اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-04-2009, 07:13 PM
صورة حياتي ابتسامه الرمزية
حياتي ابتسامه حياتي ابتسامه غير متصل
©؛°¨غرامي فعال ¨°؛©
 
الافتراضي هروب من الواقع / بقلمي ،كاملة


بصراحه سأبدأ بكتابة قصتي التي نسجها الواقع ...وصنعها




لي بما هو افضع من الخيال ....




طبعا أكيد الأغلبية يمكن يقول مو واقعية...




لكــــــــــــــــــــن ااكد لهم الآن وبقسم لله العظيم ... انه




هالقصه واقعيه...و نشرتها لانها حدث هام بحياتي ..




في وقتها كنت طائشه لا اهتم ...والآن احسست بخطئي...




سأترككم مع القصة ( باللهجه السعوديه)....




الجــــــــــزء الأول:ِِِِِِِِِِِِِِِ


وش فرق

كلمات/المعنى
الحان وغناء/عبادي الجوهر



وش فرق وشفرق
لا حكى صمتي ونطق
لو تكلم عن مشاعر
عن هوى غايب وحاظر
لو يصيرالجرحشاعر
ينظم ابياته كواكب
وينثر احزانه مراكب
فوق شطئان الورق
وش فرق وشفرق
**
الألم هو الألم
وان غدى صوت القلم
وان لبس ثوب الحروف
أوتمثل في طيوف
أو سكب هالأه معنى
في شخوص وفي وصوف
الألم هوالألم
**
دايم الذكرى عذاب
والخطا باب الصواب
وليلي اللي اسهره
اولهمثل آخره
وسط غابه من الشموع
أحتفي بعرس الدموع
كل شي هادي وساكن
وحدتيوظل الأماكن
إيه ابي انسى ولكن
تعشق الذكرى الرجوع
تعشق الذكرىالرجوع






كان الضغط علي هذي الأيام واااااجد ...أمي شديدة علينا




بالحيل ...أبوي صح يغليني بالحيل بس كان دايم يساند أمي




علينا بالصح والغلط....طلعت فوق السطح كالعاده ....





***نعم ..لكي أهرب من واقعي


اخترتُ ملجأً لي (سطح المنزل)


لأني لم أجد مكانا يحتويني سوى ذلك السطح


الذي أتحدث به مع نفسي


أشكي الي من غربتي وأنا بين أهلي


أحب أن أرى السماء وأنا أبكي


نعم ان السماء تشعرني بقربي من الأمل البعيد


ان السماء تحسسني بالسعاده




كانت الأيام تمر بكآبه تخرجت من الكليه هالسنه قسم


جغرافيا بس ماحسيت بفرحة اهلي رغم درجاتي


الزينه..اصلا ماحسيت اني تخرجت...




طول الوقت تهزيئ وخناق..صحيح انا أكبر خواتي بس كنت


أكثر وحده مهمشه بهالبيت....


يعني مالي راي..ولا احد ياخذ بكلامي...


كنت اصيح وابكي بس (محد يمي) ...عزوتي خواتي


بهالدنيا....بس مالهم يد بحالتي..




هذا غير اشياء كثيره ...بس نتحمله ونسكت...


طفح الكيل وتعبت من هالوضع...ليا متى وأنا ساكته


مكبوته...


كانت علاقتنا بخالتي نوره جدا قويه (خالتي نوره هي صديقة


أمي من أيام الكليه و لهالحين ماشاالله ماتركوا بعض ولا


لحظه ..هم معلمات بس كل وحده بمدرسة)


وكان عندها بنات تقريبا نفس أعمارنا انا وخواتي


أشواق هي الكبيره عمرها (24)سنه


أماني في عمر حنين أختي (20) سنه


المهم انه طفح الكيل معي وصرنا نطلع كل يوم الصبح بحجة




انه حنا نبي نروح نشوف (وثيقة التخرج) حقتي طلعت ولا




لا ...مع اني عارفه انها ماراح تطلع الا




ب(15/8/1429هــ)




بس كنت اقول لأبوي ونروح مع أخوي ناصر الصغير باقي




توه ناجح من أول ثانوي لثاني ثانوي..


بقمة الفله...نرقص بالسياره...ونعلي صوت المسجل


عالأخير...




بيوم من الايام صحينا بدري ولبسنا بسرعه عباياتنا ونزلنا


....ونفس الكذبه (وثيقة التخرج)...(أبوي خذا فكره عن


الكليه انها اخس كليه) ....هم صح ثقال طينه بس مو


لهالدرجه يلعبون بنا كل يوم..




المهم ركبنا السياره مع ناصر...أنا وأختي سماح اللي


مرجوجه مثلي


وحنا متفقين مع بنات خالتي نوره من امس...وصلنا عند


بيتهم ونزلت سماح تصحي أماني وأشواق وأختهم الصغيره


منيره..ركبنا السياره ورحنا وقفنا عند بوفية ( الشـــام


)....أخذنا قبل مانوصلهم..حمص باللحمه..وتميس


وفلافل...وعدس..




نزلن البنات بسرعه واللي حوسته حوسه والنقاب حالته حاله


...مسرعات قبل اخوهن يشوفهن...


وركبنا وانطلقنا الى عالم الجنان والهبال...طبعا هذي أول


أيام ( الدجــــــه) ...وكانوا البنات منيره وأشواق وأماني


يعنني مستحيات من ناصر ولا يتكلمون عنده...


ومنيره هي أرج وحده بهن ...ومن يوم تكلم كلمه دقوها


خواته (انطمي...الولد قدام...اسكتي يا حيوانه....الخ)


المهم حطينا أغاني وقعدنا نرقص....




كنا حاطين أغنيه لفيصل الراشد حقت


الله يخلي هالمكياج


لبس الجيكره تاج


والصراحه مافيها احراج


لا ألو ولا ..باب فين


البنات يتفننون ..وباللبس يجننون


خلوا قلبي جنون جنون


لا ألو ..ولا بابا فين


والبيضا دايم تقول


شوهالخصر وشوهالطول


وانا فكري فيك مشغول


لا ألو ولا بابا فين..


والسمرا دايم تقول


انت عن قلبي مسؤول


وراح احبك على طول


لا ألو ولا بابا فين


وعااااااااشوا ايوه.....&&&


وطبعا البدايه دايم صعبه




نزلنا تحت المظلات اللي على طريق مدينة (.......)




المهم نزلنا تحت المظلات وقعدنا نفطر قامت منيرة تقامز




تبي تلعب بالملاهي الخشبيه (((يا قدمــــــــــــي)))




وتقوم هي وعباته تركض وأماني تصارخ عليها وجع




ارجعي أقول بسرعه ارجعي لا اجي اكفخك و.......




يا ...... بسرعه تعالي حنا على الشارع ومنيره بأعلى


صوتها طسي مابه أحد وتركض....ورجعت بعد خناق طويل


من أشواق وأماني...


رجعنا للبيت ...


ومع مرور الأيام صارت محطة طريق المدينه المنوره اللي




عند المزارع (أحلى ذكريات عمرنا)




كان عند هالمحطه الكبيره مقهى (كوفي ان)اسمه..دايم ناخذ




منه ..وخصوصا (كوفي توفي...آيس موكا) لأن سواته




غييييييييير..


طلعنا ذاك اليوم بس كانت منيره ماهي معنا (تعرفون الناس




الصغار يحكون ويزلون بالحكي أو بالأصح ممكن يهددوننا




عند أهالينا يمسكون علينا الغلطه...)




صرنا نحاول نكذب على منيره ونقول ماحنا طالعين ونتغامز




ونتفق ونطلع...من وراه..




طلعنا ومرينا على الكوفي حقنا ..(أظن الهندي حفظ أشكالنا




من كثر مانجيه)...>>>(بدوا طبوا لهم بتمره)




طبعا مااكذب عليكم كوننا حنا بالسعوديه وشهر (8) اكيد




الجو خيااااااااااااااالي رومانسي...




كان حررررر(صح به مكيف) بس حنا نزلنا من السياره




وقعدنا بحديقه قديييييمه من عام جدي ...به شوين




زرع...والحر ذبحنا وحنا ناكل اسكريم ونشرب قهوه (شف




مزاج البدو بس)


وقعدنا نتصور بالجوالات بعبياتنا...وقمت كبيت على أماني




شوين اسكريم...وتقوم تلحقن تبي تكب علي واركض




وانحاش ...(ياربي حرررررررررررررر) لحقتني لنص




الحديقه وتعبت اللي وراي .....وعععععععععععععععععع




ملتني وامتلت عباتي من ورى...كلها ايسكريم وسايل




...شوين بعدوا عنا أماني وسماح وكنا أنا وأشواق نمشي




وراهم..والا ينادوننا بسرعه تعالن..وكانت الأخت أشواق




ماشيه بصندل اللهم لك الحمد(حركاااات)





ولابسه الشراريب(وانتم بكرامه) حقت السيراميك حتى جلد




نمر


وأثريهن الأخوات يبوننا نجي عشان نغطس بالطين به طين




مليان قريب منهن...وغبصت به أشواق ...وقعدنا نضحك




علي صوتنا...وخلينا الشراريب ذكرى على نخله بالحديقه




...وصورناه حتى هي....ورجعنا واشكالنا ياسلام...




ركبنا السياره...وحطينا (CD)كان كله منوعات خرابيط شباب ووناسه


سماح قدام واللي يسوق نويصر اللي صار معنا اللحين بداية دجه....




وحطينا اغنية عباس ابراهيم وبأعلى صوت ...وبكل خبال




الدنيا .....اصارخ بأعلى ماعندي كأني أطلع هم كذا بصدري


(واااااااااااااااااااااااااااااااااااااااااااااااا اااااااااااااااااا) وهم يضحكون علي ...


سماح تطالع ورى علينا وتصفق وتضحك




ونويصر قمة الوناسه ولو انه يعنني (مستحي )




وأشواق واماني خلاص بدوا يتأقلمون مع نويصر


وتصفير وتصفيق


دواك عندي


دواك عندي .. والأظلم دايم البادي
والله لأوريك شي ٍ مابعد شفته ..
ماهو في صالحك .. يوم تجرب عنادي
الله من ريق ماينشف ونشفّته !



اييييييييوه ورا ورا عاشوا


فرقاك عادي ترى .. وأقل من عادي !
انا من الله كذا .. لا عفت احد عفته ..
مانيب من يتبع للمقفين وينادي ..
ياعنك مااقفيت .. ماعيني بملتفته!



وفكيت شعري وقمت أشوش وأشواق تصور


طوّفت لك .. لين شفتك حيل متمادي !
والحين ابرد لك كل اللي طوفته ..
بخلي عقلك بوادي ..وقلبك بوادي
وبيصادفك شي .. ماقد يوم صادفته ..



* كلمات - خالد المريخي
الحان - سهم
.



......طلعنا على خط المدينه ..كله مزارع..




كان المنظر غبي ....جينا على هالطريق كان كله مزارع




فاضي ...صح كان الجو حار بس مع هالوناسه نسينا


الحر....


سماح :ناصر الله يخليك ابي اسوق امانه مابه احد




ناصر:(مستحي)طيب اصبري شوي ..ادري يعنني عند


البنات مؤدب اخوي




أنا واشواق انحشرنا نبي (الحمام وانتم بكرامه)..




قمت قلت :ناصر وقف عند أي مزرعه بسرعه نبي حمام




ناصر:اصبري انتي خلاص اصبري




أشواق:ياويلي بسرعه




وقفنا عند احد المزارع كانت على السكه بس كان الشارع


فاضي


المزرعه كبيره وكله اعشاب...منظر رائع (صرنا نقول على


هالمزارع عقب انها سويسرا)


وكان به كذا كأنها غرفه قديمه مابه بويه ولا شي ..شكلها


للعمال حقين المزرعه... به خشب طايح وحدايد طايحه...


آلات صغيره ..كانت المزرعه مقفله بس نقزنا انا واشواق


نقز..ودخلنا وتصورنا كل وحده لقطت للثانيه صوره (مين


قدنا يعنني قاعدين بسويسرا)


شوين يوم دخلت أشواق تبي تدور مكان مدسوس ....بس


جت البسـّه...وقعدنا نركض ونضحك وطلعنا من المزرعه


على السكه وحنا نضحك ...وعقب ماطلعنا...أثري سماح


تسوق ولابسه شماغه وناصر يبي يوقفهم ووكل ماقرب يبي


يفتح الباب تسرع وتروح عنه...ومرتزات هي وأماني قدام...




آمال وأشواق :وقفوا لنااااا هييييييييييه




ناصر: يضحك ويركض وراهن وقفن




أماني بالسياره:لا لا ياسماح طنشي أمانه طنشييييه...وقفي




ايه ...


ويوم قرب ناصر




أماني :يالله يالله امشي


سماح وأماني :ههههههههههههههههههههههههههههاي




بعدين قعدنا نلحقهم انا واشواق ...هيييييييييييه وقفوا وجع




وقفو لنا...اصلا ماعاد بنا حيل...




ووقفوا لنا ورجعنا...




مع مرور الايام ...وهالجمعات والطلعات ....صرنا مانفترق




تقريبا طول اليوم...ورفيقنا طبعا (ناصر مايغيب)




كنا حتى بالليل (أقصد أخر الليل)عقب ماينامون اهلنا نقوم




على الساعه ثلاثه ونروح للبنات ويودينا لهم نويصر...طبعا




هم يكونو عندنا اصلا بس نوصلهم ونقعد معهم وش رايكم...





طبعا بيوم من الأيام فكرنا أنه نسافر لوحده من المدن القريبه




من مدينتا ...وهذي المدينه ساحليه هي أصلا (محافظه) بس




رائعه...


على البحر...وهذا اللي حنا نبيه....فكرنا ...وقررنا...بأس

وقت ممكن..

أرسلت لأشواق اللي أرسلتْ لي قبل انها متردده بالرحله




والمخاطره القويه هذي ...لكن بعد ماصارت لها مشكله




بالبيت أرسلت لي الساعه 1 بالليل تقريبا....خلاص قررت


اننا نروح وحنا مستعدين..


.


عاد انا ماحبيت اني أفكر بالموضوع أصلا (من


الدلاخه)...عشان انا داريه اني لو فكرت بالعواقب (وانه لو


اهلي دروا بيدفنوني حيه)...فحبيت اروح وانا دافنه عقلي ....


هذا ان كان لي عقل وقته....


استعدينا ...بس دسينا (خبينا) الموضوع عن حنين ...وعن


منيره..


طبعا أكيد راح تسألون ليش حنين مو معنا بالأحداث ...صح


حنين هي الوسطى بيني أنا وسماح بس كانت حنين جدا


عاقله




تفكر دايم بالعواقب...وتنصحنا ..وتخانقنا....باختصار




كانت عكس (الخبلا ت آمال وسماح)




دبرنا الخطه ...وقلت لأمي اني بكره رايحه للكليه عشان




الوثيقه( يا هالوثيقه اللي معيّه تخلص) وقبله ابي اروح




لأشواق افطر عنده وهي بعد تبي تروح معي...




الأم:اشوفه طالت وشمخت ....وش رايك تسكنين بالكليه انتي


وأشواق!!


آمال :طيب وش أسوي هذي وثيقتي مستقبلي (ياهوه خايفه


بالحيل)


الأم: مو تطولين ماهي شغله الوثيقه ارجعي بسرعه


فاهمه؟؟؟؟؟


(وبنظره حاده)


آمال : أبشري (طبعا بس طلعت من غرفة أمها مسحت كل


الكلام حق أمها هذا اذا كانها انتبهت له أصلا )




انتظرنا البيت لين كلهم ناموا....بس كانت حنين تراقبنا


مراقبه قويه...


كانت تذكرنا بأمي وأبوي مجتمعين(اثنين في واحد)




آمال :ياللا أمشي معنا يا حنين هذي مغامره ماتنفوت




حنين:لين الحين ماانجنيت ولاني بايعه عمري




سماح :ياللا يا آمال بسرعه خلينا نخلص جهزي


الأغراض(سماح غاسله يدها من حنين)




حنين تطالع بنا بكل احتقار...وتقول الحمدلله والشكر


(حسستنا انه حنا متخلفات)




بس أنا وسماح طناااااااااااش ...المهم نسوي اللي بروسنا...




اتصلت على أشواق




آمال:هاه أشواق تجهزتوا؟




أشواق:ايه ..بس متى بالضبط نطلع




آمال:على الساعه 5 الفجر احسن وقت عشان نوصل على


طلعت الشمس


أشواق:طيب..بس أشوف وضع امي لانه تخبرين ماتنام الا


عقب الصلاه


آمال :طيب


أشواق:مع السلامه


آمال :مع السلامه هلا


خذيت الشنطه حقت اليد بس كانت كبيره حطيت فيها أول


شي دفتر صغير وقلم ..(عشان كنت مخططه ان صار شي


أكتب وصيتي ) وحطيت بعد ملابسي جنز وبلوزه


ومنشفه..طبعا ماسوينا قهوه ولا شاي عشان اهلي


مايحسون..ونبي نطلع بسرعه...


سماح:ماشاالله الاخت ماخذه ملابس تبيت تسبح بعد


آمال :وش رايك يعني اكيد...بعدين حتى لو ماسبحت لازم نتغطس يالعنز


سماح :اقول امشي يالله بس ترى ماحنا متأخرين..ساعه ونرجع


آمال :هيه يا حليلك كل هالمشورا عشان ساعه بس ...خبله انتي ...لا نقعد لين 11 ونرجع كلها ساعه ونص وحنا راجعين ماهي بعيده


سماح :اقول امشي بس


وقبل نطلع كانت حنين قاعده على كنب الصالة تحذرنا


بنظراته ..


سويت نفسي ماني فاهمه




آمال:حنين عشتي لاتنسين تطمنيننا زي ماوصيتك لا صحي أبوي علمينا ودقي علينا وبعدين حاولي تصرفينه..ومن يوم يسأل قولي راحوا للكلية عشان الوثيقه..وقولي توهم طلعوا متى ماسأل..


حنين:خلاص طسي فهمت


كنا الساعه خمسه الا ربع جاهزين ....شايلين اغراضنا


وطلعنا...من البيت بكل هدوء (يلعن أم الثقه واخواننا الكبار


وابوي اللي دايم يصحي بالليل يتفقد)




بكل ثقه طنشنا كل البيت وطلعنا....مشينا ..وأنا كلي فرح


وسعاده ....صح مغامره بس سبحان الله كنت سعيده..




دقت سماح على أماني


أماني :هلا (بصوت منخفض)


سماح :السلام


أماني:وعليكم السلام ...جيتوا...


سماح :ايه ..حنا بالطريق لا وصلنا ماحنا داقين بوري انغم لك واطلعن فاهمه..


أماني:اسمعي امي للحين ماتأكدنا من نومته ...هي دخلت تنام بس ماتأكدنا ...لفوا لفتين وادق عليكم لا خلصنا


رحنا بهالفتره أنا وسماح وناصر لسوبر ماركت كان قريب من بيت خالتي نورهوخذينا عصيرات وبسكوتات


(كيندر/كت كات/سنكرس/تويكس/اللي به دواير حمرا/.....)


عبينا الكيس وطلعنا....




لفينا بالشارع لفتين..




.ودقت أماني: يالله شوي وتعالوا بس نبي ناخذ مفتاح غرفة الحريم عشان نطلع من ذيك الجهه...


بس تستوي (الخليه) ونطلع ....ورحنا ووقفنا ..


***يغيّـــــــــم الهدوء في ارجاء الشارع..


بدأت الشمس تنذرنا بقدومها...


احب الفجر..أحب رائحته ..


وهاهي تبزغ لي ذكريات جديده


مع بداية يومٍ جديد بتاريخ


8/8/1429هــ


يوم /السبت


أتمنى يا صديقاتي لو أوقفت الوقت


لكي نكون معاً دائما..


وقفتُ أتأمل باب منزلهم


وبقلبي بكاء على أن هذا اليوم سيموت قريبا


سينتهي ..سيصبح في صفحة من صفحات الذكريات


التي تؤلمني ذكراها.....


ـــــــــ طلعن الحلوات من البيت ومعهن أكياس وحركات كثيره ـــــــ


إلا وراهن الأخت منيره أثريها صحيت يوم دريت الا البنات


يطلعن وركبت أشواق ...بس أماني واقفه عند الباب تتخانق


مع منيره


أماني :منيره ادخلي ياحيوانه يلعن هالخشه




منيره:وين طاسات هاه والله لأعلم أمي




أماني تسحب الباب بقوه...منيره أقول تقلعي




منيره بكل قوته (تفوووووووووه) وتقفل الباب




أماني ماتت من الضحك وركبت السياره...بدينا نرتب




الاغراض ورى بالمقعده الخلفيه ....وكانوا الحلوات جايبين




قهوه وشاهي وفطاير ...وخليه




يعني ياسلام كل شي حلو وكامل


بدأنا نبتعد عن المنزل


بدأت السماء تتفتح أكثر


لونها الأزرق الصافي


نسيم الهواء العليل


كانت ببالي آلاف التفاكير


ليس عواقب هذه الرحله


بل كنت أتساءل


أهذه آخر مره أرى بها هذا المنزل الذي


يحمل داخله ضحكاتنا


وبعض غباءنا


وطفولتنا البريئه


وأجمل ذكرياتنا


كنت أُمعن النظر في السكة المتعجرفه


علها تكون آخر مرة أعدو بها من هذا الطريق


نعم سأذكرك أيها المكان


لكن احساسي يقول لي انني سأذكرك في قبري الصغير


حاولت أ أُبعد هذه التفاكير من رأسي


وبدأت أتظاهر بالمرح


نعم انني مكبوته


أُريــــــدُ أن أفجّر طاقاتي


أريــــد أن أطير الى كل مكان


علني أّحس بمخالفاتي هذه...واختراقي لقوانين المجتمع
مايريحني

....انني أُحبك يا أبي كثيرا...
أرجوك ان لم أعد لاتغضب علي...
سامحني يا أبي ...
سامحني أرجوك
تمنيتُ أن أراك قبل أن أخرج
لكن هذا هو القدر....
بدأنا نعبر الطرق الوسيعه
صرنا نمشي بسرعه متجهين على طريق الساحل وكنا كلنا
فرحانين بس سماح اللي دايم جنيه به خوف فضيع
ومع انها دايم هي اللي فلاويه...إلا إنها هي اللي هذي المره
خايفه..مشينا بدينا نشوف اللوح حقت الطريق ...بدينا نبتعد
عن المدينه الفوضويه
بدينا نطلع بعيد عن عالمنا...وبدينا بمرحلة مغامرتنا
وبكذا انتهى الجزء الأول من القصة
ان شاالله ماراح أطول عليكم
وأتمنى ألقى منكم تعليقات عن مدى اعجابكم بالقصه
وشكرا لكم جميعا لقرائتكم القصه...\
أتقبل النقد بكل صدر رحب



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-04-2009, 08:11 PM
صورة ذاااوي الرمزية
ذاااوي ذاااوي غير متصل
©؛°¨غرامي مشارك¨°؛©
 
الافتراضي رد: هروب من الواقع...(قصةواقعيه لبنات هربوا من المنزل)


انتظرك في الجزء الثاني
هااااااا وما تطولين
ويسلمووووووو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-04-2009, 08:28 PM
مس حبربش مس حبربش غير متصل
©؛°¨غرامي جديد¨°؛©
 
الافتراضي رد: هروب من الواقع...(قصةواقعيه لبنات هربوا من المنزل)


ff0099حدها حلوه القصه ومغامره حلوه وأتمنى إجيني الجرأه واسوي نفس إلي سويتي بس خبرج الخوف ومايسوي ومشكوره على القصه الحلوه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 23-04-2009, 08:55 PM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد : هروب من الواقع...(قصةواقعيه لبنات هربوا من المنزل)




يؤؤؤؤؤؤؤؤؤؤؤؤ

مشاء الله ياقو قلبكم شلون سويتوا كذا

شكلها قصتكم حلوووه

ياليت تنزلين الجزء الثاني

وان شاء الله ماصار لكم شيء

بانتظارك



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 23-04-2009, 09:12 PM
مجنونة نيس مجنونة نيس غير متصل
©؛°¨غرامي فعال ¨°؛©
 
الافتراضي رد : هروب من الواقع...(قصةواقعيه لبنات هربوا من المنزل)


يسلمووووووووووو عالقصة وبليز متتاخريش علينا
تقبلي مروري... تحياتي: مجنونة نيس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 23-04-2009, 11:06 PM
صورة றş Zezσ }● الرمزية
றş Zezσ }● றş Zezσ }● غير متصل
©؛°¨غرامي جديد¨°؛©
 
الافتراضي رد: هروب من الواقع...(قصةواقعيه لبنات هربوا من المنزل)


يلا عاد لاتطولي تراني متحمسه ويالقصه

وان شاءالله النهايه سعيده

منتظرينك



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-04-2009, 12:06 AM
صورة ضـــناني الشـــوق الرمزية
ضـــناني الشـــوق ضـــناني الشـــوق غير متصل
©؛°¨غرامي جديد¨°؛©
 
الافتراضي رد: هروب من الواقع...(قصةواقعيه لبنات هربوا من المنزل)


صراحه شدتني القصه كثيراً

وكل ماقريت سطر اجد نفسي انتقلت للذي بعده

لاشعوريا

تعجبني القصص باللهجه العاميه

نتعايش معها بسرعه

يلا ننتظر باقي القصه

وإنشاء الله نهايه سعيده


...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 24-04-2009, 01:26 AM
صورة حياتي ابتسامه الرمزية
حياتي ابتسامه حياتي ابتسامه غير متصل
©؛°¨غرامي فعال ¨°؛©
 
الافتراضي رد: هروب من الواقع...(قصةواقعيه لبنات هربوا من المنزل)


مجنونةنيس وعلى شاطئ النسيان أشكركم جدا على تعليقكم والجاي باذن الله قريب انزله لكم يالغالين باذن الله....
(على شاطئ النسيان) قلوبنا والله وقتها ماتحس..احيانا تكون فيه ظروف تخلينا نطلع عن ارادتنا..يمكنلظروف او ضغوط نفسيه نبي نهرب منها...او يمكن تكون لحظات ينسى الانسان فيها نفسه ويستهل اشياء كثيره حتى لو كان يدري انه فيها موته....
وأشكركم جميعا...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-04-2009, 01:31 AM
صورة حياتي ابتسامه الرمزية
حياتي ابتسامه حياتي ابتسامه غير متصل
©؛°¨غرامي فعال ¨°؛©
 
الافتراضي رد: هروب من الواقع...(قصةواقعيه لبنات هربوا من المنزل)


(me) اشكرك حبيبتي على المبادره ...وبْذن الله ماني مطوله

أختي (ضنـــــــــــاني الشوق) أشكرك على هالشعور والقادم باذن الله أفضل...

شكرا على تواصلكم حبيباتي...وأتمنى لو عندكم نقد عادي تقولونه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 24-04-2009, 01:40 AM
صورة حياتي ابتسامه الرمزية
حياتي ابتسامه حياتي ابتسامه غير متصل
©؛°¨غرامي فعال ¨°؛©
 
الافتراضي رد: هروب من الواقع...(قصةواقعيه لبنات هربوا من المنزل)


مس حبربش وذاوي ...أشكركم على التعليق..وان شاالله انزل الجزء الجاي قريبا...

(مس حبربش) لا تجربين أحسن..


الرد باقتباس
إضافة رد
الإشارات المرجعية

هروب من الواقع / بقلمي ،كاملة

الوسوم
لبنات , المنزل) , الواقع...(قصةواقعيه , هربوا , هروب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : جمعتنا الصدف و فرقنا القدر بس / كاملة الاليت القدر روايات كامله - يتم نقل الرواية هنا بعد اكتمالها 1313 27-09-2014 12:46 PM
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1715 22-07-2014 12:52 PM
من لا يحطك تاج راسه و هو حي عساه لفراش المذله وسادة / بقلمي ![ яόσ7y..ţ‘3Łέeķ ]! أرشيف الروايات المغلقة - لعدم إكتمالها 55 31-12-2010 07:13 PM
رواية ورود في مزبلة الواقع تراهيييييب ارشيف غرام 2 18-04-2010 03:12 AM
الشبيه قصة اللي ماراح يقراها فضاع نصف عمره كامله (رفيقة القمر) أرشيف الروايات المغلقة - لعدم إكتمالها 41 22-09-2009 02:08 AM

الساعة الآن +3: 02:50 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم