اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 01-05-2009, 05:06 AM
صورة ][ جمآلي في خبآلي ~ الرمزية
][ جمآلي في خبآلي ~ ][ جمآلي في خبآلي ~ غير متصل
©؛°¨غرامي مشارك¨°؛©
 
بلغ حبيبك وقله باخدك منه / بقلمي


بسم الله الرحمن الرحيم
السلام عليكم ورحمة الله وبركاته

كيييف الحال اعضااااء
اتمنى تكونوا بخير^^

♪ ♪ ๑๑ஐ๑๑ بلغ حبيبك وقله بآخدك منه ๑๑ஐ๑๑ ♪ ♪

رواية من تأليفي
وبصراحه هذي أووول مرره آلف فيها رواية
حبيت احطها لكم هنا
عشان استقبل النقد عليها

بحط لكم أول جزء منها
واذا عجبتكم وشفت ردود كثيره
راح اكملها بأذن الله تعالى

♪ ♪ ๑๑ஐ๑๑ بلغ حبيبك وقله بآخدك منه ๑๑ஐ๑๑ ♪ ♪

نبدأ بتعريف بعض الشخصيات
عائلة ابو مشعل

ابو مشعل: اسمه محمد عمره 52 سنة عصبي وبنفس الوقت حنون طيب مررره وما يعرف يرفض طلب لأولاده وهذا طبعا شي ابد مو زين لانهم ماراح يعتمدون على نفسهم
طويل شوي قمحي عيونه بني فاتح وشعره بني وناعم

ام مشعل: اسمها سعاد عمرها 49 سنه عنيده بقووه وما عندها صبر اللي ببالها تسويه غصب طولها متوسط لاطويله كثير ولاقصيره مليانه شويه وبيضه وعيونها رماديه و لون شعرها كستنائي غامق

رنا: اكبر بنت..عمرها 29 سنة ومو متزوجه انانيه درجة اولى وما تفكر الا بنفسها وبالمظاهر الخارجيه طولها وسط بيضه وشقراء عيونها بنيه فاتحه ومليانه شويه

مشعل: الابن الاكبر ..عصبي ومتهور بقوووة وماعنده ولارقة بقلبة واناني بقوه ومراهق متأخر هع عمره 24 سنة جمييل ووسيم مره طويل ابيض عيونه عسليه وواسعه وشعره بني فاتح ناعم على لفة خفيفه على الاطراف عريض معضل على خفيف وخشمه طويل ومدبب مثل السيف بس معطيه شكل مررررره حلووووو


رنيم: بطلتنا هع .. عمرها 17 سنة جميييلة جداً ونعومه مره طويلة وضعيفه بشرتها برونزيه ولون عيونها بني غامق وفيها بريق يسحر اللي يطالع فيها وشعرها ناااعم حييل مثل الحرير لونه درجات الكستنائي مابين الغامق والفاتح طبيعي بدون ولا صبغة شفايفها صغيره ومليانه وعندها غمازة صغيره وحده على خدها اليسار تبان لما تبتسم مربووووشة مررره وهباال ونشاط زايد وذكية وعصبية ومتمردة وعنيييده حييييل بس مع ذلك قلبها حنووون وطيبه مررررره وخفيفة دم

احمد: اصغر واحد بالعيله عمره 9 سنوات طوله متوسط وضعيف وقمحي ولون عيونه عسلي ورموشه طويله شعرره ناعم مرره مثل رنيم وجل اهتماماته البلاي ستيشن والقيم بوي بس ذكي مره وعاقل

عائلة عبد الرحمن
ابو ريان: اسمه عبد الرحمن عمره 50 سنه عصبي بس يتحكم بعصابه حنوووون وطيييب مرررره
طوله متوسط ومليان واسمر ولون عيونه بنيه فاتحه

ام ريان: اسمها مريم عمرها 45 سنه طويلة وبيضه جسمها حلووو لون عيونها بني غامق
حنونه وطيبه وقنوعه بكل شي

ريان: الابن الاكبر ..عمره 27 سنة عصبي درجة اولى حنون على امه وابوه خاطب بنت عمه سلمى
مايحب معاملة اهله لأخته روان لانه بنظرهم مدلعينها واجد وفاتحين لها المجال بقوه
طويل واسمر وعيونه عسليه ورموشه طويله وخشمه طويل وشفايفه مليانه وشعره اسود كله على بعضه حلو

ماجد: الابن الاصغر عمره 22 سنة وسيم بمعنى الكلمه
ابيض طويل عيونه واسعه ورموووشه كثيفه وطويله لون عيونه رمادي وشعره اسود وجسمه معضل على خفيف
احن منه مافيه طييييب مررره وفرررري ومرجوج شوي



روان: البنت الوحيده..عمرها 18 سنة اول سنة جامعه..طولها متوسط مليانه بس جسمها مررره حلووو بشرتها برونزيه ولون عيونها بني فاتح وواسعه ورموشها طوال شعرها اسوود ناعم جذااااابه وكل مافيها جذاب
دلوعه شوي بس دلعها حلووو طيبه وحنونه ومتمرده
وكل شي عندها فري


عائلة عبدالهادي
ابو متعب: اسمه عبد الهادي عمره 40 سنة طوويل وابيض وله هيبة عيونه رماديه واسعه
كلمته تمشي على الكل وله احترام كبير عند الكل
حنون مررره بس مايطلع حنانه الا بأوقات قليله
همه شغله وتوفير العيشه الزينه لبناته الاربع وزوجته

ام متعب: اسمها هناء اسم على مسمى..عمرها 35 سنه بيضه وقصيره ورشيقه مررره جميلة جدا عيونها زرقه وواسعه ورموشها طويله وشعرها اشقر
حنونه على بناتها وعلى الكل وهادئه مره

علا: البنت الكبيره عمرها 25 سنه قصيره وضعيفه عيونها رمادي وواسعه شعرها اسود ومجعد
دلوعه ومغروره شوي
وماتحب الهبال والدجه

سلمى: عمرها 22 سنة مخطوبه من ريان جمييله وجذابه مررره طويله وضعيفه وبيضه عيونها زرقه شعرها اشقر مثل امها
حنونه وطيبه وهادئه مره بس ذكيه حييييل وشخصيتها قويه

رهف: البنت الوسطى عمرها 18 سنة طويله ومليانه شوي بيضه عيونها بني غامق مررررره جميييلة
ابتسامتها تذوووب وعندها غمازات على الخدين ماتبان الا اذا ضحكت او ابتسمت
مربوووشه مررررره وهباال على طوووول
حنونه وطيبه وخفيفة دم وخجوله

ملاك: عمرها 17 سنه جذاااااااابه حييييل طويله وبيضه ومليانه شوي رموووشها طواال وكثيفه وعيونها بني غامق وواسعه وشفايفها كبيره شوي وملياااااااانه ولونها وردي
مربووووووووووشة مثل رنيم ومهبوله مثلها
عصبيييه ومتمرده ومايهمها احد

ملاحظة: لقب ابو وام متعب كنية فقط لانهم ماعندهم ولد

عائله سالم

ابو خالد: اسمه سالم الاخ الاصغر لـ محمد وعبدالرحمن وعبد الهادي
عمره 38 سنة طويل ومليان بس على خفيف اسمر عيونه عسليه وشعره اسود وناعم
حنون وطيب ومتفهم مرررره

ام خالد: اسمها ناديه عمرها 32 سنه جميلة وناعمه طويله وبيضه ومليانه وعيونها بنيه غامقه وشعرها اسود
عصبيه مررره وتحب المظاهر كثير وتشتغل مدرسة جغرافيا لمتوسط

ساره: البنت الوحيده عمرها 17 سنة ناااااعمه مررره وجذااابه طولها متوسط لاقصيره مره ولاطويله مره
ضعيفه شوي
سمره عيونها بني غامق شعرها اسود طويل ورموشها طوال وعينها مرسووومه رسسسم تذبح
خشمها طويل ومكور بالنهاية مثل الطائره<<ام حق وصف تراني ما عرف أوصف عدل خخخخ
مربووشه ومهبووووله حالها حال بنات عمها هع هع

خالد: صغيير عمره 3 شهور فقط

العمة الجازي
عمرها 18 سنة
عايشه مع أمها بالبيت الكبير
مربووووووشة حييييييييييييييييل مثل بنات اخوتها
جميييلة مررره وحنوونه
طويله وبيضه وعيونها عسليه وواسعه
شعرها نااااااعم واسووود
وعندها غمازتين على الخدين
زايده جمالها اكثر
دلوعة اخوتها وما ينرفض لها طلب
فيها عناد خفيف وتمرد
بس على عقل ورزانه

الجدة: اسمها العنود خفة الدم كللللها فيها
وحنوووونة حيييل حيييييل
تحب اللمه والدجه وهبال بنات أولادها وبنتها
منوت حياتها تشوف عيالها كلهم مبسوطين وعايشين حياتهم بسعادة



وبقية الأشخاص راح نتعرف عليهم مع الأحداث


نبدأ روايتنا
****
في تراب ارض الوطن السعودية الحبيبة وبالتحديد في أحظان الشرقية كانت الشمس ساطعة والأجواء تمييل للرطوبة والدفء وكانت الطرقات تعج بالسيارات والضجيج كلن يبي يوصل لبيته يتغدى ويعم بهدوء وراحة بعد أن انتهت الدوامات وانتهت الدراسة وابتدأت العطلة الصيفية

في منزل أبو مشعل كانت الأجواء هادئة والسكينة تعم المكان
فجآآآءة انفتح باب الصاااله بقوووووة يتبعه صرررريخ:
رررررررررررررررجعتتتتت آليووووم آلآربعآآآآء آخيييرآآآ يآآآآآآهووووووووووووو.....
: وجع توجعك يالمربوووشه خلعتيني وطيحتي قلبي من هالصررريخ مجنونة أنتي ماتفهمين
وش بلاك ليه كل هالصريخ؟!
: يممممممه لاتخربينها علي خليني مبسوووطة آخيييرا بفتك من هالعله المطعسه ماورى علي جات الآجازة هيهيهيهي<<ضحكة شيطانية
أم مشعل: وش مطعسته ..الحمدلله والشكر قومي يمي الله يهديك بدلي ملابسك وصلي وخلي عنك الجنون وتعالي تغدي ناطرينك تجين بس..

:رنمووووووووووووه يالدوووبه تعالي هنا وين موديه شباصتي الورديه بسرررعه ابيها وراي عزييييمة بعد ساعه

رنيم وعرق اللقافه مشتغل: اش عزيمته يالصمخه وليه ما قلتي لي اجي معك؟!
:فاضية لك اخد معي وحده مجنونه ما بقى إلا هي
أقول خلصيني وطلعي الشباصة

رنيم بنذاله: دامك كذا خلك طسي ماني مطلعتها لك...وحرررررررررررررررررررررره على قليبك...
وعطتها أحلى تفحيييطه وعلى غرفتها على طول وقفلت الباب عليها

: هييين يالمصفوووقه ان ما وريتك

يممممممممممممممممه..تعالي شوفي بنتك المجنووونة لااذبحها لك

أم مشعل بتأفف: اففف انتي معها مو فاضية لكم
وانتي من جدك حاطه عقلك بعقل هالمجنونة
يمي يا رنا الله يرضى عليك شوفي لك غير هالشباصه ومشي حالك بلا وجع راس ترى ان سمعكم ابوكم لايصفقك انتي معها

رنا بتأفف ووعيد وقلة حيلة: افف طيب بس براويها شغلها المره الجاية..

وطلعت الثانية على غرفتها وأم مشعل راحت للمطبخ تشوف الغدى

♪ ♪ ๑๑ஐ๑๑ بلغ حبيبك وقله بآخدك منه ๑๑ஐ๑๑ ♪ ♪

في مكان ثاني وتحديداً ببيت العم عبد الرحمن
كانت الدنياا قايمه فوق تحت
وحرب بين روان وريان

ريان وهو ماسك اخته من رقبتها ولاوي يدها : ان ماوريتك يالهطله نجوووم الليل بعز الظهر ماكون انا ولد امي وابوي

روان وهي شادة شعر اخوها وطايحة فيه رفس: آآي يالنعجه اتركني يالمتخلللف يمممممممممه يببببببببه لحقووو علي شووفووا ولدكم بيذبحنييييي

سمعت أم ريان صراخ بنتها و جات تركض مفزووعة ولما شافت المنظر صرخت صرخة وقامت تحاول تبعد ولدها عن اخته لا يقتلها وهي تستنجد بأبو ريان :
...اتركها يمي اتركها وش لك ابها خلي اختك بحالها كافي يمي كافي
يابوو ريان الحقني تعال شوف ولدك

أبو ريان بصرريخ خل الكل يوقف مكانه من قوته: رياااااااااااااااااااااااااااااااااااااااااااااان. .
ماقلت لك لا تلمس اختك مره ثانيه
هذا وانا حي و انت تسوي كذا و شلون اذا مت عز الله فلحت

ترك ريان اخته وهو متضايق من طاري الموت: يبه لاتقول كذا الله يطول لنا بعمرك..
بس بنتك الغبيه ما تخلي احد بحاله ساكتين لها ومخلينها تاخد راحتها تعلي بصوتها وتقل احترامها على اللي اكبر منها

روان وهي تأن من الآلم وحاطه يدها على رقبتها: لان اشكالك ماتستحق الاحترام..ياكلب شوهت رقبتي ..يبه شوف اش سوى فيني

ام ريان: حسبي الله عليك يا ريان شوهت اختك وهذي وهي اختك الوحيده

ابو ريان: خلاص يا بنتي هدي كلها ساعتين ويختفي الآثر
وانت يا ريان مره ثانيه ان شفتك ماد يدك على اختك لأتصرف معك تصرف ثاني فاهم
فارق عن وجهي

ريان بعصبية وهو يطلع من البيت: هذا انتم ما يهمكم الا هالدلوعه هذي كأن ماعندكم غيرها..

وصفق الباب وراه

روان: باللي ما يحفظك

طالعها ابوها بنظرة خلاها تبلع ريقها وتمشي لغرفتها وهي تون

تنهد بضيق وقال وهو يطالع بأم ريان: أولادك يا مريم بيعجلون علي بسواتهم ياخوفي بعد ماموت يروح حق هالبنت والسبه هالعله ريان

أم ريان والدموع تارسه عينها: الله يطول لنا بعمرك يا عبد الرحمن بعد عمر طويل ان شاء الله..الله يهديه بس
تعال رتاح هنا وبجيب لك قهوة تروق عليها

..........................................

اتصلت روان على رنيم وقالت لها اللي صار مع اخوها



رنيم: الله يقطع يده ويشلها قولي آمين ..هالحقير قايلة لك هذا عدو ما هو بأخ الله ياخده

روان وهي تبكي: الحقير شوه لي رقبتي ولوى يدي كله عشان أني خانقته ع المكان بس

رنيم: اتركينا منه وتعالي لي اليوم عشان نروح لبيت عمتك الجازي مسوية حفلة صغنونه بمناسبة انتهاء العطلة هع هع

روان بفرحة : الله وناااااسه اوكي بلبس وبتكشخ وبمر على ملاك ورهف وبنجي لك اوكي

رنيم : اوكي يا قلبي انتظرك وانا بدق على ساره اشوفها يلا تشاو
روان: تشاو

سكرت رنيم من روان ودقت على ساره وقالت لها عن الحفله
واتفقوا انهم يمرون عليها وياخدونها معهم

............................



في البيت الكبير
كانت الجده جالسه بالصاله وتفرفر بالتلفزيون
من محطه لمحطه

والخدم من حولها يرتبون المكان
عشان الحفلة

الجدة تصارخ على الشغاله: وخرري عن التلفزيون وجعه توجع ابليس
ما تشوفيني اتابع هالمسلسل
وليه كل هالحوسه هذي هاه

الجازي بدلع على ربشه: يممممه مو انا قلت لك اني بسوي حفلة بمناسبه انتهاء العله المطعسه
وش بلاك يالغاليه نسيتي

الجده: يووه اي والله نسيت ..وش هالذاكره اللي علي طيب دام اني ذكرت بقوم اجهز نفسي واتكشخ<<فررري الجده فديتها هع

الجازي وهي حابسه ضحكتها: يمه وشهو له التكشخ تراها لمة بنات بس
يعني هبال ورقص وعوار راس وش لك به

الجده: ما لي دخل فيك انا متعوده على خبال وهبال بنات اخوك
ياحليلهم والله جلستهم ترد الروح
وبعدين دام فيها رقص مره وحده اعلمهم شلون يرقصون
بدال هالتنقز والتنطط اللي بلا فايده

الجازي ماقدرت تحبس ضحكتها اكثر وضحكت بصوت عالي
الجده: وجع خرعتيني عسى بلاعيمك البط
وشهو له كل هالضحك

الجازي ودموعها تارسه عينها من كثرة الضحك: لا يمه سلامتك اخليك تجهزين وانا بروح اجهز نفسي.. يلا تشاو يالغاليه

الجده ببرائه: يرحمك الله يمي
الجازي بستغراب: متى عطست انا يمه؟!!
الجده: توك عاطسه يمي
الجازي بضحكه: ههههههههه يمه انا قلت تشاو يعني مع السلامه مو عطسه الله يهديك
الجده: وبأي لغة هذي بالله؟!
الجازي : يمه هذي كلمة ايطالية
الجده: والله انهم يلعبون عليكن وانتن مصدقينهن
الجازي وهي فاطسه ضحك: هههههههههههههههههههه يلا يمي تشاو
الجده : تشاو يمي<<فديت هالتشاو هع


ومشت الجازي وهي تضحك على أمها


بعد مرور ساعتين
اكتمل الحظور في البيت الكبير وبدأت الحفلة

رنيم: هايووووووووز قلبووو عمتي الهبله زيي
الجازي: وجع رنمووه هااايااااتوووز بيك زوود

ملاك: اقول وخرو انتي معها طايحين لي تحضن وتبوس ماكنكم شايفين بعض امس

الجازي: صاقعه تصقع عينك وانتي وش عليك انا وبنت اخوي حرين

ملاك تضحك بضحكه شيطانيه وهي تقرب من عمتها الجازي وترفع حواجبها وتنزلها: هيهيهيهي اقول جهزتي العده ولا

الجازي وهي تطق صبع: افا عليك كل شي بالصاله

روان وساره ورهف بصوت واحد: واحنا مالنا رب مالنا سلام ولا شفتي حبايب القلب ونسيتينا

الجازي بضحكه: اقول لايكثر انتي معها ويلا ع الصاله امي هناك

رنيم وملاك فقعوا عواينهم ناحيه عمتهم وفتحوا افواهم بدهشه: هاااااه جدتي بتجلس معنا!!

طالعوا بعض وابتسموا ابتسامة شيطانية وكل وحده عطت الثانيه كفك: ونااااسه بنستهبل عليها هيهيهيهي

الجازي : تراها مستانسه انكم بتجون وتقول بتعلمكم الرقص السنع مو مثل رقصكم تنقز وتنطط خخخخ

روان: ههههههههههههه سبتهم ويوووووو
رهف : هههاااهاااااي غسلوا شراعهم
ساره: اقول تراها تقصدنا كلنا مو بس هم يعني لا تفرحون واجد خخخخ

ملاك ورنيم مشتعلييين ناااار من استفزاز روان ورهف لهم
وتوهم بيبدوا الهجوم الا والجازي تسحبهم لداخل

دخلوا الصاله
وكل وحده باست راس جدتها

ساره: الله وناااسه كشخه جدتي طالعه قمر بسم الله عليك
الجده بحياء: ويه يا بنيتي تسلمين لي..لازم اكون كشخه عشان اطلع قد المقام

رنيم وملاك على طووووووول استلموا جدتهم

رنيم: ماما عنوده وش لابسه لك وش حاطه على راسك
ملاك: يؤيؤ عنووده تطورت وصارت تلبس مثلنا

الجده بعصبيه: يالمصفوقه ..هذي ورده يالمهبوله ماتعرفينها..وانتي يامسودة الويه شنو تطورت شايفتني بوكيمون انا ولا من الديجتال..

ملاك ورنيم فقعوها ضحك : هاهاهاهاهاهاها

رنيم: ماحد خاربك والله الا هالبوكيمون وهالديجتال
ملاك: خلها عليهم احسن من انها اتابع لنا كوري ولا تركي ولا مكسيكي خخخ

الجده وهي تدق على صدرها بفخر: افا عليكم انا اعجبكم شايفه لكم مسلسل كوووري يجننن والبطل ياويلاه عليه يهبلللل..والله انه احسن من جدكم رحمة الله عليه<<اطلب واتمنى ولن تلقى البديل هع هع

رهف وروان وساره بشهقه: يمه قليبي..شنو اسمه جدوووه
الجده بتفكير: والله مادري وش اسمه

ملاك ورنيم بصوت واحد: هي انتوووا عيييب شنو اطالعوون بشباب مالت عليكم من زينهم بس<<<طبعا ملاك ورنيم من اشد الناس كرهاً لجنس التماسيح هع هع

الجازي: هيه هيه انتي معها خلنا نبدي الحفله لو نتابع هالمخابيل عز الله فلحنا

وبدأت الحفله كلها رقص وهبال وخبال

في مكان ثاني ونفس الوقت
مشعل وماجد كانوا جالسين بستار بوكس بمجمع الراشد

مشعل: ياويلااااه شف شف هذيك ام الطرحه الذهبيه ياويلاااه على عينها تذبح

ماجد: اي والله انك صاادق خلاص لي انا حجزتها قبلك
مشعل: لا والله انا شايفها قبل

ماجد: خلاص خلاص شوي وتذبحني خدها مالي بها من زينها وع
مشعل: توك تقول بتاخدها

: لو سمحت
لف مشعل لمصدر الصوت بسرررعه البرق: يالباه هالصوت
: تسلم .. آآ ممكن اجلس معكم شوي
ماجد: لا مو ممكن

مشعل كفخ ماجد على راسه بدون مايلتفت له
ماجد: آي وجع

مشعل: ايوا اكيد تفضلي
: لا شكله خويك مو موافق خلاص مو لازم
وتوها بتمشي

الا ومشعل يوقف: خلاص هو مو موافق خلنا نجلس هناك بهذيك الطاوله

وراح وترك ماجد لحاله
ماجد: مسود الويه اللي مايخاف ربه تركني لوحدي الخايس

خلني ادق على وحده من هالمهابيل تشوف لي صرفه

دق على اخته روان ما ردت عليه
ودق على رهف ما ردت

:افففف يا ربي وش فيهم هالخبلات
يالله امري لله مالي الا الهبله رنمووه
الله يعينا على التهزيئ اللي بنحصله

ماجد: آلو
رنيم بصريخ: وجع توجع هل آلو وش تبي انت داق
ماتدري اني ماكلم شباب

ماجد: وجعه توجعك من زينك عاد
اقول اعطيني روان لو هي جنبك
رنيم بكذب: ماهي معي
ماجد بكذب: اقول بلا نمك انا بنفسي موصلها
رنيم بدون تفكير: نمااااااااااااك واكبر نماااك بعد
انا اللي جايبتها معي شلون انت جبتها
ماجد بضحكة خبيثه: هاهاها يعني هي معك انتي اعترفتي بعظمة لسانك
رنيم وهي موصله حدها لانه استدرجها بالكلام بدون ماتحس: ويعوووه اقول طس واذا تبيها تعرف رقمها تشاو
وقفلت الخط بوجهه

ماجد: ول ماعندها اخلاق كلش الله يعين اللي بياخدها داعيه عليه امه

خلني اشوف الهبله الثانيه ملاك مع انها اعظم منها

ودق على ملاك
بس رفعتها رنيم
رنيم: خييير انت ماتفهم اقول لك تبيها تعرف رقمها داق على بنت عمي ليه.. تغازلها يامسود الويه
ماجد وهو يبلع ريقه من الخلعه: يمه منك ناشبه لي بكل مكان

رنيم وهي تهاوش روان لان روان تبي تاخد السماعه من عندها: خليني بعدني ماخلصت وغسلت شراعه زين
وخري يالدوووبه وخررري

ماجد وهو فاطس ضحك: ههههههه خبلااات جد.. عندك وياها ماوصيك بالرفس خخخ اقول لايكثر واعطيني وياها

وبعد جهد عويص قدرت روان تخلص السماعه من يد رنيم

روان : هلا أخوي آمرني تدلل
ماجد: يالبى هالصوت انا
اسمعي جهزي نفسك انتي وهالخبلات واخدي معك عمتك الجازي انا بمركم بعد ربع ساعه عشان اطلعكم اوكي
روان بفرحه وعدم تصديق: جد!! وش الطاري
ماجد: لا عم..ايه اتكلم من جدي وبعدين رق قلبي عليكم مساكين ماحد يطلعكم قلت اسوي فيكم خير
روان: تكفى يارق قلبي..اقول يلا ربع ساعه واحنا جاهزين
ماجد:اوكي لاتتأخرين يلا تشاووو
وسكرت روان السماعه بدون ماترد عليه



روان: هيييييه اسمعووا مجوودي بعد قلبي بيطلعنا لأي مكان نبيه يلا اجهزوا بجينا بعد ربع ساعه

رهف وساره والجازي قامو يتنططون وهما يصارخون من الوناسه

رهف: ياقلبي مجوووودي بيطلعنا فديته بس

ملاك: وجع لاينهدم علينا البيت ..ويعني واذا بيطلعنا
غصبا عن خشمه مو طيب منه

رنيم: اي والله صدق هبلات اثقلوا مالت بس

الجده وهي تقوم من الارض بشويش بحكم السن: يالله ..يلا انا رايحه اجيب عبايتي

رنيم وهي تطالع بملاك بستخفاف: وهذي بكل شي حاشره نفسها
ملاك: اي والله..هي عنووده قلبووو من اللي عزمك معنا

الجده: وجع انتي معها ..انا ما حتاج عزيمه انا قبل قبلكم

الجازي: ههههههههه يمه من جدك بتجين معنا ..ترانا بنلفلف بالسياره وامكن تتعبين

الجده: تراني بعدني شباب مثلكم يعني اقدر اتحمل

ضحكو البناات كلهم بصوت واحد

ساره: ههههههههههههههه جدوه ماحد قال انك كبيره..بس حنا خايفين لاتتعبين

الجده وهي معزمه تجي معهم: ماعلي منكم انا رايحه يعني رايحه

ومرت ربع ساعه وماجد لسا ماجى

رنيم وملاك مشتغلين يزهقون الجده عشان تطفش وماتروح معهم

الجازي جالسه تفرج روان ورهف على موديلات واكسسوارات جديده باللاب

وساره تكلم صديقتها بالجوال

فجأءة دق جرس الباب
افتحته الشغاله
وكان ماجد توه جاي

ماجد: سوووري تأخرت عليكم بس زحمة الطريق زحمة
واطريت اداور واروح لشارع ثاني

ملاك ورنيم يطالعونه بنص عين: قصة حياته الأخ

ماجد بخوف: يمه

الجده: بسم الله عليك يمي ..انتوا اعقلوا عن ولد ولدي

ملاك: ايه من لقى احبابه نسى اصحابه
رنيم بكذب : اي والله..ولاكأن من ساع جالسين ندللها وندلعها ويا دهينا لاتنكتين..ومن شافت حبيب القلب تبخر كل هذا

الجازي: تصقع النمك ياااشييييخ..

ماجد: على بالك بصدقهم هالخبلات هذول
يلا يلا لا أغير رايي واهون وماطلعكم
ملاك: هذا اللي ناقص الاخ يهدد
رنيم: اقول احمد ربك ان بيركبون معك ملكات جمال يعني من قدك

ماجد يجاريهم : أي ماعله آسف عماتي يلا قدامي


وطلعوا كلهم وهيصووا وتونسووا وطبعا الجده معهم بس طول الطريق نايمه خخخخخخخخ

♪ ♪ ๑๑ஐ๑๑ بلغ حبيبك وقله بآخدك منه ๑๑ஐ๑๑ ♪ ♪


في مكاااان ثاااني وبعييييد جداً عن ارض السعودية
وبالتحديد بفرنسا

كان جالس وسط مجموعه من رجال الأعمال المهمين
يناقش فيها أمور الشركة اللي ناوي يأسسها

فجأة رن جواله واستأذن وقام طلع برا يكلم
: آهلين يمه آمري صاير شي
: لا يمي بس حبيت اتطمن عليك وأسالك عن موعد طائرتك
: بعد يومين يمه بس ليه تسألين
: يا وليدي عشان اسوي اللازم واعزم أخوالك واعمامك
ما يصير ما نقول لهم
: يمه لازم تغثيني يعني خوالي على عيني وراسي بس اعمامي وشهو له
: يمي عيب مايصير
: افف طيب يمه خلاص انا الحين مشغول اكلمك بعدين يلا اورفوار
: اورفوار يمي


من هذا الشخص اللي راح يوصل بعد يومين؟!!

وهل له علاقه ببطلاتنا؟!!
وشنو سبب كرهه لأعمامه؟!!



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 01-05-2009, 08:10 AM
صورة ][ جمآلي في خبآلي ~ الرمزية
][ جمآلي في خبآلي ~ ][ جمآلي في خبآلي ~ غير متصل
©؛°¨غرامي مشارك¨°؛©
 
الافتراضي رد: بلغ حبيبك وقله بآخدك منه //رواية سعودية من تأليف جمآلي في خبآلي


وااااااو!!
27 مشاهدة ولا رد !!
معقوله !
تهئ تهئ
يعني روايتي موب حلوووه
>_<



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-05-2009, 12:29 PM
قلبي سلم لك امرهـ قلبي سلم لك امرهـ غير متصل
©؛°¨غرامي مشارك¨°؛©
 
الافتراضي رد: بلغ حبيبك وقله بآخدك منه //رواية سعودية من تأليف جمآلي في خبآلي


mn aolha rhebh

ylaa nntdrk 3la a7r mn algamor ya 7lOoO



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-05-2009, 12:35 PM
همسه بلا لمسه همسه بلا لمسه غير متصل
©؛°¨غرامي فعال ¨°؛©
 
الافتراضي رد: بلغ حبيبك وقله بآخدك منه //رواية سعودية من تأليف جمآلي في خبآلي


الرواية خوقااااااااااق وتضحككككككككككككك .... يسلموووووووووو .. روووعه ..
ننتظرك بفاااااااااااااااااااااااااااااااااااااااااااااااا ااااااااااااارغ الصبر .. يجنوووون متحمممممسه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-05-2009, 01:51 PM
صورة بطوطهـ !لـ"ح"ـب الرمزية
بطوطهـ !لـ"ح"ـب بطوطهـ !لـ"ح"ـب غير متصل
©؛°¨غرامي مجتهد¨°؛©
 
الافتراضي رد: بلغ حبيبك وقله بآخدك منه //رواية سعودية من تأليف جمآلي في خبآلي


ReNoooooo
أنتي أكبر نصــــــآآبهـ هع
كيف تنزلي آلبـــــــآآرت وأنــــــــآآ مـــآ أدري خخخ


بس معليهـ هــــآآلمرهـ مســآمحهـ هع
بدآيهـ موفقهـ
وعلى فكرهـ أحس رنيم هبآلهـــــآآ مثلك هع
وفيه وحده مثلي بس مين مــــآ ركزت خخخ


وننتظر آلبــــــآآرت آلجآي ^^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-05-2009, 05:54 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: بلغ حبيبك وقله باخدك منه / رواية سعودية من تأليف جمالي في خبالي


,’



بسم الله
و عليكم السلآم و رحمة الله و بركآته


يعطيك العـــآفية
موفقة إن شـــآء الله



مية أهلين و سهلين


,’



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-05-2009, 06:15 PM
صورة رجـــــــــاوي الرمزية
رجـــــــــاوي رجـــــــــاوي غير متصل
©؛°¨غرامي مشارك¨°؛©
 
الافتراضي رد: بلغ حبيبك وقله باخدك منه / رواية سعودية من تأليف جمالي في خبالي


واااااااااااااو الروايه خقق
ننتظر البارت الياي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 01-05-2009, 07:44 PM
صورة ![جُنُوونُ طِفْلَة]! الرمزية
![جُنُوونُ طِفْلَة]! ![جُنُوونُ طِفْلَة]! غير متصل
©؛°¨غرامي متألق ¨°؛©
 
الافتراضي رد: بلغ حبيبك وقله باخدك منه / رواية سعودية من تأليف جمالي في خبالي


وااااااااااااااااااوالروايه جنان
سي يو


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-05-2009, 01:10 AM
صورة ][ جمآلي في خبآلي ~ الرمزية
][ جمآلي في خبآلي ~ ][ جمآلي في خبآلي ~ غير متصل
©؛°¨غرامي مشارك¨°؛©
 
الافتراضي رد: بلغ حبيبك وقله باخدك منه / رواية سعودية من تأليف جمالي في خبالي


تسلموووووون لي على هالمرور
اللي اضاف عى صفحتي جمال وروعه^^

واتمنى انها تعجبكم للنهايه وتتواصلون معاي

لاخلا ولاعدم منكم يااااارب

انتظر بقية الردود لتنير صفحتي
ولاتنسوا ردودكم كفيلة بأن تجعلني استمر وازيد ابداعاً ^^

ودي وسلامي



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-05-2009, 03:19 AM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: بلغ حبيبك وقله باخدك منه / رواية سعودية من تأليف جمالي في خبالي


رواية روعة

بانتظار البارت القادم

تحياتى


الإشارات المرجعية

بلغ حبيبك وقله باخدك منه / بقلمي

الوسوم
بلغ،حبيبك،باخدك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حبيتك أبوخزامى شعر - قصائد - قصايد - همس القوافي 5 09-10-2009 09:35 PM
أنا حبيتك إنت وش علي من الناس يا روحي suhail alkirbee منقولات أدبية 5 27-08-2009 08:54 PM
لا ليس قبلك بقلمي سومر العويسي خواطر - نثر - عذب الكلام 5 16-05-2009 08:35 AM
أميره بقلمي وحدااااااااااني خواطر - نثر - عذب الكلام 16 24-04-2009 01:33 AM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM

الساعة الآن +3: 08:20 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم