اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-03-2009, 02:40 PM
روح زايــــد روح زايــــد غير متصل
✿ إدارة الإقسام ✿
 
لإنها لن تعود / الكاتبة : قلب دبي ، كاملة


قصه للكاتبه *قلب دبي*

مقدمه القصه


هناك ،،

كانت الرؤية واضحة،،

ساحقة ،،

و حارقة ،،،!!

وهناك ،،

شعرت بأنني لا أملك إلا القليل،

الهزيل،،

الممل الطويل ///!

إلى هناك ،،

مشيت وأنا أبحث عنهم ،

ضاعت خطاهم،

وساروا أدراج الرياح ،،!!!

ثم هناك ،،

بكيت وبكيت عليهم ،،

وأي ذنب اقترفته نحوهم ،،

هل حبهم جريمة ؟

أم صدق مشاعري هزيمة ؟؟

هنا ،،

أسكب دمعتي اليتيمة إليكم،

نحوكم ومنكم وفيكم ،،

هي لكم،

وليست لي أبداً،

قطعاً لا أريد أن أعترف بهذه التحفة،،

لكم الرأي السديد في إبداء ما ترغبون ،،

عودة بعد غياب طويل جداً،

كان تفكيري فيه منحصراً في فكرة جديدة،

لا أعلم إن كانت موفقة ،

ولكن ما أعلمهُ جيداً أنكم

هنا ،،

و

هناك ،،

كي تؤازروني في ملحمتي الشائكة،

متجسدة بإيماني بهذا المبدأ :

[ لا أحد يستطيع إهانتك إلا بمساعدتك ].

هنا أخيراً ،،

قد تكون آخر نزف أدبي لي،،

وقد تكون بداية المنعطف،،

ومنهل المفترق الحي الذي أحدثكم فيه،،

ومن يعلم الغيب فينا ؟؟



¨°•√♥ لأنها لن تعود ♥√•°¨



أول قصة أطرحها إليكم بعد تفكير مطول،

وتردد كبير جداً،،

وخوف من ان تكون "مجرد رواية"..

ومع هذا فهي الآن بين أيديكم،

تتحرق شوقاً لسماع آرائكم ،،

فهل ستنصفوني ؟!!







¨°•√♥ لأنها لن تعود ♥√•°¨


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-03-2009, 02:43 PM
روح زايــــد روح زايــــد غير متصل
✿ إدارة الإقسام ✿
 
الافتراضي رد: لانها لن تعود للكاتبه قلب دبي كامله


(0)

ضحكن بقوة عليه وهو يقول باستهجان : what ????!!!!!!...

وهمست وحدة : فديت هالفلبيني والله ...



" نظرت إليهن وهن يتضاحكن بشدة عليّ، ألهذه الدرجة أبدو مهرجاً بلباسي الغريب ؟ أم أنني (هجين) بين طراز من جنسية أخرى لوني يختلف 100% عنهم !! "




مشى عنهم وهو يسمع همساتهن وسمع ع الطاير وحدة تقول : يا الله ترزقني بواحد يشبهه بس مواطن هههههههههههههههه ...

كانت أجواء الطيارة مشكلة ضغط نفسي عليه ويا ضغط هالشلة التافهة وحسسه ان كل شي غبي هو يالس يسويه،

وصل غرفة الاستراحة ، تأكد من خلوها .. ومن عقبها ///

سند ظهره ع الكرسي وهو يفكر بتمعن : يا ترى كم بيلس أتحمل هالوضع، هذا أول يوم لي وانا مب قادر أتحمل ؟؟ كيف يا ربي أتحمل وأنا يعاملوني كـ "فلبيني" دخيل شكله يثير الاستغراب،

تجاهل نظرات المضيفة سنا اللي ابتسمت له ويت بتناديه : مستر ســـ...... !!

لكن ضاع كلامها بعد ما قرر إنه يتوجه لغرفة الطيار حمد نفسه، ع الأقل يقدر يقوله اللي في قلبه ..

/

صد عليه الطيار حمد بابتسامة : هلا سعود .. شو رايك بالرحلة من بدايتها ؟

سعود تنهد بقوة : والله انها كانت تمام ولو انها متعبة وايد ويا طلبات الركاب، بس اللي قهرني شلة من بنات البلاد تمن يعلقن عليه وع شكلي اللي يسمع ما استوى مضيف ريال غيري ف هالدنيا ..

حمد : هههههههههه ما عليه لازم ما تزعل لان اصلاً جنسيتك المعلقة ف اللافته ع صدرك ما تساعد ان جيه يكون شكلك ..

سعود : ما عندكم لافتة واحد هندي .. يمكن في مجال يشبهني ههههههههههه ..

حمد : لا والله هههههههههههه .. ما علي هالرحلة ما حصلنا بس الرحلات الياية ان شا الله بتحصل..

سعود : ان شا الله ..

حمد : ع فكرة باجي لنا ربع ساعة ع الوصول.. فسير خبر الركاب يلبسون الأحزمة ..

سعود لوى بوزه : بعد بجابل شيفتهم ؟؟ خلاص ولا يهمك ..

ابتسم له الطيار حمد، وصد ع الطيار المساعد : احمد ربك انك طيار مب مضيف ههههههههه ..

/

" وصلت طيارة الإمارات وحطت على ديار ألمانيا، كانت الرحلة متعبة، ولكن التعب اختفى حين سمعت صوت ارتطام إطارات الطيارة بـ أرض ألمانيا، لم أنجز شيئاً للمشروع أبداً، وليتني استطعت أن أقوم بشيء، لقد وقفت طيلة الوقت أراقب ما سيحدث من جراء نظرات الناس لي "

بعد ساعتين من خلو الطيارة، نزلوا الطاقم الفني، مع المضيفين والطيارين، ولاحظ سعود مدى ترحيب شرطة المطار بـهم وكأنهم رؤساء دولة أو ناس لهم مكانه مرموقة، باختصار كانوا وكأنهم يمشون والناس تطالعهم على أساس انهم (V.I.P) !! ..

انفصل سعود عنهم ولاحظ ان سنا المضيفة كانت تطالعه بنظرات لوم لانه طول الرحلة كان مطنشنها،

سعود فيه نقمة عودة ع الجنس الناعم سببتها ....... أميرة ، لكن منو أميرة ؟؟

/

وصل الفندق وهو يتساند بقوة ع السرير،

مر ع باله طيف خليفة ربيعـه ، وسنده اللي ما رام يآزره ف هالمحنه ..

وتذكر أمه اللي ماتت من الصياح يوم عرفت انه بيسافر ..

تذكر أخوه "سالم" اللي الكلى متعبتنه .. وولده مطر .. وبنته مريومة ..

وابتسم على طاري اخته خلود ..

لكن سرعان ما تضايج لأن خلود مصيرها مرتبط بمصير أميرة ...

يقول عن أميرة خاينة ؟؟ مممم يمكن ،، او يمكن ينعتها بالـ جذابة، لكن أميرة اسم على مسمى / كانت أميرة حالمة، وأحلامها كانت فوق... فوق وااايد .. بس سعود مب قدها !!

عقد حواجبه وهو يفكر بعقل،

أميرة لو كانت تحبني ما رضت إني أنهان !!

وأي إهانة شنيعة حصلتها منج يا بنت أمج وابوج ؟؟؟؟؟؟؟؟

/


قالها فـ قرارة نفسه : تذكر يا سعووود ؟!!!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-03-2009, 02:46 PM
روح زايــــد روح زايــــد غير متصل
✿ إدارة الإقسام ✿
 
الافتراضي رد: لانها لن تعود للكاتبه قلب دبي كامله


(1)

دش البيت وتم يزاعج بقوة : اميييييييييييييييه .. اميييييييه وينج ..؟؟

يت امه تركض وهي ظاهرة من المطبخ التحضيري وايدها ع قلبها : بسم الله بسم الله .. ها ها شو مستوي ؟؟؟ شبلاك تزاعج ؟؟

ابتسم سعود وحب راسها : امييييه توظفت اخيراً توظفت ..

أمه طالعته وهي مب مصدقة : احلف .. احلف بس انك توظفت ..

سعود وهو طاير من الفرحة : والله اني توظفت .. والله ...

ام سعود : وين وظفوك ؟؟

سعود : في فندق .........

ام سعود : فندق عاد ؟؟ ما حصلت وظيفة حكومية ؟

سعود : يلا عاد اميه الحمدلله لقيت وظيفة..

ام سعود بارتياح : الحمدللــــــه ع كل حال .. عاد الحين ما باجي الا العروس ..

سعود وطاري العروس ع باله : انزين خلني اسير ابشر خلووود ..

ام سعود ابتسمت بخبث : خلود ولا ربيعة خلود ؟؟؟!!!!!

ركض ولا جنه سمعها وركب فوق صوب حجرة خلود ..

دخل عليها بدفاشة وهي نقزت من صوب الباب : بسسسسسسسسسسسسسسسم الله .. (طالعت سعود اللي يبتسم بنصر) ايه ايه شوي شوي في شي يسمونه استئذاااااان .. ما علموكم في المدرسة ؟

سعود بكبرياء : عدال عدال يا ام الاتيكيت شوي شوي ..

خلود : لا عدال انته عن يطيح نصك ..

سعود : جب جب .. شو تسوين يالسة روحج ؟

خلود : ماشي والله يالسة ألعب بالموبايل واطرش مسجات حق ربيعاتي ..

سعود : انزين ما باركتيلي ..

خلود باستغراب : ع شو يا حسرة ؟

سعود : توظفــــــــــــــــــــــــــت ..

خلود بصدمة : احلف !!

سعود : ههههههههه شبلاكم محد طايع يصدقني ..!!

خلود : لاه لاه لاه .. بعد 3 سنين انتظار .. حصلت الوظيفة .. كلللللللللللللوش ..

سعود : اح اح نشكر تعاونكم معنا الصراحة ..

خلود : ووين توظفت ويا هالراس ؟

سعود : في فندق ..........

خلود : اونه اونه 5 نجوم .. وناوي تتم ع هالوظيفة على طول ؟

سعود : مممممم الصراحة مادري .. بس الحين احمد ربي اني حصلت وظيفة ..

خلود : هي والله صدقك .. الواحد هالايام ما يحصل الوظيفة الا بطلعة الروح او بالواسطة ، بس تعال جوف الأجانب، بس لان اسمه اجنبي يسوونه خبير ويوظفونه على طول ..

سعود يطالعها باستهزاء : اشتغلت راعية السياسة.. انزين سكتي احسن لج ..

خلود : تغار لاني مثقفة ..

سعود : اقص ايديه اذا انتي مثقفة .. يلا بلا رمسة زايدة واتصلي بـ أمورة بسرعة ..

خلود : منو أمورة بعد ؟

سعود : أميرة.... ربيعتج اميييييرة .. افففف منج ..

خلود : ههههههههههههههه .. توني مسكرة عنها ..

سعود : ردي اتصليبها وخبريها اني توظففففففت ..

خلود : انزين اصبر ..

اتصلت لـ أميرة وهي ميتة من الضحك على سعود اللي متشوق بس يسمع ردة فعلها ..

بعد محاولاااااااات عديدة وافقت تحطه ع السبيكر ..

أميرة : هلا خلود ..

خلود : هلا اميرة شحالج ..

اميرة : مسرعج اشتقتيلي توج مسكرة عني ..

خلود : هههههههههه لا ماشي بس يايتنج ببشارة ..

اميرة : خير ان شا الله ؟؟

خلود : اخويه سعود توظف ..

اميرة : اووونه .. يستاهل اخوج كل خير ..

سعود ياه احباط من ردها البارد ويلس يأشر لـ خلود ..

خلود : مشكورة وما قصرتي ..

اميرة : ووين وظفوه دام تخصصه ع قده ؟

سعود تغيرت ملامحه !!

خلود : ف فندق ........

اميرة : فندق ؟؟؟؟؟؟؟؟؟؟؟؟؟؟؟؟ (صخت شوي) انزين ؟؟

خلود : شو انزين .. بس ييت اخبرج ..

اميرة : انزين قلت لج مبروك شو المطلوب مني الحين ؟

خلود : اميرة بلاج جلبتي علي ؟؟

اميرة : لا صج يعني تبين شي الحين لاني بسكر ..

خلود: لا والله ؟؟ ( شلت السبيكر ) انتي شو تقصدين ؟؟

سعود انقهر : خلود حطي ع السبيكر !!

خلود سوت له طاف وهو على طول حط ع السبيكر ..

أميرة كانت ترمس : اخوج يبا يشتغل مضياف للساير والراد لان تخصصه في الضيافة الفندقية.. وانا سألت وعرفت ان راتبه ما بيكون اوكيه لان كل اللي يشتغلون مهندة و... فهالتخصص !!

خلود شلت السبيكر للمرة الثانية : اميرة انتي شو تقولين هاي مب رمستج اللي اعرفها ،، انزين وبعدين ؟؟ ،، لا والله ؟؟ ،، والحين ما اشتغل في الحكومة خلاص يعني مفتشلة منه ،، انزين خلاص انسي عرضه مثل ما هو نسى ،، نحن ميتين عليج ؟؟ ،، عدال من زينج ولا من زين شيفتج ؟؟،، مليووون ؟؟ هي اجوف الخطاطيب مكودين في بيتكم ،، والله اخويه بيحصل لانه عارف قدر نفسه مب انتي،، ذلفي ذلفي ..

نش سعود بانكسار وهو يفكر بردة فعل اميرة البايخة !!

ظهر من الحجرة وهو مطنش خلود اللي يلست تزقره لكن من دون فايدة ..

قفل باب حجرته عليه، وزخ موبايله بقوة واتصل ع (خليفة) ربيعه ..

خليفة : هلاااااا بو خلوووف ..

سعود : هلا !!! ،،

خليفة : ها بشر شو قالولك الأهل ؟؟

سعود : ماشي فرحوا لي وباركوا لي ..

خليفة : فرحوا لك وباركوا لك وجيه ترمس ؟؟

سعود ما علق ....

خليفة : اييييه سعودوو شبلاك ؟؟

سعود : ما فيه شي ..

خليفة : لا تخبل بي ارمس ولا بظهر لك من سماعة التليفون وبظربك ..

سعود : اوووه ما فيه شي ..

خليفة : امك قالت لك شي ؟؟

سعود : لا ..

خليفة : اختك ؟

سعود : لاء ..

خليفة : عيل اخوك ..

سعود : قلتلك لاء ..

خليفة : منو عيل .. (شهق) رمست ابوك ..

سعود : لا ما رمسته .. خلاص من الآخر رمست اميرة ..!! ارتحت ؟؟

خليفة : لا تقول لي انها ما تبا الوظيفة ..

سعود : هيه .. تقول انها تفشل ..

خليفة : انزين ؟

سعود : بس .. افكر اودر الوظيفة ..

خليفة : لا والله ؟؟

سعود : بس المشكلة الثانية ان اختي تضاربت وياها وهددتها..

خليفة : تدري عاد ؟؟ زين سوت فيها اختك ..لان هاي طماعة .. اموت واعرف شو اللي يفشل في الوظيفة ؟؟ ليش الناس تعايب ع شغله انته بتشتغلها وبتتعب فيها بعرق جبينك ؟؟

سعود : لا تنسى اني بيلس أضيف الناس و .....

خليفة : بتستوي حرمة مثلاً ؟؟

سعود : ما قلت جيه بس يعني هاي الشغلة للحريم ..

خليفة : وشحقه من الاساس اخترت هالتخصص عيل ؟؟

سعود : توني عرفت انه يفشل ..

خليفة : اسمح لي اقولك انك حمار ..

سعود : نعم ؟؟؟!!!!

خليفة : هيه حمار .. وحمار عود وعنده جحشين بعد .. عيل حد ياخذ بشور حرمة ؟

سعود : بس انا اخترتها وقلبي تعلق بها ..

خليفة : عدال يا قيس.. انا اعرفك عدل انته ما حبيتها ولا شي بس لانها عطتك ويه وانته ما تنعطى ويه ..

سعود : خليفة مب جنك يالس تغلط علي ؟؟

خليفة : لانك غبي ويبالك ضرب بعد ..

سعود : لا والله ؟؟ وشو الحل ؟

خليفة : الحل الوحيد انك تنسى هاي اللي يسمونها اميرة، خذ لك ملكة احسن هاهاهاهاهاها ..

سعود : تستخف بدمك اونك ؟ والله مب فايج لك ترى بسكر ف ويهك ..

خليفة : ياخي ابغي اغير جو .. انزين خلاص .. انسى أميرة وريحنا ..

سعود : هذا اللي بيخليني اتينن اليوم .. يا خي شقااااايل انساها !!!

خليفة : انا بصراحة من جفتها هاك اليوم تسلم عليك ف المول ما ارتحت لها سبحان الله،

سعود : لو سمحت لا تغلط عليها ..

خليفة : سعود خلك عاقل شوي.. وحدة تباك تيلس عاطل عن العمل عشان بس ما تشتغل شغلة راتبها ضعيف ؟؟ شو هالمنطق .. هاي ما تبا مصلحتك وهاي أنانية بعد !!

سعود : معقولة تفكر جيه ؟

خليفة : يا خي ما سمعت المثل اللي قاله جورج عطا الله (يا مأمن النسوان مثل الماي في الغربال)

سعود لا إرادياً ضحك : ههههههههههههههههههههههههههههههههههه حسبي الله عليك الحين ها مثل ؟؟

خليفة : شسويبك احاول اخفف دمي عشان تضحك ..

سعود : ويا هالويه ..

خليفة : المهم الحين ع شو رسيت ؟

سعود : بتم ف وظيفتي وبجوف أميرة يمكن قالتها بدون قصد ..

خليفة : المهم بتم صح ؟

سعود : ان شا الله ..

خليفة : انزين لا تنسى عيل موعدنا باجر في الفندق ..

سعود : افا عليك .. ^^ ولا يهمك ..

/

في الفندق ..

د. عيسى : حيا الله خليفة وسعود، مبروك ع الوظيفة .. عاد ان شا الله تكونون قدها ..

خليفة + سعود : ان شا الله ..

عيسى : بس ابغي أخبركم ان اللي تم قبولهم في الوظيفة وانتوا منهم عشرة أشخاص..

خليفة بغباء : هااا ؟؟

سعود باستغراب : يعني عشان جيه قبلتونا نحن مع بعض ؟

عيسى : تقريباً، بس على فكرة اللي يوا وتقدموا كانوا حوالي 25 شخص وقبلنا منهم 10 ..

سعود : وكلنا بنتوظف مرة وحدة يعني ؟

عيسى : الظاهر ما فهموكم آلية اختياركم والتحاقكم بالوظيفة يا أخ سعود ..

خليفة : نحن اللي عرفناه انكم قبلتونا على اساس ان بنتوظف في قطاع الضيافة الفندقية وهو تخصصنا،

عيسى عقد حواجبه : وما خبروكم ان قبولكم مبني على أساس شرط ثاني ؟؟

سعود : محد خبرنا بشي ..

عيسى : عموماً ما راح أي شي عليكم، وع الساعة 12 بيكون هناك اجتماع مع كل المقبولين العشرة وبنفهمكم المسألة بشكل أوضح ..

سعود وخليفة : ان شا الله ..

/

خليفة: اييييييه .. صدق اللي قال .. ( أنا جامعي، وليت حظي جـا .. معي !! )

سعود : اسكت دخيلك ولا تتفلسف، بعدين شحقه مب متفاءل، يمكن سبحان الله يقبلوننا نحن بس،

خليفة : انته ما سمعته شو يقول، نحن مبدأياً قبلونا بس، وانا اقووول شو السالفة قبلونا ويا بعض،، مب العادة ان نكون ويا بعض ..

سعود : يا ربي هاللي بيرفع اللي الضغط والسكري .. اسكت اسكت وخلني أفكر ف رمسة الريال ..

خليفة : ليش خطبك وانا مادري ..

سعود بإجرام : اسكت احسن لك ..

خليفة بمرح : هههههههههههه انزين ..

/

في غرفة الإجتماعات بالفندق،،

د. عيسى : أحب أرحب فيكم جميعاً، واهنئكم على تخطيكم أول عقبه في مجال التوظف في فندقنا،

شرات ما تعرفون نحن قطاع يشجع بالدرجة الأولى توظيف المواطنين، وهذا اللي خلانا نختاركم انتوا، وبصراحة ومما لا يخفى عليكم ان المتقدمين كانوا متراوحين بين عرب وأجانب ومواطنين، اخترنا المواطنين كلهم واللي هم انتوا، 10 مواطنين بالضبط، ما يعني ان نسبة المواطنة ارتفعت لـ 40% ولله الحمد،

خليفة يهمس لسعود : وايد يتفلسف ها .. ما سمع اللي يقول ( اذا كان الكلام من فضة فالسكوت من ألماس!!)

سعود : من ذهب احيده لا تيلس تتفلسف .. واسكت خلنا نسمع الريال شو يقول ..

عيسى : نبغيكم تنفذون مشروع لمدة شهر، يخص تخصصكم، وطبعاً كل واحد منكم تقدم لطلب الوظيفة وهو حامل معاه شهادة تخصه، عندكم مهندس الكمبيوتر لازم يسوي مشروع يخص الهندسة في الكمبيوترات، والمتخصص في الأعمال يدور له مشروع يخص البزنس، وهلم جرا طبعاً،

ياه سؤال من أحد المتقدمين : دكتور عندي استفسار ..

عيسى : تفضل ..

الريال : ممكن توضح لنا ماهية المشروع بصورة اوضح ؟

عيسى : المشروع لازم يمثل موضوع حي، فرضاً بضرب لكم مثال بسيط بعيد عنكم لكنه بنفس الفكرة، عندكم مثلاً الدكتور، وعادة ما ينطلب منه يسوي هالمشروع لكن انا اضرب لكم اياه كمثال، فمثلاً يبدى اول شي بالبحث عن شي يخص تخصصه، فيختار طب الجراحات التجميلية، ومن بعدها يبدى بعمل بحوثه وكل شي على هالموضوع،

اللي يختلف في المشروع انه مطلوب منكم مشروع بدون كلام، نبغي صور، عرض، احصائيات، وتقرير المشروع ما يتجاوز 4 صفحات، نحن نركز على عرض المشروع وفكرته ،

خليفة : وكل ها بنسويه ونحن نداوم ؟

عيسى : لا طبعاً بتداومون اسبوع نعرض لكم فيه بعض المشاريع السابقة، ومن عقبها بتكون هناك إجازة مدتها شهر تبدون فيها المشروع وتسلمونه كحد أقصى بعد شهر ..

سعود : بس ما تحس يا دكتور ان مدة الشهر هذي قليلة جداً بالنسبة لمشروع ضخم يحتاج ان نحن نبذل كل الإمكانيات في طرحه وعمل البحوث عليه ؟

عيسى : بالعكس انته احسب انك بتواجه 30 يوم وكل يوم فيه 24 ساعة، يعني عندك 720 ساعة تشتغل فيها ..

سعود : بس يا دكتور عيسى، هالمدة بيتخللها تفكيرنا في فكرة المشروع ..

عيسى : بسيطة فكروا قبل هالشهر عندكم اسبوع ..

سعود : آسف بس أنا أطالب انكم تطولون المدة ..

خليفة ينغزه ويهمس له : ايه سعودو شبلاك معاند .. صدق اللي قال طرار ويتشرط ..

تكلم واحد ثاني : انا مع الاخ في ان المدة وايد قصيرة .. فيا ريت تطولون المدة ..

وياه التأييد من شخص ثالث : هي نعم استاذ المدة قصيرة جيه ..

رد الدكتور عيسى وطالع سعود بتحدي : خلاص نسوي تصويت، ..

/

أخيراً رسوا على إن المدة تكون 4 شهور فقط لا غير مع عدم طرح أي مواد وأفكار مشاريع سابقة، واللي خلاهم يرضخون لطلب سعود انهم فيما سبق كانوا يعطون مدة اطول عن الـ4 شهور للموظفين لتقديم المشروع لكن مع تعيين الاستاذ عيسى تغير كل شي ،



خليفة : مب هين سعودوووو .. يالله يعني بنريح 4 شهوووور !!!

سعود : ههههههههههههه اي بتريح وهالمشروع وراك .. انته لازم تفكر وتسوي شي يسوى ..

خليفة : اقولك كله كلااااام ما عليك منهم ..

سعود : هيه بس ع الاقل نبدى بالفكرة هالشهر ..

خليفة : هيه صدقك .. ويا ويهه بعد هدد اونه فكرة المشروع اتيني قبل شهر ..

سعود : انزين نش بنظهر انا مييييييت من اليوع ..

خليفة : هي والله حتى انا بطني يعورني من اليوع ساعتين ونص وهو يرمس .. يلا نش ..

سعود : شو رايك اعزمك ع الغدا ؟؟

خليفة : لا والله العزيمة عليه انا، ولا تقول لا ..

سعود : خ خ خ خ خ هذا اللي كنت اترياه هههههههههه ..

خليفة : ويا هالراس ..!!!!

/

بعد العزيمة ركب السيارة وألف فكرة تحاوط باله ..

بس وين الفكرة المميزة اللي بتخليني أبدى في مشروعي ؟؟؟؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-03-2009, 04:25 PM
البطة البيضة البطة البيضة غير متصل
©؛°¨غرامي مشارك¨°؛©
 
الافتراضي رد: لانها لن تعود للكاتبه قلب دبي كامله


حلووووووووووووووووووووووووة
ممكن تكملينها ابي اعرف التكمله
:)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-03-2009, 03:38 AM
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: لانها لن تعود للكاتبه قلب دبي كامله


,’


بسم الله



يعطيك العـــآفية عزيزتــي
موفقه بـ نقلك إن شــآء الله



,’



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-03-2009, 06:47 AM
روح زايــــد روح زايــــد غير متصل
✿ إدارة الإقسام ✿
 
الافتراضي رد: لانها لن تعود للكاتبه قلب دبي كامله


البطة البيضة ,,, الزعيمـــه8

منورين القصه و يسلموو علي المرور


(2)

بعد ما رد سعود البيت ..

دش الصالة وجافهم متيمعين : هلااااااا بهل البيت ..

سالم : هلا هلا .. وينك ياخي ما تنجاف ما صدقت تتوظف ؟؟

سعود : هههههههههههههههه يا خي قول مبروك جاملني ع الاقل ..

سالم : ماشي مجاملات يلا مناك .. خخخخ

مريومة بنت سالم تركض له : عمييييييييييي سعوووووووووود ..

سعود يشلها بحب : فديييييت مريومتي والله ..

مريومة : وينك يا القاطع ما تستحي ما تسأل ..

سعود يطالعها بغباء : انا ما استحي ؟؟

سالم : ههههههههههه مريومة عيب ..

سعود وهو شالنها يلس ع القنفة: ههههههه لا خلها عادي .. الا وين امي ؟؟

خلود : راقدة ..

سعود : غريبة .. مب من عوايدها انها ترقد هالوقت ؟؟ا

خلود : ماشي كانت مصدعة عقب الغدا ورقدت ..

سعود : ايوااا .. (يطالع خلود باستفهام) في شي مستوي ؟؟

خلود : ماشي ..

سعود : تقصين عليه انتي ؟؟ اونه ما بلاج شي ..

خلود أشرت له ان سالم موجود : اقولك ما في شي ..

سالم : ياخي ليش معاند وتبا تسوي شي من لاشي ..

سعود وذهنه متشتت : لا بس جيه يعني استغربت ان اميه اول مرة ما تريتني ع الغدا ..

خلود : تبا غدا ؟

سعود : مممم لا والله الحين مابا ..

خلود : تراك ياي من الدوام تعبان وحالتك لله ..

سعود : مالي نفس ..

خلود تطالعه بنظرة : لازم تاكل بلاك انته !!

سعود وهو يحاول انه ما يعصب : انتي اللي بلاج معاندة .. خلاص مابا ..

خلود : سعود ينيت انته لازم تاااااكل !!

سعود غيظ : ما تفهمين انتي ؟؟ مابا .. مابا .. ماااااابا !! حشى حتى الأكل بالغصب ..

سالم : الله يهديك هي ما قالت شي ها يزاها تحاتيك ..

خلود طالعته بحزن ونظراتها كانت ممزوجة بنظرات غريبة عليه !!

سعود : انتوا تعرفوني عدل ماحب حد يلح عليه فـ شي .. ليش تعاندون ؟؟

خلود : انزين خلاص خلك يوعان بس لا تزعل ..

سعود عقد حواجبه : يكون احسن ..

سالم : ما خبرتني شو سويت في الدوام ؟ وعسى القطاع الخاص مريحنك ..

سعود وهو يحاتي السالفة اللي خلود بتقولها : أي مريحني الله يخليك .. الا كرفونا من اول يوم .. وبعد 4 شهور ببدى اداوم !!

سالم :4 شهور ؟؟ شحقه !!

سعود : يبونا نسوي مشروع حق الشغل، واذا كان المشروع اوكيه بيقبلونا .. تخيل ؟؟؟

سالم : وشو اللي يحدك يا خوي .. سير دور لك وظيفة ثانية ..

سعود : انا الصراحة فكرت فهالشي قبل، بس يوم اتذكر اني انذليت 3 سنين وانا ادور الوظيفة اقول احسن لي ارضى بالهم، وبعدين اذا ياني القبول من مكان ثاني خلال هالـ 4 شهور بسير .. (تذكر) بس تعال !! انا وقعت على عقد وبجيه ما يستوي اخل به !!

سالم : عيل عرفوا يزخونك من ايدك اللي تعورك ..

سعود : هيه والله صدقت ..

خلود : سعود بعدك زعلان مني ؟؟

سعود ابتسم لها : الله يهديج انا ما زعلت منج بس انتي دومج ويا هالطبع تحبين تلحين ع الأوادم ..

خلود : خلاص آسفة ..

سالم : وحليلكم يا اخواني .. فيلم هندي روعة الصراحة الدمعة ف عيني بس مادري كيف يودت عمري ..

خلود و سعود : ههههههههههههه ..

سالم : في سؤال وايد يخطر ع بالي هالأيام ..

سعود : خير ان شا الله ..

سالم : الحين انته اسمك سعود .. واختك خلود .. ع نفس الوزن .. اشعنه انا سالم ؟؟

خلود : شو قصدك ؟؟

سالم : اشحقه ما استويت حمود ولا عبود خخخخ ..

سعود : ههههههههههههه ويا هالويه .. قلت بتقول شي الحين ..

سالم : شو نسوي بعد .. تعالوا وين سارت مريومة ؟

سعود : اكيد في المطبخ ..

سالم : الله يعيننا ع هاي البنية .. الحين منو بيرضى ياخذها وهي 24 ساعة في المطبخ ..

خلود : هههههههههههههه حرام عليك سالم بعدها صغيرة ع هالسوالف ..

سالم وهو يتثاوب : آآآه انا خلاص وصلت حدي .. يلا تمسون ع خير ..

سعود وخلود : وانته من اهل الخير ..



بعد ما راح سالم ..

سعود : خلود انا طول الوقت وانا على اعصابي .. شو مستوي ؟

خلود : كلمت اميرة اليوم ..

سعود بلا مبالاة : وخير يا طير شو اليديد ؟

خلود : يلست اسألها ليش قالت هالرمسة عنك .. تخيل يلست تستسمح مني وانها ما كانت قاصدة ..

سعود بشك : معقولة ؟؟؟

خلود : انا روحي بعد كنت مب مصدقة ان اللي ترمسني هي نفسها أميرة اللي سبيتها سب أمس .. ما حيدها تسكت عن حقها ..

سعود : انزين ؟؟

خلود : ماشي قالتلي قولي حق امج تتصل في امي لانها تباها ..

سعود : عشان جيه اميه قافلة على عمرها ؟

خلود : لا عادي هي اتصلت فيها وخبرتها ان المفروض انك تخطبها من البداية بليا لف ودوران ..

سعود بعدم اقتناع : وهلها كانوا بيرضون آخذ بنتهم وانا حافي ومنتف ؟؟

خلود : شدراني !! المهم خبرت امي ان بالخميس هم يتريونا انسير لهم ..

سعود تفاجأ : نخطب نخطب ؟؟

خلود : هي ..

سعود : حلفي !!!

خلود : والله بلاااااااك !!

سعود : انزين وامي ليش ما تغدت ؟

خلود : اميه قفلت على عمرها الباب بعد ما ظهرتني وقالتلي بتصل في ابوج ..

سعود باستغراب : ابويه !!

خلود : هيه .. ومن حزتها ما جفتها الا يوم فجت الباب وقالت انا مابغي غدا تغدوا روحكم ..

سعود : عيل اكيد السالفة تخص ابويه ولا من متى اميه تحب الحكرة في الحجر ؟؟؟



" يشكل أبي عقدة لا حل لها في حياتنا بشكل عام وفي حياة أمي بشكل خاص، أمي تعتبر رهينة في سجن والدي، فهي معلقة بسببه، لم يرد تطليقها، أو حتى السكن معها، وهذا ما نحن نعتبره إهانة كبرى في حقنا نحن كأبنائه، لا حقوق، ولا واجبات، ولا أي شعور بالمسؤولية أبداً !! "



/


دق سعود باب حجرة امه : اميييه واعية انتي ؟

ما ردت عليه امه على طول،، فتحت الباب وطلت عليه : سعود ؟؟ رديت من الدوام ؟؟

سعود ابتسم لها وحب راسها : هيه رديت .. شحالج يا الغالية ؟

ام سالم "وأم سعود ف نفس الوقت" : الحمدلله .. ها بشر شحال الدوام ؟

سعود : ما علينا من الدوام انتي خبريني .. صدق اللي سمعته انج اتصلتي ف ابويه ..

ام سالم : هيه اتصلتله .. خلود خبرتك ؟

سعود : هيه ..

ام سالم : عيل خبرتك عن سالفة أميرة وأمها ..

سعود : هيه ..

ام سالم : اسمعني يا سعود، صح ان امها قالت تعالوا اخطبوا، بس مب معناته انك تسير وتخطبها وانته مب مقتنع، لازم اول شي تفكر عدل ..

سعود : يا اميه لو اني مب مقتنع جان ما خليت خلود تخبرها..

ام سالم : يعني خلاص نتوكل ان شا الله بالخميس ؟

سعود : ان شااا الله .. الا اميه صج شو قالج ابويه ؟

ام سالم حاست بوزها : ابوك يقول مشغول وانه مب لازم ايي ..

سعود عقد حواجبه : حشى الشغل حتى بالمسا ؟؟

ام سالم : اسميك تستهبل وايد .. يعني مصدق انه مشغول بشغل زين .. ؟؟

سعود : الله يهديه يا اميه .. لا تسيئين الظن ..

أم سالم : يالله الله يهديه .. بس انته لا تشل ف خاطرك انه ما بيي ..

سعود : مب مشكلة نحن بس سايرين نجس النبض .. المرات الياية خله ايي ..

ام سالم : ع قولتك .. يالله الله ييسر اللي فيه الخير ..

/

سالم : بنت منو هاي ؟

سعود : بنت ابوها وامها .. هاهاهاها..

سالم : يا حبك حق الاستهبال .. اقصد ناس زينين ؟ نعرف اهلهم نحن ؟

سعود : تعرف فلان الفلاني ؟؟

سالم : هيه ..

سعود : ابوها يستوي ولد عمة امه ..

سالم : ههههههههههههههههههههههههههههههههههههههههههههههه ..

سعود : ايه يا الهرم انا قلت شي يضحك ؟؟

سالم : ولد عمة يدة ابوها .. خيييييييييبة .. ما تعرف نسب أجرب ..

سعود : اوووه وانا شدراني .. وانته كله بس يالس تتشمت ؟؟ يا خي لا تستنذل علي ..

سالم : بس مب جنك استعيلت وايد .. يعني يبالك تستلم الراتب وتيمع وجيه ..

سعود : انا بشرح لهم ظروفي .. بس ع الأقل عشان ما يرمسون ويقولون اني لعاب ..

سالم يحط ايده ع جتف سعود : والله وكبرت يا سعود وبتستوي معرس ..

سعود ابتسم : ليش تتحسبني ياهل ويا هالويه ؟؟

سالم : نععععععععم !!! صج قليل ادب انا اخوك العود ..

سعود : هههههههههههه الا فرق 5 سنين ..

سالم : و5 سنين شويه ويا هالويه ؟؟ صكيت انا الثلاثين ..

سعود : وييييه شيبه استويت ..

سالم : عدال 5 سنين وبتستوي شراتي يا الكهـــــل !!!!

/



يـوم ( أميـرة سعود )



" وضعت عطري المفضل ( مانيا بلاك كود"جورجيو أرماني" ) وأنا أتعمد أن أحسن من مظهري كي أبدو بشخصية جذابة أمام أهل أميرة، ولقد انتظرت كثيراً هذا اليوم وأحمد ربي بأنه قد تحقق "



دخلت خلود ويلست تطالع سعود اللي كان يعدل غترته وهي مصدومة :

الله يغربل ابليسك ليكون بتسير جيييييه ؟؟

سعود زاغ : اويه شكلي غلط ؟؟

خلود : انته ع شو ناوي ؟؟ تباها تغير رايها وتخلي الملجة اليوووووم !!!

سعود ابتسم براحة : يا الخايسة وقفتي قلبي .. ( بثقة) اح اح عاد ادري اني محطم قلوب العذارى ..

خلود : والله انها محظووووووظة فيك ..

سعود : السبال ف عين اخته غزال ..

خلود : هههههههههههههه لااااا جد والله .. فديتك كلك ع بعضك حلو ..

سعود : انزين جلبي ويهج ما حب المجاملات ..

خلود : هههههههههههههه طاعوا اللي استحى ..

سعود : خخخخخخخ ويا هالويه (يطالعها بتمعن) وانتي شحقه حاطة هالميكب ؟؟ شو مستوي؟

خلود : اوووه سايرين نخطب لك اليوم لازم اكشخ ..

سعود : سيري غسلي ويهج ولا تعورين راسج ... يوم بتعرسين سوي اللي تبينه ..

خلود : سعوووووووود حرام عليك ..

سعود وهو يعدل غترته : وينه سالم ؟

خلود : بعده ما ظهر من حجرته (بنرفزة) الشيخة مب راضية عليه اليوم يمكن ..

سعود : عيب عليج هالرمسة مهما كان هاي مرت اخوج ..

خلود : هي مرت اخويه بس ولا عمرها حسستنا بهالشي .. عايشة جنها غريبة عنا ..

سعود : انزين سيري كشخي مريومة تراها بنت اخو المعرس ..

خلود : ياللـــــــــــــــــــــــــــــه !!



بعد لحظات دشت أم سالم وفي ايدها المدخن ..

ام سالم : يا حاااافظ ع الريحة الغاوية .. اول مرة تحط عطر شرات الأوادم..

سعود بإحباط : افا .. يعني دوم احط شرات الحمير ؟

ام سالم : ما تنلام ساير عند الحب لاااازم ..

خلود وهي تبتسم : عاد منو قده اليوم .. معرس شباب .. معرس شباااااااااااااب ..

سعود : لا لا كمليها وارقصي بعد ..

خلود : هيييييه برقص عندك مانع ؟؟

ام سالم وهي تدزها : سيري تلبسي وبلا رمسة زايدة خلني ادخن اخوج ..



دخل سالم بعد دقايق ..

سالم : يا حاااااااااااافظ ع الريحة .. ما حيد يوم سرت اخطب عطرتوا المكان جيه !!

سعود : ما كان عندنا اختراع اسمه عطر خخخخخخخخ ..

سالم : جب جب .. اللي يسمع يقول متزوج من قرن .. الا من 6 سنين ..

سعود : لا وااااايد شويه .. خخخخخخخخ ..

سالم : لا تتفلسف وايد .. وانتي يا ام سالم تعالي بسرعة وبخريني انا خله يولي الناس بتي تسأل عني أنا مب عنه ..

سعود : لا والله ؟؟

سالم : هيه عيل شو تتحرى .. الناس بتقول هالغاوي منوووه .. على طول بيقولون هذا اخو سالم وطالع عليه ..

سعود : يلا يلا سير العب على غيري ..

ام سالم : تعال تعال سلوم وبلا رمسة زايدة ..

ويا عندها ورفعت كندورته ومن عقبها حطت المدخن داخل الكندورة وردت نزلت الكندورة (فهمتوا شي خخخ؟؟)

سالم : افا ريال وعندي ولد وبنية وتزقريني سلوم ؟؟ صج تفرقة !!

سعود : من الله انا اسمي مكسر تباه يكسرونه لي ؟؟

ام سالم : وانته (تطالع سالم) اشعنه ما تخلي حرمتك تدخنك ..

سالم تضايج بس خذها بروح رياضية : ما احب الا عودج ..

ام سالم استانست : هييييه اتحسب انا بعد ..

سالم يطالع سعود : ايه بسك من دشيت عليك وانته تعدل فهالغترة .. اظني اظني انها تحللت الحين واستوت شوربة ..

سعود : هيهيهيهيييي وايد دمك خفيف .. شسوي احاول اخليها شرات دوم بس مب طايعة تستوي ..

سالم : لازم النفسية غير اليوم خخخخخخخخ ..

ام سالم ترفع كندورة سالم وتدزه : يلا سير .. خلني اتدخن روحي ..

سالم : ههههههههههههه افا يا الوالدة جيه تعاملين ولدج العوووود ..

ام سالم طالعته بنظرة وسالم ضحك : ههههههههههه خطيرة الوالدة تخوف الواحد يوم تطالعه خخخخ..

سعود يطالع الساعة : اخبركم جنها استوت ثمان ونحن ما سرنا ..

ام سالم : هي والله .. يلا بسرعة سير خبر حرمتك يا سالم وانته سعود خبر اختك خل يخلصون بسرعة..

سالم : اميه ما بتي حرمتي !!

ام سالم بخوف : ليييش ؟؟

سالم : مطر تعبان شويه ..

ام سالم : وييييييه بسم الله عليه .. (نشت) بسير اجوفه ..

سالم زخ امه : لالالا ما يحتاي اميه ..

ام سالم فهمت قصده وصخت ..

سعود يبا يغير الجو : انزين يلا نشوا خلنا نسير ..



دخلت خلود وهي مبوزة : اميه لا تلبسين عباتج ..

ام سالم حطت ايدها ع قلبها : بسم الله شو مستوي ..

خلود : اميره تقول العزيمة حق الرياييل مب حقنا ..

ام سالم : شووووه !! ع الاقل خل تتعلم الأدب شو هالرمسة ..

خلود : هي قالت اونه امها محد ولا كانت عادي بتستقبلنا ..

ام سالم بإحباط : ويييه وانا ما خليت لا سويرة ولا ترجية الا وحطيتها ..

سعود بعدم اقتناع : ليكون غيروا رايهم ..

خلود : لالالا ما ظني .. انته ما عليك سير ويا سالم وخلاص ..

سالم : شو السالفة ..

ام سالم : خلاص سيروا وخبرونا كل شي اول بأول ..

سالم وسعود : ان شـا الله ..

/

في بيت "العروس" !!!

كان البيت فخــــم جداً بطريقة ما توقعها سعود، وهاللي خلى سعود يتوتر أكثر خاصة إن مستواه المعيشي مستحيل يوصل لمستواها،

دخلتهم الخدامة، ويلسوا في بداية الميلس الواسع والعــــود ..

سالم بهمس : يا بوك طحت ع ناس مريشين ههههههههههههه ..

سعود باحتقار : ليش ناوين يتبنوني هم ؟؟

سالم : شوي شوي كلتني بهالعيون .. خيبة مب وراثة خذتها من امييييه وخلتك تزيغ بنظراتك شراتها خخخخخخ ..



سكتوا بعد ما لمحوا ريال يعطونه في الخمسين داش واقترب منهم يسلم عليهم ..

عم الصمت بعد ما يلس مجابلنهم، وما تكلم مووووليه !!



بعد فترة من الصمت !،

بو أميرة : منو فيكم سعود ؟

سعود وهو يبلع ريجه من الزياغ : انا ..

بو أميرة وهو يتفحصه من ساسه لراسه : عيل انته اللي ياي تخطب بنتي ..

سالم حب ينهي الموضوع : نحن يايينك يا بو أميرة ..

بو أميرة قاطعه : وانته منو ابوه ؟؟؟

سالم : انا اخوه ..

بوأميرة : وابوكم وين ؟

سعود : ما رام ايي ..

بو أميرة باستغراب : معقولة ؟؟

سالم انقهر من اسلوبه : يا بو أميرة الريال ينشرى بشخصيته مب بـ أبوه ولا بيزاته !

بو أميرة : واخوك فيه شي من هالثلاث ؟؟

سالم تنرفز : شووووه ؟؟؟

بو أميرة نش وطالعهم : نشوا نشوا ..

سعود من زود صدمته جحظت عيونه وسالم بصدمة : نعم ؟؟

بو أميرة : نش مب ياي أطردك انا ..

نشوا اثنيناتهم .. وزخ بو اميرة سعود من جتفه وأشر له من الباب الزجاجي على الكاراج،

كانت فراري حمرا موجودة برقم مميز ..

بو أميرة : هاي سيارة اميرة ..

سعود : ................ لا تعليق !!

بو أميرة : تروم تشتري لها مثلها ؟؟؟

سالم من زود صدمته ما عرف شو يقول : يا اخ انته شو تقول ؟؟

بو أميرة طنشه : تروم تشتري لها بيت شرات هالبيت ؟؟

سعود نزل راسه من زود فشيلته ..

بو أميرة وهو يرص ع جتفه : عندك بيزات تشتري لها ألماسات وأطقم ذهب ؟؟؟

سالم غيظ : شو نحن يايين عندك عشان تذلنا ؟؟؟

بو أميرة يزاقر وهو مطنش سالم بالمرة : اميييييييرة ..

بعد لحظات ظهرت أميرة ..

بو أميرة : تبينه هالولد ؟؟؟

أميرة وهي تطالع سعود بجرأة : لا ماباه ..

سعود انصدم وحس الدنيا تدور فيه بس ما رام يتكلم ..

بو اميرة يدز سعود لين الباب : لو انها موافقة كنت يمكن اقتنع وازوجك اياها واصرف عليك يا الفقير، بس يوم انها ما تباك.. ما عندك كرامة؟؟ صج انك ويه فقر .. اظهر برع بيتي انته واخوك اللي جنه بقرة جايفة حريجة .. اظـــــــــــــــــهـــــــــــــــــــر !!!



على صدى الصوت من صارخ بو أميرة، وسالم وسعود من صدمتهم نشوا وهم مب عارفين شو يسوون،

اللي استوى كان بمثابة صفعة لسعود،

وف نفس الوقت إهانة لعايلته ولاهله ..

ركبوا السيارة،

وسعود جامد ما يتكلم،

الا دموعــه، اللي أعلنت الإنهــيار !!!!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 31-03-2009, 08:08 AM
روح زايــــد روح زايــــد غير متصل
✿ إدارة الإقسام ✿
 
الافتراضي رد: لانها لن تعود للكاتبه قلب دبي كامله


(3)

صد سعود على سالم وهو يحاول انه يجذب نفسه وروحه اللي كانت شوي وبتطلع من زود الصدمة،



" الذيب يعـــوي قبــــل يغدر بمسكين ......وانتي غدرتـي خافقـي فـي سباتـي

لو كان غـــــدرك فـي كفوف الموازين ......لكـان رجـح كـل غــدر البـناتـي

انتي السـبب سقـتي على القـلب جـرحين ......غدر الغـــرام وموجـع الذكـرياتـي

وانتي الســــبب والـيــوم لالا تلومين ......وان جـاك بـاكر شوفـي اشلون يأتـي "



حط سالم يده ع جتفه في محاولة منه عشان يهديه : خلاص يا سعود هد أعصابك ..

سعود وهو يتنفس بقهر : أهانتني يا ســالم، (يصارخ بقهر) انزين شحقه قالت لي تعال، كنت بنثبر في البيت وما بيي أذل نفسي وأنزل راسكم، أنا ما طلبت منها (بضعف) والله ما قلتلها بيي أخطبج اليوم، هي اللي حددت، هي اللي قالت حق خلود تعال .. (تغير صوته) انزين ليش جيه سوت؟ أنا ما ضريتها ولا قلتلها شي.. حرام عليها اللي سوته (وقف السيارة ونزل راسه ع السكان ويلس يصيح) والله حراااااااام !!!



دق هرن قوي من السيارة اللي وراه لانه وقف السيارة بدون سابق إنذار،

تلاحق سالم وتبادلوا الأماكن وخذ سالم السيارة عشان يسوقها،

وقفها ع ينب الطريج بعد ما تجاهل صرخات الريال اللي كان راكب السيارة اللي وراهم ..

ورد صد على سعود : وبعدين يعني يا سعود،

صد عليه وعيونه محمرررين من القهر : ماقدر أتجاهل اللي استوى ..

سالم : لا تتجاهله بس تقدر بذكاءك انك تنساه ..

سعود : واذا انا نسيت اللي استوى لي .. انته بتقدر تنسى الاهانة اللي يتنا ؟؟

سالم : اكيد بنسى، لان اللي قال هالرمسة مب واحد جايف خير، الا من يومين متعزز وياي يتبطر علينا..

سعود : انا مالي ويه اجوف امي بعد اللي استوى ..

سالم : بكل بساطة قولها ان ماشي نصيب، وخلاص ولا جنه شي استوى ..

سعود : وامك بتصدق بهالسهولة ؟؟

سالم : ان شا الله بتصدق..

سعود: آآآآه والله اني متضايج

سالم بغيظ : سعود وبعدين وياك؟؟؟ لا تنسى انك ريال ..

سعود بضيج : وإذا ريال يعني ؟ جيه الريال ما يعبر عن مشاعره يعني ؟؟

سالم : يعبر بس بطريقة رجوليه، انته تتكلم شرات خلود بالضبط، بالله عليك شو الفرق بينك وبينها؟؟؟

سعود : يعني ما بكون ريال ف عينك الا اذا كنت جامد ؟؟

سالم : انا ما قلت جيه.. بس دموعك هاي لا تنزلها ع شي ما يسوى/ وهاي الزفتة اللي فكرت تخطبها ما تستاهل هالدمعة/ اصلاً ماشي حرمة في الكون تستاهل هالدموع،

سعود بقهر عمره اكثر من سنة : انته تقول جيه لانك ما تحب حرمتك وما حسيت بالسعادة وياها،

سالم رفع حاجب واحد بغيظ : وانته يعني اللي جربت الحب ويا أميرة؟؟؟؟ كلنا في الهوا سوا ..

سعود يتنفس بقهر : انا ادري ان كل البنات جيه بس .... بــــــس كنت متوقعنها غييييير !!

سالم : وبعدين يعني ؟؟؟

سعود : خلاص خلاص بسكت ....



عم الصمت في كـل الأرجـاء،

وحرك سالم السيارة ،،

سعود ماله إلا يصد ويتلفت ع السيايير اللي تمر بمحاذاتهم ..



"أعود لأسترجع أجمل لحظات حياتي قبل سويعات معدودة، حينما كنت طيراً سعيداً سيحلق قريباً نحو قفص ذهبي بمحض إرادته وحده، ولكن الطرف الثاني (أميرة) لم يكن ليرغب بي، أكرهها الآن وأكره فيها غرورها السخيف، ....................... "



سالم : بلاك وين بعد سرحت، يلا انزل ..

سعود زخ سالم من ايده ..

سالم : شو بلاك ؟

سعود : سالم لا تزعل ع الرمسة اللي قلتها لك مساعة ..

سالم ابتسم له : ههههههههههههه لا ما بزعل لا تحاتي .. ادريبك هالرمسة ف خاطركم من زمان وانته طلعتها لا إرادياً

سعود : طاعوا قام يظهر الرمسة من عنده!!

سالم : ههههههههههههه خلاص خلاص أتمصخر.. يلا انزل .. وشرات ما اتفقنا ..

ونزلوا وكل واحد فيهم مجهز رمسة يمكن الباجين يقتنعون بها ..

/


في البيت سعود وسالم تموا فاجين حلوجهم من الصدمة،

ام سالم وخلود جالبينها مناحة ويصيحون على سعود

اللي استنتجه سعود إن أميرة اتصلت عشان تتشمت وتقول لـ خلود نهاية قصتها ويا سعود،

وخلود يلست تسبها وما قصرت أم سالم وياها ..

سعود يحب راس امه وبحنان : اماية شحقه الحين تصيحين ؟

ام سعود وهي تطالعه بأسى : حسبي الله عليها حتى فرحتنا ما اكتملت .. حسبي الله عليها !!!!!

سعود ابتسم : وانا اقول الحمدلله اني عرفتها ع حقيقتها قبل ما اتورط وآخذها ..

خلود بنقمة : مادري شحقه جايفة عمرها علينا، نست أيام اول يوم كانت تتسلف مني فلوس عشان تاكل ..

سالم طالعها بنظرة : خلود !!! ودري هالمعاير عنج !

خلود صخت ويلست تعض شفايفها من زود القهر ..

سعود بانكسار : أنا بسير أرقد ... عن اذنكم ..

سالم : حشى دياية !! بعدها الساعة 8 ..

سعود باستهزاء : تراني تميت طول الليل سهران أمس، ههه اوني كنت معرس ..

وسار عنهم وكل واحد فيهم قلبه متقطع ع حال سعود !!

/

يلس سعود في الحجرة، لمح موبايله يرن كذا مرة بس تجاهل الموبايل وحطاه ع السايلنت ..

يلس يفكر فـ أشيا وايدة، في حاله، في حياته اللي ما جرب انه يعيشها مع أم وأبو متفاهمين،

لو كان طرف واحد منهم ميت كان الموضوع بيكون أهون، لكن اللي يقهر وجودهم اثنيناتهم،



" أمي وأبي شبه منفصلان كما تعلمون مسبقاً، ولكن الجديد هو أن هذا الانفصال كان منذ أكثر 10 سنوات، لا أذكر مدة الانفصال بالضبط، ولكني متأكد أنهما انفصلا بمحض إرادة أبي، الذي تخلت له أمي عن أغلى ما لديها لكي تسانده، ولكنه وجد بنت الحسب والنسب التي جعلت له اسماً، ومع ذلك فالجميع يعلم أن أبي لا يمثل لنا أي موقف إيجابي في الدعم والمساندة، ربما يمثل موقفاً مخزياً لنا بعض الشيء، فها هو ينتقل كالفراشة بين امرأة لأخرى بعد وفاة بنت الحسب، ولم نراه منذ أعوام إلا أحياناً وفي دقائق معدودة "




/

.......... : السلام عليكم ..

سالم : هلا خليفة وعليكم السلام، ماشا الله أسرع عن كنتاكي ..

خليفة : هههههههههههههههههههههههههههههه .. شو نسوي بعد فاضين وما نصدق حد يعزمنا..

سالم : حياك الله يا الغالي ..

خليفة : الله يحييك ويبجيك .. عيل وينه سعود ؟

سالم : الله يسلمك سعود معتكف ف حجرته..

خليفة : هالريال لو يودر عنه الاحاسيس شوي بيرتاح ..

سالم : ما عليه مهما كان توه مصدوم وبعده ما جرب الحياة زين ما زين ..

خليفة : صدقك والله..

سالم : عيل سير له الحجرة أحسن ..

خليفة : وينها حجرته ..

سالم يطالعه بنص عين : خلووووف ..

خليفة بإحراج : هههههههههههه ... اوه صح انا ساير كم مرة .. تصدق نسيت ؟ خخخخ

سالم : هههههههههههه ما عليه ..

خليفة : احم .. ما بجوف مطبات وانا ماشي ..

سالم : هههههههههههههههههههههههههه .. لا تحاتي كلهم تحت الا سعود فوق ..

خليفة بخيبة أمل : أوكي ..

ركب فوق وهو يمني نفسه ان يمكن يجوفها،

خليفة على الرغم من القساوة اللي مغلف نفسه فيها،

إلا إنه كان يتمنى مثل ما يسمع انه يلتقي بوحدة بالصدفة،

ويحبها وتحبه، ويعيشون بسعادة،

كان يدري إن هالشي شبه مستحيل خاصة مع وضعـه ..

تنهد بحزن ودق باب حجرة سعود ومن عقبها فتحها ..

سعود بمفاجأة : اوووه خليفة !!!

خليفة يمثل انه مصدوم : اوووه سعود ؟ شو يابك هني ؟

سعود ضحك غصبن عنه : ههههههههههههههههههه يا خي خلك جاد يوم واحد بس ..

خليفة : شسويبك يعني مثلاً بكون يني جدامك ..

سعود : ويا هالويه ..

خليفة : صح تعال مبروك ع فسخ الخطوبة ..

سعود تغير ويهه : خبروك ؟؟

خليفة : لا العصفورة خبرتني ..

صخ سعود وما تكلم موليه ..

خليفة صك الباب ويلس صوب سعود : يلا عاد عن الحركات، اصلاً تدري ان هاي كلها حوباتي لانها أصلاً ما تستاهلك (يقلد صوت العيايز) انا قلت لك يا وليدي ودرها بس انته عنيد وراسك أيبس عن البطيخة ..

سعود ابتسم بحزن : هيهيهيهييي بايخة ..

خليفة : والحل يعني؟

سعود : في خاطري أرد لها اللي سوته ..

خليفة : يعني شو ..؟؟

سعود : أرمسها وأسبها لين أرتاح ..

خليفة : عندك رقمها ؟

سعود : مممممم اظني مرة كنت صارق رقمها من اختي ..

خليفة : يا الداهية، شو تتريى نش واتصل،

ظهر سعود الرقم من السدة

زخ سعود موبايله : تعال شحقه حارق تلفوني حضرتك ؟

خليفة : شسويبك قلت دامك ما بترد بتصل كم مرة لاني ضامن ان رصيدي ما بيخلص خخخخخ

سعود : ويا هالويه من يومك زطي ..

خليفة : اقول اتصل اتصل ولا تتفلسف وايد ..

سعود : انزين شو اقولها ..

خليفة : انته دق الرقم وحطه ع السبيكر ..

سعود : اوووكيه ..

على طول من اتصل ..

- ألو مرحبا ؟

خليفة حط ايده ع حلج سعود ورمس : لا هلا ولا مسهلا، شو هالصوت؟ بنية صوتها جيه ؟؟

أميرة بمياعة: شوووه!! انته منو ؟

خليفة : اليني الأزرق يا ام صوت نشاز ..

أميرة بصدمة : انته شو تقول يا المعفن ؟؟

خليفة: أنا معفن يا معفنة ؟

أميرة : انا معفنة يا القذر ؟؟

خليفة : إذا انا قذر عيل انتي زبالة .. ههههههههههههههههههههههههههههههههههه

وضحك سعود وياه ..

أميرة : صج ماشي حيا ..

خليفة : مادري منو فينا اللي ما فيه حيا .. يلا جلبي ويهج ..

أميرة : اوووووووووووه ..صج سخافة

وصكت فـ ويهه ..

خليفة وسعود : هههههههههههههههههههههههههههههههههههههههههههههههههه ..

خليفة : استانست الحين ؟

سعود : ههههههههههههههههههههههههه والله حاس اني يالس اضحك جيه بليا نفس ..

خليفة : خلاص شو رايك نرش ع ضحكتك ملح يمكن يظهر فيها نفس ..

سعود : هيهيهيهيهييييي باااااايخة ..

خليفة : انزييين وين بتعزمني ؟

سعود : صدق ما تستحي انا اليوم رفضوني لازم انته اللي تعزمني عشان تواسيني ..

خليفة ببلاهة: يلا عاد عن الاستعباط انزين .. بعدين سالم اخوك قال تعال تعشى عندنا..

سعود : لا دخيلك خلنا نظهر ..

خليفة شق الحلج : بس طبعاً ع حسابك العشا ..

سعود : اطلب المطعم اللي تباه ..

خليفة : مممممم .. نش بسرعة ولا تضيع الوقت .. ورانا درب ..

/


في السيارة ..

سعود : يعني صج يوم قالوا ان مخك ها عبارة عن قوطي ..

خليفة : انته اللي قوطي، حشى اعتبرها رحلة ، سفرة ، سيااااااحة .. شو المشكلة يعني ؟

سعود : انته متأكد انك صاحي ؟

خليفة: هيه .. صح انا شحقه متعب عمري وأشاورك .. ياخي كيفي سيارتي اسوقها وين ما أبا ..

سعود بانتقام : اوكي بنسير الشارجة .. بس يا ويييييييلك يوم الردة تخليني أسوق ..

خليفة : ما عندي سالفة أعطيك سيارتي عشان تخربها ..

سعود : انزين انزين بنجوف ..

وانشغل سعود بتأمل المباني في الشارع،

لين ما وصلوا جريب الشارجة، صوب مطار دبي،

لمح سعود "كلية الإمارات للطيران"،

ابتسم يوم تذكر أمنيته انه يكون طيار، ويدرس هناك، بس أمه ما طاعت تتحسب انه طول حياته بيتم راكب الطيارة وما بينزل لهم خخخخخ ..

/

في مطعم "بر وبحر (الشارقة)"

سعود باستهزاء : شو بتطلب يا بر ؟

خليفة : ما دري عنك يا بحر .. يلا لا تستحي كله بحسابك اطلب واتمنى ..

يا النادل (ماعرف شو يسمونه بالعامي خخخ)

خليفة : لو سمحت بغيت ام الربيان ويا البشاميل ..

سعود فاج عينه عليه ومبينه اللوعة عليه : ؟؟!!!!!

خليفة : بدال ما تطالعني بهالعين الفولاذية انطق شو تبا ؟

سعود وهو يتأمل المينيـو : ممممم .. خلاص بغيت مشكل سي فود ..

النادل : والشراب ؟

خليفة : شو تبا طبقات ؟

سعود : مادري كل ها وين يسير .. بغينا 2 ببسـي ..

وسار عنهم ..



خليفة : لاااا ابغي عصير انا ..

سعود : صدق انك زطي .. يوم العزيمة عليك توديني آكل كيمة وبراتا وجاي حليب .. ويوم قلتلك ذاك اليوم أبا أبرد يبت لي ماي .. زين مني قلت له اييب ببسي ..

خليفة : حشى يا الحقووووود .. انا ما بتضارب وياك عشان خاطر الأكل، بس عقب ما ناكل براويك ..

سعود بنص عين : بنجوف ..

وفعلاً استلموا الأكل وكل واحد هجم ع أكلته ..

بعد ما خلصوا ..

خليفة : آاااااه وجبة شهية وغنية .. سعود شكلي بخليك تسوق عني ..

سعود : عشم ابليس في الجنة .. بالمشمش هاهاهاهاا ..

خليفة : عيل خل الاكل ينهضم شوي ومن عقبها بنظهر ..

سعود : اوكي ..

(لحظة صمت)

خليفة : اخبرك سعود شو فكرت حق المشروع العلة ؟

سعود : اووووه تعال انا ولا فكرت بشي .. وانته ؟؟

خليفة : عصرت مخي وتصدق انصدمت ان في فكرة حليلها ما نشفت..

سعود : عن الاستهبال وارمس ..

خليفة: هههههه .. قلت بكلم إدارة كذا فندق انهم يستقبلوني كم يوم في فنادقهم، وبجوف أسلوب الضيافة عندهم، وعقب بسوي مقابلات مع المتخصصين في قسم الضيافة، وإحصائيات بالنسبة لرضا المتعاملين.. يعني الـ Customers.. اوه صح انته شو دراك فهالكلام بعدك ياهل ..

سعود باستهبال : عدال يا المثقف ياللي عندك خبرة فوق العشر سنوات فهالتخصص ..

خليفة صدق عمره : هي عاد تدري على طول عينوني وزير في التخصص ..

سعود : شكلي وايد خليتك تحلم .. وزير في تخصص ؟ من وين يت هاي .. نش نش ..



في السيارة ..

سعود يكلم عمره :

بـــر وبحـر ، انزين ليش ما كان الإسم بر وبحـر وجـو ؟؟

الضيافة ، في البـر والبـحر والجـو ..

(لمح مبنى كلية الإمارات للطيران)

ممممممممم .. هني عندهم الضيافة في الجـو ..

يعني مضيف ؟؟؟

يعني !!! ؟؟

خليفة يقطع عليه حبل أفكاره : جفت ويهك في المراية ؟

سعود بانتقام يصد له : انته شو يخصك بحيسه شرات ما أبا ليش راز الويه ..

خليفة : هههههههههههههههه .. ياخي أحب أقطع ع الناس أفكارهم ..

سعود : صج انك نـذ... استغفر الله ..

خليفة : ههههههههه .. شو يضمني انك ما تخطط تجتلني ..

سعود : لو عندك شي يسوى يمكن بفكر .. بس مالت عليك ما تشهي حد يجتلك ..

خليفة : الحمدلله طمنتني .. خلاص عيل بقول للفندق لا يعينوني مدير عشان ما تطمع فيه وتجتلني..

سعود ولا جنه سمع : لا تتفلسف وايد انا يالس افكر في المشروع.. وفـ بالي فكرة .. يبالها تخطيط..

خليفة : شو هي ..؟؟

سعود بإجرام : ما بقولك هههههههههههههه ..

/


اليوم الثاني ..

من الصبح انطلق سعود لـ مبنى طيران الإمارات،

ولو انه كان يتمنى يدخل الكلية نفسها، حلمه الأول وليس الأخير،

التقى بالاستاذ "محمد" وشرح له مشروع الوظيفة بشكل مبسط ..

محمد بإعجاب: والله فكرتك حلوة.. بس تتوقع يقبلونها في الفندق؟

سعود: هم قالوا يبون شي يخص تخصصنا، واظني كوني في الضيافة الفندقية، بكون متساوي في الرتبة مع المضيف في الطيارة ..

محمد يفكر : مممم لا .. الضيافة الفندقية في هالناحية رتبتها أكبر ..

سعود: بس انا حاب اخوض هالفكرة ..

محمد: انا بودي أساعدك.. لكن شو رايك أخلي موضوعك عند رئيسي في القسم لانه يتعامل مباشرة مع الطيارين وفي احتمال كبير انه يساعدك ..

سعود : مشكور وما تقصر ..



ومـع الأستـاذ "فهد"

فهد : انته تدري ان هالشي يعتبر مجازفة عودة صح ولا ؟

سعود : هيه ادري.. وعشان جيه اخترت المشروع ..

فهد : انا ما اقدر ارفض لك هالمشروع لاني انا روحي بودي أعرف شو نهايته معاك.. لكن عندي سؤال بسيط ..

سعود : تفضل ..

فهد : حد يعرف فكرة المشروع غيرك ؟

سعود : لا والله انا الا امس يتني الفكرة وعلى طول ييتكم ..

فهد : انا بجوف جدول الطيارين حسب الرحلات اللي تناسبك وتوافق مواعيد رحلتهم، لكن ابغيك تعرف شي مهم وايد، ان هالموضوع تكتمه حتى عن أجرب الناس لك ..

سعود : ان شا الله..

فهد: طبعاً عشان اوضح لك من البداية، فمهنة المضيف ماجد اشتغل فيها مواطن، واذا صادف فهالمضيف يترقى على طول يعني ما يتم مدة طويلة ..

سعود : اهـا ..

فهد : نحن بنخليك تتنكر بزي أجنبي.. عشان تقنع الركاب بجدوى خدمتك لهم .. واظني انته عارف ان صعب الناس خصوصاً هل بلادك انهم يتأمرون ع واحد من جنسيتهم.. مادري اذا فهمتني او لا ..

سعود : لا فهمتك ..

فهد : خلاص عيل .. بجري مكالماتي وبخبرك بتكون مع أي طيار وفي أي رحلة ..

(بعد اتصالات متعددة)

فهد : بتكون مع الطيار "حمد" وان شا الله لمدة شهرين سفرتكم بتكون لألمانيا/ الهند/ ماليزيا/ تايلند/ ومن عقبها الردة لـ دبي ..

وهذا رقم الطيار حمد، ان شا الله تتفاهمون ع تفاصيل السفر بأقرب وقت .. لا تنسى ان موعد الرحلة بعد اسبوع بس ..

/

" لا أكاد أصدق أنني سأحقق حلم العمر في أن أكون موظفاً –حتى ولو كنت وهمياً- في شركة طيران الإمارات، أتمنى أن أنجح في فكرة هذا المشروع، كي أثبت لأميرة أن وظيفتي التي استعرّت منها هي التي ستجعل إدارة الفندق تفخر بي وتمنحني أفضل العلاوات "



" تقابلت مع الطيار حمد، وشرح لي كافة الأمور المتطلبة مني، والأهم من ذلك أسلوبه الجيد معي، ويجب عليّ أن أنفذ كافة ما يطلبه الركاب مني بلا تذمر أو عبوس في الوجه، أعانني الله على ما سأراه، وعلى غربتي لشهرين متتاليين ! "




سؤال خطر على بال سعود،

يا ترى كيف بيكون موقف هله من سفرته المفاجأة ؟؟

تنهد برهبة، ومشى يخبرهم ..

اليوم موعد السفـر، وما يدري كيف قدر يكتم الخبر عنهم هالكثـر !!

يا ترى طموحاتك يا سعود بتتحـقق،،

ولا بيكون مصيرها مجهول محد يعلم به إلا الله ؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 01-04-2009, 08:44 AM
روح زايــــد روح زايــــد غير متصل
✿ إدارة الإقسام ✿
 
الافتراضي رد: لانها لن تعود للكاتبه قلب دبي كامله


(4)


[مؤلـــــم.....أن لا يعجبك في الأنثى إلا جـمـالـهـا !!]



انصدمت أم سعود من قرار سعود المفاجىء بالسفر،

ام سعود : يعني شقايل تسافر ؟؟

سعود بتوتر واضح يحاول يخفيه بالضحك : ههه .. يعني عادي بالطيارة بلاج اميه ..

خلود بحدة : سعود انته امسات مقدم ع وظيفة كيف تسافر ؟

سعود : الوظيفة بتبدى بعد 4 شهور .. وانا.... اناا ..

سالم : ما عليه اميه خليه يغير جو ..

ام سعود : لالالالا .. نسيتوا ذيج المرة يوم سافر لندن ؟؟

سالم : يا امايه هالمرة غير .. اكيد سعود ساير لسبب ..

خلود : وشو هالسبب اللي يخليه يبدي بلاد الغربة ع بلاده ؟

سعود : انا ما بديت بلاد الغرب ع بلادي.. بس انا صج لازم اسافر

خلود : وليش لازم ؟

سالم : خلود انتي ما يخصج في السالفة عشان تتدخلين وتحاسبين سعود ..

ام سعود : لا خلها تحاسبه .. انته سكتنا عنك وما حاسبناك وخذت ..........

سعود غيظ : اوووه طاعوا كيف بيجلبون السااالفة .. السفرة هاي عشان الدوام ارتحتوا الحين ؟

سالم : وليش ما خبرتنا قبل ..

سعود : ليش يعني ؟

سالم : انا بعد بسافر !!

سعود : بتسافر ؟؟؟؟؟ ليـــش ؟

خلود : سعود سالم كليته تعبانة ولازم يسافر .. لازم انته تتم ..

سعود بخيبة أمل : محد خبرني انك بتسافر ..

سالم : خلاص سعود انته سير وحاول ترد قبل سفري .. ان شا الله أنا بسافر بعد اسبوع ..

سعود ومبين عليه القلق: والله ما يمديني ..

سالم : خلاص توكل انته والله يحفظك..



توجه سعود لأمه اللي سارت عنهم وانزوت في الصالة تصيح ..

سعود بحنان يحب راسها : اميه شحقه زعلانة .. والله انه السفرة مب لعب والله انها تخص الدوااام..

ام سالم: كلكم بتسافرون وبتهدوننا رواحنا مب حرام عليكم حرمتين روحهن في البيت ؟

سعود : خلاص بتصل في ابويه ايي يجوفكم ..

ام سالم : لالالالالالالا .. خلنا جيه احسن ..

سعود ابتسم : يعني راضية الحين ؟

ام سالم تصد بويهها عنه: انته ولد ومالي شور عليك شو أسوي !!

سعود: فديتج يا الغالية ان شا الله برد بأسرع وقت..

ام سالم : الله يحفظك يا الغالي وهالله هالله بعمرك..

/


فـي المـطار،،

توجه سعود لغرفة تبديل المضيفين وبدل ملابسه،

مات من الضحك على عمره وهو يجوف الإسم (Habeeb rangahay) وإنه فلبيني الجنسية،

التقى بالطيار حمد ورحب فيه بحفاوة،

وبدى مشوار الألف ميــــــل

بـهالخطوة!!

/

وعادت لـه ذكرياته القديمة،،

ابتسم، وهو يتذكر كل هالمواقف اللي استوت له، واللي وصلته لهاليوم،

حس بالغربة وهو روحه في الفندق، فـ فضل يتصل بخليفة،

حاول كذا مرة لين ما شبك الخط..

خليفة: الــــوووووو ..

سعود : ههههههههههه حشى حشى ليش تصارخ ..

خليفة: قلت يمكن ما تسمع صوتي..

سعود : ههههههههه ويا هالويه.. شحالك ..؟؟

خليفة: بخيييير .. انته شحالك وشحال السفر وياك ..

سعود : ماشي الحال.. ما جفنا خيره من شره لين الحين ..

خليفة: شكلك فـ ألمانيا صح ؟

سعود : هيـه .. شقايل عرفت ؟

خليفة : انته قلتلي هاهاهاهاهاها ..

سعود: ويا ويهك بعدك ما ودرت هالحركات المايعة عنك ..

خليفة: عداااال اللي يسمع مفارجني من كم سنة، الا يومين ويا هالويه ..

سعود: ههههههههههههههههه ..

خليفة: ومنو وياك الحين ؟

سعود: تصدق اني روحي ..

خليفة: انته قلتلي انك بتسافر عشان المشروع .. شو يعني ناوي تجوف خدمة فنادق برع؟؟؟

سعود: هــا ... هي هي تقريباً.. خلوف لا تستعيل بتعرف كل شي فـ وقته ..

خليفة: هيه صح ما خبرتك ..

سعود: ها ..

خليفة وهو يتذكر الموقف

" كانوا في حوش البيت، تحديداً جدام باركات السيايير،

يوم اتصلتبه أم سالم عشان ايي بسرعة البيت لان بو سالم موجود،

كان يصارخ بقوة، وسالم راقـد من التعب، وام سالم وخلود يالسين يعقون عليه من ذيج النغزات يمكن يحس ع دمه ويفارج ..

يا خليفة يهدي الموقف وهو مب فاهم شو السالفة: خلاص خلاص ما حصل الا الخير ..

صد عليه بوسالم والغيظ واصل أشد حدوده : وانته منو بعد ؟

خليفة بعبط : انا سعود ..

بوسالم يطالعه باحتقار : تستهبل ويا ويهك ..؟؟

خلود ظهر صوتها : ابويه سعود سافر خلاص وهكوه ربيعه رد عشان تصدق ان خلاص سعود سااااااار...

بوسالم: انتي جب محد كلمج (يطالع خليفة) وانته .. بأي حق تودي سعودو المطار؟

خليفة: انا التاكسي ..

بوسالم يزاعج عليه: انته متأكد انك فـ كامل قواك العقلية ؟

خليفة يحاول يخفي التوتر اللي بدى عليه بالضحك : لا يمكن نصها ..

ام سالم : الحين انته شو تبا منا ياي تضاربنا..

بوسالم: انا ياي أأدب ولدج اللي ما يعرف السنع يسافر بدون ما يتصل ولا يودع، بس فالح يطرش مسجات انا مسافر وما وصيك على امي، حضرته يستهبل؟؟ ولا خاطب لي أميرة؟ انتو شو تبون مني؟

ام سالم : لا حول ولا قوة الا بالله .. ما نبا شي منك توكل انته ..

خليفة: يا بوسالم استهدي بالله انته شحقه معصب، (ولع المصباح السحري عنده) هيه صح بو سالم انته تاجر؟

بو سالم : وانته شو يخصك ؟

خليفة ببراءة مصطنعة: اكييييييد عندك خياط ..

بوسالم: لا والله !!!

خليفة: مب انته راعي محل "بوسالم" في فريج المرر، هذاك المشهور واللي يخور ويسوي كنادير مغربية حق الحريم ..

بوسالم غيظ: أياااااا الهرم !!!!! "

قطع عليه كل شي صوت سعود : اييييه وين سرحت خسرتني رصيد ويا هالويه ..

خليفة: ههههههههههههههه لا ماشي بس تذكرت موقفي ويا ابوك ..

سعود: ليش يا البيت ؟

خليفة: هيه.. امك قالت لي ايي لان سالم تعبان وخافت تخبره ويتعب عليهم زيادة..

سعود: اكيد كان مغيظ ..

خليفة: اقولك شو شرشحني وانا كوووووول واضحك بس والله قلبي كان شوي وبيوصل لبطني من الزياغ.. حشى ابوك ولا جرانديزر ..

سعود: ههههههههههههههههه .. وشحقه كل ها ؟

خليفة: شكله ابوك استخبر انك خطبت اميرة مادري منو ..

سعود تغير شكله : انزين ؟؟

خليفة : ماشي بس كان ياي مغيظ ويقول يبا ياخذ أميرة ..

سعود بقلق: وابويه شدراه ان اسمها اميرة ..

خليفة: بصراحة ما سألته، يلست استهبل عليه لين ما لاعت جبده مني وظهر ..

سعود: زين سويت.. بس شو سالفة أميرة هاي !!

خليفة: ما عليك انته منها .. انته ما تقول انك نسيتها ؟

سعود: هيه بس يعني ............

خليفة: سعود نحن ما بنتناقش فهالموضوع أبداً .. وأوقف عوي واتكلم سيدة ..

سعود: هههههههههههههه ..

خليفة: اتخبرك انته مب مصدق ان رقمك فاتورة ؟

سعود : ليش يعني ؟

خليفة: وحليلك بترد مفقر وبتفقر أزيد بسبة فاتورة التلفون .. لالا يا حرااااام ..

سعود : اوه صح تعال انا راحت هالسالفة عن بالي .. يلا عيل خلاص مع السلامة ..

خليفة: ههههههههه مع السلامة

/

في وقت لاحق،

نزل سعود اللوبي يجيك اذا كان مطعمهم هناك فيه أكلات حلال أو لا ..

وزين انه حصل سوالف Sea Food فطلب له ويلس ياكل بهدوء..

لاحظ ان في وحدة ما طاعت تشل عينها عنه وهو ياكل،

لين ما قرر يتبع خطة خليفة يوم ينتبه ان في وحدة تطالعه،

خلص أكله وحط ايدينه تحت لحيته ويلس يطالعها..

ابتسمت له ورد هو الإبتسامة لها بغرور،

مشت صوبه وتكلمت بصوت هامس : Can I have a seat?

سعود بعبط : هـا ؟؟

ردت وابتسمت بكبرياء : أقدر أقعد ؟؟

سعود تلعثم : تفضلي ..



"كانت ملاكاً مصوراً في صورة إنسان، جميلة، وجميلة جداً جداً، بيضاء بعض الشيء، طويلة قليلاً، رشيقة، شقراء، وعيناها مستديرة كالجوزة، على الرغم من بعض الجحوظ في عينيها إلا أن ذلك أكسبها قليلاً من التميز في عيني!"



........: اسمي جويل and you؟؟

سعود وهو مبهت من جمالها : سعود ..

جويل: تشرفـنا !! .. انت from where؟؟

سعود وهو يحاول يطيل مدة الحوار بينهم : من وين تتوقعين ؟

جويل: الصراحة باين عليك اقطري على سعودي،guess more !! I cant ..

سعود ضحك : ههههههههه لا لا إماراتي ..

جويل تفاجأت : سوري ما عرفت أخمن، آنا لبنانية ..

سعود بخيبة أمل : لبنانية؟ تحسبتج كويتية ..

جويل: هههههه فيني أصول كويتية.. my grand mother كويتية ماخذة لبناني ..يقولون اني اشبهها بعد

سعود بإعجاب : بس ماشا الله تتكلمين كويتي عدل ..

جويل: لاني سكنت بالكويت تقريباً 15 سنة ومن 6 سنين رديت لـ لبنان، and because of war قمنا ندور بهالعالم ..

سعود : اها تشرفنا ..

جويل : اسمحلي قعدت جذي بلا احم ولا دستور بس والله لان بطت جبدي وانا قاعدة روحي ولما شفتك قاعد روحك قلت أكلمك يمكن أنسى الملل شوي .. مممم شكلك مسافر روحك right ؟

سعود: هيه صح .. مسافر للشغل بس ..

جويل: اييـه good good .. انت كم عمرك ؟

سعود يفكر : قولي داخل الـ26

جويل: ماشا الله زين .. انت من وين من الامارات ؟

سعود: من دبي ..

جويل: اتصدق على كثر ما اسمع الناس تطري دبي بس ما تحمست اروحها ؟

سعود: ليش يعني ؟

جويل: ما أدري يمكن لأني اتعودت ع البراد هالكم سنة ومتخيلة ان جو دبي ناااار ..

سعود : سيري لها بالشتا الجو يكون حلو ..

جويل: ايه ان شا الله .. عندك شغل هالحزة ؟؟

سعود: لا والله .. ليش ؟

جويل: شرايك آخذك بجولة سياحية لجم منطقة اهني.. حرام ياي للشغل وتحرم روحك من المناظر السنعة..

سعود: اوكي ما عندي مانع !!

/


"بدوت كالدمية التي لا تعرف إلا هز رأسها في المحافل الإجتماعية، كنت أدرك أن شكلي مضحك بشكل رهيب، ومع ذلك لم أنبس ببنت شفة، حتى اتخذنا قرار ركوب التاكسي واستطعنا خلال ذلك الوقت أن نتحدث ونتسامر بعيداً عن التكلف والتصنع، فتحدثت هي عن عائلتها الصغيرة المكونة من والدها وجدتها القاطنان بعيداً عنها، ثم "تفلسفت" على نفسي وتحدثت عن عائلتي ولكن ببعض التكلف، فلم أذكر لها أني قد مررت بتجربة خطوبة فاشلة، ولم أذكر لها عيوب أبي بل اكتفيت بإخبارها أن أبي يقطن بعيداً عنا، وبالطبع لم أتوقف عن طرح التعليقات بشأن اختي خلود وصديقي خليفة، حتى داهمنا الوقت، وقررنا العودة إلى الفندق، ونشوة الفرح بين كلينا بإيجاد رفيق مؤقت قد غمرتنا"



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 01-04-2009, 08:49 AM
روح زايــــد روح زايــــد غير متصل
✿ إدارة الإقسام ✿
 
الافتراضي رد: لانها لن تعود للكاتبه قلب دبي كامله


(5)

مر أسبوع كامل على سعود وهو فـ ألمانيا، وعلاقته يوم بيوم تكبر بـ جويل، لين ما استوت جويل تعرف كل شي في حياة سعود، كل يوم يظهرون، وإذا ما ظهروا يسهرون مع بعض في الفندق، حتى سعود نفسه حس بتأنيب الضمير ع اللي يسويه وانه كل يوم يالس يختلي بهالبنية، صح انهم ما سووا شي حرام ، لكن مجرد إنه يختلي بها وييلسون يتابعون فلم ويضحكون ويسولفون كانت مسببتله بعض القلق!..

ضحكت جويل بقوة لما صارحها باللي يفكر فيه : هههههههههههههههههههه .. سعود انت تتكلم seriously؟

سعود: ليش يعني ؟

جويل: مادري عنك.. شصاير لك اليوم ؟

سعود: مادري قلت أصارحج يمكن انتي تبين تصارحيني بهالشي ومستحية !

جويل: مممم actually لا ما خطر على بالي هالشي، انته تدري ان نحنه Just friends وكل واحد منا مستحيل يتخطى حدوده..

سعود: يعني ؟

جويل: آنا أدري ان ممكن أي شي يصير بالمستقبل، but at this moment I think no!!..

سعود : يمكن !!!

جويل: سعود أنا ما أبغي أكون رزة في حياتك.. انت لازم تفكر زين قبل ما يصير أي شي.. لان آنا اذا تعلقت بأحد مستحيل أفارقه بسهولة ..(بنظرة كلها تحدي) وحزتها بتقول ليتني ما صارحتها بحبي ..

ابتسم لهـا سعود مجاملة وما حب يعكر الحوار اللي بينهم بأسئلته،

وغير مجرى الحديث،،

/

من جهة ثانية،

وعند بطل ثانوي اظني لازم نسميه "محبوب الجماهير" لأنه استحوذ ع قلب قارئات القصة أكثر من البطل سعود نفسه ههههههه ..

عند خليـفة/ وهاي اول مرة ندخل لـ عالمه العائلي الخاص جداً !

دقت عليه الباب بعنف : خلوف نشيت ؟؟

خليفة وهو حاط ايدينه ورا راسه ومتضايج: ناش ناش اميه ..

ام سهيل: انزين عيل تعال شغل السيارة وودني عند ربيعتي ام حارب ..

خليفة عفس ويهه : سهيل وينه عيل؟

ام سهيل : وحليله سهيل اليوم من فير الله ناش يدور له شغل ..

خليفة : خلاص انا بوديج ان شا الله .. سيري تلبسي الحين ..



نش خليفة واتجه للحمّام، وعلى طول وجه نظره للمراية، تنهد بضيج :

سهيل دلوع أمه وانته ؟؟ انته مجرد عالة ع قلبها.. هـه .. ربتك ورزقها الله بسهيل وقامت تعاملك شرات البشكار عندها !!!!



لبس ملابسه ورد طالع عمره في مراية الحجرة وضحك رغم كل أحزانه : الكـــــل يتحسب اني خالي من الهموم، لكن آاااااه خلها على الله، ترى الشكوى لغير الله مذلة ..



ظهر من الحجرة وجاف سهيل في ويهه : هلاااا سهيل ..

سهيل بدلع بنّاتي شوي : هلا ..

خليفة بإشفاق على حاله : حصلت لك شغل ؟

سهيل : أصلاً انا ما سرت ادور لي شغل عشان احصل ..

خليفة عقد حواجبه : اميه قالت انك اليوم سرت ..

سهيل شهق برقة : هـااه .. لا ماسرت .. وين ساير انت ؟

خليفة : بوصل اميه بيت ام حارب ..

سهيل بدلع ماصخ : الله يعينك على هالـ أم حارب.. كله تسولف بدفاشه ..

خليفة : لاااا؟؟ انا احسها عادي ترمس .. يمكن رمستها خشنة عليك انته بس ..

كان وده يعطيه كم كف يخلونه يصطلب،

لكن خوفه من تهديد أم سهيل له يوم صارخ فـ ويهه انه مب ريال فـ يوم من الأيام خلاه يتراجع عن قراره،

وسار عنه عسب يشغل سيارته..

في السيارة،

أم سهيل : خلوف بلاك صاخ مب من عوايدك .. !!

خليفة يبتسم بغصة: ماشي.. قلت يمكن في خاطرج تريحين اذنج لين ما توصلين عند ام حارب..

ام سهيل: هي واللـــه صدقت.. ماشا الله عليها هالحرمة جنها الا بالعة راديو..

خليفة باستهبال: الا بلاها ام حارب على سهيل ؟؟

ام سهيل صدت عليه باستغراب: شبلاها ؟

خليفة: مادري .. اليوم سهيل يخبرني انها متلاسنة وياه من فترة .. اظني يوم وصلج عندها..

ام سهيل: هييييييه.. اسميه هالولد دلوع !!

خليفة يحاول قد ما يقدر انه يكون هادي: اميه خلج شديدة شوي عليه ..

أم سهيل: الحين عقب ما شاب ؟؟

خليفة: يعني ع الأقل لا تدلعينه ولا تعطينه مجال يتميع جدامج ..

ام سهيل بلا مبالاة: بعده طايش اتريى كم سنة وروحه بيصطلب ..

خليفة: والله كيفج بس يعني قلت أنصحج ؟

ام سهيل : ومن متى انته تعطيني نصايح ها ؟؟

خليفة: عادي اميه انا ما اقصد شي !!

ام سهيل: اسمعني يا خليفة.. انا عديتك شرات سهيل وربيتك احسن تربية.. لا تخليني اندم ع هالسنين اللي ضيعتها وانا اجابلك !!

خليفة بحزن : ان شا الله !!



نزلها بيت أم حارب،

وتوجه للبحر، وكله أسى ع حاله اللي مب قادر يتحمله أكثر من جيه !!

تم يناجي نفسه ودموعه فـ وسط عينه ما رضت تنزل عسب ما تحسسه بمقدار الأسى اللي هو يعيشه ويحس فيه كل يوم :

لين متى بتم جيه ؟ أضحك واستهبل، وانا في كل يوم أنطعن بطعنة أقوى من القبلية؟؟،

أمي اللي أزقرها أميه هي أصلاً مب أمي !!! كيف جيه !!! ...

وين هلي عني؟ ليش فروني ع هالإنسانة اللي من عرفتها وهي تذلني ع تربيتها لي ؟

ما أنكر اني احبها.. لكن في نفس الوقت مستحيل أتقبل فكرة إني ولدها بعد ما صارحتني..

قالتلي بكل وضوح "اسمع يا خليفة انا ربيتك في يوم ما كان عندي فيه عيال، واضطريت جدام الناس اني أدعي انك ولدي عشان أداري فضيحة العقم اللي الناس اتهموني فيه، وبعد ما ربيتك بكم شهر الله كرمني وحملت في سهيل، ومن بعدها قررت أردك لهلك لكن اهلك ماتوا، وربيتك لين ما وصلت لهالحال"

سألتها بوضوح "يعني انا مب مواطن؟"

فابتسمت بشفقة "ابوك مواطن ومات الله يرحمه، بس امك ما عرف أصلها يمكن بعد مواطنه مادري"

ما حبيت أفتح معاها أي موضوع عنهم، دام هلي مب عرب، اش لي فيهم وليش اعور راسي بهم؟؟

مثل ما استغنوا عني، أقدر استغني عنهم ، ما بخلي نزوة الحزن هاي تذبحني، أنا بجتهد وبشد حيلي فـ شغلي، وما بخلي أوهام تافهة شرات هاي تسيطر علي,,,

/

صرخت بقوة : مب من حقج تتدخلين فيه وفي عيالي ..

وصل صوتها لخلود اللي كانت يالسة فوق تطالع التلفزيون،

نزلت تحت وهي تجوف نجلا زاخة مريومة ومطر بايدينها ولابسة عباتها وشكلها بتظهر..

خلود بهدوء : خير ان شا الله بلاكم تصارخون ؟؟

ام سالم بقهر : تعالي جوفي مرت اخوج ..

خلود صدت ع نجلا : شو بلاج بعد ؟؟

نجلا : وانتي اش لج رازة الويه بعد ؟؟

خلود بصدمة : انتي صج قليلة أدب ؟؟ استغليتي سفر سالم عشان تطولين لسانج ؟

نجلا : ما يهمني لا سالم ولا عشرة من طوايفه.. وبعدين اياني واياج تتكلمين ويايه بهالطريقة فاهمة؟

خلود: والله الحشيمة مب لج .. لهاليهال المساكين اللي يتطمشون علينا .. حشمي شوي ..

نجلا : قولي لأمج ما يخصها فيه، هذا بيتي أظهر وأدخل منه شرات ما أبا .. فاهمة ؟

ام سالم بقهر : تخسين وتهبين .. قالت ها بيتها بعد .. هذا اللي ناقص بعد !!

نجلا : سكتي انتي يا عيوز النار ..

خلود : والله ان ما سكتي لاييج وافلعج بأقرب قوطي يا الخايسة ..

( تصد على أمها )

اميه سيري انتي ويا عيال سالم وانا بتفاهم ويا هاي ..

ام سالم : لا بويه هاي مب آدمية أخاف تسويبج شي ..

نجلا : عداااال نسيتي عمرج يا الغوريلا ..

خلود صارخت بحزم : اميه شلي مريومة ومطر وسيري الحجرة .. ما نبا نعلم اليهال ع هالألفاظ .. مريومة حبيبتي سيري ويا يدوه انتي ومطر بتعطيكم حلاوة ..

وانصاعت ام سالم لها، وساروا لوحدة من هالغرف الجريبة ..



خلود بعد ما تأكدت ان الباب تسكر : والحين خبريني .. شو مشكلتج انتي ؟

نجلا : ما يخصج انتي يا الرزة ..

خلود : اشحقه هبيتي فـ ويه امي وطولتي لسانج عليها ها ؟

نجلا : امج رزززززة الا تعرف أنا وين سايرة .. هي شو لها ؟

خلود : سإلت سؤال عادي .. يعني هي مشكلة ؟ المشكلة مب فـ امي المشكلة فيج انتي ..

نجلا : أنا ما عندي مشكلة موووليه.. بس شكلها المشكلة منج وفيج انتي ..

خلود : آخخخ بس ..اموت واعرف سالم شو حصل فيج زود !!

نجلا : اعترفي انج غيرانة وودج بريل بس مستحية ..

خلود تفاجأت : انتي صج ما تستحين !!

نجلا : اووووه ذلفي عن ويهي انتي بعد .. ناقصتنج أنا !!!

خلود : أحذرج تراني .. إن فكرتي تتعرضين لأميه بييج شي ما يسرج ..

نجلا : يعني شو بتسوين مثلاً ؟؟

خلود : أروم أسوي اللي ما يتسوى .. !!

نجلا : لااااا؟؟؟ خوفتيني الشيخة .. اقول جلبي ويهج وخليني اسير عند هلي أحسن ..

خلود : حسبي الله ونعم الوكيل فيج .. والله لو ما كان عندج هالولدين جان على طوول سرت وخبرت سالم ع سواياج يا مسودة الويه،

نجلا : اووووه ... اقول خلي عيالي عندكم انا ظاهرة ..

وظهرت عنهم ..

وخلود ميتة قهر ع الحال اللي هم فيه، كله من سالم ، الله يسامحك ويعافيك يا سالم !!

/

في ألمانيا..

تحديداً في احدى الأسواق المنتشرة هناك ..

جويل شالة قميص شبابي وتأشر لـ سعود : اشراااايك it’s look amazing

سعود ابتسم : حلو ..

جويل : شكلي آنا من اليوم ورايح بصير مسؤولة عنك ..

سعود : ههههههههههههه .. ليش لبسي مب حلو ؟

جويل تتأمل ثيابه اللي عليه : مممممم تقدر تقول مو ذاك الزود.. ستايلك حده قديييم ...

سعود: اف اف اف لهالدرجة !!!!

جويل تقترب منه : آنا مو بس بغير ستايلك .. شكلي بغير all your life style..

سعود : ههههههههههههه as you like!!!

جويل تأشر له ع برمودة لونها برتقالي : هذا لونه عجيب، اشرايك فيه ؟

سعود وباين عليه انه مب عايبنه : مممممم ... !!!

جويل: خلاص غصب طيب بتاخذه ..

سعود يطالعها باستنكار ..

جويل : ايه صح هم لازم أغير نظراتك هذي اللي شوي وبتحرقني حراق!!

سعود : هههههههههههههه يا هالنظرات اللي أذيتوني فيها ..

جويل : ايه لازم شوي تخفف.. يا أخي شكلك حده يخوف وانت جذي !!

سعود : هههههههههههه اوكي ..

مشوا شوي صوب محل كله نعول وصنادل ..

جويل : سعودي كم مقاس ريولك ؟

سعود: 66 ..

جويل: ههههههههههههههه اشدعوه دينصور؟؟

سعود: هههههههههه لا 42...

جويل: اها قول جذي .. (تأشر ع صندل) سعود هذا الصندل اللي راح يغير مجرى حياتك ..

سعود : خيبة مب صندل ها .. شكله المصباح السحري ..

جويل: هههههههه .. absolutely إيه .. هذا هو الحل الشافي بدل هذا اللي انت لابسه ..

سعود فصخ نعاله ويراويها الماركة بكوميدية : شو مب عايبنج ؟ هذا أنطونيو طال عمرج ..

جويل : ايه خله هذا لما تلبس الشدشادة .. (انتبهت لغلطها) شدشادة ؟؟ ييييه شنو يسمونها .. ايه ايه دشداااااشة أقصد ..

سعود : هههههههههههههههه اوكي شدشادة ..

جويل وهي تضربه بالخفيف : انت وايد تستهبل ..

سعود : طالع عليج .. (وركض اونه عاد بيشرد عنه)

حاسبت الريال وركضت وفي ايدها الجيس وهي تصرخ : هين سعودو تخليني آنا أستهبل؟؟؟ اوكي.. سعوووود come here والله ما فيني شدة ..

سعود يصد عليها ويظهر لسانه : شدة ولا ربطة ههههههههههههههه ..

جويل بوزت ويلست ع الأرض مع ان المكان للمشي : هين سعودو I will stay here بنشوف من الخسران فينا ..

مشى سعود صوبها ومسك ايدها ورفعها : يلا نشي بلا دلع زايد ..

تلصقت فيه وتحركوا صوب أقرب مطعم هناك،

يلسوا هناك وكل واحد منهم يضحك ع الثاني ..

سعود يتأمل جويل : جويـل ..

جويل وهي مندمجة في العصير: همممم ..

سعود : انتي مرتاحة بهاللبس ؟؟

رفعت عينها صوبه وهي متفاجأة من كلامه : ليش هالسؤال؟

كانت لابسة برمودة ضيجة نسبياً، والقميص نص كم وبعد ضيج، والمميز فيه انه كان يبرز جسمها أكثر مما يستره، وطبعاً كانت فالة شعرها ومكتفية بربطة صغيرة ع شعرها الذهبي القصير ..

سعود: مادري .. انتي شو رايج ؟

جويل عقدت حياتها : رايي إن هالشي up to me ومحد له أي سلطة عليّ

سعود بجدية : حتى أنا ؟

جويل: سعوووود don’t talk in this way انت تدري انك صرت the best in my list

سعود : هـه list ماشا الله ؟؟؟

جويل : اقصد يعني من بين كل اصدقائي اللي عرفتهم قبل ..

سكت سعود وصد بويهه عنها ..

جويل حطت ايديها ع لحيته وحركت راسه صوبها : سعود don’t be like that انت تظن ان اللي بيننا حب بس آنا أقدر أجزم لك ان ليما الحين نحن ما بيننا شي ..

سعود : لا والله ؟!!!!

جويل: look سعود .. امم .. آنا وانت التقينا بالصدفة، ولان كل واحد منا مفتقد طرف ثاني معاه، لقينا أنفسنا متعلقين ببعض، صدقني لو ان خليفة your best friend is here كنت ما راح تعيرني أي أدنى اهتمام، وحتى آنا لو كانت معاي أي وحدة من رفيجاتي ما كنت بفكر أو حتى أتجرأ أكلمك ..

سعود : يمكن كلامج فيه شي من الصحة، بس بعد .. كل هالانسجام اللي بيننا ما يوحي لج بشي؟

جويل: سعود I love you.. بس مو الحب اللي يخليني اتخلى عن أشياء حلوة احسها فيني.. يعني مثل ستايلي في اللبس.. لو صج آنا كنت أحبك ذاك الحب اللي تظنه، كنت بتلقاني من غير ما أناقشك أبدل هدومي وأنا فرحانة انك رضيت علي..

سعود : يمكن !

جويل: يلا عاد سعوود لا تكون جاد جذييي .. عموماً محد يدري اش راح يصير بالأيام الياية، أخاف بعدها أترجاك تحبني وانت تصد عني وتقول مابيج ..

سعود : ههههههههههههههههههههههه ..

جويل: سعود آنا شاكة بشي ويا ليت ما تصدق شكوكي ..

سعود : في شو ؟؟

جويل: انت حبيت قبل .. صح ولا آنا غلطانة ؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-04-2009, 07:47 AM
روح زايــــد روح زايــــد غير متصل
✿ إدارة الإقسام ✿
 
الافتراضي رد: لانها لن تعود للكاتبه قلب دبي كامله


(6)





تفاجأ سعود بسؤال جويل : انت حبيت قبل .. صح ولا آنا غلطانة ؟؟

بس حاول يبين انه عادي : لكل منا تجاربه الخاصة يا جويل ..

جويل : so I think انك حبيت قبل .. وشكله كان حب عنيف ..

سعود تنرفز : ممكن تغيرين الموضوع ؟

جويل بإصرار : لأ مو ممكن .. انت تبيني اوجه مشاعري لك.. لكنك انت مو صريح معاي ..

سعود : انا قلتلج كل شي عن حياتي ..

جويل : ايه صح .. والدليل انك كلمتني عن شغلك اللي انت فيه الحين !!

سعود باستغراب : شو قصدج ؟

جويل: انت قلت لي انك ياي للشغل.. بس اللي آنا اشوفه لأ ..

سعود : يعني قصد جاني جذاب ..

جويل ابتسمت : ايه جذاب .. ولا يمكن مو جذاب .. بس تلف وتدور وايد ..

سعود بتهرب : انا فعلاً كنت ناوي أشتغل .. بس شغلي بيكون في السفرة الياية ..

جويل: سعود آنا ما أجبرك تقول لي about anything in your life .. بس لا تلومني إذا آنا ما فكرت بحبك أبداً..

سعود تنهد :اوكي لا تفكرين .. الحين خلينا من سالفتي وخبريني انتي عن حياتج ..

جويل: حياتي ؟!! اش فيها حياتي ؟

سعود: يعني الحين تبين تقنعيني انج عمرج ما حبيتي ؟؟؟

جويل بغرور : لا اشدعوة آنا بايرة يعني؟؟ (بدلع) وحدة بجمالي المفروض تحب أكثر من مرة ..

سعود ما عيبته رمستها : هيييه يعني كل مرة لج صاحب ؟؟

جويل: انت شفيك على طول معصب.. لا مو كل مرة لي صاحب .. آنا حبيت مرتين .. تبي تعرف their love story??...

سعود : هيه ..

جويل: اوكي .. الله يسلمك الأول لما كنت بالكويت، حبيت لي واحد كويتي يهبببببل .. وكنت طبعاً بفترة مراهقة، وعاد منو يقول أروح له وأعلمه بحبي له، عاد قام يسألني جم سؤال رفع لي فيهم الضغط والسكري، وقال لي اياها بصراحة "آنا ما أحب إلا بنت من بنات بلادي" .. قعدت اقول اشفيه هذا ما صدق على الله وحدة تلاحقه.. وهبيت فويهه وعطيته جم كلمة بردت خاطري ورحت ..

سعود : يوم انه بفترة المراهقة اكيد حزتها كنتي طايشة ..

جويل : maybe .. !

سعود : والثاني ؟

جويل: الثاني شفته بلبنان وما كنت مثبتة على جنسيته، حسيته سعودي على اقطري مادري ليش..

سعود باستغراب : وما عرفتي جنسيته لين الحين ؟

جويل: اهو كان عنده جواز أمريكي ولما سألته عن أصوله قال انه خليجي .. وبس ..

سعود : وكيف حبيتيه يعني ؟

جويل: بصراحة لان شكله كان رهيييييييب رهييييييب بشكل ما تتصوره، وكنت شوي وبموت عليه .. وبصراحة كنت ناوية أغلط وأصارحه بحبي نفس الأولاني، بس قلت ما راح اصير طايشة وبصبر .. وفعلاً ما صارت أيام الا وهو يصارحني بإعجابه فيني ..

سعود : ببساطة جيه ؟؟؟؟؟؟ !!

جويل: ايه .. عادي .. شنو فيها !!

سعود : وكيف افترقتوا عيل ؟

جويل : كل ما بغينا نروح مكان مع بعض .. شفته يسلم على بنت.. وكل بنت احلى من الثانية، وكل مرة أسأله يا فيصل منو هذي، يقول لي هذي كانت حبيبتي قبل والحين نحن just friends..

سعود : بس عشان جيه !!!

جويل: آنا ما اتحمل تكون معاي شريكة في حبي .. وبعدين لقيت مخه فاااااااظي وكل تفكيره اخرطي..

سعود وهو حاس نفسه بيختنق من كلامها : اوكي ممكن نرد الفندق الحين ؟؟

جويل ببرود : ok.. انت اسبقني وانا لاحقتك بعد اشوي ..

تنرفز سعود وسار عنها وعلى ويهه كل علامات الغيظ والقهر !!!

/

من جانب ثاني،

وع التلفون ..

أم سالم تصيح : هلا هلا سالــــم شحالك يا ولدي وشو مسوي ؟؟

سالم : الحمدلله بخير اميه .. انتوا شخباركم وشو مسوين ؟؟

ام سالم : الحمدلله على كل حال .. ها اميه شو قالوا لك ؟

سالم : لا طمنوني وقالوا لي إن عمليتي باجر وما فيها أي خطر ..

أم سالم شهقت : عمليـــــــــة ؟!!!!

سحبت خلود السماعة عنها بتوتر : الو سالم ..؟

سالم : هلا خلود ..

خلود : هلا سالم .. شو قالولك في المستشفى ؟؟

سالم: باجر عمليتي بيزرعون لي كلى وان شا الله كل شي بيكون اوكي ..

خلود براحة : اشووه زغت يوم سمعت اميه تصارخ وتقول عملية ..

سالم : لا طمنيها إن شا الله كل شي اوكي ..

خلود : ان شا الله .. وشخبارك بعد ؟

سالم : الحمدلله مرتاح .. ما عندكم اخبار عن سعود ؟

خلود : لا والله تصدق حتى ما اتصل من سافر ..

سالم : ما عليه الغايب حجته وياه ..

خلود : لا يا سالم .. ما له حجة موليه .. حشى جيه بالمرة ينسانا ؟؟

سالم : كل واحد وظروفه انتي لا تسيئين الظن فيه ..

خلود : لا بسيء .. اشمعنه اتصل فـ ربيعه اول ما وصل ونحن ما افتكر يتصل فينا حتى !!

سالم تفاجأ : معقولة ؟؟؟!!

خلود : هيه .. اميه اتصلت في خليفة وسإلته عن سعود وطمنها انه اتصل به ووصل بالسلامة ..

سالم : يمكن خلص رصيده ..

خلود بغيظ : سالم هو تلفونه فاتورة مب رصيد لا تيلس تتعذر له ..

سالم : ههههههههههههه حشى حشى كلتيني بقشوري .. انزين انتي شخبارج ؟؟

خلود : زينة .. ناوية أقدم ع دورة كمبيوتر ..

سالم : زين زين .. إذا غاب القط العب يا فار ههههههه

خلود : ما عليه منه أنا .. انا قبل كنت محترمة رايه بس الحين يوم انه ما سأل عنا ما بحترمه ..

سالم : انزين خبريه احسن عشان ما ينصدم ..

خلود : بجوف ..

سالم : خقاقة انتي بعد .. يلا عاد لا تتفلسفين وايد ..

خلود : هههههه خلاص ما بتفلسف ..

سالم : وشخبار عيالي الحلوين ..؟؟

خلود بنغزة واضحة : ليش ما رمست حرمتك ؟؟

سالم يتهرب : هي رمستها بس انتي عمتهم ومسؤولة عنهم ..

خلود : يا سلام يبتهم ونسيتهم ؟؟

سالم :ههههههههههههههه لساااااانج اطول منج ..

/

في مكان ثاني،،

دخل خليفة إحدى الفنادق المنتشرة فـ البلاد،

وكان شال معاه أوراق وأقلام وكيمرته الغالية ع قلبه،

تنفس بقوة على وعسى هالزفرة تظهر كل الخوف اللي يتملك قلبه،

واتجه لإدارة الفندق عشان يكلمهم عن مشروعه،

لكن لسوء حظه ما لقى حد في الـ Administration ،، فقرر بذكاء إنه يسوي المشروع بالدسية، تحت شعار "دار درى ودار ما درى"،

توجه للمصعد، وقرر يدق ع الطابق "14"، أونه عاد بيدور له على عامل هناك،

ظهر من المصعد، وحصل عاملة تنظيف مشغولة بترتيب إحدى الغرف،

دخل الغرفة بكل عبط وهو يبتسم : هلووو مدااام ..

صرخت بقوة عليه : excusme go out!!..

خليفة تفاجأ : قو آوت مرة وحدة؟؟ يا حرمة أنا ياي أفتح لج باب الشهرة من أوسع أبوابه !!

العاملة : are you crazy??..

خليفة : ما كريزي إلا الشيطان يا ماما ..

العاملة :I will call the security ..

خليفة بنظرة احتقار : صج ما تنعطين ويه .. هاي يزاتي ياي أسأل وحدة شراتج ..

كانت الحرمة مغيظة من الخاطر عليه،

وبمجرد ما ظهر من الغرفة صكت الباب بقوة نقز خليفة بسبتها وصرخ : آااااااي ..



دقـــــايق،،

لقى كذا واحد ظاهر من حجرته يستطلع شو السالفة..

لوح لهم بعبط : هلا والله.. كنتوا معانا ضيوف خفاف في برنامج الكاميرا الخفية .. اه .. اه .. ها ها ها .. نياهاااااهاي

وعطاها شردة على طول للمصعـد ..



في المصعـد ،،

كتب بخط واضح ع الورقة "اول يوم استقبلتني عاملة التنظيف بشكل غير مسبوق فيه، حتى ما توقعت ان كرم الضيافة هذا عندهم، وكان يزاي طردة محترمة أخخخخخ يا القهر"

/

نرد لسعـود، البطل المقهـور،

بعد ما رد للفندق،

انتبه للمسد كول من رقم البيت، حس برجفة غريبة تسري فيه، يمكن كان مجرد شعور بالندم ليش انه ما سأل عنهم والتهى بحياته اليديدة مع جويل !!،

رد اتصل على طول وهو توه ظاهر من المصعد،

ردت مريومة : الووووو ..

سعود ابتسم : مريوم شحالج ؟؟

مريومة : زينة، منوو ؟؟

سعود: افا لحقتي تنسين عمج سعود يا الخاينة ؟

مريومة : اوه عمي سعوووووود ..

(خلود سحبت السماعة عنها)

خلود : الو ..

سعود : هلااااا خلوووود .. كيفووو ؟؟

خلود ببرود : زينة .. انته شخبارك ؟

سعود : الحمدلله ..

خلود بنبرة استهزاء : ها خلصت شغلك ؟؟

سعود بتهرب : لا بعدني .. ليش هالسؤال ؟

خلود: لا اجوفك طولت وايد ..

سعود : بعدني ما كملت الا اسبوع وكم يوم ..

خلود : على فكرة ترى سالم سافر وباجر عمليته ..

سعود وهو توه بيدش الغرفة : عمليــــة؟!!!! عملية شو ؟

خلود : زرع كلى ..

سعود : هيييــه !! .. وين سافر سالم ؟

خلود : خل عنك سالم وكلمني انته .. متى ناوي ترد ؟

سعود : متى ما خلصت بيي ..

خلود : متى ما خلصت من شو ؟؟ من اللعب والسهر والسخافة ؟؟

سعود : انا ساير ألعب ؟؟ صج انج ما تخيلين ..

خلود بتحدي : لا ما أخيل .. ولأنك اناني تستاهل اللي بقولك اياه .. انته اصلاً ما عندك ذرّة مسؤولية .. تبا تعرف حالة أمي؟؟ طول الليل تصيح عليك .. وسالم المريض يتصل بها يوم ورا يوم يتطمن عليها، وانته اللي يسمع بزنس مان ما عندك وقت ترفع السماعة وتسألها عن أخبارها ..

سعود غيظ : حشى حشى هبيتي فـ ويهي مرة وحدة .. ايه انا اخوج العود احترمي نفسج ..

خلود بلا مبالاة : مسكييين تعبت وانته تردد هالجملة .. اخويه العود واخويه العود .. هذا وانته بعدك ما تأثرت بشور حرمة وجيه مستوغد علينا .. الله يستر بس عقب ..

سعود صارخ بقوة : خلــــود !! وبعدين ويـاج ؟

خلود بهدوء : يعني برايك ما يحق لي أتكلم وأخبرك عن الحال اللي وصل له بيتنا (بقهر) أبوك يانا في نفس اليوم اللي سافرت فيه يهددنا ؟؟ انته شوووه ما تحس ؟؟

سعود : مثل ما هو أبويه تراه ابوج ..

خلود بغيظ : لاء انا ما عندي ابو .. ابويه مات من زمان ..

سعود مفول ع الآخر : لا حول ولا قوة الا بالله .. انزين اييج الشور ؟؟ أنا غلطان وكل المصايب من تحت راسي وما عندي سالفة اني سافرت وفكرتي حق مشروع الفندق كلها فاشله وسخيفة ومالها معنى!!!! ..

خلود : انته مسافر حق مشروع الفندق ؟؟؟؟؟؟؟؟؟

سعود وهو مب مركز ع اللي يقوله : هيه .. والحين بتصل فيهم عشان يكنسلون سفري وياهم .. ارتحتي الحين (بصوت مقهور اكثر) انا مادري شو هو الذنب اللي سويته فـ حياتي والله مادري !!

خلود حنت شوي : سعود والله آسفة ما كنت أدري انك مسافر عشان المشروع .. والله تحسبتك ساير جيه لعب وهياتة ..

سكت سعود وما انسمع الا صوت نفسه ..

خلود : سعوووووووود تكلم .. نازعني .. قووول أي شي بس لا تسكت دخيلك ..

سعود بانكسار : ما عندي شي اقوله ..

خلود : انزين متأكد انك مب زعلان من كلامي ؟

سعود : لاء مب زعلان ..

خلود : اكيييييد ؟؟

سعود تنهد: هيه .. يختيه طالعه ع منوه حنانة جيه ؟؟

خلود : عليك هههههههههههه ..

سعود : هيهيهيييي بايخة ... انزين جلبي ويهج ما وراج الا المخاسير ..

خلود : انزين انزين آخر شي ..

سعود : خير ؟؟

خلود : انا بسير آخذ لي دورة كمبيوتر ..

سعود : شوووووووووووووووووووه!!!

خلود : سعود حسبي الله عليك زيغتني بلاااااك ؟؟

سعود : ها ؟؟؟ عيدي عيدي ؟؟ ما سمعت ..

خلود : من قال ها سمع لا تستعبط ..

سعود : واشحقه هالدورة من الاساس ؟؟

خلود : سعود انته تدري إن الـ ICDL مقرر ع كل موظفين الدولة ..

سعود: تراج الا بتستوين أبلة ..

خلود : ليش انته ما تدري ان الأبلة هي الأساس وهي اللي لازم تاخذه ؟؟

سعود : خلاص سيري معهد فيه حريم بس..

خلود : ومن وين أظهر معهد كله حريم ؟؟

سعود : عيل اطلبي انه يدرسونج روحج ..

خلود بنفاذ صبر : يوم ان اللي بيدرسني ريال .. الحين هو حلال والباجين حرام يعني ؟؟

سعود : عيل تسيرين بنقاب ..

خلود : سعووووووووووووووووووود!!!! شو ها ؟؟

سعود : اللي سمعتيه .. وما عندي غير هالرمسة ..

خلود : انزين انزين .. (بهمس) بفكر ..

سعود : تفكرين فـ شو ؟؟

خلود انحرجت : اه .. هههههههههه لا اقصد حاظر عمي سعود .. يعني وافقت خلاص ..

سعود : هيـه بس بنقاب ..

خلود تتهرب : الوووو صوتك يقطع .. بس سمعت كلمة هيه .. يلا اسمحلنا فقّرناك.. .. بااااي ..

ضحك سعود : ههههههههههه مع السلامة ..



بعد ما سكر سعود عن خلود،

ضغط على إسم (الطيار حمد)، يستفسره عن المشروع ويعرف متى بيخلصون ..

حمد : الـو ..

سعود : السلام عليكم استاذ حمد ..

حمد : وعليكم السلام ورحمة الله وبركاته .. امنو الشيخ ؟

سعود : ما عرفتني .. أنا سعود ..........

حمد يقاطعه : سعوووود ؟؟ وينك يا ريال من كمن يوم وانا احاول اتصل بك والخط ما يشبك عندي..

سعود بإحراج : موجود في الحفظ والصون.. كيف الحال ؟

حمد : الحمدللـــه ع كل حال .. شو أخبارك انته ؟ وشو مسوي فـ دنياك ؟

سعود : الحمدلله عايش فهالدنيا ..

حمد : ان شا الله مرتاح في السكن ؟

سعود : الحمدلله ..

حمد : انا قلتلك من اول يوم وصلنا فيه ألمانيا تعال ويانا ولا تحاتي ما بنخليك ويا المضيفين بتكون ويانا نحن بس ما طعت .. زين جيه كل ما بندورك ما بنحصلك ؟؟

سعود : ههههههههه .. لا تحاتي انا بتصلبك كل يوم استفسر عن السفر ..

حمد : هيه صح ع طاري السفر .. ترى بعد يومين سفرتنا للهند ..

سعود باستغراب : الهنـــد ؟!!!

حمد : هيه .. ليش ما خبروك عن خط سير الرحلة قبل ؟

سعود : لا خبروني بس انا ما ثبت ..

حمد : الله يسلمك نحن خطتنا ماشية ع هالأصول،دبي-ألمانيا-الهند-ماليزيا-تايلند-دبي..

سعود : كم بناخذ وقت لكل رحلة ؟

حمد : الله يسلمك في الهند ما بنطول يمكن بالكثير يومين ولا ثلاث، وفـ ماليزيا بناخذ أسبوعين لأنه عندنا شغل ويا السفارة هناك وبنطول شوي.. ومن عقبها بنسير تايلند وعلى ما أظن بنتم فيها تقريباً أسبوع ولا 6 أيام تقريباً..

سعود يحاول يحسب : كم يبالنا يعني ؟؟ 4 أسابيع ؟؟

حمد : تقريبـاً شهر .. يعني شرات ما حسبت 4 أسابيع ..

سعود : انزين وبعد يومين وين أتلاقى وياكم ؟؟

حمد : انته باجر تعال الفندق ويانا لان الرحلة بتكون الفيـر وعشان تتلبس وكل شي وتكون جاهز للرحلة..

سعود : ان شااا الله ولا يهمك .. تعال شو جنسيتي هالمرة ؟؟

حمد : ههههههههههههههههههههه لا تحاتي هندي ..

سعود : هيه اذا جيه اوكي، ع الأقل فيني شبه منهم خخخخخخخ ...

/

من جانب ثاني،

دخلت الفندق وهي مقهورة من الخاطر ع المطر اللي نزل فجأة وخيس ملابسها،

تمتمت فـ خاطرها : you are lucky سعود، راح غير أواعيي وإجي إلك ..

كملت دربها وضغطت ع زر المصعد،

ومن عقبها ضغطت ع الطابق اللي بتسكن فيه اليوم،

من حسن حظها انها لقت لها حجز في الغرفة اللي عدال سعود،

حطت الأغراض ع ينب، وقررت فيما بعد انها تدق الباب عليه ..



بعد نص ساعة تقريباً كانت جاهزة،

لقت اتصال من أبوها، وردت عليه : yes daddy, did you call me??..

ابو جويل: hi جويل كيفك يا روح daddy؟؟ اشتأتلك موت ..

جويل : وانا اكتر دادي.. كيفا ستي ان شا الله منيحة ؟؟

ابو جويل : بنشكر الله انا لساتا عايشه لحد هلأ ..

جويل : thanks god..

ابو جويل: ايه ست جوي ؟؟ ايمتا راجعة ؟

جويل : no no not now هلأ أنا كتيير مشغولة ..

ابو جويل: ما تؤولي انك حبيتيلك شب خليجي ؟

جويل : هههههههههههههه daaaaaddy!!! شو يعني لو حبيت خليجي؟؟ بينحبوا زيهم زي العالم..

ابو جويل : لكان احساسي طلع في محلو ..

جويل: maybe not daddy .. انته بتعرف انو أنا هلأ صرت more politic ، ما راح حب إلا لما حس انو هوي بيحبني أكتر ..

ابو جويل: هيك بدي اياكي .. لكان I wish all the best for you..

جويل : thanks a lot daddy..

ابو جويل: صحيح .. انتي بتتكلمي معوه لبناني ؟

جويل بملل : no daddy.. بحكي كويتي معوه .. (تطالع ساعتها) بابا الله يوفأك أنا بدي خليك هلأ مشغولة كتير كتير كتيييير .. جااااااو ..

وسكرت عن أبوهـا،



ظهرت من حجرتها بعد ما تعمدت انها تتناسى بطاقتها داخل ..

دقت الجرس على سعود وهي تبتسم ..

فتح سعود الباب وتفاجأ بها : جويـل ؟؟

جويل : surprise!!!!!..

سعود طالعها بلا مبالاة وهد الباب مفتوح ودخل ..

جويل: يـــه !! .. اشفيك سعود عطيتني ظهرك ورحت عني ..

سعود صد لها وباستهزاء : انتي شو لابسة ؟؟

جويل بكبرياء : شنو لابسة يعني؟ عباة وشيلة شنو فيها؟؟

سعود : شكلج تحفة هههههههههههههههههه ..

جويل فصخت العباة والشيلة بقهر وضحكت وياه : ههههههههههه عيل لا تلومني اذا ما لبستها مرة ثانية يوم ان شكلي لهالدرجة يفطس من الضحك ..

سعود : ههههههههه لا يعني طالع شكلج غريب شوي .. بس بعد خطوة حلوة تقدمتي فيها وسترتي عمرج ..

جويل : يعني آنا الحين بالبجامة خطوتي مو حلوة ؟؟

سعود عقد حواجبه : جويل لشو تبين توصلين ؟؟

جويل : ولا شي .. انت مو قلتلي أحاول أحبك .. كاني قاعدة احاول ..

سعود حس نفسه انجرح بكلامها : انا ما اقول لج حبيني .. اصلاً ما في وقت تحاولين فيه انج تحبيني ..

جويل : يـه !! ليييش ؟؟

سعود : باجر انا مسافر ..

جويل شهقت : بتسافر باجر بدون ما تعلمني ؟؟؟

سعود : تراج عرفتي الحين ..

جويل بأسف : سعوووود تكفى خلك اهني اسبوع بعد ..

سعود : ما أقدر .. هم اتصلوا فيني وقالوا لي لازم اسير الهند ..

جويل : الهنــد ؟!!

سعود : هيه ..

جويل : منو ذولا اللي قالوا لك تروح ؟

سعود بتهرب : المسؤولين عن شغلي ..

جويل : واش راح تسوي بالهند ؟؟

سعود : بتم هناك كم يوم ومن عقبها بروح ماليزيا ..

جويل : لا حرام ما يصير جذي ..

سعود تنرفز : جويل خلاص بلاج شو ياج ..؟؟

جويل تمثل انها زعلانة :خلاص انا رايحة مع السلامة ..

وراحت عنه مع انها كانت متوقعة انه بيزقرها ..

لكنه عطاها بو لباس..



بعد خمس دقايق اندق جرس حجرته مرة ثانية ..

فتح سعود الباب وهو عاقد حواجبه : رديتي اجوف ؟؟

جويل وهي مبوزة : نسيت مفتاح غرفتي داخل ..

سعود تفاجأ : انتي ساكنة حذالي ؟

جويل : ايه من اليوم .. شفت القرادة ما تهنيت بالغرفة ونسيت المفتاح ..

سعود : انزين اكيد الادارة عندهم المفتاح ..

جويل: رحت لهم وقالوا لي ان النسخة الأخيرة اهي اللي عندي، بس عاملة التنظيف عندها الـ master key.. واهيا الحين في بيتها .. (برجاء) قول لي شسووووي ؟؟!!!

سعود انحرج بعد ما حس انها تقصد شي مب في صالحه : مادري ..

تموا ساكتين لفترة، لين ما دزته جويل بقوة : خلاص انا بنام اهني وامري لله ..

احمر ويه سعود من الفشيلة : وين ترقدين الله يهديج ؟؟ من كبر الحجرة يعني ؟؟

جويل بتحدي : عـادي.. شنو فيها ..

سعود يطالعها وهو حاس انها طاحت من عينه بالمرة : عادي جداً الموضوع بالنسبة لج ؟؟

جويل ابتسمت : ايه عادي .. شنو فيها ؟!!!

سكت سعود وهو حاس ان كل اللي هو فيه حرام× حرام ..

جويل: ممممم وين راح أرقد ؟؟؟ (تأشر ع سريره) خلاص راح أنام اهني ..

سعود انحرج : خلاص انتي خذي راحتج في الحجرة وانا بسير مكان ثاني ..

جويل باندفاع : لأ لأ لأ .. شنو تسير مكان ثاني .. خلاص انا بنام تحت وانت نام على سريرك ماكو مشكلة ..

سعود بنبرة خجل : جويـل !!

جويل بتحدي : سعــود اشفيـك ؟؟ عادي ..

بعد محاولات عديدة،

خذ سعود فراش احتياطي وفرش له ع الأرض،

وجويل ماخذة راحتها وحطت راسها وتلحفت،،



"لم أكن أدرك أن النوم مع امرأة سيثير فيني كل هذا القلق، أحمد الله أنني سوف أهرب عنها وأذهب مع شلة المضيفين، أعتقد أنها من أصعب ليالي حياتي، وأكاد أجزم أن خوفي من هذه الـ جويل بات يؤرقني كثيراً، ليتني لم أصارحها بحبي هذا، مؤلم حقاً أن لا يعجبك في الأنثى سوى جمالها!!"




اليوم الثاني،

نش سعود من رقاده وعلى طول تسبح وتلبس .. وبدى يجهز شنطته ..

سمع صوت ما تمنى انه يسمعه : ســـعــود !!

صد لها بأسف: نعم ؟؟

جويل وهي تفتح عيونها بالغصب : اشقاعد تسوي ؟؟

سعود يتحاشى يجوفها : ارتب ملابسي ..

جويل شهقت : بتسافر الحين ؟؟

سعود بلع ريجه بخوف : هيـه .. ليـ...ــش ؟

نشت جويل من على السرير وتوجهت صوبه،

وقلـب سعود يدق ويدق .. بطريقـة .. ميـــــنونة!!!


الرد باقتباس
إضافة رد
الإشارات المرجعية

لإنها لن تعود / الكاتبة : قلب دبي ، كاملة

الوسوم
لانها لن تعود للكاتبه قلب دبي كامله , ياويل حاااااااالي , رواية جميلة تستحق القراءه , روووووعه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
الحب سيأتي يوماً / الكاتبة : دنيا الأمل ، كاملة مآهمني بعدك روايات كامله - يتم نقل الرواية هنا بعد اكتمالها 49 10-03-2014 08:41 PM
ألبوم صور / الكاتبة : نور نجدي ، كاملة VEN!CE روايات كامله - يتم نقل الرواية هنا بعد اكتمالها 70 08-03-2013 03:20 PM
رواية شمس و سحاب / الكاتبة : احب الليل ، كاملة معزوفة خياليه روايات كامله - يتم نقل الرواية هنا بعد اكتمالها 31 21-10-2012 11:08 PM
رواية الدمع من عيني مترضفا ع الخدين ولا لقى مسعافي / الكاتبة : Desert Rose ، كاملة اسطوره ! روايات كامله - يتم نقل الرواية هنا بعد اكتمالها 44 06-02-2011 04:54 AM
العرس حلم يراود كل فتاة / الكاتبة : هارد لك ياقلب ، كاملة newlife_088 روايات كامله - يتم نقل الرواية هنا بعد اكتمالها 81 30-09-2010 06:34 PM

الساعة الآن +3: 08:28 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم