رواية أناس في غيبوبة / كاملة

[ام العيون العسلية]

اُنَاسْ فِيْ غَيّبُوُبَةْ..~

المُقَدِمّةْ //

اكتب لكمـ رواياتي الثانية "

أُنَاسْ فِيْ غَيّبُوُبَةْ..

~ "

والتي سأطرح فيها قضايا عديدة ،، وسأحاول قدر المستطاع ان أقدمها لكم بأفضل صورة وكما أتمنى ان تعطوني رأيكم البناء ونقدكمـ الصريح ..

واذ1 ما عجبكم الأسلوب والطريقة في الطرح اخبروني ولا تترددوا ..

وأحب ان أضيف أخيراً انه من أراد نقل الرواية مراسلتي ع الخاص للأمانة وعند النقل لابد من ذكر اسم الكاتبة :: ام العيون العسلية & sm!le..~

ولكم جزيل الشكر ..
وقراءة ممتعة ..


تحياتي
الكاتبة // ام العيون العسلية
Sm!le..~

[ام العيون العسلية]

الْأَبّطَاْلَ //

1- عائلة أم خالد :: أم خالد مدرسه وعمرها 39 سنه كانت متزوجة ابو خالد ولما مات تزوجت مره ثانية عندها من زوجها الاول ولد وزوجها الثاني ولد وبنت .
الابن الأكبر : خالد عمره 24 سنه ~> من زوج أم خالد الأول .
الابن الثاني : الوليد عمره 22 سنه ~> من زوج أم خالد الثاني .
البنت الوحيدة : كادي عمرها 16 سنه

**

2- عائلة أبو عبد العزيز : أم عبد العزيز متوفية أبو عبد العزيز يشتغل في مكتب مقاولات وعمره في أواخر الأربعينات عنده بنتين وولد .
الابن الأكبر : عبد العزيز 23 سنه . البنت الثانية : ريناد 18 سنه .
البنت الأخيرة : رونا 14 سنه .

**

3- عائلة أبو العنود : أبو العنود ما يتواجد في بيته كثير و أم العنود مسافرة تكمل ماجستيرها وتحضر للدكتوراه وعندهم بنتين توأم .
البنتين التوأم : الجازي و العنود 18 سنه

**

4- عائلة أبو ياسر : أبو ياسر مطلق زوجته وزوجته تاركة بنتها وولدها ومتزوجة واحد ثاني .
الابن الأكبر : ياسر 27 سنه . البنت الوحيدة : رحيل 16 سنه .

**

5- عائلة أبو فيصل : أم فيصل متوفية ، وأبو فيصل معقد نفسيا ونعرف ليه بالرواية عنده بنتين وولدين .
الابن الأكبر : فيصل 27 سنه متزوج وزوجته مها عمرها 23 سنه .
البنت الوحيده : رزان 18 سنه . الابن الأخير : رائد 15 سنه

" طبعا في شخصيات ستظهر بالرواية لها تأثير كبير في الأحداث "

[ام العيون العسلية]

اُنَاسْ فِيْ غَيّبُوُبَةْ..~

الْبَارّتْ الْأُوّلْ

| | | سأرتمي بحضن دفتري وسأكتب
ان هناك أُنَاسْ فِيْ غَيّبُوُبَةْ وهم معنا ● •

سكرت البحث وخلصته وتمددت ع فراشها بتنام ، إلا انفتح الباب بقوة : الجازي !!
الجازي بزهق انقلبت ع الجهة الثانية : أوف نعم ؟! يالعنود .
العنود وهي تجلس جنب ع سرير أختها : جوجو اللهـ يخليك نبي نطلع اللهـ يخليك .
الجازي بكسل : هيه أنتي وين نطلع ترى بكره في جامعة ولا ناسية ؟!
العنود بإحباط : لا ما نسيت بس زهقت أبي اطلع شكلي بغيب بكره .
الجازي وهي تغطي نفسها : خلاص بكره الربوع وبعده خميس وجمعه ما فيه جامعه روحي وين ما تبين .
العنود وهي تقوم مقهورة : بس أنا عندي كويز يوم الخميس .
الجازي بضحكة نوم : خخخخخ محد قال لك روحي قسم التغذية .. خخخخخ كان اخترتي نفس قسمي
العنود وهي عند الباب وتأشر بيدها ع الجازي اللي معطيتها ظهرها : اقول مالت بس خليني ساكتة أحسن ~> وطلعت من الغرفة وطفت النور .
أما الجازي فغطت في سابع نومه .
وبالصالة جلست العنود ومدت رجلينها بزهق وتوها بتمد يدها تغير القناة إلا رن التليفون ردت بكل كسل : هلا .
../ هلا ،، أنتي الجازي ولا العنود ؟!
العنود بطفش لانها ما تحب اللي يتريقون عليها كذ1 : لا انا العنود نعم من يتكلم ؟!
../ أفأ يالعنود نسيتي أمكـ ..
العنود ترددت كلمة أمك بأذنها ألف مره وردت بعدم استيعاب : هاه !!
../ شفيكـ عنود نسيتيني ؟! ولا شنو ؟!
العنود : لا بس شوي مو مستوعبه ان انتي امي اللي تكلميني ..
امها : ليه هالدرجة صوتي غريب عليك ..؟؟
العنود بلهجة سخريه : أها طيب كيفك وكيف الجو عندك ان شاء الله قريب بتخلصين هالماجستير ؟!
امها حست ان العنود تسخر منها : الحمد لله ع كل حال وين الجازي ؟!
العنود من دون نفس : نايمة لحظه اروح اصحيها
امها : لا خلاص سلمي لي عليها وانا بتصل عليها بكره
العنود : طيب مع السلامة
امها : الله يسلمك وانتبهي ع نفسك
العنود بزهق : طيب سلام ..
امها : سلام .. ~> وقفلت .
العنود صفعت بالسماعة وقلت بتنهيده قويهـ : واللهـ مدري متى بتحس هالأنسانة انها ام وعندها بنات وتصحى من غيبوبتها اللي عايشه فيها قال ماجستير اهم طموحاتي قال .. وبنااتهاا ما يهمونها اخر زمن ام تترك بنااتهاا لجل ماجستير .. ~> بدت دموـع العنود تنزل بهدوء .. وسرحت بتفكيرها ..
بعد نص ساعة فتحت الجازي باب غرفتها وشافت العنود تبكي وطاح قلبها في بطنها وراحت جلست جنب العنود : عنودة شفيك تبكين اللهـ يخليك قولي لي شفيك ؟!
العنود بصوت مبحوح : ليه أمنا كذ1 ليه مو مثل امهات العالم والناس ليه ؟!
الجازي مسحت ع ظهرها بحنان وقالت : عنودهـ هذ1 قدرنا وخلاص تعودنا عليه > حبت تغير الموضوع < ويلا قومي نامي لاني بكره بصحيك ع شان الجامعه ..
العنود ابتسمت وسط صيحتها وقالت : نذلة .
الجازي بابتسامة بينت غمازتها اليتيمة : ترااناا توأم وصفاتنا مثل بعض يا نذلة ..
العنود والجازي : خخخخخخخخ .. ~> وبعدها قاموا ناموا .. بس بعد ما قالت العنود للجازي ان امها اتصلت ..



حاضنة لاب توبها ومتربعه ع السرير تكلم صاحبتها ع المسن .. ولا كأن بكره عندها مدرسة واختبارات .
../ ـآقوـل رونآ ..
Rona / هلا .. آمريني يا شهد ..
Shahad / مالك خلق تقومين تنامين صح ؟!
Rona / صحاات بعد زهقانه حدي .. رنود نامت وعزوز طالع وابوي كما تعرفين مستحيل يقعد معنا واظن كل السوالف اقولها لك .
Shahad / اللهـ يعينكـ ..
( شهد صديقة رونا وتوأم روحها ولها دور كبير في حياة رونا )
رونآآ سمعت صوت باب غرفتها نزلت صوت الاغنية وقالت لشهد / B.R.B ~> وقامت فتحت الباب .. / هلا عبد العزيز كيفك ؟!
عبدالعزيز كتف يدينه وتسند ع الباب : متى حظرتك ناوية تنام ؟
رونا : مالي خلق تكفى عزوز بغيب بكره ..
عبد العزيز : والدراسة !!
رونا بطفش : ياذي دراسة طفشت منها كل يوم كل يوم دراسة دراسة اف اف حسوا فيني شوي ..
عبد العزيز : طيب غيبي
رونا طارت من الفرح بس عبد العزيز كمل كلامه وقال : بس جيبي اللاب والجوال لو سمحتي اذ1 بغيتي تغيبين .
رونا احبطت وقالت : خلاص بروح المدرسه اوووووووف ..
عبدالعزيز ابتسم : يلا روحي ناامي الساعه الحين 11 ونص ..
رونا بزعل مصطنع : طييييب ..
عبدالعزيز ضحك ع شكلها وراح لغرفتهـ ..
اما رونا فسكرت اللاب وناامت .. وهي مقهورة لانها بتروح المدرسة وما حظرت دروسها.
اما عبد العزيز دخل غرفته وسكر الباب وتمدد ع السرير يفكر بالشيء اللي مستحيل ينساه ودوم تفكيره متعلق فيه .
( بغرفه ثانيهـ )
كان الجوال يرن ،، يرن .. ردت بصوت نعسان وكله نوم : هلا ..
../ اهليناات شفيكـ ريناد ناايمه ؟!
ريناد بنعاس : ايه نايمهـ يا جعلك اللي منيب قايله خير شصاير ؟!
../ انخطبت
ريناد ما ركزت: يصير خير وبعدين ؟! تبيني اقوم ارقص لك ؟!
../ اقول يصير خير اكلي تببن وخمدي .. > وسكرت ..
ريناد عصبت ورمت الجوال بعد خمس دقايق استوعبت الموضوع واتصلت ع صاحبتها / هلا ريماس حلفي اللي قلتيه من شوي صدق ؟!
ريماس وهي معصبه : تو الناس !!
ريناد : لا من جد اتكلم .. حلفي ان اللي صاار جد ؟! مدري اللي قلتيه جد ؟
ريماس : وليه قال لو لك مختوم عليّ بختم العنوسة مالت عليكـ
ريناد : اقول ترى حدك لهنا المالت شيليها ترى اعصب
ريماس : يمااااه خفت تصدقين
ريناد بهمس : سخيفهـ ..
ريماس : وانتي اسخف ..
ريناد : الا من تعيس الحظ يا اختنا باللهـ
ريماس بابتسامه وتريقه : بكره لما اشوفك بالجامعة اقول لك واقول للشلة ..
ريناد عفست وجهها :: مالت عليك ازعجتيني وبالنهاية بكره اقول لكم مالت عليكم ثمن مالت ع هاللي خاطبك صرااحه اثبت لي انه ما عنده نظر ..
ريماس :خخخخخخخ ادري عنك معصبة ونعسانه ما ينوخذ بكلامكـ ..
ريناد : هااااه !!
ريماس بابتسامه : اقول كملي نومتك أحسن لك ..
رينااد بدت تعصب : قسم باللهـ ان ما تكلمتي لانام في بطنكـ الليلهـ فاهمهـ ..
ريماس وهي تدلع بصوتها : ايوـه اوكي يا قلبوو باقول لك كل شي
ريناد عنجد عصبت : يلا بااي
ريماس :: خخخ بااياات ..
ريناد سكرت الجوال وقفلته مره وحده : باايخه سخيفه حماارة .. ZzZzZz وناامت ..
( ريماس صديقة ريناد من ايام المتوسطة ومعها بنفس القسم عمرها 18 سنهـ قصتها قصهـ وهي احد بطلات الرواية وهي خالة شهد )

[ام العيون العسلية]

يوم ثاني الصباـح ..
نزلت وهي تحاول تعدل شعرها : مااماا .. مااامااا ..
امها من المطبخ : يلا الفطور ع الطاولة جاهز
بسرعه جلست ع الكرسي وشربت كاس عصير وقامت ..
../ ع وين انسهـ كادي ؟!
كادي وهي تلبس عباتها : بروح النادي تصدق أسألتك مره سخيفة يعني بالله الصبح وين بروح غير المدرسة ،، سخيييييييف ..
../ كاادي احترمي اخوك
كادي : طيب اسفين بروح المدرسة ..
امها : طيب ما فطرتي ..
كادي وهي تناظر اخوها الوليد : بس شبعت
الوليد بمسخرهـ : خليها بنتك مسوية رجييمـ ..
كادي وهي ترفع شنطتها ع كتفها : هع هع ما حد قال لك من قبل انك بايخ ..
الوليد : طالع عليك يا السخيفه
كادي وهي تتوجه للباب : اخوي خالد العزيز بنتظرك في السيارة طيب
خالد : طيب .. ~> وقام طلع وراها
ام خالد بعد ما طلع خالد : انت هيه شفيك ؟!
الوليد وهو رافع حاجبه : خير ش صاير ؟! تكلميني ؟!
ام خالد : وليد ووجع كم مره قايلة لك اني ما احب هالاسلوب ..
الوليد وقف : يمهـ عليكـ بالعافيهـ الفطور وراي جامعهـ ..
ام خالد هزت راسها باسى وقامت لدوامها ..

(بسيارـة خالد )
كادي وهي تناظر الشوراع : اكرهه هالسخيف وليد يرفع ضغطي صراحتن ..
خالد ابتسم لها : هذ1 اخوك استحمليهـ زي ما تستحمليني ..
كادي : لا عااد في فرق بين مستر خالد وبين مستر الوليد .. شجاب النجوم للقمر ..
خالد وهو يكمل سواقته : عاادي اصلا احسك ان انتي تكبرين الموضوع بزيادة
كادي شهقت : انا !! الحين هو اللي يطفرني كل يوم وبعدين انا اكبر الموضوع ..
خالد : بس هذ1 اخوكـ
كادي : عاادي بهالزمن الاخو ما يعترف باخوه ..
خالد : لا تقولين كذ1 كلامك كله خطأ
كادي بابتسامه : تصدق يا خوي ..
خالد بابتسامه جذ1به : شنو ؟!
كادي : ان انت شكلك بغيبوبة ما تدري عن اللي صاير بالزمن الاحوال كلها متغيره فوق تحت ترى ..
خالد وهو يوقف السيارة : اقول بلا فلسفة وغيبوبة من الصباح .. يلا نزلي مدرستك ..
كادي رمت بوسه لاخوها :: سييآآ
خالد :: سييآآت .. ~> وحرك السيارة بعد ما نزلت ووصلت كادي لباب المدرسة..
خالد كان يفكر : يعني انا صحيح زي ما قالت كادي انا بغيبوبة ما ادري بالزمن والاحوال اللي تغيرت .. اللهـ يعين .. دام قالت كادي اني بغيبوبة ففعلاً انا بغيبوبة ويا رب اطلع منها قريب ..





الصوت حده عالي .. وقاعدة ترقص من الصباح ../ راسي ع راسك وراسك ع راسي اخذني باحساسك يا آخذ احساسي ..
جاء لها اخوها وطفى المسجل وهو معصب : خير وين قاعدين ؟!
../ بالبيت يعني وين يا العاقل ؟!
اخوها :: رحيل تأدبي عني تراني موب ناقص يلا تجهزي وبوصلك المدرسة ..
رحيل وهي تعدل غرتهآ وتربط شرايط جزمتهآ " وانتمـ بكرامة " وبعدها لبست عباتها واخذت شنطتها وقالت : يلا جهزت يا اخي ياسر
ياسر : اسبقيني للسيارة ..
رحيل بابتسامة : طييب .. وراحت وهي تكمل الاغنية ..
وركبت السيارة وطاحت ورقة الموضوع اللي رسلته لها كادي ع شان تطبعه لها وجلست تقراه وهي مندمجه ليما وصلت لمقطع " وكما هنالك اناس بعيدين عنا ولكنهم مطبوعين في قلوبنا هنالك اُنَاسْ معنا وهمـ فِيْ غَيّبُوُبَةْ ~ قرروا ان يكون وجودوهم وعدمه واحد لذ1 هم في غيبوبة "
رحيل نزلت دمعتها وما انتبهت للي جنبها وقالت : اكرههم ،، اكرههم
ياسر باستغراب : منهمـ ؟!
رحيل توها تنتبه لياسر ابتسمت ابتسامة من ورا قلبها وقالت : هاا ولا شي ..
ياسر وهو يحرك السيارة ويسوق يحاول يناظر رحيل يبي يعرف شنو فيها بس سكت لانها بنفسها بتقول له بعدين .




بالمدرسهـ المتوسطهـ ..
دخلت الفصل وصفعت الطاولات بالكراسي ورمت شنطتها وعباتها ع الطاولة .. وقالت بزهق : واللهـ زهققق طفششششششت مالي خلق ابي اغيييب ..
وحده من البنات : كان غبتي ؟!
رونا بحزن : عزوز هددني يشيل اللاب والجوال اذ1 غبت
الا جات شهد وهي متضايقة
رونا : شفيك انتي بعد ؟!
شهد : مالي خلق لاني ما كملت الرواية اللي اقراها ..
رونا وهي تناظر اظافرها : اها ..
شهد وكأنها تذكرت شي وقالت : ما قلت لك ؟!
رونا بلهفه نطت عندها : شنو ؟!
شهد بابتسامة : خالتي ريماس انخطبت ..
رونا بعدم تصديق : حلللللللفي !!
شهد وهي تسبل عينها : واللهـ ..
روناا بابتسامة : لا اجل مبروووووووك الف الف الف مبروووووكـ ،، ان شاء اللهـ اخر الاحزان وعظم اللهـ اجرك
شهد فتحت عيونها ع اخرهمـ : نعم شقلتي ؟!
رونا بضحكة : ابد سلامتكـ ..





بالجامع ـة..
../ انتي انسهـ رزان شفيكـ دوم ساكتهـ ..
رزان ناظرتها بنظرات مالها معنى
العنود تقول لاختها الجازي : خليها هالبنت لها عالم خاص بعيد كل البعد عنّا ..
الجازي رفعت حواجبها لفوق لانها ما فهمت ..
شوي الا جات ريناد وريماس وانتشر خبر خطوبة ريماس بالجامعة ..
رزان كانت جالسة تناظرهم وتبتسم من داخلها لهم تتمنى تكون زيهمـ تضحك وما تخاف من بكره بس اذ1 ما خافت من بكرة بتخاف من اللي بعده ،، حياتها كيئبة ممللهـ تتمناها تكون لو جزء مثل ريناد او ريما س ،، او الجازي والعنود ..
جلست تكلم نفسها " رزان انتي عارفهـ حياتك وعمرها ما بتتغير بتعيشين طول عمركـ كذ1 والسبب العقدة الكبيرة ابوـك اه يا دنيا ظالمة وعمرك ما عدلتي يا تاخذين من دون ما تعطين او تعطين من دون ما تاخذين اتمنى اكوون بغيبوبة وافتكـ من هالعيشة اللي تجيب المرض "
قطعت عليها حبل افكارها الجازي : رزان ترى المحاظرة الحين بتبدأ بتحظرينها
رزان هزت راسها بالايجاب وقامت للمحاظرة ..





وبمكان بعيد كل البعد عن المدراس ..
( المستشفى ،، قس ـم الحمل والولادة )
كانت مها جالسة ع الكرسي خلف المكتب وسرحانة الا جات لها النيرس : د. مها .. اذ1 تعبانة ولا فيك شي اخذي لك وقت راحة .
مها بابتسامة : لا عاادي شوية صداع وبيخف ما عليك من الموضوع لاني ساهرت وكذ1 فصدعت شوي كلها ثواني بس وارجع مثل قبل ..
النيرس : طيب براحتكـ ع العموم المراجعات راح يجون اليوم الساعة 9 الصبح .. يمديك ترتاحين ترى اقول لك للمره الثانية ..
مها : طيب ممكن تطلبين لي كوب كوفي !
النيرس : طيب .. ~> وطلعت
مها اسندت يدينها ع المكتب وحطت كفينها ع راسها وعيونها مليانة نظرة امل ..
وهي تكلم نفسها " لمتى يا رب !؟ واللهـ تع ـبت تع ـبت مرـه "





الحص ـه الثانية في المدرسة الثانوية ..
" كادي ،، رحيل كملوا سالفتكمـ برـه "
كادي وقفت وقالت : اصلا حصتك بايخهـ وابيخ من البياخة لي الشرف اني اطلع منها واصلا انا راحمة البنات اللي بيظلون للنهاية وادري انهم يحسدوني اني قدرت اطلع من هالحصة الباـ.......


طرااااااااااااااخ



المعلمة صفعت كادي بالكتاب ع وجهها ..
كادي امتلت عيونها دموع وقالت بانفعال : انتي من سمح لك تمدين يدك عليّ انا امي واخواني ما مدوا يدهم عليّ تجين انتي ع اخر الزمن تمدين يدك عليّ انا واللهـ لاعلمك من كادي اللي مديتي يدك عليها > وطلعت وصفعت الباب وراها بقوـه وبعدها رحيل راحت وراها والمعلمة ما جابت خبر وكملت الدرس .

( بممرات المدرسة )
كادي متسنده ع الجدار وتبكي : تخيلي الموقف مره ثانية مدت يدها عليّ انا كادي الـ ** تمد يدها عليّ معلمة سخيفه وبايخة وابيخ من البياخهـ هُزلتْ ولا صارت ولا بتصير .. لكن انا اعلمها من هي كادي
رحيل تواسيها : ما عليك منها طنشيها خلاص
كادي تحسست خدها وقالت : احمر صح ؟! منتفخ بعد صح ؟!
رحيل وهي تناظر وجه كادي : ايهـ بس خفيف مو مره
كاادي بدموع : قهرتني واللهـ قهرتني .. لكن واللهـ ماني كادي ان خليت هالمخلوقة تجي تداوم بكره استقالتها ع يدي ان شاء اللهـ ..





بكافتيريا الجامعهـ ..
عبدالعزيز : اقول ماي فرند خلّود ؟!
خالد وهو يحرك السكر بالكوفي : هاه شنو ؟!
عبد العزيز : ودي ساعات اقوم واذبح ابوي .
خالد : وآآي ؟!
عبد العزيز : تصرفاته تقهرني .. تخيل مره جات رونا بتقول له كلمة قال لها اخذي موعد من السكرتيرة انا مو فاضي لك الحين جدولي مزحوم ما يخليني اقدر احك شعر راسي
خالد وهو يتذكر كلام كادي : عاادي انا كنت عايش نفس العيشة والحالة والاسلوب لكن شوف الحين شنو صرت انا صرت رجال .
عبدالعزيز وهو رفع حاجبهـ : اقول من لاعب بمخك اليوم كادي ولا امك ولا الوليد ؟!
خالد : مح ـد ليهـ يلعبون بمخي دامني كبير وفاهم وافهم كل شي ما يحتاج احد يلعب بمخي .
عبد العزيز : اقول اللهـ يخلف ع امن جابت ابوـك زين ؟
خالد بابتسامة : تصدق
عبد العزيز بلهفة : شنو ؟!
خالد : انا حلو
عبد العزيز : ما تدري
خالد : شنو ؟!
عبد العزيز : مد1ح نفسهـ ... انت كمل الباقي ..
خالد وهو ويرجع شعره لورى : تدري انا خالد الواثق من نفسهـ ..
عبد العزيز : ايهـ يصير خير .. الا صدق وين بنروح اليوم ؟!
خالد بتفكير : اممممـ انا اتوقع اروح بيت جدتي سمعت انهم مقررين يعملون حفلة عيد ميلاد خالي ناصر ..
عبد العزيز : اوووه نااصر من زمان عنه شنو اخبااره ؟!
خالد وهو يشرب شوي من الكوفي : الحمد للهـ خلص الدراسة وجا قبل اسبوعين كذ1 و تفضل عيد ميلاده دلوع جدتي بيصير عمرـه 25 سنهـ ..
عبد العزيز ابتسم : طيب نشوف نحاول نجي .

[ام العيون العسلية]

بفصل رونا بدأ الاختباار .. ورونا ما كانت تعرف ان عندها هالمادة اختبار اليوم وحدها متوترة ..
رونا وهي تفكر : ياااااا ربيييييهـ السؤال حده صعب .. خلني اغش من شهوودهـ ..


المعلمة تصفق : يلا بناات اجمعوا الاوراق ..
رونا مدت ورقتها بتردد للمعلمة ..

واول ما سلموا الاوراق لفت رونا لشهد ..: هاه بشري شنو حلك ؟!
شهد بتوتر : مدري حطيت وبس ..

المعلمة وهي تصلح الاورااق : رونا محمد الـ **
رونا وقفت من الخوف : نعم !!
المعلمة : ممتاازة إجاباتك نموذجية ..
رونا فتحت فمها : هااه ! بعدين استوعبت وصرخت : يسسسس
المعلمة بتعصيب : وفرحانهـ .. رونا مره ثانيهـ لو تبين تغشين لا تغشي اسم صاحبتكـ مفهوووومـ .!؟
البنات فيهم الضحكة بس سكتواا
رونا قعدت تسب وتلعن نفسها ع هالغباء ..~> وراحت للمعلمة واخذت ورقتها
شهد فطست ضحك ..
رونا : مااااااااااللللللللللللت عليكـ ..





نروح لكادي شوي ..
كادي كانت تتمشى بممرات المدرسة ليما رن جرس الفسحهـ ..
ونزلت رحيل وجلسوا يسولفون ويضحكون وجات في بال كادي فكرـه ونااسهـ .. ونادت كل البنات ..
كادي : بناات نبي اليوم يصير فلّه ومسخره وطرب ..
البناات : اكيييييد ..
كادي : يلا اممممممممم شرااييكمـ نطل من فوق سور المدرسة ..
رحيل صفرت : يااخطيييره انتي .. وناااسة يلا
والبناات رااحواا ..
وطبعا سور المدرسة كان تقريبا طوله عاادي فكل وحده جابت كرسي ووقفت عليهـ .. وتأملوا ما خلف اسوار المدرسة ..
كااااادي وهي تناظر السيارات الرايحة والجاية ..
سمعت البنات يقولون : شووفووا هذ1 مره يخقق ..
كاادي سحبت كرسيها وراحت وقفت جنبهمـ وشهقت : ولييييدوووـه ..
الوليد انتبه لها وناظر فوق السور وشاف البنات كلهم ومن ضمنهم كاادي .. وابتسم لهمـ .. وركب سيارتهـ ومشى
وحده من البنات بااعجااب : تعرفينهـ ؟!
كادي وهي تنزل من ع الكرسي وتقعد عليهـ : هذ1 اخوي الوليد ..
البناات : يااااا حظك فيهـ .. يجننننننن..
رحيل : ووعع ما بغيتوا الا هالوليد يجننننن .. صج ما عندكمـ ذوق ..

بنااااااااااااااااااااااااااات


رحيل اللي كانت معطيتها ظهرها : يمهـ لا تقولون هذي الوكييلهـ !!
البناات وهم يركضون : اييييييهـ انقذي نفسك واركضيي ..
الكل رااح اما كادي فكانت جالسه ما قامت ..
جات لها الوكيلة : انتي هيه شتسوين هني ؟!
كادي وقفت ببرود : آسفة عندي حصهـ الحين .. ~> وراحت تمشي ببرود والوكيلة تناظرها من فوق لتحت .. وكادي تمشي ليما وصلت فصلها وهي تبتسمـ ..
البنات صفقوا لهاا :: لوووووووووووووووول ..
وبعدها جات لهم معلمة الفيزيا الكرهيه ومرت الحصص .. بطفش وكسل ..





بالجامعهـ ..
القسمـ اللي فيهـ الجازي ورزان ..
توـها مخلصة المحاظرة ،، الجازي لفت للرزان اللي وراها بابتسامة : اقول لك رزاان ابي ايميلك اذ1 ممكن ..
رزان : وآآي ؟!
الجازي بنفس الابتسامة اللي تظهر غمازتهاا : بس كذ1 ودي اسولف وياكـ ويعني اذ1 ممكن ..
رزان ابتسمت براحهـ : طيب سجلي عندكـ .. Razona***@
الجازي : ثاانكس.. يلا قومي نطلع ناكل لنا شي لان باقي ساعه وينتهي دوامنا
رزان : اوكـيشنـ ..
وقاموا وجلسوا ع الكراسي اللي بين مبنى قسم الجازي وبين قسم العنود و ريناد وريماس .
وبين السوالف اللي بين رزان والجازي عن المحاظرة رن جوال الجازي برنة نوكيا المملة .. ناظرت الشاشة ورفعت حاجبها : رقم غريب !!
رزان : ردي شوفي منو ..
الجازي : طيب ,, وردت : الوـوو ..
../ هلـآ كيفك ؟!
الجازي ندمت انها ردت وقامت بعيد شوي : نعم خير !! شتبي ؟!
../ احبكـ ..
الجازي : يا ربيهـ منكـ انت من وين تفهمـ انا ما اعرفكـ ولا احب هالحركات ..
../ لكن انا اعرفك واعرف كل شي عنك يا جوجو ..
الجازي عصبت وسكرت جوالها ..ورجعت لرزان ..
سالتها رزان : خير منو متصل ؟!
الجازي بابتسامة متربكة : لا بس وحده من صاحبات الطفولة ..
رزاان : اهاا ..
جات العنود وريماس وريناد : هاياات
الجازي بتوتر : هااي ،، عنودة عندك محاظرة بعد ولا خلاص
العنود بتفكير : اممممممـ لا ما اتوقع .. بس وااي تسالين ؟!
الجازي : ابي ارجع البيت اذ1 ممكن .
العنود : طيب .. باقي ربع ساعه ويخلص الدوام ..
الجازي : لا بس انا بطلع الحين .
العنود حست باختها : اوكيشن .. يلا صبااياا سيياا ..
ريناد وكأنها تذكرت شي : تعالي بااقي محاظرة الساعه 1 ونص ..
العنود : اللهـ يخليكمـ لي بنقلها منكمـ
ريمااس : طييب .. سيياا وانتبهو ع حالكمـ
العنود والجازي : تسلمين ~> ورااحوآآ .
( وبالسيارة ) ..
العنود جلست جنب الجازي : خير جوجو ش صاير ؟!
الجازي حابسة دمعتها وتهز رجلها بتوتر .
العنود فتحت شنطة اختها وطلعت جوال الجازي وناظرت اخر المكالمات المستلمة .. : توققعت ،، تدرين ابوي لازم يدري عن هالسالفة ..
الجازي شهقت : هاااـه !!
العنود : لازم يوقف عند حده ترى بيتمادى بعدين !!
الجازي نزلت دموعها : وابوي طيب بيعصب وـ....
العنود قاطعتها : ان شاء اللهـ ما يصير الا الخير .. والحين بنروح نتغدى بمطعم ع حسابك
الجازي ابتسمت وسط توترها : طيييب..
( نجي نتكلمـ شوي عن اللي متصل بالجازي شخص ما تعرفه الجازي ابد ولكنهـ يعرفها تمام المعرفة واتصل فيها كذ1 مره وكل ما تغير رقمها يتصل فيها وما في فايدة منهـ وبعدين نكمل لكمـ عن هالمتصل ) ..

[ام العيون العسلية]

تررررررررررررررررررن ،، ~> رن الجرس معلن انتهى يوم الربوع ..

طلعوا البنات من المتوسطهـ ..

شهد وهي واقفة جنب رونا : اخيرن اليوم الربوع ونااسهـ ..
رونا وهي تحرك الدفتر ع وجهها لان حر : ايييهـ بس اللهـ يهديهـ عزّوز تأخر ..
شهد : تلاقينهـ جاء بس زحمهـ .. صبري ثواني ويجيي ..
رونا انتبهت فيهـ .. : اوك يلا شهود عزوز وصل سييا
شهد وانتبهت بسواقهمـ : وحتى انا جا سواقي .. سيياات

وراحت رونا لسيارة عبد العزيز وركبت ورا لانها انتبهت ان في احد قاعد قدام : السلام
رد عليها عبد العزيز وخالد : وعليكم السلام ..
رونا بترجي : عزّوز اللهـ يخليك حط شي طرب وعلّي التكييف .. لو سمحت
عبد العزيز ابتسم ونفذ طلبها .. وراح البيت وصّل رونا وجلس مع خالد وبعدين بيروح لريناد .
رونا ع طول صعدت غرفتها واخذت لها شاور ولبست وصلت .. وشبكت ..

رحيل وصلت البيت وهي تحاول تكون مبسوطة لكن ماهي بقادرة ..
ياسر ناداها قبل لا تدخل غرفتها : رحيل !! شفيك ؟!
رحيل بصوت حزين : ولا شي ..
ياسر : لا صج شفيك ؟!
رحيل اكتفت بكلمة : ابد سلامتك ما فيني شي ~> ودخلت غرفتها وصفعت بالباب بقوة ..
ياسر جلس ع الصوفا وهو مستغرب من تصرفاتها .. اكيد رحيل زعلـآنهـ من شي .. الحين ولا بعدين بعرف شنو سالفتها ..
رحيل اخذت شاور ع السريع ولبست بيجامه ورديهـ فيهآآ فراشات وتركت شعرها منسدل ع ظهرها وطلعت الصالهـ ..
ياسر بابتسامهـ : بتتغدين ولا بعدين ؟!
رحيل وهي تهز راسهاا : لا مابي غدا الحين شبعاانه من حماس المدرسهـ ..
ياسر وهو يحضن المخدة : طييب يا رحيل شنو حماس المدرسهـ اليوم ..
ورحيل كانت متعودة تقول لاخوها كل شي من طأطأ للسلام عليكمـ ..
ياسر ابتسم وبعدين كشر وتذكر : يعني انتي سويتي مثل البنات ..
رحيل بابتسامه وهي تاخذ لها شكولاتهـ : اكييد الفرصهـ تجي للواحد مره في العمر ولازم ينتهزها ويسوي اللي يبي .. 
ياسر حس ان رحيل شوي تغيرت عن الصبااح : خووش مبدأ صراااحهـ ..
رحيل وهي تأكل الشكولاتهـ : تعااااااال بقول لكـ لا تنسى اليوم بطلع مع بنات خالتي طييييب ..
ياسر : لييييهـ ؟ ووين بتروحون ؟!
رحيل وهي تبلع الشكولاتهـ : الجواب الاول : لاني من زمان ما شفتهمـ الجواب الثاني : بنروح مجمع الفيصليهـ ..
ياسر قطب حواجبهـ : لا ما يحتاج تروحين .. جدتي وعماتي بيجون اليوم .
رحيل سكتت وضمت يدينها لحظنها .
ياسر سكت عنها وغيّر القناهـ ..





كادي وصلت بيتهم وجلست وتربعت ع الارض قبال الوليد اللي منسدح ع بطنهـ و يكتب البحث في اللاب ..
كاادي بابتسامه : حيا اللهـ اخوي اللي شفتهـ اليوـم
الوليد من دون نفس : اللهـ يحييكـ .. نعم في شي ثاني .
كادي : ابد بس حبيت اسلم على اخوي وحبيبي وبعد قلبي اللي البنات صاروا له معجبات اليوم ..
الوليد بابتسامه واثقة : اييهـ ادري اني اخقق ..
كادي بتصفير : ابوووـك يالثقهـ .. ما اقول مد1ح نفسهـ .... كمل الباقي
الوليد : اقول كادي ..
كادي : نعم
الوليد بصراخ : ذلفي عن وجهي لا يجيك شي عمركـ ما شفتيهـ .. تفهمين ؟!
كادي ابتسمت وقامت : اروح اكلم معجبات اخوي واعلمهمـ عن نذ1لته احسسن .. ~> ورااحت ..
الوليد ناظرها من فوق لتحت ورجع يكمل بحثهـ ..
كادي وهي متوجهة إلى غرفتها قابلتها امها : هلا كيفك ماما
امها وهي تدقق بوجه كادي : شفيك حبيبتي ؟!
كادي حط يدها ع خدها المنتفخ : لـآ عاادي وحده من المعلمات مدت يدها عليّ ..
امها عصبت : خييييير وين احنا قاعدين تمد يدها .. قولي لي بس اسمها .. وبكره يفصلونها ..فصل نهائي ..
كادي : اسمها ع ما اعتقد ( نهى عبد اللطيف الـ*** )
امها استغربت : متأكدة نهى عبداللطيف الـ*** ..
كاادي : اييهـ ليهـ ماما ؟!
امها بتفكير : لـآني اتوقع انها تصير بنت عمة اخوكـ خالد ..
كادي ما فهمت : هاه !!
امها وهي تمشي : خلاص لا تحطين هالسالفة براسكـ وان شاء اللهـ الموضوع منتهي قريب .
كادي اكتفت بابتسامه وكملت طريقها لغرفتها .
نرجع للوليد شوي ..
الوليد خلص البحث وسكر اللاب وشال عفسته وقام وانتبه وهو قايم بدفتر طايح الظاهر كادي طيحته من شنطتها شالهـ وابتسم بخبث وكلم نفسه بنذ1له : اعلمك يا كادي النذ1لهـ شوفي من وين بيطلع لك هالدفتر .. ~> وحطه بين ملازمه وما انتبه للاسم اللي عليه .. وراح لغرفتهـ ..




الجازي وصلت بيتهمـ وهي حدها تعبانه .. دخلت ورمت نفسها ع السرير وحضنت المخدة وبكّت .. : ليييهـ ليييييهـ انا شسويت ع شان يصير لي كذ1 ليييهـ ؟!
العنود راحت وجلست جنبها وقالت : جوجو ماعليهـ انتي طنشي الموضوـع ..
الجازي رفعت راسها وناظرت بعيونها الحزينة وناظرت العنود وقالت : يعرف اسمي يعرف عمري يعرف وين اسكن وين ادرس وتبيني اطنش الموضوع كيف فهميني كيف ؟!
العنود سكتت
والجازي كملت بحسره : يااا ليتني بغيبوبة ولا اعيش هالعيشة ،، اللي فيني مكفيني يجي هالانسان ويزيد الطيين بلهـ .. اهئئ
العنود ضمت الجازي وهمست باذن الجازي وقالت : عندي حل ..
الجازي بلهفة وسط دموعها : شنو ؟!
العنود : كلميهـ وعرفي هو منو وشنو يبي ‘ ..
الجازي وهي مستغربه : متأكدة ان انتي العنود توأم الجازي ؟!
العنود : واللهـ اتكلم جد .. كلميه شوفي شيبي ومنو هو ..
الجازي سكتت وكملت بكيها والعنود تواسيها ..
شوي الـآآ يرن جوال الجازي .. الجازي سكتت وعم الهدوء المكان ما غير رنهـ نوكيا اللي صداها يتردد بين جدران الغرفهـ .. قامت العنود وجابت الجوال ناظرت الرقم مو مسجل باسم .. ومدتهـ للجازي .. : اكييد هذ1 هو .. ردي ..
الجازي مسكت جوالها وناظرت العنود بخوف .. وقالت العنود : يلا ردي ..
الجازي بصوت مرتجف : الوـو ..
../ هلـآ .. ما بغيتي ترديين .. شفي صوتكـ كذ1 شكلك كنتي تبكين صح ؟!
الجازي بلعت ريقها : مالك شغل انت منو ؟! وليهـ تدق عليّ شتبي منّي ؟!
../ الجازي انا ابيكـ انتي ..
الجازي وكل شعرة بجسمها وقفت : ومنو ،، انت ؟!
../ أنــآآ ....





انتهى دوام الدكتورـه مها .. مشت بين ارجاء العيادة ليما وصلت لسيارة زوجها ..
مها : السلآمـ
../ وعليكمـ السلآم .. كيفك اليوم ؟!
مها : بخير ،، فيصل اللهـ يخليكـ ابي اروـح اليوم بيت اهلي اذ1 ممكن .
فيصل ابتسم وحس براحه : ايهـ اكيد عادي ..
مها لفت وجها عنهـ والدمعهـ متعلقة برمشها ..
فيصل حركـ السيارة وشغل الـ F M ..
( نبذه موجزـه عن حياة فيصل ومها ،، فيصل ومها متزوجين من خمس سنين وما رزقهمـ اللهـ بعيال .. مها دكتورـة حمل وولادة .. وفيصل مهندس معماري .. وطبعا مها تزوجت فيصل وهي على عدم اقتناع لكنها حبته وفيصل احاسيسه جافه والحب كلمة محذوفة من قاموسه حياتهمـ باردـة وخالية من الحب والأحاسيس )
مها وصلت بيت أهلها ونزلت وفيصل اتفق معها بيمر عليها الساعة تسع بالليل ..
مها دخلت ع طول لغرفتها وسكرت الباب ورمت نفسها ع السرير تبكي دموع قهر وعذ1ب والم وحسرة .. على ان الشخص اللي حبتهـ في غيبوبهـ ومستحيل يصحى منها مهما صاار .. سمعت صوت طق الباب ردت مها بصوتها المبحوح : نعم ..
" مهااوي فتحي الباب انا ناصر بسألك في كم حاجه ع شان عيد ميلادي تكفيين بطلي "
مها وقفت ومسحت دموعها وفتحت الباب : هلا نااصر ..
ناصر : هلا فيكـ اقول ساعديني محتار أي لون يناسب البس هذ1 ولا ذ1 ؟!
مها وهي تناظر الملابس اللي بيد اخوها ناصر : امممممم صرااحة كلهم حلوين عليك انت اللي تحليّ اللبس يا نصووـر ..
ناصر ابتسم وهو يحك راسه بخجل : احم أي اختاري لي وبلا كلام فاضي ..
مها بابتسامة ع خجل اخوها : اقول ناصر لا تنسى لازم تكشخ الليلة بقووة ع شان خطيبة المستقبل .
ناصر : اوووه منكـ انتي شنو خطيبهـ مستقبل ولا خطيبهـ بطيخ ..
مها توها بتتكلم الا ناصر مد بوزه زعل وطلع من الغرفة ..
مها : نااصر ترى انا ما كنت اقصد امزح .
ناصر وهو عند الباب : خلاص حصل خير .. ~> ورااح لغرفتهـ ..
مها جلست ع السرير وانقهرت ليه تعاملت مع اخوها كذ1 ولا مو أي واحد مع ناصر الحساس اللي ماحد يقدر على دلعه .
نرجع لناصر شوي ..
دخل غرفته صفع بالباب بقوة وقفله رمى ملابسه ع الارض ورمى نفسه ع السرير مد يده لتحت المخدة وطلع الظرف وفتحه ونزلت دموعه وهمس : متى تصحين بس ..

[ام العيون العسلية]

العصر .. الساعة 5 المغرب ..
" يلـآ كادي ،، بسرعهـ امي ترى راحت بسرعه تعالي .. "
نزلت كادي وهي تصيح ..
الوليد استغرب : شفيك ؟!
كادي وهي مادة بوزها : دفتر رحيييل ضااع ما شفتهـ ..
الوليد يسوي نفسه مصدوم : لييه شفيه لهدرجة يعني مهم ..
كادي : هو دفتر على البوم وفيه صور لرحيل وكلام قبال كل صورة لرحيل .. وعطتني اياه بالمدرسة ومدري وينه الحيين .. اهئئئئ
الوليد فهم الموضوع وابتسم وقال : طييب يلا بنروح وبعدين لما نرجع دوريه .
كادي عدلت كحلتها ومشت مع اخوها وهي متضايق ـهـ ..
الوليد ركب السيارة وسكر الباب وكان كل تفكيره يبي يعرف شنو يمكن يكون مكتوب باللي عنده او بالاصح يبي يشوف ( صور رحيل ) .. ~




نروح لرحيل شوـي ..
كانت تعدل شعرها اللي سوتهـ كيرلي وتنتظر وصول عماتها وجدتها ..
ياسر جاء لها : رحييل ..!!
رحيل بحركة عشوائية لفت وجهها له وتحرك شعرها بطريقة خطيرة : هلا .. آمرني ..
ياسر ابتسم : بس حبيت أقول لكـ ان معاملتك مع جدتي وعماتي ابيها اليوم شوي غير اذ1 ممكن ..
رحيل بابتسامة مصطنعة : اووك طيب تامرني بشي ثاني ؟!
ياسر ناظر بالحزن اللي بعيون اخته : لا سلامتكـ .. على فكرة شكلك .. وبهمس .. خطييييير ..
رحيل ابتسمت وهي تناظر لبسها " كانت لابسة تنورة كاروهات سودا قصيرة وبلوزة كت عليها رسمهـ بنت ومزينهـ بفصوص و اكسسوارات سودا وصندل اسود كاروهات " وقالت بخجل : شوـكرن ..
ياسر قرب منها وباس خدودها وقال باذنها : يابخت اللي بياخذك ..
رحيل وهي تناظر ياسر وتعض شفايفها : حتى انت يا بخت اللي بتاخذك
ياسر ابتسم وبنظرات جادة : على ايدك .. :d
الـآ رن الجرـس .. وراح ياسر يفتح البـآآب ..




نرررجع للج ـآآزي ..
الجازي وكل شعرة بجسمها وقفت : ومنو ،، انت ؟!
../ أنــآآ يالجازي ابيكـ انتي .. انا اللي مستعد اضحي ع شانك بس انتي عطيني وجهـ اول .. وابشري باللي تبينهـ
الجازي دمعت عينها ورمت الجوال ع جنب بعد ما سكرته ورمت نفسها ع السرير وهي تتمتم بكلمات غير مفهومة ..
العنود جلست جنب الجازي وحظنتها وقالت لها : شنو قال لكـ ؟!
الجازي : سخيييف تخيلي يقول يبيني انا وبيضحي ع شاني بس لازم اعطيه وجه .. ~> ورجعت لنوبة البكا
العنود مسحت ع ظهر الجازي بحنان وقالت : جوجو خلاص انسيّ الموضوـع اليوم الربوـع لا تضايقين خلقي ترى عندي اختبار بكرـهـ ..
الجازي ابتسمت ومسحت دموعهاا : طييب وين تبين نروح اليوم ؟!
العنود بتفكييير : امممممـ .. نروح عيد ميلاد عمّي نااصر ..
الجازي باستغراب : ليهـ عيد ميلاده اليوم ؟!
العنود : يسسسسس ..
الجازي ابتسمت وحاولت تتناسى الموضوـع وقالت : طيب بدلي وخلينا نروح نشتري هديهـ ـآوكـ ..
العنود وقفت : اوكـيكـ ..
الجازي : بس ما بنطول لان عندك كويز بكرـه
العنود ابتسمت بتضجر : اوووف طييب
وقامت الجازي والعنود بدلوـآآ ..
الجـآآزي لبست : برمودا جينز ازرق فاتح وبلوزة زرقا توب بدون سيور وفيها شرايط ع جنب وشعرها خلتهـ باف من قدام والباقي منسدل ع ظهرها ..
العنود لبست : بنطلون جينز غامق وقميص ثلاث ارباع فوشي برسوم ورود سودا وشعرها رفعته ببكله فوشيهـ وجزء منهـ منسدل ع ظهرها ..
وراحوا شروـآآ هديهـ لنـآآصر وبعدين توجهوـآ لبيت جدتهمـ ..
( ملحوظهـ صغنونهـ :: الجازي والعنود يصيرون بنات خال كادي .. وبنات اخو مها وناصر )




رزان متمدده ع سريرها وتناظر السقف وتفكر ..
جا لها رائد بخوف وقال : رزاان ،، رزاان ..!!
رزان انتبهت لخوف رائد : نعمـ شصاير ؟!
رائد بدموـع : كسرت لاب توب فيصل وانا مدري :'( اللهـ يخليكـ قولي لهـ لا يضربني .. اهئئ ..
رزان ضمت رائد تهديه : خلاص حبيبي لا تخاف ما بيسوي لكـ شي .. انت روح اعتذر منه وانا بجي معك طيب ..
رائد ناظر بعيون رزان اللي حسسته بالامان : طييب ..





ريناد رفعت نظرها لساعه جدار غرفتها الورديهـ لقتها قريب الست ونص ..
سكرت ملزمتها وطلعت الصالهـ لقت عبد العزيز متمدد ع الصوفا ونايمـ وجنبهـ ملازمه ولاب توبه والدنيا عفسهـ ضحكت ع شكلهـ .. ورراحت لغرفهـ رونا ..
" طق طق "
رونا فتحت الباب : هلا بالطش والرش والبيض المفقش والماي الموجود بالغرش هلا هلا اختي وعزيزتي رنودهـ ..
ريناد فتحت عيونها على ـآخرهمـ : هلا ،، تكلميني ..
رونا بابتسامهـ : اكييد اكلمكـ .. رنودهـ طلبتكـ قولي تمـ ..
ريناد الحين فهمت ابتسمت : اهاا .. وانا اقول هالترحيب مو كذ1 اكيد وراه شي .. يلا قولي وخلينا نشوف .
رونا ابتسمت : ابي اروح المول مع شهودهـ اللهـ يخليكـ
ريناد بتفكير : طيب امممممممم انا ما بروح وياكمـ عبد العزيز هو بيروح اوك
رونا بابتسامه شاقة الوجهـ : اوكيكاات بعد بس خليهـ يوافق ..
ريناد وهي بتروح : طييب بروح اقول لهـ وانتي اصبري هنا ..
رونا هزت راسها بالايجاب اما ريناد فراحت لعبدالعزيز
رينااد وهي تحاول تصحي عبد العزيز : عززّوووز عزييييز .. وجع قووم بسكـ نووـمـ ..
عبد العزيز انقلب ع الجهة الثانيه : همممم .. ~> وبوووومـ .. ~> طااح ع الارض
ريناد مسكت بطنها من الضحكـ ،، اما عبد العزيز رفع راسه وهو يتثاوب : هاه!! شتبين ؟!
ريناد ومن بين دموع الضحك : لا بس خخخخخ ابيك توصل رونا وشهد للموول
عبد العزيز وهو يناظر ساعتهـ : طييب وبعدين ؟!
ريناد : لا بس ولا شيي ايييهـ صح لا تنسى تعدل شعركـ خخخخخ شكله يضحك خخخخخخخخخخخ
عبد العزيز ابتسم وقال : روحي قولي لرونا ربع ساعه عندها ع شان تتجهز وانا بنتظرها تحت بالسيارة ..
ريناد ابتسمت : اوكييهـ ~> ورااحت طيراان تبشر رونـآآ ..





رحييل حاولت قد ما تقدر تحبس دموعها وراحت المطبخ وتسندت ع باب الثلاجة ورفعت راسها لفوق وبكت : لييييهـ ؟! ليييهـ يااربي لييييييهـ اناا شسوييت لهمـ ليييييييهـ =( =( =(
بالصدفهـ .. مر ياسر وشافها تبكي .. ياسر استغرب : شفيك رحيل ..!؟
رحيل وهي تبكي : قلت لك ما احبهم مو لازم يجوون ..
ياسر فهم قصدها وقال : خلاص رحيل انتي اهدي وما بيصير الا الخيير
رحيل مسحت دموعها وعدلت شعرها ورجعت الصالهـ ..
ناظرتها بنت عمتها ع جنب وقالت : اكيييد كلمتي حبيب القلب .؟!
رحيل فتحت عيونها ع اخرهم : اناا ؟؟
غاادة بغرور : اكييد انتي واللي ع راسه بطحه يتحسسهاا ..
ياسر مر وسمعها وقال بصوت رجولي وجاد : غآاآاآاآاآاآدهـ !!

انتهى البارت الـآول وتوقعاتكمـ ؟!



[بتر فلاي]

..

الله الله الله الله

ابدآإع يـِآإ عيونني القمـِـِـيلهٌ

مرىآإ مرىآإ نـِـِـآإيسْ

لي عوده للقراءةْ


..

[الزعيـ A.8K ـمه]

,’



بسم الله


بدآية حلوة
و تنسيق يفتح النفس لـ القرآءة ^_^
لي عودة بإذنه تعآلــــى
يعطيك العـــآفية


موفقه إن شـــآء الله




,’

[ام العيون العسلية]

المشاركة الأساسية كتبها بتر فلاي

..

الله الله الله الله

ابدآإع يـِآإ عيونني القمـِـِـيلهٌ

مرىآإ مرىآإ نـِـِـآإيسْ

لي عوده للقراءةْ


..

تصلميي ع هالرد والمرور ..~

نورتي الروآيهـ ..!



وانتظروني في البارت القآدم
ويلا سلاموو
ام العيون العسلية