : أي هاذي ندى
ندى خافت على نور منوو إلا قاعده تكلمه : نور يا الله نمشي
نور : يا الله
طلعوا من البيت الكبير وهم يمشوا ركبوا سيارتهم القديمة
نور بهمس : شفتيه
ندى بحزن : ايه
نور بفرح : هاا وشصار
ندى بكذب: هههه جلست معه وتكلمنا ما شاء الله عيه حبوب ورومانسي
نور فرحت لختها وابتسمت عقبالك يا اريام وتسكتين الناس بكلمة عانس هاذي
.......
فتح علبة الزجاير وسحب منها دق جواله
احمد : الووو
ريان : هلا احمد
احمد : هلا
ريان : احممد راح تروح مزرعتكم يوم الخميس
احمد : أي ابوي يبي يحتفل بمناسبة
ريان يقطعه : طيب طيب ما يحتاج تذكر لي الاسباب
احمد : راح تجي صح
ريان : مدري
احمد : لا لازم تجي انت عارف ان علاقتي بأهلي ضعيفة وما اعرف حد منهم
ريان : راح اجي وببعد موعد مع بنت للأسف عشانك
احمد : تخسي هالبنت تروح لها تجي معي احسن لك
ريان : لا هي بعد قالت راح تروح مزرعة يوم الخميس
(( يوم الخميس ))
في المزرعة
بمجلس البنات
ريناد : واااااااو الجوو مرره حلووو
ريمه : ههههههه ايش رايك نطلع نتمشى بالحديقة
ريناد : يا ليت
غرور : هبه ماراح تجي
نور : للأسف ماراح تجي
غرور : ندى لييه ساكته
ندى : لا بس ماعندي شي اقوله
ريمه : والله فكه من هالمدرسة الهم
غرور : أي والله احلا شي انه راح ننام يومين بالمزرعة
ندى ونور انصدموا : شنوووووووو !!!
ريمه : ههههههه ما تدرون
ندى : هههه لا بس حتى ولو حنا ماراح ننام
غرور : شنووو ماراح تناموون لا ياقلبي طلعة من هنا ماراح تطلعون وعلى هم الملابس ريمه ما تقصر
ريمه ابتسمت : حتى غرور
نور : لا مشكورات حنا ما نبي (( ووقفت)) ريناد راح اتمشى معك
ريناد : يا الله تعالي
نور لبست عباتها وحطت شيلتها على كتفها
ريناد : ما يحتاج تلبسين عباية حنا في قسم البنات
نور : ههه لا بس كذا ابي عباتي تطيير
............
مرام : سعود
سعود : هلا مرام
مرام : انت مشغوول
سعود : لأ
مرام : اممم ممكن تطـ
قطع صوتها صوت جواله
سعود : الو .. اووكي ... ها شلووون .. طيب انا جاي (( وسكر)) مرام اكلمك بعدين
اااوووه ياربي وانا كل مابغيت اتقرب منه بعد عني
بيت ابو محمد
كانت سنين قاعدة جنب فرح وفرحانة انها ببيت حبيبها مازن
فرح : بس لا تفشلينا كل شوي تلتفتين
سنين : هههههه شسوي ابي اشوفه حتى لو بالصدفة آه لو آخذه يا حظنا تكون كل وحدة متزوجة واحد
فرح دارت عن احلام ختها الوردية دق جوالها ووصلها مسج من زوجها راشد ابتسمت وقامت
سنين : وين رايحة
فرح : طالعة
سنين : وبتتركيني
فرح : اوووه سنين دبرين حالك (( وترفع صوتها )) مي يا الله تعالي البابا جا
جت مي وهي مبسوطة وهي تذكر ان ابوها وعدها يطلعها اليوم
طلع الكل وبقت سنين اتصلت لأي احد ماكان في احد قادر يوصلها
أم محمد : سنين
سنين : هلا مرت عمي
أم محمد : شبلاكِ واقفة
سنين : لا بس مافي عندي حد يوصلني و
أم محمد تقطعها : هههههه ولا يهمك الحين اقول لسواق يوصلك افا عليكِ كـ
قطع كلامها صوت مازن وهو نازل من الدرج : يمه كنت ابــ انتبه لوجود سنين نزل راسه ومشا
....................
ريناد : نور شنووو شعور اختك اتجاه نواف
نور ابتسمت : الحمد الله انا اشوف علاقتهم صارت احسن بكثيير
ريناد نزلت راسها اتمنى انا ورياض نكون بع كذا ناظرت اتجاه مجلس الشباب الحين شقاعد يسوي
نور قعدت تلتفت يمين ويسار مشت وهي ماحست لنفسها رفعت راسها و لفت انتباها صورة معلقة داخل راحت تشوف صورت من لكن انصدمت من إلا تشوفه هذا احمد حطت يدها على الصورة وقالت بصوت عالي : الغبي هاذا إلا ذلني قدام الناس آآآه هاذا احمد غبي سخييف راح تشـ
قطع كلامها صوت من وراها خلا ها تجمد
.....: شقلتين ؟؟؟



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-01-2009, 07:38 PM
صورة المرجووجة الرمزية
المرجووجة المرجووجة غير متصل
©؛°¨غرامي فعال ¨°؛©
 
الافتراضي رد: رواية عذبتني ذليتني دست بكرامتي وآخرتها تقول لي احبك / رواية خيالية جنان


البارت روووووووووووعة بليزززززززززززززز كمليه وانطرج على احر من الجمر


الرد باقتباس
إضافة رد
الإشارات المرجعية

رواية عذبتني ذليتني دست بكرامتي و أخرتها تقول لي أحبك / كاملة

الوسوم
آآآآآآآآآخر بارت صفحة 379 , آخر بارت صـ 403 , آخرتها , البااارت الاخير 412 , الروايه قمه في الروووووووووووعه , احبك , ذليتني , تقول , بكلمة , بكرامتتي , عذبتني , وآآآآآآآآآآآو روووعة الرووآآية وربي ^^
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
البنات دجة و الشباب رجه / كاملة ṀźαJỷα ♠ روايات كامله - يتم نقل الرواية هنا بعد اكتمالها 853 27-09-2014 03:22 PM
أشعلت لقلبك شمعة / الكاتبة : لا أنام ، كاملة القابضة ع الجمر روايات كامله - يتم نقل الرواية هنا بعد اكتمالها 117 02-11-2013 11:11 AM
اليتيمة / الكاتبة : هاردلك يا قلبي ، كاملة newlife_088 روايات كامله - يتم نقل الرواية هنا بعد اكتمالها 262 09-10-2013 02:29 PM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 07:47 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم