ومثل الصاروخ راحت عند المغاسل وتغسل يدها عن الشبسات والشطة ورجعت وسلمت عليها
أمان بنفسها : لا يالدلخه !!
(وله) بنعومه: شلونك رغد وبشريني عن خالتي نوره شعلومها ؟؟؟
رغد إستانست على (وله) وحسدت أمان عليها وهي ودها تسولف معها وقالت:
الحمدلله بخير إلا أرتاحي وكملي الجلسه معنا .
(وله) هي فعلا ودها ترمي عبايتها وتتربع عندهم لكن الألام صقيع كانت عليها وقالت:
بنات أنا اسفه لكن مره ثانيه تجينا رغد ونستانس أكثر.
رغد أنواع الإبتسامات ل (وله) !!!!!!!
أمان وقفت وقربت منها وقالت بخوف وحب: (وله) فيك شي .
(وله) بلعت ريقها : لا يا قلب (وله) مافيني غير العافيه والنوم وأشوفكم على خير ,,
وإلتفتت على رغد ومدت يدها للمره الثانيه وقالت:مع السلامه حبيبتي ووصلي سلامي لخالتي نوره,
رغد تنحت فيها وأخيرا أوئمت براسها يعني إن شاء الله!!
(وله) بعد ماخرجت من عندهم وطلعت لجناحها .....
أمان بزهق من رغد وبصوت مليان سخريه : أمان الشطة أمان الشطة ...
ورجعت قالت بعربجه:خير ليه الشطة مخدرات .؟؟!!
رغد حطت يدها على صدرها :سم الله علي وبعدين مو حلو تشووفنا بالحوسه ذي.
أمان جلست على الكنب وقالت بصدق: لا ياعمري (وله) مهما كانت هي بنت مين تراها مثلنا وأطيب لكن الخباثه والكبره بوادي وهي بوادي..
رغد بعد شرودها بإعجابها بهذه الأميره قالت:إلا على طاري الطيبه والخباثه ليه ماذكرتيني
نتصل على شوق وحنين يجون هنا !!
أمان بقرف: وع أنادي الهم ولا أناديهم .
رغد بلطف: أمان أنا معك حنين أكرها لكن شوق طيبه .
أمان بستهتار وبدون نفس:مو هي تؤمها ؟؟؟؟
رغد بغباء : إلا ..
أمان بقوة شخصيه : إذا تستاهل مايجيها !!
رغد كانت تبي تتكلم وتقول شي لكن أمان تحط على قنوات الأغاني وتعطيها أعلى صوت وتفز
على حيلها وهدفها الأول والأخير الرقص ولا غيره أبدا ,,,
رغد ضحكت لها وهي بعد قامت تهز الأكتاف من الوناسه أما أمان كل هذا إحتفال بخطبتها الغبيه!!!
(وله) رمت العبايه ورمت نفسها بأقوى على السرير وضغطت بيدها على بطنها
وكانت تخرج من جوفها نفس قوي وطويل وكأنه يسحب الألام معه للخارج ..
وبعد دقائق دخلت الحمام وهي تافلة العافية وخرجت وبدلت لبسها بعد أن أخذته من الدولاب
وكان شورت أسود قطني مع بلوزه حمرا قطني من فوق قصة سنتيان وعليها قلوب صغيره
حمرا ,,ومسحت المكياج وتعطرت حتى الثمالة ورمت نفسها على السرير للمره
الثانية,,وصارت تعض على شفايفها من الألم وبدأت الدموع تسقط
منها وهي لا تدرك هذا أبدا ,,
******************************
سعود مو عارف على فين يروح بالضبط وكان باله مشغول بقضيته اللعينه مع سلطان
والموقف اللي (وله) بتعيشه وهو إلى الأن مو مستوعب الدوامة الساحقة اللي رمى نفسه فيها
وتنهد بحسرة وقهر ودق على فيصل ولكن جواله مقفل أبو الشباب !!
وأخيرا قرر أنه يتوجه لمقابلة الشباب وهو من الأساس من زمان عنهم ,,
ولحظة مادخل عليهم أنواع الصفيق والصفير والهبال لأنه أختفى عن أنظارهم من فترة طويلة
والأهم بالنسبه لهم أنه عريس!!
سعود إنبسط منهم وصار يدعي على سلطان اللي غيره ميه وثمانين درجة بسبب قضيته التي
أجبرته بالزواج من إبنته وبعدها هو من كان الضحية في أشياء لا تعد وأولها راحة البال!!
***********************
الساعة العاشرة مساء ....
عزوز وأخيرا تذكر الإختبار وقرر يرجع البيت قبل سعود مايسأل عنه !
لحظة مادخل البيت إلا أصوات ألاغاني راجه الدنيا رج ,,رغد وأمان كل وحده ترقص من عندها
ووجيهم حمررره من الياقة اللي عندهم مشاء الله ,, عزوز يصارخ بأعلى ماوهبه الله من صوت :
أمااااااااااااااااااااان!!
رغد جفلت منه ومثل الصاروخ أرخت جسمها وسترت حالها ورى الكن وقالت بصدر يعلو ويهبط من الحركه الزائده وبأنفاس لاهثه :أماااااان أمااااان في أحد في البيت.
أمان مافهمت عليها وقفلت البلازما وقالت بستفسار عميق:نــــــــــــعم ؟؟
رغد وكأنها هدأت شوي وتمالكت نفسها وقالت:في أحد من أخوانك في البيت ,,
أمان راحت للباب إلا عزوز بأخلاق تخلو من الصبر : أهـــلا !!
أمان بغطرسه : فين العشا ؟؟؟
عزوز بقهر : واللي بيديني وش تسمينه ولا الرقص أعمى عيونك.
مدت يدها تبي تاخذه منه إلا هو بنباهه أبعده عنها وقال :الإعتذار أولا !!
أمان كرهته وناويه تطنشه ودهيه عليه وعلى اللي بيده وقالت:الله لا يحيجنا إلا لوجه الكريم
إندومي وعز الطلب.
عزوز يرفع الأكياس في وجها وقال بخبث: حتى لو كان من ذا المطعم !
أمان تطالع بيده وشافته وطاح قلبها وعورها بطنها ..لأن العشا كان من تاكو هت
وقالت بنفسها : وجع يالخبيث !!
عزوز يميل عليها ويمسك أذنه ويقول بستهتار:هاا نعم ماسمعت شي !!
أمان ميته من الجوع وهي ماتغدت اليوم والرقص والهذره كملو الناقص وقالت بنفسها:
تباَََََ للكرامة تباًًًًً لها !
وقالت بصوت يملئه الأسف العميق :أسفه ياخوي يابعد روحي ياعزوتي وفدوتي إنت.
عزوز بلهد منها: خذي وعليك بالعافيه إنت وأخت الدلخ خالد هم غم .
رغد سمعته وقالت بدفاشه:عزيز إحترم نفسك .
عزوز سمعها بعد وقال: هو إنت ماعندكم بيت !!
رغد إنصدمت من كلمته وقالت : عشتوا إسمعو إسمعو من يتكلم أللي شوي ويجيب
سريره ودولابه عندنا .
عزوز إنحرج وقال: على العموم أستعدي للهزيمه بكره ..
رغد نسيت نفسها وقالت : لا ياحبيبي ثلاثة صفر وكلها من ياسر ,
عزوز بلهد منها :إلا الثلاثه لنا والباقي لكم بلا قرف.
رغد شهقت وقالت بقوه: يالزفت لا تتكلم وإنت عارف إن ياسر راح يرقصكم ..
عزوز طنشها وطلع وقال وهو بالدرج:الكاسر على العين والراس لكن البطولة إتحاديه وللعميد.
رغد كانت تبي تروح وتكفخه إلا أمان تمكسكها بزهق منهم : هي على فين على فين ؟؟!!
رغد تتكلم والشرر يخرج من عينها:مو سامعته شلون يتكلم على الزعيم !!
أمان بستهتار : رغيد خلنا نتعشى قبل خالتي نوره ماتعدي عليك .
رغد بتحلطم :قال العميد قال ..روحي قوليله إن مافي أحد يهز شباك الزعيم أوووف.
أمان تطالع فيها بزهق واااضح وهي تحط العشا وقالت :تعالي كلي ومحد داري عنك ولا
أحد نافعك من الجوع !!
رغد تجلس وتاكل بدون نفس... إلا أمان تقول في خاطرها :يامثبت العقول ثبت عقلها!!!!!
*************************
أما في هذه الدقائق (وله) ماعاد فيها تتحمل وهي كانت تتصل على أمان عشان تجبلها شي دافي
ومسكن لكن بسبب الموسيقى والأغاني ماكانت تسمع الجوال وبعد كذا ماحبت إنها تزعجها أكثر!!
وهدئت شوي بسبب الصوت اللي تسمعه وتمنت إنه سعود ولكن للأسف كان
عزوز يدندن أغاني غريبه ,,(وله) رجعت لما هي فيه وعضت على شفايفها وأغمضت عينها وهي ترى بالرغم من الظلام الدامس نجوم تسقط عليها من السماء وكانت لامعه وساطعه حد الإزعاج بسبب قوة الوجع
عليها والذي كان يجتاحها بدون رحمة ,,ورجعت كتمت أهاااتها بحضنها للحاف بقوه وكانت تدعي
ربها أن سعود يدخل عليها بأي لحظه ,,
أما هو نفس الشي جسده كان فقط مع من يجالسهم أما روحه وأحاسيسه مع (وله) وكل خمس دقايق
يطالع الجوال إذا جت منها رساله ولا إتصال ولكن إلا هنا تأكد وأيقن أنها نامت وتركت
العنان الذي تصارعه !!
*****************
يتبــــــــــــــــــــــــــع
ينبض من أجل وجدانكم
رد: أعزف على قيتارتي لحن أحزاني من مؤامرة حبيبي / رومنسية جريئة .gif "Graaam (290)")
.gif "Graaam (163)")
النمط المتتابع
