اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 18-02-2009, 02:02 PM
فـرقـآكـ مـوتـي فـرقـآكـ مـوتـي غير متصل
©؛°¨غرامي مجتهد¨°؛©
 
روايتي الأولى : قسوة زمن / كاملة


روايـــــة قــســـوة زمـــن


إليك أي هالقارئ..إنني حاولت بكتابة الروايات ولكني لم أنجح..ولكن لعلي هالمرة أنجح...فهل من قارئ ومشجع...

تناثرت الرياح مع قسوة الزمن...واشتعلت النار في القلوب...ومضى على الزمن كثير والقلوب قاسية مثل الحجر...و روايتنا تتحدث.. عن بنت لم ترى أمها..ماتت أمها وهي صغيرة.. فتربت في حضن زوجة أبيها مع أبيها.. قسا الزمن على ( ريم)


فلنتكلم عن شخصيات الرواية...

بو محمد: والد ريم... حالته المادية وسط.. بس إنسان يحب الخير ويخاف على زوجته وأولاده...

أم محمد: ماتت عند ولادتها بـ ريم.. و ريم ماشافتها....

محمد: أكبر من ريم بـ 3 سنوات. ماتت أمه وعمره 3 سنوات..في الجامعة سنة ثالثة.. متخصص حاسب آلي...

ريم: في ثالث ثانوي... إنسانة طيبة وحنونة وجميلة وناعمة.. وشاطرة وذكية ... ومتواضعة...(بطلة الرواية)

أم مشعل: زوجة أبو محمد...إنسانة مغرورة وعصبية وحقودة... ماتحب محمد و ريم... همها نفسها وعيالها بس...

مشعل: إنسان مو فالح بشي.. لا بدراسة ولا بالحياة طلع من الثانوي.. 24 ساعة بالديوانية مع أصحابه

سارة: عمرها 25 سنة متخرجة وتشتغل معلمة ابتدائي... وطيبة وعندها ولد أسمه نواف(يجنن ياحلاته)... تحب ريم ... موت وتحب محمد..

نجود: بـ ثالث متوسط... تكره ريم ومحمد.. وشايفة نفسها على أمها...مو فالحة بشي... همها النت والنوم..

______

الجــــــــــــزء الأول

في بيت أبو محمد في الصباح على الفطور
نزلت ريم والكل جالس على الطاولة يفطر أبوها وزوجة أبوها ومشعل ونجود ومحمد...

ريم: صباح الخير...
أبو محمد: صباح النور و الورد والياسمين..
أم مشعل.(بدون نفس): صباح النور..
محمد: صباح النور والياسمين والمسك والعود..
أبو محمد: يلا جلسي يابنتي أفطري معانا...
ريم: إن شاء الله يبه..
أبو محمد: ياأم مشعل صبي صبي لها شاهي..
أم مشعل: طيب...
نجود: من هي ؟؟؟ تصب لها أمي شاهي...
أبو محمد: نجوووود وجع ... اشوف لسانك صاير طويل يبي له قص...
نجود: ليش أمي تصب لها شاهي؟؟؟
أبو محمد: ترفعين صوتك على أبوك ياقليلة الأدب..
نجود: اوووووووووووووه يبه... روح مناك...

قامت نجود من الكرسي... وبتطلع.. بتروح المدرسة...

أبو محمد: نجووووووووود صعدي فوق ولا تطلعين من البيت من اليوم ورايح...
نجود.....مشت وبتطلع..مسكها ابو محمد.. وسحبها وضربها..وهي تصرخ ... آآآآآآآآآآه حرام يبه حرام....

مشعل ومحمد يهدونه.. وريم تبكي تبكي.. وأم مشعل مقهورة في ريم.. تقول لها بصوت واطي : كل منك كل منك أنتِ أم مشاكل..

أبو محمد صعدها فوق في الدار.. وقفل عليها واخذ المفتاح.. وسحب الموبايل وأخذ اللاب توب...
ريم: يبه حرام عليك.. ماعليك منها هي بعدها صغيرة...
أبو محمد: لا لازم تتأدب....وتحترم نفسها..وما أكون بو محمد إذا ماربيتها؟؟
محمد: ريم يلا أوصلك المدرسة...
ريم: طيب....إن شاء الله


محمد و ريم ركبوا السيارة...

محمد: تستاهل نجود.. لسانها طويل يبي لها قص...
ريم: لا والله حرام..مسكينة...
محمد: أنتِ المسكينة ولا هي؟؟؟
ريم: لا بس.. شنو .......
محمد: وشفيكِ؟؟؟ تلخبطين الكلام.. لأنك تدرين أن الحق معاك وهي الغلطانة...
ريم: الله يسامحها...
محمد: ماأقول الا أنك أم قلب طيب ولا تدرين عن شي..
ريم: مادامك تدري إني قلبي طيب.. ليش تناقشني بالموضوع؟؟؟
محمد: ياسلام ياأم قلب طيب..
ريم: أقول أقول سوق سوق وأنت ساكت..
محمد: حاضر عمتي ريم...

وصلت المدرسة ونزلت....

محمد: بـآآآأي يا عمتي ريم....
ريم: هههههه باي


دخلت المدرسة.... وسلمت على صديقاتها وجلست على كرسيها ...
رفيجتها الغالية... ( عهود )....

عهود: ريوووم ... عسى ماشر وش فيك؟؟؟
ريم: لا مافيني شي سلامتك..
عهود: افففا ريم تخبين علي...
ريم: عهود قلت لك مافيني شي..
عهود: ريم حبيبتي لاتزعليني ..
ريم: كالعادة أم لسان طويل نجود... تهاوشت معاها لا وهالمرة طولت لسانها على أبوي...
عهود: صج؟؟؟
ريم: ايه... نزلت وهم يفطرون... جلست وأبوي قال لأم مشعل صبي لـ ريم شاهي...
ونجود.. قالت من هي .. امي تصب لها شاهي.. وطولت لسانها وابوي طقها..
عهود: تستاهل.. تكفين لاتقولين ماتستاهل..كل الي تسويه فيش اهي وامها ماتستاهل...
ريم: آآآآآه آآآه ياعهود.. طفشت من هالحياة...
عهود: تعوذي من ابليس وهدي نفسك..
ريم: اعوذ بالله من الشيطان الرجيم...
عهود: اليوم اول يوم وماراح يعطونا شي.. قومي نطلع مع البنات ... في الحديقة..
ريم: لا عهود طلعي انتي مالي خلق شي...
عهود: طيب بخليك شوي تهدئي وبرجع .. طيب؟؟
ريم: طيب

ريم جلست تفكر في أشياء ... تفكر في أمها الي ماشافتها.. تقول لو أمي عايشة بيصير فيني جذي...والله تعبت خلاص... بس شنو اسوي.. يمه ليش تركتيني
حطت راسها على الطاولة وجلست تبكي..وتذكر أمها..هي ماشافتها بس عندها صور لها...خلاص أنا تعبت تعبت...يآآرب ارحمني ارحمني


البنات دخلوا عندها كلهم رفيجاتها...(عهود_ندى_شذى_أمل_جوري)

عهود: ريووووووووم حنا جينا عندك(بصوت عالي)
ندى: ريوووووووووووم.....
شذى: ريمووووووووووو
أمل: ريمووووووو وينك؟؟؟
جوري: ريمووووو ياهلا...
عهود: يابنات اسكتوا .. بصوت خفيف(الظاهر انها تبكي)
ندى: شنو؟؟؟؟؟
ريم: يابنات اتركوني شوي بحالي.....
عهود: ريم قومي معاي... نروح مكان بعيد لايتجمعون البنات...
ريم: خلوني بحالي ....

طلعوا البنات وخلوها بالصف..بحالها..وجلست تبكي تبكي لنهاية الدوام....

على نهاية الدوام وكل بنت تنتظر أبوها أو أخوها أو سواقها...ريم تأخر عليها محمد..لأن سواقهم في أجازة....
فـ نادتها عهود..:ريم أمشي معاي أوصلك...
ريم: لا الحين بيجي محمد ....
عهود: ريم امشي معاي ولا تنتظرين بهالشمس والجو الحار...
ريم: لا ماعليش الحين بيجي..مابيتأخر
عهود: ماراح أتركك أمشي معاي....
ريم: طيب...
عهود: موبايلي بالسيارة كلميه وقولي له لايجيك خلاص باوصلك...
ريم: طيب...

ركبت السيارة وهي حزينة مضايقة....

عهود: ريوووم حبيبتي وشفيك؟؟؟؟ أنا رفجيتك الغالية...عهوده...
ريم: ياعهود اقولك تعبت من هالحياة.... بكيت .. لأنو...... لأنو...تذكرت امي..
عهود: الله يرحمها..ويغمد روحها الجنة يارب...
ريم: آآآآمين...

وصلوا بيت ريم ونزلت ريم...... شافها محمد...

محمد: والله نسيتك كنت الحين بروح اجيبك
ريم: لا عادي جابتني رفيجتي عهود معاها...
محمد: طيب...
ريم: عن اذنك بدخل..
محمد: اذنك معك..

دخلت والا ام مشعل في وجه ريم..

أم مشعل: ها ليش متأخرة؟؟؟؟ وش صار؟؟ من جابك ؟؟؟ حبيبك ولا واحد من الشارع...
ريم: أم مشعل عن الغلط.... هاذي رفيجتي عهود... مع سواقها...
أم مشعل: أنا غلط عليك..
ريم: ماقلتي حبيبك ولا واحد من الشارع...
أم مشعل: ايه يجوز وليش لا..
ريم: ماكفاك الا سوته الصبح بنتك....
أم مشعل: أي بنت مو غلطانة ليش منو انتي ام مشعل تصب لك شاهي...
ريم: ياصبر أيوب على بلواه..
أم مشعل: أنا بلوى...
ريم: يآآآآآآربي رحمتك...

صعدت ريم وتركتها....
أم مشعل: هي انتي هي..... أنا أم مشعل أكلمك وتصعدين هين يا أم السعف والليف.. هين

صعدت وراها أم مشعل وسحبتها من شعرها.....ونزلتها..وتتوقعون وش صار؟؟؟؟؟؟

انتظروني بالجزء الثانــــــــــي...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 18-02-2009, 02:05 PM
فـرقـآكـ مـوتـي فـرقـآكـ مـوتـي غير متصل
©؛°¨غرامي مجتهد¨°؛©
 
الافتراضي رد: روايتي الأولى...رواية قسوة زمـن..>>>الكاتبة: فرقآك موتي


إذا شفت مشجعين و ردود وحماس وفي تفاعل راح أحط الجزء الثاني
شجعوني شجعوني..هيه هيه ...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 18-02-2009, 03:18 PM
ღ Zain ღ ღ Zain ღ غير متصل
©؛°¨غرامي نشيط¨°؛©
 
الافتراضي رد: روايتي الأولى...رواية قسوة زمـن..>>>الكاتبة: فرقآك موتي


حلوهـ آلروآآيه
ننتظر آلتكمله

:)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 18-02-2009, 05:35 PM
فـرقـآكـ مـوتـي فـرقـآكـ مـوتـي غير متصل
©؛°¨غرامي مجتهد¨°؛©
 
الافتراضي رد: روايتي الأولى...رواية قسوة زمـن..>>>الكاتبة: فرقآك موتي


يسلموووووووووووو
انتظروني ..... انتظروني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 19-02-2009, 04:00 AM
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: روايتي الأولى...رواية قسوة زمـن..>>>الكاتبة: فرقآك موتي


,’


هـلا وغـلا
منــورهـ القسم
حــلوهـ ^,^

موفقه ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-02-2009, 05:15 AM
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: روايتي الأولى / قسوة زمن الكاتبة فرقآك موتي


,’



بســم الله


يعطيك العـــآفية
موفقه إن شــآء الله




,’



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-02-2009, 01:41 PM
فـرقـآكـ مـوتـي فـرقـآكـ مـوتـي غير متصل
©؛°¨غرامي مجتهد¨°؛©
 
رد: روايتي الأولى / قسوة زمن الكاتبة فرقآك موتي


الـــجــــــــــزء الــــثــــاني
ريم ريم طاحت...... واغمي عليها... تعورت...
أم مشعل خافت.... ياويلي ياويلي..ريم ريم...ريم ريم....ياربي وش صار.. اعوذ بالله...دخل أبو محمد ومعاه محمد..كانوا يسولفون... شافوا ريم طايحة وعلى طول صعدوا
أبو محمد: وش صار وش فيها ريم؟؟؟؟؟
محمد: وش سويتي في أختي؟؟؟؟
أم مشعل: ماسويت شي... هي كانت تركض وطاحت...
أبو محمد: أم مشعل روحي روحي جيبي كاس ماي بسرعة...
أم مشعل: زين زين وراحت وجابت الماي

صبوا الماي على وجه ريم.....

ريم: يبه يبه....
أبو محمد: ياعيون يبه...

محمد: يبه خلينا نصعدها فوق...
أبو محمد: أي شيلها شيلها معاي..

شالوها وحطوها بغرفتها...على السرير....

أبو محمد: ريم وش الي صار؟؟؟
ريم: ماصار شي..
محمد: ام مشعل تقول أنك كنتي تركضين وطحتي...
ريم: ايه ايه....
محمد: بس أنا ماأتوقع جذي...
أبو محمد: ريم وش الي صار؟؟؟؟
محمد: ريم اعترفي وش الي صار ... أم مشعل سوت شي جديد؟؟؟
ريم: ماصار شي خلاص...
أبو محمد: ريم تكلمي ....
ريم: ام مشعل .. ... سحبتني من شعري.. وطحت..
أم محمد: شنو؟؟؟
محمد: وشو؟ تقولي؟؟؟
ريم: هذا الي صار..
أبو محمد: أنا ارويج فيها...
ريم: لالالالا يبه خلها تكفى يبه مانبي مشاكل...
أبو محمد: وشو ماتبي مشاكل... في هذيك الساعة لو بنتي ماتت وش اسوي انا....
ريم: خلها يبه خلاص سكروا الموضوع انا بخير والحمدلله...
محمد: ايه صج من زمان ماشفنا سارة ونواف... وحشني نوافوه
ريم: ايه وايد وايد مشتاقة له
أبو محمد: تدرون بعد زوجها متى يرد من الدوام وزحمتهم زحمة...


شوي الا ... سارة داخلة مع نواف...

سارة: السلام عليكم....(حبت راسه أبوها)...
محمد وريم: هههههههههههههههههههههههههههههههه
سارة: وشفيكم تضحكون؟؟؟؟؟؟؟
محمد: من شوي بس جبنا طاريكم...
سارة: عساه خير؟؟
ريم: أكيد خير......كنا نقول سارة ونواف وحشونا وايد...
محمد: منو قال لج انا حنا فوق؟؟؟
سارة: الخدامة...وقالت لي السالفة...
ريم: حبيبي نوفي تعال...ياحلو...
نواف: كيفك خالتو؟؟؟>>نواف عمره 3 سنوات ماقلنا لكم...
ريم: الحمدلله....
محمد: الا وين زوجك؟؟؟؟
سارة: مسافر أسبوع وبنام عندكم...
محمد: ليش وين رايح؟؟؟؟
سارة: تبع العمل..في جدة
ريم: يعني بتنامون معاي...ماتنامون في غرفتك...
سارة: من عيوني....
نواف: انا بنام مع خالتو في سريرها...
ريم: من عيوني...اذا ماشالك السرير تشيلك عيوني..
محمد: يبه وشفيك ساكت؟؟؟
أبو محمد: لالالا مافيني شي بس سرحت شوي...
محمد: نواف تعال معاي نلعب في الحديقة كرة....
نواف: يلا .... ماما انا بروح مع خالو محمد..
سارة: روح حبيبي بس لاتأدي خالك...
نواف: طييييب...

أبو محمد: يلا انا أستأذن...

ريم وسارة: اذنك معك....
دخلت نجود غرفة ريم...

ريم: حياك نجود...
نجود: ههههههههههههههههههههههههههههه ....
سارة: وشفيك نجود؟؟؟ مافي شي يضحك...
نجود: اسمع من تتكلم.... الأخت محامية للأخت ريم...
سارة: نجود عن الغلط... ترى والله بنادي أبوي..وبخليه يطقك مثل هذيك المرة...
نجود: خوفتيني يعني...

أم مشعل سمعت صوت هواش وجات تركض تركض >> مايفوت عليها شي هالسوسة....

أم مشعل: خير وش فيكم على نجودي؟؟؟
سارة: مافيني شي بس بنتك جاية تطنز علينا تضحك..
أم مشعل: خير ياطير خليها تطنر... هالأيام يتنطزون ببلاش...
سارة: لا والله...
أم مشعل: أشوفك هالأيام كل مع الأخت ريم....
سارة: أيه معاها ..مع أختي....من لحمي ودمي..
ريم: سارة حبيبتي خلاص...خليهم..هدي نفسك...
نجود: تطنز وتعيد كلام ريم...


ريم وسارة قفلوا على الباب .... وجلسوا....

ريم جلست تبكي تبكي على حالها ...خلصت تعبت البنت من هالحال وكل يوم وكل ساعة نفس هالموال..خلاص البنت ماتتحمل...سارة ضمت ريم.... وجلست تهدي فيها..بس بالأخير ثنتينهم جلسوا يبكون مع بعض..

ريم: سارة أقولك شي؟؟؟
سارة: قولي حبيبتي
ريم: أنا مشتاقة حيل حيل لأمي ... أحس نفسي بموت خلاص تعبت كل يوم احلم فيها كل يوم اتذكرها كل ساعة كل دقيقة....
سارة: حبيبتي اذا قريتي لها قرآن ودعاء كأنك تشوفيها... وترحمي لها...
ريم: (تبكي تبكي بقوووووووووووووووووة)...
سارة: خلاص حبيبتي ريم....

بالأخير ناموا ثنتيهم على سرير ريم من كثر البكى...
محمد ونواف طقوا الباب ... ماحد يرد عليهم...

نواف: ماما خالتو ريم فتحوا الباب....
محمد: ريم...سارة....

سارة: منو؟؟؟؟؟؟
نواف: أنا نواف وخالو محمد...

سارة قامت فتحت ليهم الباب
ودخلوا وجلست ريم....


تحت في الصالة... نجود مع أم مشعل...

نجود: يمه ودي اهاوش ريم مع سارة مع محمد..
أم مشعل: لا تكفين لا تسوين لنا مشاكل أبوك جاي بالطريق..
نجود: لالالا عادي... متمللة حدي...
أم مشعل: براحتك قومي..
نجود: لا بتقومين معاي....
أم مشعل: طيب..


نجود: وش عندكم متجمعين عند الأخت ريم؟؟؟؟؟
محمد: أنتِ وش فيك؟؟؟؟
نجود: أنت لاتتكلم معاي...
محمد: نجود لاتطولين لسانك .. لا أقصه لك...

كان مشعل رايح غرفته وسمع الكلام.....>>> يوه غريبة هذا من وين طالع 24 ساعة بالديوانية ... ولايدرون عنه..ومتبرين منه...

مشعل: محمدوه عيد الكلام وش قلت لأختي؟؟؟
محمد: لاتطولين لسانك لا اقصه لك...
مشعل: لا ويعيده عادي بعد
محمد: ليش أخاف...أنا أخوك العود...يا أخ مشعل..
مشعل: أخوي العود وخير ياطير...
ريم: صلوا على النبي...
سارة: محمد اتركه عنك خلاص...
نجود: هههههههههههههههههههه... هذا محمدوه يقول لي لاتطولين لسانك لا أقصه لك..
محمد كان في وجه نجود ..... يرفع ايده ويعطيها كف.....

مشعل تقرب من محمد ويبي يدزه ومحمد يدزه ... وصار الهواش بينهم....وسارة وريم يهدون محمد ونجود وأم مشعل من صوب مشعل...محمد ماتحمل خلاص ومحمد يعرف كرتيه ... وقوي..

أم مشعل: صلوا على النبي خلاص ياعيال...تساسر نجود وتقول له كل منك يا أم المشاكل..
نجود: يمه وش فيك عادي...يلا خلنا نستانس...

أبو محمد كان جاي وسمع الهواش والضرب...والخدامة قلت له السالفة وعلى طول صعد لهم... ياترى وش صار؟؟؟؟؟؟؟؟؟؟؟؟؟؟؟؟>تحمستوا؟؟؟؟؟

انتظروني بالجزء الثالث



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-02-2009, 02:32 PM
فـرقـآكـ مـوتـي فـرقـآكـ مـوتـي غير متصل
©؛°¨غرامي مجتهد¨°؛©
 
رد: روايتي الأولى / قسوة زمن الكاتبة فرقآك موتي


الـــجـــــزء الـــــثـــــــالــــــث

أبو محمد (بصراخ): مشعل وجع ياقليل الأدب ترفع صوتك على أخوك....وأنتِ يانجود كل المشاكل منك .... تحسبين مادري وش الي صاير صوتكم لـ الشارع...لكن أنا أعلمك يانجود...حسابك عسير....

أم مشعل: صلي على النبي يا أبو محمد..ومايصير خاطرك الا الطيب...

سارة: يبه نجود الي سببت المشكلة...رفعت صوتها على محمد...

أبو محمد: قلت لك يانجود حسابك عسير..... هالمرة بتشوفين وش بسوي....

ريم: خلاص صلوا على النبي أنا ام المشاكل خلاص كافي يبه كافي والله حرام تعبتوني كل يوم كل ساعة هواش خلاص ماصارت .... (تبكي)

سارة: لا ياريم الهواش مو منش من الأخت نجود.....

محمد: يبه نجود لسانه يبي له قص...

أبو محمد: هين يانجود هين .... وأنت يامشعل بررررره بره البيت...

مشعل طلع يركض...وأمه ونجود وراه ....

أم مشعل: مشعل يمه لاتروح مشعل مشعل تعال...لاتروح...
نجود: مشعل تعال مشعل...تعال...لاتروح يامشعل لاتروح..

مشعل هدهم وطلع ركب سيارته ومشى وين بيروح يعني بيروح الديوانية ...

أم مشعل جلست على الأرض تبكي..... وين بتروح يامشعل وين؟؟؟؟ آآآآه منك يانجود أنتِ السبب أنتِ... أنتِ

نجود: وش سويت أنا يا يمه وش سويت؟؟؟

أم مشعل: لا ابد ماسويت شي وكل هذا ماسويتي شي؟؟؟


أبو محمد (بصراخ): نجووووووووووووووووووووووووود وجع تعالي فوق....

نجود: طيب طيب يبه.....

نجود صعدت فوق...وأبوها ماتركها جلس يضربها لأن هي الي مسببة المشاكل محمد ماسكت علمه كل شي صار...أبو محمد سحب نجود وحبسها كالعادة بس هالمرة .. بتشوف وش بيسوي... بيطول المدة هالمرة.. مايسون لها شي الخدامة بس تجيب لها الأكل...ونجود تبكي تبكي....

نجود: يبه يبه خلاص...مابسوي شي...

قفل عليها الباب وطلع......

سارة رن موبايلها و رفعته... صح نسينا ماقلنا أسم زوج سارة...  ... ( فيصل)

فيصل: هلا أم نواف...
سارة: هلا...
فيصل: حبيبتي أطلعي أنا انتظركم بره...
سارة: ليش أنت ماسافرت؟؟؟
فيصل: لا ماسافرت ... تكنسل كل شي.. وخلاص والسفرة مالها داعي...
سارة: يلا الحين نجي...

ريم: بتروحين؟؟؟؟
سارة: ايه ماسافر تكنسل كل شي....
ريم: طيب...  (زعلانة)...
سارة: يلا أنتِ الحين نامي بكرا وراكِ مدرسة...
ريم: طيب .. تصبحين على خير...
سارة : وأنت ِ من اهله...


سارة نادت الخدامة تطلع لها الشنط ....


نواف: ماما ماأبي اروح بيتنا أبي انام اهني انتي وعديني ننام اهني...
سارة: حبيبي مرة ثانية نام هني بالأجازة.. زين..يلا حياتي بابا ينتظرنا بره...بابا ماسافر...
نواف: ليش؟؟؟
سارة: حبيبي نوفي يلا ماما....
نواف: طيب....


سارة ونواف ركبوا السيارة...

فيصل: هلا والله بالغاليين..هلا
سارة: هلا وغلا...
نواف: سلام عليكم...بابا
فيصل: وعليكم السلام...
نواف: كيف حالك بابا؟؟؟
فيصل: بخير...ليش ياحبيبي زعلان؟؟؟؟
نواف: أنا أبي أنام مع خالتي ريم...
فيصل: لا ياحبيبي المرة الجاية إن شاء الله زين؟؟
نواف: زين....
فيصل: سارة وش فيك مو على بعضك؟؟؟
سارة: كالعادة نجود والمشاكل وأمي
فيصل: والله مسكينة هـالريم...والله أمك وأختك مافي قلبهم رحمة
سارة: ايه والله...طول اليوم و ريم تبكي خلاص تعبت ...
نواف: ماما بابا انا جوعان...
فيصل: وش تبي تاكل؟؟؟
سارة: نواف الحين بنروح البيت طيب...
نواف: طيب...
فيصل: اي وش صار ؟؟؟
سارة: صارت المشاكل طول اليوم ماخلوا ريم بحالها...
فيصل: الله يهديهم....


____

في بيت أبو محمد.....

ريم جالسة على السرير وجلست تفكر بالي صار طول اليوم...وهي حزينة وتحس نفسها هي الي مسببة المشاكل...وتعبانة البنت تعبانة حيل...كعادتها جلست تبكي...وتفكر ... وبعدين نامت.....

و محمد جالس في غرفته...يفكر في اشياء..يفكر في أخته ... ويفكر في نفسه.... لو فكرت ودرست بره البلد وش بيصير لأختي؟؟ اخذه معاي والله شنو؟؟؟ والله ام مشعل بتصير طيبة ونجود ومشعل بيحبون ريم وبيحبوني ؟؟؟؟


نجود محبوسة في الغرفة.... لكن مو غرفتها..... جالسة تبكي تبكي بس عندها عادي حتى لو طلعها ابوها بتظل حاقدة على ريم ومحمد وهالمرة معاهم سارة.... جالسة تقول في نفسها: هين ياريموه هين يامحمدوه هين وانتي بعد معاهم ياسوير ... بتشوف محمدوه انا لساني يبي له قص انا.... انا... احسن خله ابوي يحبسني ... ماأبي اروح المدرسة مابي ...


مشعل في الديوانية..... الشباب كلهم جالسين وهو جالس بوحده ويفكر انا ابوي يطردني انا ... لكن ماراح ارجع البيت ماراح ارجع خلهم يدورون علي

بدر صديق مشعل...

بدر: مشعل خير وش فيك جالس بحالك؟؟؟
مشعل: تكفى بدر مافيني شي وخلني بحالي....
بدر: اففففا يا مشعيل اخوك بدير يكلمك وتقول له جذي.....
مشعل: بدر خلني تكفى خلاص خلني قلت لك
بدر: براحتك..(تركه وقام للشباب)

.. نرجع لبيت بو محمد..ريم في غرفتها وهي نايمة صحت وهي تسمع صوت باب فكرت بابها قالت منو؟؟؟ ماحد دخل؟؟؟ طلعت قامت بتشوف ... واتجهت للصوت...
ياترى صوت شنو؟؟؟؟؟؟؟ بنشوف؟؟؟؟>>>انتظروا الجزء الرابع...







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 20-02-2009, 12:28 AM
فـرقـآكـ مـوتـي فـرقـآكـ مـوتـي غير متصل
©؛°¨غرامي مجتهد¨°؛©
 
الافتراضي رد: روايتي الأولى / قسوة زمن الكاتبة فرقآك موتي


حرام عليكم ماتشجعوووووووووووووووني


وين التشجيع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شجعوني.....وبحط البارت الرابع.........شجعوني



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 20-02-2009, 12:48 AM
إيمان علي وزهرة والسستاني إيمان علي وزهرة والسستاني غير متصل
عضو موقوف من الإداره
 
الافتراضي رد: روايتي الأولى / قسوة زمن الكاتبة فرقآك موتي


روااااية رووعه وكلمه قليله في حقهاااا
مسكيينه والله ريم الله ياخذ نجود هي ويا امهاا الحقيرره

لاتطوليين علينا بالباارت الراابع يالغلا

نننتظركـ


الرد باقتباس
إضافة رد
الإشارات المرجعية

روايتي الأولى : قسوة زمن / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : رشوا على قبري من دموع عينه / كاملة على شاطئ النسيان روايات كامله - يتم نقل الرواية هنا بعد اكتمالها 889 03-06-2014 11:47 AM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
رابطة أولمبياد بكين 2008 , أخبار , نتائج ... إلخ سفير السعادة رياضة متنوعة - سباحة - كرة تنس - كرة سله - مصارعة 67 16-12-2008 12:49 AM

الساعة الآن +3: 10:20 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم