اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 21-01-2010, 03:40 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


ابو فيصل: نوره انا ودي اروح اعتمر
ام فيصل :أي والله نروح انا وانت وسعاد
ابو فيصل:اجل اقول ولا تدرين نروح بسيارتنا,,اخاف الطياره تأثر علي
ام فيصل:لا عويذ الله من الطيارات وركوبهن
ابو فيصل:زين نروح الويكند نمر سعود وناخذه معنا
ام فيصل: ونعم الراي اكلمه اجل اقوله يحجز لنا السكن,, ويجهز نفسه
ابو فيصل:زين

كلمت ام فيصل ولدها وقالت له يتجهز ويحجز لهم سكن,, وفرح سعود لما قالوا له اهله بالسفره,,لانه يحتاجون انهم يغيرون جو

طيب خلونا نروح لعائلة احبها الله فبتلاها ليختبر صبرهم ويجزيهم كل الخير

كان ناصر جالس بغرفة ابوه وامه,, ودخلت عليهم وضحى وريم وعليا
وضحى وريم شهقوا يوم شافوا امهم
ناصر:اوووووووص اقصروا,, بيقومون بالسلامه
عليا اللي تحاول انها تصير اقوى منهم:خلاص يابنتوا استهدوا بالله ,,
ومع صوت البنات قامت ام ناصر ,, وشافت بنتها ريم اللي تحب يدها
الام:ريم
ريم فرحت بصوت امها:يالبيييه الحمدلله على سلامتك يالغاليه
الام:روحي لنجود تطمني عليها
جتها وضحى بسرعه:يمه تكفين انا واختي محتاجينك صيري قويه عشاننا تكفي
الأم ودمعتها سبقت كلامها على حال بناتها :الله لايحرمني منكم, ولا يبين غلاتكم
ريم وهي تمسح دموعها: الحين بتطمن على اخوي وعلى نجود,, بس أبيك معي يمه لا تخليني
الام:روحي يايمه الله يطمني عليكم اكثر ويحماكم

طلعت ريم وعها عليا لغرفة نجود,, وكانت برضوا بالعنايه وممنوعه الزياره
شافوا امها وخواتها عند الباب توهم طالعين
فاطمه اخت نجود: بعد سواة أخوك الشينه جاين؟
ريم مو طويلة لسان فمعرفت ترد:ليه؟
فاطمه:قولي وش تبون جاين
ام نجود:فاطمه عيب ذول خوات رجلها
فاطمه :أي رجل بكره لاتشافى اعرس عليها,, وش يبي يوحده ماتقدر تجيب عيال والسبب سواتة الشينه
عليا تحب نايف لانه حبوب غير اخونه وطيوب: وقص وش سوى الرجال؟؟ هذاهو في فراشه وحاله مو احسن منها,, ومو نايف اللي يتخلى عن مرته بشده,, الحشمه لأمتس ولاكان ربيتس ياقليلة الحشمه,, قومي ياريم نروح لولدنا,, هذا جزاتنا جينا نطمن عليها,,
فاطمه: مشكورين مانبي منكم منه ,, وخل أشوف أحد منك رايح مسمي الولد سماه أبوي بأسم أخوي الكبير وخل أشوف أحد مغيره
ريم بكل وقار: ابوها وعلى العين والراس,, بس ابو الولد هو اللي بيقوم بالسلامه وبيسميه,, ولا احنا مو متعدين على ابسط حقوق اخوي

ومشت ريم مع عليا للقسم اللي جنبهم عشان يتطمنون على نايف
ريم وهي مقهوره:ماتوقعت فاطمه حقيره كذا,, اخوي وش سوا ,, لو واحد ثاني كان قلت بس نايف ينحط ع الجرح يبرى ياعليا
عليا:يا بري حالي ياريم,, تعلمينن عن اخوتس ,, بس الحق ينقال نجود مو زي اختها عوبه,, نجود مؤدبه وبنت أمها

وصلوا لقسم نايف
ريم وهي تمسك يدها:قومي معي
عليا:ما اقدر ياريم انتي أخته وتطمني عليه وطمنن
ريم وهي تدخل القسم وتمشي ببطء
قطع مشيها وخوفها صوت رجال
:على وين يا أختي
ريم خافت من خاطر لان المكان هادي :اخوي اخوي بشوفه
الدكتور فهد:من أخوك
ريم وهي تلتقط كلامها: ناايف
والتفتت تطالع بعليا اللي واقفه بعيد وكأنها تقولها الحقيني ياعليا
فهمت عليا الاشاره وجتها
عليا ولا كنها شايفه الدكتور:وراتس مادخلتي؟
ريم وهي تأشر على الدكتور
عليا وهي تكلمه:في شي؟
دكتور فهد وكأنه عرف الصوت:انتوا اهل نايف؟
عليا بصبر :ايه نعم واخته تبي تطمن عليه ممكن؟
الدكتور فهد وحب يرفع ضغطها لانها سكرت بوجهه>>فاضي: حاليا لا لان ممنوعه الزياره
ريم ودموعها تجمعت بعيونها وبصوتها العذب:تكفى أبي أشوفه
فهد هنا تسمر اما رغبة ريم,, حسها زي البنات اللي بالافلام كرتون عيون واسعه,, ورمش غزير وعيون لماعه وزاد الحلا أثنين بدموعها ,, ولا بعد صوتها ولا آله موسيقيه
د/فهد:أبشري تفضلي من هنا
عليا تطالعه وأنتبهت لإعجابه في ريم
مشت ريم ورى د/فهد ودخلوا غرفة نايف
د/فهد:لاتكلمينه بس شوفيه ولا تتخرعين من الاجهزه حقت التنفس لأن نبي نساعد رئته على تنفس بدون ماترهق نفسها لانها مصابه
ريم وهي تهز راسها بأي
دخلت الغرفه وأول ماشافت اخوها والاجهزه اللي حوله شهقت وحطت يدها على فمها وانهالت الدموع الغزيره لما شافت اخوها القوي صاحب البنيه القويه ضعيف وأجهزه تتحكم فيه وتساعده
د/فهد:اذا بتبكين خل نطلع برى مانبي نزعجه ومانبيه يتكلم
بس ريم مسكت نفسها لثواني وقربت من أخوها ,, واحترم فهد هالرغبه وطلع برى وخلى الممرضه عندها عشان تاخذ راحتها وتنتبه لها
ريم وهي تمسك يده اللي مركب فيها المغذي وتبوسها,, راسه عن الجبهه ملفوف ,, رقبته مركب فيها التجبيره المتحركه,, فمه وخشمه عليهم اجهزة التنفس,,مالقت غير يد وبرضوا ملزقه بسبب الزجاج
نايف حس بوجودها وفتح عيونه بس مايدري عن هوى داره,,يبي يتكلم بس مو قادر
ريم مسحت دموعها:الحمدلله على سلامتك ياخوي,,أبشرك جاك ولد ونجود بخير بس انت قم بالسلامه عشان تشوف ولدك,, خلك قوي زي مانعرفك
نايف ويبي يسألها بس مو قادر
ريم :حنا بخير,, وابوي وامي بخير شافوا ولدك,, يهبل صغير تقول امي يشبهك

بانت معالم ابتسامه على وجه نايف المصاب ونزلت دمعه عجز وحزن انه ما استقبل ولده
ريم:ان شاء تقوم بالسلامه وتشيله وتسميه
شد نايف على يدها شوي وحاول يتكلم بس مافهمت
ريم تكلم الممرضه:شيلي الكمامه خله بيقولي شي بس شوي
الممرضه : ممكن يأثر عليه
ريم وهي تحاول تفهمه:تبي تشوف ولدك
نايف:هز راسه بلا
ريم:نجود؟
نايف:لا
ريم وهي محتاره :هو بخصوص ولدك؟
نايف :غمض عيونه يعني نعم
ريم وحسها قلبها:أسمه
نايف:غمض عيونه بقوه يعني ايه
ريم تبي تسميه على ابوي؟
نايف هز بلا
ريم وعيونها دمعت:على طارق
نايف غمض عيونه براحه
ريم:أبشر أخلي ناصر يروح لهم ويسمونه انت أبشر بس قم لنا ولطروق سالم يانايف,,خلك قوي
نايف وهو يغمض عيونه وكأنه يبي يطمنها
ريم حبت تفهم اخوها عشان ماينقهر انه كله نايم ولا يقدر يتحرك
:نايف حبيبي هم بيعطونك منوم تقريبا لمدة اسبوع,, عشان رقبتك ماتتحمل حركه وعشان تنفسك وعندك ضلع مكسور بصدرك, وتحتاج انك تكون ممدد,, عشان كذا لاتتحرك اذا حسيت وصحيت,,حاول انك ماتتحرك عشان تشافى بسرعه ,,خلاص؟
نايف وهو يسمع كلامها ورفع عيونه لفوق وتحمد ربه في قلبه على ماصابه ,, وبعدها دخل د/فهد:صحى؟
الممرضه :أي
د/فهد:ليه ماعطيتيه منوم؟
ريم وهي تطالع اخوها وكأنه فهمت اللي يبي:اخوي عرف ان الحركه مضره له,, وهو ماراح يتحرك بس مو كل مافاق عطيتوه منوم
د/فهد:عشانه اللي نسويه
ريم بحزم وهي ماسكه يد اخوها:ايه بس مو على طول,, عطوه المسكنات والادويه الثانيه بس مو كله منوم حتى لو مافيه شي بيمرض
نايف انبسط من اخته من خاطر
د/فهد:ابشري اللازم بنعمله
ريم وهي تطالع اخوها:أبيك ترجع لنا سالم وتقوم بالسلامه
نايف وهو يغمض في عيونه بان شاء الله

طلعت ريم وهي مرتاحه نسبيا ان اخوها بخير
عليا:ها طمنيني
ريم وهي تنشف دموعها وتقولها اللي صار
عليا:الله يقومه سالم,,قومي نروح الحمام غسلي وجهك ونروح لعمي وعمتي
ريم:ان شاء الله

راحوا وريم اعلنت الحرب على فاطمه وقالت لاخوها ناصر عن رغبة اخوها,, وراح ناصر وسمى الولد بطارق
وهنا بدت حرب داحس والغبراء بين ناصر واهله,, وبين ابونجود وبنته العوبه فطيم

في الجزيره
كانوا الحبايب نايمين,, حست حنان بالحر,, وقامت من نومها ولا شعوريها فصخت التي شيرت اللي عليها حق طارق ورمته,, وانسدحت وهي مو حاسه باللي حولها,,غمضت عيونها لثواني بس برضوا لازال حر وحست ان حركتها ثقيله بسبب الجاكيت ,,انقلبت على الجنب الثاني وطاحت عيونها على طارق اللي كان نايم
فتحت عيونها على حدها ومن تأثير الصدمه عطست
حنان:اتشيووووووووووووووووو
حس طارق وقام بسرعه متخرع
لقى حنان قدامه جالسه ووجها مليان علامات تعجب وذهول وتطالع في الكهف
حنان نست اللي صار امس:ويننا فيه؟
طارق وحس ان جسمه متكسر ودايخ حده:وين بعد بمكانا
حنان وانتبهت للمكان عدل واستوعبت:حنا بالكهف؟
طارق وهو منسدح ومعطيها ظهره:ايه
حنان وتطالع الفوضى اللي حولها,,ملابسها مرميه!! اللحاف مرمي!! طالعت وش لابسه هي لقت جاكيت ,, والترنغ حق طاري اللي يلبسه لاجا يبدل,,بس انا ماخذيت هالاشيا معي يوم تهاوشت معه!!!
وش صااار؟؟ وجلست تطق راسها لين تذكرت انها كانت تعبانه,, وامطرت السما وبعدها فقدت الوعي
حنان بصدمه:لا لا مش معقول
طالعت ملابسها المرميه,, والملابس اللي عليها
طارق التفت عليها:وش اللي مش معقول؟
حنان وعيونها الشرر يطلع ووجها احمر من الغيض :متى لبست هالملابس
طارق :سكنهم مساكنهم ,,يازينتس وانتي جثه هامده ماتدرين وش السالفه بس
وعطاها ظهره ونام
حنان وهي تفصخ الجاكيت وتطق طارق بالجاكيت على ظهرع:قلي شلون لبست هالثياب
فز طارق وعصب من حركتها,, رجعت حنان لا اراديا لورى تذكرت ذاك اليوم,,ما اتوب ماحرم طوالة لسان
طارق وهو يتذكر انه اخذ عهد انه مايسوي شي يزعلها :اعوذ بالله من الشيطان
امس ياطويلة العمر امطرت الدنيا وانا نايم مدري عن هوى داري,,لين جا رعد وفزعني وبركه اني ذكرتك وجيتك وانتي قطعة ثلج لو احطك بقدر يغلي برد والسبب انك مثلجه,, فعملت بأصلي صحيتك قلت قومي البسي ماقمتي,, قولي لي وش رايك اخليك تموتين ؟؟ولا انا ألبسك ويصير جزاتي هاللسان اللي متبري منتس؟؟؟
حنان وهي تتخيل شلون لبسها وصنت لدقيقه وهي سرحانه بالجاكيت وملابسها ولا شعوريا سحب البلوزه لقدام وشافت ان صدريتها نفسها
وشب وجهها احمر لمجرد ان طارق فصخها كلياااا ولبسها ,, وخذت جاكيتها ورمته عليه وطلعت برى
طارق:هههههههههههههههههههه عفوا ,, عفوا
انتوا هذا شكركم للي يساعدكم
حنان وهي برى رايحه للبحر:ما اصدق ما اصدق ,, شافني؟؟؟ شاف صدري وبطني جسمي كله
مستحيييييييييييييييييييييييييييل هذا شلون بقدر اطالعه مره ثانيه,,أكيد جلس يتمقل بعد ان كانه سوالي شي ماني بداريه يجوز هذا حمار ويسويها
وجلست تمشي عند الشاطي زي الخبله رايحه جايه وتكلم نفسها,,مره تعصب ومره تستحي ومره تخاف
حنان:طيــــــب منومني عنده ليــــــــــــه ليه وجنبه ,,ياويلي ,,يافضحي فضحاااه
وجلست زي الخبل بالحالها خخخخخ

اما طارق كان شاق الضحكه من الاذن للأذن وهو يتذكر وجهها اللي شب احمر من الحيا,, بس لا لازم ما اضيع هالفرصه اكيد انها برى وتاكل بعمرها ولاشافتني الحين بيصير وجهها احمر وتستحي هههههههههههههههههههههههههههه تعرف تستحي هالملسونه
ههههههههههههههههههههههههههههههههههههه
قام طارق من مكانه وطلع وكانت الارض رطبه وقدر انه يتبع خطواتها اللي مبينه على الارض
مشى لين طلع على الشاطي ولقاها تمشي وتكلم روحها
طارق بصووت عالي :أستخفيتي
حنان اللي سمعت صوته تخرعت وبنفس الوقت شب وجها احمر
جاها طارق,, وسوت نفسها حنان ماشافته وجلست تمشي ماتبيه
اما طارق كان ميت من الضحك على شكلها,, وحنان كانت تمشي بسرعه ولا كأن عندها احد
طارق:يابنت ترى طاحت رجولي
حنان:.........................
طارق يبي ينرفزها:امس تعبت وانا اشيلك اثريك ثقيله
حنان وقفت والتفتت له وبمجرد ماطاحت عينها بعيونه الحاده شب وجهها احمر ولفت وجهها ومشت
طارق:ههههههههههههههههههههههه ياحبيلك وجهك حمر يمكن الحين صارت صخونه تعال خل اشوف؟
حنان شوي وتبكي من الفشيله ,, شافني الحقير مفصخه وتلقاه مستانس امس
اما طارق ركض بسرعه لها ومسكها ولفها لجهته
حنان وهي ماتطالع تطالع البحر:هدني ,, شتبي
طارق بصوت مخملي خاثر حلو اول مره تسمعه حنو:حطي عينك بعيني وقولي اتركني
حنان اللي بتطيح من طولها بسبب صوته وقربه:.........
طارق:اوكي
رفع راسها بيده:انا اسف حنو على كل شي سويته لك,, ومن اليوم ماراح اخليك تغيبين عن عيني,, ولا راح ازعجك أوعدك حتى بتحمل لسانك المتبري منك ,,اهم شي سامحيني
حنان اللي لحد هنا وخلاص ناوي يذبحني ذا حتى رجع وصار حلو مع شعره اللي طايل

طارق بنفس النبره الذباحه:طاح الحطب؟
حنان اللي ماتقل حلاوه بصوتها المبحوح:طاح وانا بعد آسفه
ابتسم طارق من قلب حتى عيونه زادت لمعتها من ابتسامته ,,ترك يدها ,, ومسكها من كفها :نروح؟
حنان وودها يشيلها لان رجولها خلاص مو قادره توقف:وين
طارق:كهفنا
حنان :ليه لأ ,, بس الجو حلو خل نجلس هنا
طارق وصوته تغير للحازم:انتي توك تعبانه وهنا برد البسي شي ثقيل وبعدها نطلع على كيفك
حنان ماتملك تعارض:ان شاء الله
طارق ببتسامة رضى:ايه هاذي حلاتك ,,مشينا
حنان وخلاص خقت ع الاخر:مشينا

اثنينهم حسوا ان من اليوم بيبدون بدايه جديده,و بدايه حلوه,, بدايه أي حب بين أثنين وعسى أيامهم تكون كلها أفراح


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 21-01-2010, 03:49 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


الجزء الرابع عشر+الخامس عشر

في مكه المكرمه

كان ابو فيصل على كرسيه المتحرك وبجانبه ولده سعود,, وكان مافي زحمه
وكانت عيون ابو فيصل تدمع وهو يتذكر بنته حنان,, كان يتذكر اخر مره جاوا فيها لعمره,,قبل سنه,, كانت تتحلطم
حنان:الله يجزاها خير ويرحمها هاجر,, طاحت رجولي وانا أسعي
فيصل:معليه خفي شحوم,, زايد وزنك هالايام
حنان:مو مني من طبخ امك
فيصل : في ذي عنك حق
حنان:يبى أبي أروح المدينه اخر مره رحت لها قبل 5 سنوات
ابو فيصل:أبشري بس مو هالمره,,لأن عندنا شغل
حنان:يرجع الشاب الوسيم فيصل ويقابل الشغل
فيصل:معصي رجلي على رجلكم
حنان بعواابه:فديييييتك وفديت رجلك ورجلي
الكل:ههههههههههههههههههههههههههههههههههههههههههههه ه

ابو فيصل ابتسم وهو يتذكر سوالف بنته
رجال كان واقف قريب منهم ويطالع ابو فيصل وبعينه دمعه ,, أستغرب منه سعود دقق النظر فيه بس ماعرفه,,معقوله يعرف أبوي وحطمه شكل ابوي اللي تغير بعد الحادثه

قرب ابو راكان من ابو فيصل:السلام عليكم
ابو فيصل +سعود:وعليكم السلام
ابو راكان وهو يحب راس ابو فيصل:وشلونك ياعم,, ماتتخيل فرحتي يوم شفتك سالم متعافي
ابو فيصل وهو يحاول يتذكر:الله يسلمك
ابو راكان ببتسامه حنونه:انا أبو راكان اللي كان معكم بالطايره
ابو فيصل برضوا ماعرفه لان اصلن مايدري ان كنيتة ابو راكان
:أعذرني ياولدي ماعرفتك
ابو راكان بصوت حزين:انا اللي توفت زوجتي ,, وحطيت ولدي عندكم
ابو فيصل وهو يشد على يد ابو راكان:اييييييييييه هلا هلا وشلونك,, بشرني عن ولدك
ابو راكان:يسرك الحال,, طمني عنك وعن بناتك
ابو فيصل بحزن: انا بخير وبنتي سعاد بخير,, بس حنان ........>>مو قادر يقول ماتت
ابو راكان :لقيتوا جثتها
ابو فيصل:لا
ابو راكان:ولا طارق صح؟
سعود بخاطره ذا بيقلب مواجعنا
ابو فيصل:ولا هالولد النشمي ,, الله يرحمهم برحمته
ابو راكان:انا شايف طارق انسدح على حطام وحركه الموج ,,ماهقيته مات بذيك اللحظه
سعود وهو يقطع السالفه وينهيها:الله يرحمنا جميع,,القوات هناك بحثوا عن الجثث مالقوا اثر,,
ابو راكان وفهم مقصد سعود:الله يرحمهم ان كانوا ميتين,, وان كانوا حيين الله يفك عوقهم ويردهم سالمين
ابو فيصل وهو يرفع يديه لرب العالمين والكعبه مقابلته:اللهم امين
ابو راكان:يالله ياعم انا أستأذن الحين
ابو فيصل:ولدك منهو عنده؟
ابو راكان:عند خالاته حاليا ,,بروح لكندا آخذ شهاداتي واكمل هنا,, خلاص مستحيل اقدر اعيش بالغربه هناك
ابو فيصل:الله يوفقك ويرزقك ويخليك لولدك,,ويبلغك فيه
ابو راكان:اللهم آمين,,
طلع ابو راكان كرت من بوكه:تفضل ياعم هذا ارقامي طمني عنك
ابو فيصل :ان شاء الله
ابو راكان: يالله فمان الله
ابو فيصل+سعود:فمان الكريم

مشى ابو راكان وومرت من جنبه سعاد وكانت طبعا متغطيه,, وماعرفها بس هي حست انها تعرف هالرجال
سعاد:السلام عليكم
ابو فيصل:وعليكم السلام هلا ببنتي,, وين امتس؟
سعاد:امي جالسه هناك عند مكان الحريم ,,متى بترجعون الفندق
سعود:الحين يالله
ابوفيصل:سعاد ماعرفتي هالرجال اللي كان واقف معنا؟
سعاد:تصدق عاد يبى حسيت اني اعرفه
ابوفيصل:هذا ابو راكان ,,اللي كان معنا بالطياره
سعاد:اهااااااااااااااااااااا وين ولده مهو معه؟؟
ابو فيصل:يقول عند اهله ,,وهو جاي يتعمر
سعاد:الله يتقبل منه ,,طيب انا بروح لامي عشان نرجع,,لأني ميته من الجوع
سعود وهو يبتسم من قلب:يخسي الجوع الحين ندخل على البوفيه حق العشا
سعاد:هههههههههههههه ترى عادي آكله كله
سعود:ايه هذا المقصد حللي قيمته
سعاد:ههههههههههههههههههه

راحوا لامهم وخذوها واطلعوا من الحرم

في المستشفى

صحت نجود من البنج بعد 3 أيام من الحادث

لانهم كانوا يعطونها منوم+مسكنات عشان حالتها حاله كل شي فيها يوون المسكينه
نجود:آآه يمى آآه
الممرضه:ايوه يامدام نجود انا الممرضه حاسه في حاجه؟
نجود وهي تطالع الممرضه:وين ولدي؟
الممرضه:في الحضانه,,زي القمر
نجود:ونايف؟
الممرضه:نايف مين؟
نجودبتعب:زوجي
الممرضه:آآه لأ كويس بس عندوه كسر بسيط وعشان كدا مايقدرش يتحرك
نجود: طيب ابي اشوف ولد
الممرضه:حااضر بس ماتتحركيش
نجود:وابي ماي
الممرضه:حاضر يا ست الكل

جابت المررضه مويه لها وشربت نجود,, واتصلت بالحضانه عشان يجيبون البيبي
نجود:ليش جسمي كله يوجعني؟؟وش صار فيني؟
الممرضه:معليش اتحملي ,,
نجود:احس بطني سكاكين وكتفي يوجعني
الممرضه:ياحبة عيني كان الحادث من جهتك
نجود مغمضه عيونها وهي تتذكر الحادث ,,وجلست تبكي
الممرضه:لألأ بتبكي ليه ,,أهو ابنك وصل
نجود وهي تمسح دموعها وميته شوق تبي تشوفه
الممرضه:لألأ قلنا ايه بلاش حركه
نجود:ابي اشوفه عطيني
قربت الممرضه الولد من امه ,, وكان نايم مثل الملايكه وراسه مازال ملزق بلزق
نجود:ليه راسه ملزق؟؟
الممرضه:شوية جروح بسيطه
نجود بخوف:اكيد
الممرضه:ايوه
الممرضه:ها عاوزه تسميه ايه؟؟
نجود:ابوه يسميه,,
الممرضه:أصيله ,,
نجود:اقدر اروح اشوف نايف؟
الممرضه:لأ ممنوعه من الحركه عشان جراحتك الداخليه
نجود:طمنيني عليه او ع الاقل ابي اكلمه
الممرضه:حاضر حروح اشوفوه ازا صاحي ولا نايم
نجود وهي تطالع ولدها وبعينها دمعه:من اولها ياحبيبي تعبت

نجود حست بالتعب فجأه بعد ماراح ولدها,, تأثير المسكن راح ,, وكل غرزه برحمها وبطنها قامت تعزف لها على وتيرة ألم حاد,, وكتفها برضوا مارحمها
نجود بصرخه:آآآآآآآآآآآه
دخلت الممرضه:ايه مالك
نجود:ألم يعورني
على طول طلعت الممرضه ابرة مسكنه ودقتها وابرة مضاد حيوي,,
وبعد ربع ساعه من العذاب والصراع مع الألم هدت حالتها واسترخت وغطت في نوم بسبب الادويه

الممرضه وهي تطالع نجود:ياحبة عيني ربنا يشافيك وتفرحي بإبنك


اما ابو ناصر وزوجته الحمدلله طلعوا من المستشفى ,, وحالتهم شبه مستقره ,,أي خبر يوديهم ورى الشمس ويروحون فيها

فأوصى الطبيب ناصر انهم يراعونهم ويحاولون قدر الأمكان إبعادهم عن الاخبار المحزنه

وبالنسبه لنايف ,,كان الدكتور المسئول عنه هو د/فهد,, وطبق فهد كلام ريم بحيث يخلي نايف على الاقل ساعتين في اليوم صاحي وكان نايف ماشي على تعليمات الدكتور بعدم الحركه
نايف:دكتور اقدر اشوف ولدي
د/فهد:ابشر بدون ماتقول انا قلت للممرضه تجيبه
نايف:شكرا
د/فهد:شدعوه ماسويت شي

وبعد 5 دقايق دخلت الممرضه ومعها الولد
شال د/فهد الولد وقربه من ابوه:ها تفضل وشف ولدك ,, ومنحظك انه صاحي بعد
نايف وهو عاجز انه يشيل ولد نزلت اول دمعه بسرعة البرق
د/فهد:لالالا اذا من اولها كذا ترى بنرجعه
نايف:لا وش تو ماشفته عدل ,,
وجلس يتأمل شكله وكان الولد يطالع أبوه وكأنه يعرفه
وفجأه ضحك الولد بوجه ابوه,, فماكان من نايف الا انه انهبل على ولد
نايف:لبى هالضحكه وراعيها ,,عرفتني انا بابا,,خلاص الحين اناديهم وأسجل أسمك (طارق)
د/فهد:يالله استانس ياطارق اليوم صار لك اسم
الممرضه:هو جا اخوك وسجله بأسم طارق بس قالوا لازم توقيع الأب
نايف وهو مستعجل ومتحمس:جيبوا السجل خل اوقع
الممرضه: حاضر,,بس خل اودي طارق للحضانه
نايف وعيونه متعلقه بطروقي:زاد غلاك غلا ياولدي
خذت الممرضه طروقي وطلعت برى الغرفه
نايف:دكتور طمني على زوجتي
د/فهد:بخير,, بس تحتاج لراحه
نايف:الله يقومنا سالمين,,واللي صدمنا وش صار فيه
د/فهد:سببه له العمى,,الضربه جت براسه بمركز البصر
نايف:لاحول,,الحمدلله على ماجانا
د:فهد:أي الحمدلله والحين بس توقع ع السجل راح اعطيك دواك وترتاح
نايف:ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 21-01-2010, 03:54 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


في جزيرة الأبطال

حنان وهي كالعاده تتحلطم:لازم تفصل السرير
طارق وهو يحك رقبته:بالله شوفي طالعه لي حبه شوفي شكلها
حنان وهي تقرب:يؤيؤ لايكون عقنقز >>خخخخخخ
طارق:لأ بسم الله علي عنقزت وخلصت من 10 سنين معننقز وانا بلندن بعد
حنان:بعد وش حبوب من الوصاخه
طارق:الخلا,, كل يوم اسبح واتفرك بالصابون
حنان وهي تعفس وجها:وعووووه صابون وماي بحر ,,زين ماطلعت لنا دمامل
طارق:يؤ انتي بكيفك بس انا نظيف
حنان وهي تسوي معصبه:الحين ليه تغير السالفه السرير لازم تفصله,, مو حاله ذي تنام انت وانا اجلس انتظر لين تصحى
طارق:السرير واسع امشي نامي جنبي اقولك قصه ههههههههههههههههههه
حنان:انذار اخير بتفصل ولا انا بدوري بتدخل
طارق وهو متخرع:للالالالالالالالالالالالالالالالالا لاتدخلين بليز افصله وافصل ابوه بعد
حنان وهي تنفش كشتها:ناس تخاف ماتختشيش

راح طارق وفصل السرير ووقسمه,, وضبطوا الكهف صار غرفة عباره عن سريرين
وصاروا ينامون بنفس الوقت بس بعد هذرره طويله,,
طارق:ماني مشتهي انام اليوم,,قومي نطلع برى,,اشتقت لنجوم
حنان:قوووم

طلعوا برى بعد مالبسوا جاكيتاتهم
حنان:طارق من شفتك وانا كل يوم اهذر لك عن اهلي ,,وانت ماعمرك سولفت لي عنهم
طارق وهي ينسدح ويطالع نجومه:عندي ابو شديد شوي وام طيوووبه لو تموت قدامها نمله تحطم قبها,,فمدري وش صار فيها الحين لما مالقوني
حنان:الله يصبرهم
طارق:عندي اخوان اثنين نايف+ناصر,,متزوجين ناصر عنده ولد وبنت,, ونايف زوجته حامل يمكن ولدت الحين
حنان بغباء:وش جابت
طارق يطالعها:جوالي مخلص شحنه ولاكان سألته ,,ولو كم حنونه عندي انا
حنان وهي تستوعب:ربنا يخليك
يكمل طارق وهي يضحك عليها:وعندي خوات ثنتين ريم يمكن كبرك ووضحى اصغر مخلصه ثانوي ولا تبي تكمل تدرس
حنان:والله مقديه وش محصلين من ورى الدراسه
طارق:اخرتكم تعرسون وتطبخون
حنان:لا ياحبيبي انا بصير بزنز وومن
طارق:ارووح كوكتيل انا,,وش بتشتغلين؟؟
حنان:حاليا مدري بس دايم احس نفسي بصير امرأة مجتمع
طارق وهو يتخيلها:لالا ماتضبط معتس
حنان وهي متحطمه:هي انت تراك ماخذ فكره خطا عني ,,صدز انا رقله بس راعية موقف ومبدأ,,
طارق:اما راعية موقف راعيتها
حنان وهي تدندن: انا عندي مبدأ ,,مبدا مبدا,,
اييييييييه مش أي حد يقولك عني كلام تصدق ,,صدق
يالله هات اغنيه بحرف القاف
طارق:قوم أوقف وانت بتكلمني ,,قوم أوقف بص لي وفهمني
يااااااااااااااااااء
حنان:يانا يانا ياااانااااا ياااانا,,في حبيبي امووووت انا,, واموووت انا في حبيبي
علشااانوه اموت انا

آآآآآآآآآآآآآه
طارق:أنا عاايش ومش عايش ومش قااادر على بعدك ,,ولاعارف في يوم انسى ولا عايز حبيبي بعدك
كااااااااااااااف
حنان:اممممممممممممممممممم
طارق:عجزتهااااااااا ههههههههههههههههههههههه
حنان:كان ودي نلتقي في حياتي تشرقي,,مثل نجمه تبرقي لكن ظروفك صعيبه

هاااااااااء
طارق:كح كح كح وش هالغبار منين مطلعه الاغنيه ذي
حنان:اخلص علي اغنيه بحرف هـ
طارق:هلا بالطيب الغالي عزيز وشوفتك منوه,,ترى ماجا على بالي اشوف عيونك الحلوه
طارق برقه وتسبل بالعيون:حرف هـ
حنان هنا تلخبطت عدل:هنوني هنوي,,ياناس هنوني حبيبي راجع لي
وبتفرح عيوني
ي
طارق:ياوش ياوش يابنيه تعالي وحني اشويه انا من شاف حالي قال ,,آه يامسيكين ياخطيه
حنان واحمر وجها عدل:تصبح على خير بروح انام
طارق وانبطح على بطنه وجلس يطالعها وهي تروح للكهف:آآه ياقلبي كل اثنين وثالثهم الشيطان,,حتى هنا مالقينا الشيطان ماجا للحين ,,الله يجيبه واجيب العيد وهـ بس

كل يوم طارق يحس ان مشاعره تجاه حنان تزيد اكثر,, وحاب انه يعبر لها عن حبه بس يحس انه تو الوقت مو مناسب,, بس مايقدر انه يصبر وده يلعب بشعرها يقرص خدودها يلعب فيها يعني ,,, بس شلون مدري

انسدح طارق بمكانه ماراح للكهف كان ذاك اليوم الجو حلو والنجوم مزينه السما وكأنها عروس ونام طارق وهو يتخيل حنان في يوم من الأيام عروسه وهو جنبها بس متى يارب

اما حنان رجعت للكهف اول شي سوته راحت لمخدة طارق
حنان:يااحظك بس ليتني مخده اموااااااااااااااااااااااه
باست المخده ورجعتها لمكانها وجلست تذكر عيونه وصوته ,,ياربي خلاص ما اقدر اتحمل احبه ياهوووووو بس مدري وش ,,ياربي ترفق فينا ترى ما ابي اعصيك بس عاد لانطول بهالمكان اكثر ولا بجيب العيد

نامت حنان وهي متأكده ان طارق بينام برى لان اذا صار بينهم مواقف زي كذا,, يقصر الشر طارق وينام برى عشان مايتهور بشي,,ايه يتهور وحنان على طريف تبي بس التهور بأي طريقه
خخخخخخخخخخخخخخخخخخخخخخخ

بعد مرور 3 ايام رجعوا عايلة ابو فيصل للخبر,, واستقبلوها فيصل وعياله وزوجته
سلمى:تو ماور البيت
ام فيصل:منور فيكم عزوز تعال بقلبي
عزوز:لا انا ابي جدو
جات نوري:انا دده>>جده
ام فيصل:ياقلب جده والله جبت لتس هديه حلووه
وينط عزوز:جدو جبت لي هديه
ابو فيصل:افا وانا اقدر ما اجيب لك جبت لك سياره زرقا بريموت قل لعمتك تعطيك اياها
عزوز وهو فرحان:هييييييييييييه سياره زرقا
الكل:ههههههههههههههههههههههههههههههههههه

سلمى:ها عمتي ترى امي استعدت لروحة البر الويكند ذا
ام فيصل:على خير ان شاء الله
ابو فيصل:متى الاربعاء؟
سلمى:لا حنا بنمشي من الثلاثاء والشباب بيلحقونا الاربعاء
ابو فيصل:على خير الجو هالايام ربيع وخير

وبعد 3 أيام جهزت السيارات سياره ابو فهد ومعه عياله وسيارة ابوفيصل ويسوق السايق ومعه اهله وسياره فيها سايق ابو فهد معه الشنط للبيتين كلهم

وتوكلوا على الله ومشوا وبعد ساعتين وصلوا لمخيمهم
ابو فيصل:يازين هالهوا
ابو فهد :أي والله ينظف الرئه من وصخ المدينه
فارس:وصخ عاد يايبه
ابو فهد:ايه بالله وصخ,, انت دخان انت غبار ,,اللهم ياكافي صدورنا جاها الربو والسبب الهوا الملوث
ابو فيصل:انك صادق

جاتهم مريوم:يبى ابي أسوق سياره
ابو فهد مايحب هالسوالف:مافي سواقه
فارس يرفع ضغطها:هذا الناقص انزحي وراتس يابنت
مريوم وهي معصبه:يبى شفه وبسوق ترى
وتضرب رجلها بالأرض
ابو فيصل:هههههههههههههههه اسمعي لك مني وعد اذا جا سعود وفيصل اخليك تختارين سيارة اللي تبين منهم وتسوقينها,,الحين السيارات كبار واذا تبين ازين الددسن حقتي الجديده بيجي فيها فيصل وسعود وبخليك تسوقينها ,,ها شقلتي؟
مريوم وهي تحب راسه عمها:فدييييييييتك والله>>>مريوم ماتتغطى من عمها وزي ابوها
ابو فهد:ماعليك منها لو بنطاوعهم خربت سيايرينا
ابوفيصل:فدوتهم اهم شي ينبسطون
مريوم:عمي ليت امك جابت منك توم 10 كان شحلاتهم
ابو فيصل:هههههههههههههههههه بعدين مايصير لي طعم خلني كذا متميز
فارس يبي يرفع ضغطها:أصلن سعود مايحب احد يسوق سيارته
مريوم:اصلن بسوق سيارة عمي الددسن مووت انت,, انا بروح للحريم تامرون شي
:سلامتك

راحت مريوم وهي تناقز مبسووطه:الله يجيبكم ياعيال خالتي بسررررعه
ام فيصل تسمعها:وش تبين بعيالي؟؟
مريوم وهي تتخصر: بغازلهم عادي خالتي
ام فيصل:هههههههههههههههههه دامنا في البر غازلي بس سعود ولا فيصل مرته بتذبحك عاد
شيخه:ههههههههههههههههههههه عاد فيصل يشوف غير سلمووه,,فديتها ماكله قلبه على امها
ساره:هههههههههههيمه وش السر اللي يخليك انتي وبنتك تاكلون قلب رجالكم
شيخه:لا انخطبتي اعلمتس سر الطبخه ذي
الكل:هههههههههههههههههههههههههههههههههههههه
@@@@@@@@@@@@@@@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 21-01-2010, 03:56 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


في المستشفى

ريم وناصر عند نايف اللي بدت تتحسن حالته شوي بس لازال الجهاز مركب فيه

ريم:متى بيطلعونك؟
نايف:مدري الدكتور يقول على الاقل اذا طلعت بدون الجهاز ,, موقبل أسبوعين
ناصر وهو يحاول بجواله عشان الشبكه:ريم
ريم:لبيه
ناصر:اخذي جوالتس وروحي بأخر الممر وكلمي وضحى شوفي وش تبي,,مالي حيل اروح طايحتن رجولي اليوم من كثر المشاوير
ريم:ان شاء الله
تغطت ريم وطلعت وبيدها الجوال وتمشي تطالعه تبي تجي الأبراج,, ود/فهد جالس يراقبها طبعا عرفها ,, ومشى صوبها
ريم اللي طلعت من القسم وفتحت معها الابراج
واتصلت بأختها:هلا وضحى شفيك داقه على ناصر,, ايه هو قالي وش تبين اخلصي اكلمك من الممر بالزحمه,, مالت صدق فاضيه ,,المهم ابوي وامي طيبين؟ اوكي نص ساعه بالكثير او ساعه وبنجي الحين بروح لنجود باي

وكان د/فهد واقف ويسمع كلامها وصوتها الحلو الناعم الدلوع,,حس انها كسوله من نبرة صوتها ,,ودلوووعه تتاكل أكل ,,وهو غرامه الدلوعات,
التفتت ريم لورى بترجع لقسم اخوها وطاحت عينها على د/فهد واقف قريب شوي ومتكي على الجدار
ريم بخاطرها وش عنده واقف كذا ,,صدق لاقالوا الدكاتره صايعين
ومشت وهي مو معبرته,,وتصرفها حز بخاطر فهد
فهد:لو سمحتي
ريم برسميه:نعم
فهد:انتي اخت نايف صح
ريم وهي تغمض وتفتح بعيونها بحركة عفويه مع اجابتها بنعم
هنا انهبل فهد على رمشها الطويل :ها كيف لقيتي حالته؟
ريم :انت دكتوره واعلم بحالته
فهد وهو يتأمل جمال عيونها وفجأه ريم نزلت شيلتها على عيونها لأنها حست انه يطالعها بوقاحه ويتأملها بعد:صحيح دكتوره ,,بس انتوا اهله واكيد تشوفون في فرق
ريم وهي تمشي وبتروح عنه:الحمدلله على كل حال ,,عن أذنك
ومشت من عنده وهي تتأفف منه:وقح اعوذ بالله ماشال عيونه عني

دخلت على اخوانها وهي متاضيقه من هالدكتور
ناصر:وش فيها وضيح؟
ريم:ماعليك منها فاضيه تبي تهذر
ناصر:طيب وش فيك فايخه ومعصبه
ريم:لا بس رفعت ضغطي وضيح,,انا بشوف نجود وارجع ,,
نايف:كلميني من عندها بتلفون الغرفه ابي اكلمها
ريم:ان شاء الله

طلعت ريم وراحت غرفة نجود كانت قريبه من عند نايف
طقت الباب
ريم:نجود
ام نجود:هلا حياك
فاطمه:اوف
دخلت ريم ولقت ام نجود مبتسمه ومستقبلتها:هلا بنتي حياك
ريم:السلام عليكم كيفك خالتي
ام نجود:بخير
ريم وهي رايحه لنجود:هلا حبيبتي شلونك اليوم
نجود ببتسامه:بخير شلونك انتي
ريم:الحمدلله بخير بشوفتك طيبه
نجود:تسلمين
التفتت ريم لجهة فاطمه وهي تتذكر كلامها عن اخوها وكانت فاطمه ما تطالع ريم ,,حركة عدم اهتمام من فاطمه تجاه ريم
طبعن ريم اخت رجال,, وأخوانها معروف عنهم يأدبون الرجال فماكان منها الا انها ماعطتها وجهه تحقيرا لها ,,
ريم وهي تكلم نجود:جابولك طروقي اليوم
نجود:لا والله اليوم الم مو صاحي تو ماهجد علي
ريم:ياعمري
فاطمه:نجود ابوي مو قايل ان ولدك اسمه عمر؟
نجود:ابوه سماه طارق على اخوه الله يرحمه
ام نجود ولا تبي السالفه تكبر:وشلون امك ياريم وابوك؟
ريم:لا الحمدلله حالتهم احسن ياخاله ,,امي ودها تجي تزور نجود ونايف بس تقول مالها قلب تشوفهم تعبانين
نجود:ودي اكلمها بس لازم ارفع صوتي وهالشي يتعبني مره
ريم:الحق لك بس حالتهم صعبه الاثنين ,,حادثكم تعبهم مره
نجود:الله يخليهم لنا
ريم:امين,, ترى نايف يقول يبي يكلمك,, تقدرين تكلمينه
نجود:ايه بس ما اقدر اعلي على صوتي
ريم:هههههههههههههههههه وهو مثلك ترى
نجود:هههههههه متفصخ طاح على متويزر
فاطمه:يقتل القتيل ويمشي بجنازته
ريم بنبره شبه حاده:منهو؟
فاطمه :اخوك,, سوا باختي هالهوايل واخرتها قال ايش بطمن عليها
ام نجود:فاطمه وش تقولين بس اسكتي
ريم :اخوي مثل نجود متأذي وبعدين مو اخوي المتسبب بالحادث,,اللي
صادمهم كان مسرع
نجود:دقي على نايف ماعليك منها
ريم :ابشري>>>ريم بداخلها خايفه ان فاطمه تأثر على نجود وتخليها تكره نايف خاصه اذا أثر الحادث على نجود من جهة الحمل
ريم:هلا ناصر وين نايف هاذي نجود عندي
نايف:هلا
ريم تمد السماعه لنجود:الو
نايف:هلا والله
نجود:اهلين وشلونك
نايف :بخير بسماع صوتك,,شلونك اليوم
نجود وودها تبكي من جد:احسن
نايف:شفيك ؟
نجود:مافيني شي انت طمني عنك ,,كل ما ابي اكلمك يقولون نايم
نايف:احسن من اول ,,بس تصلخ ظهري من السدحه ما اقدر اتحرك
نجود:انا مشوني اليوم وزاد الألم علي
نايف:بسم الله عليك
نجود:......
نايف بعد ماطلع ناصر من الغرفه عشان ياخذ نايف راحته:نجود سامحيني
نجود:بشرط
نايف:عيوني لك
نجود:انك ماتجيب طاري هالموضوع ,,اللي صار قدر ومكتوب,, والحمدلله هذا ولدنا طيب
نايف وهو مرتاح:الحمدلله,, شفتي طروق اليوم
نجود:لا
نايف:لو مو ممنوع من الحركه ولاكان جيتك وهو معي
نجود:بكره بجيك اقدر اتحرك الحين الدكتوره قالت لي اتحرك
نايف بمزح:يعني اكشخ
نجود:هههههههه أي عورني بطني يالمجرم
نايف:سلامتك ,,
دخلت الممرضه
نايف:يالله حبيبتي انا جت الممرضه بتدقني الابره
نجود:اوكي مع السلامه
نايف:الله يسلمك

سكر منها وهو مرتاح نسبيا صوتها اليوم احسن,,
ريم:يالله انا استأذن اكيد ناصر ينتظرني برى
ام نجود:سلمي على اهلك
نجود:أي سلمي على عمي وعمتي
ريم:يبلغ,,يالله مع السلامه اشوفك بكره
نجود:مع السلامه

فاطمه:وجع ماعندها غير هالعيون تسبل فيهم العصله
ام نجود:عيب هالكلام,, وذي حماة اختك حشيمتها من حشيمة اختك
فاطمه:مالت عليها ماتستاهل
نجود غمضت عيونها وماكان لها خلق تسمع كلام فاطمه

اما ريم وهي بطريقها لغرفة اخوها شافت اخوها ناصر برى عند غرفة نايف يكلف د/فهد
طالع فهد ريم بنظره ,و تلخبطت ريم وضربت رجلها بحافة كرسي وانجرح اصبعها الصغير
ريم:آآآآي
التفت ناصر:ريم
فهد >>اجل اسمها ريم
مشى فهد وناصر بسرعه لإتجاها
ناصر:شفيك؟
ريم وهي ترفع راسها وتطالع فهد بنظره انت السبب ياحيوان:مدري صقع رجلي بالكرسي وانجرح اصبعي اتوقع
د/فهد:خليني اشوف
ريم وهي تسحب رجلها:جرح بسيط احط لزقه عليه وخلاص يالله ناصر نرجع
ناصر:لا شوفي اصبعك ينزف,, وحنا فيها هذا حنا بمستشفى قومي للضماد
د/فهد:غرفة قريبه هنا لتغير الضماد تعالوا
ريم وهي تعترض:لا بروح البيت
ناصر:مو بكيفك ,, امشي خل الدكتور يشوف جرحك
راحوا للغرفه وفهد طاير من الفرحه بصير دكتورها لو هالشي يعورها

جلس ناصر على الكرسي وريم على السرير,, ومدت رجلها
فهد وهو يشوف الجرح:عز الله مو صغير,, زين ان اخوك خلاك تجلسين
ريم بنظرات خوف:ليه وش فيه
فهد وهو يتمتع بلمعة عيونها:شوي غزير يحتاج غرزتين
ريم ودموعها طلعت من الخوف:بتخطني
فهد:ماراح يوجعك بس انتي لاتخافين
حس فهد انه وده يقول خل نروح غرفة عمليات الصغرى عشان يجبرها على خلع نقابها بحكم التعقيم ويتمتع بشوفها,,لأنه من قابلها وهو يتخيل شكلها كيف؟؟

سندت ريم راسها على الجدار
وفجأه:وش بتسوي انت الحين
فهد وهو بخ البنج:اعقم استرخي
ريم:طيب اذا جيت تخيط قلي
فهد وهو يبتسم:ان شاء الله>>وفهد اصلن بدا بالخياطه وناصر يشوفه ويضحك على اخته الخوافه
لزق الجرح بعد ماحط المضاد الحيوي,, ولف رجلها
ريم وهي ماتدري وش السالفه:خلاص ؟
فهد وهو يهز راسه بأيه
ريم:مافي خياطه
رفع راسه فهد وهو يبتسم :خلصنا بس تعالي كل يوم لغيار اللفه او انتي غيريها وبعد اسبوع تعالي افك الغرز
ريم وهي مو مركزه معها انهبلت من ابتسامته,, ولا دعاية كلوس أب ,وياحلو أسنانه وشفايفه,,
ناصر:الله يعطيك العافيه طيب في موعد بعد اسبوع
ريم وهي ماتدري وين ربي قاطها:وش له الموعد؟
فهد وهو يرفع حاجب:حق الغرز
ريم>>>احيييه حتى حواجبه حلوه ,,يستعرض وسامته ذا؟؟اصلن فجأه صار وسيم
فهد وحس ان ريم مو معهم بالسالفه :الأحد الجاي انا دوامي زي هالوقت تعالوا زوروا نايف وقولوا للمرضه تناديني
ناصر:مشكور وماتقصر يالله السلام عليكم
ريم وهي على السرير لا زالت جالسه:امشي؟
ناصر:ايه توجعك؟
ريم وهي تطالع فهد :عادي؟
فهد>>ذي ناويه على بهالعيون:اذا في ألم اجيب لك كرسي
ريم بدلعها الطبيعي+بلاهه:لا اصلن ما ادري هو يجعني ولا لأ !!
ناصر حس ان اخته جتها حالة البلاه والبرود وهالصفه مايحبها بخواته :قومي خل نشوف
انتبهت ريم من نبرة ناصر انه بدا يعصب,, وقفت وكان مافي ألم بسبب البنج
فهد:ها؟
ريم:لا مايوجع
فهد:اوكي
مشت ريم راجعه لبيتهم ومعها شعور جديد حلو اول مره تحس فيه,, كان ناصر يسبقها بالمشي ,, وحست انها تبي تلتفت لورى تطالع غرفته,, ولما التفتت لقته واقف يطالعها ولما شافها التفتت ابتسم ابتسامه خلت ريم تمشي بسرعه من حلاوتها

ياترى وش نوع علاقتهم بتصير؟؟وماهو مصيرها؟؟

&&&&&&&&&&&&&&&&&&&&&&&&&&&&&&&&
في مخيم ابو فيصل وربعه
مريوم وهي تطالع سعود وفيصل بسيارة ابوها مقبلين,, وفهد اخوها بسيارته الجيب
مريوم تأشر وتناقز:هلاااااااااااا هلااااااااااااا

سعود بالسياره:هالخبل مريوم فرحانه بجيتنا لهدرجه
فيصل:ههههههههههههههه
سعود وهو يطالعها كانت متلثمه عشان ما يخانقها فهد:ياخي حلوه بس مرجوجه
فيصل:طيب لاتقز بالبنت
سعود وهو يطالعه بنص عين:مريوم!!لو تعطينين ورقه وقلم رسمتها ,,أصلن كووووبي من خالتي
فيصل:في كل شي كوبي من خالتي

وصلوا عند مخيم الرجال
وصل فهد قبلهم
مريووم:فهوووووووووووووووووووووودي اخووووي حبيبي
وتلمه :يا خي اشتقت لك
فهد وهو يضحك:مو لله وش تبين اخلصي
وصلوا سعود وفيصل
سعود:الله يالشوق
مريوم بإبتسامه عريضه:احد يصير عنده اخو زي فهود ولا اشتاق له واحبه؟؟
سعود وهو يتسند على باب السياره:لا والله>>تذكر اخته حنان بس الغريبه انه ماحس بحزن ,,مدري وش تالي هالشعور ان اختي بخير؟؟
ابو فيصل:هلا جيتوا
الشباب:ايه
فهد:مريوم روحي عند الحريم
مريوم : يوه فهد زهقت منهم بعدين مافي احد غريب
فارس وهو ينط:أي زهقتي منهم 24 ساعه عندنا نفختي روسنا بالهذره
مريوم وهي تعفس وجهها:مو شغلك
وتلتفت على عمها بو فيصل وتأشر بعيونها على السياره
ابو فيصل وفهم اللي تبيه:سعود وين مفاتيح السياره؟
سعود:عندي تبي تروح مكان يبى اوديك
ابو فيصل :لا بس شوي ابيها
عطى سعود المفتاح وفيصل يضحك عارف انه بيعطيها مريوم ,, وراح فيصل لامه وزوجته وعياله جاوا يركضون يوم شافوه
سعود:سم يبى
ابو فيصل:سلمت
التفت على مريوم :يالله نروح؟
مريوم:بتروح معي عميي؟
ابو فيصل:أي يا انا ياواحد من اخوانتس ما اخليك بالحالك اليدوي مو زي الاوتوماتيك
سعود:!!!!!!!!!!!!!!!؟؟؟؟؟؟؟؟؟؟؟؟؟؟؟؟
مريوم:اوكي انت عمي
سعود:على وين ان شاء الله
مريوم وهي تلبس نظارتها وتمسك عمها ويمشون ولا كأن في احد يكلمها
سعود:هـــــــيه انا اكلمكم
ابو فيصل:بتمشى مع مريوم
سعود:وليه المفتاح معها؟
فارس وهو ينط عند سعود:بتسوووووق
سعود ويسبقهم للسياره:معصي ماتسوقين بسيارتنا وأبوي بعد
مريوم:عمــــــــــــــي
ابو فيصل:اصبري,, انت الحين وش تبي انا وياها بنتمشى
سعود:اولن ذي رقله,,ثانيا حنا نبيك ابونا ثالثا,,مافي سوااااااقه
مريوم وودها تزنطه:عمي
ابوفيصل: انزح وراك
سعود:طيب تركب سيارة اخوها ذي عادي سواقتها اصعب
مريوم وهي تدلع بالمفاتيح:ما ابي سيارات ملاهي ابي سياره عادي
سعود/ياااااسلااااااااااااااام ,, سيارة ملاهي وتخب
مريوم ولا زالت مسيطره على اعصابها: سعود اسمع كلام ابوك,,
ابو فيصل:تعبت من الوقفه اخلص رح داخل وتقهوى
فهد:مريم خلا لا ارتحنا شوي ركبتك سيارتي بس مو الحين تونا جاين من خط
مريوم شوي وتبكي: بس من امس وانا أستنى ,, حتى سلمى بيركبها فيصل تقول,,انا من يسوقني؟؟؟
سعود:والله عندك اخوان اثنين ,, بس سيارتنا لأ
>>>>>سالفة بزران سعود
مريوم وعصبت:وين سبير السياره
سعود:بالبيت
مريوم:والله لا أخفي هالمفتاح ان ما رحت وخليتني اسوق,, وهات ونش يسحب سيارتكم ابو فيصل:خلاص ياولد وخر
مشى سعود وهو يطالعها بنص عين:دامني رفعت ضغطها خلاص بروح
ومشى عادي
مريوم:صدز حقير
سعود التفت بسرعه:وشهو
مريوم وهي تحط اصابعها على اذانها وتمد لسانها:من قال وشهو سمع
وركبت السياره بسرعه وركب عمها جنبها ونط فارس ورى
وشغلت السياره البنت وقامت تسوق لين اغرتها غرزت ,, وجاهم فهد وسعود وسحبو السياره بسيارة فهد
سعود:قلت لك هالبزران لاتخليهم يسوقون
ابو فيصل:نسينا ماكلينا يا سعود كم مره غرزت قبل؟؟
ركب سعود سيارتهم وساقها لخيمتهم,, ومريوم ركبت مع اخوها:هههههههههههههههههه غرزت بسيارتهم
فهد:عن الخبال ثاني مره ترى بفشلك قدامهم,, العقل يامريم فاهم
مريوم وفهمت ان اخوها مو عاجبه تصرفها:أبشر

راح سعود جهة خيمة الحريم:ياولد
امه: ايه وراك,, تغطوا يابنات
تغطت سلمى ومريوم
شيخه:اقلط
سعود:السلام عليكم
سلم على امه وخالته
شيخه:ها لعوزتكم مريوم اجل
سعود:مدري يا خالتي وشلون صابره عليها ان مكانك ازوجها أي احد بس افتك من خرشتها
مريوم وتنط من على جنب: ليه طايح حظي ولا طايح حظي
سعود:بسم الله انتي هنا,,ماقلتولي اسمي بالرحمن قبل لا ادخل,,ذي اخطر من الجن
مريوم:خالتي ترى من الصبح وولدتس شغال نص كم ,,
سعود يستهبل:لا جا باليل بلبس كم طويل برد
الكل:ههههههههههههههههههههههههههههههههههههه

مريم: اروح اتمدد اريح لي,, اذا حظرت الشياطين خرجت الملائكه
سعود:تو الناس مريوم بزهق كذا ماعندي احد يحوم كبدي ويرفع ضغطي بعدين
مريوم وهي طالعه:بعطيك صورتي شفها
سعود:ههههههههههههههههههههه بس تبرقعي ها
وجلسوا يسولفون ,, وشوي تدخل ساره وهي ماتدري ان سعود هنا ,, كان معطيها ظهرها
ساره:السلام عليكم يؤ
رجعت لورى
ام فيصل:تعالي ساره هذا سعود,,
استحت ساره ودخلت :السلام
الكل:وعليكم السلام
سعود:كيف الحال ياساره
جلست ساره جنب اختها سلمى:بخير الحمدلله
طالعها سعود بحركه غير اراديه لأنه هالبنت من بنات خالته ماعمره شافها لو بالغلط,, حتى ماعمره سولف معها ,,دايم هوايش مع مريم ,, وسوالف مع سلمى زوجة اخوه
شيخه:ساره,وين مريوم
ساره تتكلم وهي مستحيه :بالخيمه قالت بتنام
سعود:خلها تتعبد شوي
شيخه:يووووه سعود هاذي دلوعتي عاد
سعود:ابرك دلع,,ذي دلوعه,,ذي بوادي والدلع بوادي
سلمى:هههههههههه علمها ,, ماغير تدلعها هي وفويرس ,,
شيخه:الله واكبر الحين اللي يسمعكم ماقد دلعتكم,, الا الدلع كله جاكم
دخلت نوره بنت سلمى وراحت لامها تبكي
سلمى:شفيك
نوره:اه اه اه اه اهئ اهئ اهئ اهئ عزوز كب تراب علي
جلست ساره تنفض عن عيونها
سلمى:الحين اروح اخانقه,, مغرقك بالتراب
ساره تكلمها وهي تصغر صوتها :خلاص الحين اهاوشه ,, واقول لخالوا فهد يجيب دباب ولا يركبه هو
نوره:ولا نقطه
ساره:ولا شي ,, نخليه يبكي
سعود كان يسمع صوت ساره,, وخق عليه صوت أنثى صح وفيه بحه حلوه,, مو زي خواتها ابدن
جلس يتذكر شكلها وهي بزر بس مايذكرها واجد,,
قامت ساره ومعها نوري وطلعوا برى تنظف عيونها,, وراحت سلمى تهاوش عزوز لايغرق نفسه بالتراب هو بعد لانه غبي
سعود كان سرحان ,,سعاد تقطع تفكيره:سعود نبي باليل نروج نجربع
سعود:ها
سعاد:نجربع
سعود:خلو فارس يوديكم بالددسن انا ما احب هالسوالف
سعاد:الله واكبر حنا عاد بنجربع صدق,, بس كذا نتسلى
سعود:على حسب انا للحين مانمت جيتكم طوالي ,,
امه:رح نام الحين ولاخلص الغدا قومناك ,, حنا غدانا عشا بالعصر ,, ولا جا باليل نقنقنا بخفايف
سعود:اوكي,, يالله عن اذنكم
الكل:اذنك معك

طلع سعود,, وحس انه يبي يرقم بنت خالته خخخخخخخخخ مغازلجي ماعليه شرهه

راح للخيمه ونام وهو يدعي ربه انه يحلم فيها على الاقل ةهي صغيره عشان يتذكر شكلها,,وناسه والله تكتشف ان في عندك بنت خاله فجأه تطلع بالصوره لوووول

@@@@@@@@@@@@@@@@@@@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 21-01-2010, 08:38 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


في الجزيره

طارق كان واقف عالشاطي يحاول يصيد سمكه
شاف حنان جايه ,,أشر لها بيده,,
جاته حنان:بشر في غدا؟
طارق:قولي يالله
حنان:يالله هامووور
طارق:لاتخليني اتحمس
حنان:تمحسسسسسسسسسس انت بس جب لنا سمكه
طارق وهو ينفخ صدره: ابشري بعزتس وانا ولد ابوووووي
حنان:كفوووووووووو بس اخلص عصافير بطني يعزفون سامري ترى
طارق:ول لايكون فيت سكني بس ومستنزل؟
حنان:ليــــته,,كان غداني,بس هالمكان حتى الجنانوه مافيه!!
طارق بعبط:من قال؟
حنان:والله ابد مافيه احد
طارق:انتي
حنان:انا!!!!
طارق:انا أنس,, وانتي جنيه,,انتي اصلن اشك انتس انس !!
حنان:اه ياللي ماتستحس ليتني جنيه كان جبت ربوعي وهجمنا عليك
طارق:هههههههههههههههههههههههههه بالعون منتي قايله اساعدك ونرجع لأهلنا
حنان وهي ترفع حاجبها:عن الهذره وسو شي مفيد وصد لنا سمكه اخلص
مشت وهي تتمخطر
طارق وهو تسند على العصا اللي معه:أيـــــه الله يعين
كمل طارق محاولاته اللي اخيرا أسفرت على 3 سمكات

ورجع وهو يمشي بالبحر ويدندن اغنية (عبرت الشط)

عبرت الشط على مودك
وخليتك على راسي
كل غطى احس بالموت وقوة اشهك انفاسي
كل هذا وقلت امرك....
احلى من العسل مرك.
>>ولمح حنان من بعيد وعلى صوته>>
وين تريد اروح وياك بس لا تجرح احساسي

حنان اللي لمحت معه اشياء,, وااااااااااااااااو يعني صاد
جاته تركض
حنان:هلاااااااا والله بالحامل والمحمول
طارق وهو مازال يدندن الاغنيه: عبرت شاطئ احلامك بتضحيتي وسهر ليلي...
ولا مرة قلت ممنون وانا المنهدم حيلي
حنان:الله يعطيك العافيه,, ماتقصر رح تمدد خل حيلك يرتاح
طارق ويكمل بعد: قول شقصرت وياك وشتطلب بعد اكثر...
على صدري تنام الليل واقول ارتاح وانا اسهر

حنان:الله من الهواله
طارق:اخذي ياحرمه,, نظفيه
حنان:آآآآآآآآآح اخر عمري انظف سمك,, عاد شف انا اخبر امي لا جوها الشغالات الجدد تعلمهم ,, يشقوم البطن ويشيلون كل شي داخل,, عاد انا ما اقدر طارق شقه انت,, ذا السمك حي بين روح
طارق:ياسلااااااام انا اصيد وانا انظف,, مابقى غير تقولين اطبخ
حنان وهي ترمش بعيونها:طيب وين المشكله ,,
طارق:اخ بس,, روحي جيبي السكين ,,

راحت حنان لكهفهم وهي تناقز و:غدانا أكل بناكل سمك,, يارب تمطر السما رز
طارق:قلنا ان الله على كل شيء قدير بس ماعمر السما تمطر اكل

رجعت حنان ومعها السكين ونظفوا السمك وخذت حنان السمكات وغسلتهم , وحطت ملح بعد ماجففت ماي البحر وخذت الملح
حنان بنعومه:طارق
طارق اللي شك من هالنبره:هلا
حنان وهي تفرك يدينها وعلى نفس النبره: السمكه الثالثه بنتقاسمها صح
طارق بنعومه:لا انا باكلها
حنان وهي زعلانه:وانا
طارق بنعومه اكثر:لك وحده حبيبتي
حنان: لو تعزني صدق نتقاسمها >>وزمت فمها ومدت براطمها قدام
طارق وهو يطالعها ,, كيف صار شكلها مغري !!
طارق وهو ماسك العود ويفكر بخبث:تبينها؟؟
حنان:من تلمع عيونك اخاف ,,
طارق وهو يحرك حواجبه:ما أعض انا أليف
حنان >>وي شفيه ذا
حنان:اخلص وش تبي
طارق وهو متردد شوي :مش الحين وحنا ناكل اذا حسيت اني ابي اعطيك قلت لك الشرط
حنان:الله يستر منك
طارق بإبتسامه عريضه :لا لا دونت ووري

خلص السمك وخذت حنان سمكتها وقامت تاكل وطارق بعد,,كانت تمضغ عدل عشان تشبع
طارق:شفيك تاكلين ببطء
حنان:عشان اشبع
طارق:ترى بعطيك من الثالثه مو نذل انا
حنان بفرحه:صددددددددق؟؟
طارق:ايه
كلت حنان سمكتها بسرعه
حنان:خلصت
طارق:حشى قطو منتي بنت!!
حنان:طاااااارق
طارق:خخخخخخخخخ خلاص هاك ,,
وعطاها نص السمكه ,, وكلت حنان وهي تطالعه بوناسه
حنان:طارق
طارق وهو ياكل:هلا
حنان بكل طفوليه:شكرا
طارق ورفع عيونه يشوفها >>هالبنت بتذبحني:عفو
وكملوا اكل,, بس طارق حس بشبع والسبب تصرف حنان,,وحنان كانت تفكر مايسوي كذا لله اكيد يبي شي

خلصوا اكل وراح طارق بالبحر يتغمس ,, بعد مافرك يده بالتراب والورق والورد,, وراحت منه ريحة السمك,, اللي مو مبينه والسبب انه فرريش

وحنان بدلت ملابسها ولبست شي ثقيل لان بدا الظلام يجي,, دخل عليها طارق الكهف
طارق:ياحلو الدفا
حنان:عاد انت ليش سابح خبل؟
طارق:حسيت ان السمك ريحته ناشبه فيني
حنان بلكاعه:عاد بكره بعد بتصيد خل الريحه دام فيك
طارق وهو يرفع حاجبه:ماحد متضرر غيرك ترى
لبس طارق جاكيته,, فوق تي شيرته
انسدح وحس ان ظهره يوجعه طول اليوم واقف ومنحني على البحر
طارق:آآخ
حنان:شفيك؟
انسدح طارق على بطنه:قومي امشي فوق ظهري
حنان!!!!!!!!!:ليه
طارق:يوجعني يوم انسدحت ,,طول اليوم وقافي ومنحني وشادد
حنان:عاد امشي فوقه؟
طارق:ايه ترى دايم لا صار لي كذا اقول لاختي عصلا هي تمشي فوقه,,انتي عاد صايره تقريبا زيها ضعفتي والله
حنان وهي تطالع عمرها وكيف الملابس خاقه عليها
:أي والله ياعمري يا أنا ضعفت
طارق:كل يوم بوكلتس سمك بس امشي فوقه
حنان:انت ماعندك غير العنف

وراحت عنده وجلست جنبه,, وقامت تهمز ظهره,,
حنان :وين يوجعك بالضبط؟
طارق:كله بس اضغطي بقوه
حنان وهي تهمزه وتمسج شوي,,وتسولف عليه ,,وطارق اللي كان مستمتع بالمساج,, وحس بالحر!!
طارق :لحظه
قام وفصخ الجاكيت,, وخلى التي شيرت,, وانسدح
حنان:ترى برد
طاررق:عاد انا احتريت !!!!!!!!!
كملت حنان مساجها ,,بكل عفويه ,,خلاص طاح الحيا بينهم صارت حنان تعامله بحريه ماتستحي منه,, شهرين وهم مع بعض,, كانت تعامله زي أي واحد تعرفه,, بس طارق كان احيان يحس بشعور قوي تجاهه بس مايبي يخربها معها,, كان لما ينتابه شعور زي كذا يطلع برى الكهف او يروح عن المكان اللي تصير هي فيه
طارق الحين يحس بنفس هالشعور
قام فجأ:حر بطلع برى
وطلع
حنان:تعال البس جاكيتك لا يلفحك هوا
طارق:................
على برودة الجو بس كان طارق فحمااان ,, ومتضايق مره,, يحب قربها بس مايقدر يسوي شي ,,اففففففففففففففففففففففففففففففف
طارق وهو يرفس نخله:اففففففففف منك أبي حل

لحقته حنان بالجاكيت وشافته يكلم النخله
حنان:طارق
طارق تفاجأ بوجودها مو وقته انا منحاش منك:ها
حنان:برد البس جاكيتك لا تمرض
طارق وانفاسه بالكاد تطلع:بالعكس حر
حنان:حتى شعرك ما نشف
طارق وهو يمرر اصابعه ببشعره طيب هاتي الجاكيت وروحي
حنان باستغراب,, مدت الجاكيت له ولمست اطراف اصابعه اصابعها,, وحسوا الاثنين برجفه,, تجمدت حنان مكانها وهي تشوف شكله كذا متوتر مره
طارق وهو شوي وبيتهور معها:حنان روحي الكهف
حنان:طارق شفيك متوتر كذا,, حتى يدك حاره والجو بررد
طارق مايدري وش يرد عليها,,فقرر انه يجرب ,, يجرب بس,,
قرب منها وهو يطالع عيونها ومد يده يبي يلمس وجهها بس ماقدر وسكر كفه وسحب يده ومشى من عندها
طارق:ادخل الكهف
حنان تسمرت مكانها :حظي !! الله يستر بس
رجعت حنان الكهف وفي داخلها خوف طارق,,معقوله يغتصبني!!!!!!!!

انسدحت مكانها وبردت اكثر,, راحت زادت الحطب تبي المكان يدفى,, تبي تحس بالأمان
وجلست تفكر,,هو مو عنيف,, ممكن يحاول ,,بس انا ,,بتجاوب معه ولا برفض؟!
انا,,؟؟هنا النقطه,,,اوك انتي تحبينه بس هو حقير اول مانرجع عنده خطيبته مدري حبيبته,, وانا بطيح بكبد نفسي,,وي حظي مو شرط نرجع,,اخاف,,, لالالا طارق عاقل ,, لو انه ولد حرام كان الحين لاعب فيني
يارب لاتجيب يوم زي كذا,, يارب بعدنا عن الحرام
جلست تفكر افكار توديها وافكااار تجيبها ,,

جلست يمكن ساعتين وانتبهت ان طارق مارجع ,,
حنان:معقوله دفا الجو برى,,لانه زي هالوقت ماينجلس برى بررد

طلعت حنان برى ولقت الجو صقيع وهالمجنون لازال برى بهالجو
دخلت داخل وخذت شيرت ربطته على راسها,, وخذت شعلة نار ,, وتوجهت للشاطي
لقته بالمكان اللي يجلس فيه دايم ,, وهالمكان مجنووووووووووون بوجه البحر يعني الهوا برودته مضاعفه+رشات ماي من البحر
حنان:طارق
طارق:....................
حنان تعلي صوتها:طااارق
التفت طارق لها :حنان
حنان تصعد على الصخر وتقرب منه وتلمس وجهه:يؤ انت خبل وجهك بارد قطعة ثلج,, تبي تمرض تموت علي
طارق وهو يطالعها بعيون تعبانه:ارحم لي
حنان:طارق وش هالكلام ,, قوم معي بس
سحبته حنان من يده,, وهو يمشي معها وما يعارضها بشي,, لو ترقيه فوق جبل وقوله طب,, بيطب لانه مو بشعوره
دخلوا الكهف وراح لفراشه سيده وانسدح
جلست حنان واقفه تطالعه,, قربت منه
كسر خاطرها من جد,,كان وجهه اصفر وشفايفه زرقا من البرد
مسكت يده لقتها بارده مره,, ولا فيها دم,, صايره بنفسجيه من البرد
خافت حنان عليه ,,راحت خذت من الرماد اللي على النار وحطتهم بشرابات عندها ,, ولبستهم طارق عشان تدفى اطرافه,,
طارق: سكري الفتحه برد
حنان:اخاف اسكرها ننكتم من الدخان

وكان ذاك اليوم برد صدق ,, وعلى رغم برودة طارقه الا ان العرق يصب من جبهته
حنان:طارق انت محتر ولا بردان
طارق ولاهو بشعوره:تعبان
حنان عوراها قلبها من جد عليه:وش يعورك,,
طارق :انتي ,,حنان علتي وشفاي ,,انا احبك بس انتي مو معبرتني ماتعطيني وجه كله هواش
حنان ودموعها بدت بالسيلان:لاتقول كذا انا بعد احبك بس
طارق خلاص باعها:وش بس؟
حنان:انت مو لي,, اول مانرجع بتتزوج اللي تنتظرك,, ولا ابي انجر بحبك وآخرتي أصير نزوه بحياتك
طارق وده يصيح من غبائها:هذا اللي متعبك؟
حنان وهي تمسح دموعها :وهذا شوي ,, بكره اذا الله انجانا ورجعنا لأهلنا بطيح في كبدهم عدل,, أصلن وانا كذا معك لمجرد اني مع رجال غريب الكل بيفكر بالشين عننا,, حتى لو انت عاقل ,, الكل بيقول كل أثنين ثالثهم الشيطان
>>>>>قامت حنان تطلع اللي بخاطرها,, قالت له عن السبب في صدها له واسلوبها البارد معه
اما طارق تفاجأه من كلامها,, مايدري هو البرد جاب له صخونه وخلاه يتوهم انها تقوله هالكلام ولا هو صدق,, يعني من كل عقلها اذا رجعنا بتزوج واتركها,,أصلن انا احاتي اذا رجعنا اني اجلس بدونها,,خلاص صارت شي اساسي في حياتي,, حنان+الهوا+الماي =حياتي
طارق :هذا اللي مزعلك ومخوفك مني؟
حنان:مو زعلانه انت حر
طارق:ياحماره انا احبك,,وانتي اللي اذا رجعنا ماراح تاخذين غيري,, وانتي اللي اذا رجعنا ماراح يتزوجك غير ,,واذا جلسنا اكثر من كذا بتزوجك والله شاهد
حنان كانت مو مستوعبه كلامه !!!!! الحين من جده يحبني,,؟؟
حنان وهي تقرب منه مو مستوعبه:تحبني انا عشاني انا؟!؟
طارق:هذا بلا ابوك ياعقاب,,ايه عشانك انتي
حنان :بس
طارق:بلا بس لوما خوفي من الله كان بردت خاطري منك من زمان,, بس مالي بالحرام وأهله

نزلت دموع حنان من قلبها,, قامت تبكي,, تذكرت ان الواحد اذا مرض قام يقول اللي بخاطره عن مشاعره,, وطارق اللي قدامها الحين لاحول له ولا قوه,, تعبااااااااااااااااان والبرد لاعب فيه
طارق:دوري شي بردانرلاتطالعيني كذا
حنان جابت الملابس اللي بالشنطه كلها وغطت جسمه وجلست تحط له كمادات دافيه تسخن القماش تحت التراب الحار وتحطه على راسه

سهرت حنان على طارق ,,لين استعدلت درجة حرارته حتى هو حس بادفا,, بس بعدها أشتكى من راسه صداع,, والحمدلله في بنادول باقي,, عطته حنان حبة بنادول وبعدها دلكت راسه لين ارتاح وغط في سبات عميق

جلست تتأمله حنان,, زاد حبه في قلبها,, هو مو بس يحبني,,لا بعد يخاف علي,, ويحترم وضعنا,, لاشعوريا قربت منه وباسته على جبهته
حنان:الله لايحرمني منك

@@@@@@@@@@@@@@@@@@@@@@@@@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 21-01-2010, 08:43 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


في مخيم ابو فيصل

فارس:يالله يابنات من يروح معي نجربع
مريوم:انا
شيخه:وانا بعد بروح
سلمى: وانا برضوا
التفتت سلمى على ساره قةمي معنا
ساره:لا وع ما احب
سعاد:الله أكبر حنا نحب بس نتمشى وهبال قومي
شيخه:قومي ياساره اخلصي
ساره:حرام خالتي نوره بالحالها بججلس عندها
ام فيصل:فديت قلبك,, لا روحي انا بشوف ابو فيصل بعطيه دواه
شيخه بخبث:قووومي خالتس تبي تخمر مع رجلها,, لاتصيرين انتي العظم بالبلعوم
ساره:ههههههههههه دامه كذا اجل بروح معكم

ركب فارس وفيصل اللي ركب معهم عشان عياله يبون يروحون
وساره+سعاد+شيخه+مريوم ورى ,, اما سلمى كانت بين اخوها وزوجها,, والسياره ازعاج مرره
مشت السياره
ساره:يوه نسيت جوالي
شيخه:مو لازم
ساره:أي والله

مشوا بسيارتهم,, وكانوا قمة الازعاج,, وكلن يسولف,, والبزران بعد
سلمى كانت قدام وتشوف الطريق:جربووووووووع وقف

ولع النور فارس على حده على الجربوع ونزل فيصل وولده ومرته والسياره كلهم عشان يصيدون الجربوع المسكين,, وجلس بالسياره فارس يلاحقه وساره ورى
ساره:حرام فارس خلوه.,, حرام
فيصل:اخ انتي يوم قربتي منه ليه ما مسكتيه
مريوم:يمه اخاف انا بس ابي الاحق واطالع
فيصل:امحق تجربع تعرفونه انحاش الجربوع وانتوا تطالعونه
بعدها نزل فارس بسرعه ومعه الكوبس(لايت) وشاف له جربوع وسلط النور عليه ومسكه
فارس:ايوووووووووووووه مايجيبها الا رجالها
فيصل:بعدي,, قم قم نرجع هالبنات بس ماعندهم ماعند جدتي
شيخه:ذيب ذيب ولد
طاح جوال فارس,, وانتبهت له ساره فنزلت من السياره وخذته
رجعوا ركبوا مره ثانيه ,,
ساره:أبي اركب ورى ارحم هنا ضيق
فارس:اركبي
ركبت ساره ورى ومعها جوال فارس تبي تأدبه ,, عشان ثاني مره ينتبه,,وكسر خاطرها الجربوع
اللي بالكرتون,,هي عارفه انهم مو ماكلينه بس بيلعبون فيه
ساره:لا وقفنا عشان نصيد غيرك بهربك ههههههههه

وبعدها لقوا جربوع ثاني نزل فيصل وفارس بالسياره يلاحقه,, بس انحاش ماصادوه,, ونزلت بسرعه ساره
ومعها الكرتون ,, وسدحت الكرتون بس ماطلع الجربوع تنح
ساره:اخلص اطلع,,
ورفعت ساره عيونها للسما,, كانت قمرا وحلو شكل القمر ,, وتذكرت كلام نايف
نايف:مايصلح التجربع بالقمرا,, ماتطلع الجرابيع واجد
ساره: من جدك انت تجربع,, لايكون تاكلها بعد
نايف:لا ما اكل بعدين من زمان ما جربعت,, خبري فيه ايام الثانوي,, والجامعه اولها ,,
ومن بعدها وانا ماجربعت,, بس وناسه والله
ساره:ماقد جربتها بس حرام تصيدونهم
نايف:لو بنجلس على حرام كان ماكلوا هالناس شي,,حتى الخرفان حرام بعد نذبحهم!!
ساره: الخروف الدجاجه ممكن بس ذول جرابيع,, لاريحه ولا طعم ولا لون ,, والضبان زيهم,, وش محلي اكلهم
نايف:عاد الناس اجناس,, وش تقولين بس
ساره :أي والله

انتبهت ساره للجربوع انه طلع من الكرتون وواقف يطالع حوله
ساره:واخير ,,
وقفت الاخت بترجع للسياره,, بس وينهم؟؟؟!!
ساره:فارس ,يمه وينكم

التفتت حولها,, مشــــــــــــــــــــــــــــــــــوا مشــــوا وخلوني
ساره:فااااااااااااااااااااارس وجلست تركض تبي تلحقهم,, بس مشو من زمان,, والسياره قمة الازعاج,,
واللي داخل يحسبونها ورى,, وكلن لاهي ولأن طبع ساره الهدوء ما احد فقدها !!
جلست ساره تبكي:يمه وينكم ياربي وقامت تلفت يمين ويسار,, وخافت ماحواليها غير ظلام,,
ووراها مخيمهم بس بعيد,, تشوف بس انارته

دخلت يدها من البرد في بالطوها,, ومسكت جوال فارس
ساره بفرح:جوااااااااااااااااال
بس يافرحه ماتمت مافي ابرج
ساره:ياااربي وش اسوي.. مافي ابراج,,
رفعت يدها تحركها تبي تلقط ابراج بس مافي لان المنطقه شوي نازله,,
شافت قدامها رفاعه(ارض مرتفعه ) قررت تروح يمكن تلقى ابراج
مشت لهناك وهي تقرا المعوذات وتتعوذ من الشيطان وكل الادعيه اللي تعرفها قالتها,,
وصعدت لفوق,, واشوى جاها ارسال بس شوي مو واجد دورت رقم فيصل ,, ولقته
اتصلت فيه بس مغلق ماعنده ارسال,, اللي بالسياره كلهم جوالاتهم مسكره,, ماعندهم ارساله
تذكرت اخوها فهد,, اتصلت فيه,, بس فهد كان بالخيمه وداخل الخيمه الابراج ضعيفه واحيان مافي,,
ودقت على ابوها كان يدق بس مارد,, لان جواله بالسياره يشحن
ساره :رد يبى رد
بعدها جلست تدور رقم خالتها نوره,, بس ماتدري باسم ايش مسجلها فارس
وهي تدور شافت اسم سعود,, ولقت نفس الاسم مكالمات صادره,,
ساره:هذا اكيد سعود ولد خالتي ,,يارب عاد يرد
اتصلت على سعود وكان من حظها انه راجع للمخيم كان رايح للبقاله يجيب اغراض
سعود:هلا ابو الفوارس
ساره قامت تصيح من الفرحه:انا ساره
سعود:!!!!!!!!!!!!!!!!! ساره
ساره وهي تصيح وتشاهق:راحوا وخلوني وانا بالظلام,, وجوالاتهم كلها مسكره
انا خايفه يطلع شي تعاااااااااااااااال
سعود ابدن مو فاهم شي:وش راحوا,, رجعوا الديره وخلوتس بالمخيم
ساره:لااااااااااااااااااااااااااااااا
سعود:طيب لاتصيحين اهدي خلين افهم
وقف سعود سيارته
ساره وهي هدت شوي:رحنا نجربع,, وكنت ورى نزلت ومشوا وخلوني وانا بالبر بالحالي
ومخيمنا اشوفه بس بعيد
سعود وفهم السالفه:طيب مخيمنا تشوفينه من أي جهه؟؟
ساره:جهة خيمة الرجال على اليسار
سعود كان قريب من المخيم,, وتوجه للجه اللي وصفته لها ساره
سعود:ساره تشوفين نور سيارتي
ساره وهي تمسح دموعها :أي في سياره اشوفها
سعود أشر بالنور:تشوفين التأشير
ساره:ايه
انتبهت ساره لشي تحت يتحرك ,, ولما طالعت لقته جربوع فوق جزمتها (وانتوا بكرامه)
ساره:آآآآآآآآآآآآآآآآآآآآآآآآآآآآآآآآآآآآآآآآآآآآه
رفست رجلها وطار الجربوع المسكين ,, ونزلت تركض من المرتفع وانقطع الخط
سعود انهبل لما سمع الصراخ:ساااااااره الووووووووووو
الووووووووووووووووووووووووووو

انقطع الاتصال,, انهبل وزاد السرعه ,,خاف احد جاها ولا طلع لها دابه
ساره:بسم الله بسم الله,, سعود الو الو,, ياربي انقطع والله ما ارقى فوق,, وكلها ثواني وسمعت صوت
سياره مقبله ومسرعه,, سيارة اخوها فهد بس اللي يسوق سعود
قامت ساره تأشر وتناقز :سعوووووووووود انا هنا
سمع سعود الصوت ,, والتفت جهة اليسار لقاها تناقز وحمد ربه انها بخير,, وقف السياره ونزل لها بسرعه
ركضت له ساره وهي تبكي وضمته بقوه من الخوف,,ومن خوفه عليها وخاصه لما سمع الصراخ ضمها اقوى
سعود:بسم الله عليك, بسم الله عليك,,خلاص انا هنا جيت لاتخافين
وقام يمسح دموعها اللي انهمرت كنها سيول
ساره:خفت جا شي على رجلي يمشي مدري وشهو اخاف حيه
طالع سعود:أي رجل
ساره اليسار
سعود لقاها لابسه جراب وجزمه وبنطلون:جا على الساق؟
ساره:لا على الجزمه مدري مدري
ورجعت تبكي بعد
ورجع ضمها سعود^ - ^
وهدت شوي ورجعت لطبيعتها وراح الخوف نسبيا ورفعت راسها وهي تمسح دموعها ,,
وكان سعود يشوف احلى منظر طفولي بروح انثويه
ساره:شكرا
سعود يطالعها وهو متعجب ,, ابدن ماتشبه خواتها ولا اخونها
سعود:شدعوى شسويت انا؟
ساره وهي توخر عنها بس الاخ ماسكها بذمه وضمير ^ - ^
ساره:نروح هدني
سعود وهو خاقق:نروح
ساره:طيب هدني
انتبه سعود وهدها بسرعه ومشت بسرعه ركبت السياره ورى وعدلت حجابها الشتوي وتلثمت
ركب سعود السياره وهو حده مبسوط ويطالع السما >>يارب دعيتك احلم فيها,,قمت شفتها ولا بعد ضم,,
يامنت كريم يارب<<<
حرك سعود السياره
سعود:سمي بالرحمن زين ان معك جوال
ساره وهي لازالت تشاهق:اشوى اني خذت جوال فارس هالخبل
وشوي رجعت تبكي:والله لأخلي ابوي يربيهم كلهم
سعود:لالالا لاتبكين انا اربيهم كلهم ولا يهمك,, انتي بس لاتبكين
وصلوا الميم ولقى سعود امه طالعه من خيمتها
سعود:يمه
ام فيصل:ابوي انت
نزلت ساره من السياره ورجولها مو شايلتها من الخرعه والخوف
ام فيصل تطالع بهالبنت اللي جايبها ولدها/ من ذي؟
سعود:ساره بنت خالتي
راحت لها بسرعه ام فيصل:ساره شفيتس؟
لمت ساره خالتها وجلست تبكي
ام فيصل :وش فيتس
والتفتت على سعود:وش انت مسوي فيها؟؟
سعود:انا ماسويت نسوها اللي معها يجربعون ودقت علي وجيتها
ام فيصل:يويلي تركوتس بالبر؟؟بالحالتس؟؟
ساره وهي تمسح دموعها:خالتي تكفين خانقيهم
سعود وهو يشوف الدلع كيف يطلع منها بعفويه,,قال ايش البنت هاديه وجديه وشاطره,,
ابدن ماتركب صفات الدفاره على هالدلع
خذت ام فيصل ساره لخيمتها وشربتها ماي وقرت عليها لين هدت ع الآخر,, بعد نص ساعه
وصلوا الشله وهم لازالوا بإزعاجهم
فارس:فااااااااتك ياسعود
سعود:وين جوالك؟؟
فارس وهو يدخل جيبه بالبنطلون:ها وينه
سعود:من الصبح ازعجني يدق وساكت!!
رجع فارس السياره وجلس يدور
شيخه:وين اختي
سعود:تعالوا صفوا قدامي اشوف
فيصل:ليه؟
سعود:صفوا انتوا
فارس من داخل السياره:فيصل دق على جوالي مدري وينه
سعود:امش صف معهم
مريوم:في طابور صباحي
سلمى:هههههههه لا مسائي
سعود وهو مسوي معصب ولا لو عليه ودهم يحب راس كل واحد عشانهم نسوها وسنحت له
هالفرصه الذهبيه:من راح معكم
جاتهم ام فيصل وهي حدها معصبه عليه,, وساره كانت تطل من نوافذ الخيمه المخلخله
:الحين انتوا ياهلي انسوني,, ولا بعد محد يدري عن الثاني؟؟
شيخه وهي مستغربه:ليه وش صاير حتى ساعه ماخذنا!!
ام فيصل:لو اكثر كان ضعتوا كلكم
التفتت شيخه:مافينا ضايع
ام فيصل:وين بنتس ساره؟؟؟
شيخه/معنا
ام فيصل:ايه وينها
شيخه:ساره
قامت تدورها
:يمه حلالي وين بنتي
سعود:بنتك نسيتوها وخليتوها بالبر,,لو ما معها جوال فارس ولا كان الله اعلم وش صار فيها
شيخه وانصبت رجواها:وينها؟
ام فيصل خافت على اختها:بخيمتي
راحت شيخه تركض لخيمة اختها:ساره
ساره وهي واقف وزعلانه:ساره!! وينك مافقدتي بنتك؟؟
شيخه وهي تبكي وخافت على بنتها بس لمجرد التفكير انها بالحالها:والله احسبك ورى,, سامحيني حبيبتي
ولمت بنتها وهي تبكي
وساره بعد رجعت تبكي وهي بحضن امها

وجاوا الباقي مابين اللي يضحك واللي يتطنز واللي متأثر على ساره,,
مريوم:ماصدتي جربوع؟
ساره:انقلعي ياحماره مافقدتي اختس
مريوم:هههههههههههههههههههههههه والله فالينها كنا
ام فيصل:ايه الحمدلله ان جوال اخوها معها وان سعود ماكان بالمخيم وعنده ارسال,, لو انه واحد من البزور من لقاه الحين,, اقلها انخفض عقله
شيخه:الحمدلله ,,خلاص توبه مانروح كذا روحات الا متأكدين من العدد
ام فيصل :عساكم عاد تتعلمون

وبوقت النوم,,
انسدحت ساره بفراشها وهي تفكر اليوم باللي صارلها,,وموقف سعود معها
عادي لو مريوم مكاني كان سوا نفس الشي,, بس والله فله حلو حضنه ياحليله ولد خالتي
ماعمري فكرت اني حتى اطالعه ,,أثاريه عنده مقومات,,طول وعرض ووسيم,, وحتى سوالفه حلوه ,, وتذكرت لمته ,,كان خايف عليها بس عاد لو احد مكاني كان صار له نفس الشي
انا بعد هبلت فيه يوم صرخت
الله يعين بس
غمضت عيونها وغرقت بالنوم ولكن لأول مره تنام ومايطري في بالها نايف ^ - ^

اما سعود كان متمدد وعلى وجهه ابتسامه عريضه من الاذن اليسرى لليمنى >>
اليوم سمعت صوتها وعجبني,, وبنفس اليوم اشوفها ولا بعد اضمها!! لو اني ابي هالشي ماصار,, بس الله اذا رزق عبده رزقه ,, ولا بعد حلوه وغريبه اشباهها ماتشبه بيت خالتي,, يمكن تشبه احد من اهل ابوها>>وبالفعل هي تشبه جدتها ام ابوها <<

وقفه قصيره لوصف ساره

ساره بنت حلوه,, تميل للطول,,جسمها مفعم بالأنوثه,, عيونها غزيرة الرمش بس مو كبار مره ,, وسط, بيضا وشعرها أسود كاريه زي كارول سماحه
كان نايف اكثر شي يحبه فيها صوتها اللي كان يقولها دايم دلع طبيعي مافيه تصنع,, ويحب شعرها بس كان طويل
ولما انفصلوا قصت شعرها لانه بس يحب الشعر الطويل !!
حنونه بطبعها,,خلوقه,,حكيمه,,هادئه,,اللي يتعرف عليها يحبها على طول لانها انسانه واضحه وصريحه ,,
وطاح سعود بشباكها

>>رجعنا لكم <<

في نهاية الجزء,,
حدث تطورات وشرارات حب جديده بين كلا من
ريم&د/فهد
سعود&ساره

اما أبطالنا صار بينهم تصريح قوي ,, بس ينتظرون الوقت المناسب
ياترى هل هالشرارات راح تتوج بالزواج,, ام راح تبقى على حالها,,
ام راح تتطور الى علاقات غراميه من ورى الكواليس؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 21-01-2010, 08:45 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


الجزء السادس عشر

في بيت ابو ناصر

جالسه ريم في غرفتها وتغير اللفه وضحكة د/فهد ماغابت عن بالها
دخلت وضحى عليها وريم شاقه الابتسامه من الأذى للأذن
وقفت قدامها وحركت يدها,,بس ريم ابدن موحاسه فيها,,
وضحى تحط فمها من عند ريم وبأعلى صوتها:ريــــــــــــــــــــــــــــــــــــــــــ ــــــــــــــــــــــــــم
ريم تخرعت ورمت من يدها كل شي وجلست تناقز زي الخبله بالغرفة
وضحى:ههههههههههههههههههههههههههههههههههههههههههههه هههههههههههههههههههههههههههههههههههههههههههه هههههه هههههههههههههههههههههههههههههههههههههههههههههههههه ههههههههههههههههههههههههههههه
ريم بعد ما استوعبت ان وضحى ورى هالشي خذت شبشبها (وانتوا بكرامه) وكفختها فيها
وضحى:آآآآآى
بس ريم مابرد قلبها,,خذت الشبشب الثاني,,
لريم:انا اوريتس ياذا الكلبه
وضحى اللي انحاشت من غرفتة ريم
وضححى بأعلى صوتها:مردوووووووووووووده ياريمو تكفخيني بالشباشب
ريم:وهي عند باب غرفتها ومقابلة غرفة وضحى:والله ان عدتيها ياحماره لأجيب اجلتس
وضحى اللي لازالت ميته من الضحك وهي تتذكر شكلها:ههههههههههههههه آآه يابطني ما اتحمل وربي
طلعت ام ناصر من غرفتها على صوت البنات
الام:وش فيكم وش هالصراخ؟
ريم شوي وبتبكي روعتها وضيح:وضيح يمه روعتني وانا بغرفتي
وعلى طول نزلت دمعة ريم ,,
الام وهي تلم بنتها:بسم الله عليك قومي داخل

جلست ام ناصر تسمي على بنتها ,, وأعادة لفة رجلها لانها انفكت ونزف شوي دم لان ريم ركضت ومشت عليها
سألت ام ناصر ريم شلون روعتها وضحى وقامت ريم تقول لامها وهي منقهره من اختها
الام:الحمدلله الحين هي دخلت ولا حسيتي فيها؟؟وحطت وجهها عند راسك ولاحسيتي بعد,,فيتس بلاء انتي يوم ماحسيتي
عاد هنا ريم توهقت عدل وش اقول لأمي
ريم:كنت احط دواي ولا انتبهت لها,, وباب غرفتي كان مفتوح>>خراط
الام:معليه ثاني مره انتبهي,,وانا بعد بقول لوضحى لاعاد تعيدها,,غيرك ماتوا متخرعين وهم على غفله بسم الله عليك يابنتي
ريم وهي تتحسب على فهد وضحكته لانه هو السبب الرئيسي !!!


في الخبر
رجعوا بيت ابو فيصل وابو فهد لبيوتهم سالمين,,ومودعين احزانهم وفاتحين باب الفرح والحياه
سفرت ابو فيصل واهله لمكه غيرت من حالهم,, وكشتتهم للبر أثبتت هالتغير ودخلت نفوسهم الفرح والضحك بعد حزن دام اكثر من شهرين

ساره كانت جالسه تكلم صديقتها ريم بالماسنجر
ساره اللي اخيرا غيرت توبيكها وحطت اسمها بداله
ساره:ماتتخيلين ياريم تو اكتشف سعود هذا,, كنت اسمع عنه بس ماعمري جاني فضول اني اشوفه او اتعرف عليه
ريم:شلون شكله حلو؟
ساره:خبال مو حلو ,,بس احسه من النوع الصايع لان خالتي تزن فوق راسه اعرس وهو مايبي !!! تهقين يحب
ريم اللي ماصدقت ان صديقتها تتكلم عن غير نايف:اممممممم مو حب ,, في رجال يحسون ان الزواج مسئوليه وتهور يمكن هو زي كذا
ساره:ما اتوقع هو بغربه ولا عنده احد بالعكس بيصير يبي احد معه عشان يحس بالإستقرار,, هذا غير انه بالريااض يعني حياة العزوبي هناك عذاب مو زي هنا
ريم:اممممممممممم ممكن
ساره:بس من جد لما اتذكر صدق موقف محرج
ريم:الا والله يازينه من موقف ابكي وواحد يلمني وهـ بس وهـ
ساره:ههههههههههههههههههههههه عاد خوش لمه ذاك اليوم الكل لمني,,هو وخالتي وامي ,, بس هو غير حضن دافي ومشدود ,,مو زي امي وخالتي مخدات ههههههههههههه
ريم:ههههههههههههههههههههههههههههههههههههههههههههه ياحماره حضن الأم حلو دفى+حنيه+اهتمام
ساره:ماجربتي غيره ولا ماقلتي هالكلام
ريم :ياحقيره لاتخليني اروح الشارع واول رجال المه لاتهيضنن ياسوير
ساره:ههههههههههههههههههههههههههههه

بدت ساره تفكر بسعود من جد عجبها ,, مجرد اعجاب بس بيقدر سعود انه يستحل قلبها زي ما عقلها يفكر فيه؟؟بيقدر قلبها على نسيان نايف وعلى قولة القايل
القلب يحب مره مايحبش مرتين !!

@@@@@@@@@@@@@@@@@@@@@@@@@@



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 21-01-2010, 08:48 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


في الرياض:

بعد اسبوع على حادثة ريم وكانت ولهانه تشوف فهد خاصه انها اذا جت تزور اخوها مايكون موجود
ناصر عند الريسبشن ويعطيهم ورقة موعد ريم عند د/فهد
الموظف:خلاص انت روح للزياره وانا ببلغ الدكتور
ناصر:خير ان شاء الله
وهم في طريقهم لغرفة نايف كان فهد واقف يقرا ملف مريض ولا أنتبه لوجودهم بس احساس جاه خلاه يلتفت واذ به يشوف ناصر وجنبه صاحبة الرمش الكحيل تعرج بمشيتها,, ولا شعوريا سكر الملف وابتسم ابتسامه عريضه,,ابتسامه تعبر عن شوقه ولهفته لعيونها
ناصر وهو يبادله الابتسامه:السلام عليكم
فهد وهو يمد يده :وعليكم السلام
ناصر:وشلونك لي اسبوع اجي ازور نايف ما القاك
فهد:تصادف ان عندي حالات بالطواريء
ويلتفت على ريم وبنبرة الطبيب:ها كيف الجرح معاك
ريم بحيا وكل شعور تحس فيه الحين:احسن
ناصر:تونا بالاستقبال ندورك قالوا روحوا زوروا وبنعطي الدكتور خبر
فهد:ايه يالله نروح للغرفه ولا ودكم تزورون نايف اول؟
ناصر:لا يالله تفك الخيوط ونزور بعده

توجهوا للغرفه,وجلست ريم على السرير ومدت رجلها,, ريم بيضا واطرافها ناعمه,, وكانت رجلها حلوه ناعمه زيها
طالع فهد الجرح:ملتهب ياريم>>كان مستمتع وهو يقول اسمها
ريم:ليه؟
فهد:باين انه كان ينزف؟
ريم:لا بس قبل امس لاني ركضت
وبنظرة عتب من فهد لريم:وش مركضك؟
ريم توهقت :آآه كنت الحق اختي
فهد ومستمتع بربكتها:تلحقين؟؟سبب لك نزيف واخاف افك الخيط وهي بعدها ما ألتأمت
ناصر:والسواه؟
فهد:تعالي بعد بكره ولا توطين عليها بقوه,, ولا تلحقين احد ولا احد يلحقك ,,اوكي
ريم وهي مبسوطه يعني بجيه مره ثانيه:اوكي
ناصر:خير ان شاء الله عقب بكره نجيك
فهد:اللي يكمل لفة رجلها وكل شوي عينه تطيح على عينها:خير ان شاء الله
خلص من لفتها,, وطلعوا منه وسوت ريم حركه حلوه ,, طلعت وهي متعمده تنسى شنطتها على السرير,, ولما طلعوا
ريم:اوه نسيت شنطتي
ورجعت بسرعه ماعطت اخوها مجال انه يقول خلك بروح انا,, مشت وكأنها مفتشله او خايفه احد ياخذ شنطتها
دخلت الغرفه لقت فهد جالس على طرف الطاوله وحاط يدينه على الحافه ومدد رجوله وسرحان
ريم عجبها منظره:آه
فهد على طول رفع راسه ما صدق انه لقاها
فهد عدل وقفته:هلا
ريم وهي تأشر على شنطتها:شنطتي نسيتها
فهد راح للسرير وبالفعل لقى الشنطه شالها ومدها لها:تفضلي
ريم:آسفه على الازعاج
فهد وهو يحرك كتوفه بكل عفويه وبساطه:لا عادي لو تنسين شي ثاني مره عادي ^ - ^
ريم:هههههه ليه ماوراك الا انا انت مشغول اكيد
فهد وهو ياخذ نفس عميق : أي ماوراي الا انتي وعيونك>>>باعها
ريم على طول مشت وهي مستحيه مره من كلامه ونظراته
طلعت الا ناصر كان جايهم استغرب تأخرها
ريم وهو واقفه عند ناصر اللي لقته بوجهها قبل الغرفه بمترين يمكن:يوووه فشيله كان الدكتور مشغوول>>>الا والله عووبه
ناصر:انتي عاد لاتصيرين زي الصخله ماتدرين وين اشغالك,, احرصي عليها فاهمه
ريم وهي طايره من الوناسه وتمشي بحريه ما كأن برجلها جرح,, وكأنها اصلن تبي جرحها ما يلتئم عشان تجلس كل يوم رايحه وراجعه عليه
راحوا يزورون اخوها نايف اللي كل يوم حالته تتحسن بس تعب من عدم حركته

بعد اسبوع تحسنت حالة نجود وتقدر انها تطلع من المستشفى,, وكانت يوميا تقريبا تزور نايف ومعها طروق,, وكان نايف في كل مره تدخل نجود وولدهم يحس بالحياه ولفرحه تملى قلبى,, بس يعوره قلبه انه مايقدر يشيله ويضمه لصدره ,, نايف من طبعه حنون ويحب الأطفال

نجود وهي عند الدكتوره
د/سهير: انتي اليوم تقدري تطلعي بس ماتتعبيش نفسك بالحركه,, وبالنسبه للخياطه الداخليه الحمدلله تأكدنا من انها التأمت نسبيا بس زي ماقلنا الحركه بلاش منها,, يادوب حركتك للأشياء الضروريه
نجود:دكتوره بس ابي أسألك عن شي؟
د/سهير:تفضلي
نجود:بالنسبه للحمل او يعني انا تقريبا ما أدري ايش صار فيني غير اللهم نزيف داخلي بس ايش اللي صار حابه اعرف الموقف اللي انا فيه
د/سهير وهي تعدل نظارتها:بصي يانجود اللي صارلك مش سهل او هين,, ومش لأنك طلعتي قبل زوجك يبقى انتي احسن منوه حال,,بالنسبه لإصاباتك كانت كلها باكليتك اليمنى والحمدلله عملنا فحوصات وبقت سليمه,, بس اللي احنا مش عارفين ايه اللي بيحصل لوه هو الرحم,, انتي انفجر عندك قناة فالوب,, ودا مش خطير قوي لأن في قناة بديله زي الكليتين,,
نجود وهي تقاطع كلامها:والحمل؟
د/سهير:الحمل مش قبل سنه او سنتين,, لانها مش مسألة عمليه والسلام,, تقريبا رحمك اعدنا عملية تجميعه,, فعشان كدا عاوزينك ماتتحركيش كتير,, انتي من جواكي خرايط جراحيه ,, فمسألة الحمل ان شاء الله ماتتأثر بس حتتأجل سنتين لزوم الضمان الصحي ليكي وللحمل

حست نجود بإحباط وان الدكتوره ماعطتها كافة المعلومات,, :اوكي شكرا
طلعت من عندها وزاد الوجع وجع,, كان نايف ينتظرها تمره قبل لاتطلع من المستشفى بس مامرته,, ماقدرت تواجهه اذا شافته بتبكي حبت انها تروح بيتهم,,

أخذتها امها واخوها وتوجهوا للبيت,, والله العالم وش منتظر نجود في المستقبل !!!

&&&&&&&&&&&&&&&&&&&&&&&&&&&&&


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 21-01-2010, 08:49 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


في الجزيره

كانت حنان جالسه على الشاطي تتذكر كلام طارق لها,,ياترى كان تعبان ويهذري ولا كلام قلبه وطلع؟!
جاها طارق\,, وهو طبعا مايذكر شي ,, اللي يذكره هو مساجها لظهره :بنت
حنان تلفت وهي متعوده انه يناديها بهالاسم:هلا
طارق:ليه جالسه هنا؟
حنان بخبث:افكر
طارق:بوووش؟؟
حنان:لما كنت تعبان قلت كلام كبير مره !!
طارق وحس انه هبب مصايب وشق الزبيل:وش قلت انا؟
حنان:ما اقدر اقول
طارق وبدا يعرق:ليه ان شاء الله لا يكون حلفتك وقلت لك لاتقولين لأحد؟؟!!
حنان:هههههههههههههههههههههه تقريبا وانا عاد ما اخون الأمانه
طارق:لا يامي محلله ومبيوحه بس قولي
حنان وهي تقوم وتنفض الغبار من يدها:كلاااااام كبير اكبر منك وقوووووووي ههههههههه
طارق:!!!!!!!!!!!!!!!!!!!!!!!!! ول وش انا مهبب
طارق وهو يلحقها ويمسكها من يدها:حنان وشو؟
حنان خلاص وثقت انه يحبها وميت في دباديبها وحبت تلعب فيه>>خبيثه<< فقربت منه
وجلست تنفض غبار على شعره وتدلع بالكلام: قلت لك كلام قوي مره
طارق وهو خق بدون مقدمات وجاراها بنفس النغمه:طيب قولي
حنان وزادت الدلع حبتين:ما أقدر لما اتذكره يحمر وجهي من الحيا
وضربته كف خفيف دلوع :عيب طارق هالكلام
ومشت عنه وهو متيبس بمكانه :احيييه وش ناويه علي هالمرره
اما حنان راحت تتمشى وهي تغني وتتغنج وتلتفت على طارق شوي وتضحك على شكله
المتبنج وجالس يعد اصابعه كنه خبل ومشكك بعددهم
حنان:هههههههههههههههههههه والله لأوريك نجوم القايله ياطويرق اجل تلعب بي لا
رجعت بعرس على اللي احبها هيـــــــــــــن

راحت حنان وطارق يضرب اخماس بأسداس ,, انا وش هببت؟؟ انا وش قلت للمفريه ذي؟؟
وفجأه سمع صوتها تضحك بصوت عالي على شكله وهو متنح
طارق:جنيتي على نفسك يابنت عبدالعزيز
راح لها طارق ,, وحنان تفكر تنحاش او توقف بمكانها ,,فقررت انها ماتتحرك وتكتفي
وترمش بعيونها وتتمايل مره وتتخصر مره
حنان:هااااااا وش تبي
طارق :تبين أكل؟
حنان: هههههههههههههههههههههههههههههههههههه
طارق:بروح أصيد تجين معي
حنان وهي تفكر :اممممممم مابي زفر
طارق وهو يرفع حاجب:رريحته وع,,وطعمه حلو
حنان:من عمري اذا بغيت الشي أأمر فيه,, ويجيني
طارق بدلع زي دلعها:في بيتكم وعند بابا وماما هنا انتي اكرفي على لقمتس
حنان وهي تسبل بعيونها:أهون عليك اجلس بدون أكل
طارق بخاطره>>وجع وش هالحاله<<:ايه تهونين
حنان وهي مبوزه بس بدلع:طيب زعلت
طارق خلاص هو انسان يعني الى متى هالدلع طول هالشهور وانا ماسك نفسي ,,
تجي تدلع خلااااااااص,, فقرب منها وبنظرات خاقوقيه لحنان:ماتهون علي حنو
حنان حست بالخطر >>>ايه علقتي استاهل جبته لنفسي>>: ههههه طيب بروح اتمشى
ومشت ,,بس هيهات الموقف سيطر عليه طارق وصارت الامور بيده ,,فلحقها ومسكها من
يدها ورفع خصله عن عيونها :وين ,,؟
حنان وخلاص بتموت هالمعفن حلو ,, قربت وبصوت مليان بحه وبنعومه:طــارق
ونشف ريقها فكحت
حنان: كح كح احححححم
طارق بنعومه قاتله:صحه
حنان وهي ترفع نظرها لعيونه القويه السودا اللي فجأه لانت وصارت حالمه ورومانسيه:هدني
طارق:بشرط؟
حنان وودها انه يشرط شي صعب عشان ماتسويه ولايهدها :وش
طارق:واحد من الأثنين ,,يابوسه,,ياتقولين لي وش انا قلت لك وانا تعبان
حنان فتحت عيونها على حدها يا بوسه يا اعتراف ,,لف طارق يدينه عليها ودقات قلبه
شوي وتطلع من صدره,, وحنان كانت مركزه على صدره وكيف يتحرك القميص من دقات
ٍقلب طارق,,يعني هو متوتر مثلي ,,وتوهق بشرطه
حنان وهي تحاول تتخلص منه بهدوء ,,بس هو ماسكها عدل
طارق:قولي واخليك
حنان رفعت نظرها له وقررت ,,
وقفت على اصابعها ولفت وجهه يسار وباسته على خده وهمست بأذنه:ماراح اخون سرك
فكها لاشعوريا ,, وراحت منه تركض
حطه اصبعه على مكان بوستها وسحبها لفمه:اموووووواه,,, وش هالشي الخطير اللي البوسه اهون منه!!؟؟

اما حنان راحت تركض وهي مهستره مره تضحك ومره تتحسب على عمرها وعلى شروطه
بس ماعليكم منها عياره ^- ^
^^^^^^^^^^^^^^^^_______________^^^^^^^^^^^

في الرياض
راحت ريم للمستشفى مع أمها واختها وتوجهت للرسيبشن تسأل عن د/فهد
الموظف:ماداوم اليوم الدكتور
ريم بخيبة امل:ليه؟ انا عندي موعد بيفك جراحتي ,,طيب متى بيجي؟
الموظف:للأسف ما ندري لأن ابوه توفى وأخذ اجازه أتوقع مو اقل من اسبوع,,وبالنسبه
للجراحه فيه دكاتره غيره يفكونها
انصدمت ريم :مات شلون؟
الموظف:والله ماعندي خبر تو مارحنا نعزيه اليوم جانا الخبر
ريم وهي متردده:طيب أبي رقم جواله
الموظف :لحظه شوي
من عوايد المستشفى في قائمة ارقام جوال للدكاتره تعطى المريض اذا طلبها
الموظف:تفضلي اختي الرقم
خذت ريم الورقه وهي تفكر ومحتاره اكلمه ولا لأ؟؟
جاتها اختها :ها وين بيفكونها
ريم بحزن:ابـو دكتوري مـــات
وضحى:يؤ حرام,,الله يرحمه
ريم:عاد مدري من بيجيبون لي يشيل الخيوط
جاتها الممرضه:ريم تعالي
الممرضه ذي نفسها اللي مع د/فهد
ريم:سيستر
الممرضه:يس
ريم:د/فهد بابا هو تعبان؟
الممرضه:I do not have idea>>ماعندي فكره
ريمk
دخلت ريم غرفة الدكتور وانصدمت بدكتور جثه طول وعرض الباب,,يده كبر رجلها ,,خافت ورجعت لورى,,
الممرضه:ههههههههههه come I am with u>>تعالي انا معك
ريم:no I want other doctor?>>لا ابي دكتور غيره
الممرضه:he is nice &good,,don't worry>>هو جيد لاتحاتين>>انفع مترجمع شعبيه
خخخخخخخخخخخخخخخخخخخخخخخخخخ
>>نرجع<<
دخلت ريم الغرفه والله خلق وفرق بعد ذاك الزين ولراحه الى هالمتوحش الضخم,, بس
كان الدكتور شاطر فك الخيوط بدون ماتحس ,, وابتسم لها
الدكتور:خلصنا ياستي
ريم>>ياحليله شكله طيب ومو باين على هالجثه:شكرا
طلعت ريم مع اختها وراحوا لأخوهم فوق,,وطول المشوار ولين رجعت البيت وهي
تفكر بفهد,,أكلمه ولا لأ دخلت غرفتها وقفلت بابها وطالعت الساعه,,كانت 8
ريم:دايم اول يوم عزا الواحد راسه مصدع ,,خل اخليها بكره أكلمه احسن

في بيت اهل نجود
فاطمه:انا مدري شلون انتي متقبلته؟
نجود:فاطمه هو متعمد الحادث؟
فاطمه:لأ,, بس انتي الحمل عندك نسبته 20%يعني اذا ماحملتي بيروح يدور على غيرك ابو الشباب
نجود وهي تفكر:طيب ليش تفكرين بالشين؟نايف مو من النوع هذا
فاطمه:نايف رجال والرجال مالهم أمان يانجود
نجود :بس ولو ماراح استبق الأمور
فاطمه :انتي اختي وما أبيك تبيكين قهر,, تتركينه انتي الحين احسن من انه يتركك بكره
أصلن ,,مدري مدري بس انا مكانك ما اكون غبيه
نجود بحيره:يعني اذا اخترت زوجي وولدي أكون غبيه؟
فاطمه:انا اللي علي سويته ,,الباقي عليك,,انا نبهتك بتجلسين عنده معززه مكرمه سنتين ثلاث
اربع بالكثير بس اذا ماقدرتي تحملين ماراح يقول مسكينه اللي صار لها بسببي لا بيقول انا أبي
عيال وبيعرس راحت منها فاطمه وتركت نجود وراها مشتته مابين عايلتها الصغيره ومابين
كبريائها,,فقررت انها تاخذ أوراق حالتها وتروح لدكتوره نساء وولاده ودكتور جراحه عشان
تسأله عن حالتها في امكانيتها للإنجاب

في المستشفى

ابو ناصر:الحمدلله ياوليدي كل يوم اجيك حالتك أحسن
نايف:أي الحمدلله الجهاز اللي متعبني وشالوه صرت اتحرك شوي مو زي أول تعفنت من كثر السدحه
ام ناصر:لاتتحرك واجد عشان ماتدهور حالتك
نايف:أبشري,,ان شاء الله على الأسبوع الجاي او اللي بعده بيطلعوني وبعدها ببدا بالمساج
ليدي لأسبوع بس
ابو ناصر:الحمدلله
نايف يلتفت لأمه:رحتي لنجود وطارق؟
ام ناصر بعيون فرحانه:ايه تو امس زرتهم الحمدلله نجود صحتها بدت تتحسن وصارت تقوم
بالحالها ووليدك لبى قلبه نايم قريت عليها وسميت وطلعنا
نايف:الحمدلله,,لها يومين ماكلمتني قلت يمكن تعيانه ,,ولما اتصلت ماردت علي
ام ناصر:يمكن مشغوله لأن انهدوا الحريم يزورون ولا يطلعن الا حيلها منهد مسيكينه بنيتي
نايف:اها

بس برضوا ما أقتنع نايف بالعذر يعني وش مشغوله,,لو ترسل مسج انا مشغوله ,,يالله عذرها معها

في اليوم الثاني وبالتحديد بغرفة ريم وكانت ماسكه الجوال وتطالع الساعه
ريم:ادق ولا ما أدق؟؟؟؟؟خل أدق

أتصلت ريم على الرقم,,
في مجلس الرجال وكان ما في زحمه واجد ,,طالع فهد الرقم وماعرفه,, وما أستغرب لان من
وفاة أبوه والارقام الغريبه تتصل تعزي من المستشفى ومن اصحابه
فهد بصوت رسمي يتخلله الحزن والتعب:الو
ريم خافت وترددت :.........
فهد:الو
ريم بصوت منخفض:الو
فهد استغرب الصوت الأنثوي,,:نعم
ريم وهي تلعن وتسب في عمرها:آآ ه أسفه شكلي غلطانه مع السلامه

وسكرت السماعه بسرعه
استغرب فهد وماكان عنده مزاج انه يفكر ببنات,,فحط الجوال بجيبه ,, وبعدها بدقايق دق الجوال بنغمة الرسايل,,فتح فهد المسج
(تقبل الله عزاكم,,والله يغفر ويرحم ابوك,,ويسكنه الجنه وجعلها آخر الأحزان
وعظم الله أجركم)
المرسل: نفس رقم البنت اللي شوي
جلس فهد يفكر منهي..؟؟يمكن بنت وكنت أعرفها فلما سمعت بالخبر دقت وبعدها استحت؟؟
بس من ياربي
جاوا دفعة رجال يعزون كثار فنسى فهد الموضوع,,
بينما ريم جالسه تنتظر:اكيد بيدق
بس ما دق فهد ,,انبسطت ريم ياحبيله مؤدب ,,ولا رجال ثاني كان نشب ودق
بس هيهات فهد ينسى ,,
وبالفعل,, لما خلص العزا جلس فهد يقرا الرسايل اللي جته ويمسح الرسايل اللي مالها فايده,,
فلقى رسالة ريم
فهد:غريب هالرقم ,,حتى صوت البنت خل ادق يمكن اطلع اعرفها
اتصل فهد بريم,, وكانت ريم توها داخله غرفتها ,,
(الدكتور يتصل بك)
ارتعشت ريم وارتبكت وجاها مغص,, وكل شي في جسمها عورها حتى اظافرها !
ريم :ياويلي وش اسوي؟؟
وعلى ماهي تفكر ترد او لا,, انقطع الاتصال

فهد:امممم

ريم من الجهه الثانيه :1 2 3 اتصل
اتصلت عليه,, ودق جواله
فهد بعد ماخلاه يدق دقتين :الو
جا صوت فهد لريم زي ماكانت تعرفه الدكتور
ريم بصوت متقطع: الو
فهد:نعم من معي
ريم:آآه انا آآآآآ
فهد حس البنت مرتبكه بس برضوا ماعرف الصوت:أي انتي من؟
ريم:انا ريم
فهد برضوا ماعرف :ريم من؟؟
ريم وودها تبكي :اخت نايف
فهد ومو مصددددق:هاااااااا ريم
ريم حست انها طاحت من عين نفسها ومن عينه وش بيقول عني:انا جيت عشان الموعد وبلغوني
عن ابوك,, فحبيت اني اعزيك مهما كان انت ماقصرت معنا والله يرحم ابوك>>ماتدري وش تخربط
فهد وهو يبتسم على سرد الكلام:الله يجزاك خير,والله يرحمه ويرحم اموات المسلمين
ريم:طيب اسفه على الازعاج يالله مع السلامه
فهد:لحظه ريم
ريم وبيوقف قلبها :نعم
فهد:مشكوره كلك ذوق على المكالمه
ريم:لا عادي انا ماسويت شي,,
فهد:لا بمكالمتك ذي عطيتيني دفعه قويه للحياه وتحمل المسئوليه
ريم: ههههه مو ريم دوا او ابره صرت
فهد:هههههههههههههههههه اذا كذا لازم مرتين او ثلاث مرات عشان فاعلية الدواء
ريم:آ آآآه انا الحين مضطره اسكر وان شاء الله تكون اخر الأحزان
فهد يماطل: نايف شلونه؟
ريم:بخير ينتظر دكتوره
فهد:وانتي؟
ريم:انا؟
فهد:ايه من فك خيوطك؟
ريم:مدري دكتور كبيره مره بس الحمدلله ماعورني
فهد:اها الحمدلله
ريم:يالله مع السلامه
فهد:انا عالاسبوع الجاي برجع للدوام,, بس بكره بروح اتطمن على نايف يمكن العصر
ريم ببلاهه:ايه زين
فهد حس انها مرتبكه ومبلمه شويه:خلاص اتركك الحين واشكرك مره ثانيه ع المكالمه
ريم :مع السلامه
سكرت بسرعه وقلبها يرجف وكل شي فيها,,

اما فهد استرخى عالسرير وجلس يتذكر عيونها ورمشها:آآآآه ليتها داقه بظروف ازين من كذا,,
الله يرحمك يا يبى ,, ماقدر ينام
جلس يفكر ليه كلمتني؟؟ معقوله هي من نوع البنات اللي يتجرأون على مكالمة الشباب بس لا كان
صوتها مرتبك ماعرفته,, مع ان في صوتها قوه لما اشوفها بالمستشفى,, يعني بنت نجديه صدق ,,
ممكن حبتني؟؟ انا عجبتني عيونها وشخصيتها,, بس ممكن في يوم احبها؟؟؟؟؟؟!!!!!

اما ريم مره تعاتب نفسها,, ومره تنبسط انها كلمته والحين اكيد يفكر فيها
وجلست تفكر بكلامه,, بكره بيروح لنايف العصر,, خلاص بكره اخذ ابوي ونزور نايف وعاشت
يومها بفرحه وبأحلام ورديه

اما فهد لازال يفكر ,,اذا جات بكره العصر معناته هي تكن لي مشاعر خاصه ,, ياخبر بفلوس بكره
ببلاش يافهد وياخبر بفلوس بكره نشوف وش بيصير فيهم والى أي مدى بيرتبطون؟



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 21-01-2010, 08:56 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


في الجزيره

كان منسدح طارق على ظهره يشوف النجوم.. من الظهر ماشاف حنان بعد البوسه وهو ماشافها,, سمع صوت وراه
طارق:بسم الله من؟
حنان:يعني من؟ هو في احد غيرنا هنا ؟؟
طارق وهو يطالع حنان :حياك
جلست حنان وهي تعرف اللي يدور براسه:شتسوي جالس هنا ؟
طارق رجع انسدح:اممم الجو حلو وحبيت اجلس برى
حنان انسدحت برضوا تطالع النجوم:تصدق كل يوم اقول ان اليوم منظر النجوم احلى من كل يوم قبل,,بس من يجي اليوم اللي بعده يصير احلى
طارق وهو يطالعها:ايه كل يوم تحلى,,
حنان ولازالت تطالع السما:لو يطلع لك مارد,,ويقولك اطلب طلب واحد وش بتطلب؟
بعد تفكير :امممممم أرتاح في حياتي
حنان بإندهاش:ماتبي ترجع لأهلك
طارق وهو يمد يده ويمسك يدها :راحتي بكل شي,,وأولها معك
حنان وهي تمسك يده وتشد
طارق وهو يكمل:يعني لو ارجع راح تكونين معي خلاص مقدر أستغنى عنك
حنان ووجها صار طماطه:يعني شلون بتاخذني من أهلي؟
طارق:أنا أهلك
وباس يدها وجلس وجلست هي برضوا,,
حنان:طارق انت قلت لي كلام امس خطير مدري هو مجرد هذيان من التعب,,او
طارق يقطع كلامها:أنا أحبك,, وماطلت بالسالفه كثير ,,كنتي في كل حالاتك تعجبيني بس في شي يردني اني اعترفلك عن مشاعري
حنان اللي تاثرت بكلامه ونزلت دمعه ,, وماقاومت هاللحظه فضمته وهو ضمها وكأنه يبي يخشها لا أحد يشوفها
لأول مره تحس حنان من وصلوا الجزيره بإحساس الراحه والفرح
رفعت راسها لوجه اللي تغير لوجه العاشق الحنون
حنان وهي تمسح دمعتها ومسح معها هو بعد ولمس يدها وباسها,,فضحكت من ربكتها:هههههه ترى حتى انا احبك
طارق وهو يرفع حاجبه:تصريح خطير
حنان وهي تطقه على صدره:ماتخلي عيارتك
طارق:هههههههههههههههههههههههههههههه ورجع ضمها لصدره
:اوعدك ماراح تندمين على حبك لي أوعدك
حنان بدلع عفوي:لاتهاوش ترى ما أحبك وانت تهاوش
طارق وهو يدلع صوته زيها:اذا هاوشتك أغمزيلي بس وبتشوفين شلون بهدا
حنان:ههههههههههههههههههههههه ياخوفي اغمز واغمز وانت منت حولي شياطينك شابه
طارق وهو يمسك فمها:لسااانك ذا غريب دلع بنات وسوالف عجز
حنان وهي توخر يده:هنا التميز
طارق وهو يطالعها وبعيونه لمعه :ودي اجرب التميز
حنان وهي تحط اصبعها على عينها>>زي حركة البزران<<::ياعيبك عيبااهـ قم خلني اروح جاني النوم
وقامت من عنده ومشت :ماراح تجي
طارق وهو بخاطره ان جيت معك ماني هادك:لا قلبو روحي نامي انتي نوم العوافي
حنان وفهمت كلامه:اوكي لا تجلس كثير تمرض,,
طارق وحاب انه يسمع دلع:ليه بتخافين عليٌ؟
حنان وبعيونها لمعة خبث:الا ببتلش فيك واجلس اداريك وبعدين من يصيد لي سمك
طارق بإحباط:لنا الله بس
حنان:أها عاد عن السهر اللي ماله داعي
طارق :ههههههههه بدينا ها
حنان من بعيد:عن التحلطم


وراحت حنان لكهفهم,, وشافت ورد في طريقها قطفته,, وحطته على فراشها وفراشه ونامت وهي قريرة العين وواثقه من حب طارق لها
أما طارق حس براحه خلاص صرحت لها مشاعري,,وهي تبادلني نفس المشاعر
رفع عينه للسما:يارب لاتحرمني منها ورجعنا لأهلنا سالمين


في مكان ثاني وبالتحديد في احد شقق الرياض

كان زياد مسترخي على فراشه ويطالع فيلم,, وكان بطل الفلم يطق صاحبه بعد ماغدر فيه وتركه بالصحراء بدون أي مساعدات,,لولا فضل الله ولا كان مات البطل

تذكر زياد طارق وحنان اللي تركهم وراه في جزيره الله العالم وش فيها,, بس مع كذا ماحس بتأنيب الضمير ,, بس تخيل لو ان طارق يرجع ويطلع زياد من تحت الأرض أكيد في ذيك اللحظه بيذبحه طارق !!!!!!!!

تتوقعون بيتفادى زياد غلطته؟؟

وش اللي منتظر ريم&فهد ؟؟

حنان&طارق,,الى متى وهم في الجزيره,,بيعيشون عمرهم هناك,,ولا بيرسل لهم ربهم اللي بينقذهم!؟؟

أنتظروني في الجزء القادم


الرد باقتباس
إضافة رد
الإشارات المرجعية

رواية وش حيلتي إذا الشوق صوبك دعاني / الكاتبة : سولتير ، كاملة

الوسوم
لاتفووووتكم , أقرووها لاتفوتكم , الشوق , حيليتى , يعاني , جناااااااان من قلب , رهيبه , روااااايه , روايه , رووووووعه , صوتك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مخ عربجي / الكاتبة : غرامها ساحر ، كاملة غرآمهآ سآحر روايات كامله - يتم نقل الرواية هنا بعد اكتمالها 769 21-09-2014 10:00 AM
رواية متلثمة بشماغك حبيبي / الكاتبة : ملح الحياة ، كاملة ليمونة الحلوة روايات كامله - يتم نقل الرواية هنا بعد اكتمالها 391 26-06-2011 12:28 PM
إنت الذي علمتني حبك / بقلمي VERCACE أرشيف الروايات المغلقة - لعدم إكتمالها 93 16-12-2010 10:42 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مسموح يا من ملكت الروح / كاملة بنت شـ م ـر روايات كامله - يتم نقل الرواية هنا بعد اكتمالها 100 12-05-2010 03:09 PM

الساعة الآن +3: 02:57 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم