اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-03-2009, 07:41 PM
صورة ! غربه الروح ! الرمزية
! غربه الروح ! ! غربه الروح ! غير متصل
©؛°¨غرامي مشارك¨°؛©
 
B10 ضيعتني حسبي الله عليك / كاملة


السلامـ عليكمـ و رحمه الله و بركــاتــــــــه


هاهي الشمس تغزو الدنيا بأشعتها لتعلن عن بدايه يوم جديد , يوم مليئ بـ الاحداث .. الدموع .. الضحكات .. و مختلف المشاعر الانسانيه..
من وسط عالمي و مشاعري الخجله التي ترددت في الظهور .. ودتت ان ابصم بـ هذه القصه الجديده بصمه على صفحه الحياه ليعلم كل من على الدنيا أن الاحلام تتحقق و لاكن اذا تحقق الانسان من مصداقيته مع نفسه و فهمها و معرفتها.
في الاسفل سطور و كلمات تحتوي على

امــاني و احلام
موت قلوب
غرور
دموع
ضياااع
كرهـ
تساؤلات تُطرح للزمن.. و لم توجد الإجابه للأن

هذه قصتي الاولى "ضيعتني حسبي الله عليك"..بكل ود و احترام اقدمها لكم اعزائـي


بقلمـ /
! غربه الروح !






الجد عبدالله العبيد ..
عياله: *محمد* ..*سعود*
توفي الاب عبدالله بعد ما ترك لأبنائه محل ذهب و ثروه كبيره مع مرور الايام و السنوات زادت ثروتهم و كثرت محلاتهم و صار كل واحد رئيس لمحل ذهب يدير باله عليه.
الفرع الرئيسي " بالدمام" محل ذهب يديره سعود ابو خالد و يساعده ولده مهند
الفرع الثاني " بالخبر" محل مجوهرات و احجار كريمه يديره محمد ابو سالم
الفرع الثالث"بالخبر" محل ذهب يديره سالم
الفرع الرابع و الاخير "بالدمام" محل مجوهرات و احجار كريمه يديره خالد و زياد

بعد النبذه البسيطه هذه .. اعرفكم على عائله *محمد* & *سعود*

محمد (ابو سالم)
مي(ام سالم) : مرشده اجتماعيه بمدرسه ثانويه
سالم: 28 سنه ..
بدور:21سنه .. تدرس بجامعه الفيصل لغه فرنسيه
سما: 18 سنه .. ثالث ثانوي ادبي
رنا:17سنه ..ثاني ثانوي علمي

سعود(ابو خالد)
هند(ام خالد):ربه منزل
فاتن:28سنه.. متزوجه وعندها (جود)
خالد:26سنه ..
مهند:23سنه .. يدرس هندسه الكترونيه
أثير:18سنه ..ثالث ثانوي علمي

^^^^^^^^^^^^^^^^^^^^^^^^^^^^^^^^^^
اما زياد فهو من برا العائله لاكن اهله كانوا قريبين من عائله الجد و بعد ما توفوا ابوه وامه ظل هو يكمل دراسته و يوم تخرج من قسم اداره الاعمال وظفه ابو سالم باحد فروع المحل مع ولد اخوه خالد.. وهو بطبعه طيب و امين يعتبرونه ولدهم.

** الجزء 1 **


رجعت أثير للبيت وهي هلكانه و ميته تعب من المدرسه و مشوار الطريق و زحمه الشوارع ,دخلت البيت و استقبلتها أمها
ام خالد:وعليكم السلام هلا
أثير: هلا ماما كيفك ... اعوذ بالله وش ذا الحر انطبخت صرت دجاج مشوي ومبهر بعد
ام خالد:ههههه الحمدلله على كل حال هذا ولا شئ من نار جهنم الله يجيرنا منها
اثير:اميييين .. ما عندكم مويه عطشااانه
ام خالد: الا في مويه و غدا جاهز روحي بدلي ملابسك وانزلي تلاقين الاكل على الطاوله ينتظرك
اثير: لا ما ابي غدا بروح انام لاني بقوم الليل اسهر على كتابي بكره عندي اختبار
ام خالد: الله يعينك بخلي لك من الغدا في الثلاجه متى ما جعتي خذيه وسخنيه
قالت وهي تمشي متجه للدرج : قوميني على العصريه اوكيشن
طلعت الدرج بخطوات متثاقله يالله ترفع رجولها و شنتطها تسحبها سحب مع عبايتها وما صدقت يوم لمحت باب غرفتها من بعيد شدت على نفسها و اخيرا وصلت للميناء اول ما دخلت تغييرت ملامح الفرح الى عصبيه
اثير: الله يقطع شيطانها هالغبيه كم مره اقولها تفتح المكيف قبل لا اجي البيت بقره ما تفهم
فتحت فمها بتنادي على الخدامه لاكن تراجعت عن قرارها و كفت شرها وسكرت الباب وراها
اثناء ما تبدل ملابسها دق جوالها وبدون ما تطالع الشاشه عرفت انها رنا بنت عمها من النغمه الخاصه فيها
ردت وحطت الجوال على السبيكر
اثير: هاه يا المزعجه توني ببدل ملابسي حتى ما عندك صبر
رنا: وش دراني عنك محد قالكم اسكنوا باخر الدنيا .. المهم وش بتسوين الحين
اثير: وش بسوي يعني بنام لاني تعباااانه مره
رنا: زين نامي الحين و ريحي لاني بمرك العصر ابيك تروحين معي السوق بشتري لبس لعزيمه فاتن ما عجبني ولا شئ من ملابسي.
اثير: طيب وين سما و بدور ليش ما يروحون معك
رنا: سما عندها اختبار بكره و بدور هي اساس الطلعه بتروح وقلت يالله بروح معها وباخذ اثير حبيبتي ابي اغيرلك الجو
اثير: اوكي بروح بس بشرط
رنا: امر تدلل يا حلو
اثير: تغديني او تعشيني على حسابك ومن مطعم زين مو فلفه ولا بابا هباس ..
رنا: اوكي طلبك مقبول بس عاد تراني ما اعرف الا المطاعم اللي بشارع عشرين صفه فلفه و القرموشي تبين ولا بكيفك
اثير: لا و الله و كل يوم ماشاءالله عليك جايبه غدا انتى و البنات من ماك و مدري وشو .. مثل ما قلت لك اطلع معك بشرط اكل من مطعم زين ولا مافي طلعه
رنا: يوووه عليك .. خلاص طيب موافقه يالله بس روحي انخمدي وراي قعده على النت و شغل
اثير: الا غصب تسوي لي مشغوله ... باي باي
رنا: بايات
سكرت منها و راحت للشباك تنزل الستاره علشان ضوء الشمس ما يزعجها و بعد كذا نطت على السرير و غاصت في البطانيه الناعمه وما مرت 5 دقايق الا وهي في سابع نومه .

هذه اثير بنت سعود اصغر عياله علاقتها ببنات عمها محمد مره قويه و تعتبرهم اهل وصديقات و خوات , وكل مواقفها و لحظات عمرها تعيشها مع سما و رنا بالذات...لها قصه خاصه بها بنتعرف عليها في الاجزاء القادمه

^^^^^^^^^^^^^^^^^^^^^^^^^^^^^^^^^^^^^^^^^^^^

في احد الأحياء الفقيره و الشوارع الضيقه صفه بيوت من اليسار و اليمين .. وبينهم يقطن بيت
(ام راكان) المرأه الارمله المكافحه عايشه مع ابنائها الــخمسه تحت سقف متهالك و جدران متشققه بصبغه مقشره و غرف ضيقه لاكن الحنان و الالفه مزينه حياتهم .
ام راكان .. و ابنــائها
نوف:24سنه .. مدرسه رياض اطفال"تمهيدي".
تهاني:23سنه .. حاصله على شهاده ثانويه وما كملت تعليمها
غدير:16سنه .. اول ثانوي
راكان:14سنه .. ثاني متوسط
ساره:11سنه .. سادس ابتدائي
مجتمعين على سفره الغدا ويتوسطها صحن الكبسه و صحن الباميه من جهه
يتلفت راكان و كأنه يدور عن شئ ..سأل : وين غدير ما اشوفها
ام راكان: المسكينه تعبانه راسها مصدع و حرارتها شوي مرتفعه
نوف: هي راحت اليوم المدرسه ؟
ام راكان: لا قامت الصبح وشفتها تعبانه مره قلت اقعدي لا تروحي
تهاني: سويت لها عصير برتقال و باليالله شربته تقول ما تشتهي شئ
نوف: ان ما خفت حرارتها لازم نوديها المستشفى على الاقل يشوفها الدكتور و يعطيها خافظ حراره
ساره: يمه تقول الابله بكره في يوم مفتوح و كل وحده تجيب معها صحن حلى او أي شئ واتفقت مع صديقاتي بجيب لهم كيكه
تهاني: ومن قالك تتفقين انك تجيبين كيك شايفتنا محل حلويات و لا عندنا فلوس علشان نشتري لحضرتك كيكه
ام راكان: بنت وشفيك على اختك خليها
ردت نوف بابتسامه: خلاص انا اسوي لك كيك و بتشوفين بتطلع احلى من اللي في المحل
تهاني: لا تتحمسين انتى بعد ترا البيض خلص
نوف: ما يخالف نشتري من البقاله اللي جمبنا
راكان: سوي صينيتين لساره تروح فيها ولنا في البيت نبي وحده
تهاني: جاكم الثاني
نوف: انشاءالله اسويلكم
ام راكان ومعصبه على تهاني: وشفيك من اللي حارق رزك شايفتنا نصرف من حسابك .. خلي اخوانك ياكلون ويعيشون مثل العالم
تهاني: يمه تعرفين وضعنا شلون وكل واحد فيهم جاي يطلب طلب , و طلباتهم تحتاج لفلوس يعني طبيعي ما نقدر نصرف على كل شئ تافه يبغونه الا على الظروري
ام راكان: حتى لو ... بالعافيه عليهم , و الفلوس ربك كريم بيرزقنا انشاءالله.
نوف: خلاص عاااد يكفي حكي وكلام ماله فايده كلوا و خلصوا وراي غسيل مواعين و شغل حق المدرسه .

^^^^^^^^^^^^^^^^^^^^^^^^^^^^^^^^^^^^^^^^^^^

بقدره الله سبحانه و اللي جعل حياه ام راكان بهالصورهـ ..جعل حياه ابو سالم و عياله بصوره ثانيه عكس البيت الصغير في حي فقير و تعبان وٌجد بيت كبير مشابه للقصر و في حي من أحسن وأفخم أحياء الخــبر , ولاكن كل العائلتين متشابهه في السكون و الحنان اللي يعم افرادها

في بيت ابو سالم ..
كان نازل من الدرج بثوبه و شماغه في يدهـ و ريحه دهن العود الطيبه تفوح منه , استقبلته بنته سما بابتسامتها الحلوهـ اللي بينت تقويمها الاصفر
سما: هلا يبه ..شلونك
بادلها ابو سالم الابتسامه ورد: هلابك يا الغاليه انا بخير انتى كيفك شلون المدرسه
سما: تمام وكل شئ بخير بشوفتك
ابو سالم: الله يسلمك وين خواتك شوفيهم اذا كانوا نايمين قوميهم يصلون العصر
سما: لا الكل صاحي بدور بغرفتها مدري وش تحوس فيه و رنا على الكمبيوتر كالعاده
شوي سمعوا صوت الاخيره نازله من فوق
- وشفيها رنا .. كنتوا تحشون فيني هاه
سما:أي كنا نحش وش عندك
رنا: أحسن خذوا ذنوبي... يالله بس وش كنتوا تقولون
ابو سالم: كنت اسأل عنكم وقالت لي اختك انك على الكمبيوتر
رنا: بس هذا متأكدين
سما: أي مو مصدقه بكيفك
ابو سالم: يمه رنا انتبهي لعيونك ترا تروح فيها من كثر جلوسك على الكمبيوتر ... شوفي هاه بدت تحول
رنا: من جدك بديت احول يعني بشوفكم اثنين
سما: أي ويمكن اربعه
رنا بفرح: الله يعني بصير مميزهـ عنكم
ابو سالم: بسم الله عليك وش هالكلام .. استغفري ربك يا بنت
سما:هههههههههه غبيه تتمنى لنفسها الشين ... يالله انا بتركم بروح اصلي و اذاكر وراي اختبار
ابو سالم: الله يوفقك , وانا بعد الحق على الصلاهـ
رنا: حتى انا بروح المطبخ ادور لي اكل وش معنى كلكم تروحون .. و الله!!

في إحدى الغرف الواسعه و بأثاثها المميز و المرتب .. من يدخلها يعرف ان صاحب او صاحبه هالمكان في قمه الرقه و النعومه .. و بالفعل كانت بدور مميزه بكل شئ يخصها لها اسلوب خاص في الحياه منظمه و مروقه ما تحب تدخل نفسها في الحوسه و رجه الدنيا مثل خواتها تعيش لحظاتها سواء كانت لحظات فرح او حزن بسكون و هدوء ..
خلصت شغلها من واجبات ملزمه عليها و قامت تلبس تستعد لطلعه السوق و كان غرضها اسم عطر تحبه وخلص ولازم تشتري لها و لصديقتها المقربه امل و برضوا تشوف وش الجديد بالسوق و تشتريه على الطاير .. وهي تلبس عبايتها دخلت عليها رنا بكل قوه
-هاه خلصتي
بدور:بسم الله الرحمن الرحيم .... ما تعرفين تدقين الباب
رنا:خخخخخخ عادي حتى لو كنتي تلبسين انا اختك وكلنا بنات
بدور: الله يرجك قولي امين ... يالله بس نزلنا قبل لا ترجين غيري
رنا:ترا بنمر على بنت عمي اثير ,قلت لها تتجهز
بدور:اوكي لا تاخرنا بس

نزلوا للصاله و دعوا امهم و ابوهم وراحوا وسما لين عند الباب وهي توصيهم على غرضها اللي تبيه .

وهم طالعين للسياره قابلوا اخوهم سالم كان توه راجع من برا ويوم شافهم عرف انهم طالعين يا إما للسوق أو للصالون هذه شغلت امه و خواته
قرب من السياره و طل من الشباك
-السلام عليكم
الكل: وعليكم السلام
سالم: على وين العزم هالمره سوق ولا صالون
بدور:لا سوق ..تبي شئ
سالم: لا سلامتكم
رنا: ولا بوب كورن بالكراميل
سالم: هههههههه اوكي جيبي لي معك
بدور :هههه اوكي ..يالله باي
سالم: انتبهوا لنفسكم زين
التفت على السواق وقاله :لا تسرع وشوي شوي على السيارهـ
لانه يعرف السواقيين تحول عيونهم وقت السواقه و يطير عقلهم بس الله يعينا عليهم
و انطلقت بهم السياره لبيت العم ياخذون اثير .

^^^^^^^^^^^^^^^^^^^^^^^^^^^^^^^^^^^^^^^^^^^^

في الجبيل ..
احمد: يالله ما خلصتي
فاتن: دقيقه بلبس جود
احمد: هاتيها عنك انا بلبسها و انتي روحي البسي .

لبسوا و طلعوا متجههين للسوبر ماركت يقضون اغراض لان اليوم الثاني عازميين اهلهم عندهم في البيت
احمد: الكل بيجي بكره
فاتن: أي كلهم اكدوا لي الا اختك ريم قالت يمكن لان زوجها بيسافر
احمد: لا ما عليك منها ريم اعرفها ما يحدها شئ تلاقينها بتجي مع امي
فاتن: الله يحيهم

كانت هالعائله الصغيره من احدى العوائل الحلوه المرتاحه بحياتها .. احمد بطيبته و حنانه مغرق زوجته و بنته الصغيره جود , يخاف عليهم اكثر من نفسه .. و على كذا ما انشغل عن امه و خواته و كل نهايه اسبوع يروح لهم الدمام .. ايضا فاتن بحكمتها و بياض قلبها محافظه على زوجها و مهتمه في بنتها .. و في هالبيت كل واحد يسعى لسعاده الثاني.


ام احمد ..ارمله زوجها ابو احمد متوفي من 3 سنوات بسبب مرض في الكبد و ترك زوجته و عياله الثلاثه
احمد(30 سنه) .. ساكن بالجبيل الصناعيه , وموظف باحدى الشركات المعروفه..متزوج فاتن
ريم(28 سنه) .. مدرسه لغه عربيه و متزوجه طارق و عندها ( العنود)
رشا(22 سنه) ..تدرس علم حيوان بكليه البنات

ريم في بيتها و تكلم امها على التلفون
ريم: طارق بيسافر الليله وبكره اذا بتروحون لاحمد مروا علي بروح معكم
ام احمد: الله يوديه و يرجعه بالسلامه .. خلاص اجل بعد المغرب نمرك
ريم: زين يمه تامرين بشئ ..
ام احمد: سلامتك .. سلمي على طارق و بوسي لي العنود
ريم: انشاءالله .. يالله مع السلامه .

نزلت رشا من غرفتها و كانت توها صاحيه من النوم
رشا: مرحبا
ام احمد: هلا ... اذا تبين غدا ترا في بالثلاجه
رشا: لا ما ابي مسويه دايت
ام احمد: ارحمي نفسك ترا ما يستاهل تسوين دايت اجل اللي اسمن منك وش يسوون
رشا: ما علي منهم بس احس اني سمنت شوي و طلع لي كرش و انا ما احب
ام احمد: ما اشوف لا كرش ولا شئ .. الله يهديك بس
رشا: بكره رايحين عند احمد
ام احمد: أي و بنمر اختك ريم لان زوجها طارق بيسافر
رشا: و اهل فاتن بيجون
ام احمد: اكيد .. هم مسوين عشا و عازمين الكل
رشا: اجل بروح السوق اليوم ما عندي شئ حلو البسه بكره
ام احمد: حرام عليك الدولاب مليان و يالله يتسكر .. بتزيدين بعد ملابس ما صارت هذه
رشا: اللي عندي كلهم لبستهم ابي شئ غير محد قد شافه .. تعرفين انتي كيف اثير و بنات عمها لبسهم كل وحده احسن من الثانيه
ام احمد: هم غير وانتي غير .. احمدي ربك على الحال احسن من غيرنا
رشا: حتى لو .. انا بعد وش ناقصني وش فرقي عنهم , هم اباءهم راعيين محلات ذهب و انا ابوي الله يرحمه ضابط كبير و معروف هذا هو الفرق اما الباقي نفسهم
ام احمد: قلت لك كم مره لا تناظرين غيرك و تقارنين لازم تقتنعين باللي عندك و تحمدين ربك مليون مره
قاطعتها رشا : يمه و اللي يعافيك خلاص .. بكلم السواق يطلع السياره بعد المغرب
سكتت ام احمد لانها تدري ان الكلام مع بنتها رشا ما منه فايده .. يدخل من اذن و يطلع من الثانيه , دايماً تدعي ربها انه يصلح بنتها و يهديها و تبطل هالحركات من مقارنه و نظره لمستوى اعلى منها .

^^^^^^^^^^^^^^^^^^^^^^^^^^^^^^^^^^^^^^^في احد فروع محلات الذهب كان محمد ابو سالم و مساعدينه يستقبلون بعض الزباين و يبيعون الذهب ..
دق جوال ابو سالم و كان ولده سالم المتصل
سالم: السلام عليكم يبه ... شلونك
ابو سالم: هلا والله و عليكم السلام و رحمه الله .. انا بخير انت اخبارك
سالم: بخير الله يسلمك , اقولك يا الغالي انا طلعت للبيت احس بتعب شوي و خليت محمد يستقبل الفاكس
ابو سالم: أي اهم شئ الاوراق لا وصلت ياخذها واحد منكم ... خلاص انا بس اخلص اللي بيدي و اكلمه اشوف وش مسوي
سالم: انشاءالله بعد المغرب انا راجع للمحل .. شكل بروده المكيف مأثره علي
ابو سالم: الله يعينك .. هاه بغيت شئ ثاني عندي زباين الحين
سالم: لا سلامتك يالله فمان الله .

سكر من ولده و التفت على الرجال اللي دخل يشوف الذهب
ابو سالم: هلا بك اخوي .. تفضل

^^^^^^^^^^^^^^^^^^^^^^^^^^^^^^^^^^^^^^^^^^^^

في الدمام ..
ابو خالد: شوفي الله يسلمك هذا الخاتم بــ 9785 لان فيه فص الماس من النوع الغالي
خذت الحرمه الخاتم تشوفه هي وبنتها و ابو خالد يلتفت حوله يدور عن ولده مهند ..ما شافه وسال علي عنه
علي: بدق عليه اشوف وينه
ابو خالد: استعجله قوله عندنا شغل

توه دخل مهند جاي مسرع و خذا مكانه ورا الطاوله الزجاج
مهند: السلام عليكم
علي: وعليكم السلام .. وينك الله يهديك عمي سأل عنك
مهند: كنت رايح مشوار

بعد دقايق طلعوا الحرمه و بنتها و شروا الخاتم .. التفت ابو خالد على مهند
ابو خالد بحواجب معقده : هاه وين كنت غاطس فيه
مهند: والله واحد من الشباب كلمني .. كان محتاج خدمه مني ورحت له بسرعه
ابو خالد: كم مره اقولك لازم تبدي الشغل على أي شئ بحياتك .. هذا حلالك يا مهند لو ما انتبهت له من ينتبه ..
مهند: انشاءالله يبه .. السموحه
ابو خالد: الله يهديك

كملوا شغلهم و استقبال الزباين و البيع ..

ابو خالد "سعود" ثاني و اصغر عيال الجد عبدالله .. شخصيته قويه جداً و بطبيعته حازم و جاد بعكس اخوه الكبير ابو سالم"محمد" فهو بطبيعته طيب مررره و حنون على عياله و الناس .

^^^^^^^^^^^^^^^^^^^^^^^^^^^^^^^^^^^^^^^^^^^^

وصلوا البنات لابن خلدون بلازا .. و كانت بدور مركزه على المحلات اللي تبيها تاخذ غرضها بسرعه و تطلع للي بعده , اما رنا و أثير فـ يمشون على مهلهم و يتمشون و طايحين تعليق على الناس
في محل جُنيفير.. واقفه بدور عند صفه تي شيرتات ملونه و محتاره ما تدري وش تاخذ فدقت علي صديقتها امل
امل: اهلين
بدور: هلا فيك كيفك
امل: منيحه .. انتي كيفك وش هالازعاج
بدور: انا برا بالسوق .. الا تعالي بسألك وش اللون اللي ما عندنا لان قدامي صفه الوان وما ادري وش اخذ
امل:طيب وش الالوان قوليها
بدور: اصفر .. اخضر.. تركواز .. وردي .. احــ...
امل: اممم خلاص خذي الاصفر
بدور: اوكي , ما تبين شئ ثاني
امل: لا مشكوره
بدور: اوكي .... باي

سكرت منها و خذت التي شيرت الاصفر كان فيه رسمه بنت بكشه و شكله نايس ..حاسبته و طلعت .
هذه امل صديقه بدور الروح بالروح , من اول متوسط و هم مع بعض لين الحين بالجامعه و بنفس التخصص .. كل اغراضهم نفس بعض ملابس و اكسسوارات لدرجه احياناً يحسبونهم تؤام .. بس الفرق بينهم ان امل حركيه اكثر و شيطانيه راعيه مقالب و مخ مدبر .

طلعت بدور من المحل و التفت حولها تدور رنا و اثير ما لقت لهم اثر ..
بدور بملل: اووف وين راحوا الحين .. فاضيه ادور عليهم
خذت جوالها و دقت على رنا فــعطتها مشغول .. و شوي الا وهم طالعين من احد الزوايا
بدور بعصبيه: وين رحتوا ما قلت لكم انتظروني
اثير: قلت لرنا بس ما سمعت كلامي
رنا: و الله غصب عننا شفنا ولد صغير يبكي و شكله ضايع رحنا ندور اهله
بدور: ما شاءالله عليكم .. الدفاع المدني على غفله
رنا بصوت ثقيل : احم .. نعجبك حنا
ضحكت اثير على حركه بنت عمها : ههههه
فجاءه وقفت عن الضحك ومسكت صدرها حست بوخزه خفيفه.. لاحظوها الكل
رنا: اثير فيك شي
اثير: لا بس حسيت بالم بسيط
بدور: يالله نكمل تراني ما خلصت
كملوا الدوران بالمحلات لين اذن المغرب ..صلوا و طلعوا من المول للسياره ..


^^^^^^^^^^^^^^^^^^^^^^^^^^^^^^^^^^^^^^^

رنا: هاه السنيوره وش تبين من أي مطعم
اثير: ههههه صدقتي انتي .. ترا كنت امزح
بدور: لا بناخذ لك عشا .. اشكرك اثير على جيتك ولا كان تهاوشت مع السوسه رنا
رنا: لا و الله وش قالوا لك ام المشاكل
بدور: لا ..بس وجودك قلق
رنا: الحين انا اللي صرت قلق و لا انتــ..
قاطعها اثير تهدي الوضع: خلاص عاد .. بتتهاوشون بعد قدام السواق .
رنا: ما تشوفينها هي اللي بدت
طنشتها بدور و امرت السواق يروح لمطعم دومنيز بيتزا..
عند المطعم نزل مع الطلبات " 2 بيبروني و 2 ايطاليانو و 1 ديلوكس" .. و اثناء ما ينتظرونه يجي كانوا الثلاثه هاديين و كل وحده تفكر بشئ خاص فيها .. فجاءه صرخت رنا
_ وااااااااااااااااااو
فزوا بدور و اثير و التفتوا لجهه ما تاشر
بدور: على وشو واااو
اثير: مررره كول شوفي ابو الاخضر

كانوا 3 شباب طالعين من المطعم و اشكالهم ملفته للنظر اللي شعره كدش و اللي مسوي حركه بلحيته , يعني كول .
بحركه سريعه طلعت رنا جوالها و وجهته قدام باتجاههم
بدور: يا المجنونه وش بتسوين
رنا: بصورهم .. هذا ابو كشه رهيب
بدور: لا يشوفون الفلاش يا ذكيه .. رنووو نزلي الجوال
ما سمعت رنا لاختها و ضغط على "click" فطلع نور الفلاش من السياره و انتبهوا له الشباب فالتفتوا لهم
شهقت اثير من الخوف و نزلت نفسها شوي : يا غبيه شافونا .. قفلوا الابواب
عصبت بدور : يا سخيفه .. وش سويتي
سكتت رنا وما ردت كانت بتشوف وش بيصير .. ومن داخلها خايفه لا يقربون صوبهم و يفتحون الابواب , لاكن الغريب ان واحد ابتسم و عدل شكله ع السريع و الثاني و قف و حط يده على اللي جمبه و الثالث رفع يده بعلامه النصر"حبتين" .. و كأنهم مستعدين للتصوير
رنا : شوفي يبوني اصورهم
و رفعت مره ثانيه الجوال و ضغطت الزر و التقت الصوره
اثير: اشوف
رنا: مرره فله هذا ابو الكشه محجوز لي
بدور: الحمدلله و الشكر ما درى عنك و الله .

رفت رنا راسها تشوفهم لاكن ما لقت اثر و شكلهم راحوا ..
رنا: يووهـ راحوا
بدور: وش تبينهم يسوون ينتظرونك تصورين معهم
اثير: من جد.... رنوو اقول ارسلي لي صورهم
رنا: لا ..ابو كشه حقي محد يشوفه
اثير: اقوول هاتي بلا دلع
مدت اثير يدها بتسحب الجوال لاكن رجع لها الوخز و حطت يدها على صدرها و اصدرت صوت خفيف من الالــم
بدور : اثير وشفيك .. وش يعورك
رنا: شكلها تمثل علي علشان ارسل لها الصوره
بدور: اثير .. تكلمي وش تحسين فيه
اثير بهدوء: لا ولا شئ .. بس الــ ... ااهـ
خافوا البنات لا يكون فيها شئ .. فقامت بدور و رفعت نقاب اثير علشان تتنفس زين و فتحت شوي من الشباك
رنا: خذي اشربي مويه
اثير: شكراً .. لا تخافون بنات ما فيني شئ يمكن مع المشي عضلات صدري شدت

شوي الا رجع السواق مع البيتزا و الببسي و اتجهوا لبيت عمهم ينزلون اثير.

^^^^^^^^^^^^^^^^^^^^^^^^^^^^^^^^^^^^^^^^^^^^

خلصت سما مذاكره و نزلت تحت عند امها تغيير جو
سما: للحين ما رجعوا بدور و رنا ؟
ام سالم: لا و الله ما رجعوا تلقينهم بالطريق لان بدور قالت لي قبل العشاء بيرجعون .. هــاه وش سويتي بمذاكرتك
سما: خلصتها الحمدلله .. بكره اختبار التاريخ و انشاءالله يكون سهل
ام سالم: الله يوفقك يا رب
سما: اجل بكره عزيمه فاتن .. كلنا بنروح
ام سالم: أي كلنا .. بكره اذا ما عندك شئ اختبري و بعدها استاذني اطلعي للبيت نامي وارتاحي حتى تقدرين تسهرين بالليل
سما: هذا اللي بسويه لان اربعاء و ما عندنا شئ مهم كله حصص و دروس كالعاده


^^^^^^^^^^^^^^^^^^^^^^^^^^^^^^^^^^^^^^^^^
يــــتبع



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-03-2009, 07:43 PM
صورة ! غربه الروح ! الرمزية
! غربه الروح ! ! غربه الروح ! غير متصل
©؛°¨غرامي مشارك¨°؛©
 
الافتراضي رد: ضيعتني حسبي الله عليك..حصري


في بيت ام راكان ..

ام راكان: هاه غدير شلونك الحين
غدير: الحمدلله يمه بخير .. خف الصداع
ام راكان: ما تشوفين شر انشاءالله .. بكره بتروحين المدرسه
غدير: أي بروح .. يكفي يومين غبت فيهم اكيد فاتتني دروس
ام راكان: الله يعينك .. زين قومي اطلعي برا معنا , نوف مسويه كيك يا حلوه تعالي كلي
غدير: طيب

في الصاله
راكان: الله يا حلوها .. و الله تنفعين طباخه بمطعم
نوف: هههههه طباخه مره وحده
تهاني: وهو صادق صيري طباخه و نطبخ للناس اذا عندهم عزايم و عشا
نوف: لااا شغله يبيلها فلوس و مقاضي
طلعت لهم ام راكان و غدير فرحبوا فيها
تهاني بمرح: ياهووووو نور المكان
غدير بابتسامه : منور باهله .. وش مسوين كيك
راكان: احلى كيك لا يفوتك

قعدت غدير مع اخوانها و امهم ياكلوا الكيك و يشربون الشاهي و هم يسولفون و يضحكون .. كانت حياتهم بسيطه جداً و مريحه لهم بس مو دايماً .. لاكنهم يحمدون ربهم على النعمه و ما يتذمرون .

^^^^^^^^^^^^^^^^^^^^^^^^^^^^^^^^^^^^^^^^^^^^

وصلوا لبيت العم ابو خالد .. وقف السواق قدام الباب حتى تنزل اثير و تاخذ البيتزا معها .. بهاللحظه وصل خالد بعد ما خلص من شغله و شاف سياره سواق عمه واقفه عند الباب فقرب يمهم يسلم
خالد: السلام عليكم
ردوا: و عليكم السلام
عرف خالد من اللي في السياره رغم انهم متغطيات .. لاكن ما يخفي عليه صوت الغاليه بدور .. و السوسه رنا
خالد: كيف الحال ؟ انشاءالله بخير
بدور: بخير الله يسلمك انتوا اخباركم وش مسوين
خالد: طيبين يا الغاليه
اثير: خالد امسك عني البيتزا ثقيله و عندي اكياس بشيلهم
خالد: ماشاءالله لمين هالبيتزا
اثير: لي
رنا : لااا لكم كلكم .. خالد لا تخليها تاكلها لحالها اعرفها اثير مشفوحه
خالد+بدور:هههههههههههه
بدور لرنا : وش دخلك انتي بالعافيه عليها و عليهم كلهم
اثير: طيب يا الشينه اوريك .. ما غيرك المشفوحه
خالد: تفضلوا عندنا تعشوا .. اذا ما وراكم شئ
بدور: لا مشكور .. قدامنا طريق البيت .. تعرف راجعين من السوق و تعبانين خليها مره ثانيه
خالد: سلامتك من الــ .. اقصد سلامتكم من التعب .. سلمي على عمي و عمتى و الباقي
بدور: انشاءالله يوصل
مدت رنا يدها لاثير و ضربتها على كتفها : ضربه الوداع
مسكينه اثير ما قدرت ترد لها الضربه لان يدينها محمله فقط اكتفت بالكلام ..
قدم خالد لعند السواق وقاله: شوي شوي لا تسرع.. انتبه للطريق زين

سكر الباب ودعهم بيده .. و تبعتهم نظراته لين ما اختفوا عنه ثم دخل البيت .

في الداخل .. هددت اثير الكل لا يمد يده على البيتزا لين تنزل , فركضت على غرفتها بدلت ملابسها و نزلت بسرعه
ام خالد: زين انتظروا مهند ترا بيعصب عليكم
خالد: لا شكله مطول وانا جوعان ما اقدر اتحمل
اثير: بنخلي له كم قطعه .. يالله بسم الله
ام خالد: غسلتوا يدينكم بالاول
اثير: افااا عليك
خالد: غسلتهم بالفلاش حق التنظيف بعد
ام خالد:ههههههههههههههههههههههههههااااااي .. مو لهدرجه عاد ..ههههههههههههههه

سموا و توهم بيمدون يدهم وياخذون الاسمعوا صوت الباب يتسكر و صراخ مهند
_ ياااااا خوووونه .. تاكلون من وراي
رمى شماغه على الكنب و طار لعندهم , سحب كرسي و قعد بحركه سريعه وشمر اكمامه استعداداً للاكل
اثير بقرف: قم غسل يدك .. كلها جراثيم و حشرات صغيره
خالد: أي و الله يمكن بيض نمل و صراصير بين اصابيعك
وقف مهند و ما خذا قطعه البيتزا و رفع راسه يناظرهم و كأنه يفكر بشئ
_ أي و الله صح .. بس لا تبدون قبل ما اجي
قام من مكانه و هو يوصي امه تنتبه لهم لا يبدون قبل ما يجي .. و بسرعه البرق راح غسل ورجع ..
ام خالد: مهند وين ابوك , ليش ما رجع معك
مهند: يقول عنده شغل .. قال تعشوا و ما عليكم مني
ام خالد: الله يعينه
كلهم سموا بالله و بدوا ياكلون بحماس ... و الجو بينهم هادي محد فاضي للكلام و السوالف .

^^^^^^^^^^^^^^^^^^^^^^^^^^^^^^^^^^^^^

مر الوقت يركض و الساعه 12 .. تعشت رشا و طلعت غرفتها ..
عند دولاب الملابس طلعت لبس بكره في الكليه و بجمبه لبس العزيمه حقت فاتن و كان لبسها فخم و متكلفه فيه .. طول يومها و هي مشغول بالها بالعزيمه بكره وش تلبس وش تحط ميك اب و اكسسوارات و تسريحه .. كان همها الاول انها تطلع حلوهـ لابعد درجه و الكل يلتفت لها اذا دخلت او تكلمت ... بالعربي تبي تلفت الانظار لها و تكون اكشخ وحده.
تمددت على السرير و خذت احدى المجلات تقلب فيهم و تقرا بعض المواضيع لين يجيها النوم .

^^^^^^^^^^^^^^^^^^^^^^^^^^^^^^^^^^^

في نفس الوقت ولاكن بمكان ثاني .. وصل زياد لشقته .. علطول تسبح حتى يزيل التعب من جسمه و تعشى ..
في غرفه نومه بعد ما نفض فراشه و قرا بعض ايات القران حط راسه على المخده بينام .. لاكن تذكر شئ ..من الصبح و هو يدور دفتر خاص فيه و ما لقاه و هالدفتر مهم .. فقام و توجهه لمكتبه يدور بعمق ..طلع نص الاغراض و فتش درج درج و فجأءه لقى هديه مربعه شكلها حلو , ابتسم وهو ياخذها لانه عارف من مين .. فتحها و كأنه اول مره يفتحها الشوق له دور بحالته هذه..
كانت عباره عن صندوق اثري و داخله مجموعه ورود صغيره مصنوعه من قماش ستان مررره ناعمه بألوان وردي"فوشي" و بنفسجي بينها تحفه على شكل دبدوب لابس قبعه التخرج و معه عطر صغير فخم ..
طبعاً هالهديه لها قصه غير .. و تعتبر من اهم و أحلى الاحداث بحياه زياد... خذا العطر و شمه حاول بقدر الامكان يشبع رئتيه برائحه العطر الرايقه و هو يتذكر الحدث ..

قبل كم سنه .. وقت ما تخرج من الجامعه عم الفرح قلبه و حس الدنيا مو شايلته من الــسعاده و اللي زاد عليه ان ابو سالم و ابو خالد و عيالهم ما تركوه باركوا له و فرحوا من قلبهم لانهم يعتبرونه واحد من عيالهم .. على شرف هالمناسيه قاموا بعزيمه كبيره لمعارفهم واصحابهم و ابو سالم يمشي و يفتخر بتخرج زياد غير ابو خالد اللي وعده بوظيفه زينه و باقي العيال غرقوه بالهدايا الثمينه ..
في دقايق طلع زياد كان رايح للحمام "وانتوا بكرامه" إلا قابل بنت ابو سالم الصغيره وهي رنا و قتها كانت بالابتدائي سلمت عليه و عطته هالصندوق و ركضت لداخل حتى ما قالت له من مين .. في بدايه الامر استغرب من مين لاكن يوم شاف القفل عليه رمز "b" ابتسم و عرف ان صاحب الهديه هي بدور .. كان متحمس يفتحها و يشوفها لاكن الوقت ما يسمح فيوم راح لشقته حط كل الهدايا في جهه و هديتها في جهه لحال .. فتحها و قلبه يدق كأنه بيطلع من مكانه و احلى بسمه مرسومه على وجهه ..
شاف نعومه الورد و روعه الدبدوب و اخيراً ريحه العطر الخيال .. لا شعورياً ضم الهديه لصدره و احتوته مشاعر ما تتفسر , حس بدمعه حايره في عيونه من الفرحه و الحزن .. فرحه بتخرجه و حوله ناس يعتبرهم اهله و حبيبه تداوي كل جروحه و حزن من غياب والديه ..تمنى وجودهم و حضورهم لهاليوم يوم تخرجه من الجامعه بتفوق حتى يفخرون فيه و يرفعون راسهم بين الناس.. ذيك الليله تمنى امنيات كثيره و حلم و تخيل ..رسم مستقبله بوضوح و تركيز , وعد نفسه انه ما يخون قلبه و يحافظ على نفسه و يحترم ناسه .. و بالفعل مشى بالدنيا على رسمت مستقبله و ليومه هذا باقي على الوعد.

صحى زياد من احلى ذكرياته .. و شاف الوقت تاخر .. دور لاخر مره على الدفتره بشكل سريع و الحمدلله حصله بين زحمه اغراض .. ترك الحوسه اللي سواها و رجع لسريره .. فتح الدفتر و كتب فيه اللي كان بيكتبه ..سكره و نام .

^^^^^^^^^^^^^^^^^^^^^^^^^^^^^^^^^^^

بيت ابو خالد ..
الكل طلع لغرفته ينام الا اثير مالها نيه تنام لانها نامت الظهر , فقعدت في الصاله اللي فوق و حولها اكياس و اغراض اللي شرتهم من السوق قاعده تتفرج عليهم ..
مر خالد و كان طالع لغرفته الا شافها فحب يقعد معها شوي
خالد: وش تسوين ؟.. وش هالحوسه ؟
اثير: هذه اغراضي اللي شريتهم من السوق .. تعال شوف شرايك بذوقي
قعد بجمبها و شال تنوره قصيره شكلها حلو و ناعم
خالد: هذه حلوه
اثير: اترك عنك هذه .. هذه بدور اللي اختارتها لي ..انا ابيك تشوف ذوقي انا ..خذ
و عطته تي شيرت اسود و باقي الاكسسوارات .. اخذ خالد يقلب فيهم و يطالع .. ابتسم على حركات البنات و اغراضهم مره كيوت .. و يحبون يتميزون بكل شئ
خالد: يا ربي منكم يا البنات اشياءكم كثير
اثير: ههههه .. ترا هذا و لا شئ , انت بس صير بنت لمده يوم و شوف كيف و الله شئ حلو انك بنت
عقد خالد حواجبه و قال: لا الله لا يقوله خليني كذا رجال اصرف
اثير: هههههههههههه
خالد:اجل هالتنوره من اختيار بدور
اثير: أي .. كنت محتاره ما ادري وش اخذ فقالت لي خذي ذي حلوه و ناعمه تصلح لي
خالد: اهااا ... ذوقها حلو
اثير: اصلاً البنت فنانه .. فاتك وش صار لنــ ....
سرح خالد بافكاره و تخيلاته عن بدور و لا انتبه لكلام اخته .. هذه الانسانه بالذات لها مكانه بقلبه غير عن الباقي , من يشوفها يرتاح و لو سمع صوتها تنقلب كل موازينه , ما توقع انه في يوم من الايام بيتعلق فيها هالكثر , مرت بينهم ايام و سنين و كان فيها قريب من بدور لاكن ما وقع بحبها الا يوم كبروا و بعدوا عن بعض .. يا هالبدور اللي منوره دنيته و محليه حياته بس هي لو تكون جمبه و حلاله كان ارتاح اكثر .
اثير: هيييييييه وين رحت لي ساعه اتكلم و انت مو معي
خالد: هاه .. وش تبين
اثير: وش تفكر فيه ... لي ساعه اتكلم حرام عليك ما سمعتني
خالد: طيب انا معك قولي وش بعد
اثير: ما ابي خلاص هونت
جمعت اغراضها و قامت لغرفتها
ناداها خالد: على وين .. اقعدي سولفي و الله اسمعك
اثير: خلااص بروح اذاكر بكره عندي اختبار
خالد: تذاكرين الحين , شوفي الساعه كم 12 الليل ما يمديك تخلصين و تنامين
اثير: لا منب نايمه بواصل للصبح .. لاني نمت الظهر و الماده سهله
خالد: وش الماده ؟ كيمياء .. فيزياء .. او رياضيات ؟
اثير: يوه ما لقيت الا الصعبين لا علي بكره نحو .. تراه اختبار قصير مو شئ
خالد: اهااا .. بالتوفيق
دخلت اثير لغرفتها و خالد قعد ع التفلزيون يقلب في القنوات ببرود و باله مو معه .. قاعد يفكر بحبيبته بدور ... و يتمنى امانـــي .

^^^^^^^^^^^^^^^^^^^^^^^^^^^^^^^^^^^^^^^^^^^

صباح الاربعاء .. أحلى يوم عند الكل لانه نهايه الاسبوع ... قاموا و كل واحد راح لمدرسته و دوامه بحماس ..
في احدى مدارس الخبر الثانويه ..

و صلوا سما و رنا للمدرسه فسخوا عباياتهم و علطول رنا لقت شلتها و راحت تسلم عليهم و يبدون مشوار الحديث و السوالف .. اما سما مشت لين وصلت للساحه و لقت صديقاتها و اقفين

نور: هلا و الله
سما: صباااااااحو
البنات: صباااااحو
سما: اخباركم ..شو عاملين ؟
البنات: تمام
بشاير: بدري كان تاخرتي شوي .. ما بقى ع الطابور الا 5 دقايق
سما: انا ودي اتاخر اكثر لاني مخالفه اليوم بس رنا رجتني
نور: زييين في وحده مخالفه معي
خلود: مجنونات انتوا .. ما سمعتوا ابله هدى وش قالت أي وحده تخالف بينقص من سلوكها عاد حنا ثالث و السلوك مهم
سما: اييييييييييه من زمن جدي وهي تقول كذا ما شفنا شئ .. خلك شديده لا تخافين
بشاير: ههههه يا هوو يا شديد
شهقت نور من الشئ اللي شافته و علطول نادت على صديقاتها : بنااااااااااااااات شوفوا بسرعه
كل وحده التفت لجهه و تسال : وشو .. وين .. وش فيه ؟
نور: لا يفوووتكم .. شعر أروى .. طالعه توووحفه
بشاير: وووووووووووووع وش هاللون
خلود و سما طيروا عيونهم و قالوا بوقت واحد : تممممممممممممزح
نور: الله يقرفها لون احمر ناري على وجهها ذا .. وربي لا ينتحر الاحمر
سما: الا يختفي من الالوان
بشاير: بنات .. شوفوا مليون بالميه لو سالناها ليش صبغتي و من وين ..بتقول " اليوم بيجونا خطاب و صبغته بصالون خالتي ">> قالتها وهي تقلد صوتها
ضحكوا البنات على طريقه التقليد و قرروا اليوم يستقعدون لها و يشوفون وش بتقول .. كانت اروى ام شعر احمر محط انظار الكل باللون الغريب .. طالع شكلها مو شئ و ابد مو راكب .. لاكن هي على بالها حلو و كشخه .
دق الجرس معلناً عن الطوابير و المدرسات و الاداريات طلعوا للساحه و البنات يالله يصفون .. انظبط الطابور بــ 3 دقايق و بدت الاذاعه المدرسيه بايات من القران الكريم و تلتها مواضيع اخرى .
في طابور فصل "ثالث ثانوي علمي 3".. وحده من البنات واقفه جمب أثير كانت تاكل علك بقوه و لا عليها من المدرسات و المديره اللي قدامها .. تاكل و تاكل و في الاخير نفخت بلونه كبيره و فقعتها مما ادى الى اصدار صوت مدوي و صارخ .. على اثره التفتوا بعض المدرسات لمصدر الصوت .. فتقدمت وحده منهم للصف.. قربت لعند أثير و البنت و ظلت تناظر في أثير بتركيز , و أثير مستغربه منها و على وجهها علامه استفهام ما تدري ليش الابله تناظرها
ابله مها: شين وقوي عين .. ما تستحين انتي يوم تسوين هالحركه
بكلامها ازداد تعجب اثير و ما عرفت وش ترد .. كملت ابله مها كلامها
_ و بعد تناظريني.. من الادب لما الواحد يغلط ينزل عيونه بالارض
أثير بصوت يتردد: وش سويت ؟!
ابله مها : اسالي نفسك
اثير: و الله ما سويت شئ .. عن وشو تتكلمين
البنت اللي بحمب اثير ما تكلمت و ظلت ساكته كأنها مو هي اللي طقت بالعلك
ابله مها : اطلعي ورا , و روحي ارمي العلك .. بسرعه قبل لا تنفضحين قدام العالم
اثير: حرام عليك و الله ما اكل علك ..
ابله مها : اجل من اللي طق بالعلك انا و لا جدتي
الصف الثاني صار يناظر في اثير و بعض المدرسات يراقبون الموقف فانحرجت منهم و ما حبت تطول السالفه فقالت علشان تبري نفسها : مو انا اللي اكل علك .. هذه ساره
تفتحت عيون ساره ما توقعت ان اثير تفتن عليها .. و اختبص وجهها بالوان
ابله مها : ساره .. !! ..
نزلت ساره راسها يعني ان هي اللي كانت تاكل العلك .. فعرفت ابله مها بغلطها و امرت ساره تطلع ترميه .. ثم رجعت لمكانها حتى ما اعتذرت لاثير و الاتهام اللي وجهته لها ..

ختاماً .. النشيد الوطني , و بدوا البنات
سارعي للمجد و العليااااااااا
مجدي لخالق السمااااااااا
و ارفع الخفاق الاخضر يحمل النور المسطر
رددي الله أكبر يا موطني
موطني..
قد عشت فخر المسليمن
عاش الملك للعلم و الوطن
طن طططن ..

قالت و حده من الاداريات بصوت عالي و قوي " تفتيش يا معلمات" .. فتعالت شهقات البنات و حاله توتر بالمكان ..
مروا المدرسات على الصفوف يفتشون ع الاظافر و باقي المخالفات ..
عند سما و شلتها ..
ابله حسنه: ماشاءالله ماشاءالله وش عندك انتي وهي عرس ولا حفله دي جي
نور + سما : ههههههههههههههه
نور: لا و الله ولا وحده
سما: ابله سامحينا الله يخليك اخر مره اخر مررره , و بعدين اليوم اربعاء و الله عندي عزيمه اليوم ما ابي اقصها
نور: أي و الله يا ابله وانا ما عندي شئ .. بس اخر مره
ابله حسنه: كل مره تقولون لي اخر مره .. يالله اطلعوا قدام انتي و هي ..
نور+سما بتوسل : اااااااابللللللله بلييز
ابله حسنه : امممم ..
سما: وعد منى اليوم امسح السبوره و اكتب الدرس لو تبين
نور: وانا اجمع الدفاتر ..
ابله حسنه: اوكي .. توكلوا على الله و علطول على فصلتكم عن الدوران
فرحوا سما و نور و شكروها على تعاونها ..
نور: أي خدمه يا ابله
ابله حسنه: بسرعه ع الفصل قبل ما يشوفكم احد ثاني ولا ترا ...
نور + سما: لا لا خلاص

و طاورا على فصلهم قبل لا ينصادون مره ثانيه ... و كل البنات راحوا لفصولهم و المدرسات ايضاً .. و بدوا الحصه الاولـــى .

^^^^^^^^^^^^^^^^^^^^^^^^^^^^^^^^^^^^^^^^^^

الساعه 9 صباحاً .. في كليات البنات
مرت احدى البنات اللي مع رشا بنفس القسم و البنت على قد حالها بس طيبه فتذكرت ود سالفه عنها و قالت

ود:بنات ما دريتوا .. ايمان بكره الخميس ملكتها
رشا + نوره بتعجب: اااحلفي !!
رشا: من قالك ؟
ود: امس اكلم سماح و قالت لي ..
نوره: وين بتسويها؟
ود: في بيتهم
رشا: من بتاخذ .. و متى زواجها
ود:حفله زواجها ما ادري متى و وين .. بس يقولون بتاخذ اخو نهله
نوره: أي .. الطيور على اشكالها تقع
رشا: وانتي الصادقه .. عاد الله لا يقوله اخذ واحد مدرس
ود: تلقين بعد ملكتها على قدها .. حتى لو عزمتني ما بروح .. اقعد في بيتنا اصرف
نوره: ا ستغفر الله نهله تنرررفز .. احسها طراره ومن النوع اللي يتمسكن عند الناس
رشا: نهله و اللي معها كلهم نفس الطقه .. قرويات .. و مسوين فيها دافورات .. شفتوها هي و ايمان يوم راحوا عند الدكتوره يعطونها البحث .. ياربييي كأنهم اول ناس يسوون بحث بالصور .. يحزنووون
نوره+ ود: ههههههههههههههههههااااي
نوره: مو اقولك تتمسكن ..
ود: شوفوا ...شوفوا ... هذيك ام شنطه فيندي ما ادري وش على بالها
رشا:تلقينها تقليد .. هالاشكال ما تكشخ باصلي
نوره: لا حرام عليكم ..هذه اعرفها بنت ناس عندهم خير
رشا: وش اسمها
نوره: ما اذكر كأن حنان او حنين كذا يعني
رشا: اقولك ترا الكشخه صح ينعدون ع الاصابع اما الباقي صفر ع الشمال

ظلوا هالثلاثه على حالتهم حش و كلام في الناس .. شله رشا معروفه بين البنات مغرورات و متعنطزات على العالم .. يشوفون نفسهم اعلى الناس و باقي البنات تحت , حتى محد يحتك فيهم مره لانهم غريبات.

^^^^^^^^^^^^^^^^^^^^^^^^^^^^^^^^^^^^^^^^^^^

وقت الفسحه و الكل طالع برا يغير جو الفصل و القعده 3 حصص على الكرسي ..
دخلت بنت لفصل اول ثانوي 1 و نادت على غدير
غدير : نعم
البنت: ابله مي تبيك بغرفتها .. روحي لها

قامت غدير و هي خايفه شوي من طلب ابله مي لها وهذه اول مره تروح لها ..
في غرفه المرشده الاجتماعيه " ابله مي" اللي هي ام سالم .. طقت غدير الباب و دخلت
غدير: السلام عليكم
ابله مي: و عليكم السلام .. تفلظي غدير و سكري الباب وراك
بخطوات هادئه دخلت و قعدت على الكرسي و ضامه يدينها في حجرها
بدت ابله مي تتكلم و على وجهها ابتسامه رائعه تهدي النفس
_ كيفك غدير وكيف الدراسه
غدير: الحمدلله بخير
ابله مي: سلامتك .. لك يومين غايبه فيهم عسى ما شر
غدير: الله يسلمك .. كنت تعبانه شوي
ابله مي: ما تشوفين شر .. و انشاءالله عوضتي الدروس اللي فاتتك اليوم
غدير: أي الحمدلله .. باقي لي كم ماده و اخذ اللي فاتني
ابله مي: زين ... حبيبتي غدير انتي من الطالبات المتفوقات عندنا على مستوى اول ثانوي كله , و ماشاءالله عليك كل المدرسات يمدحون فيك ...لاكن في شئ
جمدت شوي غدير و بدت دقات قلبها تسرع .. خايفه من اللي جاي
كملت ابله مي: من بدايه الترم الثاني وانتي متغيره شوي و مستواك نزل.. فكثير من المدرسات يقولون انك تسرحين بالحصه و تفكرين باشياء خارج عن الدرس .. فهل عندك مشكله او شئ .. مثلاً عندك مشكله مع صديقاتك بالفصل او مدرساتك .. في البيت كيف وضعك .. يعني ابي اعرف وشفيك بالضبط
بعثرت غدير نظراتها في الارض و ما تدري وش تقول .. طلب المرشده بالنسبه لها محرج و قوي عليها
ابله مي: حطي في بالك الكلام اللي بتقولينه لي سري و ما يطلع لاحد ابداً
هزت غدير راسها .. لاكن للان ما تدري وش تقول .. هل تتكلم ولا تسكت و تقول ما فيني شئ , بس الكل لاحظ تغيرها و نزول مستواها الدراسي ...تنهدت و رفعت نظرها تجاه الابله وشافتها تبتسم لها و تهز راسها تستحثها على الكلام ..
ما قدرت تتحمل اكثر نزلت راسها و تكلمت: يمكن هي مشكله بالبيت ..
رفعته تشوف حال الابله .. فقالت: أي .. كيف وضع البيت .. هل هناك مشاكل امور تصير مضايقتك مره و ما تخليك تذاكرين و تركزين على دراستك
غدير: هي تقريباً مو مشاكل قويه .. بس .. بس .. بس تمر علينا ايام ضيقه ما نقدر نشتري فيها اغراض نبيها , لان ما يصرف علينا في البيت الا اختي الكبيره وهي مدرسه اطفال" تمهيدي" يعني راتبها ما يكفي لاغراض البيت و اغراضنا .. و الفلوس اللي تجي لامي من الضمان الاجتماعي تروح لايجار البيت .. علشان كذا احياناً اضيق من حالتنا و افكر كثير فيها .. افكر يا ابله اني ابطل دراسه و اشتغل حتى اساعد اختي بالمصاريف و اريح اهلي.. بس امي و اختى رافضين هالشئ و يبوني اكمل الثانويه و ادخل الجامعه .. وانتي تعرفين الحين دخول الجامعه صعب يبيله معدل و واسطه .. و انا لو جبت المعدل ما عندي واسطه ..
سكتت غدير و كأن الدموع على اطراف عينها و بتنزل .. فحاولت تقاومها لاكن ما قدرت و بدت تبكي على خفيف
ابله مي: بصراحه يا غدير اهنيك على انسانيتك و تفكيرك بأهلك بهذه الطريقه , الله يعطيك على قد نيتك .. شوفي حبيبتي دراستك لازم تكملينها و لا تفكرين بالواسطه وغيره انشاءالله ربي بيوفقك و يسهل عليك .. اختك الله يعينها مثل ما قدرت تصرف عليكم السنوات اللي راحت انشاءالله بتقدر لين تخلصين الثانويه و ما بقى لك الا سنتين و تساعدينها .. توكلي على الله وربي بيساعدكم .. اهم شئ دراستك ركزي عليها و لا تفكرين باشياء ثانيه , في هالزمن اهم شئ الشهاده اما الشغل خليه لين تخلصين الجامعه وقتها تتوظفين بشهادتك.
غدير: بس ما اقدر اشوف اختي لحالها تتعب علينا و حنا قاعدين بدون شغل
ابله مي: لا انتي مو قاعده .. انتي تدرسين و تذاكرين حتى تحصلين على شهاده و تساعدين اهلك فيها .. و صدقيني دام قلبك على اختك واهلك صدقيني ربي بيوفقك ويسهل عليك .
خذت غدير منديل و مسحت عيونها و هزت راسها بابتسامه باهته تدل على الرضى
ابله مي : توعديني انك تجتهدين وترجعين غدير اللي كنا نعرفها اول .
غدير: انشاءالله
ابله مي: و اعيد اقولك الكلام اللي صار بيننا ما يطلع برا الغرفه .. و أي شئ تحتاجينه تعالي لي وافتحي قلبك .. لا يردك شئ
غدير: مشكوره يا ابله
ابله مي: العفو حبيبتي

قامت غدير و طلعت من غرفه المرشده لدوره المياه تغسل وجهها و تمحي اثار البكاء ..

^^^^^^^^^^^^^^^^^^^^^^^^^^^^^^^^^^^^^^^^^^^

بعيد عن هالمدرسه .. نرجع لمدرسه البنات سما و رنا و اثير .. اختبرت سما مادتها اول حصه و اثير ثالث حصه قبل الفسحه .. سما و رنا من امس قالوا لاخوهم سالم يجيهم المدرسه يستاذن لهم و يطلعون .. لاكن اثير بتظل تكمل اليوم الدراسي كله بعدين تطلع
سما: وليش ما تطلعين معنا .. دام ما وراك شئ
اثير: ما يسمحون .. لازم ولي امري
رنا: قولي لهم ولد عمي وهذولا خواته بنات عمي
اثير: حتى لو .. و الله ما يصير
رنا: طيب لو سالم جاب بطاقه العائله حقتكم و وراهم
سما: يا ذكيه وش دراه شلون بنقوله يمر بيتهم و يجيبها
رنا: أي صح
اثير: خلاص اذا جاء روحوا و انا بقعد لين وقت الطلعه ..
سما: لا عندي خطه .. شرايكم نسويها
اثير: الله يعافيك لا تكون خطه تودي بداهيه .. اعرفك
سما: لا خطه سهله و ما تودي بداهيه .. قربوا اقولكم

الفتوا على بعض و بدت سما تشرح لهم الخطه بوضوح .. و كانت اثير معارضه لاكن رنا اقنعتها و سما بالقوه اجبرتها هالبنت ما عندها شئ مستحيل ... فالمسكينه اثير رضت بالخطه و راحوا ينفذون اول شئ .
جمعت اثير اغراضها و كذلك سما ورنا .. طلعت اثير بشنطتها و عبايتها اللي حطتها بالشنطه و ودتها لفصل سما .. بعدين طلعوا كملوا فسحتهم و هم يدعون يارب سالم يجي قبل ما تخلص الفسحه ..
بلحظات نادوا على سما ورنا استأذان .. فراحوا مع اثير خذوا اغراضهم و اتجههوا للبوابه بسرعه قبل لا يشوفهم احد من الادراه مع اثير لانهم معروفات .. طبعاً مع زحمه البنات في كل مكان و ازعاجهم محد ينبته لأي شئ يصير ..
لبسوا عباياتهم و طلعوا بهالترتيب .. سما و وراها اثير ثم رنا بس كلهم متلاصقات في بعض و سما ورنا فاتحات عباياتهم حتى يسوون تمويه للحارس و ما يلاحظ وجود وحده ثالثه خصوصاً انهم نفس الطول ..
طلعوا بسرعه من البوابه و علطول لقوا سياره سالم بوجههم فــ فتحت سما الباب اللي ورا بحركه سريعه وراحت لقدام فتحت الباب و دخلت .. اما اثير من فتحت لها سما الباب طمرت لداخل السياره بسرعه و وراها رنا و سكروا الباب
سما: امشي بسرعه امش
دعس سالم بنزين و حرك الدركسون و هو مستغرب منهم ومن دخلتهم السريعه
سالم : خير وشفيكم ؟
ابتعدوا شوي عن المدرسه و هم ميتين ضحك
رنا: الحمدلله نجحت الخطه .. ولا انتبه لنا احد
اثير: ااهـ يا قلبي بغى يوقف من الخوف
سالم: وش مسوين .. أي خطه ؟ وشفيكم
سما: هربنا اثير بدون علم احد
سالم: الله .. شلون سويتوها و الاداره ما تدري عنكم
سما: يوم جيت طلعنا بسرعه لبسنا عباياتنا و تزاحمنا حتى ما يلاحظ الحارس و بسرعه ركبنا السياره .
سالم: اصلاً هو وش دراه انكم مو خوات
سما: لااا يا ذكي .. هو يشوف كم وحده بتطلع لانك معطيه دفتر العائله و طالب بس ثنتين سما و رنا .. شلون بنصير ثلاثه
سالم: اهااا .. اجل بلف و ارجعها ..ما عندنا بنات يهربون
رنا: لااا حرام عليك
اثير: و الله انا ما ودي بس سما اجبرتني
سما: احمدي ربك .. قال وشو انا ما ودي يعني نرجعك الحين للمدرسه و غثا الحصص
اثير: لا ..خلاص امزح
ضحك سالم على خبالهم و تذكر ايام الدرسه يوم كان يهرب من المدرسه و كم مره ينصاد بس يرجع مره ثانيه و يطب من الجدار ..
مروا باسكن روبنز و كل وحده خذت لها ايسكريم .. بعدين وصلوا اثير بيتها و هم راحوا لبيتهم ينامون علشان يقومون العصر و يستعدون للروحه .

^^^^^^^^^^^^^^^^^^^^^^^^^^^^^^^^^^^^^^^

في الجبيل ..
احمد و زوجته فاتن و بنتهم جود يتغدون ..
احمد: عساك خلصتي كل شئ .. من طبخ و تجهيز
فاتن: الحمدلله الاشياء المهمه خلصتها بس باقي قلي السمبوسه و السلطات و العصيرات و القهوه يعني اشياء بسيطه تتسوى بوقتها
احمد: اهم شئ ورق العنب يكون خلص
فاتن: هههههه أي حبيبك ورق العنب جاهز , انت بس تامر قولي وش تبي و اسوي لك
احمد: تسلمين يا عمري
فاتن: هاه جود ليش ما تاكلين .. كلي علشان تصيرين كبيره
احمد: كبيره و حلوه زي ماما
فاتن: ياربي منها هالبنت ما تاكل .. بس تلعب بالنعمه
احمد: يمكن مو جوعانه خليها على العصر اكليها
فاتن: من قامت وهي ما كلت شئ الا بس حليب .. و العصر الله يهديك مو فاضيه لها وراي شغل حتى الخدامه بتكون مشغوله في المطبخ
احمد: خلاص انا العصر اخذها و نطلع برا نتمشى .. صح جودو تروحين معاي تتمشين
اكتفت جود بضحكه و اصدرت صوت صغير يعني " أي "

^^^^^^^^^^^^^^^^^^^^^^^^^^^^^^^^^^^^^^



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-03-2009, 07:47 PM
صورة ! غربه الروح ! الرمزية
! غربه الروح ! ! غربه الروح ! غير متصل
©؛°¨غرامي مشارك¨°؛©
 
الافتراضي رد: ضيعتني حسبي الله عليك..حصري


مراح ـــــــــــب يا أحلى غرامــييــن
منورين الصفحه

انتظر تعليقاتكمـ على البارت الاول ..

لا تحرموني من طلتكمـ

تحياتي للجميع



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-03-2009, 01:11 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: ضيعتني حسبي الله عليك..حصري


,’



بسم الله
و عليكــم الســلآم و رحمة الله و بركــآته


يعطيك العـــآفية
موفقه إن شـــآء الله



,’



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 29-03-2009, 08:06 PM
صورة ! غربه الروح ! الرمزية
! غربه الروح ! ! غربه الروح ! غير متصل
©؛°¨غرامي مشارك¨°؛©
 
الافتراضي رد: ضيعتني حسبي الله عليك / حصري


و عليكمـ السلامـ

هلا بكـ يا الزعيمه .. يسعدني وجودكـ يا الغلا
و تسلمين على هالطله الحلوهـ

دمتي بود

::

::


انتظر تعليقات الباقي , ان كان عجبتكم انزل البارت الثاني

تحياتي للجميع



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 29-03-2009, 09:27 PM
صورة &ضنانى الشوق& الرمزية
&ضنانى الشوق& &ضنانى الشوق& غير متصل
©؛°¨غرامي فعال ¨°؛©
 
الافتراضي رد: ضيعتني حسبي الله عليك / حصري


شكل القصه رائعه سجلينى من متابعينك بس لاطولين ابتنزيل البارتات <<تتشرط


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 29-03-2009, 11:19 PM
صورة ! غربه الروح ! الرمزية
! غربه الروح ! ! غربه الروح ! غير متصل
©؛°¨غرامي مشارك¨°؛©
 
الافتراضي رد: ضيعتني حسبي الله عليك / حصري


يالله ان تحيها ضنانـــي
منورهـ

و من اليوم اعتبري نفسكـ من اهل البيت << وش دخل !
هع



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 29-03-2009, 11:55 PM
صورة copy twins الرمزية
copy twins copy twins غير متصل
©؛°¨غرامي مجتهد¨°؛©
 
الافتراضي رد: ضيعتني حسبي الله عليك / حصري


بدايه حلوة تسلم ايدك
وتصبحي علي خير
سي يو بالقادم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-03-2009, 12:28 AM
صورة ! غربه الروح ! الرمزية
! غربه الروح ! ! غربه الروح ! غير متصل
©؛°¨غرامي مشارك¨°؛©
 
الافتراضي رد: ضيعتني حسبي الله عليك / حصري


مرحبا بكـ " قلب طيب "
تسلمين على الطله
و انتي من اهل الخير يارب
:)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-03-2009, 08:54 PM
صورة ! غربه الروح ! الرمزية
! غربه الروح ! ! غربه الروح ! غير متصل
©؛°¨غرامي مشارك¨°؛©
 
الافتراضي رد: ضيعتني حسبي الله عليك / حصري


*الجزء 2*

بعد المغرب .. الكل في غرفته يلبس و يجهز لروحه الجبيل عند احمد و فاتن .
دخلت سما على بدور تركض و تطلب المساعده : بدور .. بدور بسرعه بليييز عندك ابره و خيط
بدور: ليه وش اللي انشق
سما: زرار البلوزه طاح .. بسرعه بعطي الخدامه تسويه
بدور: طيب أي لون تيبن
سما: شرايك يعني احمر .. ابي اخضر طبعاً
بدور: زين لا تنافخين ..
شوي دخلت عليهم رنا مرتبشه
_ احد يسكر لي السحاب .. اخاف ينفرط
سما: خلي بدور تسكر لك انا مشغوله
بدور: يووه منكم .. تعالي اشوف
رنا: شوي شوي عليه
بدور: وشفيك انتي سمنتي فجأءه
رنا: وش اسوي .. ما اقدر اقاوم الاكل
بدور: خلاص سكرته
رنا: اريغاتو >> " شكراً بالياباني".
و طلعت لغرفتها تكمل زينتها ..

تحت بالصاله ابو سالم يناديهم : يالله يا بنات ترا قرب ياذن العشا
ام سالم وهي نازله : انا خلصت بس باقي بناتك ... وين سالم ما اشوفه
ابو سالم : في المحل عنده شغل .. بيخلصه و يلحقنا ...وينهم هالبنات الله يهديهم نبي نطلع قبل اذان العشا حتى ما نتاخر بالوصول

^^^^^^^^^^^^^^^^^^^^^^^^^^^^^^^^^^^^^^^^^^

اثير تحط الميك اب .. و ترسم عيونها بالكحل , الا دخل عليها مهند
مهند: هااي .. خلصتي
اثير: ما بقى شئ .. بس الميك اب
مهند: وااو طالعه حلوهـ .. ما يمديني انا
اثير: ههههههه قول لا اله الا الله
مهند: تفووو لا اله الا الله ...
اثير: تعال بحط لك شئ
مهند: وشو .. لا تشوهين وجهي
اثير: لااا .. تعال بس
قرب منها و خذت اثير فرشاه البلاشر و رشت على خدوده و وزعته على وجهه
مهند: هييييييييه لو يشوفني ابوي لا يغسل وجهي بكلوركس
اثير: ههههههههههههه .. بالعكس طالع حلو .. كأنك نونو
مهند: صدق ... اجل خلاص اذا جيت بقابل خويتي حطي لي ميك اب
اندهشت اثير من اخوها على كلامه و ما ردت , هو حس بدهشتها فضحك على شكلها المتنح
مهند: ههههههههه .. وشفيك متنحه
اثير: لا ولا شئ
مهند: هههههههههههههههههههههاااااي .. صدقتي مع وجهك وش قالوا لك
اثير: مدري عنك .. فاجاتني بهالكلام
مهند: خخخخ .. يالله بس خلصي ترا انا اللي بوديكم
اثير: بابا و خالد متى بيروحون
مهند: مدري عندهم شغل بيخلصونه ويجون .

^^^^^^^^^^^^^^^^^^^^^^^^^^^^^^^^^^^^^^^^^^^^

قاعد احمد يلعب جود و يسولف معها لان فاتن قاعده تلبس و تتجهز .. ناظرت نفسها بالمرايه من فوق لتحت , خلاص كل شئ تمام و حلو .. خذت العطر و رشته على جسمها و طلعت لزوجها و بنتها
كان احمد منزل راسها و يلعب مع جود الا دخلت فاتن و قبل لا يرفع راسه شم ريحه عطر مرره حلوهـ و عرف ان زوجته خلصت
فاتن: هاااه وش تسوي حبيبتي مع حبيبي
رفع احمد راسه بالتدريج وشاف فاتن اللي قدامه من تحت لفوق .. كانت روووووعه على بساطتها و نعومتها الا ان شكلها له طعم و حلاوهـ
انبهر احمد منها مررره لدرجه ما تكلم ولا قال شئ حتى التفكير ما كان يفكر بشئ , اللي قدامه اسرت قلبه و بحلاها ضيعت الحروف من لسانه
فاتن: حمودي وشفيك تناظرني كذا .. فيني شئ غلط
احمد: هاااه .. لا بالعكس طالعه تجننين
فاتن: و الله .. ( دارت على نفسها بخفه ) .شرايك !!
احمد: الله يحفظك لي يا قمر .. وش اقول وش اخلي كلك على بعضك تهبلين , روووووعه
قربت منهم فاتن و قعدت جمبه : كل هالحلا اللي فيني ماخذته منك ياقلبي
صارت فاتن قريبه من احمد فاخذ يتاملها و كانه لاول مره يشوفها .. وهي استحت من نظراته القويه و شكله المتنح كان يضحك
فاتن بدلع: حمودي خلاااص يكفي نظرات نزل عيونك شوي
احمد: أي خلاص .. و الله ما اشبع منك لو بعد قرن ..حياتي انتي , شرايك نأجل العزيمه و نطلع سوا نتعشى
فاتن: ههههههه من جدك .. تلقاهم جايين بالطريق .. عمري ولا يهمك بكره الخميس نطلع سوا نتغدا و نتعشى و اللي خاطرك فيه على عيني وراسي
احمد: بشرط
فاتن: امر
احمد: بنتنا الحلوه ما تجي معنا .. ابيك لحالك وبس
فاتن: هههه حرام تقعد لحالها ... اكيد بتفقدنا
احمد: حرام عليك انتي .. تعورين قلبي بحلاك .. قلت لك بكره انا وانتي وبس
فاتن: اوكي .. انا و انت و الهوا يجمعنا
احمد + فاتن : ههههههههههههههههههههههههه.

^^^^^^^^^^^^^^^^^^^^^^^^^^^^^^^^^^^


في طريق الجبيل –الدمام السريع ..
وقف ابو سالم باحدى المحطات لانه اذن العشا ويبي يصلي ما يحب ياخر صلاته ..
ابو سالم: انا نازل اصلي .. انتظروني ولا تهربون
ام سالم: الله يهديك وين بنهرب في ذا البر
ابو سالم: ههههه مدري عنكم حريم اعرفكم ما تقرون بمكان .
ام سالم: ههههههه لا لا تخاف بننتظرك لين تصلي و تخلص .. ادعي لنا بس

في هدوء السياره .. يصدر صوت دق و اغاني خفيف مره و اللي يركز على الصوت يعرف انها اغنيه اجنبيه و مصرقعه بعد ..
ام سالم : تسمعون هالصوت .. من هاللي ما يستحي مشغل اغاني وقت الصلاه .. الله يهيدهم بس
بدور + سما : ههههههههههههههههههههههههههههههههاااااااااااااااااا ااااااااااااااااااي
ام سالم : وشفيكم .. قلت نكته
هالثنتين مستمرات في الضحك من قلب , و بدور تمسك دموعها لا تنزل و يسيل الكحل
طبعاً رنا كانت في عالم اخر ما تدري وش يصير
بدور : يمه ... ههههههه ما تدرين من وين هالصوت
ام سالم :وش يدريني وانا قاعده بالسياره
رجعوا مره ثانيه يضحون على حسن نيه امهم ما تدري ان الصوت صادر من ورا .. عند وحده مجنونه اسمها رنا
سما: يمه كأنك ماتعرفين من راعي هالحركات و اللي كل مشوار معلق السماعات باذنه يتسمع للاغاني
بدور: لفي وراك وتشوفين مين
التفت ام سالم للمقاعد اللي ورا و شافت بناتها الثلاث ..لاكن الثالثه اللي هي رنا تناظر من الشباك على الشارع و تهز راسها يسار و يمين
ام سالم : ههههههههههههه ..رنووو نزلي السماعات الله يهديك
بدور: ما تسمع .. معليه الصوت
سحبت سما السماعات من اذنها ..
رنا: خير وشفيه
ام سالم : انتي وش هالصوت مره عالي ترا بيأثر على اذنك
رنا: يمه عادي متعوده
ام سالم: سكري هالشئ .. الناس تصلي حرام عليك
رنا: اوكي .. انتي يا الخبله قطعتي علي الجو اللي دخلت فيه مع بلو
سما: عسى تستاهلين ... وانتي كل مشوار ماخذه الــ I pod و معلقه السماعات باذنك .
رنا: كيفي وش دخلك
سما: يمه تخيلي ..جتها فتره بنتك تاخذ الجهاز معها الصبح وحنا طالعين للمدرسه تتسمع فيه واذا وصلنا تحطه بدرج السياره علشان وقت الرجعه في الظهر .. الين ما كشفها سالم و هاوشها
ام سالم : زين سوا .. لو دريت كان رميته من الشباك
رنا: ما سمعتوا فيروز وش تقول الغناء سر الوجود
بدور: ما تدرين ان كثرته يقسي القلب .. يعني يصير ما تتاثرين بالموت و امور الدين
رنا: جد
بدور: أي و الله .. قللي منه مو 24 ساعه طق و طقيق
رنا: خلاص اجل و الله بقلل منه دامه يقسي القلب ..
ام سالم : الله يهديكم يا بناتي و يستر عليكم
الكل : امين
همست سما : و يزوجنا بولد الحلال
بدور: امين
رنا: لا انا توني ما بقول الحين .. لين القى رجلي المناسب
سما: عااد انتي بدور اكيد من قلبك بتقولين امين
بدور: اشششش لا تفضحينا
سما + رنا: هههههههههههههههههههه
غنت رنا : ياللي عشقتك ابي العشره .. و الله ابي عشرتك ياللي .. القلب لك شارح (ن) صدره .. و عـن هوا غيركـ مولــي ..
ضربتها سما على فخذها : يا غبيه تونا نحكي عن الاغاني و الناس تصلي
رنا: اووهـ نسيت.. استغفر الله .

^^^^^^^^^^^^^^^^^^^^^^^^^^^^^^^^^^


على الساعه 9 الكل وصل لبيت احمد و فاتن .. الرجال بمجلس الرجال يتقههون و يسولفون .. و الحريم ايضاً بمجلس الحريم ياخذون اخبار بعض ..في جهه ثانيه قاعدين فيها البنات بدور و سما و رنا و اثير و معهم رشا اخت احمد ..
كانت السوالف قائمه بينهم و الضحك .. بين فتره و فتره ترمق رشا رنا بعيونها و اذا التفت رنا لها وخرت عيونها بسرعه .. واستمر هالحال لفتره .. كانت رنا تبي تحش فيها وتقول لــ سما و اثير عنها بس ما قدرت وظلت ساكته منزعجه من نظراتها الخفيه ..
بدور: وش مسويه بالدراسه
رشا: و الله ماشيين .. قربت السنه تخلص و نفتك
بدور: أي من جد
سما: اقول رشا .. كم باقي لك و تخلصين
رشا: باقي لي سنه ..
سما: اهااا و بعدين تصيرين مدرسه
رشا: أي ... بس ما بقعد بكمل دراستي في الخارج
بدور: احسن لك .. الحين البكالوريوس ما يسوي كل شئ
سما: ماشاءالله و وين بتروحين ولا ما بعد قررتي
رشا: يمكن الامارات بدخل "دبل ميجر" و اصير بزنس وومن
سما: اوووه مره حلو .. الله يوفقك
بعد ثانيه من السكوت قالت رشا موجهه كلامها لـــرنا
_اقول رنا من وين شاريه فستانك هذا ؟
رنا: فستاني ..من مكس
رشا: من مكس !!! ..
رنا: أي ..ليش مستغربه
رشا: لاااا على بالي من برا او محل اكثر فخامه
رنا: لا شريته من مكس .. بــ 300 بعد
رشا: اهاا
دخلت سما بالنقاش لانها عرفت وش مقصد رشا من السؤال
_ ترا مو شرط السعر ولا المكان .. اهم شئ انه حلو و مناسب ..
رشا: أي صح .. بس مكس انا اشتري منه علشان الكليه و جمعات الاهل .. اما لعزيمه كبيره او حفله لا طبعاً .. اقل شئ اخذه بألف
بدور: لا شدعوه .. ما تهمني القيمه .. عادي لو اخذ للعزيمه شئ بــ 100 او 200 اهم شئ حلو
رشا: هذا انتوا اما انا غير .. كل وحده و لها اسلوب و شخصيه

سكتوا البنات حتى ما تكبر السالفه السخيفه .. الا سما ما سكتت قالت وهي تصطنع الــبراءه
_اممم طيب لبسك هذا من وين ؟
الكل وجههوا نظراتهم لها .. يعني اسكتي وش هالسؤال
رشا: كل قطعه لحال .. و اغلاهم الجاكيت حتى ماما قالت لي لا تاخذينه بس عجبني وانا اذا عجبني شئ لازم اخذه
سما: اهاا وبكم ؟
رشا: الجاكيت بــس بــ 2105 ريال .. لان تدرين الفرو له قيمته على انه خفيف بس غالي
سما : 2105 لجاكيت واحد بلبسه مرتين ثلاث و بصرفه , بهالقيمه بشتري لي اغراض ازين بها غرفتي باحسن شكل و بقعد فيها فتره طويله وانا مستانسه
رشا: لااااااااااااا ... غرفتي شئ ثاني .. انا عندي الملابس اهم
سما: هههههه يعني غرفتك حوسه
رشا: لا مو حوسه بس ما اتكلف فيها مره .. ملابس اهم
سما: الله يعين اجل ..

غيرت بدور مجرى الحديث و فتحت موضوع ثاني عن الاكل .. لانه ما بيكون فيه اصطدامات كثيره مثل اللي صار قبل شوي ..
هذه رشا اصطداماتها كثيره مع الناس..ما كفت فاتن زوجه اخوها و اختها اثير حتى لفت على بنات عمهم بدور وسما ورنا .. و الا تبي تبين لهم انها مو اقل منهم و تقدر تجاريهم في كل شئ .. مع انهم ما فكروا بهالشئ و ما حطوا في بالهم ان هي اقل منهم ولا اعلى .. هذه مظاهر ما تهمهم لان اللي يهتم بها و يطالع الناس و يقارن بيتعب .

^^^^^^^^^^^^^^^^^^^^^^^^^^^^^^^^^



يتبـــع


الرد باقتباس
إضافة رد
الإشارات المرجعية

ضيعتني حسبي الله عليك / كاملة

الوسوم
الله , حسبي , عليك..حصري , ضيعتني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لعبة النمر الوردى .. كاملة و حصريا mrtawfik العاب - مسابقات 6 04-02-2011 10:46 AM
برنامج Nokia PC Suite Arabic لإدارة جوالات نوكيا كاملة والتعامل معها moamen0010 برامج الجوال - ثيمات - نغمات 5 01-05-2009 05:55 AM
طفل عمره سنة يرعب عائلة كاملة sad girl قصص - قصيرة 9 19-02-2007 12:14 PM

الساعة الآن +3: 08:41 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم